महासुभाषितसङ्ग्रहः

[[महासुभाषितसङ्ग्रहः Source: EB]]

[

महासुभाषितसङ्ग्रहः

०००१-१ अंशवस्तव निशाकर नूनं कल्पितास्तरुणकेतकखण्डैः ।
०००१-२ येन पाण्डुरतरद्युतयो नः कण्टकैरिव तुदन्ति शरीरं ॥

०००२-१ अंशुकं हृतवता तनुबाहु- स्वस्तिकापिहितमुग्धकुचाग्रा ।
०००२-२ भिन्नशङ्खवलयं परिणेत्रा पर्यरम्भि रभसादचिरोढा ॥

०००३-१ अंशुकमिव शीतभयात्संस्त्यानत्वच्छलेन हिमधवलं ।
०००३-२ अम्भोभिरपि गृहीतं पश्यत शिशिरस्य माहात्म्यं ॥

०००४-१ अंशुकेन जघनं तिरोदधे क चुकेन च कुचौ मृगीदृशां ।
०००४-२ पीयमानमनिशं प्रियेक्षणैः क्षामतामिव जगाम मध्यमं ॥

०००५-१ अंशुपाणिभिरतीव पिपासुः पद्मजं मधु भृशं रसयित्वा ।
०००५-२ क्षीबतामिव गतः क्षितिमेष्यंल्लोहितं वपुरुवाह पतङ्गः ॥

०००६-१ अंशुमानपि विपाकपिशङ्गं रूपमाप परितो दिवसान्ते ।
०००६-२ कः परोऽत्र न विकारमुपेयाद्ध्वान्तभीमपरिवेल्लितमूर्तिः ॥

०००७-१ अंशो दण्डसमः पूर्वः प्रयाससम उत्तमः ।
०००७-२ विलोपो वा यथालाभं प्रक्षेपसम एव वा ॥

०००८-१ अंशोऽपि दुष्टदिष्टानां परेषां स्याद्विनाशकृत् ।
०००८-२ बाललेशोऽपि व्याघ्राणां यत्स्याज्जीवितहानये ॥

०००९-१ अंसाववष्टब्धनता समाधिः शिरोधराया रहितप्रयासः ।
०००९-२ धृता विकारांस्त्यजता मुखेन प्रसादलक्ष्मीः शशलाञ्छनस्य ॥

००१०-१ अंसालम्बितवामकुण्डलधरं मन्दोन्नतभ्रूलतं किंचित्कुञ्चितक्ॐअलाधरपुटं साचिप्रसारीक्षणं ।
००१०-२ अलोलाङ्गुलिपल्लवैर्मुरलिकामापूरयन्तं मुदा मूले कल्पतरोस्त्रिभङ्गललितं ध्याये जगन्मोहनं ॥

००११-१ अंसासक्तकपोलवंशवदनव्यासक्तबिम्बाधर-द्वन्द्वोदीरितमन्दमन्दपवन्प्रारब्धमुग्धध्वनिः ।
००११-२ ईषद्वक्रिमलोलहारनिकरः प्रत्येकरोकानन-न्यञ्चच्चञ्चदुदञ्चदङ्गुलिचयस्त्वां पातु राधाधवः ॥

००१२-१ अंसेन कर्णं चिबुकेन वक्षः करद्वयेनाक्षि तिरोदधानां ।
००१२-२ संताडयामास हरिः समेत्य चकोरनेत्रां चलुकोदकेन ॥

००१३-१ अंहः संहरदखिलं सकृदुदयादेव सकललोकस्य ।
००१३-२ तरणिरिव तिमिरजलधिं जयति जगन्मङ्गलं हरेर्नाम ॥

००१४-१ अकण्टका पुष्पमही वेशयोषिदमातृका ।
००१४-२ मन्त्रिहीना च राज्यश्रीर्भुज्यते विटचेटकैः ॥

००१५-१ अकण्ठस्य कण्ठे कथं पुष्पमाला विना नासिकायाः कथं धूपगन्धः ।
००१५-२ अकर्णस्य कर्णे कथं गीतनृत्यं अपादस्य पादे कथं मे प्रणामः ॥

००१६-१ अकपर्द्दकस्य विफलं जनुरिति जानीमहे महेशोऽपि ।
००१६-२ शिरसि कृतेन कपर्द्दी भवति जटाजूटकेनापि ॥

००१७-१ अकरवमधिमौलि पादपद्मावपनय मानिनि मानितामकाण्डे ।
००१७-२ यदि पररमणीं गतस्तदाथ स्तनयुगलिङ्गयुगं स्प्र्शामि तन्वि ॥

००१८-१ अकरुण कातरमनसा दर्शितनीरा निरन्तरालेयं ।
००१८-२ त्वामनुधावति विमुखं गङ्गेव भगीरथं दृष्टिः ॥

००१९-१ अकरुणत्वमकारणविग्रहः परधनापहृतिः परयोषितः ।
००१९-२ स्वजनबन्धुजनेष्वसहिष्णुता प्रकृतिसिधमिदं हि दुरात्मनां ॥

००२०-१ अकरुण मृषाभाशासिन्धो विमुञ्च ममाञ्चलं तव परिचितः स्नेहः सम्यङ्मयेत्यभिधायिनीं ।
००२०-२ अविरलगलद्वाष्पां तन्वीं निरस्तविभूषणां क इह भवतीं भद्रे निद्रे विना विनिवेदयेत् ॥

००२१-१ अकरोः किमु नेत्रशोणिमानं किमकार्षीः करपल्लवावरोधं ।
००२१-२ कलहं किमधाः क्रुधा रसज्ञे हितमर्थं न विदन्ति दैवदष्टाः ॥

००२२-१ अकर्णमकरोच्छेषं विधिर्ब्रह्माण्डभङ्गधीः ।
००२२-२ श्रुत्वा रामकथां रम्यां शिरः कस्य न कम्पते ॥

००२३-१ अकर्णधाराशुगसंभृताङ्गतां गतैररित्रेण विनास्य वैरिभिः ।
००२३-२ विधाय यावत्तरणेर्भिदामहो निमज्ज्य तीर्णः समरे भवार्णवः ॥

००२४-१ अकर्तव्यं न कर्तव्यं प्राणैः कण्ठगतैरपि ।
००२४-२ कर्तव्यमेव कर्तव्यं प्राणैः कण्ठगतैरपि ॥

००२५-१ अकर्तव्येष्वसाध्वीव तृष्णा प्रेरयते जनं ।
००२५-२ तमेव सर्वपापेभ्यो लज्जा मातेव रक्षति ॥

००२६-१ अकर्मणां वै भूतानां वृत्तिः स्यान्न हि काचन ।
००२६-२ तदेवाभ्रिप्रपद्येत न विहन्यात्कथंचन ॥

००२७-१ अकर्मशीलं च महाशनं च लोकद्विष्टं बहुमायं नृशंसं ।
००२७-२ अदेशकालज्ञमनिष्टवेषं एतान्गृहे न प्रतिवासयीत ॥

००२८-१ अकलङ्कचन्द्रकलया कलिता सा भाति वारुणी तरुणी ।
००२८-२ भालस्थलीव शम्भोः संध्याध्यानोपविष्टस्य ॥

००२९-१ अकलङ्कान्तिके कान्तिः केति कालङ्कलङ्किनः ।
००२९-२ अरुणे तरुणे मस्या धावं कामयते शशी ॥

००३०-१ अकलङ्का पुलकवती सस्नेहा मुक्तकञ्चुकी श्यामा ।
००३०-२ पततु तवोरसि दयिता खङ्गलता वैरिणः शिरसि ॥

००३१-१ अकलङ्को दृढः शुद्धः परिवारी गुणान्वितः ।
००३१-२ सद्वंशो हृदयग्राही खङ्गः सुसदृशस्तव ॥

००३२-१ अकलितनिजपररूपः स्वकमपि दोषं परस्थितं वेत्ति ।
००३२-२ नावास्थितस्तटस्थानचलानपि विचलितान्मनुते ॥

००३३-१ अकलियुगमखर्वमत्र हृद्यं व्यचरदपापघनो यतः कुटुम्बी ।
००३३-२ मम रुचिरिह लक्ष्मणाग्रजेन प्रभवति शर्मदशास्यमर्देन ॥

००३४-१ अकलिलतपस्तेजोवीर्यप्रथिम्नि यशोनिधा- ववितथमदध्माते रोषान्मुनावभिधावति ।
००३४-२ अभिनवधनुर्विद्यादर्पक्षमाय च कर्मणे स्फुरति रभसात्पाणिः पादोपसंग्रहणाय च ॥

००३५-१ अकल्पः स्वाङ्गचेष्टायां शकुन्त इव पञ्जरे ।
००३५-२ अनुच्छ्वसन्स्मरन्पूर्वं गर्भे किं नाम विन्दते ॥

००३६-१ अकस्मात्प्रक्रिया न्

é

णां अकस्माच्चापकर्षणं ।
००३६-२ शुभाशुभे महत्त्वं च प्रकर्तुं बुद्धिलाघवात् ॥

००३७-१ अकस्मादपि यः कश्चिदर्थं प्राप्नोति पूरुषः ।
००३७-२ तं हठेनेति मन्यन्ते स हि यत्नो न कस्यचित् ॥

००३८-१ अकस्मादुन्मत्त प्रहरसि किमध्वक्षितिरुहं ह्रदं हस्ताघातैर्विदलसि किमुत्फुल्लनलिनं ।
००३८-२ तदा जानीमस्ते करिवर बलोद्गारमसमं सटां सुप्तस्यापि स्पृशसि यदि पञ्चाननशिशोः ॥

००३९-१ अकस्मादेकस्मिन्पथि सखि मया यामुनतटं व्रजन्त्या दृष्टोऽयं नवजलधरश्यामलतनुः ।
००३९-२ स दृग्भङ्ग्या किं वाकुरुत न हि जाने तत इदं मनो मे व्यालोलं क्वचन गृहकृत्ये न लगते ॥

००४०-१ अकस्मादेव कुप्यन्ति प्रसीदन्त्यनिमित्ततः ।
००४०-२ शीलमेतदसाधूनां अभ्रं पारिप्लवं यथा ॥

००४१-१ अकस्मादेव तन्वङ्गी जहास यदियं पुनः ।
००४१-२ नूनं प्रसूनबाणोऽस्यां स्वाराज्यमधितिष्ठति ॥

००४२-१ अकस्मादेव ते चण्डि स्फुरिताधरपल्लवं ।
००४२-२ मुखं मुक्तारुचो धत्ते घर्माम्भःकणमञ्जरीः ॥

००४३-१ अकस्मादेव यः कोपादभीक्ष्णं बहु भाषते ।
००४३-२ तस्मादुद्विजते लोकः सस्फुलिङ्गादिवानलात् ॥

००४४-१ अकस्माद्द्वेष्टि यो भक्तं आजन्मपरिसेवितं ।
००४४-२ न व्यञ्जने रुचिर्यस्य त्याज्यो नृप इवातुरः ॥

००४५-१ अकाण्डकोपिनो भर्तुरन्यासक्तेश्च योषितः ।
००४५-२ प्रशान्तिश्चेतसः कर्तुं ब्रह्मणापि न शक्यते ॥

००४६-१ अकाण्डध्र्तमानसव्यवसितोत्सवैः सारसैरकाण्दपटुताण्डवैरपि शिखण्डिनां मण्डलैः ।
००४६-२ दिशः समवलोकिताः सरसनिर्भरप्रोल्लसद्- भवत्पृथुवरूथिनीरजनिभूरजःश्यामलाः ॥

००४७-१ अकाण्डपातजातानां अस्त्राणां मर्मभेदिनां ।
००४७-२ गाढशोकप्रहाराणां अचिन्तैव महौषधं ॥

००४८-१ अकाण्डे वक्षोजस्खलितवसनव्यापृतकरं मृषा जृम्भारम्भोन्नमितभुजबन्धोन्नतकुचं ।
००४८-२ वृथा यातायातैः कपटकलितान्योन्यहसितं हरन्त्येताश्चित्तान्यहह जगतां वारवनिताः ॥

००४९-१ अकामस्य क्रिया काचिद्दृश्यते नेह कऋहिचित् ।
००४९-२ यद्यद्धि कुरुते किंचित्तत्तत्कामस्य चेष्टितं ॥

००५०-१ अकामां कामयानस्य शरीरमुपतप्यते ।
००५०-२ इच्छन्तीं कामयानस्य प्रीतिर्भवति शोभना ॥

००५१-१ अकामान्कामयति यः कामयानान्परिद्विषन् ।
००५१-२ बलवन्तं च यो द्वेष्टि तमाहुर्मूढचेतसं ॥

००५२-१ अकारणं रूपमकारणं कुलं महत्सु नीचेषु च कर्म शोभते ।
००५२-२ इदं हि रूपं परिभुतपूर्वकं तदेव भूयो बहुमानमागतं ॥

००५३-१ अकारणं व्याकरणं तन्त्रीशब्दोऽप्यकारणं ।
००५३-२ अकारणं त्रयो वेदास्तण्डुलास्तत्र कारणं ॥

००५४-१ अकारणाविष्कृतकोपदारुणात्खलाद्भयं कस्य न नाम जायते ।
००५४-२ विषं महाहेरिव यस्य दुर्वचः सुदुःसहं संनिहितं सदा मुखे ॥

००५५-१ अकारणेन विप्रेभ्यो यः कुप्यति नराधिपः ।
००५५-२ क्र्ष्णसर्पं स गृह्णाति शिरसा बलदऋपितः ॥

००५६-१ अकार्यकरणाद्भीतः कार्याणां च विवर्जनात् ।
००५६-२ अकाले मन्त्रभेदाच्च येन माद्येन्न तत्पिबेत् ॥

००५७-१ अकार्यप्रतिषेधश्च कार्याणां च प्रवर्तनं ।
००५७-२ प्रदानं च प्रदेयानां अदेयानामसंग्रहः ॥

००५८-१ अकार्यमसकृत्कृत्वा दृश्यन्ते ह्यधना नराः ।
००५८-२ धनयुक्तास्त्वधर्मस्था दृश्यन्ते चापरे जनाः ॥

००५९-१ अकार्याण्यपि पर्याप्य कृत्वापिं वृजिनार्जनं ।
००५९-२ विधीयते हितं यस्य स देहः कस्य सुस्थिरः ॥

००६०-१ अकार्ये तथ्यो वा भवति वितथः काममथवा तथाप्युच्चैर्धाम्नां हरति महिमानं जनरवः ।
००६०-२ तुलोत्तीर्णस्यापि प्रकटनिहताशेषतमसो रवेस्तादृक्तेजो न हि भवति कन्यां गत इति ॥

००६१-१ अकालचर्या विषमा च गोष्ठी कुमित्रसेवा न कदापि कार्या ।
००६१-२ पश्याण्डजं पद्मवने प्रसुप्तं धनुर्विमुक्तेन शरेण भिन्नं ॥

००६२-१ अकालजलदेन्दोः सा हृद्या वदनचन्द्रिका ।
००६२-२ नित्यं कविचकोरैर्या पीयते न च हीयते ॥

००६३-१ अकालजलदश्लोकैश्चित्रमात्मकृतैरिव ।
००६३-२ जातः कादम्बरीरामो नाटके प्रवरः कविः ॥

००६४-१ अकालजलदच्छन्नं आलोक्य रविमण्डलं ।
००६४-२ चक्रवाकयुगं रौति रजनीभयशङ्कया ॥

००६५-१ अकालमृत्युं परिहृत्य जीवितं ददाति यो देहसुखं च देहिनां ।
००६५-२ नतेन धात्रास्ति समः कुतोऽधिको न जीविताद्दानमिहातिरिच्यते ॥

००६६-१ अकालमृत्युर्विश्वासो विश्वसन्हि विपद्यते ।
००६६-२ यस्मिन्करोति विश्वासं स जीवत्यपरो मृतः ॥

००६७-१ अकालसहमत्यल्पं मूर्खव्यसनिनायकं ।
००६७-२ अगुप्तं भीरुयोधं च दुर्गव्यसनमुच्यते ॥

००६८-१ अकालसैन्ययुक्तस्तु हन्यते कालयोधिना ।
००६८-२ कौशिकेन हतज्योतिर्निशीथ इव वायसः ॥

००६९-१ अकाले कृत्यमारब्धं कऋतुं नार्थाय कल्पते ।
००६९-२ तदेव काल आरब्धं महतेऽर्थाय कल्पते ॥

००७०-१ अकाले गर्जिते देवे दुर्दिनं वाथवा भवेत् ।
००७०-२ पूर्वकाण्डहतं लक्ष्यं अनध्यायं प्रचक्षते ॥

००७१-१ अकिंचनः परिपतन्सुखमास्वादयिष्यसि ।
००७१-२ अकिंचनः सुखं शेते समुत्तिष्ठति चैव हि ॥

००७२-१ अकिंचनत्वं राज्यं च तुलया समतोलयत् ।
००७२-२ अकिंचनत्वमधिकं राज्यादपि जितात्मनः ॥

००७३-१ अकिंचनस्य दान्तस्य शान्तस्य समचेतसः ।
००७३-२ मया संतुष्टमनसः सर्वाः सुखमया दिशः ॥

००७४-१ अकिंचनस्य शुद्धस्य उपपन्नस्य सर्वशः ।
००७४-२ अवेक्षमाणस्त्रींल्लोकान्न तुल्यमुपलक्षये ॥

००७५-१ अकिंचनाश्च दृश्यन्ते पुरुषाश्चिरजीविनः ।
००७५-२ समृद्धे च कुले जाता विनश्यन्ति पतंगवत् ॥

००७६-१ अकिंचित्कारिणां दीनैराकृष्टगुणकर्मणां ।
००७६-२ अघाय गतसत्त्वानां दर्शनस्पर्शनादिकं ॥

००७७-१ अकीर्तिं चापि भूतानि कथयिष्यन्ति तेऽव्ययां ।
००७७-२ संभावितस्य चाकीर्तिर्मरणादतिरिच्यते ॥

००७८-१ अकीर्तिर्यस्य गीयेत लोके भूतस्य कस्यचित् ।
००७८-२ पतत्येवाधमांल्लोकान्यावच्छब्दः प्रकीर्त्यते ॥

००७९-१ अकीर्तिर्निन्द्यते देवैः कीर्तिर्लोकेषु पूज्यते ।
००७९-२ कीर्त्यर्थं तु समारम्भः सर्वेषां सुमहात्मनां ॥

००८०-१ अकीर्तेः कारणं योषिद्योषिद्वैरस्य कारणं ।
००८०-२ संसारकारणं योषिद्योषितं वर्जयेत्ततः ॥

००८१-१ अकुण्ठोत्कण्ठया पूर्णं अकण्ठं कलकण्ठि मां ।
००८१-२ कम्बुकण्ठ्याः क्षणं कण्ठे कुरु कण्ठार्तिमुद्धर ॥

००८२-१ अकुबेरपुरीविलोकनं न धरासूनुकरं कदाचन ।
००८२-२ अथ तत्प्रतिकारहेतवे-ऽदमयन्तीपतिलोचनं भज ॥

००८३-१ अकुर्वन्तोऽपि पापानि शुचयः पापसंश्रयात् ।
००८३-२ परपापैर्विनश्यन्ति मत्स्या नागह्रदे यथा ॥

००८४-१ अकुलानां कुले भावं कुलीनानां कुलक्षयं ।
००८४-२ संयोगं विप्रयोगं च पश्यन्ति चिरजीविनः ॥

००८५-१ अकुलीनः कुलीनश्च मर्यादां यो न लङ्घयेत् ।
००८५-२ धर्मापेक्षी मृदुर्दान्तः स कुलीनशतैर्वरः ॥

००८६-१ अकुलीनस्तु पुरुषः प्रकृतः साधुसंक्षयात् ।
००८६-२ दुर्लभैश्वर्यसंप्राप्तो गर्वितः शत्रुतां व्रजेत् ॥

००८७-१ अकुलीनोऽपि मूर्खोऽपि भूपालं योऽत्र सेवते ।
००८७-२ अपि संमानहीनोऽपि स सर्वत्र प्रपूज्यते ॥

००८८-१ अकुले पतितो राजा मूर्खपुत्रो हि पण्डितः ।
००८८-२ निर्धनस्य धनप्राप्तिस्तृणवन्मन्यते जगत् ॥

००८९-१ अकूपाराद्वारि प्रचुरतरमादाय जलदः स दानाध्यक्षोऽपि प्रकिरति जलं नाद्भुतमिदं ।
००८९-२ स मेघो धन्यो यत्परिकिरति मुक्ताफलतया यदीयासौ कीर्तिर्नटति नृपनारीकुचतटे ॥

००९०-१ अकूर्चारम्भोऽपि प्रतिचुबुकदेशं करतलं प्रतिज्ञायां कुर्वन्युवतिषु दृशं स्निग्धतरलां ।
००९०-२ कुमारोऽहं कारात्परिषदि समानानगणयन्भुजौ वक्षः पश्यन्नववयसि कान्तिं वितनुते ॥

००९१-१ अकृतकवलारम्भैर्वक्त्रैर्भयस्थगितेक्षणाः किमपि वलितग्रीवं स्थित्वा मुहुर्मृगपङ्क्तयः ।
००९१-२ गगनमसकृत्पश्यन्त्येतास्तथाश्रुघनैर्मुखैर्निपतति यथा शृङ्गाग्रेभ्योऽक्रमं नयनोदकं ॥

००९२-१ अकृतज्ञमनार्यं च दीर्घरोषमनार्जवं ।
००९२-२ चतुरो विद्धि चाण्डालाञ्जात्या जायेत पञ्चमः ॥

००९३-१ अकृतत्यागमहिम्नां मिथ्या किं राजराजशब्देन ।
००९३-२ गोप्तारं न निधीनां महयन्ति महेश्वरं विबुधाः ॥

००९४-१ अकृतद्विषदुन्नतिच्छिदः श्रितसंरक्षणवन्ध्यकर्मणः ।
००९४-२ पुरुषस्य निरर्थकः करः किल कण्डूयनमात्रसार्थकः ॥

००९५-१ अकृतप्रेमैव वरं न पुनः संजातविघटितप्रेमा ।
००९५-२ उद्धृतनयनस्ताम्यति यथा हि न तथेह जातान्धः ॥

००९६-१ अकृत विशदधाम्नो बिम्बसारं गृहीत्वा दयित युवतिवक्त्रं लोकधात्रेति विद्मः ।
००९६-२ न हि न हि भवदीयो मोह एवैष मित्र सितगरलनिधानं तत्त्वतो निश्चिनु त्वं ॥

००९७-१ अकृतस्यागमो नास्ति कृते नाशो न विद्यते ।
००९७-२ अकस्मादेव लोकोऽयं तृष्णे दासीकृतस्त्वया ॥

००९८-१ अकृतात्मानमासाद्य राजानमनये रतं ।
००९८-२ समृद्धानि विनश्यन्ति राष्ट्राणि नगराणि च ॥

००९९-१ अकृतेऽप्युद्यमे पुंसां अन्यजन्मकृतं फलं ।
००९९-२ शुभाशुभं समभ्येति विधिना संनियोजितं ॥

०१००-१ अकृतेष्वेवकार्येषु मृत्युर्वै संप्रकर्षति ।
०१००-२ युवैव धर्मशीलः स्यादनिमित्तं हि जीवितं ॥

०१०१-१ अकृतोपद्रवः कश्चिन्महानपि न पूज्यते ।
०१०१-२ पूजयन्ति नरा नागान्न तार्क्ष्यं नागघातिनं ॥

०१०२-१ अकृतयं नैव कृत्यं स्यात्प्राणत्यागेऽप्युपस्थिते ।
०१०२-२ न च कृत्यं परित्याज्यं एष धर्मः सनातनः ॥

०१०३-१ अकृतयं मन्यते कृतयं अगम्यं मन्यते सुगं ।
०१०३-२ अभक्ष्यं मन्यते भक्ष्यं स्त्रीवाक्यप्रेरितो नरः ॥

०१०४-१ अकृत्रिमप्रेमरसा विलासालसगामिनी ।
०१०४-२ असारे दग्धसंसारे सारं सारङ्गलोचना ॥

०१०५-१ अकृत्रिमविलासाङ्कं अशिक्षितकलाक्रमं ।
०१०५-२ अविभागाङ्गसुभगं बभूव सुरतं तयोः ॥

०१०६-१ अकृत्वा कर्म यो लोके फलं विन्दति विष्टितः ।
०१०६-२ स तु वक्तव्यतां याति द्वेष्यो भवति प्रायशः ॥

०१०७-१ अकृत्वा निजदेशस्य रक्षां यो विजिगीषते ।
०१०७-२ स नृपः परिधानेन वृतमौलिः पुमानिव ॥

०१०८-१ अकृत्वा परसंतापं अगत्वा खलनम्रतां ।
०१०८-२ अनुत्सृज्य सतां वर्त्म यत्स्वल्पमपि तद्बहु ॥

०१०९-१ अकृत्वा पौरुषं या श्रीः किं तयालसभाग्यया ।
०१०९-२ कुरङ्गोऽपि समश्नाति दैवादुपनतं तृणं ॥

०११०-१ अकृत्वा मानुषं कर्म यो दैवमनुवर्तते ।
०११०-२ वृथा श्राम्यति संप्राप्य पतिं क्लीबमिवाङ्गना ॥

०१११-१ अकृत्वा हेलया पादं उच्चैर्मूर्धसु विद्विषां ।
०१११-२ कथंकारमनालम्बा कीर्तिर्द्यामधिरोहति ॥

०११२-१ अकृपणमशठमचपलं योगिनमविषादिनं बुधं शूरं ।
०११२-२ यदि नाश्रयति नरं श्रीः श्रीरेव हि वञ्चिता भवति ॥

०११३-१ अकृशं कुचयोः कृशं वलग्ने विततं चक्षुषि विस्तृतं नितम्बे ।
०११३-२ अरुणाधरमाविरस्तु चित्ते करुणाशालि कपालिभागधेयं ॥

०११४-१ अकृशं नितम्बभागे क्षामं मध्ये समुन्नतं कुचयोः ।
०११४-२ अत्यायतं नयनयोर्मम जीवितमेतदायाति ॥

०११५-१ अकृष्टफलमूलेन वनवासरतः सदा ।
०११५-२ कुरुतेऽहरहः श्राद्धं ऋषिर्विप्रः स उच्यते ॥

०११६-१ अकेकी किं केकी वचसि चतुरः किन्न कुररः शुकः किंवा मूकः स च कलरवः किं क्षतरवः ।
०११६-२ त्वयागण्यैः पुण्यैः पिकमधुरिमा धीरगरिमा यतो लब्धः स्तब्धः किमसि रुचिरं नेह सुचिरं ॥

०११७-१ अकौसुमी मन्मथचापयश्टि- रनंशुका विभ्रमवैजयन्ती ।
०११७-२ ललाटरङ्गाङ्गणनर्तकीयं अनञ्जना भ्रूरनुयाति दृष्टं ॥

०११८-१ अक्रत्वङ्गमतस्तक्रं न शतक्रतुना हुतं ।
०११८-२ नादत्तमिति वाक्यार्थात्तक्रं शक्रस्य दुर्लभं ॥

०११९-१ अक्रत्वर्थमिति ज्ञात्वा शक्रे न हुतवान्पुरा ।
०११९-२ नादत्तमिति शास्त्रार्थात्तक्रं शक्रस्य दुर्लभं ॥

०१२०-१ अक्रमेणानुपायेन कर्मारम्भो न सिध्यति ।
०१२०-२ दधिसर्पिःपयांसीव शबरस्य यथा हि गोः ॥

०१२१-१ अक्रोधं शिक्षयन्त्यन्यैः क्रोधना ये तपोधनाः ।
०१२१-२ निर्धनास्ते धनायैव धातुवादोपदेशिनः ॥

०१२२-१ अक्रोधनः क्रोधनेभ्यो विशिष्टस्तथा तितिक्षुरतितिक्षोर्विशिष्टः ।
०१२२-२ अमानुषेभ्य्ॐआनुषाश्च प्रधाना विद्वांस्तथैवाविदुषः प्रधानः ॥

०१२३-१ अक्रोधनः सत्यवादी भूतानामविहिंसकः ।
०१२३-२ अनसूयः सदाचारो दीर्घमायुरवाप्नुयात् ॥

०१२४-१ अक्रोधनश्च राजेन्द्र सत्यशीलो दृढव्रतः ।
०१२४-२ आत्मोपमश्च भूतेषु स तीर्थफलमश्नुते ॥

०१२५-१ अक्रोधवैराग्यजितेन्द्रियत्वं क्षमादयाशान्तिजनप्रियत्वं ।
०१२५-२ निर्लोभदाता भयशोकहारी ज्ञानस्य चिह्नं भयलक्षणानि ॥

०१२६-१ अक्रोधस्य यदा क्रोधः सर्वनाशाय कल्पते ।
०१२६-२ राघवस्य प्रकोपेन बद्धो नदनदीपतिः ॥

०१२७-१ अक्रोधेन जयेत्क्रोधं असाधुं साधुना जयेत् ।
०१२७-२ जयेत्कदर्यं दानेन जयेत्सत्येन चानृतं ॥

०१२८-१ अक्लान्तद्युतिभिर्वसन्तकुसुमैरुत्तंसयन्कुन्तलानन्तः खेलति खञ्जरीटनयने कुञ्जेषु कञ्जेक्षणः ।
०१२८-२ अस्मन्मन्दिरकर्मतस्तव करौ नाद्यापि विश्राम्यतः किं ब्रूमो रसिकाग्रणीरसि घटी नेयं विलम्बक्षमा ॥

०१२९-१ अक्लिष्टबालतरुपल्लवलोभनीयं पीतं मया सदयमेव रतोत्सवेषु ।
०१२९-२ बिम्बाधरं दशसि चेद्भ्रमर प्रियायास्त्वां कारयामि कमलोदरबन्धनस्थं ॥

०१३०-१ अक्लेशादिव चिन्तितं उपतिष्ठति सिद्धमेव पुण्यवतां ।
०१३०-२ उड्डीयापुण्यवतां गच्छन्ति कपोतकाः पश्य ॥

०१३१-१ अक्षत्रारिकृताभिमन्युनिधनप्रोद्भूततीव्रभ्रुवः पार्थस्याकृत शात्रवप्रतिकृतेरन्तः शुचा मुह्यतः ।
०१३१-२ कीर्णा बाष्पकणैः पतन्ति धनुषि व्रीडाजडा दृष्टयो हा वत्सेति गिरः स्फुरन्ति न पुनर्निर्यान्ति वक्त्राद्बहिः ॥

०१३२-१ अक्षदेवनपणीकृतेधरे कान्तयोर्जयपराजये सति ।
०१३२-२ अत्र वक्तु यदि वेत्ति मन्मथः कस्तयोर्जयति जीयतेऽपि वा ॥

०१३३-१ अक्षद्यूतजिताधरग्रहविधावीशोऽसि तत्खण्डना- दाधिक्ये वद को भवानिति मृषा कोपाञ्चितभ्रू लतं ।
०१३३-२ स्विद्यत्खिन्नकरा ।ग्रकुड्म । लपरायत्तीकृतास्यस्य मे मुग्धाक्षीप्रतिकृत्य तत्कृतवती द्यूतेऽपि यन्नार्जितं ॥

०१३४-१ अक्षमः क्षमतामानो क्रियायां यः प्रवर्तते ।
०१३४-२ स हि हास्यास्पदत्वं च लभते प्राणसंशयं ॥

०१३५-१ अक्षमालापवृत्तिज्ञा कुशासनपरिग्रहा ।
०१३५-२ ब्राह्मीव दौर्जनी संसद्वन्दनीया समेखला ॥

०१३६-१ अक्षमा ह्रीपरित्यागः श्रीनाशो धर्मसंक्षयः ।
०१३६-२ अभिध्याप्राज्ञता चैव सर्वं लोभात्प्रवर्तते ॥

०१३७-१ अक्षमोऽसत्यसंधश्च परदारी नृशंसकृत् ।
०१३७-२ पच्यते नरकेष्वेव दह्यमानः स्वकर्मणा ॥

०१३८-१ अक्षरद्वयमभ्यस्तं नास्ति नास्तीति यत्पुरा ।
०१३८-२ तदिदं देहि देहीति विपरीतमुपस्थितं ॥

०१३९-१ अक्षरमैत्रीभाजः सालंकारस्य चारुवृत्तस्य ।
०१३९-२ किं ब्रूमो सखि यूनो न हि न हि सखि पद्यबन्धस्य ॥

०१४०-१ अक्षराणामकारोऽहं इति विष्णुः स्वयं ब्रुवन् ।
०१४०-२ भवता सोऽपि यत्सत्यं आकारेण लघूकृतः ॥

०१४१-१ अक्षराणि परीक्ष्यन्तां अम्बराडम्बरेण किं ।
०१४१-२ शंभुरम्बरहीनोऽपि सर्वज्ञः किं न जायते ॥

०१४२-१ अक्षराणि विचित्राणि येन जानन्ति मानवाः ।
०१४२-२ बलीवर्दसमास्ते तु खुरशृङ्गविवर्जिताः ॥

०१४३-१ अक्षराणि समानानि वर्तुलानि घनानि च ।
०१४३-२ परस्परविलग्नानि तरुणीकुचकुम्भवत् ॥

०१४४-१ अक्षिपक्ष्म कदा लुप्तं छिद्यन्ते हि शिरोरुहाः ।
०१४४-२ वर्धमानात्मनामेव भवन्ति हि विपत्तयः ॥

०१४५-१ अक्षिभ्यां कृष्णशाराभ्यां अस्याः कर्णौ न बाधितौ ।
०१४५-२ शङ्के कनकताडङ्कपाशत्रासवशादिव ॥

०१४६-१ अक्षीणकर्मबन्धस्तु ज्ञात्वा मृत्युमुपस्थितं ।
०१४६-२ उक्त्वान्तिकाले संस्मृत्य पुनर्योगित्वमृच्छति ॥

०१४७-१ अक्षीणभोगाद्विषमादिष्टानिष्टभयोज्झितात् ।
०१४७-२ दुर्जनाद्वत देवा अप्यशक्ता इव बिभ्यति ॥

०१४८-१ अक्षेत्रे बीजमुत्सृष्टं अन्तरेव विनश्यति ।
०१४८-२ अबीजकमपि क्षेत्रं केवलं स्थण्डिलं भवेत् ॥

०१४९-१ अक्षेषु मृगयायां च स्त्रीषु पाने वृथाटने ।
०१४९-२ निद्रायां च निबन्धेन क्षिप्रं नश्यति भूपतिः ॥

०१५०-१ अक्षेष्वियं व्यसनिता हृदये यदेते रागो घनो मधुमदोत्कटमाननं च ।
०१५०-२ पद्मस्तथापि परमास्पदमेव लक्ष्म्यास्तद्दैन्यमेव किल दुर्भगता यदेभिः ॥

०१५१-१ अक्षोठशुण्ठिमरिचार्द्रकदाडिमत्वक्कुस्तुम्बुरूलवणतैलसुसंस्कृतान्यः ।
०१५१-२ मत्स्यान्सुशीतसितभक्ततले दधाति स ब्रह्मलोकमधिगच्छति पुण्यकर्मा ॥

०१५२-१ अक्षौरेऽपि च नक्षत्रे कुर्वीत बुधस्ॐअयोः ।
०१५२-२ युक्तेऽपि तिथिनक्षत्रे न कुर्याच्छनिभ्ॐअयोः ॥

०१५३-१ अक्षौहिणी रिपुं हन्यात्स्वयं वा तेन हन्यते ।
०१५३-२ ब्राह्मणो मन्त्रविद्धन्यात्सर्वानेव रिपून्क्षणात् ॥

०१५४-१ अक्ष्णोर्निक्षिपदञ्जनं श्रवणयोस्तापिञ्छगुच्छावलीं मूर्ध्नि श्यामसरोजदाम कुचयोः कस्तूरिकापत्रकं ।
०१५४-२ धूर्तानामभिसारसंभ्रमजुषां विष्वङ्निकुञ्जे सखि ध्वान्तं नीलनिचोलचारु सुदृशां प्रत्यङ्गमालिङ्गति ॥

०१५५-१ अक्ष्णोर्मञ्जुलमञ्जनं चरणयोर्नीलाश्मजौ नूपुरा- वङ्गे नीलपटः स्फुटं मृगमदन्यासः कपोलस्थले ।
०१५५-२ यत्प्रीत्या परिशीलितं परदृशां रोधाय तत्सांप्रतं नेपथ्यस्य विधावपीदमसतीजातस्य जातं तमः ॥

०१५६-१ अक्ष्णोर्युग्मं विलोकान्मृदुतनुगुणतस्तर्पयन्ती शरीरं दिव्यामोदेन वक्त्रादपगतमरुता नासिकां चारुवाचा ।
०१५६-२ श्रोत्रद्वंद्वं मनोज्ञाद्रसनमपि रसादर्पयन्ती मुखाब्जं यद्वत्पञ्चाक्षसौख्यं वितरति युवतिः कामिनां नान्यदेवं ॥

०१५७-१ अक्ष्णोर्विपक्ष इति सानुशयं लुलाव नीलोत्पलं यदबला कलमस्य गोप्त्री ।
०१५७-२ भूयस्तदेव शिरसावहदुन्नतानां वैरं विरोधिषु दृढं न पराजितेषु ॥

०१५८-१ अखण्डमण्डलः श्रीमान्पश्यैष पृथिवीपतिः ।
०१५८-२ न निशाकरवज्जातु कलावैकल्यमागतः ॥

०१५९-१ अखण्डितं च क्रमुकं चूर्णं तु रसवर्जितं ।
०१५९-२ भूमौ निपतितं पत्रं शक्रस्यापि श्रिअयं हरेत् ॥

०१६०-१ अखण्डिता शक्तिरथोपमानं न स्वीकृतं न च्छलरीतिरस्ति ।
०१६०-२ अस्पृष्टसंदेहविपर्ययस्य कोऽयं तव न्यायनये निवेशः ॥

०१६१-१ अखर्वपर्वगर्तेषु विच्छिन्नो यस्य वारिधिः ।
०१६१-२ स एव हि मुनेः पाणिरधस्ताद्विन्ध्यभूभृतः ॥

०१६२-१ अखिलं विदुषामनाविलं सुहृदा च स्वहृदा च पश्यतां ।
०१६२-२ सविधेऽपि नसूक्ष्मसाक्षिणी वदनालंकृतिमात्रमक्षिणी ॥

०१६३-१ अखिलेषु विहंगेषु हन्त स्वच्छन्दचारिषु ।
०१६३-२ शुक पञ्जरबन्धस्ते मधुराणां गिरां फलं ॥

०१६४-१ अगजाननपद्मार्कं गजाननमहर्निशं ।
०१६४-२ अनेकदं तं भक्तानां एकदन्तमुपास्महे ॥

०१६५-१ अगणितगुणेन सुन्दर कृत्वा चारित्रमप्युदासीनं ।
०१६५-२ भवतानन्यगतिः सा विहितावर्तेन तरणिरिव ॥

०१६६-१ अगणितगुरुर्याच्ञालोलं पदान्तसदातिथिः समयमविदन्मुग्धः कालासहो रतिलम्पटः ।
०१६६-२ कृतककुपितं हस्ताघातं त्रपारुदितं हठा- दपरिगणयन्लज्जायां मां निमज्जयति प्रियः ॥

०१६७-१ अगणितनिजश्रमाणां परकृत्येऽभ्येत्य वर्तमानानां ।
०१६७-२ सुजनघनदिनमणीनां परोपकारार्थमजनि जनिः ॥

०१६८-१ अगणितयशसा त्यक्त- स्थितिना क्रियतेऽथ याकृतज्ञेन ।
०१६८-२ स्निग्धे सुहृदि सरागे मित्रे तव वञ्चना न युक्ता सा ॥

०१६९-१ अगतित्वमतिश्रद्धा ज्ञानाभासेन तृप्तता ।
०१६९-२ त्रयः शिष्यगुणा ह्येते मूर्खाचार्यस्य भाग्यजाः ॥

०१७०-१ अगतीनां खलीकाराद्दुःखं नैवोपजायते ।
०१७०-२ भवन्त्यशोकाः प्रायेण सांकुराः पादताडिताः ॥

०१७१-१ अगदैः सर्वसामान्यैर्व्यन्तराणां विषं हरेत् ।
०१७१-२ धूपो देवीसहापिच्छखण्डनैस्तद्विषापहः ॥

०१७२-१ अगम्यगमनात्प्रायः प्रायश्चित्तीयते जनः ।
०१७२-२ अगम्यं त्वद्यशो याति सर्वत्रैव च पावनं ॥

०१७३-१ अगम्यानि पुमान्याति योऽसेव्यांश्च निषेवते ।
०१७३-२ स मृत्युमुपगृह्णाति गर्भमश्वतरी यथा ॥

०१७४-१ अगम्यार्थं तृणप्राणाः पृष्ठस्थीकृतभीह्रियः ।
०१७४-२ शम्भलीभुक्तसर्वस्वा जना यत्पारिपार्श्विकाः ॥

०१७५-१ अगम्यो मन्त्राणां प्रकृतिभिषजामप्यविषयः सुधासारासाध्यो विसदृशतरारम्भगहनः ।
०१७५-२ जगद्भ्रामीकर्तुं परिणतधियानेन विधिना स्फुटं सृष्टो व्याधिः प्रकृतिविषमो दुर्जनजनः ॥

०१७६-१ अगस्तितुल्याश्च घृताब्धिशोषणे दम्भोलितुल्या वटकाद्रिभेदने ।
०१७६-२ शाकावलीकाननवह्निरूपास्त एव भट्टा इतरे भटाश्च ॥

०१७७-१ अगस्तिहस्तचुलुकमितेऽब्धौ वाहनाकृतौ ।
०१७७-२ मग्नः समुद्रो वेलायां इति देवास्तदा जगुः ॥

०१७८-१ अगस्त्य इव यस्यासिर्न्यञ्चितक्षितिभृद्बभौ ।
०१७८-२ चित्रं सोऽप्यकरोन्नृत्यत्कबन्धं समरार्णवं ॥

०१७९-१ अगस्त्यस्य मुनेः शापाद्ब्रह्मस्यन्दनमास्थितः ।
०१७९-२ महासुखात्परिभ्रष्टो नहुषः सर्पतां गतः ॥

०१८०-१ अगस्त्येन पयोराशेः कियत्किं पीतमुज्झितं ।
०१८०-२ त्वया वैरिकुलं वीर समरे कीदृशं कृतं ॥

०१८१-१ अगा गाङ्गाङ्गकाकाकगाहकाघककाकहा ।
०१८१-२ अहाहाङ्क खगाङ्कागकङ्कागखगकाकक ॥

०१८२-१ अगाधजलसंचारी विकारी न च रोहितः ।
०१८२-२ गण्डूषजलमात्रे तु शफरी फर्फरायते ॥

०१८३-१ अगाधहृदया भूपाः कूपा इव दुरासदाः ।
०१८३-२ घटका गुणिनो नो चेत्कथं लभ्येत जीवनं ॥

०१८४-१ अगाधेनापि किं तेन तोयेन लवणाम्बुधेः ।
०१८४-२ जनुमात्रं वरं वारि तृष्णाच्छेदकरं नृणां ॥

०१८५-१ अगारेऽस्मिन्कान्ते गिरिशमनिशानाथशकलं भुजंगानुत्तुङ्गान्सकलमपि वातायनपथे ।
०१८५-२ निकुञ्जेषु श्येनानधिगृहशिरो राहुवलयं लिखन्त्या नीयन्ते शिव शिव तया हन्त दिवसाः ॥

०१८६-१ अगुणकणो गुणराशिर्द्वयमपि दैवेन खलमुखे पतितं ।
०१८६-२ प्रसरति तैलमिवैकः सलिले घृतवज्जडत्वमेत्यन्यः ॥

०१८७-१ अगुरुरिति वदतु लोको गौरवमत्रैव पुनरहं मन्ये ।
०१८७-२ दर्शितगुणैकवृत्तिर्यस्य जने जनितदाहेऽपि ॥

०१८८-१ अगुरुसुरभिधूपाशोभितं केशपाशं गलितकुसुममालं धुन्वती कुञ्चिताग्रं ।
०१८८-२ त्यजति गुरुनितम्बा निम्ननाभिः सुमध्याप्युषसि शयनवासः कामिनी कामशोभा ॥

०१८९-१ अगुरोरपि सत उच्चैः प्रशंसनं तद्गुणा वितन्वन्ति ।
०१८९-२ अगुरुर्ज्वलनेऽप्यस्तः सौरभमिषतो गुणान्वमति ॥

०१९०-१ अगूढविभवा यस्य पौरा राष्ट्रवासिनः ।
०१९०-२ नयापनयवेत्तायः स राजा राजसत्तमः ॥

०१९१-१ अगूढहासस्फुटदन्तकेसरं मुखं स्विदेतद्विकसन्नु पङ्कजं ।
०१९१-२ इति प्रलीनां नलिनीवने सखीं विदाम्बभूवुः सुचिरेण योषितः ॥

०१९२-१ अग्निं प्राप्य यथा सद्यस्तूलराशिर्विनश्यति ।
०१९२-२ तथा गङ्गाजलेनैव सर्वपापं विनश्यति ॥

०१९३-१ अग्निं स्तोकमिवात्मानं संधुक्षयति यो नरः ।
०१९३-२ स वर्धमानो ग्रसते महान्तमपि संचयं ॥

०१९४-१ अग्निः स्तोको वर्धते चाज्यसिक्तो बीजं चैकं बहुसाहस्रमेति ।
०१९४-२ क्षयोदयौ विपुलौ संनियम्य तस्मादल्पं नावमन्येत वित्तं ॥

०१९५-१ अग्निकुण्डसमा नारी घृतकुम्भसमो नरः ।
०१९५-२ संगमेन परस्त्रीणां कस्य नो चलते मनः ॥

०१९६-१ अग्निकुम्भसमा नारी घृतकुम्भसमो नरः ।
०१९६-२ उभयोरपि संयोगः कस्य विश्वासकारकः ॥

०१९७-१ अग्निदाहे न मे दुःखं छेदे न निकषे न वा ।
०१९७-२ यत्तदेव महद्दुःखं गुञ्जया सह तोलनं ॥

०१९८-१ अग्निदो गरदश्चैव शस्त्रपाणिर्धनापहः ।
०१९८-२ क्षेत्रदारापहारी च षडेते ह्याततायिनः ॥

०१९९-१ अग्निना भस्मना चैव स्तम्भेन च जनेन च ।
०१९९-२ अद्वारेणैव मार्गेण पङ्क्तितदोषो न विद्यते ॥

०२००-१ अग्निरापः स्त्रियो मूर्खाः सर्पा राजकुलानि च ।
०२००-२ नित्यं यत्नेन सेव्यानि सद्यः प्राणहराणि षट् ॥

०२०१-१ अग्निर्गुरुर्द्विजातीनां वर्णानां पार्थिवो गुरुः ।
०२०१-२ कुलस्त्रीणां गुरुर्भर्ता सर्वस्याभ्यागतो गुरुः ॥

०२०२-१ अग्निर्दहति तापेन सूर्यो दहति रश्मिभिः ।
०२०२-२ राजा दहति दण्डेन तपसा ब्राह्मणो दहेत् ॥

०२०३-१ अग्निर्देवो द्विजातीनां मुनीनां हृदि दैवतं ।
०२०३-२ प्रतिमास्वल्पबुद्धीनां सर्वत्र समदर्शिनः ॥

०२०४-१ अग्निर्हि देवताः सर्वाः सर्वणं च तदात्मकं ।
०२०४-२ तस्मात्सुवर्णं ददता दत्ताः सर्वाः स्म देवताः ॥

०२०५-१ अग्निष्ट्ॐआदिभिर्यज्ञैर्विविधैराप्तदक्षिणैः ।
०२०५-२ न तत्फलमवाप्नोति तीर्थार्थे गमनेन यत् ॥

०२०६-१ अग्निश्तेजो महल्लोके गूढस्तिष्ठति दारुषु ।
०२०६-२ न चोपयुङ्क्ते तद्दारु यावन्नो दीप्यते परैः ॥

०२०७-१ स एव खलु दारुभ्यो यदा निर्मथ्य दीप्यते ।
०२०७-२ तदा तच्च वनं चान्यन्निर्दहत्याशु तेजसा ॥

०२०८-१ एवमेव कुले जाताः पावकोपमतेजसः ।
०२०८-२ क्षमावन्तो निराकाराः काष्ठेऽग्निरिव शेरते ॥

०२०९-१ अग्निहोत्रं गृहं क्षेत्रं गर्भिर्णीं वृद्धबालकौ ।
०२०९-२ रिक्तहस्तेन नोपेयाद्राजानं देवतां गुरुं ॥

०२१०-१ अग्निहोत्रं त्रयो वेदास्त्रिदण्डं भस्मगुण्ठनं ।
०२१०-२ बुद्धिपौरुषहीनानां जीविकेति बृहस्पतिः ॥

०२११-१ अग्निहोत्रफला वेदाः शीलवृत्तफलं श्रुतं ।
०२११-२ रतिपुत्रफला दारा दत्तभुक्तफलं धनं ॥

०२१२-१ अग्निहोत्रमधीतं वा दानाद्याश्चाखिलाः क्रियाः ।
०२१२-२ भजन्ते तस्य वैफल्यं यस्य वाक्यमकारणं ॥

०२१३-१ अग्निहोत्रेषु विप्राणां हृदि देवो मनीषिणां ।
०२१३-२ प्रतिमास्वल्पबुद्धीनां सर्वत्र विदितात्मनां ॥

०२१४-१ अग्नेर्यथा दारुवियोगयोगयोरदृष्टतोऽन्यत्र निमित्तमस्ति ।
०२१४-२ एवं हि जन्तोरपि दुर्विभाव्यः शरीरसंयोगवियोगहेतुः ॥

०२१५-१ अग्नौ क्रियावतां देवो दिवि देवो मनीषिणां ।
०२१५-२ प्रतिमास्वल्पबुद्धीनां योगिनां हृदये हरिः ॥

०२१६-१ अग्नौ दग्धं जले मग्नं हृतं तस्करपार्थिवैः ।
०२१६-२ तत्सर्वं दानमित्याहुर्यदि क्लैब्यं न भाषते ॥

०२१७-१ अग्नौ प्राप्तं प्रधूयेत यथा तूलं द्विजोत्तम ।
०२१७-२ तथा गङ्गावगाढस्य सर्वं पापं प्रधूयते ॥

०२१८-१ अग्नौ प्रास्तं तु पुरुषं कर्मान्वेति स्वयंकृतं ।
०२१८-२ तस्मात्तु पुरुषो यत्नाद्धर्मं संचिनुयाच्छनैः ॥

०२१९-१ अग्नौ प्रास्ताहुतिः सम्यगादित्यमुपतिष्ठते ।
०२१९-२ आदित्याज्जायते वृष्टिर्वृष्

?

एरन्नं ततः प्रजाः ॥

०२२०-१ अग्न्याकारं कलयसि पुरश्चक्रवाकीव चन्द्रं बद्धोत्कम्पं शिशिरमरुता दह्यते पद्मिनीव ।
०२२०-२ प्राणान्धत्से कथमपि बलाद्गच्छतः शल्यतुल्यांस्तत्केनासौ सुतनु जनितो माम्मथस्ते विकारः ॥

०२२१-१ अग्न्याधानेन यज्ञेन काषायेण जटाजिनैः ।
०२२१-२ लोकान्विश्वासयित्वैव ततो लुम्पेद्यथा वृकः ॥

०२२२-१ अग्रच्छाया तृणाग्निश्च नीचसेवा पटे जलं ।
०२२२-२ वेश्यारागः खलप्रेम सर्वं बुद्बुदसन्निभं ॥

०२२३-१ अग्रतः पृष्ठतो मध्ये पार्श्वतोऽथ समन्ततः ।
०२२३-२ विद्युच्चकितवद्भाति सूर्यकोटिसमप्रभः ॥

०२२४-१ अग्रतश्चतुरो वेदान्पृष्ठतः सशरं धनुः ।
०२२४-२ उभाभ्यां च समर्थोऽहं शापादपि शरादपि ॥

०२२५-१ अग्रतो वामपादं च दक्षिणं जातु कुञ्चितं ।
०२२५-२ आलीढं तु प्रकर्तव्यं हस्तद्वयसविस्तरं ॥

०२२६-१ अग्रसानुषु नितान्तपिशङ्गैर्भूरुहान्मृदुकरैरवलम्ब्य ।
०२२६-२ अस्तशैलगहनं नु विवस्वानाविवेश जलधिं नु महीं नु ॥

०२२७-१ अग्राह्यं श्रवणस्य भूषणमलंकारो न भावोचितः कण्ठस्याञ्जनमुज्ज्वलं नयनयोः सूक्ष्मत्वमावेक्षितुं ।
०२२७-२ वक्त्रस्य क्षणिकोऽधिवासनविधिः कान्ते प्रिये नाभवस्सौभाग्यप्रतिकर्मनिर्मितमहाविद्यैव येनात्मनः ॥

०२२८-१ अग्राह्या मूर्धजेष्वेताः स्त्रियो गुणसमन्विताः ।
०२२८-२ न लताः पल्लवच्छेदं अर्हन्त्युपवनोद्भवाः ॥

०२२९-१ अग्रे कस्यचिदस्ति कंचिदभितः केनापि पृष्टे कृतः संसारः शिशुभावयौवनजराभारावतारादयं ।
०२२९-२ बालस्तं बहु मन्यतामसुलभं प्राप्तं युवा सेवतां वृद्धस्तद्विष्याद्बहिष्कृत इव व्यावृत्य किं पश्यति ॥

०२३०-१ अग्रे कुग्रामवर्गः पिशितरसलसच्चण्डचण्डायमानः पश्चाद्व्याधो वधार्थो निशितशरकरः पादमुद्रानपायी ।
०२३०-२ विष्वग्दीप्तो वनाग्निर्वनमतिगहनं धूमवात्या च दृष्टेः सरोद्धी कान्दिशीको हरि हरि हरिणःकं शरण्यं प्रयातु ॥

०२३१-१ अग्रे गच्छत धेनुदुग्धकलशानादाय गोप्यो गृहं दुग्धे वस्कयणीकुले पुनरियं राधा शनैर्यास्यति ।
०२३१-२ इत्यन्यव्यपदेशगुप्तहृदयः कुर्वन्विविक्तं व्रजं देवः कारणनन्दसूनुरशिवं कृष्णः स मुष्णातु वः ॥

०२३२-१ अग्रे गीतं सरसकवयः पार्श्वतो दाक्षिणात्याः पृष्ठे लीलावलयरणितं चामरग्राहिणीनां ।
०२३२-२ यद्यस्त्येवं कुरु भवरसास्वादने लम्पटत्वं नो चेच्चेतः प्रविश सहसा निर्विकल्पे समाधौ ॥

०२३३-१ अग्रे तप्तजला नितान्तशिशिरा मूले मुहुर्बाहुभिर्व्यामथ्योपरतप्रपेषु पथिकैर्मार्गेषु मध्यंदिने ।
०२३३-२ आधाराः प्लुतबालशैवलदलच्छेदावकीर्णोर्मयः पीयन्ते हलमुक्तमग्नमहिषप्रक्षोभपर्याविलाः ॥

०२३४-१ अग्रे तिष्ठति दारुणाकृतिरसौ क्रोधोद्धतः केसरी पश्चादुद्भटदावदूषितधरासंक्रान्तचण्डानिलः ।
०२३४-२ किं कुर्मः सहसा विहाय कलभानेतान्ब्रजामः कथं हंहो कूणितलोचनेति करिणी चिन्ताकुला ताभ्यति ॥

०२३५-१ अग्रे धनुः शरकरः स्वयमस्ति कामः पश्चात्त्वरा शशधरोदयसंशयोत्था ।
०२३५-२ ध्वान्तं दिनान्तविकसद्विभवं समन्तात्किं केवला पथि वधूर्दयिताभिसारे ॥

०२३६-१ अग्रे प्रस्तुतनाशानां मूकता परमो गुणः ।
०२३६-२ तथापि प्रभुभक्तानां सौधर्म्यादेवमुच्यते ॥

०२३७-१ यैरेव स्तुतिभिः स्वामी प्राप्यते व्यसनावटं ।
०२३७-२ पश्चान्मूकत्वमापन्नैर्डद्धर्त्तुं नैव शक्यते ॥

०२३८-१ अग्रे माहिषिकं दृष्ट्वा मध्ये तु वृषलीपतिं ।
०२३८-२ अन्ते वार्धुषिकं दृष्ट्वा निराशाः पितरो गताः ॥

०२३९-१ अग्रे यान्ति रथस्य रेणुवदमी चूर्णीभवन्तो घनाश्चक्रभ्रान्तिररान्तरेषु जनयत्यन्यामिवारावलिं ।
०२३९-२ चित्रन्यस्तमिवाचलं हयशिरस्यायामवच्चामरं यष्ट्यग्रे च समं स्थितो ध्वजपटः प्रान्ते च वेगानिलात् ॥

०२४०-१ अग्रे लघिमा पश्चान्महतापि पिधीयते न हि महिम्ना ।
०२४०-२ वामन इति त्रिविक्रमं अभिदधति दशावतारविदः ॥

०२४१-१ अग्रे विकीर्णकुरबक- फलजालकहीयमानसहकारं ।
०२४१-२ परिणामाभिमुखमृतोरुत्सुकयति यौवनं चेतः ॥

०२४२-१ अग्रे व्याधः करधृतशरः पार्श्वतो जालमाला पृष्टे वह्निर्दहति नितरां संनिधौ सारमेयाः ।
०२४२-२ एणी गर्भादलसगमना बालकै रुद्धपादा चिन्ताविष्टा वदति हि मृगं किं कर्ॐइ क्व यामिः ॥

०२४३-१ अग्रे श्यामलबिन्दुबद्धतिलकैर्मध्येऽपि पाकान्वय- प्रौढीभूतपटोलपाटलतरैर्मूले मनाग्बभ्रुभिः ।
०२४३-२ वृन्ते कर्कशकीरपिच्चहरिभिः स्थूलैः फलैर्बन्धुराः संप्रत्युत्सुकयन्ति कस्य न मनः पूगद्रुमाणां छटाः ॥

०२४४-१ अग्रेसरी कुमारी तत्पृष्टे पुङ्खगो यदा तारः ।
०२४४-२ सिद्धिस्तदोत्तमा स्याद्दृष्टाप्यादौ वरा दुर्गा ॥

०२४५-१ अग्रे स्त्रीनखपाटलं कुरवकं श्यामं द्वयोर्भागयोर्बालाशोकमुपोढरागसुभगं भेदोन्मुखं तिष्ठति ।
०२४५-२ ईषद्बद्धरजःकणांग्रकपिशा चूते नवा मञ्जरी मुग्धत्वस्य च यौवनस्य च सखे मध्ये मधुश्रीः स्थिता ॥

०२४६-१ अग्र्यो मुक्तिमतां प्रयोगसमये मन्त्रेषु पृष्ठं गतः पाकागारगतस्तु पाचकमनस्तोषाय वाचस्पतिः ।
०२४६-२ उच्चायां निरतो रतोऽर्थकगणे पिण्डेषु दत्तादरो नानाश्राद्धगणैकचालितमना भद्दोट्टमो राजते ॥

०२४७-१ अघं स केवलं भुङ्क्ते यः पचत्यात्मकारणात् ।
०२४७-२ यज्ञशिष्टाशनं ह्येतत्सतामन्नं विधीयते ॥

०२४८-१ अघटितं घटनां नयति ध्रुवं सुघटितं क्षणभङ्गुरताचलं ।
०२४८-२ जगदिदं कुरुते सचराचरं विधिरहो बलवानिति मे मतिः ॥

०२४९-१ अघटितघटितं घटयति सुघटितघटितानि जर्जरीकुरुते ।
०२४९-२ विधिरेव तानि घटयति यानि पुमान्नैव चिन्तयति ॥

०२५०-१ अघृष्टमिव माणिक्यं अमत्तमिव च द्विपं ।
०२५०-२ अशूरं पार्थिवं लोको जात्यमप्यवमन्यते ॥

०२५१-१ अङ्कं केऽपि शशङ्किरेजलनिधेः पङ्कं परे मेनिरे सारङ्गं कतिचिच्च संजगदिरे भूमेश्च बिम्बं परे ।
०२५१-२ इन्दौ यद्दलितेन्द्रनीलशकलश्यामं दरीदृश्यते तन्मन्ये रविभीतमन्धतमसं कुक्षिस्थमालक्ष्यते ॥

०२५२-१ अङ्कनिलीनगजानन- शङ्काकुलबाहुलेयहृतवसनौ ।
०२५२-२ सस्मितहरकरकलितौ हिमगिरितनयास्तनौ जयतः ॥

०२५३-१ अङ्कन्यासैर्विषमैर्मायावनितालकावलीकुटिलैः ।
०२५३-२ को नाम कामचारैः कायस्थैर्मोहितो न जनः ॥

०२५४-१ अङ्कमल्लविनोदेषु तथान्येषूत्सवादिषु ।
०२५४-२ अन्तःपुरप्रचारेषु देवपूजापरेषु च ॥

०२५५-१ अङ्काधिरोपितमृगश्चन्द्रमा मृगलाञ्छनः ।
०२५५-२ केसरी निष्ठुरक्षिप्तमृगयूथो मृगाधिपः ॥

०२५६-१ अङ्कुरिते पल्लविते कोरकिते विकसिते च सहकारे ।
०२५६-२ अङ्कुरितः पल्लवितः कोरकितो विकसितश्च मदनः ॥

०२५७-१ अङ्केकृत्वोत्तमाङ्गं प्लवगबलपतेः पादमक्षस्य हन्तुर्दत्वोत्सङ्गे सलीलं त्वचि कनकमृगस्याङ्गशेषं निधाय ।
०२५७-२ बाणं रक्षः कुलघनं प्रगुणितमनुजेनादरात्तीक्ष्णमक्ष्णः कोणेनावेक्षमाणस्त्वदनुजवचने दत्तकर्णोऽयमास्ते ॥

०२५८-१ अङ्के वृद्धिमुपागतं शिशुतया सर्वाङ्गमालिङ्गितं मत्स्यः श्रीपरिरम्भनिर्भरतरव्याकोशकोषोन्मुखैः ।
०२५८-२ आशाप्तैः परिपीयमानमनिशं निःस्पन्दमिन्दिन्दिरैर्दूरादेव निमेषशून्यनयनः पद्मं समुद्वीक्षते ॥

०२५९-१ अङ्केषु शून्यविन्यासाद्वृद्धिः स्यात्तु दशाधिका ।
०२५९-२ तस्माज्ज्ञेया विशेषेण अङ्कानां वामतो गतिः ॥

०२६०-१ अङ्कोल्लक्वाथतोयेन मिश्रितं घृतमाक्षिकं ।
०२६०-२ वसा किटिकुङ्गाणां एतैः सिक्ता महीरुहाः ॥

०२६१-१ अङ्कोल्लक्वथितं स्विन्नं नृमांसं छागदुग्धयुक् ।
०२६१-२ पिण्याकसहितं मूले सहकारस्य निक्षिपेत् ॥

०२६२-१ अङ्कोल्लतैलभावितं उषितं गोशकृति कुमुदकन्दमलं ।
०२६२-२ करकाम्बुकर्दमभृते कलशे कुसुमं समुद्वहति ॥

०२६३-१ अङ्कोल्लतैलसूकर- शिशुमारवसासु भावितं बीजं ।
०२६३-२ सद्यो रोहति निहितं भूमौ करकाम्भसा सिक्तं ॥

०२६४-१ अङ्कोल्लपत्रधपेन यद्वा केशसमन्वितैः ।
०२६४-२ सक्तुभिः कटुतैलाक्तैर्याति मत्स्यविषं क्षयं ॥

०२६५-१ अङ्कोल्लबीजमज्जानां सूक्ष्मचूर्णं विधीयते ।
०२६५-२ तिलतैलेन तच्चूर्णं सम्यक्कृत्वा च भावयेत् ॥

०२६६-१ अङ्गं गलितं पलितं मुण्डं दन्तविहीनं जातं तुण्डं ।
०२६६-२ करधृतकम्पितशोभितदण्डं तदपि न मुञ्चत्याशा पिण्डं ॥

०२६७-१ अङ्गं चन्दनपङ्कपङ्कजबिसच्छेदावलीनं मुहुस्तापः शाप इवैष शोषणपटुः कम्पः सखीकम्पनः ।
०२६७-२ श्वासाः संवृततारहाररुचयः संभिन्नचीनांशुका जातः प्रागतिदाहवेदनमहारम्भः स तस्या ज्वरः ॥

०२६८-१ अङ्गं चन्दनपाण्डु पल्लवमृदुस्ताम्बूलताम्रोऽवरो धारायन्त्रजलाभिषेककलुषे धौताञ्जने लोचने ।
०२६८-२ अन्तःपुष्पसुगन्धिरार्द्रकबरी स्वच्छं तनीयोऽम्बरं कान्तानां कमनीयतां बिदधते ग्रीष्मेऽपराह्णगमे ॥

०२६९-१ अङ्गं दक्षिणमारुह्य वामेनोत्तरति स्फुटं ।
०२६९-२ तदा हानिकरी ज्ञेया व्यत्ययेन तु लाभदा ॥

०२७०-१ अङ्गं दमनपत्त्राभमङ्गे यस्मिन्प्रतीयते ।
०२७०-२ विद्याद्दमनवज्रं तु तीक्ष्णधारं महागुणं ॥

०२७१-१ अङ्गं प्रतीयते यत्र बहुग्रन्थिसमन्वितं ।
०२७१-२ दुर्लभं तन्महामूल्यं ग्रन्थिवज्रकमुच्यते ॥

०२७२-१ अङ्गं भूषणनिकरो भूषयतीत्येष लौकिको वादः ।
०२७२-२ अङ्गानि भूषणानां कामपि सुषमामजीजनंस्तस्याः ॥

०२७३-१ अङ्गं येन रथीकृतं नयनयोर्युग्मं रथाङ्गीकृतं पत्रं स्वं रथकर्मसारत्थिकृतं श्वासस्तुरंगीकृताः ।
०२७३-२ कोदऽडीकृतमात्मवीर्यमचिरान्मौर्वीकृतं भूषणं वामाङ्गं विशिखीकृतं दिशतु नः क्षेमं स धन्वी पुमान् ॥

०२७४-१ अङ्गणं तदिदमुन्मदद्विप- श्रेणिशोणितविहारिणो हरेः ।
०२७४-२ उल्लसत्तरुणकेलिपल्लवां सल्लकीं त्यजति किं मतङ्गजः ॥

०२७५-१ अङ्गणवेदिर्वसुधा कुल्या जलधिः स्थली च पातालं ।
०२७५-२ वल्मीकश्च सुमेरुः कृतप्रतिज्ञस्य धीरस्य ॥

०२७६-१ अङ्गदोषपरित्यक्तश्चतुर्मार्गकृतश्रमः ।
०२७६-२ ज्ञाता कुलकवाद्यस्य रञ्जको वादकः स्मृतः ॥

०२७७-१ अङ्गनानामिवाङ्गानि गोप्यन्ते स्वगुणा यदा ।
०२७७-२ तदा ते स्पृहणीयाः स्युरिमे ह्यत्यन्तदुर्लभाः ॥

०२७८-१ अङ्गनामङ्गनामन्तरे माधवो माधवं माधवं चान्तरेणाङ्गना ।
०२७८-२ इत्थमाकल्पिते मण्डले मध्यगः संजगौ वेणुना देवकीनन्दनः ॥

०२७९-१ अङ्गन्यासस्ततः कार्यः शिवोक्तः सिद्धिमिच्छता ।
०२७९-२ आचार्येण च शिष्यस्य पापघ्नो विघ्ननाशनः ॥

०२८०-१ अङ्गप्रत्यङ्गजः पुत्रो हृदयाच्चापि जायते ।
०२८०-२ तस्मात्प्रियतरो मातुः प्रियत्वान्न तु बान्धवः ॥

०२८१-१ अङ्गप्रत्यङ्गभागेन ततः पिण्डः प्रजायते ।
०२८१-२ चर्मणाच्छादितः सप्त धातवः सुय्रनुक्रमात् ॥

०२८२-१ अङ्गमङ्गेन संपीड्य मांसं मांसेन तु स्त्रियः ।
०२८२-२ पुराहमभवं प्रीतो यत्तन्मोहविजृम्भितं ॥

०२८३-१ अङ्गमनङ्गक्लिष्टं सुखयेदन्या न मे करस्पर्शात् ।
०२८३-२ नोच्छ्वसिति तपनकिरणैश्चन्द्रस्येवांशुभिः कुमुदं ॥

०२८४-१ अङ्गयुक्तः कृतास्रश्च कुर्वन्सम्यक्पुरोविधिं ।
०२८४-२ विजानन्सिद्धसाध्यादीन्वैरिणोऽस्त्रैर्न पीड्यते ॥

०२८५-१ अङ्गसङ्गात्तथा जीवो भजते प्राकृतान्गुणान् ।
०२८५-२ अहंकाराभिभूतः सन्भिन्नस्तेभ्योऽपि सोऽव्ययः ॥

०२८६-१ अङ्गाः संजातभङ्गाद्यनवनवसतिप्राप्तरङ्गाः कलिङ्गास्तैलङ्गाःस्वर्गगङ्गाभिषवणमतयः शीर्यदङ्गाश्च वङ्गाः ।
०२८६-२ लाटाःस्विद्यल्ललाटाः पदगमनदृढाश्वासलोलाश्च चोला जायन्ते श्रीनिजाम पृथुरण भवतः प्रौढनिःसाणनादात् ॥

०२८७-१ अङ्गाकृष्टदुकूलया सरभसं गूढौ भुजाभ्यां स्तनावाकृष्टे जघनांशुके कृतमधः संसक्तमूरुद्वयं ।
०२८७-२ नाभीमूलनिबद्धचक्षुषि मयि व्रीडानताङ्ग्या तया दीपः स्फूत्कृतवातवेपितशिखः कर्णोत्पलेनाहतः ॥

०२८८-१ अङ्गाकृष्टिर्व्यथयति नखाङ्केषु वक्षोजकुम्भा- वास्यं जृम्भा दशनवसने दन्तदष्टं दुनोति ।
०२८८-२ यान्त्याः खेदं व्रजति करजश्रेणिषु श्रोणिभागः प्रातर्याति प्रगुणतरतां वैशसं नैशमस्याः ॥

०२८९-१ अङ्गाङ्गमागते शत्रौ किं करोति परिच्छदः ।
०२८९-२ राहुणा ग्रसिते चन्द्रे किं किं भवति तारकैः ॥

०२९०-१ अङ्गाङ्गिभावमज्ञात्वा कथं सामर्थ्यनिर्णयः ।
०२९०-२ पश्य टिट्टिभमात्रेण समुद्रो व्याकुलीकृतः ॥

०२९१-१ अङ्गानामतितानवं कुत इदं कम्पश्च कस्मात्कुतो मुग्धे पाण्डुकपोलमाननमिति प्राणेश्वरेपृच्छति ।
०२९१-२ तन्व्या सर्वमिदं स्वभावत इति व्याहृत्य पक्ष्मान्तर- व्यापी बाष्पभरस्तया वलितया निःश्वस्य मुक्तोऽन्यतः ॥

०२९२-१ अङ्गानि खेदयसि किं शिरीषकुसुमपरिपेलवानि मुधा ।
०२९२-२ अयमीहितकुसुमानां संपादयिता तवास्ति दासजनः ॥

०२९३-१ अङ्गानि चन्दनरजःपरिधूसराणि ताम्बूलरागसुभगोऽधरपल्लवश्च ।
०२९३-२ स्वच्छाञ्जने च नयने वसनं तनीयः कान्तासु भूषणमिदं विबह्वश्च शेषः ॥

०२९४-१ अङ्गानि दत्त्वा हेमाङ्गि प्राणान्क्रीणासि चेन्नृणां ।
०२९४-२ युक्तमेतन्न तु पुनः कोणं नयनपद्मयोः ॥

०२९५-१ अङ्गानि धीपटुत्वं शक्तिर्दशनाः शनैर्विशीर्यन्ते ।
०२९५-२ निखिलेन्द्रियाणि येषां चिरायुषस्ते नरा ज्ञेयाः ॥

०२९६-१ अङ्गानि निद्रालसविभ्रमाणि वाक्यानि किंचिन्मदलालसानि ।
०२९६-२ भ्रूक्षेपजिह्मानि च वीक्षितानि चकार कामः प्रमदाजनानां ॥

०२९७-१ अङ्गानि मे दहतु कान्तवियोगवह्निः सम्रक्षतु प्रियतमं हृदि वर्ततेऽसौ ।
०२९७-२ इत्याशया शशिमुखी जलदश्रुवारि- धाराभिरुष्णमभिषिञ्चति हृत्प्रदेशं ॥

०२९८-१ अङ्गानि श्लथनिः सहानि नयते मुग्धालसे विभ्रमश्- वासोत्कम्पितक्ॐअलस्तनमुरः सायाससुप्ते भ्रुवौ ।
०२९८-२ किं चान्दोलनकौतुकव्युपरतावास्येषु वामभ्रुवां स्वेदाम्भः स्तपिताकुलालकलतेष्वावासितो मन्मथः ॥

०२९९-१ अङ्गामोदसमोच्छलद्घृणिपतद्भृङ्गावलीमालित- स्फूर्जल्लञ्छनसूत्रगुम्फितमिलन्नीलोत्पलश्रीरिव ।
०२९९-२ निर्यत्पादनखोन्मुखांशुविसरस्रग्दन्तुरः स्मर्यतां मञ्जुश्रीः सुरमुक्तमञ्जरिशिखावर्षैरिवाभ्यर्चितः ॥

०३००-१ अङ्गारपूर्वे गमने च लाभः स्ॐए शनौ दक्षिणमर्थलाभं ।
०३००-२ बुधे गुरौ पश्चिमकार्यसिद्धी रवौ भृगौ चोत्तरमर्थलाभः ॥

०३०१-१ अङ्गारशूलाश्मपलालकेश- विस्तीर्णविट्चर्ममृतेषु दृष्टः ।
०३०१-२ श्वा मूत्रयन्यच्छति कार्यनाशं दारिद्र्यमृत्युप्रमुखाननर्थान् ॥

०३०२-१ अङ्गारसदृशी नारी घृतकुम्भसमः पुमान् ।
०३०२-२ ये प्रसक्ता विलीनास्ते ये स्थितास्ते पदे स्थिताः ॥

०३०३-१ अङ्गारसदृशी योषित्सर्पिःकुम्भसमः पुमान् ।
०३०३-२ तस्याः परिसरे ब्रह्मन्स्थातव्यं न कदाचन ॥

०३०४-१ अङ्गारहासिषु विलासगृहोदरेषु तल्पेषु तूलपटकल्पितवेष्टनेषु ।
०३०४-२ उष्णेषु च प्रणयिनीकुचमण्डलेषु शान्तिं जगाम शिशिरस्य तुषारगर्वः ॥

०३०५-१ अङ्गारैः खचितेव भूर्वियदपि ज्वालाकरालं करैस्तिग्मांशोः किरतीव तीव्रमभितो वायुः कुकूलानलं ।
०३०५-२ अप्यम्भांसि नखंपचानि सरितामाशा ज्वलन्तीव च ग्रीष्मेऽस्मिन्नववह्निदीपितमिवाशेषं जगद्वर्तते ॥

०३०६-१ अङ्गारैः शाकवृक्षस्य चूर्णितैः सघृतैस्त्र्यहं ।
०३०६-२ दत्तैर्नश्यत्यतीसारस्त्र्यहं पानीयवारणात् ॥

०३०७-१ अङ्गासङ्गिमृणालकाण्डमयते भृङ्गावलीनां रुचं नासामौक्तिकमिन्द्रनीलसरणिं श्वासानिलाद्गाहते ।
०३०७-२ दत्तेयं हिमवालुकापि कुचयोर्धत्ते क्षणं दीपतां तप्तायःपतिताम्बुवत्करतले धाराम्बु संलीयते ॥

०३०८-१ अङ्गीकुरु त्वमवधीरय वा वयं तु दासास्तवेति वचसैव जयेम लोकान् ।
०३०८-२ एतावतैव सुकरो ननु विश्वमात- रुद्दण्डदण्डधरकिंकरमौलिभङ्गः ॥

०३०९-१ अङ्गीकुर्वन्ति भङ्गीमखिलगिरिगणास्तप्तजाम्बूनदीयां दूरीकुर्वन्ति पूरीकृतकनकगिरिस्फारगवं च यस्याः ।
०३०९-२ उन्मत्तध्वान्तधारासुरवरपटलीदाहसञ्जातकीर्तिः सेयं प्राची प्रदीप्तिर्दलयतु दुरितं सर्वदा सर्वदा मे ॥

०३१०-१ अङ्गीकुर्वन्नमृतरुचिरामुत्पतिष्णोस्सलीलं छायामन्तस्तव मणिमयो माल्यवानेष शैलः ।
०३१०-२ शोभां वक्ष्यत्यधिकललितां शोभमानामतीन्दोर्देवस्यादेरुपजनयतो मानसादिन्दुबिम्बं ॥

०३११-१ अङ्गीकृततितिक्षः सेड्गुणी निष्ठापरो यथा ।
०३११-२ मृषिस्तथा विजयते श्रीरामो राजसत्तमः ॥

०३१२-१ अङ्गीकृत्ताः क्षतिमिमामपि ये विषह्य गोप्तुं गुणान्किमिति वाञ्छसि तान्मुधैव ।
०३१२-२ मुक्तामणेर्विमलरूपतया नितान्तं एते तव स्वयमपि प्रकटीभवन्ति ॥

०३१३-१ अङ्गुलिभङ्गविकल्पन- विविधविवादप्रवृत्तपाण्डित्यः ।
०३१३-२ जपचपलोष्ठः सजने ध्यानपरो नगररथ्यासु ॥

०३१४-१ अङ्गुलीकिसलयाग्रतर्जनं भ्रूविभङ्गकुटिलं च वीक्षितं ।
०३१४-२ मेखलाभिरसकृच्च बन्धनं वञ्चयन्प्रणयिनीरवाप सः ॥

०३१५-१ अङ्गुलीभिः कुरङ्गाक्ष्याः शोभते मुद्रिकावलिः ।
०३१५-२ प्रोतेव बाणैः पञ्चेषोः सूक्ष्मा लक्ष्यपरम्परा ॥

०३१६-१ अङ्गुलीभिरिव केशसंचयं संनिगृह्य तिमिरं मरीचिभिः ।
०३१६-२ कुड्मलीकृतसरोजलोचनं चुम्बतीव रजनीमुखं शशी ॥

०३१७-१ अङ्गुल्यः पञ्चमे मासे दृष्टिकुक्षौ च षष्ठमे ।
०३१७-२ संचारः सप्तमे मासे अष्टमे नयनेषु च ॥

०३१८-१ अङ्गुल्यः पल्लवान्यासन्कुसुमानि नखार्चिषः ।
०३१८-२ बाहू लते वसन्तश्रीस्त्वं नः प्रत्यक्षचारिणी ॥

०३१९-१ अङ्गुल्यग्रनखेन बाष्यसलिलं विक्षिप्य विक्षिप्य किं तूष्णीं रोदिषि कोपने बहुतरं फूत्कृत्य रोदिष्यसि ।
०३१९-२ यस्यास्ते पिशुनोपदेशवचनैर्मानेऽतिभूमिं गते निर्विण्णोऽनुनयं प्रति प्रियतमो मध्यस्थतामेष्यति ॥

०३२०-१ अङ्गुल्यग्रनिरोधतस्तनुतरां धारामियं तन्वती कर्कया न परं पयो निपुणिका दातुं प्रपापालिका ।
०३२०-२ विश्लिष्टाङ्गुलिना करेण दशनापाडं शनैः पान्थ हे निश्पन्दोर्ध्वविलोचनस्त्वमपि हा जानासि पातुं पयः ॥

०३२१-१ अङ्गुल्यग्रेण यज्जप्तं यज्जप्तं मेरुलङ्घने ।
०३२१-२ व्यग्रचित्तेन यज्जप्तं त्रिविधं निष्फलं भवेत् ॥

०३२२-१ अङ्गुल्या कः कवाटं प्रहरति कुटिले माधवः किं वसन्तो नो चक्री किं कुलालो न हि धरणिधरः किं द्विजिह्वः फणीन्द्रः ।
०३२२-२ नाहं घोराहिमर्दी किमसि खगपतिर्नो हरिः किं कपीन्द्रः इत्येवं गोपकन्याप्रतिवचनजितः पातु वश्चक्रपाणिः ॥

०३२३-१ अङ्गुष्ठतर्जनीभ्यां गा घ्राणे संगृह्य नामयेत् ।
०३२३-२ मन्त्रेणानेन वश्याः स्युः पशवोऽश्वादयस्तथा ॥

०३२४-१ अङ्गुष्ठनखदम्भेन पादयोः पतितः किमु ।
०३२४-२ विभाति वक्त्रविजितः शशी विगतकल्मषः ॥

०३२५-१ अङ्गुष्ठनखमूले तु तर्जन्यग्रं सुसंस्थितं ।
०३२५-२ मत्सरी सा च विज्ञेया चित्रलक्ष्यस्य वेधने ॥

०३२६-१ अङ्गुष्ठाक्रमवक्रिताङ्गुलिरधः पादार्धनीरुद्धभूः पार्श्वाद्वेगकृतो निहत्य कफणिद्वन्द्वेन दंशान्मुहुः ।
०३२६-२ न्यग्जानुद्वययन्त्रयन्त्रितघटीवक्त्रान्तरालस्खलद्धाराध्वानमनोहरं सखि पयो गां दोग्धि गोपालकः ॥

०३२७-१ अङ्गुष्ठाग्रे तु तर्जन्या मुखं यत्र निवेशितं ।
०३२७-२ काकतुण्डी च विज्ञेया सूक्ष्मलक्ष्येषु योजिता ॥

०३२८-१ अङ्गुष्ठे पदगुल्फजानुजघने नाभौ च वक्षःस्तने कक्षाकण्ठकपोलदन्तवसने नेत्रालिके मूर्धनि ।
०३२८-२ शुक्लाशुक्लविभागतो मृगदृशामङ्गेष्वनङ्गस्थिती- रूर्ध्वाधोगमनेन वामपदगाः पक्षद्वये लक्षयेत् ॥

०३२९-१ अङ्गुष्ठोदरमात्रं विशेषवित्प्राप्य पद्मरागमणिं ।
०३२९-२ सुखसंवाह्यमनुत्तरं अर्थं किं तेन नाप्नोति ॥

०३३०-१ अङ्गेन केनापि विजेतुमस्या गवेष्यते किं चलपत्रपत्रं ।
०३३०-२ न चेद्विशेषादितरच्छदेभ्यस्तस्यास्तु कम्पस्तु कुतो भयेन ॥

०३३१-१ अङ्गेन गात्रं नयनेन वक्त्रं न्यायेन राज्यं लवणेन भोज्यं ।
०३३१-२ धर्मेण हीनं खलु जीवितं च न राजते चन्द्रमसा विना निशा ॥

०३३२-१ अङ्गेऽनङ्गज्वरहुतवहश्चक्षुषि ध्यानमुद्रा कण्ठे जीवः करकिसलये दीर्घशायी कपोलः ।
०३३२-२ अंसे वीणा कुचपरिसरे चन्दनं वाचि मौनं तस्याः सर्वं स्थितमिति न तु त्वां विना क्वापि चेतः ॥

०३३३-१ अङ्गेनाङ्गं प्रतनु तनुना गाढतप्तेन तप्तं सास्रेप्यास्रद्रुतमविरतोत्कण्ठमुत्कण्ठितेन ।
०३३३-२ अष्णोच्छ्वासं समधिकतरोच्छ्वासिना दूरवर्ती संकल्पैस्ते विशति विधिना वैरिणा रुद्धमार्गः ॥

०३३४-१ अङ्गेनाङ्गमनुप्रविश्य मिलतो हस्तावलेपादिभिः का वार्ता युधि गन्धसिन्धुरपतेर्गन्धोऽपि चेत्के द्विपाः ।
०३३४-२ जेतव्योऽस्ति हरेः स लाञ्छनमतो वन्दामहे तामभूद्यद्गभ शरभः स्वयंजय इति श्रुत्वापि यो नाङ्कितः ॥

०३३५-१ अङ्गेषु चतुरश्रत्वं समपादौ लताकरौ ।
०३३५-२ प्रारम्भे सर्वनृत्यानां एतत्सामान्यमुच्यते ॥

०३३६-१ अङ्गेषु मुख्या द्विजमध्यसंस्था वाणानुसंधान परासि नित्यं ।
०३३६-२ अधं स्थिरप्रेमरसा रसज्ञे नरस्तुतिं संत्यज कर्णवत्त्वं ॥

०३३७-१ अङ्गेष्वाभरणं करोति बहुशः पत्रेऽपि संचारिणि प्राप्तं त्वां परिशङ्कते वितनुते शय्यां चिरं ध्यायति ।
०३३७-२ इत्याकल्पविकल्पतल्परचनासङ्कल्पलीलाशत- व्यासक्तापि विना त्वया वरतनुर्नैषा निशां नेष्यति ॥

०३३८-१ अङ्गैः सुकुमारतरैः सा कुसुमानां श्रियं प्रहरति ।
०३३८-२ विकलयति कुसुमबाणो बाणालीभिर्मम प्राणान् ॥

०३३९-१ अङ्गैरन्तर्निहितवचनैः सूचितः सम्यगर्थः पादन्यासो लयमनुगतस्तन्मयत्वं रसेषु ।
०३३९-२ शाखायोनिर्मृदुरभिनयस्तद्विकल्पानुवृत्तौ भावो भावं नुदति विषयाद्रागबन्धः स एव ॥

०३४०-१ अङ्घ्रिदण्डो हरेरूर्ध्वं उत्क्षिप्तो बलिनिग्रहे ।
०३४०-२ विधिविष्टरपद्मस्य नालदण्डो मुदेऽस्तु वः ॥

०३४१-१ अचकमत सपल्लवां धरित्रीं मृदुसुरभिं विरहय्य पुष्पशय्यां ।
०३४१-२ भृशमरतिमवाप्य तत्र चास्यास्तव सुखशीतमुपैतुमङ्कमिच्छा ॥

०३४२-१ अचञ्चलं मुग्धमुदञ्चितं दृशोरनुन्नतं श्रीमदुरो मृगीदृशः ।
०३४२-२ अभङ्गुराकूतवती गतिर्भ्रुवोरबद्धलक्ष्यं क्वचिदुत्कमान्तरं ॥

०३४३-१ अचतुर्वदनो ब्रह्मा द्विबाहुरपरो हरिः ।
०३४३-२ अभाललोचनः शंभुर्भगवान्बादरायणः ॥

०३४४-१ अचलं चलदिव चक्षुः प्रकृतमपीदं समुद्यदिव वक्षः ।
०३४४-२ अतदिव तदपि शरीरं संप्रति वामभ्रुवो जयति ॥

०३४५-१ अचला कमला कस्य कस्य मित्रं महीपतिः ।
०३४५-२ शरीरं च स्थिरं कस्य कस्य वश्या वराङ्गना ॥

०३४६-१ अचला कमला हि कस्य कस्य क्षितिपालः किल मित्रमस्ति लोके ।
०३४६-२ इह वश्यतमा च कस्य वेश्या स्थिरमप्यस्ति च कस्य देहमत्र ॥

०३४७-१ अचिन्तनीया विधिवञ्चनेयं यदम्बुजाक्षी स्थविरस्य भर्तुः ।
०३४७-२ स्वयं समादाय करं निधाय वक्षोजयुग्मे स्वपिति श्वसन्ती ॥

०३४८-१ अचिन्तितानि दुःखानि यथैवायान्ति देहिनां ।
०३४८-२ सुखान्यपि तथा मन्ये दैवमत्रातिरिच्यते ॥

०३४९-१ अचिन्त्यमतिदुःसहं त्रिविधदुःखमेनोऽर्जितं चतुर्विधगतिश्रितं भवभृता न किं प्राप्यते ।
०३४९-२ शरीरमसुखाकरं जगति गृह्णता मुञ्चता तनोति न तथाप्ययं विरतिमूर्जितां पापतः ॥

०३५०-१ अचिन्त्याः पन्थानः किमपि महतामन्धकरिपोर्यदक्ष्णोऽभूत्तेजस्तदकृत कथाशेषमदनं ।
०३५०-२ मुनेर्नेत्रादत्रेर्यदजनि पुनर्ज्योतिरहह प्रतेने तेनेदं मदनमयमेव त्रिभुवनं ॥

०३५१-१ अचिरात्परात्मनिष्ठा भवति यतस्तत्क्रियेत चतुरेण क्लेशेन्कामदमनं धिगेकदारञ्जयन्तमात्मानं ॥

०३५२-१ अचिरादुपकर्तुराचरेदथ वात्मौपयिकीमुपक्रियां ।
०३५२-२ पृथुरित्थमथाणुरस्तु सा न विशेषे विदुषामिह ग्रहः ॥

०३५३-१ अचिराधिष्ठितराज्यः शत्रुः प्रकृतिष्वरूढमूलत्वात् ।
०३५३-२ नवसंरोपणशिथिलस्तरुरिव सुकरः समुद्धर्तुं ॥

०३५४-१ अचिरेण परस्य भूयस्ॐ विपरीतां विगणय्य चात्मनः ।
०३५४-२ क्षययुक्तिमुपेक्षते कृती कुरुते तत्प्रतिकारमन्यथा ॥

०३५५-१ अचिरेण रोचते मे दिवसानेवं वृथातिवाहयते ।
०३५५-२ श्रितकृष्णपक्षगतये वयस्य काम्यस्तनीविरहः ॥

०३५६-१ अचुम्बि या चन्दनबिन्दुमण्डली नलीयवक्त्रेण सरोजतर्जिना ।
०३५६-२ श्रियं श्रिता काचन तारकासखी कृताशशाङ्कस्य तयाङ्कवर्तिनी ॥

०३५७-१ अचेतना अपि प्रायो मैत्रीमेवानुबध्यते ।
०३५७-२ स्ववृद्धात्क्षीयते क्षीरात्क्षीरात्प्रागेव वारिणा ॥

०३५८-१ अचेष्टमानमासीनं श्रीः कंचिदुपतिष्ठति ।
०३५८-२ कश्चित्कर्माणि कुर्वन्हि न प्राप्यमधिगच्छति ॥

०३५९-१ अचोद्यमानानि यथा पुष्पाणि च फलानि च ।
०३५९-२ स्वकालं नातिवर्तन्ते तथा कर्म पुराकृतं ॥

०३६०-१ अच्छप्रकाशवति चन्द्रमसि प्रियेऽस्मिन्नाह्लादकारिणि सुधावति पूर्णबिम्बे ।
०३६०-२ धाता विचिन्त्य मनसाखिलदृष्टिपातं हर्तुं चकार किमु कज्जलबिन्दुयोगं ॥

०३६१-१ . . . . . .

०३६१-२ अच्छलं मित्रभावेन सतां दारावलोकनम्

०३६२-१ अच्छाच्छचन्दनरसार्द्रकरा मृगाक्ष्यो धारागृहाणि कुसुमानि च क्ॐउदी च ।
०३६२-२ मन्दो मरुत्सुमनसः शुचि हर्म्यपृष्ठं ग्रीष्मे मदं च मदनं च विवर्धयन्ति ॥

०३६३-१ अच्छासु हंस इव बालमृणालिकासु भृङ्गो नवास्विव मधुद्रुममञ्जरीषु ।
०३६३-२ कोऽवन्तिभर्तुरपरो रसनिर्भरासु पृथ्वीपतिः सुकविसूक्तिषु बद्धभावः ॥

०३६४-१ अच्छिद्रमस्तु हृदयं परिपूर्णमस्तु मौखर्यमस्तमितमस्तु गुरुत्वमस्तु ।
०३६४-२ कृष्णप्रिये सखि दिशामि सदाशिषस्ते यद्वासरे मुरलि मे करुणां करोषि ॥

०३६५-१ अच्छिन्नं नयनाम्बु बन्धुषु कृतं चिन्ता गुरुष्वर्पिता दत्तं दैन्यमशेषतः परिजने तापः सखीष्वाहितः ।
०३६५-२ अद्य श्वः परनिर्वृतिं भजति सा श्वासैः परं खिद्यते विश्रब्धो भव विप्रयोगजनितं दुःखं विभक्तं तया ॥

०३६६-१ अच्छिन्नमेखलमलब्धदृढोपगूढं अप्राप्तचुम्बनमवीक्षितवक्त्रकान्ति ।
०३६६-२ कान्ताविमिश्रवपुषः कृतविप्रलम्भ- सम्भोगसख्यमिव पातु वपुः स्मरारेः ॥

०३६७-१ अच्छिन्नामृतबिन्दुवृष्टिसदृशीं प्रीतिं ददत्या दृशां याताया विगलत्पयोधरभराद्द्रष्टव्यतां कामपि ।
०३६७-२ अस्याश्चन्द्रमसस्तनोरिव करस्पर्शास्पदत्वं गता नैते यन्मुकुलीभवन्ति सहसा पद्मास्तदेवाद्भुतं ॥

०३६८-१ अच्छेद्योऽयमदाह्योऽयं अक्लेद्योऽशोष्य एव च ।
०३६८-२ नित्यः सर्वगतः स्थाणुरचलोऽयं सनातनः ॥

०३६९-१ अच्युतचरणतरङ्गिणि शशिशेखरमौलिमालतीमाले ।
०३६९-२ त्वयि तनुवितरणसमये हरता देया न मे हरिता ॥

०३७०-१ अच्युतभक्तिवशादिह समभावस्तत्प्रसङ्गेन ।
०३७०-२ सा रमतेरभ्युदयति रतिरिति नैवाद्भुतं किंचित् ॥

०३७१-१ अच्युतानन्तगोविन्दनामोच्चारणभेषजात् ।
०३७१-२ नश्यन्ति सकला रोगाः सत्यं सत्यं वदाम्यहं ॥

०३७२-१ अजनि प्रतिदिनमेषा कर्दमशेषा मदङ्गसङ्गेन ।
०३७२-२ प्रतिनिशमपूरि पम्पा दक्षिणसंपातिभिः सलिलैः ॥

०३७३-१ अजनि भगवानस्माद्वेधाः शिरःसु सुधाभुजां कृतपदमिदं चैतद्देव्याः श्रियो धृतिमन्दिरं ।
०३७३-२ तदिह भुवनाभोगश्लाघ्ये सरोरुहि यच्चिरं शशधर तव द्वेषारम्भः स एष जडग्रहः ॥

०३७४-१ अजनि रजनिरन्या चन्द्रमः कान्तिवन्या- विपुलचपलवीचिव्याचिता काचिदेव ।
०३७४-२ सतरुगिरिसरिद्भिः किं हरिद्भिः समेतं धवलिमनि धरित्रीमण्डलं मग्नमेतत् ॥

०३७५-१ अजनि शिशिरशीलं शैवलं सागरे यच्चिकुरमकृत कामस्तन्वि ते किं न तेन ।
०३७५-२ वहति कुटिलमेनं हेतुना केन मूर्ध्ना वदनविधुरयं चेत्सोदरो नादसीयः ॥

०३७६-१ अजन्मा पुरुषस्तावद्गतासुस्तृणमेव वा ।
०३७६-२ यावन्नेषुभिरादत्ते विलुप्तमरिभिर्यशः ॥

०३७७-१ अजन्यकम्पाः शूरा ये नित्यमप्यपराङ्मुखाः ।
०३७७-२ दर्शयन्त्यपरागेण परेभ्यश्चित्ररूपवत् ॥

०३७८-१ अजरामरवत्प्राज्ञो विद्यामर्थं च चिन्तयेत् ।
०३७८-२ गृहीत इव केशेषु मृत्युना धर्ममाचरेत् ॥

०३७९-१ अजवच्चर्वणं कुर्याद्गजवत्स्नानमाचरेत् ।
०३७९-२ राजवत्प्रविशेद्ग्रामं चोरवद्गमनं चरेत् ॥

०३८०-१ अजस्य गृह्णतो जन्म निरीहस्य हतद्विषः ।
०३८०-२ स्वपतो जागरूकस्य याथात्म्यं वेद कस्तव ॥

०३८१-१ अजस्रं लसत्पद्मिनी वृन्दसङ्गं मधूनि प्रकामं पिबन्तं मिलिन्दं ।
०३८१-२ रविर्मोचयत्यब्जकारागृहेभ्यो दयालुर्हि नो दुष्टवद्दोषदर्शी ॥

०३८२-१ अजस्रभूमीतटकुट्टनोत्थितैरुपास्यमानं चरणेषु रेणुभिः ।
०३८२-२ रयप्रकर्षाध्ययनार्थमागतैर्जनस्य चेतोभिरिवाणिमाङ्कितैः ॥

०३८३-१ अजस्रमभ्यासमुपेयुषा समं मुदैव देवः कविना बुधेन च ।
०३८३-२ दधौ पटीयान्समयं नयन्नयं दिनेश्वरश्रीरुदयं दिने दिने ॥

०३८४-१ अजस्रमारोहसि दूरदीर्घां संकल्पसोपानततिं तदीयां ।
०३८४-२ श्वासान्स वर्षत्यधिकं पुनर्यद्ध्यानात्तव त्वन्मयतां तदाप्य ॥

०३८५-१ अजा इव प्रजा मोहाद्यो हन्यात्पृथिवीपतिः ।
०३८५-२ तस्यैका जायते तृप्तिर्न द्वितीया कथंचन ॥

०३८६-१ अजागलस्थस्तन उष्ट्रपुच्छं कक्षान्तरे केशमथाण्डयुग्मं ।
०३८६-२ त्वां संसृजन्सायणमायणादौ ब्रह्माग्रगण्यो न बभूव पूज्यः ॥

०३८७-१ अजाङ्घ्रिनिर्दत्तरजश्चयापि कपालिना बद्धरसापि कामं ।
०३८७-२ ततोऽप्यधोधः पतितापि नित्यं गङ्गा कुसङ्गापि पुनाति लोकान् ॥

०३८८-१ अजाजीजम्बाले रजसि मरिचानां च लुठिताः कटुत्वादुष्णत्वाज्जनितरसनौष्ठव्यतिकराः ।
०३८८-२ अनिर्वाणोत्थेन प्रबलतरतैलाक्ततनवो मया सद्यो भृष्टाः कतिपयकवय्यः कवलिताः ॥

०३८९-१ अजातमृतमूर्खाणां वरमाद्यौ न चान्तिमः ।
०३८९-२ सकृद्दुःखकरावाद्यावन्तिमस्तु पदे पदे ॥

०३९०-१ अजातमृतमूर्खेभ्यो मृताजातौ सुतौ वरं ।
०३९०-२ यतस्तौ स्वल्पदुःखाय यावज्जीवं जडो दहेत् ॥

०३९१-१ अजातर्ॐआमतिसुन्दराङ्गीं शृङ्गारवल्लीमिव राजकन्यां ।
०३९१-२ भुक्त्वा द्रुतं क्वापि गतो न चेत्स्याः स्यात्ते तदानर्थनिपात एव ॥

०३९२-१ अजाधूलिरिव त्रस्तैर्मार्जनीरेणुवज्जनैः ।
०३९२-२ दीपखट्वोत्थच्छायेव त्यज्यते निर्धनो जनः ॥

०३९३-१ अजानता भवेत्कश्चिदपराधः कुतो यदि क्षन्तव्यमेव तस्याहुः सुपरीक्ष्य परीक्षया ॥

०३९४-१ अजानती कापि विलोकनोत्सुका समीरधूतार्धमपि स्तनांशुकं ।
०३९४-२ कुचेन तस्मै चलतेऽकरोत्पुरः पुराङ्गना मङ्गलकुम्भसंभृतिं ॥

०३९५-१ अजानन्माहात्म्यं पतति शलभस्तीव्रदहने स मीनोऽप्यज्ञानाद्बडिशयुतमश्नातु पिशितं ।
०३९५-२ विजानन्तोऽप्येते वयमिह विपज्जालजटिलान्न मुञ्चामः कामानहह गहनो मोहमहिमा ॥

०३९६-१ अजामूत्रं च तद्विष्ठा सूकरस्य तथैव विट् ।
०३९६-२ बुद्बुदं लेपतो हन्यान्मण्डलिक्ष्वेडसंभवं ॥

०३९७-१ अजायन्तैतस्मादमृतशशिलक्ष्मीप्रभृतयः परित्राताश्चेन्द्रात्कुलशिखरिणः पूर्वयमुना ।
०३९७-२ उपेता इत्येवं तव जलनिधे तीरमधुना विगर्जाभिः किं नः श्रुतिपुटमहो जर्जरयसि ॥

०३९८-१ अजायुद्धमृषिश्राद्धं प्रभाते मेघडम्बरः ।
०३९८-२ दम्पत्योः कलहश्चैव बह्वारम्भे लघुक्रिया ॥

०३९९-१ अजारजः खररजस्तथा संमार्जनीरजः ।
०३९९-२ दीपखट्वोत्थच्छाया च शक्रस्यापि श्रियं हरेत् ॥

०४००-१ अजारजः पर्वणि मैथुनानि श्मशानधूमो मठभोजनानि ।
०४००-२ रजस्वलानेत्रनिरीक्षणानि हरन्ति पुण्यानि दिवा कृतानि ॥

०४०१-१ अजाविगर्दभोष्ट्राणां मार्जारमूषिकस्य च ।
०४०१-२ रजांस्येतानि पापानि सर्वतः परिवर्जयेत् ॥

०४०२-१ अजाश्वयोर्मुखं मेध्यं गावो मेध्यास्तु पृष्ठतः ।
०४०२-२ ब्राह्मणाः पादतो मेध्याः स्त्रियो मेध्याश्च सर्वतः ॥

०४०३-१ अजा सिंहप्रसादेन वने चरति निर्भयं ।
०४०३-२ राममासाद्य लङ्कायां लेभे राज्यं विभीषणः ॥

०४०४-१ अजितेन्द्रियवर्गस्य नाचारेण भवेत्फलं ।
०४०४-२ केवलं देहखेदाय दुर्भगस्य विभूषणं ॥

०४०५-१ अजित्वा सार्णवामुर्वीं अनिष्ट्वा विविधैर्मखैः ।
०४०५-२ अदत्त्वा चार्थमर्थिभ्यो भवेयं पार्थिवः कथं ॥

०४०६-१ अजीयतावर्तशुभंयुनाभ्यां दोर्भ्यां मृणालं किमु क्ॐअलाभ्यां ।
०४०६-२ निः सूत्रमास्ते घनपङ्कमृत्सु मूर्तासु नाकीर्तिषु तन्निमग्नं ॥

०४०७-१ अजीर्णं तपसः क्रोधो ज्ञानाजीर्णमहंकृतिः ।
०४०७-२ परिनिन्दा क्रियांजीर्णं अन्नाजीर्णं विषूचिका ॥

०४०८-१ अजीर्णे भेषजं वारि जीर्णे वारि बलप्रदं ।
०४०८-२ भोजने चामृतं वारि भोजनान्ते विषापहं ॥

०४०९-१ अजेयः सुभगः स्ॐयः त्यागी भोगी यशोनिधिः ।
०४०९-२ भवत्यभयदानेन चिरंजीवी निरामयः ॥

०४१०-१ अजैडकासूकरविड्विडङ्ग- किण्वोपचारेण च बीजपूरः ।
०४१०-२ भूयोश्वमूत्राविलवारिसिक्तः फलानि धत्ते सुबहूनि शश्वत् ॥

०४११-१ अर्जितं स्वेन वीर्येण नान्यपाश्रित्य कंचन ।
०४११-२ फलशाकमपि श्रेयो भोक्तुं ह्यकृपणं गृहे ॥

०४१२-१ अज्ञं कर्माणि लिम्पन्ति तज्ज्ञं कर्म न लिम्पति ।
०४१२-२ लिप्यते रसनैवैका सर्पिषा करवद्यथा ॥

०४१३-१ अज्ञः सुखमाराध्यः सुखतरमाराध्यते विशेषज्ञः ।
०४१३-२ ज्ञानलवदुर्विदग्धं ब्रह्मापि नरं न रञ्जयति ॥

०४१४-१ अज्ञतया प्रेम्णा वा चूडामणिमाकलय्य काचमणिं ।
०४१४-२ नृपतिर्वहेत शिरसा तेनासौ नह्यनर्घ्यमणिः ॥

०४१५-१ अज्ञश्चाश्रद्दधानश्च संशयात्मा विनश्यति ।
०४१५-२ नायं लोकोऽस्ति न परो न सुखं संशयात्मनः ॥

०४१६-१ अज्ञस्तावदहं न मन्दधिषणः कर्तुं मनोहारिणीश्चाटूक्तीः प्रभवामियामिभवतो याभिः कृपापात्रतां ।
०४१६-२ आर्तेनाशरणेन किं तु कृपणेनाक्रन्दितं कर्णयोः कृत्वा सत्वरमे हि देहि चरणं मूर्धन्यधन्यस्य मे ॥

०४१७-१ अज्ञातकालोचितकर्मयोगा रोगा इवाहर्निशि पश्यमानाः जगत्त्रये देवमनुष्यनागाः ।
०४१७-२ प्रज्ञादरिद्राः खलु सर्व एव ॥

०४१८-१ अज्ञातकुलशीलस्य वासो देयो न कस्यचित् ।
०४१८-२ मार्जारस्य हि दोषेण हतो गृध्रो जरद्गवः ॥

०४१९-१ अज्ञातकुलशीलेऽपि प्रीतिं कुर्वन्ति वानराः ।
०४१९-२ आत्मार्थे च न रोदन्ति रोदन्ति त्वितरे जनाः ॥

०४२०-१ अज्ञातदेशकालाश्चपलमुखा पङ्गवोऽपिस प्लुतयः ।
०४२०-२ नवविहगा इव मुग्धा भक्ष्यन्ते धूर्तमार्जारैः ॥

०४२१-१ अज्ञातदोषैर्दोषज्ञैरुद्दूष्योभयवेतनैः ।
०४२१-२ भेद्याः शत्रोरभिव्यक्तशासनैः सामवायिकाः ॥

०४२२-१ अज्ञातनामवर्णेष्वात्मापि ययार्प्यते धनांशेन ।
०४२२-२ तस्या अपि सद्भावं मृगयन्ते मोघसंकल्पाः ॥

०४२३-१ अज्ञातपाण्डित्यरहस्यमुद्रा ये काव्यमार्गे दधतेऽभिमानं ।
०४२३-२ ते गारुडीयाननधीत्य मन्त्रान्हालाहलास्वादनमारभन्ते ॥

०४२४-१ अज्ञातभाविचौरादि दोषैर्नित्यविनाशिना ।
०४२४-२ हास्यैकहेतुना लोके गणकस्य धनेन किं ॥

०४२५-१ अज्ञातमहिमा वाणी शिवं स्तौतु रसोन्मदा ।
०४२५-२ रसातिरेकादौचित्यभङ्गः स्त्रीणां क्व लभ्यते ॥

०४२६-१ अज्ञातमातृल लन- मैणशिशुं कश्चिदङ्कमारोप्य ।
०४२६-२ अद्यापि रक्षसि विधो धर्मात्मा कोनु भवदन्यः ॥

०४२७-१ अज्ञातवीवधासारतोयसस्यो व्रजेत्तु यः परराष्ट्रं न भूयः स स्वराष्ट्रमधिगच्छति ॥

०४२८-१ अज्ञातशास्त्रसद्भावाञ्छास्त्रमात्रपरायणान् ।
०४२८-२ त्यजेद्दूराद्भिषक्पाशान्पाशान्वैवस्वतानिव ॥

०४२९-१ अज्ञाताः पुरुषा यस्य प्रविशन्ति महीपतेः ।
०४२९-२ दुर्गं तस्य न संदेहः प्रविशन्ति द्रुतं द्विषः ॥

०४३०-१ अज्ञातागममीलिताक्षियुगलं किं त्वं मुधा तिष्ठसि ज्ञातोसि प्रकटप्रकम्पपुलकैरङ्गै स्फुटं मुग्धया ।
०४३०-२ मुञ्चैनां जड किं न पश्यसि गलद्बाष्पाम्बुधौ ताननां सख्यैवं गदिते विमुच्य रभसात्कण्ठेवलग्नो युवा ॥

०४३१-१ अज्ञातेन्दुपराभवं परिलसद्व्यालोलनेत्राञ्जनं भ्रान्तभ्रू लतमैणनाभितिलकं श्रीखण्डपत्रालकं ।
०४३१-२ बन्धूकाधरसुन्दरं सुरमुनिव्यामोहि वाक्यामृतं त्रैलोक्याद्भुतपङ्कजं वरतनोरास्यं न कस्य प्रियं ॥

०४३२-१ अज्ञानं कारणं न स्याद्वियोगो यदि कारणं ।
०४३२-२ शोको दिनेषु गच्छत्सु वर्धतामपयाति किं ॥

०४३३-१ अज्ञानं खलु कष्टं क्रोधादिभ्योऽपि सर्वपापेभ्यः ।
०४३३-२ अर्थं हितमहितं वा न वेत्ति येनावृतो लोकः ॥

०४३४-१ अज्ञानं यत्फलं तस्य रसोऽधर्मः प्रकीर्तितः ।
०४३४-२ भावोदकेन संवृद्धिस्तस्याश्रद्धा ऋतुः प्रिय ॥

०४३५-१ अज्ञानतिमिरान्धस्य ज्ञानञ्जनशलाक्या ।
०४३५-२ चक्षुरुन्मीलितं येन तस्मै श्रीगुरवे नमः ॥

०४३६-१ अज्ञानप्रभवं हीदं यद्दुःखमुपलभ्यते ।
०४३६-२ लोभप्रभवमज्ञानं वृद्धं भूयः प्रवर्धते ॥

०४३७-१ अज्ञानमिह निदानं प्राग्रूपं जननमेव भवरोगे ।
०४३७-२ पारिपाकः संसरणं भैषज्यं नैष्ठिकी शान्तिः ॥

०४३८-१ अज्ञानवरषण्डेन प्रसुप्तो नरगर्द्दभः ।
०४३८-२ कः समर्थः प्रबीद्धुं तं ज्ञानभेरीशतैरपि ॥

०४३९-१ अज्ञानवलितो बाल्ये मदमूढश्च यौवने ।
०४३९-२ वार्द्धके विह्वलाङ्गश्च कदा कुशलभाग्जनः ॥

०४४०-१ अज्ञानाज्ज्ञानतो वापि जम्बूर्येन प्ररोपिता ।
०४४०-२ गृहेऽपि स वसन्नित्यं यतिधर्मेण युज्यते ॥

०४४१-१ अज्ञानात्कुरुते श्राद्धं योऽभिश्रवणवर्जितं ।
०४४१-२ श्राद्धहन्ता भवेत्कर्ता निराशाः पितरो गताः ॥

०४४२-१ अज्ञानाज्ज्ञानतो वापि यद्दुरुक्तमुदाहृतं ।
०४४२-२ तत्क्षन्तव्यं युवाभ्यां मे कृत्वा प्रीतिपरं मनः ॥

०४४३-१ अज्ञानाद्यदि वा ज्ञानात्कृत्वा कर्म विगर्हितं ।
०४४३-२ तस्माद्विमुक्तिमन्विच्छन्द्वितीयं न समाचरेत् ॥

०४४४-१ अज्ञानाद्यदि वाधिपत्यरभसादस्मत्परोक्षं हृता सीतेयं प्रविमुच्यतां शठ मरुत्पुत्रस्य हस्तेऽधुना ।
०४४४-२ नो चेल्लक्ष्मणमुक्तमार्गणगणच्छेदोच्छलच्छोणित- च्छत्रच्छन्नदिगन्तमन्तकपुरं पुत्रैर्वृतो यास्यसि ॥

०४४५-१ अज्ञानान्धमबान्धवं कवलितं रक्षोभिरक्षाभिधैः क्षिप्तं मोहमहान्धकूपकुहरे दुर्हृद्भिराभ्य्न्तरैः ।
०४४५-२ क्रन्दन्तं शरणागतं गतधृतिं सर्वापदामास्पदं मा मां मुञ्च महेश पेशलदृशा सत्रासमाश्वासय ॥

०४४६-१ अज्ञानान्निरयं याति तथाज्ञानेन दुर्गतिं ।
०४४६-२ अज्ञानात्क्लेशमाप्नोति तथापत्सु निमज्जति ॥

०४४७-१ अज्ञानामवनीभुजामहरः स्वर्णाभिषेकोत्सवाज्ज्ञातुः श्रीयुवरङ्गभूपरसिकश्लाघैव संमानना ।
०४४७-२ सारासारविवेकशून्यरमणीसंभोगसाम्राज्यतः सारज्ञेन्दुमुखीविलोककपटश्चातुर्ययूनां मुदे ॥

०४४८-१ अज्ञानामविरामलौकिकवचोभाजाममीषां पुनर्मन्त्रोच्चारण एव पर्यवसितं मौनव्रतं कर्मसु ।
०४४८-२ ग्रामायव्ययलेखनेन नयतां कालानशेषानहो पारंपर्यत ईदृशामिह नृणां ब्राह्मण्यमन्यादृशं ॥

०४४९-१ अज्ञानेन पराङ्मुखीं परिभवादाश्लिष्य मां दुःखितां किं लब्धं शठ दुर्नयेन नयता सौभाग्यमेतां दशां ।
०४४९-२ पश्यैतद्दयिताकुचव्यतिकरोन्मृष्टाङ्गरागारुणं वक्षस्ते मलतैलपङ्कशबलैर्वेणीपदैरङ्कितं ॥

०४५०-१ अज्ञानेनापिहिते विज्ञाने कर्म किं कुरुते ।
०४५०-२ विकले चक्षुषि तमसा व्यादाय मुखं किमीक्षेत ॥

०४५१-१ अज्ञानेनावृतो लोको मात्सर्यान्न प्रकाशते ।
०४५१-२ लोभात्त्यजति मित्राणि सङ्गात्स्वर्गं न गच्छति ॥

०४५२-१ अज्ञानेनावृतो लोको लोभेन च वशीकृतः ।
०४५२-२ सङ्गन बहुभिर्नष्टस्तेन स्वर्गं न गच्छति ॥

०४५३-१ अज्ञानैकहतो बाल्ये यौवने गृहतत्परः ।
०४५३-२ वार्धकेऽपत्यचिन्तार्तः कर्मभिर्बध्यते पुनः ॥

०४५४-१ अज्ञानोपहतो बाल्ये यौवने मदनाहतः ।
०४५४-२ शेषे कलत्रचिन्तार्तः किं करोतु कदा जनः ॥

०४५५-१ अज्ञश्चाश्रद्दधानश्च संशयात्मा विनश्यति ॥

०४५५-२ नायं लोकोऽस्ति न परो न सुखं संशयात्मनः ॥

०४५६-१ अज्ञास्तरन्ति पारं विज्ञा विज्ञाय द्राङ्निमज्जन्ति ।
०४५६-२ कथय कलावति केयं तव नयनतरङ्गिणीरीतिः ॥

०४५७-१ अज्ञेभ्यो ग्रन्थिनः श्रेष्ठा ग्रन्थिभ्यो धारिणो वराः ।
०४५७-२ धारिभ्यो ज्ञानिनः श्रेष्ठा ज्ञानिभ्यो व्यवसायिनः ॥

०४५८-१ अज्ञेष्वज्ञो गुणिषु गुणवान्पण्डिते पण्डितोऽसौ दीने दीनः सुखिनि सुखवान्भोगिनो भोगिभावः ।
०४५८-२ ज्ञाता ज्ञातुर्युवतिषु युवा वाग्मिनां तत्त्ववेत्ता धन्यः सोऽयं भवति भुवन योऽवधूतेऽवधूतः ॥

०४५९-१ अज्ञो जन्तुश्च नीचोऽयं आत्मनः सुखदुःखयोः ।
०४५९-२ ईश्वरप्रेरितो गच्छेत्स्वर्गं वा श्वभ्रमेव वा ॥

०४६०-१ अज्ञो न वितरत्यर्थान्पुनर्दारिद्रियशङ्कया ।
०४६०-२ प्राज्ञोऽपि वितरत्यर्थान्पुनर्दारिद्रियशङ्कया ॥

०४६१-१ अज्ञोऽपि तज्ज्ञतामेति शनैः शैलोऽपि चूर्ण्यते ।
०४६१-२ बाणोऽप्येति महालक्ष्यं पश्याभ्यासविजृम्भितं ॥

०४६२-१ अज्ञो भवति वै बालः पिता भवति मन्त्रदः ।
०४६२-२ अज्ञं हि बाल इत्याहुः पितेत्येव तु मन्त्रदं ॥

०४६३-१ अज्ञो वा यदि वा विपर्ययगते ज्ञानेऽथ संदेहभृद्दृष्टादृष्टविरोधि कर्म कुरुते यस्तस्य गोप्ता गुरुः ।
०४६३-२ निः संदेहविपर्यये सति पुनर्ज्ञाने विरुद्धक्रियं राजा चेत्पुरुषं न शास्ति तदयं प्राप्तः प्रजाविप्लवः ॥

०४६४-१ अञ्चति रजनिरुदञ्चति तिमिरमिदं चञ्चति महोभूः ।
०४६४-२ उक्तं न त्यज युक्तं विरचय रक्तं मनस्तस्मिन् ॥

०४६५-१ अञ्चलान्तरितगुर्जराङ्गना- कुङ्क्मारुणकुचप्रभाधरं ।
०४६५-२ कोकरागपटलैर्नु रञ्जितं भानुमन्तमुदयन्तमाश्रये ॥

०४६६-१ अञ्जनमुस्तोशीरैः सनागकोशातकामलकचूर्णैः ।
०४६६-२ कतकफलसमायुक्तैः कूपे योगः प्रदातव्यः ॥

०४६७-१ अञ्जनमिषतः स्त्रीणां दृशोर्विषं शश्वदावसति ।
०४६७-२ कथमन्यथा तदीषत्पातेऽपि हता युवानः स्युः ॥

०४६८-१ अञ्जनस्य क्षयं दृष्ट्वा वल्मीकस्य च संचयं ।
०४६८-२ अवन्ध्यं दिवसं कुर्याद्दानाध्ययनकर्मभिः ॥

०४६९-१ अञ्जलिं शपथं सान्त्वं प्रणम्य शिरसा वदेत् ।
०४६९-२ अश्रुप्रपातनं चैव कर्तव्यं भूतिमिच्छता ॥

०४७०-१ अञ्जलिं शपथं सान्त्वं शिरसा पादवन्दनं ।
०४७०-२ आशाकरणमित्येकं कर्तव्यं भूतिमिच्छता ॥

०४७१-१ अञ्जलिरकारि लोकैर्म्लानिमनाप्तैव रञ्जिता जगती ।
०४७१-२ संध्याया इव वसतिः स्वल्पापि सखे सुखायैव ॥

०४७२-१ अञ्जलिस्थानि पुष्पाणि वासयन्ति करद्वयं ।
०४७२-२ अहो सुमनसां वृत्तिर्वामदक्षिणयोः समा ॥

०४७३-१ अञ्जलौ जलमधीरलोचना लोचनप्रतिशरीरशारितं ।
०४७३-२ आत्तमात्तमपि कान्तमुक्षितुं कातरा शफरशङ्किनी जहौ ॥

०४७४-१ अटता धात्रीमखिलां इदमाश्चर्यं मया दृष्टं ।
०४७४-२ धनदोऽपि नयननन्दन परिहरसि यदुग्रसंपर्कं ॥

०४७५-१ अटत्कटकघोटकप्रकटचापटङ्कारवच्चटच्चटदिति स्फुटं स्फुटति मेदिनी कर्परं ।
०४७५-२ निजामधरणीपतौ वलति कौतुकाडम्बरादिदं भुवनमण्डलं दरदरीदरीदर्यहो ॥

०४७६-१ अटनेन महारण्ये सुपन्था जायते शनैः ।
०४७६-२ वेदाभ्यासात्तथा ज्ञानं शनैः पर्वतलङ्घनं ॥

०४७७-१ अट वा विकटः पतत्रनादैः कटुवाचं रट वाथवा दिवान्ध ।
०४७७-२ परुषं परिपश्य संयतं तत्परमं नः पुरमागतो न चेत्त्वं ॥

०४७८-१ अटवी कीदृशी प्रायो दुर्गमा भवति प्रिये ।
०४७८-२ प्रियस्य कीदृशी कान्ता तनोति सुरतोत्सवं ॥

०४७९-१ अटव्या द्रुमपुष्पाणि दूरस्था अपि बान्धवाः ।
०४७९-२ कान्ता चालेख्यरूपा च ते काले न प्रतिष्ठिताः ॥

०४८०-१ अट्टशूला जनपदाः शिवशूलाश्चतुष्पथाः ।
०४८०-२ केशशूलाः स्त्रियो राजन्भविष्यन्ति युगक्षये ॥

०४८१-१ अणिमा महिमा चैव लघिमा गरिमा तथा ।
०४८१-२ प्राप्तिः प्राकाम्यमीशित्वं वशित्वं चाष्ट सिद्धयः ॥

०४८२-१ अणुकं सुरतं नाम दंपत्योः पार्श्वसंस्थयोः ।
०४८२-२ जायन्ते निबिडाश्लेषाः समीभूतशरीरयोः ॥

०४८३-१ अणुनापि प्रविश्यारिं छिद्रेण बलवत्तरं ।
०४८३-२ निःशेषं मज्जयेद्राष्ट्रं यानपात्रमिवोदकं ॥

०४८४-१ अणु धनमपि न त्याज्यं मम भवता ज्ञापिते सत्यं ।
०४८४-२ वित्तं जीवितमग्र्यं जीवितहानिर्धनत्यागः ॥

०४८५-१ अणुपूर्वं बृहत्पश्चाद्भवत्यार्येषु संगतं ।
०४८५-२ विपरीतमनार्येषु यथेच्छसि तथा कुरु ॥

०४८६-१ अणुभ्यश्च महद्भ्यश्च शास्त्रेभ्यः कुशलो नरः ।
०४८६-२ सर्वतः सारमादद्यात्पुष्पेभ्य इव षट्पदः ॥

०४८७-१ अणुमात्रं यथा शल्यं शरीरे दुःखदायकं ।
०४८७-२ तथातिसू . . संयुक्तं मनः संसारदायकं ॥

०४८८-१ अणुरपि ननु नैव क्रोडभूषास्य काचित्परिभजसि यदेतत्तद्विभूतिस्तथैव ।
०४८८-२ इह सरसि मनोज्ञे संततं पातुमम्भः श्रमपरिभवमग्नाः के न मग्नाः करीन्द्राः ॥

०४८९-१ अणुरपि मणिः प्राणत्राणक्षमो विषभक्षिणां शिशुरपि रुषा सिंहीसूनुः समाह्वयते गजान् ।
०४८९-२ तनुरपि तरुस्कन्धोद्भूतो दहत्यनलो वनं प्रकृतिमहतां जात्यं तेजो न मूर्तिमपेक्षते ॥

०४९०-१ अणुरप्यसतां सङ्गः सद्गुणं हन्ति विस्तृतं ।
०४९०-२ गुणरुपान्तरं याति तक्रयोगाद्यथा पयः ॥

०४९१-१ अणुरप्युपहन्ति विग्रहः प्रभुमन्तः प्रकृतिप्रकोपजः ।
०४९१-२ अखिलं हि हिनस्ति भूधरं तरुशाखान्तनिघर्षजोऽनलः ॥

०४९२-१ अणोरणीयान्महतो महीयानात्मास्य जन्तोर्निहितो गुहायां ।
०४९२-२ तमक्रतुः पश्यति वीतशोको धातुप्रसादान्महिमानमात्मनः ॥

०४९३-१ अणोरणीयान्महतो महीयान्मध्यो नितम्बश्च मम प्रियायाः ।
०४९३-२ यज्ञोपवीतं परमं पवित्रं किंचाङ्गरागारुणितं प्रियायाः ॥

०४९४-१ अणोरणीयान्महतो महीयान्योगे वियोगे दिवसोऽङ्गनायाः ।
०४९४-२ यज्ञोपवीतं परमं पवित्रं स्पृष्ट्वा सखे सत्यमिदं ब्रवीमि ॥

०४९५-१ अण्डं कण्डूयमानेन यत्सुखं तव भूपते ।
०४९५-२ खुर्जनानन्तरं दुःखं भूयात्तु तव वैरिणां ॥

०४९६-१ अण्डजाः पुण्डरीकेषु समुद्रेषु जनार्दनाः ।
०४९६-२ नीलकण्ठाश्च शैलेषु निवसन्तु न तेन ते ॥

०४९७-१ अण्डाभ्यां ल्ॐअशाभ्यां तु जाताण्डो न हितः स्मृतः ।
०४९७-२ भरमाभावक्त्रपुच्छं च कृष्णनीलं परित्यजेत् ।
०४९७-३ निन्द्यः केवलकृष्णस्तु सर्वश्वेतस्तु पूजितः ॥

०४९८-१ अण्वपि गुणाय महतां महदपि दोषाय दोषिणां सुकृतं ।
०४९८-२ तृणमपि दुग्धाय गवां दुग्धमपि विषाय सर्पाणां ॥

०४९९-१ अतः कविर्नामसु यावदर्थः स्यादप्रमत्तो व्यवसायबुद्धिः ।
०४९९-२ सिद्धेऽन्यथाऽर्थे न यतेत भूयः परिश्रमं तत्र समीक्षमाणः ॥

०५००-१ अतः परं प्रवक्ष्यामि खड्गलक्षणमुत्तमं ।
०५००-२ प्रधानदेहसंभूतैर्दैत्यास्थिभिररिंदं ॥

०५०१-१ अतः परं प्रवक्ष्यामि शराणां लक्षणां शुभं ।
०५०१-२ स्थूलं न चातिसूक्ष्मं च न पक्वं न कुभूमिजं ।
०५०१-३ हीनग्रन्थिविदीर्णं च वर्जयेदीदृशं शरं ॥

०५०२-१ अतः परमगम्योऽयं पन्था विश्रम्यतामिति ।
०५०२-२ प्रत्यक्षियुगलं तस्याः कर्णौ वक्तुमिवागतौ ॥

०५०३-१ अतः प्रशस्ते नक्षत्रे शुभे वारे शुचिष्मता ।
०५०३-२ औषधं विधिवद्ग्राह्यं स्मृत्वा देवीं च सुप्रभां ॥

०५०३-३ मन्त्रः – ॐ सुप्रभायै नमः ॥

०५०४-१ अतः संदेहदोलायां रोपणीयं न मानसं ।
०५०४-२ ग्रन्थेऽस्मिंश्चापचतुरैर्चीरचिन्तामणौ क्वचित् ॥

०५०५-१ अतः समीक्ष्य कर्तव्यं विशेषात्संगतं रहः ।
०५०५-२ अज्ञातहृदयेष्वेवं वैरीभवति सौहृदं ॥

०५०६-१ अतः सुस्थितचित्तेन प्रस्थातव्यं शुभे दिने ।
०५०६-२ स्मृत्वा क्षेमंकरीं देवीं पश्यता शकुनाञ्शुभान् ॥

०५०७-१ अत आहर्तुमिच्छामि पार्वतीमात्मजन्मने ।
०५०७-२ उत्पत्तये हविर्भ्ॐक्तुर्यजमान इवारणिं ॥

०५०८-१ अत एव हि नेच्छन्ति साधवः सत्समागमं ।
०५०८-२ यद्वियोगासिलूनस्य मनसो नास्ति भेषजं ॥

०५०९-१ अतटस्थस्वादुफल- ग्रहणव्यवसायनिश्चयो येषां ।
०५०९-२ ते शोकक्लेशरुजां केवलमुपयान्ति पात्रतां मन्दाः ॥

०५१०-१ अतत्त्वज्ञोऽसि बालश्च दुस्तोषोऽपूरणोऽनलः ।
०५१०-२ नैव त्वं वेत्थ सुलभं नैव त्वं वेत्थ दुर्लभं ॥

०५११-१ अतथ्यान्यपि तथ्यानि दर्शयन्ति हि पेशलाः ।
०५११-२ समे निम्नोन्नतानीव चित्रकर्मविदो जनाः ॥

०५१२-१ अतथ्यास्तथ्यसंकाशास्तथ्याश्चातथ्यदर्शनाः ।
०५१२-२ दृश्यन्ते विविधा भावास्तस्माद्युक्तं परीक्षणं ॥

०५१३-१ अतथ्येनोच्यमानस्य कः कोपो यन्न तत्तथा ।
०५१३-२ तथ्येनापि हि कः कोपो यदनुक्तेऽपि मत्तथा ॥

०५१४-१ अतनुज्वरपीडितासि बाले तव सौख्याय मतो ममोपवासः ।
०५१४-२ रसमर्पय वैद्यनाथ नाहं भवदावेदितलङ्घने समर्था ॥

०५१५-१ अतनुना नवमम्बुदमाम्बुदं सुतनुरस्त्रमुदस्तमवेक्ष्य सा ।
०५१५-२ उचितमायतनिःश्वसितच्छलाच्छ्वसनशस्त्रममुञ्चदमुं प्रति ॥

०५१६-१ अतन्त्री वाग्वीणा स्तनयुगलमग्रीवकलसा- वनब्जं दृङ्नीलोत्पलदलमपत्रोरुकदली ।
०५१६-२ अकाण्डा दोर्वल्ली वदनमलकलङ्कः शशधरस्तदस्यास्तारुण्यं भुवनविपरीतं घटयति ॥

०५१७-१ अतन्द्रचन्द्राभरणा समुद्दीपितमन्मथा ।
०५१७-२ तारकातरला श्यामा सानन्दं न करोति कं ॥

०५१८-१ अतन्द्रितचमूपतिप्रहितहस्तमस्वीकृत- प्रणीतमणिपादुकं किमिति विस्मितान्तःपुरं ।
०५१८-२ अवाहनपरिष्क्रियं पतगराजमारोहतः करिप्रवरबृंहिते भगवतस्त्वरायै नमः ॥

०५१९-१ अतसीकुसुमोपमेयकान्तिर्यमुनालकुकदम्बमूलवर्ती ।
०५१९-२ नवगोपवधूविनोदशाली वनमाली वितनोतु मङ्गलानि ॥

०५२०-१ अतसीपुष्पसंकाशं खं वीक्ष्य जलदागमे ।
०५२०-२ ये वियोगेऽपि जीवन्ति न तेषां विद्यते भयं ॥

०५२१-१ अतस्करकरग्राह्यं अराजाज्ञावशंवदं ।
०५२१-२ अदायादविभागार्हं धनमार्जयतस्थिरं ॥

०५२२-१ अतस्तु विपरीतस्य नृपतेरजितात्मनः ।
०५२२-२ संक्षिप्यते यशो लोके घृतबिन्दुरिवाम्भसि ॥

०५२३-१ अतस्त्वष्टाङ्गया बुद्ध्या नृपतिर्नीतिशास्त्रवित् ।
०५२३-२ समर्थः पृथिवीं कृत्स्नां अपि जेतुं विचक्षणः ॥

०५२४-१ अताडयत्पल्लवपाणिनैकां पुष्पोच्चये राजवधूमशोकः ।
०५२४-२ तच्छेदहेतोरलिपङ्कि भङ्ग्या व्याकृष्यते वासिलता स्मरेण ॥

०५२५-१ अतिकलुषमाशुनश्वरं आपातस्फुरणमनभिलाषकरं ।
०५२५-२ अपि हृष्यन्ति जनाः कथं अवलम्ब्य ज्ञानखद्योतं ॥

०५२६-१ अतिकुपितमनस्के कोपनिष्पत्तिहेतुं विदधति सति शत्रौ विक्रियां चित्ररूपां ।
०५२६-२ वदति वचनमुच्चैर्दुःश्रवं कर्कशादि कलुषविकलता या तां क्षमां वर्णयन्ति ॥

०५२७-१ अतिकुपिता अपि सुजना योगेन मृदूभवन्ति न तु नीचाः ।
०५२७-२ हेम्नः कठिनस्यापि द्रवणोपायोऽस्ति न तृणानां ॥

०५२८-१ अतिकृष्णेष्वतिगौरेष्वतिपीनेष्वतिकृशेषु मनुजेषु ।
०५२८-२ अतिदीर्घेष्वतिलघुषु प्रायेण न विद्यतेऽपत्यं ॥

०५२९-१ अतिक्रम्यापाङ्गं श्रवणपथपर्यन्तगमन- प्रयासेनेवाक्ष्णोस्तरलतरतारं गमितयोः ।
०५२९-२ इदानीं राधायाः प्रियतमसमायातसमये पपातस्वे दाम्बुप्रसर इव हर्षाश्रुनिकरः ॥

०५३०-१ अतिक्रान्तं तु यः कार्यं पश्चाच्चिन्तयते नरः ।
०५३०-२ तच्चास्य न भवेत्कार्यं चिन्तया तु विनश्यति ॥

०५३१-१ अतिक्रान्तः कालः सुचरितशतामोदसुभगो गताः शुक्ला धर्मा नवनलिनसूत्रांशुतनुतां ।
०५३१-२ परिम्लानः प्रायो बुधजनकथासारनिपुणो निरानन्दं जातं जगदिदमतीतोत्सवमिव ॥

०५३२-१ अतिक्रान्तः कालो लटभललनाभोगसुभगो भ्रमन्तः श्रान्ताः स्मः सुचिरमिह सं सारसरणौ ।
०५३२-२ इदानीं स्वः सिन्धोस्तटभुवि समाक्रन्दनगिरः सुतारैः फूत्कारैः शिव शिव शिवेति प्रतनुमः ॥

०५३३-१ अतिक्रान्तमतिक्रान्तं अनागतमनागतं ।
०५३३-२ वर्तमानसुखभ्रान्तिर्नवा भोगिदरिद्रयोः ॥

०५३४-१ अतिक्लेशेन यद्द्रव्यं अतिलोभेन यत्सुखं ।
०५३४-२ परपीडा च या वृत्तिर्नैव साधुषु विद्यते ॥

०५३५-१ अतिक्लेशेन येऽर्थाः स्युर्धर्मस्यातिक्रमेण च ।
०५३५-२ अरेर्वा प्रणिपातेन मा स्म तेषु मनः कृथाः ॥

०५३६-१ अतिक्लेशे मनःस्थैर्यं क्रमेण सहनं तथा ।
०५३६-२ जयलाभाय हेतू द्वौ सैन्यानामधिकौ विदुः ॥

०५३७-१ अतिगम्भीरमनाविलं अक्षोभ्यमदृष्टपारमविलङ्घ्यं ।
०५३७-२ अविरलतरङ्गसंकुलं एक्षिषि विज्ञानसागरं महतां ॥

०५३८-१ अतिगम्भीरे भूपे कूप इव जनस्य दुःखतारस्य ।
०५३८-२ दधति समीहितसिद्धिं गुणवन्तः पार्थिवा घटकाः ॥

०५३९-१ अतिचपलकलत्रं प्रातिवेश्मातिचौर- स्तनयगतिमांधं (

?)

बालरण्डा तनूजा ।
०५३९-२ अतिशठमथ मैत्री (

?)

वश्यता सर्वजन्तो रिपुभयतनुरोगौ चाष्टदुःखं नराणां ॥

०५४०-१ अतिचारुचन्द्ररोचिः कुर्वन्कुसुमेषुकेलिकेतनतां ।
०५४०-२ सुरभिः कदानुयास्यति समुकुलरुचिरस्तनीहारः ॥

०५४१-१ अतिचिरादनुषङ्गवतः कणा- नवनिजान्यदि हेम जिहाससि ।
०५४१-२ पटुपुटज्वलनज्वरवेदना तव भवत्यपयाति च गौरवं ॥

०५४२-१ अतिजीर्णमपक्वं च ज्ञातिधृष्टं तथैव च ।
०५४२-२ दग्धं छिद्रं न कर्तव्यं बाह्याभ्यन्तरहस्तकं ॥

०५४३-१ अतिजीवति वित्तेन सुखं जीवति विद्यया ।
०५४३-२ किंचिज्जीवति शिल्पेन ऋते कर्म न जीवति ॥

०५४४-१ अतितामसोऽजगन्धिः काकरवो ह्रस्वकूर्चकः पापः ।
०५४४-२ भीरुः कुधीः पिशाचो रासभलिङ्गस्तु विज्ञेयः ॥

०५४५-१ अतितृष्णा न कर्तव्या तृष्णां नैव परित्यजेत् ।
०५४५-२ अतितृष्णाभिभूतस्य शिखा भवति मस्तके ।
०५४६-१ अतितेजस्व्यपि राजा पानासक्तो न साधयत्यर्थान् ।
०५४६-२ तृणमपि दग्धुं शक्तो न वाडवाग्निः पिबन्ननिशं ॥

०५४७-१ अतिथिं नाम काकुत्स्थात्पुत्रं प्राप कुमुद्वती ।
०५४७-२ पश्चिमाद्यामिनीयामात्प्रसादमिव चेतना ॥

०५४८-१ . . . . . .

०५४८-२ अतिथिः किल पूजार्हः प्राकृतोऽपि विजानता ॥

०५४९-१ अतिथिः द्वारि तिष्ठेत आपो गृह्णाति यो नरः ।
०५४९-२ आपोशनं सुरापानं अन्नं ग्ॐआंसभक्षणं ॥

०५५०-१ अतिथिः पूजितो यस्य गृहस्थस्य तु गच्छति ।
०५५०-२ नान्यस्तस्मात्परो धर्म इति प्राहुर्मनीषिणः ॥

०५५१-१ अतिथिः पूजितो यस्य ध्यायते मनसा शभं ।
०५५१-२ न तत्क्रतुशतेनापि तुल्यमाहुर्मनीषिणः ॥

०५५२-१ अतिथित्वेन वर्णानां देयं शक्यानुपूर्वशः ।
०५५२-२ अप्रणोद्योऽतिथिः सायं अपि वाग्भूतृणोदकैः ॥

०५५३-१ अतिथिर्बालकः पत्नी जननी जनकस्तथा ।
०५५३-२ पञ्चैते गृहिणः पोष्या इतरे च स्वशक्तितः ॥

०५५४-१ अतिथिर्बालकश्चैव राजा भार्या तथैव च ।
०५५४-२ अस्ति नास्ति न जानन्ति देहि देहि पुनः पुनः ॥

०५५५-१ अतिथिर्बालकश्चईव स्त्रीजनो नृपतिस्तथा ।
०५५५-२ एते वित्तं न जानन्ति जामाता चैव पञ्चमः ॥

०५५६-१ अतिथिर्यस्य भग्नाशो गृहात्प्रतिनिवर्तते ।
०५५६-२ स दत्त्वा दुष्कृतं तस्मै पुण्यमादाय गच्छति ॥

०५५७-१ अतिथिश्चापवादी च द्वावेतौ मम बान्धवौ ।
०५५७-२ अपवादी हरेत्पापं अतिथिः स्वर्गसंक्रमः ॥

०५५८-१ अतिथीनां च सर्वेषां प्रेष्याणां स्वजनस्य च ।
०५५८-२ सामान्यं भोजनं सद्भिर्गृहस्थस्य प्रशस्यते ॥

०५५९-१ अतिथीनां न सत्कारो न च सज्जनसंगमः ।
०५५९-२ न यत्र स्वात्मवर्णास्था सा गृहाश्रमवञ्चना ॥

०५६०-१ अतिदर्पे हता लङ्का अतिमाने च कौरवाः ।
०५६०-२ अतिदाने बलिर्बद्धः सर्वमत्यन्तगर्हितं ॥

०५६१-१ अतिदाक्षिण्ययुक्तानां शङ्कितानां पदे पदे ।
०५६१-२ परापवादिभीरूणां न भवन्ति विभूतयः ॥

०५६२-१ अतिदानाद्धतः कर्णस्त्वतिलोभात्सुयोधनः ।
०५६२-२ अतिकामाद्दशग्रीवस्त्वति सर्वत्र वर्जयेत् ॥

०५६३-१ अतिदानाद्बलिर्बद्धो नष्टो मानात्सुयोधनः ।
०५६३-२ विनष्टो रावणो लौ ल्यादति सर्वत्र वर्जयेत् ॥

०५६४-१ अतिदानाद्बलिर्बद्धो ह्यतिमानात्सुयोधनः ।
०५६४-२ अतिकामाद्दशग्रीवो ह्यति सर्वत्र गर्हितः ॥

०५६५-१ अतिदाने बलिर्बद्धो अतिमाने च कौरवाः ।
०५६५-२ अतिरूपे हृता सीता सर्वमत्यन्तगर्हितं ॥

०५६६-१ अतिदीर्घजीविदोषाद्व्यासेन यशोऽपहारितं हन्त ।
०५६६-२ कैर्नोच्येत गुणाढ्यः स एव जन्मान्तरापन्नः ॥

०५६७-१ अतिदूरपथश्रान्ताश्छायां यान्ति च शीतलां ।
०५६७-२ शितलाश्च पुनर्यान्ति का कस्य परिदेवना ॥

०५६८-१ अति धर्माद्बलं मन्ये बलाद्धर्मः प्रवर्तते ।
०५६८-२ बले प्रतिष्ठितो धर्मो धर्ण्यामिव जङ्गमं ॥

०५६९-१ अतिनीचानि वाक्यानि दृष्टिमात्रातिनिन्दकः ।
०५६९-२ क्षुद्रसंवादभाषी यो ह्येवं दुष्टः शठो जनः ॥

०५७०-१ अतिपक्वकपित्थेन लिप्तपात्रे सुयामितं ।
०५७०-२ दुग्धमस्तुविहीनं स्याच्चन्द्रबिम्बोपमं दधि ॥

०५७१-१ अतिपटलैरनुयातां सहृदयहृदयज्वरं विलुम्पन्तीं ।
०५७१-२ मृगमदपरिमललहरीं समीर पामरपुरे किरसि ॥

०५७२-१ अतिपरमाद्भुतवेषा काप्येषा जयति सृष्टिरात्मभुवः ।
०५७२-२ तत्किं न वाञ्छितं स्यादस्या यदि विधुरवीक्षणः पाता ॥

०५७३-१ अतिपरिगृहीतमौना वर्जितमाल्यानुलेपनस्नाना ।
०५७३-२ दूरोत्सारितलज्जा निर्ग्रन्थग्रन्थरचनेव ॥

०५७४-१ अतिपरिचयादवज्ञा भवति विशिष्टेऽपि वस्तुनि प्रायः ।
०५७४-२ लोकः प्रयागवासी कूपे स्नानं समाचरति ॥

०५७५-१ अतिपरिचयादवज्ञा संततगमनादनादरो भवति ।
०५७५-२ मलये भिल्लपुरन्ध्री चन्दनतरुमिन्धनं कुरुते ॥

०५७६-१ अतिपरिचयादवज्ञेत्येतद्वाक्यं मृषैव तद्भाति ।
०५७६-२ अतिपरिचितेऽप्यनादौ संसारेऽस्मिन्न जायतेऽवज्ञा ॥

०५७७-१ अतिपातितकालसाधना स्वशरीरेन्द्रियवर्गतापनी ।
०५७७-२ जनवन्न भवन्तमक्षमा नयसिद्धेरपनेतुमर्हति ॥

०५७८-१ अतिपीतां तमोराजीं तनीयान्सोढुमक्षमः ।
०५७८-२ वमतीव शनैरेष प्रदीपः कज्जलच्छलात् ॥

०५७९-१ अतिपूजिततारेयं दृष्टिः श्रुतिलङ्घनक्षमा सुतनु ।
०५७९-२ जिनसिद्धान्तस्थितिरिव सवासना कं न मोहयति ॥

०५८०-१ अतिपेलवमतिपरिमित- वर्णं लघुतरमुदाहरति शठः ।
०५८०-२ परमार्थतः स हृदयं वहति पुनः कालकूटघटितमिव ॥

०५८१-१ अतिप्रचण्डां बहुपाकपाकिनीं विवादशीलां स्वयमेव तस्करीं ।
०५८१-२ अक्रोशबीजां परवेश्मगामिनीं त्यजेत भार्यां दशपुत्रसूरपि ॥

०५८२-१ अतिप्रचण्डा बहुदुःखभागिनी विवादशीला परगेहगामिनी ।
०५८२-२ भर्तुः स्वयं निन्दति या च तस्करी त्यजेत्स्वभार्यां दशपुत्रपुत्रिणीं ॥

०५८३-१ अतिप्रौढा रात्रिर्बहलशिखदीपः प्रभवति प्रियः प्रेमारब्धस्मरविधिरसज्ञः परमसौ ।
०५८३-२ सखि स्वैरं स्वैरं सुरतमकरोद्व्रीडितवपुर्यतः पर्यङ्कोऽयं रिपुरिव कडत्कारमुखरः ॥

०५८४-१ अतिबलिनामपि मलिना- शयेन बलिकर्णपुत्राणां ।
०५८४-२ विश्वासोपनतानां वासोपुत्रेण जीवितं जह्रे ॥

०५८५-१ अतिबहुतरलज्जाशृङ्खलाबद्धपादो मदननृपतिवाहो यौवनोन्मत्तहस्ती ।
०५८५-२ प्रकटितकुचकुम्भो ल्ॐअराजीकरेण पिबति सरसि नाभीमण्डलाख्ये पयांसि ॥

०५८६-१ अतिभीरुमतिक्लीबं दीर्घसूत्रं प्रमादिनं ।
०५८६-२ व्यसनाद्विषयाक्रान्तं न भजन्ति नृपं प्रजाः ॥

०५८७-१ अतिमन्दचन्दनमहीधरवातं स्तबकाभिरामलतिकातरुजातं ।
०५८७-२ अपि तापसानुपवनं मदनार्तान्मदमञ्जुगुञ्जदलिपुञ्जमकार्षीत् ॥

०५८८-१ अतिमलिने कर्तव्ये भवति खलानामतीव निपुणा धीः ।
०५८८-२ तिमिरे हि कौशिकानां रूपं प्रतिपद्यते दृष्टिः ॥

०५८९-१ अतिमात्रभासुरत्वं पुष्यति भानुः परिग्रहादह्नः ।
०५८९-२ अधिगच्छति महिमानं चन्द्रोऽपि निशापरिगृहीतः ॥

०५९०-१ अतिमानः श्रियं हन्ति पुरुषस्याल्पमेधसः ।
०५९०-२ गर्भेण दुष्यते कन्या गृहवासेन च द्विजः ॥

०५९१-१ अतिमानिनमग्राह्यं आत्मसंभावितं नरं ।
०५९१-२ क्रोधनं व्यसने हन्ति स्वजनोऽपि नराधिपं ॥

०५९२-१ अतिमृदु नवनीताच्चन्द्रकाच्चातिरम्यं बहुललितसुधायाः स्वादतः सद्रसाढ्यं ।
०५९२-२ सकलललितभोगागारभाग्यैकयोग्यं परिलसति हविष्यं कस्य गल्लच्छलेन ॥

०५९३-१ अतियत्नगृहीतोऽपि खलः खलखलायते ।
०५९३-२ शिरसा धार्यमाणोऽपि तोयस्यार्धघटो यथा ॥

०५९४-१ अतिरमणीये काव्ये पिशुनोऽन्वेषयति दूशणान्येव ।
०५९४-२ अतिरमणीये वपुषि व्रणमेव हि मक्षिकानिकरः ॥

०५९५-१ अतिरागाद्दशग्रीवो ह्यतिलोभात्सुयोधनः ।
०५९५-२ अतिदानाद्धतः कर्णो ह्यतिः सर्वत्र गर्हितः ॥

०५९६-१ अतिरिच्यते सुजन्मा कश्चिज्जनकान्निजेन चरितेन ।
०५९६-२ कुम्भः परिमितमम्भः पिबति पपौ कुम्भसंभवोऽम्भोधिं ॥

०५९७-१ अतिरुचिरङ्गजकृत्त्या क्षोभितदक्षं भवन्तमेव भजे ।
०५९७-२ यस्मिन्प्रसादसुमुखे सद्यो वामापि भवति मम तुष्ट्यै ॥

०५९८-१ अतिरुपवती सीता अतिगर्वी च रावणः ।
०५९८-२ अतीव बलवान्रामो लङ्कायेन क्षयं गता ॥

०५९९-१ अतिरूपाद्धृता सीता अतिगर्वेण रावणः ।
०५९९-२ अतिदानाद्बलिर्बद्धो ह्यति सर्वत्र गर्हितं ॥

०६००-१ अतिरूपेण वै सीता अतिगर्वेण रावनः ।
०६००-२ अतिदानं बलिर्दत्त्वा अति सर्वत्र वर्जयेत् ॥

०६०१-१ अतिलोभो न कर्तव्यः कर्तव्यस्तु प्रमाणतः ।
०६०१-२ अतिलोभजदोषेण जम्बुको निधनं गतः ॥

०६०२-१ अतिलोभो न कर्तव्यो लोभं नैव परित्यजेत् ।
०६०२-२ अतिलोभाभिभूतस्य चक्रं भ्रमति मस्तके ॥

०६०३-१ अतिलोहितकरचरणं मञ्जुलगोरोचनातिलकं ।
०६०३-२ हठपरिवर्तितशकटं मुररिपुमुत्तानशायिनं वन्दे ॥

०६०४-१ अतिलौल्यप्रसक्तानां विपत्तिनैर्व दूरतः ।
०६०४-२ जीवं नश्यति लोभेन मीनस्यामिषदर्शने ॥

०६०५-१ अतिवादांस्तितिक्षेत नाभिमन्येत्कथंचन ।
०६०५-२ क्रोध्यमानः प्रियं ब्रूयादाक्रुष्टः कुशलं वदेत् ॥

०६०६-१ अतिवादांस्तितिक्षेत नावमन्येत कंचन ।
०६०६-२ न चेमं देहमाश्रित्य वैरं कुर्वीत केनचित् ॥

०६०७-१ अतिवादोऽतिमानश्च तथात्यागो नराधिप ।
०६०७-२ क्रोधश्चातिविवित्सा च मित्रद्रोहश्च तानी षट् ॥

०६०८-१ एत एवासयस्तीक्ष्णाः कृन्तन्त्यायूंषि देहिनां ।
०६०८-२ एतानि मानवान्घ्नन्ति न मृत्युर्भद्रमस्तु ते ॥

०६०९-१ अतिवाहितमतिगहनं विनापवादेन यौवनं येन ।
०६०९-२ दोषनिधाने जन्मनि किं न प्राप्तं फलं तेन ॥

०६१०-१ अतिविततगगनसरणि- प्रसरणपरिमुक्तविश्रमानन्दः ।
०६१०-२ मरुदुल्लासितसौरभ- कमलाकरहासकृद्रविर्जयति ॥

०६११-१ अतिविपुलं कुचयुगलं रहसि करैरामृशन्मुहुर्लक्ष्म्याः ।
०६११-२ तदपहृतं निजहृदयं जयति हरर्मृगयमाण इव ॥

०६१२-१ अतिविशदानन्तपद- प्रवृत्तदृष्टिर्न मधुरवीक्षणतः ।
०६१२-२ तृप्यत्यञ्चितकामः प्रातस्तनकमलमुकुलवीक्षणतः ॥

०६१३-१ अतिवृष्टिरनावृष्टिः शलभाः मूष

K

आः शुकाः ।
०६१३-२ असत्करश्च दण्डश्च परचक्राणि तस्कराः ॥

०६१४-१ राजानीकप्रियोत्सर्गो मरकव्याधिपीडनं ।
०६१४-२ पशूनां मरणं रोगो राष्ट्रव्यसनमुच्यते ॥

०६१५-१ अतिव्ययोऽनपेक्षा च तथार्जनमधर्मतः ।
०६१५-२ मोषणं दूरसंस्थानां कोषव्यसनमुच्यते ॥

०६१६-१ अतिशयितकदम्बोऽयं मोदकदम्बानिलो वहति ।
०६१६-२ वियदम्बुदमेदुरितं मे दुरितं पश्य नागतो दयितः ॥

०६१७-१ अतिशरव्ययता मदनेन तां निखिलपुष्पमयस्वशरव्ययात् ।
०६१७-२ स्फुटमकारि फलान्यपि मुञ्चता तदुरसि स्तनतालयुगार्पणं ॥

०६१८-१ अतिशौचमशौचं वा अतिनिन्दा अतिस्तुतिः ।
०६१८-२ अत्याचारमनाचारं षड्विधं मूर्खलक्षणं ॥

०६१९-१ अतिश्लथालम्बिपयोधरेयं शुभ्रीभवत्काशविकासिकेशा ।
०६१९-२ अतीतलावण्यजलप्रवाहा प्रावृट्जरां प्राप शरच्छलेन ॥

०६२०-१ अतिसंचयलुब्धानां वित्तमन्यस्य कारणं ।
०६२०-२ अन्यैः संचीयते यत्नादन्यैश्च मधु पीयते ॥

०६२१-१ अतिसंपदमापन्नैर्भेतव्यं पतनाद्भूयः ।
०६२१-२ अत्युच्चशिखरा मेरोः शक्रवज्रेण पातिताः ॥

०६२२-१ अतिसज्जनदुर्गतिः खलपङ्क्तिसमुन्नतिः ।
०६२२-२ युवतिस्तनविच्युतिरिति किं विधिनिर्मितिः ॥

०६२३-१ अतिसत्कृता अपि शठाः सहभुवमुज्झन्ति जातु न प्रकृतिं ।
०६२३-२ शिरसा महेश्वरेणा-ऽपि ननु धृतो वक्र एव शशी ॥

०६२४-१ अतिसाहसमतिदुष्करं अत्याश्चर्यं च दानमर्थानां ।
०६२४-२ योऽपि ददाति शरीरं न ददाति स वित्तलेशमपि ॥

०६२५-१ अतिसाहसिकं शूरा मन्त्रिणस्तं निरूपकं ।
०६२५-२ विनीतं गुरवो जज्ञुर्धूर्तमन्तःपुराङ्गनाः ॥

०६२६-१ अतिहरितपत्रपरिकर- संपन्नस्पन्दनैकविटपस्य ।
०६२६-२ घनवासनैर्मयूखैः कुसुम्भकुसुमायते तरणिः ॥

०६२७-१ अतीतलाभस्य सुरक्षणार्थं भविष्यलाभस्य च संगमार्थं ।
०६२७-२ आपत्प्रपन्नस्य च मोक्षणार्थं यन्मन्त्र्यतेऽसौ परमो हि मन्त्रः ॥

०६२८-१ अतीतानागतानर्थान्विप्रकृष्टतिरोहितान् ।
०६२८-२ विजानाति यदा योगी तदा संविदिति स्मृता ॥

०६२९-१ अतीतानागता भावा ये च वर्तन्ति सांप्रतं ।
०६२९-२ तान्कालनिर्मितान्बुद्ध्वा न संज्ञां हातुमर्हसि ॥

०६३०-१ अतीता शीतार्तिः प्रसरति शनैरुष्मकणिका दिनानि स्फायन्ते रविरपि रथं मन्थरयति ।
०६३०-२ हिमानीनिर्मुक्तः स्फुरति नितरां शीतकिरणः शराणां व्यापारः कुसुमधनुषो न व्यवहितः ॥

०६३१-१ अतीत्य बन्धूनवलङ्घ्य मित्राण्याचार्यमागच्छति शिष्यदोषः ।
०६३१-२ बालं ह्यपत्यं गुरवे प्रदातुर्नैवापराधोऽस्ति पितुर्न मातुः ॥

०६३२-१ अतीन्द्रियायां परलोकवृत्ताविहैव तीव्राशुभपाकशंसी ।
०६३२-२ दृष्येत नाशो यदि नाम नाशु न कः कुकृत्येन यतेत भूत्यै ॥

०६३३-१ अतीव कर्कशाः स्तब्धा हिंस्रजन्तुभिरावृताः ।
०६३३-२ दुरासदाश्च विषमा ईश्वराः पर्वता इव ॥

०६३४-१ अतीव खलु ते कान्ता वसुधा वसुधाधिप ।
०६३४-२ गतासुरपि यां गात्रैर्मां विहाय निषेवसे ॥

०६३५-१ अतीव बलहीनं हि लङ्घनं नैव कारयेत् ।
०६३५-२ ये गुणा लङ्घने प्रोक्तास्ते गुणा लघुभोजने ॥

०६३६-१ अतीव सौख्यशुभदा याम्या निशि भवेच्छिवा ।
०६३६-२ पूर्वस्यां तत्पुराध्यक्षं अन्यं कुर्यादहर्मुखे ॥

०६३७-१ अतुलितबलधामं स्वर्णशैलाभदेहं दनुजवनकृशानुं ज्ञानिनामग्रगण्यं ।
०६३७-२ सकलगुणनिधानं वानराणामधीशं रघुपतिवरदूतं वातजातं नमामि ॥

०६३८-१ अतुष्टं स्वेषु दारेषु चपलं चपलेन्द्रियं ।
०६३८-२ नयन्ति निकृतिप्रज्ञं परदाराः पराभवं ॥

०६३९-१ अतुष्टिदानं कृतपूर्वनाशनं अमाननं दुश्चरितानुकीर्तनं ।
०६३९-२ कथाप्रसङ्गेन च नामविस्मृतिर्विरक्तभावस्य जनस्य लक्षणं ॥

०६४०-१ अतुहिनरुचिनासौ केवलं नोदयाद्रिः क्षणमुपरिगतेन क्ष्माभृतः सर्व एव ।
०६४०-२ नवकरनिकरेण स्पष्टबन्धूकसून- स्तबकरचितमेते शेखरं बिभ्रतीव ॥

०६४१-१ अतृणे पतितो वह्निः स्वयमेवोपशाम्यति ।
०६४१-२ अक्षमावान्परं दोषैरात्मानं चैव योजयेत् ॥

०६४२-१ अतृणे सतृणा यस्मिन्सतृणे तृणवर्जिता मही यत्र ।
०६४२-२ तस्मिञ्शिरा प्रदिष्टा वक्तव्यं वा धनं तत्र ॥

०६४३-१ अतोगरीयः किं नुस्यादशर्म नरकेष्वपि ।
०६४३-२ यत्प्रियस्य प्रियं कर्तुं अधमेन न शक्यते ॥

०६४४-१ अतो निजबलोन्मानं चापं स्याच्छुभकारकं ।
०६४४-२ देवानामुत्तमं चापं ततो न्यूनं च मानवं ॥

०६४५-१ अतोऽर्थं पठ्यते शास्त्रं कीर्तिर्लोकेषु जायते ।
०६४५-२ कीर्तिमान्पूज्यते लोके परत्रेह च मानवः ॥

०६४६-१ अतो हास्यतरं लोके किंचिदन्यन्न विद्यते ।
०६४६-२ यत्र दुर्जन इत्याह दुर्जनः सज्जनं स्वयं ॥

०६४७-१ अत्तुं वाञ्छति शांभवो गणपतेराखुं क्षुधार्त्तः फणी तं च क्रौञ्चरिपोः शिखी गिरिसुतासिंहोऽपि नागाननं ।
०६४७-२ इत्थं यत्र परिग्रहस्य घटना शंभोरपि स्याद्गृहे तत्रान्यस्य कथं न भावि जगतस्तस्मात्स्वरूपं हि तत् ॥

०६४८-१ अत्यच्छं सितमंशुकं शुचि मधु स्वामोदमच्छं रजः कार्पुरं विधृतार्द्रचन्दनकुचद्वन्द्वाः कुरङ्गीदृशः ।
०६४८-२ धारावेश्म सपाटलं विचकिलस्रग्दाम चन्द्रत्विषो धातः सृष्टिरियं वृथैव तव न ग्रीष्मोऽभविष्यद्यदि ॥

०६४९-१ अत्यद्भुतमिमं मन्ये स्वभावममनस्विनः ।
०६४९-२ यदुपक्रियमाणोऽपि प्रीयते न विलीयते ॥

०६५०-१ अत्यन्तं कुरुतां रसायनविधिं वाक्यं प्रियं जल्पतु वार्धेः पारमियर्तु गच्छतु नभो देवाद्रिमारोहतु ।
०६५०-२ पातालं विशतु प्रसर्पतु दिशं देशान्तरं भ्राम्यतु न प्राणी तदपि प्रहर्तुमनसा संत्यज्यते मृत्युना ॥

०६५१-१ अत्यन्तकण्डूतिपरो नराणां विरोधकारी शुनकः सदैव ।
०६५१-२ स्यादूर्ध्वपादः शुनकः शयानः सिद्धिप्रदः कार्यविधौ विदुष्टे ॥

०६५२-१ अत्यन्तकृष्णः स विनिर्मलस्त्वं स वामनः सर्वत उन्नतोऽसि ।
०६५२-२ जनार्दनो यत्स दयापरस्त्वं विष्णुः कथं वीर तवोपमानं ॥

०६५३-१ अत्यन्तकोपः कटुका च वाणी दरिद्रता च स्वजनेषु वैरं ।
०६५३-२ नीचप्रसङ्गः कुलहीनसेवा चिह्नानि देहे नरकस्थितानां ॥

०६५४-१ अत्यन्तचञ्चलस्येह पारदस्य निबन्धने ।
०६५४-२ कामं विज्ञायते युक्तिर्न स्त्रीचित्तस्य काचन ॥

०६५५-१ अत्यन्तनिर्गते चैव सुबद्धे नैव चाविले ।
०६५५-२ प्रशस्ते वाजिनां नेत्रे मध्वाभे कालतारके ॥

०६५६-१ अत्यन्तपरिणाहित्वादतीव श्लक्ष्णतावशात् ।
०६५६-२ न कांचिदुपमां रोढुं ऊरू शक्नोति सुभ्रुवः ॥

०६५७-१ अत्यन्तभीमवनजीवगणेन पूर्णं दुर्गं वनं भवभृतां मनसाप्यगम्यं ।
०६५७-२ चौराकुलं विशति लोभवशेन मर्त्यो नो धर्मकर्म विदधाति कदाचिदज्ञः ॥

०६५८-१ अत्यन्तमतिमेधावी त्रयाणामेकमश्नुते ।
०६५८-२ अल्पायुषो दरिद्रो वा ह्यनपत्यो न संशयः ॥

०६५९-१ अत्यन्तमन्थनकदर्थनमुत्सहन्ते मर्यादया नियमिताः किमु साधवोऽपि ।
०६५९-२ लक्ष्मीसुधाकरसुधाद्युपनीय शेषे रत्नाकरोऽपि गरलं किमु नोज्जगार ॥

०६६०-१ अत्यन्तमसदार्याणां अनालोचितचेष्टितं ।
०६६०-२ अतस्तेषां विवर्धन्ते सततं सर्वसंपदः ॥

०६६१-१ अत्यन्तविमुखे दैवे व्यर्थयत्ने च पौरुषे ।
०६६१-२ मनस्विनो दरिद्रस्य वनादन्यत्कुतः सुखं ॥

०६६२-१ अत्यन्तव्यवधानलब्धजनुषो जात्यापि भिन्नक्रमाः सांनिध्यं विधिना कुतूहलवता कुत्रापि संप्रापिताः ।
०६६२-२ गच्छन्त्यामरणं गुणव्यतिकृता भेदं न भूमीरुहस्ते काष्ठादपि निष्ठुरा गुणगणैर्ये नैकतां प्रापिताः ॥

०६६३-१ अत्यन्तशीतलतया सुभगस्वभाव सत्यं न कश्चिदपि ते तरुरस्ति तुल्यः ।
०६६३-२ छायार्थिनामपि पुनर्विकटद्विजिह्व- सङ्गेन चन्दन विषद्रुमनिर्विशेषः ॥

०६६४-१ अत्यन्तशुद्धचिन्मात्रे परिणामश्चिराय यः ।
०६६४-२ तुर्यातीतं पदं तत्स्यात्तत्स्थो भूयो न शोचति ॥

०६६५-१ अत्यन्तसुखसंचारा मध्याह्ने स्पर्शतः सुखाः ।
०६६५-२ दिवसाः सुभगादित्याश्छायासलिलदुर्भगाः ॥

०६६६-१ अत्यन्तस्तिमिताङ्गानां व्यायामेन सुखैषिणां ।
०६६६-२ भ्रान्तिज्ञानावृताक्षाणां प्रहारोऽपि सुखायते ॥

०६६७-१ अत्यन्तोन्नतपूर्वपर्वतमहापीठे हरस्पर्धया दूरोदञ्चितधूमसंनिभतमस्तारास्फुलिण्गाकुलं ।
०६६७-२ नूनं पञ्चशरोऽकरोच्छशिमिषात्स्वं ज्वाललिङ्गं यतो गर्वाच्छर्वपरान्दहेन्मुनिवरान्सर्वानखर्वा शुभिः ॥

०६६८-१ अत्यपूर्वस्य रागस्य पूर्वपक्षाय पल्लवाः ।
०६६८-२ पद्मानि पादयुग्मस्य प्रत्युदाहरणानि च ॥

०६६९-१ अत्यम्बुपानं कठिनासनं च धातुक्षयो वेगविधारणं च ।
०६६९-२ दिवाशयो जागरणं च रात्रौ षड्भिर्नराणां निवसन्ति रोगाः ॥

०६७०-१ अत्यम्बुपानात्प्रभवन्ति रोगाः अल्पाम्बुपाने च तथैव दोषाः ।
०६७०-२ तस्मान्नरो वह्निविवर्धनाय मुहुर्मुहुर्वारि पिबेदभुरि ॥

०६७१-१ अत्यम्बुपानाद्विषमाशनाच्च दिवाशयाज्जागरणच्च रात्रौ ।
०६७१-२ सम्रोधनान्मूत्रपुरीषयोश्च षड्भिः प्रकारैः प्रभवन्ति रोगाः ॥

०६७२-१ अत्यम्बुपानान्न विपच्यतेऽन्नं अनम्बुपानाच्च स एव दोषः ।
०६७२-२ तस्मान्नरो वह्निविवर्धनार्थं महुर्मुहुर्वारि पिबेदभूरि ॥

०६७३-१ अत्यर्थवक्रत्वमनर्थकं या शून्यापि सर्वान्यगुणैर्व्यनक्ति ।
०६७३-२ अस्पृश्यतादूषितया तया किं तुच्छश्वपुच्छच्छटयेव वाचा ॥

०६७४-१ अत्यल्पं जीवितं पापान्यापातमधुराण्यलं ।
०६७४-२ तदाचर चिरस्थेयपरलोकावलोकनं ॥

०६७५-१ अत्यल्पसंपदः सन्तः पुमानिष्टश्च दुष्कुले ।
०६७५-२ लक्ष्मीरनभिजातस्य वेधसः स्खलितत्रयं ॥

०६७६-१ अत्याग्रहो न कर्तव्यो हठात्कश्चिन्न भाषते ।
०६७६-२ यथायथोन्दति तथा भारो भवति कम्बलः ॥

०६७७-१ अत्याजिलब्धविजयप्रसरस्त्वया किं विज्ञायते रुचिपदं न महीमहेन्द्रः ।
०६७७-२ प्रत्यर्थिदानवशताहितचेष्टयासौ जीमूतवाहनधियं न करोति कस्य ॥

०६७८-१ अत्यादरादध्ययनं द्विजानां अर्थोपलब्ध्या फलवद्विधाय ।
०६७८-२ क्रतूनतुच्छानवितुं तवैषा मीमांसकाद्याधिकृतिः प्रसिद्धा ॥

०६७९-१ अत्यादरेण निहितं मयि यद्भवत्या तत्प्रेमहेम किमभूदिति नैव जाने ।
०६७९-२ उत्सृज्य किं तदिह पातकमुत्तराणि प्राणा अपि प्रियतमे कतमे भवेयुः ॥

०६८०-१ अत्यादरो दारसहोदरेषु न मातृपित्रोर्न च सोदरेषु ।
०६८०-२ मूर्खे नियोगस्तनये वियोगः पश्यन्ति लोकाः कलिकौतुकानि ॥

०६८१-१ अत्यादरो भवेद्यत्र कार्यकारणवर्जितः ।
०६८१-२ तत्र शङ्का प्रकर्तव्या परिणामेऽसुखावहा ॥

०६८२-१ अत्यायतैर्नियमकारिभिरुद्धतानां दिव्यैः प्रभाभिरनपायमयैरुपायैः ।
०६८२-२ शौरिर्भुजैरिव चतुर्भिरदः सदा यो लक्ष्मीविलासभवनैर्भुवनं बभार ॥

०६८३-१ अत्यायासेन नात्मानं कुर्यादतिसमुच्छ्रयं ।
०६८३-२ पातो यथा हि दुःखाय नोच्छ्रायः सुखकृत्तथा ॥

०६८४-१ अत्यार्यमतिदातारं अतिशूरमतिव्रतं ।
०६८४-२ प्रज्ञाभिमानिनं चैव श्रीर्भयान्नोपसर्पति ॥

०६८५-१ न चातिगुणवत्स्वेषा नात्यन्तं निर्गुणेषु च ।
०६८५-२ नैषा गुणान्कामयते नैर्गुण्यां नानुरज्यते ।
०६८५-३ उन्मत्ता गौरिवान्धा श्रीः क्वचिदेवावतिष्ठते ॥

०६८६-१ अत्याशीविषशस्त्रं हि विजितप्रलयानलं ।
०६८६-२ तेजो लङ्घयितुं शक्तः को नु नाम द्विजन्मनां ॥

०६८७-१ अत्यासन्ना विनाशाय दूरस्था न फलप्रदा ।
०६८७-२ तस्मादाहृत्य दातव्या भूमिः पार्थिवसत्तम ॥

०६८८-१ अत्यासन्ना विनाशाय दूरस्था न फलप्रदाः ।
०६८८-२ सेव्या मध्यमभावेन राजावह्निर्गुरुः स्त्रियः ॥

०६८९-१ अत्युक्तौ यदि न प्रकुप्यसि मृषावादं न चेन्मन्यसे तद्ब्रूमोऽद्भुतकीर्तनाय रसना केषां न कण्डूयते ।
०६८९-२ देव त्वत्तरुणप्रतापदहनज्वालावलीशोषिताः सर्वे वारिधयस्ततो रिपुवधूनेत्राम्बुभिः पूरिताः ॥

०६९०-१ अत्युच्चस्तनशैलदुर्गममुरो नाभिर्गभीरान्तरा भीमं देहवनं स्फुरद्भुजलतं र्ॐआलिजालाकुलं ।
०६९०-२ व्याधः पञ्चशरः किरत्यतितरां तीक्ष्णान्कटाक्षाशुगांस्- तन्मे ब्रूहि मनःकुरङ्ग शरणं किं सांप्रतं यास्यसि ॥

०६९१-१ अत्युच्चाः परितःस्फुरन्ति गिरयः स्फारास्तथाम्भोधयस्तानेतानपि बिभ्रती किमपि न क्लान्तासि तुभ्यं नमः ।
०६९१-२ आश्चर्येण मुहुर्मुहुः स्तुतिमिमां प्रस्त्ॐइ यावद्भुवस्तावद्बिभ्रादिमां स्मृतस्तव भुजो वाचस्ततो मुद्रिताः ॥

०६९२-१ अत्युच्चैरतिनीचैरश्लीलमयुक्तमनुपयुक्तं च ।
०६९२-२ न वदति नृपतिसभाया- मादरमीप्सुर्महामनसां ॥

०६९३-१ अत्युच्छ्रिते मन्त्रिणि पार्थिवे च विष्टभ्य पादावुपतिष्ठते श्रीः ।
०६९३-२ सा स्त्रीस्वभावादसहा भरस्य तयोर्द्वयोरेकतरं जहाति ॥

०६९४-१ अत्युच्छ्रितोन्नतसितध्वजपङ्क्तिचित्रैर्नागाश्वपत्तिरथसंक्षुभितैर्बलौघैः ।
०६९४-२ उद्धूतचामरविराजितगात्रशोभाः पुण्येन भूमिपतयो भुवि संचरन्ति ॥

०६९५-१ अत्युज्ज्वलैरवयवैर्मृदुतां दधाना मुक्ता बलं वितरति स्मरदानदक्षा ।
०६९५-२ स्निग्धाशाया गुरुगुणग्रथिता मनोज्ञा फीणी नवीनललनेव मुदं ददाति ॥

०६९६-१ अत्युत्सार्य बहिर्विटङ्कवडभीगण्डस्थलश्यामिकां भिन्नाभिन्नगवाक्षजालविरलच्छिद्रैः प्रदीपांशवः ।
०६९६-२ आरूढस्य भरेण यौवनमिव ध्वान्तस्य नक्तं मुखे निर्याताः कपिलाः करालविरलश्मश्रूप्ररोहा इव ॥

०६९७-१ अत्युत्सेकेन महसा साहसाध्यवसायिनां ।
०६९७-२ श्रीरारोहति संदेहं महतामपि भूभृतां ॥

०६९८-१ अत्युदात्तगणेष्वेषा कृतपुण्यैः प्ररोपिता ।
०६९८-२ शतशाखी भवत्येव यावन्मात्रापि सत्क्रिया ॥

०६९९-१ अत्युद्गाढरयस्थिराकृतिघनध्वानभ्रमन्मन्दर- क्षुब्धक्षीरधिवीचिसंचयगतप्रालेयपादोपमः ।
०६९९-२ श्रीमत्पोतलके गभीरविवृतिध्वानप्रतिध्वानिते सान्द्रस्वांशुचयश्रिया वलयितो लोकेश्वरः पातु वः ॥

०७००-१ अत्युद्धृता वसुमती दलितोऽरिवर्गः क्रोडीकृता बलवता बलिराजलक्ष्मीः ।
०७००-२ एकत्र जन्मनि कृतं यदनेन यूना जन्मत्रये तदकरोत्पुरुषः पुराणः ॥

०७०१-१ अत्युन्नतपदं प्राप्तः पूज्यान्नैवावमानयेत् ।
०७०१-२ नहुषः शक्रतां प्राप्तश्च्युतोऽगस्त्यावमाननात् ॥

०७०२-१ अत्युन्नतस्तनमुरो नयने सुदीर्घे वक्रे भ्रुवावतितरां वचनं ततोऽपि ।
०७०२-२ मध्योऽधिकं तनुरनूनगुरुर्नितम्बो मन्दा गतिः किमपि चाद्भुतयौवनायाः ॥

०७०३-१ अत्युन्नतस्तनयुगा तरलायताक्षी द्वारि स्थिता तदुपयानमहोत्सवाय ।
०७०३-२ सा पूर्णकुम्भनवनीरजतोरणस्रक्- संभारमङ्गलमयत्नकृतं विधत्ते ॥

०७०४-१ अत्युन्नतिं प्राप्य नरः प्रावारः कीटको यथा ।
०७०४-२ स विनश्यत्यसंदेहं आहैवमुशना नृपः ॥

०७०५-१ अत्युन्नतिव्यसनिनः शिरसोऽधुनैष स्वस्यैव चातकशिशुः प्रणयं विधत्तां ।
०७०५-२ अस्यैतदिच्छति यदि प्रततासु दिक्षु ताः स्वच्छशीतमधुराः क्व नु नाम नापः ॥

०७०६-१ अत्युन्नतोऽम्बुभिर्मेघश्चातकान्न धिनोति चेत् ।
०७०६-२ मरुता हृतसर्वस्वः स पश्चात्किं करिश्यति ॥

०७०७-१ अत्युपचित्तैरुपायैश्चक्रभृदेको भुजैरिव चतुर्भिः ।
०७०७-२ नृपतिः श्रियमपि सुचिरं हरिरिव परिरभ्य निर्भरं रमते ॥

०७०८-१ अत्युल्लसद्बिसरहस्ययुजा भुजेन वक्त्रेण शारदसुधांशुसहोदरेण ।
०७०८-२ पीयुषपोषसुभगेन च भाषितेन त्वं चेत्प्रसीदसि मृगाक्षि कुतो निदाघः ॥

०७०९-१ अत्युष्णा ज्वरितेव भास्करकरैरापीतसारा मही यक्ष्मार्ता इव पादपाः प्रमुषितच्छाया दवाग्न्याश्रयात् ।
०७०९-२ विक्रोशन्त्यवशादिवोच्छ्रितगुहाव्यात्ताननाः पर्वता लोकोऽयं रविपाकनष्टहृदयः संयाति मूर्छामिव ॥

०७१०-१ अत्युष्णात्सघृतादन्नादच्छिद्राच्चैव वाससः ।
०७१०-२ अपरप्रेष्यभावाच्च भूय इच्छन्पतत्यधः ॥

०७११-१ अत्येति रजनी या तु सा न प्रतिनिवर्तते ।
०७११-२ यात्येव यमुना पूर्णा समुद्रमुदकार्णवं ॥

०७१२-१ अत्र चैत्रसमये निरन्तराः प्रोषिताहृदयकीर्णपावकाः ।
०७१२-२ वान्ति कामुकमनोविमोहना व्याललोलमलयाचलानिलाः ॥

०७१३-१ अत्र मन्मथमिवातिसुन्दरं दानवारिमिव दिव्यतेजसं ।
०७१३-२ शैलराजमिव धैर्यशालिनं वेद्मि वेङ्कटपतिं महीपतिं ॥

०७१४-१ अत्र यत्पतितं वर्णबिन्दुमात्राविसर्गकं ।
०७१४-२ भ्रमप्रमाददोषाद्धि क्षन्तव्यं तत्सुबुद्धिभिः ॥

०७१५-१ अत्रस्तो निजपक्षैस्तुण्डविघातैर्जनानभिभवन्तः ।
०७१५-२ कुर्वन्ति शत्रुवृद्धिं निशि विरुतवन्तो जनविनाशं ॥

०७१६-१ अत्रस्थः सखि लक्षयोजनगतस्यापि प्रियस्यागमं वेत्त्याख्याति च धिक्छुकादय इमे सर्वे पथन्तः स्थिताः ।
०७१६-२ मत्कान्तस्य वियोगतापदहनज्वालावलीचन्दनः काकस्तेन गुणेन काञ्चनमये व्यापारितः पञ्जरे ॥

०७१७-१ अत्रकण्ठं विलुठ सलिले निर्जला भूः पुरस्ताज्जह्याः शोषं वदनविहितेनामलक्याः ।
०७१७-२ फलेन स्थाने स्थाने तदिति पथिकस्त्रीजन(ः) क्लान्तगात्रीं पश्यन्सीतां किमु न कृपया वर्धितो रोदितश्च ॥

०७१८-१ अत्रनुगोदं मृगयानिवृत्तस्तरङ्गवातेन विनीतखेदः ।
०७१८-२ रहस्त्वदुत्सङ्गनिषण्णमूर्धा स्मरामि वानीरगृहेषु सुप्तः ॥

०७१९-१ अत्रान्तरे किमपि वाग्विभवातिवृत्त- वैचित्र्यमुल्लसितविभ्रममायताक्ष्याः ।
०७१९-२ तद्भूरिसात्त्विकविकारमपास्तधैर्यं आचार्यकं विजयि मान्मथमाविरासीत् ॥

०७२०-१ अत्रान्तरे च कुलटाकुलवर्त्मघात- संजातपातक इव स्फुटलाञ्छनश्रीः ।
०७२०-२ वृन्दावनान्तरमदीपयदंशुजालैर्दिक्सुन्दरीवदनचन्दनबिन्दुरिन्दुः ॥

०७२१-१ अत्रापि भारतं श्रेष्ठं जम्बुद्वीपे महामुने ।
०७२१-२ यतो हि कर्मभूरेषा अतोऽन्या भोगभूमयः ॥

०७२२-१ अत्रायातं पथिक भवता कर्मणाकारि पथ्यं तथ्यं ब्रूमः पुनरपि सखे साहसं मा विधासीः ।
०७२२-२ वामाक्षीणां नयननलिनप्रान्तनिर्धूतधैर्याः स्वां मर्यादामिह हि नगरे योगिनोऽपि त्यजन्ति ॥

०७२३-१ अत्रर्द्रचन्दनकुचार्पितसूत्रहार- सीमन्तचुम्बिसिचयस्फुटबाहुमूलः ।
०७२३-२ दूर्वाप्रकाण्डरुचिरासु गुरूपभोगो गौडाङ्गनासु चिरमेष चकास्ति वेषः ॥

०७२४-१ अत्रार्यः खरदूषणत्रिशिरसां नादानुबन्धोद्यमे रुन्धाने भुवनं त्वया चकितया योद्धा निरुद्धः क्षणं ।
०७२४-२ सस्नेहाः सरसाः सहासरभसाः सभ्रू भ्रमाः सस्पृहाः सोत्साहास्त्वयि तद्बले च निदधे दोलायमाना दृशः ॥

०७२५-१ अत्रावासपरिग्रहं गृहपतेराचक्ष्व चण्डोद्यमैः चण्डालैरुपसेविताः सखि धनुर्हस्तैः पुरस्तादिमाः ।
०७२५-२ उत्कालाकुलसारमेयरसनालेलिह्यमानोन्नत- द्वाराग्रत्वगवास्थिसास्रशकलस्रग्वल्लयः पल्लयः ॥

०७२६-१ अत्राशितं शयितमत्र निपीतमत्र सायं तया सह मया विधिवञ्चितेन ।
०७२६-२ इत्यादि हन्त परिचिन्तयतो वनान्ते रामस्य लोचनपयोभिरभूत्पयोधिः ॥

०७२७-१ अत्रासीत्किल नन्दसद्म शकटस्यात्राभवद्भञ्जनं बन्धच्छेदकरोऽपिदामभिरभूद्बद्धोऽत्र दामोदरः ।
०७२७-२ इत्थं माथुरवृद्धवक्त्रविगलत्पीयूषधारां पिबन्नानन्दाश्रुधरः कदा मधुपुरीं धन्यश्चरिष्याम्यहं ॥

०७२८-१ अत्रासीत्फणिपाशबन्धनविधिः शक्त्या भवद्देवरे गाढं वक्षसि ताडिते हनुमता द्रोणाद्रिरत्राहृतः ।
०७२८-२ दिव्यैरिन्द्रजिदत्र लक्ष्मणशरैर्लोकान्तरं प्रापितः केनाप्यत्र मृगाक्षि राक्षसपतेः कृत्ता च कण्ठ्टवी ॥

०७२९-१ अत्रास्थः पिशितं शवस्य कठिनैरुत्कृत्य कृत्स्नं नखैर्नग्नस्नायुकरालघोरकुहरैर्मस्तिष्कदिग्धाङ्गलिः ।
०७२९-२ संदश्यौष्ठपुटेन भुग्नवदनः प्रेतश्चिताग्निद्रुतं सूत्कारैर्नलकास्थिकोटरगतं मज्जानमाकर्षति ॥

०७३०-१ अत्रास्मिन्सुतनु लतागृहेऽस्ति रम्यं मालत्याः कुसुममनुच्चितं परेण ।
०७३०-२ इत्युक्त्वा मृदुकरपल्लवं गृहीत्वा मुग्धाक्षी रहसि निनाय कोऽपि धन्यः ॥

०७३१-१ अत्रिलोचनसंभूतज्योतिरुद्गमभासिभिः ।
०७३१-२ सदृशण्शोभतेऽत्यर्थं भूपाल तव चेष्टितं ॥

०७३२-१ अत्रैव दास्यसि विमुक्तिमथापि याचे मातः शरीरपतनं मणिकर्णिकायां ।
०७३२-२ अस्तु स्वकृत्यमनुकम्पनमीश्वराणां दासस्य कर्मकरतैव तथा स्वकृत्यं ॥

०७३३-१ अत्रैव सरसि जातं विकसितमत्रैव निर्भरं नलिनैः ।
०७३३-२ कालवशागततुहिनैर्विलीनमत्रैव हा कष्टं ॥

०७३४-१ अत्रैष स्वयमेव चित्रफलके कम्पस्खलल्लेखया संतापार्तिविनोदनाय कथमप्यालिख्य सख्या भवान् ।
०७३४-२ बाष्पव्याकुलमीक्षितः सरभसं चूताङ्कुरैरर्चितो मूर्ध्ना च प्रणतः सखीषु मदनव्याजेन चापह्नुतः ॥

०७३५-१ अत्रोत्पातघनेन मन्त्रिविकले शून्याम्बरव्यापिना धृष्टस्वप्रकृतिक्रियासमुचिते ग्रमे तथा जृम्भितं ।
०७३५-२ रथ्याकर्दमवाहिनामतिशुचिस्वच्छात्मनामन्तरं नाप्यज्ञायि जनैर्यथौघपयसां स्रोतोजलानामपि ॥

०७३६-१ अत्रोद्याने मया दृष्टा वल्लरी पञ्चपल्लवा ।
०७३६-२ पल्लवे पल्लवे ताम्रा यस्यां कुसुममञ्जरी ॥

०७३७-१ अत्वरा सर्वकार्येषु त्वरा कार्यविनाशिनी ।
०७३७-२ त्वरमाणेन मूर्खेण मयूरो वायसीकृतः ॥

०७३८-१ अथ कालाग्निरुद्रस्य तृतीयनयनोत्थिता ।
०७३८-२ ज्वाला दहति तत्सर्वं निर्वाणं ब्रह्मणो यतः ॥

०७३९-१ अथ कृतकविहङ्गैः पार्थिवोद्दूलयन्तैस्तुमुलमुपरिपातादम्बुवर्षात्त्रसन्त्यः अविगलितसपत्नीगात्रसंमर्ददुःखाः प्रणयिनमभिपेतुर्हानिनादेन देव्यः ॥

०७४०-१ (अर्जुन उवाच) अथ केन प्रयुक्तोऽयं पापं चरति पूरुषः ।
०७४०-२ अनिच्छन्नपि वार्ष्णेय बलादिव नियोजितः ॥

०७४१-१ (श्रीभगवानुवाच) काम एष क्रोध एष रजोगुणसमुद्भवः ।
०७४१-२ महाशनो महापाप्मा विद्ध्येनमिह वैरिणं ॥

०७४२-१ धूमेनाव्रियते वह्निर्यथादर्शो मलेन च ।
०७४२-२ यथोल्बेनावृतो गर्भस्तथा तेनेदमावृतं ॥

०७४३-१ अथ कोकिल कुरु मौनं जलधरसमयेऽपि पिच्छिला भूमिः ।
०७४३-२ विकसति कुटजकदम्बे वक्तरि भेके कुतस्तवावसरः ॥

०७४४-१ अथ धूकस्वरो वामे यात्रायां गच्छतः शुभः ।
०७४४-२ दक्षिणे मृतये किंचिद्दुष्टं दर्शनमस्य हि ॥

०७४५-१ अथ जगदवगाढं वासरान्तापचारात्तिमिरपटलवृद्धावप्रतीकारसत्त्वं ।
०७४५-२ शशिभिषगनुपूर्वं शीतहस्तो भिषज्यन्नधिकविशदवक्त्रः स्वैरभावं चकार ॥

०७४६-१ अथ दीर्घतमं तमः प्रवेक्ष्यन्सहसा रुग्णरयः स संभ्रमेण ।
०७४६-२ निपतन्तमिवोष्णरश्मिमुर्व्यां वलयीभूततरुं धरां च मेने ॥

०७४७-१ अथ देहं स्थिरीर्क्तुं योगिनां सिद्धिमिच्छतां ।
०७४७-२ कथ्यन्ते शुद्धकर्माणि यैः सिद्धिं प्रापुरुत्तमाः ॥

०७४८-१ अथ नगरधृतैरमात्यरत्नैः पथि समियाय स जाययाभिरामः ।
०७४८-२ मधुरिव कुसुमश्रिया सनाथः क्रममिलितैरलिभिः कुतूहलोत्कैः ॥

०७४९-१ अथ नभसि निरीक्ष्य व्याप्तदिक्चक्रवालं सजलजलदजालं प्राप्तहऋषप्रकर्षः ।
०७४९-२ विहितविपुलबर्हाडम्बरो नीलकण्ठो मदमृदुकलकण्ठो नाट्यमङ्गीचकार ॥

०७५०-१ अथ नयनसमुत्थं ज्योतिरत्रेरिव द्यौः सुरसरिदिव तेजो वह्निनिष्ठ्यूतमैशं ।
०७५०-२ नरपतिकुलभूत्यै गर्भमाधत्त राज्ञी गुरुभिरभिनिविष्टं लोकपालानुभावैः ॥

०७५१-१ अथ नित्यमनित्यं वा नेह शोचन्ति तद्विदः ।
०७५१-२ नान्यथा शक्यते कर्तुं स्वभावः शोचतामिति ॥

०७५२-१ अथ पङ्क्तिमतामुपेयिवद्भिः सरसैर्वक्रपथश्रितैर्वचोभिः ।
०७५२-२ क्षितिभर्तुरुपायनं चकार प्रथमं तत्परतस्तुरङ्गमाद्यैः ॥

०७५३-१ अथ पथिकवधूदहनः शनकैरुदभून्निशाकरालोकः ।
०७५३-२ कुमुदप्रबोधदूतो व्यसनगुरुश्चक्रवाकीणां ॥

०७५४-१ अथ प्रसन्नेन्दुमुखीन्सिताम्बरा समाययावुत्पलपत्रलोचना ।
०७५४-२ सपङ्कजा श्रीरिव गां निषेवितुं सहंसबालव्यजना शरद्वधूः ॥

०७५५-१ अथबद्धजेटे रामे सुमन्त्रे गृहमागते ।
०७५५-२ त्यक्तो राजा सुतत्यागादविश्वस्तैरिवासुभिः ॥

०७५६-१ अथ भद्राणि भूताणि हीनशक्तिरहं परं ।
०७५६-२ मुदं तदापि कुर्वीत हानिर्द्वेषफलं यतः ॥

०७५७-१ अथ मनसिजदिग्ज्याभिशंसी जलधरदुग्दुभिराततान शब्दं ।
०७५७-२ तदनु तदनुजीविभिः कदम्बैः कवचितमुन्मदषट्पदच्छलेन ॥

०७५८-१ अथ मन्त्रमिमं कर्ने जपेद्दंशं स्पृशेत्तथा ।
०७५८-२ एकविंशतिवारं च वृश्चिकक्ष्वेडशान्तये ॥

०७५९-१ अथ मन्मथवाहिनीपरागः किमपि ज्योतिरुदस्फुरत्पुरस्तात् ।
०७५९-२ तिमिरस्य जरा चकोरकूरं कुलडाकेलिबनीदवानलार्चिः ॥

०७६०-१ अथ रतिरभसादलीकनिद्रा- मधुरविघूर्णितलोचनोत्पलाभिः ।
०७६०-२ शयनतलमशिश्रियन्वधूभिः सह मदमन्मथमन्थरा युवानः ॥

०७६१-१ अथ राज्ञा दरः कार्यो न तु कस्यां चिदापदि ।
०७६१-२ अपि चेतसि दीर्णः स्यान्नैव वर्तेत दीर्णवत् ॥

०७६२-१ अर्थतुपक्वात्कलतोऽवशोषिताद्विकृष्य बीजं पयसा निषिच्य ।
०७६२-२ विशोषितं पञ्चदिनानि सर्पिषा विडङ्गमिश्रेण च धूपयेत्ततः ॥

०७६३-१ अथर्वविधितत्त्वज्ञैर्ब्राह्मणैर्विजितेन्द्रियैः ।
०७६३-२ मन्त्रतन्त्रविधानज्ञैर्दूरादुन्मूलयेद्रिपून् ॥

०७६४-१ अथर्वाम्नायतत्त्वज्ञस्तन्त्रज्ञः क्रतुकर्मठः धनुर्वेदस्य वेत्ता च पुरोधा राजसंमतः ॥

०७६५-१ अथ लक्ष्मणानुगतकान्तवपुर्जलधिं विलङ्घ्य शशिदाशरथिः ।
०७६५-२ परिवारितः परित ऋक्षगनैस्तिमिरौघराक्षसकुलं बिभिदे ॥

०७६६-१ अथवा नश्यति प्रज्ञा प्राज्ञस्यापि नरस्य हि ।
०७६६-२ प्रतिकूले गते दैवे विनाशे समुपस्थिते ॥

०७६७-१ अथवा प्रोच्यते ध्यानं अन्यदेवात्र योगिनां ।
०७६७-२ रहस्यं परमं मुक्तेः कारणं प्रथमं च यत् ॥

०७६८-१ अथवा भवतः प्रवर्तना न कथं पिष्टमियं पिनष्टि नः ।
०७६८-२ स्वत एव सतां परार्थता ग्रहणानां हि यथा यथार्थता ॥

०७६९-१ अथवाभिनिविष्टबुद्धिषु व्रजति व्यर्थकतां सुभाषितं ।
०७६९-२ रविरागिषु शीतरोचिषः करजालं कमलाकरोष्विव ॥

०७७०-१ अथवा मम भाग्यविप्लवादशनिः कल्पित एष वेधसा ।
०७७०-२ यदनेन तरुर्न पातितः क्षिपता तद्विडपाश्रया लता ॥

०७७१-१ अथवा मूलसंस्थानां उद्घातैस्तु प्रबोधयेत् ।
०७७१-२ सुप्तां कुण्डलिनीं शक्तिं बिसतन्तुनिभाकृतिं ॥

०७७२-१ अथवा मृदु वस्तु हिंसितुं मृदुनैवारभते प्रजान्तकः ।
०७७२-२ हिमसेकविपत्तिरत्र मे नलीनी पूर्वनिदर्शनं मता ॥

०७७३-१ अथ वासवस्य वचनेन रुचिरवदनस्त्रिलोचनं ।
०७७३-२ क्लान्तिरहितमभिराधयितुं विधिवत्तपांसि विदधे धनंजयः ॥

०७७४-१ अथ संसारसंहारवामनाबन्धवासितः ।
०७७४-२ अजायत वृषारूढो भैरवो महसां निधिः ॥

०७७५-१ अथ स ललितयोषिद्भ्रूलताचारुशृङ्गं रतिवलयपदाङ्के चापमासज्य कण्ठे ।
०७७५-२ सहचरमधुहस्तन्यस्तुचूताङ्कुरास्त्रश्शतमखमुपतस्थे प्राञ्जलिः पुष्पधन्वा ॥

०७७६-१ अथ स विषयव्यावृत्तात्मा यथाविधि सूनवे नृपतिककुदं दत्त्वा यूने सितातपवारणं ।
०७७६-२ मुनिवनतरुच्छायां देव्या तया सह शिश्रिये गलितवयसामिक्ष्वाकूणामिदं हि कुलव्रतं ॥

०७७७-१ अथ सान्द्रसांध्यकिरणारुणितं हरिहेतिहूति मिथुनं पततोः ।
०७७७-२ पृथगुत्पपात विरहार्तिदलद्- धृदयस्रुतासृगनुलिप्तमिव ॥

०७७८-१ अथ सामान्यशृङ्गारे युवतीनां प्रशंसनं ।
०७७८-२ स्त्रीपुंसजातिकथनं तयोः संयोगवर्णनं ॥

०७७९-१ अथ स्फुरन्मीनविधूतपङ्कजा विकङ्कतीरस्खलितोर्मिसंहतिः ।
०७७९-२ पयोऽवगाढुं कलहंसनादिनी समाजुहावेव वधूः सुरापगा ॥

०७८०-१ अथ स्वमादाय भयेन मन्थनाच्चिरत्नरत्नाधिकमुच्चितं चिरात् ।
०७८०-२ निलीय तस्मिन्निवसन्नपांनिधिर्वने तडाको ददृशोऽवनीभुजा ॥

०७८१-१ अथ स्वस्थाय देवाय नित्याय हतपाप्मने ।
०७८१-२ त्यक्तक्रमविभागाय चैतन्यज्योतिषे नमः ॥

०७८२-१ अथागत्य भुवं राज्ञां गता वाहनतां हयाः ।
०७८२-२ तेषां धर्मार्थकामांश्च साधयन्त्युपकारिणः ॥

०७८३-१ अथाङ्गराजादवतार्य चक्षुर्याहीति जन्यामवदत्कुमारी ।
०७८३-२ नासौ न काम्यो न च वेद सम्यग्दृष्टुं न सा भिन्नरुचिर्हि लोकः ॥

०७८४-१ अथातः संप्रवक्ष्यामि लक्षणानि हि वाजिनां ।
०७८४-२ शुभानि वर्णैरावर्तैस्तानि विद्याद्विचारतः ॥

०७८५-१ अथातः संप्रवक्ष्यामि हयारोहणमुत्तमं ।
०७८५-२ येन विज्ञातमात्रेण रेवन्तः प्रियतां व्रजेत् ॥

०७८६-१ अथात्मनः शब्दगुणं गुणज्ञः पदं विमानेन विगाहमानः ।
०७८६-२ रत्नाकरं वीक्ष्य मिथः स जायां रामाभिधानो हरिरित्युवाच ॥

०७८७-१ अथानन्दकरं वक्ष्ये षडर्तूनां च वर्णनं ।
०७८७-२ यद्रसास्वादमुदिता विभान्ति विबुधालयः ॥

०७८८-१ अथानुक्रमद्वाराणि विरच्यन्तेऽत्र वाङ्मये ।
०७८८-२ अन्योक्तिसूक्तमुक्तालीं समुद्धृत्य श्रुताम्बुधेः ॥

०७८९-१ अथापि नापसज्जेत स्त्रीषु स्त्रैणेषु चार्थवित् ।
०७८९-२ विषयेन्द्रियसंयोगान्मनः क्षुभ्यति नान्यथा ॥

०७९०-१ अथाप्रशस्ताः खरतुल्यनादाः प्रदीप्तपुच्छाः कूनखा विवर्णाः ।
०७९०-२ निकृत्तकर्णा द्विपमस्तकाश्च भवन्ति ये वा सिततालुजिह्वाः ॥

०७९१-१ अथायतनसंनिधौ भगवतो भवानीपतेर्मनोहरमचीखनद्भुवनभूषणं भूपतिः ।
०७९१-२ विगाहनकुतूहलोत्तरलपौरसीमन्तिनी- पयोधरभरत्रुटद्विकटवीचिमुद्रं सरः ॥

०७९२-१ अथाशुद्धोद्भवो ग्राम्यनर्तक्स्येव यो भवेत् ।
०७९२-२ कैतवस्नेहमापन्नो भवः संकीर्ण उच्यते ॥

०७९३-१ अथाश्वानां जन्मदेशान्प्रवक्ष्याम्यनुपूर्वशः ।
०७९३-२ उत्तमानां च मध्यानां हीनानां यत्र संभवः ॥

०७९४-१ अथाससादास्तमनिन्द्यतेजा जनस्य दूरोज्झितमृत्युभीतेः ।
०७९४-२ उत्पत्तिमद्वस्तु विनाश्यवश्यं यथाहमित्येवमिवोपदेष्टुं ॥

०७९५-१ अथेतरे सप्त रघुप्रवीरा ज्येष्ठं पुरोजन्मतया गुणैश्च चक्रुः कुशं रत्नविशोषभाजं सौभ्रात्रमेषां हि कुलानुसारि ॥

०७९६-१ अथेदं रक्षोभिः कनकहरिणच्छद्मविधिना तथा वृत्तं पापैर्व्यथयति यथा क्षालितमपि ।
०७९६-२ जनस्थाने शून्ये विकलकरणैरार्यचरितैरपि ग्रावा रोदित्यपि दलति वज्रस्य हृदयं ॥

०७९७-१ अथेह कथ्यतेस्माभिः कर्मना येन बन्धनं ।
०७९७-२ छिद्यते सदुपायेन श्रुत्वा तत्र प्रवर्त्यतां ॥

०७९८-१ अथैतत्पूर्णमभ्यात्मं यच्च नेत्यनृतं वचः ।
०७९८-२ सर्वं नेत्यनृतं ब्रूयात्स दुष्कीर्तिः स्वसन्मृतः ॥

०७९९-१ अथो गणपतिं वन्दे महामोदविधायिनं ।
०७९९-२ विद्याधरगणैर्यस्य पूज्यते कण्ठगर्जितं ॥

०८००-१ अथोच्चकैर्जरठकपोतकंधरा- तनूरुहप्रकरविपाण्डुरद्युति ।
०८००-२ बलैश्चलच्चरणविधूतमुच्चरद्धनावलीरुदचरत क्षमारजः ॥

०८०१-१ अथोच्यते श्वानरुतस्य सारं सारं समस्तेष्वपि शाकुनेषु ।
०८०१-२ विस्पष्टचेष्टं शुभलक्षणं च शुभाशुभं प्राक्तनकर्मपाकं ॥

०८०२-१ अथोत्तरस्यां दिशि खञ्जरीटं आलोक्य कोऽपि स्मितमादधानः ।
०८०२-२ कस्याश्चिदास्ये स्मितचारुभासि सभावयामास विलोचनानि ॥

०८०३-१ अथोद्ययौ बालसुहृत्स्मरस्य शयामाधवः श्यामललक्ष्मभङ्ग्या ।
०८०३-२ तारावधूलोचनचुम्बनेन लीलाविलीनाञ्जनबिन्दुरिन्दुः ॥

०८०४-१ अथोपगूढे शरदा शशाङ्के प्रावृड्ययौ शान्ततडित्कटाक्षा ।
०८०४-२ कासां न सौभाग्यगुणोऽङ्गनानां नष्टः परिभ्रष्ट्पयोधराणां ॥

०८०५-१ अदः समित्संमुखवीरयौवत- त्रटद्भुजाकम्बुमृणालहारिणी ।
०८०५-२ द्विषद्गणस्त्रैणदृगम्बुनिर्झरे यश्ॐअरालावलिरस्य खेलति ॥

०८०६-१ अदण्डनमदण्ड्यानां दण्ड्यानां चापि दण्डनं ।
०८०६-२ अग्राह्याग्रहणं चैव ग्राह्याणां ग्रहणं तथा ॥

०८०७-१ अदण्ड्यान्दण्डयन्राजा दण्ड्यांश्चैवाप्यदण्डयन् ।
०८०७-२ अयशो महदाप्नोति नरकं चैव गच्छति ॥

०८०८-१ अदत्तं नादत्ते कृतसुकृतकामः किमपि यः शुभश्रेणिस्तस्मिन्वसति कलहंसीव कमले ।
०८०८-२ विपत्तस्माद्दूरं व्रजति रजनीवाम्बरमणेर्विनीतं विद्येव त्रिदिवशिवलक्ष्मीर्भजति तं ॥

०८०९-१ अदत्तदोषेण भवेद्दरिद्रो दरिद्रदोषेण करोति पापं ।
०८०९-२ पापादवश्यं नरकं प्रयाति पुनर्दरिद्रः पुनरेव पापी ॥

०८१०-१ अदत्तभुक्तमुत्सृज्य धनं सुचिररक्षितं ।
०८१०-२ मूषका इव गच्छन्ति कदर्याः स्वक्षये क्षयं ॥

०८११-१ अदत्तानामुपादानं हिंसा चैवाविधानतः ।
०८११-२ परदारोपसेवा च शारीरं त्रिविधं स्मृतं ॥

०८१२-१ अदत्तेत्यागता लज्जा दत्तेति व्यथितं मनः ।
०८१२-२ धर्मस्नेहान्तरे न्यस्ता दुःखिताः खलु मातरः ॥

०८१३-१ अदनस्पृहया दुरीश्वराणां सदन्द्वारि वितर्दिमाश्रयन्तां ।
०८१३-२ अपुनर्भवसाधनं शरीरं जरयामो वयम्ॐ नमः शिवाय ॥

०८१४-१ अदभ्रमभ्रोपलपट्टकेषु ये शितीक्रियन्ते मदनेन पत्रिणः ।
०८१४-२ तडिल्लता तन्निकषोत्थपावक- स्फुलिङ्गभङ्गीं ललिताङ्गि सेवते ॥

०८१५-१ अदम्भा हि रम्भा विलक्षा च लक्ष्मीर्घृताची ह्रिया चीरसंच्छादितास्या ।
०८१५-२ अहो जायते मन्दवर्णाप्यपर्णा समाकर्ण्य तस्या गुणस्यैकदेशं ॥

०८१६-१ अदयं घर्ष शिलायां दह वा दाहेन भिन्धि लौहेन ।
०८१६-२ हे हेमकार कनकं म मां गुञ्जाफलैस्तुलय ॥

०८१७-१ अदय दशसि किं त्वं बिम्बबुद्ध्याधरं मे भव चपल निराशः पक्वजम्बूफलानां ।
०८१७-२ इति दयितमवेत्य द्वारदेशाप्तमन्या निगदति शुकमुच्चैः कान्तदन्तक्षतौष्ठी ॥

०८१८-१ अदर्शनादापतितः पुनश्चादर्शनं गतः ।
०८१८-२ न त्वासौ वेद न त्वं तं कः सन्कमनुशोचसि ॥

०८१९-१ अदर्शनादापतिताः पुनश्चादर्शनं गताः ।
०८१९-२ न ते तव न तेषां त्वं तत्र का परिदेवना ॥

०८२०-१ अदर्शने दर्शनमात्रकामा दृष्टौ परिष्वङ्गरसैकलोला ।
०८२०-२ आलिङ्गितायां पुनरायताक्ष्यां आशास्महे विग्रहयोरभेदं ॥

०८२१-१ अदाक्षिण्यादतीवोग्राः पवना इव दुर्जनाः ।
०८२१-२ गुरूनपि प्रतिक्षेप्तुं प्रयतन्ते क्षमाभृतः ॥

०८२२-१ अदाता पुरुषस्त्यागी दाता त्यागी च नित्यशः ।
०८२२-२ इति ज्ञात्वा स्वयं बुद्धया धनं दद्यात्पुनः पुनः ॥

०८२३-१ अदाता पुरुषस्धनं संत्यज्य गच्छति ।
०८२३-२ दातारं कृपणं मन्ये मृतोऽप्यर्थं न मुञ्चति ॥

०८२४-१ अदातारं दातृप्रवरमनयं विश्वविनयं विरूपं रूपाढ्यं विगतजयिनं विश्वजयिनं ।
०८२४-२ अकुल्यं कुल्यं त्वामहमवदमाशापरवशात्मृषावादेत्युक्तिस्त्वयि खलु मृषावादिनि मयि ॥

०८२५-१ अदाता वंशदोषेण कर्मदोषाद्दरिद्रता ।
०८२५-२ उत्मादो मातृदोषेण पितृदोषेण मूर्खता ॥

०८२६-१ अदातृमानसं क्वापि न स्पृशन्ति कवेर्गिरः ।
०८२६-२ दुःखायैवातिवृद्धस्य विलासास्तरुणीकृताः ॥

०८२७-१ अदानमीषद्दानं च किंचित्कोपाय दर्धियां ।
०८२७-२ संपूर्णदानं प्रकृतिर्विरामो वैरकारणं ॥

०८२८-१ अदान्तस्याविनीतस्य वृथापण्डितमानिनः ।
०८२८-२ न गुणाय भवन्ति स्म नटस्येवाजितात्मनः ॥

०८२९-१ अदाहि यस्तेन दशार्धबाणः पुरा पुरारेर्नयनालयेन ।
०८२९-२ न निर्दहंस्तं भवदक्षिवासी न वैरशुद्धेरधुनाधर्मणः ॥

०८३०-१ अदीप्तेऽग्नौ हतो ह्ॐओ हता भुक्तिरसाक्षिका ।
०८३०-२ उपजीव्या हता कन्या स्वार्थे पाकक्रिया हता ॥

०८३१-१ अदीर्घं कालमापन्नः प्रश्रयं युवतेः स्मरः ।
०८३१-२ प्रगल्भ्यते मनस्येव मुघं वपुषि जायते ॥

०८३२-१ बिभेत्यङ्गार्पणे वाच्छत्यालिख्यातां रतिं प्रिये ।
०८३२-२ उक्तप्रत्युक्तसंमूढा संमुखं न निरीक्षते ॥

०८३३-१ रतचूतफलोत्पाकरसैः कान्तं न धिन्वती ।
०८३३-२ बाला निदाघलक्ष्मीव तापयत्येव केवलं ॥

०८३४-१ अदीर्घदर्शिभिः क्रूरैर्मूढैरिन्द्रियसायकैः ।
०८३४-२ हमद्भिः क्रियते कर्म रुदद्भिरनुभूयते ॥

०८३५-१ अदीर्घसूत्रः स्मृतिमान्कुतज्ञो नीतिशास्त्रवित् ।
०८३५-२ धीमानायतिदर्शी च मन्त्री राज्ञः सुसंनिधिः ॥

०८३६-१ अदुर्गविषयः कस्य नारेः परिभवास्पदं ।
०८३६-२ अदुर्गोऽनाश्रयो राजा पोतच्युतमनुष्यवत् ॥

०८३७-१ अदृष्टापतितां भार्यां मूढो यस्तु परित्यजेत् ।
०८३७-२ सप्तजन्मनि स स्त्रीत्वं लभते नात्र संशयः ॥

०८३८-१ अदुष्टापतितां भार्यां यौवने यः परित्यजेत् ।
०८३८-२ स जीवनान्ते स्त्रीत्वं च वन्ध्यत्वं च समाप्नुयात् ॥

०८३९-१ अदूरगमनं तीर्थं अदेहदमनं तपः ।
०८३९-२ अनम्भःसंभवं स्नानं मातुश्चरणपङ्कजं ॥

०८४०-१ अदृष्यन्ति पुरस्तेन खेलाः खञ्जनपङ्क्तयः ।
०८४०-२ अस्मय्रन्त विनिःश्वस्य प्रियानयनविभ्रमाः ॥

०८४१-१ अदृष्टगुणदोषाणां अधृतानां च कर्मणां ।
०८४१-२ नान्तरेण क्रियां तेषां फल्मिष्टं प्रवर्तते ॥

०८४२-१ अदृष्टपूर्वः कण्ठोऽयं कान्ताया भुवन्त्रये ।
०८४२-२ यस्माद्विणानिनादस्य समुद्भूतिर्विभाव्यते ॥

०८४३-१ अदृष्टपूर्वमस्माभिर्यदेतद्दृश्यतेऽधुना ।
०८४३-२ विषं विषधरैः पीतं मूर्छिताः पथिकाङ्गनाः ॥

०८४४-१ अदृष्टपूर्वानादाय भावानपरिशङ्कितान् ।
०८४४-२ इष्टानिष्टान्मनुष्याणां अस्तं गच्छन्ति रात्रयः ॥

०८४५-१ अदृष्टपूर्वा बहवः सहायाः सर्वे पदस्थस्य भवन्ति वश्याः ।
०८४५-२ अर्थाद्विहीनस्य पदच्युतस्य भवन्ति काले स्वजनोऽपि शत्रुः ॥

०८४६-१ अदृष्टमुखभङ्गस्य युक्तमन्धस्य याचितुं ।
०८४६-२ अहो बत महत्कष्टं चक्षुष्मानपि याचते ॥

०८४७-१ अदृष्टव्यापारं गतवति दिनानामधिपतौ यशः शेषीभूते शशिनि गतधाम्नि ग्रहगणे ।
०८४७-२ तथान्धं संजातं जगदुपनते मेघसमये यथामी गण्यन्ते तमसि पटवः कीटमणयः ॥

०८४८-१ अदृष्टे दर्शनोत्कण्ठा दृष्टे विच्छेदभीरुता ।
०८४८-२ तदृष्टेन न दृष्टेन भत्रता लभ्यते मुखं ॥

०८४९-१ अदेशकालार्थमनायतिक्षमं यदप्रियं लाघवकारि चात्मनः ।
०८४९-२ विचिन्त्य बुद्ध्या मुहुरप्यवैम्यहं न तद्वचो हालहलं हि तद्विषं ॥

०८५०-१ अदेशकाले यद्दानं अपात्रेभ्यश्च दीयते ।
०८५०-२ असत्कृतमवज्ञातं तत्तामसमुदाहृदं ॥

०८५१-१ अदेशस्थो हि रिपुणा स्वल्पकेनापि हन्यते ।
०८५१-२ ग्राहोऽल्पीयानपि जले जलेन्द्रमपाइ कर्षति ॥

०८५२-१ अदैवं दैवतं कुर्युर्दैवतं चाप्यदैवतं ।
०८५२-२ लोकपालान्सृजेयुश्च लोकानन्यांस्तथा द्विजः ॥

०८५३-१ अदोषाद्दोषाद्वा त्यज्ति विपिने तां यदि भवानभ्रद्रं भद्रं वा त्रिभुवनपते त्वां वदतु कः ।
०८५३-२ इदं क्रूरं मे स्मरति हृदयं यत्किल तया त्वदर्थ कान्तारे कुलतिलक नात्मापि गणितः ॥

०८५४-१ अद्भिः शुध्यन्ति वस्त्राणि मनः सत्येन शुध्यति ।
०८५४-२ अहिंसया च भूतात्मा बुद्धिर्ज्ञानेन शुध्यति ॥

०८५५-१ अद्भिर्गात्राणि शुध्यन्ति मनः सत्येन शुध्यति ।
०८५५-२ विद्यातपोभ्यां भूतात्मा बुद्धिर्ज्ञानेन शुध्यति ॥

०८५६-१ अद्भुतस्तक्र्पाथोधिरगाधी यस्य वर्धकः ।
०८५६-२ अक्षपादोऽतमःस्पृष्टस्त्वकलङ्कः कलानिधिः ॥

०८५७-१ अद्भ्योऽग्निर्ब्रह्मतःक्षत्रं अश्मनो लोहमुत्थितं ।
०८५७-२ तेषां सर्वत्रगं तेजः स्वासु योनिषु साम्यति ॥

०८५८-१ अद्यतनो योद्धव्ये शकुनो विहयाय याक्रिकविरुद्वः ।
०८५८-२ दिवसान्तरिते युद्धे क्षेमः प्रास्थानिकः शकुनः ॥

०८५९-१ अद्य धारा सदाधारा सदालम्बा सरस्वती ।
०८५९-२ पण्डिता मण्डिताः सर्वे भोजराजे भुवं गते ॥

०८६०-१ अद्य प्रभृत्यवनताङ्गि तवास्मि दासः क्रीतस्तपोभिरिति वादिनि चन्द्रमौलौ ।
०८६०-२ अह्नाय सा नियमजं क्लममुत्ससर्ज क्लेशः फलेन हि पुनर्नवतां विधत्ते ॥

०८६१-१ अद्य भ्ॐइदिनं सत्यं सत्यमप्रस्तुतं तव ।
०८६१-२ तथापि दूति गन्तव्यं नार्तः कालमपेक्षते ॥

०८६२-१ अद्य मे सफलमायतनेत्रे जीवितं मदनसंश्रयभावं ।
०८६२-२ आगतासि भवनं मम यस्मात्स्वागतं तव वरोरु निषीद ॥

०८६३-१ अद्य यावदपि येन निबद्धौ न प्रभू विचलितुं बलिविन्ध्यौ ।
०८६३-२ आस्थितावितथतागुणपाशस्त्वादृशा स विदुषा दुरपासः ॥

०८६४-१ अद्य शीतं वरिवर्ति सरीसर्ति समीरणः ।
०८६४-२ अपत्नीको मरीमर्ति नरीनर्ति कुचोष्णवान् ॥

०८६५-१ अद्य स प्रवसतीति सुभ्रुवः श्रोत्रसीमनि विजृम्भिते ध्वनौ ।
०८६५-२ सद्य एव निजपाणिगुम्फिते पुष्पदामनि महोरगभ्रमः ॥

०८६६-१ अद्य सुन्दरि कलिन्दनन्दिनी- तीरकुञ्जभुवि केलिलम्पटः ।
०८६६-२ वादयन्मुरलिकां मुहुर्मुहुर्माधवो हरति मामकं मनः ॥

०८६७-१ अद्य स्वर्गवधूगणे गुणमय त्वत्कीर्तिमिन्दूज्जवलां उच्चैर्गायति निष्कलङ्किमदशामादास्यते चन्द्रमाः ।
०८६७-२ गीताकर्णनमोदमुक्तयवसग्रासाभिलाषो वद स्वामिन्नङ्कमृगः कियन्ति हि दिनान्येतस्य वर्तिष्यते ॥

०८६८-१ अद्य स्वां जननीमकारणरुषा प्रातः सुदूरं गतां प्रत्यानेतुमितो गतो गृहपतिः क्षुत्वैव मध्यंदिने ।
०८६८-२ पङ्गुत्वेन शरीरजर्जरतया प्रायः स लक्ष्याकृतिर्दृष्टोऽसौ भवता न किं पथिक हे स्थित्वा क्षणं कथ्यतां ॥

०८६९-१ अद्यापि कोकनदचारुसरेखहस्तां तां शातकुम्भकलशस्तनचारुगात्रीं ।
०८६९-२ बिम्बाधरीं विषमबाणनिपीडिताङ्गीं संचिन्तये द्व्यणुकमध्यतनुप्रकाशां ॥

०८७०-१ अद्यापि कोपविमुखीकृतगन्तुकामा नोक्तं वचः प्रतिददाति यदैव वक्त्रं ।
०८७०-२ चुम्बामि रोदति भृशं पतितोऽस्मि पादे दासस्तव प्रियतमे भज मां स्मरामि ॥

०८७१-१ अद्यापि चाटुशतदुर्ललितोचितार्थं तस्याः स्मरामि सुरतक्लमविह्वलायाः ।
०८७१-२ अव्यक्तनिःस्वनितकातरक्थ्यमान- संकीर्णवर्णरुचितं वचनं प्रियायाः ॥

०८७२-१ अद्यापि तत्कनककुण्डलघृष्टगण्डं आस्यं स्मरामि विपरीतरताभियोगे ।
०८७२-२ आन्दोलनश्रमजलस्फुटसान्द्रबिन्दु- मुक्ताफलप्रकरविच्छुरितं प्रियायाः ॥

०८७३-१ अद्यापि तत्कनकगौरकृताङ्गरागं प्रस्वेदबिन्दुविततं वद्नं प्रियायाः ।
०८७३-२ अन्ते स्मरामि रतिखेदविलोलनेत्रं राहूपरागपरिमुक्तमिवेन्दुबिम्बं ॥

०८७४-१ अद्यापि तत्कनकरेणुघनोरुदेशे न्यस्तं स्मरामि नखरक्षतलक्ष्म तस्याः ।
०८७४-२ आकृष्टहेमरुचिराम्बर्मुत्थिताया लज्जावशात्करधृतं च ततो व्रजन्त्याः ॥

०८७५-१ अद्यापि तत्कमलरेणुसुगन्धगन्धि तत्प्रेमवारि मकरध्वजपातकारि ।
०८७५-२ प्राप्न्ॐयहं यदि पुनः सुरतैकतीर्थं प्राणांस्त्यजामि नियतं तदवाप्तिहेतोः ॥

०८७६-१ अद्यापि तत्कृतकचग्रहमाग्रहेण दन्तैर्मया दशनवाससि खण्ड्यमाने ।
०८७६-२ तस्या मनाङ्मुकुलिताक्षमलक्ष्यमाण- सीत्कारगर्भमसकृद्वदनं स्मरामि ॥

०८७७-१ अद्यापि तत्तरलतारकिताक्षमास्यं आलिप्रचन्दनरसाहितशोभमस्याः ।
०८७७-२ कस्तूरिकातिलकतारकिताभिराम- गण्डस्थलद्युति मुहुर्मनसा स्मरामि ॥

०८७८-१ अद्यापि तत्प्रणयभङ्गुरदृष्टिपातं तस्याः स्मरामि रतिविभ्रमगात्रभङ्गं ।
०८७८-२ वस्त्राञ्चलस्खलनचारुपयोधरान्तं दन्तच्छदं दशनखण्डनमण्डनं च ॥

०८७९-१ अद्यापि तत्सपरिवेषशशिप्रकाशं आस्यं स्मरामि जड्गात्रविवर्तनेषु ।
०८७९-२ तद्वेलदुज्ज्वलकराङ्गुलिजालगुम्फ- दोः कन्दलीयुगलकं दयितं प्रियायाः ॥

०८८०-१ अद्यापि तत्सुरतकेलिनिरस्त्रयुद्धं बन्धोपबन्धपतनोत्थितशून्यहस्तं ।
०८७९-२ दन्तौष्ठपीडननखक्षतरक्तसिक्तं तस्याः स्मरामि रतिबन्धुरनिष्ठुरत्वं ॥

०८८१-१ अद्यापि तत्सुरतकेलिविमर्दखेद- संजातघर्मकणविस्फुरितं प्रियायाः ।
०८८१-२ आपाण्डुरं तरलतारनिमीलिताक्षं वक्त्रं स्मरामि परिपूर्णनिशाकराभं ॥

०८८२-१ अद्यापि तद्वदनपङ्कजगन्धलुब्ध- भ्राम्यद्द्विरेफचयचुम्बितगण्डयुग्मं ।
०८८२-२ लीलावधूतकरपल्लवकङ्कनानां क्वाणो विमूर्च्छति मनः स्तुतरां मदीयं ॥

०८८३-१ अद्यापि तद्विकसिताम्बुजमध्यगौरं गोरोचनातिलकभासुरफालरेखं ।
०८८३-२ ईषन्मदालसविघूर्णितदृष्टिपातं तस्या मुखं प्रति मनो मम गच्छतीदं ॥

०८८४-१ अद्यापि तन्नयनकज्जलमुज्ज्वलास्यं विश्रान्तकर्णयुगलं परिहासहेतोः ।
०८८४-२ पश्ये तवात्मनि नवीनपयोधराभ्यां क्षीणं वपुर्यदि विनश्यति नो न दोषः ॥

०८८५-१ अद्यापि तन्मदनकार्मुकभङ्गुरभ्रु- दन्तद्युतिप्रकरकर्बुरिताधरोष्ठं ।
०८८५-२ कर्णावसक्तपुलकोज्ज्वलदन्तपत्रं तस्याः पुनः पुनरपीह मुखं स्मरामि ॥

०८८६-१ अद्यापि तन्मनसि संपरिवर्तते मे रात्रौ मयि क्षुतवति क्षितिपालपुत्र्या ।
०८८६-२ जीवेति मङ्गलवचः परिहृत्य कोपात्कर्णे कृतं कनकपत्रमनालपन्त्या ॥

०८८७-१ अद्यापि तां कनककङ्कणभूषिताग्र- हस्तां च वक्त्रकमलेन सुनिर्जितेन्दुं ।
०८८७-२ लीलावर्तीं सुरतखेदनिमीलिताक्षीं ध्यायामि चेतसि मदाकुललालसाङ्गीं ॥

०८८८-१ अद्यापि तां कनककान्तिमदालसाङ्गीं व्रीडोत्सुकां निपतितामिव चेष्टमानां ।
०८८८-२ अङ्गाङ्गसङ्गपरिचुम्बनजातमोहां तां जीवनौषधिमिव प्रमधां स्मरामि ॥

०८८९-१ अद्यापि तां कनकचम्पकदामगौरीं फुल्लारविन्दवदनां तनुर्ॐअराजीं ।
०८८९-२ सुप्तोत्थितां मदनविह्वलसालसाङ्गीं विद्यां प्रमादगलितामिव चिन्तयामि ॥

०८९०-१ अद्यापि तां कनकपत्रसनाथकर्णां उत्तुङ्गकर्कशकुचार्पिततारहारां ।
०८९०-२ काञ्चीनिपुञ्जितविशालनितम्बबिम्बां उद्दाननूपुररणच्चरणां स्मरामि ॥

०८९१-१ अद्यापि तां कटिसमार्पितवामपाणिं आकुञ्चितैकचरणाग्रनिरुद्धभूमिं ।
०८९१-२ स्तम्भावलम्बितभुजां पथि मां व्रजन्तं पश्यामि बन्धुरितकंधरमीक्षमाणां ॥

०८९२-१ अद्यापि तां कुटिलकुन्तलकेशपाशां उन्तिद्रतामरसपत्रविशालनेत्रां ।
०८९२-२ उत्तुङ्गपीवरपयोधरकुङ्मलाढ्यां ध्यायामि चेतसि यथैव गुरूपदेशं ॥

०८९३-१ अद्यापि तां क्षणवियोगविषोपमे यां सङ्गे पुनर्बहुतराममृताभिषेकां ।
०८९३-२ तां जीवधारणकरीं मदनातपत्रां उद्धृत्तकेशनिवहां सुदतीं स्मरामि ॥

०८९४-१ अद्यापि तां क्षितितले वरकामिनीनां सर्वाङ्गसुन्दरतया प्रथमैकरेखां ।
०८९४-२ शृङ्गारनाटकरसोत्तमपानपात्रीं कान्तां स्मरामि कुसुमायुधबाणखिन्नां ॥

०८९५-१ अद्यापि तां गतिनिराकृतराजहंसीं धम्मिल्लनिर्जितकलापमयूखभासां ।
०८९५-२ मत्तश्रिया मदचकोरविलोलनेत्रां संचिन्तयामि कलकण्ट्जसमानकण्ठां ॥

०८९६-१ अद्यापि तां गमनमित्युदितं मदीयं श्रुत्वैव भीरुहरिणीमिव चञ्चलाक्षीं ।
०८९६-२ वाचः स्खलद्विगलदश्रुहलाकुलाक्षीं संचिन्तयामि गुरुशोकविनम्रवक्त्रां ॥

०८९७-१ अद्यापि तां गलितबन्धनकेशपाशां स्रस्तस्रजं स्मितसुधामधुराधरौष्ठीं ।
०८९७-२ पीनोन्नतस्तनयुगोपरिचारुचुम्बन्- मुक्तावलीं रहसि लोलदृशं स्मरामि ॥

०८९८-१ अद्यापि तां चिरयिते मयि तन्निवासं रात्रौ समागतवतीं परिवर्तमानां ।
०८९८-२ गत्वा स्मितं किमपि चण्चलितां निषण्णां सख्या समागतवतीमधिकं स्मरामि ॥

०८९९-१ अद्यापि तां जगति वर्णयितुं न कश्चिच्छक्नोत्यदृष्टसदृशीं च परिग्रहं मे ।
०८९९-२ दृष्टं द्वयोः सदृशयोः खलु येन रूपं शक्तो भवेद्यदि स एव नरो न चान्यः ॥

०९००-१ अद्यापि तां जघनदर्शनलालसेन कृष्टं मया निवसनांचलमेकपार्श्वात् ।
०९००-२ पूज्य स्थितामपि ततो मुहुराकृषन्तीं मन्दाक्षसंकुचितनूत्नमुखीं स्मरामि ॥

०९०१-१ अद्यापि तां झटिति वक्रितकन्धराग्रां निक्षिप्तपाणिकमलां च नितम्बमिम्बे ।
०९०१-२ वासांसपार्श्वलसदुल्बणकेशपाशां पश्यामि मां प्रति दृशं बहुशः क्षिपन्तीं ॥

०९०२-१ अद्यापि तां धवलवेश्मनि रत्नदीप- मालामयूखपटलैर्दलितान्धकारे ।
०९०२-२ प्राप्तोद्यमे रहसि संमुखदर्शनार्थं लज्जाभयार्तनयनामनुचिन्तयामि ॥

०९०३-१ अद्यापि तां नखपदं स्तनमण्डले यद्दत्तं मयास्यमधुपानविमोहितेन ।
०९०३-२ उद्भिन्नर्ॐअपुलकैर्बहुभिः समन्ताज्जागर्ति रक्षति विलोकयति स्मरामि ॥

०९०४-१ अद्यापि तां न खलु वेद्मि किमीशपत्नी शापं गता सुरपतेरथ कृष्णलक्ष्मीः ।
०९०४-२ धत्रैव किं नु जगतः परिमोहनाय सा निर्मिता युवतिरत्नदिदृक्षया वा ॥

०९०५-१ अद्यापि तां नववयःश्रियमिन्दुवक्त्रां उत्तुङ्गपीवरपयोधरभारखिन्नां ।
०९०५-२ संपीड्य बाहुयुगलेन पिबामि वक्त्रां प्रोन्मत्तवन्मधुकरः कमलं यथेष्टं ॥

०९०६-१ अद्यापि तां निजवपुःकृशवेदिमध्यां उत्तुङ्गसंभृतसुधास्तनकुम्भयुग्मां ।
०९०६-२ नानाविचित्रकृतमण्डनम्ण्डिताङ्गीं सुप्तोत्थितां निशि दिवा न हि विस्मरामि ॥

०९०७-१ अद्यापि तां निधुवनक्लमनिःसहाङ्गीं आपाण्डुगण्डपतितालककुन्तलालीं ।
०९०७-२ प्रच्छन्नपापकृतमन्तरिवावहन्तीं कण्ठावसक्तमृदुबाहुलतां स्मरामि ॥

०९०८-१ अद्यापि तां निधुवने मधुपानरक्तां लीलाधरां कृशतनुं चपलायताक्षीं ।
०९०८-२ काश्मीरपङ्कमृगनाभिकृताङ्गरागां कर्पूरपूगपरिपूर्णमुखीं स्मरामि ॥

०९०९-१ अद्यापि तां निभृतवक्त्रकमापतन्तं मां द्वारि वीक्ष्य सहसैव मिषेण सुप्तां ।
०९०९-२ मन्दं मयि स्पृशति कण्टकिताङ्गयष्टिं उत्फुल्लगल्लफलकां बहुशः स्मरामि ॥

०९१०-१ अद्यापि तां नृपतिशेखरराजपुत्रीं संपूर्णयौवनमदालसघूर्णनेत्रीं ।
०९१०-२ गन्धर्वयक्षसुरकिन्नर्नागकन्यां स्वर्गादहो निपतितामिव चिन्तयामि ॥

०९११-१ अद्यापि तांप्रणयिनीं मृगशावकाक्षीं पीयूषपूर्णकुचकुम्भयुगं वहन्तीं ।
०९११-२ पश्याम्यहं यदि पुर्नदिवसावसाने स्वर्गापवर्गनरराजसुखं त्यजामि ॥

०९१२-१ अद्यापि तां प्रथमतो वरसुन्दरीणां स्नेहैकपात्रघटितामवनीशपुत्रीं ।
०९१२-२ हंहो जना मम वियोगहुताशनोऽयं सोढुं न शक्यत इति प्रतिचिन्तयामि ॥

०९१३-१ अद्यापि तां प्रथममेव गतं विरागं निर्भर्त्स्य रोषपरुषैर्वचनैर्मुहुर्मां ।
०९१३-२ आन्दोलनेन च नितम्बसहायवृत्त्या सम्चिन्तयामि रत्ये सुदतीमभीक्ष्णं ॥

०९१४-१ अद्यापि तां प्रथमसंगमजातलज्जां बालां रसेन पतिते मयि मन्दपीठे ।
०९१४-२ फूर्कारकम्पितशिखातरलप्रदीपं कर्णोत्पलेन विनिवारयतीं स्मरामि ॥

०९१५-१ अद्यापि तां भुजलतार्पितकण्ठपाशां वक्षःस्थलं मम पिधाय पयोधराभ्यां ।
०९१५-२ ईषन्निमीलितसलीलविलोचनान्तां पश्यामि मृग्धवदनां वदनं पिबन्तीं ॥

०९१६-१ अद्यापि तां मदनमन्दिरवैजयन्तीं अन्तर्गृहे विवसनां दधतीं निशान्ते ।
०९१६-२ अङ्गैरनङ्गविसरैर्मम गाढ्मङ्गं आलिङ्ग्य केलिशयने शयितां स्मरामि ॥

०९१७-१ अद्यापि तां मम मनःपरितापशान्त्यै चक्षुर्विशुद्धतटिनीमलसालसाङ्गीं ।
०९१७-२ श्रीखण्डखण्डखचिताचितगात्रयिष्टं तन्वीं सदा हृदयहर्षनिधिं स्मरामि ॥

०९१८-१ अद्यापि तां मयि कपाटसमीपलीने मन्मार्गदत्तदृशमाननदत्तहस्तां मद्गोत्रचिह्नितपदं मृदुकाकलीभिः किंचित्तरङ्गमनसं मनसा स्मरामि ॥

०९१९-१ अद्यापि तां मयि कृतागसि दृष्टभावां भाषां लपत्यपि मुहुर्निगृहीतवाचं ।
०९१९-२ रामां विरुद्धघनमन्युसबाष्पकण्ठां निःश्वासशुष्यदधरां रुदतीं स्मरामि ॥

०९२०-१ अद्यापि तां मयि गते चिरकोपयन्तीं यान्तीं समागतवतीं परिवर्तमानां ।
०९२०-२ ऊर्ध्वस्थितां किमपि मञ्चतलं निषण्णां शय्यां समाश्रतवतीमधिकं स्मरामि ॥

०९२१-१ अद्यापि तां मयि दृशं तुदतीं स्मरामि स्मेरां स्मरद्वरकरां मधुरां सुतारां ।
०९२१-२ अत्युद्बलां सुरतलां कुटिलां सुशीलां निष्पन्दमन्दसमदप्रमदप्रसादां ॥

०९२२-१ अद्यापि तां मयि निमीलितचारुनेत्रे कोऽयं वदेत्यभिहितां वदतीं सखीभिः ।
०९२२-२ मातर्न विद्य इति सस्मितमुल्लसन्तीं उत्फुल्लगण्डफलकां नितरां स्मरामि ॥

०९२३-१ अद्यापि तां मसृणचन्दनपङ्कमिश्र- कस्तूरिकापरिमलोत्थविसर्पिगन्दां ।
०९२३-२ अन्योन्यचञ्चुपुटचुम्बनलग्नपक्ष्म - युग्माभिरामनयनां शयने स्मरामि ॥

०९२४-१ अद्यापि तां मुखगतैररुणैः कराग्रैरापृच्छ्यमानमपि मां न विभाषयन्तीं ।
०९२४-२ तद्वाष्पपूरितदृशं बहु निःश्वसन्तीं चिन्ताकुलां किमपि नम्रमुखीं स्मरामि ॥

०९२५-१ अद्यापि तां पुनः कमलायताक्षीं पश्यामि पीवरपयोधरभारखिन्नां ।
०९२५-२ संपीड्य बाहुयुगलेन पिबामि वक्त्रं उन्मत्तवन्मधुकरः कमलं यथेष्टं ॥

०९२६-१ अद्यापि तां यदि पुनः श्रवणायताक्षीं पश्यामि दीर्घविरहज्वरिताङ्गयष्टिं ।
०९२६-२ अङ्गैरहं समुपगूह्म ततोऽतिगाढं नोन्मीलयामि नयने न च तां त्यजामि ॥

०९२७-१ अद्यापि तां रहसि दर्पणमीक्षमाणां दृष्ट्वा स्फुटं प्रतिनिधिं मयि पृष्ठलीने ।
०९२७-२ पश्यामि वेपथुमतीं च सुविभ्रमां च लज्जाकुलां च समुदं जितमन्मथां च ॥

०९२८-१ अद्यापि तां विधृतकज्जललोलनेत्रां पृथ्वीं प्रभूतकुसुमाकुलकेशपाशां ।
०९२८-२ सिन्दूरसंलुलितमौक्तिकदन्तकान्तिं आबद्धहेमकटकां रहसि स्मरामि ॥

०९२९-१ अद्यापि तां विधृतककज्जललोलनेत्रां पृथ्वीं प्रभूतकुसुमाकुलकेशपाशां ।
०९२९-२ सिन्दूरसंलुलितमौक्तिकदन्तकान्तिं आबद्धहेमकटकां रहसि स्मरामि ॥

०९३०-१ अद्यापि तां विरहवह्रि निपोडिताङ्गीं तन्वीं कुरङ्गनयनां सुरतैकपात्रीं ।
०९३०-२ नानाविचित्रकुतमण्डनमावहन्तीं तां राजहंसगमनां सुदतीं स्मरामि ॥

०९३१-१ अद्यापि तां विहसीतां काचभारनम्रां मुक्ताकलापधवलीकृतकण्ठदेशां ।
०९३१-२ तत्केलिमन्दरगिरौ कुसुमायुधस्य कान्तां स्मरामि रुचिरोज्ज्वलपुष्पकेतुं ॥

०९३२-१ अद्यापि तां शशिमुखीं नवयौवनाढ्यां पीनस्तनीं पुनरहं यदि गौरकान्तिं ।
०९३२-२ पश्यामि मन्मथशरानलपीडिताङ्गीं गात्राणि संप्रति कर्ॐइ सुशीतलानि ॥

०९३३-१ अद्यापि तां शिखरचारुवलक्षदन्तैर्मुख्यानि कुन्दमुकुलानि जितां च साध्वीं ।
०९३३-२ संचिन्तयामि सततं प्रविलोलिचित्तां कामेषुनीरजदृशं वनजावतंसां ॥

०९३४-१ अद्यापि तां समपनीतनितम्बवस्त्रां श्यामां च साध्वसरसाकुलविह्वलाङ्गीं ।
०९३४-२ एकेन पाणिकमलेन पिधाय गृह्यं अन्येन नाभिकुहरं दधतीं स्मरामि ॥

०९३५-१ अद्यापि तां सललितश्लथकेशपाशां ईषत्समुन्मिषितघूर्णितवक्रनेत्रां ।
०९३५-२ सुप्तोत्थितां विदधतीं मुहुरङ्गभङ्ग पश्यामि दष्टमधरं बहुशः स्पृशन्तीं ॥

०९३६-१ अद्यापि तां सुनिपुणं यतता मयापि दृष्टं न यत्सदृशतो वदनं कदाचित् ।
०९३६-२ सौन्दर्यनिर्जितरति द्विजराजकान्ति कान्तामिहातिविमलत्वमहागुणेन ॥

०९३७-१ अद्यापि तां सुरतघूर्णनिमीलिताक्षीं स्रस्ताङ्गयष्टगलितांशुककेशपाशां ।
०९३७-२ शृङ्गारवारिरुहकाननराहहंसीं जन्मान्तरेऽपि निधनेऽप्यनुचिन्तयामि ॥

०९३८-१ अद्यापि तां सुरतजागरघूर्णमान- तिर्यग्वलत्तरलतारक्दीर्घनेत्रां ।
०९३८-२ शृङ्गारसारकमलाकरराजहंसीं व्रीडाविनम्रवदनामुषसि स्मरामि ॥

०९३९-१ अद्यापि तां सुरतताण्डवसूत्रधारं दुर्वारदर्पजघनग्लपिताङ्गयष्टिं ।
०९३९-२ अङ्गं रसैः समुपगुह्य कटिं दधानां किंचिन्निमीलनयनां मनसा स्मरामि ॥

०९४०-१ अद्यापि तां सुरतताण्डवसूत्रधारीं पूर्णेन्दुसुन्दरमुखीं मदविह्वलाङ्गीं ।
०९४०-२ तन्वीं विशालजघनस्तनभारनम्रां व्यालोलकुन्तलकलापवतीं स्मरामि ॥

०९४१-१ अद्यापि तां सुरतलब्धयशःपताकां लम्बालकां विरहपाण्डुरगण्डभित्तिं ।
०९४१-२ स्वप्नेऽपि लोलनयनां क्षणदृष्टनष्टां विद्यां प्रमादगुणितामिव संस्मरामि ॥

०९४२-१ अद्यापि तां सुरभिनिर्भरदन्तभाजं धावन्तमास्यकमलं चलचञ्चरीकं ।
०९४२-२ किंचिच्चलल्ललितकुञ्चितवामनेत्रां पश्यामि केलिकमलेन निवारयन्तीं ॥

०९४३-१ अद्यापि तां सुवदनां वलभौ निषण्णां तद्गेहसंनिधिपदे मयि दृष्टमात्रे ।
०९४३-२ वीतोत्तरां प्रियसखीषु कुतस्मरासु लज्जाविलासहसितां हृदि चिन्तयामि ॥

०९४४-१ अद्यापि तां सुवदनां स्तनभारनभ्रां श्यामां च वामनयनां रमणीयगात्रीं ।
०९४४-२ निद्रालसामलकनिर्जितषट्पदालिं संचिन्तयामि सततं स्मरवैजयन्तीं ॥

०९४५-१ अद्यापि तां सुशयितां क्षणविप्रबुद्धां निद्रालसां हृदि वहामि कृताङ्गभङ्गां ।
०९४५-२ जृम्भावतीर्णमुखमारुतगन्धलब्ध- मुघभ्रमद्भ्रमरविभ्रमलोलनेत्रां ॥

०९४६-१ अद्यापि तां स्तिमितवस्त्रमिवाङ्गलग्नां प्रौढप्रतापमदनानलतप्तदेहां ।
०९४६-२ बालामनाथशरणामनुकम्पनीयां प्राणाधिकां क्षणमहं न हि विस्मरामि ॥

०९४७-१ अद्यापि तानि स्मितमुखीं पुरुषायितेषु लम्बालकाकुलकपोललतां स्मरामि ।
०९४७-२ आन्दोलनश्रमजलाकुलविह्वलाङ्गीं श्वासोत्तरं च निभृतं च मुहुर्वदन्तीं ॥

०९४८-१ अद्यापि तानि परिवर्तितकंधराणि किंचित्क्षुतत्रुटितकञ्चुकजालकानि ।
०९४८-२ तस्या भुजाग्रलुलदुद्वलकुन्तलानि चित्ते स्फुरन्ति मम वक्रविलोचनानि ॥

०९४९-१ अद्यापि तानि मम चेतसि संस्फुरन्ति कर्णान्तसंगतकटाक्षनिरीक्षितानि ।
०९४९-२ तस्याः स्मरज्वरकराणि मदालसानि लीलाविलासबहुलानि विलोचनानि ॥

०९५०-१ अद्यापि तानि मम चेतसि संस्फुरन्ति बिम्बोष्ठदेशपरिकीर्णशुचिस्मतानि ।
०९५१-१ अद्यापि तानि मृदुवाक्यसुभाषितानि तिर्थग्विवर्त्तिनयनान्तनिरीक्षणानि लीलालसाञ्चितगतानि शुचिस्मितानि तस्याः स्मरामि मदविभ्रमचेष्टितानि ॥

०९५२-१ अद्यापि तामनिभृतक्रममागतं च मां द्वारि वीक्ष्य शयने निमिषेण सुप्तां ।
०९५२-२ मन्दं मयि स्पृशति कण्डकिताङ्गयष्टिं उत्फुल्लगण्डफलकां बहुशः स्मरामि ॥

०९५३-१ अद्यापि तामनुनयत्यपि चाटुपूर्वं कोपात्प्राकृतमुखीं मयि सापराधे ।
०९५३-२ आलिङ्गति प्रसभमुत्पुलकाङ्गयष्टिं मामेते दुःसहमिवोक्तवतीं स्मरामि ॥

०९५४-१ अद्यापि तामनुनयत्यपि मय्यसक्तां व्यावृत्त्य केलिशयने शयितां पराचीं ।
०९५४-२ निद्राकुलामिव ममाभिमुखीभवन्तीं प्रातर्मदङ्गनिहितैकभुजां स्मरामि ॥

०९५५-१ अद्यापि तामभिविशालनितम्बबिम्बां गम्भीरनाभिकुहरां तनुमध्यभागां ।
०९५५-२ अम्लानक्ॐअलमृणालसमानबाहुं लीलालसाञ्चितगतिं मनसा स्मरामि ॥

०९५६-१ अद्यापि तामरुणयत्यरुणेन्तरिक्षं आपृच्छमानमपि नाम विधारयन्तीं ।
०९५६-२ उत्थाप्य निश्चलदृशौ मम निःश्वसन्तीं चिन्ताकुलां किमपि नम्रमुखीं स्मरामि ॥

०९५७-१ अद्यापि तामलमसीलितचारुनेत्रां लोलद्भुजावलयझंकृतिमावहन्तीं ।
०९५७-२ वेल्लत्करोरुकुचमुन्नमितस्वकर्णे कण्डूयनं विदधतीं हृदि चिन्तयामि ॥

०९५८-१ अद्यापि तामवहितां मनसाचलेन संचिन्तयामि युवतीं मम जीविताशां ।
०९५८-२ नान्योपभुक्तनवयौवनभारसारां जन्मान्तरेऽपि मम सैव गतिर्यथा स्यात् ॥

०९५९-१ अद्यापि तामविगणय्य कृतापराधं आपादमूलपतितं सहसा चलन्तीं ।
०९५९-२ वस्त्राञ्चलं मम करान्निजमाक्षिपन्तीं मा मेति रोषपरुषं वदतीं स्मरामि ॥

०९६०-१ अद्यापि तामहमलज्जितपूर्वघृष्टे शय्यातले सुशयितां मदनोत्सवाय ।
०९६०-२ वीर्णावतीं विकचचम्पकपुष्पनासां ध्यायामि चेतसि सदा नदतीं शुभाङ्गीं ॥

०९६१-१ अद्यापि तामित इतश्च पुरश्च पश्चादन्तर्बहिः परित एव परिभ्रमन्तीं ।
०९६१-२ पश्यामि फुल्लकनकाम्बुजसंनिभेन्वक्त्रेण तिर्यगपवर्तितलोचनेन ॥

०९६२-१ अद्यापि तामुपवने परिचारयुक्तां संचिन्तयाम्युपगतां मदनोत्सवाय ।
०९६२-२ मां पार्श्वसंनिहितलोकभयात्सशङ्कं व्यावर्तितेक्षणमनुक्षणमीक्षमाणां ॥

०९६३-१ अद्यापि तामुभयपार्श्वगहाररम्यां वासन्तिकाकुसुमभासित्तकञ्चुकां च ।
०९६३-२ राकाभिरामविधुमण्डलवल्गुववत्रां लावण्यनिर्ज्जितरयां सततं स्मरामि ॥

०९६४-१ अद्यापि तामुरसिजद्वयमुन्नमय्य मध्ये वलित्रितयलक्षितर्ॐअराजिं ।
०९६४-२ ध्यायामि वेल्लितभुजां विहिताङ्गभङ्गं व्याजेन नाभिकुहरं मम दर्शयन्तीं ॥

०९६५-१ अद्यापि तिष्ठति दृशोरिदमुत्तरीयं धर्तुं पुनः स्तनतटे गलितं प्रवृत्ता ।
०९६५-२ वाचं निशम्य नयनं नयनं ममेति किंचित्तदा यद्करोत्स्मितमायताक्षी ॥

०९६६-१ अद्यापि दुर्निवारं स्तुतिकन्या भजति क्ॐआरं ।
०९६६-२ मद्भ्यो न रोचते सा-ऽसन्तोऽप्यस्यै न रोचन्ते ॥

०९६७-१ अद्यापि धावति मनः किमहं कर्ॐइ सार्धं सखीभिरपि वासगृहे सुकान्ते ।
०९६७-२ कान्ताङ्गसंगपरिहासविचित्रनृत्ये क्रीडाभिराम इति यातु मदीयकालः ॥

०९६८-१ अद्यापि न स्फुरति केसरभारलक्ष्मीर्न प्रेङ्खति ध्वनितमद्रगुहान्तरेषु ।
०९६८-२ मत्तास्तथापि करिणो हरिणाधिपस्य पश्यन्ति भीतमनसः पदवीं वनेषु ॥

०९६९-१ अद्यापि निर्मलशरच्छशिगौरकान्ति चेतो मुनेरपि हरेत्किमुतास्मदीयं ।
०९६९-२ वक्त्रं सुधामयमहं यदि तत्प्रपद्ये चुम्बन्पिबाम्यविरतं व्यथते मनो मे ॥

०९७०-१ अद्यापि नानं हरकोपवह्निस्त्वयि ज्वलत्यौर्व इवाम्बुराशौ ।
०९७०-२ त्वमन्यथा मन्मथ मद्विधानां भस्मावशेषः कथमेवमुष्णः ॥

०९७१-१ अद्यापि रोज्झति हरः किल कालकूटं कूर्मो बिभर्ति धरणीं पुष्ठभागे ।
०९७१-२ अम्भोनिधिर्वहति दुःसहवाडवाग्निं अङ्गीकृतं सुकृतिनः परिपालयन्ति ॥

०९७२-१ अद्यापि मारुतविधूतलतावितानां वीणाविनोदरचनां मम जीवितेशां ।
०९७२-२ पञ्चेषुराष्ट्रकमलां शुभवेदिमध्यां ध्यायामि चेतसि सर्तीं मदनाभिरामां ॥

०९७३-१ अद्यापि मे निशि दिवा हृदयं दुनोति पूर्णेन्दुसुन्दरसुखं मम वल्लभायाः ।
०९७३-२ लावण्यनिर्जितरतिक्षतकामदर्पं भूयः पुरः प्रतिपदं न विलोक्यते यत् ॥

०९७४-१ अद्यापि मे वरतनोर्मधुराणि तस्या यान्यर्थवन्ति न च यानि निरर्थकानि ।
०९७४-२ निद्रानिमीलितदृशो मदमन्थरायास्तान्यक्षराणि हृदये किमपि ध्वनन्ति ॥

०९७५-१ अद्यापि ये न विहिता विपुलाः प्रबन्धा विद्योतमानविभवाः सुखयन्ति विश्वं ।
०९७५-२ सोऽयं द्विशुद्धगुरुवंशभवः प्रसिद्धो गोपालदत्त उपमेयपदं कथं स्यात् ॥

०९७६-१ अद्यापि वासगृहतो मयि नीयमाने दुर्वारभीषणकरैर्यमदूतकल्पैः ।
०९७६-२ किं किं तया बहुविधं न कृतं मदर्थे वक्तुं न पार्यत इति व्यथते मनो मे ॥

०९७७-१ अद्यापि विस्मयकरी त्रिदशान्विहाय बुद्धिर्बलाच्चलति मे किमहं कर्ॐइ ।
०९७७-२ जानन्नपि प्रतिमुहूर्तमिहान्तकाले कान्तेति वल्लभतरेति ममेति धीरा ॥

०९७८-१ अद्यापि शीतद्युतिरात्मबिम्बं निर्माय निर्माय पुनर्भुनक्ति ।
०९७८-२ तस्या मुखेनायतलोचनायाः कर्तुं न शक्तिः सदृशं प्रियायाः ॥

०९७९-१ अद्यापि श्रवसी न कुण्डलचले केलिक्वणत्कङ्कणौ बाहू नापि न हारिहारवलयालुण्ठा च कण्ठावनिः ।
०९७९-२ अस्याः पश्य तथापि पङ्कजदृशो विश्वं प्रियं भावुकं पश्यामः स्फुटताविभूषणकराभोगं वपुर्वैभवं ॥

०९८०-१ अद्यापि सा मम मनस्तटिनी सदास्ते र्ॐआञ्चवीचिविलसद्विपुलस्वभावा ।
०९८०-२ कादम्बकेशररुचिः क्षतवीक्षणं मां गात्रक्लमं कथयती प्रियराजहंसी ॥

०९८१-१ अद्यापि सुन्दरि तवाननचन्द्रबिम्बं बन्दीकृताम्बुजयुगं परिचुम्ब्य चेतः ।
०९८१-२ त्वत्संगमोद्भवसुखं तनुते तथापि वैरं करोति करुणाविकलो विवेकः ॥

०९८२-१ अद्यापि स्तनशैलदुर्गविषमे सीमन्तिनीनां हृदि स्थातुं वाञ्छति मान एष धिगिति क्रोधादिवालोहितः ।
०९८२-२ उद्यद्दूरतरप्रसारितकरः कर्षत्यसौ तत्क्षणात्फुल्लत्कैरवकोशनिःसरदलिश्रेणीकृपाणं शशी ॥

०९८३-१ अद्यापि हरिहरादिभिरमरैरपि तत्त्वतो न विज्ञाताः ।
०९८३-२ भ्रमविभ्रमबहुमोहा वेश्याः संसारमायाश्च ॥

०९८४-१ अद्यापि हि नृशंसस्य पितुस्ते दिवसो गतः ।
०९८४-२ तमसा पिहितः पन्था एहि पुत्रक शेवहे ॥

०९८५-१ अद्याप्यशोकनवपल्लवरक्तहस्तां मुक्ताफलप्रचयचुम्बितचूचुकाग्रां ।
०९८५-२ अन्तःस्मितोच्छ्वसितपाण्डुरगण्डभित्तिं तां वल्लभामलसहंसगतिं स्मरामि ॥

०९८६-१ अद्याप्यहं चलितचारुनिमीलिताक्षं आस्यं स्मरामि सततं सुरतावसाने ।
०९८६-२ तत्कालनिश्वसितनिःसृतकान्तिकान्तं स्वेदोदबिन्दुपरिदन्तुरितं प्रियायाः ॥

०९८७-१ अद्याप्यहं वरवधूसुरतोपभोगं जीवामि नान्यविधिना क्षणमन्तरेण ।
०९८७-२ तद्भ्रातरो मरणमेव हि दुःखशान्त्यै विज्ञापयामि भवतस्त्वरितं लुनीध्वं ॥

०९८८-१ अद्याप्यहं विकचकुन्दसमानदन्तं तिर्यग्विवर्तितविशालविलोचनान्तं ।
०९८८-२ तस्या मुखं सुविजितेन्दु न विस्मरामि चोद्यं कृतज्ञ इव साधुकृतोपकारं ॥

०९८९-१ अद्याप्यहं सरसमञ्जुलभृङ्गनादं ईषत्स्मरोल्लसितरागसुपाण्डुगण्डं ।
०९८९-२ पश्यामि पूर्णशरदिन्दुसमानकान्ति तस्या मुखं विकचपङ्कजपात्रनेत्रं ॥

०९९०-१ अद्याप्यहो जगति सुन्दरलक्षपूर्णे अन्यान्यमुत्तमगुणाधिकसंप्रपन्ने ।
०९९०-२ अन्याभिरप्युपमितुं न मया च शक्यं रूपं तदीयमिति मे हृदये वितर्कः ॥

०९९१-१ अद्याप्युन्मदयातुधानतरुणीचञ्चत्करास्फालन- व्यावल्गन्नृकपालतालरणितैर्नृत्यत्पिशाचाङ्गनाः ।
०९९१-२ उद्गायन्ति यशांसि यस्य विततैर्नादैः प्रचण्डानिल- प्रक्षुभ्यत्करिकुम्भकूटकुहरव्यक्तै रणक्षोणयः ॥

०९९२-१ अद्याभोगिनि गाढमर्मनिवहे हर्म्याग्रवेदीजुषां सद्यश्चन्दनशोषिणि स्तनतटे सङ्गे कुरङ्गीदृशां ।
०९९२-२ प्रायः प्रश्लथयन्ति पुष्पधनुषः पुष्पाकरे निष्ठिते निर्वेदं नवमल्लिकासुरभयः सायंतना वायवः ॥

०९९३-१ अद्याम्भः परितः पतिष्यति भुवस्तापोऽद्य निर्वास्यति क्षेत्रेष्वद्य यतिष्यते जनपदः सस्येषु पर्युत्सुकः ।
०९९३-२ नर्तिष्यन्ति तवोदयेऽद्य जलद व्यालोलपुच्छच्छद- च्छत्रच्छादितमौलयो दिशि दिशि क्रीडालसाः केकिनः ॥

०९९४-१ अद्यारभ्य कठोरकार्मुकलताविन्यस्तहस्ताम्बुजस्तावन्न प्रकटीकर्ॐइ नयने शोणे निमेषोदयान् ।
०९९४-२ यावत्सायककोतिपाटितरिपुक्ष्मापालमौलिस्खलन्मल्लीमाल्यपतत्परागपटलैरामोदिनी मेदिनी ॥

०९९५-१ अद्यारभ्य न हि प्रिये पुनरहं मानस्य वा भाजनं गृह्णीयां विषरूपिणः शठमतेर्नामापि संक्षेपतः ।
०९९५-२ किं तेनैव विना शशाङ्ककिरणस्पष्टाट्टहासा निशा नैको वा दिवसः पयोदमलिनो यायान्मम प्रावृषि ॥

०९९६-१ अद्याशनं शिशुजनस्य बलेन जातं श्वो वा कथं नु भवितेति विचिन्तयन्ती ।
०९९६-२ इत्यश्रुपातमलिनीकृतगण्डदेशा नेच्छेद्दरिद्रगृहिणी रजनीविरामं ॥

०९९७-१ अद्येदं श्व इदं तथा परुदिदं कृत्यं परारि त्वदश्चेतश्चिन्तयसीत्थमेव सततं निर्व्याकुलं रे कुतः ।
०९९७-२ तत्कालं विलसन्मनोरथलताकान्तारदावानलो यस्मिन्दण्डधरं स्मरिष्यसि सखे सोऽप्यस्ति कश्चित्क्षणः ॥

०९९८-१ अद्येश्वराश्चारणगायनानां सदैव कल्पद्रुमवत्फलन्ति ।
०९९८-२ सद्भ्यस्तु किंचिद्वचसैव सायं दीपाय कर्पूरमिवार्पयन्ति ॥

०९९९-१ अद्यैके प्रातरपरे विततेऽह्नि तथा परे ।
०९९९-२ यान्ति निःसीम्नि संसारे कः स्थाता ननु शोचति ॥

१०००-१ अद्यैव कुरु यच्छ्रेयो मा त्वा कालोऽत्यगादयं ।
१०००-२ अकृतेष्वेव कार्येषु मृत्युर्वै संप्रकर्षति ॥

१००१-१ अद्यैव कुरु यच्छ्रेयो वृद्धःसन्किं करिष्यसि ।
१००१-२ स्वगात्राण्यपि भाराय भवन्ति हि विपर्यये ॥

१००२-१ अद्यैव यत्प्रतिपदुद्गतचन्द्रलेखा- सख्यं त्वया तनुरियं गमिता वराक्याः ।
१००२-२ कान्ते गते कुसुमसायक तत्प्रभाते बाणावलीं कथय कुत्र विमोक्ष्यसि त्वं ॥

१००३-१ अद्यैव श्वः परश्वस्त्रिचतुरदिवसानन्तरं सायमह्नि प्रातः प्राह्णे पराह्णे क्षणमिह निवस प्रस्थितोऽभ्येहि भूयः ।
१००३-२ इत्थं रेकातिरेकानविदितकपटप्रक्रियानर्थिसार्थानत्यर्थं व्यर्थयन्ति प्रतिदिवसमहो राजधान्यां वदान्याः ॥

१००४-१ अद्यैव हसितं गीतं क्रीडितं यैः शरीरिभिः ।
१००४-२ अद्यैव ते न दृश्यन्ते पश्य कालस्य चेष्टितं ॥

१००५-१ अद्योत्सङ्गवसद्भुजंगकवलक्लेशादिवेशाचल- प्रालेयप्लवनेच्छयानुसरति श्रीखण्डशैलानिलः ।
१००५-२ किं च स्निग्धरसालमौलिमुकुलान्यालोक्य हर्षोदयादुन्मीलन्ति कुहूःकुहूरिति कलोत्तालाः पिकानां गिरः ॥

१००६-१ अद्योद्यानगृहाङ्गणे सखि मया स्वप्नेन लाक्षारुणः प्रोत्क्षिप्तोऽयमशोकदोहदविधौ पादः क्वणन्नूपुरः ।
१००६-२ तावत्किं कथयामि केलिपटुना निर्गत्य कुञ्जोदरादज्ञातोपनतेन तेन सहसा मूर्ध्नैव संभावितः ॥

१००७-१ अद्योन्मीलन्मलयपवनोद्धूतचूतांकुराग्र- ग्रासास्वादादधिकमधुरैरुच्चरद्भिर्निनादैः ।
१००७-२ क्वापि क्वापि स्मरहुतवहोद्दीपनायाध्वगानां होतुं प्राणानृचमिव पिकः सामिधेनीमधीते ॥

१००८-१ अद्राक्षीदपनिद्रकोरकभरव्यानम्रवल्लीस्खलद्- धूलीदुर्दिनसूदिताम्बरमसावुद्यानमुर्वीपतिः ।
१००८-२ आस्थानीभवनं वसन्तनृपतेर्देवस्य चेतोभुवः सत्रागारमनुत्तरं मधुलिहामेकं प्रपामण्डपं ॥

१००९-१ अद्राक्षुर्ये नरेन्द्रा द्रुपदतनुभुवः केशपाशावकृष्टिं चक्रुर्वाकारयन्वा मनसि किमपरं येऽन्वमन्यन्त मोहात् ।
१००९-२ सर्वेषामेव तेषां समरमखभुवि क्रोधवह्णौ जुहोति द्वित्रैर्हुंकारम्न्त्रैरभिजनसमिधो मध्यमः पाण्डवेयः ॥

१०१०-१ अद्रिष्वञ्जनपुञ्जकान्ति जलद्रप्रायं च मूले दिशां ऊर्ध्वं नीलवितानकल्पभवनौ जम्बाललेपोपमं ।
१०१०-२ तीरे नीरनिधेस्तमालविटपिच्छायां च सायं शनैरुद्गच्छत्यभिसारिकाप्रियतमप्रेमानुकूलं तमः ॥

१०११-१ अद्रेः किं स्विद्वहति पवनः शृङ्गमित्युन्मुखीभिर्दृष्टोत्साहश्चकितचकितं मुग्धसिद्धाङ्गनाभिः ।
१०११-२ स्थानादस्मात्सरसनिचुलादुत्पतोदङ्मुखः खं दिङ्नागानां पथि परिहरन्स्थूलहस्तावलेपान् ॥

१०१२-१ अद्रोहः शौचानां अचापलं व्रतविशेषनियमानां ।
१०१२-२ पैशुन्यमप्रियाणां वृत्तिच्छेदो नृशंसचरितानां ॥

१०१३-१ अद्रोहः सर्वभूतेषु कर्मणा मनसा गिरा ।
१०१३-२ अनुग्रहश्च दानं च सतां धर्मः सनातनः ॥

१०१४-१ अद्रोहसमयं कृत्वा मुनीनामग्रतो हरिः ।
१०१४-२ जघान नमुचिं पश्चादपां फेनेन पार्थिव ॥

१०१५-१ अद्रोहे समयं कृत्वा चिच्छेद नमुचेः शिरः ।
१०१५-२ शक्रः सा हि मता तस्य रिपौ वृत्तिः सनातनी ॥

१०१६-१ अद्रौ जीर्णदरीषु संकटसरित्तीरेषु निम्नोन्नते ऊढा येन वृषेण धूर्बलवता यूना द्वितीयेन या ।
१०१६-२ तां वृद्धोऽपि कृशोऽपि दुर्वह धुरं वोढुं स एव क्षमो रथ्याभड्डलकैः समेत्य बहुभिर्नाकृष्यतेऽन्यैर्वृषैः ॥

१०१७-१ अद्वितीयं निजं लोके विलोक्य वहतो मुदं ।
१०१७-२ प्रमदावदनस्यायं दर्पोद्रेको न तु स्मितं ॥

१०१८-१ अद्विसंवीक्षणं चक्षुरद्विसंमीलनं मनः ।
१०१८-२ अद्विसंस्पर्शनः पाणिरद्य मे किं करिष्यति ॥

१०१९-१ अद्वेषपेशलं कुर्यान्मनः कुसुमक्ॐअलं ।
१०१९-२ बभूव द्वेषदोषेण देवदानवसंक्षयः ॥

१०२०-१ अद्वैतं सुखदुःखयोरनुगुणं सर्वास्ववस्थासु यद्विश्रामो हृदयस्य यत्र जरसा यस्मिन्नहार्यो रसः ।
१०२०-२ कालेनावरणात्ययात्परिणते यत्स्नेहसारे स्थितं भद्रं तस्य सुमानुषस्य कथमप्येकं हि तत्प्राप्यते ॥

१०२१-१ अद्वैतमेकं सुखमुन्नयन्ती विस्मारयन्ती जगदेव तन्वि ।
१०२१-२ मुक्ताश्रितामात्मरुचिं वदन्ती वेदान्तसिद्धान्तकथेव भासि ॥

१०२२-१ अद्वैतोक्तिपटून्वटूनपि वयं बालान्नमस्कुर्महे ये तु द्वन्द्ववदास्तदीयशिरसि न्यस्याम वामं पदं ।
१०२२-२ सिंहः स्वीयशिशून्निवेश्य हृदये सान्द्रादरादामृशत्यावेशेन भिनत्ति संभ्रमपदं मत्तेभकुम्भस्थलं ॥

१०२३-१ अद्वैधमानसंयुक्तं शूरं धीरं विपश्चितं ।
१०२३-२ न श्रीः संत्यजते नित्यं आदित्यमिव रश्मयः ॥

१०२४-१ अधः करोति यद्रत्नं मूर्ध्ना धारयते तृणं ।
१०२४-२ दोषस्तस्यैव जलधे रत्नं रत्नं तृणं तृणं ॥

१०२५-१ अधः कुर्वन्प्रजाः सर्वा बहुधा महिमोल्बणः ।
१०२५-२ राजा पर्वणि कस्मिंश्चिद्भवेदहिभयाकुलः ॥

१०२६-१ अधः क्षिपन्ति कृपणा वित्तं तत्र यियासवः ।
१०२६-२ सन्तस्तु गुरुतीर्थादौ तदुच्चैःपदकाङ्क्षिणः ॥

१०२७-१ अधः पश्यन्पार्श्वद्वयवलितसाचीकृतशिराः शनैः पक्षस्थैर्याद्दिवि मसृणचक्राकृतिगतिः ।
१०२७-२ चिराच्चिल्लस्तिर्यक्त्वरिततरमाहारनिपुणो निपत्यैवाकस्माच्चलचरणमूर्धं प्रपतति ॥

१०२८-१ अधः पश्यसि किं बाले पतितं तव किं भुवि ।
१०२८-२ रे रे मूर्ख न जानासि गतं तारुण्यमौक्तिकं ॥

१०२९-१ अधःपुष्पी शङ्खपुष्पी लज्जालुर्गिरिकर्णिका ।
१०२९-२ नीलिनी सहदेवा च पुत्रमार्जारिका तथा ॥

१०३०-१ विष्णुक्रान्ता च सर्वासां जटा ग्राह्या रवेर्दिने ।
१०३०-२ बद्धा भुजे विलेपाद्वा काये शस्त्रौघवारिका ॥

१०३१-१ अधः शेते शम्भुस्तव चरणमाधाय हृदये बहिर्द्वारे दौवारिकपदमुपेतः कमलजः ।
१०३१-२ विडौजा वैफल्यं भजति निजविज्ञापनकृते तावहं दासः स्यामिति मनसि लज्जा भयमपि ॥

१०३२-१ अधःस्था रमते नारी उपरिस्थश्च कामुकः ।
१०३२-२ प्रसिद्धं तद्रतं ज्ञेयं ग्रामबालजनप्रियं ॥

१०३३-१ अधनं खलु जीवधनं धनमर्धधनं महद्धनं धान्यं ।
१०३३-२ अतिधनमेतत्सुन्दरि विद्या च तपश्च कीर्तिश्च ॥

१०३४-१ अधना अपि ते धन्याः साधवो गृहमेधिनः ।
१०३४-२ यद्गृहा ह्यर्हवर्याम्बुतृणभूमीश्वरावराः ॥

१०३५-१ अधना धनमिच्छन्ति वाचं चैव चतुष्पदाः ।
१०३५-२ मानवाः स्वर्गमिच्छन्ति मोक्षमिच्छन्ति देवताः ॥

१०३६-१ अधनेनार्थकामेन नार्थः शक्यो विवित्सता ।
१०३६-२ अर्थैरर्था निबध्यन्ते गजैरिव महागजाः ॥

१०३७-१ अधनो दातुकामोऽपि संप्राप्तो धनिनां गृहं ।
१०३७-२ मन्यते याचकोऽयं धिग्दारिद्र्यं खलु देहिनां ॥

१०३८-१ अधनोऽयं धनं प्राप्य माद्यन्नुच्चैर्न मां स्मरेत् ।
१०३८-२ इति कारुणिको नूनं धनं मे भूरि नाददत् ॥

१०३९-१ अधमं बाधते भूयो दुःखवेगो न तत्तमं ।
१०३९-२ पादद्वयं व्रजत्याशु शीतस्पर्शो न चक्षुषी ॥

१०४०-१ अधममित्रकुमित्रसमागमः प्रियवियोगभयानि दरिद्रता ।
१०४०-२ अपयशः खलु लोकपराभवो भवति पापतरोः फलमीदृशं ॥

१०४१-१ अधमर्णशवाजीविश्राद्धभुग्दुष्टभूभुजां ।
१०४१-२ अभिप्राया न सिद्ध्यन्ति तेनेदं ध्रियते जगत् ॥

१०४२-१ अधमाः कलिमिच्छन्ति संधिमिच्छन्ति मध्यमाः ।
१०४२-२ उत्तमा मानमिच्छन्ति मानो हि महतां धनं ॥

१०४३-१ अधमा धनमिच्छन्ति धनमानौ च मध्यमाः ।
१०४३-२ उत्तमा मानमिच्छन्ति मानो हि महतां धनं ॥

१०४४-१ अधमे संगता लक्ष्मीर्नोपभोगाय कस्यचित् ।
१०४४-२ कर्दमे पतिता छाया सहकारतरोरिव ॥

१०४५-१ अधमो मातुकारश्च धातुकारश्च मध्यमः ।
१०४५-२ धातुमातुक्रियाकार उत्तमः परिकीर्तितः ॥

१०४६-१ अधमो लक्षणज्ञः स्यान्मध्यमो लक्ष्यमाचरेत् ।
१०४६-२ लक्ष्यलक्षणसंयुक्त उत्तमः परिकीर्तितः ॥

१०४७-१ अधरं किल बिम्बनामकं फलमस्मादिति भव्यमन्वयं ।
१०४७-२ लभतेऽधरबिम्बमित्यदः पदमस्या रदनच्छदं वदत् ॥

१०४८-१ अधरः किसलयरागः क्ॐअलविटपानुकारिणौ बाहू ।
१०४८-२ कुसुममिव लोभनीयं यौवनमङ्गेषु संनद्धं ॥

१०४९-१ अधरः पद्मरागोऽयं अनर्घः सव्रणोऽपि ते ।
१०४९-२ मुग्धे हस्तः किमर्थोऽयं अपार्थ इह दीयते ॥

१०५०-१ अधरद्युतिरस्तपल्लवा मुखशोभा शशिकान्तिलङ्घिनी ।
१०५०-२ तनुरप्रतिमा च सुभ्रुवो न विधेरस्य कृतिं विवक्षति ॥

१०५१-१ अधरमधरे कण्ठं कण्ठे निधाय भुजं भुजे हृदि च हृदयं मध्ये मध्यं सरोजदृशो दृढं ।
१०५१-२ सरभसमहो चोरावूरुं पदं च पदे बलाद्गमयति जनो धन्यः कश्चित्समां शिशिरे निशां ॥

१०५२-१ अधरमधरे कण्ठे कण्ठं सचाटु दृशोर्दृशावलिकमलिके कृत्वा गोपीजनेन ससंभ्रमं ।
१०५२-२ शिशुरिति रुदन्कृष्णो वक्षःस्थले निहितोऽचिरान्- निभृतपुलकः स्मेरः पायात्स्मरालसविग्रहः ॥

१०५३-१ अधरममृतं कः संदेहो मधुन्यपि नान्यथा मधुरमधिकं द्राक्षायाश्च प्रसन्नरसं फलं ।
१०५३-२ सकृदपि पुनर्मध्यस्थः सन्रसान्तरविज्जनो वदतु यदिहान्यत्स्वादु स्यात्प्रियादशनच्छदात् ॥

१०५४-१ अधरस्य मधुरिमाणं कुचकाठिन्यं दृशोस्तथा तैक्ष्ण्यं ।
१०५४-२ कवितायाः परिपाकाननुभवरसिको विजानाति ॥

१०५५-१ अधरामृतपानेन ममास्यमपराध्यतु ।
१०५५-२ मूर्ध्नो किमपराद्धं यः पादौ नाप्नोति चुम्बितुं ॥

१०५६-१ अधरामृतमाधुरीधुरीणो हरिलीलामुरलीनिनाद एषः ।
१०५६-२ प्रततान मनःप्रमोदमुच्चैर्हरिणीनां हरिणीदृशं मुनीनां ॥

१०५७-१ अधरामृतेन पित्तं नश्यति वायुः पयोधरयुगेन ।
१०५७-२ अनवरतरतेन कफं त्रिदोषशमनं वपुर्नार्याः ॥

१०५८-१ अधरेण समागमाद्रदानां अरुणिम्ना पिहितोऽपि शुक्लभावः ।
१०५८-२ हसितेन सितेन पक्ष्मलाक्ष्याः पुनरुल्लासमवाप जातपक्षः ॥

१०५९-१ अधरेणोन्नतिभाजा भुजंगपरिपीडितेन ते दूति ।
१०५९-३ संक्षोभितं मनो मे जलनिधिरिव मन्दरागेण ॥

१०६०-१ अधरे नववीटिकानुरागो नयने कज्जलमुज्ज्वलं दुकूलं ।
१०६०-२ इदमाभरणं नितम्बनीनां इतरद्भूषणमङ्गदूषणाय ॥

१०६१-१ अधरे बिन्दुः कण्ठे मणिमाला स्तनयुगे शशप्लुतकं ।
१०६१-२ तव सूचयन्ति केतकि कुसुमायुधशास्त्रपण्डितं रमणं ॥

१०६२-१ अधरे मधुरा सरस्वतीयं ननु कर्णे मणिकर्णिकाप्रवाहः ।
१०६२-२ शिरसि प्रतिभाति चारुवेणी कथमेणीनयना न तीर्थराजः ॥

१०६३-१ अधरे विनिहितवंशं चम्पककुसुमेन कल्पितोत्तंसं ।
१०६३-२ विनतं दधानमंसं वामं सततं नमामि जितकंसं ॥

१०६४-१ अधरोऽयमधीराक्ष्या बन्धुजीवप्रभाहरः ।
१०६४-२ अन्यजीवप्रभां हन्त हरतीति किमद्भुतं ॥

१०६५-१ अधरोष्ठे च घोणायां गण्डयोश्चिबुके तथा ।
१०६५-२ मुष्के नाभौ त्रिके कुक्षावावर्तास्त्वतिनिन्दिताः ॥

१०६६-१ अधरोऽसौ कुरङ्गाक्ष्याः शोभते नासिकातले ।
१०६६-२ सुवर्णनलिकामध्यान्माणिक्यमिव विच्युतं ॥

१०६७-१ अधर्मं धर्ममिति या मन्यते तमसावृता ।
१०६७-२ सर्वार्थान्विपरीतांश्च बुद्धिः सा पार्थ तामसी ॥

१०६८-१ अधर्मं धर्मवेषेण यदिमं लोकसंकरं ।
१०६८-२ अभिपत्स्ये शुभं हित्वा क्रियाविधिविवर्जितं ।
१०६९-१ अधर्मः क्षत्रियस्यैतद्यद्व्याधिमरणं गृहे ।
१०६९-२ युद्धे तु मरणं यत्स्यात्सोऽस्य धर्मः सनातनः ॥

१०७०-१ अधर्मः सुरसस्तस्य चोत्कटैर्मधुरायते ।
१०७०-२ यादृशैश्च फलैश्चैव सुफलो लोभपादपः ॥

१०७१-१ अधर्मदण्डनं लोके यशोघ्नं कीर्तिनाशनं ।
१०७१-२ अस्वर्ग्यं च परत्रापि तस्मात्तत्परिवर्जयेत् ॥

१०७२-१ अधर्मदण्डनंस्वर्गकीर्तिलोकविनाशनं ।
१०७२-२ सम्यक्तु दण्डनं राज्ञः स्वर्गकीर्तिजयावहं ॥

१०७३-१ अधर्मद्रोहसंयुक्ते मित्रजातेऽप्युपेक्षणं ।
१०७३-२ आत्मवन्मित्रवर्गे तु प्राणानपि परित्यजेत् ॥

१०७४-१ अधर्मप्रतिषेधश्च न्यायमार्गेण वर्तनं ।
१०७४-२ उपकार्योपकारित्वं इति वृत्तं महीपतेः ॥

१०७५-१ अधर्ममन्यत्र महीतलेऽस्मिन्संक्षोभहेतुं मलिनं विचार्य ।
१०७५-२ निष्कासनायास्य रुषेव देव सितं यशः सर्वदिशः प्रयाति ॥

१०७६-१ अधर्मरुचयो मूढास्तिर्यग्गतिपरायणाः ।
१०७६-२ कृच्छ्रां योनिमनुप्राप्य न सुखं विन्दते जनाः ॥

१०७७-१ अधर्मसाधनं बुधा मुधा न जन्तुहिंसनं सृजन्तु वेदनिन्दया भजन्तु केवलं दयां ।
१०७७-२ इति प्रबोधयन्विधिं विधाय वैदिकं विधिं विशुद्धबोधबन्धुरन्तरेधि बुद्धदेव नः ॥

१०७८-१ अधर्मस्तु महांस्तात भवेत्तस्य महीपतेः ।
१०७८-२ यो हरेद्बलिषड्भागं न च रक्षति पुत्रवत् ॥

१०७९-१ अधर्मादर्जितं द्रव्यं अल्पकालं तु तिष्ठति ।
१०७९-२ ततः सपत्नमयते समूलं तेन नश्यति ॥

१०८०-१ अधर्मेण च यः प्राह यश्चाधर्मेण पृच्छति ।
१०८०-२ तयोरन्यतरः प्रैति विद्वेषं वाधिगच्छति ॥

१०८१-१ अधर्मेणैधते तावत्ततो भद्राणि पश्यति ।
१०८१-२ ततः सपत्नाञ्जयति समूलस्तु विनश्यति ॥

१०८२-१ अधर्मेषु रसस्तस्य उत्क्लेदैर्मधुरायते ।
१०८२-२ तादृशैश्च फलैश्चैव सफलो लोभपादपः ॥

१०८३-१ अधर्मोपचितं वित्तं हरन्त्यन्येऽल्पमेधसः ।
१०८३-२ संभोजनीयापदेशैर्जलानीव जलौकसः ॥

१०८४-१ अधर्मोपार्जितैरर्थैर्यः करोत्यौर्ध्वदेहिकं ।
१०८४-२ न स तस्य फलं प्रेत्य भुङ्क्तेऽर्थस्य दुरागमात् ॥

१०८५-१ अधर्षितानां शूराणां समरेष्वनिवर्तिनां ।
१०८५-२ धर्षणामर्षणं भीरु मरणादतिरिच्यते ॥

१०८६-१ अधश्च दूरपातित्वं समे लक्ष्यं सुनिश्चितं ।
१०८६-२ दृढस्फोटं प्रकुर्वीत ऊर्ध्वसंस्थानयोगतः ॥

१०८७-१ अधस्तनश्वभ्रभुवो न याति षण्- न सर्वनारीषु न सञ्जितोऽन्यतः ।
१०८७-२ न जायते व्यन्तरदेवजातिषु न भावनज्योतिषिकेषु सद्रुचिः ॥

१०८८-१ अधस्ताच्छिद्रितं चर्म दुर्गन्धिपरिपूरितं ।
१०८८-२ मूत्रक्लिन्नं च तस्यार्थे मा राजन्ब्राह्मणान्वधीः ॥

१०८९-१ अधाक्षीन्नो लङ्कामयमयमुदन्वन्तमतरद्विशल्यां स्ॐइत्रैरयमुपनिनायौषधिवरां ।
१०८९-२ इति स्मारं स्मारं त्वदरिनगरीभित्तिलिखितं हनूमन्तं दन्तैर्दशति कुपितो राक्षसगणः ॥

१०९०-१ अधारि पद्मेषु तदङ्घ्रिणा घृणा क्व तच्छयच्छायलवोऽपि पल्लवे ।
१०९०-२ तदास्यदास्येऽपि गतोऽधिकारितां न शारदः पार्विकशर्वरीश्वरः ॥

१०९१-१ अधार्मिकांश्च क्रूरांश्च दृष्टदोषान्निराकृतान् ।
१०९१-२ परेभ्योऽभ्यागतांश्चैव दूरादेतान्विवर्जयेत् ॥

१०९२-१ अधार्मिको नरो यो हि यस्य चाप्यनृतं धनं ।
१०९२-२ हिंसारतिश्च यो नित्यं नेहासौ सुखमेधते ॥

१०९३-१ अधिकः स्यात्पितुः पुत्रो रूपविद्यापराक्रमैः ।
१०९३-२ तिष्ठन्पित्रार्जितपदे सुब्रह्मण्यस्तु तादृशः ॥

१०९४-१ अधिकरतलतल्पं कल्पितस्वापलीला- परिमिलननिमीलत्पाण्डिमा गण्डपाली ।
१०९४-२ सुतनु कथय कस्य व्यञ्जयत्यञ्जसैव स्मरनरपतिलीलायौवराज्याभिषेकं ॥

१०९५-१ अधिकार ऋणं गर्भश्चतुर्थं श्वानमैथुनं ।
१०९५-२ आगमे परमं सौख्यं निर्गमे दुःखकारणं ॥

१०९६-१ अधिकाराभिषेकेषु मृदङ्गवचनं शृणु ।
१०९६-२ बद्धा दण्डहता रिक्ता भविष्यसि यथा वयं ॥

१०९७-१ अधिकारेण यो युक्तः कथं तस्यास्ति खण्डनं ।
१०९७-२ नीचेषूपकृतं राजन्बालुकास्विव मुद्रितं ॥

१०९८-१ अधिकोन्नतैरपि सुदारुणान्वितैरसकृद्भ्रमत्पशुगणाङ्घ्रिपीडितैः ।
१०९८-२ विधिसिद्धनैकगुणसस्यसम्पदां विरसस्वभावकठिनैरलं खलैः ॥

१०९९-१ अधिगगनमनेकास्तारका राज्यभाजः प्रतिगृहमिह दीपा दर्शयन्ति प्रभुत्वं ।
१०९९-२ दिशि दिशि विलसन्तः सन्ति खद्योतपोताः सवितरि परिभूते किं न लोकैर्व्यलोकि ॥

११००-१ अधिगतपरमार्थान्पण्डितान्मावमंस्थास्तृणमिव लघु लक्ष्मीर्नैव तान्संरुणद्धि ।
११००-२ अभिनवमदलेखाश्यामगण्डस्थलानां न भवति बिसतन्तुर्वारणं वारणानां ॥

११०१-१ अधिगतमहिमा मनुष्यलोके बत सुतरामवसीदति प्रमादी ।
११०१-२ गजपतिरुरुशैलशृङ्गवऋष्मा गुरुरवमज्जति पङ्कभाङ्न दारु ॥

११०२-१ अधिगत्येदृगेतस्या हृदयं मृदुतामुचोः ।
११०२-२ प्रतीम एव वैमुख्यं कुचयोर्युक्तवृत्तयोः ॥

११०३-१ अधिगमनमनेकास्तारका राजमानाः प्रतिगृहमपि दीपाः प्राप्नुवन्ति प्रतिष्ठां ।
११०३-२ दिशि दिशि विकसन्तः सन्ति खद्योतपोताः सवितरि उदितेऽस्मिन्किं नु लोकैरलोकि ॥

११०४-१ अधिगम्याशु गोलक्ष्यं एकः शाम्यति मार्गणः ।
११०४-२ अनुरोधस्थिरतया न च शक्यप्रतारणः ॥

११०५-१ अधिदेहलि हन्त हेमवल्ली शरदिन्दुः सरसीरुहे शयानः ।
११०५-२ अधिखञ्जनचञ्चु मौक्तिकाली फलितं कस्य सुजन्मनस्तपोभिः ॥

११०६-१ अधिपञ्चवटीकुटीरवर्ति स्फुटितेन्दीवरसुन्दरोरुमूर्ति ।
११०६-२ अपि लक्ष्मणलोचनैकलक्ष्यं भजत ब्रह्म सरोरुहायताक्षं ॥

११०७-१ अधिभिल्लपल्लिगल्लं स्याद्बल्लवपल्लवोऽपि वाचालः ।
११०७-२ नागरनरवरपरिषदि कस्य मुखादक्षरं क्षरति ॥

११०८-१ अधियामिनि गजगामिनि कामिनि सौदामिनीव यं व्रजसि ।
११०८-२ जलदेनेव न जाने कति कति सुकृतानि तेन विहितानि ॥

११०९-१ अधिरजनि जगाम धाम तस्याः प्रियतमयेति रुषा स्रजावनद्धः ।
११०९-२ पदमपि चलितुं युवा न सेहे किमिव न शक्तिहरं ससाध्वसानां ॥

१११०-१ अधिरजनि प्रिअयसविधे कथ्मपि संवेशिता बलाद्गुरुभिः ।
१११०-२ किं भवितेति सशङ्कं पङ्कजनयना परामृशति ॥

११११-१ अधिरजनिमुखे यः सान्द्रलाक्षानुरागैर्व्यतिकरित इवोच्चैः पाटलत्वं दधानः ।
११११-२ उषसि स खलु दीपः पाननिर्धूतरागः स्फुरदधर इवायं धसरत्वं बिभर्ति ॥

१११२-१ अधिरजनि व्याधगृहे सुखमननभूतमनुभूय ।
१११२-२ अपशोककोकमिथुनं जीवनदानेसमुल्लसति ।
१११३-१ अधिरोहार्य पादाभ्यां पादुके हेमभूषिते ।
१११३-२ एते हि सर्वलोकस्य योगक्षेमं विधास्यतः ॥

१११४-१ अधिलवङ्गममी रजसाधिकं मलिनिताः सुमनोदलतालिनः ।
१११४-२ स्फुटमिति प्रसवेन पुरोऽहसत्सपदि कुन्दलता दलतालिनः ॥

१११५-१ अधिश्रीरुद्याने त्वमसि भवतः पल्लवचयो धुरीणः कल्याणे तव जगति शाखा श्रमहरा ।
१११५-२ मुदे पुष्पोल्लेखः फलमपि च तुष्ट्यै तनभृतां रसाल त्वां तस्माच्छ्रयति शतशः कोकिलकुलं ॥

१११६-१ अधिष्ठानं समिच्छन्ति ह्यचलं निर्बले सति ।
१११६-२ संसारे सर्वभूतानां तृणबिन्दुवदस्थिरे ॥

१११७-१ अधीतपञ्चाशुगबाणवञ्चने स्थिता मदन्तर्बहिरेषि चेदुरः ।
१११७-२ स्मराशुगेभ्यो हृदय बिभेतु न प्रविश्य तत्त्वन्मयसपुटे मम ॥

१११८-१ अधीतविद्यैर्विगते शिशुत्वे धनोर्जिते हारिणि यौवने च ।
१११८-२ सेव्या नितम्बास्तु विलासिनीनां ततस्तदर्थं धरणीधराणां ॥

१११९-१ अधीतस्य च तप्तस्य कर्मणः सुकृतस्य च ।
१११९-२ षष्ठं भजति भागं तु प्रजा धर्मेण पालयन् ॥

१११९-३ षड्भागस्य न भोक्तासौ रक्षते न प्रजाः कथं ॥

११२०-१ अधीतिबोधाचरणप्रचारणैर्दशाश्चतस्रः प्रणयन्नुपाधिभिः ।
११२०-२ चतुर्दशत्वं कृतवान्कुतः स्वयं न वेद्मि विद्यासु चतुर्दशस्वयं ॥

११२१-१ अधीते तु महाभाष्ये व्यर्था सा पदमञ्जरी ।
११२१-२ नाधीते तु महाभाष्ये व्यर्था सा पदमञ्जरी ॥

११२२-१ अधीत्य चतुरो वेदान्धर्मशास्त्राण्यनेकशः ।
११२२-२ परं तत्त्वं न जानाति दर्वी पाकरसानिव ॥

११२३-१ अधीत्य चतुरो वेदान्व्याकृत्याष्टादश स्मृतीः ।
११२३-२ अहो श्रमस्य वैफल्यं आत्मापि कलितो न चेत् ॥

११२४-१ अधीत्य नीतिं यस्माच्च नीतियुक्तो न दृश्यते ।
११२४-२ अनभिज्ञश्च साचिव्यं गमितः केन हेतुना ॥

११२५-१ अधीत्य वेदान्परिसंस्तीर्य चाग्नीनिष्ट्वा यज्ञैः पालयित्वा प्रजाश्च ।
११२५-२ गोब्राह्मणार्थे शस्त्रपूतान्तरात्मा हतः संग्रमे क्षत्रियः स्वर्गमेति ॥

११२६-१ अधीत्य सकलं श्रुतं चेरमुपास्य घोरं तपो यदिच्छसि फलं तयोरह हि लाभपूजादिकं ।
११२६-२ छिनत्सि तरुपल्लवप्रसरमेव शून्याशयः कथं समुपलिप्सते सुरसमस्य पक्वं फलं ।
११२७-१ अधीत्येदं यथाशास्त्रं नरो जानाति सत्तमः ।
११२७-२ धर्मोपदेशविख्यातं कार्याकार्यं शुभाशुभं ॥

११२८-१ अधीयते विजानन्ति विरज्यन्ति मुहुर्मुहुः ।
११२८-२ नात्यन्ताय निवर्तन्ते नरा वषम्यतो विधेः ॥

११२९-१ अधीयीत ब्राह्मणोऽथो यजेत दद्यादियात्तीर्थमुख्यानि चैव ।
११२९-२ अध्यापयेद्याजयेच्चापि याज्यान्प्रतिग्रहान्वा विदितान्प्रतीच्छेत् ॥

११३०-१ तथा राजन्यो रक्षणं वै प्रजानां कृत्वा धर्मेणाप्रयत्तोऽथ दत्त्वा ।
११३०-२ यज्ञैरिष्ट्वा सर्ववेदानधीत्य दारान्कृत्वा पुण्यकृदावसेद्गृहान् ॥

११३१-१ वैश्योऽधीत्य कृषिगोरक्षपण्यैर्वित्तं चिन्वन्पालयन्नप्रमत्तः ।
११३१-२ प्रियं कुर्वन्ब्राह्मणक्षत्रियाणां धर्मशीलः पुण्यकृदावसेद्गृहान् ॥

११३२-१ परिचर्यां वन्दनं ब्राह्माणानां नाधीयीत प्रतिषिद्धोऽस्य यज्ञः ।
११३२-२ नित्योत्थितो भूतयेऽतन्द्रितहः स्यादेष स्मृतः शूद्रधर्मः पुराणः ॥

११३३-१ अधीरः कर्कशः स्तब्धः कुचेलः स्वयमागतः ।
११३३-२ एते पञ्च न पूज्यन्ते बृहस्पतिसमा यदि ॥

११३४-१ अधीराक्ष्याः पीनस्तनकलशमास्कन्दसि मुहुः क्रमादूरुद्वन्द्वं कलयसि च लावण्यललितं ।
११३४-२ भुजाश्लिष्टो हर्षादनुभवसि हस्ताहतिकलां इदं वीणादण्डं प्रकटय फलं कस्य तपसः ॥

११३५-१ अधुना दधिमन्थनानुबन्धं कुरुषे किं गुरुविभ्रमालसाङ्गि ।
११३५-२ कलशस्तनि लालसीति कुञ्जे मुरलीक्ॐअलकाकली मुरारेः ॥

११३६-१ अधुना मधुकरपतिना गिलितोऽप्यपकारदंपती येन ।
११३६-२ त्रातः स पालयेत्त्वां विकाररहितो विनायको लक्ष्म्याः ॥

११३७-१ अधृतपरिपतन्निचोलबन्धं मुषितनकारमवक्रदृष्टिपातं ।
११३७-२ प्रकटहसितमुन्नतास्यबिम्बं पुरसुदृशःस्मरचेष्टितं स्मरामि ॥

११३८-१ अधृत यद्विरहोष्मणि सज्जितं मनसिजेन तदूरुयुगं तदा ।
११३८-२ स्पृशति तत्कदनं कदलीतरुर्यदि मरुज्वलदूषरदूषितः ॥

११३९-१ अधोगतिं च सम्प्राप्य बिसाः पङ्ककलङ्किताः ।
११३९-२ गुणिनो निर्गुणैर्दाशैः कृष्टाः स्वाङ्कुरदर्शिताः ॥

११४०-१ अधोदृष्टिनैर्कृतिकः स्वार्थसाधनतत्परः ।
११४०-२ शठो मिथ्याविनीतश्च बकव्रतचरो द्विजः ॥

११४१-१ अधोऽधः पश्यतः कस्य महिमा नोपचीयते ।
११४१-२ उपर्युपरि पश्यन्तः सर्व एव दरिद्रति ॥

११४२-१ अध्ॐउखी स्त्रीस्तनतुल्यताप्तये प्रतप्य तीव्रं सुमहत्तरं तपः ।
११४२-२ यदा न तामाप तदा हृदि स्फुटं विदीर्यते पक्वमिषेण दाडिमः ॥

११४३-१ अध्ॐउखैकदंष्ट्रेण विषशुक्रप्रवाहिणा ।
११४३-२ अनेन दुश्चिकित्स्येन जगद्दष्टं भगाहिना ॥

११४४-१ अधोऽर्धे लक्षणं यस्य परार्धे नैव दृश्यते ।
११४४-२ अधमः स भवेत्खङ्गः क्षितीशानां भयावहः ॥

११४५-१ अधोऽर्धे वर्ण एकः स्यादूर्ध्वार्धे भिन्नवर्णकः ।
११४५-२ वर्णसंकरवान्खड्गो नृपाणां भयवर्धनः ॥

११४६-१ अधोविधानात्कमलप्रवालयोः शिरःसु दानादखिलक्षमाभुजां ।
११४६-२ पुरेदमूर्ध्वं भवतीति वेधसा पदं किमस्याङ्कितमूर्ध्वरेखया ॥

११४७-१ अध्ययनमित्रसङ्ग- प्रवेशयात्राविवाहदानेषु ।
११४७-२ शुभकार्येष्वखिलेष्वपि शस्तः स्ॐआध्वगः पवनः ॥

११४८-१ अध्यस्तान्ध्यमपूर्वमर्थधिषणैर्ग्राह्यं पुमर्थास्पदं लक्ष्यं लक्षणभेदतः श्रुतिगतं निर्धूतसाध्यार्थकं ।
११४८-२ आम्नायान्तविभातविश्वविभवं सर्वाविरुद्धं परं सत्यं ज्ञानमनर्थसार्थविधुरं ब्रह्म प्रपद्ये सद्ॐ ॥

११४९-१ अध्याक्रान्ता वसतिरमुनाप्याश्रमं सर्वभोग्ये रक्षायोगादयमपि तपः प्रत्यहं संचिनोति ।
११४९-२ अस्यापि द्यां स्पृशति वशिनश्चारणद्वन्द्वगीतः पुण्यः शब्दो मुनिरिति मुहुः केवलं राजपूर्वः ॥

११५०-१ अध्यापयन्ति शास्त्राणि तृणीकुर्वन्ति पण्डितान् ।
११५०-२ विस्मारयन्ति जातिं स्वां वराटाः पञ्चषाः करे ॥

११५१-१ अध्यापितस्योशनसापि नीतिं प्रयुक्तरागप्रणिधिर्द्विषस्ते ।
११५१-२ कस्यार्थधर्मौ वद पीडयामि सिन्धोस्तटावोघ इव प्रवृद्धः ॥

११५२-१ अध्यापितोऽसि केनैतां मशक क्षुद्रतामिह ।
११५२-२ यस्यैव कर्णे लगसि पीडां तस्य करोषि यत् ॥

११५३-१ अध्यायोधनवेदि मार्गणकुशानास्तीर्य खड्गस्रुचा हुत्वारेः पललं चरुं हविरसृक्तन्मस्तकस्वस्तिकैः ।
११५३-२ संवेष्ट्याहवनीयमानसदसि ख्योऽसौ प्रतापानलो-ऽस्थापि द्रागुदकाञ्जलीकृतचतुःपाथोधिना श्रीमता ॥

११५४-१ अध्यासामासुरुत्तुङ्गहेमपीठानि यान्यमी ।
११५४-२ तैरूहे केसरिक्रान्तत्रिकूटशिखरोपमा ॥

११५५-१ अध्यासिते वयस्याया भवता महता हृदि ।
११५५-२ स्तनावन्तरसंमान्तौ निष्क्रान्तौ ब्रूमहे बहिः ॥

११५६-१ अध्यासीनाश्ववारैरुपजनितभये हेषमाणैस्तुरङ्गैर्गर्जत्स्फूर्जन्महौजोत्कटकरटिघटाकोटिभिर्दुष्प्रवेशे ।
११५६-२ संग्रामे कल्पकल्पेऽप्यरिजनविसरैर्मार्गणश्रेणिबद्धे बध्येऽवध्ये नृपेऽपि प्रभवति यवसं प्राणविश्राणनाय ॥

११५७-१ अध्यास्य शान्तां कुकुभं श्र्गाली नरस्य वामा यदि रारटीति ।
११५७-२ तदर्थलाभं वितरत्यवश्यं अर्थक्षयं दक्षिणतो रटन्ती ॥

११५८-१ अध्यास्य सौरभेयं मौक्तिकरुचिरङ्गणेषु विहितगतिः मान्यः स एव हृदि मे गौरी वामाङ्गमाश्रिता यस्य ॥

११५९-१ अध्याहारः स्मरहरशिरश्चन्द्रशेषस्य शेष- स्याहेर्भूयः फणसमुचितः काययष्टीनिकायः ।
११५९-२ दुग्धाम्भोधेर्मुनिचुलुकनत्रासनाशाभ्युपायः कायव्यूहः क्व जगति न जागर्त्यदः कीर्तिपूरः ॥

११६०-१ अध्येति नृत्यति लुनाति मिनोति नौति क्रीणाति हन्ति वपते चिनुते बिभेति ।
११६०-२ मुष्णाति गायति धिनोति बिभर्ति भिन्ते लोभेन सीव्यति पणायति याचते च ॥

११६१-१ अध्रुवेण शरीरेण प्रतिक्षणविनाशिना ।
११६१-२ ध्रुवं यो नार्जयेद्धर्मं स शोच्यो मूढचेतनः ॥

११६२-१ अध्रुवे हि शरीरे यो न करोति तपोऽर्जनं ।
११६२-२ स पश्चात्तप्यते मूढो मृतो गत्वात्मनो गतिं ॥

११६३-१ अध्वक्लान्ततनुर्नवज्वरवती नृत्यश्लथाङ्गी तथा मासैकप्रसवा ददाति सुरते षण्मासगर्भा सुखं ।
११६३-२ विख्याता विरहस्य संगमविधौ क्रुद्धप्रसन्ने ऋतु- स्थाने नूतनसंगमे मधुमदे रागास्पदं योषितः ॥

११६४-१ अध्वनि पदग्रहपरं मदयति हृदयं न वा न वा श्रवणं ।
११६४-२ काव्यमभिज्ञसभायां मञ्जीरं केलिवेलायां ॥

११६५-१ अध्वनीनोऽतिथिर्ज्ञेयः श्रोत्रियो वेदपारगः ।
११६५-२ मान्यावेतौ गृहस्थस्य ब्रह्मलोकमभीप्सतः ॥

११६६-१ अध्वन्यध्वनि तरवः पथि पथि पथिकैरुपास्यते छाया ।
११६६-२ विरलः स कोऽपि विटपी यमध्वगो गृहगतः स्मरति ॥

११६७-१ अध्वन्यध्वनि भूरुहः फलबृतो नम्रानुपेक्ष्यादराद्दूरादुन्नतिसंश्रयव्यसनिनः पान्थस्य मुग्धात्मनः ।
११६७-२ यन्मूलं समुपागतस्य मधुरच्छायाफलैः का कथा शीर्णेनापि हि नोपयोगमगमत्पर्णेन तालद्रुमः ॥

११६८-१ अध्वन्यस्य वधूर्वियोगविधुरा भर्तुः स्मरन्ती यदि प्राणानुज्झति कस्य तन्महदहो संजायते किल्बिषं ।
११६८-२ इत्येवं पथिकः करोति हृदये यावत्तरोर्मूर्धनि प्रोद्घुष्टं परपुष्टया तव तवेत्युच्चैर्वचोऽनेकशः ॥

११६९-१ अध्वन्याः किल मूलगर्तमधुनाप्यापूरयन्त्यश्रुभिर्व्याक्रोशन्त्यधुना सबान्धवकुलाः सायं मुहूर्तं द्विजाः ।
११६९-२ इत्थं यावदिमानि बिभ्रति शुचं भूतान्यपि त्वत्कृते तावत्त्वं न गतोऽसि पादप चिरं कीर्त्यात्मना वर्तसे ॥

११७०-१ अध्वन्यानां शिशिरसमये चण्डचाण्डालकाण्ड- प्रायाः कायानहह पवनाः क्लेशयन्तो विशन्ति ।
११७०-२ बध्नन्त्येते सपदि सुदृशां दुर्भगानामपीह प्रौढाश्लेषाश्लथितदयितं मूर्ध्नि सौभाग्यपट्टं ॥

११७१-१ अध्वन्यान्कति रुन्धते कति दृधान्भिन्दन्ति तोयाकरान्केदारान्कति यज्जयन्ति कति च व्यापाटयन्ति द्रुमान् ।
११७१-२ वाहिन्यः क्षणलुप्तवारिविभवा वन्या अवन्यामिमा यः सिन्धुः सकलाश्रयः स तु पुनः कुत्रेति न ज्ञायते ॥

११७२-१ अध्वन्यैर्मकरन्दशीकरसुरामत्तक्वणत्कोकिले मार्गे मार्गनिरोधिनी परिहृता शङ्केऽशुभाशङ्कया ।
११७२-२ पान्थस्त्रीवधपातकादुपगतं चण्डालचिह्नं मधोरेषा किङ्किणिकेव षट्पदमयी झंकारिणी संहतिः ॥

११७३-१ अध्वश्रमाय चरणौ विरहाय दारा अभ्यर्थनाय वचनं च वपुर्जरायै ।
११७३-२ एतानि मे विदधतस्तव सर्वदैव धातस्त्रपा यदि न किं न परिश्रमोऽपि ॥

११७४-१ अध्वश्रान्तमविज्ञातं अतिथिं क्षुत्पिपासितं ।
११७४-२ यस्तं न पूजयेद्भक्त्या तमाहुर्ब्रह्मघातिनं ॥

११७५-१ अध्वाग्रजाग्रन्निभृतापदन्धुर्बन्धुर्यदि स्यात्प्रतिबन्धुमर्हः ।
११७५-२ जोषं जनः कार्यविदस्तु वस्तु प्रच्छ्या निजेच्छा पदवीं मुदस्तु ॥

११७६-१ अध्वा जरा देहवतां पर्वतानां जलं जरा ।
११७६-२ असंभोगो जरा स्त्रीणां वाक्शल्यं मनसो जरा ॥

११७७-१ अध्वा जरा मनुष्याणां अनध्वा वाजिनां जरा ।
११७७-२ अमैथुनं जरा स्त्रीणां अश्वानां मैथुनं जरा ॥

११७८-१ अध्वानं नैकचक्रः प्रभवति भुवनभ्रान्तिदीर्घं विलङ्घ्य प्रातः प्राप्तुंरथो मे पुनरिति मनसि न्यस्तचिन्तातिभारः ।
११७८-२ संध्याकृष्टावशिष्टस्वकरपरिकरैः स्पष्टहेमारपङ्क्ति व्याकृष्यावस्थितोऽस्तक्षितिभृति नयतीवैष दिक्चक्रमर्कः ॥

११७९-१ अध्वा न यदि निसङ्गपङ्कसंकुलितो भवेत् ।
११७९-२ ततः कुतस्ते धौरेय धुर्यता व्यज्यतामियं ॥

११८०-१ अद्वारेण विशन्त्येव बुद्धिमन्तो रिपोर्गृहं ।
११८०-२ अकृत्वा धर्षणां पूर्वं कथं युद्धं प्रवर्तते ॥

११८१-१ अनक्षरं रूपमिह क्षरन्ती पञ्चाशदर्णैरमृताम्बुपूर्णैः ।
११८१-२ व्याकीर्णविध्यमण्डमदन्तराला (

?)

शब्दात्मिका मामवतात्समन्तात् ॥

११८२-१ अनक्षरज्ञेन जनेन सख्यं संभाषणं दुष्प्रभुसेवनं च ।
११८२-२ आलिङ्गनं लम्बपयोधराणां प्रत्यक्षदुःखं त्रयमेव भूमौ ॥

११८३-१ अनङ्कुरितकूर्चकः स तु सितोपलाढ्यं पयः स एव धृतकूचकः सलवणाम्बुतक्रोपमः ।
११८३-२ स एव सितकूर्चकः क्वथितगुग्गुलोद्वेगकृद्भवन्ति हरिणीदृशां प्रियतमेषु भावास्त्रयः ॥

११८४-१ अनङ्गः पञ्चभिः पुष्पैर्विश्वं व्यजयतेषुभिः ।
११८४-२ इत्यसंभाव्यमथवा विचित्रा वस्तुशक्तयः ॥

११८५-१ अनङ्गतापप्रशमाय तस्य कदर्थ्यमाना मुहुरामृणालं ।
११८५-२ मधौ मधौ नाकनदीनलिन्यो वरं वहन्तां शिशिरेऽनुरागं ॥

११८६-१ अनङ्ग पलितं मूर्ध्नि पश्यैतद्विजयध्वजं ।
११८६-२ इदानीं जितमस्माभिस्तवाकिंचित्कराः शराः ॥

११८७-१ अनङ्गबाणाकुलितस्य शंभोः शिरो भवानीचरणेऽतिनम्रं ।
११८७-२ विलोक्य काचिच्चरणे चरन्ती पिपीलिका चुम्बति चन्द्रबिम्बं ॥

११८८-१ अनङ्गमङ्गलगृहापाङ्गभङ्गितरङ्गितैः ।
११८८-२ आलिङ्गितः स तन्वङ्ग्या कार्तार्थ्यं लभते कदा ॥

११८९-१ अनङ्गमङ्गलभुवस्तदपाङ्गस्य भङ्गयः ।
११८९-२ जनयन्ति मुहुर्यूनां अन्तःसंतापसंततिं ॥

११९०-१ अनङ्गमङ्गलारम्भकुम्भाविव पयोधरौ ।
११९०-२ कस्य नार्तिहरौ तस्याः करपल्लवसंवृतौ ॥

११९१-१ अनङ्गरङ्गपीठोऽस्याः शृङ्गारस्वर्णविष्टरः ।
११९१-२ लावण्यसारसंघातः सा घना जघनस्थली ॥

११९२-१ अनङ्गरङ्गप्रतिमं तदङ्गं भङ्गीभिरङ्गीकृतमानताङ्ग्याः ।
११९२-२ कुर्वन्ति यूनां सहसा यथैताः स्वान्तानि शान्तापरचिन्तनानि ॥

११९३-१ अनङ्गरसचातुरीचपलचारुचेलाञ्चलश्चलन्मकरकुण्डलस्फुरितकान्तिगण्डस्थलः ।
११९३-२ व्रजोल्लसितनागरीनिकररासलास्योत्सुकः स मे सपदि मानसे स्फुरतु कोऽपि गोपालकः ॥

११९४-१ अनङ्गलङ्घनालग्ननानातङ्का सदङ्गना ।
११९४-२ सदानघ सदानन्द नताङ्गासङ्गसंगत ॥

११९५-१ अनङ्गशस्त्राणि नताङ्गि तीक्ष्णतां नयत्ययस्कार इवाम्बुदागमः ।
११९५-२ मलीमसाङ्गाररुचां पय्ॐउचां तथाहि मध्ये ज्वलितस्तडिच्छिखी ॥

११९६-१ अनङ्गीकृतकामानां अनुमानार्हवर्ष्मणां ।
११९६-२ ध्र्तनिर्मलतीर्थानां भूतिलेपो विभूषणं ॥

११९७-१ अनङ्गेनाबलासङ्गाज्जिता येन जगत्त्रयी ।
११९७-२ स चित्रचरितः कामः सर्वकामप्रदोऽस्तु वः ॥

११९८-१ अनङ्गोऽयमनङ्गत्वं अद्य निन्दिष्यति ध्रुवं ।
११९८-२ यदनेन न संप्राप्तः पाणिस्पर्शोत्सवस्तव ॥

११९९-१ अनञ्जितासिता दृष्टिर्भ्रूरनावर्जिता नता ।
११९९-२ अरञ्जितोऽरुणश्चायं अधरस्तव सुन्दरि ॥

१२००-१ अनणुरणन्मणिमेखल- मविरतशिञ्जानमञ्जुमञ्जीरं ।
१२००-२ परिसरणमरुणचरणे रणरणकमकारणं कुरुते ॥

१२०१-१ अनतिचिरोज्झितस्य जलदेन चिर- स्थितबहुबुद्बुदस्य पयसोऽनुकृतिं ।
१२०१-२ विरलविकीर्णवज्रशकला सकलां इह विदधाति धौतकलधौतमही ॥

१२०२-१ अनतिशयं स्वर्णचयं निवहन्नितरां प्रमोदये स्वान्ते ।
१२०२-२ किंतु तवैषा संपत्कस्योपकृते प्रतिब्रूहि ॥

१२०३-१ अनतिशिथिले पुंभावेन प्रगल्भबलाः खलु प्रसभमलयः पाथोजास्ये निविश्य निरित्वराः ।
१२०३-२ किमपि मुखतः कृत्वानीतं वितीर्य सरोजिनी- मधुरसमुषोयोगे जायां नवान्नमचीकरन् ॥

१२०४-१ अनधिगतमनोरथस्य पूर्वं शतगुणितेव गता मम त्रियामा ।
१२०४-२ यदि तु तव समागमे तथैव प्रसरति सुभ्रुततः कृती भवेयं ॥

१२०५-१ अनधीत्य यथा वेदान्न विप्रः श्राद्धमर्हति ।
१२०५-२ एवमश्रुतषाड्गुण्यो न मन्त्रं श्रोतुमर्हति ॥

१२०६-१ अनधीत्य स्वजशास्त्रं योऽन्यशास्त्रं समीहते वक्तुं ।
१२०६-२ सोऽहेः पदानि गणयति निशि तमसि जले चिरगतस्य ॥

१२०७-१ अनधीत्यार्थशास्त्रणि बहवः पशुबुद्धयः ।
१२०७-२ प्रागल्भ्याद्वक्तुमिच्छन्ति मन्त्रेष्वभ्यन्तरीकृताः ॥

१२०८-१ अनध्यवसितावगाहनमनल्पधीशक्तिनाप्यदृष्टपर्मार्थतत्त्वमधिकाभियोगैरपि ।
१२०८-२ मतं मम जगत्यलब्धसदृशप्रतिग्राहकं प्रयास्यति पयोनिधेः पय इव स्वदेहे जरां ॥

१२०९-१ अनध्वन्याः काव्येष्वलसगतयः शास्त्रगहनेष्वदुःखज्ञा वाचां परिणतिषु मूकाः परगुणे ।
१२०९-२ विदग्धानां गोष्ठीष्वकृतपरिचर्याश्च खलु ये भवेयुस्ते किं वा परभणितिकण्डूतिनिकषाः ॥

१२१०-१ अनन्तं बत मे वित्तं यस्य मे नास्ति किंचन ।
१२१०-२ मिथिलायां प्रदीप्तायां न मे दह्यति किंचन ॥

१२११-१ अनन्तकोपादिचतुष्टयोदये त्रिभेदमिथ्यात्वमलोदये तथा ।
१२११-२ दुरन्तमिथ्यात्वविषं शरीरिणां अनन्तसंसारकरं प्ररोहति ॥

१२१२-१ अनन्तख्यातिसंपन्नः शुद्धसत्त्वः सधीबलः ।
१२१२-२ धत्ते बहुमुखं भोगं श्रुतिदृष्टिस्थिराशयः ॥

१२१३-१ अनन्ततत्त्वं परिगृह्य धात्रा विनिर्मितोऽस्याः किल मध्यभागः ।
१२१३-२ अणुः परं योगिदृशानुलक्ष्यः सच्चित्कलास्थैर्यबलावनद्धः ॥

१२१४-१ अनन्तनामधेयाय सर्वाकारविधायिने ।
१२१४-२ समस्तमन्त्रवाच्याय विश्वैकपतये नमः ॥

१२१५-१ अनन्तपदविन्यासरचना सरसा कवेः ।
१२१५-२ बुधो यदि समीपस्थो न कुजन्यः पुरो यदि ॥

१२१६-१ अनन्तपारं किल शब्दशास्त्रं स्वल्पं तथायुर्बहवश्च विघ्नाः ।
१२१६-२ यत्सारभूतं तदुपासनीयं हंसैर्यथा क्षीरमिवाम्बुमध्यात् ॥

१२१७-१ अनन्तरत्नप्रभवस्य यस्य हिमं न सौभाग्यविलोपि जातं ।
१२१७-२ एको हि दोषो गुणसंनिपाते निमज्जतीन्दोः किरणेष्विवाङ्कः ॥

१२१८-१ अनन्तरमरिं वद्यादरिसेविनमेव च अरेरनन्तरं मित्रं उदासीनं तयोः परं ॥

१२१९-१ अनन्तविभवभ्रष्टा दौर्ब्भाग्यपरितापिनी ।
१२१९-२ शोच्यति प्राप्य जीवत्वं भर्तृहीनेव नायिका ॥

१२२०-१ अनन्तशास्त्रं बहुलाश्च विद्याः स्वल्पश्च कालो बहुविध्नता च ।
१२२०-२ यत्सारभूतं तदुपासनीयं हंसो यथा क्षीरमिवाम्बुमध्यात् ॥

१२२१-१ अनन्तासौ कीर्तिः कविकुमुदबन्धोः क्षितिपतेस्त्रिलोकीयं क्षुद्रा तदिह कथमस्याः स्थितिरिति ।
१२२१-२ मुधेयं वः शङ्का कलयत कियद्दर्पणतलं विशाला किं तत्र स्फुरति न कवीन्द्रप्रतिकृतिः ॥

१२२२-१ अनन्तोद्भूतभूतौघसंकुले भूतलेऽखिले ।
१२२२-२ शस्त्रे शास्त्रे त्रिचतुराश्चतुरा यदि मादृशाः ॥

१२२३-१ अनन्यक्षुण्णश्रीर्मलयवनजन्मायमनिलो निपीय स्वेदाम्बु स्मरमकरसंभुक्त्तविभवं ।
१२२३-२ विदर्भाणां भूरि प्रियतमपरीरम्भरभस- प्रसङ्गादेङ्गानि द्विगुणपुलकासञ्जि तनुते ॥

१२२४-१ अनन्यशोभाभिभवेयमाकृतिर्विमानना सुभ्रु कुतः पितुर्गृहे ।
१२२४-२ पराभिमर्शो न तवास्ति कः करं प्रसारयेत्पन्नगरत्नसूचये ॥

१२२५-१ अनन्यसाधारणकान्तिकान्त- तनोरमुष्याः किमु मध्य़देशः ।
१२२५-२ जगत्त्रयीजन्मभृतां निषण्णा चित्तावलीयं त्रिवलीमिषेण ॥

१२२६-१ अनन्यसाधारणसौरभान्वितं दधानमत्युज्ज्वलपुष्पसंपदः ।
१२२६-२ न चम्पकं भृङ्गगणः सिषेवे कथं सुगन्धेर्मलिनात्मनां रतिः ॥

१२२७-१ अनन्यसामान्यतया प्रसिद्धस्त्यागीति गीतो जगतीतले यः ।
१२२७-२ अभूदहंपूर्विकया गतानां अतीव भूमिः स्मरमार्गणानां ॥

१२२८-१ अनन्यालम्बनत्वेन प्रेम भागवतं भज ।
१२२८-२ नृणां प्रेमेति का मात्रा प्राप्तं प्रेम प्रभोर्यदि ॥

१२२९-१ अनन्याश्चिन्तयन्तो मां ये जनाः पर्युंपासते ।
१२२९-२ तेषां नित्याभियुक्तानां योगक्षेमं वहाम्यहं ॥

१२३०-१ अनन्याश्रितचित्तेन सेवितोऽपि च वारिदः ।
१२३०-२ सिंञ्चेन्न चेत्तदा मन्ये चातकस्यैव पातकं ॥

१२३१-१ अनपेक्षितगुरुवचना सर्वान्ग्रन्थीन्विभेदयति सम्यक् ।
१२३१-२ प्रकटयति पररहस्यं विमर्शशक्त्तिर्निजा जयति ॥

१२३२-१ अनभिज्ञाय शास्त्रार्थान्पुरुषाः पशुबुद्धयः ।
१२३२-२ प्रागल्भ्याद्वक्तुमिच्छन्ति मन्त्रेष्वभ्यन्तरीकृताः ॥

१२३३-१ अनभिज्ञो गुणानां यो न भृत्यैः सोऽनुगम्यते ।
१२३३-२ धनाढ्योऽपि कुलीनोऽपि क्रमायातोऽपि भूपतिः ॥

१२३४-१ अनभिध्या परस्वेषु सर्वसत्त्वेषु सौहृदं ।
१२३४-२ कर्मणां फलमस्तीति त्रिविधं मनसा चरेत् ॥

१२३५-१ अनभिलषतः श्रीलीलाब्जे परागविलेपनं त्रिदशकरिणः पातुं दानप्रवाहमवाञ्छतः ।
१२३५-२ त्रिदशसुमनोगन्धासक्तिं विमुक्तवतः सखे बत खलु शिवा संतुष्टस्य द्विरेफ तव स्थितिः ॥

१२३६-१ अनभ्यासहतोत्साहा परेण परिभूयते ।
१२३६-२ या लज्जाजननी जाड्यात्किं तया मन्दविद्यया ॥

१२३७-१ अनभ्यासहता विद्या हतो राजविरोधकृत् ।
१२३७-२ जीवनार्थं हतं तीर्थं जीवनार्थं हतं व्रतं ॥

१२३८-१ अनभ्यासेन विद्यानां असंसर्गेण धीमतां ।
१२३८-२ अनिग्रहेण चाक्षाणां जायते व्यसनं नृणां ॥

१२३९-१ अनभ्यासेन वेदानां आचारस्य च वर्जनात् ।
१२३९-२ आलस्यादन्नदोषाच्च मृत्युर्विप्रान्जिघांसति ॥

१२४०-१ अनम्यासैर्हता विद्या नित्यहासैर्हताः स्त्रियः ।
१२४०-२ कुबीजेन हतं क्षेत्रं भृत्यदोषैर्हता नृपाः ॥

१२४१-१ अनभ्रवृष्टिः श्रवणामृतस्य सरस्वती विभ्रमजन्मभूमिः ।
१२४१-२ वैदर्भरीतिः कृतिनामुदेति सौभाग्यलाभप्रतिभूः पदानां ॥

१२४२-१ अनभ्रेविद्युतं दृष्ट्वा दक्षिणां दिशमाश्रितां ।
१२४२-२ रात्राविन्द्रधनुश्चापि जीवितं द्वित्रिमासिकं ॥

१२४३-१ अनम्राक्रमणं शौर्यं धनं निजभुजार्जितं भार्या रूपानुरूपा च पुरुषस्येह युज्यते ॥

१२४३-२ अन्यथा तु किमेतेन रूपेणापि . . .

१२४४-१ अनयनपथे प्रिये न व्यथा यथा दृश्य एव दुष्प्रापे ।
१२४४-२ म्लानैव केवलं निशि तपनशिला वासरे ज्वलति ॥

१२४५-१ अनयश्च नयश्चापि दैवात्संपद्यते नरैः ।
१२४५-२ तद्वशात्कुरुते कर्म शुभाशुभफलं पुमान् ॥

१२४६-१ अनया कृतमन्यभुक्तया वसुधागोचरया विरक्तया ।
१२४६-२ अतिशायि महेन्द्रयोषितां वपुषा किं न तवावरोधनं ॥

१२४७-१ अनया जघनाभोगभरमन्थरयानया ।
१२४७-२ अन्यतोऽपि व्रजन्त्या मे हृदये निहितं पदं ॥

१२४८-१ अनया तव रूपसीमया कृतसंस्कारविबोधनस्य मे ।
१२४८-२ चिरमप्यवलोकिताद्य सा स्मृतिमारूढवती शुचिस्मिता ॥

१२४९-१ अनयानुक्रमणिकया मुक्तामणयो मयाभिहिताः ।
१२४९-२ एकैकोऽपि हि भास्वान्किं पुनरेषां निगद्यते निकरः ॥

१२५०-१ अनया रत्नसमृद्ध्या सागर लहलहसि किमिह लहरीभिः ।
१२५०-२ त्वद्वल्लभा वराक्यो वहन्ति वर्षासु वारीणि ॥

१२५१-१ अनया सुरकाम्यमानया सह योगः सुलभस्तु न त्वया ।
१२५१-२ घनसंवृतयाम्बुदागमे कुमुदेनेव निशाकरत्विषा ॥

१२५२-१ अनयेनेव राज्यश्रीर्दैन्येनेव मनस्विता ।
१२५२-२ मम्लौ साथ विषादेन पद्मिनीव हिमाम्भसा ॥

१२५३-१ अनयोरनवद्याङ्गि स्तनयोर्जृम्भमाणयोः ।
१२५३-२ अवकाशो न पर्याप्तस्तव बाहुलतान्तरे ॥

१२५४-१ अनयो विनयस्तस्य विधिर्यस्यानुवर्तते ।
१२५४-२ नयः सम्यक्प्रयुक्तोऽपि भाग्यहीनस्य दुर्नयः ॥

१२५५-१ अनर्घ्यं सौन्दर्यं जगदुपरि माधुर्यलहरी- परीतं सौरभ्यं दिशि दिशि रसैकव्यसनिता ।
१२५५-२ इति प्रीत्यास्माभिस्त्वयि खलु रसाले व्यवसितं क एवं जानीते यदसि कटुकीटैरुपहतः ॥

१२५६-१ अनर्घ्यमपि माणिक्यं हेमाश्रयमपेक्षते ।
१२५६-२ अनाश्रया न शोभन्ते पण्डिता वनिता लताः ॥

१२५७-१ अनर्घ्यलावण्यनिधानभूमिर्न कस्य लोभं लटभा तनोति ।
१२५७-२ अवैमि पुष्पायुधयामिकोऽस्यां अविश्वसन्न क्षणमेति निद्रां ॥

१२५८-१ अनर्घ्याण्यपि रत्नानि लभ्यन्ते विभवैः सुखं ।
१२५८-२ दुर्लभो रत्नकोट्यापि क्षणोऽपि हि गतायुषः ॥

१२५९-१ अनर्थकं विप्रवासं गृहेभ्यः पापैः संधिं परदाराभिमर्शं ।
१२५९-२ दम्भं स्तैन्यं पैशुनं मद्यपानं न सेवते यः स सुखी सदैव ॥

१२६०-१ अनर्थमकरागारादस्मात्संसारसागरात् ।
१२६०-२ उड्डीयते निरुद्वेगं सर्वत्यागेन पुत्रक ॥

१२६१-१ अनर्थमर्थतः पश्यन्नर्थं चैवाप्यनर्थतः ।
१२६१-२ इन्द्रियैः प्रसृतो बालः सुदुःखं मन्यते सुखं ॥

१२६२-१ अनर्थां श्चार्थरूपेण अर्थांश्चानर्थरूपतः ।
१२६२-२ अर्थायैव हि केषांचिद्धननाशो भवत्युत ॥

१२६३-१ अनर्था ह्यर्थरूपाश्च अर्थाश्चानर्थरूपिणः ।
१२६३-२ भवन्ति ते विनाशाय दैवायत्तस्य रोचते ॥

१२६४-१ अनर्थितर्पणं वित्तं चित्तमध्यानदर्पणं ।
१२६४-२ अतीर्थसर्पणं देहं पर्यन्ते शोच्यतां व्रजेत् ॥

१२६५-१ अनर्थित्वान्मनुष्याणां भयात्परिजनस्य च ।
१२६५-२ मर्यादायाममर्यादाः स्त्रियस्तिष्ठन्ति भर्तृषु ॥

१२६६-१ अनर्थे चैव निरतं अर्थे चैव पराङ्मुखं ।
१२६६-२ न तं भर्तारमिच्छन्ति षण्ढं पतिमिव स्त्रियः ॥

१२६७-१ अनर्थोऽप्यर्थरूपेण तथार्थोऽनर्थरूपभाक् ।
१२६७-२ उत्पद्यते विनाशाय तस्मादुक्तं परीक्षयेत् ॥

१२६८-१ अनलंकृतोऽपि माधव हरसि मनो मे सदा प्रसभं ।
१२६८-२ किं पुनरलंकृतस्त्वं संप्रति नखरक्षतैस्तस्याः ॥

१२६९-१ अनलः शीतनाशाय विषनाशाय गारुडं ।
१२६९-२ विवेको दुःखनाशाय सर्वनाशाय दुर्मतिः ॥

१२७०-१ अनलः सलिलाज्जातः कार्त्तिकेयोऽपि वह्नितः ।
१२७०-२ गूढं हि महतां जन्म परिच्छेत्तुं क ईश्वरः ॥

१२७१-१ अनलसजवापुष्पोत्पीडच्छवि प्रथमं ततः समदयवनीगण्डच्छायं पुनर्मधुपिङ्गलं ।
१२७१-२ तदनु च नवस्वर्णादर्शप्रभं शशिनस्ततस्तरुणतगराकारं बिम्बं विभाति नभस्तले ॥

१२७२-१ अनलस्तम्भनविद्यां सुभग भवान्नियतमेव जानाति ।
१२७२-२ मन्मथशराग्नितप्ते हृदि मे कथमन्यथा वससि ॥

१२७३-१ अनल्पं जल्पन्तः कति बत गता नो यमपुरं पुरस्तादस्माकं विधृतनयना व्यात्तवदनाः ।
१२७३-२ अतीता यद्येवं न हि निजहितं चेतसि वयं वहामो हा मोहाद्विषयविषजातादवसिताः ॥

१२७४-१ अनल्पं संतापं शमयति मनोजन्मजनितं तथा शीतं स्फीतं हिमवति निशीथे ग्लपयति ।
१२७४-२ तदेवं कोऽप्यूष्मा रमणपरिरम्भोत्सवमिलत्- पुरन्ध्रीनीरन्ध्रस्तनकलशजन्मा विजयते ॥

१२७५-१ अनल्पचिन्ताभरमोहनिश्चला विलोक्यमानैव करोति साध्वसं ।
१२७५-२ स्वभावशोभानतिमात्रभूषणा तनुस्तवेयं बत किं नु सुन्दरि ॥

१२७६-१ अनल्पत्वात्प्रधानत्वाद्वंशस्येवेतरे स्वराः ।
१२७६-२ विजिगीषोर्नृपतयः प्रयान्ति परिवारतां ॥

१२७७-१ अनवद्यमवद्यं स्याद्वारुणीलेशमात्रतः ।
१२७७-२ तद्वच्छिष्यो विरुद्धार्थाद्विगुरोरेव नश्यति ॥

१२७८-१ अनवरतकनकवितरण- जललवभृतकरतरङ्गितार्थिततेः ।
१२७८-२ भणितिरिव मतिर्मतिरिव चेष्टा चेष्टेव कीर्तिरतिविमला ॥

१२७९-१ अनवरतधनुर्ज्यास्फालनक्रूरपूर्वं रविकिरणसहिष्णु स्वेदलेशैरभिन्नं ।
१२७९-२ अपचितमपि गात्रं व्यायतत्वादलक्ष्यं गिरिचर इव नागः प्राणसारं बिभर्ति ॥

१२८०-१ अनवरतनयनविगलित- जललवघटिताक्षसूत्रवलयेन ।
१२८०-२ मृत्युंजयमिव जपति त्वद्गोत्रं विरहिणी बाला ॥

१२८१-१ अनवरतनयनविगलित- जललवपरिमुषितपत्त्रलेखान्तं ।
१२८१-२ करतलनिषण्णमबले वदनमिदं कं न तापयति ॥

१२८२-१ अनवरतपरोपकरण- व्यग्रीभवदमलचेतसां महतां ।
१२८२-२ आपातकाटवानि स्फुरन्ति वचनानि भेषजानीव ॥

१२८३-१ अनवरतरसेन रागभाजा करजपरिक्षतिलब्धसंस्तवेन ।
१२८३-२ सपदि तरुणपल्लवेन वध्वा विगतदयं खलु खण्डितेन मम्ले ॥

१२८४-१ अनवसरे च यदुक्त्तं सुभाषितं तच्च भवति हास्याय ।
१२८४-२ रहसि प्रौढवधूनां रतिसमये वेदपाठ इव ॥

१२८५-१ अनवस्थितचित्तस्य न जने न वने सुखं ।
१२८५-२ जने दहति संसर्गो वने सङ्गविवर्जनं ॥

१२८६-१ अनवस्थितचित्तानां प्रसादोऽपि भयंकरः ।
१२८६-२ सर्पी हन्ति किल स्नेहादपत्यानि न वैरतः ॥

१२८७-१ अनवहितः किमशक्त्तो विबुधैरभ्यर्थितः किमतिरसिकः ।
१२८७-२ सर्वंकषोऽपि कालस्तिरयति सूक्तानि न कवीनां ॥

१२८८-१ अनवाप्यं च शोकेन शरीरं चोपतप्यते ।
१२८८-२ अमित्राश्च प्रहृष्यन्ति मा स्म शोके मनः कृथाः ॥

१२८९-१ अनवेक्षितमर्यादं नास्तिकं विप्रलुम्पकं ।
१२८९-२ अरक्षितारमत्तारं नृपं विद्यादधोगतिं ॥

१२९०-१ अनव्यये व्ययं याति व्यये याति सुविस्तृतिं ।
१२९०-२ अपूर्वस्तव कोशोऽयं विद्याकोशेषु भारति ॥

१२९१-१ अनसि सीदति सैकतवर्त्मनि प्रचुरभारभरक्षपितौक्षके ।
१२९१-२ गुरुभरोद्धरणोद्धुरकंधरं स्मरति सारथिरेष धुरंधरं ॥

१२९२-१ अनसूयः कृतप्रज्ञः शोभनान्याचरन्सदा ।
१२९२-२ अकृच्छ्रात्सुखमाप्नोति सर्वत्र च विराजते ॥

१२९३-१ अनसूया क्षमा शान्तिः संतोषः प्रियवादिता ।
१२९३-२ कामक्रोधपरित्यागः शिष्टाचारनिदर्शनं ॥

१२९४-१ अनसूयार्जवं शौचं संतोषः प्रियवादिता ।
१२९४-२ दमः सत्यमनायासो न भवन्ति दुरात्मनां ॥

१२९५-१ अनस्तमितसारस्य तेजसस्तद्विजृम्भितं ।
१२९५-२ येन पाषाणखण्डस्य मूल्यमल्पं वसुंधरा ॥

१२९७-१ अनाकलितमानुष्याः क्षमासंस्पर्शवर्जिताः ।
१२९७-२ प्रतिबुद्धैर्न सेव्यन्ते पूर्वदेवविरोधिनः ॥

१२९८-१ अनाकाशे चन्द्रः सरसिजदलद्वन्द्वसहितो गृहीतः पश्चार्धे कुटिलकुटिलैः सोऽपि तिमिरैः ।
१२९८-२ सुधां मुञ्चत्युच्चैरनिशमथ संमोहजननीं किमुत्पातालीयं वदत जगतः कर्तुमुदिता ॥

१२९९-१ अनाकूतैरेव प्रियसहचरीणां शिशुतया वचोभिः पाञ्चालीमिथुनमधुना संगमयितुं ।
१२९९-२ उपादत्ते नो वा विरमति न वा केवलमियं कपोलौ कल्याणी पुलकमुकुलैर्दन्तुरयति ॥

१३००-१ अनाकृष्टस्य विषयैर्विद्यानां पारदृश्वनः ।
१३००-२ तस्य धर्मरतेरासीद्वृद्धत्वं जरसा विना ॥

१३०१-१ अनागतं भयं दृष्ट्वा नीतिशास्त्रविशारदः ।
१३०१-२ अवसन्मूषकस्तत्र कृत्वा शतमुखं बिलं ॥

१३०२-१ अनागतं यः कुरुते स शोभते स शोचते यो न करोत्यनागतं ।
१३०२-२ वने वसन्नेव जरामुपागतो बिलस्य वाचा न कदापि हि श्रुता ॥

१३०३-१ अनागतं हि बुध्येत यच्च कार्यं पुरः स्थितं ।
१३०३-२ न तु बुद्धिक्षयात्किंचिदतिक्रामेत्प्रयोजनं ॥

१३०४-१ अनागतवर्तीं चिन्तां कृत्वा यस्तु प्रहृष्यति ।
१३०४-२ स तिरस्कारमाप्नोति भग्नभाण्डो द्विजो यथा ॥

१३०५-१ अनागतवतीं चिन्तां यो नरः कर्तुमिच्छति ।
१३०५-२ स भूमौ पाण्डुरः शेते स्ॐअशर्मपिता यथा ॥

१३०६-१ अनागतविधाता च प्रत्युत्पन्नमतिश्च यः ।
१३०६-२ द्ववेव सुखमेधेते दीर्घसूत्री विनश्यति ॥

१३०७-१ अनागतविधातारं अप्रमत्तमकोपनं ।
१३०७-२ स्थिरारम्भमदीनं च नरं श्रीरुपतिष्ठति ॥

१३०८-१ अनागतविधानं च कर्तव्यं विषये नृपैः ॥

१३०८-२ आगमश्चापि कर्तव्यस्तथा दोषो न जायते ॥

१३०९-१ अनागतविधानं तु कर्तव्यं शुभमिच्छता ।
१३०९-२ आपदं शङ्कमानेन पुरुषेण विपश्चिता ॥

१३१०-१ अनागतोपधं हिंस्रं दुर्बुद्धिमबहुश्रुतं ।
१३१०-२ त्यक्त्तोपात्तं मद्यपानद्यूतस्त्रीमृगयाप्रियं ॥

१३१०-३ कार्ये महति युञ्जानो हीयतेऽर्थपतिः श्रिया ॥

१३११-१ अनाघ्रातं पुष्पं किसलयमलूनं कररुहैरनाविद्धं रत्नं मधु नवमनास्वादितरसं ।
१३११-२ अखण्डं पुण्यानां फलमिव च तद्रूपमनघं न जाने भोक्त्तारं कमिह समुपस्थास्यति विधिः ॥

१३१२-१ अनातपत्रोऽप्ययमत्र लक्ष्यते सितातपत्रैरिव सर्वतो वृतः ।
१३१२-२ अचामरोऽप्येष सदैव वीज्यते विलासबालव्यजनेन कोऽप्ययं ॥

१३१३-१ अनातुरोत्कण्ठितयोः प्रसिध्यता समागमेनापि रतिर्न मां प्रति ।
१३१३-२ परस्परप्राप्तिनिराशयोर्वरं शरीरनाशोऽपि समानुरागयोः ॥

१३१४-१ अनात्मवान्नयद्वेषी वर्धयन्नरिसंपदः ।
१३१४-२ प्राप्यापि महदैश्वर्यं सह तेन विनश्यति ॥

१३१५-१ अनाथानां दरिद्राणां बालवृद्धतपस्विनां ।
१३१५-२ अन्यायपरिभूतानां सर्वेषां पार्थिवो गतिः ॥

१३१६-१ अनाथानां नाथो गतिरगतिकानां व्यसनिनां विनेता भीतानामभयमधृतीनां भरवशः ।
१३१६-२ सुहृद्बन्धुः स्वामी शरणमुपकारी वरगुरुः पिता माता भ्राता जगति पुरुषो यः स नृपतिः ॥

१३१७-१ अनाथान्रोगिणो यश्च पुत्रवत्परिपालयेत् ।
१३१७-२ गुरुणा समनुज्ञातः स भिषक्च्छब्दमश्नुते ॥

१३१८-१ अनादरपरो विद्वानीहमानः स्थिरां श्रियं ।
१३१८-२ अग्नेः शेषमृणाच्छेषं शत्रोः शेषं न शेषयेत् ॥

१३१९-१ अनादरहतां सेवां दाम्पत्यं प्रेमवर्जितं ।
१३१९-२ मैत्रीं च हेतुसापेक्षां चे तना नाधिकुर्वते ॥

१३२०-१ अनादरालोकविवृद्धशोकः पितुः प्रियावाक्यवशंगतस्य ।
१३२०-२ औत्तानपादिर्जगतां शरण्यं आराध्य विष्णुं पदमग्र्यमायात् ॥

१३२१-१ अनादायी व्ययं कुर्यादसहायी रणप्रियः ।
१३२१-२ आतुरः सर्वभक्षी च नरः शीघ्रंविनश्यति ॥

१३२२-१ अनादिधाविस्वपरंपराया हेतुस्रजः स्रोतसि वेश्वरे वा ।
१३२२-२ आयत्तधीरेष जनस्तदार्याः किमीदृशः पर्यनुयोगयोग्यः ॥

१३२३-१ अनादिष्टोपि भूपस्य दृष्ट्वा हानिकरं च यः ।
१३२३-२ यतते तस्य नाशाय स भृत्योऽर्हो महीभुजां ॥

१३२४-१ अनादृत्यौचित्यं ह्रियमविगणय्यातिमहतीं यदेतस्याप्यर्थे धनलवदुराशातरलिताः ।
१३२४-२ अलीकाहंकारज्वरकुटिलितभ्रूणि धनिनां मुखानि प्रेक्ष्यन्ते धिगिदमतिदुष्पूरमुदरं ॥

१३२५-१ अनादेयं नाददीत परिक्षीणोऽपि पार्थिवः ।
१३२५-२ न चादेयं समृद्धोऽपि सूक्ष्ममप्यर्थमुत्सृजेत् ॥

१३२६-१ अनादेयस्य चादानादादेयस्य च वर्जनात् ।
१३२६-२ दौर्बल्यं ख्याप्यते राज्ञः स प्रेत्येह च नश्यति ॥

१३२७-१ अनाद्यन्ता तु सा तृष्णा अन्तर्देहगता नृणां ।
१३२७-२ विनाशयति संभूता अयोनिज इवानलः ॥

१३२८-१ अनाप्तपुण्योपचयैर्दुरापा फलस्य निर्धूतरजाः सवित्री ।
१३२८-२ तुल्या भवद्दर्शनसंपदेषा वृष्टेर्दिवो वीतबलाहकायाः ॥

१३२९-१ अनाम्नायमला वेदा ब्राह्मणस्याव्रतं मलं ।
१३२९-२ मलं पृथिव्या वाहीकाः पुरुषस्यानृतं मलं ॥

१३३०-१ अनायका विनश्यन्ति नश्यन्ति बहुनायकाः ।
१३३०-२ स्त्रीनायका विनश्यन्ति नश्यन्ति शिशुनायकाः ॥

१३३१-१ अनायके न वस्तव्यं न वसेद्बहुनायके ।
१३३१-२ स्त्रीनायके न वस्तव्यं न वसेद्बालनायके ॥

१३३२-१ अनायव्ययकर्ता च अनाथः कलहप्रियः ।
१३३२-२ आतुरः सर्वभक्षी च नरः शीघ्रं विनश्यति ॥

१३३३-१ अनायासकृशं मध्यं अशङ्कतरले दृशौ ।
१३३३-२ अभूषणमनोहारि वपुर्वयसि सुभ्रुवः ॥

१३३४-१ अनायि देशः कतमस्त्वयाद्य वसन्तमुक्तस्य दशां वनस्य ।
१३३४-२ त्वदाप्तसंकेततया कृतार्था श्रव्यापि नानेन जनेन संज्ञा ॥

१३३५-१ अनारतं तेन पदेषु लम्भिता विभज्य सम्यग्विनियोगसत्क्रियाः ।
१३३५-२ फलन्त्युपायाः परिबृंहितायतीरुपेत्य संघर्षमिवार्थसंपदः ॥

१३३६-१ अनारतं प्रतिदिशं प्रतिदेशं जले स्थले ।
१३३६-२ जायन्ते च म्रियन्ते च बुद्बुदा इव वारिणि ॥

१३३७-१ अनारतपरिस्खलन्नयनवारिधाराशत- प्रवृद्धपथनिम्नगासलिलरुद्धयानोद्यमा ।
१३३७-२ त्वदीयरिपुकामिनी बहुविदेशयानैषिणी विनिन्दति वलद्दृशा गुरुरुषाश्रुपं प्रावृषं ॥

१३३८-१ अनारब्धाक्षेपं परमकृतवाष्पव्यतिकरं निगूढान्तस्तापं हृदयविनिपीतं व्यवसितं ।
१३३८-२ कृशाङ्ग्या यत्पापे व्रजति मयि नैराश्यपिशुनं श्लथैरङ्गैरुक्तं हृदयमिदमुन्मूलयति तत् ॥

१३३९-१ अनारभ्या भवन्त्यर्थाः केचिन्नित्यं तथागताः ।
१३३९-२ कृतः पुरुषकारोऽपि भवेद्येषु निरर्थकः ॥

१३४०-१ अनारम्भस्तु कार्याणां प्रथमं बुद्धिलक्षणं ।
१३४०-२ आरब्धस्यान्तगमनं द्वितीयं बुद्धिलक्षणं ॥

१३४१-१ अनाराध्य कालीमनास्वाद्य गौडी- मृते मन्त्रतन्त्राद्विना शब्दचौर्यात् ।
१३४१-२ प्रबन्धं प्रगल्भं प्रकर्तुं प्रवक्तुं विरिञ्चिप्रपञ्चे मदन्यः कविः कः ॥

१३४२-१ अनारोग्यमनायुष्यं अस्वर्ग्यं चातिभोजनं ।
१३४२-२ अपुण्यं लोकविद्विष्टं तस्मात्तत्परिवर्जयेत् ॥

१३४३-१ अनार्यता निष्ठुरता क्रूरता निष्क्रियात्मता ।
१३४३-२ पुरुषं व्यञ्जयन्तीह लोके कलुषयोनिजं ॥

१३४४-१ अनार्यप्रज्ञानामिह जनवधूनां हि मनसो महाशल्यं कर्णे तव कनकजम्बूकिसलयः ।
१३४४-२ भ्रमन्भिक्षाहेतोरधिनगरि बुद्धोऽसि न मया

?

त्वयैतावद्वेषः पथिक न विधेयः पुनरपि ॥

१३४५-१ अनार्यमप्याचरितं कुमार्या भवान्मम क्षाम्यतु स्ॐय तावत् ।
१३४५-२ हंसोऽपि देवांशतयासि वन्द्यः श्रीवत्सलक्ष्मेव हि मत्स्यमूर्तिः ॥

१३४६-१ अनार्यवृत्तमप्राज्ञं असूयकमधार्मिकं ।
१३४६-२ अनर्थाः क्षिप्रमायान्ति वाग्दुष्टं क्रोधनं तथा ॥

१३४७-१ अनार्येण कृतघ्नेन संगतिर्मे न युज्यते ।
१३४७-२ विनाशमपि काङ्क्षन्ति ज्ञातीनां ज्ञातयः सदा ॥

१३४८-१ अनालोक्य व्ययं कर्त्ता अनाथः कलहप्रियः ।
१३४८-२ आतुरः सर्वक्षेत्रेषु नरः शीघ्रं विनश्यति ॥

१३४९-१ अनालोच्य प्रेम्णः परिणतिमनादृत्य सुहृदस्त्वयाकाण्डे मानः किमिति सरले संप्रति कृतः ।
१३४९-२ समाकृष्टा ह्येते प्रलयदहनोद्भासुरशिखाः स्वहस्तेनाङ्गारास्तदलमधुनारण्यरुदितैः ॥

१३५०-१ अनावर्ती कालो व्रजति स वृथा तन्न गणितं दशास्तास्ताः सोढा व्यसनशतसंपातविधुराः ।
१३५०-२ कियद्वा वक्ष्यामः किमिव बत नात्मन्युपकृतं वयं यावत्तावत्पुनरपि तदेव व्यवसितं ॥

१३५१-१ अनावर्जितचित्तापि ध्रुवं सर्वान्प्रधावति ।
१३५१-२ फलं न लभते किंचित्तृष्णा जीर्णेव कामिनी ॥

१३५२-१ अनाविलं फलं भुङ्क्ते विषयाणामनुत्सुकः ।
१३५२-२ उत्सुको लब्धरोकेण तत्र शोकेन शीर्यते ॥

१३५३-१ अनावृतनवद्वारपञ्जरे विहगानिलः ।
१३५३-२ यत्तिष्ठति तदाश्चर्यं वियोगे तस्य का कथा ॥

१३५४-१ अनावृताः स्ववर्णेषु सर्वसाधारणाः पुरा ।
१३५४-२ नार्यो बभूवुर्निर्वैरो यतः सर्वोऽभवज्जनः ॥

१३५५-१ अनावृष्टिहते देशे सस्ये च प्रलयं गते ।
१३५५-२ धन्यास्तात न पश्यन्ति देशभङ्गं कुलक्षयं ॥

१३५६-१ अनाश्रिता दानपुण्यं वेदपुण्यमनाश्रिताः ।
१३५६-२ रागद्वेषविनिर्मुक्ता विचरन्तीह मोक्षिणः ॥

१३५७-१ अनाश्रिते दृप्तगुरौ अवज्ञां कलयेन्नृपः ।
१३५७-२ संवर्तेन मरुत्तस्तु निरस्तमकरोद्गुरुं ॥

१३५८-१ अनास्था वस्तूनामभिमतगुणानामुपहृतौ घनो गर्वस्तन्व्या रुषि च विहिताडम्बरविधिः ।
१३५८-२ प्रहारः पादाभ्यां यमनमपि काञ्च्या चरणयोः प्रियाया विब्बोकं तदिदमिति धन्योऽनुभवति ॥

१३५९-१ अनास्वादितसंभोगाः पतन्तु तव शत्रवः ।
१३५९-२ बालवैधव्यदग्धानां कुलस्त्रीणां स्तना इव ॥

१३६०-१ अनास्वाद्यमविक्रेयं अनादेयमनीप्सितं ।
१३६०-२ दत्तं निरुपकारं यद्वन्ध्यदानेन तेन किं ॥

१३६१-१ अनाहिताग्निः शतगुरयज्वा च सह्स्रगुः ।
१३६१-२ सुरापो वृषलीभर्ता ब्रःमहा गुरुतल्पगः ॥

१३६२-१ असत्प्रतिग्रहे युक्त्तः स्तेनः कुत्सितयाजकः ।
१३६२-२ अदोषस्त्यक्तुमन्योन्यं कर्मसंकरनिश्चयात् ॥

१३६३-१ अनाहूतः प्रविशति अपृष्टो बहु भाषते ।
१३६३-२ विश्वसित्यप्रमत्तेषु मूढचेता नराधमः ॥

१३६३आ-१ अनाहूतः समायातः अनापृष्टस्तु भाषते ।
१३६३आ-२ परनिन्दात्मनः स्तुतिश्चत्वारि लघुलक्षणं ॥

१३६४-१ अनाहूतप्रविष्टस्य दृष्टस्य क्रुद्धचक्षुषा ।
१३६४-२ स्वयमेवोपविष्टस्य वरं मृत्युर्न भोजनं ॥

१३६५-१ अनहूताः स्वयं यान्ति रसास्वादविलोलुपाः ।
१३६५-२ निवारिता न गच्छन्ति मक्षिका इव भिक्षुकाः ॥

१३६६-१ अनाहूतो विशेद्यस्तु अपृष्टो बहु भाषते ।
१३६६-२ आत्मानं मन्यते प्रीतं भूपालस्य स दुर्मतिः ॥

१३६७-१ अनाह्वाने प्रवेशश्च अपृष्टे परिभाषणं ।
१३६७-२ आत्मस्तुतिः परे निन्दा चत्वारि लघुलक्षणं ॥

१३६८-१ अनिच्छतोऽपि दुःखानि यथेहायान्ति देहिनः ।
१३६८-२ सुखान्यपि तथा मन्ये चिन्तादैन्येन को गुणः ॥

१३६९-१ अनिःसरन्तीमपि गेहगर्भात्कीर्तिं परेषामसतीं वदन्ति ।
१३६९-२ स्वैरं भ्रमन्तीमपि च त्रिलोक्यां त्वत्कीर्तिमाहुः कवयः सतीं तु ॥

१३७०-१ अनिच्छन्तोऽपि विनयं विद्याभ्यासेन बालकाः ।
१३७०-२ भेषजेनेव नैरुज्यं प्रापणीयाः प्रयत्नतः ॥

१३७१-१ अनिच्छन्नपि चित्तेन विदेशस्थोऽपि मानवः ।
१३७१-२ स्वकर्मोत्पातवातेन नीयते यत्र तत्फलं ॥

१३७२-१ अनिज्यया विवाहैश्च वेदस्योत्सादनेन च ।
१३७२-२ कुलान्यकुलतां यान्ति धर्मस्यातिक्रमेण च ॥

१३७३-१ अनित्यं निस्राणं जननमरणव्याधिकलितं जगन्मिथ्यात्वार्थैरहमहमिकालिङ्गितमिदं ।
१३७३-२ विचिन्त्यैवं सन्तो विमलमनसो धर्ममतयस्तपः कर्तुं वृत्तास्तदपसृतये जैनमनघं ॥

१३७४-१ अनित्यं यौवनं रूपं जीवितं द्रव्यसंचयः ।
१३७४-२ ऐश्वर्यं प्रियसंवासो गृध्येदेषु न पण्डितः ॥

१३७५-१ अनित्यतासमाख्यानं विषयादिविडम्बनं ।
१३७५-२ पश्चात्तापस्य कथनं कालस्य चरितं तथा ॥

१३७६-१ अनित्यते जगन्निन्द्ये वन्दनीयासि संप्रति ।
१३७६-२ या करोषि प्रसङ्गेन दुःखानामप्यनित्यतां ॥

१३७७-१ अनित्यत्वे कृतमतिर्म्लानमाल्येन शोचति ।
१३७७-२ नित्यत्वे कृतबुद्धिस्तु भिन्नभाण्डेऽनुशोचति ॥

१३७८-१ अनित्यमिति जानन्तो न भवन्ति भवन्ति च ।
१३७८-२ अथ येनैव कुर्वन्ति नैव जातु भवन्ति ते ॥

१३७९-१ अनित्यस्य शरीरस्य सर्वदोषमयस्य च ।
१३७९-२ दुर्गन्धस्य च रक्षार्थं नाहं पापं कर्ॐइ वै ॥

१३८०-१ अनित्यानि शरीराणि विभवो नैव शाश्वतः ।
१३८०-२ नित्यं संनिहितो मृत्युः कर्तव्यो धर्मसंग्रहः ॥

१३८१-१ अनित्ये प्रियसंवासे संसारे चक्रवद्गतौ ।
१३८१-२ पथि संगतमेवैतद्भ्राता माता पिता सखा ॥

१३८२-१ अनित्यो विजयो यस्माद्दृश्यते युध्यमानयोः ।
१३८२-२ पराजयश्च संग्रामे तस्माद्युद्धं विवर्जयेत् ॥

१३८३-१ अनिद्रो दुःस्वप्नः प्रपतनमनद्रि द्रुमतटं जराहीनः कम्पस्तिमिररहितस्त्राससमयः ।
१३८३-२ अनाघातं दुःखं विगतनिगडो बन्धनविधिः सजीवं जन्तूनां मरणमवनीशाश्रयरसः ॥

१३८४-१ अनिधाय मुखे पत्रं पूगं खादति यो नरः ।
१३८४-२ सप्तजन्मदरिद्रत्वं अन्ते विष्णुस्थितिश्च न ॥

१३८५-१ अनिन्दा परकृत्येषु स्वधर्मपरिपालनं ।
१३८५-२ कृपणेषु दयालुत्वं सर्वत्र मधुरा गिरः ॥

१३८६-१ प्राणैरप्युपकारित्वं मित्रायाव्यभिचारिणे ।
१३८६-२ गृहागते परिष्वङ्गः शक्त्या दानं सहिष्णुता ॥

१३८७-१ बन्धुभिर्बद्धसंयोगः सुजने चतुरश्रता ।
१३८७-२ तच्चित्तानुविधायित्वं इति वृत्तं महात्मनां ॥

१३८८-१ अनिन्द्यमपि निन्दन्ति स्तुवन्त्यस्तुत्यमुच्चकैः ।
१३८८-२ स्वापतेयकृते मर्त्याः किं किं नाम न कुर्वते ॥

१३८९-१ अनिबन्धनकचबन्धनं अनिदानं दानमुत्तरीयस्य ।
१३८९-२ आकस्मिकमन्दस्मितं अपहस्तयतीव बाल्यमेतस्याः ॥

१३९०-१ अनिभालित एव केवलं खनिगर्भे निधिरेष जीर्यतु ।
१३९०-२ न तु सीदतु मूल्यहानितो वणिजालोकनगोचरीकृतः ॥

१३९१-१ अनिमिषमविरामा रागिणां सर्वरात्रं नवनिधुवनलीलाः कौतुकेनातिवीक्ष्य ।
१३९१-२ इदमुदवसितानामस्फुटालोकसंपन्नयनमिव सनिद्रं घूर्णते दैपमर्चिः ॥

१३९२-१ अनियतरुदितस्मितं विराजत्- कतिपयक्ॐअलदन्तकुड्मलाग्रं ।
१३९२-२ वदनकमलकं शिशोः स्मरामि स्खलदसमञ्जसमुग्धजल्पितं ते ॥

१३९३-१ अनियुक्ता हि साचिव्ये यद्वदन्ति मनीषिणः ।
१३९३-२ अनुरागद्रवस्यैताः प्रणयस्यातिभूमयः ॥

१३९४-१ अनिराकृततापसंपदं फलहीनां सुमनोभिरुज्झितां ।
१३९४-२ खलतां खलनामिवासतीं प्रतिपद्येत कथं बुधो जनः ॥

१३९५-१ अनिरीक्षणमेव दृष्टिरार्द्रा परिहासालपनानि मौनमेव ।
१३९५-२ अवधीरणमेव चाभियोगो विनिगूढोऽपि हि लक्ष्यतेऽनुरागः ॥

१३९६-१ अनिर्घातं धाराधरमशमनीयं निधिरपां अकाठिन्यं चिन्तामणिमजडभूतं सुरतरुं ।
१३९६-२ अभित्त्वोपादाय प्रभुरपशुवृत्तिं च सुरभिं परार्थैकस्वार्थानकृत पुरुषानादिपुरुषः ॥

१३९७-१ अनिर्जयेन द्विषतां यस्यामर्षः प्रशाम्यति ।
१३९७-२ पुरुषोक्तिः कथं तस्मिन्ब्रूहि त्वं हि तपोधन ॥

१३९८-१ कृतं पुरुषशब्देन जातिमात्रावलम्बिना ।
१३९८-२ योऽङ्गीकृतगुणैः श्लाध्यः सविस्मयमुदाहृतः ॥

१३९९-१ ग्रसमानमिवौजांसि सदसा गौरवेरितं ।
१३९९-२ नाम यस्याभिननदन्ति द्विषोऽपि स पुमान्पुमान् ॥

१४००-१ अनिर्दयोपभोगस्य रूपस्य मृदुनः कथं ।
१४००-२ कठिनं खलु ते चेतः शिरीषस्येव बन्धनं ॥

१४०१-१ अनिर्लोडितकार्यस्य वाग्जालं वाग्मिनो वृथा ।
१४०१-२ निमित्तादपराद्धेषोर्धानुष्कस्येव वल्गितं ॥

१४०२-१ अनिर्वाच्यमनिर्भिन्नं अपरिच्छिन्नमव्ययं ।
१४०२-२ ब्रह्मेव सुजनप्रेम दुःखमूलनिकृन्तनं ॥

१४०३-१ अनिर्वृतं तथा मन्दं परलोकपराङ्मुखं ।
१४०३-२ नरकाय न सद्गत्यं कुपुत्रालम्बिजन्म वै ॥

१४०४-१ अनिर्वेदः श्रियो मूलं चञ्चुर्मे लोहसंनिभा ।
१४०४-२ अहोरात्राणि दीर्घाणि समुद्रः किं न शुष्यति ॥

१४०५-१ अनिर्वेदः श्रियो मूलं दुःखनाशे सुखस्य च ।
१४०५-२ महान्भवत्यनिर्विण्णः सुखं चात्यन्तमश्नुते ॥

१४०६-१ अनिर्वेदः श्रियो मूलं अनिर्वेदः परं सुखं ।
१४०६-२ अनिर्वेदो हि सततं सर्वार्थेषु प्रवर्तकः ॥

१४०७-१ अनिर्वेदो हि सततं सर्वार्थेषु प्रवर्तकः ।
१४०७-२ करोति सफलं जन्तोः कर्म यच्च करोति सः ॥

१४०८-१ अनिल निखिलविश्वं प्राणिति त्वत्प्रयुक्तं सपदि च विनिमीलत्याकुलं त्वद्वियोगात् ।
१४०८-२ वपुरसि परमेशस्याचितं नोचितं ते सुरभिमसुरभिं वा यत्समं स्वीकरोषि ॥

१४०९-१ अनिशं नयनाभिरामया रमया संमदिनो मुखस्य ते ।
१४०९-२ निशि निःसरदिन्दिरं कथं तुलयामः कलयापि पङ्कजं ॥

१४१०-१ अनिशं मतङ्गजानां बृंहितमाकर्ण्यते यथा विपिने ।
१४१०-२ मन्ये तथा न जीवति गजेन्द्रपलकवलनः सिंहः ॥

१४११-१ अनिशमपि मकरकेतुर्मनसो रुजमावहन्नभिमतो मे ।
१४११-२ यदि मदिरायतनयनां तामधिकृत्य प्रहरतीति ॥

१४१२-१ अनिश्चितैरध्यवसायभीरुभिर्यथेष्टसंलापरतिप्रयोजनैः ।
१४१२-२ फले विसंवादमुपागता गिरः प्रयान्ति लोके परिहासवस्तुतां ॥

१४१३-१ अनिष्टः कन्यकाया यो वरो रूपान्वितोऽपि यः ।
१४१३-२ यदि स्यात्तस्य नो देया कन्या श्रेयोऽभिवाञ्छता ॥

१४१४-१ अनिष्टदः क्षितीशानां भूकम्पः संध्ययोर्द्वयोः ।
१४१४-२ दिग्दाहः पीतवर्णत्वाद्राज्ञां चानिष्टदः परः ॥

१४१५-१ अनिष्टयोगात्प्रियविप्रयोगतः परापमानाद्धनहीनजीवितात् ।
१४१५-२ अनेकजन्मव्यसनप्रबन्धतो बिभेति नो यस्तपसो बिभेति सः ॥

१४१६-१ अनिष्टसम्प्रयोगाच्च विप्रयोगात्प्रियस्य च ।
१४१६-२ मानुषा मानसैर्दुःखैर्युज्यन्ते अल्पबुद्धयः ॥

१४१७-१ अनिष्टादिष्टलाभेऽपि न गतिर्जायते शुभा ।
१४१७-२ यत्रास्ते विषसंसर्गोऽमृतं तदपि मृत्यवे ॥

१४१८-१ अनिष्पन्नामपि क्रियां नयोपेतां विचक्षणाः ।
१४१८-२ फलदां हि प्रकुर्वन्ति महासेनापतिर्यथा ॥

१४१९-१ अनीर्ष्याः श्रोतारो मम वचसि चेद्वच्मि तदहं स्वपक्षाद्भेतव्यं बहु न तु विप्रपक्षात्प्रभवतः ।
१४१९-२ तमस्याक्रान्तशे कियदपि हि तेजोवयविनः स्वशक्त्या भासन्ते दिवसकृति सत्येव न पुनः ॥

१४२०-१ अनीर्ष्युर्गुप्तदारः स्याच्चोक्षः स्यादघृणी नृपः ।
१४२०-२ स्त्रियं सेवेत नात्यर्थं मृष्टं मुञ्जीत नाहितं ॥

१४२१-१ अनीर्ष्युर्गुप्तदारः स्यात्संविभागी प्रियंवदः ।
१४२१-२ श्लक्ष्णो मधुरवाक्स्त्रीणां न चासां वशगो भवेत् ॥

१४२२-१ अनीशाय शरीरस्य हृदयं स्ववशं मयि ।
१४२२-२ स्तनकम्पक्रियालक्ष्यैर्न्यस्तं निःश्वसितैरिव ॥

१४२३-१ अनीश्वरोऽयं पुरुषो भवाभवे सूत्रप्रोता दारुमयीव योषा ।
१४२३-२ धात्रा तु दिष्टस्य वशे किलायं तस्माद्वद त्वं श्रवणे ध्र्तोऽहं ॥

१४२४-१ अनुकर्तुमपह्नोतुं अतिवर्तितुमीक्षितुं ।
१४२४-२ अशक्ये तेजसां पत्यौ मित्रतानुमतिक्षमा ॥

१४२५-१ अनुकुरुतः खलसुजनावग्रिमपाश्चात्यभागयोः सूच्याः ।
१४२५-२ विदधाति रन्ध्रमेको गुणवानन्यस्त्वपिदधाति ॥

१४२६-१ अनुकूलकलत्रो यस्तस्य स्वर्ग इहैव हि ।
१४२६-२ प्रतिकूलकलत्रस्य नरको नात्र संशयः ॥

१४२७-१ अनुकूलमर्थ्यमविरोधि हितं श्रवणीयमागमरहस्ययुतं ।
१४२७-२ वचनं मदीयमपकर्णयति क्व मनोभवः क्व गुणसंग्रहणं ॥

१४२८-१ अनुकूलवरपुरंध्रिषु पुरुषाणां बद्धमूलरागाणां ।
१४२८-२ नयति मनो दुःशीलः कुसुमास्त्रो हीनपात्रेषु ॥

१४२९-१ अनुकूलविधायिदैवतो विजयी स्यान्ननु कीदृशो नृपः ।
१४२९-२ विरहिण्यपि जानकी वने निवसन्ती मुदमादधौ कुतः ॥

१४३०-१ अनुकूलां विमलाङ्गीं कुलजां कुशलां सुशीलसंपन्नां ।
१४३०-२ पञ्चलकारां भार्यां पुरुषः पुण्योदयाल्लभते ॥

१४३१-१ अनुकूला सदा तुष्टा दक्षा साध्वी विचक्षणा ।
१४३१-२ एभिरेव गुणैर्युक्ता श्रीरिव स्त्री न संशयः ॥

१४३२-१ अनुकूले विधौ देयं यतः पूरयिता हरिः ।
१४३२-२ प्रतिकूले विधौ देयं यतः सर्वं हरिष्यति ॥

१४३३-१ अनुकूले सति धातरि भवत्यनिष्टादपीष्टमविलम्बं ।
१४३३-२ पीत्वा विषमपि शंभुर्मृत्युंजयतामवाप तत्कालं ॥

१४३४-१ अनुकृतगण्डशैलमदमण्डितगण्डतट- भ्रमदलिमण्डलीनिविडगुङ्गुमघोषजुषः ।
१४३४-२ दलयति हेलयैव हरिरुग्रकरान्करिण- स्त्रिजगति तेज एव गुरु नो विकृताकृतिता ॥

१४३५-१ अनुक्षणमनुक्षणं क्षितिप रक्ष्यमाणा त्वया प्रयाति विदिशो दश प्रबलकीर्तिरेकाकिनी ।
१४३५-२ इयं नियतमर्थिषु प्रतिदिनं वितीर्णा रमा जहाति न तवान्तिकं द्वितयमेतदत्यद्भुतं ॥

१४३६-१ अनुगतपरितोषितानुजीवी मधुरवचाश्चरितानुरक्तलोकः ।
१४३६-२ सुनिपुणपरमाप्तसक्ततन्त्रो भवति चिरं नृपतिः प्रदीप्तरश्मिः ॥

१४३७-१ अनुगन्तुं सतां वर्त्म कृत्स्नं यदि न शक्यते ।
१४३७-२ स्वल्पमप्यनुगन्तव्यं मार्गस्थो नावसीदति ॥

१४३८-१ अनुगम्य श्मशानान्तं निवर्तन्तीह बान्धवाः ।
१४३८-२ अग्नौ प्रक्षिप्य पुरुषं ज्ञातयः सुहृदस्तथा ॥

१४३९-१ अनुगृहाण शिशूनभिलङ्घिता शबरवारिविहारवनस्थली ।
१४३९-२ विसृज कातरतामिदमग्रतो हरिनि कारुणिकस्य तपोवनं ॥

१४४०-१ अनुग्रहविधौ देव्या मातुश्च मह्दन्तरं ।
१४४०-२ माता गाढं निबध्नाति बन्धं देवी निकृन्तति ॥

१४४१-१ अनुग्रहादेव दिवौकसां नरो निरस्य मानुष्यकमेति दिव्यतां ।
१४४१-२ अयोविकारे स्वरितत्वमिष्यते कुतोऽयसां सिद्धरसस्पृशामपि ॥

१४४२-१ अनुचरति शशाङ्कं राहुदोषेऽपि तारा पतति न वनवृक्षे याति भूमिं लता च ।
१४४२-२ त्य्जति न च करेणुः पङ्कलग्नं गजेन्द्रं व्रजतु चरतु धर्मं भर्तृनाथा हि नार्यः ॥

१४४३-१ अनुचितकर्मारम्भः स्वजनविरोधो बलीयसा स्पर्धा ।
१४४३-२ प्रमदाजनविश्वासो मृत्योर्द्वाराणि चत्वारि ॥

१४४४-१ अनुचितफलाभिलाषी नित्यं विधिना निवार्यते पुरुषः ।
१४४४-२ द्राक्षाविपाकसमये मुखपाको भवति काकानां ॥

१४४५-१ अनुचितमुचितं वा कर्म कोऽयं विभागो भगवति परमास्तां भक्तियोगो द्रढीयान् ।
१४४५-२ किरति विषमहीन्द्रः सान्द्रपीयूषमिन्दुर्द्वयमपि स महेशो निर्विशेषं बिभर्ति ॥

१४४६-१ अनुचितमेवाचरितं पशुपतिना यद्विधेः शिरश्छिन्नं ।
१४४६-२ छिन्नो न चास्य हस्तो येनायं दुर्लिपिं लिखति ॥

१४४७-१ अनुचिते यदि कर्मणि युज्यते शठधिया प्रभुणा सगुणो जनः ।
१४४७-२ भवति नास्य गुणापचयस्ततः पदगतस्य किरीटमणेरिव ॥

१४४८-१ अनुच्चनीचचलतां अङ्गानां चलपादतां ।
१४४८-२ कटिकूर्परशीर्षांशकर्णानां समरूपतां ॥

१४४९-१ रम्यां प्रतीकविश्रान्तिं उरसश्च समुन्नतिं ।
१४४९-२ अभ्यासाभ्यर्हितं प्राहुः सौष्ठवं नृत्यवेदिनः ॥

१४५०-१ अनुच्छिष्टो देवैरपरिदलितो राहुदशनैः कलङ्केनास्पृष्टो न खलु परिभूतो दिनकृता ।
१४५०-२ कुहूभिर्नो लुप्तो न च युवतिवक्त्रेण विजितः कलानाथः कोऽयं कनकलतिकायामुदयते ॥

१४५१-१ अनुजगुरथ दिव्यं दुन्दुभिध्वानमाशाः सुरकुसुमनिपातैर्व्य्ॐनि लक्ष्मीर्वितेने ।
१४५१-२ प्रियमिव कथयिष्यन्नालिलिङ्ग स्फुरन्तीं भुवमनिभृतवेलावीचिबाहुः पयोधिः ॥

१४५२-१ अनुज्झितसुहृद्भावः सुहृदां दुर्हृदामपि ।
१४५२-२ सम इत्येव भाव्योऽपि नम इत्यभिभाष्यते ॥

१४५३-१ अनुत्कीर्णा यथा पङ्के पुत्रिका वाथ दारुणि ।
१४५३-२ वर्णा यथा मषीकल्के तथा सर्गे स्थिताः परे ॥

१४५४-१ अनुत्तमानुभावस्य परैरपिहितौजसः ।
१४५४-२ अकार्यसुहृदोऽस्माकं अपूर्वास्तव कीर्तयः ॥

१४५५-१ अनुत्थाने ध्रुवो नाशः प्राप्तस्यानागतस्य च ।
१४५५-२ प्राप्यते फलमुत्थानाल्लभते चार्थसंपदं ॥

१४५६-१ अनु त्वा तात जीवन्तु सुहृदः साधुभिः सह ।
१४५६-२ पर्जन्यमिव भूतानि स्वादुद्रुममिवाण्डजाः ॥

१४५७-१ अनुत्सूत्रपदन्यासा सद्वृत्तिः सन्निबन्धना ।
१४५७-२ शब्दविद्येव नो भाति राजनीतिरपस्पशा ॥

१४५८-१ अनुदितसटावंसौ नातिस्फुटाः करजाङ्कुरा दशनमुकुलोद्भेदः स्तोको मुखे मृदु गर्जितं ।
१४५८-२ मृगपतिशिशोर्नास्त्यद्यापि क्रिया स्वकुलोचिता मदकृतमहागन्धस्यान्ध्यं व्यपोहति दन्तिनां ॥

१४५९-१ अनुदिनमतितीव्रं रोदिषीति त्वमुच्चैः सखि किल कुरुषे त्वं वाच्यतां मे मुधैव ।
१४५९-२ हृदयमिदमनङ्गाङ्गारसङ्गाद्विलीय प्रसरति बहिरम्भः सुस्थिते नैतदश्रु ॥

१४६०-१ अनुदिनमधिकं ते कम्पते कायवल्ली शिव शिव नयनान्तं नाश्रुधारा जहाति ।
१४६०-२ कथय कथय कोऽयं यत्कृते क्ॐअलाङ्गि त्यजति न परिणद्धं पाण्डिमानं कपोलः ॥

१४६१-१ अनुदिनमनुकूलमाचरन्तं विहितमतिः प्रतिकूलमाचरेत्कः ।
१४६१-२ शमितगरलजातकण्ठदाहं शितिकण्ठः शशिनं शिरह्सु धत्ते ॥

१४६२-१ अनुदुनमनुरक्तः पद्मिनीचक्रवाले नवपरिमलमाद्यच्चञ्चरीकानुकर्षी ।
१४६२-२ कलितमधुरपद्मः कोऽपि गम्भीरवेदी जयति मिहिरकन्याकूलवन्याकरीन्द्रः ॥

१४६३-१ अनुदिनमभ्यासदृढैः सोढुं दीर्घोऽपि शक्यते विरहः ।
१४६३-२ प्रत्यासन्नसमाग म- मुहूर्तविघ्नोऽपि दुर्विषः ॥

१४६४-१ अनुदेहमागतवतः प्रतिमां परिणायकस्य गुरुमुद्वहता ।
१४६४-२ मुकुरेण वेपथुभृतोऽतिभरात्कथमप्यपाति न वधूकरतः ॥

१४६५-१ अनुद्घुष्टः शब्दैरथ च घटनातः स्फुटरसः पदानामर्थात्मा रमयति न तूत्तानितरसः ।
१४६५-२ यथा दृश्यः किंचित्पवनचलचीनांशुकतया स्तनाभोगः स्त्रीणां हरति न तथोन्मुद्रिततनुः ॥

१४६६-१ अनुनयगुरोर्गोष्ठीबन्धो मुखासवसंपदां शपथविवरं विस्रब्धानां धियां प्रथमातिथिः ।
१४६६-२ अविनयवचोवादस्थानं पुरंध्रिषु पप्रथे मदविलसितस्यैकाचार्यश्चिरं रतिविभ्रमः ॥

१४६७-१ अनुनयति पतिं न लज्जमाना कथयति नापि सखीजनाय किंचित् ।
१४६७-२ प्रसरति मलयानिले नवोढा वहति परंतु चिराय शून्यमन्तः ॥

१४६८-१ अनुनयमगृहीत्वा व्याजसुप्ता पराची रुतमथ कृकवाकोस्तारमाकर्ण्य कल्ये ।
१४६८-२ कथमपि परिवृत्ता निद्रयान्धा किल स्त्री मुकुलितनयनैवाश्लिष्यति प्राणनाथं ॥

१४६९-१ अनुनेतुं मानिन्या दयितश्चरणे सरागचरणायाः ।
१४६९-२ यावत्पतितः स तया तत्क्षणमवधीरितः कस्मात् ॥

१४७०-१ अनुपायेन कर्माणि विपरीतानि यानि च क्रियमाणानि दुष्यन्ति हवींष्यप्रयतेष्विव ॥

१४७१-१ अनुपालयतामुदेष्यतीं प्रभुशक्तिं द्विषतामनीहया ।
१४७१-२ अपयान्त्यचिरान्महीभुजां जननिर्वादभयादिव श्रियः ॥

१४७२-१ अनुपोष्य त्रिरात्राणि तिर्थान्यनभिगम्य च ।
१४७२-२ अदत्त्वा काञ्चनं गाश्च दरिद्रो नाम जायते ॥

१४७३-१ अनुप्रासिनि सन्दर्भे गोनन्दनसमः कुतः ।
१४७३-२ यथार्थनामतैवास्य यद्वा वदति चारुतां ॥

१४७४-१ अनुबन्धं क्षयं हिंसां अनपेक्ष्य च पौरुषं ।
१४७४-२ मोहादारभ्यते कर्म यत्तत्तामसमुच्यते ॥

१४७५-१ अनुबन्धं च संप्रेक्ष्य विपाकांश्चैव कर्मणां ।
१४७५-२ उत्थानमात्मनश्चैव धीरः कुर्वीत वा न वा ॥

१४७६-१ अनुबन्धानवेक्षेत सानुबन्धेषु कर्मसु ।
१४७६-२ संप्रधार्य च कुर्वीत न वेगेन समाचरेत् ॥

१४७७-१ अनुभवं वदनेन्दुरुपागमन्नियतमेष यदस्य महात्मनः ।
१४७७-२ क्षुभितमुत्कलिकातरलं मनः पय इव स्तिमितस्य महोदधेः ॥

१४७८-१ अनुभवत ददत वित्तं मान्यान्मानयत सज्जनान्भजत ।
१४७८-२ अतिपरुषपवनविलुलित- दीपशिखाचञ्चला लक्ष्मीः ॥

१४७९-१ अनुभवत युवत्यो भाग्यवत्यो नितान्तं कुसुमवलयवेलासङ्गखेलासुखानि ।
१४७९-२ मम तु मधुकराणां वाटपाटच्चराणां सपदि पतति धाटी पुष्पवाटीनिवेशे ॥

१४८०-१ अनुभवन्नवदोलमृतूत्सवं पटुरपि प्रियकण्ठजिघृक्षया ।
१४८०-२ अन्यदासनरज्जुपरिग्रहे भुजलतां जलतामबलाजनः ॥

१४८१-१ अनुभाववता गुरु स्थिरत्वादविसंवादि धनुर्धनंजयेन ।
१४८१-२ स्वबलव्यसनेऽपि पीड्यमानं गुणवन्मित्रमिवानतिं प्रपेदे ॥

१४८२-१ अनुभूतचरेषु दीर्घिकाणां उपकण्थेषु गतागतैकतानाः ।
१४८२-२ मधुपाः कथयन्ति पद्मिनीनां सलिलैरन्तरितानि कोरकाणि ॥

१४८३-१ अनुभूतभवव्यवस्थितिर्जनताकानरताभिलाषिणी ।
१४८३-२ तदवैमि सुखेन संसृतौ कलितानङ्गतयैव निसृतिः ॥

१४८४-१ अनुभूतमिदं लोके यद्बध्वा बलवत्तरैः ।
१४८४-२ ईश्वरैर्दुर्बलः कृष्यः क्रतौ पशुरिवाबलः ॥

१४८५-१ अनुमतमिवानेतुं जोषं तमीतमसां कुलं दिशि दिशि दृशो विन्यस्यन्त्यः श्रियाङ्कुरिताञ्जनाः ।
१४८५-२ मदनहुतभुग्धूमच्छायैः पटैरसितैर्वृताः प्रययुररसद्भूषैरङ्गैः प्रियानभिसारिकाः ॥

१४८६-१ अनुमतिसरसं विमुच्य चूतं नवनवमञ्जुलमञ्जरीपरीतं ।
१४८६-२ अपि पिकदयिते कथं मतिस्ते घटयति निश्फलपिप्पलेऽवलेपं ॥

१४८७-१ अनुममार न मार कथं नु सा रतिरतिप्रथितापि पतिव्रता ।
१४८७-२ इयदनाथवधूवधपातकी दयितयापि तयासि किमुज्ज्ञितः ॥

१४८८-१ अनुमरणे व्यवसायं स्त्रीधर्मे कः करोति सविवेकः ।
१४८८-२ संसारमुक्त्युपायं दण्डग्रहणं व्रतं हित्वा ॥

१४८९-१ अनुययौ विविधोपलकुण्डल- द्युतिवितानकसंवलितांशुकं ।
१४८९-२ धृतधनुवलयस्य पय्ॐउचः शबलिमा बलिमानमुषो वपुः ॥

१४९०-१ अनुयाताने कजनः परपुरुषैरुह्यतेऽस्य निजदेहः ।
१४९०-२ अधिकारस्थः पुरुषः शव इव न शृणोति वीक्षते कुमतिः ॥

१४९१-१ अनुयाति न भर्तारं यदि दैवात्कथंचन ।
१४९१-२ तथापि शीलं संरक्ष्यं शीलभङ्गात्पतत्यधः ॥

१४९२-१ अनुयास्यन्मुनितनयां सहसा विनयेन वारितप्रसरः ।
१४९२-२ स्थानादनुच्चलन्नपि गत्वेव पुनः प्रतिनिवृत्तः ॥

१४९३-१ अनुयुक्तो दस्युवधे रणे कुर्यात्पराक्रमं ।
१४९३-२ नास्य कृत्यमतः किंचिदन्यद्दस्युनिबर्हणात् ॥

१४९४-१ अनुरक्तजनविरक्ता नम्रोत्सिक्ता विरक्तरागिण्यः ।
१४९४-२ वञ्चकवचनासक्ता नार्यः सद्भावशङ्किन्यः ॥

१४९५-१ अनुरक्तेन ह्र्ष्टेन तुष्टेन जगतीपतिः ।
१४९५-२ अल्पेनापि स्वसैन्येन भूमिं जयति भूमिपः ॥

१४९६-१ अनुरञ्जिता अपि गुणैर्न नमन्ति प्रकृतयो विना दण्डात् ।
१४९६-२ अङ्कगतापि न वीणा कलमधुरमताडिता क्वणति ॥

१४९७-१ अनुरञ्जय राजानं मा जानन्जातु कोपयेः प्रकृतीः ।
१४९७-२ एतद्द्वयानुराग- स्थिरया तिष्ठ प्रतिष्ठयाश्लिष्टः ॥

१४९८-१ अनुरागं जनो याति परोक्षे गुणकीर्तनं ।
१४९८-२ न बिभ्यति च सत्त्वानि सिद्धेर्लक्षणमुत्तमं ॥

१४९९-१ अनुरागवती संध्या दिवसस्तत्पुरःसरः ।
१४९९-२ अहो दैवगतिश्चित्रा तथापि न समागमः ॥

१५००-१ अनुरागवन्तमपि लोचनयोर्दधतं वपुः सुखमतापकरं ।
१५००-२ निरकासयद्रविमपेतवसुं वियदालयादपरदिग्गणिका ॥

१५०१-१ अनुरागवर्तिना तव विरहेणोग्रेण सा गृहीताङ्गी ।
१५०१-२ त्रिपुररिपुणेव गौरी वरतनुरर्धावशिष्टेव ॥

१५०२-१ अनुरागादभिसरतो लङ्घितजलधेः कलाधिनाथस्य ।
१५०२-२ रजनीमुखचुम्बनतः शिथिलितमलकं कलङ्कमाकलये ॥

१५०३-१ अनुरागो वृथा स्त्रीषु स्त्रीषु गर्वो वृथा तथा ।
१५०३-२ पृइयोऽहं सर्वदा ह्यस्या ममैषा सर्वदाप्रिया ॥

१५०४-१ अनुरूपमिदं कूप छद्मच्छन्नस्य किं न ते ।
१५०४-२ सन्मार्गविभ्रमान्मार्गपातोऽयं यन्निपातितः ॥

१५०५-१ अनुरूपेण संसर्गं प्राप्य सर्वोऽपि मोदते ।
१५०५-२ दिनं तेजोनिधिर्यद्वद्रत्रिं दोषाकरस्तथा ॥

१५०६-१ अनुलेपनानि कुसुमान्यबलाः कृतमन्यवः पतिषु दीपशिखाः ।
१५०६-२ समयेन तेन चिरसुप्तमनो- भवबोधनं सममबोधिषत ॥

१५०७-१ अनुल्ॐएन बलिनं प्रतिल्ॐएन दुर्जनं ।
१५०७-२ आत्मतुल्यबलं शत्रुं विनयेन बलेन वा ॥

१५०८-१ अनुवनं वनराजिवधूमुखे बहलरागजवाधरचारुणि ।
१५०८-२ विकचबाणदलावलयोऽधिकं रुरुचिरे रुचिरेक्षणविभ्रमाः ॥

१५०९-१ अनुवनमनुयान्तं बाष्पवारि त्यजन्तं मुदितकमलदामक्षाममालोक्य रामं ।
१५०९-२ दिनमपि रविरोचिस्तापमन्तः प्रपेदे रजनिरपि च ताराबाष्पबिन्दून्बभार ॥

१५१०-१ अनुवनमनुशैलं तामनालोक्य सीतां प्रतिदिनमतिदीनं वीक्ष्य रामं विरामं ।
१५१०-२ गिरिरशनिमयोऽयं यस्तदा न द्विधाभूत्क्षितिरपि न विदीर्णा सापि सर्वंसहैव ।
१५११-१ अनुवादयिता वाद्यं नृत्यसि यत्त्वयि सुरेश्वरः साक्षात् ।
१५११-२ पक्षश्च तेऽजवन्द्यस्तदसि कलापिन्परं धन्यः ॥

१५१२-१ अनुवेलं निहन्यन्ते यस्य सिन्धोरिवोद्यमाः ।
१५१२-२ तं प्रमथ्य श्रियं कोऽपि विपक्षो भूभृदुद्धरेत् ॥

१५१३-१ अनुशयवत्येवोक्ता प्रोष्यत्पतिका न भेदतो बहुभिः ।
१५१३-२ परदेशादागच्छत्- पतिकापि यथा प्रमुदितैव ॥

१५१४-१ अनुशासद्धि धर्मेण व्यवहारेण संस्थया ।
१५१४-२ न्यायेन च चतुर्थेन चतुरन्तां महीं जयेत् ॥

१५१५-१ अनुशीलितकुञ्जवाटिकायां जघनालंकृतपीतशाटिकायां ।
१५१५-२ मुरलीकलकूजिते रतायां मम चेतोऽस्तु कदम्बदेवतायां ॥

१५१६-१ अनुशोचनमस्तविचारमना विगतस्य मृतस्य च यः कुरुते ।
१५१६-२ स गते सलिले तनुते वरणं भुजगस्य गतस्य गतिं क्षिपति ॥

१५१७-१ अनुष्ठानेन रहितां पाठमात्रेण केवलं ।
१५१७-२ रञ्जयत्येव या लोकं किं तया शुकविद्यया ॥

१५१८-१ अनुष्ठितं तु यद्देवैरृषिभिर्यदनुष्ठितं ।
१५१८-२ नानुष्ठेयं मनुष्यैस्तु तदुक्तं कर्म आचरेत् ॥

१५१९-१ अनुष्ठितेषु कार्येषु यो गुह्यं न प्रकाशयेत् ।
१५१९-२ स तत्र लभते सिद्धिं जलमध्ये कपिर्यथा ॥

१५२०-१ अनुसरति करिकपोलं भ्रमरः श्रवणेन ताड्यमानोऽपि ।
१५२०-२ गणयति न तिरस्कारं दानान्धविलोचनो नीचः ॥

१५२१-१ अनुसर सरस्तीरं वैरं किमत्र सहात्मना कतिपयपयःपाणं मानिन्समाचर चातक ।
१५२१-२ प्रलयपवनैरस्तं नीतः पुरातनवारिदो यदयमदयं कीलाजालं विमुञ्चति नूतनः ॥

१५२२-१ अनूढा मन्दिरे यस्य रजः प्राप्नोति कन्यका ।
१५२२-२ पतन्ति पितरस्तस्य स्वर्गस्था अपि तैर्गुणैः ॥

१५२३-१ अनूनवेगादयमद्वितीयश्च्छायातुरङ्गादिव लज्जमानः ।
१५२३-२ खुरोद्धुतैर्वीर तुरङ्गमस्ते रजोभिरह्णनां पतिमावृणोति ॥

१५२३आ-१ अन्र्जुत्वमसद्भावं कार्पण्यं चलचित्तता ।
१५२३आ-२ पुंसां मित्रेषु ये दोषास्ते वेश्यासु गुणाः स्मृताः ॥

१५२४-१ अनृतं च समुत्कर्षे राजगामि च पैशुनं ।
१५२४-२ गुरोश्चालीकनिर्बन्धः समानि ब्रह्महत्यया ॥

१५२५-१ अनृतं चाटुवादश्च धनयोगो महानयं ।
१५२५-२ सत्यं वैदुष्यमित्येष योगो दारिद्र्यकारकः ॥

१५२६-१ अनृतं सत्यमित्याहुः सत्यं चापि तथानृतं ।
१५२६-२ इति यास्ताः कथं वीर संरक्ष्याः पुरुषैरिह ॥

१५२७-१ अनृतं साहसं माया मूर्खत्वमतिलुब्धता ।
१५२७-२ अशौचत्वं निर्दयत्वं स्त्रीणां दोषाः स्वभावजाः ॥

१५२८-१ अनृतपटुता क्रौर्ये चित्तं सतामवमानिता मतिरविनये धर्मे शाठ्यं गुरुष्वपि वञ्चनं ।
१५२८-२ ललितमधुरा वाक्प्रत्यक्षे परोक्षविभाषिणी कलियुगमहाराजस्यैताः स्फुरन्ति विभूतयः ॥

१५२९-१ अन्र्तमनृतमेतद्यस्तुधासूतिरिन्दुर्नियतमयमनार्यो निर्गतः कालकूटात् ।
१५२९-२ हृदयदहनदक्षा दारुणा चान्यथेयं वद सखि मधुरत्वे मोहशक्तिः कुतोऽस्य ॥

१५३०-१ अनृते धर्मभग्ने च न शुश्रूषति चाप्रिये ।
१५३०-२ न प्रियं न हितं वाच्यं सद्भिरेवेति निन्दिताः ॥

१५३१-१ अनेकगतिचित्रितं विविधजातिभेदाकुलं समेत्य तनुमद्गणः प्रचुरचित्रचेष्टोद्यतः ।
१५३१-२ पुरार्जितविचित्रकर्मफलभुग्विचित्रां तनुं प्रगृह्य नटवत्सदा भ्रमति जन्मरङ्गाङ्गणे ॥

१५३२-१ अनेकचित्तमन्त्रश्च द्वेष्यो भवति मन्त्रिणां ।
१५३२-२ अनवस्थितचित्तत्वात्कर्ये तैः समुपेक्ष्यते ॥

१५३३-१ अनेकजन्मसंभूतं पापं पुंसां प्रणश्यति ।
१५३३-२ स्नानमात्रेण गङ्गायां सद्यः पुण्यस्य भाजनं ॥

१५३४-१ अनेकजीवघातोत्थं म्लेच्छोच्छिष्टं मलाविलं ।
१५३४-२ मलाक्तपात्रनिक्षिप्तं किं शौचं लिहतो मधु ॥

१५३५-१ अनेकदोषदुष्टस्य कायस्यैको महान्गुणः ।
१५३५-२ यो यथा वर्तयत्येनं तं तथैवानुवर्तते ॥

१५३६-१ अनेकदोषदुष्टस्य मधुनोऽपास्तदोषतां ।
१५३६-२ यो ब्रूते तद्रसासक्तः सोऽसत्याम्बुधिरस्तधीः ॥

१५३७-१ अनेकधेति प्रगुणेन चेतसा विविच्य मिथ्यात्वमलं सदूषणं ।
१५३७-२ विमुच्य जैनेन्द्रमतं सुखावहं भजन्ति भव्या भवदुःखभीरवः ॥

१५३८-१ अनेकपर्यायगुणैरुपेतं विलोक्यते येन समस्ततत्त्वं ।
१५३८-२ तदिन्द्रियानिन्द्रियभेदभिन्नं ज्ञानं जिनेन्द्रैर्गदितं हिताय ॥

१५३९-१ अनेकभवसंचिता इह हि कर्मणा निर्मिताः प्रियाप्रियवियोगसंगमविपत्तिसंपत्तयः ।
१५३९-२ भवन्ति सकलास्विमा गतिषु सर्वदा देहिनां जरामरणवीचिके जननसागरे मज्जतां ॥

१५४०-१ अनेकमलसंभवे कृमिकुलैः सदा संकुले विचित्रबहुवेदने बुधविनिन्दिते दुःसहे ।
१५४०-२ भ्रमन्नयमनारतं व्यसनसंकटे देहवान्पुरार्जितवशो भवे भवति भामिनीगर्भके ॥

१५४१-१ अनेकमुखपापात्मा छद्मसंदर्शिताश्रमः ।
१५४१-२ कर्बुरप्रकृतिः कश्चित्कापेयकलहोचितः ॥

१५४१आ-१ अनेकयुद्धविजयी संधानंयस्य गच्छति ।
१५४१आ-२ तत्प्रतापेन तस्याशु वशं गच्छन्ति विद्विषः ॥

१५४२-१ अनेकराज्यान्तरितं अतिक्षिप्तं न युध्यते ।
१५४२-२ अन्तर्गतामित्रशल्यं अन्तःशल्यं हि न क्षमं ॥

१५४४-१ अनेकवर्णपदतां वाग्विद्युदिव बिभ्रती ।
१५४४-२ अभ्रान्तेषु सदा सारसङ्गिषु स्यात्स्फुरद्गुणा ॥

१५४५-१ अनेकविद्वज्जनरत्नपूर्णं वे दोदकन्यायतरङ्गरम्यं ।
१५४५-२ अलङ्घनीयं गुरुतीर्थमेकं सभासमुद्रं शिरसा नमामि ॥

१५४६-१ अनेकशास्त्रं बहु वेदितव्यं अल्पश्च कालो बहवश्च विघ्नाः ।
१५४६-२ यत्सारभूतं तदुपासितव्यं हंसो यथा क्षीरमिवाम्बुमध्यात् ॥

१५४७-१ अनेकसंशयोच्छेदि परोक्षार्थस्य दर्शकं ।
१५४७-२ सर्वस्य लोचनं शास्त्रं यस्य नास्त्यन्ध एव सः ॥

१५४८-१ अनेकसुषिरं कान्तं वादि स्त्रीमुखपङ्कजं ।
१५४८-२ पश्य कान्ते वनस्यान्ते नेत्रश्रुतिमनोरमं ॥

१५४९-१ अनेकसुषिरं वाद्यं कान्तं च ऋषिसंज्ञितं ।
१५४९-२ चक्रिणा च सदाराध्यं यो जानाति स पण्डितः ॥

१५५०-१ अनेके फणिनः सन्ति भेकह्बक्षणतत्पराः ।
१५५०-२ एक एव हि शेषोऽयं धरणीधरणक्षमः ॥

१५५१-१ अनेकैर्नायकगुणैः सहितः सखि मे पतिः ।
१५५१-२ स एव यदि जारः स्यात्सफलं जीवितं भवेत् ॥

१५५२-१ अनेन कल्याणि मृणालक्ॐअलं व्रतेन गात्रं ग्लपयस्यकारणं ।
१५५२-२ प्रसादमाकाङ्क्षति यस्तवोत्सुकः स किं त्वया दासजनः प्रसाद्यते ॥

१५५३-१ अनेन कस्यापि कुलाङ्कुरेण स्पृष्टस्य गात्रेषु सुखं ममैवं ।
१५५३-२ कां निर्वृतिं चेतसि तस्य कुर्याद्यस्यायमङ्गात्कृतिनः प्ररूढः ॥

१५५४-१ अनेन किं न पर्याप्तं मांसस्य परिवर्जनं ।
१५५४-२ यत्पाटितं तृणेनापि स्वमङ्गं परिदूयते ॥

१५५५-१ अनेन कुम्भद्वयसंनिवेश- संलक्ष्यमाणेन कुचद्वयेन उन्मज्जता यौवनवारणेन वापीव तन्वङ्गि तरङ्गितासि ॥

१५५६-१ अनेन तनुमद्यया मुखरनूपुराराविणा नवाम्बुरुहक्ॐअलेन चरणेन संभावितः ।
१५५६-२ अशोक यदि सद्य एव कुसुमैर्न संपत्स्यसे वृथा वहसि दोहदं ललितकामिसाधारणं ॥

१५५७-१ अनेन तव पुत्रस्य प्रसुप्तस्य वनान्तरे ।
१५५७-२ शिखामारुह्य हस्तेन खड्गेन निहतं शिरः ॥

१५५८-१ अनेन त्वं स्वरूपेण पुष्पबाणैश्च पञ्चभिः ।
१५५८-२ मोहयन्पुरुषान्स्त्रीश्च कुरु सृष्टिं सनातनीं ॥

१५५९-१ अनेन धर्मः सविशेषमद्य मे त्रिवर्गसारः प्रतिभाति भाविनि ।
१५५९-२ त्वया मनोनिर्विषयार्थकामया यदेक एव प्रतिगृह्य सेव्यते ॥

१५६०-१ अनेन पुरुषो देहानुपादत्ते विमुञ्चति ।
१५६०-२ हर्षं शोकं भयं दुःखं सुखं चानेन विन्दति ॥

१५६१-१ अनेन भवति श्रेष्ठो मुच्यन्ते च सभासदः ।
१५६१-२ कर्तारमेनो गच्छेच्च निन्द्यो यत्र हि निन्द्यते ॥

१५६२-१ अनेन मर्त्यदेहेन यल्लोकद्वयशर्मदं ।
१५६२-२ विचिन्त्य तदनुष्ठेयं हेयं कर्म ततोऽन्यथा ॥

१५६३-१ अनेन यूना सह पार्थिवेन रम्भोरु कच्चिन्मनसो रुचिस्ते ।
१५६३-२ सिप्रातरङ्गानिलकम्पितासु विहर्तुमुद्यानपरंपरासु ॥

१५६४-१ अनेन योगराजेन धूपिताम्बरभूषणः ।
१५६४-२ धूपिताङ्गस्त्रिभुवनं मनुजः कुरुते वशं ॥

१५६५-१ अनेन योगेन विवृद्धतेजा निजां परस्मै पदवीमयच्छन् ।
१५६५-२ समाचराचारमुपात्तशस्त्रो जपोपवासाभिषवैर्मुनीनां ॥

१५६६-१ अनेन रम्भोरु भवन्मुखेन तुषारभानोस्तुलया जितस्य ।
१५६६-२ ऊनस्य नूनं परिपूरणाय ताराः स्फुरन्ति प्रतिमानखण्डाः ॥

१५६७-१ अनेन वीतरागेण बुद्धेनेवाधरेण ते ।
१५६७-२ दूति निर्व्याजमाख्याता सर्ववस्तुषु शून्यता ॥

१५६८-१ अनेन सर्वार्थिकृतार्थिता कृता हृतार्थिनौ कामगवीसुरद्रुमौ ।
१५६८-२ मिथःपयःसेचनपल्लवाशनैः प्रदाय दानव्यसनं समाप्नुतं ॥

१५६९-१ अनेन सार्धं तव यौवनेन कोटिं परामच्छिदुरोऽध्यरोहत् ।
१५६९-२ प्रेमापि तन्वि त्वयि वासवस्य गुणोऽपि चापे सुमनःशरस्य ॥

१५७०-१ अनेन सार्धं विहराम्बुराशेस्तीरेषु तालीवनमर्मरेषु ।
१५७०-२ द्वीपान्तरानीतलवङ्गपुष्पैरपाकृतस्वेदलवा मरुद्भिः ॥

१५७१-१ अनेन सिध्यति ह्येतन्ममाप्येष पराक्रमः ।
१५७१-२ एवं ज्ञात्वा चरेद्यस्तु सफलास्तस्य बुद्धयः ॥

१५७२-१ अनेनैव प्रकारेण त्रयो ग्रीवाश्रिताः शुभाः ।
१५७२-२ ललाटे युगलावर्तौ चन्द्रार्कौ शुभकारकौ ॥

१५७३-१ अनैश्वर्ये तृषा भार्या पथि क्षेत्रे त्रिधा कृषिः ।
१५७३-२ लम्बकः साक्षिणश्चैव पञ्चानर्था असंकृताः ॥

१५७४-१ अनौचित्यादृते नान्यद्रसभङ्गस्य कारणं ।
१५७४-२ प्रसिद्धौचित्यबन्धस्तु रसस्योपनिषत्परा ॥

१५७५-१ अनौचित्येन कन्यासु पुरस्त्रीषु च या रतिः ।
१५७५-२ स कामो हि क्षितीन्द्राणां अरिषड्वर्गपूर्वजः ॥

१५७६-१ अन्तःकटुरपि लघुरपि सद्वृत्तं यः पुमान्न संत्यजति ।
१५७६-२ स भवति सद्यो वन्द्यः सर्षप इव सर्वलोकस्य ॥

१५७७-१ अन्तःकटु सदा प्रेम मानुषं परिलक्ष्यते ।
१५७७-२ हताशान्न करोत्यस्मान्दैवप्रेमैव केवलं ॥

१५७८-१ अन्तःकपालविवरे जिह्वामाकुञ्च्य चार्पयेत् ।
१५७८-२ भ्रूमध्यदृष्टिरमृतं पिबेत्खेचरमुद्रया ॥

१५७९-१ अन्तःकरणतत्त्वस्य दम्पत्योः स्नेहसंश्रयात् ।
१५७९-२ आनन्दग्रन्थिरेकोऽयं अपत्यमिति कथ्यते ॥

१५८०-१ अन्तःकरणविकारं गुरुपरिजनसंकटेऽपि कुलटानां ।
१५८०-२ जानन्ति तदभियुक्ता भ्रूभङ्गापाङ्गमधुरदृष्टेन ॥

१५८१-१ अन्तःकरणशून्योऽपि तृणपूलकपूरुषः सत्कृतः क्षेत्रपतिना समर्थो मृगवारने ॥

१५८२-१ अन्तः किंचित्किंचिन्मुक्तानामहह विभ्रमं वहसि ।
१५८२-२ दूराद्दर्शयसि पुनः क्षारोद्गारं जडाधीशः ॥

१५८३-१ अन्तः कुटिलतां बिभ्रच्छङ्खः स खलु निष्ठुरः ।
१५८३-२ हुंकरोति यदा ध्मातस्तदैव बहु गण्यतां ॥

१५८४-१ अन्तःकूजदुदारकण्ठमसकृन्मुञ्चेति लोलेक्षणं प्रायः स्मेरकपोलमूलममृतप्रस्यन्दि बिम्बाधरं ।
१५८४-२ आधूताङ्गुलिपल्लवाग्रमलमित्यानर्तितभ्रूलतं पीतं येन मुखं त्वदीयमबले सोऽहं हि धन्यो युवा ॥

१५८४आ-१ अन्तः केचन केचनापि हि दले केचित्तथा पल्लवे मूले केचन केचन त्वचि फले पुष्पे च केऽपि द्रुमाः ।
१५८४आ-२ सौरभ्यं नितरां बिभर्त्यविकलः श्रीखण्डषण्डीकृतः सर्वाङ्गे सुरभिर्न कोऽपि ददृशे मुक्त्वा भवन्तं क्वचित् ॥

१५८५-१ अन्तःकोपकषायितेऽपि हृदये साधोरसच्चेष्टितैर्भद्राण्येव बहिः क्रियासु वचनान्याविर्भवन्त्यर्थतः ।
१५८५-२ मध्येऽत्यन्तकरालवाडवशिखाशोषेऽपि वारांनिधेः कल्लोलाः प्रकटीभवन्ति सततं मुक्ताफलोद्गारिणः ॥

१५८७-१ अन्तःक्रूराः स्ॐयमुखा अगाधहृदयाः स्त्रियः ।
१५८७-२ अन्तर्विषा बहिःस्ॐया भक्ष्या विषकृता इव ॥

१५८८-१ अन्तः क्रोधोज्जिहानज्वलनभवशिखाकारजिह्वावलीढ- प्रौढब्रह्माण्डभाण्डः पृथुभुवनगुहागर्भगम्भीरनादः ।
१५८८-२ दृप्यत्पारीन्द्रमूर्तिर्मुरजिदवतु वः सुप्रभामण्डलीभिः कुर्वन्निर्धूमधूमध्वजनिचितमिव व्य्ॐअ र्ॐअच्छटानां ॥

१५८९-१ अन्तःखेदमिवोद्वहन्यदनिशं रत्नाकरो घूर्णते यच्च ध्यानमिवास्थितो न कनकक्षोणीधरः स्यन्दते ।
१५८९-२ जाने दानविलासदानरभसं शौर्यं च ते शुश्रुवानेको मन्थविघट्टनास्तदपरष्टङ्काहतीः शङ्कते ॥

१५९०-१ अन्तःपुरचरैः सार्धं यो न मन्त्रं समाचरेत् ।
१५९०-२ न कलत्रैर्नरेन्द्रस्य स भवेद्राजवल्लभः ॥

१५९१-१ अन्तःपुरधनाध्यक्षैर्वैरिदूतैर्निराकृतैः ।
१५९१-२ संसर्गं न व्रजेद्राजं विना पार्थिवशासनात् ॥

१५९२-१ अन्तःपुराणां विहितव्यवस्थः पदे पदेऽहं स्खलितानि रक्षन् ।
१५९२-२ जरातुरः संप्रति दण्डनीत्या सर्वं नृपस्यानुकर्ॐइ वृत्तं ॥

१५९३-१ अन्तःपुरीयसि रणेषु सुतीयसि त्वं पौरं जनं तव सदा रमणीयते श्रीः ।
१५९३-२ दृष्टः प्रियाभिरमृतद्युतिदर्शमिन्द्र- संचारमत्र भुवि संचरसि क्षितीश ॥

१५९४-१ अन्तःपुरे पितृतुल्यं मातृतुल्यं महानसे ।
१५९४-२ गोषु चात्मसमं दद्यात्स्वयमेव कृषिं व्रजेत् ॥

१५९५-१ अन्तःप्रकाशमिच्छन्तः सदसच्च विवेचितुं ।
१५९५-२ स्नेहं सूक्तिप्रदीपेऽस्मिन्वर्धयन्तु सुबुद्धयः ॥

१५९६-१ अन्तःप्रतप्तमरुसैकतदह्यमान- मूलस्य चम्पकतरोः क्व विकासचिन्ता ।
१५९६-२ प्रायो भवत्यनुचितस्थितिदेशभाजां श्रेयः स्वजीवपरिपालनमात्रमेव ॥

१५९७-१ अन्तः प्रविश्य युवचिह्नमुरोऽबलानां येन क्रमेण बत लोडयते मनीषिन् ।
१५९७-२ आश्रित्य तं हि नियमं तत उन्नयेते एतौ कुचौ सपदि हन्ति विदीर्णमध्यात् ॥

१५९८-१ अन्तःशरीरपरिशोषमुदग्रयन्तः कीटक्षतस्रुतिभिरस्रमिवोद्वमन्तः ।
१५९८-२ छायावियोगमलिना व्यसने निमग्ना वृक्षाः श्मशानमुपगन्तुमिव प्रवृत्ताः ॥

१५९९-१ अन्तःसंतोषचित्तानां संपदस्ति पदे पदे ।
१५९९-२ अन्तर्मलिनचित्तानां सुखं स्वप्नेऽपि दुर्लभं ॥

१६००-१ अन्तःसंतोषवाष्पैः स्थगयति न दृशस्ताभिराकर्णयिष्यन्नङ्गेनानस्तिर्ॐआ रचयति पुलकश्रेणिमानन्दकन्दां ।
१६००-२ न क्षोणीभङ्गभीरुः कलयति च शिरःकम्पनं तन्न विद्मः शृण्वन्नेतस्य कीर्तीः कथमुरगपतिः प्रीतिमाविष्करोति ॥

१६०१-१ अन्तःसमुत्थविरहानलतीव्रताप- संतापिताङ्ग करिपुङ्गव मुञ्च शोकं ।
१६०१-२ धात्रा स्वहस्तलिखितानि ललाटपट्टे को वाक्षराणि परिमार्जयितुं समर्थः ॥

१६०२-१ अन्तः समेत्यापि बहिः प्रयाति स्पृष्टा विधत्ते त्ववगूहनानि ।
१६०२-२ दत्त्वाधरं रोदिति शुष्कमेव सैवं विलासैस्तपसाप्यलभ्या ॥

१६०३-१ अन्तःसारविहीनानां सहायः किं करिष्यति ।
१६०३-२ मलयेऽपि स्थितो वेणुर्वेणुरेव न चन्दनः ॥

१६०४-१ अन्तःसारविहीनानां उपदेशो न जायते ।
१६०४-२ मलयाचलसंसर्गान्न वेणुश्चन्दनायते ॥

१६०५-१ अन्तःसारैरकुटिलैस्सुस्निग्धैः सुपरीक्षितैः ।
१६०५-२ मन्त्रिभिर्धार्यते राज्यं सुस्तम्भैरिव मन्दिरं ॥

१६०६-१ अन्तःसारोऽपि निर्याति नूनमर्थितया सह ।
१६०६-२ अन्यथा तदवस्थस्य महिमा केन देहिनां ॥

१६०७-१ अन्तःस्थसुरतारम्भा भिलाषमपि गोपयत् ।
१६०७-२ अन्योन्यं मिथुनं वेत्ति नेत्रे दृष्ट्वैव चञ्चले ॥

१६०८-१ अन्तःस्थेनाविरुद्धेन सुवृत्तेनातिचारुणा ।
१६०८-२ अन्तर्भिन्नेन संप्राप्तं मौक्तिकेनापि बन्धनं ॥

१६०९-१ अन्तःस्वीकृतजाह्नवीजलमतिस्वच्छन्दरत्नांकुर- श्रेणीशोणभुजङ्गनायकफणाचक्रोल्लसत्पल्लवं ।
१६०९-२ भूयादभ्युदयाय मोक्षनगरप्रस्थानभाजामितः प्रत्यूहप्रशमैकपूर्णकलशप्रायं शिरो धूर्जटेः ॥

१६१०-१ अन्तकः पर्यवस्थाता जन्मिनः संततापदः ।
१६१०-२ इति त्याज्ये भवे भव्यो मुक्ताव्रुत्तिष्ठते जनः ॥

१६११-१ अन्तकः शमनो मृत्युः पातालं वडवामुखं ।
१६११-२ क्षुरधारा विषं सर्पो वह्निरित्येकतः स्त्रियः ॥

१६१२-१ अन्तकाय ददता त्वया प्रिया- कायकान्चनलताप्रतिग्रहं ।
१६१२-२ दीयते बत मदीयजीवनं दक्षिणानिल कुतो न दक्षिणा ॥

१६१३-१ अन्तकाले च मामेव स्मरन्मुक्त्वा कलेवरं ।
१६१३-२ यः प्रयाति स मद्भावं याति नास्त्यत्र संशयः ॥

१६१४-१ अन्तकाले हि भूतानि मुह्यन्तीति पुराश्रुतिः ।
१६१४-२ [राज्ञैवं कुर्वता लोके प्रत्यक्षा सा श्रुतिः कृता] ॥

१६१५-१ अन्तकोऽपि हि जन्तूनां अन्तकालमपेक्षते ।
१६१५-२ न कालनियमः कश्चिदुत्तमर्णस्य विद्यते ॥

१६१६-१ अन्तरं कियदाख्यान्ति सन्तो रघुकिरातयोः ।
१६१६-२ अन्तरं तावदाख्यान्ति सन्तो रघुकिरातयोः ॥

१६१७-१ अन्तरङ्गमनङ्गस्य शृङ्गारकुलदैवतं ।
१६१७-२ अङ्गीकरोति तन्वङ्गी सा विलासमयं वयः ॥

१६१८-१ अन्तरङ्गा हि ये राज्ञः परस्वादायिनः शठाः ।
१६१८-२ भृत्या भवन्ति प्रायेण तेभ्यो रक्षेदिमाः प्रजाः ॥

१६१९-१ अन्तरायतिमिरोपशान्तये शान्तपावनमचिन्त्यवैभवं ।
१६१९-२ तं नरं वपुषि कुञ्जरं मुखे मन्महे किमपि तुन्दिलं महः ॥

१६२०-१ अन्तर्गतमलो दुष्टस्तीर्थस्नानशतैरपि ।
१६२०-२ न शुध्यति यथा भाण्डं सुराया दाहितं च सत् ॥

१६२१-१ अन्तर्गता मदनवह्निशिखावली या सा बाघ्यते किमिह चन्दनपङ्कलेपैः ।
१६२१-२ यत्कुम्भकारपचनोपरि पङ्कलेपस्तापाय केवलमसौ न च तापशान्त्यै ॥

१६२२-१ अन्तर्गतैर्गुणैः किं द्वित्रा अपि यत्र साक्षिणो विरलाः ।
१६२२-२ स गुणो गीतेर्यदसौ वनेचरं हरिणमपि हरति ॥

१६२३-१ अन्तर्गतो यदि हरिस्तपसा ततः किं नान्तर्गतो यदि हरिस्तपसा ततः किं ।
१६२३-२ अन्तर्बहिर्यदि हरिस्तपसा ततः किं नान्तर्बहिर्यदि हरिस्तपसा ततः किं ॥

१६२४-१ अन्तर्गाढं चिह्नहीनं विशालं मध्ये स्थूलं स्थूलधारातितीक्ष्णं ।
१६२४-२ रक्षोवक्षश्छेदनार्थं महान्तं कृत्वा खङ्गं देवराजोतिहृष्टः ॥

१६२५-१ अन्तर्गूढानर्थानव्यञ्जयतः प्रसादरहितस्य ।
१६२५-२ संदर्भस्य नदस्य च न रसः प्रीत्यै रसज्ञानां ॥

१६२६-१ अन्तर्गृहं नयति वर्धितर्ॐअहर्षं स्पर्शेन सीत्करणगर्भमुखीः करोति ।
१६२६-२ किंचाधरव्रणवतीः कुरुते पुरन्घ्रीः किं वल्लभः किमुत हैमन एष वातः ॥

१६२७-१ अन्तर्गृहे कृष्णमवेक्ष्य चौरं बद्ध्वा कवाटं जननीं गतैका ।
१६२७-२ उलूखले दामनिबद्धमेनं तत्रापि दृष्ट्वा स्तिमिता बभूव ॥

१६२८-१ अन्तर्जलावारितमूर्ति यातो बालापरिष्वङ्गसुखाय पत्युः ।
१६२८-२ विघ्नाय वैमल्यमपां बभूव व्यर्थः प्रसादो हि जलाशयानां ॥

१६२९-१ अन्तर्दधानापि कठोरभावं स्वच्छद्युतिः सा निजमाधुरीभिः ।
१६२९-२ भुक्ता रसं स्वादुविदां तनोति गुणोपगूढा सितशर्करेव ॥

१६३०-१ अन्तर्दुष्टः क्षमायुक्तः सर्वानर्थकरः किल ।
१६३०-२ शकुनिः शकटारश्च दृष्टान्तावत्र भूपते ॥

१६३१-१ अन्तर्धृतगुणैरेव परेषां स्थीयते हृदि ।
१६३१-२ अर्थं समर्थयन्त्येनं समग्रं कुसुमस्रजः ॥

१६३२-१ अन्तर्नाडीनियमितमरुल्लङ्घितब्रह्मरन्ध्रं स्वान्ते शान्तिप्रणयिनि समुन्मीलदानन्दसान्द्रं ।
१६३२-२ प्रत्यग्ज्योतिर्जय्ति यमिनः स्पष्टलालाटनेत्र- व्याजव्यक्तीकृतमिव जगद्वापि चन्द्रार्धमौलेः ॥

१६३३-१ अन्तर्निदह्यमानेन शक्तिहीनेन शत्रुषु ।
१६३३-२ संततिः क्रियते येन निन्द्यं धिक्तस्य जीवितं ॥

१६३४-१ अन्तर्निबद्धगुरुमन्युपरंपराभिरिच्चोचितं किमपि वक्तुमशक्नुवत्याः ।
१६३४-२ अव्य्क्तहूंकुतिचलत्कुचमण्डलायास्तस्याः स्मरामि मुहुरर्धविलोकितानि ॥

१६३५-१ अन्तर्बलान्यहममुष्य मृगाधिपस्य वाचा निगद्य कथमद्य लघूकर्ॐइ ।
१६३५-२ जानन्ति किं न करजक्षतकुम्भिकुम्भा- दामुक्तमौक्तिकमयानि दिगन्तराणि ॥

१६३६-१ अन्तर्भावनिगूधेयं वाक्ते प्रकृतिपेशला ।
१६३६-२ विकाराद्यनभिज्ञेया विषदिग्धेव वारुणी ॥

१६३७-१ अन्तर्भूतो निवसति जडे जडः शिशिरमहसि हरिण इव ।
१६३७-२ अजडे शशीव तपने स तु प्रविष्टोऽपि निःसरति ॥

१६३८-१ अन्तर्भूय प्रभोः प्राप्यो विशेषः सर्वथा बुधैः ।
१६३८-२ को हि नाम न कुर्वीत केवलोदरपूरणं ॥

१६३९-१ अन्तर्मग्नकरेणवः कलभकव्यारुग्णकन्दाङ्कुरैः सामोदाः परितः प्रमत्तमहिषश्वासोल्लसद्वीचयः ।
१६३९-२ संमोदं जनयन्ति शैलसरितः सुच्छायकच्छस्थली- सीमानो जलसेकशीतलशिलानिद्राणरोहिद्गणाः ॥

१६४०-१ अन्तर्मन्युविभिन्नदीर्घरसितप्रोद्भूतकण्ठव्यथैराक्रुष्टास्तटिनीषु कोकमिथुनैर्यावन्निशीथं मिथः ।
१६४०-२ शीतोज्जागरजम्बुकौघमुखरग्रामोपकण्ठस्थलाः कृच्छ्रेणोपरमन्ति पान्थगृहिणीचिन्तायता रात्रयः ॥

१६४१-१ अन्तर्मलिनदेहेन बहिराह्लादकारिणा ।
१६४१-२ महाकालफलेनेव कः खलेन न वञ्चितः ॥

१६४२-१ अन्तर्मलिनसंसर्गाच्छ्रुतवानपि दुष्यति ।
१६४२-२ यच्चक्षुःसंनिकर्षेण कर्णोऽभूत्कुटिलाश्रयः ॥

१६४३-१ अन्तर्मलीमसे वक्रे चले कर्णान्तसर्पिणि तस्या नेत्रयुगे दृष्टे दुर्जने च कुतः सुखं ॥

१६४४-१ अन्तर्माररसार्द्रा गुरुगुणबद्धानुकूलतां धत्ते ।
१६४४-२ निष्ठुरबाह्याकारा दृतिरिव पतिसंनिधौ नव्या ॥

१६४५-१ अन्तर्मोहनमौलिघूर्णनचलन्मन्दारविभ्रंशनः स्तम्भाकर्षणदृप्तिहर्षणमहामन्त्रः कुरङ्गीदृशां ।
१६४५-२ दृप्यद्दानवदूयमानदिविषद्दुर्वारदुःखापदां भ्रंशः कंसरिपोर्विलोपयतु वोऽश्रेयांसि वंशीरवः ॥

१६४६-१ अन्तर्ये सततं लुथन्त्यगणितास्तानेव पाथोधरैरात्तानापततस्तरङ्गवलयैरालिङ्ग्य गृह्णन्नसौ ।
१६४६-२ व्यक्तं मौक्तिकरत्नतां जलकणान्संप्रापयत्यम्बुधिः प्रायोऽन्येन कृतादरो लघुरपि प्राप्तोऽर्च्यते स्वामिभिः ॥

१६४७-१ अन्तर्लीनभुजंगमं गृहमिवान्तःस्थोग्रसिंहं वनं ग्राहाकीर्णमिवाभिरामकमलच्छायासनाथं सरः ।
१६४७-२ कालेनार्यजनापवादपिशुनैः क्षुद्रैरनार्यैः श्रितं दुःखेन प्रविगाह्यते सचकितं राज्ञां मनः सामयं ॥

१६४८-१ अन्तर्लीनस्य दुःखाग्नेरद्योद्दामं ज्वलिष्यतः ।
१६४८-२ उत्पीड इव धूमस्य मोहः प्रागावृणोति मां ॥

१६४९-१ अन्तर्वसति मार्जारी शुनी वा राजवेश्मनि ।
१६४९-२ बहिर्बद्धोऽपि मातङ्गस्ततः किं लघुतां गतः ॥

१६५०-१ अन्तर्वहसि कषायं बाह्याकारेण मधुरतां यासि ।
१६५०-२ सहकार मायिविटपिन्युक्तं लोकैर्बहिर्नीतः ॥

१६५१-१ अन्तर्बहिस्त्रिजगतीरसभावविद्वान्यो नर्तयत्यखिलदेहभृतां कुलानि ।
१६५१-२ क्षेमं ददातु भगवान्परमादिदेवः शृङ्गारनाटकमहाकविरात्मजन्मा ॥

१६५२-१ अन्तर्वाणिं मन्यमानः खलोऽयं पौरोभाग्यं सूक्तिमुक्तासु धत्ते ।
१६५२-२ सर्वानन्दिन्यङ्गके कामिनीनां ईर्म मार्गत्येष वै बम्भरालिः ॥

१६५३-१ अन्तर्विशति मार्जारी शुनी वा राजवेश्मनि ।
१६५३-२ बहिःस्थस्य गजेन्द्रस्य किमर्थः परिहीयते ॥

१६५४-१ अन्तर्विषमया ह्येता बहिश्चैव मनोरमाः ।
१६५४-२ गुञ्जाफलसमाकारा योषितः केन निर्मिताः ॥

१६५५-१ अन्तर्विष्णोस्त्रिलोकी निवसति फणिनामीश्वरे सोऽपि शेते सिन्धोः सोऽप्येकदेशे तमपि चुलुकयां कुम्भयोनिश्चकार ।
१६५५-२ धत्ते खद्योतलीलामयमपि नभसि श्रीनृसिंहक्षितीन्द्र त्वत्कीर्तेः कर्णनीलोत्पलमिदमपि च प्रेक्षणीयं विभाति ॥

१६५६-१ अन्तर्हिते शशिनि सैव कुमुद्वती मे दृष्टिं न नन्दयति संस्मरणीयशोभा ।
१६५६-२ इष्टप्रवासजनितान्यबलाजनेन दुःखानि नूनमतिमात्रदुरुद्वहानि ॥

१६५७-१ अन्तश्छिद्राणि भूयंसि कण्टका बहवो बहिः ।
१६५७-२ कथं कमलनालस्य मा भूवन्भङ्गुरा गुणाः ॥

१६५८-१ अन्तश्छिद्रैरियमधिगता दुस्त्यजा दुष्टवंशैरत्यासक्तिर्निजकुलशुभोदर्कलाभाय न स्यात् ।
१६५८-२ किं तु ग्रीष्मश्वसनजनितान्योन्यसंघर्षवह्नि- ज्वालामालाजटिलवपुषामात्मनां नाशनाय ॥

१६५९-१ अन्तस्तव स ज्वलनो भीमा मकराश्च सर्वतो विकटाः ।
१६५९-२ अथ बत विषमयमङ्गं तदिति निषेव्यः कथं भवेर्जलधे ॥

१६६०-१ अन्तस्तारं तरलिततलाः स्तोकमुत्पीडभाजः पक्ष्माग्रेषु ग्रथितपृषतः कीर्णधाराः क्रमेण ।
१६६०-२ चित्तातङ्कं निजगरिमतः सम्यगासूत्रयन्तो निर्यान्त्यस्याः कुवलयदृशो बाष्पवारां प्रवाहाः ॥

१६६१-१ अन्तस्तिमिरनाशाय शाब्दबोधो निरर्थकः ।
१६६१-२ न नश्यति तमो नाम कृतया दीपवार्तया ॥

१६६२-१ अन्तस्तृष्णोपतप्तानां दावदाहमयं जगत् ।
१६६२-२ भवत्यखिलजन्तूनां यदन्तस्तद्बहिः स्थितं ॥

१६६३-१ अन्तिकान्तिकगतेन्दुविसृष्टे जिह्मतां जहति दीधितिजाले ।
१६६३-२ निःसृतस्तिमिरभारनिरोधादुच्छ्वसन्निव रराज दिगन्तः ॥

१६६४-१ अन्तेनार्जुनतां दधाति नयनं मध्ये तथा कृष्णतां द्वैरूप्यं दधतामुना विरचितः कर्णेन ते विग्रहः ।
१६६४-२ तत्कर्णार्जुनकृष्णविग्रहवती साक्षात्कुरुक्षेत्रतां यातासि त्वदवाप्तिरेव तरुणि श्रेयः परं गण्यते ॥

१६६५-१ अन्तेषु रेमिरे धीरा नते मध्येषु रेमिरे ।
१६६५-२ अन्तप्राप्तिं सुखामाहुर्दुःखमन्तरमन्तयोः ॥

१६६६-१ अन्ते सन्तोषदं विष्णुं स्मरेत्हन्तारमापदां ।
१६६६-२ शरतल्पगतो भीष्मः सस्मार गरुडध्वजं ॥

१६६७-१ अन्तो नाश्चर्यजातस्य जततो दृश्यते क्वचित् ।
१६६७-२ क्षुद्राहंभावसीमाया यावतीं मुक्तिमाप्नुमः ।
१६६७-३ आश्चर्याणि हि तावन्ति प्रकाशानि भवन्ति नः ॥

१६६८-१ अन्तो नास्ति पिपासायाः संतोषः परमं सुखं ।
१६६८-२ तस्मात्संतोषमेवेह धनं पश्यन्ति पण्डिताः ॥

१६६९-१ अन्त्यजोऽपि नरः पूज्यो यस्यास्ति विपुलं धनं ।
१६६९-२ अपि ब्रह्मकुले जातो निर्धनः परिभूयते ॥

१६७०-१ अन्त्यजोऽपि यदा साक्षी विवादे संप्रजायते ।
१६७०-२ न तत्र युज्यते दिव्यं किं पुनर्वनदेवताः ॥

१६७१-१ अन्त्यावस्थागतोऽपि महान्स्वगुणाञ्जहाति न शुद्धतया ।
१६७१-२ न श्वेतभावमुज्झति शङ्खः शिखिभुक्तमुक्तोऽपि ॥

१६७२-१ अन्त्रप्रोतबृहत्कपालनलकक्रूरक्वणत्कङ्कण- प्रायप्रेङ्खितभूरिभूषणरवैराधोषयन्त्यम्बरं ।
१६७२-२ पीतच्छर्दितरक्तकर्दमघनप्राग्भारघोरोल्लसद्व्यालोलस्तनभारभैरववपुर्दर्पोद्धतं धावति ॥

१६७३-१ अन्त्राकल्पचलत्पयोधरभरव्याविद्धमेघच्छटा- सृक्वस्थामिषगृध्नुगृध्रगरुदास्फालोच्चलन्मूर्धजा ।
१६७३-२ व्यादायाननमट्टहासविकटं दूरेण तारापथात्त्रस्यत्सिद्धपुरंध्रिवृन्दरभसोन्मुक्तादुपक्रामति ॥

१६७४-१ अन्त्रैः कल्पितमङ्गलप्रतिसराः स्त्रीहस्तरक्तोत्पल- व्यक्तोत्तंसभृतः पिनह्य सहसा हृत्पुण्डरीकस्रजः ।
१६७४-२ एताः शोणितपङ्ककुङ्कुमजुषः संभूय कान्तैः पिबन्त्यस्थिस्नेहसुराः कपालचषकैः प्रीताः पिशाचाङ्गनाः ॥

१६७५-१ अन्त्रैः स्वैरपि संयताग्रचरणो मूर्च्छाविरामक्षणे स्वाधीनव्रणिताङ्गशस्त्रनिचितो र्ॐओद्गमं वर्मयन् ।
१६७५-२ भग्नानुद्वलयन्निजान्परभटान्संतर्जयन्निष्ठुरं धन्यो धाम जयश्रियः पृथुरणस्तम्भे पताकायते ॥

१६७६-१ अन्दूमुद्धूय बद्धां निजमपि सहसा सूतमुन्मथ्य सद्यो निर्यातस्त्रस्तवाजिव्रजकृतनिनदाकर्णनक्रुद्धचेताः ।
१६७६-२ संरम्भारम्भभग्नद्रुमविटपशतैः प्रोथयन्नापनस्थानायाति व्यालनागस्त्वरितमिह जनाः सावधाना भवन्तु ॥

१६७७-१ अन्धं तमश्चेदयि बाधते त्वां सरोजनेत्रं जगदेकसूत्रं ।
१६७७-२ सुधाचरित्रं परमं पवित्रं कुरुष्व मित्रं वसुदेवपुत्रं ॥

१६७८-१ अन्धं दरिद्रितमपि प्रियया विहीनं वीक्ष्येश्वरे वदति या च वरं त्वमेकं ।
१६७८-२ नेत्रे न नापि वसु नो वनितां स वव्रे छत्राभिरामसुतदर्शनमित्युवाच ॥

१६७९-१ अन्धं पतिं प्राप्य विलासिनीनां कटाक्षबाणा विफला भवन्ति ।
१६७९-२ तद्वत्कुजादित्यशनैश्चराणां न वारदोषाः प्रभवन्ति रात्रौ ॥

१६८०-१ अन्धः स एव श्रुतवर्जितो यः शठः स एवार्थिनिरर्थको यः ।
१६८०-२ मृतः स एवास्ति यशो न यस्य धर्मे न धीर्यस्य स एव शोच्यः ॥

१६८१-१ अन्धः स्यादन्धवेलायां बाधिर्यमपि चाश्रयेत् ।
१६८१-२ कुर्यात्तृणमयं चापं शयीत मृगशायिकां ॥

१६८२-१ सान्त्वादिभिरुपायैस्तु हन्याच्छत्रुं वशे स्थितं ।
१६८२-२ दया तस्मिन्न कर्त्तव्या शरणागत इत्युत ॥

१६८३-१ अन्धकं कुब्जकं चैव कुष्ठाङ्गं व्याधिपीडितं ।
१६८३-२ आपद्गतं च भर्तारं न त्यजेत्सा महासती ॥

१६८४-१ अन्धकः कुब्जकश्चैव त्रिस्तनी राजकन्यका ।
१६८४-२ त्रयोऽप्यन्यायतः सिद्धाः संमुखे कर्मणि स्थिते ॥

१६८५-१ अन्धकः कुब्जकश्चैव राजकन्या च त्रिस्तनी ।
१६८५-२ अनयोऽपि नयं याति यावच्छ्रीर्भजते नरं ॥

१६८६-१ अन्धकः कुब्जकश्चैव राजकन्या च त्रिस्तनी ।
१६८६-२ सानुकूले जगन्नाथे विपरीतः सुयुग्भवेत् ॥

१६८७-१ अन्धकारगरलं यतो जगन्- मोहकारि भृशमत्ति नित्यशः ।
१६८७-२ उज्ज्वलं जठरमोषधीपतेरञ्जनाभमभवत्ततः प्रिये ॥

१६८८-१ अन्धकाराङ्कुरो जज्ञे ववृधे चाविलम्बितं ।
१६८८-२ भीमेन रममाणाया हिडिम्बाया इवात्मजः ॥

१६८९-१ अन्धत्वमन्धसमये बधिरत्वं बह्दिरकाल आलम्ब्य ।
१६८९-२ श्रीकेशवयोः प्रणयी परमेष्ठी नाभिवास्तव्यः ॥

१६९०-१ अन्धद्वये महानन्धो विषयान्धीकृतेक्षणः ।
१६९०-२ चक्षुषान्धो न जानाति विषयान्धो न केनचित् ॥

१६९१-१ अन्धस्य दर्पणेनेव हितेनेव हतश्रुतेः ।
१६९१-२ दुःखाभितप्तः शोकेन नेक्षते न शृणोति च ॥

१६९२-१ अन्धस्य पन्था बधिरस्य पन्थाः स्त्रियः पन्था वैवधिकस्य पन्थाः ।
१६९२-२ राज्ञः पन्था ब्राह्मणेनासमेत्य समेत्य तु ब्राह्मणस्यैव पन्थाः ॥

१६९३-१ अन्धस्य मे हृतविवेकमहाधनस्य चौरैर्विभो बलिभिरिन्द्रियनामधेयैः ।
१६९३-२ मोहान्धकूपकुहरे विनिपातितस्य देवेश देहि कृपणस्य करावलम्बं ॥

१६९४-१ अन्धा इव न पश्यन्ति योग्यायोग्यं हिताहितं ।
१६९४-२ पथा तेनैव गच्छन्ति नीयन्ते येन पार्थिवाः ॥

१६९५-१ अन्धा इव बधिरा इव मूका इव मोहभाज इव ।
१६९५-२ पङ्गव इवानभिमते नृपतेर्निवसन्ति साधवः सदसि ॥

१६९६-१ अन्धा विद्वज्जनैर्हीना मूका कविभिरुज्झिता ।
१६९६-२ बधिरा गायनैर्हीना सभा भवति भूभृतां ॥

१६९७-१ अन्धीकर्ॐइ भुवनं बधिरीकर्ॐइ धीरं सचेतनमचेतनतां नयामि ।
१६९७-२ कृत्यं न पश्यति न येन हितं शृणोति धीमानधीतमपि न प्रतिसंदधाति ॥

१६९७आ-१ अन्धे तमसि मज्जामः पशुभिर्ये यजामहे ।
१६९७आ-२ अहिंसायाः परो धर्मो न भूतो न भविष्यति ॥

१६९८-१ अन्दोऽप्यन्योक्तपथो दण्डधृगन्योपचरणीयः ।
१६९८-२ राजत्वप्रतिहतैर्जनानुरागैर्भरति भूपः ॥

१६९९-१ अन्धो मत्स्यानिवाश्नाति स नरः कण्टकैः सह ।
१६९९-२ यो भाषतेऽर्थवैकल्यं अप्रत्यक्षं सभां गतः ॥

१७००-१ अन्धो वा वधिरो वाथ कुष्टी वाप्यन्त्यजोऽपि वा ।
१७००-२ परिगृह्णातु तां कन्यां सलक्षां स्याद्विदेशगः ॥

१७०१-१ अन्धो हि राजा भवति यस्तु शास्त्रविवर्जितः ।
१७०१-२ अन्धः पश्यति चारेण शास्त्रहीनो न पश्यति ॥

१७०२-१ अन्घ्रीनीरन्घ्रपीनस्तनतटलुठनायासमन्दप्रचाराश्चारूनुल्लासयन्तो द्रविडनरवधूहारिधम्मिल्लभारान् ।
१७०२-२ जिघ्रन्तः सिंहलीनां मुखकमलमलं केरलीनां कपोलं चुम्बन्तो वान्ति मन्दं मलयपरिमला वायवो दाक्षिणात्याः ॥

१७०३-१ अन्नं किंशुकपुष्पपुञ्जसदृशं पाषाणजालैर्युतं धूम्यं गन्धयुतं च जालमखिलं भग्नाश्च दन्तालयः ।
१७०३-२ आज्यं दूरतरं न चापि लवणं न श्रूयते तिन्त्रिणी भक्ष्याणां वचनं च नास्ति हि सखे तद्भोजनं वर्णये ॥

१७०४-१ अन्नं दद्यादतिथये श्रद्धया स्वर्गदं हि तत् ।
१७०४-२ सकुटुम्बो दिशन्नन्नं सक्तुप्रस्थो दिवंगतः ॥

१७०५-१ अन्नं धान्यं वसु वसुमतीत्युत्तरेणोत्तरेण व्याकृष्यन्ते परमकृपणाः पामरा यद्वदित्यं ।
१७०५-२ भूमिः खं द्यौर्द्रुहिणगृहमित्युत्तरेणोत्तरेण व्यामोह्यन्ते विमलमतयोऽप्यस्थिरेणैव धाम्ना ॥

१७०६-१ अन्नं नास्त्युदकं नास्ति नास्ति ताम्बूलचर्वणं ।
१७०६-२ मन्दिरेषुमहोत्साहः शुष्कचर्मस्य (

?)

ताडनं ॥

१७०७-१ अन्नं मुक्तासुवर्णं द्रवगुणरहिताः स्वर्णरूपाश्च सूपाः सामोदाः शाकभेदाः फलगुडमिलिताः पायसं … ।
१७०७-२ यावद्भोज्यं तदाज्यं दधि कथिनतरं नैकरूपास्त्वपूपाः भुज्यन्ते भूसुरौधैर्महति तव गृहे रामचन्द्रस्य तृप्त्यै ॥

१७०८-१ अन्नं विधात्रा विहितं मर्त्यानां जीवधारणं ।
१७०८-२ तदनादृत्य मतिमान्प्रार्थयेन्न तु किंचन ॥

१७०९-१ अन्नं संप्रोक्ष्य गायत्र्या सत्यं त्वर्तेति मन्त्रतः ।
१७०९-२ ऋतं त्वेति च सायं तु परिषिञ्चेत्प्रदक्षिणं ॥

१७१०-१ अन्नं हि प्राणिनां प्राणा आर्तानां शरणं त्वहं ।
१७१०-२ धर्मो वित्तं नृणां प्रेत्य सन्तोऽर्वाग्बिभ्यतोऽरणं ॥

१७११-१ अन्नजा भुवि मर्त्यानां श्रमजा वा कथंचन ।
१७११-२ सैषा भवति लोकस्य निद्रा सर्वस्य लौकिकी ॥

१७१२-१ अन्नदाता भयत्राता कन्यादाता तथैव च ।
१७१२-२ जनिता चोपनेता च पञ्चैते पितरः स्मृताः ॥

१७१३-१ अन्नदानं महादानं विद्यादानं महत्तरं ।
१७१३-२ अन्नेन क्षणिका तृप्तिर्यावज्जीवं तु विद्यया ॥

१७१४-१ अन्नदानात्परं दानं न भूतं न भविष्यति ।
१७१४-२ अन्नेन धार्यते सर्वं जगदेतच्चराचरं ॥

१७१५-१ अन्नदाहे हरेन्मांसं अम्बुदाहे च शोणितं ।
१७१५-२ कामदाहे हरेन्नेत्रं अनिद्रा रोगकारिणी ॥

१७१६-१ अन्नदो जलदश्चैव आतुरस्य चिकित्सकः ।
१७१६-२ त्रयस्ते स्वर्गमायान्ति विना यज्ञेन भारत ॥

१७१७-१ अन्नपानं विषाद्रक्षेद्विशेषेण महीपतेः ।
१७१७-२ योगक्षेमौ तदायत्तौ धर्माद्या यन्निबन्धनाः ॥

१७१८-१ अन्नपानादिभिश्चैव वस्त्रालंकारभूषणैः ।
१७१८-२ गन्धमाल्यैर्विचित्रैश्च गुरुं तत्र प्रपूजयेत् ॥

१७१९-१ अन्नपानानि जीर्यन्ते यत्र भक्षाश्च भक्षिताः ।
१७१९-२ तस्मिन्नेवोदरे गर्भः किं नाम न विजीर्यते ॥

१७२०-१ अन्नप्रणाशे सीदन्ति शरीरे पञ्च धातवः ।
१७२०-२ आहारात्सर्वभूतानि संभवन्ति महीतले ॥

१७२१-१ अन्नमूलं बलं पुंसां बलमूलं हि जीवनं ।
१७२१-२ तस्माद्यत्नेन संरक्षेद्बलं च कुशलो भिषक् ॥

१७२२-१ अन्नवस्त्रसुवर्णानि रत्नानि विविधानि च ।
१७२२-२ ब्राह्मणेभ्यो नदीतीरे ददाति व्रज सत्वरं ॥

१७२३-१ अन्नहीनो दहेद्राष्ट्रं मन्त्रहीनश्च ऋत्विजः ।
१७२३-२ यजमानं दानहीनो नास्ति यज्ञसमो रिपुः ॥

१७२४-१ अन्नादष्टगुणं पिष्टं पिष्टादष्तगुणं पयः ।
१७२४-२ पयसोऽष्टगुणं मांसं मांसादष्टगुणं घृतं ॥

१७२५-१ अन्नादिवर्गं फलपुष्पमांस- मत्स्यादिभिः पूर्णमुखः सदैव ।
१७२५-२ स्याद्दृष्टमात्रोऽभिमतार्थसिद्ध्यै मृष्टान्नभोज्याय मुदे च काकः ॥

१७२६-१ अन्नादिविष्ठानवग्ॐअयानि न वा विधुन्वन्वदने सदैव ।
१७२६-२ वामोपसव्योऽप्यवलोक्यमानो मनोरथं पूरयते ध्रुवश्च ॥

१७२७-१ अन्नादिविष्ठापिशितादिभिर्यः पूर्णाननोऽभीष्टफलप्रदोऽसौ ।
१७२७-२ मन्त्रादिसिद्ध्यै वणिगादिलाभे शस्तो विवाहादिविधौ च काकः ॥

१७२८-१ अन्नादे भ्रूणहा मार्ष्टि अन्नेन अभिशंसति ।
१७२८-२ स्तेनः प्रमुक्तो राजनि याचन्ननृतसंकरे ॥

१७२९-१ अन्नादे भ्रूणहा मार्ष्टि पत्यौ भार्यापचारिणी ।
१७२९-२ गुरौ शिष्यश्च याज्यश्च स्तेनो राजनि किल्बिषं ॥

१७३०-१ अन्नाद्भवन्ति भूतानि पर्जन्यादन्नसंभवः ।
१७३०-२ यज्ञाद्भवति पर्जन्यो यज्ञः कर्मसमुद्भवः ॥

१७३१-१ अन्नाद्रक्तं च शुक्लं चाप्यतो जीवः प्रतिष्ठितः ।
१७३१-२ इन्द्रियाणि च बुद्धिश्च तृप्यन्त्यन्नेन नित्यशः ॥

१७३२-१ अन्नाभावे मृत्युः शालिभिरन्नानि शालयो वृष्ट्या ।
१७३२-२ वृष्टिस्तपसेति वदन्नमृत्यवे तत्तपश्चरतु ॥

१७३३-१ अन्नाशने स्यात्परमाणुमात्रः प्रशक्यते शोधयितुं तपोभिः ।
१७३३-२ मांसाशने पर्वतराजमात्रो नो शक्यते शोधयितुं महत्त्वात् ॥

१७३४-१ अन्नेन धार्यते सर्वं जगदेतच्चराचरं ।
१७३४-२ अन्नात्प्रभवति प्राणः प्रत्यक्षं नास्ति संशयः ॥

१७३५-१ अन्ने पाने च ताम्बूले फले पुष्पे विभूषणे ।
१७३५-२ वस्त्रे विलेपने धूपे शय्यायामासनेषु च ॥

१७३६-१ अन्यं काननमाशु गच्छ तरसा वन्यं फलं भुङ्क्ष्व रे धन्यं धाम विभाति ते न हि तथा पुण्यं जघन्यं कुरु ।
१७३६-२ एतस्मिन्करिशाव मा व्रज वने जल्पामि तथ्यं वचो जानास्येव करीन्द्रदर्पदलनो निद्राति पञ्चाननः ॥

१७३७-१ अन्यं मनुष्यं हृदयेन कृत्वा अन्यं ततो दृष्टिभिराह्वयन्ति ।
१७३७-२ अन्यत्र मुञ्चन्ति मदप्रसेकं अन्यं शरीरेण च कामयन्ते ॥

१७३८-१ अन्यः कः क्षारवार्धे त्वमिव नियमितो वानरैर्वा नरैर्वा विप्रेणैकेन कोऽन्यः करकुहरपुटीपात्रमात्रे निपीतः ।
१७३८-२ जल्पन्नित्थं पृथूर्मिघ्वनिभिरवतरत्फेनकूटाट्टहासैः स्पर्धां धत्ते पयोधेरधिकमधिपुरं निर्मितो यत्तटाकः ॥

१७३९-१ अन्यः करोति व्यापारं लिप्तो भवति लेखकः ।
१७३९-२ भगलिङ्गप्रसङ्गेन छिन्ना भवति नासिका ॥

१७४०-१ अन्यः कोऽपि स कुम्भसंभवमुनेरास्तां शिखी जाठरो यं संचिन्त्य दुकूलवह्निसदृशः संलक्ष्यते वाडवः ।
१७४०-२ वन्द्यं तज्जठरं स मीनमकरग्राहावलिस्तोयधिः पश्चात्पार्श्वमपूरितान्तरवियद्यत्र स्वनन्भ्राम्यति ॥

१७४१-१ अन्य इत्यनुपजातयन्त्रणं द्रागुदञ्चितवती विलोचनं ।
१७४१-२ मामवेत्य चकिता वृतानना दन्तदष्टरसना मनागभूत् ॥

१७४२-१ अन्यकर्मविमूढो य आत्मकर्मविशारदः ।
१७४२-२ यथा पश्य न जानाति स्तनपानेतरच्छिशुः ॥

१७४३-१ अन्यकालपरिहार्यमजस्रं तद्द्वयेन विदधे द्वयमेव ।
१७४३-२ धृष्टता रहसि भर्तृषु ताभिर्निर्दयत्वमितरैरबलासु ॥

१७४४-१ अन्यक्षेत्रे कृतं पापं पुण्यक्षेत्रे विनश्यति ।
१७४४-२ पुण्यक्षेत्रे कृतं पापं वज्रलेपो भविष्यति ॥

१७४५-१ अन्यतो नय मुहूर्तमाननं चन्द्र एष सरले कलामयः ॥

१७४५-२ मा कदाचन कपोलयोर्मलं संक्रमय्य समतां स नेष्यति ॥

१४७६-१ अन्यतो यदि निजोपचिकीर्षा मानहानिरिति भीतिरनीतिः ।
१४७६-२ श्रीधरोऽपि हि बले श्रियमिच्छन्मानमातनुत वामनमेव ॥

१४७७-१ अन्यत्कृत्यं मनुजश्चिन्तयति दिवानिशं विशुद्धधिया ।
१४७७-२ वेधा विदधात्यन्यत्स्वामीव न शक्यते धर्तुं ॥

१७४८-१ अन्यत्र देशे घटिता जगन्ति ग्रसिष्यते विश्वसृजेति मत्वा ।
१७४८-२ संकोचयित्वा किमु पादमूल- द्वयान्तराले निहितास्ति योनिः ॥

१७४९-१ अन्यत्र भीष्माद्गाङ्गेयादन्यत्र च हनूमतः ।
१७४९-२ हरिणीखुरमात्रेण चर्मणा मोहितं जगत् ॥

१७५०-१ अन्यत्र यापितनिशं परिलोहिताङ्गं अन्याङ्गनागतमिवागतमुष्णरश्मिं ।
१७५०-२ प्रातर्निरीक्ष्य कुपितेव हि पद्मिनीयं उत्फुल्लहल्लकसुलोहितलोचनाभूत् ॥

१७५१-१ अन्यत्र यूयं कुसुमावचायं कुरुध्वमत्रास्मि कर्ॐइ सख्यः ।
१७५१-२ नाहं हि दूरं भ्रमितुं समर्था प्रसीदतायं रचितोऽञ्जलिर्वः ॥

१७५२-१ अन्यत्र व्रजतीति का खलु कथा नाप्यस्य तादृक्सुहृद्यो मां नेच्छति नागतश्च हहहा कोऽयं विधेः प्रक्रमः ।
१७५२-२ इत्यल्पेतरकल्पनाकवलितस्वान्ता निशान्तान्तरे बाला वृत्तविवर्तनव्यतिकरा नाप्नोति निद्रां निशि ॥

१७५३-१ अन्यथा चिन्तिता ह्यर्था नरैस्तात मनस्विभिः ।
१७५३-२ अन्यथैव हि गच्छन्ति दैवादिति मतिर्मम ॥

१७५४-१ अन्यथा परिदृष्टानि मुनिभिर्वेददर्शिभिः ।
१७५४-२ अन्यथा परिवर्तन्ते वेगा इव नभस्वतः ॥

१७५५-१ अन्यथालिङ्ग्यते कान्ता भावेन दुहितान्यथा ।
१७५५-२ मनसो भिद्यते वृत्तिरभिन्नेष्वपि वस्तुषु ॥

१७५६-१ अन्यथा वर्त्तमानानां अर्थी भूतोऽयमन्यथा ।
१७५६-२ अस्माभिर्यदनुष्ठेयं गन्धर्वैस्तदनुष्ठितं ॥

१७५७-१ अन्यथा वेदशास्त्राणि ज्ञानपाण्डित्यमन्यथा ।
१७५७-२ अन्यथा तत्पदं शान्तं लोकाः क्लिश्यन्ति चान्यथा ॥

१७५८-१ अन्यथा शास्त्रगर्भिण्या धिया धीरोऽर्थमीहते ।
१७५८-२ स्वामीव प्राक्तनं कर्म विदधाति तदन्यथा ॥

१७५९-१ अन्यथैव विचिन्त्यन्ते पुरुषेण मनोरथाः ।
१७५९-२ दैवेनाहितसद्भावाः कर्मणां गतयोऽन्यथा ॥

१७६०-१ अन्यथैवसती पुत्रं चिन्तयेदन्यथा पतिं ।
१७६०-२ यथा यथा स्वभावस्य महाभाग उदाहृतं ॥

१७६१-१ अन्यथैव हि मन्यन्ते पुरुषास्तानि तानि च ।
१७६१-२ अन्यथैव प्रभुस्तानि करोति विकरोति च ॥

१७६२-१ अन्यथैव हि सौहार्दं भवेत्स्वच्छान्तरात्मनः ।
१७६२-२ प्रवर्ततेऽन्यथा वाणी शाठ्योपहतचेतसः ॥

१७६३-१ अन्यदस्मि भवतीं न याचिता वारमेकमधरं धयामि ते ।
१७६३-२ इत्यसिस्वददुपांशुकाकुवाक्सोपमर्दहठवृत्तिरेव तं ॥

१७६४-१ अन्यदाभाषितं पूर्वं दत्तमन्यत्ततोऽल्पकं ।
१७६४-२ यत्सदोषमयोग्यं वा कूटदानेन तेन किं ॥

१७६५-१ अन्यदा भूषणं पुंसः क्षमा लज्जेव योषितः ।
१७६५-२ पराक्रमः परिभवे वैयात्यं सुरतेष्विव ॥

१७६६-१ अन्यदीयमविचिन्त्य पातक निर्घृणो हरति जीवितोपमं ।
१७६६-२ द्रव्य्मत्र कितवो विचेतनस्तेन गच्छति कदर्थनां चिरं ॥

१७६७-१ अन्यदुःखेन यो दुःखी योऽन्यहर्षेण हर्षतः ।
१७६७-२ स एव जगतामीशो नररूपधरो हरिः ॥

१७६८-१ अन्यदुच्छृङ्खलं सत्त्वं अन्यच्छास्त्रनियन्त्रितं ।
१७६८-२ सामानाधिकरण्यं हि तेजस्तिमिरयोः कुतः ॥

१७६९-१ अन्यदुप्तं जातमन्यदित्येतन्नोपपद्यते ।
१७६९-२ उप्यते यद्धि यद्बीजं तत्तदेव प्ररोहति ॥

१७७०-१ अन्यदोषमिव स स्वकं गुणं ख्यापयेत्कथमधृष्टताजडः ।
१७७०-२ उच्यते स खलु कार्यवत्तया धिग्वभिन्नबुधसेतुमर्थितां ॥

१७७१-१ अन्यद्गोपुच्छकं ज्ञेयं शुद्धकाष्ठविनिर्मितं ।
१७७१-२ मुखे च लोहकण्ठेन वेध्यं त्र्यङ्गुलसंमितं ॥

१७७२-१ अन्यपूर्वां स्त्रियं साध्वीं कामयेत न गर्वतः ।
१७७२-२ साध्वीरिच्छन्महादेवः षण्डोऽभूद्दारुकावने ॥

१७७३-१ अन्यप्रतापमासाद्य यो दृढत्वं न गच्छति ।
१७७३-२ जातुषाभरणस्येव रूपेणापि हि तस्य किं ॥

१७७४-१ अन्यमाश्रयते लक्ष्मीस्त्वन्यमन्यं च मेदिनी ।
१७७४-२ अनन्यगामिनी पुंसां कीर्तिरेका पतिव्रता ॥

१७७५-१ अन्ययान्यवनितागतचित्तं चित्तनाथमभिशङ्कितवत्या ।
१७७५-२ पीतभूरिसुरयापि न मेदे निर्वृतिर्हि मनसो मदहेतुः ॥

१७७६-१ अन्यया यौवने मर्त्यो बुद्ध्या भवति मोहितः ।
१७७६-२ मध्येऽन्यया जरायांतु सोऽन्यां रोचयते मतिं ॥

१७७७-१ अन्यवर्णं शिरो यस्य पुच्छं वा यस्य वाजिनः ।
१७७७-२ पुच्छेन शिरसा वापि नानावर्णः स निन्दितः ॥

१७७८-१ अन्यवर्णपरावृत्त्या बन्धचिह्ननिगूहनैः ।
१७७८-२ अनाख्यातः सतां मध्ये कविश्चोरो विभाव्यते ॥

१७७९-१ अन्यस्त्रीस्पृहयालवो जगति के पद्भ्यामगम्या च का को धातुर्दशने समस्तमनुजैः का प्रार्थ्यतेऽहर्निशं ।
१७७९-२ दृष्ट्वैकां यवनेश्वरो निजपुरे पद्माननां कामिनीं मित्रं प्राह किमादरेण सहसा यारानदीदंशमा ॥

१७८०-१ अन्यस्माल्लब्धोष्मा क्शुद्रः प्रायेण दुःसहो भवति ।
१७८०-२ रविरपि न दहति तादृग्यादृघ्युत्तप्तवालुकानिकरः ॥

१७८१-१ अन्यस्मिन्नपि काले दयिताविरहः करोति संतापं ।
१७८१-२ किं पुनरविरलजलधर- गुरुतररसितेषु दिवसेषु ॥

१७८२-१ अन्यस्मिन्प्रेष्यमाणे तु पुरस्ताद्यः समुत्पतेत् ।
१७८२-२ अहं किं करवाणीति स राजवसतिं वसेत् ॥

१७८३-१ अन्यस्य लगति कर्णे जीवितमन्यस्य हरति बाण इव ।
१७८३-२ हृदयं दुनोति पिशुनः कण्टक इव पादलग्नोऽपि ॥

१७८४-१ अन्यस्यै संप्रतीयं कुरु मदनरिपो स्वाङ्गदानप्रसादं नाहं सोढुं समर्था शिरसि सुरनदीं नापि संध्यां प्रणन्तुं ।
१७८४-२ इत्युक्त्वा कोपविद्धां विघटयितुमुमामात्मदेहं प्रवृत्तां रुन्धानः पातु शम्भोः कुचकलसहठस्पर्शकृष्टो भुजो वः ॥

१७८५-१ अन्याङ्गनाभिरधिकं स करोति केलिं त्वं तेन मा कुरु विषादमदभ्ररूपे ।
१७८५-२ पेपीयते मधुकरः क्व न तं मरन्दं नो जातु विस्मरति पङ्कजिनीं तथापि ॥

१७८६-१ अन्या जगद्धितमयी मनसः प्रवृत्तिरन्यैव कापि रचना वचनावलीनां ।
१७८६-२ लोकोत्तरा च कृटिराकृतिरार्तहृद्या विद्यावतां सकलमेव गिरां दवीयः ॥

१७८७-१ अन्यादानाकुलान्तःकरणवशविपद्बाधितप्रेतरङ्कं ग्रासभ्रश्यत्करालश्लथपिशितशवाग्रग्रहे मुक्तनादं ।
१७८७-२ सर्वैः क्रामद्भिरुल्काननकवलरसव्यात्तवक्त्रप्रभाभिर्व्यक्तैस्तैः संवलद्भिः क्षणमपरमिव व्य्ॐनि वृत्तं श्मशानं ॥

१७८८-१ अन्यानपि तरून्रोप्य फलपुष्पोपयोगिनः ।
१७८८-२ रत्नधेनुसहस्रस्य फलं प्राप्नोति मानवः ॥

१७८९-१ अन्या निरर्थिका चिन्ता बलतेजःप्रणाशिनी ।
१७८९-२ नाशयेत्सर्वसौख्यं तु रूपहानिं निदर्शयेत् ॥

१७९०-१ अन्यानि शास्त्राणि विनोदमात्रं प्राप्तेषु वा तेषु न तैश्च किंचित् ।
१७९०-२ चिकित्सितज्योतिषमन्त्रवादाः पदे पदे प्रत्ययमावहन्ति ॥

१७९१-१ अन्यानि शास्त्राणि विनोदमात्रं प्राप्तेषु कालेषु न तैश्च किंचित् ।
१७९१-२ चिकित्सितज्योतिषमन्त्रवादाः पदे पदे प्रत्ययमावहन्ति ॥

१७९२-१ अन्यान्परिवदन्साधुर्यथा हि परितप्यते ।
१७९२-२ तथा परिवदन्नन्यांस्तुष्टो भवति दुर्जनः ॥

१७९३-१ अन्यान्योपमितं युगं निरुपमं तेऽयुग्ममङ्गेषु यत्सोऽयं सिक्थकमास्यकान्तिमधुनस्तन्वङ्गि चन्द्रस्तव ।
१७९३-२ त्वद्वाचां स्वरमात्रिकां मदकलः पुंस्कोकिलो घोषयत्यभ्यासस्य किमस्त्यगोचरमिति प्रत्याशया मोहितः ॥

१७९४-१ अन्या प्रकामसुरतश्रमखिन्नदेहा रात्रिप्रजागरविपाटलनेत्रपद्मा ।
१७९४-२ शय्यान्तदेशलुलिताकुलकेशपाशा निद्रां प्रयाति मृदुसूर्यकराभितप्ता ॥

१७९५-१ अन्या प्रियेण परिभुक्तमवेक्ष्य गात्रं हर्षान्विता विरचिताधरचारुशोभा ।
१७९५-२ कूर्पासकं परिदधाति नखक्षताङ्गी व्यालम्बिनीलललितालककुञ्चिताक्षी ॥

१७९६-१ अन्याभ्यो वन्याभ्यो मालति धन्यासि वल्लरीभ्यस्त्वं ।
१७९६-२ यत्किल तवैव सविधे क्रीडति मधुपः सदैव मुदितोऽयं ॥

१७९७-१ अन्यामन्यां धनावस्थां प्राप्य वैशेषिकीं नराः ।
१७९७-२ असंतुष्टाः प्रमुह्यन्ति संतोषं यान्ति पण्डिताः ॥

१७९८-१ अन्यायः प्रौढवादेन नीयते न्यायतां यया ।
१७९८-२ न्यायश्चान्यायतां लोभात्किं तया क्षुद्रविद्यया ॥

१७९९-१ अन्यायकरभोगैश्च यो हि जीवति नित्यशः ।
१७९९-२ विरागादेव लोकानां भ्रंशते स हि पार्थिवः ॥

१८००-१ अन्यायद्रविणादानेष्वुद्यमः क्रियते वृथा ।
१८००-२ लुब्धानां सत्यसंकोचात्संकुचन्त्येव संपदः ॥

१८०१-१ अन्यायवित्तेन कृतोऽपि धर्मः सव्याज इत्याहुरशेषलोकाः ।
१८०१-२ न्यायार्जितार्थेन स एव धर्मो निर्व्याज इत्यार्यजना वदन्ति ॥

१८०२-१ अन्यायसमुपात्तेन दानधर्मो धनेन यः ।
१८०२-२ क्रियते न स कर्तारं त्रायते महतो भयात् ॥

१८०३-१ अन्या या वसनोत्तमं तदधुना संगृह्य मान्यं पुनर्यन्मां दर्शयसि प्रियं प्रियतमं तोषाय रोषाय नो ।
१८०३-२ सर्वसैव सतश्च रीतिरियती पूर्वं श्रुता वृद्धतः प्रायः प्राप्य निजप्रकर्षमखिलं मित्रं मुदादर्शयत् ॥

१८०४-१ अन्यायोपार्जितं द्रव्यं दशवर्षाणि तिष्ठति ।
१८०४-२ प्राप्ते चैकादशे वर्षे समूलं च विनश्यति ॥

१८०५-१ अन्यायोपार्जितं द्रव्यं अर्थदूषणमुच्यते ।
१८०५-२ अपात्रदानं पात्रार्थ हरणं तस्य लक्षणं ॥

१८०६-१ अन्यार्थमङ्गीकृतवारिपाणौ विशङ्कमानास्तव दाननीरं ।
१८०६-२ परस्परं दीनमुखा न के वा देवाः सुमेरुं शुशुचुः स्वभूमिं ॥

१८०७-१ अन्या विहाय पतिगृह- मविचिन्तितकुलकलङ्कजनगर्हाः ।
१८०७-२ रागोपरक्तहृदया यान्ति दिगन्तं मनुष्या आसज्य ॥

१८०८-१ अन्याश्चिरं सुरतकेलिपरिश्रमेण खेदं गताः प्रशिथिलीकृतगात्रयष्ट्यः ।
१८०८-२ संहृष्यमाणविपुलोरुपयोधरार्ता अभ्यञ्जनं विदधति प्रमदाः सुशोभाः ॥

१८०९-१ अन्यासां न किमस्ति वेश्मनि वधूः कैवं निशि प्रावृषि प्रैति प्रान्ततडागमम्ब गृहिणि स्वस्थासि मेऽवस्थया ।
१८०९-२ भग्नोऽयं वलयो घटो विघटितः क्षण्णा तनुः कण्टकैराक्रान्तः स तथा भुजङ्गहतकः कष्टं न यद्दष्टवान् ॥

१८१०-१ अन्या साधिगता त्वया क्व युवती यस्याः स मानग्रहो याते लोचनगोचरं प्रियतमे संप्रत्यपक्रामति ।
१८१०-२ अस्माकं पुनरुग्रपूरुषशताश्लेषप्रगल्भात्मनां एतादृश्यनभिज्ञपूरुषपरिष्वङ्गे कुतः साध्वसं ॥

१८११-१ अन्या सा सरसी मराल मुनिभिर्यत्तीरसोपानिका- विन्यस्तान्बलितण्डुलान्कवलयन्दृष्टोऽसि हृद्यैर्मुखैः ।
१८११-२ एषा पक्कणवापिका कमलिनीखण्डेऽत्र गुप्तात्मभिर्व्याधैस्त्वद्विधमुग्धबन्धनविधौ किं नाम नासूत्र्यते ॥

१८१२-१ अन्यासु तावदुपमर्दसहासु भृङ्ग लोलं विनोदय मनः सुमनोलतासु ।
१८१२-२ मुघ्दामजातरजसं कलिकामकाले व्यर्थं कदर्थयसि किं नवमल्लिकायाः ॥

१८१३-१ अन्यास्ता गुणरत्नरोहणभुवो धन्या मृदन्यैव सा संभाराः खलु तेऽन्य एव विधिना यैरेष सृष्टो युवा ।
१८१३-२ श्रीमत्कान्तिजुषां द्विषां करतलात्स्त्रीणां नितम्बस्थलाद्दृष्टे यत्र पतन्ति मूढमनसामस्त्राणि वस्त्राणि च ॥

१८१४-१ अन्यास्ता मलयाद्रिकाननभुवः स्वच्छस्रवन्निर्ज्झरास्तृष्णा यासु निवर्तते तनुभृतामालोकमात्रादपि ।
१८१४-२ रूक्षध्वाङ्क्षपरिग्रहो मरुरयं स्फारीभवद्भ्रान्तयः ता एता मृगतृष्णिका हरिण हे नेदं पयो गम्यतां ॥

१८१५-१ अन्यूनं गुणममृतस्य धारयन्ती संफुल्लस्फुरितसरोरुहावतंसा ।
१८१५-२ प्रेयोभिः सह सरसी निषेव्यमाणा रक्तत्वं व्यधित वधूदृशं सुरा च ॥

१८१६-१ अन्यूनोन्नतयोऽतिमात्रपृथवः पृथ्वीधरश्रीभृतस्तन्वन्तः कनकावलीभिरुपमां सौदामनीदामभिः ।
१८१६-२ वर्षन्तः शममानयन्नुपलसच्छृङ्गारलेखायुधाः काले कालियकायकालवपुषः पांसून्गजाम्भ्ॐउचः ॥

१८१७-१ अन्ये च बहवो रागा जाता देशविशेषतः ।
१८१७-२ मारूप्रभृतयो लोके ते च तद्देशिकाः स्मृताः ॥

१८१८-१ अन्ये चेत्प्राकृता लोका बहुपापानि कुर्वते ।
१८१८-२ प्रधानपुरुषेणापि कार्यं तत्पृष्ठतो नु किं ॥

१८१९-१ अन्ये ते जलदायिनो जलधरास्तृष्णां विनिघ्नन्ति ये भ्रातश्चातक किं वृथातिरटितैः खिन्नोऽसि विश्राम्यतां ।
१८१९-२ मेघः शारद एष काशधवलः पानीयरिक्तोदरो गर्जत्येव हि केवलं भृशतरं नो बिन्दुमप्युज्झति ॥

१८२०-१ अन्ये ते विहगाः पयोद परितो धावन्ति तृष्णातुरा वापीकूपतडागसागरजले मज्जन्ति दत्तादराः ।
१८२०-२ मामद्यापि न वेत्सि चातकशिशुं यच्छुष्ककण्ठोऽपि सन्नान्यं वाञ्छति नोपसर्पति न च प्रस्तौति न ध्यायति ॥

१८२१-१ अन्ये ते सुमनोलिहः प्रहसदप्यम्भोजमुज्झन्ति ये वातान्दोलनकेलिचञ्चलदलप्रान्तैरपि त्रासिताः ।
१८२१-२ अन्यः कोऽपि स एष षट्पदभटः संसह्य कर्णाहतीर्येनानेकपगण्डगण्डलमिलद्दानाम्बुनि क्रीडितं ॥

१८२२-१ अन्येनापि स्वमांसेन छिद्यमानेन दूयते ।
१८२२-२ तथापि परमांसानि स्वादूनीति समश्नुते ॥

१८२३-१ अन्येऽपि सन्ति गुणिनः कति नो जगत्यां हार त्वमेव गुणिनामुपरिस्थितोऽसि ।
१८२३-२ एणीदृशामुरसि नित्यमवस्थितोऽसि सद्वृत्तता च शुचिता च न खण्डिता ते ॥

१८२४-१ अन्येऽपि सन्ति बत तामरसावतंसा हंसावलीवलयिनो जलसंनिवेशाः ।
१८२४-२ कोऽप्याग्रहो गुरुरयं बत चातकस्य पौरंदरीं यदभिवाञ्छति वारिधारां ॥

१८२५-१ अन्येयं रूपसंपत्तिरन्या वैदग्ध्यधोरणी ।
१८२५-२ नैषा नलिनपत्राक्षी सृष्टिः साधारणी विधेः ॥

१८२६-१ अन्येषां यो न पापानि चिन्तयत्यात्मनो यथा ।
१८२६-२ तस्य पापागमस्तात हेत्वभावान्न विद्यते ॥

१८२७-१ कर्मणा मनसा वाचा परपीडां करोति यः ।
१८२७-२ तद्बीजं जन्म फलति प्रभूतं तस्य चाशुभं ॥

१८२८-१ अन्येषामपि नश्यन्ति सुहृदश्च धनानि च ।
१८२८-२ पश्य बुद्ध्या मनुष्याणां राजन्नापदमात्मनः ॥

१८२९-१ अन्येष्वर्थकृता मैत्री यावदर्थविडम्बनं ।
१८२९-२ पुंभिः स्त्रीषु कृता यद्वत्सुमनःस्विव षट्पदैः ॥

१८३०-१ अन्ये हि दुःखमृतवः प्रथयन्त्यहोभिः सूर्यांशुलुप्ततिमिरैरभिसारिकाणां ।
१८३०-२ हेमन्त एष हिमरुद्धसहस्रधामा कामं करोति दिवसेष्वपि शर्म तासां ॥

१८३१-१ अन्यैः साकं विरोधेन वयं पञ्चोत्तरं शतं ।
१८३१-२ परस्परविरोधेन वयं पञ्च च ते शतं ॥

१८३२-१ अन्योच्छिष्टेषु पात्रेषु भुक्त्वैतेषु महीभुजः ।
१८३२-२ कस्मान्न लज्जामवहञ्शौचचिन्तां न वा दधुः ॥

१८३३-१ अन्यो धनं प्रेतगतस्य भुङ्क्ते वयांसि चाग्निश्च शरीरधातून् ।
१८३३-२ द्वाभ्यामयं सह गच्छत्यमुत्र पुण्येन पापेन च वेष्ट्यमानः ॥

१८३४-१ अन्योन्यं कृतवैराणां पुत्रपौत्रं निगच्छति ।
१८३४-२ पुत्रपौत्रे विनष्टे तु परलोकं निगच्छति ॥

१८३५-१ अन्योन्यं दशनच्छदेषु दशतोरन्योन्यमालिङ्गतोरन्योन्यं नखरैः खरैर्विलिखतोरन्योन्यमाचुम्बतोः ।
१८३५-२ औत्सुक्येन नवं नवं निधुवनप्रागल्भ्यमभ्यस्यतोः श्रान्ते पञ्चशरेऽपि न प्रणयिनोः प्राप्तोऽपकर्षं रसः ॥

१८३६-१ अन्योन्यं मतिमास्थाय यत्र सम्प्रतिभाष्यते ।
१८३६-२ न चैकमत्ये श्रेयोस्ति मन्त्रः सोऽधम उच्यते ॥

१८३७-१ अन्योन्यकृतवैराणां संवासान्मृदुतां गतं ।
१८३७-२ नव तिष्ठति तद्वरं पुष्करस्थमिवोदकं ॥

१८३८-१ अन्योन्यगूढचेष्टित- सद्भावस्नेहपाशबद्धस्य ।
१८३८-२ विच्छेदकरो मृत्युर्धीराणां वा परिच्छेदः ॥

१८३९-१ अन्योन्यगोप्यं विदुषां तु लक्षं यदस्य तुल्याः प्रभवो भवन्ति ।
१८३९-२ परस्परालिङ्गनतत्पराणां न कान्त सौख्यं युवतीजनानां ॥

१८४०-१ अन्योन्यग्रथितारुणाङ्गुलिनमत्पाणिद्वयस्योपरि न्यस्योच्छवासविकम्पिताधरदलं निर्वेदशून्यं मुखं ।
१८४०-२ आमीलन्नयनान्तवान्तसलिलं श्लाध्यस्य निन्द्यस्य वा कस्येदं दृढसौहृदं प्रतिदिनं दीनं त्वया स्मर्यते ॥

१८४१-१ अन्योन्यदर्शनकृतः समानरूपानुरागकुलवयसां ।
१८४१-२ केषांचिदेव मन्ये समागमो भवति पुण्यवतां ॥

१८४२-१ अन्योन्यप्रकटानुरागरभसादुद्भूतर्ॐआञ्चयोरुत्कण्ठापरिखेददुःसहतया क्षामीभवद्गात्रयोः ।
१८४२-२ नक्तं दैववशात्क्षणं गुरुजनात्स्वायत्ततां प्राप्तयोर्यातो दुर्लभसंगमोत्सवविधिर्यूनोर्जनाख्येयतां ॥

१८४३-१ अन्योन्यभेदो भ्रात्

é

णां सुहृदां वा बलान्तक ।
१८४३-२ भवत्यानन्दकृद्देव द्विषतां नात्र संशयः ॥

१८४४-१ अन्योन्यमुत्पीडयदुत्पलाक्ष्याः स्तनद्वयं पाण्डु तथा प्रवृद्धं ।
१८४४-२ मध्ये यथा श्याममुखस्य तस्य मृणालसूत्रान्तरमप्यलभ्यं ॥

१८४५-१ अन्योन्यरागवशयोर्युवयोर्विलास- स्वच्छन्दताच्छिदपयातु तदालिवर्गः ।
१८४५-२ अत्याजयन्सिचयमाजिमकारयन्वा दन्तैर्नखैश्च मदनो मदनः कथं स्यात् ॥

१८४६-१ अन्योन्यलक्षणैर्युक्तां नारीं संकीर्णकां विदुः ।
१८४६-२ या निजैरेव संयुक्ता चिह्नैस्तां केवलां जगुः ॥

१८४७-१ अन्योन्यलावण्यविलोकनान्तं नेत्रद्वयं स्यात्सततं किलास्याः ।
१८४७-२ इत्येव नासा विहिता विधात्रा मध्ये तयोर्दर्शनविघ्नकर्त्री ॥

१८४८-१ अन्योन्यवारिघटितौ धनवारिपाताद्भीतौ भृशं मृगवधूर्मृगयूथपश्च ।
१८४८-२ वित्तस्तया घटनया कृतसौख्यमोहौ नैवाम्बुवाहजलशीकरपातपीडां ॥

१८४९-१ अन्योन्यविपरीतानि मतानि मनसः सदा ।
१८४९-२ अविद्यायां पुनः सत्ये ज्ञानस्योच्चतरस्य हि ।
१८४९-३ अङ्गानि निखिलानि स्युः पूरयन्ति परस्परं ॥

१८५०-१ अन्योन्यश्वसिताशनैः फणधरैराविश्य सत्त्वान्बहिर्भुञ्जानैः परिचारकैस्तृणगणैरानन्दिना नन्दिना ।
१८५०-२ भिक्षान्नोपचितैश्च दारतनयैः पुष्णाति विश्वानि यः स स्वामी मम दैवतं तदितरो नाम्नापि नाम्नायते ॥

१८५१-१ अन्योन्यसंगमवशादधुना विभातां तस्यापि तेऽपि मनसी विकसद्विलासे ।
१८५१-२ स्रष्टुं पुनर्मनसिजस्य तनुं प्रवृत्तं आदाविव द्व्यणुककृत्परमाणुयुग्मं ॥

१८५२-१ अन्योन्यसंभिन्नदृशां सखीनां तस्यास्त्वयि प्रागनुरागचिह्नं ।
१८५२-२ कस्यापि कोऽपीति निवेदितं च धात्रेयिकायाश्चतुरं वचश्च ॥

१८५३-१ अन्योन्यसंवलितमांसलदन्तकान्ति सोल्लासमाविरलसं वलितार्धतारं ।
१८५३-२ लीलागृहे प्रतिकलं किलकिञ्चितेषु व्यावर्तमानविनयं मिथुनं चकास्ति ॥

१८५४-१ अन्योन्यसमुपष्टम्भादन्योन्यापाश्रयेण च ।
१८५४-२ ज्ञातयः संप्रवर्धन्ते सरसीवोत्पलान्युत ॥

१८५५-१ अन्योन्यस्माद्विनिर्भिन्नं भिन्नगर्भं न युध्यते ।
१८५५-२ तथैवापसृतं शक्तं नैकराज्यान्तरीकृतं ॥

१८५६-१ अन्योन्यस्य नियन्त्रणापरिभवादप्रौढशीतातपाः पुष्प्यत्किंशुकचूतनूतनदलाविर्भूतशोणश्रियः ।
१८५६-२ पद्मोल्लासितगन्धवासितवहद्वातावदातत्विषो मोदोन्मादजुषो हरन्ति हृदयं वासन्तिका वासराः ॥

१८५७-१ अन्योन्यस्य लयं भयादिव महाभूतेषु यातेष्वलं कल्पान्ते परमेक एव स तरुः स्कन्धोच्चयैर्जृम्भते ।
१८५७-२ विन्यस्य त्रिजगन्ति कुक्षिकुर्हरे देवेन यस्यास्यते शाखाग्रे शिशुनेव सेवितजलक्रीडाविलासालसं ॥

१८५८-१ अन्योन्यस्याव्यभीचारो भवेदामरणान्तिकः ।
१८५८-२ एष धर्मः समासेन ज्ञेयः मत्रीपुंसयोः परः ॥

१८५९-१ अन्योन्याक्षिनिपातजातमदयोरन्योन्यचेष्टाशत- स्पृष्टान्तःपदयोर्मनोभवशरव्याघातसंभ्रान्तयोः ।
१८५९-२ स्यादेव द्विरदेन्द्रयोरिव तयोरालिङ्गनं प्राङ्गणे धैर्यस्तम्भविडम्बिनी बलवती लज्जा न चेदर्गला ॥

१८६०-१ अन्योन्यान्तरनिर्गताङ्गुलिदलश्रेणीभवन्निश्चल- ग्रन्थिप्रग्रथितं करद्वयमुपर्युत्तानमाबिभ्रता ।
१८६०-२ सेयं विभ्रमतोरणप्रणयिना जृम्भाभरोत्तभिते- नोच्चैर्बाहुयुगेन शंसति मनोजन्मप्रवेशोत्सवं ॥

१८६१-१ अन्योन्यास्फालभिन्नद्विपरुधिरवसामांसमस्तिष्कपङ्के मग्नानां स्यन्दनानामुपरि कृतपदन्यासविक्रान्तपत्तौ ।
१८६१-२ स्फीतासृक्पानगोष्ठीरसदशिवशिवातूऋयनृत्यत्कबन्धे संग्रामैकार्णवान्तःपयसि विचरितुं पण्डिताः पाण्डुपुत्राः ॥

१८६२-१ अन्योन्याहतदन्तनादमुखरं प्रह्वं मुखं कुर्वता नेत्रे साश्रुकणे निमील्य पुलकव्यासङ्गि कण्डूयता ।
१८६२-२ हा हा हेति सुनिष्ठुरं विवदता बाहू प्रसार्य क्षणं पुण्याग्निः पथिकेन पीयत इव ज्वालाहतश्मश्रुणा ॥

१८६३-१ अन्योन्येषां पुष्करैरामृशन्तो दानोद्भेदानुच्चकैर्भुग्नवालाः ।
१८६३-२ उन्मूर्धानः संनिपत्यापरान्तैः प्रायुध्यन्त स्पष्टदन्तध्वनीभाः ॥

१८६४-१ अन्योपभोगकलुषा मानवती प्रेमगर्विता मुदिता ।
१८६४-२ सौन्दर्यगर्विता च प्रेमपराधीनमानसानूढा ॥

१८६५-१ अन्योऽपि चन्दनतरोर्महनीयमूर्तेः सेकार्थमुत्सहति तद्गुणबद्धतृष्णः ।
१८६५-२ शाखोटकस्य पुनरस्य महाशयोयं अम्भोद एव शरणं यदि निर्गुणस्य ॥

१८६६-१ अन्यो हि नाश्नाति कृतं हि कर्म स एव कर्ता सुखदुःखभागी ।
१८६६-२ यत्तेन किंचिद्धि कृतं हि कर्म तदश्नुते नास्ति कृतस्य नाशः ॥

१८६७-१ अन्वग्राहि मया प्रेयान्निशि स्वोपनयादिति ।
१८६७-२ न विप्रलभते तावदालीरियमलीकवाक् ॥

१८६८-१ अन्वयागतविद्यानां अन्वयागतसंपदां ।
१८६८-२ विदुषां च प्रभूणां च हृदयं नावलिप्यते ॥

१८६९-१ अन्वर्थवेदी शूरश्च क्षमावान्न च कर्कशः ।
१८६९-२ कल्याणमेधास्तेजस्वी स भद्रः परिकीर्तितः ॥

१८७०-१ अन्विष्यद्भिरयं चिरात्कथमपि प्रार्थ्येत यद्यर्थिभिर्नाथ त्वं पुनरर्थिनः प्रतिदिनं यत्नात्समन्विष्यसि ।
१८७०-२ प्राप्तौ चिन्तितमात्रकं दददसौ चिन्तातिरिक्तप्रदं त्वामालोक्य विदीर्यते यदि न तद्ग्रावैव चिन्तामणिः ॥

१८७१-१ अन्वीक्षणं च विद्यानां सद्वर्णाश्रमरक्षणं ।
१८७१-२ ग्रहणं शस्त्रशास्त्राणां युद्धमार्गोपशिक्षणं ॥

१८७२-१ अन्वेतं वायवो यान्ति पृष्ठे भानुर्वयांसि च ।
१८७२-२ अनुप्लवन्ते मेघाश्च यस्य तस्य रणे जयः ॥

१८७३-१ अन्वेषयति मदान्ध- द्विरदमदाम्बुसिक्तमवनितलं ।
१८७३-२ परिणतगर्भभरार्ता सिंहवधूः शल्लकीविपिने ॥

१८७४-१ अपः पिबन्प्रपापालीं अनुरक्तो विलोकयन् ।
१८७४-२ अगस्त्यं चिन्तयामास चतुरः सापि सागरान् ॥

१८७५-१ अपकर्ताहमस्मीति हृदि ते मा स्म भूद्भयं ।
१८७५-२ विमुखेषु न मे खड्गः प्रहर्तुं जातु वाञ्छति ॥

१८७६-१ अपकारदशायामप्युपकुर्वन्ति साधवः ।
१८७६-२ छिन्दन्तमपि वृक्षः स्वच्छायया किं न रक्षति ॥

१८७७-१ अपकारमसंप्राप्य तुष्येत्साधुरसाधुतः ।
१८७७-२ नैषोऽलाभो भुजङ्गेन वेष्टितो यो न दश्यते ॥

१८७८-१ अपकारिणि कोपश्चेत्कोपे कोपः कथं न जायेत ।
१८७८-२ धर्मार्थकाममोक्ष- प्राणयशोहारिणि क्रूरे ॥

१८७९-१ अपकारिणि चेत्कोपः कोपे कापः कथं न ते ।
१८७९-२ धर्मार्थकाममोक्षाणां प्रसह्य परिपन्थिनि ॥

१८८०-१ अपकारिणि विस्रम्भं यः करोति नराधमः ।
१८८०-२ अनाथो दुर्बलो यद्वन्न चिरं स तु जीवति ॥

१८८१-१ अपकारिषु मा पापं चिन्तय त्वं कदाचन ।
१८८१-२ स्वयमेव पतिष्यन्ति कूलजाता इव द्रुमाः ॥

१८८२-१ अपकुर्यात्समर्थं वा नोपकुर्याद्यदापदि ।
१८८२-२ उच्छिन्द्यादेव तन्मित्रं विश्वस्याङ्कमुपस्थितं ॥

१८८३-१ अपकुर्वन्नपि प्रायः प्राप्नोति महतः फलं ।
१८८३-२ और्वं दहन्तमेवाग्निं संतर्पयति सागरः ॥

१८८४-१ अपकृत्य बलस्थस्य दूरस्थोऽस्मीति नाश्वसेत् ।
१८८४-२ श्येनानुचरितैर्ह्येते निपतन्ति प्रमाद्यतः ॥

१८८५-१ अपकृत्वा बुद्धिमतो दूरस्थोऽस्मीति नाश्वसेत् ।
१८८५-२ दीर्घौ बुद्धिमतो बाहू याभ्यां हिंसति हिंसितः ॥

१८८६-१ अपक्रान्ते बाल्ये तरुणिमनि चागन्तुमनसि प्रयाते मुग्धत्वे चतुरिमणि चाश्लेषरसिके ।
१८८६-२ न केनापि स्पृष्टं यदिह वयसा मर्म परमं यदेतत्पञ्चेषोर्जयति वपुरिन्दीवरदृशः ॥

१८८७-१ अपक्वं भङ्गमायाति अतिजीर्णं तु कर्कशं ।
१८८७-२ ज्ञातिघृष्टं तु सोद्वेगं कलहो बान्धवैः सह ॥

१८८८-१ अपक्वमपि चूतस्य फलं द्रवति वेगतः ।
१८८८-२ गुडशुण्टीप्रलेपेन विधृतं शश्वदातपे ॥

१८८९-१ अपक्वे तु घटे नीरं चालन्यां सूक्ष्मपिष्टकं ।
१८८९-२ स्त्रीणां च हृदये वार्ता न तिष्ठति कदापि हि ॥

१८९०-१ अपगतमदरागा योषिदेका प्रभाते कृतनिबिडकुचाग्रा पत्युरालिङ्गनेन ।
१८९०-२ प्रियतमपरिभुक्तं वीक्षमाना स्वदेहं व्रजति शयनवासाद्वासमन्यद्धसन्ती ॥

१८९१-१ अपगतरजोविकारा घनपटलाक्रान्ततारकालोका ।
१८९१-२ लम्बपयोधरभारा प्रावृडियं वृद्धवनितेव ॥

१८९२-१ अपङ्किलधियः शुद्धाः साधुमानसवृत्तयः ।
१८९२-२ वमन्ति श्रुतिजीवातुं ध्वनिं नवरसास्पदं ॥

१८९३-१ अपचिक्रमिषुः पूर्वं सेनां स्वां परिसान्त्वयन् ।
१८९३-२ विलङ्घयित्वा सत्रेण ततः स्वयमुपक्रमेत् ॥

१८९४-१ अपटः कपटी हिमहीनरुचिः प्रथितः पशुरन्यकलत्ररतः ।
१८९४-२ तव राय(

?)

वसन्तसमो न हरो न हरिर्न्न हरिर्न्न हरिर्न्न हरिः ॥

१८९५-१ अपण्डितास्ते पुरुषा मता मे ये स्त्रीषु च श्रीषु च विश्वसन्ति ।
१८९५-२ श्रियो हि कुर्वन्ति तथैव नार्यो भुजङ्गकन्यापरिसर्पणानि ॥

१८९६-१ अपण्डितो वापि सुहृत्पण्डितो वाप्यनात्मवान् ।
१८९६-२ मन्त्रमूलं यतो राज्यं अतो मन्त्रं सुरक्षितं ॥

१८९७-१ अपतुषारतया विशदप्रभैः सुरतसङ्गपरिश्रमनोदिभिः ।
१८९७-२ कुसुमचापमतेजयदंशुभिर्हिमकरो मकरोर्जितकेतनं ॥

१८९८-१ अपत्यं धर्मकार्याणि शुश्रूषा रतिरुत्तमा ।
१८९८-२ दाराधीनस्तथा स्वर्गः पितृणामात्मनश्च ह ॥

१८९९-१ अपत्यदर्शनस्यार्थे प्राणानपि च या त्यजेत् ।
१८९९-२ त्यजन्ति तामपि क्रूरा मातरं दारहेतवे ॥

१९००-१ अपत्यानि प्रायो दश दश वराही जनयति क्षमाभारे धुर्यः स पुनरिह नासीन्न भविता ।
१९००-२ पदं कृत्वा यः स्वं फणिपतिफणाचक्रवलये निमज्जन्तीमन्तर्जलधि वसुधामुत्तुलयति ॥

१९०१-१ अपत्ये यत्तादृग्दुरितमभवत्तेन महता विषक्तस्तीव्रेण व्रणितहृदयेन व्यथयता ।
१९०१-२ पटुर्धारावाही नव इव चिरेणापि हि न मे निकृन्तन्मर्माणि क्रकच इव मन्युर्विरमति ॥

१९०२-१ अपथेन प्रववृते न जातूपचितोऽपि सः ।
१९०२-२ वृद्धौ नदीमुखेनैव प्रस्थानं लवणाम्भसः ॥

१९०३-१ अपथेनैव यो योगादधः सारायते स्वयं ।
१९०३-२ नीचोपसर्पणवशात्स पतेद्वंशवानपि ॥

१९०४-१ अपथ्यभोगेषु यथातुराणां स्पृहा यथार्थेष्वतिदुर्गतानां ।
१९०४-२ परोपतापेषु यथा खलानां स्त्रीणां तथा चौर्यरतोत्सवेषु ॥

१९०५-१ अपथ्यमायतौ लोभादामनन्त्यनुजीविनः ।
१९०५-२ प्रियं श्र्णोति यस्तेभ्यस्तमृच्छन्ति न संपदः ॥

१९०६-१ अपथ्यस्य च भुक्तस्य दन्तस्य चलितस्य च ।
१९०६-२ अमात्यस्य च दुष्टस्य समूलोद्धरणं सुखं ॥

१९०७-१ अपदान्तरं च परितः क्षितिक्षितां अपतन्द्रुतभ्रमितहेमनेमयः ।
१९०७-२ जविमारुताञ्चितपरस्परोपम- क्षितिरेणुकेतुवसनाः पताकिनः ॥

१९०८-१ अपदो दूरगामो च साक्षरो न च पण्डितः ।
१९०८-२ अमुखः स्फुटवक्ता च यो जानाति स पण्डितः ॥

१९०९-१ अपध्वस्तो ह्यवमतो दुःखं जीवति जीवितं ।
१९०९-२ जीवितं यदवक्षिप्तं यथैव मरणं तथा ॥

१९१०-१ अपनय महामोहं राजन्ननेन तवासिना कथय कुहकक्रीडाश्चर्यं कथं क्व च शिक्षितं ।
१९१०-२ यदरिरुधिरं पायं पायं कुसुम्भरसारुणं झगिति वमति क्षीराम्भोधिप्रवाहसितं यशः ॥

१९११-१ अपनिद्रमधूकपाण्डुरा सुदृशोऽदृश्यत गण्डमण्डली ।
१९११-२ गमिताश्रुजलप्लवैरिव क्रशिमाकीर्णतयापि निम्नतां ॥

१९१२-१ अपनीतं सुनीतेन योऽर्थं प्रत्यानिनीषते ।
१९१२-२ मतिमास्थाय सुदृढां तदकापुरुषव्रतं ॥

१९१३-१ अपनीतपरिमलान्तर- कथे पदं न्यस्य देवतरुकुसुमे ।
१९१३-२ पुष्पान्तरेऽपि गन्तुं वाञ्छसि चेद्भ्रमर धन्योऽसि ॥

१९१४-१ अपनेयमुदेतुमिच्छता तिमिरं रोषमयं धिया पुरः ।
१९१४-२ अविभिद्य निशाकृतं तमः प्रभया नांशुमताप्युदीयते ॥

१९१५-१ अपमानं पुरस्कृत्य मानं कृत्वा तु पृष्ठतः ।
१९१५-२ स्वार्थमभ्युद्धरेत्प्राज्ञः कार्यध्वंसो हि मूर्खता ॥

१९१६-१ अपमानः पतिविहितो गुरुपरिकरतीव्रता गृहे दौःस्थ्यं ।
१९१६-२ शीलक्षतये यासां तासामतिरागतोऽन्यनररक्तिः ॥

१९१७-१ अपमानात्तपोवृद्धिः संमानाच्च तपःक्षयः ।
१९१७-२ अर्चितः पूजितो विप्रो दुग्धा गौरिव गच्छति ॥

१९१८-१ अपमानात्तु संभूतं मानेन प्रशमं नयेत् ।
१९१८-२ सामपूर्व उपायो वा प्रणामो वाभिमानजे ॥

१९१९-१ अपमानितोऽपि कुलजो न वदति पुरुषं स्वभावदाक्षिण्यात् ।
१९१९-२ नहि मलयचन्दनतरुः परशुप्रहतः स्रवेत्पूयं ॥

१९२०-१ अपमेघोदयं वर्षं अदृष्टकुसुमं फलं ।
१९२०-२ अतर्कितोपपन्नं वो दर्शनं प्रतिभाति मे ॥

१९२१-१ अपयाति सरोषया निरस्ते कृतकं कामिनि चुक्षुवे मृगाक्ष्या ।
१९२१-२ कलयन्नपि सव्यथोऽवतस्थे-ऽशकुनेन स्खलितः किलेतरोऽपि ॥

१९२२-१ अपयान्तीनामधुना संकेतनिकेतनान्मृगाक्षीणां ।
१९२२-२ वासस एव न केवलं अभवन्मनसोऽपि परिवर्तः ॥

१९२३-१ अपयायिनि स्वतोऽर्थे कथमिव सौहार्दधीः कदर्याणां ।
१९२३-२ यस्यापयानसमये प्राणत्यागोऽपि हा सुकरः ॥

१९२४-१ अपरजलधेर्लक्ष्मीं यस्मिन्पुरीं पुरभित्प्रभे मदगजघटाकारैर्नावां शतैरवमृद्नति ।
१९२४-२ जलदपटलानीकाकीर्णं नवोत्पलमेचकं जलनिधिरिव व्य्ॐअ व्य्ॐनः समोऽभवदम्बुधिः ॥

१९२५-१ अपरतरुनिकरमुक्तं मरुमण्डलमावसत्यसावेकः ।
१९२५-२ फलकुसुमैरुपकुर्वन्नररे करीर कथं धीरः ॥

१९२६-१ अपरागसमीरणेरितः क्रमशीर्णाकुलमूलसंततिः ।
१९२६-२ सुकरस्तरुवत्सहिष्णुना रिपुरुन्मूलयितुं महानपि ॥

१९२७-१ अपराद्धं भवद्वाणीश्राविणा पृच्छ किं मया ।
१९२७-२ वीणाह परुषं यन्मां कलकण्ठी च निष्ठुरं ॥

१९२८-१ अपराद्धांस्तु सुस्निग्धान्स्नोहोक्त्या मानदानतः ।
१९२८-२ साधयेद्भेददण्डाभ्यां यथायोगेन चापरान् ॥

१९२९-१ अपराधं न शृणुमो न चासत्यं त्वयोदितं ।
१९२९-२ गोप्येति गदितः कृष्णस्तूष्णीं तिष्ठन्पुनातु वः ॥

१९३०-१ अपराधः स दैवस्य न पुनर्मन्त्रिणामयं ।
१९३०-२ कार्यं सुघटितं यत्नाद्दैवयोगाद्विनश्यति ॥

१९३१-१ अपराधसहस्रभाजनं पतितं भीमभवार्णवोदरे ।
१९३१-२ अगतिं शरणागतं हरे कृपया केवलमात्मसात्कुरु ॥

१९३२-१ अपराधानुरूपं च दण्डं पापेषु पातयेत् ।
१९३२-२ उद्वेजयेद्धनैरृद्धान्दरिद्रान्वधबन्धनैः ॥

१९३३-१ अपराधिनि मयि दण्डं संहरसि किमुद्यतं कुटिलकेशि ।
१९३३-२ वर्धयसि विलसितं त्वं दासजनायात्र कुप्यसि च ॥

१९३४-१ अपराधी नामाहं प्रसीद रम्भोरु विरम संरम्भात् ।
१९३४-२ सेव्यो जनश्च कुपितः कथं नु दासो निरपराधः ॥

१९३५-१ अपराधीनाशोकः सहते चरणाहतिं सरोजदृशां ।
१९३५-२ विलसितबकुलो वनिता- मुखवासी मद्यपात इव ॥

१९३६-१ अपराधेऽपि निःशङ्को नियोगी चिरसेवकः ।
१९३६-२ स स्वामिनमवज्ञाय चरेच्च निरवग्रहः ॥

१९३७-१ अपराधो न मेऽस्तीति नैतद्विश्वासकारणं ।
१९३७-२ विद्यते हि नृशंसेभ्यो भयं गुणवतामपि ॥

१९३८-१ अपराधो मया कान्ते कृतो यदि त्वया मतः ।
१९३८-२ निपात्य गिरिशृङ्गोच्चौ कुचौ किं न निपीड्यते ॥

१९३९-१ अपराह्णशीतलतरेण शनैरनिलेन लोलितलताङ्गुलये ।
१९३९-२ निलयाय शाखिन इवाह्वयते ददुराकुलाः खगकुलानि गिरः ॥

१९३९आ-१ अपरित्यक्तमात्मानं इच्छता पण्ययोषितां ।
१९३९आ-२ नित्यौपयोगिकं द्रव्यं आत्मसारं प्रदर्शयेत् ॥

१९४०-१ अपरीक्षितपरवञ्चनं अञ्चति लोभादपेक्षितप्रेक्षी ।
१९४०-२ व्याधूतपक्षमवशो विहन्यते पक्षिवत्क्षितिपः ॥

१९४१-१ अपरीक्षितलक्षणप्रमाणैरपरामृष्टपदार्थसार्थतत्त्वैः ।
१९४१-२ अवशीकृतजैत्रयुक्तिजालैरलमेतैरनधीततर्कविद्यैः ॥

१९४२-१ अपरीक्ष्य न कर्तव्यं कर्तव्यं सुपरीक्षितं ।
१९४२-२ पश्चाद्भवति संतापो ब्राह्मणी नकुलं यथा ॥

१९४३-१ अपरोक्षधनो गम्यः श्रीमानपि नान्यथेति निर्दिष्टं ।
१९४३-२ कन्दर्पशास्त्रकारैः कुतः कथा लुप्तविभवस्य ॥

१९४४-१ अपर्णेयं भूभृद्वनमटति वल्काम्बरधरा जटालो दिग्वासाः शिखरिणि शिवोऽयं निवसति ।
१९४४-२ इति भ्रान्त्यान्योऽन्यं क्षणमिलितयोः क्षोणितिलक द्विषद्दम्पत्योस्ते शिव शिव भवन्ति प्रणतयः ॥

१९४५-१ अपर्णैव लता सेव्या विद्वद्भिरिति मे मतिः ।
१९४५-२ यया वृतः पुराणोऽपि स्थाणुः सूतेऽमृतं फलं ॥

१९४६-१ अपर्यन्तस्य कालस्य कियानंशः शरच्छतं ।
१९४६-२ तन्मात्रपरमायुर्यः स कथं स्वप्तुमर्हति ॥

१९४७-१ अपर्याप्तभुजायामः सखेदोऽस्याः सखीजनः ।
१९४७-२ श्रोण्यां कथंचित्कुरुते रशनादामबन्धनं ॥

१९४८-१ अपवर्जितविप्लवे शुचौ हृदयग्राहिणि मङ्गलास्पदे ।
१९४८-२ विमला तव विस्तरे गिरां मतिरादर्श इवाभिदृश्यते ॥

१९४९-१ अपवादादभीतस्य समस्य गुणदोषयोः ।
१९४९-२ असद्वृत्तेरहो वृत्तं दुर्विभावं विधेरिव ॥

१९५०-१ अपवादो भवेद्येन येन विप्रत्ययो भवेत् ।
१९५०-२ नरके गम्यते येन तद्बुधः कथमाचरेत् ॥

१९५१-१ अपशङ्कमङ्कपरिवर्तनोचिताश्चलिताः पुरः पतिमुपैतुमात्मजाः ।
१९५१-२ अनुरोदितीव करुणेन पत्रिणां विरुतेन वत्सलतयैष निम्नगाः ॥

१९५२-१ अपशास्त्रधनो राजा संचयं नाधिगच्छति ।
१९५२-२ अस्थाने चास्य तद्वित्तं सर्वमेव विनश्यति ॥

१९५३-१ अपशूलं तमासाद्य लवणं लक्ष्मणानुजः ।
१९५३-२ रुरोध संमुखीनो हि जयो रन्ध्रप्रहारिणां ॥

१९५४-१ अपशोकमनाः कुटुम्बिनीं अनुगृह्णीष्व निवापदत्तिभिः ।
१९५४-२ स्वजनाश्रु किलातिसंततं दहति प्रेतमिति प्रचक्षते ॥

१९५५-१ अपश्चात्तापकृत्सम्यगनुबन्धिफलप्रदः ।
१९५५-२ अदीर्घकालोऽभीष्टश्च प्रशस्तो मन्त्र उच्यते ॥

१९५६-१ अपश्यद्भिरिवेशानं रणान्निववृते गणैः ।
१९५६-२ मुह्यत्येव हि कृच्छ्रेषु संभ्रमज्वलितं मनः ॥

१९५७-१ अपश्यद्भिर्महास्वादान्भावान्स्वाद्वविवेकिभिः ।
१९५७-२ किं ज्ञेयमशनादन्यत्क्ष्मापैरन्धैरिवोक्षभिः ॥

१९५८-१ अपसरणमेव युक्तं मौनं वा तत्र राजहंसस्य ।
१९५८-२ कटु रटति निकटवर्ती वाचाटष्टिट्टिभो यत्र ॥

१९५९-१ अपसरति न चक्षुषो मृगाक्षी रजनिरियं च न याति नैति निद्रा ।
१९५९-२ प्रहरति मदनोऽपि दुःखितानां बत बहुशोऽभिमुखीभवन्त्यपायाः ॥

१९६०-१ अपसर पृथिवि समुद्राः संवृणुताम्बूनि भूधरा नमत ।
१९६०-२ वामनहरिलघुतुन्दे जगतां कलहः स वः पायात् ॥

१९६१-१ अपसर मधुकर दूरं परिमलबहुलेऽपि केतकीकुसुमे ।
१९६१-२ इह नहि मधुलवलाभो भवति परं धूलिधूसरं वदनं ॥

१९६२-१ अपसर सखे दूरादस्मात्कटाक्षविषानलात्प्रकृतिविषमाद्योषित्सर्पाद्विलासफणाभृतः ।
१९६२-२ इतरफणिना दष्टः शक्यश्चिकित्सितुमौषधैश्चटुलवनिताभोगिग्रस्तं त्यजन्ति हि मन्त्रिणः ॥

१९६३-१ अपसारय घनसारं कुरु हारं दूर एव किं कमलैः ।
१९६३-२ अलमलमालि मृणालैरिति वदति दिवानिशं बाला ॥

१९६४-१ अपसारसमायुक्तं नयज्ञैर्दुर्गमुच्यते ।
१९६४-२ अपसारपरित्यक्तं दुर्गव्याजेन बन्धनं ॥

१९६५-१ अपस्तरन्ति पाषाणा ह्यनुघ्नन्ति हि राक्षसान् ।
१९६५-२ कपयः कर्म कुर्वन्ति कालस्य कुटिला गतिः ॥

१९६६-१ अपहत्य तमस्तीव्रं यथा भात्युदरे रविः ।
१९६६-२ तथापहत्य पाप्मानं भाति गङ्गाजलोक्षितः ॥

१९६७-१ अपहरति मनो मे कोऽप्ययं कृष्णचौरः प्रणतदुरितचौरः पूतनाप्राणचौरः ।
१९६७-२ वलयवसनचौरो बालगोपीजनानां नयनहृदयचौरः पश्यतां सज्जनानां ॥

१९६८-१ अपहरति महत्त्वं प्रार्थना किं न जाने जनयति गुरुलज्जामित्यहं किं न वेद्मि ।
१९६८-२ तदपि वद वदान्यं तं सदा प्रत्यहं मां जठरपिठरवर्ती वह्निरर्थीकरोति ॥

१९६९-१ अपहरसि सदा मनांसि पुंसां अतिमहता गुणसंपरिग्रहेण ।
१९६९-२ न च भवसि तथाप्यनेकचित्तो हृतमथवा विवृणोति कः परस्वं ॥

१९७०-१ अपहस्तितबान्धवे त्वया विहितं साहसमस्य तृष्णया ।
१९७०-२ तदिहानपराधिनि प्रिये सखि कोऽयं करुणोज्झितक्रमः ॥

१९७१-१ अपहाय शनैः पटीरवाटीरिह लाटीजनमानलुण्ठनाय ।
१९७१-२ समुदेति मनोजराजधाटी- परिपाटीपटुरेष गन्धवाहः ॥

१९७२-१ अपहृत्य परस्यार्थं तेन धर्मं करोति यः ।
१९७२-२ स दाता नरकं याति यस्यार्थस्तस्य तत्फलं ॥

१९७३-१ अपह्नुवानस्य जनाय यन्निजां अधीरतामस्य कृतं मनोभुवा ।
१९७३-२ अबोधि तज्जागरदुःखसाक्षिणी निशा च शय्या च शशाङ्कक्ॐअला ॥

१९७४-१ अपां निधिं वारिभिरर्चयन्ति दीपेन सूर्यं प्रतिबोधयन्ति ।
१९७४-२ ताभ्यां तयोः किं परिपूर्णता स्याद्भक्त्या हि तुष्यन्ति महानुभावाः ॥

१९७५-१ अपां प्रवाहो गाङ्गोऽपि समुद्रं प्राप्य तद्रसः ।
१९७५-२ भवत्यवश्यं तद्विद्वान्नाश्रयेदशुभात्मकं ॥

१९७६-१ अपां मूले लीनं क्षणपरिचितं चन्दनरसे मुणालीहारादौ कृतलघुपदं चन्द्रमसि च ।
१९७६-२ मुहूर्तं विश्रान्तं सरसकदलीकाननतले प्रियाकण्ठाश्लेषे निवसति परं शैत्यमधुना ॥

१९७७-१ अपां विहारे तव हारविभ्रमं करोतु नीरे पृषदुत्करस्तरन् ।
१९७७-२ कठोरपीनोच्चकुचद्वयीतट- त्रुटत्तरः सारवसारवोर्मिजः ॥

१९७८-१ अपाकुरु कपोलतः सखि भुजङ्गवल्लीरसं परित्यज कुचस्थलात्त्रुटितबन्धनं कञ्चुकं ।
१९७८-२ पिधेहि दशनच्छदे दशनजक्षतं लाक्षया वदेत्थमबलागणे गुरुजने कथं यास्यसि ॥

१९७९-१ अपाकृत्याशेषाण्यपि च घनजालानि परितस्तमोधूमस्त्ॐओद्भवमलिनिमानं च तदनु ।
१९७९-२ शरच्चन्द्रः शिल्पी रतिपतिमुदेऽसौ निजकरैः सुधासंदोहार्द्रैर्भुवनभवनं पाण्डुरयति ॥

१९८०-१ अपाङ्गतरले दृशौ मधुरवक्रवर्णा गिरो विलासभरमन्थरा गतिरतीव कान्तं मुखं ।
१९८०-२ इति स्फुरितमङ्गके मृगदृशः स्वतो लीलया तदत्र न मदोदयः कृतपदोऽपि संलक्ष्यते ॥

१९८१-१ अपाङ्गपातैरपदेशपूर्वैरेणीदृशामेकशिलानगर्यात् ।
१९८१-२ वीथीषु वीथीषु विनापराधं पदे पदे शृङ्खलिता युवानः ॥

१९८२-१ अपाङ्गसंसर्गि तरङ्गितं दृशोर्भ्रुवोररालान्तविलासि वेल्लितं ।
१९८२-२ विसारि र्ॐआञ्चनकञ्चुकं तनोस्तनोति योऽसौ सुभगे तवागतः ॥

१९८३-१ अपाङ्गस्तव तन्वङ्गि विचित्रोऽयं भुजङ्गमः ।
१९८३-२ दृष्टमात्रः सुमनसां अपि मूर्छाविधायकः ॥

१९८४-१ अपाङ्गात्पुच्छमूलं तु तिर्यगश्वं प्रमाणयेत् ।
१९८४-२ खुरान्तात्ककुदं यावदूर्ध्वमानेन बुद्धिमान् ॥

१९८५-१ अपात्रं पात्रता याति यत्र पात्रं न विद्यते ।
१९८५-२ अस्मिन्देशे द्रुमो नास्ति एरण्डोऽपि द्रुमायते ॥

१९८६-१ अपात्रवर्षणं जातु न कुर्यात्सद्विगर्हितं ।
१९८६-२ अपात्रवर्षणात्किं स्यादन्यत्कोशक्षयादृते ॥

१९८७-१ अपात्रे पात्रताबुद्धिः पात्रे बुद्धिरपात्रता ।
१९८७-२ ऋणानुबन्धरूपेण दातुरुत्पद्यते मतिः ॥

१९८८-१ अपात्रे रमते नारी गिरौ वर्षति वासवः ।
१९८८-२ खलमाश्रयते लक्ष्मीः प्राज्ञः प्रायेण निर्धनः ॥

१९८९-१ अपानप्राणयोरैक्यं क्षयो मूत्रपुरीषयोः ।
१९८९-२ युवा भवति वृद्धोऽपि सततं मूलबन्धनात् ॥

१९९०-१ अपानेन पुनः कश्चित्प्रेरितः कालरूपिणा ।
१९९०-२ निःश्वासोच्छ्वासकृद्वाति जपन्हंसेत्यहर्निशं ॥

१९९१-१ अपापघनसंवृतेरविशदस्मितात्युन्नमत्समस्तनरसादरग्रहणतः कृतार्थप्रिया ।
१९९१-२ रतिर्मनसि जायते यदि कदापि शौर्याश्रया तदैव सकलं जनुः सफलमेवमाहात्मभूः ॥

१९९२-१ अपापास्तत्कुलीनाश्च मानयन्ति स्वकान्हितान् ।
१९९२-२ एष प्रायो नरेन्द्राणां शङ्कनीयस्तु शोभनः ॥

१९९३-१ अपामुद्वृत्तानां निजमुपदिशन्त्या स्थितिपदं दधत्या शालीनामवनतिमुदारे सति फले ।
१९९३-२ मयूराणामुग्रं विषमिव हरन्त्या मदमहो कृतः कृत्स्नस्यायं विनय इव लोकस्य शरदा ॥

१९९४-१ अपायकलिता मनुर्जगति सापदः सम्पदो विनश्वरमिदं सुखं विषयजं श्रियश्चञ्चलाः ।
१९९४-२ भवन्ति जरसारसास्तरललोचना योषितस्तदप्ययमहो जनस्तपसि नो परे रज्यति ॥

१९९५-१ अपायसंदर्शनजां विपत्तिं उपायसंदर्शनजां च सिद्धिं ।
१९९५-२ मेधाविनो नीतिविधिप्रयुक्तां पुरः स्फुरन्तीमिव दर्शयन्ति ॥

१९९६-१ अपायि मुनिना पुरा पुनरमायि मर्यादया अतारि कपिना पुरा पुनरदाहि लङ्कारिणा ।
१९९६-२ अमन्थि मुरवैरिणा पुनरबन्धि लङ्कारिणा क्व नाम वसुधापते तव यशोऽम्बुधिः क्वाम्बुधिः ॥

१९९७-१ अपारः पाथोधिः पुलिनपदवी योजनशतं निरालम्बो मार्गो वियति किल शून्या दश दिशः ।
१९९७-२ इतीवायं कीरः कतिपयपदान्येव गगने मुहुर्भ्राम्यन्भ्राम्यन्पतति गुणवृक्षे पुनरपि ॥

१९९८-१ अपारपुलिनस्थलीभुवि हिमालये मालये निकामविकटोन्नते दुरधिरोहणे रोहणे ।
१९९८-२ महत्यमरभूधरे गहनकन्दरे मन्दरे भ्रमन्ति न पतन्त्यहो परिणता भवत्कीर्तयः ॥

१९९९-१ अपारसंसारसमुद्रमध्ये संमज्जतो मे शरणं किमस्ति ।
१९९९-२ गुरो दयालो कृपया वदैतद्विश्वेशपादाम्बुजदीर्घनौका ॥

२०००-१ अपारे काव्यसंसारे कविरेव प्रजापतिः ।
२०००-२ यथा वै रोचते विश्वं तथेदं परिवर्तते ॥

२००१-१ अपारे पाथोधौ किमिति सतिमिग्राहगहने निलीय श्रीनाथः स्वपिति भुजगे शङ्कित इव ।
२००१-२ किमेतावद्भिर्वा भवतु किल सर्वातिशयितः श्रिया संश्लिष्टाङ्को व्यपगतभयं को निवसतु ॥

२००२-१ अपारैर्व्यापारैरहरिह नयन्तोऽशनदशा- स्वथ स्नाताः संध्यां विदधति न जातु स्वसमये ।
२००२-२ त्यजन्तः स्वां वृत्तिं द्विजकुलभवा ग्रामगणकी- भवन्तो हन्तामी कथमपि च जीवन्ति बहवः ॥

२००३-१ अपार्थकमनायुष्यं गोविषाणस्य भक्षणं ।
२००३-२ दन्ताश्च परिघृष्यन्ते रसश्चापि न लभ्यते ॥

२००४-१ अपार्थेतरयुक्तानां व्याससंग्रहशालिनां ।
२००४-२ अपि गोपालगीतानां निवेशो निगमादिषु ॥

२००५-१ अपास्तपाथेयसुधोपयोगैस्त्वच्चुम्बिनैव स्वमनोरथेन ।
२००५-२ क्षुधं च निर्वापयता तृषं च स्वादीयसाध्वा गमितः सुखं तैः ॥

२००६-१ अपास्तपाथोरुहि शायितं करे करोति लीलाकमलं किमाननं ।
२००६-२ तनोषि हारं कियदस्रुणः स्रवैरदोषनिर्वासितभूषणे हृदि ॥

२००७-१ अपास्तस्ताराभिर्विधन इव कामी युवतिभिर्मधुच्छत्रच्छायां स्पृशति शशलक्ष्मा परिणतः ।
२००७-२ अयं प्राचीकर्णाभरणरचनाशोककुसुम- च्छटालक्ष्मीचौरः कलयति रविः पूर्वमचलं ॥

२००८-१ अपास्य लक्ष्मीहरणोत्थवैरितां अचिन्तयित्वा च तदद्रिमन्थनं ।
२००८-२ ददौ निवासं हरये महोदधिर्विमत्सरा धीरधियां हि वृत्तयः ॥

२००९-१ अपि कल्पानिलस्यैव तरङ्गस्य महोदधेः ।
२००९-२ शक्यते प्रसरो रोद्धुं नानुरक्तस्य चेतसः ॥

२०१०-१ अपि कापुरुषो भीरुः स्याच्चेन्नृपतिसेवकः ।
२०१०-२ तथापि न पराभूतिं जनादाप्नोति मानवः ॥

२०११-१ अपि कापुरुषो भीरुः स्याच्चेन्नृपतिसेवकः ।
२०११-२ यदाप्नोति फलं लोकात्तस्यांशमपि नो गुणी ॥

२०१२-१ अपि कापुरुषो मार्गे द्वितीयः क्षेमकारकः ।
२०१२-२ कर्कटेन द्वितीयेन जीवितं परिरक्षितं ॥

२०१३-१ अपि कालस्य यः कालः सोऽपि कालमपेक्षते ।
२०१३-२ कर्तुं जगन्ति हन्तुं वा कालस्तेन जगत्प्रभुः ॥

२०१४-१ अपि कीर्त्यर्थमायान्ति नाशं सद्योऽतिमानिनः ।
२०१४-२ न चेच्छन्त्ययश्ॐइश्रं अप्येवानन्त्यमायुषः ॥

२०१५-१ अपि कुञ्जरकर्णाग्रादपि पिप्पलपल्लवात् ।
२०१५-२ अपि विद्युद्विलसिताद्विलोलं ललनामनः ॥

२०१६-१ अपि क्रियार्थं सुलभं समित्कुशं जलान्यपि स्नानविधिक्षमाणि ते ।
२०१६-२ अपि स्वशक्त्या तपसि प्रवर्तसे शरीरमाद्यं खलु धर्मसाधनं ॥

२०१७-१ अपि घोरापराधस्य धर्ममाश्रित्य तिष्ठतः ।
२०१७-२ स हि प्रच्छाद्यते दोषः शैलो मेघैरिवासितैः ॥

२०१८-१ अपि चाप्यफलं कर्म पश्यामः कुर्वतो जनान् ।
२०१८-२ नान्यथा ह्यभिजानन्ति वृत्तिं लोके कथंचन ॥

२०१९-१ अपि चिन्तामणिश्चिन्तापरिश्रममपेक्षते ।
२०१९-२ इदं त्वचिन्तितं मन्ये कृतमाश्चर्यमार्यया ॥

२०२०-१ अपि चेत्सुदुराचारो भजते मामनन्यभाक् ।
२०२०-२ साधुरेव स मन्तव्यः सम्यग्व्यवसितो हि सः ॥

२०२१-१ अपि चेदसि पापेभ्यः सर्वेभ्यः पापकृत्तमः ।
२०२१-२ सर्वं ज्ञानप्लवेनैव वृजिनं संतरिष्यसि ॥

२०२२-१ अपि जनकसुतायास्तच्च तच्चानुरूपं स्फुटमिह शिशुयुग्मे नैपुणोन्नेयमस्ति ।
२०२२-२ ननु पुनरिव तन्मे गोचरीभूतमक्ष्णोरभिनवशतपत्रश्रीमदास्यं प्रियायाः ॥

२०२३-१ अपि जलकणान्पयोधेर्दूरादाहृत्य जायते जलदः ।
२०२३-२ निकटाद्घटानपि शतं समीहरन्वारिहार्येव ॥

२०२४-१ अपि तद्वपुषि प्रसर्पतोर्गमिते कान्तिझरैरगाधतां ।
२०२४-२ स्मरयौवनयोः खलु द्वयोः प्लवकुम्भौ भवतः कुचावुभौ ॥

२०२५-१ अपि तरुवनान्यूष्मायन्ते तपत्यपि यामिनी दहति सरसीवातोऽप्येष ज्वलन्ति जलान्यपि ।
२०२५-२ इति समधिकं ग्रीष्मे भीष्मे न पुण्यवतां भयं मलयजरसैर्दिग्धं लब्ध्वा वधूस्तनमण्डलं ॥

२०२६-१ अपि तुरगसमीपादुत्पतन्तं मयूरं न स रुचिरकलापं बाणलक्ष्यीचकार ।
२०२६-२ सपदि गतमनस्कश्चित्रमाल्यानुकीर्णे रतिविगलितबन्धे केशपाशे प्रियायाः ॥

२०२७-१ अपि तेजो निधिर्हन्त पतितो यदि जायते ।
२०२७-२ सुरतं किमिवास्माकं इति कोकैर्वियुज्यते ॥

२०२८-१ अपि त्वया कैरविणि व्यधायि मुधा सुधाबन्धुनि बन्धुभावः ।
२०२८-२ जनापवादः परितः प्रयातः समागमो हन्त न जातु जातः ॥

२०२९-१ अपि दलन्मुकुले बकुले यया पदमधायि कदापि न तृष्णया ।
२०२९-२ अहह सा सहसा विधुरे विधौ मधुकरी बदरीमनुवर्तते ॥

२०३०-१ अपि दिनमणिरेष क्लेशितः शीतसंघैरथ निशि निजभार्यां गाढमालिङ्ग्य दोर्भ्यां ।
२०३०-२ स्वपिति पुनरुदेतुं सालसाङ्गस्तु तस्मात्किमु न भवतु दीर्घा यामिनी कामिनीयं ॥

२०३१-१ अपि दोर्भ्यां परिबद्धा बद्धापि गुणैरनेकधा निपुणैः ।
२०३१-२ निर्गच्छति क्षणादिव जलधिजलोत्पत्तिपिच्छिला लक्ष्मीः ॥

२०३२-१ अपि नदथ निकामं दर्दुराः किं सुवर्ण- द्युतिभरमुपनीता नूतनैर्वारिपूरैः ।
२०३२-२ अयमचिरविनाशी शोचनीयस्तु भावी स चिरमवटसीम्नि प्राच्य एव क्रयो वः ॥

२०३३-१ अपि नाम स दृश्येत पुरुषातिशयो भुवि ।
२०३३-२ गर्वोच्छूनमुखा येन धनिनो नावलोकिताः ॥

२०३४-१ अपि नित्यानन्दमयं सहः श्रियं वहति संततं हृदये ।
२०३४-२ कः साधारणपुरुषः प्रभवत्वेनामनादर्त्तुं ॥

२०३५-१ अपि निपुणतरमधीतं दुर्विनयारूढचेतसः पुंसः ।
२०३५-२ मणिरिव फणिफणवर्ती प्रभवति शोकाय लोकानां ॥

२०३६-१ अपि निर्मुक्तभोगेन स्वान्तःस्थविषयेक्षया ।
२०३६-२ असद्भावाय जायेत जिह्मगेन सहासिका ॥

२०३७-१ अपि पञ्चशतं दण्ड्यान्दण्डयेत्पृथिवीपतिः ।
२०३७-२ अभावे पञ्च कायस्थानेकं वा स्वर्णकारकं ॥

२०३८-१ अपि पञ्चशतं शूरा मृद्नन्ति महतीं चमूं ।
२०३८-२ अथवा पञ्च षट्सप्त विजयन्तेऽनिवर्तिनः ॥

२०३९-१ अपि पुत्रैः कलत्रैर्वा प्राणान्रक्षेत पण्डितः ।
२०३९-२ विद्यमानैर्यतस्तैः स्यात्सर्वं भूयोऽपि देहिनां ॥

२०४०-१ अपि पौरुषमादेयं शास्त्रं चेद्युक्तिबोधकं ।
२०४०-२ अन्यत्त्वार्षमपि त्याज्यं भाव्यं न्याय्यैकसेविना ॥

२०४१-१ अपि प्रगल्भललनाकटाक्षचपलाः श्रियः ।
२०४१-२ सन्मन्त्रिप्रणिधानेन चिरं तिष्ठन्ति भूभुजां ॥

२०४२-१ अपि प्राज्यं राज्यं तृणमिव परित्यज्य सहसा विलोलद्वानीरं तव जननि तीरं श्रितवतां ।
२०४२-२ सुधातः स्वादीयः सलिलमिदमातृप्ति पिबतां जनानामानन्दः परिहसति निर्वाणपदवीं ॥

२०४३-१ अपि प्राणसमानिष्टान्पालितांल्लालितानपि ।
२०४३-२ भृत्यान्युद्धे समुत्पन्ने पश्येच्छुष्कमिवेन्धनं ॥

२०४४-१ अपि बन्धुतया नारी बहुपुत्रा गुणैर्युता ।
२०४४-२ शोच्या भवतिसा नारी पतिहीना तपस्विनी ॥

२०४५-१ अपि ब्रह्मपरानन्दादिदमप्यधिकं ध्रुवं ।
२०४५-२ जहार नारदादीनां चित्तानि कथमन्यथा ॥

२०४६-१ अपि ब्रह्मवधं कृत्वा प्रायश्चित्तेन शुध्यति ।
२०४६-२ तदर्थेन विचीर्णेन न कथंचित्सुहृद्द्रुहः ॥

२०४७-१ अपि भुजलतोत्क्षेपादस्याः कृतं परिरम्भणं प्रियसहचरीक्रीडालापे श्रुता अपि सूक्तयः ।
२०४७-२ नवपरिणयव्रीडावत्या मुखोन्नतियत्नतो-ऽप्यलसवलिता तिर्यग्दृष्टिः करोति महोत्सवं ॥

२०४८-१ अपि भोगिषु मणिधारिण एव निहंसि नतु यद्द्विषोऽपि परान् ।
२०४८-२ तत्तव गरुड स्थाने दानवसंहारिवाहस्य ॥

२०४९-१ अपि भ्राता सुतोऽर्घ्यो वा श्वशुरो मातुलोऽपि वा ।
२०४९-२ नादण्ड्यो नाम राज्ञोऽस्ति धर्माद्विचलितः स्वकात् ॥

२०५०-१ अपि मन्दत्वमापन्नो नष्टो वापीष्टदर्शनात् ।
२०५०-२ प्रायेण प्राणिनां भूयो दुःखवेगोऽधिको भवेत् ॥

२०५१-१ अपि मरणमुपैति सा मृगाङ्के विलसति कैव कथा रसान्तरस्य ।
२०५१-२ अयि कथमधुना दधाति शान्तिं विषमशरज्वरतीव्रदेहदाहः ॥

२०५२-१ अपि मानुष्यकं लब्ध्वा भवन्ति ज्ञानिनो न ये ।
२०५२-२ पशुतैव वरा तेषां प्रत्यवायाप्रवर्तनात् ॥

२०५३-१ अपि मार्दवभावेन गात्रं संलीय बुद्धिमान् ।
२०५३-२ अरिं नाशयते नित्यं यथा वल्ली महाद्रुमं ॥

२०५४-१ अपि मुदमुपयान्तो वाग्विलासैः स्वकीयैः परभणितिषु तोषं यान्ति सन्तः कियन्तः ।
२०५४-२ निजघनमकरन्दस्यन्दपूर्णालवालः कलशसलिलसेकं नेहते किं रसालः ॥

२०५५-१ अपि मृगपतिना करीन्द्रकुम्भ- स्थलदलनोद्गतपौरुषेण यस्य ।
२०५५-२ भयचकितदृशा प्रनष्टमुच्चैः स हि शरभीकुलराजचक्रवर्ती ॥

२०५६-१ अपि मृद्व्या गिरा लभ्यः सदा जागर्त्यतन्द्रितः ।
२०५६-२ नास्ति धर्मसमो भृत्यः किंचिदुक्तस्तु धावति ॥

२०५७-१ अपि मेरूपमं प्राज्ञं अपि शूरमपि स्थिरं ।
२०५७-२ तृणीकरोति तृष्णैका निमेषेण नरोत्तमं ॥

२०५८-१ अपि यत्सुकरं कर्म तदप्येकेन दुष्करं ।
२०५८-२ बिशेषतोऽसहायेन किमु राज्यं महोदयं ॥

२०५९-१ अपि राज्यादपि स्वर्गादपीन्दोरपि माधवात् ।
२०५९-२ अपि कान्ताकुचस्पर्शात्संतोषः परमं सुखं ॥

२०६०-१ अपि लपितुमहं न हन्त शक्तस्तव पुरतः परितापमायताक्ष्याः ।
२०६०-२ शिव शिव रसना यतो न यत्नादपि यतते निजदाहशङ्कयेव ॥

२०६१-१ अपि ललितसुगुणवेणिः सालंकारापि या सुवर्णापि ।
२०६१-२ रघुतिलक विहीना चेद्वाणी रमणीव नैव कल्याणी ॥

२०६२-१ अपि वज्रेण संघर्षं अपि पद्भ्यां पराभवं ।
२०६२-२ सहन्ते गुणलोभेन त एव मणयो यदि ॥

२०६३-१ अपि वटतरोः स्पर्धां बीजेन सर्षप सांप्रतं परिणमसि यो मुष्टिः शाकं सति स्थलसौष्ठवे ।
२०६३-२ जठरकुहरक्रीडद्विश्वो यदेकदलोदरे प्रलयशिशुको देवः शिश्ये पुरेति ह शुश्रुमः ॥

२०६४-१ अपि वर्षशतं स्थित्वा सदा कृत्रिमरागिणी ।
२०६४-२ वेश्या शुकीव निःश्वासा निःसङ्गेभ्यः पलायते ॥

२०६५-१ अपि विधिः कुसुमानि तवाशुगान्स्मर विधाय न निर्वृतिमाप्तवान् ।
२०६५-२ अदित पञ्च हि ते स नियम्य तांस्तदपि तैर्बत जर्जरितं जगत् ॥

२०६६-१ अपि वीर्योत्कटः शत्रुर्यतो भेदेन सिध्यति ।
२०६६-२ तस्माद्भेदः प्रयोक्तव्यः शत्रूणां विजिगीषुणा ॥

२०६७-१ अपि वेत्ति षडक्षराणि चेदुपदेष्टुं शितिकण्ठमिच्छति ।
२०६७-२ वसनाशनमात्रमस्ति चेद्धनदादप्यतिरिच्यते खलः ॥

२०६८-१ अपि शारदचन्द्रिका यदीयां तुलनां गच्छति दुष्करैस्तपोभिः ।
२०६८-२ न तटुञ्झति मानसं मदीयं हसितं खञ्जनमञ्जुलोचनायाः ॥

२०६९-१ अपि शास्त्रेषु कुशला लोकाचारविवर्जिताः ।
२०६९-२ सर्वे ते हास्यतां यान्ति यथा ते मूर्खपण्डिताः ॥

२०७०-१ अपि शिशिरतरोपचारयोग्यं द्वितयमिदं युगपन्न सह्यमेव ।
२०७०-२ जरठितरविदीधितिश्च कालो दयितजनेन समं च विप्रयोगः ॥

२०७१-१ अपि श्रोणिभरस्वैरां धर्तुं तामशकन्न सः ।
२०७१-२ तदङ्गसङ्गजस्तम्भो गजस्तम्भोरुदोरपि ॥

२०७२-१ अपि संतापशमनाः शुद्धाः सुरभिशीतलाः ।
२०७२-२ भुजङ्गसङ्गाज्जायन्ते भीषणाश्चन्दनद्रुमाः ॥

२०७३-१ अपि संपूर्णतायुक्तैः कर्तव्याः सुहृदो बुधैः ।
२०७३-२ नदीशः परिपूर्णोऽपि चन्द्रोदयमपेक्षते ॥

२०७४-१ अपि संभृतस्य सततं रिक्तत्वं बिभ्रतो विसर्जनतः ।
२०७४-२ उदरस्योदारस्य च केवलमाकारतो भेदः ॥

२०७५-१ अपि सत्पथनिष्ठानां आशाः पूरयतामपि ।
२०७५-२ अगस्त्यवृत्तिर्मेघानां हन्त मालिन्यकारणं ॥

२०७६-१ अपि स दिवसः किं स्याद्यत्र प्रियामुखपङ्कजे मधु मधुकरीवास्मद्दृष्टिर्विकासिनि पास्यति ।
२०७६-२ तदनु च मृदुस्निग्धालापक्रमाहितनर्मणः सुरतसचिवैरङ्गैः सङ्गो ममापि भविष्यति ॥

२०७७-१ अपि सर्वविदो न राजते वचनं श्रोतरि बोधवर्जिते ।
२०७७-२ अपि भर्तरि नष्टलोचने विफलः किं न कलत्रविभ्रमः ॥

२०७८-१ अपि सहवसतामसतां जलरुहजलवद्भवत्यसंश्लेषः ।
२०७८-२ दूरेऽपि सतां वसतां प्रीतिः कुमुदेन्दुवद्भवति ॥

२०७९-१ अपि सागरपर्यन्ता विचेतव्या वसुन्धरा ।
२०७९-२ देशो ह्यरत्निमात्रोऽपि नास्ति दैवज्ञवर्जितः ॥

२०८०-१ अपि सुभगं तव वदनं पश्यति सुभगे यदा यदा चन्द्रः ।
२०८०-२ ग्लायति हन्त पिधत्ते सपदि मुखं स्वं पयोदान्तः ॥

२०८१-१ अपि स्थानुवदासीत शुष्यन्परिगतः क्षुधा ।
२०८१-२ न त्वेवानात्मसंपन्नाद्वृत्तिमीहेत पण्डितः ॥

२०८२-१ अपि स्यात्पितृहा वैरी सोऽपि दानविलोभितः ।
२०८२-२ गत्वा विश्वासभावं स शत्रोरात्मानमर्पयेत् ॥

२०८३-१ अपि स्वमस्वप्नमसूषुपन्नमी परस्य दाराननवैतुमेव मां ।
२०८३-२ स्वयं दुरध्वार्णवनाविकाः कथं स्पृशन्तु विज्ञाय हृदापि तादृशीं ॥

२०८४-१ अपि स्वल्पतरं कार्यं यद्भवेत्पृथिवीपतेः ।
२०८४-२ तन्न वाच्यं सभामध्ये प्रोवाचेदं बृहस्पतिः ॥

२०८५-१ अपि स्वल्पमसत्यं यः पुरो वदति भूभुजां ।
२०८५-२ देवानां च विनाशः स्याद्ध्रुवं तस्य गुरोरपि ॥

२०८६-१ अपि स्वैः सर्वस्वैः पुनरपधनैः कैरपि धनैः परित्राणैः प्राणैर्यदपि च विधेयं परहितं ।
२०८६-२ तदद्यैतच्छब्दात्परभृत भवत्येव भवतस्ततः शब्दालस्यं कथमपि निरस्यं क्षणमपि ॥

२०८७-१ अपीडयन्बलं शत्रूञ्जिगीषुरभिषेणयेत् ।
२०८७-२ सुखसाध्यं द्विषां सैन्यं दीर्घप्रयाणपीडितं ॥

२०८८-१ अपीतक्षीबकादम्बं असंमृष्टामलाम्बरं ।
२०८८-२ अप्रसादितशुद्धाम्बु जगदासीन्मनोहरं ॥

२०८९-१ अपुत्रत्वं भवच्छ्रेयो न तु स्याद्विगुणः सुतः ।
२०८९-२ जीवन्नप्यविनीतोऽसौ मृत एव न संशयः ॥

२०९०-१ अपुत्रस्य गतिर्नास्ति स्वर्गो नैव च नैव च ।
२०९०-२ तस्मात्पुत्रमुखं दृष्ट्वा भवेत्पश्चाद्धि तापसः ॥

२०९१-१ अपुत्रस्य गृहं शून्यं दिशः शून्यास्त्वबान्धवाः ।
२०९१-२ मूर्खस्य हृदयं शून्यं सर्वशून्या दरिद्रता ॥

२०९२-१ अपुत्रस्य गृहं शोच्यं शोच्यं राज्यमराजकं ।
२०९२-२ निराहाराः प्रजाः शोच्या शोच्यं मैथुनमप्रजं ॥

२०९३-१ अपुनर्देहिशब्दार्थं अप्रत्युपकृतिक्षमं ।
२०९३-२ अर्थिनं कुरुते कश्चित्पुनरावृत्तिवर्जितं ॥

२०९४-१ अपुष्यत घनावली भुवनजीवनैर्यत्करैरवर्ध्यत सुधारुचिर्बहुबुधालिसंतर्पणः ।
२०९४-२ तमन्धतमसच्छिदं रविमवेक्ष्य जाज्वल्यसे त्वमेव रविकान्ततामयसि हन्त किं कुर्महे ॥

२०९५-१ अपूजितैवास्तु गिरीन्द्रकन्या किं पक्षपातेन मनोभवस्य ।
२०९५-२ यद्यस्ति दूती सरसोक्तिदक्षा दासः पतिः पादतले वधूनां ॥

२०९६-१ अपूजितोऽतिथिर्यस्य गृहाद्याति विनिःश्वसन् ।
२०९६-२ गच्छन्ति पितरस्तस्य विमुखाः सह दैवतैः ॥

२०९७-१ अपूज्या यत्र पूज्यन्ते पूज्यानां तु विमानना ।
२०९७-२ त्रीणि तत्र प्रवर्तन्ते दुर्भिक्षं मरणं भयं ॥

२०९८-१ अपूज्या यत्र पूज्यन्ते पूज्यानामप्यमानना ।
२०९८-२ तव दैवकृतो दण्डः सद्यः पतति दारुणः ॥

२०९९-१ अपूर्णे नैव मर्तव्यं संपूर्णे नैव जीवति ।
२०९९-२ तस्माद्धैर्यं विधातव्यं हन्तव्या परवाहिनी ॥

२१००-१ अपूर्वं चौर्यमभ्यस्तं त्वया चञ्चललोचने ।
२१००-२ दिवापि जाग्रतां पुंसां चेतो हरसि दूरतः ॥

२१०१-१ अपूर्वं यद्वस्तु प्रथयति विना कारणकलां जगद्ग्रावप्रख्यं निजरसभरात्सारयति च ।
२१०१-२ क्रमात्प्रख्योपाख्याप्रसरसुभगं भासयति तत्सरस्वत्यास्तत्त्वं कविसहृदयाख्यं विजयते ॥

२१०२-१ अपूर्वः कोऽपि कोपाग्निः सज्जनस्य खलस्य च ।
२१०२-२ एकस्य शाम्यति स्नेहाद्वर्धतेऽन्यस्य वारितः ॥

२१०३-१ अपूर्वः कोऽपि कोशोऽयं विद्यते तव भारति ।
२१०३-२ व्ययतो वृद्धिमायाति क्षयमायाति संचयात् ॥

२१०४-१ अपूर्वः कोऽपि तन्वङ्ग्या मम मार्गः प्रदर्शितः ।
२१०४-२ योगं चिन्तयतो येन राग एव विवर्धते ॥

२१०५-१ अपूर्वकर्मचण्डालं अपि मुग्धे विमुञ्च मां ।
२१०५-२ श्रितासि चन्दनभ्रान्त्या दुर्विपाकं विषद्रुमं ॥

२१०६-१ अपूर्वदेशाधिगमे युवराजाभिषेचने ।
२१०६-२ पुत्रजन्मनि वा मोक्षो बन्धनस्य विधीयते ॥

२१०७-१ अपूर्वमधुरामोदप्रमोदितदिशस्ततः ।
२१०७-२ आययुर्भृङ्गमुखराः शिरः शेखरशालिनः ॥

२१०८-१ अपूर्वयेव तत्कालसमागमसकामया ।
२१०८-२ दृष्टेन राजन्वपुषा कटाक्षैर्विजयश्रिया ॥

२१०९-१ अपूर्वा रसनाव्याली खलाननबिलेशया ।
२१०९-२ कर्णमूले दशत्यन्यं हरत्यन्यस्य जीवितं ॥

२११०-१ अपूर्वाह्लाददायिन्य उच्चैस्तरपदाश्रयाः ।
२११०-२ अतिमोहापहारिण्यः सूक्तयो हि महीयसां ॥

२१११-१ अपूर्विणा न कर्तव्यं कर्म लोके विगर्हितं ।
२१११-२ कृतपूर्विणस्तु त्यजतो महान्धर्म इति श्रुतिः ॥

२११२-१ अपूर्वेयं धनुर्विद्या भवता शिक्षिता कुतः ।
२११२-२ मार्गणौघः समायाति गुणो जाति दिगन्तरं ॥

२११३-१ अपूर्वो दृश्यते वह्निः कामिन्याः स्तनमण्डले ।
२११३-२ दूरतो दहते गात्रं गात्रलग्नः सुशीतलः ॥

२११४-१ अपूर्वो भाति भारत्याः काव्यामृतफले रसः ।
२११४-२ चर्वणे सर्वसामान्ये स्वादुवित्केवलं कविः ॥

२११५-१ अपूर्वोऽयं कान्ते ज्वलति मुखदीपस्तव चिरं तमो द्रष्ट्णां यो जनयतितरां याति सुतनो ।
२११५-२ अधस्ताद्यत्रेयं बत सुरभिधूमालकततिर्यदीया वार्तैव ज्वलयति पतंगानिव जनान् ॥

२११६-१ अपूर्वोऽयं धनुर्वेदो मन्मथस्य महात्मनः ।
२११६-२ शरीरमक्षतं कृत्वा भिनत्त्यन्तर्गतं मनः ॥

२११७-१ अपूर्वोऽयं पन्थाः शिव तव विभुत्वस्य कतमो जगद्बन्धो यत्ते पदयुगमकामं प्रणमतां ।
२११७-२ प्रयाति प्रध्वंसं न खलु दुरितं केवलमिदं चिरोपात्तं सद्यः सुकृतमपि सर्वं विगलति ॥

२११८-१ अपूर्वोऽयं मया दृष्टः कान्तः कमललोचने ।
२११८-२ शोऽन्तरं यो विजानाति स विद्वन्नात्र संशयः ॥

२११९-१ अपृच्छं पुत्रदारादींस्तैरुक्तोऽहं रघत्तम ।
२११९-२ पापं तवैव तत्सर्वं वयं तु फलभागिनः ॥

२१२०-१ अपृष्टस्तस्य न ब्रूयाद्यश्च नेच्छेत्पराभवं ।
२१२०-२ एष एव सतां धर्मो विपरीतोऽसतां मतः ॥

२१२१-१ अपृष्टस्तु नरः किंचिद्यो ब्रूते राजसंसदि ।
२१२१-२ न केवलमसंमानं लभते च विडम्बनां ॥

२१२२-१ अपृष्टेन न वक्तव्यः सचिवेन विपश्चिता ।
२१२२-२ नानुशिष्यादपृच्छन्तं महदेतद्धि साहसं ॥

२१२३-१ अपृष्टेनापि वक्तव्यं सचिवेनात्र किंचन ।
२१२३-२ पृष्टेन तु विशेषेण वाच्यं पथ्यं महीपतेः ॥

२१२४-१ अपृष्टोऽत्राप्रधानो यो ब्रूते राज्ञः पुरः कुधीः ।
२१२४-२ न केवलमसंमानं लभते च विडम्बनं ॥

२१२५-१ अपृष्ट्वैव भवेन्मूढज्ञानं मनसि चिन्तनात् ।
२१२५-२ अपूर्णः कुरुते शब्दं न पूर्णः कुरुते घटः ॥

२१२६-१ अपेक्षन्ते न च स्नेहं न पात्रं न दशान्तरं ।
२१२६-२ सदा लोकहितासक्ता रत्नदीपा इवोत्तमाः ॥

२१२७-१ अपेताः शत्रुभ्यो वयमिति विषादोऽयमफलः प्रतीकारस्त्वेषामनिशमनुसंधातुमुचितः ।
२१२७-२ जरासंधाद्भग्नः सह हलभृता दानवरिपुर्जघानैनं पश्चान्न किमनिलसूनुः प्रियसखः ॥

२१२८-१ अपेहि हृदयाद्वा मे वामे दर्शनमेहि वा ।
२१२८-२ अदूरविरहोत्कण्ठादुःखं दुःकेन सह्यते ॥

२१२९-१ अप्यखिलालंकारा- नाकलयन्तोऽपि रसविदश्चित्रं ।
२१२९-२ कलयन्ति सरसकाव्ये नालंकारं कदाचिदपि ॥

२१३०-१ अप्यग्रणीर्मन्त्रकृतामृषीणां कुशाग्रबुद्धे कुशली गुरुस्ते ।
२१३०-२ यतस्त्वया ज्ञानमशेषमाप्तं लोकेन चैतन्यमिवोष्णरश्मेः ॥

२१३१-१ अप्यतिशयितमनर्थं शमयत्यर्थं समर्पयन्नृपतिः ।
२१३१-२ तमनर्पयन्निरर्थं प्राणेन समं परित्यजत्यर्थं ॥

२१३२-१ अप्यत्युच्चो भूमिसमः पार्थिवोऽपि न पार्थिवः ।
२१३२-२ मानार्थं जीवितं तस्य कृते माने न जीवति ॥

२१३३-१ अप्यनारभमाणस्य विभोरुत्पादिताः परैः ।
२१३३-२ व्रजन्ति गुणतामर्थाः शब्दा इव विहायसः ॥

२१३४-१ अप्यनावर्जिताः स्वेन फलरागेण संनताः ।
२१३४-२ अर्भकैरपि गृह्यन्ते साधुसंतानशाखिनः ॥

२१३५-१ अप्यनेकैरुपचितैर्दुर्विनीतैः सुतैरलं ।
२१३५-२ निदर्शनं धार्तराष्ट्राः शतं दुर्योधनादयः ॥

२१३६-१ अप्यभीष्टा न लभ्यन्ते संत्यक्ता न त्यजन्ति च ।
२१३६-२ वासना इव संसारे मोहनैकपराः स्त्रियः ॥

२१३७-१ अप्यशक्यं त्वया दत्तं दुःखं शक्यन्तरात्मनि ।
२१३७-२ बाष्पो वाहीकनारीणां वेगवाही कपोलयोः ॥

२१३८-१ अप्याकरसमुत्पन्नमणिजातिरसंस्कृता ।
२१३८-२ जातरूपेण कल्याणि न हि संयोगमर्हति ॥

२१३९-१ अप्यात्मनो विनाशं गणयति न खलः परव्यसनहृष्टः ।
२१३९-२ प्रायो मस्तकनाशे समरमुखे नृत्यति कबन्धः ॥

२१४०-१ अप्यापत्समयः साधोः प्रयाति श्लाघनीयतां ।
२१४०-२ विधोर्विधुंतुदास्कन्दविपत्कालोऽपि सुन्दरः ॥

२१४१-१ अप्यामीलितपङ्कजां कमलिनीमप्युल्लसत्पल्लवां वासन्तीमपि सौधभित्तिपतितामात्मप्रतिच्छायिकां ।
२१४१-२ मन्वानः प्रथमं प्रियेति पुलकस्वेदप्रकम्पाकुलं प्रीत्यालिङ्गति नास्ति सेति न पुनः खेदोत्तरं मूर्च्छति ॥

२१४२-१ अप्युत्कटे च रौद्रे च शत्रौ यस्य न हीयते ।
२१४२-२ धैर्यं प्राप्ते महीपस्य न स याति पराभवं ॥

२१४३-१ अप्युन्नतपदारूढः पूज्यान्नैवापमानयेत् ।
२१४३-२ नहुषः शक्रतां प्राप्य च्युतोऽगस्त्यावमाननात् ॥

२१४४-१ अप्युन्मत्तात्प्रलपतो बालाच्च परिसर्पतः ।
२१४४-२ सर्वतः सारमादद्यादश्मभ्य इव काञ्चनं ॥

२१४५-१ अप्युपायैस्त्रिभिस्तात योऽर्थः प्राप्तुं न शक्यते ।
२१४५-२ तस्य विक्रमकालांस्तान्युक्तानाहुर्मनीषिणः ॥

२१४६-१ अप्युद्दामव्यसनसरणेः संगमे कामुकानां भद्रं भद्रे भुवनजयिनस्त्वत्कलाकौलशस्य ।
२१४६-२ अप्युत्साहप्रचुरसुहृदः कामकेलीनिवासाः प्रौढोत्साहास्तव सुवदने स्वस्तिमन्तो विलासाः ॥

२१४७-१ अप्येकवंशजनुषोः पश्यत पूर्णत्वतुच्छताभाजोः ।
२१४७-२ ज्याकार्मुकयोः कश्चिद्गुणभूतः कश्चिदपि भर्ता ॥

२१४८-१ अप्येतद्रजनीमयं जगदथो निद्रामयी सा निशा निद्रा स्वप्नमयी भवेदथ च स स्वप्नो मृगाक्षीमयः ।
२१४८-२ सेयं मानमयी मम प्रियतमा तच्चाटुचेष्टामयो मादृक्क्वेति समीहितैकविधये संकल्प तुभ्यं नमः ॥

२१४९-१ अप्येव दहनं स्पृष्ट्वा वने तिष्ठन्ति पादपाः ।
२१४९-२ राजदोषपरामृष्टास्तिष्ठन्ते नापराधिनः ॥

२१५०-१ अप्यौत्सुक्ये महति दयितप्रार्थनासु प्रतीपाः काङ्क्षन्त्योऽपि व्यतिकरसुखं कातराः स्वाङ्गदाने ।
२१५०-२ आबाध्यन्ते न खलु मदनेनैव लब्धान्तरत्वादाबाधन्ते मनसिजमपि क्षिप्तकालाः कुमार्यः ॥

२१५१-१ अप्रकटवर्तितस्तन- मण्डलिकानिभृतचक्रदर्शिन्यः ।
२१५१-२ आवेशयन्ति हृदयं स्मरचर्यागुप्तयोगिन्यः ॥

२१५२-१ अप्रकटीकृतशक्तिः शक्तोऽपि जनात्तिरस्क्रियां लभते ।
२१५२-२ निवसन्नन्तर्दारुणि लङ्घ्यो वह्निर्न तु ज्वलितः ॥

२१५३-१ अप्रगल्भस्य या विद्या कृपणस्य च यद्धनं ।
२१५३-२ यच्च बाहुबलं भीरोर्व्यर्थमेतत्त्रयं भुवि ॥

२१५४-१ अप्रगल्भाः पदन्यासे जननीरागहेतवः ।
२१५४-२ सन्त्येके बहुलालापाः कवयो बालका इव ॥

२१५५-१ अप्रणोद्योऽतिथिः सायं सूर्योढो गृहमेधिना ।
२१५५-२ काले प्राप्तस्त्वकाले वा नास्यानश्नन्गृहे वसेत् ॥

२१५६-१ अप्रणाद्योऽतिथिः सायं सूर्योढो गृहमेधिनां ।
२१५६-२ पूजया तस्य देवत्वं प्रयान्ति गृहमेधिनः ॥

२१५७-१ अप्रतिकृत्यात्मानं सहसानर्थेषु न प्रवर्तेत ।
२१५७-२ शिरसि धृतेऽमृतकिरणे विषमघसद्विषमनेत्रोऽपि ॥

२१५८-१ अप्रतिबुद्धे श्रोतरि वक्तुर्वाक्यं प्रयाति वैफल्यं ।
२१५८-२ नयनविहीने भर्तरि लावण्यमिवेह खञ्जनाक्षीणां ॥

२१५९-१ अप्रतिष्ठाश्च ये केचिदधर्मशरणाश्च ये ।
२१५९-२ तेषां प्रतिष्ठा गङ्गेह शरणं शर्म वर्म च ॥

२१६०-१ अप्रत्यक्षाणि शास्त्राणि विवादस्तत्र केवलं ।
२१६०-२ प्रत्यक्षं ज्यौतिषं शास्त्रं चन्द्रार्कौ यत्र साक्षिणौ ॥

२१६१-१ अप्रत्याकलितप्रभावविभवे सर्वाश्रयाम्भोनिधौ वासो नाल्पतपःफलं यदपरं दोषोऽयमेको महान् ।
२१६१-२ शम्बूकोऽपि यदत्र दुर्लभतरै रत्नैरनर्घैः सह स्पर्धामेकनिवासकारणवशादेकान्ततो वाञ्छति ॥

२१६२-१ अप्रदाता समृद्धोऽसौ दरिद्रश्च महामनाः ।
२१६२-२ अश्रुतश्च समुन्नद्धस्तमाहुर्मूढचेतसं ॥

२१६३-१ अप्रदीपा यथा रात्रिरनादित्यं यथा नभः ।
२१६३-२ तथासांवत्सरो राजा भ्रमत्यन्ध इवाध्वनि ॥

२१६४-१ अप्रधानः प्रधानः स्यात्पार्थिवं यदि सेवते ।
२१६४-२ प्रधानोऽप्यप्रधानः स्याद्यदि सेवाविवर्जितः ॥

२१६५-१ अप्रभूतमतनीयसि तन्वी काञ्चिधाम्नि पिहितैकतरोरु ।
२१६५-२ क्ष्ॐअमाकुलकरा विचकर्ष क्रान्तपल्लवमभीष्टतमेन ॥

२१६६-१ अप्रमत्तश्च यो राजा सर्वज्ञो विजितेन्द्रियः ।
२१६६-२ कृतज्ञो धर्मशीलश्च स राजा तिष्ठते चिरं ॥

२१६७-१ अप्रमत्तेऽपि पुरुषे हितकार्यावलम्बिनि ।
२१६७-२ दैवमुन्मार्गरसिकं अन्यथैव प्रमद्यते ॥

२१६८-१ अप्रमादश्च कर्तव्यस्त्वया राज्ञः समाश्रये ।
२१६८-२ त्वदीयस्य शरीरस्य वयं भाग्योपजीविनः ॥

२१६९-१ अप्रसन्नमपराद्धरि पत्यौ कोपदीप्तमुररीकृतधैर्यं ।
२१६९-२ क्षालितं नु शमितं नु वधूनां द्रावितं नु हृदयं मधुवारैः ॥

२१७०-१ अप्रसादोऽनधिष्ठानं देयांशहरणं च यत् ।
२१७०-२ कालयापोऽप्रतीकारस्तद्वैराग्यस्य कारणं ॥

२१७१-१ अप्रस्तावस्तुतिभिरनिशं कर्णशूलं करोति स्वं दारिद्र्यं वदति वसनं दर्शयत्येव जीर्णं ।
२१७१-२ छायाभूतश्चलति न पुरः पार्श्वयोर्नैव पश्चान्निःस्वः खेदं दिशति धनिनां व्याधिवद्दुश्चिकित्स्यः ॥

२१७२-१ अप्राकृतः स कथमस्तु न विस्मयाय यस्मिन्नुवास करुणा च कृतज्ञता च ।
२१७२-२ लक्ष्मीश्च सात्त्विकगुणज्वलितं च तेजो धर्मश्च मानविनयौ च पराक्रमश्च ॥

२१७३-१ अप्राकृतस्य चारितातिशयस्य भावैरत्यद्भुतैर्मम हृतस्य तथाप्यनास्था ।
२१७३-२ कोऽप्येष वीरशिशुकाकृतिरप्रमेय- सामर्थ्यसारसमुदायमयः पदार्थः ॥

२१७४-१ अप्राकृतस्याहवदुर्मदस्य निवार्यमस्यास्त्रबलेन वीर्यं ।
२१७४-२ अल्पीयसोऽप्यामयतुल्यवृत्तेर्महापकाराय रिपोर्विवृद्धिः ॥

२१७५-१ अप्राज्ञेन च कातरेण च गुणः स्याद्भक्तियुक्तेन कः प्रज्ञाविक्रमशालिनोऽपि हि भवेत्किं भक्तिहीनात्फलं ।
२१७५-२ प्रज्ञाविक्रमभक्तयः समुदिता येषां गुणा भूतये ते भृत्या नृपतेः कलत्रमितरे संपत्सु चापत्सु च ॥

२१७६-१ अप्राप्तकालं वचनं बृहस्पतिरपि ब्रुवन् ।
२१७६-२ लभते बुद्ध्यवज्ञानं अवमानं च भारत ॥

२१७७-१ अप्राप्तकालवचनं बृहस्पतिरपि ब्रुवन् ।
२१७७-२ प्राप्नुयाद्बुद्धिशैथिल्यं अपमानं च शाश्वतं ॥

२१७८-१ अप्राप्तकालो यो मूर्खो हसेत्स्वेच्छानुसारतः ।
२१७८-२ प्राप्नुयाद्बुद्ध्यवज्ञानं सभायां चैव शाश्वतं ॥

२१७९-१ अप्राप्तकेलिसुखयोरतिमानरुद्ध- संधानयो रहसि जातरुषोरकस्मात् ।
२१७९-२ यूनोर्मिथोऽभिलषतोः प्रथमानुनीतिं भावाः प्रसादपिशुनाः क्षपयन्ति निद्रां ॥

२१८०-१ अप्राप्तपुष्पोद्गमविभ्रमैव रुद्धा भुजङ्गेन तथा यथेयं ।
२१८०-२ न शक्यते स्प्रष्टुमपीहमानैरामोदिनी चन्दनशाखिकेव ॥

२१८१-१ अप्राप्तप्रथमावकर्तनरुषा व्यानम्रमूकीभवद्- वक्रेष्वन्यशिरःसु यस्य दहने छिन्नं शिरो जुह्वतः ।
२१८१-२ उच्चार्य स्वयमेव मन्त्रमकरोन्नास्याहमित्यात्मनस्त्यागं पङ्क्तिमुखः स विक्रमसुहृद्वीरः कथं वर्ण्यते ॥

२१८२-१ अप्राप्तयौवना नारी न कामाय न शान्तये ।
२१८२-२ संप्राप्ते षोडशे वर्षे गर्दभी चाप्सरायते ॥

२१८३-१ अप्राप्तवल्लभसमागमनाधिकायाः सख्याः पुरोऽत्र निजचित्तविनोदबुद्ध्या ।
२१८३-२ आलापवेषगतिहास्यविकत्थनाद्यैः प्राणेश्वरानुकृतिमाकलयन्ति लीलां ॥

२१८४-१ अप्राप्येऽपि यथा कामे धर्मे चिन्ता न किं तथा ।
२१८४-२ अलाभेऽपि द्वयोरेका भयदा शिवदापरा ॥

२१८५-१ अप्राप्येषुरुदासितासिरशनेरारात्कुतः शङ्कुतश्चक्रव्युत्क्रमकृत्परोक्षपरशुः शूलेन शून्या यया ।
२१८५-२ मृत्युर्दैत्यपतेः कृतः स सदृशः पादाङ्गुलीपर्वतः पार्वत्या प्रतिपाल्यतां त्रिभुवनं निःशल्यकल्यं तया ॥

२१८६-१ अप्रामाण्यं च वेदानां शास्त्राणां चातिलङ्घनं ।
२१८६-२ सर्वत्र चानवस्थानं एतन्नाशनमात्मनः ॥

२१८७-१ अप्रार्थनमसंस्पर्शं असंदर्शनमेव च ।
२१८७-२ पुरुषस्येह नियमो भवेद्रागप्रहाणये ॥

२१८८-१ अप्रार्थितं यथा दुःखं तथा सुखमपि स्वयं ।
२१८८-२ प्राणिनं प्रतिपद्येत सर्वं नियतियन्त्रितं ॥

२१८९-१ अप्रियं न हि भाषेत न विरुध्येत केनचित् ।
२१८९-२ कार्यसिद्धिं समीहेत कार्यभ्रंशो हि मूर्खता ॥

२१९०-१ अप्रियं पुरुष चापि परद्रोहं परस्त्रियं ।
२१९०-२ अधर्ममनृतं चैव दूरात्प्राज्ञो विवर्जयेत् ॥

२१९१-१ अप्रियं यस्य कुर्वीत भूयस्तस्य प्रियं चरेत् ।
२१९१-२ अचिरेण प्रियः स स्याद्योऽप्रियः प्रियमाचरेत् ॥

२१९२-१ अप्रियमुक्ताः पुरुषाः प्रयतन्ते द्विगुणमप्रियं वक्तुं ।
२१९२-२ तस्मादवाच्यमप्रियं अप्रियमश्रोतुकामेन ॥

२१९३-१ अप्रियवचनदरिद्रैः प्रियवचनाढ्यैः स्वदारपरितुष्टैः ।
२१९३-२ परपरिवादनिवृत्तैः क्वचित्क्वचिन्मण्डिता वसुधा ॥

२१९४-१ अप्रियवचनाङ्गारैर्दग्धोऽपि न विप्रियं वदत्यार्यः ।
२१९४-२ किं दह्यमानमगरु स्वभावसुरभिं परित्यजति ॥

२१९५-१ अप्रियस्यापि वचसः परिणामाविरोधिनः ।
२१९५-२ वक्ता श्रोता च यत्रास्ति रमन्ते तत्र संपदः ॥

२१९६-१ अप्रियाण्यपि कुर्वन्तः स्वार्थायोद्यत चेष्टिताः ।
२१९६-२ पण्डिता नोपलभ्यन्ते वायसैरिव कोकिलाः ॥

२१९७-१ अप्रियाण्यपि कुर्वाणो निष्ठुराण्यपि च ब्रुवन् ।
२१९७-२ चेतः प्रह्लादयत्येव सर्वावस्थासु वल्लभः ॥

२१९८-१ अप्रियाण्यपि कुर्वाणो यः प्रियः प्रिय एव सः ।
२१९८-२ दग्धमन्दिरसारेऽपि कस्य वह्नावनादरः ॥

२१९९-१ अप्रियाण्यपि पथ्यानि ये वदन्ति नृणामिह ।
२१९९-२ त एव सुहृदः प्रोक्ता अन्ये स्युर्नामधारकाः ॥

२२००-१ अप्रिया न भविष्यन्ति प्रियो मे न भविष्यति ।
२२००-२ अहं च न भविष्यामि सर्वं च न भविष्यति ॥

२२०१-१ अप्रियैः सह संवासः प्रियैश्चापि विनाभवः ।
२२०१-२ असद्भिः संप्रयोगश्च तद्दुःखं चिरजीविनां ॥

२२०२-१ अप्रियैरपि निष्पिष्टैः किं स्यात्क्लेशासहिष्णुभिः ।
२२०२-२ ये तदुन्मूलने शक्ता जिगीषा तेषु शोभते ॥

२२०३-१ अप्रियोऽपि हि पथ्यः स्यादिति वृद्धानुशासनं ।
२२०३-२ वृद्धानुशासने तिष्ठन्प्रियतामुपगच्छति ॥

२२०४-१ अप्रीतां रोगिणीं नारीं अन्तर्वत्नीं धृतव्रतां ।
२२०४-२ रजस्वलामकामां च न कामेत बलात्पुमान् ॥

२२०५-१ अप्सु प्लवन्ते पाषाणा मानुषा घ्नन्ति राक्षसान् ।
२२०५-२ कपयः कर्म कुर्वन्ति कालस्य कुटिला गतिः ॥

२२०६-१ अप्स्वात्मानं न वीक्षेत नावगाहेत्पयोरयं ।
२२०६-२ संदिग्धनावं नारोहेन्न बाहुभ्यां नदीं तरेत् ॥

२२०६आ-१ अफलं श्राद्धं अपात्रे धनं अफलं यत्न दत्तमर्थिभ्यः ।
२२०६आ-२ यौवनमफलं यमिनश्श्रुतमफलं दुर्विनीतस्य ॥

२२०७-१ अफलस्यापि वृक्षस्य छाया भवति शीतला ।
२२०७-२ निर्गुणोऽपि वरं बन्धुर्यः परः पर एव सः ॥

२२०८-१ अफलानि दुरन्तानि समव्ययफलानि च ।
२२०८-२ अशक्यानि च कार्याणि नारभेत विचक्षणः ॥

२२०९-१ अबन्धुष्वपि बन्धुत्वं स्नेहात्समुपजायते ।
२२०९-२ बन्धुष्वपि च बन्धुत्वं अलोकज्ञेषु हीयते ॥

२२१०-१ अबलः प्रोन्नतं शत्रुं यो याति मदमोहितः ।
२२१०-२ युद्धार्थं स निवर्तेत शीर्णदन्तो यथा गजः ॥

२२११-१ अबलस्वकुलाशिनो झषान्निजनीडद्रुमपीडिनः खगान् ।
२२११-२ अनवद्यतृणार्दिनो मृगान्मृगयाघाय न भूभुजां घ्नतां ॥

२२१२-१ अबलां बलिना नीतां दशामिमां मकरकेतुना रक्ष ।
२२१२-२ आपत्पतितोद्धृतये भवति हि शुभजन्मनां जन्म ॥

२२१३-१ अबला अपि वीरेशान्यत्साहाय्यमुपाश्रिताः ।
२२१३-२ पराभवन्ति दृक्कोणपातेनैव स मन्मथः ॥

२२१४-१ अबलाढ्यविग्रहश्रीरमर्त्यनतिरक्षमालयोपेतः ।
२२१४-२ पञ्चक्रमोदितमुखः पायात्परमेश्वरो मुहुरनादिः ॥

२२१५-१ अबलाबुद्धिहीनाया दोषं क्षन्तुं सदार्हसि ।
२२१५-२ मूढस्य सततं दोषं क्षमां कुर्वन्ति साधवः ॥

२२१६-१ अबला यत्र प्रबला शिशुरवनीशो निरक्षरो मन्त्री ।
२२१६-२ नहि नहि तत्र धनाशा जीवित आशापि दुर्लभा भवति ॥

२२१७-१ अबलावनपर एको भुवनत्रितयेऽपि चेत्तदा भर्त्ता ।
२२१७-२ कथमन्यथा सुधाकर- चन्दनमुख्याप्रियत्वं स्यात् ॥

२२१८-१ अबला विषहेत कथं दृढशक्तिममुष्य रतिरसप्रसरं ।
२२१८-२ मदनतुलितानुरागो न विदध्याद्यदि बलाधानं ॥

२२१९-१ अबलासु विलासिनोऽन्वभूवन्नयनैरेव नवोपगूहनानि ।
२२१९-२ मरुदागमवार्तयापि शून्ये समये जाग्रति संप्रवृद्ध एव ॥

२२२०-१ अबलेति परीवादो वृथा हि हरिणीदृशां ।
२२२०-२ यासां नेत्रनिपातेन नटवद्घूर्ण्यते जगत् ॥

२२२१-१ अबले सलिले व्यवस्यता ते मुखभावो गमितो न पङ्कजेन ।
२२२१-२ कथमादिमवर्णतान्त्यजस्य द्विजराजेन कृतोरुनिग्रहस्य ॥

२२२२-१ अबलोऽसि न जितकाशी- प्रतिभटराशीन्परापत क्षितिप ।
२२२२-२ जाताम्भःकणपातः क्व विनश्यत्यनलसंघातः ॥

२२२३-१ अबालरुचिरे भ्रुवौ न च मरालमन्दा गतिर्दृगञ्चलमचञ्चलं हृदयभूदभूतो दया(

?)

।
२२२३-२ सुधा न खलु वाक्पथातिथिरथापि यूनां मनो मनोजशरजर्ज्जरन्नयति मोहमस्यास्तनुः ॥

२२२४-१ अबुधा अजंगमा अपि कयापि गत्या परं पदमवाप्ताः ।
२२२४-२ मन्त्रिण इति कीर्त्यन्ते नयबलगुटिका इव जनेन ॥

२२२५-१ अबुधैः कृतमानसंविदस्तव पार्थैः कुत एव योग्यता ।
२२२५-२ सहसि प्लवगैरुपासितं न हि गुञ्जाफलमेति सोष्मतां ॥

२२२६-१ अबुधैरर्थलाभाय पण्यस्त्रीभिरिव स्वयं ।
२२२६-२ आत्मा संस्कृत्य संस्कृत्य परोपकरणीकृतः ॥

२२२७-१ अबुद्धिमाश्रितानां च क्षन्तव्यमपराधिनां ।
२२२७-२ न हि सर्वत्र पाण्डित्यं सुलभं पुरुषेण वै ॥

२२२८-१ अथ चेद्बुद्धिजं कृत्वा ब्रूयुस्ते तदबुद्धिजं ।
२२२८-२ पापान्स्वल्पेऽपि तान्हन्यादपराधे तथानृजून् ॥

२२२९-१ अबुद्ध्वा चित्तमप्राप्य विश्रम्भं प्रभविष्णुषु ।
२२२९-२ न स्वेच्छं व्यवहर्तव्यं आत्मनो भूतिमिच्छता ॥

२२३०-१ अबोधि नो ह्रीनिभृतं मदिङ्गितं प्रतीत्य वा नादृतवत्यसाविति ।
२२३०-२ लुनाति यूनः स्म धियं कियद्गता निवृत्य बालादरदर्शनेषुणा ॥

२२३१-१ अब्जं त्वज्जमथाब्जभूस्तत इदं ब्रह्माण्डमण्डात्पुनर्विश्वं स्थावरजंगमं तदितरत्त्वन्मूलमित्थं पयः ।
२२३१-२ धिक्त्वां चौर इव प्रयासि निभृतं निर्गत्य जालान्तरैर्बध्यन्ते विवशास्त्वदेकशरणास्त्वामाश्रिता जन्तवः ॥

२२३२-१ अब्दायनर्तुष्वथ मासपक्ष- दिनानि कार्येऽप्यवधौ विदध्यात् ।
२२३२-२ हीनावधिर्येन भवत्यसत्यः सर्वोऽपि लोके शकुनो गृहीतः ॥

२२३३-१ अब्देभकुम्भे निर्बिन्ने विद्युत्खड्गलताहते ।
२२३३-२ स्वच्छमुक्ताफलस्थूला निपेतुस्तोयबिन्दवः ॥

२२३४-१ अब्दैर्वारिजिघृक्षयार्णवगतैः साकं व्रजन्ती मुहुः संसर्गाद्वडवानलस्य समभूदापन्नसत्त्वा तडित् ।
२२३४-२ मन्ये देव तया क्रमेण जनितो युष्मत्प्रतापानलो येनारातिवधूविलोचनजलैः सिक्तोऽपि संवर्धते ॥

२२३५-१ अब्धिना सह मित्रत्वे दारिद्र्यं यदि जायते ।
२२३५-२ लाञ्छनं सागरस्यैव मैत्रीकर्तुर्न लाञ्छनं ॥

२२३६-१ अब्धिर्न तृप्यति यथा सरितां सहस्रैर्नो चेन्धनैरिव शिखी बहुधोपनीतैः ।
२२३६-२ जीवः समस्तविषयैरपि तद्वदेवं संचिन्त्य चारुधिषणस्त्यजतीन्द्रियार्थान् ॥

२२३७-१ अब्धिर्यद्यवधीरितो न तु तदा तस्मान्निपीयाम्बुदैर्वान्तान्याचसि काकुभिर्जललवानुत्तानचञ्चूपुटः ।
२२३७-२ तत्ते निस्त्रपनीचतैवमुचिता निर्वक्तुमेतत्कथं विद्मः केन गुणेन मानिषु पुनः सारङ्ग संगीयते ॥

२२३८-१ अब्धी रत्नमधो धत्ते धत्ते वा शिरसा तृणं ।
२२३८-२ अब्धेरेव हि दोषोऽयं रत्नं रत्नं तृणं तृणं ॥

२२३९-१ अब्धेरम्भः स्थगितभुवनाभोगपातालकुक्षेः । पोतोपाया इह हि बहवो लङ्घनेऽपि क्षमन्ते ।
२२३९-२ आहो रिक्तः कथमपि भवेदेष दैवात्तदानीं को नाम स्यादवटकुहरालोकनेऽप्यस्य कल्पः ॥

२२४०-१ अब्धौ मज्जन्ति मीना इव फणिन इव क्षौणिरन्ध्रं विशन्ति क्रामन्त्यद्रीन्विहङ्गा इव कपय इव क्वाप्यरण्ये चरन्ति ।
२२४०-२ देव क्ष्मापालशक्र प्रसरदनुपमत्वच्चमूचक्रवाह- व्यूहव्याधूतधूलीपटलहतदृशः कान्दिशीकाः क्षितीशाः ॥

२२४१-१ अब्रवीच्च भगवन्मतङ्गजैर्यद्बृहद्भिरपि कर्म दुष्करं ।
२२४१-२ तत्र नाहमनुमन्तुमुत्सहे मोघवृत्ति कलभस्य चेष्टितं ॥

२२४२-१ अभक्ष्यं भक्षयेन्नित्यं सुवास्ॐअद्यपा गृहे ।
२२४२-२ कुष्ठी भवति वित्तेशो वेश्यादोषाः स्वभावजाः ॥

२२४३-१ अभग्नवृत्ताः प्रसभादाकृष्टा यौवनोद्धतैः ।
२२४३-२ चक्रन्दुरुच्चकैर्मुष्टिग्राह्यमध्या धनुर्लता ॥

२२४४-१ अभयं सत्त्वसंशुद्धिर्ज्ञानयोगव्यवस्थितिः ।
२२४४-२ दानं दमश्च यज्ञश्च स्वाध्यायस्तप आर्जवं ॥

२२४५-१ अहिंसा सत्यमक्रोधस्त्यागः शान्तिरपैशुनं ।
२२४५-२ दया भूतेष्वलोलुप्त्वं मार्दवं ह्रीरचापलं ॥

२२४६-१ तेजः क्षमा धृतिः शौचं अद्रोहो नातिमानिता ।
२२४६-२ भवन्ति संपदं दैवीं अभिजातस्य भारत ॥

२२४७-१ दम्भो दर्पोऽतिमानश्च क्रोधः पारुष्यमेव च ।
२२४७-२ अज्ञानं चाभिजातस्य पार्थ संपदमासुरीं ॥

२२४८-१ दैवी संपद्विमोक्षाय निबन्धायासुरी मता ॥

२२४९-१ अभयं सर्वभूतेभ्यो दत्त्वा यश्चरते मुनिः ।
२२४९-२ तस्यापि सर्वभूतेभ्यो न भयं विद्यते क्वचित् ॥

२२५०-१ अभयं सर्वभूतेभ्यो यो ददाति दयापरः ।
२२५०-२ अभयं तस्य भूतानि ददतीत्यनुशुश्रुमः ॥

२२५१-१ अभयं सर्वभूतेभ्यो यो ददाति दयापरः ।
२२५१-२ तस्य देहविमुक्तस्य क्षय एव न विद्यते ॥

२२५२-१ अभयमभयं देव ब्रूमस्तवासिलतावधूः कुवलयदलश्यत्मा शत्रोरुरःस्थलशायिनी ।
२२५२-२ समयसुलभां कीर्तिं भव्यामसूत सुतामसावपि रमयितुं रागान्धेव भ्रमत्यखिलं जगत् ॥

२२५३-१ अभयस्य हि यो दाता स पूज्यः सततं नृपः ।
२२५३-२ सत्रं हि वर्धते तस्य सदैवाभयदक्षिणं ॥

२२५४-१ अभयस्यैव यो दाता तस्यैव सुमहत्फलं ।
२२५४-२ न हि प्राणसमं दानं त्रिषु लोकेषु विद्यते ॥

२२५५-१ अभवदभिनवप्ररोहभाजां छविपरिपाटिषु यः पुराङ्गकानां ।
२२५५-२ अहह विरहवैकृते स तस्याः क्रशिमनि संप्रति दूर्वया विवादः ॥

२२५६-१ अभव्यजीवो वचनं पठन्नपि जिनस्य मिथ्यात्वविषं न मुञ्चति ।
२२५६-२ यथा विषं रौद्रविषोऽति पन्नगः सशर्करं चारु पयः पिबन्नपि ॥

२२५७-१ अभावि सिन्ध्वा संध्याभ्रसदृग्रुधिरतोयया ।
२२५७-२ हृते योद्धुं जनः पांशौ स दृग्रुधि रतो यया ॥

२२५८-१ अभावे न नरस्तस्माद्भावः सर्वत्र कारणं ।
२२५८-२ चित्तं शोधय यत्नेन किमन्यैर्बाह्यशोधनैः ॥

२२५९-१ अभावे पट्टसूत्रस्य हारिणी स्नायुरिष्यते ।
२२५९-२ गुणार्थमथवा ग्राह्याः स्नायवो महिषीगवां ॥

२२५९आ-१ अभिगम्यास्ते सद्भिर्व्यपगतमानावमानदोषाश्च ।
२२५९आ-२ ये स्वगृहमुपगतानां श्रममुपचारैर्व्यपनयन्ति ॥

२२६०-१ अभिजनवतो भर्तुः श्लाघ्ये स्थिता गृहिणीपदे विभवगरुभिः कृत्यैरस्य प्रतिक्षणमाकुला ।
२२६०-२ तनयमचिरात्प्राचीवार्कं प्रसूय च पावनं मम विरहजां न त्वं वत्से शुचं गणयिष्यसि ॥

२२६१-१ अभिजातजनव्यथावहा बहलोष्मप्रसरा विदाहिनः ।
२२६१-२ प्रखला इव दृष्टिमागता भुवि तापाय निदाघवासराः ॥

२२६२-१ अभितापसंपदमथोष्णरुचिर्निजतेजसामसहमान इव ।
२२६२-२ पयसि प्रपित्सुरपराम्बुनिधेरधिरोढुमस्तगिरिमभ्यपतत् ॥

२२६३-१ अभितिग्मरश्मि चिरमाविरमा- दवधानखिन्नमनिमेषतया ।
२२६३-२ विगलन्मधुव्रतकुलाश्रुजलं न्यमिमीलदब्जनयनं नलिनी ॥

२२६४-१ अभितो नितरां सलिलं जलदे दातुं समुद्यते भवति ।
२२६४-२ तदपि बहुलमल्पं वा पात्राधीनं मतं पतनं ॥

२२६५-१ अभित्तावुत्थिते चित्रे दृश्यते भित्तिरातता ।
२२६५-२ अहो विचित्रा मायेयं भग्नं तुण्डं शिलाप्लुता ॥

२२६६-१ अभिद्रोहेण भूतानां अर्जयन्गत्वरीः श्रियः ।
२२६६-२ उदन्वानिव सिन्धूनां आपदामेति पात्रतां ॥

२२६७-१ अभिधाय तदा तदप्रियं शिशुपालोऽनुशयं परं गतः ।
२२६७-२ भवतोऽभिमनाः समीहते सरुषः कर्तुमुपेत्य माननां ॥

२२६८-१ अभिधावति मां मृत्युरयमुद्गूर्णमुद्गरः ।
२२६८-२ कृपणं पुण्डरीकाक्ष रक्ष मां शरणागतं ॥

२२६९-१ अभिध्यालु परस्वेषु नेह नामुत्र नन्दति ।
२२६९-२ तस्मादभिध्या संत्याज्या सर्वदाभीप्सता सुखं ॥

२२७०-१ अभिनयशस्तौ हस्तौ पादौ परिभूतकिसलयौ सलयौ ।
२२७०-२ अङ्गं रञ्जितरङ्गं नृत्तं पुंभावशालि समवृत्तं ॥

२२७१-१ अभिनयान्परिचेतुमिवोद्यता मलयमारुतकम्पितपल्लवा ।
२२७१-२ अमदयत्सहकारलता मनः सकलिका कलिकामजितामपि ॥

२२७२-१ अभिनवं गलितांशुकदर्शितं दधति यत्स्तनयोरुपरिस्थितं ।
२२७२-२ वसनमण्डलमण्डनमङ्गनास्तदधिकं प्रतिपक्षमनोज्वरं ॥

२२७३-१ अभिनवकुशसूत्रस्पर्धि कर्णे शिरीषं कुरवकपरिधानं पाटलादाम कण्ठे ।
२२७३-२ तनुसरसजलार्द्रोन्मीलितः सुन्दरीणां दिनपरिणतिजन्मा कोऽपि वेशश्चकास्ति ॥

२२७४-१ अभिनवजवापुष्पस्पर्धी तवाधरपल्लवो हसितकुसुमोन्मेषच्छायादरच्छुरितान्तरः ।
२२७४-२ नयनमधुपश्रेणीं यूनामनारतमाहरंस्तरुणि तनुते तारुण्यश्रीर्विलासवतंसतां ॥

२२७५-१ अभिनवनलिनीकिसलय- मृणालवलयादि दवदहनराशिः ।
२२७५-२ सुभग कुरङ्गदृशोऽस्या विधिवशतस्त्वद्वियोगपविपाते ॥

२२७६-१ अभिनवनलिनीविनोदलुब्धो मुकुलितकैरविणीवियोगभीरुः ।
२२७६-२ भ्रमति मधुकरोऽयमन्तराले श्रयति न पङ्कजिनीं कुमुद्वतीं वा ॥

२२७७-१ अभिनवनवनीतप्रीतमाताम्रनेत्रं विकचनलिनलक्ष्मीस्पर्धि सानन्दवक्त्रं ।
२२७७-२ हृदयभवनमध्ये योगिभिर्ध्यानगम्यं नवगगनतमालश्यामलं कंचिदीडे ॥

२२७८-१ अभिनवनवनीतस्निग्धमापीतदुग्धं दधिकणपरिदिग्धं मुग्धमङ्गं मुरारेः ।
२२७८-२ दिशतु भुवनकृच्छ्रच्छेदितापिच्छगुच्छच्छवि नवशिखिपिच्छालाञ्छितं वाञ्छितं वः ॥

२२७९-१ अभिनवपल्लवरशना शिशिरतरतुषारजलमङ्गलस्नाता ।
२२७९-२ पुष्पवती चूतलता प्रियेव ददृशे फलाभिमुखी ॥

२२८०-१ अभिनवपुलकालीमण्डिता गण्डपाली निगदति विनिगूढानन्दहिन्दोलिचेतः ।
२२८०-२ सुदति वदति पुण्यैः कस्य धन्यैर्मनोज- प्रसरमसकृदेतच्चापलं लोचनस्य ॥

२२८१-१ अभिनवमुखमुद्रं क्षुद्रकूपोपवीतं प्रशिथिलविपुलत्वं ज्वालकोच्छवासिपालं ।
२२८१-२ परिणतिपरिपाटिव्याकृतेनारुणिम्ना हतहरितिमशेषं नागरङ्गं चकास्ति ॥

२२८२-१ अभिनवयवसश्रीशालिनि क्ष्मातलेऽस्मिनतिशयपरभागं भेजिरे जिष्णुगोपाः ।
२२८२-२ कुवलयशयनीये मुग्धमुग्धेक्षणाया मणय इव विमुक्ताः कामकेलिप्रसङ्गात् ॥

२२८३-१ अभिनववधूरोषस्वादः करीषतनूनपादसरलजनाश्लेषक्रूरस्तुषारसमीरणः ।
२२८३-२ गलितविभवस्याज्ञेवाद्य द्युतिर्मसृणा रवेर्विरहिवनितावक्त्रौपम्यं बिभर्ति निशाकरः ॥

२२८४-१ अभिनवविषवल्लीपादपद्मस्य विष्णोर्मदनमथनमौलेर्मालतीपुष्पमाला ।
२२८४-२ जयति जयपताका काप्यसौ मोक्षलक्ष्म्याः क्षपितकलिकलङ्का जाह्नवी नः पुनातु ॥

२२८५-१ अभिनवसेवकविनयैः प्राघुणकोक्तैर्विलासिनीरुदितैः ।
२२८५-२ धूर्तजनवचननिकरैरिह कश्चिदवञ्चितो नास्ति ॥

२२८६-१ अभिनषति वैनतेयं चामरसहितः ससत्यभामो यः ।
२२८६-२ नारायणः स साक्षाद्विबुधसमर्च्यः सदा जयतु ॥

२२८७-१ अभिन्नवेलौ गम्भीरावम्बुराशिर्भवानपि ।
२२८७-२ असावञ्जनसंकाशस्त्वं तु चामीकरद्युतिः ॥

२२८८-१ अभिन्नेष्वपि कार्येषु भिद्यते मनसः क्रिया ।
२२८८-२ अन्यथैव स्तनं पुत्रश्चिन्तयत्यन्यथा पतिः ॥

२२८९-१ अभिपतति घनं शृणोति गर्जाः सहति शिलाः सहते तडित्तरङ्गान् ।
२२८९-२ विधुवति गरुतं रुतं विधत्ते जलपृषते कियतेऽपि चातकोऽयं ॥

२२९०-१ अभिप्रायं यो विदित्वा तु भर्तुः सर्वाणि कार्याणि करोत्यतन्द्रीः ।
२२९०-२ वक्ता हितानामनुरक्त आर्यः शक्तिज्ञ आत्मेव हि सोऽनुकम्प्यः ॥

२२९१-१ वाक्यं तु यो नाद्रियतेऽनुशिष्टः प्रत्याह यश्चापि नियुज्यमानः ।
२२९१-२ प्रज्ञाभिमानी प्रतिकूलवादी त्याज्यः स तादृक्त्वरयैव भृत्यः ॥

२२९२-१ अभिप्रायानुसारेण प्रकटीकुरुते प्रियं ।
२२९२-२ अहो महाप्रभावानां भूपतीनां वसुंधरा ॥

२२९३-१ अभिप्रेतार्थसिद्ध्यर्थं पूजितो यः सुरैरपि ।
२२९३-२ सर्वविघ्नच्छिदे तस्मै गणाधिपतये नमः ॥

२२९४-१ अभिभवति मनः कदम्बवायौ मदमधुरे च शिखण्डिनां निनादे ।
२२९४-२ जन इव न धृतेश्चचाल जिष्णुर्न हि महतां सुकरः समाधिभङ्गः ॥

२२९५-१ अभिभूतोऽपि नोत्साहं जह्याज्जातु स्वसिद्धये ।
२२९५-२ नष्टाङ्गोऽपि ग्रसत्येव सैंहिकेयो मुहुर्द्विषौ ॥

२२९६-१ अभिभूतोऽप्यवज्ञातो यो राज्ञां द्वारि तिष्ठति ।
२२९६-२ स तु राज्ञां श्रियं भुङ्क्ते नाभिमानी कदाचन ॥

२२९७-१ अभिभूय विभूतिमार्तवीं मधुगन्धातिशयेन वीरुधां ।
२२९७-२ नृपतेरमरस्रगाप सा दयितोरुस्तनकोटिसुस्थितं ॥

२२९८-१ अभिभूय सतामवस्थितिं जडजेषु प्रतिपाद्य च श्रियं ।
२२९८-२ जगतीपरितापकृत्कथं जलधौ नावपतेदसौ रविः ॥

२२९९-१ अभिमतफलदाता त्वं च कल्पद्रुमश्च प्रकटमिह विशेषं कंचनोदाहरामः ।
२२९९-२ कथमिह मधुरोक्तिप्रेमसंमानमिश्रं तुलयति सुरशाखी देव दानं त्वदीयं ॥

२३००-१ अभिमतफलसिद्धिसिद्धमन्त्रा- वलि बलिजित्परमेष्ठिनोरुपास्ये ।
२३००-२ भगवति मदनारिनारि वन्दे निखिलनगाधिपभर्तृदारिके त्वां ॥

२३०१-१ अभिमतमभितः कृताङ्गभङ्गा कुचयुगमुन्नतिवित्तमुन्नमय्य ।
२३०१-२ तनुरभिलषितं क्लमच्छलेन व्यवृणुत वेल्लितबाहुवल्लरीका ॥

२३०२-१ अभिमतमहामानग्रन्थिप्रभेदपटीयसी गुरुतरगुणग्रामाम्भोजस्फुटोज्ज्वलचन्द्रिका ।
२३०२-२ विपुलविलसल्लज्जावल्लीविदारकुठारिका जठरपिठरी दुःपूरेयं करोति विडम्बनां ॥

२३०३-१ अभिमतवस्तूपहृता- वपि गुरुगर्वादनादरस्तन्व्याः ।
२३०३-२ स्खलितेऽपि प्रियस्य सं- यमताडनमित्येव बिब्बोकः ॥

२३०४-१ अभिमतसिद्धिरशेषा भवति हि पुरुषस्य पुरुषकारेण ।
२३०४-२ दैवमिति यदपि कथयसि पुरुषगुणः सोऽप्यदृष्टाख्यः ॥

२३०५-१ अभिमन्त्र्य शुचिविधानादाज्याढ्यं हस्तिकर्णजं चूर्णं ।
२३०५-२ योऽश्नाति स हि नरः स्याद्यथेष्टचेष्टोऽपि दीर्घायुः ॥

२३०६-१ अभिमानधनं येषां चिरं जीवन्ति ते नराः ।
२३०६-२ अभिमानविहीनानां किं धनेन किमायुषा ॥

२३०७-१ अभिमानधनस्य गत्वरैरसुभिः स्थास्नु यशश्चिचीषतः ।
२३०७-२ अचिरांशुविलासचञ्चला ननु लक्ष्मीः फलमानुषङ्गिकं ॥

२३०८-१ अभिमानवतां पुंसां आत्मसारमजानतां ।
२३०८-२ अन्धानामिव दृश्यन्ते पतनान्ताः प्रवृत्तयः ॥

२३०९-१ अभिमानवतां ब्रह्मन्युक्तायुक्तविवेकिनां ।
२३०९-२ युज्यतेऽवश्यभोग्यानां दुःखानामप्रकाशनं ॥

२३१०-१ अभिमानवतो मनस्विनः प्रियमुच्चैः पदमारुरुक्षतः ।
२३१०-२ विनिपातनिवर्तनक्षमं मतमालम्बनमात्मपौरुषं ॥

२३११-१ अभिमानितभूतेन सानुबन्धरसेन तु ।
२३११-२ यतः सर्वेन्द्रियप्रीतिः स कामः प्रोच्यते बुधैः ॥

२३१२-१ अभिमानिनमुद्भ्रान्तं आत्मसंभावितं शठं ।
२३१२-२ क्रोधनं चैव नृपतिं व्यसने घ्नन्ति वैरिणः ॥

२३१३-१ अभिमुखगते यस्मिन्नेव प्रिये बहुशो वदत्यवनतमुखं तूष्णीमेव स्थितं मृगनेत्रया ।
२३१३-२ अथ किल बलाल्लीलालोलं स एष तथेक्षितः कथमपि यथा दृष्ट्या मन्ये कृतं श्रुतिलङ्घनं ॥

२३१३आ-१ अभिमुखमधुरतरेभ्यः पराङ्मुखाक्रोशनात्कुशीलेभ्यः ।
२३१३आ-२ अभ्यन्तरकलुषेभ्यो भेतव्यं मित्रशत्रुभ्यः ॥

२३१४-१ अभिमुखनिहतस्य सतस्तिष्ठतु तावज्जयोऽथ वा स्वर्गः ।
२३१४-२ उभयबलसाधुवादः श्रवणमुखोऽस्त्येव चात्यर्थं ॥

२३१५-१ अभिमुखपतयालुभिर्ललाट- श्रमसलिलैरविधौतपत्रलेखः ।
२३१५-२ कथयति पुरुषायितं वधूनां मृदितहिमद्युतिदुर्मनाः कपोलः ॥

२३१६-१ अभिमुखपतितैर्गुणप्रकर्षादवजितमुद्धतिमुज्ज्वलां दधानैः ।
२३१६-२ तरुकिसलयजालमग्रहस्तैः प्रसभमनीयत भङ्गमङ्गनानां ॥

२३१७-१ अभिमुखमुपयाति मां स्म किंचित्त्वमभिदधाः पटले मधुव्रतानां ।
२३१७-२ मधुसुरभिमुखाब्जगन्धलब्धेरधिकमधि त्वदनेन मा निपाति ॥

२३१८-१ अभिमुखागतमार्गणधोरणि- ध्वनितपल्लविताम्बरगह्वरे ।
२३१८-२ वितरणे च रणे च समुद्यते भवति कोऽपि परं विरलः परः ॥

२३१९-१ अभिमुखे मयि संहृतमीक्षितं हसितमन्यनिमित्तकृतोदयं ।
२३१९-२ विनयवारितवृत्तिरतस्तया न विवृतो मदनो न च संवृतः ॥

२३२०-१ अभिमुनि सहसा हृते परस्या घनमरुता जघनांशुकैकदेशे ।
२३२०-२ चकितमवसनोरु सत्रपायाः प्रतियुवतीरपि विस्मयं निनाय ॥

२३२१-१ अभियाति नः सतृष एष चक्षुषो हरिरित्यखिद्यत नितम्बिनीजनः ।
२३२१-२ न विवेद यः सततमेनमीक्षते न वितृष्णतां व्रजति खल्वसावपि ॥

२३२२-१ अभियुक्तं बलवता दुर्लभं हीनसाधनं ।
२३२२-२ हृतस्वं कामिनं चोरं आविशन्ति प्रजागराः ॥

२३२३-१ अभियुक्तो बलवता तिष्ठन्दुर्गे प्रयत्नवान् ।
२३२३-२ तद्बलीयस्तराह्वानं कुर्वीतात्मविमुक्तये ॥

२३२४-१ अभियुक्तो यदा पश्येन्न कांचिद्गतिमात्मनः ।
२३२४-२ युध्यमानस्तदा प्राज्ञो म्रियते रिपुणा सह ॥

२३२५-१ अभियोक्ता बली यस्मादलब्ध्वा न निवर्तते ।
२३२५-२ उपहारादृते तस्मात्संधिरन्यो न विद्यते ॥

२३२६-१ अभिरामेऽभिनिवेशं विदधाना विविधलाभनिरपेक्षा ।
२३२६-२ उपहस्यसे सुमध्ये विदग्धवाराङ्गनावारैः ॥

२३२७-१ अभिलक्ष्यं स्थिरं पुण्यं ख्यातं सद्भिर्निषेवितं ।
२३२७-२ सेवेत सिद्धिमन्विच्छञ्श्लाघ्यं विन्ध्यमिवेश्वरं ॥

२३२८-१ अभिलषत उपायं विक्रमं कीर्तिलक्ष्म्योरसुगममरिसैन्यैरङ्कमभ्यागतस्य ।
२३२८-२ जनक इव शिशुत्वे सुप्रियस्यैकसूनोरविनयमपि सेहे पाण्डवस्य स्मरारिः ॥

२३२९-१ अभिलषति न खलु पुरुषः श्रियमपि कीर्त्या विनाकृतां कुशलः ।
२३२९-२ क्षणिकाय वस्तुने कस्त्यजतीह चिरस्थिरं श्रेयः ॥

२३३०-१ अभिलषति पद्मयोनौ निःस्ववधूनां सुतान्स्रष्टुं ।
२३३०-२ स्वं स्वं विशङ्कमाना वेपन्ते क्रकचवर्त्तिनो लोकाः ॥

२३३१-१ अभिलषतोरनुभावान्तिलोत्तमायाः किलोत्तमानुभयोः ।
२३३१-२ सुन्दोपसुन्दयोरपि नाशो भेदादुदाह्रियते ॥

२३३२-१ अभिलषन्ति तवाधरमाधुरीं तदिह किं हरिणाक्षि मुधा बुधाः ।
२३३२-२ सुरसुधामधरीकुरुते यतस्त्वदधरोऽधरतामगमत्ततः ॥

२३३३-१ अभिलषसि यदीन्दो वक्त्रलक्ष्मीं मृगाक्ष्याः पुनरपि सकृदब्धौ मज्ज संक्षालयाङ्कं ।
२३३३-२ सुविमलमथ बिम्बं पारिजातप्रसूनैः सुरभय वद नो चेत्त्वं क्व तस्या मुखं क्व ॥

२३३४-१ अभिलषिताधिकवरदे प्रणिपतितजनार्तिहारिणि शरण्ये ।
२३३४-२ चरणौ नमाम्यहं ते विद्याधरदेवते गौरि ॥

२३३५-१ अभिवर्षति योऽनुपालयन्विधिबीजानि विवेकवारिणा ।
२३३५-२ स सदा फलशालिनीं क्रियां शरदं लोक इवाधितिष्ठति ॥

२३३६-१ अभिवादनशीलस्य नित्यं वृद्धोपसेविनः ।
२३३६-२ चत्वारि तस्य वर्धन्त आयुः प्रज्ञा यशो बलं ॥

२३३७-१ अभिवादयेत वृद्धं आसनं चास्य दर्शयेत् ।
२३३७-२ कृताञ्जलिरुपासीत गच्छन्तं पृष्ठतोऽन्वियात् ॥

२३३८-१ अभिवाद्य यथा वृद्धान्सन्तो गच्छन्ति निर्वृतिं ।
२३३८-२ एवं सज्जनमाक्रुश्य मूर्खो भवति निर्वृतः ॥

२३३९-१ अभिवीक्ष्य सामिकृतमण्डनं यतीः कररुद्धनीविगलदंशुकाः स्त्रियः ।
२३३९-२ दधिरेऽधिभित्ति पटहप्रतिस्वनैः स्फुटमट्टहासमिव सौधपङ्क्तयः ॥

२३४०-१ अभिशप्तः पुण्यकार्ये प्रवृत्तोऽपि न सिद्धिभाक् ।
२३४०-२ भर्त्रानुगमनोद्युक्ता रेणुका जनमारिका ॥

२३४१-१ अभिशस्तवत्प्रपश्यन्ति दरिद्रं पार्श्वतः स्थितं ।
२३४१-२ दारिद्र्यं पातिकं लोके कस्तच्छंसितुमर्हति ॥

२३४२-१ अभिषिषेणयिषुं भुवनानि यः स्मरमिवाख्यत लोध्ररजश्चयः ।
२३४२-२ क्षुभितसैन्यपरागविपाण्डुर- द्युतिरयं तिरयन्नुदभूद्दिशः ॥

२३४३-१ अभिषेकार्द्रशिरसा राजा राज्यावलोकिना ।
२३४३-२ सहायवरणं कार्यं तत्र राज्यं प्रतिष्ठितं ॥

२३४४-१ यदप्यल्पतरं कर्म तदप्येकेन दुष्करं ।
२३४४-२ पुरुषेणासहायेन किमु राज्यं महोदयं ॥

२३४५-१ अभिसरणपरा सदा वराकी समरमहाध्वसु रक्तपङ्किलेषु ।
२३४५-२ हृदि धरणिभुजामियं नृपश्रीर्निहितपदैव कलङ्कमातनोति ॥

२३४६-१ अभिसरणमयुक्तमङ्गनानां इति तव सुन्दरि मा स्म भूद्वितर्कः ।
२३४६-२ ननु पतिमगमत्स्वयं नदीनां सरिदपि शंभुजटामुहूर्तमाला ॥

२३४७-१ अभिसरणरसः कृशाङ्गयष्टेरयमपरत्र न वीक्षितः श्रुतो वा ।
२३४७-२ अहिमपि यदियं निरास नाङ्घ्रेर्निबिडतनूपुरमात्मनीनबुद्ध्या ॥

२३४८-१ अभिसारे सरोजाक्षि यदि गन्तुं समीहसे ।
२३४८-२ समाच्छाद्य मुखं याहि प्रयत्नेन प्रियं प्रति ॥

२३४९-१ अभिहन्ति हन्त कथमेष माधवं सुकुमारकायमनवग्रहः स्मरः ।
२३४९-२ अचिरेण वैकृतविवर्तदारुणः कलभं कठोर इव कूटपाकलः ॥

२३५०-१ अभिहिताप्यभियोगपराङ्मुखी प्रकटमङ्गविलासमकुर्वती ।
२३५०-२ उपरि ते पुरुषायितुमक्षमा नववधूरिव शत्रुपताकिनी ॥

२३५१-१ अभीक्ष्णमुच्चैर्ध्वनता पय्ॐउचा घनान्धकारीकृतशर्वरीष्वपि ।
२३५१-२ तडित्प्रभादर्शितमार्गभूमयः प्रयान्ति रागादभिसारिकाः स्त्रियः ॥

२३५२-१ अभीक्ष्णमुष्णैरपि तस्य सोष्मणः सुरेन्द्रबन्दीश्वसितानिलैर्यथा ।
२३५२-२ सचन्दनाम्भःकणक्ॐअलैस्तथा वपुर्जलार्द्रापवनैर्न निर्ववौ ॥

२३५३-१ अभीप्सां स्वात्मनो रक्षाऽविरतं सुस्थिरं तथा ।
२३५३-२ यत्नमातिष्ठ धैर्येण ततः सिद्धिर्भवेद्ध्रुवं ॥

२३५४-१ अभीष्टफलसंसिद्धिस्तुष्टिः काम्या सुसंपदः ।
२३५४-२ द्वित्रिभिर्बहुभि सार्धं भोजनेन प्रजायते ॥

२३५५-१ अभीष्टमासाद्य चिराय काले समुद्धृताशं कमनी चकाशे ।
२३५५-२ योषिन्मनोजन्मसुखोदयेषु समुद्धृताशङ्कमनीचकाशे ॥

२३५६-१ अभुक्तायां यस्यां क्षणमपि न यातं नृपशतैर्भुवस्तस्या लाभे क इव बहुमानः क्षितिभुजां ।
२३५६-२ तदंशस्याप्यंशे तदवयवलेशेऽपि पतयो विषादे कर्तव्ये विदधति जडाः प्रत्युत मुदं ॥

२३५७-१ अभुक्त्वामलकं पथ्यं भुक्त्वा तु बदरीफलं ।
२३५७-२ कपित्थं सर्वदा पथ्यं कदली न कदाचन ॥

२३५८-१ अभुञ्जतांश्चाददतां धनं चौरा हरन्ति हि ।
२३५८-२ सरघाणां यथा सर्वं माक्षिकं वनचारिणः ॥

२३५९-१ अभूतपूर्वं मम भावि किं वा सर्वं सहे मे सहजं च दुःखं ।
२३५९-२ किं तु त्वदग्रे शरणागतानां पराभवो नाथ न तेऽनुरूपं ॥

२३६०-१ अभूतमासज्य विरुद्धमीहितं बलादलभ्यं तव लिप्सते नृपः ।
२३६०-२ विजानतोऽपि ह्यनयस्य रौद्रतां भवत्यपाये परिमोहिनी मतिः ॥

२३६१-१ अभूत्प्राची पिङ्गा रसपतिरिव प्राश्य कनकं गतच्छायश्चन्द्रो बुधजन इव ग्राम्यसदसि ।
२३६१-२ क्षणात्क्षीणास्तारा नृपतय इवानुद्यमपरा न दीपा राजन्ते द्रविणरहितानामिव गुणाः ॥

२३६२-१ अभूदम्भोराशेः सह वसतिरासीत्कमलया गुणानामाधारो नयनफलमिन्दुः प्रथयति ।
२३६२-२ कथं सिंहीसूनुस्तमपि तुदति प्रौढदशनैर्गुणानामास्वादं पिशुनरसना किं रसयति ॥

२३६३-१ अभूवन्नद्भुतोष्माणः शीतव्याप्ते जगत्त्रये ।
२३६३-२ कुचोत्सङ्गाः कृशाङ्गीणां स्थानं मन्मथतेजसः ॥

२३६४-१ अभेदेनैव युध्येरन्रक्षेयुश्च परस्परं ।
२३६४-२ फल्गु सैन्यस्य यत्किंचिन्मध्ये व्यूहस्य तद्भवेत् ॥

२३६५-१ अभेदेनोपास्ते कुमुदमुदरे वा स्थितवतो विपक्षादम्भोजादुपगतवतो वा मधुलिहः ।
२३६५-२ अपर्याप्तः कोऽपि स्वपरपरिचर्यापरिचय- प्रबन्धः साधूनामयमनभिसंधानमधुरः ॥

२३६६-१ अभेद्योऽनुद्धतः स्तब्धः सूनृतः प्रियदर्शनः ।
२३६६-२ बहुश्रुतः कालवेदी जितग्रन्थोऽर्थकर्मवित् ॥

२३६७-१ अभोगसुभगा भूतिरदैन्यधवलं कुलं ।
२३६७-२ अदर्पविशदा विद्या भवत्युन्नतचेतसां ॥

२३६८-१ अभोगिनौ मण्डलिनौ तत्क्षणान्मुक्तकञ्चुकौ ।
२३६८-२ वरमाशीविषौ स्पृष्टौ न तु पत्न्याः पयोधरौ ॥

२३६९-१ अभ्यक्तं रहसि गतं विचित्तमन्येन मन्त्रयन्तं वा ।
२३६९-२ उचितप्रणयमपि नृपं सहसार्या नोपसर्पन्ति ॥

२३७०-१ अभ्यक्तमिव स्नातः शुचिरशुचिमिव प्रबुद्ध इव सुप्तं ।
२३७०-२ बद्धमिव स्त्रैरगतिर्जनमिह सुखसङ्गिनमवैमि ॥

२३७१-१ अभ्यघानि मुनिचापलात्त्वया यन्मृगः क्षितिपतेः परिग्रहः ।
२३७१-२ अक्षमिष्ट तदयं प्रमाद्यतां संवृणोति खलु दोषमज्ञता ॥

२३७१आ-१ अभ्यन्तरगता बाह्या बाह्याश्चाभ्यतरं गताः ।
२३७१आ-२ यैर्नरा निधनं यान्ति यथा राजा कचद्रुमः ॥

२३७२-१ अभ्यर्थये किमपि जीवितजन्मतस्त्वां उत्कण्ठतोद्गति निःसर तावदेव ।
२३७२-२ कान्ते दृगन्तपथलम्बिनि जीवतीति यावन्न कर्णपथमेति जनापवादः ॥

२३७३-१ अभ्यर्थ्य सप्रणति मन्दिरमभ्युपेता देवी स्वयं भगवती पृथगेव तासां ।
२३७३-२ आसन्नवल्लभसमागमसूचनानि संजीवनानि वचनान्यपि वाचितानि ॥

२३७४-१ अभ्यस्ताः स्फुटमेव शास्त्रगतयः सम्यक्कवित्वोदधेः पारं चाधिगतं सतां परिषदि प्राप्तः प्रतिष्ठोदयः ।
२३७४-२ निर्विण्णस्य ममाधुना ननु परः पन्था न दैन्यं विना नेतुं वाञ्छति वासना सुरधुनीतीरेऽनुरूपं वयः ॥

२३७५-१ अभ्यस्तेऽपि नितम्बभारफलके खेदालसेयं गतिः किंचित्संवलितार्धपक्ष्मविरलालोका दृशोऽन्तर्गताः ।
२३७५-२ तन्मन्ये निभृतं त्वयाद्य हृदये कश्चिद्धृतो वल्लभो निश्वासाः कथमन्यथा द्विगुणतामेते तवैवं गताः ॥

२३७६-१ अभ्यस्तेऽपि हि नाम वस्तुनि चिरादज्ञानसंभावनं शौचाशौचाविवादिता विशकलस्मृत्यक्षरावर्तनं ।
२३७६-२ वारं वारमृणोपघातकथनं कोऽप्येष डम्भात्मनां प्रायो दग्धदुरीशवञ्चनविधौ जागर्त्यपूर्वः क्रमः ॥

२३७७-१ अभ्यस्य पवनविजयं व्याख्याय च शैवसंहिताः सकलाः ।
२३७७-२ मरणसमये गुरूणां पर्दवदसवो विनिष्क्रान्ताः ॥

२३७८-१ अभ्यस्य वेदमवधाय च पूर्वतन्त्रं आलक्ष्य शिष्टचरितानि पृथग्विधानि ।
२३७८-२ अध्यापनादिभिरवाप्य धनं च भूरि कर्माणि मातरलसाः कथमाचरेयुः ॥

२३७९-१ अभ्यस्य स्मरदंशकौशलमुपाध्यायीरुपास्यावयोः क्रीडाम्नायरहस्यवस्तुनि मिथोऽप्यासीज्जिगीषा सखि ।
२३७९-२ उत्कम्पोत्पुलकाङ्गसंभृतघनस्वेदाविलस्तन्मया सद्यो निष्प्रतिभः स मन्मथकथावैतण्डिकः खण्डितः ॥

२३८०-१ अभ्यस्यादौ श्रुतिमथ गृहं प्राप्य लब्ध्वा महार्थानिष्ट्वा यज्ञैर्जनिततनयः प्रव्रजेदायुषोऽन्ते ।
२३८०-२ इत्याचष्टे य इह स मनुर्याज्ञवल्क्योऽपि वा मे तावत्कालं प्रतिभवति चेदायुषस्तत्प्रमाणं ॥

२३८१-१ अभ्यायान्तं झटिति गिलितुं वायुमप्यायतास्ये भीमाकारे प्रकृतिकुटिले बद्धनिर्व्याजवैरे ।
२३८१-२ प्रायेणेत्थं कृतपरिचये पापिनि क्रूरसर्पे भद्रश्रीभिः परिचितिकथा कीदृशी मादृशानां ॥

२३८२-१ अभ्यावहति कल्याणं विविधा वाक्सुभाषिता ।
२३८२-२ सैव दुर्भाषिता राजन्ननर्थायोपपद्यते ॥

२३८३-१ अभ्यासः कर्मणां सम्यगुत्पादयति कौशलं ।
२३८३-२ विधिना तावदभ्यस्तं यावत्सृष्टा मृगेक्षणा ॥

२३८४-१ अभ्यासकारणा विद्या लक्ष्मीः पुण्यानुसारिणी ।
२३८४-२ दानानुसारिणी कीर्तिर्बुद्धिः कर्मानुसारिणी ॥

२३८५-१ अभ्यासरहिता विद्या निरुद्योगा नृपश्रियः ।
२३८५-२ वेषयोषाश्च रागिण्यो हास्यायतनमङ्गने ॥

२३८६-१ अभ्यासश्छन्दसां दण्डो ज्वरदण्डश्च लङ्घनं ।
२३८६-२ यमदण्डो विष्णुभक्तिः शत्रुदण्डः शुभा गतिः ॥

२३८७-१ अभ्यासस्थितचूतषण्डगहनस्थानादितो गेहिनी ग्रामं कंचिदवृक्षकं विरहिणी तूर्णं वधूर्नीयतां ।
२३८७-२ अत्रायान्त्यचिरेण कोकिलकुलव्याहारझंकारिणः पन्थस्त्रीजनजीवितैकहरणप्रौढाः पुरो वासराः ॥

२३८८-१ अभ्यासात्तु स्थिरस्वान्त ऊर्ध्वरेताश्च जायते ।
२३८८-२ परानन्दमयो योगी जरामरणवर्जितः ॥

२३८९-१ अभ्यासाद्धार्यते विद्या कुलं शीलेन धार्यते ।
२३८९-२ गुणेन ज्ञायते त्वार्यः कोपो नेत्रेण गम्यते ॥

२३९०-१ अभ्यासाद्धार्यते विद्या कुलं शीलेन धार्यते ।
२३९०-२ गुणैर्मित्राणि धार्यन्ते अक्ष्णा क्रोधश्च धार्यते ॥

२३९१-१ अभ्यासानुसरी विद्या बुद्धिः कर्मानुसारिणी ।
२३९१-२ उद्योगानुसरी लक्ष्मीः फलं भाग्यानुसारि च ॥

२३९२-१ अभ्यासेन स्थिरं चित्तं अभ्यासेनानिलच्युतिः ।
२३९२-२ अभ्यासेन परानन्दो ह्यभ्यासेनात्मदर्शनं ॥

२३९३-१ अभ्यासेनान्यसंचारो ह्यभ्यासेनान्यरूपता ।
२३९३-२ अभ्यासेन समुत्क्रान्तिरभ्यासेनाणिमादयः ॥

२३९४-१ अभ्यासो रतिहेतोर्भवति नराणां न वस्तुसद्गुणतः ।
२३९४-२ सत्यपि मांसोपचये रागाय कुचौ स्फिजौ न पुनः ॥

२३९५-१ अभ्यासो हि कर्मणां कौशलमावहति ।
२३९५-२ न हि सकृन्निपातमात्रेणोद- बिन्दुरपि ग्रावणि निम्नतामादधाति ॥

२३९६-१ अभ्युक्षितोऽसि सलिलैर्न बलाहकानां चाषाग्रपक्षसदृशं भृशमन्तराले ।
२३९६-२ मिथ्यैतदाननमिदं भवतस्तथा हि हेमन्तपद्ममिव निष्प्रभतामुपैति ॥

२३९७-१ अभ्युत्थानमुपागते गृहपतौ तद्भाषणे नम्रता तत्पादार्पितदृष्टिरासनविधिस्तस्योपचर्या स्वयं ।
२३९७-२ सुप्ते तत्र शयीत तत्प्रथमतो जह्याच्च शय्यामिति प्राच्यैः पुत्रि निवेदितः कुलवधूसिद्धान्तधर्मागमः ॥

२३९८-१ अभ्युद्धृता वसुमती दलितं रिपूरः क्रीडीकृता बलवता बलिराजलक्ष्मीः ।
२३९८-२ एकत्र जन्मनि कृतं तदनेन यूना जन्मत्रये यदकरोत्पुरुषः पुराणः ॥

२३९९-१ अभ्युद्यत्कवलग्रहप्रणयिनस्ते शल्लकीपल्लवास्तच्चास्फालसहं सरः क्षितिधृतामित्यस्ति को निह्नुते ।
२३९९-२ दन्तस्तम्भनिषण्णनिःसहकरः श्वासैरतिप्रांशुभिर्येनायं विरही तु वारणपतिः स्वामिन्स विन्ध्यो भवान् ॥

२४००-१ अभ्युन्नतस्तनयुगा तरलायताक्षी द्वारि स्थिता तदुपयानमहोत्सवाय ।
२४००-२ सा पूर्णकुम्भनवनीरजतोरणस्रक्संभारमङ्गलमयत्नकृतं विधत्ते ॥

२४०१-१ अभ्युन्नताङ्गुष्ठनखप्रभाभिर्निक्षेपणाद्रागमिवोद्गिरन्तौ ।
२४०१-२ आजह्रतुस्तच्चरणौ पृथिव्यां स्थलारविन्दश्रियमव्यवस्थां ॥

२४०२-१ अभ्युन्नतानामणुरप्युदारं पश्चात्प्रकोपं जनयेदरीणां ।
२४०२-२ तं चाप्रमत्तः प्रसमीक्ष्य यायान्- न नाशयेद्दृष्टमदृष्टहेतोः ॥

२४०३-१ अभ्युन्नता पुरस्तादवगाढा जघनगौरवात्पश्चात् ।
२४०३-२ द्वारेऽस्य पाण्डुसिकते पदपङ्क्तिर्दृश्यतेऽभिनवा ॥

२४०४-१ अभ्युन्नतेऽपि जलदे जगदेकसार- साधारणप्रणयहारिणि हा यदेते ।
२४०४-२ उल्लासलास्यललितं तरवो न यान्ति हे दावपावक स तावक एव दोषः ॥

२४०५-१ अभ्युन्नतेवाङ्घ्रिनखाङ्कुराणां द्युतिर्विरेजे हरिणी दृशोऽस्याः ।
२४०५-२ पुङ्खावली पञ्चशरा युधानां लावण्यदर्पद्विगुणीकृतेव ॥

२४०६-१ अभ्युन्नतोऽसि सलिलैः परिपूरितोऽसि त्वामर्थयन्ति विहगास्तृषितास्तथैते ।
२४०६-२ कालः पयोधर परोपकृतेस्तवायं चण्डानिलव्यतिकरे क्व भवान्क्व ते वा ॥

२४०७-१ अभ्युपयुक्ताः सद्भिर्गतागतैरहरहः प्रखिन्दानाः ।
२४०७-२ कृपणजनसंनिकर्षं प्राप्यार्थाः प्रस्वपन्तीव ॥

२४०८-१ अभ्युल्लसन्ति विनिवारितचन्दनानां एणीदृशां वपुषि कुङ्कुमपत्रलेखाः ।
२४०८-२ अभ्यागताः करसरोजपदारविन्द- संरक्षणाय किरणा इव तिग्मभानोः ॥

२४०९-१ अभ्युष्णात्सघृतादन्नादच्छिद्राच्चैव वाससः ।
२४०९-२ अपरप्रेष्यभावाच्च भूय इच्छन्पतत्यधः ॥

२४१०-१ अभ्येत्य याचितोऽपि त्यक्त्वा लज्जां मया विगतलज्जः ।
२४१०-२ चिच्छेदैष ममाशां सहसा प्रतिषेधशस्त्रेण ॥

२४११-१ अभ्रच्छाया खलप्रीतिः समुद्रान्ते च मेदिनी ।
२४११-२ अल्पेनैव विनश्यन्ति यौवनानि धनानि च ॥

२४१२-१ अभ्रच्छाया खलप्रीतिर्नवसस्यानि योषितः ।
२४१२-२ किंचित्कालोपभोग्यानि यौवनानि धनानि च ॥

२४१३-१ अभ्रच्छाया खलप्रीतिर्वेश्यारागो विभूतयः ।
२४१३-२ महीभुजां प्रसादश्च पञ्चैते चञ्चलाः स्मृताः ॥

२४१४-१ अभ्रच्छाया तृणादग्निः खलप्रीतिः स्थले जलं ।
२४१४-२ वेश्यारागः कुमित्रं च षडेते बुद्बुदोपमाः ॥

२४१५-१ अभ्रच्छाया तृणादग्निः पराधीनं च यत्सुखं ।
२४१५-२ अज्ञानेषु च वैराग्यं क्षिप्रमेतद्विनश्यति ॥

२४१६-१ अभ्रध्वानैर्मुखरितदिशः श्रेणयस्तोयदानां धारासारैर्धरणिवलयं सर्वतः प्लावयन्ति ।
२४१६-२ तेन स्नेहं वहति विपुलं मत्सखीयुक्तमेतत्त्वं निःस्नेहो यदसि तदिदं नाथ मे विस्मयाय ॥

२४१७-१ अभ्रपुष्पमपि दित्सति शीतं सार्थिना विमुखता यदभाजि ।
२४१७-२ स्तोककस्य खलु चञ्चुपुटेन म्लानिरुल्लसति तद्घनसंघे ॥

२४१८-१ अभ्रवृन्दं विशाखान्तं प्रसूत्यन्तं च यौवनं ।
२४१८-२ राज्यान्तं नरकं तद्वद्याचनान्तं हि गौरवं ॥

२४१९-१ अभ्रूविलासमस्पृष्टमदरागं मृगेक्षणं ।
२४१९-२ इदं तु नयनद्वन्द्वं तव तद्गुणभूषितं ॥

२४२०-१ अमज्जदाकण्ठमसौ सुधासु प्रियं प्रियाया वचनं निपीय ।
२४२०-२ द्विषन्मुखेऽपि स्वदते स्तुतिर्या तन्मिष्टता नेष्टमुखे त्वमेया ॥

२४२१-१ अमदयन्मधुगन्धसनाथया किसलयाधरसंगतया मनः ।
२४२१-२ कुसुमसंभृतया नवमल्लिका स्मितरुचा तरुचारुविलासिनी ॥

२४२२-१ अमनस्कं गते चित्ते जायते कर्मणां क्षयः ।
२४२२-२ यथा चित्रपटे दग्धे दह्यते चित्रसंचयः ॥

२४२३-१ अमन्त्रमक्षरं नास्ति नास्ति मूलमनौषधं ।
२४२३-२ अयोग्यः पुरुषो नास्ति योजकस्तत्र दुर्लभः ॥

२४२४-१ अमन्त्रमक्षरं नास्ति नास्ति मूलमनौषधं ।
२४२४-२ निर्धना पृथिवी नास्ति ह्याम्नायाः खलु दुर्लभाः ॥

२४२५-१ अमन्दतरवार्यग्रधाराहतमहीभृतः ।
२४२५-२ चित्रचापधरा वीरा विद्योतन्ते घना इव ॥

२४२६-१ अमन्दमणिनूपुरक्वणनचारुचारीक्रमं झणज्झणितमेखलास्खलिततारहारच्छटं ।
२४२६-२ इदं तरलकङ्कणावलिविशेषवाचालितं मनो हरति सुभ्रुवः किमपि कन्दुकक्रीडितं ॥

२४२७-१ अमन्दमत्तमातङ्ग आसाराभ्युदयान्वितः ।
२४२७-२ इत्यादिलक्षणोपेतः स्कन्धावारः प्रशस्यते ॥

२४२८-१ अमन्दानन्दनिष्यन्दं अपास्तान्यक्रियाक्रमं ।
२४२८-२ जगज्जन्मोत्सवे तस्याः पीतामृतमिवाभवत् ॥

२४२९-१ अमन्दानन्दानां गलदलघुसंतापविपदां पदाम्भोजद्वन्द्वं शिरसि दधतामिन्दुशिरसः ।
२४२९-२ कदा नः कालिन्दीसलिलशबलैरम्बरसरित्तरङ्गैरङ्गारीभवति भवबन्धेन्धनचयः ॥

२४३०-१ अमन्यतासौ कुसुमेषु गर्भगं परागमन्धंकरणं वियोगिनां ।
२४३०-२ स्मरेण मुक्तेषु पुरा पुरारये तदङ्गभस्मेव शरेषु संगतं ॥

२४३१-१ अमरतरुकुसुमसौरभ- सेवनसंपूर्णसकलकामस्य ।
२४३१-२ पुष्पान्तरसेवेयं भ्रमरस्य विडम्बना महती ॥

२४३२-१ अमरयुवतिगीतोद्ग्रीवसारङ्गशृङ्गो- ल्लिखितशशिसुधाम्भःशाद्वलारामरम्यां ।
२४३२-२ सुरपतिगजगण्डस्रंसिदानाम्बुधारा प्रसवसुरभिमाशां वासवीयां नमामि ॥

२४३३-१ अमरीमुखसीधुमाधुरीणां लहरी काचन चातुरी कलानां ।
२४३३-२ तरलीकुरुते मनो मदीयं मुरलीनादपरंपरा मुरारेः ॥

२४३४-१ अमरुककवित्वडमरुक- नादेन विनुह्नुता न संचरति ।
२४३४-२ शृङ्गारभणितिरन्या धन्यानां श्रवणविवरेषु ॥

२४३५-१ अमरैरमृतं न पीतमब्धेर्न च हालाहलमुल्बणं हरेण ।
२४३५-२ विधिना निहितं खलस्य वाचि द्वयमेतद्बहिरेकमन्तरन्यत् ॥

२४३६-१ अमरैर्गतं मधुकरैश्चलितं प्रवरैः प्रयातमपि पद्मदृशां ।
२४३६-२ विभवे गते सकलमेव गतं ध्रुवमेकमञ्चति यशः सरसः ॥

२४३७-१ अमर्त्याः सन्तु मर्त्या वा चेतनाः सन्त्वचेतनाः ।
२४३७-२ दानमेव पुरस्कृत्य स्तूयन्ते भुवनैस्त्रिभिः ॥

२४३८-१ अमर्षिणा कृत्यमिव क्षमाश्रयं मदोद्धतेनेव हितं प्रियं वचः ।
२४३८-२ बलीयसा तद्विधिनेव पौरुषं बलं निरस्तं न रराज जिष्णुना ॥

२४३९-१ अमर्षोपगृहीतानां मन्युसंतप्तचेतसां ।
२४३९-२ परस्परापकारेण पुंसां भवति विग्रहः ॥

२४४०-१ अमलमृणालकाण्डकमनीयकपोलरुचेस्तरलसलीलनीलनलिनप्रतिफुल्लदृशः ।
२४४०-२ विकसदशोकशोणकरकान्तिभृतः सुतनोर्मदलुलितानि हन्त ललितानि हरन्ति मनः ॥

२४४१-१ अमलात्मसु प्रतिफलन्नभितस्तरुणीकपोलफलकेषु मुहुः ।
२४४१-२ विससार सान्द्रतरमिन्दुरुचां अधिकावभासितदिशां निकरः ॥

२४४२-१ अमलीमसमच्छिद्रं अक्रौर्यमतिसुन्दरं ।
२४४२-२ अदेयमप्रतिग्राह्यं अहो ज्ञानं महाधनं ॥

२४४३-१ अमात्यः शूर एव स्याद्युद्धसंपन्न एव च ।
२४४३-२ तस्मादपि भयं राज्ञः पश्य राज्यस्य योजनं ॥

२४४४-१ अमात्यराष्ट्रदुर्गाणि कोशो दण्डश्च पञ्चमः ।
२४४४-२ एताः प्रकृतयस्तज्ज्ञैर्विजिगीषोरुदाहृताः ॥

२४४५-१ अमात्याद्याः प्रकृतयो मित्रान्ता राज्यमुच्यते ।
२४४५-२ अशेषराज्यव्यसनात्पार्थिवव्यसनं गुरु ॥

२४४६-१ अमात्ये दण्ड आयत्तो दण्डे वैनयिकी क्रिया ।
२४४६-२ नृपतौ कोषराष्ट्रे तु दूते संधिविपर्ययौ ॥

२४४७-१ अमात्यैः कामवृत्तो हि राजा कापथमाश्रितः ।
२४४७-२ निग्राह्यः सर्वथा सद्भिर्न निग्राह्यो निगृह्यसे ॥

२४४८-१ अमात्यो युवराजश्च भुजावेतौ महीपतेः ।
२४४८-२ मन्त्री नेत्रं हि तद्भिन्न एतस्मिन्नपि तद्वधः ॥

२४४९-१ अमात्सर्यं बुधाः प्राहुर्दानं धर्मे च संयमं ।
२४४९-२ अवस्थितेन नित्यं च सत्येनामत्सरी भवेत् ॥

२४५०-१ अमानितं हि युध्येत कृतमानार्थसंग्रहं ।
२४५०-२ न विमानिमत्यर्थं प्रदीप्तक्रोधपावकं ॥

२४५१-१ अमानुषं सत्त्वमन्तर्योगिनं प्रविशेद्यदि ।
२४५१-२ वाय्वग्निधारणा चैनं देहसंस्थं विनिर्दहेत् ॥

२४५२-१ अमानेनापि भवता दानमानादिभिर्गुणैः ।
२४५२-२ आश्रितः सर्व एवायं समानः क्रियते जनः ॥

२४५३-१ अमाययैव वर्तेत न कथंचन मायया ।
२४५३-२ बुध्येतारिप्रयुक्तां च मायां नित्यं सुसंवृतः ॥

२४५४-१ अमावास्यामष्टमीं च पौर्णमासीं चतुर्दशीं ।
२४५४-२ ब्रह्मचारी भवेन्नित्यं अप्यृतौ स्नातको द्विजः ॥

२४५५-१ अमितं मधु तत्कथा मम श्रवणप्राघुणकीकृता जनैः ।
२४५५-२ मदनानलबोधने भवेत्खग धाय्या धिगधैर्यधारिणः ॥

२४५६-१ अमितः समितः प्राप्तैरुत्कर्षैर्हर्षद प्रभो ।
२४५६-२ अहितः सहितः साधुयशोभिरसतामसि ॥

२४५७-१ अमितगुणोऽपि पदार्थो दोषेणैकेन निन्दितो भवति ।
२४५७-२ निखिलरसायनमहितो गन्धेनोग्रेण लशुन इव ॥

२४५८-१ अमितद्युतिराकरात्प्रसूतिः परिशुद्धा च महामणेर्विशेषः ।
२४५८-२ मकुटे चरणाङ्गुलीयके वा विनिवेशः पुनरस्य शिल्पितन्त्रं ॥

२४५९-१ अमित्रं कुरुते मित्रं मित्रं द्वेष्टि हिनस्ति च ।
२४५९-२ कर्म चारभते दुष्टं तमाहुर्मूढचेतसं ॥

२४६०-१ अमित्रं कुरुते मित्रं मित्रं द्वेष्टि हिनस्ति च ।
२४६०-२ शुभं वेत्त्यशुभं पापं भद्रं दैवहतो नरः ॥

२४६१-१ अमित्रं कुरुते मित्रं मित्रं द्वेष्टि हिनस्ति वः ।
२४६१-२ मित्राणि तस्य नश्यन्ति अमित्रं नष्टमेव च ॥

२४६२-१ अमित्रं नैव मुञ्चेत ब्रुवन्तं करुणान्यपि ।
२४६२-२ दुःखं तत्र न कुर्वीत हन्यात्पूर्वापकारिणं ॥

२४६३-१ अमित्रमपि चेद्दीनं शरणैषिणमागतं ।
२४६३-२ व्यसने योऽनुगृह्णाति स वै पुरुषसत्तमः ॥

२४६४-१ अमित्रप्रमिता ह्येता गतश्रद्धाः सुदारुणः ।
२४६४-२ मूलप्रवादेन विषं प्रयच्छन्ति जिघांसवः ॥

२४६५-१ अमित्रव्यसनान्मित्रं उत्थितं यद्विरज्यति ।
२४६५-२ अरिव्यसनसिद्ध्या तच्छत्रुणैव प्रसिध्यति ॥

२४६६-१ अमित्राणां वधे युक्तो मित्राणां संग्रहे रतः ।
२४६६-२ त्रिवर्गफलभोक्ता तु राजा धर्मेण युज्यते ॥

२४६७-१ अमित्रादुन्नतिं प्राप्य नोन्नतोऽस्मीति विश्वसेत् ।
२४६७-२ तस्मात्प्राप्योन्नतिं नश्येत्प्रावार इव कीटकः ॥

२४६८-१ अमित्रानपि कुर्वीत मित्रान्युपचयावहान् ।
२४६८-२ अहिते वर्तमानानि मित्राण्यपि परित्यजेत् ॥

२४६९-१ अमित्रे विश्वासः श्वपचकरके स्ॐइकरसः कपाले गङ्गाम्भः खलपरिषदङ्के सुजनता ।
२४६९-२ परिक्षीणाचारे श्रुतमनुपनीते च निगमः स्वतःसिद्धां शुद्धिं त्यजति विपरीतं च फलति ॥

२४७०-१ अमित्रो न विमोक्तव्यः कृपणं बह्वपि ब्रुवन् ।
२४७०-२ कृपा तस्मिन्न कर्तव्या हन्यादेवापकारिणं ॥

२४७१-१ अमित्रो मित्रतां याति मित्रं चापि प्रदुष्यति ।
२४७१-२ सामर्थ्ययोगात्कार्याणां तद्गत्या हि सदा गतिः ॥

२४७२-१ अमी कारागारे निविडनलिनीनालनिगडैर्निबध्यन्तां हंसाः प्रथमविसकन्दाङ्कुरभिदः ।
२४७२-२ नवे वासन्तीनामुदयिनि वने गर्भकलिका- च्छिदो निर्धार्यन्तां परभृतयुवानो मदकलाः ॥

२४७३-१ अमी तटसमीपनिर्झरतरङ्गरिङ्गत्पयो- जडीकृतपटीरभूरुहकुटीरसंचारिणः ।
२४७३-२ मनो विधुरयन्ति मे मलयमेखलामेदुराः दुरासदवनप्रियप्रियतमारुता मारुताः ॥

२४७४-१ अमी तिलाः तैलिक नूनमेतां स्नेहादवस्थां भवतोपनीताः ।
२४७४-२ द्वेषोऽभविष्यद्यदमीषु नूनं तदा न जाने किमिवाकरिष्यः ॥

२४७५-१ अमी पानकरम्भाभाः सप्तापि जलराशयः ।
२४७५-२ त्वद्यशोराज हंसस्य पञ्जरं भुवनत्रयं ॥

२४७६-१ अमी पुरस्थाः सकलाः सुनिद्रिता न नूपुरं मुञ्च सुखेन यास्यसि ।
२४७६-२ व्रजत्यपि श्रीपतिरङ्घ्रिमाश्रितं हरे तवाख्यातिरियं भविष्यति ॥

२४७७-१ अमी पृथुस्तम्बभृतः पिशङ्गतां गता विपाकेन फलस्य शालयः ।
२४७७-२ विकासि वप्राम्भसि गन्धसूचितं नमन्ति निघ्रातुमिवास्यतोत्पलं ॥

२४७८-१ अमीभिः संसिक्तेस्तव किमु फलं वारिदघटे यदेतेऽपेक्षन्ते सलिलमवटेभ्योऽपि तरवः ।
२४७८-२ अयं युक्तो व्यक्तं ननु सुखयितुं चातकशिशुर्यदेष ग्रीष्मेऽपि स्पृहयति न पाथस्त्वदपरान् ॥

२४७९-१ अमीभिराकण्ठमभोजि तद्गृहे तुषारधारामृदितेव शकरा ।
२४७९-२ हयद्विषद्वष्कयणीपयः सुतं सुधाह्रदात्पङ्कमिवोद्धृतं दधि ॥

२४८०-१ अमी व्यर्थारम्भा दुरधिगमभूभृत्परिसरे विषक्ता लक्ष्यन्ते वयमिव हताशा जलधराः ।
२४८०-२ ममेवान्तश्चेष्टाविफलविपुलाकारविभवाः स्वभूमौ यान्तीमाः परिणतिमसंख्याश्च सरितः ॥

२४८१-१ अमी शिरीषप्रसवावतंसाः प्रभ्रंशिनो वारिविहारिणीनां ।
२४८१-२ पारिप्लवाः स्रोतसि निम्नगायाः शैवाललोलांश्छलयन्ति मीनान् ॥

२४८२-१ अमीषां जन्तूनां कतिपयनिमेषस्थितिजुषां वियोगे धीराणां क इह परितापस्य विषयः ।
२४८२-२ क्षणादुत्पद्यन्ते विलयमपि यान्ति क्षणममी न केऽपि स्थातारः सुरगिरिपयोधिप्रभृतयः ॥

२४८३-१ अमीषां प्राणानां तुलितबिसिनीपत्रपयसां कृते किं नास्माभिर्विगलितविवेकैर्व्यवसितं ।
२४८३-२ यदाढ्यानामग्रे द्रविणमदनिःसंज्ञमनसां कृतं वीतव्रीडैर्निजगुणकथापातकमपि ॥

२४८४-१ अमीषां मञ्जुश्रीरुचिरवदनश्रीकृतरुचां श्रुतं नो नामापि क्व नु खलु हिमांशुप्रकृतयः ।
२४८४-२ ममाभ्यर्णे धार्ष्ट्याच्चरति पुनरिन्दीवरमिति क्रुधेवेदं प्रान्तारुणमवतु वो लोचनयुगं ॥

२४८५-१ अमीषां मण्डलाभोगः स्तनानामेव शोभते ।
२४८५-२ येषामुपेत्य सोत्कम्पा राजानोऽपि करप्रदाः ॥

२४८६-१ अमीषां मोहाद्वा धरणिधरचूडाञ्चलभुवां अभाग्याद्वा कैश्चिन्मरकतमणिश्चेन्न गणितः ।
२४८६-२ तथासौ रथ्यायामपि निपतितः किं न कुरुते समुन्मीलन्नीलद्युतिलहरिलिप्ता इव दिशः ॥

२४८७-१ अमीषामामोदप्रणयसुभगं संगतमभूत्प्रसूनैरुन्निद्रैः सह बहुभिरेव प्रतिवनं ।
२४८७-२ उदन्या न क्वापि व्यरमदरविन्दे परममी पिबन्ति स्वच्छन्दं रसमुदरपूरं मधुलिहः ॥

२४८८-१ अमीषामारूढप्रसवविवराणां मधुलिहां ध्वनिः पान्थस्त्रीणां प्रसरति वियोगज्वर इव ।
२४८८-२ द्रुमालीनां यूनोर्मन इव सरागं किसलयं परागः पुष्पाणां पतति मदनस्येव विशिखः ॥

२४८९-१ अमीषामुष्णांशोः किरणनिकराणां परिचयात्सरस्तीक्ष्णं माभूस्तव किल निसर्गः शिशिरिमा ।
२४८९-२ दुरात्मानो ह्येते कतिपयपयोबिन्दुरसिकान्निरस्यन्तः पान्थांस्त्वयि किमपि शोषं विदधति ॥

२४९०-१ अमी समुद्धूतसरोजरेणुना हृता हृतासारकणेन वायुना ।
२४९०-२ उपागमे दुश्चरिता इवापदां गतिं न निश्चेतुमलं शिलीमुखाः ॥

२४९१-१ अमी हि वस्त्रान्तनिरुद्धवक्त्राः प्रयान्ति मे दूरतरं वयस्याः ।
२४९१-२ परोऽपि बन्धुः सुखसंस्थितस्य मित्रं न कश्चिद्विषमस्थितस्य ॥

२४९२-१ अमी हि वृक्षाः फलपुष्पशोभिताः कठोरनिष्पन्दलतोपवेष्टिताः ।
२४९२-२ नृपाज्ञया रक्षिजनेन पालिता नराः सदारा इव यान्ति निर्वृतिं ॥

२४९३-१ अमी हेलोन्मेषव्यसनिषु पलाशेषु परितः पिबन्ति स्वच्छन्दं मधु मधुलिहो माद्यति जनः ।
२४९३-२ अयं च प्रत्यग्रं दशति सहकारं परभृतो यदीदं मर्मान्तर्विदलति क एष व्यतिकरः ॥

२४९४-१ अमुं कालक्षेपं त्यज जलद गम्भीरमधुरैः किमेभिर्निर्घोषैः सृज झटिति झात्कारि सलिलं ।
२४९४-२ अये पश्यावस्थामकरुणसमीरव्यतिकर- स्फुरद्दावज्वालावलिजटिलमूर्तेर्विटपिनः ॥

२४९५-१ अमुं पुरः पश्यसि देवदारुं पुत्रीकृतोऽसौ वृषभध्वजेन ।
२४९५-२ यो हेमकुम्भस्तननिःसृतानां स्कन्दस्य मातुः पयसां रसज्ञः ॥

२४९६-१ अमुं सहासप्रहितेक्षणानि व्याजार्धसंदर्शितमेखलानि ।
२४९६-२ नालं विकर्तुं जनितेन्द्रशङ्कं सुराङ्गनाविभ्रमचेष्टितानि ॥

२४९७-१ अमुक्तां भूषयन्तु स्वां तनुं संसारसिन्धुगैः ।
२४९७-२ मणिकर्णी ताम्रपर्णी मुक्तिमुक्ताफलैर्जनाः ॥

२४९८-१ अमुद्रकुमुदत्विषः स्फुरितफेनलक्ष्मीस्पृशो मरालकुलविभ्रमाः शफरफाललीलाभृतः ।
२४९८-२ जयन्ति गिरिजापतेस्तरलमौलिमन्दाकिनी- तरङ्गचयचुम्बिनस्तुहिनदीधितेरंशवः ॥

२४९९-१ अमुद्रोऽपि वरं कूपः समुद्रेणापि तेन किं ।
२४९९-२ सुस्वादु सलिलं यत्र पीयते पथिकैः पथि ॥

२५००-१ अमुना मरुकूपेन के के नाम न वञ्चिताः ।
२५००-२ रुदत्पथिकनेत्राम्बुपिच्छिलप्रान्तभूमिना ॥

२५०१-१ अमुना यमुनाजलकेलिकृता सहसा तरसा परिरभ्य भृता ।
२५०१-२ हरिणा हरिणी मृगनेत्रवती नवयौवनयौवनभारवती ॥

२५०२-१ अमुनैव कषायितस्तनी सुभगेन प्रियगात्रभस्मना ।
२५०२-२ नवपल्लवसंस्तरे यथा रचयिष्यामि तनुं विभावसौ ॥

२५०३-१ अमुनैव पथागतागतं कृतवानद्य मनोहरो हरिः ।
२५०३-२ सखि दुर्जनभीतया मया हतया हन्त चिरं न वीक्षितः ॥

२५०४-१ अमुष्मिन्नारामे तरुभिरभिरामे विटपिनः स्फुटं नृत्यद्भृङ्गी विविधनवसंगीतकलनात् ।
२५०४-२ परानन्दैः पूर्णाः क इव तव वर्णावलिपद- क्रमश्रोता वेत्ता द्विजवर शुक श्राम्यसि कुतः ॥

२५०५-१ अमुष्मिन्नुद्यानद्रुमकुहरनीरन्ध्रभरिते तमःखण्डे पिण्डीकृतबहलकालायसघने ।
२५०५-२ यतामद्यास्माकं कथमपि पुरोन्यस्तचरणं निमेषेऽप्युन्मेषे नहि नहि विशेषो नयनयोः ॥

२५०६-१ अमुष्मिन्नुद्याने विहगखल एष प्रतिकलं विलोलः काकोलः क्वणति खलु यावत्कटुतरं ।
२५०६-२ सखे तावत्कीर द्रढय हृदि वाचं च सकलां न मौनेन न्यूनो भवति गुणभाजां गुणगणः ॥

२५०७-१ अमुष्मिन्पञ्चेषोस्त्रिभुवनजिगीषोः सहचरे मुखं रात्रेरत्रेस्तनुभुवि रहश्चुम्बति सति ।
२५०७-२ ज्वलन्तीर्ष्यारोषोदयमयतयेवोषधिलताः पतद्भृङ्गीभङ्ग्या दधति कुमुदिन्यः कलुषतां ॥

२५०८-१ अमुष्मिन्संनद्धे जलमुचि समभ्यस्य कतिचित्ककारान्पर्यन्तद्विगुणमतरेफप्रसविनः ।
२५०८-२ स माद्यन्दात्यूहश्चलविपुलकण्ठः प्रसरति क्रमोदञ्चत्तारः क्रमवशनमन्मन्दमधुरः ॥

२५०९-१ अमुष्मिन्संसारे परिकलितसारेतरतया तदा विद्योत्कर्षः परिणतिमुपैति श्रुतिविदां ।
२५०९-२ यदा मन्दाकिन्या मधुरवमरालीकलकल- प्रणालीवाचाले परिसरतटे यान्ति दिवसाः ॥

२५१०-१ अमुष्मिंल्लावाण्यामृतसरसि नूनं मृगदृशः स्मरः शर्वप्लुष्टः पृथुजघनभागे निपतितः ।
२५१०-२ यदङ्गाङ्गाराणां प्रथमपिशुना नाभिकुहरे शिखा धूमस्येयं परिणमति र्ॐआवलिवपुः ॥

२५११-१ अमुष्मै चौराय प्रतिनिहतमृत्युप्रतिभिये प्रभुः प्रीतः प्रादादुपरितनपादद्वयकृते ।
२५११-२ सुवर्णानां कोटीर्दश दशनकोटिक्षतगिरीन्गजेन्द्रानप्यष्टौ मदमुदितकूजन्मधुलिहः ॥

२५१२-१ अमुष्य दोर्भ्यामरिदुर्गलुण्ठने ध्रुवं गृहीतार्गलदीर्घपीनता ।
२५१२-२ उरःश्रिया तत्र च गोपुरस्फुरत्- कपाटदुर्धर्षतिरःप्रसारिता ॥

२५१३-१ अमुष्य धीरस्य जयाय साहसी तदा खलु ज्यां विशिखैः सनाथयन् ।
२५१३-२ निमज्जयामास यशांसि संशये स्मरस्त्रिलोकीविजयार्जितान्यपि ॥

२५१४-१ अमुष्य मुषिता लक्ष्मीश्चक्षुषेति न नूतनं ।
२५१४-२ न वेद्मि कथयत्यस्याः कर्णे लग्नं किमुत्पलं ॥

२५१५-१ अमुष्य विद्या रसनाग्रनर्तकी त्रयीव नीताङ्गगुणेन विस्तरं ।
२५१५-२ अगाहताष्टादशतां जिगीषया नवद्वयद्वीपपृथग्जयश्रियां ॥

२५१६-१ अमुष्यां संक्रान्तौ तव तरुणि तारुण्यतरणे स्मरो दाता देवस्त्रिवलितटिनीतीरनिकटे ।
२५१६-२ अमू ते वक्षोजौ सखि सुघटितौ हाटकघटौ महादानं कस्मै वद भवतु सारङ्गनयने ॥

२५१७-१ अमुष्या लावण्यं मृदुलमृदुलानप्यवयवान्मनोलौल्यं धातुः करकठिनतां मे विमृशति ।
२५१७-२ पदं चित्ते धत्ते मतिरिति पुरा पङ्कजभुवा ध्रुवं कल्याणीयं कलितसुकृतैरेव रचिता ॥

२५१८-१ अमुष्योर्वीभर्त्तुः प्रसृमरचमूसिन्धुरभवैरवैमि प्रारब्धे वमथुभिरवश्यायसमये ।
२५१८-२ न कम्पन्तामन्तः प्रतिनृपभटा म्लायतु न तद्वधूवक्त्राम्भोजं भवतु न स तेषां कुदिवसः ॥

२५१९-१ अमूनि गच्छन्ति युगानि न क्षणः कियत्सहिष्ये न हि मृत्युरस्ति मे ।
२५१९-२ स मां न कान्तः स्फुटमन्तरुज्झिता न तं मनस्तच्च न कायवायवः ॥

२५२०-१ अमूर्खो यो मनुष्याणां मन्युसंतप्तचेतसां ।
२५२०-२ परस्परोपकारेण पुंसां भवति विग्रहः ॥

२५२१-१ अमूर्हि भित्त्वा जलदान्तराणि पङ्कान्तराणीव मृणालसूच्यः ।
२५२१-२ पतन्ति चन्द्रव्यसनाद्विमुक्ता दिवोऽश्रुधारा इव वारिधाराः ॥

२५२२-१ अमूल्यस्य मम स्वर्णतुलाकोटिद्वयं कियत् ।
२५२२-२ इति कोपादिवाताम्रं पादयुग्मं मृगीदृशः ॥

२५२३-१ अमृतं किरति हिमांशुर्विषमेव फणी समुद्गिरति ।
२५२३-२ गुणमेव वक्ति साधुर्दोषमसाधुः प्रकाशयति ॥

२५२४-१ अमृतं चैव मृत्युश्च द्वयं देहे प्रतिष्ठितं ।
२५२४-२ मृत्युमापद्यते मोहात्सत्येनापद्यतेऽमृतं ॥

२५२५-१ अमृतं तदधरबिम्बे वचनेष्वमृतं विलोकनेऽप्यमृतं ।
२५२५-२ अमृतभृतौ कुचकुम्भौ सत्यं सा सृष्टिरपरैव ॥

२५२६-१ अमृतं दुर्लभं न्णां देवानामुदकं तथा ।
२५२६-२ पित्णां दुर्लभः पुत्रस्तक्रं शक्रस्य दुर्लभं ॥

२५२७-१ अमृतं नाम यत्सन्तो मन्त्रजिह्वेषु जुह्वति ।
२५२७-२ शोभैव मन्दरक्षुब्धक्षुभिताम्भोधिवर्णना ॥

२५२८-१ अमृतं भुज्यते विद्ये भवतीमाश्रितैः परं ।
२५२८-२ अन्ये तु बत दूयन्ते संसरन्त इतस्ततः ॥

२५२९-१ अमृतं शिशिरे वह्निरमृतं क्षीरभोजनं ।
२५२९-२ अमृतं गुणवद्भार्या अमृतं बालभाषितं ॥

२५३०-१ अमृतं शिशिरे वह्निरमृतं प्रियदर्शनं ।
२५३०-२ अमृतं राजसंमानं अमृतं क्षीरभोजनं ॥

२५३१-१ अमृतं शिशिरे वह्निरमृतं बालभाषणं ।
२५३१-२ अमृतं स्वप्रिया भार्या ह्यमृतं स्वामिगौरवं ॥

२५३२-१ अमृतं शिशिरे वह्निरमृतं स्वामिगौरं ।
२५३२-२ भार्यामृतं गुणवती धारोष्णममृतं पयः ॥

२५३३-१ अमृतं सद्गुणा भार्या अमृतं बालभाषितं ।
२५३३-२ अमृतं राजसंमानं अमृतं मानभोजनं ॥

२५३४-१ अमृतजलधेः पायं पायं पयांसि पयोधरः किरति करकास्ताराकारा यदि स्फटिकावनौ ।
२५३४-२ तदिह तुलनामानीयन्ते क्षणं कठिनाः पुनः सततममृतस्यन्दोद्गारा गिरः प्रतिभावतां ॥

२५३५-१ अमृतद्रवमाधुरीधुरीणां गिरमाकर्ण्य कुरङ्गलोचनायाः ।
२५३५-२ मुहुरभ्यसनं कषायकण्ठी कलकण्ठी कुरुते कुहूरुतेन ॥

२५३६-१ अमृतद्रवैर्विदधदब्जदृशां अपमार्गमोषधिपतिः स्म करैः ।
२५३६-२ परितो विसर्पि परितापि भृशं वपुषोऽवतारयति मानविषं ॥

२५३७-१ अमृतनिधानं रुचिरं संतापनिवर्तते सदा निरतं ।
२५३७-२ चन्द्रमुखं तव सुन्दरि सुस्मितभासा विकासते परितः ॥

२५३८-१ अमृतमधुरैः काञ्चीनादैः कृताभयडिण्डिमे त्रिवलिलहरीलावण्याम्भःकणोत्करकर्बुरे ।
२५३८-२ विषमनयनज्वालाजालावलीढपराक्रमो लुठति मदनस्तन्वङ्गीनां नितम्बशिलातले ॥

२५३९-१ अमृतममृतं कः संदेहो मधून्यपि नान्यथा मधुरमधिकं चूतस्यापि प्रसन्नरसं फलं ।
२५३९-२ सकृदपि पुनर्मध्यस्थः सन्रसान्तरविज्जनो वदतु यदिहान्यत्स्वादु स्यात्प्रियादशनच्छदात् ॥

२५४०-१ अमृतममृतं चन्द्रं चन्द्रं रतिं च रतिं तथा प्रथितमतयः कामं ब्रूयुर्मधूनि मधून्यपि ।
२५४०-२ यदि न सुभगास्पर्शामोदं विना प्रमुदे ततः सकलमकलं तेषां व्यूहं ब्रवीमि पुनः प्रिये ॥

२५४१-१ अमृतममृतं चन्द्रश्चन्द्रस्तथाम्बुजमम्बुजं रतिरपि रतिः कामः कामो मधूनि मधून्यपि ।
२५४१-२ इति न भजते वस्तु प्रायः परस्परसंकरं तदियमबला धत्ते लक्ष्मीं कथं सकलात्मिकां ॥

२५४२-१ अमृतमयमनङ्गक्ष्मारुहस्यालवालं मृतदिवसकपालं कालकापालिकस्य ।
२५४२-२ जयति मकरकेतोः शाणचक्रं शराणां अमरपुरपुरन्ध्रीदर्पणः श्वेतभानुः ॥

२५४३-१ अमृतरसविसरवितरण- मरणोत्तारितसुरे सति पयोधौ ।
२५४३-२ कस्य स्फुरन्ति हृदये ग्रीष्मतडाका भुवि वराकाः ॥

२५४४-१ अमृतरससारभूतः सकलकलो मकरकेतुसर्वस्वं ।
२५४४-२ अखिलजननयनसुखकृत्कथमिन्दुर्वासरेऽभ्युदितः ॥

२५४५-१ अमृतवचनलीलाविभ्रमैरन्नपानं रचय चतुर कीर भ्रान्तचित्तेषु तेषु ।
२५४५-२ अकलितपरसेवातापपापः पिकोऽसौ भजतु विपिनवाटीमेष पीयूषकण्ठः ॥

२५४६-१ अमृतसिक्तमिवाङ्गमिदं यदि भवति तन्वि तवाद्भुतवीक्षितैः ।
२५४६-२ अधरमिन्दुकरादपि शुभ्रयन्त्यरुणयन्त्यरुणादपि किं दृशं ॥

२५४७-१ अमृतस्यन्दिकिरणश्चन्द्रमा नामतो मतः ।
२५४७-२ अन्य एवायमर्थात्मा विषनिष्यन्दिदीधितिः ॥

२५४८-१ अमृतस्यन्दिनं कश्चित्कृष्णमेघं द्विजः स्मरन् ।
२५४८-२ उदन्यया न वेशन्तं उदन्वन्तं च वीक्षते ॥

२५४९-१ अमृतस्य प्रवाहैः किं कायक्षालनसंभवैः ।
२५४९-२ चिरान्मित्रपरिष्वङ्गो योऽसौ मूल्यविवर्जितः ॥

२५५०-१ अमृतस्येव कुण्डानि सुखानामिव राशयः ।
२५५०-२ रतेरिव निधानानि योषितः केन निर्मिताः ॥

२५५१-१ अमृतस्येव तृप्येत अपमानस्य योगवित् ।
२५५१-२ विषवच्च जुगुप्सेत संमानस्य सदा द्विजः ॥

२५५२-१ अमृतस्येव संतृप्येदवमानस्य वै द्विजः ।
२५५२-२ सुखं ह्यवमतः शेते योऽवमन्ता स नश्यति ॥

२५५३-१ अमृतांशोः किरणेभ्यो-ऽजायत वृद्धिर्महोदधेरुदरे ।
२५५३-२ कथयन्ति हारमणयो हृदि तापमुषः स्पृशन्तोऽपि ॥

२५५४-१ अमृतात्मनि पद्मानां द्वेष्टरि स्निग्धतारके ।
२५५४-२ मुखेन्दौ तव सत्यस्मिनपरेण किमिन्दुना ॥

२५५५-१ अमृतादमृतं न तावकादपरं यत्त्रिपुरारिरादरात् ।
२५५५-२ अवलम्ब्य शिरःस्थलेन तद्धृतहालाहाल एष जीवति ॥

२५५६-१ अमृताध्मातजीमूतस्निग्धसंहननस्य ते ।
२५५६-२ परिष्वङ्गीय वात्सल्यादयमुत्कण्ठते जनः ॥

२५५७-१ अमृताप्यायिनां न्णां संतोषो नैव जायते ।
२५५७-२ गावस्तृणमिवारण्ये प्रार्थयन्ति नवं नवं ॥

२५५८-१ अमृतायतामिति वदेत्पीते भुक्ते क्षुते च शतं जीव ।
२५५८-२ छोटिकया सह जृम्भा- समये स्यातां चिरायुरानन्दौ ॥

२५५९-१ अमृता विगतप्राणा सान्तः शल्याकृतव्रणा ।
२५५९-२ अबद्धा निश्चलेवास्ते कूटसंस्थे मृगे मृगी ॥

२५६०-१ अमृतोत्प्रेक्षणे चारुरशेषजनसज्जनः ।
२५६०-२ कविर्गरुडवन्मान्य इन्द्रवज्रादिवृत्तकृत् ॥

२५६१-१ अमृतोन्मथितैः सुवर्णचूर्णैर्मृदमुत्पाद्य निधाय नाभिचक्रे ।
२५६१-२ अकरोन्नवर्ॐअराजियष्ट्या कुचकुम्भौ कुसुमेषुकुम्भकारः ॥

२५६२-१ अमेध्यपूर्णे कृमिजालसंकुले स्वभावदुर्गन्धिनि शौचवर्जिते ।
२५६२-२ कलेवरे मूत्रपुरीषभाजने रमन्ति मूढा विरमन्ति पण्डिताः ॥

२५६३-१ अमेयो मितलोकस्त्वं अनर्थी प्रार्थनावहः ।
२५६३-२ अजितो जिष्णुरत्यन्तं अव्यक्तो व्यक्तकारणं ॥

२५६४-१ अमोघक्रोधहर्षस्य स्वयं कृत्यान्ववेक्षिणः ।
२५६४-२ आत्मप्रत्ययकोशस्य वसुधेयं वसुंधरा ॥

२५६५-१ अमोघा वासरे विद्युदमोघं निशि गर्जितं ।
२५६५-२ अमोघा मुनीनां वाणी अमोघं देवदर्शनं ॥

२५६६-१ अमौक्तिकमसौवर्णं ब्राह्मणानां विभूषणं ।
२५६६-२ देवतानां पित्णां च भागो येन प्रदीयते ॥

२५६७-१ अम्बरं विनयतः प्रियपाणेर्योषितश्च करयोः कलहस्य ।
२५६७-२ वारणामिव विधातुमभीक्ष्णं कक्ष्यया च वलयैश्च शिशिञ्जे ॥

२५६८-१ अम्बरं स्तिमितमम्बुधारया व्यक्त एष परितः पयोधरः ।
२५६८-२ प्रावृषा किमपि लज्जमानया मीलिते रविविधूविलोचने ॥

२५६९-१ अम्बरमनूरुलङ्घ्यं वसुंधरा सापि वामनैकपदा ।
२५६९-२ अब्धिरपि पोतलङ्घ्यः सतां मनः केन तुल्यं स्यात् ॥

२५७०-१ अम्बरमपनय मुग्धे व्रजतु विकाशं दिगम्बरता ।
२५७०-२ हारावलिसुरतटिनी नखशशिमण्डलस्य कुचशम्भोः ॥

२५७१-१ अम्बरमम्बुनि पत्रमरातिः पीतमहीनगणस्य ददाह ।
२५७१-२ यस्य वधूस्तनयं गृहमब्जा पातु स वो हरलोचनवह्निः ॥

२५७२-१ अम्बरमेष रमण्यै यामिन्यै वासरः प्रेयान् ।
२५७२-२ अधिकं ददौ निजाङ्कादथ संकुचितः स्वयं तस्थौ ॥

२५७३-१ अम्बरविपिनमिदानीं तिमिरवराहोऽवगाहते जलधेः ।
२५७३-२ र्ॐअसु यदस्य लग्नास्तारकजलबिन्दवो भान्ति ॥

२५७४-१ अम्बरान्तमवलम्बितुकामं अन्ध्यया समभिवीक्ष्य तु कामं ।
२५७४-२ अन्धकारमथ गम्य तनूनं लज्जयेव निरगम्यत नूनं ॥

२५७५-१ अम्बरेऽम्बुभरलम्बिपयोदे मत्तबर्हिरुचिरेऽद्रिनितम्बे ।
२५७५-२ पुष्पधामनि कदम्बकदम्बे का गतिः पथिक कालविलम्बे ॥

२५७६-१ अम्ब श्राम्यसि तिष्ठ गोरसमहं मथ्नामि मन्थानकं प्रालम्ब्य स्थितमीश्वरं सरभसं दीनाननो वासुकिः ।
२५७६-२ सासूयं कमलालया सुरगणः सानन्दमुद्यद्भयं राहुः प्रैक्षत यं स वोऽस्तु शिवदो गोपालबालो हरिः ॥

२५७७-१ अम्बा कुप्यति तात मूर्ध्नि विधृता गङ्गेयमुत्सृज्यतां विद्वन्षण्मुख का गतिर्मम चिरं मूर्ध्नि स्थिताया वद ।
२५७७-२ कोपावेशवशादशेषवदनैः प्रत्युत्तरं दत्तवानम्भोधिर्जलधिः पयोधिरुदधिर्वारां निधिर्वारिधिः ॥

२५७८-१ अम्बा तुष्यति न मया न स्नुषया सापि नाम्बया न मया ।
२५७८-२ अहमपि न तया न तया वद राजन्कस्य दोषोऽयं ॥

२५७९-१ अम्बामथार्घजलपात्रभृतं निरीक्ष्य दूरादपासरदसौ जनता विहस्ता ।
२५७९-२ पूर्णादिवान्धतमसानि तुषारकान्तेरार्यात्पृथग्जनशतानि हि संभ्रमन्ति ॥

२५८०-१ अम्बायाश्च पितुश्च सद्गुणगणो यस्मिन्नभिव्यज्यते तस्मिन्स्वप्रतिबिम्बितेव निखिला सैवाकृतिः सा द्युतिः ।
२५८०-२ सा वाणि विनयः स एव सहजः पुण्यानुभावः स च श्लाघायाः सदनं सुखस्य वसतिस्तेनैव पुत्री पिता ॥

२५८१-१ अम्बा येन सरस्वती सुतवती तस्यार्पयन्ती रसान्नानाचाटुमुखी स दुर्लडितवान्खेलाभिरुच्छृङ्खलः ।
२५८१-२ जिह्वादुर्व्यसनैरुपद्रवरुजः कुर्वन्ति ये दुःसुतां तान्दृष्ट्वार्थमितस्ततो निखनति स्वं निःस्वमातन्वती ॥

२५८२-१ अम्बा शेतेऽत्र वृद्धा परिणतवयसामग्रणीरत्र तातो निःशेषागारकर्मश्रमशिथिलतनुः कुम्भदासी तथेह ।
२५८२-२ अस्मिन्पापाहमेका कतिपयदिवसप्रोषितप्राणनाथा पान्थायेत्थं युवत्या कथितमभिमतं व्याहृतिव्याजपूर्वं ॥

२५८३-१ अम्बुजमम्बुनि जातं नहि दृष्टं जातमम्बुजादम्बु ।
२५८३-२ अधुना तद्विपरीतं चरणसरोजाद्विनिर्गता गङ्गा ॥

२५८४-१ अम्बुजमम्बुनि मग्नं त्रासादाकाशमाश्रितश्चन्द्रः ।
२५८४-२ सम्प्रति कः परिपन्थी यं प्रति कोपारुणं वदनं ॥

२५८५-१ अम्बुदः कृतपदो नभस्तले तोयपूरपरिपूरितोदधिः ।
२५८५-२ गोष्पदस्य भरणेऽप्मशक्तिमानित्यसत्यमभिधीयते कथं ॥

२५८६-१ अम्बुधेरुदगमद्विधुभङ्ग्या नूनमौर्वशिखिभास्मनपिण्डः ।
२५८६-२ यत्किलास्य घटते नहि तृप्तिः खण्डिताजनदृगम्बुसरिद्भिः ॥

२५८७-१ अम्बेयं नेयमम्बा नहि खरकपिशं श्मश्रु तस्या मुखार्धे तातोऽयं नैष तातः स्तनमुरसि पितुर्दृष्टवान्नाहमत्र ।
२५८७-२ केयं कोऽयं किमेतद्युवतिरथ पुमान्वस्तु किं स्यात्तृतीयं शंभोः संवीक्ष्य रूपादपसरति गुहः शङ्कितः पातु युष्मान् ॥

२५८८-१ अम्भः कर्दमतामुपैति सहसा पङ्कद्रवः पांशुतां पांशुर्वारणकर्णतालपवनैर्दिक्प्रान्तनीहारतां ।
२५८८-२ निम्नत्वं गिरयः समं विषमतां शून्यं जनस्थानकं निर्याते त्वयि राज्यपाल भवति त्यक्तस्वभावं जगत् ॥

२५८९-१ अम्भः कुम्भाम्भोरुह- चामरभृङ्गारहेमरूप्याणि ।
२५८९-२ फलताम्बूलवराम्बर- मदिरामीनाज्यभोज्यानि ॥

२५९०-१ अम्भःसंभृतिमन्थराम्बुदरवैः शालूरगर्जाभर- प्रारब्धप्रियविप्रयुक्तयुवतीजीवग्रहे भीषणाः ।
२५९०-२ विद्युद्दन्तुरितान्धकारपटला गाम्भीर्यबद्धारव- स्थैर्योन्मूलनशक्तयः कथममी निर्यान्ति वर्षानिशाः ॥

२५९१-१ अम्भसः परिमाणेन उन्नतं कमलं भवेत् ।
२५९१-२ स्वस्वामिना बलवता भृत्यो भवति गर्वितः ॥

२५९२-१ अम्भसः प्रसृतीरष्टौ रवावनुदिते पिबेत् ।
२५९२-२ वातपित्तकफान्हत्वा जीवेद्वर्षशतं सुखी ॥

२५९३-१ अम्भसा भिद्यते सेतुस्तथा मन्त्रोऽप्यरक्षितः ।
२५९३-२ पैशुन्याद्भिद्यते स्नेहो वाग्भिर्भिद्येत कातरः ॥

२५९४-१ अम्भसा शममायाति मुष्टिमेयशिखः शिखी ।
२५९४-२ प्रवृद्धोऽधःस्थितैः पश्चात्संतप्तैरेव दृश्यते ॥

२५९५-१ अम्भसि तरणिसुतायाः स्तम्भिततरणिः स देवकीसूनुः ।
२५९५-२ आतरविरहितगोप्याः कातरमुखमीक्षते स्मेरः ॥

२५९६-१ अम्भस्तत्त्वं भूमितत्त्वं च वायोस्तत्त्वं तेजस्तत्त्वमाकाशतत्त्वं ।
२५९६-२ पञ्चैतानि प्राणवायुं मिलित्वा नाडीयुग्मे प्राणिनां संचरन्ति ॥

२५९७-१ अम्भांसि जलजन्तूनां दुर्गं दुर्गनिवासिनां ।
२५९७-२ स्वभूमिः श्वापदादीनां राज्ञां सैन्यं परं बलं ॥

२५९८-१ अम्भोजगर्भसुकुमारतनुस्तदासौ कण्ठग्रहे प्रथमरागघने विलीय ।
२५९८-२ सद्यः पतन्मदनमार्गणरन्ध्रमार्गैर्मन्ये मम प्रियतमा हृदयं प्रविष्टा ॥

२५९९-१ अम्भोजपत्रायतलोचनानां अम्भोधिदीर्घास्विह दीर्घिकासु ।
२५९९-२ समागतानां कुटिलैरपाङ्गैरनङ्गबाणैः प्रहता युवानः ॥

२६००-१ अम्भोजप्रकरोऽथ केतककुलं कुन्दोत्करः कैरव- व्रातो मल्लिगणोऽथ चम्पकचयो जातीगणो वाथवा ।
२६००-२ नो चेदादरमातनोति पिक तत्खेदं वृथा मा कृथा यस्मात्क्वापि कदापि कोऽपि भविता यस्त्वद्गुणं ज्ञास्यति ॥

२६०१-१ अम्भोजाक्ष्याः पुरवनलता धाम्नि संकेतभाजश्चेतोनाथे चिरयति भृशं मोहनिद्रां गतायाः ।
२६०१-२ स्वच्छं नाभिह्रदवलयितं कान्तरत्नांशुजालं तोयभ्रान्त्या पिबति हरिणी विस्मयं च प्रयाति ।
२६०२-१ अम्भोजानि घनाघनव्यवहितोऽप्युल्लाघयत्यंशुमान्दूरस्थोऽपि पयोधरोऽतिशिशिरस्पर्शं करोत्यातपं ।
२६०२-२ शक्तिः काप्यपरिक्षतास्ति महतां स्वैरं दविष्ठान्यहो यन्माहात्म्यवशेन यान्ति घटनां कार्याणि निर्यन्त्रणां ॥

२६०३-१ अम्भोजिनीवनविलासनिवासमेव हंसस्य हन्ति नितरां कुपितो विधाता ।
२६०३-२ न त्वस्य दुग्धजलभेदविधौ प्रसिद्धां वैदग्घ्यकीर्तिमपहर्तुमसौ समर्थः ॥

२६०४-१ अम्भोदस्तनितं निशम्य करिणां बृंहेति रंहोयुतस्सद्यस्त्यक्तमहीध्रकन्दरगृहः कौतूहली निर्गतः ।
२६०४-२ एतस्मिन्क्षण एव चण्डमशनेराकर्ण्य शब्दं क्रुधा तं प्रत्युत्पतति स्वगर्जितजितं धीरो मृगाणां पतिः ॥

२६०५-१ अम्भोधिः स्थलतां स्थलं जलधितां धूलीवलः शैलतां मेरुर्मृत्कणतां तृणं कुलिशतां वज्रं तृणक्लीबतां ।
२६०५-२ वह्निः शीतलतां हिमं दहनतामायाति यस्येच्छया लीलादुर्ललिताद्भुतव्यसनिने दैवाय तस्मै नमः ॥

२६०६-१ अम्भोधिक्षिप्तमुक्तारुचिहरिचरणोद्गीर्णगङ्गाम्बुतुल्यं कालिन्दीफेनकान्तिस्फुरितफणधरोन्मुक्तनिर्मोकरोचिः ।
२६०६-२ कर्णाटीकुन्तलान्तर्विगलितसुमनोदामरम्यं समन्ताच्छ्रीखण्डालेपलक्ष्मीमुपनयति यशो यस्य खड्गप्रसूतं ॥

२६०७-१ अम्भोधीनां तमालप्रभवकिसलयश्यामवेलावनानां आ पारेभ्यश्चतुर्णां चटुलतिमिकुलक्षोभितान्तर्जलानां ।
२६०७-२ मालेवाम्लानपुष्पा तव नृपतिशतैरुह्यते या शिरोभिः सा मय्येव स्खलन्ती कथयति विनयालंकृतं ते प्रभुत्वं ॥

२६०८-१ अम्भोधेरेव जाताः कति जगति न ते हन्त सन्तीह शङ्खा यान्संगृह्य भ्रमन्ति प्रतिभवनममी भिक्षवो जीवनाय ।
२६०८-२ एकः श्रीपाञ्चजन्यो हरिहरकमलक्रोडहंसायमानो यस्याध्वानैरमानैरसुरवरवधूवर्गगर्भा गलन्ति ॥

२६०९-१ अम्भोधेर्जलयन्त्रमन्दिरपरिस्पन्देऽपि निद्राणयोः श्रीनारायणयोर्घनं विघटयत्यूष्मा समालिङ्गनं ।
२६०९-२ किं चोत्तप्तवियत्कपालफलके कङ्कालशेषश्रियं चन्द्रं मर्मरयन्ति पर्पटमिव क्रूरा रवेरंशवः ॥

२६१०-१ अम्भोधेर्वडवामुखानलझलाज्वालोपगूढान्तरा व्यामोहादपिबन्नपः स्फुटममी तर्षेण पर्याविलाः ।
२६१०-२ उद्देशस्फुरदिन्द्रचापवलयज्वालापदेशादहो दह्यन्ते कथमन्यथार्धमलिनाङ्गारद्युतस्तोयदाः ॥

२६११-१ अम्भोधौ विहरन्तमन्तरहितैः कीर्तिं वहन्तं गुणैस्तं मैनाकमवज्रगर्वविषयौ पक्षौ दधानं नुमः ।
२६११-२ आसन्ने सुरलोकमानुषजगत्पातालपारात्यये यः पाथोनिधिलङ्घिनः पथि मरुत्सूनोर्व्यनैषीत्क्लमं ॥

२६१२-१ अम्भोनिधेरनवगीतगुणैकराशेरुच्चैःश्रवप्रभृतिषु प्रसभं हृतेषु ।
२६१२-२ आश्वासनं यदवकृष्टमभून्महर्षे तोयं त्वया तदपि निष्करुणेन पीतं ॥

२६१३-१ अम्भोऽपि प्रवहत्स्वभावमशनैराश्यानमश्मायते ग्रावाम्भः स्रवति द्रवत्वमुदितोद्रेकेषु चावेयुषः ।
२६१३-२ कालस्यास्खलितप्रभावरभसं भाति प्रभुत्वेऽद्भुते कस्यामुत्र विधातृशक्तिघटिते मार्गे निसर्गः स्थिरः ॥

२६१४-१ अम्भोबिन्दुग्रहणरभसांश्चातकान्वीक्षमाणाः श्रेणीभूताः परिगणनया निर्दिशन्तो वलाकाः ।
२६१४-२ त्वामासाद्य स्तनितसमये मानयिष्यन्ति सिद्धाः सोत्कम्पानि प्रियसहचरीसंभ्रमालिङ्गितानि ॥

२६१५-१ अम्भो भजस्व चिरमस्य यथाभिलाषं एतन्न ताण्डवय सैरिभ काननं च ।
२६१५-२ दुश्चेष्टितेन यदनेन भृशं तवैष ध्वस्ताशयो भवति निष्कलुषस्तडागः ॥

२६१६-१ अम्भोभिस्तनकुम्भयोस्तव घनश्लेषात्समुत्कीर्णतां याताया शुकवक्रिमप्रणयिनी सेयं न लुप्ता लिपिः ।
२६१६-२ किं चैतां कुसुमेषु कुञ्जरशिरोनक्षत्रमालां तिरो- धित्सुर्निष्फलमेव मज्जसि नभः स्वच्छे सरोवारिणि ॥

२६१७-१ अम्भ्ॐउचां सलिलमुद्गिरतां निशीथे ताडीवनेषु निभृतस्थितकर्णतालाः ।
२६१७-२ आकर्णयन्ति करिणोऽर्धनिमीलिताक्षा धारारवं दशनकोटिनिषण्णहस्ताः ॥

२६१८-१ अम्भोराशिरिवासि सत्त्वनिलयो नो मन्दरक्षो भवान्कल्याणप्रकृतिः सुमेरुरिव किं देवः सुरापाश्रयः ।
२६१८-२ सच्छायो न तु रूढदुस्तरलतस्त्वं कल्पवृक्षो यथा तैः कुर्वन्ति तुलां तथापि भवतो मूढाः कवीनां धियः ॥

२६१९-१ अम्भोरुहं वदनमम्बकमिन्दुकान्तः पाथोनिधिः कुसुमचापभृतो विकारः ।
२६१९-२ प्रादुर्बभूव सुभग त्वयि दूरसंस्थे चण्डालचन्द्रधवलासु निशासु तस्याः ॥

२६२०-१ अम्भोरुहमये स्नात्वा वापीपयसि कामिनी ।
२६२०-२ ददाति भक्तिसंपन्ना पुष्पसौभाग्यकाम्यया ॥

२६२१-१ अम्भोरुहाक्षि शंभोश्चरणावाराधितौ केन ।
२६२१-२ यस्मै विचलितवदना मदनाकूतं विभावयसि ॥

२६२२-१ अम्भोवाहमुरद्विषो निवसनं ध्वान्ताद्रिदिव्यौषधी कन्दर्पस्य विलासचम्पकधनुर्वर्षालतामञ्जरी ।
२६२२-२ लेखा व्य्ॐअकशोपले विरचिता चामीकरस्य स्फुरद्धाम्नः पान्थिविलासिनीजनमनः कम्पाय शम्पाभवत् ॥

२६२३-१ अम्लानपङ्कजा माला कण्ठे रामस्य सीतया ।
२६२३-२ मुधा बुधा भ्रमन्त्यत्र प्रत्यक्षेऽपि क्रियापदे ॥

२६२४-१ अम्लानमाल्याभरणाम्बरस्य वराङ्गनानन्दनमन्दिरस्य ।
२६२४-२ नित्यप्रकाशोत्सवसेवितस्य स्वर्गस्य वित्तस्य च को विशेषः ॥

२६२५-१ अम्लानस्तबकन्ति कुन्तलभरे सीमन्तसीमास्विमाः सिन्दूरन्ति कपोलभित्तिषु मिलन्मैरेयरागन्ति च ।
२६२५-२ प्रौढेर्ष्याद्युतिविश्रमन्ति नयनोपान्ते कुरङ्गीदृशः बिम्बोष्ठे क्षितिपाल बालतरणेर्लाक्षारसन्ति त्विषः ॥

२६२६-१ अम्लानिरामोदभरश्च दिव्यः पुष्पेषु भूयाद्भवदङ्गसङ्गात् ।
२६२६-२ दृष्टं प्रसूनोपमया मयान्यन्न धर्मशर्मोभयकर्मठं यत् ॥

२६२७-१ अम्लानो बलवाञ्शूरश्छायेवानुगतः सदा ।
२६२७-२ सत्यवादी मृदुर्दान्तः स राजवसतिं वसेत् ॥

२६२८-१ अयं कनकनिर्मितः सकलभूधरादुन्नतः सहस्रनयनाश्रयः सपदि लब्धभाग्योदयः ।
२६२८-२ कुचोपरि परिस्फुरत्तरुणिचारुचेलाञ्चलं मनागपि निवारय त्यजतु गर्वमुर्वीधरः ॥

२६२९-१ अयं काणः शुक्रो विषमचरणः सूर्यतनयः क्षताङ्गोऽयं राहुर्विकलमहिमा शीतकिरणः ।
२६२९-२ अजानानस्तेषामपि नियतकर्मस्वकफलं ग्रहग्रामग्रस्ता वयमिति जनोऽयं प्रलपति ॥

२६३०-१ अयं कामो निजामो वा त्वया किमवधारितं ।
२६३०-२ इति दृष्टिरिव प्रष्टुं श्रुतिं श्रयति सुभ्रुवां ॥

२६३१-१ अयं खलु मृणालिनीनवविलासवैहासिकस्त्विषां वितपते पतिः सपदि दृश्यमाना निजाः ।
२६३१-२ स्तनौ पुलकयन्ति चोत्पलदृशां प्रियोरःस्थले विपर्यसितवृत्तयो घुसृणपङ्कपत्राङ्कुराः ॥

२६३२-१ अयं च सुरतज्वालः कामाग्निः प्रणयेन्धनः ।
२६३२-२ नराणां यत्र हूयन्ते यौवनानि धनानि च ॥

२६३३-१ अयं ज्योत्स्नाजानिस्तव वदनदूनोऽम्बरगुहां प्रविष्टस्तत्रापि प्रसृतमिदमेनं दृढतमः ।
२६३३-२ इति त्रासोद्रेकक्रमगलितसत्त्वः क्षयगदी विधिर्दग्धो दीनं व्यथयति निदानं हि मृदुता ॥

२६३४-१ अयं तस्या रथक्षोभादंसेनांसो निपीडितः ।
२६३४-२ एकः कृती शरीरेऽस्मिञ्शेषमङ्गं भुवो भरः ॥

२६३५-१ अयं तावद्बाष्पस्त्रुटित इव मुक्तामणिसरो विसर्पन्धाराभिर्लुठति धरणीं जर्जरकणः ।
२६३५-२ निरुद्धोऽप्यावेगः स्फुरदधरनासापुटतया परेषामुन्नेयो भवति च भराध्मातहृदयः ॥

२६३६-१ अयं ते विद्रुमच्छायो मरुमार्ग इवाधरः ।
२६३६-२ करोति कस्य नो बाले पिपासाकुलितं मनः ॥

२६३७-१ अयं त्रयाणां ग्रामाणां निधानं मधुरध्वनिः ।
२६३७-२ रेखात्रयमितीवास्याः सूत्रितं कण्ठकन्दले ॥

२६३८-१ अयं दरिद्रो भवितेति वैधसीं लिपिं ललाटेऽर्थिजनस्य जाग्रतीं ।
२६३८-२ मृषा न चक्रेऽल्पितकल्पपादपः प्रणीय दारिद्र्यदरिद्रतां नलः ॥

२६३९-१ अयं दूतार्थसंक्षेपः प्रत्यर्थनियता गिरः ।
२६३९-२ प्रयोजनं क्रियोत्पादि कियच्छक्येत भाषितुं ॥

२६४०-१ अयं दूरभ्रान्तः पटुतरपिपासाकुलमनाः कपोले ते मत्तद्विप निपतितः षट्पदयुवा ।
२६४०-२ त्वमप्येतां पीनश्रवणदरदोलाव्यसनितां विमुञ्च स्वाच्छन्द्यादपनयतु तावत्तृषमिमां ॥

२६४१-१ अयं द्वीपी प्रियां लेढि जिह्वाग्रेण पुनः पुनः ।
२६४१-२ प्रीतिमायाति च तया लिह्यमानः स्वकान्तया ॥

२६४२-१ अयं धारावाहस्तडिदियमियं दग्धकरका स चायं निर्घोषः स च रववशो भेकनिचयः ।
२६४२-२ इतीव प्रत्यङ्गप्रथितमदनाग्निं कृशतनुर्घनश्वासोत्क्षेपैर्ज्वलयति मुहुर्मृत्युवशिनी ॥

२६४३-१ अयं धूर्तो मायाविनयमधुरादस्य चरितात्सखि प्रत्यूषि त्वं प्रकृतिसरले पश्यसि न किं ।
२६४३-२ कपोले यल्लाक्षारसबहलरागप्रणयिनीं इमां धत्ते मुद्रामनतिचिरवृत्तान्तपिशुनां ॥

२६४४-१ अयं निजः परो वेति गणना लघुचेतसां ।
२६४४-२ उदारचरितानां तु वसुधैव कुटुम्बकं ॥

२६४५-१ अयं नेत्रादत्रेरजनि रजनीवल्लभ इति भ्रमः कोऽयं प्रज्ञापरिचयपराधीनमनसां ।
२६४५-२ सुधानामाधारः स खलु रतिबिम्बाधरसुधा- रसासेकस्निग्धादजनि नयनात्पुष्पधनुषः ॥

२६४६-१ अयं पटः सूत्रदरिद्रतां गतो ह्ययं पटश्छिद्रशतैरलंकृतः ।
२६४६-२ अयं पटः प्रावरितुं न शक्यते ह्ययं पटः संवृत एव शोभते ॥

२६४७-१ अयं पटो मे पितुरङ्गभूषणं पितामहाद्यैरुपभुक्तयौवनः ।
२६४७-२ अलंकरिष्यत्यथ पुत्रपौत्रकान्मयाधुना पुष्पवदेव धार्यते ॥

२६४८-१ अयं पद्मासनासीनश्चक्रवाको विराजते ।
२६४८-२ युगादौ भगवान्वेधा विनिर्मित्सुरिव प्रजाः ॥

२६४९-१ अयं पीनस्तनाभोगसौभाग्यविभवोचितः ।
२६४९-२ द्रविणोपार्जनस्यैव कालः कुवलयेक्षणे ॥

२६५०-१ अयं पुरः पार्वणशर्वरीशः किं दर्पणोऽयं रजनीरमण्याः ।
२६५०-२ यतस्तदीयं प्रतिबिम्बमस्मिन्संलक्ष्यते लाञ्छनकैतवेन ॥

२६५१-१ अयं प्रभुरयं भृत्य इति या जगतः स्थितिः ।
२६५१-२ फलं विजयते तत्र श्रीप्रसादाप्रसादयोः ॥

२६५२-१ अयं बन्धुः परश्चायं ममायमयमन्यतः ।
२६५२-२ इति ब्रह्मन्न जानामि तेन जीवाम्यनामयः ॥

२६५३-१ अयं मन्दद्युतिर्भास्वानस्तं प्रति यियासति ।
२६५३-२ उदयः पतनायेति श्रीमतो बोधयन्नरान् ॥

२६५४-१ अयं मम दहत्यङ्गं अम्भोजदलसंस्तरः ।
२६५४-२ हुताशनप्रतिनिधिर्दाहात्मा ननु युज्यते ॥

२६५५-१ अयं मार्तण्डः किं स खलु तुरगैः सप्तभिरितः कृशानुः किं सर्वाः प्रसरति दिशो नैष नियतं ।
२६५५-२ कृतान्तः किं साक्षान्महिषवहनोऽसाविति चिरं समालोक्याजौ त्वां विदधति विकल्पान्प्रतिभटाः ॥

२६५६-१ अयं मुखसरोरुहभ्रमरविभ्रमः सुभ्रुवां कुचस्थलकुरङ्गकः पृथुनितम्बलीलाशिखी ।
२६५६-२ न यौवनमदोदयश्चरति चारुकान्तिच्छटा- कुलत्रिवलिकूलिनीपुलिनराजहंसश्चिरं ॥

२६५७-१ अयं मृगः समायाति मृगात्सिंहः पलायते ।
२६५७-२ ततो वेगात्पलायस्व त्वरितैस्त्वरितैः पदैः ॥

२६५८-१ अयं मेघव्यूहे बलिनि परिपन्थिन्यपसृते शरज्जन्याः स्वैरं हसितमिव हर्षादविरतं ।
२६५८-२ पयःपूरभ्रंशक्रमजनितसोपानसिकते नदीतीरे धीरं चरति विशदः खञ्जनगणः ॥

२६५९-१ अयं मे वाग्गुम्फो विशदपदवैदग्ध्यमधुरः स्फुरद्बन्धो वन्ध्यः परहृदि कृतार्थः कविहृदि ।
२६५९-२ कटाक्षो वामाक्ष्या दरदलितनेत्रान्तगलितः कुमारे निःसारः स तु किमपि यूनः सुखयति ॥

२६६०-१ अयं रत्नाकरोऽम्भोधिरित्यसेवि धनाशया ।
२६६०-२ धनं दूरेऽस्तु वदनं अपूरि क्षारवारिभिः ॥

२६६१-१ अयं रसालः सुकृतैकसालः प्रवालमालोल्लसदालवालः ।
२६६१-२ मुदः प्रदाता भविता कथं मे वराङ्गनेत्यश्रुमुखी शुशोच ॥

२६६२-१ अयं रेवाकुञ्जः कुसुमशरसेवासमुचितः समीरोऽयं वेलावनविदलदेलापरिमलः ।
२६६२-२ इयं प्रावृड्धन्या नवजलदविन्यासचतुरा स्मराधीनं चेतः सखि किमपि कर्तुं मृगयते ॥

२६६३-१ अयं लोलन्मुक्तावलिकिरणमालापरिकरः स्फुटस्येन्दोर्लक्ष्मीं क्षपयितुमलं मन्मथसुहृत् ।
२६६३-२ विशालः श्यामायाः स्खलितघननीलांशुकवृतिः स्तनाभोगः स्निह्यन्मसृणघुसृणालेपसुभगः ॥

२६६४-१ अयं वहति धातारं यद्वा देवीं सरस्वतीं ।
२६६४-२ पक्षद्वयमपि स्थाने राजहंसस्य निर्मलं ॥

२६६५-१ अयं वारामेको निलय इति रत्नाकर इति श्रितोऽस्माभिस्तृष्णातरलितमनोभिर्जलनिधिः ।
२६६५-२ क एवं जानीते निजकरपुटीकोटरगतं क्षणादेनं ताम्यत्तिमिमकरमापास्यति मुनिः ॥

२६६६-१ अयं विपाको वद कस्य यूनः कल्याणि कल्याणपरंपराणां ।
२६६६-२ यदक्षिकोणस्रवदच्छधारा हारावतारो गुणमन्तरेण ॥

२६६७-१ अयं शून्यो ग्रामः सुरसदनमेतन्नु पतितं पुरः शुष्का वापी तरुरयमितः शीर्णविटपः ।
२६६७-२ वयं चैते पान्थाः परिकृशदशाभाग्यगतयः समानः संयोगः कटुरपि मनो मे रमयति ॥

२६६८-१ अयं स कालः संप्राप्तो धार्त्तराष्ट्रोपजीविनां ।
२६६८-२ निवेष्टव्यं मया तत्र प्राणानपरिरक्षता ॥

२६६९-१ अयं स ते तिष्ठति संगमोत्सुको विशङ्कसे भीरु यतोऽवधीरणां ।
२६६९-२ लभेत वा प्रार्थयिता न वा श्रियं श्रियो दुरापः कथमीप्सितो भवेत् ॥

२६७०-१ अयं स भुवनत्रयप्रथितसंयमः शंकरो बिभर्ति वपुषाधुना विरहकातरः कामिनीं ।
२६७०-२ अनेन किल निर्जिता वयमिति प्रियायाः करं करेण परिताडयन्जयति जातहासः स्मरः ॥

२६७१-१ अयं स रशनोत्कर्षी पीनस्तनविमर्दनः ।
२६७१-२ नाभ्यूरुजघनस्पर्शी नीवीविस्रंसनः करः ॥

२६७२-१ अयं सर्वाणि शास्त्राणि हृदि ज्ञेषु च वक्ष्यति ।
२६७२-२ सामर्थ्यकृदमित्राणां मित्राणां च नृपात्मजः ॥

२६७३-१ अयं सेनोत्तंसः करकृतकृपाणो रणभुवि द्विषद्भूमीपालाः किमपसरत प्राणकृपणाः ।
२६७३-२ किमभ्यर्थ्यः पृथ्वीधरकुहरवासोऽद्य भवतां न किं हृद्या विद्याधरनगरनीलोत्पलदृशः ॥

२६७४-१ अयं स्निग्धश्यामो य इह विहरत्यम्बुजवने विनिद्रे व्यागुञ्जन्मधुप इति तं जल्पतु जनः ।
२६७४-२ अहं शङ्के पङ्केरुहकुहरवासव्यसनिनीं श्रियं भृङ्गच्छद्मा मुररिपुरुपेतो रमयितुं ॥

२६७५-१ अयं स्वभावः स्वत एव यत्पर- श्रमापनोदप्रवणं महात्मनां ।
२६७५-२ सुधांशुरेष स्वयमर्ककर्कश- प्रभाभितप्तामवति क्षितिं किल ॥

२६७६-१ अयं स्वार्थः परार्थोऽयं इत्येवं वा न कल्पयेत् । विबुधा नैव मन्यन्ते स्वं परं वा पृथक्पृथक् । नियुञ्जीत परस्यार्थे प्रोत्सहेत स्वकर्मणि ॥ अयं हि तीव्रेण जगन्ति तेजसा

२६७७-२ प्रताप्य भासां पतिरस्तमागतः ।
२६७७-२ प्रतापमात्रोपनता विभूतयश्चिरं न तिष्ठन्ति परोपतापिनां ॥

२६७८-१ अयं हि देहिनो देहो द्रव्यज्ञानक्रियात्मकः ।
२६७८-२ देहिनो विविधक्लेशसंतापकृदुदाहृतः ॥

२६७९-१ अयं हि प्रथमो रागः समस्तजनरञ्जने ।
२६७९-२ यस्य नास्ति द्वितीयोऽपि स कथं पञ्चमो भवेत् ॥

२६८०-१ अयःपिण्ड इवोत्तप्ते खलानां हृदये क्षणात् ।
२६८०-२ पतिता अपि नेक्ष्यन्ते गुणास्तोयकना इव ॥

२६८१-१ अयथाविहितानां यन्मनोज्ञतासंपादौ न स्तः ।
२६८१-२ कथयाम्यतस्तरूणां रोपविधानं यथोद्दिष्टं ॥

२६८२-१ अयने विषुवे चैव षडशीतिमुखेषु च ।
२६८२-२ चन्द्रसूर्योपरागे च दत्तमक्षयमश्नुते ॥

२६८३-१ अयमक्षुण्णकान्तश्रीरधरो हरिणीदृशः ।
२६८३-२ प्रवालपद्मरागादेरुपरि प्रतिगर्जति ॥

२६८४-१ अयमङ्कुरभाव एव तावत्कुचयोः कर्षति लोकलोचनानि ।
२६८४-२ इतरेतरपीडनीमवस्थां गतयोः श्रीरनयोः कथं भवित्री ॥

२६८५-१ अयमतिजरठाः प्रकामगुर्वीरलघुविलम्बिपयोधरोपरुद्धाः ।
२६८५-२ सततमसुमतामगम्यरूपाः परिणतदिक्करिकास्तटीर्बिभर्ति ॥

२६८६-१ अयमपरलतायाः सादरं हन्त पीत्वा मधु मम मकरन्दं पातुमायाति भृङ्गः ।
२६८६-२ इति मनसि विषादं मल्लिके मा कुरु त्वं बत वद मधुपानां मानसे को विवेकः ॥

२६८७-१ अयमपि खरयोषित्कर्णकाषायमीषद्विसृमरतिमिरोर्णाजर्जरोपान्तमर्चिः ।
२६८७-२ मदकलकलविङ्कीकाकुनान्दीकरेभ्यः क्षितिरुहशिखरेभ्यो भानुमानुच्चिनोति ॥

२६८८-१ अयमपि पुरुहूतप्रेयसीमूर्ध्नि पूर्णः कलश इव सुधांशुः साधुरुल्लालसीति ।
२६८८-२ मदनविजययात्राकालविज्ञापानाय स्फुरति जलधिमध्ये ताम्रपात्रीव भानुः ॥

२६८९-१ अयमभिनवमेघश्यामलोत्तुङ्गसानुर्मदमुखरमयूरीमुक्तसंसक्तकेकः ।
२६८९-२ शकुनिशबलनीडानोकहस्निग्धवर्ष्मा वितरति बृहदश्मा पर्वतः प्रीतिमक्ष्णोः ॥

२६९०-१ अयममृतनिधानं नायकोऽप्योषधीनां अमृतमयशरीरः कान्तियुक्तोऽपि चन्द्रः ।
२६९०-२ भवति विगतरश्मिर्मण्डलं प्राप्य भानोः परसदननिविष्टः को लघुत्वं न याति ॥

२६९१-१ अयममृतनिधानं नायकोऽप्योषधीनां शतभिषगनुयातः शंभुमूर्धावतंसः ।
२६९१-२ विरहयति न चैनं राजयक्ष्मा शशाङ्कं हतविधिपरिपाकः केन वा लङ्घनीयः ॥

२६९२-१ अयमयमसावाकर्ण्यारात्प्रतिद्विपडिण्डिमं मदकलुषिते नेत्रे मार्जन्नुदस्तकरार्गलः ।
२६९२-२ अगणितसृणिः क्रोधस्तब्धायतश्रुतिपल्लवः प्रविशति नृपस्यान्तःकक्षां जवादरिमुद्गरः ॥

२६९३-१ अयमयोगिवधूवधपातकैर्म्रमिमवाप्य दिवः खलु पात्यते ।
२६९३-२ शितिनिशादृषदि स्फुटदुत्पतत्- कणगणाधिकतारकिताम्बरः ॥

२६९४-१ अयमरविवरेभ्यश्चातकैर्निष्पतद्भिर्हरिभिरचिरभासां तेजसा चानुलिप्तैः ।
२६९४-२ गतमुपरि घनानां वारिगर्भोदराणां पिशुनयति रथस्तं शीकरक्लिन्ननेमिः ॥

२६९५-१ अयमलघुविसारिस्फारिजिह्वाकलापो ज्वलति यदि न मध्ये वाडवो हव्यवाहः ।
२६९५-२ मुहुरुपचितसारो वारिभिर्निम्नगानां त्रिभुवनमपि किं न प्लावयत्यम्बुराशिः ॥

२६९६-१ अयमवसरः सरस्ते सलिलैरुपकर्तुमर्थिनामनिशं ।
२६९६-२ इदमपि च सुलभमम्भो भवति पुरा जलधराभ्युदये ॥

२६९७-१ अयमवसर उपकृतये प्रकृतिचला यावदस्ति संपदियं ।
२६९७-२ विपदि सदाभ्युदयिन्यां पुनरुपकर्तुं कुतोऽवसरः ॥

२६९८-१ अयमविचारितचारुतया संसारो भाति रमणीयः ।
२६९८-२ अत्र पुनः परमार्थदृशां न किमपि सारमणीयः ॥

२६९९-१ अयमसौ गगनाङ्गणदीपकस्तरलकालभुजंगशिखामणिः ।
२६९९-२ क्षणविडम्बितवाडवविग्रहः पतति वारिनिधौ विधुरो रविः ॥

२७००-१ अयमसौ भगवानुत पाण्डवः स्थितमवाङ्मुनिना शशिमौलिना ।
२७००-२ समधिरूढमजेन नु जिष्णुना स्विदिति वेगवशान्मुमुहे गणैः ॥

२७०१-१ अयमहो रजनीचरकेसरी गिरिदरीशयनात्सहसोत्थितः ।
२७०१-२ तिमिरवारणकुम्भविदारणोच्- छ्वलितरक्तभरैरिव लोहितः ॥

२७०२-१ अयमात्मा स्वयं साक्षाद्गुणरत्नमहार्णवः ।
२७०२-२ सर्वज्ञः सर्वदृक्सार्वः परमेष्ठी निरञ्जनः ॥

२७०३-१ अयमान्दोलितप्रौढचन्दनद्रुमपल्लवः ।
२७०३-२ उत्पादयति सर्वस्य प्रीतिं मलयमारुतः ॥

२७०४-१ अयमालोहितच्छायो मदेन मुखचन्द्रमाः ।
२७०४-२ संनद्धोदयरागस्य चन्द्रस्य प्रतिगर्जति ॥

२७०५-१ अयमिह मुग्धो मधुपः परिहृतसहकारमञ्जरीपुञ्जः ।
२७०५-२ असरलमरसमसारं शाखोटकविटपमनुसरति ॥

२७०६-१ अयमुदयति कोकीशोकशल्यैर्मयूखैः शतमखपुरनारीनेत्रगण्डूषपेयः ।
२७०६-२ उदयगिरिमृगेन्द्रोद्गारभिन्नाङ्करङ्कु- श्रवणरुधिरधारापाटलः पार्वणेन्दुः ॥

२७०७-१ अयमुदयति चन्द्रश्चन्द्रिकाधौतविश्वः परिणतविमलिम्नि व्य्ॐनि कर्पूरगौरः ।
२७०७-२ ऋजुरजतशलाकास्पर्धिभिर्यस्य पादैर्जगदमलमृणालीपञ्जरस्थं विभाति ॥

२७०८-१ अयमुदयति चन्द्रो वारिधेरम्बुगर्भादमृतकणकरालैरंशुभिर्दीप्यमानः ।
२७०८-२ भुजगशयनवक्षोहर्म्यदेशे ललन्त्या वदनमिव यदृच्छोत्तानितं विश्वमातुः ॥

२७०९-१ अयमुदयति मुद्राभञ्जनः पद्मिनीनां उदयगिरिवनालीबालमन्दारपुष्पं ।
२७०९-२ विरहविधुरकोकद्वन्द्वबन्धुर्विभिन्दन्कुपितकपिकपोलक्रोडताम्रस्तमांसि ॥

२७१०-१ अयमुदयमहीध्रधातुरागैररुणकरारुणिताम्बराभिरामः ।
२७१०-२ वितरसि न दृशौ कृशाङ्गि तारां इव दिवि वन्दितुमिन्दुरभ्युपैति ॥

२७११-१ अयमुदयमहीभृन्मूर्ध्नि पाणिं गृहीत्वा दिवसपतिरहौषीदिन्दुपादान्हवींषि ।
२७११-२ अरुणकिरणवह्नौ कन्यका पौरुहूती हरिदपि किमकार्षीत्तारकालाजह्ॐअं ॥

२७१२-१ अयमुदितो हिमरश्मिर्वनितावदनस्य कीदृशः सदृशः ।
२७१२-२ नीलादिकोपलम्भः स्फुरति प्रत्यक्षतः कस्य ॥

२७१३-१ अयमुपगतकृष्णः कृष्णसाराक्षिपातैर्यमकृ(विकसि

?)

तनवनीलाम्भोजवक्त्रश्चकास्ति ।
२७१३-२ जलयुवतिकुचानुप्रासितोत्तुङ्गकुम्भ- स्थलमदकलगर्जन्नीरनागस्तटाकः ॥

२७१४-१ अयमुषसि विनिद्रद्राविडीतुङ्गपीन- स्तनपरिसरसान्द्रस्वेदबिन्दूपमर्दी ।
२७१४-२ स्रुतमलयजवृक्षक्षीरसौरभ्यसभ्यो वहति सखि भुजङ्गीभुक्तशेषः समीरः ॥

२७१५-१ अयमेकपदे तया वियोगः प्रियया चोपनतः सुदुःसहो मे ।
२७१५-२ नव वारिधरोदयादहोभिर्भवितव्यं च निरातपत्वरम्यैः ॥

२७१६-१ अयमेकोऽहमेकेति ज्ञानं तत्संगमे न मे ।
२७१६-२ राग एवाधिकस्तत्र हरिद्राचूर्णयोरिव ॥

२७१७-१ अयमेव परो धर्मो ह्ययमेव परं तपः ।
२७१७-२ पतिशुश्रूषणं यत्र तत्स्त्रीणां स्वर्गहेतुकं ॥

२७१८-१ अयशः प्राप्यते येन येन चाधोगतिर्भवेत् ।
२७१८-२ स्वार्थाच्च भ्रश्यते येन तत्कर्म न समाचरेत् ॥

२७१९-१ अयशस्यं अनायुष्यं परदाराभिमर्शनं ।
२७१९-२ अर्थक्षयकरं घोरं पापस्य च पुनर्भवं ॥

२७२०-१ अयशोभिदुरालोके कोपधामरणादृते ।
२७२०-२ अयशोभिदुरा लोके कोपधा मरणादृते ॥

२७२१-१ अयश्चणकचर्वणं फणिफणामणेः कर्षणं करेण गिरितोलनं जलनिधेः पदा लङ्घनं ।
२७२१-२ प्रसुप्तहरिबोधनं निशितखङ्गसंस्पर्शनं कदाचिदखिलं भवेन्न च शठाद्धनस्यार्जनं ॥

२७२२-१ अयस्तु काकतुण्डेन चर्म आरामुखेन हि ।
२७२२-२ मृत्पिण्डं च घटं चैव विध्येत्सूचीमुखेन हि ॥

२७२३-१ अयाचतः सीदतश्च सर्वोपायैर्निमन्त्रय ।
२७२३-२ आनृशंस्यं परो धर्मोऽयाचते यत्प्रदीयते ॥

२७२४-१ अयाचितः सुखं दत्ते याचितश्च न यच्छति ।
२७२४-२ सर्वस्वं चापि हरते विधिरुच्चृङ्खलो नृणां ॥

२७२५-१ अयाचितारं नहि देवदेवं अद्रिः सुतां ग्राहयितुं शशाक ।
२७२५-२ अभ्यर्थनाभङ्गभयेन साधुर्माध्यस्थमिष्टेऽप्यवलम्बतेऽर्थे ॥

२७२६-१ अयाचितो मया लब्धो मत्प्रेषितः पुनर्गतः ।
२७२६-२ यत्रागतस्तत्र गतस्तत्र का परिवेदना ॥

२७२७-१ अयाच्यं चैव याचन्तेऽभोज्यान्व्याहारयन्ति च ।
२७२७-२ उत्कोचैर्वञ्चनाभिश्च कार्याणि घ्नन्ति चास्यति ॥

२७२८-१ अयाज्ययाजनैश्चैव नास्तिक्येन च कर्मणां ।
२७२८-२ कुलान्याशु विनश्यन्ति यानि हीनानि मन्त्रतः ॥

२७२९-१ अयि कठोर यशः किल ते प्रियं किमयशो ननु घोरमतःपरं ।
२७२९-२ किमभवद्विपिने हरिणीदृशः कथय नाथ कथं बत मन्यसे ॥

२७३०-१ अयि कान्त पश्य मेघं नहि नहि पापं तवातिपुण्यायाः ।
२७३०-२ नहि नहि पश्य पयोधरं अपसारय कञ्चुकीमुरसः ॥

२७३१-१ अयि किं गुणवति मालति जीवति भवतीं विना मधुपाः ।
२७३१-२ अथ यदि जीवति जीवतु जीवनमपि जीवनाभासः ॥

२७३२-१ अयि कुरङ्गि तपोवनविभ्रमादुपगतासि किरातपुरीमिमां ।
२७३२-२ इह न पश्यसि दारय मारय ग्रस पिबेति शुकानपि जल्पतः ॥

२७३३-१ अयि कुरङ्गि तुरङ्गमविक्रमे त्यज वनं जवनं गमनं कुरु ।
२७३३-२ इह वने विचरन्ति हि नायकाः सुरभिलोहितलोहितसायकाः ॥

२७३४-१ अयि कुलनिचूलमूलोच्- छेदनदुःशीलवीचिवाचाले ।
२७३४-२ बकविघसपङ्कसारा न चिरात्कावेरि भवितासि ॥

२७३५-१ अयि क्षुद्रो माभून्मतिमहिमगर्वो मनसि वः करी यातो बन्धं यदिह विनयस्तत्र विजयी ।
२७३५-२ अयं क्रोधाध्मातस्त्यजति विनयं चेन्मदवशात्ततः स्कन्धावारं न किमखिलमेवाकुलयति ॥

२७३६-१ अयि खलु बधिराधिराज कीरं तुदसि शलाकनिपातनेन मोहात् ।
२७३६-२ अनिशमपि सुधानिधानवाणीं रचयतु मौनमुखोऽस्तु वा समस्ते ॥

२७३७-१ अयि खलु विषमः पुराकृतानां भवति हि जन्तुषु कर्मणां विपाकः ।
२७३७-२ हरशिरसि शिरांसि यानि रेजुः शिव शिव तानि लुठन्ति गृध्रपादाः ॥

२७३८-१ अयि चकितमुग्धचातक मरुभुवि धावसि मुधा किमुद्ग्रीवं ।
२७३८-२ ग्रीष्मे दवाग्निवलितस्तापिच्छोऽयं न विद्युत्वान् ॥

२७३९-१ अयि चकोरकुटुम्बिनि कातरे तिरय पक्षपुटेन कुटुम्बकं ।
२७३९-२ बहु गतं कियदप्यवशिष्यते व्यपगतं तिमिरैरुदितः शशी ॥

२७४०-१ अयि चातक चञ्चुपुटात्स्खलयति जलदोदबिन्दुमनिलश्चेत् ।
२७४०-२ द्विज एव भाग्यहीनो जीवनदाता कृती जलदः ॥

२७४१-१ अयि चित्त वित्तलेशे सहजप्रेम्णा कियन्नु लुब्धमसि ।
२७४१-२ न तथापि तद्वियोगः केवलमास्ते शिवेनापि ॥

२७४२-१ अयि चेतोविहग त्वं विषयारण्ये भ्रमन्नसि श्रान्तः ।
२७४२-२ विश्रामकामना चेच्छिवकल्परुहे चिरं तिष्ठ ॥

२७४३-१ अयि जलद यदि न दास्यसि कतिचित्त्वं चातकाय जलकणिकाः ।
२७४३-२ तदयमचिरेण भविता सलिलाञ्जलिदानयोग्यस्ते ॥

२७४४-१ अयि त्यक्तासि कस्तूरि पामरैः पङ्कशङ्कया ।
२७४४-२ अलं खेदेन भूपालाः किं न सन्ति महीतले ॥

२७४५-१ अयि दयिते तव वदनं पायं पायं मनोभवो गर्जन् ।
२७४५-२ स्मितमवलम्ब्य तमिस्रास्वपि हतकान्हन्त नो हन्ति ॥

२७४६-१ अयि दलदरविन्द स्यन्दमानं मरन्दं तव किमपि लिहन्तो मञ्जु गुञ्जन्तु भृङ्गाः ।
२७४६-२ दिशि दिशि निरपेक्षस्तावकीनं विवृण्वन्परिमलमयमन्यो बान्धवो गन्धवाहः ॥

२७४७-१ अयि दीनदयार्द्रनाथ हे मथुरानाथ कदावलोक्यसे ।
२७४७-२ हृदयं त्वदलोककातरं दयित भ्राम्यति किं कर्ॐयहं ॥

२७४८-१ अयि दुर्जनगर्जितेन किं सरले नम्रमुखी विषीदसि त्वं ।
२७४८-२ परिपन्थिनि देवकीसुते परिवादोऽपि तपोभिरुन्नतैः ॥

२७४९-१ अयि दुष्कृतकेन केन वत्से हलिकद्वारि लवङ्गि पुष्पितासि ।
२७४९-२ स्तबकास्तव पांसुभिः परीताः परितः प्राङ्गणसीम्नि यल्लुठन्ति ॥

२७५०-१ अयि दूति सखी त्वमेव मे मदनो हन्ति शितैः शिलीमुखैः ।
२७५०-२ दयितं तमुपानयाशु तत्सुशको जीवितनिर्गमोऽन्यथा ॥

२७५१-१ अयि नन्दतनूज किंकरं पतितं मां विषमे भवाम्बुधौ ।
२७५१-२ कृपया तव पादपङ्कज- स्थितधूलीसदृशं विभावय ॥

२७५२-१ अयि पतङ्गि लवङ्गलतावने पिब मधूनि विधूय मधुव्रतान् ।
२७५२-२ इह वने च वनेचरसंकुले न च सतामसातां च निरूपणं ॥

२७५३-१ अयि परारि परुन्मलयानिला ववुरमी जगुरेव च कोकिलाः ।
२७५३-२ कलमलोत्कलितं तु न मे मनः सखि बभूव वृथैव यथैषमः ॥

२७५४-१ अयि पिबत चकोराः कृत्स्नमुन्नामिकण्ठ- क्रमसरलितचञ्चच्चञ्चवश्चन्द्रिकाम्भः ।
२७५४-२ विरहविधुरितानां जीवितत्राणहेतोर्भवति हरिणलक्ष्मा ये न तेजोदरिद्रः ॥

२७५५-१ अयि बत गुरु गर्वं मा स्म कस्तूरि यासीरखिलपरिमलानां मौलिना सौरभेण ।
२७५५-२ गिरिगहनगुहायां लीनमत्यन्तदीनं स्वजनकममुनैव प्राणहीनं करोषि ॥

२७५६-१ अयि मकरन्दस्यन्दिनि पद्मिनि मन्ये तवैव सुभगत्वं ।
२७५६-२ पुष्पवतीमपि भवतीं त्यजति न वृद्धः शुचिर्हंसः ॥

२७५७-१ अयि मदन न दग्धस्त्वं किमीशेन कोपात्किमुत रतिवियोगे नान्वभूर्मूर्ख दुःखं ।
२७५७-२ अविदितपरपीडो येन मामुत्पलाक्षी- रहितमहितपात्रैः पत्रिवर्षैर्दुनोषि ॥

२७५८-१ अयि मन्मथचूतमञ्जरि श्रवणायतलोचने प्रिये ।
२७५८-२ अपहृत्य मनः क्व यासि मे किमराजकमत्र वर्तते ॥

२७५९-१ अयि ममैष चकोरशिशुर्मुनेर्व्रजति सिन्धुपिबस्य न शिष्यतां ।
२७५९-२ अशितुमब्धिमधीतवतोऽस्य च शशिकराः पिबतः कति शीकराः ॥

२७६०-१ अयि मलयज महिमायं कस्य गिरामस्तु विषयस्ते ।
२७६०-२ उद्गिरतो यद्गरलं फणिनः पुष्णासि परिमलोद्गारैः ॥

२७६१-१ अयि मालति सौरभसारविनिर्- जितसंविकसत्कमलानिलये ।
२७६१-२ मधुपानविधौ मधुपस्य पुनर्भुवने भवतीमहमाकलये ॥

२७६२-१ अयि मृगाक्षि तवाधरपल्लवे दयितदन्तपदं न भवत्यदः ।
२७६२-२ भुवनमोहनमन्त्रपदाङ्कितं किमुत यन्त्रमिदं स्मरयोगिनः ॥

२७६३-१ अयि रोषमुरीकरोषि नो चेत्किमपि त्वां प्रति वारिधे वदामः ।
२७६३-२ जलदेन तवार्थिना विमुक्तान्यपि तोयानि महान्न हा जहासि ॥

२७६४-१ अयि लङ्घितमर्याद स्मर स्मर हरानलं ।
२७६४-२ दग्धं दग्धुमयुक्तं ते जनं विरहकातरं ॥

२७६५-१ अयि वरोरु हतस्मरदीपिके यदि गतासि मदीक्षणगोचरात् ।
२७६५-२ असमसायकसायककीलिता वद गमिष्यसि मे हृदयात्कथं ॥

२७६६-१ अयि विजहीहि दृढोपगूहनं त्यज नवसंगमभीरु वल्लभं ।
२७६६-२ अरुणकरोद्गम एष वर्तते वरतनु संप्रवदन्ति कुक्कुटाः ॥

२७६७-१ अयि विधुं परिपृच्छ गुरोः कुतः स्फुटमशिक्ष्यत दाहवदान्यता ।
२७६७-२ ग्लपितशंभुगलाद्गरलात्त्वया किमुदधौ जड वा वडवानलात् ॥

२७६८-१ अयि शाकुनिक कृतोऽञ्जलिरितरे न कतीह जीवनोपायाः ।
२७६८-२ हत्वा शुकान्किमेतद्विपिनमसारस्वतं कुरुषे ॥

२७६९-१ अयि संप्रति देहि दर्शनं स्मर पर्युत्सुक एष माधवः ।
२७६९-२ दयितास्वनवस्थितं नृणां न खलु प्रेम चलं सुहृज्जने ॥

२७७०-१ अयि संप्रसीद पार्वति शिवोऽपि तव पादयोर्निपतितोऽहं ।
२७७०-२ शिव इति कथं हि जल्पसि सरुधिरगजचर्मसंवीतः ॥

२७७१-१ आयि सखि कुरु क्षिप्रं रम्भादलैः शिशिरानिलं सहचरि तनौ सत्कर्पूरं द्रुतं परिलेपय ।
२७७१-२ सरसबिसिनीपत्रैस्तल्पं प्रिये परिकल्पय स्फुटमिति विभो तस्या गेहे भवन्ति किलोक्तयः ॥

२७७२-१ अयि सखि निशा किं वा घस्रः शशी किमु भास्करः स्फुरति पुरतः कामः किं वा ममास्ति स वल्लभः ।
२७७२-२ प्रतिपलमिति प्राणाधीश प्रिया विरहातुरा कथयति मुहुर्मन्दं मन्दं सखीं सविधस्थितां ॥

२७७३-१ अयि सखि परिदोषो जायते चुम्बने किं किमु कुचपरिरम्भे किं रते ब्रूहि तथ्यं ।
२७७३-२ इतिनिगदति नाथे दीपमालोकयन्ती हरि हरि हरिणाक्षी ह्रीसमुद्रे निमग्ना ॥

२७७४-१ अयि सखि मम प्राणाधीशो गतो विषयान्तरं कुसुमविशिखस्तस्मादुच्चैर्दुनोति तनुं शरैः ।
२७७४-२ लघु कुरु तथा यत्नं येन स्मराधिनिवारणे पटुतरमतेस्तस्याशु स्यादिहागमनं ततः ॥

२७७५-१ अयि सखि शस्तः सखिवत्पतिरिति किं त्वं न जानासि ।
२७७५-२ शस्तोऽतिसखिवदुपपतिरित्यालि कथं त्वयापि नाबोधि ॥

२७७६-१ अयि सरसिज सायं संनिधानं त्वदीयं भ्रमर उपगतोऽयं चूतमालां विहाय ।
२७७६-२ अनुपममधुलोभाद्दूरतः सांप्रतं तदिदमनुचितमेतन्मुद्रणं यन्मुखस्य ॥

२७७७-१ अयि सरले तावदिमा उपदेशगिरो विशन्ति कर्णान्तः ।
२७७७-२ यावन्नान्तर्भूतं तच्चेतसि मामकं चेतः ॥

२७७८-१ अयि सुतनुशरीरे तल्पमारुह्य तूर्णं विरचय मम कण्ठे बन्धनं बाहुवल्ल्या ।
२७७८-२ इतिनिगदति नाथे दीपमालोकयन्ती हरि हरि हरिणाक्षी ह्रीसमुद्रे निमग्ना ॥

२७७९-१ अयि सुन्दरि तव वदनं नित्यं पूर्णं सुधानिधिर्मत्वा ।
२७७९-२ हन्त पतत्युपरिष्टान्मध्येऽम्बुधि नित्यमेवासौ ॥

२७८०-१ अयि सुन्दरि संप्रति पश्य पुरश्चरमाचलमस्तकमेति रविः ।
२७८०-२ समुपैति तमःपटलीजटिला रजनी कुरु कामकलाः सकलाः ॥

२७८१-१ अयि स्वयूथ्यैरशनिक्षतोपमं ममाद्य वृत्तान्तमिमं बतोदिता ।
२७८१-२ मुखानि लोलाक्षि दिशामसंशयं दशापि शून्यानि विलोकयिष्यसि ॥

२७८२-१ अयि हस्तगतैः प्राणैरमीभिः कन्दुकैरिव ।
२७८२-२ अपर्यन्तरसं मुग्धे कियत्क्रीडितुमिच्छसि ॥

२७८३-१ अयि हारलते संहर हरहुंकृतिदग्धदेहसंक्षोभं ।
२७८३-२ सद्भावजानुरक्तिर्नहि रम्या पण्यनारीणां ॥

२७८४-१ अयि हृदय दयां मयि कुरु कुरङ्गनयनां विना बधान धृतिं ।
२७८४-२ टसदिति झटिति स्फुट वा स्फुटमिदमुक्तं गतिर्नान्या ॥

२७८५-१ अयुक्तं बहु भाषन्ते यत्र कुत्रापि शेरते ।
२७८५-२ नग्ना विक्षिप्य गात्राणि सज्जरा इव मद्यपाः ॥

२७८६-१ अयुक्तं युक्तं वा यदभिहितमज्ञेन विभुना स्तुयादेतन्नित्यं जडमपि गुरुं तस्य विनुयात् ।
२७८६-२ विवत्सुर्नैःस्पृह्यं कथमपि सभायामभिनयेत्स्वकार्यं संतुष्टे क्षितिभृति रहस्येव कथयेत् ॥

२७८७-१ अयुक्तं स्वामिनो युक्तं युक्तं नीचस्य दूषणं ।
२७८७-२ अमृतं राहवे मृत्युर्विषं शंकरभूषणं ॥

२७८८-१ अयुक्तः प्राकृतः स्तब्धः शठो नैकृतिकोऽलसः ।
२७८८-२ विषादी दीर्घसूत्री च कर्ता तामस उच्यते ॥

२७८९-१ अयुक्तचारं दुर्दर्शं अस्वाधीनं नराधिपं ।
२७८९-२ वर्जयन्ति नरा दूरान्नदीपङ्कमिव द्विपाः ॥

२७९०-१ अयुक्तरूपं किमतःपरं भवेत्त्रिनेत्रवक्षः सुलभं तवापि यत् ।
२७९०-२ स्तनद्वयेऽस्मिन्हरिचन्दनास्पदे पदं चिताभस्मरजः करिष्यति ॥

२७९१-१ अयुतं नियुतं वापि प्रदिशन्तु प्राकृताय भोगाय ।
२७९१-२ क्रीणन्ति न बिल्वदलैः कैवल्यं पच्चषैर्मूढाः ॥

२७९२-१ अयुध्यमानस्योत्पाद्य ब्राह्मणस्यासृगङ्गतः ।
२७९२-२ दुःखं सुमहदाप्नोति प्रेत्याप्राज्ञतया नरः ॥

२७९३-१ अये कीरश्रेणीपरिवृढ वृथा वासरशतं तरोरस्य स्कन्धे गमयति फलाशारभसतः ।
२७९३-२ यदा पुष्पारम्भे मुखमलिनिमा किंशुकतरोस्तदैवाभिज्ञातं फलिपरिचयो दुर्लभ इतः ॥

२७९४-१ अये केयं धन्या धवलगृहवातायनगता तुलाकोटिक्वाणैर्विषमविशिखं जागरयति ।
२७९४-२ पुरा या प्राणेशे गतवति कृता पुष्पधनुषा शरासारै रात्रिंदिवमकृपमुज्जागरकृशा ॥

२७९५-१ अये केयं लीलाधवलगृहवातायनतले तुलाकोटिक्वाणैः कुसुमधनुषं जागरयति ।
२७९५-२ अहो नेत्रद्वन्द्वं विलसति विलङ्घ्य श्रुतिपथं कथं न त्रैलोक्यं जयति मदनः स्मेरवदनः ॥

२७९६-१ अये केलीगृहस्तम्भ किं कृतं सुकृतं त्वया ।
२७९६-२ पर्यङ्के वल्लभं त्यक्त्वा त्वामालिङ्गति मानिनी ॥

२७९७-१ अये को जानीते निजपुरुषसङ्गो हि न तथा यथा चेतः स्त्रीणां परपुरुषसङ्गो रमयते ।
२७९७-२ अपि स्वैरं भुक्ता दिवसमखिलं वासरकृता करस्पर्शादिन्दोर्मुकुलयति नेत्राणि नलिनी ॥

२७९८-१ अये कोऽयं वृद्धो गृहपरिवृढः किं तव पिता न मे भर्ता किंतु व्यपगतदृगन्यच्च बधिरः ।
२७९८-२ हुहुं श्रान्तोऽद्याहं शिशयिषुरिहैवापवरके क्व यामिन्यां यामि स्वपिमि ननु निर्दंशमशके ॥

२७९९-१ अये जलधिनन्दिनीनयननीरजालम्बन- ज्वलज्ज्वलनजित्वरज्वरभरत्वराभङ्गुरं ।
२७९९-२ प्रभातजलजोन्नमद्गरिमगर्वसर्वंकषैर्जगत्त्रितयरोचनैः शिशिरयाशु मां लोचनैः ॥

२८००-१ अये ताल व्रीडां व्रज गुरुतया भाति न भवान्फले न च्छाया नो कठिनपरिवारो हि भवतः ।
२८००-२ इयं धन्या धन्या सरलकदली सुन्दरदला परात्मानं मन्ये सुखयति फलेनामृतवता ॥

२८०१-१ अये दिष्ट्या नष्टो मम गृहपिशाचीपरिचयः परावृत्तं मोहात्स्फुरति च मनाग्ब्रह्मणि मनः ।
२८०१-२ विकारोऽप्यक्षाणां गलित इव निर्भाति विषयात्तथापि क्षेत्रज्ञः स्पृहयति वनाय प्रति मुहुः ॥

२८०२-१ अये दूरभ्रान्तं विषयविषमारण्यविपथे परिभ्रान्तं चेतो मम विधुरितं स्वैरमधुना ।
२८०२-२ निरावर्ते नित्ये स्थिरनिरवधानभ्रममये विवेकप्रभ्रश्यद्विकृतिपरमानन्दजलधौ ॥

२८०३-१ अये नीलग्रीव क्व कथय सखे तेऽद्य मुनयः परं तोषं येषां तव वरविलासो वितनुते ।
२८०३-२ अमी दूरात्क्रूराः क्वणितमिदमाकर्ण्य सहसा त्वरन्ते हन्तुं त्वामहह शबराः पुङ्खितशराः ॥

२८०४-१ अये नृपतिमण्डलीमुकुटरत्न युष्मद्भुजा- महोष्मततिसंजुषा बत भवत्प्रतापार्चिषा ।
२८०४-२ द्विषामतिभृशं यशः प्रकटपारदो ध्मापनादुदुस्फुटत तारकाः कपटतो विहायस्तटे ॥

२८०५-१ अये पाथोवाह स्थगय ककुभोऽन्यास्तत इतस्त्यजैतां सीमानं वसति मुनिरस्यां कलशभूः ।
२८०५-२ उदञ्चत्कोपेऽस्मिन्स जलधिरपि स्थास्यति न ते यतः पायं पायं सलिलमिह शौर्यं प्रथयसि ॥

२८०६-१ अये मधुप मा कृथा बत वृथा मनोदीनतां तुषारसमये लताशतनिषेवणव्याकुलः ।
२८०६-२ इयं पुरत एव ते सरसपुष्पमासोदये रसालनवमञ्जरी मधुझरी जरीजृम्भते ॥

२८०७-१ अये ममोदासितमेव जिह्वया द्वयेऽपि तस्मिन्ननतिप्रयोजने ।
२८०७-२ गरौ गिरः पल्लवनार्थलाघवे मितं च सारं च वचो हि वाग्मिता ॥

२८०८-१ अये मातर्दृष्ट्वा मुखममृतभानुभ्रमवशात्कचच्छद्मा राहुर्वसति किमु तृष्णातरलितः ।
२८०८-२ किमेवं कन्दर्पान्तकतरुणि सिन्दूरसरणिच्- छलाद्भोक्तुं भूयो बहिरिव रसज्ञां कलयति ॥

२८०९-१ अये मातस्तातः क्व गत इति यद्वैरिशिशुना दरीगेहे लीना निभृतमिह पृष्टा स्वजननी ।
२८०९-२ करेणास्यं तस्य द्रुतमथ निरुद्ध्याश्रुभृतया विनिःश्वस्य स्फारं शिव शिव दृशैवोत्तरयति ॥

२८१०-१ अये मुक्तारत्न प्रसर बहिरुद्द्योतय गृहानपि क्षोणीन्द्राणां कुरु फलवतः स्वानपि गुणान् ।
२८१०-२ किमत्रैवात्मानं जरयसि मुधा शुक्तिकुहरे महागम्भीरोऽयं जलधिरिह कस्त्वां गणयति ॥

२८११-१ अये यदि समीहसे परपुरावरोधं प्रभो तदाकलय मद्वचः किमपि दर्पनारायण ।
२८११-२ प्रतीपनृपनागरीनयननीरकल्लोलिनी- समुत्तरणचातुरीं तुरगराजिमध्यापय ॥

२८१२-१ अये लाजा उच्चैः पथि वचनमाकर्ण्य गृहिणी शिशोः कर्णौ यत्नात्सुपिहितवती दीनवदना ।
२८१२-२ मयि क्षीणोपाये यदकृत दृशावश्रुबहुले तदन्तःशल्यं मे त्वमसि पुनरुद्धर्तुमुचितः ॥

२८१३-१ अये वापीहंसा निजवसतिसंकोचपिशुनं कुरुध्वं मा चेतो वियति चलतो वीक्ष्य विहगान् ।
२८१३-२ अमी ते सारङ्गा भुवनमहनीयव्रतभृतां निरीहाणांयेषां तृणमिव भवन्त्यम्बुनिधयः ॥

२८१४-१ अये वारां राशे कतिपयपयोबिन्दुविभवैरमीभिर्मा गर्वं वह निरवलेपा हि कृतिनः ।
२८१४-२ न किं लोपामुद्रासहचरकरक्रोडकुहरे भवान्दृष्टः कष्टं प्रचलजलजन्तुव्यतिकरः ॥

२८१५-१ अये वारां राशे कुलिशकरकोपप्रतिभयादयं पक्षप्रेम्णा गिरिपतिसुतस्त्वामुपगतः ।
२८१५-२ त्वदन्तर्वास्तव्यो यदि पुनरयं वाडवशिखी प्रदीप्तः प्रत्यङ्गं ग्लपयति ततः कोऽस्य शरणं ॥

२८१६-१ अये सुधाकैरविणि व्यधायि मुधा सुधाधामनि बन्धुभावः ।
२८१६-२ जनापवादः परितः प्रयातः समागमो हन्त न जातु जातः ॥

२८१७-१ अयेऽस्तमयते शशी नहि कृशीभवत्याग्रहो विनश्यति तमो हठं किमणुमप्यपास्ते मनः ।
२८१७-२ सखि प्रकटितोऽरुणो न करुणोदयस्ते मनाक्प्रयाति खलु यामिनी न विमनीकृथा नायकं ॥

२८१८-१ अये स्वर्गः स्वर्गः कतिदिवसमार्गः प्रवसतां पुरस्तुङ्गौ स्यातां यदि न कुचकुम्भौ मृगदृशः ।
२८१८-२ अयाचं पाथेयं सुलभ[मुभयं] मूलफलयोः पयः स्थाने स्थाने पथि पथि च विश्रामतरवः ॥

२८१९-१ अये हेलावेलातुलितकुलशैले जलनिधौ कुतो वारामोघं बत जलद मोघं वितरसि ।
२८१९-२ समन्तादुत्तालज्वलदनलकीलाकवलन- क्लमोपेतानेतानुपचर पयोभिर्विटपिनः ॥

२८२०-१ अयोगजामन्वभवं न वेदनां हिताय मेऽभूदियमुन्मदिष्णुता ।
२८२०-२ उदेति दोषादपि दोषलाघवं कृशत्वमज्ञानवशादिवैनसः ॥

२८२१-१ अयोग्यवस्तुभरणात्भजेद्योग्योऽपि दुष्टतां ।
२८२१-२ रक्षणायेन्द्रदत्तासिं वहन्व्याधोऽभवन्मुनिः ॥

२८२२-१ अयोध्यामटवीभूतां पित्रा भ्रात्रा च वर्जितां ।
२८२२-२ पिपासार्तोऽनुधावामि क्षीणतोयां नदीमिव ॥

२८२३-१ अय्ययि साहसकारिणि किं तव चङ्क्रमणेन ।
२८२३-२ टसदिति भङ्गमवाप्स्यसि कुचयुगभारभरेण ॥

२८२३आ-१ अरक्ते न सुखं वेत्ति नारक्तो दुःखमश्नुते ।
२८२३आ-२ दुःखानां च सुखानां च रक्त एवास्पदं सदा ॥

२८२४-१ अरक्षितं तिष्ठति दैवरक्षितं सुरक्षितं दैवहतं विनश्यति ।
२८२४-२ जीवत्यनाथोऽपि वने विसर्जितः कृतप्रयत्नोऽपि गृहे न जीवति ॥

२८२५-१ अरक्षितं भवेत्सत्यं दैवं तमेव रक्षति ।
२८२५-२ दैवेन नाशितं यत्तु तस्य रक्षा न दृश्यते ॥

२८२६-१ अरक्षिता गृहे रुद्धाः पुरुषैराप्तकारिभिः ।
२८२६-२ आत्मानमात्मना यास्तु रक्षेयुस्ताः सुरक्षिताः ॥

२८२७-१ अरक्षितारं राजानं बलिषड्भागहारिणं ।
२८२७-२ तमाहुः सर्वलोकस्य समग्रमलहारकं ॥

२८२८-१ अरक्ष्यमानाः कुर्वन्ति यत्किंचित्किल्विषं प्रजाः ।
२८२८-२ तस्मात्तु नृपतेरर्धं यस्माद्गृह्णात्यसौ करान् ॥

२८२९-१ अरण्यं रक्षितं सिंहात्तस्मात्सिंहः सुरक्षितः ।
२८२९-२ इत्यन्योन्यस्योपकारे मित्रत्वं तन्निबन्धनं ॥

२८३०-१ अरण्यं सारङ्गैर्गिरिकुहरगर्भाश्च हरिभिर्दिशो दिङ्मातङ्गैः सलिलमुषितं पङ्कजवनैः ।
२८३०-२ प्रियाचक्षुर्मध्यस्तनवदनसौन्दर्यविजितैः सतां माने म्लाने मरणमथवा दूरगमनं ॥

२८३१-१ अरण्यबीजाञ्जलिदानलालितास्तथा च तस्यां हरिणा विशश्वसुः ।
२८३१-२ यथा तदीयैर्नयनैः कुतूहलात्पुरः सखीनाममिमीत लोचने ॥

२८३२-१ अरण्यरुदितं कृतं शवशरीरमुद्वर्तितं स्थलेऽब्जमवरोपितं सुचिरमूषरे वर्षितं ।
२८३२-२ श्वपुच्छमवनामितं बधिरकर्णजापः कृतः कृतान्धमुखमण्डना यदबुधो जनः सेवितः ॥

२८३३-१ अरण्यहरिणग्रामं आचक्राम हुताशनः ।
२८३३-२ इन्दोः क्रोडमृगं धर्तुं इव धूमो नभो ययौ ॥

२८३४-१ अरण्यानी क्वेयं धृतकनकसूत्रः क्व च मृगः क्व मुक्ताहारोऽयं क्व च स पतगः क्वेयमबला ।
२८३४-२ क्व तत्कन्यारत्नं ललितमहिभर्तुः क्व च वयं स्वमाकूतं धाता किमपि निभृतं पल्लवयति ॥

२८३५-१ अरण्ये पुष्पिता वृक्षा दूरस्थाने च बान्धवाः ।
२८३५-२ समृद्धेनापि किं तेन यः काले नोपतिष्ठति ॥

२८३६-१ अरतिरियमुपैति मां न निद्रा गणयति तस्य गुणान्मनो न दोषान् ।
२८३६-२ विगलति रजनी न संगमाशा व्रजति तनुस्तनुतां न चानुरागः ॥

२८३७-१ अरत्नालोकसंहार्यं अवार्यं सूर्यरश्मिभिः ।
२८३७-२ दृष्टिरोधकरं यूनां यौवनप्रभवं तमः ॥

२८३८-१ अरयोऽपि हि मित्रत्वं यान्ति दण्डवतो ध्रुवं ।
२८३८-२ दण्डप्रायो हि नृपतिर्भुनक्त्याक्रम्य मेदिनीं ॥

२८३९-१ अरयोऽपि हि संधेयाः सति कार्यार्थगौरवे ।
२८३९-२ अहिमूषकवद्देवा ह्यर्थस्य पदवीं गतैः ॥

२८४०-१ अरलूवृक्षपत्राणां लेपो ग्ॐउखरोगहृत् ।
२८४०-२ गोनाससंभवः क्षारो हन्ति पुष्पं चिरोद्भवं ॥

२८४१-१ अरविन्दमिदं वीक्ष्य खेलत्खञ्जनमञ्जुलं ।
२८४१-२ स्मरामि वदनं तस्याश्चारु चञ्चललोचनं ॥

२८४२-१ अरविन्दवृन्दमकरन्दतुन्दिलो मरुदेति मन्दमिह मन्दराचलात् ।
२८४२-२ सुरतान्ततान्तसुदतीमतल्लिका- कबरीपरीमलझरी परीवृतः ॥

२८४३-१ अरविन्देषु कुन्देषु रमितं कालयोगतः ।
२८४३-२ अये माकन्द जानीहि तवैवायं मधुव्रतः ॥

२८४४-१ अरश्मि बिम्बं सूर्यस्य वह्निं चैवांशुमालिनं ।
२८४४-२ दृष्ट्वैकादशमासात्तु नरो नोर्द्ध्वं तु जीवति ॥

२८४५-१ अरसापि हि वाग्भाति प्रोक्तावसर एव हि ।
२८४५-२ सर्वचित्तप्रमोदाय गालिदानं करग्रहे ॥

२८४६-१ अरसिकजनभाषणतो रसिकजनैः सह वरं कलहः ।
२८४६-२ लम्बकुचालिङ्गनतो लिकुचकुचापादताडनं श्रेयः ॥

२८४७-१ अराजके जीवलोके दुर्बला बलवत्तरैः ।
२८४७-२ बाध्यन्ते न च वित्तेषु प्रभुत्वमिह कस्यचित् ॥

२८४८-१ अराजके तु लोकेऽस्मिंस्तस्माद्राजा विधीयतां ।
२८४८-२ राजा राज्ये चिरं रक्षां कृत्वा स्वर्गमवाप्नुयात् ॥

२८४९-१ अराजकेषु राष्ट्रेषु धर्मो न ह्यवतिष्ठते ।
२८४९-२ परस्परं च बाधन्ते सर्वथा धिगराजकं ॥

२८५०-१ अराजके हि लोकेऽस्मिन्सर्वतो विद्रुते भयात् ।
२८५०-२ रक्षार्थमस्य सर्वस्य राजानमसृजत्प्रभुः ॥

२८५१-१ अरातिभिर्युधि सहयुध्वनो हताञ्जिघूक्षवः श्रुतरणतूर्यनिःस्वनाः ।
२८५१-२ अकुर्वत प्रथमसमागमोचितं चिरोज्झितं सुरगणिकाः प्रसाधनं ॥

२८५२-१ अरातिविक्रमालोकविकस्वरविलोचनः ।
२८५२-२ कृपाणोदग्रदोर्दण्डः स सहस्रायुधीयति ॥

२८५३-१ अरालकेश्या अलके विधात्रा विधीयमाने चलतूलिकाग्रात् ।
२८५३-२ च्युतस्य बिन्दोरसितस्य मार्ग- रेखेव रेजे नवर्ॐअराजी ॥

२८५४-१ अरावप्युचितं कार्यं आतिथ्यं गृहमागते ।
२८५४-२ छेत्तुमप्यागते छायां नोपसंहरते द्रुमः ॥

२८५५-१ अरिं मित्रमुदासीनं मध्यस्थं स्थविरं गुरुं ।
२८५५-२ यो न बुध्यति मन्दात्मा स च सर्वत्र नश्यति ॥

२८५६-१ अरिणा सह संवासाद्विषेण सह भोजनात् ।
२८५६-२ पाप्मना सह सौहार्दान्मरणं प्रतिपद्यते ॥

२८५७-१ अरितोऽभ्यागतो दोषः शत्रुसंवासकारितः ।
२८५७-२ सर्पसंवासधर्मित्वान्नित्योद्वेगेन दूषितः ॥

२८५८-१ जायते प्लक्षबीजाशात्कपोतादिव शाल्मलेः ।
२८५८-२ उद्वेगजननो नित्यं पश्चादपि भयावहः ॥

२८५९-१ अरिपक्षाश्रिते मित्रे मर्मवेदिप्रियंवदे ।
२८५९-२ विश्वासो नैव कर्तव्यः यदि साक्षाद्बृहस्पतिः ॥

२८६०-१ अरिभिर्जितैरशक्तैर्विज्ञाप्यं सेवकैः प्रभोर्नीतिः ।
२८६०-२ विषयैर्जितोऽस्मि शंभो तव यच्छ्लाघ्यं तदारचय ॥

२८६१-१ अरिवधदेहशरीरः सहसा रथिसूततुरगपादातः ।
२८६१-२ भाति सदानत्यागः स्थिरतायामवनितलतिलकः ॥

२८६२-१ अरिश्च मित्रं भवति मित्रं चापि प्रदुष्यति ।
२८६२-२ अनित्यचित्तः पुरुषस्तस्मिन्को नाम विश्वसेत् ॥

२८६३-१ अरिषङ्वर्ग एवायं अस्यास्तात पदानि षट् ।
२८६३-२ तेषामेकमपि च्छिन्दन्खञ्जय भ्रमरीं श्रियं ॥

२८६४-१ अरिष्टानि महाराज शृणु वक्ष्यामि तानि ते ।
२८६४-२ येषामालोकनान्मृत्युः निजं जानाति योगवित् ॥

२८६५-१ अरुंतुदं परुषं रूक्षवाचं वाक्कण्टकैर्वितुदन्तं मनुष्यान् ।
२८६५-२ विद्यादलक्ष्मीकतमं जनानां मुखे निबद्धां निरृतिं वहन्तं ॥

२८६६-१ अरुचिर्निशया विना शशी शशिना सापि विना महत्तमः ।
२८६६-२ उभेयेन विना मनोभव- स्फुरितं नैव चकास्ति कामिनोः ॥

२८६७-१ अरुणकिरणजालैरन्तरिक्षे गतर्क्षे चलति शिशिरवाते मन्दमन्दं प्रभाते ।
२८६७-२ युवतिजनकदम्बे नाथमुक्तौष्ठबिम्बे चरमगिरिनितम्बे चन्द्रबिम्बं ललम्बे ॥

२८६८-१ अरुणकिरणे वह्नौ लाजानुडूनि जुहोति या परिणयति तां संध्यामेतामवैमि मणिर्दिवः ।
२८६८-२ इयमिव स एवाग्निभ्रान्तिं करोति पुरायतः करमपि न कस्तस्यैवोत्कः सकौतुकमीक्षितुं ॥

२८६९-१ अरुणजलजराजीमुग्धहस्ताग्रपादा बहुलमधुपमालाकज्जलेन्दीवराक्षी ।
२८६९-२ अनुपतति विरावैः पत्रिणां व्याहरन्ती रजनिमचिरजाता पूर्वसंध्या सुतेव ॥

२८७०-१ अरुणदलनलिन्या स्निग्धपादारविन्दा कठिनतनुधरण्यां यात्यकस्मात्स्खलन्ती ।
२८७०-२ अवनि तव सुतेयंपादविन्यासदेशे त्यज निज कठिनत्वं जानकी यात्यरण्यं ॥

२८७१-१ अरुणनयनं सभ्रूभङ्गं दरस्फुरिताधरं सुतनु शशिनः क्लिष्टां कान्तिं करोतु तवाननं ।
२८७१-२ कृतमनुनयैः कोपोऽयं ते मनस्विनि वर्धतां इति गदितयाश्लिष्टो देव्या शिवाय शिवोऽस्तु वः ॥

२८७२-१ अरुणमपि विद्रुमद्रुं मृदुलतरं चापि किसलयं बाले ।
२८७२-२ अधरीकरोति नितरां तवाधरो मधुरिमातिशयात् ॥

२८७३-१ अरुणरागनिषेधिभिरंशुकैः श्रवणलब्धपदैश्च यवाङ्कुरैः ।
२८७३-२ परभृताविरुतैश्च विलासिनः स्मरबलैरबलैकरसाः कृताः ॥

२८७४-१ अरुणिताखिलशैलवना मुहुर्विदधती पथिकान्परितापिनः ।
२८७४-२ विकचकिंशुकसंहतिरुच्चकैरुदवहद्दवहव्यवहश्रियं ॥

२८७५-१ अरुणे च तरुणि नयने तव मलिनं च प्रियस्य मुखं ।
२८७५-२ मुखमानतं च सखिते ज्वलितश्चास्यान्तरे स्मरज्वलनः ॥

२८७६-१ अरुणोदयवेलायां दशाहेन फलं लभेत् ।
२८७६-२ गोविसर्जनवेलायां सद्यः फलद इष्यते ॥

२८७७-१ अरुन्धतीकामपुरंध्रिलक्ष्मी- जम्भद्विषद्दारनवाम्बिकानां ।
२८७७-२ चतुर्दशीयं तदिहोचितैव गुल्फद्वयाप्ता यददृश्यसिद्धिः ॥

२८७८-१ अरुष्यन्क्रुश्यमानस्य सुकृतं नाम विन्दति ।
२८७८-२ दुष्कृतं चात्मनो मर्षी रुष्यत्येवापमार्ष्टि वै ॥

२८७९-१ अरूपोऽपि सुरूपोऽपि आढ्योऽपि द्रव्यवर्जितः ।
२८७९-२ दुःशीलः शीलयुक्तो वा स्त्रीणां भर्ताधिदेवता ॥

२८८०-१ अरे चेत्ॐअत्स्य भ्रमणमधुना यौवनजले त्यज त्वं स्वच्छन्दं युवतिजलधौ पश्यसि न किं ।
२८८०-२ तनूजालीजालं स्तनयुगलतुम्बीफलयुतं मनोभूः कैवर्तः क्षिपति रतितन्तु प्रतिमुहुः ॥

२८८१-१ अरे दैव त्वदायत्तं कामं वित्तादि गच्छतु ।
२८८१-२ ममायत्तं पुनर्वृत्तं हर्तुं कस्येह योग्यता ॥

२८८२-१ अरे यमभटाः शठाः कपटविग्रहे तूद्भटा निवेदयत वो यमं न च तवाधिकारो मयि ।
२८८२-२ अहं च शिवसुन्दरीचरणयुग्मपङ्केरुह- स्खलन्मधुसुधारसं समपिबं न जानीथ रे ॥

२८८३-१ अरे रामाहस्ताभरण भसलश्रेणिशरण स्मरक्रीडाव्रीडाशमन विरहिप्राणदमन ।
२८८३-२ सरोहंसोत्तंस प्रचलदल नीलोत्पल सखे सखेदोऽहं मोहं श्लथय कथय क्वेन्दुवदन ॥

२८८४-१ अरे वद हरेर्नाम क्षेमधाम क्षणे क्षणे ।
२८८४-२ बहिः सरति निःश्वासे विश्वासः कः प्रवर्तते ॥

२८८५-१ अरैः संधार्यते नाभिर्नाभौ चाराः प्रतिष्ठिताः ।
२८८५-२ स्वामिसेवकयोरेवं वृत्तिचक्रं प्रवर्तते ॥

२८८६-१ अरोदि मधुपैर्भृशं कमलमालया मीलितं व्यकम्पि जलवीचिभिर्विदलितं मुखं कैरवैः ।
२८८६-२ विलोक्य रजनौ ह्रदे विरहिकोकशोकं घनं परव्यसनकातराः किमिव कुर्वते साधवः ॥

२८८७-१ अर्ककर्पासयोर्मूलं जलपीतं जयेद्विषं ।
२८८७-२ पटोलमूलनस्येन कालदष्टोऽपि जीवति ॥

२८८८-१ अर्कच्छायं तिरयति सुधालिप्तविद्युन्मतल्ली चक्रप्रख्यं महति सुषमामण्डले दूरमग्नं ।
२८८८-२ रक्तादर्शप्रतिफलमिव श्रीसदङ्गं वहन्ती दृष्टा काचित्तरलनयना देवतेव स्मरस्य ॥

२८८९-१ अर्काः किं फलसंचयेन भवतां किं वः प्रसूनैर्नवैः किं वा भूरिलताचयेन महता गोत्रेण किं भूयसा ।
२८८९-२ येषामेकतमो बभूव स पुनर्नैवास्ति कश्चित्कुले छायायामुपविश्य यस्य पथिकास्तृप्तिं फलैः कुर्वते ॥

२८९०-१ अर्काः केचन केचिदक्षतरवः केचिद्दलक्ष्मारुहाः निम्बाः केचन केचिदत्र विपिने क्रूराः करीरद्रुमाः ।
२८९०-२ माकन्दो मकरन्दतुन्दिलमिलद्भृङ्गालिशृङ्गारितः कोऽप्यत्रास्ति न मित्र यत्र तनुते कर्णामृतं कोकिलः ॥

२८९१-१ अर्काभिमुख्यसलिलस्थितिसाधनानि रक्ताम्बुजस्य फलितान्यधुना तपांसि ।
२८९१-२ यद्भीरु तस्य परिभूतिकरं पदं त्वं लाक्षारसान्तरितरागमिदं करोषि ॥

२८९२-१ अर्घायाम्बुधिरिन्दुमण्डलमपि श्रीचन्दनं तण्डुलास्तारा बिल्वदलं नभःसुरधुनी धूपः प्रदीपो रविः ।
२८९२-२ खेटाः पञ्चफलानि किं च ककुभस्ताम्बूलमारात्रिकं मेरुः श्रीजगतीपते तव यशोयोगेश्वरस्यार्चने ॥

२८९३-१ अर्घ्यं दत्त्वाथ देवाय भास्कराय समाहितः ।
२८९३-२ ततोऽलंकृतगात्रः सन्वृत्तमालोक्य मन्त्रवत् ॥

२८९४-१ अर्घ्यमर्घ्यमिति वादिनं नृपं सोऽनवेक्ष्य भरताग्रजो यतः ।
२८९४-२ क्षत्रकोपदहनार्चिषं ततः संदधे दृशमुदग्रतारकां ॥

२८९५-१ अर्चकस्य तपोयोगादर्चनस्यातिशायनात् ।
२८९५-२ आभिरूप्याच्च मूर्तीनां देवः सांनिध्यमृच्छति ॥

२८९६-१ अर्चामः सततं गणाधिपमथाप्याखून्निहन्मः शतं ध्यायामो हृदि भैरवं तदपि तु प्रोत्सारयामः शुनः ।
२८९६-२ भूतेशं प्रणुमस्तथापि शतशो भूतान्निगृह्णीमहे नह्येकस्य गुणः परस्य महतो दोषानपि प्रोर्णुते ॥

२८९७-१ अर्चामीति धिया यदेव कुसुमं क्षिप्त्वा जनो मुच्यते विध्यामीति धिया तदेव विकिरन्भस्मीकृतो मन्मथः ।
२८९७-२ इत्याभ्यन्तरवृत्तिमात्ररसिको बाह्यानपेक्षश्च यः स स्वामी मम दैवतं तदितरो नाम्नापि नाम्नायते ॥

२८९८-१ अर्चिर्मालाकरालाद्दिवमभिलिहतो दाववह्नेरदूरादुड्डीयोड्डीय किंचिच्छलभकवलनानन्दमन्दप्रचाराः ।
२८९८-२ अग्रेऽग्रे संरटन्तः प्रचुरतरमसीपातदुर्लक्षधूम्रा धूम्याटाः पर्यटन्ति प्रतिविटपममी निष्ठुराः स्वस्थलीषु ॥

२८९९-१ अर्चिष्मन्ति विदार्य वक्त्रकुहराण्यासृक्कणो वासुकेस्तर्जन्या विषकर्बुरान्गणयतः संस्पृश्य दन्ताङ्कुरान् ।
२८९९-२ एकं त्रीणि नवाष्ट सप्त षडिति व्यस्तास्तसंख्याक्रमा वाचः शक्तिधरस्य शैशवकलाः कुर्वन्तु वो मङ्गलं ॥

२९००-१ अर्च्ये विष्णौ शिलाधीर्गुरुषु नरमतिर्वैष्णवे जातिबुद्धिर्विष्णोर्वा वैष्णवानां कलिमलमथने पादतीर्थेऽम्बुबुद्धिः ।
२९००-२ श्रीविष्णोर्नाम्नि मन्त्रे सकलकलुषहे शब्दसामान्यबुद्धिर्विष्णौ सर्वेश्वरेशे तदितरसमधीर्यस्य वा नारकी सः ॥

२९०१-१ अर्जयेज्ज्ञानमर्थांश्च पुमानमरवत्सदा ।
२९०१-२ केशेष्विव गृहीतः सन्मृत्युना धर्ममाचरेत् ॥

२९०२-१ अर्जितं स्वेन वीर्येण नान्यमाश्रित्य कंचन ।
२९०२-२ फलशाकमपि श्रेयो भोक्तुं ह्यकृपणं गृहे ॥

२९०३-१ परस्य नु गृहे भोक्तुः परिभूतस्य नित्यशः ।
२९०३-२ सुमृष्टमपि न श्रेयो विकल्पोऽयमतः सतां ॥

२९०४-१ अर्जुनः कृष्णसंयुक्तः कर्णं यत्रानुधावति ।
२९०४-२ तन्नेत्रं तु कुरुक्षेत्रं इति मुग्धे मृशामहे ॥

२९०५-१ अर्जुनः फल्गुनः पार्थः किरीटी श्वेतवाहनः ।
२९०५-२ बीभत्सुर्विजयी कृष्णः सव्यसाची धनंजयः ॥

२९०६-१ अर्जुनस्य इमे बाणा नेमे बाणाः शिखण्डिनः ।
२९०६-२ सीदन्ति मम गात्राणि माघमा सेगवा इव ॥

२९०७-१ अर्जुनस्य प्रतिज्ञे द्वे न दैन्यं न पलायनं ।
२९०७-२ आयू रक्षति मर्माणि आयुरन्नं प्रयच्छति ॥

२९०८-१ अर्जुनान्ते वरारोहे भीमान्ते च वरानने ।
२९०८-२ पाण्डवैः सह योद्धव्यं रक्षणीयो धनंजयः ॥

२९०९-१ अर्जुनीयति यदर्जने जनो वर्जनीयजनतर्जनादिभिः ।
२९०९-२ मङ्क्षु नश्यति चिराय संचिता वञ्चिता जगति के न संपदा ॥

२९१०-१ अर्थं धिगस्तु बहुवैरिकरं नराणां राज्यं धिगस्तु भयदं बहु चिन्तनीयं ।
२९१०-२ स्वर्गं धिगस्तु पुनरागमनप्रवृत्तिं धिग्धिक्शरीरमपि रोगसमाश्रयं च ॥

२९११-१ अर्थं महान्तमासाद्य विद्यामैश्वर्यमेव वा ।
२९११-२ विचरत्यसमुन्नद्धो यः स पण्डित उच्यते ॥

२९१२-१ अर्थं सप्रतिबन्धं प्रभुरधिगन्तुं सहायवानेव ।
२९१२-२ दृश्यं तमसि न पश्यति दीपेन विना सचक्षुरपि ॥

२९१३-१ अर्थः कामो धर्मो मोक्षः सर्वे भवन्ति पुरुषस्य ।
२९१३-२ तावद्यावत्पीडां जाठरवह्निर्न विदधाति ॥

२९१४-१ अर्थः सुखं कीर्तिरपीह मा भूदनर्थ एवास्तु तथापि धीराः ।
२९१४-२ निजप्रतिज्ञामनुरुध्यमाना महोद्यमाः कर्मसमारभन्ते ॥

२९१५-१ अर्थ एव हि केषांचिदनर्थो भविता नृणां ।
२९१५-२ अर्थश्रेयसि चासक्तो न श्रेयो विन्दते नरः ॥

२९१६-१ अर्थग्रहणे न तथा दुनोति कटुकूजितैर्यथा पिशुनः ।
२९१६-२ रुधिरादानादधिकं दुनोति कर्णे क्वणन्मशकः ॥

२९१७-१ अर्थज्ञात्संशयच्छेत्ता ततः श्रेयान्स्वकर्मकृत् ।
२९१७-२ मुक्तसङ्गस्ततो भूयानदोग्धा धर्ममात्मनः ॥

२९१८-१ अर्थत्यागो हि कार्यः स्यादर्थं श्रेयांसमिच्छता ।
२९१८-२ बीजौपम्येन कौन्तेय मा ते भूदत्र संशयः ॥

२९१९-१ अर्थधर्मौ परित्यज्य यः काममनुवर्तते ।
२९१९-२ एवमापद्यते क्षिप्रं राजा दशरथो यथा ॥

२९२०-१ अर्थनाशं मनस्तापं गृहे दुश्चरितानि च ।
२९२०-२ वञ्चनं चापमानं च मतिमान्न प्रकाशयेत् ॥

२९२१-१ अर्थपतौ भूमिपतौ बाले वृद्धे तपोऽधिके विदुषि ।
२९२१-२ योषिति मूर्खे गुरुषु च विदुषा नैवोत्तरं देयं ॥

२९२२-१ अर्थप्रश्नकृतौ लोके सुलभौ तौ गृहे गृहे ।
२९२२-२ दाता चोत्तरदश्चैव दुर्लभौ पुरुषौ भुवि ॥

२९२३-१ अर्थप्राणविनाशसंशयकरीं प्राप्यापदं दुस्तरां प्रत्यासन्नभयो न वेत्ति विभवं स्वं जीवितं काङ्क्षति ।
२९२३-२ उत्तीर्णस्तु ततो धनार्थमपरां भूयो विशत्यापदं प्राणानां च धनस्य चाधमधियामन्योन्यहेतुः पणः ॥

२९२४-१ अर्थप्रियतयात्मानं अप्रियाय ददाति या ।
२९२४-२ कामात्मन्यपि निःस्नेहां कोऽनुरक्तेति मन्यते ॥

२९२५-१ अर्थमनर्थं भावय नित्यं नास्ति ततः सुखलेशः सत्यं ।
२९२५-२ पुत्रादपि धनभाजां भीतिः सर्वत्रैषा विहिता रीतिः ॥

२९२६-१ अर्थयुक्तस्य करणं अनर्थस्य च वर्जनं ।
२९२६-२ न्यायतश्च करादानं स्वयं च प्रतिमोक्षणं ॥

२९२७-१ अर्थयुक्तिमविज्ञाय यः शुभे कुरुते मतिं ।
२९२७-२ मित्रे वा यदि वा शत्रौ तस्यापि चलिता मतिः ॥

२९२८-१ अर्थयेदेव मित्राणि सति वासति वा धने ।
२९२८-२ नानर्थयन्विजानाति मित्राणां सारफल्गुतां ॥

२९२९-१ अर्थरक्षापरो भृत्यः कृत्याकृत्यविवेकवित् ।
२९२९-२ सान्धिविग्रहिकः कार्यो राज्ञा नयविशारदः ॥

२९३०-१ अर्थवन्तः प्रशस्यन्ते निन्द्यन्ते तद्विनाकृताः ।
२९३०-२ आगेमेष्वपि चेदेवं अद्भुतं किं शरीरिषु ॥

२९३१-१ अर्थवानर्थमर्थिभ्यो न ददात्यत्र को गुणः ।
२९३१-२ एकैव गतिरर्थस्य दानमन्या विपत्तयः ॥

२९३२-१ अर्थवानेव लोकेऽस्मिन्पूज्यते मित्रबान्धवैः ।
२९३२-२ अर्थहीनस्तु पुरुषो जीवन्नपि मृतोपमः ॥

२९३३-१ अर्थवान्दुष्कुलीनोऽपि लोके पूज्यतमो नरः ।
२९३३-२ शशिनस्तुल्यवंशोऽपि निर्धनः परिभूयते ॥

२९३४-१ अर्थश्चेत्सर्वथा रक्ष्य इति कैश्चिदुदाहृतं ।
२९३४-२ तत्कथं न हरिश्चन्द्रोऽरक्षत्कुशिकनन्दने ॥

२९३५-१ धर्मस्तु रक्षितः सर्वैरपि देहव्ययेन च ।
२९३५-२ शिबिप्रभृतिभूपालैर्दधीचिप्रमुखैर्द्विजैः ॥

२९३६-१ अर्थसंपद्विमोहाय बहुशोकाय चैव हि ।
२९३६-२ तस्मादर्थमनर्थक्यं श्रेयोऽर्थी दूरतस्त्यजेत् ॥

२९३७-१ अर्थसंपादनार्थं च पीड्यमानस्य शत्रुभिः ।
२९३७-२ साधुषु व्यपदेशार्थं द्विविधः संश्रयः स्मृतः ॥

२९३८-१ अर्थसिद्धिं परामिच्छन्धर्ममेवादितश्चरेत् ।
२९३८-२ नहि धर्मादपैत्यर्थः स्वर्गलोकादिवामृतं ॥

२९३९-१ अर्थस्य निश्चयो दृष्टो विचारेण हितोक्तितः ।
२९३९-२ न स्नानेन न दानेन प्राणायामशतेन वा ॥

२९४०-१ अर्थस्य पुरुषो दासः स च जातु न कस्यचित् ।
२९४०-२ यदर्जनपरा लोके सर्वेऽपि भुवनत्रये ॥

२९४१-१ अर्थस्य पुरुषो दासो दासस्त्वर्थो न कस्यचित् ।
२९४१-२ इति सत्यं महाराज बद्धोऽस्म्यर्थेन कौरवैः ॥

२९४२-१ अर्थस्य मूलं प्रकृतिर्नयश्च धर्मस्य कारुण्यमकैतवं च ।
२९४२-२ कामस्य वित्तं च वपुर्वयश्च मोक्षस्य सर्वार्थनिवृत्तिरेव ॥

२९४३-१ अर्थस्य संग्रहे चैनां व्यये चैव नियोजयेत् ।
२९४३-२ शौचे धर्मेऽन्नपक्त्यां च पारिणाह्यस्य चेक्षणे ॥

२९४४-१ अर्थस्य सदोत्थानं नियमपरीपालनं क्रियाज्ञानं ।
२९४४-२ स्थानत्यागः पटुता-ऽनुद्वेगः स्त्रीष्वविश्वासः ॥

२९४५-१ अर्थस्य साधने सिद्ध उत्कर्षे रक्षणे व्यये ।
२९४५-२ नाशोपभोग आयासस्त्रासश्चिन्ता भ्रमो नृणां ॥

२९४६-१ अर्थस्यानर्थपूर्णस्य कोऽवसीदतु संग्रहे ।
२९४६-२ तत्संतुष्टैर्न्नचेदिष्टैर्दुष्टैः स्यान्नयनोत्सवः ॥

२९४७-१ अर्थस्योपार्जनं कष्टं कष्टमस्य गृहागमः ।
२९४७-२ तस्यागतस्य बन्धुभ्यो विनियोगः सुखावहः ॥

२९४८-१ अर्थस्योपार्जनं कृत्वा नैवाभाग्यः समश्नुते ।
२९४८-२ अरण्यं महदासाद्य मूढः स्ॐइलको यथा ॥

२९४९-१ अर्थस्योपार्जने दुःखं पालने च क्षये तथा ।
२९४९-२ नाशे दुःखं व्यये दुःखं घ्नन्ति चैवार्थकारणात् ॥

२९५०-१ अर्थहीनोऽपि मधुरः शब्दो लोकप्रियंकरः ।
२९५०-२ वीणावेणुमृदङ्गादीन्यत्रोदाहरणानि नः ॥

२९५१-१ अर्थांश्च दुर्लभांल्लोके क्लेशांश्च सुलभांस्तथा ।
२९५१-२ दुःखं चैव कुटुम्बार्थे यः पश्यति स मुच्यते ॥

२९५२-१ अर्थांस्त्यजत पात्रेभ्यः सुतान्प्राप्नुत कामजान् ।
२९५२-२ प्रियं प्रियेभ्यश्चरत राजा हि त्वरते जये ॥

२९५३-१ अर्थाः खलु समृद्धा हि बाढं दुःखं विजानतां ।
२९५३-२ असमृद्धास्त्वपि सदा मोहयन्त्यविचक्षणान् ॥

२९५४-१ अर्थाः पादरजोपमा गिरिनदीवेगोपमं यौवनं मानुष्यं जलबिन्दुलोलचपलं फेनोपमं जीवनं ।
२९५४-२ धर्मं यो न करोति निश्चलमतिः स्वर्गार्गलोद्घाटनं पश्चात्तापहतो जरापरिणतः शोकाग्निना दह्यते ॥

२९५५-१ अर्थाः साधारणा एव वियुज्यन्ते स्वभावतः ।
२९५५-२ ममतां त्यजतां तेषु महदुत्पद्यते यशः ॥

२९५६-१ अर्थाकृष्टधियः पदं रचयतः शब्दावधानात्मनः संधिच्छेदविधाननिर्गमविधिव्यापारमातन्वतः ।
२९५६-२ मा मां कश्चिदिह ग्रहीदिति मुहुः साशङ्कमापश्यतश्चौरस्येव कवेर्भयं भवति यत्तद्विद्विषामस्तु वः ॥

२९५७-१ अर्थागमो नित्यमरोगिता च प्रिया च भार्या प्रियवादिनी च ।
२९५७-२ वश्यश्च पुत्रोऽर्थकरी च विद्या षड्जीवलोकस्य सुखानि राजन् ॥

२९५८-१ अर्था गृहे निवर्तन्ते श्मशाने चैव बान्धवाः ।
२९५८-२ सुकृतं दुष्कृतं चापि गच्छन्तमनुगच्छति ॥

२९५९-१ अर्थातुराणां न सुहृन्न बन्धुः कामातुराणां न भयं न लज्जा ।
२९५९-२ विद्यातुराणां न सुखं न निद्रा क्षुधातुराणां न वपुर्न तेजः ॥

२९६०-१ अर्थात्पलायते ज्ञानं मार्जारान्मूषिको यथा ।
२९६०-२ वकवत्ज्ञायतामर्थः सिंहवच्च जयेद्रिपुं ॥

२९६१-१ अर्था दुःखं परित्यक्तुं पालिताश्चापि तेऽसुखाः ।
२९६१-२ दुःखेन चाधिगम्यन्ते तेषां नाशं न चिन्तयेत् ॥

२९६२-१ अर्थाद्धर्मश्च कामश्च स्वर्गश्चैव नराधिप ।
२९६२-२ प्राणयात्रा हि लोकस्य विनार्थं न प्रसिध्यति ॥

२९६३-१ अर्थाद्भ्रष्टस्तीर्थयात्रां तु गच्छेत्सत्याद्म्रष्टो रौरवं वै व्रजेच्च ।
२९६३-२ योगाद्भ्रष्टः सत्यधृतिं च गच्छेद्राज्याद्भ्रष्टो मृगयायां व्रजेच्च ॥

२९६४-१ अर्थानर्थान्तरे बुद्धिर्निश्चितापि न शोभते ।
२९६४-२ घातयन्ति हि कर्याणि दूताः पण्डितमानिनः ॥

२९६५-१ अर्थानर्थौ विनिश्चित्य व्यवसायं भजेत ह ।
२९६५-२ गुणतः संग्रहं कुर्याद्दोषतस्तु विसर्जयेत् ॥

२९६६-१ अर्था न सन्ति न च मुञ्चति मां दुराशा त्यागे रतिं वहति दुर्ललितं मनो मे ।
२९६६-२ याच्ञा च लाघवकरी स्ववधे च पापं प्राणाः स्वयं व्रजत किं परिदेवनेन ॥

२९६७-१ अर्था न स्युर्यदि विजहिमो धर्ममर्थैकसाध्यं कायक्लेशैः कतिकतिविधः साधनीयो न धर्मः ।
२९६७-२ कायः श्रान्तो यदि भवति कस्तावता धर्मलोपश्चित्तं दत्त्वा सकृदिव शिवे चिन्तितं साधयामः ॥

२९६८-१ अर्थानामधिकानां राज्ञा चौरेण वा नाशः ।
२९६८-२ अन्ने खल्वतिभुक्ते वमनं वा स्याद्विरेको वा ॥

२९६९-१ अर्थानामननुष्ठाता कामचारी विकत्थनः ।
२९६९-२ अपि सर्वां महीं लब्ध्वा क्षिप्रमेव विनश्यति ॥

२९७०-१ अर्थानामर्जनं कार्यं वर्धनं रक्षणं तथा ।
२९७०-२ भक्ष्यमाणो निरादायः सुमेरुरपि हीयते ॥

२९७१-१ अर्थानामर्जने दुःखं अर्जितानां च रक्षणे ।
२९७१-२ नाशे दुःखं व्यये दुःखं धिगर्थाः कष्टसंश्रयाः ॥

२९७२-१ अर्थानामार्जनं कार्यं वर्धनं रक्षणं तथा ।
२९७२-२ भक्ष्यमाणो निरादायः क्षीयते हिमवानपि ॥

२९७३-१ अर्थानामीशिषे त्वं वयमपि च गिरामीश्महे यावदित्थं शूरस्त्वं वाग्मिदर्पज्वरशमनविधावक्षयं पाटवं नः ।
२९७३-२ सेवन्ते त्वां धनान्धा मतिमलहतये मामपि श्रोतुकामा मय्यप्यास्था न ते चेत्त्वयि मम सुतरामेष राजन्गतोऽस्मि ॥

२९७४-१ अर्थानामीश्वरो यः स्यादिन्द्रियाणामनीश्वरः ।
२९७४-२ इन्द्रियाणामनैश्वर्यादैश्वर्याद्भ्रश्यते हि सः ॥

२९७५-१ अर्थानाहरतोऽनर्थाः समायान्ति प्रमादिनः ।
२९७५-२ अप्रमत्तस्ततो मार्गे नित्यमेवास्तु वित्तवान् ॥

२९७६-१ अर्थानुलापान्व्रजसुन्दरीणां अकृत्रिमाणां च सरस्वतीनां ।
२९७६-२ आर्द्राशयेन श्रवणाञ्चलेन संभावयन्तं तरुणं गृणीमः ॥

२९७७-१ अर्थान्केचिदुपासते कृपणवत्केचित्त्वलंकुर्वते वेश्यावत्खलु धातुवादिन इवोद्बध्नन्ति केचिद्रसान् ।
२९७७-२ अर्थालंकृतिसद्रसद्रवमुचां वाचां प्रशस्तिस्पृशां कर्तारः कवयो भवन्ति कतिचित्पुण्यैरगण्यैरिह ॥

२९७८-१ अर्थान्ब्रूयान्न चासत्सु गुणान्ब्रूयान्न चात्मनः ।
२९७८-२ आदद्यान्न च साधुभ्यो नासत्पुरुषमाश्रयेत् ॥

२९७९-१ अर्था भाग्योदये जन्तुं विशन्ति शतशः स्वयं ।
२९७९-२ दिग्भ्योऽभ्युपेत्य सर्वाभ्यः सायं तरुमिवाण्डजाः ॥

२९८०-१ अर्थाभावे तु यज्ज्ञानं प्रत्यक्षमिव दृश्यते ।
२९८०-२ गन्धर्वनगराकारं स्वप्नं तदुपलक्षयेत् ॥

२९८१-१ अर्थाभावे मृदुता काठिन्यं भवति चार्थबाहुल्ये ।
२९८१-२ नैकत्रार्थमृदुत्वे प्रायः श्लोके च लोके च ॥

२९८२-१ अर्थार्थिना प्रिया एव श्रीहर्षोदीरिता गिरः ।
२९८२-२ सारस्वते तु सौभाग्ये प्रसिद्धा तद्विरुद्धता ॥

२९८३-१ अर्थार्थिनी देवपूजास्पप्नोपश्रुतितत्परा ।
२९८३-२ सदा गणकगेहं सा प्रष्टुं याति ग्रहस्थितिं ॥

२९८४-१ अर्थार्थी जीवलोकोऽयं ज्वलन्तमुपसर्पति ।
२९८४-२ क्षीणक्षीरां निराजीव्यां वत्सस्त्यजति मातरं ॥

२९८५-१ अर्थार्थी जीवलोकोऽयं श्मशानमपि सेवते ।
२९८५-२ जनितारमपि त्यक्त्वा निःस्वं गच्छति दूरतः ॥

२९८६-१ अर्थार्थी यानि कष्टानि मूढोऽयं सहते जनः ।
२९८६-२ शतांशेनापि मोक्षार्थी तानि चेन्मोक्षमाप्नुयात् ॥

२९८७-१ अर्थार्थी यानि कष्टानि सहते कृपणो जनः ।
२९८७-२ तान्येव यदि धर्मार्थी न भूयः क्लेशभाजनं ॥

२९८८-१ अर्थालाभेऽपि महति स्वाध्यायं न समुत्सृजेत् ।
२९८८-२ कुलान्यकुलतां यान्ति स्वाध्यायस्य विवर्जनात् ॥

२९८९-१ अर्थाहरणकौशल्यं किं स्तुमः शास्त्रवादिनां ।
२९८९-२ अव्ययेभ्योऽपि ये चार्थान्निष्कर्षन्ति सहस्रशः ॥

२९९०-१ अर्था हसन्त्युचितदानविहीनचित्तं भूमिर्नरं च मम भूमिरिति ब्रुवाणं ।
२९९०-२ जारा हसन्ति तनयानुपलालयन्तं मृत्युर्हसत्यवनिपं रणरङ्गभीरुं ॥

२९९१-१ अर्थिको व्याधितो मूर्खः प्रवासी परसेवकः ।
२९९१-२ जीवन्तोऽपि मृताः पञ्च पञ्चैते दुखभागिनः ॥

२९९२-१ अर्थिता विभवस्त्यागः स्वातन्त्र्यमुचितज्ञता ।
२९९२-२ इति पञ्चगुणोपतें आश्रयेदाश्रयं नरः ॥

२९९३-१ अर्थित्वे प्रकटीकृतेऽपि न फलप्राप्तिः प्रभोः प्रत्युत द्रुह्यन्दाशरथिर्विरुद्धचरितो युक्तस्तया कन्यया ।
२९९३-२ उत्कर्षं च परस्य मानयशसोर्विस्रंसनं चात्मनः स्त्रीरत्नं च जगत्पतिर्दशमुखो दृप्तः कथं मृष्यते ॥

२९९४-१ अर्थिनस्त्वरितदानेन तृप्तिर्भवति यादृशी ।
२९९४-२ बहुदानं विलम्बेन न तादृक्तृप्तिकारकं ॥

२९९५-१ अर्थिनां कृपणा दृष्टिस्त्वन्मुखे पतिता सकृत् ।
२९९५-२ तदवस्था पुनर्देव नान्यस्य मुखमीक्षते ॥

२९९६-१ अर्थिनां मित्रवर्गस्य विद्विषां च पराङ्मुखः ।
२९९६-२ यो न याति पिता तेन पुत्री माता च वीरसूः ॥

२९९७-१ अर्थिनामुपपन्नानां पूर्वं चाप्युपकारिणां ।
२९९७-२ आशां संश्रुत्य यो हन्ति स लोके पुरुषाधमः ॥

२९९८-१ अर्थिनि कवयति कवयति पठति च पठति स्तवोन्मुखे स्तौति ।
२९९८-२ पश्चाद्यामीत्युक्ते मौनी दृष्टिं निमीलयति ॥

२९९९-१ अर्थिने न तृणवद्धनमात्रं किं तु जीवनमपि प्रतिपाद्यं ।
२९९९-२ एवमाह कुशवज्जलदापी द्रव्यदानविधिरुक्तिविदग्धः ॥

३०००-१ अर्थिनो जठरज्वालादग्धा वाक्कंचिदञ्चति ।
३०००-२ तां चाशमयतो वित्तं किन्निमित्तं न विद्महे ॥

३००१-१ अर्थिप्रत्यर्थिलक्षैरप्यपराङ्मुखचेतसं ।
३००१-२ त्वां पराङ्मुखतां निन्युः केवलं परयोषितः ॥

३००२-१ अर्थिभुक्तावशिष्टं यत्तदश्नीयान्महाशयः ।
३००२-२ श्वेतोऽर्थिरहितं भुक्त्वा निजमांसाशनोऽभवत् ॥

३००३-१ अर्थिभ्यः कनकस्य दीपकपिशा विश्राणिता राशयो वादे वादिविषाणिनां प्रतिहताः शास्त्रोक्तिगर्वा गिरः ।
३००३-२ उत्खातप्रतिरोपितैर्नृपतिभिः शारैरिव क्रीडितं कर्तव्यं कृतमर्थिता यदि विधेस्तत्रापि सज्जा वयं ॥

३००४-१ अर्थिभ्यश्च द्विषद्भ्यश्च वैमुख्यं यस्य नास्त्यसौ ।
३००४-२ महोदारः सदा शान्तः कृतज्ञः कोऽपि दुर्लभः ॥

३००५-१ अर्थिभ्रंशबहूभवत्फलभरव्याजेन कुब्जायितः सत्यस्मिन्नतिदानभाजि कथमप्यास्तां स कल्पद्रुमः ।
३००५-२ आस्ते निर्व्ययरत्नसंपदुदयोदग्रः कथं याचक- श्रेणीवर्जनदुर्यशोनिबिडितव्रीडस्तु रत्नाचलः ॥

३००६-१ अर्थी करोति दैन्यं लब्धार्थो गर्वमपरितोषं च ।
३००६-२ नष्टधनश्च सशोकः सुखमास्ते निःस्पृहः पुरुषः ॥

३००७-१ अर्थी येनार्थकृत्येन संव्रजत्यविचारयन् ।
३००७-२ तमर्थमर्थशास्त्रज्ञाः प्राहुरर्थ्याश्च लक्ष्मण ॥

३००८-१ अर्थी लाघवमुच्छ्रितो निपतनं कामातुरो लाञ्छनं लुब्धोऽकीर्तिमसंगरः परिभवं दुष्टोऽन्यदोषे रतिं ।
३००८-२ निःस्वो वञ्चनमुन्मना विकलतां शोकाकुलः संशयं दुर्वागप्रियतां दुरोदरवशः प्राप्नोति कष्टं मुहुः ॥

३००९-१ अर्थेन किं कृपणहस्तगतेन तेन रूपेण किं गुणपराक्रमवर्जितेन ।
३००९-२ मित्रेण किं व्यसनकालपराङ्मुखेन ज्ञानेन किं बहुशठाधिकमत्सरेण ॥

३०१०-१ अर्थेन परिहीणं तु नरमस्पृश्यतां गतं ।
३०१०-२ त्यजन्ति बान्धवाः सर्वे मृतं सत्त्वमिवासवः ॥

३०११-१ अर्थेन रक्षितमिदं राज्यं पुनरर्थमर्पयति ।
३०११-२ अर्थैकपरो नृपतिः परिहरति पुनः क्षणादुभयं ॥

३०१२-१ अर्थेन हि विहीनस्य पुरुषस्याल्पमेधसः ।
३०१२-२ व्युच्छिद्यन्ते क्रियाः सर्वा ग्रीष्मे कुसरितो यथा ॥

३०१३-१ अर्थेन हीनः पुरुषस्त्यज्यते मित्रबान्धवैः ।
३०१३-२ त्यक्तलोकक्रियाहारः परासुरिव निष्प्रभः ॥

३०१४-१ अर्थेनापि हि किं तेन यस्यानर्थे तु संगतिः ।
३०१४-२ को हि नाम शिखाजातं पन्नगस्य मणिं हरेत् ॥

३०१५-१ अर्थेनोपार्ज्यते धर्मो धर्मेणार्थ उपार्ज्यते ।
३०१५-२ अन्योन्याश्रयणं ह्येतदुभयोत्पत्तिसाधनं ॥

३०१६-१ अर्थेन्द्रियार्थाभिध्यानं सर्वार्थापह्नवो नृणां ।
३०१६-२ भ्रंशितो ज्ञानविज्ञानाद्येनाविशति मुख्यतां ॥

३०१७-१ अर्थे प्रत्युपलब्धे च परदोषे च कीर्तिते ।
३०१७-२ आत्मानं साधु कर्तव्यं शीलवृत्तमभीप्सितं ॥

३०१८-१ अर्थेभ्यो हि विवृत्तेभ्यः संभृतेभ्यस्ततस्ततः ।
३०१८-२ क्रियाः सर्वाः प्रवर्तन्ते पर्वतेभ्य इवापगाः ॥

३०१९-१ अर्थेषु काममुपलभ्य मनोरथो मे स्त्रीणां धनेष्वनुचितं प्रणयं करोति ।
३०१९-२ माने च कार्यकरणे च विलम्बमानो धिग्भोः कुलं च पुरुषस्य दरिद्रतां च ॥

३०२०-१ अर्थेष्वलभ्येष्वकृतप्रयत्नं कृतादरं नित्यमुपायवत्सु ।
३०२०-२ जितेन्द्रियं नानुतपन्ति रोगास्तत्कालयुक्तं यदि नास्ति दैवं ॥

३०२१-१ अर्थे ह्यविद्यमानेऽपि संसृतिर्न निवर्तते ।
३०२१-२ ध्यायतो विषयानस्य स्वप्नेऽनर्थागमो यथा ॥

३०२२-१ अर्थैरनेकैर्जननीममुष्याश्चित्तं च दत्त्वा चिरकालचिन्त्यं ।
३०२२-२ संतोषयेयं सहसैव भद्रे न चेत्कथं स्यादिह नः प्रवेशः ॥

३०२३-१ अर्थैरर्था निबघ्यन्ते गजैरिव महागजाः ।
३०२३-२ न ह्यनर्थवता शक्यं वाणिज्यं कर्तुमीहया ॥

३०२४-१ अर्थैर्विहीनः पुरुषो जीवन्नपि मृतोपमः ।
३०२४-२ धर्मार्थविद्यार्जनतो मतिर्यस्य निवर्तते ॥

३०२५-१ अर्थो गिरामपिहितः पिहितश्च कश्चित्सौभाग्यमेति मरहट्टवधूकुचाभः ।
३०२५-२ नान्ध्रीपयोधर इवातितरां प्रकाशो नो गुर्जरीस्तन इवातितरां निगूढः ॥

३०२६-१ अर्थोत्कण्ठावकुण्ठप्रमुषितविनयैर्लुठ्यतां नाकिशुण्ठैः प्रत्नो रत्नोच्चयः किं त्वतिविषमदशां तामनुध्याय खिद्ये ।
३०२६-२ सिन्धो मन्थाद्रिमन्थात्तरलतरबृहद्भङ्गसंघातघात- प्रभ्रश्यन्मूलवेलागिरिगणपतनोद्दामधामन्धमीका ॥

३०२७-१ अर्थो नराणां पतिरङ्गनानां वर्षा नदीनामृतुराट्तरूणां ।
३०२७-२ स्वधर्मचारी नृपतिः प्रजानां गतं गतं यौवनमानयन्ति ॥

३०२८-१ अर्थो न संभृतः कश्चिन्न विद्या काचिदर्जिता ।
३०२८-२ न तपः संचितं किंचिद्गतं च सकलं वयः ॥

३०२९-१ अर्थो नाम जनानां जीवितमखिलक्रियाकलापश्च ।
३०२९-२ तमपि हरन्त्यतिधूर्ताः छगलगला गायना लोके ॥

३०३०-१ अर्थोपचयविज्ञानं अस्ति यस्य स पण्डितः ।
३०३०-२ सरः सलिलसंपूर्णं आश्रयन्ति विहङ्गमाः ॥

३०३१-१ अर्थोपार्जनदक्षश्च क्षान्तिशीलः सदा भवेत् ।
३०३१-२ न तत्र परकार्याणि विद्वानापि विशेषयेत् ॥

३०३२-१ अर्थोऽप्यर्थेन चेत्साध्यः का वार्ता धर्मकामयोः ।
३०३२-२ अर्थः सर्वजगन्मूलं अनर्थोऽर्थविपर्ययः ॥

३०३३-१ अर्थो विनैवार्थनयोपसीदन्नाल्पोऽपि धीरैरवधीरणीयः ।
३०३३-२ मान्येन मन्ये विधिना वितीर्णः स प्रीतिदायो बहु मन्तुमर्हः ॥

३०३४-१ अर्थोष्मा पितृलालनं विटघटामेलः प्रियंमन्यता तारुण्यं नगरे स्थितिस्तरलता धीः कामशास्त्रं प्रति ।
३०३४-२ संगीतं रजनी विधुर्मधुमदः स्पर्धा सपत्नैस्तथा वेश्यानामनुरक्तवित्तहरणे कुर्वन्ति साहायकं ॥

३०३५-१ अर्थोऽस्ति चेन्न पदशुद्धिरथास्ति सापि नो रीतिरस्ति यदि सा घटना कुतस्त्या ।
३०३५-२ साप्यस्ति चेन्न नववक्रगतिस्तदेतद्व्यर्थं विना रसमहो गहनं कवित्वं ॥

३०३६-१ अर्थो हि कन्या परकीय एव तामद्य संप्रेष्य परिग्रहीतुः ।
३०३६-२ जातो ममायं विशदः प्रकामं प्रत्यर्पितन्यास इवान्तरात्मा ॥

३०३७-१ अर्थो हि नष्टकार्यार्थैरयत्नेनाधिगम्यते ।
३०३७-२ उत्साहो बलवानार्य नास्त्युत्साहात्परं बलं ॥

३०३८-१ अर्थौचित्यवता सूक्तिरलंकारेण शोभते ।
३०३८-२ पीनस्तनस्थितेनेव हारेण हरिणेक्षणा ॥

३०३९-१ अर्धं कलङ्करहिता करुणैव शंभोरर्धं गुणास्तदितरे सकलाः समेताः ।
३०३९-२ इत्यम्ब संप्रति किल स्फुरितं रहस्यं संपश्यतो मम भवन्मयमैशमर्धं ॥

३०४०-१ अर्धं जितं त्रिपुरमम्ब तव स्मितं चेदर्धान्तरेण च तथा भवितव्यमेव ।
३०४०-२ तच्चिन्तये जननि कारणसूक्ष्मरूप- स्थूलात्मकत्रिपुरशान्तिकृते स्मितं ते ॥

३०४१-१ अर्धं दन्तच्छदस्य स्फुरति जपवशादर्धमप्युत्प्रकोपादेकः पाणिः प्रणन्तुं शिरसि कृतपदः क्षेप्तुमन्यस्तमेव ।
३०४१-२ एकं ध्यानान्निमीलत्यपरमविकसद्वीक्षते नेत्रमित्थं तुल्यानिच्छाविधित्सा तनुरवतु स वो यस्य संध्याविधाने ॥

३०४२-१ अर्धं दानववैरिणा गिरिजयाप्यर्धं शिवस्याहृतं देवेत्थं जगतीतले पुरहराभावे समुन्मीलति ।
३०४२-२ गङ्गा सागरमम्बरं शशिकला नागाधिपः क्ष्मातलं सर्वज्ञत्वमधीश्वरत्वमगमत्त्वां मां तु भिक्षाटनं ॥

३०४३-१ अर्धं नीत्वा निशायाः सरभससुरतायाससंश्लेषयोगैः प्रोद्भूतासह्यतृष्णो मधुमदनिरतो हर्म्यपृष्ठे विविक्ते ।
३०४३-२ संभोगक्लान्तकान्ताशिथिलभुजलतावर्जितं कर्करीतो ज्योत्स्नाभिन्नाच्छधारं न पिबति सलिलं शारदं मन्दभाग्यः ॥

३०४४-१ अर्धं प्रेमनिबद्धमर्धमपरं लज्जाश्रितं मानसं एवं नेत्रसरोरुहं प्रियमुखे चान्यद्गवाक्षेऽर्पितं ।
३०४४-२ पर्यङ्के पदमेकमेव धरणौ पृष्ठे च कृत्वापरं स्थातुं गन्तुमपि प्रभातसमये शक्नोति नैवाबला ॥

३०४५-१ अर्धं भार्या मनुष्यस्य भार्या श्रेष्ठतमः सखा ।
३०४५-२ भार्या मूलं त्रिवर्गस्य भार्या मित्रं मरिष्यतः ॥

३०४६-१ अर्धं सज्जनसंपर्कादविद्याया विनश्यति ।
३०४६-२ चतुर्भागस्तु शास्त्रार्थैश्चतुर्भागं स्वयत्नतः ॥

३०४७-१ अर्धं स्त्रियस्त्रिभुवने सचराचरेऽस्मिन्नर्धं पुमांस इति दर्शयितुं भवत्या ।
३०४७-२ स्त्रीपुंसलक्षणमिदं वपुरादृतं यत्तेनासि देवि विदिता त्रिजगच्छरीरा ॥

३०४८-१ अर्धचन्द्रं च चक्रं च शकटं मकरं तथा ।
३०४८-२ कमलं श्रेणिकां गुल्मं व्यूहानेवं प्रकल्पयेत् ॥

३०४९-१ अर्धचन्द्रवदाकारं स्त्रीनामार्थं च त्र्यक्षरं ।
३०४९-२ नकारादि रिकारान्तं यो जानाति स पण्डितः ॥

३०५०-१ अर्धचन्द्रसमायुक्तं पुंनाम चतुरक्षरं ।
३०५०-२ ककारादि लकारान्तं इह जानाति पण्डितः ॥

३०५१-१ अर्धचन्द्राकृतिर्यस्मिन्खङ्गे स्वाभाविकी भवेत् ।
३०५१-२ अपि दोषसहस्राणि हन्ति चन्द्रस्तमो यथा ॥

३०५२-१ अर्धपञ्चमहस्तं तु श्रेष्ठं चापं प्रकीर्तितं ।
३०५२-२ तद्विज्ञेयं धनुर्दिव्यं शंकरेण धृतं पुरा ॥

३०५३-१ अर्धपीतमदिरा मणिपारी शोभतां कथमतीव तरुण्याः ।
३०५३-२ चुम्बितैरधिकपाटलभासा पूरिताधरमयूखभरेण ॥

३०५४-१ अर्धपीतस्तनं मातुरामर्दाक्लिष्टकेसरं ।
३०५४-२ प्रक्रीडितुं सिंहशिशुं बलात्कारेण कर्षति ॥

३०५५-१ अर्धपुरुषे च मत्स्यः पारावतसंनिभश्च पाषाणः ।
३०५५-२ मृद्भवति तत्र नीला दीर्घं कालं च बहुतोयं ॥

३०५६-१ अर्धप्रोथस्थिता रेखा दृश्यन्ते यस्य वाजिनः ।
३०५६-२ तस्य मृत्युः समुद्दिष्टो दशमं प्राप्य वत्सरं ॥

३०५७-१ अर्धप्लुष्टं बहुभ्यः शवपिशितमुपाहृत्य हृष्टश्चिताभ्यो जातग्रासातिरेकः स्फुटतरधमनीनद्धशुष्कार्द्रकायः ।
३०५७-२ प्रेतः संतर्ज्य दृष्ट्या कुटिलपरुषया मज्जनिष्कर्षशुष्कैराहन्त्याहारलुब्धान्मुहुरभिपततो जम्बुकानस्थिखण्डैः ॥

३०५८-१ अर्धमीलितविलोलतारके सा दृशौ निधुवनक्लमालसा ।
३०५८-२ यन्मुहूर्तमवहन्न तत्पुनस्तृप्तिरास्त दयितस्य पश्यतः ॥

३०५९-१ तत्क्लमस्तमदिदीक्षत क्षणं तालवृन्तचलनाय नायकं ।
३०५९-२ तद्विधा हि भवदैवतं प्रिया वेधसोऽपि विदधाति चापलं ॥

३०६०-१ अर्धरात्रे दिनस्यार्धे त्वर्धचन्द्रेऽर्धभास्करे ।
३०६०-२ रावणेन हृता सीता कृष्णपक्षे सिताष्टमी ॥

३०६१-१ अर्धसिद्धेषु कार्येषु आत्मगुह्यं प्रकाशयेत् ।
३०६१-२ स एव निधनं याति बकः कर्कटकाद्यथा ॥

३०६२-१ अर्धस्मितेन विनिमन्त्र्य दशार्धबाणं अर्धं विधूय वसनाञ्चलमर्धमार्गे ।
३०६२-२ अर्धेन नेत्रविशिखेन निवृत्य सार्धं अर्धार्धमेव तरुणी तरुणं चकार ॥

३०६३-१ अर्धहस्तेन हीनस्तु भवेन्मध्यस्तुरङ्गमः ।
३०६३-२ ततो हस्तेन हीनश्च हीन एव स्मृतो हयः ॥

३०६४-१ अर्धाङ्गनापुंवपुषः पुरारेर्मूर्त्तिः श्रियं नौरिव वस्तनोतु ।
३०६४-२ प्रेमातिभारादपरं यदर्धं ममज्ज शृङ्गाररसाम्बुराशौ ॥

३०६५-१ अर्धाङ्गाहितपौर्वकीर्तिवनितादीव्यत्सितांशुप्रभं कैलासीकृतदिक्करीन्द्रशिरसि न्यस्तस्वपादाम्बुजं ।
३०६५-२ विश्वव्याप्यविनाशि शंकरपदं यायात्त्वदीयं यशो न स्यादस्य यदि क्षितीश भवतो दानादिकेभ्यो जनिः ॥

३०६६-१ अर्धाङ्गुलपरीणाहजिह्वाग्रायासभीरवः ।
३०६६-२ सर्वाङ्गक्लेशजननं अबुधाः कर्म कुर्वते ॥

३०६७-१ अर्धाचिता सत्वरमुत्थितायाः पदे पदे दुर्निमिते गलन्ती ।
३०६७-२ कस्याश्चिदासीद्रशना तदानीं अङ्गुष्ठमूलार्पितसूत्रशेषा ॥

३०६८-१ अर्धाधीताश्च यैर्वेदास्तथा शूद्रान्नभोजनाः ।
३०६८-२ ते द्विजाः किं करिष्यन्ति निर्विषा इव पन्नगाः ॥

३०६९-१ अर्धासने समधिरोप्य सुरद्विपस्य शक्रोऽपि यद्युधि शचीं कवचीकरोति ।
३०६९-२ धीरस्य तस्य सहते दशकन्धरस्य कः साहसैकरसिकः करवालधारां ॥

३०७०-१ अर्धेन जलदश्यामं अर्धेनातपपिङ्गलं ।
३०७०-२ अर्धनारीश्वराकारं न को मन्येत वासरं ॥

३०७१-१ अर्धोक्ते भयमागतोऽसि किमिदं कण्ठश्च किं गद्गदश्चाटोरस्य न च क्षणोऽयमनुपक्षिप्तेयमास्तां कथा ।
३०७१-२ ब्रूहि प्रस्तुतमस्तु संप्रति महत्कर्णे सखीनां मुखैस्तृप्तिर्निर्भरमेभिरक्षरपदैः प्रागेव मे संभृता ॥

३०७२-१ अर्धोद्गतेन कदली मृदुताम्रतलेन गर्भकोषेण ।
३०७२-२ पिबति निदाघज्वरिता घनधारां करपुटेनैव ॥

३०७३-१ अर्धोन्मीलितलोचनस्य पिबतः पर्याप्तमेकं स्तनं सद्यः प्रस्नुतदुग्धदिग्धमपरं हस्तेन संमार्जतः ।
३०७३-२ मात्रा चाङ्गुलिलालितस्य वदने स्मेरायमाने मुहुर्विष्णोः क्षीरकणोरुधामधवला दन्तद्युतिः पातु वः ॥

३०७४-१ अर्पयति प्रतिदिवसं प्रियस्य पथि लोचने बाला ।
३०७४-२ निक्षिपति कमलमालाः क्ॐअलमिव कर्तुमध्वानं ॥

३०७५-१ अर्पयन्त्यर्थिने प्राणान्न प्रणाममरातये ।
३०७५-२ न नास्तीत्युत्तरं जातु सुहृदे सुमनोजनाः ॥

३०७६-१ अर्पितं रसितवत्यपि नाम- ग्राहमन्ययुवतेर्दयितेन ।
३०७६-२ उज्झति स्म मदमप्यपिबन्ती वीक्ष्य मद्यमितरा तु ममाद ॥

३०७७-१ अर्पिताः प्रथमतस्त्वयि गावो गोपशावक इति प्रणयेन ।
३०७७-२ दीयते पुनरिदं धनहीनैर्वेतनं गरुडकेतन चेतः ॥

३०७८-१ अर्वागभ्येत्य गर्वादिव सरिदवरा सेयमित्युद्दिधीर्षाः कालिन्दीं कोपवेगाकलितहलहठोत्क्षेपिणः क्षेमहेतुः ।
३०७८-२ तालाङ्कस्याशु दालारसविवशहृदः स्रंसदंसोत्तरीयं तिर्यग्व्यस्ताड्घ्रि भूयः सुवलनमथ लघूत्थानमाधावनं तत् ॥

३०७९-१ अर्वाचीनवचः प्रपञ्चसुखिनां दुःशिक्षितानां पुरो गम्भीरं कविपुङ्गवस्य किमहो सर्वस्वमुद्धाट्यते ।
३०७९-२ व्यर्थं कर्दमगन्धगौरवहृतग्रामीणगोष्ठीमुखे कोऽयं नाम सचेतनोऽस्ति य इह प्रस्तौति कस्तूरिकां ॥

३०८०-१ अर्वाञ्चत्पञ्चशाखः स्फुरदुपरिजटामण्डलः संश्रितानां नित्यापर्णोऽपि तापत्रितयमपनयन्स्थाणुरव्यादपूर्वः ।
३०८०-२ यः प्रोन्मीलत्कपर्दैः शिरसि विरचिताबालबन्धे द्युसिन्धोः पाथोभिर्लब्धसेकः फलति फलशतं वाञ्छितं भक्तिभाजां ॥

३०८१-१ अलंकरोति यः श्लोकं शुक एव न मध्यमः ।
३०८१-२ अलं करोति यः श्लोकं शुक एव नमध्यमः ॥

३०८२-१ अलंकरोति हि जरा राजामात्यभिषग्यतीन् ।
३०८२-२ विडम्बयति पण्यस्त्रीमल्लगायनसेवकान् ॥

३०८३-१ अलंकर्तुं कर्णौ भृशमनुभवन्त्या नवरुजं ससीत्कारं तिर्यग्वलितवदनाया मृगदृशः ।
३०८३-२ कराब्जव्यापारानतिसुकृतसारान्रसयतो जनुः सर्वश्लाघ्यं जयति ललितोत्तंस भवतः ॥

३०८४-१ अलंकारः शङ्काकरनरकपालं परिजनो विशीर्णाङ्गो भृङ्गी वसु च वृष एको बहुवयाः ।
३०८४-२ अवस्थेयं स्थाणोरपि भवति सर्वामरगुरोर्विधौ वक्रे मूर्ध्नि स्थितवति वयं के पुनरमी ॥

३०८५-१ अलंकारप्रियो विष्णुर्जलधाराप्रियः शिवः ।
३०८५-२ नमस्कारप्रियो भानुर्ब्राह्मणो भोजनप्रियः ॥

३०८६-१ अलंकारभृतो रीतिमन्तः सिद्धा रसोन्नतौ ।
३०८६-२ लक्षणैर्लक्षितात्मानः कृतिनो ननु केचन ॥

३०८७-१ अलंकारो हि नारीणां क्षमा तु पुरुषस्य वा ।
३०८७-२ दुष्करं तच्च वः क्षान्तं त्रिदशेषु विशेषतः ॥

३०८८-१ यादृशी वः क्षमा पुत्र्यः सर्वासामविशेषतः ।
३०८८-२ क्षमा दानं क्षमा यज्ञः क्षमा सत्यं च पुत्रिकाः ॥

३०८९-१ क्षमा यशः क्षमा धर्मः क्षमायां विष्ठितं जगत् ॥

३०९०-१ अलंकृतः काञ्चनकोटिमूल्यैर्महार्हरत्नैर्गजवाजिवाहैः ।
३०९०-२ निमेषमात्रं लभते न जीवं कालेन काले शिखया गृहीतः ॥

३०९१-१ अलंक्रियन्ते शिखिनः केकया मदरक्तया ।
३०९१-२ वाचा विपश्चितोऽत्यर्थं माधुर्यगुणयुक्तया ॥

३०९२-१ अलंक्रिया शक्तिसमन्वितानां तपोधनानां बलशक्तिरग्र्या ।
३०९२-२ व्यापाददावानलवारिधारा प्रत्येह च क्षान्तिरनर्थशान्तिः ॥

३०९३-१ अलं त्रिदिववार्तया किमिति सार्वभ्ॐअश्रिया विदूरतरवर्तिनी भवतु मोक्षलक्ष्मीरपि ।
३०९३-२ कलिन्दगिरिनन्दिनीतटनिकुञ्जपुञ्जोदरे मनो हरति केवलं नवतमालनीलं महः ॥

३०९४-१ अलं नलं रोद्धुममी किलाभवन्गुणा विवेकप्रमुखा न चापलं ।
३०९४-२ स्मरः स रत्यामनिरुद्धमेव यत्सृजत्ययं सर्गनिसर्ग ईदृशः ॥

३०९५-१ अलं परिग्रहेणेह दोषवान्हि परिग्रहः ।
३०९५-२ कृमिर्हि कोशकारस्तु बध्यते स्वपरिग्रहात् ॥

३०९६-१ अलं वा बहु यो ब्रूते हितवाक्यावमानिनः ।
३०९६-२ स तस्माल्लभते दोषं कपेः सूचीमुखो यथा ॥

३०९७-१ अलं वा बहुवादेन यत्र यत्रानुरज्यसे ।
३०९७-२ तत्र तत्रैव ते दुःखदावपावकपङ्क्तयः ॥

३०९८-१ अलं विलङ्घ्य प्रियविज्ञ याच्ञां कृत्वापि वाम्यं विविधं विधेये ।
३०९८-२ यशःपथादाश्रवतापदोत्थात्खलु स्खलित्वास्तखलोक्तिखेलात् ॥

३०९९-१ अलं विलम्ब्य त्वरितुं हि वेला कार्ये किल स्थैर्यसहे विचारः ।
३०९९-२ गुरूपदेशं प्रतिभेव तीक्ष्णा प्रतीक्षते जातु न कालमर्तिः ॥

३१००-१ अलं विवादेन यथा श्रुतं त्वया तथाविधस्तावदशेषमस्तु सः ।
३१००-२ ममात्र भावैकरसं मनः स्थितं न कामवृत्तिर्वचनीयमीक्षते ॥

३१०१-१ अलं स्थित्वा श्मशानेऽस्मिन्गृध्रग्ॐआयुसंकुले ।
३१०१-२ कङ्कालबहुले घोरे सर्वप्राणिभयंकरे ॥

३१०२-१ न पुनर्जीवितः कश्चित्कालधर्ममुपागतः ।
३१०२-२ प्रियो वा यदि वा द्वेष्यः प्राणिनां गतिरीदृशी ॥

३१०३-१ अलं हिमानीपरिदीर्णगात्रः समापितः फाल्गुनसंगमेन ।
३१०३-२ अत्यन्तमाकाङ्क्षितकृष्णवर्त्मा भीष्मो महात्माजनि माघतुल्यः ॥

३१०४-१ अलकतमः परिपीतं सुस्मितसुषमापुरस्कृतं मधुरं ।
३१०४-२ को न सुधानिधिसहजं सुमुखि मुखं हन्त संमनुतां ॥

३१०५-१ अलकाश्च खलाश्चैव मूर्ध्नि भीरुजनैर्धृताः ।
३१०५-२ उपर्युपरि सत्कारेऽप्याविष्कुर्वन्ति वक्रतां ॥

३१०६-१ अलकेषु चूर्णभासः स्वेदलवाभान्कपोलफलकेषु ।
३१०६-२ नवघनकौतुकिनीनां वारिकणान्पश्यति कृतार्थः ॥

३१०७-१ अलक्तको यथा रक्तो नरः कामी तथैव च ।
३१०७-२ हृतसारस्तथा सोऽपि पादमूले निपात्यते ॥

३१०८-१ अलक्तको यथा रक्तो निष्पीड्य पुरुषस्तथा ।
३१०८-२ अबलाभिर्बलाद्रक्तः पादमूले निपात्यते ॥

३१०९-१ अलक्षितकुचाभोगं भ्रमन्ती नृत्यभूमिषु ।
३१०९-२ स्मरेणापि सरोजाक्षी न लक्ष्यीक्रियते शरैः ॥

३११०-१ अलक्षितगतागतैः कुलवधूकटाक्षैरिव क्षणानुनयशीतलैः प्रणयकेलिकोपैरिव ।
३११०-२ सुवृत्तमसृणोन्नतैर्मृगदृशामुरोजैरिव त्वदीयतुरगैरिदं धरणिचक्रमाक्रम्यते ॥

३१११-१ अलक्ष्मीराविशत्येनं शयानमलसं नरं ।
३१११-२ निःसंशयं फलं लब्ध्वा दक्षो भूतिमुपाश्नुते ॥

३११२-१ अलघुता जठरस्य कुचौ गता चरणचञ्चलता नयने गता ।
३११२-२ सखि विलोकय मे तनुचेष्टितं विनिमयप्रगतं नवयौवनं ॥

३११३-१ अलघूपलपङ्क्तिशालिनीः परितो रुद्धनिरन्तराम्बराः ।
३११३-२ अधिरूढनितम्बभूमयो न विमुञ्चन्ति चिराय मेखलाः ॥

३११४-१ अलङ्घ्यं तत्तदुद्वीक्ष्य यद्यदुच्चैर्महीभृतां ।
३११४-२ प्रियतां ज्यायसीं मा गान्महतां केन तुङ्गता ॥

३११५-१ अलङ्घ्यं सर्वेषामिह खलु फलं कर्मजनितं विपत्कर्मप्रैष्या व्यथयति न जातासि हृदयं ।
३११५-२ यदज्ञाः कुर्वन्ति प्रसभमुपहासं धनमदादिदं त्वन्तर्गाढं परमपरितापं जनयति ॥

३११६-१ अलब्धं चैव लिप्सेत लब्धं रक्षेत्प्रयत्नतः ।
३११६-२ रक्षितं वर्धयेच्चैव वृद्धं पात्रेषु निक्षिपेत् ॥

३११७-१ अलब्धदुग्धादिरसो रसावहं तदुद्भवो निम्बरसं कृमिर्यथा ।
३११७-२ अदृष्टजैनेन्द्रवचोरसायनस्तथा कुतत्त्वं मनुते रसायनं ॥

३११८-१ अलब्धमिच्छेद्दण्डेन लब्धं रक्षेदवेक्षया ।
३११८-२ रक्षितं वर्धयेद्वृद्ध्या वृद्धं पात्रेषु निक्षिपेत् ॥

३११९-१ अलब्धमीहेद्धर्मेण लब्धं यत्नेन पालयेत् ।
३११९-२ पालितं वर्धयेन्नीत्या वृद्धं पात्रेषु निक्षिपेत् ॥

३१२०-१ अलब्धलिप्सा न्यायेन लब्धस्य च विवर्धनं ।
३१२०-२ परिवृद्धस्य विधिवत्पात्रे संप्रतिपादनं ॥

३१२१-१ अलब्धवेतनो लुब्धो मानी चाप्यवमानितः ।
३१२१-२ क्रुद्धश्च कोपितोऽकस्मात्तथा भीतश्च भीषितः ॥

३१२२-१ यथाभिलषितैः कामैर्भिन्द्यादेतांश्चतुर्विधान् ।
३१२२-२ परपक्षे स्वपक्षे च यथावत्प्रशमं नयेत् ॥

३१२३-१ अलब्धान्तः प्रवेशस्य तारमाक्रन्दतो बहिः ।
३१२३-२ प्रभो करुणया कर्णे क्रियन्तां कृपणोक्तयः ॥

३१२४-१ अलब्धे रागिणो लोका अहो लब्धे विरागिणः ।
३१२४-२ हेमन्ते तापमीहन्ते हन्त ग्रीष्मे हिमं पुनः ॥

३१२५-१ अलब्ध्वापि धनं राज्ञः संश्रिता यान्ति संपदं ।
३१२५-२ महाह्रदसमीपस्थं पश्य नीलं वनस्पतिं ॥

३१२६-१ अलब्ध्वा यदि वा लब्ध्वा नानुशोचन्ति पण्डिताः ।
३१२६-२ आनन्तर्यं चारभते न प्राणानां धनायते ॥

३१२७-१ अलभन्त नभःक्षेत्रे तारास्तरलकान्तयः ।
३१२७-२ त्विषं तुषारबीजानां नूतनाङ्कुरशालिनां ॥

३१२८-१ अलभ्यं लप्स्यमानेन तत्त्वं जिज्ञासुना चिरं ।
३१२८-२ जिगीषुणा ह्रियं त्यक्त्वा कार्यं कोलाहलो महान् ॥

३१२९-१ अलभ्यं लब्धुकामस्य जनस्य गतिरीदृशी ।
३१२९-२ अलब्धेषु मनस्तापः संचितार्थो विनश्यति ॥

३१३०-१ अलभ्यलाभाय च लब्धवृद्धये यथार्हतीर्थप्रतिपादनाय च ।
३१३०-२ यशस्विनं वेदविदं विपश्चितं बहुश्रुतं ब्राह्मणमेव वासय ॥

३१३१-१ अलमतिचपलत्वात्स्वप्नमायोपमत्वात्परिणतिविरसत्वात्संगमेनाङ्गनायाः ।
३१३१-२ इति यदि शतकृत्वस्तत्त्वमालोचयामस्तदपि न हरिणाक्षीं विस्मरत्यन्तरात्मा ॥

३१३२-१ अलमथवा बहुवादैर्विरचय लोकानुरागनिर्बन्धं ।
३१३२-२ तत्रैकत्र समग्रं तन्निहितं यन्न जातु संनिहितं ॥

३१३३-१ अलमन्ध भुजायष्टिभ्रान्त्या भ्रातर्जडस्य ते ।
३१३३-२ दंशाय दंदशूकोऽयं दंशमुद्रां न मुञ्चति ॥

३१३४-१ अलमन्यथा गृहीत्वा न खलु मनस्विनि मया प्रयुक्तमिदं ।
३१३४-२ प्रायः समानविद्याः परस्परयशःपुरोभागाः ॥

३१३५-१ अलमन्यैरुपालम्भैः कीर्तितैश्च व्यतिक्रमैः ।
३१३५-२ पेशलं चानुरूपं च कर्तव्यं हितमात्मनः ॥

३१३६-१ अलमप्रियाण्युदित्वा रुचिरार्थाः किमिह न स्थिता वाचः ।
३१३६-२ अमृतमिति वचसि सत्यपि विषमिति हि किमुच्यते वारि ॥

३१३७-१ अलमभिमुखैर्बद्धैर्भोगैरलं भ्रमिभिर्दृशोरलमविरलैर्गर्जोद्गारैरलं विषवृष्टिभिः ।
३१३७-२ किमिह भुजगाः कोपावेगैरमीभिरमुद्रितैर्ननु भगवतस्तार्क्ष्यस्यैते वयं स्तुतिपाठकाः ॥

३१३८-१ अलमलमघृणस्य तस्य नाम्ना पुनरपि सैव कथा गतः स कालः ।
३१३८-२ कथय कथय वा तथापि दूति प्रतिवचनं द्विषतोऽपि माननीयं ॥

३१३९-१ अलमलमतिमात्रं साहसेनामुना ते त्वरितमयि विमुञ्च त्वं लतापाशमेनं ।
३१३९-२ चलितमपि निरोद्धुं जीवितं जीवितेशे क्षणमिह मम कण्ठे बाहुपाशं निधेहि ॥

३१४०-१ अलमलमतिवृद्ध्या स्थीयतां तस्य पश्यस्यकरुण करभोरोर्भज्यते मध्यमेतत् ।
३१४०-२ इति गुरुजघनाज्ञाचोदिता र्ॐअराजिः स्तनयुगमसिताक्ष्या वक्तुमारोहतीव ॥

३१४१-१ अलमलमनुगम्य प्रस्थितं प्राणनाथं प्रथमविरहशोके न प्रतीकार एषः ।
३१४१-२ सपदि रमणयात्रा श्रेय इत्यारटन्त्या चरणपतनपूर्वं सा निरुद्धेव काञ्च्या ॥

३१४२-१ अलमलमियमेव प्राणिनां पातकानां निरसनविषये या कृष्ण कृष्णेति वाणी ।
३१४२-२ यदि भवति मुकुन्दे भक्तिरानन्दसान्द्रा विलुठति चरणाब्जे मोक्षसाम्राज्यलक्ष्मीः ॥

३१४३-१ अलमात्मीयं विदितं विदितं धनिकस्य याचकोऽवहितः ।
३१४३-२ चन्द्रं ब्रवीति चटकं चटकं चन्द्रं च लोभलोलमना ॥

३१४४-१ अलमादिवराहेण वटुदासं परं स्तुमः ।
३१४४-२ जगदुद्धरता येन न वक्रीकृतमाननं ॥

३१४५-१ अलमुदकेन तृणैर्वा मनस्विना प्राणधारणा कार्या ।
३१४५-२ नासंस्कृतश्च पुरुषः प्राकृतसत्त्वः प्रणयितव्यः ॥

३१४६-१ अललितगतिरुच्चैः स्थूलवक्राङ्गुलीकं वहति चरण युग्मं कन्धरां ह्रस्वपीनां ।
३१४६-२ कपिलकचकलापा क्रूरचेष्टातिपीना द्विरदमदविगन्धिः स्वाङ्ककेऽनङ्कके च ॥

३१४७-१ द्विगुणकटुकषायप्रायभुग्वीतलज्जा लुलदतिविपुलोष्ठी दुःखसाध्या प्रयोगे ।
३१४७-२ बहिरपि बहुर्ॐआत्यन्तमन्तर्विशालं वहति जघनरन्ध्रं हस्तिनी गद्गदोक्तिः ॥

३१४८-१ अलसं मुखरं स्तब्धं क्रूरं व्यसनिनं शठं ।
३१४८-२ असंतुष्टमभक्तं च त्यजेद्भृत्यं नराधिपः ॥

३१४९-१ अलसं वपुषि श्लथं दुकूले चपलं चेतसि धूसरं कपोले ।
३१४९-२ चकितं नयने स्तने विलोलं तव नामश्रवणं तनूदरीणां ॥

३१५०-१ अलसं विक्रमश्रान्तं विहतोपायचेष्टितं ।
३१५०-२ क्षयव्ययप्रवासैश्च श्रमेण विपरिद्रुतं ॥

३१५१-१ भीरुं मूर्खं स्त्रियं बालं धार्मिकं दुर्जनं पशुं ।
३१५१-२ मैत्रीप्रधानं कल्याणबुद्धिं सान्त्वेन साधयेत् ॥

३१५२-१ अलसभुजलताभिर्नादृतो नागरीभिर्भवनदमनकानां नातिथिर्वा बभूव ।
३१५२-२ त्वदरिनगरमध्ये संचरंश्चैत्रजन्मा जरदजगरपीतः क्षीयते गन्धवाहः ॥

३१५३-१ अलसमधुरा स्निग्धा दृष्टिर्घनत्वमुपागता किसलयरुचिर्निस्ताम्बूलस्वभावधरोधरः ।
३१५३-२ त्रिवलिवलया लेखोन्नेया घटन्त इवैकतः प्रकृतिसुभगा गर्भेणासौ किमप्युपपादिता ॥

३१५४-१ अलसमुकुलिताक्षं वक्त्रमालोक्य तस्या मयि विलुलितचित्ते मूकभावं प्रपन्ने ।
३१५४-२ श्रवणकुवलयान्तश्चारिणा षट्पदेन क्षणमनुगतनादं गीतमन्तः स्मरामि ॥

३१५५-१ अलसयति गात्रमधिकं भ्रमयति चेतस्तनोति संतापं ।
३१५५-२ मोहं च मुहुः कुरुते विषमविषं वीक्षितं तस्याः ॥

३१५६-१ अलसलुलितमुग्धान्यध्वसंपातखेदादशिथिलपरिरम्भैर्दत्तसंवाहनानि ।
३१५६-२ परिमृदितमृणालीदुर्बलान्यङ्गकानि त्वमुरसि मम कृत्वा यत्र निद्रामवाप्ता ॥

३१५७-१ अलसवलितैः प्रेमार्द्रार्द्रैर्मुहुर्मुकुलीकृतैः क्षणमभिमुखैर्लज्जालोलैर्निमेषपराङ्मुखैः ।
३१५७-२ हृदयनिहितं भावाकूतं वमद्भिरिवेक्षणैः कथय सुकृती कोऽयं मुग्धे त्वयाद्य विलोक्यते ॥

३१५८-१ अलसविलसन्मुग्धस्निग्धस्मितं व्रजसुन्दरीं अदनकदनस्विन्नं धन्यं महद्वदनाम्बुजं ।
३१५८-२ तरुणमरुणज्योत्स्नाकार्त्स्न्यस्मितस्नपिताधरं जयति विजयश्रेणीमेणीदृशां मदयन्महः ॥

३१५९-१ अलसविलसितानामुल्लसद्भ्रूलतानां मसृणमुकुलितानां प्रान्तविस्तारितानां ।
३१५९-२ प्रतिनयननिपाते किंचिदाकुञ्चितानां विविधमहमभूवं पात्रमालोकितानां ॥

३१६०-१ अलसस्य कुतो विद्या अविद्यस्य कुतो धनं ।
३१६०-२ अधनस्य कुतो मित्रं अमित्रस्य कुतः सुखं ॥

३१६१-१ अलसस्याल्पदोषस्य निर्विद्यस्याकृतात्मनः ।
३१६१-२ प्रदानकाले भवति मातापि हि पराङ्मुखी ॥

३१६२-१ अलसानपि न्न्रक्षेन्न कृतघ्नान्कदाचन ।
३१६२-२ द्विषतोऽपि गुणाः काम्याः सुहृदोऽपि न दुर्गुणाः ॥

३१६३-१ अलसारुणलोचनारविन्दां परिभोगोचितधूसरैकचेलां ।
३१६३-२ शिथिलाकुलवेणिबन्धरम्यां अबलामन्तिकशायिनीं दिदृक्षे ॥

३१६४-१ अलसैर्मदेन सुदृशः शरीरकैः स्वगृहान्प्रति प्रतिययुः शनैः शनैः ।
३१६४-२ अलघुप्रसारितविलोचनाञ्जलि- द्रुतपीतमाधवरसौघनिर्भरैः ॥

३१६५-१ अलसो मन्दबुद्धिश्च सुखी च व्याधिपीडितः ।
३१६५-२ निद्रालुः कामुकश्चैव षडेते शास्त्रवर्जिताः ॥

३१६६-१ अलाबुं वर्तुलाकारं वार्ताकं कुन्दसंनिभं ।
३१६६-२ प्राणान्तेऽपि न चाश्नीयान्मसूरान्नं सवल्कलं ॥

३१६७-१ अलाबुबीजं त्रपुसस्य बीजं तस्यैव तोयेन च तन्निषिक्तं ।
३१६७-२ आलेपनाद्यैर्विधिवत्प्रयुक्तं हन्याद्विषं तक्षकसंभवं च ॥

३१६८-१ अलाभात्पुरुषाणां हि भयात्परिजनस्य च ।
३१६८-२ वधबन्धभयाच्चापि स्वयं गुप्ता भवन्ति ताः ॥

३१६९-१ अलिकुलमञ्जुलकेशी परिमलबहुला रसावहा तन्वी ।
३१६९-२ किशलयपेशलपाणिः कोकिलकलभाषिणी प्रियतमा मे ॥

३१७०-१ अलिनीलालकलतं कं न हन्ति घनस्तनि ।
३१७०-२ आननं नलिनच्छायनयनं शशिकान्ति ते ॥

३१७१-१ अलिपटलैरनुयातां सहृदयहृदयज्वरं विलुम्पन्तीं ।
३१७१-२ मृगमदपरिमललहरीं समीर पामरपुरे किरसि ॥

३१७२-१ अलिभिरञ्जनबिन्दुमनोहरैः कुसुमपङ्क्तिनिपातिभिरङ्कितः ।
३१७२-२ न खलु शोभयति स्म वनस्थलीं न तिलकस्तिलकः प्रमदामिव ॥

३१७३-१ अलियुवा विललास चिराय यस्त्रिदशशैवलिनीकमलोदरे ।
३१७३-२ विधिवियोगनियोगवशीकृतो गततरौ स मरौ रमते कथं ॥

३१७४-१ अलिरनुसरति परिमलं लक्ष्मीरनुसरति नयगुणसमृद्धिं ।
३१७४-२ निम्नमनुसरति सलिलं विधिलिखितं बुद्धिरनुसरति ॥

३१७५-१ अलिरयं नलिनीदलमध्यगः कमलिनीमकरन्दमदालसः ।
३१७५-२ विधिवशात्परदेशमुपागतः कुटजपुष्परसं बहु मन्यते ॥

३१७६-१ अलिर्मृगो वा नेत्रं वा यत्र किंचिद्विभासते ।
३१७६-२ अरविन्दं मृगाङ्को वा मुखं वेदं मृगीदृशः ॥

३१७७-१ अलिवलयैरलकैरिव कुसुमस्तबकैः स्तनैरिव वसन्ते ।
३१७७-२ भान्ति लता ललना इव पाणिभिरिव किसलयैः सपदि ॥

३१७८-१ अलीक एव त्वद्भावो मद्भावोऽलीक एव च ।
३१७८-२ अनुभूतोऽप्यसद्रूपः स्वप्ने स्वमरणं यथा ॥

३१७९-१ अलीकरूपो यदि मध्यभागः पयोधराकारभृतश्च केशाः ।
३१७९-२ उत्सङ्गशोभापि सरोरुहाक्ष्याः करस्य शोभां कलयेन्न कस्मात् ॥

३१८०-१ अलीकव्यामुक्तप्रचुरकबरीबन्धनमिषादुदञ्चद्दोर्वल्लीद्वयधृतपरीवेशनिहितः ।
३१८०-२ अयं जृम्भारम्भस्फटिकशुचिदन्तांशुनिचयो मुखेन्दुर्गौराङ्ग्या गलितमृगज्ञक्ष्मा विजयते ॥

३१८१-१ अलीनां मालाभिर्विरचितजटाभारमहिमा परागैः पुष्पाणामुपरचितभस्मव्यतिकरः ।
३१८१-२ वनानामाभोगे कुसुमवति पुष्पोच्चयपरो मरुन्मन्दं मन्दं विचरति परिव्राजक इव ॥

३१८२-१ अलुप्तसत्त्वकोशानां महत्त्वं महतां हि किं ।
३१८२-२ आकर्णितां परस्यार्तिं न चेच्छिन्दन्ति तत्क्षणं ॥

३१८३-१ अलुब्धैः सह सौहार्दं पण्डितैः सह संकथा ।
३१८३-२ उत्तमैः सह सङ्गश्च विधेयाः सुखमिच्छता ॥

३१८४-१ अलोभः परमं वित्तं अहिंसा परमं तपः ।
३१८४-२ अमाया परमा विद्या निरवद्या मनीषिणां ॥

३१८५-१ अल्ॐअशं पूर्णशशाङ्कशोभं मुखं तु यूनां कतिचिद्दिनानि ।
३१८५-२ जाते ततः श्मश्रुविशालजाले शेवाललीनाब्जतुलां बिभर्ति ॥

३१८६-१ अलौकिकमहालोकप्रकाशितजगत्त्रयः ।
३१८६-२ स्तूयते देव सद्वंशमुक्तारत्नं न कैर्भवान् ॥

३१८७-१ अलौल्यमारोग्यमनिष्ठुरत्वं गन्धः शुभो मूत्रपुरीषमल्पं ।
३१८७-२ कान्तिः प्रसादः स्वरस्ॐयता च योगप्रवृत्तेः प्रथमं हि चिह्नं ॥

३१८८-१ अल्पं किंचिच्छ्रियं प्राप्य नीचो गर्वायते लघु ।
३१८८-२ पद्मपत्रतले भेको मन्यते दण्डधारिणं ॥

३१८९-१ अल्पं दर्पबलं दैत्य स्थिरमक्रोधज बलं ।
३१८९-२ हतस्त्वं दर्पजैर्दोषैर्हित्वा यो भाषसे क्षमां ॥

३१९०-१ अल्पं निर्मितमाकाशं अनालोच्यैव वेधसा ।
३१९०-२ इदमेवंविधं भावि भवत्याः स्तनजृम्भनं ॥

३१९१-१ अल्पतोऽधिकतः साध्यं लघुनैव प्रसाधयेत् ।
३१९१-२ भूप्रदक्षिणतोऽहल्यां गौतमः कपिलां भ्रमन् ॥

३१९२-१ अल्पतोयश्चलत्कुम्भो ह्यल्पदुग्धाश्च धेनवः ।
३१९२-२ अल्पविद्यो महागर्वी कुरूपी बहुचेष्टितः ॥

३१९३-१ अल्पप्रभोस्तु सेवायां भुक्तिमात्रं प्रयोजनं ।
३१९३-२ अनुग्रहमजामूल्यं निग्रहं प्राणसंकटं ॥

३१९४-१ अल्पमप्यवमन्येत न शत्रुर्बलदर्पितः ।
३१९४-२ रामेण रामः शिशुना ब्राह्मण्यदययोज्झितः ॥

३१९५-१ अल्पश्रुतलव एव प्रायः प्रकटयति वाग्विभवमुच्चैः ।
३१९५-२ सर्वत्र कुनट एव हि नाटकमधिकं विडम्बयति ॥

३१९६-१ अल्पसारोऽपि यो मोहाद्विस्तारं कर्तुमिच्छति ।
३१९६-२ पश्चाच्छोचति दुर्बुद्धिर्नालिकेरबको यथा ॥

३१९७-१ अल्पाक्षररमणीयं यः कथयति निश्चितं स खलु वाग्मी ।
३१९७-२ बहुवचनमल्पसारं यः कथयति विप्रलापी सः ॥

३१९८-१ अल्पानामपि वस्तूनां संहतिः कार्यसाधिका ।
३१९८-२ तृणैर्गुणत्वमापन्नैर्बध्यन्ते मत्तदन्तिनः ॥

३१९९-१ अल्पापकारमपि पार्श्वगतं निहन्ति नीचो न दूरमसमागसमप्यरातिं ।
३१९९-२ श्वा निर्दशत्युपलमन्तिकमापतन्तं तत्त्यागिनं न तु विदूरगमुग्ररोषः ॥

३२००-१ अल्पायां वा महत्यां वा सेनायामिति निश्चयः ।
३२००-२ हर्षो योधगणस्यैको जयलक्षणमुच्यते ॥

३२०१-१ अल्पाश्च गुणाः स्फीता भवन्ति गुणसमुदितेषु पुरुषेषु ।
३२०१-२ श्वेतगिरिशिखरकेष्विव निशासु चन्द्रांशवः पतिताः ॥

३२०२-१ अल्पाश्रयं समासाद्य महानप्यल्पको भवेत् ।
३२०२-२ गजेन्द्रः पर्वताकारो यथा दर्पणमाश्रितः ॥

३२०३-१ अल्पीयःस्खलनेन यत्र पतनं कृच्छ्रेण यत्रोन्नतिर्द्वारे वेत्रलतावितानगहने कष्टः प्रवेशक्रमः ।
३२०३-२ हे सारङ्ग मनोरमा वनभुवस्त्यक्त्वा विशेषार्थिना किं भूभृत्कटकस्थितिव्यसनिना व्यर्थं खुराः शातिताः ॥

३२०४-१ अल्पीयसामेव निवासभूमि- त्यागाद्विपत्तिर्महतां न जातु ।
३२०४-२ रत्नाकरात्सन्मणयोऽभियान्ति राज्ञां शिरः काकमुखानि भेकाः ॥

३२०५-१ अल्पीयसैव पयसा यत्कुम्भः पूर्यते प्रसिद्धं तत् ।
३२०५-२ ब्राह्मं तेजः पश्यत कुम्भोद्भूतः पपौ वार्धिं ॥

३२०६-१ अल्पेच्छुर्धृतिमान्प्राज्ञश्छायेवानुगतः सदा ।
३२०६-२ आदिष्टो न विकल्पेत स राजवसतिं वसेत् ॥

३२०७-१ अल्पेन विभवेनैव व्ययाधिक्यं न युक्तितः ।
३२०७-२ क्षीणेन वाससाच्छन्ने पादविस्तारणं यथा ॥

३२०८-१ अल्पेनापि सुरक्तेन साधनेन प्रयोजनं ।
३२०८-२ ओष्ठद्वयसहायेन कान्तास्येन जगज्जितं ॥

३२०९-१ अल्पेनैव गुणेन हि कश्चिल्लोके प्रसिद्धिमुपयाति ।
३२०९-२ एकेन करेण गजः करी न सूर्यः सहस्रेण ॥

३२१०-१ अल्पेऽपि नृपतिदत्ते प्रतिश्रुते वापि दातुमेतेन ।
३२१०-२ उत्थायाशीर्देया क्वचिदुपविश्यापि परिषदौचित्यात् ॥

३२११-१ अल्पेऽप्यपकृते मोहान्न शान्तिमुपगच्छति ।
३२११-२ तादृशैः संगतं नीचैर्नृशंसैरकृतात्मभिः ।
३२११-३ निशाम्य निपुणं बुद्ध्या विद्वान्दूराद्विवर्जयेत् ॥

३२१२-१ अल्पे वयसि हे बाले कुचयोः पतनः कुतः ।
३२१२-२ अधस्तात्खनने मूढ गिरयो न पतन्ति किं ॥

३२१३-१ अल्पोऽपि ह्यरिरत्यन्तं वर्धमानपराक्रमः ।
३२१३-२ वल्मीको मूलज इव ग्रसते वृक्षमन्तिकात् ॥

३२१४-१ अवंशपतितो राजा मूर्खपुत्रश्च पण्डितः ।
३२१४-२ अधनी हि धनं प्राप्य तृणवन्मन्यते जगत् ॥

३२१५-१ अवकाशः सुवृत्तानां हृदयान्तर्न योषितां ।
३२१५-२ इतीव विहितौ धात्रा सुवृत्तौ तद्बहिः कुचौ ॥

३२१६-१ अवकेशिनोऽस्य युक्तं जानामि तरोरशोक इति नाम ।
३२१६-२ फलपाकविधुरितात्मा यतोऽन्यथासौ सशोकः स्यात् ॥

३२१७-१ अवक्रस्तारकाधीशः परिपूर्णप्रियोदयः ।
३२१७-२ प्राचीं दिशमतिक्रम्य पतनं प्रतिपद्यते ॥

३२१८-१ अवक्रे मांसहीने च वाजिजङ्घे सुशोभने ।
३२१८-२ कूर्चं समं सुसंधि स्याद्ग्रन्थिव्रणविवार्जितं ॥

३२१९-१ अवगच्छति मूढचेतनः प्रियनाशं हृदि शल्यमर्पितं ।
३२१९-२ स्थिरधीस्तु तदेव मन्यते कुशलद्वारतया समुद्धृतं ॥

३२२०-१ अवगम्य कथीकृतं वपुः प्रियबन्धोस्तव निष्फलोदयः ।
३२२०-२ बहुलेऽपि गते निशाकरस्तनुतां दुःखमनङ्ग मोक्ष्यति ॥

३२२१-१ अवचनं वचनं प्रियसंनिधावनवलोकनमेव विलोकनं ।
३२२१-२ अवयवावरणं च यदञ्चल- व्यतिकरेण तदङ्गसमर्पणं ॥

३२२२-१ अवचयपरिभोगवन्ति हिंस्रैः सहचरितान्यमृगाणि काननानि ।
३२२२-२ अभिदधुरभितो मुनिं वधूभ्यः समुदितसाध्वसविक्लवं च चेतः ॥

३२२३-१ अवचितकुसुमा विहाय वल्लीर्युवतिषु क्ॐअलमाल्यमालिनीषु ।
३२२३-२ पदमुपदधिरे कुलान्यलीनां नपरिचयो मलिनात्मनां प्रधानं ॥

३२२४-१ अवचितबलिपुष्पा वेदिसंमार्गदक्षा नियमविधिजलानां बर्हिषां चोपनेत्री ।
३२२४-२ गिरिशमुपचचार प्रत्यहं सा सुकेशी नियमितपरिखेदा तच्छिरश्चन्द्रपादैः ॥

३२२५-१ अवजितमधुना तवाहमक्ष्णो रुचिरतयेत्यवनम्य लज्जयेव ।
३२२५-२ श्रवणकुवलयं विलासवत्या भ्रमररुतैरुपकर्णमाचचक्षे ॥

३२२६-१ अवज्ञया दीयते यत्तथैवाश्रद्धयापि च ।
३२२६-२ तदाहुरधमं दानं मुनयः सत्यवादिनः ॥

३२२७-१ अवज्ञया न दातव्यं कस्य चिल्लीलयापि वा ।
३२२७-२ अवज्ञया कृतं हन्याद्दातारं नात्र संशयः ॥

३२२८-१ अवज्ञया यदहसदुच्चकैर्बलः समुल्लसद्दशनमयूखमण्डलः ।
३२२८-२ रुषारुणीकृतमपि तेन तत्क्षणं निजं वपुः पुनरनयन्निजां रुचिं ॥

३२२९-१ अवज्ञातोऽपि दुष्टेन गुणो दोषो न मन्यते ।
३२२९-२ नहि चम्पकसौगन्ध्यं पूतिर्भृङ्गावहेलया ॥

३२३०-१ अवज्ञानसहस्रैस्तु दोषाः कष्टतरा धने ।
३२३०-२ धने सुखकला या च सापि दुःखैर्विधीयते ॥

३२३१-१ अवज्ञास्फुटितं प्रेम समीकर्तुं क ईश्वरः ।
३२३१-२ संधिं न याति स्फुटितं लाक्षालेपेन मौक्तिकं ॥

३२३२-१ अवतारा ह्यसंखेया हरेः सत्त्वनिधेर्द्विजाः ।
३२३२-२ यथा विदासिनः कुल्याः सरसः स्युः सहस्रशः ॥

३२३३-१ अवति निखिललोकं यः पितेवादृतात्मा दहति दुरितराशिं पावको वेन्धनौकं ।
३२३३-२ वितरति शिवसौख्यं हन्ति संसारशत्रुं विदधतु शुभबुद्ध्या तं बुधा धर्ममत्र ॥

३२३४-१ अवतु वः सवितुस्तुरगावली स्फुरति मध्यगतारुणनायका ।
३२३४-२ समभिलम्भिततुङ्गपयोधरा मरकतैकलतेव नभःश्रियः ॥

३२३५-१ अवद्यजम्बालगवेषणाय कृतोद्यमानां खलसैरिभाणां ।
३२३५-२ कवीन्द्रवाङ्निर्जरनिर्झरिण्यां संजायते व्यर्थमनोरथत्वं ॥

३२३६-१ अवद्यमुक्ते पथि यः प्रवर्तते प्रवर्तयत्यन्यजनं च निःस्पृहः ।
३२३६-२ स सेवितव्यः स्वहितैषिणा गुरुः स्वयं तरंस्तारयितुं क्षमः परं ॥

३२३७-१ अवधानेन मौनेन काषायेण जटाजिनैः ।
३२३७-२ विश्वासयित्वा द्वेष्टारं अवलुम्पेद्यथा वृकः ॥

३२३८-१ अवधारय धर्मेषु प्रधानमवधानतः ।
३२३८-२ निर्भरानन्दकन्दाय गोविन्दाय मनोऽर्पय ॥

३२३९-१ अवधार्य कार्यगुरुतामभवन्न भयाय सान्द्रतमसंतमसं ।
३२३९-२ सुतनोः स्तनौ च दयितोपगमे तनुर्ॐअराजिपथवेपथवे ॥

३२४०-१ अवधिदिनावधिजीवाः प्रसीद जीवन्तु पथिकजनजायाः ।
३२४०-२ दुर्लङ्घ्यवर्त्मशैलौ स्तनौ पिधेहि प्रपापालि ॥

३२४१-१ अवधिदिवसः प्राप्तश्चायं तनोर्विरहस्य वा रविरयमुपैत्यस्तं सख्यो ममापि च जीवितं ।
३२४१-२ तदलमफलैराशाबन्धैः प्रसीद नमोऽस्तु ते हृदय सहसा पाकोत्पीडं विडम्बय दाडिमं ॥

३२४२-१ अवधिदिवसः सोऽयं नात्रागतः किमियत्क्षणं वितर नयने पश्यैतन्मे पुरः सखि साहसं ।
३२४२-२ इयमियमहं रूढज्वालाकरालितरोदसीं मलयजरसाभ्यक्तैरङ्गैः पताम्यभि क्ॐउदीं ॥

३२४३-१ अवधीरणां कृतवती भवती मयि यत्कुकर्ममहिमा स हि मे ।
३२४३-२ यदि चातको न लभतेऽम्बु घनाद्वचनीयता भवति काम्बुमुचः ॥

३२४४-१ अवधीरय धनविकलं कुरु गौरवमकृशसंपदः पुंसः ।
३२४४-२ अस्मादृशं हि मुग्धे धनसिद्ध्यै रूपनिर्माणं ॥

३२४५-१ अवधूतप्रणिपाताः पश्चात्संतप्यमानमनसोऽपि ।
३२४५-२ निभृतैर्व्यपत्रपन्ते दयितानुनयैर्मनस्विन्यः ॥

३२४६-१ अवधूयारिभिर्नीता हरिणैस्तुल्यवृत्तितां ।
३२४६-२ अन्योन्यस्यापि जिह्रीमः किं पुनः सहवासिनां ॥

३२४७-१ अवधेहि क्षणमेहि भ्रातर्भावज्ञ भावय गिरं नः ।
३२४७-२ चरमे चकास्ति चेतसि मूकस्वप्नोपमो भावः ॥

३२४८-१ अवधौ दिवसावसानकाले भवनद्वारि विलोचने दधाना ।
३२४८-२ अवलोक्य समागतं तदा मां अथ रामा विकसन्मुखी बभूव ॥

३२४९-१ अवध्यं वाथवागम्यं अकृत्यं नास्ति किंचन ।
३२४९-२ लोके बुद्धिमतामत्र तस्मात्तां योजयाम्यहं ॥

३२५०-१ अवध्या ब्राह्मणा गावो स्त्रियो बालाश्च ज्ञातयः ।
३२५०-२ येषां चान्नानि भुञ्जीत ये च स्युः शरणागताः ॥

३२५१-१ अवध्यैरिन्दुपादानां असाध्यैश्चन्दनाम्भसां ।
३२५१-२ देहोष्मभिः सुबोधं ते सखि कामातुरं मनः ॥

३२५२-१ अवध्यो ब्राह्मणो बालः स्त्री तपस्वी च रोगभाक् ।
३२५२-२ येषां चान्नानि भुक्तानि ये च स्युः शरणं गताः ॥

३२५३-१ अवध्यो ब्राह्मणो बालः स्त्री तपस्वी च रोगभाक् ।
३२५३-२ विहिता व्यङ्गिता तेषां अपराधे गरीयसि ॥

३२५४-१ अवनतवदनेन्दुरिच्छतीव व्यवधिमधीरतया यदस्थितास्मै ।
३२५४-२ अहरत सुतरामतोऽस्य चेतः स्फुटमभिभूषयति स्त्रियस्त्रपैव ॥

३२५५-१ अवनतशिरसः प्रयाम शीघ्रं पथि वृषभा इव वर्षताडिताक्षाः ।
३२५५-२ मम हि सदसि गौरवप्रियस्य कुलजनदर्शनकातरं हि चक्षुः ॥

३२५६-१ अवनम्य वक्षसि निमग्नकुच- द्वितयेन गाढमुपगूढवता ।
३२५६-२ दयितेन तत्क्षणचलद्रशना- कलकिंकिणीरवमुदासि वधूः ॥

३२५७-१ अवनौ शनैः शनैस्त्वं निदधासि पदद्वयं स्वस्य ।
३२५७-२ लक्ष्यं पश्यसि न वदसि भजसि जलं बक ततोऽसि सितः ॥

३२५८-१ अवन्तिः काव्यमानर्च भर्चोर्मौखरिशेखरः (

?)

।
३२५८-२ शिष्यो बाणश्च संक्रान्तकान्तवेद्यवचाः कविः ॥

३२५९-१ अवन्तिनाथोऽयमुदग्रबाहुर्विशालवक्षास्तनुवृत्तमध्यः ।
३२५९-२ आरोप्य चक्रभ्रममुष्णतेजास्त्वष्ट्रेव यत्नोल्लिखितो विभाति ॥

३२६०-१ अवन्ति ये जनकसमा मुनीश्वराश्चतुर्विधं गणमनवद्यवृत्तयः ।
३२६०-२ स्वदेहवद्दलितमदाष्टकारयो भवन्तु ते मम गुरवो भवान्तकाः ॥

३२६१-१ अवन्ध्यं दिवसं कुर्याद्धर्मतः कामतोऽर्थतः ।
३२६१-२ गते हि दिवसे तस्मिंस्तदूनं तस्य जीवितं ॥

३२६२-१ अवन्ध्यकोपस्य विहन्तुरापदां भवन्ति वश्याः स्वयमेव देहिनः ।
३२६२-२ अमर्षशून्येन जनस्य जन्तुना न जातहार्देन न विद्विषादरः ॥

३२६३-१ अवमानहतं यच्च दत्तमश्रद्धया धनं ।
३२६३-२ ऊषरे निष्फलं बीजं क्षिप्तमक्षिप्तमेव तत् ॥

३२६४-१ अवमानारणिमथितं दुर्वागिन्धनविवर्धितज्वालं ।
३२६४-२ सत्पुरुषाः कोपाग्निं ज्ञानाम्बुघटैः प्रशमयन्ति ॥

३२६५-१ अवमानेन महतां प्रहर्षक्रोधविस्मयैः ।
३२६५-२ तपांसि क्षयमायान्ति यशांसीव सुदुर्नयैः ॥

३२६६-१ अवमुक्तमपक्रान्तमुख्यं तन्न क्षमं युधि ।
३२६६-२ पितृपैतामहं मौलं तत्क्रुद्धं सान्त्वितं क्षमं ॥

३२६७-१ अवयः केवलकवयः कीराः स्युः केवलं धीराः ।
३२६७-२ वीराः पण्डितकवयस्तानवमन्ता तु केवलं गवयः ॥

३२६८-१ अवयवेषु परस्परबिंबितेष्वतुलनिर्मलकान्तिषु तत्तनोः ।
३२६८-२ अयमयं प्रविभाग इति स्फुटं जगति निश्चिनुते चतुरोऽपि कः ॥

३२६९-१ अवलम्बितविष्णुपदः कर्षितजनचक्षुरतुलगतिः ।
३२६९-२ पत्रमयोऽपि पदार्थः पतङ्गतामेति गुणयोगात् ॥

३२७०-१ अवलिप्तेषु मूर्खेषु रौद्रसाहसिकेषु च ।
३२७०-२ तथैवापेतधर्मेषु न मैत्रीमाचरेद्बुधः ॥

३२७१-१ अवलेपमनङ्गस्य वर्धयन्ति बलाहकाः ।
३२७१-२ कर्शयन्ति तु धर्मस्य मारुतोद्धूतशीकराः ॥

३२७२-१ अवलोकनमपि सुखयति कुवलयदलचारुचपलनयनायाः ।
३२७२-२ किं पुनरलकचलद्द्युति- सरभसमालिङ्गनं तन्व्याः ॥

३२७३-१ अवलोकितमनुमोदित- मालिङ्गितमङ्गनाभिरनुरागैः ।
३२७३-२ अधिवृन्दावनकुञ्जं मरकतपुञ्जं नमस्यामः ॥

३२७४-१ अवलोक्य नर्तितशिखण्डिमण्डलैर्नवनीरदैर्निचुलितं नभस्तलं ।
३२७४-२ दिवसेऽपि वञ्जुलनिकुञ्जमित्वरी विशति स्म वल्लभवतंसितं रसात् ॥

३२७५-१ अवलोक्य स्तनौ वध्वा गुञ्जाफलविभूषितौ ।
३२७५-२ निःश्वस्य रोदिति क्लिष्टा कुतो व्याधकटुम्बिनी ॥

३२७६-१ अवशेन्द्रियचित्तानां हस्तिस्नानमिव क्रिया ।
३२७६-२ दुर्भगाभरणप्रायो ज्ञानं भारः क्रियां विना ॥

३२७७-१ अवश्यं कोपाग्निस्तव सुतनु निर्वास्यति चिरात्स्वशोभामारूढं मुखमपि च ते हास्यति शुचं ।
३२७७-२ भवद्गोष्ठीशून्या मम तु दिवसा यान्ति य इमे न तेषामावृत्तिः पुनरपि मनो दूयत इति ॥

३२७८-१ अवश्यं निधनं सर्वैर्गन्तव्यमिह मानवैः ।
३२७८-२ अवश्यभाविन्यर्थे वै संतापो नेह विद्यते ॥

३२७९-१ अवश्यं पितुराचारं पुत्रः समनुवर्तते ।
३२७९-२ नहि केतकवृक्षस्य भवत्यामलकीफलं ॥

३२८०-१ … … … … … … ।
३२८०-२ अवश्यं प्राणिनां प्राणा रक्षितव्या यथाबलं ॥

३२८१-१ अवश्यं भाविनं नाशं भावित्वाद्विध्युपस्थितं ।
३२८१-२ अयमेव हि ते कालः पूर्वमासीदनागतः ॥

३२८२-१ अवश्यं भाविनो भावा भवन्ति महातमपि ।
३२८२-२ नग्नत्वं नीलकण्ठस्य महाहिशयनं हरेः ॥

३२८३-१ अवश्यंभाविभावानां प्रतीकारो भवेद्यद ।
३२८३-२ तदा दुःखैर्न बाध्यन्ते नलरामयुधिष्ठिराः ॥

३२८४-१ अवश्यं यातारश्चिरतरमुषित्वापि विषया वियोगे को भेदस्त्यजति न जनो यत्स्वममून् ।
३२८४-२ व्रजन्तः स्वातन्त्र्यादतुलपरितापाय मनसः स्वयं त्यक्ता ह्येते शमसुखमनन्तं विदधति ॥

३२८५-१ अवश्यं लभते कर्ता फलं पापस्य कर्मणः ।
३२८५-२ घोरं पर्यागते काले द्रुमः पुष्पमिवार्तवं ॥

३२८६-१ अवश्यकारणैः प्राणान्धारयत्येव चातकः ।
३२८६-२ प्रार्थनाभङ्गभीतोऽपि शक्रादपि न याचते ॥

३२८७-१ अवश्यगत्वरैः प्राणैर्मृत्युकाले महात्मनां ।
३२८७-२ परोपकारश्चेत्कश्चित्सिध्येत्तदमृतं मृतं ॥

३२८८-१ अवश्यनिष्पत्तिमहाफलाढ्यां अदीर्घसूत्रां परिणामकल्यां ।
३२८८-२ कामं व्ययायासकरीमुपेयान्न त्वेव जातु क्षयदोषयुक्तां ॥

३२८९-१ अवश्यभव्येष्वनवग्रहग्रहा यया दिशा धावति वेधसः स्पृहा ।
३२८९-२ तृणेन वात्येव तयानुगम्यते जनस्य चित्तेन भृशावशात्मना ॥

३२९०-१ अवश्यमायान्ति वशं विपश्चितां उपायसंदंशबलेन संपदः ।
३२९०-२ भवत्युदारं विधिवत्प्रयोजिते फलं हि राज्ञां क्वचिदर्थसिद्धये ॥

३२९१-१ अवश्यमिन्द्रियैस्तात वर्तितव्यं स्वगोचरे ।
३२९१-२ चण्डरागस्तु यस्तत्र तं बुधः परिवर्जयेत् ॥

३२९२-१ अवश्यमेव भोक्तव्यं कर्मणां त्वक्षयं फलं ।
३२९२-२ नाभुक्तं क्षीयते कर्म कल्पकोटिशतैरपि ॥

३२९३-१ अवश्यमेव भोक्तव्यं कृतं कर्म शुभाशुभं ।
३२९३-२ कृतकर्मक्षयो नास्ति कल्पकोटिशतैरपि ॥

३२९४-१ अवश्यायकणैः प्राणान्संधारयति तित्तिरिः ।
३२९४-२ याच्ञाभङ्गभयाद्भीतो न दैवमपि याचते ॥

३२९५-१ अवसरपठितं सर्वं सुभाषितत्वं प्रयाति यत्किंचित् ।
३२९५-२ चाषः प्रयाणसमये खरनिनदो मङ्गलो भवति ॥

३२९६-१ अवसरपठितं सर्वं सुभाषितत्वं प्रयात्यसूक्तमपि ।
३२९६-२ क्षुधि कदशनमपि नितरां भोक्तुः संपद्यते स्वादु ॥

३२९७-१ अवसरपठिता वाणी गुणगणरहितापि शोभते पुंसां ।
३२९७-२ रतिसमये रमणीनां भूषणहानिस्तु भूषणं भवति ॥

३२९८-१ अवसरमधिगम्य तं हरन्त्यो हृदयमयत्नकृतोज्ज्वलस्वरूपाः ।
३२९८-२ अवनिषु पदमङ्गनास्तदानीं न्यदधत विभ्रमसंपदोऽङ्गनासु ॥

३२९९-१ अवसितं हसितं प्रसितं मुदा विलसितं ह्रसितं स्मरभासितं ।
३२९९-२ न समदाः प्रमदा हतसंमदाः पुरहितं विहितं न समीहितं ॥

३३००-१ अवस्कन्दप्रदानस्य सर्वे कालाः प्रकीर्तिताः ।
३३००-२ व्यसने वर्तमानस्य शत्रोच्छिद्रान्वितस्य च ॥

३३०१-१ अवस्कन्दभयाद्राजा प्रजागरकृतश्रमं ।
३३०१-२ दिवासुप्तं सदा हन्यान्निद्राव्याकुलसैनिकं ॥

३३०२-१ अवस्था पूज्यते राजन्न शरीरं शरीरिणां ।
३३०२-२ तदा वनचरो राम इदानीं नृपतां गतः ॥

३३०३-१ अवाकिरन्वयोवृद्धास्तं लाजैः पौरयोषितः ।
३३०३-२ पृषतैर्मन्दरोद्धूतैः क्षीरोर्मय इवाच्युतं ॥

३३०४-१ अवाक्षिरास्तमस्यन्धे किल्बिषी नरकं पतेत् ।
३३०४-२ यः प्रश्नं वितथं ब्रूयात्पृष्टः सन्धर्मनिश्चये ॥

३३०५-१ अवाच्यवादांश्च बहून्वदिष्यन्ति तवाहिताः ।
३३०५-२ निन्दन्तस्तव सामर्थ्यं ततो दुःखतरं नु किं ॥

३३०६-१ अवाप सापत्रपतां स भूपतिर्जितेन्द्रियाणां धुरि कीर्तितस्थितिः ।
३३०६-२ असंवरे शम्बरवैरिविक्रमे क्रमेण तत्र स्फुटतामुपेयुषि ॥

३३०७-१ अवापुस्तापमत्यर्थं शफर्यः पल्वलोदके ।
३३०७-२ पुत्रक्षेत्रादिसक्तेन ममत्वेन यथा गृही ॥

३३०८-१ अवाप्तः प्रागल्भ्यं परिणतरुचः शैलतनये कलङ्को नैवायं विलसति शशाङ्कस्य वपुषि ।
३३०८-२ अमुष्येयं मन्ये विगलदमृतस्यन्दशिशिरे रतिश्रान्ता शेते रजनिरमणी गाढमुरसि ॥

३३०९-१ अवाप्तैर्द्राघिम्णा परिचयमुदन्वत्तटभुवां असौ भाति श्यामद्युतिभिरुदकैर्मेखलभुवः ।
३३०९-२ अगस्त्यस्याकार्षीद्वचनमिति कोपादुदधिना गृहीतः केशेषु प्रसभमिव विन्ध्यक्षितिधरः ॥

३३१०-१ अवाप्यते वा किमियद्भवत्या चित्तैकपद्यामपि विद्यते यः ।
३३१०-२ यत्रान्धकारः किल चेतसोऽपि जिह्मेतरैर्ब्रह्म तदप्यवाप्यं ॥

३३११-१ अवाप्यान्कामयस्वार्थान्नानवाप्यान्कदाचन ।
३३११-२ प्रत्युत्पन्नाननुभवन्मा शुचस्त्वमनागतान् ॥

३३१२-१ अवामभागेन यदा वलित्वा श्वा पृष्ठकण्डूतिमपाकरोति ।
३३१२-२ तदह्नि तत्रैव कृतान्तगेहे रोगाभिभूतो नियतं प्रयाति ॥

३३१३-१ अवालुकाश्लक्ष्णमृदा पूरिते गर्तशोधनं ।
३३१३-२ कोदण्डार्धमिते खाते जलसिक्ते वपेत्तरुं ।
३३१३-३ कदलीक्षीरिणौ रोप्यौ मूले दत्त्वा तु ग्ॐअयं ॥

३३१४-१ अवाहिता विनश्यन्ति सर्वकर्मक्षमा अपि ।
३३१४-२ कृशा व्याधिपरीताङ्गा जायन्तेऽत्यन्तवाहनात् ॥

३३१५-१ अविकारिणमपि सज्जनं अनिशमनार्यः प्रबाधतेऽत्यर्थं ।
३३१५-२ कमलिन्या किमिह कृतं हिमस्य यत्तां सदा दहति ॥

३३१६-१ अविकृतकृतभ्ॐअरवा सुस्थानस्था सुचेष्टिता वामे ।
३३१६-२ यात्रासु दृष्टमात्रा दुर्गा दुर्गाणि तारयति ॥

३३१७-१ अविक्रियां चैव समाश्रिताः समं हरन्ति जालं मम पक्षिणो ह्यमी ।
३३१७-२ विवादमेष्यन्ति परस्परं यदा समागमिष्यन्ति च मद्वशं तदा ॥

३३१८-१ अविक्रेयं लवणं पक्वमन्नं दधि क्षीरं मधु तैलं घृतं च ।
३३१८-२ तिला मांसं मूलफलानि शाकं रक्तं वासः सर्वगन्धा गुडश्च ॥

३३१९-१ अविग्रहस्याप्यतुलेन हेतुना समेतभिन्नद्वयमूर्ति तिष्ठतः ।
३३१९-२ तवैव नान्यस्य जगत्सु दृश्यते विरुद्धवेषाभरणस्य कान्तता ॥

३३२०-१ अविचारयतो युक्तिकथनं तुषखण्डनं ।
३३२०-२ नीचेषूपकृतं राजन्बालुकास्विव मूत्रितं ॥

३३२१-१ अविचारेण यत्कर्म कृतं तन्मर्मकृन्तनं ।
३३२१-२ प्रसह्य सीताहरणादतीता रावणश्रियः ॥

३३२२-१ अविजित्य य आत्मानं अमात्यान्विजिगीषते ।
३३२२-२ अमित्रान्वाजितामात्यः सोऽवशः परिहीयते ॥

३३२३-१ अविज्ञातप्रबन्धस्य वचो वाचस्पतेरपि ।
३३२३-२ व्रजत्यफलतामेव नयद्रुह इवेहितं ॥

३३२४-१ अविज्ञातप्रयुक्तेन धर्षिता मम वाससा ।
३३२४-२ संवृता शरदभ्रेण चन्द्रलेखेव शोभते ॥

३३२५-१ अविज्ञातविशेषस्य सर्वतेजोऽपहारिणः ।
३३२५-२ स्वामिनो निर्विवेकस्य तमसश्च किमन्तरं ॥

३३२६-१ अविज्ञातस्य विज्ञानं विज्ञातस्य च निश्चयः ।
३३२६-२ आरम्भः कर्मणां शश्वदारब्धस्यान्तदर्शनं ॥

३३२७-१ अविज्ञातस्य विज्ञानं विज्ञातस्य विनिश्चयः ।
३३२७-२ अर्थद्वैधस्य संदेहच्छेदनं शेषदर्शनं ॥

३३२८-१ अविज्ञातावसक्तेन दूषिता मम वाससा ।
३३२८-२ छादिता शरदभ्रेण चन्द्रलेखेव दृश्यते ॥

३३२९-१ अविज्ञाते परे तत्त्वे शास्त्राधीतिस्तु निष्फला ।
३३२९-२ विज्ञातेऽपि परे तत्त्वे शास्त्राधीतिस्तु निष्फला ॥

३३३०-१ अविज्ञातो धृतः खङ्गः शुभसंपत्तिनाशकः ।
३३३०-२ विज्ञातः सकलैश्वर्यदायको भवति प्रभोः ।
३३३०-३ तस्मात्तेषां गुणान्वक्ष्ये यथोक्तं मुनिपुंगवैः ॥

३३३१-१ अविज्ञानाद्राज्ञो भवति मतिहीनः परिजनस्ततस्तत्प्राधान्याद्भवति न समीपे बुधजनः ।
३३३१-२ बुधैस्त्यक्ते राज्ये भवति हि न नीतिर्गुणवती प्रनष्टायां नीतौ सनृपमवशं नश्यति कुलं ॥

३३३२-१ अविज्ञाय फलं यो हि कर्म त्वेवानुधावति ।
३३३२-२ स शोचेत्फलवेलायां यथा किंशुकसेचकः ॥

३३३३-१ अविज्ञायान्यसामर्थ्यं स्वसामर्थ्यं प्रदर्शयेत् ।
३३३३-२ उपहासमवाप्नोति तथैवायमिहाचलः ॥

३३३४-१ अवितथमनोरथपथ- प्रथनेषु प्रगुणगरिमगीतश्रीः ।
३३३४-२ सुरतरुसदृशः स भवानभिलषणीयः क्षितीश्वर न कस्य ॥

३३३५-१ अवितृप्ततया तथापि मे हृदयं निर्णयमेव धावति ।
३३३५-२ अवसाययितुं क्षमाः सुखं न विधेयेषु विशेषसंपदः ॥

३३३६-१ अविदग्धः पतिः स्त्रीणां प्रौढाणां नायको गुणी ।
३३३६-२ गुणिनां त्यागिनां स्तोको विभवश्चेति दुःखकृत् ॥

३३३७-१ अविदग्धः श्रमकठिनो दुर्लभयोषिद्युवा जडो विप्रः ।
३३३७-२ अपमृत्युरुपक्रान्तः कामिव्याजेन मे रात्रौ ॥

३३३८-१ अविदितगुणान्तराणां नो दोषः प्राप्तदेशवासानां ।
३३३८-२ स्वाधीनकुङ्कुमा अपि यद्विदधति बहुमतिं नीले ॥

३३३९-१ अविदितगुणापि सत्कवि- भणितिः कर्णेषु वमति मधुधारां ।
३३३९-२ अनधिगतपरिमलापि हि हरति दृशं मालतीमाला ॥

३३४०-१ अविदितपरमानन्दो वदति जनो विषयमेव रमणीयं ।
३३४०-२ तिलतैलमेव मिष्टं येन न दृष्टं घृतं क्वापि ॥

३३४१-१ अविदितपरवेदनो मनोभूर्ध्रुवमयमेवमनङ्ग एव नित्यं ।
३३४१-२ यदि पुनरभविष्यदस्य चाङ्गं न खलु तदा व्यथयिष्यदन्यदेहं ॥

३३४२-१ अविदितशषसविशेषा वाणी निःसरति वक्त्रतो येषां ।
३३४२-२ गुदवदनविवरभेदो रदनैरनुमीयते तेषां ॥

३३४३-१ अविदितसुखदुःखं निर्गुणं वस्तु किंचिज्जडमतिरिह कश्चिन्मोक्ष इत्याचचक्षे ।
३३४३-२ मम तु मतमनङ्गस्मेरतारुण्यघूर्णन्मदकलमदिराक्षीनीविमोक्षो हि मोक्षः ॥

३३४४-१ अविदित्वात्मनः शक्तिं परस्य न समुत्सुकः ।
३३४४-२ गच्छन्नभिमुखो वह्नौ नाशं याति पतङ्गवत् ॥

३३४५-१ अविद्यं जीवनं शून्यं दिक्शून्या चेदबान्धवा ।
३३४५-२ पुत्रहीनं गृहं शून्यं सर्वशून्या दरिद्रता ॥

३३४६-१ अविद्यः पुरुषः शोच्यः शोच्यं मिथुनमप्रजं ।
३३४६-२ निराहाराः प्रजाः शोच्याः शोच्यं राष्ट्रमराजकं ॥

३३४७-१ अविद्याकामकर्मादिपाशबन्धं विमोचितुं ।
३३४७-२ कः शक्नुयाद्विनात्मानं कल्पकोटिशतैरपि ॥

३३४८-१ अविद्यानाशिनी विद्या भावना भवनाशिनी ।
३३४८-२ दारिद्र्यनाशनं दानं शीलं दुर्गतिनाशनं ॥

३३४९-१ अविद्याबीजविध्वंसादयमार्षेण चक्षुषा ।
३३४९-२ कालौ भूतभविष्यन्तौ वर्तमानमवीविशत् ॥

३३५०-१ अविद्वांश्चैव विद्वांश्च ब्राह्मणो दैवतं महत् ।
३३५०-२ प्रणीतश्चाप्रणीतश्च यथाग्निर्दैवतं महत् ॥

३३५१-१ अविद्वांसमलं लोके विद्वांसमपि वा पुनः ।
३३५१-२ प्रमदा ह्युत्पथं नेतुं कामक्रोधवशानुगं ॥

३३५२-१ अविद्वानपि भूपालो विद्यावृद्धोपसेवया ।
३३५२-२ परां श्रियमवाप्नोतिजलासन्नतरुर्यथा ॥

३३५३-१ अविधेये जने पुंसां कोपः किमुपजायते ।
३३५३-२ विधेयेऽपि च कः कोपस्तन्निवेशितजीविते ॥

३३५४-१ अविधेयो भृत्यजनः शठानि मित्राण्यदायकः स्वामी ।
३३५४-२ विनयरहिता च भार्या मस्तकशूलानि चत्वारि ॥

३३५५-१ अविनयभुवामज्ञानानां शमाय भवन्नपि प्रकृतिकुटिलाद्विद्याभ्यासः खलत्वविवृद्धये ।
३३५५-२ फणिभयभृतामस्तूच्छेदक्षमस्तमसामसौ विषधरफणारत्नालोको भयं तु भृशायते ॥

३३५६-१ अविनयरतमादरादृते वशमवशं हि नयन्ति विद्विषः ।
३३५६-२ श्रुतविनयनिधिं समाश्रितस्तनुरपि नैति पराभवं क्वचित् ॥

३३५७-१ अविनाशि तु तद्विद्धि येन सर्वमिदं ततं ।
३३५७-२ विनाशमव्ययस्यास्य न कश्चित्कर्तुमर्हति ॥

३३५८-१ अविनाशिनमग्राम्यं अकरोत्सातवाहनः ।
३३५८-२ विशुद्धजातिभिः कोशं रत्नैरिव सुभाषितैः ॥

३३५९-१ अविनीतः सुतो जातः कथं न दहनात्मकः ।
३३५९-२ विनीतस्तु सुतो जातः कथं न पुरुषोत्तमः ॥

३३६०-१ अविनीतस्य या विद्या सा चिरं नैव तिष्ठति ।
३३६०-२ मर्कटस्य गले बद्धा मणीनां मालिका यथा ॥

३३६१-१ अविनीतो भृत्यजनो नृपतिरदाता शठानि मित्राणि ।
३३६१-२ अविनयवती च भार्या मस्तकशूलानि चत्वारि ॥

३३६२-१ अविभावितेषुविषयः प्रथमं मदनोऽपि नूनमभवत्तमसा ।
३३६२-२ उदिते दिशः प्रकटयत्यमुना यदधर्मधाम्नि धनुराचकृषे ॥

३३६३-१ अविभाव्यतारकमदृष्टहिम- द्युतिबिम्बमस्तमितभानु नभः ।
३३६३-२ अवसन्नतापमतमिस्रमभादपदोषतैव विगुणस्य गुणः ॥

३३६४-१ अविभ्रमालोकनदुर्भगाणि प्रव्यक्तवक्त्रस्तनमण्डलानि ।
३३६४-२ अङ्गानि रे पामरकामिनीनां अपुण्यतारुण्य किमाश्रितानि ॥

३३६५-१ अविमृष्यमेतदभिलष्यति स द्विषतां वधेन विषयाभिरतिं ।
३३६५-२ भववीतये नहि तथा स विधिः क्व शरासनं क्व च विमुक्तिपथः ॥

३३६६-१ अविरतं परकार्यकृतां सतां मधुरिमातिशयेन वचोऽमृतं ।
३३६६-२ अपि च मानसमम्बुनिधिर्यशो विमलशारदचन्दिरचन्द्रिका ॥

३३६७-१ अविरतकुसुमावचायखेदान्निहितभुजालतयैकयोपकण्ठं ।
३३६७-२ विपुलतरनिरन्तरावलग्न- स्तनपिहितप्रियवक्षसा ललम्बे ॥

३३६८-१ अविरततरुणीसहस्रमध्य- स्थितिविगलत्पुरुषव्रता इवैते ।
३३६८-२ प्रतिपदमतिकातराः क्षितीशाः परिकलयन्ति भयं समन्ततोऽपि ॥

३३६९-१ अविरतमक्लममुद्धृत- धरातलं सुस्मितोल्लसद्वदनं ।
३३६९-२ जगदानन्दविधायिनं उपैमि शरणं प्रभुं शेषं ॥

३३७०-१ अविरतमधुपानागारमिन्दिन्दिराणां अभिसरणनिकुञ्जं राजहंसीकुलस्य ।
३३७०-२ प्रविततबहुशालं सद्म पद्मालयाया वितरति रतिमक्ष्णोरेष लीलातडागः ॥

३३७१-१ अविरतमिदमम्भः स्वेच्छयोच्चालयन्त्या विकचकमलकान्तोत्तानपाणिद्वयेन ।
३३७१-२ परिकलित इवार्घ्यः कामबाणातिथिभ्यः सलिलमिव वितीर्णं बाललीलासुखानां ॥

३३७२-१ अविरतरतलीलायासजातश्रमाणां उपशममुपयान्तं निःसहेऽङ्गेऽङ्गनानां ।
३३७२-२ पुनरुषसि विविक्तैर्मातरिश्वावचूर्ण्य ज्वलयति मदनाग्निं मालतीनां रजोभिः ॥

३३७३-१ अविरतविरुतकपोतीं अर्पितरसमावृणोति घनवलनः ।
३३७३-२ नवलतिकामतिकातर- तरलितमदिरद्वयीं मुदिरः ॥

३३७४-१ अविरताम्बुजसंगतिसंगलद्- बहलकेसरसंवलितेव या ।
३३७४-२ ललितवस्तुविधानसुखोल्लसत्- तनुरुहा तनुरात्मभुवोऽवतात् ॥

३३७५-१ अविरलकमलविकासः सकलालिमदश्च कोकिलानन्दः ।
३३७५-२ रम्योऽयमेति संप्रति लोकोत्कण्ठाकरः कालः ॥

३३७६-१ अविरलकरवालकम्पनैर्भ्रुकुटीतर्जनगर्जनैर्मुहुः ।
३३७६-२ ददृशे तव वैरिणां मदः स गतः क्वापि तवेक्षणे क्षणात् ॥

३३७७-१ अविरलधारानिकरं जलदैर्जलमुत्सृजद्भिरतिमात्रं ।
३३७७-२ मानिवधूहृदयेभ्यः कालुष्यमशेषतो मृष्टं ॥

३३७८-१ अविरलपतद्बाष्पोत्पीडप्रसिक्तकपोलया वचनविषयः संदेशोऽन्यस्तया विहितो न ते ।
३३७८-२ मनसि किमपि ध्यायन्त्या तु क्षणं तव कान्तया पथिक निहिता दृष्टिः कष्टं नवे करुणाङ्कुरे ॥

३३७९-१ अविरलपरागसैकत- मकरन्दतरङ्गिणीमनुवनान्तं ।
३३७९-२ पिकयुवतिजानुदघ्नीं गाहन्ते मधुपयोषितस्तृषिताः ॥

३३८०-१ अविरलपरिवाहैरश्रुणः सारणीनां स्मरदहनशिखोष्णश्वासपूरैश्च तस्याः ।
३३८०-२ सुभग बत कृशाङ्ग्याः स्पर्धयान्योन्यमेभिः क्रियत इव पुरो भूः पङ्किला पांसुला च ॥

३३८१-१ अविरलपुलकः सह व्रजन्त्याः प्रतिपदमेकतरः स्तनस्तरुण्याः ।
३३८१-२ घटितविघटितः प्रियस्य वक्षस्- तटमुवि कन्दुकविभ्रमं बभार ॥

३३८२-१ अविरलफलिनीवनप्रसूनः कुसुमितकुन्दसुगन्धिगन्धवाहः ।
३३८२-२ गुणमसमयजं चिराय लेभे विरलतुषारकणस्तुषारकालः ॥

३३८३-१ अविरलमदजलनिवहं भ्रमरकुलानीकसेवितकपोलं ।
३३८३-२ अभिमतफलदातारं कामेशं गणपतिं वन्दे ॥

३३८४-१ अविरलमदधाराधौतकुम्भः शरण्यः फणिवरवृतगात्रः सिद्धसाध्यादिवन्द्यः ।
३३८४-२ त्रिभुवनजनविघ्नध्वान्तविध्वंसदक्षो वितरतु गजवक्त्रः संततं मङ्गलं वः ॥

३३८५-१ अविरलमिव दाम्ना पौण्डरीकेण नद्धः स्नपित इव च दुग्धस्रोतसा निर्भरेण ।
३३८५-२ कवलित इव कृत्स्नश्चक्षुषा स्फारितेन प्रसभममृतमेघेनेव सान्द्रेण सिक्तः ॥

३३८६-१ अविरलविगलन्मदजल- कपोलपालीनिलीनमधुपकुलः ।
३३८६-२ उद्भिन्ननवश्मश्रु- श्रेणिरिव द्विपमुखो जयति ॥

३३८७-१ अविरलविलोलजलदः कुटजार्जुननीपसुरभिवनवातः ।
३३८७-२ अयमायातः कालो हन्त मृताः पथिकगेहिन्यः ॥

३३८८-१ अविरुद्धं सुखस्थं यो दुःखमार्गे नियोजयेत् ।
३३८८-२ जन्मजन्मान्तरे दुःखी स नरः स्यादसंशयं ॥

३३८९-१ अविलम्बि सुवृत्तं च उदरं चातिपूजितं ।
३३८९-२ नातिदीर्घं समं पृष्ठं किंचिच्च विनतं शुभं ॥

३३९०-१ अविलम्बे कृत्यसिद्धौ मान्त्रिकैराप्यते यशः ।
३३९०-२ विलम्बे कर्मबाहुल्यं विख्याप्यावाप्यते धनं ॥

३३९१-१ अविविक्तावतिस्तब्धौ स्तनावाढ्याविवादृतौ ।
३३९१-२ विविक्तावानतावेव दरिद्राविव गर्हितौ ॥

३३९२-१ अविवेकमतिर्नृपतिर्मन्त्री गुणवत्सु वक्रितग्रीवः ।
३३९२-२ यत्र खलाश्च प्रबलास्तत्र कथं सज्जनावसरः ॥

३३९३-१ अविवेकवृथाश्रमाविवार्थं क्षयलोभाविव संश्रितानुरागं ।
३३९३-२ विजिगीषुमिवानयप्रमादाववसादं विशिखौ विनिन्यतुस्तं ॥

३३९४-१ अविवेकि कुचद्वंद्वं हन्तु नाम जगत्त्रयं ।
३३९४-२ श्रुतिप्रणयिनोरक्ष्णोरयुक्तं जनमारणं ॥

३३९५-१ अविवेकिनि भूपाले नश्यन्ति गुणिनां गुणाः ।
३३९५-२ प्रवासरसिके कान्ते यथा साध्व्याः स्तनोन्नतिः ॥

३३९६-१ अविवेकिनि भूपे यः करोत्याशां समृद्धये ।
३३९६-२ यास्याम्यहमनेनेति करोत्याशां स मृद्धये ॥

३३९७-१ अविवेको हि सर्वेषां आपदां परमं पदं ।
३३९७-२ विवेकरहितो लोके पशुरेव न संशयः ॥

३३९८-१ अविशदचलं नेत्रप्रान्तावलोकनमस्फुटं चकितचकिता वाचः स्पर्शः क्वचिज्जनसंकुले ।
३३९८-२ इति तव मया प्रेमारम्भे य एव निरीक्षिताः कठिनमनसो दृष्टा भावास्त एव विरज्यतः ॥

३३९९-१ अविशीर्णकान्तपात्रे नव्यदशे सुमुखि संभृतस्नेहे ।
३३९९-२ मद्गेहदीपकलिके कथमुपयातासि निर्वाणं ॥

३४००-१ अविशुद्धकुलोत्पन्ना देहार्पणजीविका शठाचरणा ।
३४००-२ क्वाहं रूपाजीवा क्व भवन्तः श्लाघनीयजन्मगुणाः ॥

३४०१-१ अविश्रान्तो वातो दहन इव सोयं जनयति प्रसक्तं सातत्याद्दलयति कुलाद्रीनपि जलं ।
३४०१-२ प्रसूते कृत्येषु व्यवसितिरनिर्व्यूढसुदृढा फलावाप्तिं लोके प्रतिकलमसंभाव्यविभवां ॥

३४०२-१ अविश्रामं वहेद्भारं शीतोष्णं च न विन्दति ।
३४०२-२ ससंतोषस्तथा नित्यं त्रीणि शिक्षेत गर्दभात् ॥

३४०३-१ अविश्राममपाथेयं अनालम्भमदेशकं ।
३४०३-२ तमःकान्तारमध्वानं कथमेको गमिष्यसि ॥

३४०४-१ अविश्वसन्धूर्तधुरंधरोऽपि नरः पुरंध्रीपुरतोऽन्ध एव ।
३४०४-२ अशेषशिक्षाकुशलोऽपि काकः प्रतार्यते किं न पिकाङ्गनाभिः ॥

३४०५-१ अविश्वस्ता स्त्रियः सर्वा अधमोत्तममध्यमाः ।
३४०५-२ यः कश्चिद्विश्वसेत्तासां पश्चात्तापैः स दह्यते ॥

३४०६-१ अविश्वासं सदा तिष्ठेत्संधिना विग्रहेण च ।
३४०६-२ द्वैधीभावं समाश्रित्य पापे शत्रौ बलीयसि ॥

३४०७-१ अविश्वासविधानाय महापातकहेतवे ।
३४०७-२ पितापुत्रविरोधाय हिरण्याय नमोऽस्तु ते ॥

३४०८-१ अविषं विषमित्याहुर्ब्रह्मस्वं विषमुच्यते ।
३४०८-२ विषं हन्ति किलैकं च ब्रह्मस्वं पुत्रपौत्रकं ॥

३४०९-१ अविसंवादको दक्षः कृतज्ञो मतिमानृजुः ।
३४०९-२ अपि संक्षीणकोशोऽपि लभते परिवारणं ॥

३४१०-१ अविसंवादनं दानं समयस्याव्यतिक्रमः ।
३४१०-२ आवर्तयन्ति भूतानि सम्यक्प्रणिहिता च वाक् ॥

३४११-१ अविसृष्टोऽपि सन्प्राज्ञः सर्वेण च समं व्रजेत् ।
३४११-२ प्रविशेदप्यनाहूतस्त्वन्यदा भर्त्तुराज्ञया ॥

३४१२-१ अविस्मृतोपकारः स्यान्न कुर्वीत कृतघ्नतां ।
३४१२-२ हत्वोपकारिणं विप्रो नाडीजङ्घमधश्च्युतः ॥

३४१३-१ अवीरोऽपि चमूवीरसाहाय्येन द्विषो जयेत् ।
३४१३-२ चमूसाहाय्यशून्यानां जयश्रीर्व्याकुलायते ॥

३४१४-१ अवृत्तिं विनयो हन्ति हन्त्यनर्थं पराक्रमः ।
३४१४-२ हन्ति नितयं क्षमा क्रोधं आचारो हन्त्यलक्षणं ॥

३४१५-१ अवृत्तिकं त्यजेद्देशं वृत्तिं सोपद्रवां त्यजेत् ।
३४१५-२ त्यजेन्मायाविनं मित्रं धनं प्राणहरं त्यजेत् ॥

३४१६-१ अवृत्तिकं प्रभुं भृत्या अपुष्पं भ्रमरास्तरुं ।
३४१६-२ अजलं च सरो हंसा मुञ्चन्त्यपि चिरोषितं ॥

३४१७-१ अवृत्तिर्भयमन्त्यानां मध्यानां मरणाद्भयं ।
३४१७-२ उत्तमानां तु मर्त्यानां अवमानात्परं भयं ॥

३४१८-१ अवृत्तिव्याधिशोकार्ताननुवर्तेत शक्तितः ।
३४१८-२ आत्मवत्सततं पश्येदपि कीटपिपीलकाः ॥

३४१९-१ अवेक्श्य स्वात्मानं विगुणमपरानिच्छति तथा फलत्येतन्नो चेद्विलपति न सन्तीह गुणिनः ।
३४१९-२ निमार्ष्टुं शप्तुं वा परिभवितुमुद्यच्छति ततोऽप्यहो नीचे रम्या सगुणविजिगीषा विधिकृता ॥

३४२०-१ अवेमव्यापाराकलनमतुरीस्पर्शमचिरादनुन्मीलत्तन्तुप्रकरघटनायासमसकृत् ।
३४२०-२ विषीदत्पाञ्चालीविपदपनयैकप्रणयिनः पटानां निर्माणं पतगपतिकेतोरवतु नः ॥

३४२१-१ अवैति तत्त्वं सदसत्त्वलक्षणं विना विशेषं विपरीतरोचनः ।
३४२१-२ यदृच्छया मत्तवदस्तचेतनो जनो जिनानां वचनात्पराङ्मुखः ॥

३४२२-१ अवैतु शास्त्राणि नरो विशेषतः करोतु चित्राणि तपांसि भावतः ।
३४२२-२ अतत्त्वसंसक्तमनास्तथापि नो विमुक्तिसौख्यं गतबाधमश्नुते ॥

३४२३-१ अवैमि चैनामनघेति किं तु लोकापवादो बलवान्मतो मे ।
३४२३-२ छाया हि भूमेः शशिनो मलत्वे- नारोपिता शुद्धिमतः प्रजाभिः ॥

३४२४-१ अवैमि ते सारमतः खलु त्वां कार्ये गुरुण्यात्मसमं नियोक्ष्ये ।
३४२४-२ व्यादिश्यते भूधरतामवेक्ष्य कृष्णेन देहोद्वहनाय शेषः ॥

३४२५-१ अवैमि पूतमात्मानं द्वयेनैव द्विजोत्तमाः ।
३४२५-२ मूर्ध्नि गङ्गाप्रपातेन धौतपादाम्भसा च वः ॥

३४२६-१ अवैमि सौभाग्यमदेन वञ्चितं तव प्रियं यश्चतुरावलोकिनः ।
३४२६-२ करोति लक्ष्यं चिरमस्य चक्षुषो न वक्त्रमात्मीयमरालपक्ष्मणः ॥

३४२७-१ अवैमि हंसावलयो वलक्षास्त्वत्कान्तिकीर्तेश्चपलाः पुलाकाः ।
३४२७-२ उड्डीय युक्तं पतिताः स्रवन्ती- वेशन्तपूरं परितः प्लवन्ते ॥

३४२८-१ अवैष्णवो हतो विप्रो हतं श्राद्धमदक्षिणं ।
३४२८-२ अब्रह्मण्यं हतं क्षेत्रं अनाचारं कुलं हतं ॥

३४२९-१ अव्यक्तमक्षरमुपास्य बभूव कश्चित्स्वं लब्धवर्णमवगत्य कृतार्थमानी ।
३४२९-२ सद्यस्त्रिभङ्गललितस्फुरणादमन्द- नन्दोत्थया जडतयैव वयं कृतार्थाः ॥

३४३०-१ अव्यक्तादीनि भूतानि व्यक्तमध्यानि भारत ।
३४३०-२ अव्यक्तनिधनान्येव तत्र का परिदेवना ॥

३४३१-१ अव्ययवतोऽपि धनिनः स्वजनसहस्रं भवेत्पदस्थस्य ।
३४३१-२ भ्रष्टधनस्य हि सततं बन्धुरपि मुखं न दर्शयति ॥

३४३२-१ अव्यये व्ययमायाति व्यये याति सुविस्तरं ।
३४३२-२ अपुर्वः कोऽपि भाण्डारस्तव भारति दृश्यते ॥

३४३३-१ अव्यवसायिनमलसं दैवपरं सहसाच्च परिहीणं ।
३४३३-२ प्रमदेव हि वृद्धपतिं नेच्छत्यवगूहितुं लक्ष्मीः ॥

३४३४-१ अव्यवस्थितचित्तस्य प्रसादोऽपि भयंकरः ।
३४३४-२ व्यवस्थितप्रसन्नात्मा कुपितोऽप्यभयंकरः ॥

३४३५-१ अव्यवस्थितवृत्तानां अभिन्नश्रुतिचक्षुषां ।
३४३५-२ अधर्मार्जितभोगानां आशीरप्यहितोचिता ॥

३४३६-१ … … … … … … ।
३४३६-२ अव्यवस्थौ हि दृश्येते युद्धे जयपराजयौ ॥

३४३७-१ अव्याकरणमधीतं भिन्नद्रोण्या तरङ्गिणीतरणं ।
३४३७-२ भेषजमपथ्यसहितं त्रयमिदमकृतं वरं न कृतं ॥

३४३८-१ … … … … … … ।
३४३८-२ अन्याक्षेपो भविष्यन्त्याः कार्यसिद्धेर्हि लक्षणं ॥

३४३९-१ अव्याख्येयां वितरति परां प्रीतिमन्तर्निमग्ना कण्ठे लग्ना हरति नितरां यान्तरध्वान्तजालं ।
३४३९-२ तां द्राक्षाद्यैरपि बहुमतां माधुरीमुद्गिरन्तीं कृष्णेत्याख्यां कथय रसने यद्यसि त्वं रसज्ञा ॥

३४४०-१ अव्याजसुन्दरमनुत्तरमप्रमेयं अप्राकृतं परममङ्गलमङ्घ्रिपद्मं ।
३४४०-२ संदर्शयेदपि सकृद्भवती दयार्द्रा द्रष्टास्मि केन तदहं तु विलोचनेन ॥

३४४१-१ अव्याजसुन्दरीं तां विज्ञानेन ललितेन योजयता ।
३४४१-२ परिकल्पितो विधात्रा बाणः कामस्य विषदिग्धः ॥

३४४२-१ अव्यात्स वो यस्य निसर्गवक्रः स्पृशत्यधिज्यस्मरचापलीलां ।
३४४२-२ जटापिनद्धोरगराजरत्न- मरीचिलीढोभयकोटिरिन्दुः ॥

३४४३-१ अव्यात्स्वर्लोकचूडामणिपटलशिखाश्रेणिशोणीकृताङ्घ्रिः क्षोणीभारं विनेतुं जठरजुषि जगद्बान्धवे देवकी वः ।
३४४३-२ राज्ञामुद्दामदोष्णां रणशिरसि रणत्कीकसच्छेदभीमाः शस्त्राणां खण्णकाराः प्रतिहतिगुरवो यच्छ्रुतेर्दोहदोऽभूत् ॥

३४४४-१ अव्याद्वो वज्रसारस्फुरदुरुनखरक्रूरचक्रक्रमाग्र- प्रोद्भिन्नेन्द्रारिवक्षःस्थलगलदसृगासारकाश्मीरगौरः ।
३४४४-२ प्रस्फूर्जत्केशराग्रग्रथितजलधरश्रेणिनीलाब्जमाल्यः सूर्याचन्द्रावतंसो नरहरिरसमाबद्धशृङ्गारलीलः ॥

३४४५-१ अव्याद्वो वलिताङ्घ्रिपातविचलद्भूगोलहेलोन्मुख- भ्राम्यद्दिक्करिकल्पितानुकरणो नृत्यन्गणग्रामणीः ।
३४४५-२ यस्योद्दण्डितशुण्डपुष्करमरुद्व्याकृष्टसृष्टं मुहुस्ताराचक्रमुदक्तशीकरपृषल्लीलामिवाभ्यस्यति ॥

३४४६-१ अव्याद्वो वामनो यस्य कौस्तुभप्रतिबिम्बिता ।
३४४६-२ कौतुकालोकिनी जाता जाठरीव जगत्त्रयी ॥

३४४७-१ अव्याधिगात्रमनुकूलतरं कलत्रं वेश्म प्रसिद्धविभवं निशिता च विद्या ।
३४४७-२ श्लाघ्यं कुलं चरमकालगतिः समर्थो मातुः कटाक्षपरिणामविभूतयस्ते ॥

३४४८-१ अव्याधिजं कटुकं शीर्षरोगं पापानुबन्धं परुषं तीक्ष्णमुग्रं ।
३४४८-२ सतां पेयं यन्न पिबन्त्यसन्तो मन्युं महाराज पिब प्रशाम्य ॥

३४४९-१ अव्याधिना शरीरेण मनसा च निराधिना ।
३४४९-२ पूरयन्नर्थिनामाशां त्वं जीव शरदां शतं ॥

३४५०-१ अव्यापरेषु व्यापारं यो नरः कर्तुमिच्छति ।
३४५०-२ स एव निधनं याति कीलोत्पटीव वानरः ॥

३४५१-१ अव्यापाररता वसन्तसमये ग्रीष्मे व्यवायप्रियाः सक्ताः प्रमृषि पल्वलाम्भसि नवे कूपोदकद्वेषिणः ।
३४५१-२ कट्वम्लोष्णरताः शरद्यधिभुजो हेमन्तनिद्रालसाः स्वैर्दोषैरपचीयमानवपुषो नश्यन्तु ते शत्रवः ॥

३४५२-१ अव्याहति न शक्या गौर्विना दण्डेन रक्षितुं ।
३४५२-२ इति प्रत्येति मुग्धोऽपि वल्लवः किमु राजकं ॥

३४५३-१ अव्याहृतं व्याहृताच्छ्रेय आहुः सत्यं वदेद्व्याहृतं तद्द्वितीयं ।
३४५३-२ प्रियं वदेद्व्याहृतं तत्तृतीयं धर्म्यं वदेद्व्याहृतं तच्चतुर्थं ॥

३४५४-१ अव्युत्पन्नस्वभावानां नारीणमिव सांप्रतं ।
३४५४-२ सीत्काराचार्यकं कर्तुं अयं प्राप्तो हिमागमः ॥

३४५५-१ अव्युत्पन्ने श्रोतरि वक्तृत्वमनर्थकं पुंसां ।
३४५५-२ नेत्रविहीने भर्तरि लावण्यमनर्थकं स्त्रीणां ॥

३४५६-१ अव्रतस्यापि ते धर्मः कार्य एवान्तरान्तरा ।
३४५६-२ मेधीभूतोऽपि हि भ्राम्यन्घासग्रासं करोति गौः ॥

३४५७-१ अशक्तः सततं साधुः कुरूपा च पतिव्रता ।
३४५७-२ व्याधितो देवभक्तश्च निर्धना ब्रह्मचारिणः ॥

३४५८-१ अशक्तस्तस्करः साधुः कुरूपा चेत्पतिव्रता ।
३४५८-२ रोगी च देवताभक्तो वृद्धा वेश्या तपस्विनी ॥

३४५९-१ अशक्तस्तु भवेत्साधुर्ब्रह्मचारी व निर्धनः ।
३४५९-२ व्याधितो देवभक्तश्च वृद्धा नारी पतिव्रता ॥

३४६०-१ अशक्ताः शक्तिमात्मीयां श्लाघन्ते ये च दुर्जनाः ।
३४६०-२ ते भवन्त्युपहासाय महतामेव संनिधौ ॥

३४६१-१ अशक्ते रौद्रतातैक्ष्ण्यं तीव्रपापेषु धीरता ।
३४६१-२ छद्मधीर्वाचि पारुष्यं नीचानां शौर्यमीदृशं ॥

३४६२-१ अशक्तैर्बलिनः शत्रोः कर्तव्यं प्रपलायनं ।
३४६२-२ संश्रितव्योऽथवा दुर्गो नान्या तेषां गतिर्भवेत् ॥

३४६३-१ अशक्तो यः क्षान्तिं सततमपकारिण्यपि जने विधत्ते सोऽवश्यं भुजग इव दंष्ट्राविरहितः ।
३४६३-२ प्रभुः सत्यां शक्तौ क्षमत इह यस्मात्सुचरितः स तेजस्वी लोकद्वितयविजिगीषुर्विजयते ॥

३४६४-१ अशक्नुवन्सोढुमधीरलोचनः सहस्ररश्मेरिव यस्य दर्शनं ।
३४६४-२ प्रविश्य हेमाद्रिगुहागृहान्तरं निनाय बिभ्यद्दिवसानि कौशिकः ॥

३४६५-१ अशक्यं नारभेत्प्राज्ञः अकार्यं नैव कारयेत् ।
३४६५-२ असत्यं नैव वक्तव्यं आलस्यं नैव कारयेत् ॥

३४६६-१ अशक्यं नारभेत्प्राज्ञो अकार्यं नैव कारयेत् ।
३४६६-२ यथादेशगतं धर्मं यथाकालं च जीवयेत् ॥

३४६७-१ अशक्यः सहसा राजन्भावो वेत्तुं परस्य वै ।
३४६७-२ अन्तःस्वभावैर्गीतैस्तैर्नैपुण्यं पश्यता भृशं ॥

३४६८-१ अशक्यारम्भवृत्तीनां कुतः क्लेशादृते फलं ।
३४६८-२ आकाशमास्वादयतः कुतस्तु कवलग्रहः ॥

३४६९-१ अशङ्कितमतिः स्वस्थो न शठः परिसर्पति ।
३४६९-२ न चास्य दुष्टा वाक्चापि तस्मान्नास्तीह संशयः ॥

३४७०-१ अशङ्कितेभ्यः शङ्केत शङ्कितेभ्यश्च सर्वशः ।
३४७०-२ अशङ्क्याद्भयमुत्पन्नं अपि मूलं निकृन्तति ॥

३४७१-१ अशङ्क्यमपि शङ्केत नित्यं शङ्केत शङ्कितात् ।
३४७१-२ भयं हि शङ्किताज्जातं समूलमपि कृन्तति ॥

३४७२-१ अशठमलोलमजिह्मं त्यागिनमनुरागिणं विशेषज्ञं ।
३४७२-२ यदि नाश्रयति नरं श्रीः श्रीरेव हि वञ्चिता तत्र ॥

३४७३-१ अशठहृदयः कृतज्ञः सानुक्रोशः स्थितः सतां मार्गे ।
३४७३-२ अपरापवादकर्मा शुचिकर्मरतः स खल्वार्यः ॥

३४७४-१ अशनं मे वसनं मे जाया मे बन्धुवर्गो मे ।
३४७४-२ इति मे मे कुर्वाणं कालवृको हन्ति पुरुषाजं ॥

३४७५-१ अशनं वसनं वासो यस्य काश्याममार्गतः ।
३४७५-२ कीकटेन समा काशी गङ्गाप्यङ्गारवाहिनी ॥

३४७६-१ अशनमात्रकृतज्ञतया गुरोर्न पिशुनोऽपि शुनो लभते तुलां ।
३४७६-२ अपि बहूपकृते सखिता खले न खलु खेलति खे लतिका यथा ॥

३४७७-१ अशनादिन्द्रियाणीव स्युः कार्याण्यखिलान्यपि ।
३४७७-२ एतस्मात्कारणाद्वित्तं सर्वसाधनमुच्यते ॥

३४७८-१ अशनैरशनैर्बाल्ये यौवने घस्मरात्स्मरात् ।
३४७८-२ कल्यवैकल्यतः शेषे स्फुटं नष्टं वयो नृणां ॥

३४७९-१ अशरणशरणप्रमोदभूतैर्वनतरुभिः क्रियमाणचारुकर्म ।
३४७९-२ हृदयमिव दुरात्मनामगुप्तं नवमिव राज्यमनिर्जितोपभोग्यं ॥

३४८०-१ अशर्मदहनज्वलत्कटुकटाक्षरूक्षेक्षण- क्षणक्षपितशात्रवे जयति सिन्धुराधीश्वरे ।
३४८०-२ वयं न बहु मन्महे निजभुजानमद्गाण्डिव- च्युतास्त्रशिखिताण्डवज्वलितखाण्डवं पाण्डवं ॥

३४८१-१ अशस्त्रं पुरुषं हत्वा नरः संजायते खरः ।
३४८१-२ कृमिः स्त्रीवधकर्त्ता च बालहन्ता च जायते ॥

३४८२-१ अशस्त्रपूतमव्याजं पुरुषाङ्गोपकल्पितं ।
३४८२-२ विक्रीयते महामांसं गृह्यतां गृह्यतामिदं ॥

३४८३-१ अशान्तहुतभुक्शिखाकवलितं जगन्मन्दिरं सुखं विषमवातभुग्नसनवच्चलं कामजं ।
३४८३-२ जलस्थशशिचञ्चला भुवि विलोक्य लोकस्थितिं विमुञ्चत जनाः सदा विषयमूर्छनां तत्त्वतः ॥

३४८४-१ अशान्तान्तस्तृष्णा धनलवणवारिव्यतिकरैर्गतच्छायः कायश्चिरविरसरूक्षाशनतया ।
३४८४-२ अनिद्रा मन्दोऽग्निर्नृपसलिलचौरानलभयात्कदर्याणां कष्टं स्फुटमधनकष्टादपि परं ॥

३४८५-१ अशाश्वतमिदं सर्वं चिन्त्यमानं हि भारत ।
३४८५-२ कदलीसंनिभो लोकः समो ह्यस्य न विद्यते ॥

३४८६-१ अशासंस्तस्करान्यस्तु बलिं गृह्णाति पार्थिवः ।
३४८६-२ तस्य प्रक्षुभ्यते राष्ट्रं स्वर्गाच्च परिहीयते ॥

३४८७-१ अशास्त्रचक्षुनृपतिरन्ध इत्यभिधीयते ।
३४८७-२ वरमन्धो न चक्षुष्मान्मदादाक्षिप्तसत्पथः ॥

३४८८-१ अशास्त्रविदुषां तेषां न कार्यमहितं वचः ।
३४८८-२ अर्थशास्त्रानभिज्ञानां विपुलां श्रियमिच्छतां ॥

३४८९-१ अशिक्षितानां काव्येषु शास्त्राभ्यासो निरर्थकः ।
३४८९-२ किमस्त्यनुपनीतस्य वाजपेयादिभिर्मखैः ॥

३४९०-१ अशिथिलपरिस्पन्दः कुन्दे तथैव मधुव्रतो नयनसुहृदो वृक्षाश्चैते न कुड्मलशालिनः ।
३४९०-२ दलति कलिका चौती नास्मिंस्तथा मृगचक्षुषां अथ च हृदये मानग्रन्थिः स्वयं शिथिलायते ॥

३४९१-१ अशिथिलमपरावसज्य कण्ठे दृढपरिरब्धबृहद्बहिः स्तनेन ।
३४९१-२ हृषिततनुरुहा भुजेन भर्तुर्मृदुममृदु व्यतिविद्धमेकबाहुं ॥

३४९२-१ अशिराः पुरुषः कार्यो ललाटे ब्रह्मघातिनः ।
३४९२-२ असम्भाष्यश्च कर्तव्यस्तन्मनोरनुशासनं ॥

३४९३-१ राजा स्तेनेन गन्तव्यो मुक्तकेशेन धावता ।
३४९३-२ आचक्षाणेन तत्स्तेयं एवंकर्मास्मि शाधि मां ॥

३४९४-१ अशिष्यं शास्ति यो राजन्यश्च शून्यमुपासते ।
३४९४-२ कदर्यं भजते यश्च तमाहुर्मूढचेतसं ॥

३४९५-१ अशीतास्तरणो माघे फाल्गुने पशुपक्षिणौ ।
३४९५-२ चैत्रे जलचराः सर्वे वैशाखे नरवानरौ ॥

३४९६-१ अशीतेनाम्भसा स्नानं पयःपानं वराः स्त्रियः ।
३४९६-२ एतद्वो मानुषाः पथ्यं स्निग्धमुष्णं च भोजनं ॥

३४९७-१ अशीमहि वयं भिक्षां आशावासो वसीमहि ।
३४९७-२ शयीमहि महीपृष्ठे कुर्वीमहि किमीश्वरैः ॥

३४९८-१ अशीला भिन्नमर्यादा नित्यसंकीर्णमैथुनाः ।
३४९८-२ अल्पायुषो भवन्तीह तथा निरयगामिनः ॥

३४९९-१ अशुचितानिलयं प्रलयं श्रियां अयशसां विभवं प्रभवं रुजां ।
३४९९-२ सुकृतनिर्दलनं चलनं धृतेः परिहरेत्परवल्लभया रतं ॥

३५००-१ अशुचिर्वचनाद्यस्यशुचिर्भवति पूरुषः ।
३५००-२ शुचिश्चैवाशुचिः सद्यः कथं राजा न दैवतं ॥

३५०१-१ अशुचीक्षणेऽश्रुपाते कलहे श्वासकासयोः ।
३५०१-२ रथ्याप्रसर्पणेऽभ्यङ्गे क्षुते नर्मण्युपस्पृशेत् ॥

३५०२-१ अशुद्धप्रकृतौ राज्ञि जनता नानुरज्यते ।
३५०२-२ यथा गृध्रसमासन्नः कलहंसः समाचरेत् ॥

३५०३-१ अशुद्धा तु भवेन्नारी यावच्छल्यं न मुञ्चति ।
३५०३-२ निःसृते तु ततः शल्ये रजसा शुध्यते ततः ॥

३५०४-१ अशुद्धीनां तु सर्वासां आलयाः कुत्सिताः स्त्रियः ।
३५०४-२ सदा शौचं न कुर्वन्ति भुञ्जतेऽन्नं तथाविधाः ॥

३५०५-१ अशुभपुषि कलावप्यप्रमत्ताः स्वधर्मादनुदिनमुपकारानाचरन्ते बुधानां ।
३५०५-२ बहुजनपरिपुष्टा बद्धदीक्षास्त एते तनुसुखमपि हित्वा तन्वते राजसेवां ॥

३५०६-१ अशुभोदये जनानां नश्यति बुद्धिर्न विद्यते रक्षा ।
३५०६-२ सुहृदोऽपि सन्ति रिपवो विषमविषं जायतेऽप्यमृतं ॥

३५०७-१ अशृण्वन्नपि बोद्धव्यो मन्त्रिभिः पृथिवीपतिः ।
३५०७-२ यथा स्वदोषनाशाय विदुरेणाम्बिकासुतः ॥

३५०८-१ अशेषचक्षुःश्रवणं प्रतिकूलो भवन्नपि ।
३५०८-२ विनतानन्दहेतुर्यः स पुमानाप्तनन्दनः ॥

३५०९-१ अशेषदोषापगमप्रकाश- मित्रागमोत्साहमहोत्सवार्हं ।
३५०९-२ विकासशोभां जनयत्यजस्रं धनं जनानां दिनमम्बुजानां ॥

३५१०-१ अशेषलङ्कापतिसैन्यहन्ता श्रीरामसेवाचरणैककर्ता ।
३५१०-२ अनेकदुःखाहतलोकगोप्ता त्वसौ हनूमांस्तव सौख्यकर्ता ॥

३५११-१ अशेषविघ्नप्रतिषेधदक्ष- मन्त्राक्षतानामिव दिङ्मुखेषु ।
३५११-२ विक्षेपलीला करशीकराणां करोतु वः प्रीतिमिभाननस्य ॥

३५१२-१ अशोकनिर्भर्त्सितपद्मरागं आकृष्टहेमद्युतिकर्णिकारं ।
३५१२-२ मुक्ताकलापीकृतसिन्दुवारं वसन्तपुष्पाभरणं वहन्ती ॥

३५१३-१ अशोके शोकार्तः किमसि बकुलेऽप्याकुलमना निरानन्दः कुन्दे सह च सहकारैर्न रमसे ।
३५१३-२ कुसुम्भे विश्रम्भं यदिह भजसे कण्टकशतैरसंदिग्धं दग्धभ्रमर भवितासि क्षतवपुः ॥

३५१४-१ अशोच्यः शोचते शोच्यं किं वा शोच्यो न शोच्यते ।
३५१४-२ कश्च कस्येह शोच्योऽस्ति देहेऽस्मिन्बुद्बुदोपमे ॥

३५१५-१ अशोच्यानन्वशोचस्त्वं प्रज्ञावादांश्च भाषसे ।
३५१५-२ गतासूनगतासूंश्च नानुशोचन्ति पण्डिताः ॥

३५१६-१ अशोच्यानीह भूतानि यो मूढस्तानि शोचति ।
३५१६-२ तद्दुःखाल्लभते दुःखं द्वावनर्थौ निषेवते ॥

३५१७-१ अशोच्यो निर्धनः प्राज्ञोऽशोच्यः पण्डितबान्धवः ।
३५१७-२ अशोच्या विधवा नारी पुत्रपौत्रप्रतिष्ठिता ॥

३५१८-१ अश्नाति यः संस्कुरुते निहन्ति ददाति गृह्णात्यनुमन्यते च ।
३५१८-२ एते षडप्यत्र विनिन्दनीया भ्रमन्ति संसारवने निरन्तं ॥

३५१९-१ अश्नाति यो मांसमसौ विधत्ते वधानुमोदं त्रसदेहभाजां ।
३५१९-२ गृह्णाति रेपांसि ततस्तपस्वी तेभ्यो दुरन्तं भवमेति जन्तुः ॥

३५२०-१ अश्नाभ्याच्छादयामीति प्रापश्यन्पापपूरुषः ।
३५२०-२ नामर्षं कुरुते यस्तु पुरुषः सोऽधमः स्मृतः ॥

३५२१-१ अश्नीत पिबत खादत जाग्रत संविशत तिष्ठत वा ।
३५२१-२ सकृदपि चिन्तयताह्नः सावधिको देहबन्ध इति ॥

३५२२-१ अश्मना साधयेल्लोहं लोहेनाश्मानमेव च ।
३५२२-२ बिल्बानिव करे बिल्वैर्म्लेच्छान्म्लेच्छैः प्रसाधयेत् ॥

३५२३-१ अश्मातकस्य वामे बदरी वा दृश्यतेऽहिनिलयो वा ।
३५२३-२ षड्भिरुदग्वास्य करैः सार्धे पुरुषत्रये तोयं ॥

३५२४-१ अश्मानमप्युपायेन लोहं वा जरयेन्नरः ।
३५२४-२ न तु कश्चिदुपायोऽस्ति ब्रह्मस्वं येन जीर्यते ॥

३५२५-१ अश्माप्यहृदयो यस्य गुणसारं परीक्षते ।
३५२५-२ उचितैव सुवर्णस्य तस्याग्निपतने रुचिः ॥

३५२६-१ अश्रद्धया हुतं दत्तं तपस्तप्तं कृतं च यत् ।
३५२६-२ असदित्युच्यते पार्थ न च तत्प्रेत्य नो इह ॥

३५२७-१ अश्रद्धादर्शनं भान्तिर्दुःखं च त्रिविधं ततः ।
३५२७-२ दौर्मनस्यमयोग्येषु विषयेषु च योगता ॥

३५२८-१ अश्रद्धेयं न वक्तव्यं प्रत्यक्षमपि यद्भवेत् ।
३५२८-२ यथा वानरसंगीतं तथैव प्लवते शिला ॥

३५२९-१ अश्रान्तं दृढयन्त्रणेन कुचयोरत्यक्तकाठिन्ययोराबद्धस्फुटमण्डलोन्नतिमिलच्चोलं विमुच्योरसः ।
३५२९-२ नीवीविच्छुरितं विधाय तममुं वामस्तनालम्बिनीं वेणीं पाणिनखाञ्चलैः शिथिलयत्याक्रम्य पीठं पदा ॥

३५३०-१ अश्रान्तविश्राणितयज्ञयूप- स्तम्भावलीर्द्रागवलम्बमानः ।
३५३०-२ यस्य स्वभावाद्भुवि संचचार कालक्रमादेकपदोऽपि धर्मः ॥

३५३१-१ अश्रान्तश्रुतिपाठपूतरसनाविर्भूतभूरिस्तवा- जिह्मब्रह्ममुखौघविघ्नितनवस्वर्गक्रियाकेलिना ।
३५३१-२ पूर्वं गाधिसुतेन सामिघटिता मुक्ता नु मन्दाकिनी यत्प्रासाददुकूलवल्लिरनिलान्दोलैरखेलद्दिवि ॥

३५३२-१ अश्रान्तिर्बन्धुतां धत्ते कष्टं नष्टस्य नश्वरः ।
३५३२-२ स्कन्धेन पङ्गुना पङ्गुर्नहि वर्त्मनि नीयते ॥

३५३३-१ अश्रावि भूमिपतिभिः क्षणवीतनिद्रैरश्नन्पुरो हरितकं मुदमादधानः ।
३५३३-२ ग्रीवाग्रलोलकलकिङ्किणिकानिनाद- मिश्रं दधद्दशनचर्चुरशब्दमश्वः ॥

३५३४-१ अश्रुच्छलेन सुदृशो हुतपावकधूमकलुषाक्ष्याः ।
३५३४-२ अप्राप्य मानमङ्गे विगलति लावण्यवारिपूर इव ॥

३५३५-१ अश्रुतमिव खलजल्पितं अदृष्टमिव गुरुमुखेन्दुमालिन्यं ।
३५३५-२ अगणितनिजापमानं भामिनि भवदर्थमच्युतः सहते ॥

३५३६-१ अश्रुतश्च समुन्नद्धो दरिद्रश्च महामनाः ।
३५३६-२ अर्थाश्चाकर्मणा प्रेप्सुर्मूढ इत्युच्यते बुधैः ॥

३५३७-१ अश्रुभिः पाद्यमाकल्प्य प्रणीय हृदयासनं ।
३५३७-२ उपेते दयिते कान्ता परिष्वङ्गमुपानयत् ॥

३५३८-१ अश्वं नैव गजं नैव व्याघ्रं नैव च नैव च ।
३५३८-२ अजापुत्रं बलिं दद्याद्देवो दुर्बलघातकः ॥

३५३९-१ अश्वं स्नातं गजं मत्तं वृषभं काममोहितं ।
३५३९-२ शूद्रमक्षरसंयुक्तं दूरतः परिवर्जयेत् ॥

३५४०-१ अश्वः शस्त्रं शास्त्रं वीणा वाणी नरश्च नारी च ।
३५४०-२ पुरुषविशेषं प्राप्ता भवन्त्ययोग्याश्च योग्याश्च ॥

३५४१-१ अश्वः सुप्तो गजो मत्तो गावः प्रथमसूतिकाः ।
३५४१-२ अन्तःपुरगतो राजा दूरतः परिवर्जयेत् ॥

३५४२-१ अश्वगन्धापलं त्रिंशच्चूर्णयित्वा विचक्षणः ।
३५४२-२ वृद्धदारुकचूर्णेन समभागं च कारयेत् ॥

३५४३-१ अश्वत्थचलपत्राग्रलीनतोयकणोपमे ।
३५४३-२ स्थिराशा जीविते यस्य तत्समो नास्त्यचेतनः ॥

३५४४-१ अश्वत्थमेकं पिचुमन्दमेकं न्यग्रोधमेकं दश चिञ्चिणीकाः ।
३५४४-२ कपित्थबिल्वामलकत्रयं च पञ्चाम्रवापी नरकं न पश्येत् ॥

३५४५-१ अश्वत्थस्य महत्त्वं को ननु वक्तुं नरः प्रभवेत् ।
३५४५-२ सवितरि यत्रालक्ष्मीर्मन्दे लक्ष्मीरमन्दास्ते ॥

३५४६-१ अश्वत्थामा बलिर्व्यासो हनूमांश्च विभीषणः ।
३५४६-२ कृपः परशुरामश्च सप्तैते चिरजीविनः ॥

३५४७-१ अश्वत्थामा हत इति युधि गिरमनृतां युधिष्ठिरोऽवादीत् ।
३५४७-२ पुनरनुतापमवापत्पापं कृत्वानुतप्येत ॥

३५४८-१ अश्वपृष्ठं गजस्कन्धो नारीणां च पयोधरः ।
३५४८-२ दन्तधावनशस्त्रं च यथा स्थूलं तथा सुखं ॥

३५४९-१ अश्वप्रशंसा विख्याता धनुर्वेदस्ततःपरं ।
३५४९-२ गान्धर्वशास्त्रमपरं वृक्षायुर्वेद एव च ॥

३५५०-१ अश्वप्लुतं वासवगर्जितं च स्त्रीणां च चित्तं पुरुषस्य भाग्यं ।
३५५०-२ अवर्षणं चाप्यतिवर्षणं च देवो न जानाति कृतो मनुष्यः ॥

३५५१-१ अश्वमध्ये कृतरवा शिवा युद्धप्रपञ्चकृत् ।
३५५१-२ शिवा सप्तस्वरा ग्राह्या बहुशब्दाश्च निष्फलाः ॥

३५५२-१ अश्वमेधसहस्रं च सत्यं च तुलया धृतं ।
३५५२-२ अत्यरिच्यत सत्यं च इति वेदविदो विदुः ॥

३५५३-१ अश्वमेधसहस्रं च सत्यं च तुलया धृतं ।
३५५३-२ अश्वमेधसहस्राद्धि सत्यमेव विशिष्यते ॥

३५५४-१ अश्वमेधसहस्रं च सत्यं च तुलया धृतं ।
३५५४-२ तुलयित्वा तु पश्यामि सत्यमेवातिरिच्यते ॥

३५५५-१ अश्वमेधसहस्रं च सत्यं च तुलया धृतं ।
३५५५-२ नाभिजानामि यद्यस्य सत्यस्यार्धमवाप्नुयात् ॥

३५५६-१ अश्वमेधसहस्रस्य फलं सत्यं तुलान्तरे ।
३५५६-२ धृत्वा संलोड्यते राजन्सत्ये भवति गौरवं ॥

३५५७-१ अश्वमेधसहस्राणां सहस्रं यः समाचरेत् ।
३५५७-२ नासौ पदमवाप्नोति मद्भक्तैर्यदवाप्यते ॥

३५५८-१ अश्वयानं गजं मत्तं गावश्चैव प्रसूतिकाः ।
३५५८-२ तथा चान्तःपुरे दासीं दूरतः परिवर्जयेत् ॥

३५५९-१ अश्वशालां समासाद्य यदान्तर्मधुमक्षिकाः ।
३५५९-२ मधुजालं प्रबध्नन्ति म्रियन्तेऽश्वास्तदा ध्रुवं ॥

३५६०-१ अश्वस्य लक्षणं वेगो मदो मातङ्गलक्षणं ।
३५६०-२ चातुर्यं लक्षणं नार्या उद्योगः पुरुषलक्षणं ॥

३५६१-१ अश्वानां च पताकानां बालानां पण्ययोषितां ।
३५६१-२ विदूषकपटानां च चापल्यमतिमण्डनं ॥

३५६२-१ अश्वा नागाः स्यन्दनानां च सङ्घा मन्त्राः सिद्धा दैवतं चानुकूलं ।
३५६२-२ एतान्याहुः साधनानि स्म राज्ञां येभ्यश्चेयं बुद्धिरुत्कृष्यते मे ॥

३५६३-१ अश्वा यस्य जयस्तस्य यस्याश्वास्तस्य मेदिनी ।
३५६३-२ अश्वा यस्य यशस्तस्य यस्याश्वास्तस्य काञ्चनं ॥

३५६४-१ अश्वारूढं पयःपानं गजारूढं तु मैथुनं ।
३५६४-२ शिबिकीमर्दनं चैव पादचारी तु भोजनं ॥

३५६५-१ अश्वारूढं यतिं दृष्ट्वा खट्वारूढां रजस्वलां ।
३५६५-२ सकेशां विधवां दृष्ट्वा सचैलं स्नानमाचरेत् ॥

३५६६-१ अश्वाश्चतुष्कोटिमिता लक्षाण्येकादशैव च ।
३५६६-२ सप्तत्रिंशत्सहस्राणि तथा शतचतुष्टयं ॥

३५६७-१ सप्ततिश्चैव संख्याताः प्रोच्यन्ते पत्तयस्ततः ।
३५६७-२ षट्कोट्योऽशीतिलक्षाणि पञ्चाधिकमितानि च ॥

३५६८-१ द्विषष्टि च सहस्राणि तथा शतचतुष्टयं ।
३५६८-२ पञ्चाशदिति संख्याता महाक्षौहिनिका बुधैः ॥

३५६९-१ अश्विनीमैत्ररेवत्यो मृगो मूलं पुनर्वसुः ।
३५६९-२ पुष्यो ज्येष्ठा तथा हस्तः प्रस्थाने श्रेष्ठ उच्यते ॥

३५७०-१ अश्विनी सूयते वत्सं कामधेनुस्तुरंगमं ।
३५७०-२ तथैव सागरो वह्निं यथा राजा तथा प्रजा ॥

३५७१-१ अश्वीये यमवाहनस्य नकुलस्याशीविषाणां कुले मार्जारस्य च मूषकेषु घटते या प्रीतिरात्यन्तिकी ।
३५७१-२ क्षीणेऽर्थे विधुरेषु बन्धुषु दृढे लोकापवादे शनैर्ज्ञेया कामिजनेषु सैव गणिकावर्गस्य नैसर्गिकी ॥

३५७२-१ अश्वे जवो वृषे धौर्यं मणौ कान्तिः क्षमा नृपे ।
३५७२-२ हावभावौ च वेश्यायां गायके मधुरस्वरः ॥

३५७३-१ दातृत्वं धनिके शौर्यं सैनिके बहुदुग्धता ।
३५७३-२ गोषु दमस्तपस्विषु विद्वत्सु वावदूकता ॥

३५७४-१ सभ्येष्वपक्षपातस्तु तथा साक्षिषु सत्यवाक् ।
३५७४-२ अनन्यभक्तिर्भृत्येषु सुहितोक्तिश्च मन्त्रिषु ॥

३५७५-१ मौनं मूर्खेषु च स्त्रीषु पातिव्रत्यं सुभूषणं ।
३५७५-२ महादुर्भूषणं चैतद्विपरीतममीषु च ॥

३५७६-१ अश्वैर्यानं यानं स्त्रीभिर्लीलैव प्रोच्यते लीला ।
३५७६-२ मांसां भुक्तं भुक्तं चान्यदयानमलीलाभुक्तं ॥

३५७७-१ अष्टकुलाचलसप्तसमुद्रा ब्रह्मपुरंदरदिनकररुद्राः ।
३५७७-२ न त्वं नाहं नायं लोकस्तदपि किमर्थं क्रियते शोकः ॥

३५७८-१ अष्टधा देवतायोनिस्तिर्यग्योनिश्च पञ्चधा ।
३५७८-२ एकधा मानुषी योनिरिमे भूताश्चतुर्दश ॥

३५७९-१ अष्टपादश्चतुष्कर्णो द्विमुखी द्विमुखस्तथा ।
३५७९-२ राजद्वारे पठेद्घोरो न च देवो न राक्षसः ॥

३५८०-१ अष्टमं ब्रह्मरन्ध्रं स्यात्परं निर्वाणसूचकं । तद्ध्यात्वा सूचिकाग्राभं धूमाकारं विमुच्यते ।
३५८०-२ तच्च जालंधरं ज्ञेयं मोक्षदं लीनचेतसां ॥ अष्टमी च अमावास्या वर्जनीया चतुर्दशी ।
३५८१-२ पूर्णिमार्धदिनं यावन्निषिद्धा सर्वकर्मसु ॥

३५८२-१ अष्टमी हन्त्युपाध्यायं शिष्यं हन्ति चतुर्दशी ।
३५८२-२ आमावास्योऽभयं हन्ति प्रतिपत्पाठनाशिनी ॥

३५८३-१ अष्टमे द्वादशे वापि शाकं यः पचते गृहे ।
३५८३-२ कुमित्राण्यनपाश्रित्य किं वै सुखतरं ततः ॥

३५८४-१ अष्टाङ्गयोगपरिशीलनकीलनेन दुःसाधसिद्धिसविधं विदधद्विदूरे ।
३५८४-२ आसादयन्नभिमतामधुना विवेक- ख्यातिं समाधिधनमौलिमणिर्विमुक्तः ॥

३५८५-१ अष्टाङ्गुलस्य कथितो वायोर्मानो विचक्षणैः ।
३५८५-२ चतुरङ्गुलमानं च तेजस्तत्त्वं निगद्यते ॥

३५८६-१ अष्टादश तथा मध्ये हीने चैव चतुर्दश ।
३५८६-२ सप्ताङ्गुलः खुरः प्रोक्त उत्तमाश्वस्य पण्डितैः ॥

३५८७-१ अष्टादशपुराणेषु व्यासस्य वचनद्वयं ।
३५८७-२ परोपकारः पुण्याय पापाय परपीडनं ॥

३५८८-१ अष्टादशापि स्मृतयो वदन्ति यस्यापराधः खलु तस्य दण्डः ।
३५८८-२ स्वस्यापराधः खलु नाभिमूले शिरः कुतो मुण्डयते मृगाक्षि ॥

३५८९-१ अष्टानां लोकपालानां संभवत्यंशतो नृपः ।
३५८९-२ तस्मादभिभवत्येष सर्वभूतानि तेजसा ॥

३५९०-१ अष्टाभिः किल दण्डनीतिनिपुणैः सत्प्राड्विवाकैः समं मध्येसौधमनुत्तमासनगतः कार्याणि कुर्वन्नृणां ।
३५९०-२ विष्णुर्भूपवपुर्विधाय किमसौ दिक्पालयुक्पालयत्येवं भ्रान्तिमतो मनाङ्न कुरुते कास्कानयं माधवः ॥

३५९१-१ अष्टावङ्गानि योगस्य यमो नियम आसनं ।
३५९१-२ प्राणायामः प्रत्याहारो धारणा ध्यानतन्मयः ॥

३५९२-१ अष्टाविमानि हर्षस्य नवनीतानि भारत ।
३५९२-२ वर्तमानानि दृश्यन्ते तान्येव सुसुखान्यपि ॥

३५९३-१ समागमश्च सखिभिर्महांश्चैव धनागमः ।
३५९३-२ पुत्रेण च परिष्वङ्गः संनिपातश्च मैथुने ॥

३५९४-१ समये च प्रियालापः स्वयूथेषु च संनतिः ।
३५९४-२ अभिप्रेतस्य लाभश्च पूजा च जनसंसदि ॥

३५९५-१ अष्टोत्तरशतं श्लोकं चाणक्येन यथोदितं ।
३५९५-२ यस्य विज्ञानमात्रेण न्णां प्रज्ञा प्रवर्धते ॥

३५९६-१ अष्टौ गुणाः पुरुषं दीपयन्ति प्रज्ञा च कौल्यं च दमः श्रुतं च ।
३५९६-२ पराक्रमश्चाबहुभाषिता च दानं यथाशक्ति कृतज्ञता च ॥

३५९७-१ अष्टौ तान्यव्रतघ्नानि आपो मूलं फलं पयः ।
३५९७-२ हविर्भ्राह्मणकाम्या च गुरोर्वचनमौषधं ॥

३५९८-१ अष्टौ नृपेमानि मनुष्यलोके स्वर्गस्य लोकस्य निदर्शनानि ।
३५९८-२ चत्वार्येषामन्ववेतानि सद्भिश्चत्वार्येषामन्ववयन्ति सन्तः ॥

३५९९-१ यज्ञो दानमध्ययनं तपश्च चत्वार्येतान्यन्ववेतानि सद्भिः ।
३५९९-२ दमः सत्यमार्जवमानृशंस्यं चत्वार्येतान्यन्ववयन्ति सन्तः ॥

३६००-१ अष्टौ पूर्वनिमित्तानि नरस्य विनशिष्यतः ।
३६००-२ ब्राह्मणान्प्रथमं द्वेष्टि ब्राह्मणैश्च विरुध्यते ॥

३६०१-१ ब्राह्मणस्वानि चादत्ते ब्राह्मणांश्च जिघांसति ।
३६०१-२ रमते निन्दया चैषां प्रशंसां नाभिनन्दति ॥

३६०२-१ नैतान्स्मरति कृत्येषु याचितश्चाभ्यसूयति ।
३६०२-२ एतान्दोषान्नरः प्राज्ञो बुद्ध्या बुद्ध्वा विवर्जयेत् ॥

३६०३-१ अष्टौ मासान्यथादित्यस्तोयं हरति रश्मिभिः ।
३६०३-२ तथा हरेत्करं राष्ट्रान्नित्यमर्कव्रतं हि तत् ॥

३६०४-१ अष्टौ यदा तु दृश्यन्ते समन्ताद्देवयोनयः ।
३६०४-२ उपसर्गं तमित्याहुर्दैवमुन्मत्तवद्बुधाः ॥

३६०५-१ अष्टौ यस्य दिशो दलानि विपुलः कोशः सुवर्णाचलः कान्तं केसरजालमर्ककिरणा भृङ्गाः पयोदावली ।
३६०५-२ नालं शेषमहोरगः प्रविततं वारांनिधेर्लीलया तद्वः पातु समुद्धरन्कुवलयं क्रोडाकृतिः केशवः ॥

३६०६-१ अष्टौ हाटककोटयस्त्रिनवतिर्मुक्ताफलानां तुलाः पञ्चाशन्मधुगन्धमत्तमधुपाः क्रोधोद्धताः सिन्धुराः ।
३६०६-२ अश्वानामयुतं प्रपञ्चचतुरं वाराङ्गनानां शतं दत्तं पाण्ड्यनृपेण यौतकमिदं वैतालिकायार्प्यतां ॥

३६०७-१ असंकल्पाज्जयेत्कामं क्रोधं कामविवर्जनात् ।
३६०७-२ अर्थानर्थेक्षया लोभं भयं तत्त्वावमर्शनात् ॥

३६०८-१ असंकल्पितमेवेह यदकस्मात्प्रवर्तते ।
३६०८-२ निवर्त्यारम्भमारब्धं ननु दैवस्य कर्म तत् ॥

३६०९-१ असंख्यपुष्पोऽपि मनोभवस्य पञ्चैव बाणार्थमयं ददाति ।
३६०९-२ एवं कदर्यत्वमिवावधार्य सर्वस्वमग्राहि मधोर्वधूभिः ॥

३६१०-१ असंख्याः परदोषज्ञा गुणज्ञा अपि केचन ।
३६१०-२ स्वयमेव स्वदोषज्ञा विद्यन्ते यदि पञ्चषाः ॥

३६११-१ असंगतेनोन्नतिमागतेन चलेन वक्रेण मलीमसेन ।
३६११-२ सा दुर्जनेनेव समस्तमेतं प्रबाधते भ्रूयुगलेन लोकं ॥

३६१२-१ असंगृहीतस्य पुनर्मन्त्रस्य शृणु यत्फलं ।
३६१२-२ अहीनं धर्मकामाभ्यां अर्थं प्राप्नोति केवलं ॥

३६१३-१ असंचयादपूर्वस्य क्षयात्पूर्वार्जितस्य च ।
३६१३-२ कर्मणो बन्धमाप्नोति शारीरं न पुनः पुनः ॥

३६१४-१ असंतुष्टस्य विप्रस्य तेजो विद्या तपो यशः ।
३६१४-२ स्रवन्तीन्द्रियलौल्येन ज्ञानं चैवावकीर्यते ॥

३६१५-१ असंतुष्टा द्विजा नष्टाः संतुष्टाश्च महीभृतः ।
३६१५-२ सलज्जा गणिका नष्टा निर्लज्जाश्च कुलाङ्गना ॥

३६१६-१ असंतुष्टाश्च्युताः स्थानान्मानात्प्रत्यवरोपिताः ।
३६१६-२ स्वयं चोपहृता भृत्या ये चाप्युपहताः परैः ॥

३६१७-१ असंतुष्टोऽसकृल्लोकानाप्नोत्यपि सुरेश्वरः ।
३६१७-२ अकिंचनोऽपि संतुष्टः शेते सर्वाङ्गविज्वरः ॥

३६१८-१ असंतोषः परं दुःखं संतोषः परमं सुखं ।
३६१८-२ सुखार्थी पुरुषस्तस्मात्संतुष्टः सततः भवेत् ॥

३६१९-१ असंतोषः परं पापं इत्याह भगवान्हरिः ।
३६१९-२ लोभः पापस्य बीजोऽयं मोहो मूलं च तस्य वै ।
३६१९-३ असत्यं तस्य हि स्कन्धो महाशाखा सुविस्तरा ॥

३६२०-१ असंतोषपरा मूढाः संतोषं यान्ति पण्डिताः ।
३६२०-२ असन्तोषस्य नास्त्यन्तस्तुष्टिस्तु परमं सुखं ॥

३६२१-१ असंतोषोऽसुखायैव लोभादिन्द्रियविभ्रमः ।
३६२१-२ ततोऽस्य नश्यति प्रज्ञा विद्येवाभ्यासवर्जिता ॥

३६२२-१ असंत्यागात्पापकृतामपापांस्तुल्यो दण्डः स्पृशते मिश्रभावात् ।
३६२२-२ शुष्केणार्द्रं दह्यते मिश्रभावात्तस्मात्पापैः सह संधिं न कुर्यात् ॥

३६२३-१ असंदधानो मानान्धः समेनापि हतो भृशं ।
३६२३-२ आमकुम्भमिवाभित्त्वा नावतिष्ठेत शक्तिमान् ॥

३६२४-१ असंदिग्धमना भूत्वा वदेदिक्षुरसो यथा ।
३६२४-२ विक्षुब्धो वचसा यो हि वाक्यशल्येन हन्यते ॥

३६२५-१ असंपत्तौ परो लाभो गुह्यस्य कथनं तथा ।
३६२५-२ आपद्विमोक्षणं चैव मित्रस्यैतत्फलत्रयं ॥

३६२६-१ असंपन्नः कथं बन्धुरसहिष्णुः कथं प्रभुः ।
३६२६-२ अनात्मवित्कथं विद्वानसंतुष्टः कथं सुखी ॥

३६२७-१ असंपादयतः कंचिदर्थं जातिक्रियागुणैः ।
३६२७-२ यदृच्छाशब्दवत्पुंसः संज्ञायै जन्म केवलं ॥

३६२८-१ असंप्राप्तरजा गौरी प्राप्ते रजसि रोहिणी ।
३६२८-२ अव्यञ्जना भवेत्कन्या कुचहीना च नग्निका ॥

३६२९-१ असंभवं हेममृगस्य जन्म तथापि रामो लुलुभे मृगाय ।
३६२९-२ प्रायः समापन्नविपत्तिकाले धियोऽपि पुंसां मलिना भवन्ति ॥

३६३०-१ असंभवगुणस्तुत्या जायते स्वात्मनस्त्रपा ।
३६३०-२ कर्णिकारं सुगन्धीति वदन्को नोपहस्यते ॥

३६३१-१ असंभाव्यं न वक्तव्यं प्रत्यक्षमपि दृश्यते ।
३६३१-२ शिला तरति पानीयं गीतं गायति वानरः ॥

३६३२-१ असंभाष्यं न भाषेत भाषसे यदि तत्तथा ।
३६३२-२ परेषां हि समुद्वेगे नात्मनश्च शुभं फलं ॥

३६३३-१ असंभृतं मण्डनमङ्गयष्टेरनासवाख्यं करणं मदस्य ।
३६३३-२ कामस्य पुष्पव्यतिरिक्तमस्त्रं बाल्यात्परं साथ वयः प्रपेदे ॥

३६३४-१ असंभेद्यः शुचिर्दक्षः कृतान्नस्य परीक्षकः ।
३६३४-२ सूदानां च विशेषज्ञः सूदाध्यक्षो विधीयते ॥

३६३५-१ असंभोगेन सामान्यं कृपणस्य धनं परैः ।
३६३५-२ अस्येदमिति संबन्धो हानौ दुःखेन गम्यते ॥

३६३६-१ असंभ्रमो विलज्जत्वं अवज्ञा प्रतिवादिनि ।
३६३६-२ हासो राज्ञः स्तवश्चेति पञ्चैते जयहेतवः ॥

३६३७-१ असंमतः कस्तव मुक्तिमार्गं पुनर्भवक्लेशभयात्प्रपन्नः ।
३६३७-२ बद्धश्चिरं तिष्ठतु सुन्दरीणां आरेचितभ्रूचतुरैः कटाक्षैः ॥

३६३८-१ असंमाने तपोवृद्धिः संम्मानाच्च तपःक्षयः ।
३६३८-२ पूजया पुण्यहानिः स्यान्निन्दया सद्गतिर्भवेत् ॥

३६३९-१ असंमुखालोकनमाभिमुख्यं निषेध एवानुमतिप्रकारः ।
३६३९-२ प्रत्युत्तरं मुद्रणमेव वाचां नवाङ्गनानां नव एव पन्थाः ॥

३६४०-१ असंविभागी दुष्टात्मा कृतघ्नो निरपत्रपः ।
३६४०-२ तादृङ्नराधमो लोके वर्जनीयो नराधिप ॥

३६४१-१ असंवृतस्य कार्याणि प्राप्तान्यपि विशेषतः ।
३६४१-२ निःसंशयं विपद्यन्ते भिन्नप्लव इवोदधौ ॥

३६४२-१ असंवृताकारतया भिन्नमन्त्रस्य भूपतेः ।
३६४२-२ सकृच्छिद्रघटस्येव न तिष्ठत्युदयोदकं ॥

३६४३-१ असंशयं क्षत्रपरिग्रहक्षमा यदार्यमस्यामभिलाषि मे मनः ।
३६४३-२ सतां हि संदेहपदेषु वस्तुषु प्रमाणमन्तःकरणप्रवृत्तयः ॥

३६४४-१ असंशयं न्यस्तमुपान्तरक्ततां यदेव रोद्धुं रामणीभिरञ्जनं ।
३६४४-२ हृतेऽपि तस्मिन्सलिलेन शुक्लतां निरास रागो नयनेषु न श्रियं ॥

३६४५-१ असंशयं महाबाहो मनो दुर्निग्रहं चलं ।
३६४५-२ अभ्यासेन तु कौन्तेय वैराग्येण च गृह्यते ॥

३६४६-१ असंशयं विजानीहि काले सर्वं फलिष्यति ।
३६४६-२ धृतिं धारय विस्रब्धं भवेत्सर्वं समञ्जसं ॥

३६४७-१ असकलकलिकाकुलीकृतालि- स्खलनविकीर्णविकासिकेशराणां ।
३६४७-२ मरुदवनिरुहां रजो वधूभ्यः समुपहरन्विचकार कोरकाणि ॥

३६४८-१ असकलनयनावलोकनेन स्मितपरिहासमनोहरैर्वचोभिः ।
३६४८-२ कमलमुखि मुरारिरेवमेवं कथय कियन्ति दिनानि वञ्चनीयः ॥

३६४९-१ असकलनयनेक्षितानि लज्जा गतमलसं परिपाण्डुता विषादः ।
३६४९-२ इति विविधमियाय तासु भूषां प्रभवति मण्डयितुं वधूरनङ्गः ॥

३६५०-१ असकृदसकृन्नष्टां नष्टां मृगो मृगतृष्णिकां श्रमपरिगतोऽप्युत्पक्ष्माक्षः परैति पुनः पुनः ।
३६५०-२ गणयति न तन्मायातोयं हतः सलिलाशया भवति हि मतिस्तृष्णान्धानां विवेकपराङ्मुखी ॥

३६५१-१ असकृन्न नेऽति सावधि- निषेधबोधिश्रुतिर्मया कलिता ।
३६५१-२ गमयति परमनवरतं या तमखण्डार्थरूपमानन्दं ॥

३६५२-१ असकृदेकरथेन तरस्विना हरिहयाग्रसरेण धनुर्भृता ।
३६५२-२ दिनकराभिमुखा रणरेणवो रुरुधिरे रुधिरेण सुरद्विषां ॥

३६५३-१ असकृद्युधि विजितादपि भीतो बार्हद्रथाज्जले दुर्गं ।
३६५३-२ कृत्वा हरिर्न्यवात्सीद्विजितोऽप्याशङ्कनीयोऽरिः ॥

३६५४-१ असकृन्न वदेदाशां प्रार्थयेद्देवतां सकृत् ।
३६५४-२ नालायनी पञ्च पतीन्प्रापोच्चार्य पुनः पुनः ॥

३६५५-१ असक्तमाराधयतो यथायथं विभज्य भक्त्या समपक्षपातया ।
३६५५-२ गुणानुरागादिव सख्यमीयिवान्न बाधतेऽस्य त्रिगणः परस्परं ॥

३६५६-१ असङ्गसंगदोषेण सत्याश्च मतिविभ्रमः ।
३६५६-२ एकरात्रप्रसङ्गेन काष्ठघण्टाविडम्बना ॥

३६५७-१ असज्जनः सज्जनसङ्गिसङ्गात्करोति दुःसाध्यमपीह साध्यं ।
३६५७-२ पुष्पाश्रयाच्छंभुशिरोऽधिरूढा पिपीलिका चुम्बति चन्द्रबिम्बं ॥

३६५८-१ असज्जनायाशु वरं न दद्यात्प्रीतितो नृपः ।
३६५८-२ वरं भस्मासुरायेशः दत्त्वा नीलिफलं गतः ॥

३६५९-१ असज्जनाश्चेन्मधुरैर्वचोभिः शक्यन्त एव प्रतिकर्तुमार्यैः ।
३६५९-२ तत्केतकीरेणुभिरम्बुराशेर्बन्धक्रियायामपि कः प्रयासः ॥

३६६०-१ असज्जनेन संपर्कादनयं यान्ति साधवः ।
३६६०-२ मधुरं शीतलं तोयं पावकं प्राप्य तप्यते ॥

३६६१-१ असतः श्रीमदान्धस्य दारिद्र्यं परमाञ्जनं ।
३६६१-२ आत्मौपम्येन भूतानि दरिद्रः परमीक्षते ॥

३६६२-१ असतां च परिक्षेपः सतां च परिगूहनं ।
३६६२-२ अभूतानां च हिंसानां अधर्माणां च वर्जनं ॥

३६६३-१ असतां धर्मबुद्धिश्चेत्सतां संतापकारणं ।
३६६३-२ उपोषितस्य व्याघ्रस्य पारणं पशुमारणं ॥

३६६४-१ असतां प्रग्रहः कामः कोपश्चावग्रहः सतां ।
३६६४-२ व्यसनं दोषबाहुल्यादत्यन्तमुभयं मतं ॥

३६६५-१ असतां बत सत्तापि न न्यायानुगता यदा ।
३६६५-२ ततस्तेभ्योर्थपूर्त्त्याशा सुधालिप्सेव भोगिनः ॥

३६६६-१ असतां सङ्गदोषेण सती याति मतिर्भ्रमं ।
३६६६-२ एकरात्रिप्रवासेन काष्ठं मुञ्जे प्रलम्बितं ॥

३६६७-१ असतां सङ्गदोषेण साधवो यान्ति विक्रियां ।
३६६७-२ दुर्योधनप्रसङ्गेन भीष्मो गोहरणे गतः ॥

३६६८-१ असतां सङ्गमुत्सृज्य सत्सु सङ्गं समाचरेत् ।
३६६८-२ असतां सङ्गदोषेण माण्डव्यः शूलमाप्तवान् ॥

३६६९-१ असतां सहजो भावश्छन्नः केनापि हेतुना ।
३६६९-२ संस्कार इव बीजानां फलेन सह जायते ॥

३६७०-१ असतामुपभोगाय दुर्जनानां विभूतयः ।
३६७०-२ पिचुमन्दः फलाढ्योऽपि काकैरेवोपभुज्यते ॥

३६७१-१ असता सह सङ्गेन को न यात्यधमां गतिं ।
३६७१-२ पयोऽपि शौण्डनीहस्ते मद्यमित्यभिधीयते ॥

३६७२-१ असतीचरितं तद्वद्वसन्तादेश्चवर्णनं ।
३६७२-२ ग्रीष्मादेर्वर्णनं तद्वद्वर्षादेरपि वर्णनं ॥

३६७३-१ असती भवति सलज्जा क्षारं नीरं च शीतलं भवति ।
३६७३-२ दम्भी भवति विवेकी प्रियवक्ता भवति धूर्तजनः ॥

३६७४-१ असतोऽपि भवति गुणवान्सद्भ्योऽपि परं भवन्त्यसद्वृत्ताः ।
३६७४-२ पङ्कादुदेति कमलं क्रिमयः कमलादपि भवन्ति ॥

३६७५-१ असतो वा सतो वापि स्वयं स्वान्वर्णयन्गुणान् ।
३६७५-२ हास्यतां याति शक्रोऽपि किं पुनः प्राकृतो जनः ॥

३६७६-१ असत्कार्यरतोऽधीर आरम्भी विषयी च यः ।
३६७६-२ स राजसो मनुष्येषु मृतो जन्माधिगच्छति ॥

३६७७-१ असत्प्रतिग्रहीता च नरके यात्यध्ॐउखे ।
३६७७-२ एको मिष्टान्नभुग्यः स याति पूयवहं नरः ॥

३६७८-१ असत्प्रलापं पारुष्यं पैशुन्यमनृतं तथा ।
३६७८-२ चत्वारि वाचा राजेन्द्र न जल्पेन्नानुचिन्तयेत् ॥

३६७९-१ असत्यः सर्वलोकेऽस्मिन्सततं सत्कृताः प्रियैः ।
३६७९-२ भर्तारं नानुमन्यंते विनिपातगतं स्त्रियः ॥

३६८०-१ असत्यता निष्ठुरताकृतज्ञता भयं प्रमादोऽलसता विषादिता ।
३६८०-२ वृथाभिमानोऽपि च दीर्घसूत्रता तथाङ्गनाक्षादि विनाशनं श्रियः ॥

३६८१-१ असत्यमप्रत्ययमूलकारणं कुवासनासद्मसमृद्धिवारणं ।
३६८१-२ विपन्निदानं परवञ्चनोर्जितं कृतापराधं कृतिभिर्विवर्जितं ॥

३६८२-१ असत्यमेतद्विदितं समस्तं अकार्यकारीति मृषा प्रपञ्चः ।
३६८२-२ कुचापलापक्रममेव कर्तुं आच्छादनं ते हृदयस्य शश्वत् ॥

३६८३-१ असत्यशीला विकृता दुर्ग्राह्यहृदयाः सदा ।
३६८३-२ युवत्यः पापसंकल्पाः क्षणमात्राद्विरागिणः ॥

३६८४-१ असत्यसंधस्य सतश्चलस्यास्थिरचेतसः ।
३६८४-२ नैव देवा न पितरः प्रतीच्छन्तीति नः श्रुतं ॥

३६८५-१ असत्यस्य वणिग्मूलं शाखास्तस्य वराङ्गनाः ।
३६८५-२ कायस्थाः पत्रपुष्पाणि फलानि द्यूतकारिणः ॥

३६८६-१ असत्याः सत्यसंकाशाः सत्याश्चासत्यरूपिणः ।
३६८६-२ दृश्यन्ते विविधा भावास्तस्माद्युक्तं परीक्षणं ॥

३६८७-१ असत्या च हता वाणी तथा पैशुन्यवादिनी ।
३६८७-२ संदिग्धोऽपि हतो मन्त्रो व्यग्रचित्तो हतो जपः ॥

३६८८-१ असत्यात्मगुणे शस्त्रं हस्ताभ्यां विनिवार्यते ।
३६८८-२ एषापि न गतिः क्षेम्या न चान्या विद्यते क्वचित् ॥

३६८९-१ असत्येनैव जीवन्ति वेश्याः सत्यविवर्जिताः ।
३६८९-२ एताः सत्येन नश्यन्ति मद्येनेव कुलाङ्गनाः ॥

३६९०-१ असत्संपर्कदोषेण अधस्ताद्यान्ति साधवः ।
३६९०-२ मार्गस्तिमिरदोषेण समोऽपि विषमायते ॥

३६९१-१ असत्सङ्गाद्गुणज्ञोऽपि विषयासक्तमानसः ।
३६९१-२ अकस्मात्प्रलयं याति गीतरक्तो यथा मृगः ॥

३६९२-१ असदृशजनेषु याच्ञा महतां नहि लाघवाय सुहृदर्थे ।
३६९२-२ हरिरपि पाण्डुसुतेभ्यः स्वयमर्थी धार्तराष्ट्रेषु ॥

३६९३-१ असद्धर्मस्त्वयं स्त्रीणां अस्माकं भवति प्रभो ।
३६९३-२ पापीयसो नरान्यद्वै लज्जां त्यक्त्वा भजामहे ॥

३६९४-१ असद्भिः सेवितो राजा स्वयं सन्नपि दूष्यते ।
३६९४-२ किं सेव्यो भोगिसंवीतो गन्धवानपि चन्दनः ॥

३६९५-१ असद्भिरसतामेव भुज्यन्ते धनसंपदः ।
३६९५-२ फलं किम्पाकवृक्षस्य ध्वाङ्क्षा भक्षन्ति नेतरे ॥

३६९६-१ असद्वृत्तो नायं न च सखि गुणैरेष रहितः प्रियो मुक्ताहारस्तव चरणमूले निपतितः ।
३६९६-२ गृहाणैनं मुग्धे व्रजतु तव कण्ठप्रणयितां उपायो नास्त्यन्यो हृदयपरितापोपशमने ॥

३६९७-१ असन्तोऽभ्यर्थिताः सद्भिः किंचित्कार्यं कदाचन ।
३६९७-२ मन्यन्ते सन्तमात्मानं असन्तमपि वितश्रुं ॥

३६९८-१ असन्तो ये निवर्तन्ते वेदेभ्य इव नास्तिकाः ।
३६९८-२ नरकं भजमानास्ते प्रतिपद्यन्ति किल्बिषं ॥

३६९९-१ असन्थितपदा सुविह्वलाङ्गी मदस्खलितचेष्टितैर्मनोज्ञा ।
३६९९-२ क्व यास्यसि वरोरु सुरतकाले विषमा किं वानवासिका त्वं ॥

३७००-१ असभ्यः पिशुनश्चैव कृतघ्नो दीर्घवैरिणः ।
३७००-२ चत्वारः कर्मचण्डालाः जातिचण्डालपञ्चमाः ॥

३७०१-१ असमग्रविलोकितेन किं ते दयितं पश्य वरोरु निर्विशङ्कं ।
३७०१-२ नहि जातु कुशाग्रपीतमम्भः सुचिरेणापि करोत्यपेततृष्णं ॥

३७०२-१ असमञ्जसमसमञ्जस- मसञ्जसमेतदापतितं ।
३७०२-२ वल्लवकुमारबुद्ध्या हरि हरि हरिरीक्षतः कुतुकात् ॥

३७०३-१ असमर्थं परित्यज्य समर्थाः परिभुञ्जते ।
३७०३-२ नृपाणां नास्ति दायाद्यं वीरभोग्या वसुन्धरा ॥

३७०४-१ असमये मतिरुन्मिषति ध्रुवं करगतैव गता यदियं कुहूः ।
३७०४-२ पुनरुपैति निरुध्य निवास्यते सखि मुखं न विधोः पुनरीक्ष्यते ॥

३७०५-१ असमर्थाः प्रकुर्वन्ति मुनयोऽप्यर्थसंचयं ।
३७०५-२ किं न कुर्वन्ति भूपाला येषां कोशवशाः प्रजाः ॥

३७०६-१ असमर्थो भवेत्साधुर्निर्धनो ब्रह्मचार्यपि ।
३७०६-२ व्याधिमान्देवपूजी च कुरूपा च पतिव्रता ॥

३७०७-१ असमसमरसम्पल्लम्पटानां भटानां अवधिरवधि युद्धे येन हम्पीरवीरः ।
३७०७-२ स किल सकलदृप्तक्षत्रनक्षत्रलक्ष्मी- हरणकिरणमाली कस्य न स्यान्नमस्यः ॥

३७०८-१ असमसाहससुव्यवसायिनः सकललोकचमत्कृतिकारिणः ।
३७०८-२ यदि भवन्ति न वाञ्छितसिद्धयो हतविधेरयशो न मनस्विनः ॥

३७०९-१ असमाने समानत्वं भविता कलहे मम ।
३७०९-२ इति मत्वा ध्रुवं मानी मृगात्सिंहः पलायते ॥

३७१०-१ असमापितकृत्यसंपदां हतवेगं विनयेन तावता ।
३७१०-२ प्रभवन्त्यभिमानशालिनां मदमुत्तम्भयितुं विभूतयः ॥

३७११-१ असमाप्तजिगीषस्य स्त्रीचिन्ता का मनस्विनः ।
३७११-२ अनाक्रम्य जगत्कृत्स्नं नो संध्यां भजते रविः ॥

३७१२-१ असमैः समीयमानः समैश्च परिहीयमाणसत्कारः ।
३७१२-२ अधुरि विनियुज्यमानस्त्रिभिरर्थपतिं त्यजति भृत्यः ॥

३७१३-१ असम्यगुपयुक्तं हि ज्ञानं सुकुशलैरपि ।
३७१३-२ उपलभ्याप्यविदितं विदितं चाप्यनुष्ठितं ॥

३७१४-१ असहायः पुमानेकः कार्यान्तं नाधिगच्छति ।
३७१४-२ तुषेणापि विनिर्मुक्तस्तण्डुलो न प्ररोहति ॥

३७१५-१ असहायः समर्थोऽपि तेजस्वी किं करिष्यति ।
३७१५-२ रामः सुग्रीवसाहाय्यात्लङ्कां निर्दग्धवान्पुरा ॥

३७१६-१ असहायः समर्थोऽपि तेजस्व्यपि करोति किं ।
३७१६-२ निवाते पतितो वह्निः स्वयमेवोपशाम्यति ॥

३७१७-१ असहायः समर्थोऽपि न कार्यं कर्तुमर्हति ।
३७१७-२ तुषेणापि परित्यक्ता न प्ररोहन्ति तण्डुलाः ॥

३७१८-१ असहायः सहायार्थी मामनुध्यातवान्ध्रुवं ।
३७१८-२ पीड्यमानः शरैस्तीक्ष्णैर्द्रोणद्रौणिकृपादिभिः ॥

३७१९-१ असहायस्य कार्याणि सिद्धिं नायान्ति कानिचित् ।
३७१९-२ तस्मात्समस्तकार्येषु सहायो भूपतेर्गतिः ॥

३७२०-१ असहायोऽसमर्थो वा तेजस्वी किं करिष्यति ।
३७२०-२ अतृणे पतितो वह्निः स्वयमेवोपशाम्यते ॥

३७२१-१ असहाश्चैव विज्ञेयाः प्रभावन्तो विदेहजाः ।
३७२१-२ अङ्गदेशोद्भवास्तीक्ष्णाः सुहस्ताः सुदृढास्तथा ॥

३७२२-१ असह्यवातोद्धतरेणुमण्डला प्रचण्डसूर्यातपतापिता मही ।
३७२२-२ न शक्यते द्रष्टुमपि प्रवासिभिः प्रियावियोगानलदग्धमानसैः ॥

३७२३-१ असह्यान्यपि सोढानि गदितान्यप्रियाण्यपि ।
३७२३-२ स्थितः परगृहद्वारि तृष्णे निवृत्तिमाप्नुहि ॥

३७२४-१ असाधना वित्तहीना बुद्धिमन्तः सुहृन्मताः ।
३७२४-२ साधयन्त्याशु कार्याणि काककूर्ममृगाखुवत् ॥

३७२५-१ असाधुः साधुर्वा भवति खलु जात्यैव पुरुषो न सङ्गाद्दौर्जन्यं न हि सुजनता कस्यचिदपि ।
३७२५-२ प्ररूढे संसर्गे मणिभुजगयोर्जन्मजनिते मणिर्नाहेर्दोषान्स्पृशति न तु सर्पो मणिगुणान् ॥

३७२६-१ असाधु परिगन्तव्यं न च साधु च संवलं ।
३७२६-२ संवलं कुरु यत्नेन मरणं ध्रुवनिश्चयं ॥

३७२७-१ असाध्यं नारभेत्प्राज्ञः अकार्यं नैव कारयेत् ।
३७२७-२ अनृतं नैव जल्पेत अभक्ष्यं नैव भक्षयेत् ॥

३७२८-१ असाध्यं शत्रुमालोक्य दायादं तस्य भेदयेत् ।
३७२८-२ राज्यकामं समर्थं च यथा रामो विभीषणं ॥

३७२९-१ असाध्यं साधुमन्त्राणां तीव्रं वाग्विषमुत्सृजत् ।
३७२९-२ द्विजिह्वं वदनं धत्ते दुष्टो दुर्जनपन्नगः ॥

३७३०-१ असाध्यमन्यथा दोषं परिच्छिद्य शरीरिणां ।
३७३०-२ यथा वैद्यस्तथा राजा शस्त्रपाणिर्विषह्यति ॥

३७३१-१ असाध्यायाः सुखं सिद्धिः सिद्धायाश्चानुरञ्जनं ।
३७३१-२ रक्तायाश्च रतिः सम्यक्कामशास्त्रप्रयोजनं ॥

३७३२-१ असामान्योल्लेखं विरसहतहेवाकिनमलं विधिं वन्दे निन्दाम्युत बत न जाने किमुचितं ।
३७३२-२ अनर्घं निर्माणं ललिततनु यस्येह भवती न यः कृत्वापि त्वां परिहरति सर्गव्यसनितां ॥

३७३३-१ असारं संसारं परिमुषितरत्नं त्रिभुवनं निरालोकं लोकं मरणशरणं बान्धवजनं ।
३७३३-२ अदर्पं कन्दर्पं जननयननिर्माणमफलं जगज्जीर्णारण्यं कथमसि विधातुं व्यवसितः ॥

३७३४-१ असारः संसारः सरसकदलीसारसदृशो लसद्विद्युल्लेखाचकितचपलं जीवितमिदं ।
३७३४-२ यदेतत्तारुण्यं नगगतनदीवेगसदृशं अहो धार्ष्ट्यं पुंसां तदपि विषयान्धावति मनः ॥

३७३५-१ असारः सर्वतः सारो वाचा सारसमुच्चयः ।
३७३५-२ वाचा सा चलिता येन सुकृतं तेन हारितं ॥

३७३६-१ असारभूते संसारे सारं सारङ्गलोचना ।
३७३६-२ तदर्थं धनमिच्छन्ति तत्त्यागे च धनेन किं ॥

३७३७-१ असारभूते संसारे सारभूता नितम्बिनी ।
३७३७-२ इति संचिन्त्य वै शंभुरर्धाङ्गे कामिनीं दधौ ॥

३७३८-१ असाराः सन्त्येते विरतिविरसा वाथ विषया जुगुप्सन्तां यद्वा ननु सकलदोषास्पदमिति ।
३७३८-२ तथाप्यन्तस्तत्त्वप्रणिहितधियामप्यतिबलस्तदीयोऽनाख्येयः स्फुरति हृदये कोऽपि महिमा ॥

३७३९-१ असारे खलु संसारे सारं श्वशुरमन्दिरं ।
३७३९-२ क्षीराब्धौ च हरिः शेते शिवः शेते हिमालये ॥

३७४०-१ असारे खलु संसारे सारं श्वशुरमन्दिरं ।
३७४०-२ हरो हिमालये शेते विष्णुः शेते महोदधौ ॥

३७४१-१ असारे खलु संसारे सारमेतच्चतुष्टयं ।
३७४१-२ काश्यां वासः सतां सङ्गो गङ्गाम्भः शंभुसेवनं ॥

३७४२-१ असारे खलु संसारे सुखभ्रान्तिः शरीरिणां ।
३७४२-२ लालापानमिवाङ्गुष्ठे बालानां स्तन्यविभ्रमः ॥

३७४३-१ असारे बत संसारे कर्मतन्त्रः शरीरिणां ।
३७४३-२ जायन्ते प्रियसंयोगा वियोगे हृदयच्छिदः ॥

३७४४-१ असारे संसारे विषमविषपाके नृपसुखे कृतान्तेनाचान्ते प्रकृतिचपले जीवितबले ।
३७४४-२ ध्रुवापाये काये विषयमृगतृष्णाहतहृदः क्षरप्राणैः प्राणानहह परिमुष्णन्ति कुधियः ॥

३७४५-१ असारे संसारे सुमतिशरणे काव्यकरणे यथेष्टं चेष्टन्ते कति न कवयः स्वस्वरुचयः ।
३७४५-२ परं दुग्धस्निग्धं मधुररचनं यस्तु वचनं प्रसूते ब्रूते वा भवति विरलः कोऽपि सरलः ॥

३७४६-१ असारो निर्गुणो वक्रश्चित्ररूपतयान्वितः ।
३७४६-२ अवाप न चिराद्भ्रंशं शक्रचापः खलो यथा ॥

३७४७-१ असावधाने पाण्डित्यं क्रयक्रीतं च मैथुनं ।
३७४७-२ भोजनं च पराधीनं तिस्रः पुंसां विडम्बनाः ॥

३७४८-१ असावनास्थापरयावधीरितः सरोरुहिण्या शिरसा नमन्नपि ।
३७४८-२ उपैति शुष्यन्कलमः सहाम्भसा मनोभुवा तप्त इवाभिपाण्डुतां ॥

३७४९-१ असावनुपनीतोऽपि वेदानधिजगे गुरोः ।
३७४९-२ स्वभावशुद्धः स्फटिको न संस्कारमपेक्षते ॥

३७५०-१ असावन्तश्चञ्चद्विकचनवलीलाब्जयुगल- स्तलस्फूर्जत्कम्बुर्विलसदलिसंघात उपरि ।
३७५०-२ विना दोषासङ्गं सततपरिपूर्णाखिलकलः कुतः प्राप्तश्चन्द्रो विगलितकलङ्कः सुमुखि ते ॥

३७५१-१ असावहं लोहमयी स यस्याः क्रूरः सखि प्रस्तर एष कान्तः ।
३७५१-२ आकर्षकद्रावकचुम्बकेषु नैकोऽप्यसौ भ्रामक इत्यवैहि ॥

३७५२-१ असावुदयमारूढः कान्तिमान्रक्तमण्डलः ।
३७५२-२ राजा हरति लोकस्य हृदयं मृदुभिः करैः ॥

३७५३-१ असावुद्वेललावण्यरत्नाकरसमुद्भवः ।
३७५३-२ जगद्विजयमाङ्गल्यशङ्खः कुसुमधन्वनः ॥

३७५४-१ असावेकद्वित्रिप्रभृतिपरिपाट्या प्रकटयन्कलाः स्वैरं स्वैरं नवकमलकन्दाङ्कुररुचः ।
३७५४-२ पुरन्ध्रीणां प्रेयोविरहदहनोद्दीपितदृशां कटाक्षेभ्यो बिभ्यन्निभृतमिव चन्द्रोऽभ्युदयते ॥

३७५५-१ असिः शरा वर्म धनुश्च नोच्चकैर्विविच्य किं प्रार्थितमीश्वरेण ते ।
३७५५-२ अथास्ति शक्तिः कृतमेव याच्ञया न दूषितः शक्तिमतां स्वयंग्रहः ॥

३७५६-१ असिजीवी मषीजीवी देवलो ग्रामयाजकः ।
३७५६-२ धावकः पाचकश्चैव षड्विप्राः शूद्रजातयः ॥

३७५७-१ असितखुरचतुष्कः श्यामलग्रन्थिपादः स्रवति करसमीपे मूत्रधारां सवेगां ।
३७५७-२ दशनचलखलीनः कुक्कुटस्कन्धबन्धः किटिवरकठिनोरुर्दूरगः स्यात्तुरुङ्गः ॥

३७५८-१ असितगिरिसमं स्यात्कज्जलं सिन्धुपात्रे सुरतरुवरशाखा लेखनी पत्रमुर्वी ।
३७५८-२ लिखति यदि गृहीत्वा शारदा सर्वकालं तदपि तव गुणानामीश पारं न याति ॥

३७५९-१ असितनयनलक्ष्मीं लक्षयित्वोत्पलेषु क्वणितकनककाञ्चीं मत्तहंसस्वनेषु ।
३७५९-२ अधररुचिरशोभां बन्धुजीवे प्रियाणां पथिकजन इदानीं रोदिति भ्रान्तचित्तः ॥

३७६०-१ असितभुजगभीषणासिपत्रो रुहरुहिकाहितचित्ततूर्णचारः ।
३७६०-२ पुलकिततनुरुत्कपोलकान्तिः प्रतिभटविक्रमदर्शनेऽयमासीत् ॥

३७६१-१ असितभुजगशिशुवेष्टितं अभिनवमाभाति केतकीकुसुमं ।
३७६१-२ आयसवलयालंकृत- विषाणमिव दन्तिनः पतितं ॥

३७६२-१ असितमेकसुराशितमप्यमून्न पुनरेष विधुर्विशदं विषं ।
३७६२-२ अपि निपीय सुरैर्जनितक्षयं स्वयमुदेति पुनर्नवमार्णवं ॥

३७६३-१ असितवसनस्रग्संवीता घनागुरुसारवन्मृगमदमषीस्नाता जातां त्वमेव तमस्विनी ।
३७६३-२ अभिसर सुखं दन्तोद्द्योतं न तन्वि विकासयेः श्वसितमथवा मुञ्चेश्चञ्चद्द्विरेफघनोद्गमं ॥

३७६४-१ असितात्मा सुसंनद्धः समाविष्कृतचापलः ।
३७६४-२ भुजंगकुटिलस्तस्या भ्रूविक्षेपः खलायते ॥

३७६५-१ असिद्धसाधनं सद्भिः शासनं दण्ड उच्यते ।
३७६५-२ तं युक्त्यैव नयेद्दण्डं युक्तदण्डः प्रशस्यते ॥

३७६६-१ असिधारां विषं वह्निं समत्वे यः प्रपश्यति ।
३७६६-२ मालासुधातुषाराणां स योगी कथ्यते बुधैः ॥

३७६७-१ असिधाराक्रमक्रीता वरमेकापि काकिणी ।
३७६७-२ न परभ्रूविनिर्दिष्टा सागरान्तापि मेदिनी ॥

३७६८-१ असिधारापथे नाथ शत्रुशोणितपिच्छिले ।
३७६८-२ आजगाम कथं लक्ष्मीर्निर्जगाम कथं यशः ॥

३७६९-१ असिधेनुरियं विभाति ते जितसर्वक्षितिपालमण्डला ।
३७६९-२ प्रलये जगतीमिवाशितुं स्फुरती कालकरालजिह्वका ॥

३७७०-१ असिन्दूरेण सीमन्तो मा भून्नो योषितामिति ।
३७७०-२ अतः परिहरन्त्याजावसिं दूरेण तेऽरयः ॥

३७७१-१ असिमात्रसहायस्य प्रभूतारिपराभवे ।
३७७१-२ अन्यतुच्छजनस्येव न स्मयोऽस्य महाधृतेः ॥

३७७२-१ असीव्यद्देहे स्वे पशुपतिरुमाङ्कं समघनो विगुप्तो गोपीभिर्दुहितरमयात्सा कमलभूः ।
३७७२-२ यदादेशादेतज्जगदपि मृगीदृक्परवशं स वश्यः कस्य स्यादहह विषमो मन्मथभरः ॥

३७७३-१ असुखमथ सुखं वा कर्मणां पक्तिवेलास्वहह नियतमेते भुञ्जते देहभाजः ।
३७७३-२ तदिह पुरत एव प्राह मौहुर्तिकश्चेत्कथय फलममीषामन्ततः किं ततः स्यात् ॥

३७७४-१ असुखैश्च विनालापो गुह्यस्य कथनं तथा ।
३७७४-२ विपद्विमोक्षणं चैव मित्रतायाः फलत्रयं ॥

३७७५-१ असुभिरशुभं त्यक्त्वा देहं निजं किल योगविद्विशति विशदं ज्ञानालोकात्परस्य कलेवरं ।
३७७५-२ नयनविवरैः सूक्ष्मैः साक्षादहो तव नैपुणं विशसि हृदयं द्रष्टुं स्पष्टं बहिश्च विचेष्टसे ॥

३७७६-१ असुभृतां वधमाचरति क्षमाद्वदति वाक्यमसह्यमसूनृतं ।
३७७६-२ परकलत्रधनान्यपि वाञ्छति न कुरुते किमु मद्यमदाकुलः ॥

३७७७-१ असुररचितप्रयत्नाद्विज्ञाता दिविरवञ्चना येन ।
३७७७-२ संरक्षिता मतिमता रत्नवती वसुमती तेन ॥

३७७८-१ असुरसमरदक्षैर्वज्रसंधृष्टचापैरनुपमबलवीर्यैः स्वैः कुलैस्तुल्यवीर्यः ।
३७७८-२ रघुरिव स नरेन्द्रो यज्ञविश्रान्तकोशो भव जगति गुणानां भाजनं भ्राजितानां ॥

३७७९-१ असुरसुरनरेशां यो न भोगेषु तृप्तः कथमिह मनुजानां तस्य भोगेषु तृप्तिः ।
३७७९-२ जलनिधिजलपाने यो न जातो वितृष्णस्तृणशिखरगताम्भम्भःपानतः किं स तृप्येत् ॥

३७८०-१ असुरहितमप्यादित्योत्थं विपत्तिमुपागतं दितिसुतगुरुः प्राणैर्योक्तुं न किं कचवत्तमः ।
३७८०-२ पठति लुठतीं कण्ठे विद्यामयं मृतजीवनीं यदि न वहते संध्यामौनव्रतव्ययभीरुतां ॥

३७८१-१ असुरो हितमुपदिष्टः प्रह्लादो नारदेन गर्भस्थः ।
३७८१-२ तत्त्वविदुषां वरोऽभूद्- धितोपदेशं सदा शृणुयात् ॥

३७८२-१ असुलभा सकलेन्दुमुखी च सा किमपि चेदमनङ्गविचेष्टितं ।
३७८२-२ अभिमुखीष्विव वाञ्छितसिद्धिषु व्रजति निर्वृतिमेकपदे मनः ॥

३७८३-१ असुहृत्ससुहृच्चापि सशत्रुर्मित्रवानपि ।
३७८३-२ सप्रज्ञः प्रज्ञया हीनो दैवेन लभते सुखं ॥

३७८४-१ असूचिभेद्यामासाद्य बालां प्रौढाभिलापिणीं ।
३७८४-२ हा कष्टं मुषितोऽस्मीति प्रभाते वक्ति कामुकः ॥

३७८५-१ असूचीसंचारे तमसि नभसि प्रौढजलद- ध्वनिप्राज्ञंमन्ये पतति पृषतानां निचये ।
३७८५-२ इदं सौदामिन्याः कनककमनीयं विलसितं मुदं च म्लानिं च प्रथयति पथि स्वैरसुदृशां ॥

३७८६-१ असूत सद्यः कुसुमान्यशोकः स्कन्धात्प्रभृत्येव सपल्लवानि ।
३७८६-२ पादेन नापैक्षत सुन्दरीणां संपर्कमाशिञ्जितनूपुरेण ॥

३७८७-१ असूत सा नागवधूपभोग्यं मैनाकमम्भोनिधिबद्धसख्यं ।
३७८७-२ क्रुद्धेऽपि पक्षच्छिदि वृत्रशत्राववेदनाज्ञं कुलिशक्षतानां ॥

३७८८-१ असूयको दन्दशूको निष्ठुरो वैरकृन्नरः ।
३७८८-२ स कृच्छ्रं महदाप्नोति नचिरात्पापमाचरन् ॥

३७८९-१ असूयया हतेनैव पूर्वोपायोद्यमैरपि ।
३७८९-२ कर्त्णां गृह्यते संपत्सुहृद्भिर्मन्त्रिभिस्तथा ॥

३७९०-१ असूयाविष्टे मनसि यदि संपत्प्रवर्तते ।
३७९०-२ तुषाग्निं वायुसम्योगं इव जानीहि सुव्रत ॥

३७९१-१ असूयैकपदं मृत्युरतिवादः श्रियो वधः ।
३७९१-२ अशुश्रूषा त्वरा श्लाघा विद्यायाः शत्रवस्त्रयः ॥

३७९२-१ असेकतोऽत्यन्तनिषेकतश्च शाखाविशोषं फलिनो निरूप्य ।
३७९२-२ सप्ताहमात्रं शृतमेव सर्पिर्विडङ्गदुग्धाम्बु निषेचनीयं ॥

३७९३-१ असेवके चानुरक्तिर्दानं सप्रियभाषणं ।
३७९३-२ अनुरक्तस्य चिह्नानि दोषेऽपि गुणसंग्रहः ॥

३७९४-१ असेवितेश्वरद्वारं अदृष्टविरहव्यथं ।
३७९४-२ अनुक्तक्लीबवचनं धन्यं कस्यापि जीवितं ॥

३७९५-१ असोढा तत्कालोल्लसदसहभावस्य तपसः कथानां विश्रम्भेष्वथ च रसिकः शैलदुहितुः ।
३७९५-२ प्रमोदं वो दिश्यात्कपटबटुवेषापनयने त्वराशथिल्याभ्यां युगपदभियुक्तः स्मरहरः ॥

३७९६-१ असौ गतः सौगत एव यस्मात्कुर्यान्निरालम्बनतां ममैव ।
३७९६-२ सखि प्रियस्ते क्षणिकः किमन्यन्निरात्मकः शून्यतमः स वन्द्यः ॥

३७९७-१ असौ गिरेः शीतलकन्दरस्थः पारावतो मन्मथचाटुदक्षः ।
३७९७-२ धर्मालसाङ्गीं मधुराणि कूजन्संवीजते पक्षपुटेन कान्तां ॥

३७९८-१ असौजन्यञ्चेतोभवसमुचितं भावयति तद्वृथा संसारेऽस्मिन्नहह समयं किं गमयसि ।
३७९८-२ चिराद्भूयो भूयः कलयसि सखेदो भवसुखं ततो मन्ये त्यागात्प्रभवति परा निर्वृतिरिति ॥

३७९९-१ असौ नास्तीवेन्दुः क्वचिदपि रविः प्रोषित इव ग्रहोडूनां चक्रं नभसि लिखितप्रोञ्छितमिव ।
३७९९-२ अहर्वा रात्रिर्वा द्वयमपि प्रलुप्तप्रविचयं घनैर्बद्धव्यूहैः किमिदमतिघोरं व्यवसितं ॥

३८००-१ असौ बिभ्रत्ताम्रत्विषमुदयशैलस्य शिरसि स्खलन्प्रालेयांशुर्यदि भवति मत्तो हलधरः ।
३८००-२ तदानीमेतत्तु प्रतिनवतमालद्युतिहरं तमोऽपि व्यालोलं विगलति तदीयं निवसनं ॥

३८०१-१ असौभाग्यं धत्ते परमसुखभोगास्पदमयं विचित्रं तद्गेहं भवति पृथुकार्तस्वरमयं ।
३८०१-२ निविष्टः पल्यङ्के कलयति स कान्तारतरणं प्रसादं कोपं वा जननि भवती यत्र तनुते ॥

३८०२-१ असौ मरुच्चुम्बितचारुकेसरः प्रसन्नताराधिपमण्डलाग्रणीः ।
३८०२-२ वियुक्तरामातुरदृष्टिवीक्षितो वसन्तकालो हनुमानिवागतः ॥

३८०३-१ असौ महाकालनिकेतनस्य वसन्नदूरे किल चन्द्रमौलेः ।
३८०३-२ तमिस्रपक्षेऽपि सह प्रियाभिर्जोत्स्नावतो निर्विशति प्रदोषान् ॥

३८०४-१ असौ महेन्द्रद्विपदानगन्धिस्त्रिमार्गगावीचिविमर्दशीतः ।
३८०४-२ आकाशवायुर्दिनयौवनोत्थानाचामति स्वेदलवान्मुखे ते ॥

३८०५-१ असौ महेन्द्राद्रिसमानसारः पतिर्महेन्द्रस्य महोदधेश्च ।
३८०५-२ यस्य क्षरत्सैन्यगजच्छलेन यात्रासु यातीव पुरो महेन्द्रः ॥

३८०६-१ असौ रसौचित्यगुणोज्ज्वलोऽपि गुम्फो न काव्यव्यपदेशयोग्यः ।
३८०६-२ धत्ते खलस्यापि न दुर्विषह्य- द्वेषग्रहोत्सारणमन्त्रतां यः ॥

३८०७-१ असौ विद्याशाली शिशुरपि विनिर्गत्य भवनादिहायातः संप्रत्यविकलशरच्चन्द्रवदनः ।
३८०७-२ यदालोकस्थाने भवति पुरमुन्मादतरलैः कटाक्षैर्नारीणां कुवलयितवातायनमिव ॥

३८०८-१ असौ समरसाहसं वितनुतेऽग्रिमश्रेयसे मुकुन्दममुमात्मनि स्थिरयितुं न किं वाञ्छति ।
३८०८-२ अतः परतरं कुतः प्रतरणाय वारांनिधेर्निदानमिह संसृतेः सुखसृतेश्च किं कारणं ॥

३८०९-१ असौ समालोकितकाननान्तरे विकीर्णविस्पष्टमरीचिकेसरः ।
३८०९-२ विनिर्गतः सिंह इवोदयाचलाद्गृहीतनिष्पन्दमृगो निशाकरः ॥

३८१०-१ असौ हि दत्त्वा तिमिरावकाशं अस्तं व्रजत्युन्नतकोटिरिन्दुः ।
३८१०-२ जलावगाढस्य वनद्विपस्य तीक्ष्णं विषाणाग्रमिवावशिष्टं ॥

३८११-१ असौ हि रामा रतिविग्रहप्रिया रहःप्रगल्भा रमणं रहोगतं ।
३८११-२ रतेन शत्रौ रमयेत्परेन वा नो चेदुदेष्यत्यरुणः पुरो रिपुः ॥

३८१२-१ असौ हि संकेतसमुत्सुकाभिर्विलासिनीभिर्मदनातुराभिः ।
३८१२-२ सरोषदृष्टः स्फुरिताधराभिर्द्रुतं रविर्भीत इवास्तमेति ॥

३८१३-१ अस्तंगतभारविरवि कालवशात्कालिदासविधुविधुरं ।
३८१३-२ निर्वाणबाणदीपं जगदिदमद्योति रत्नेन ॥

३८१४-१ अस्तं गतवति सवितरि पायसपिण्डं सुधाकरं प्राची ।
३८१४-२ व्यरचयदम्बरकुशभुवि चरति कलङ्कस्तदन्तरे काकः ॥

३८१५-१ अस्तं गतवति सवितरि भर्तरि मधुपं निवेश्य कोशान्ते ।
३८१५-२ कमलिन्योऽपि रमन्ते किमत्र चित्रं मृगाक्षीणां ॥

३८१६-१ अस्तंगते दिवानाथे नलिनी मधुपच्छलात् ।
३८१६-२ गिलन्ति स्वविनाशाय गुटिकां कालकूटजां ॥

३८१७-१ अस्तंगते निजरिपावपि कुम्भयोनौ संकोचमाप जलधिर्न तु माद्यति स्म ।
३८१७-२ गम्भीरतागुणचमत्कृतविष्टपानां शत्रुक्षयेऽपि महतामुचितं ह्यदः स्यात् ॥

३८१८-१ अस्तंगते भास्वति नान्धकारान्शनैश्चरो हन्ति विधौ बुधश्च ।
३८१८-२ पितुर्गुणैर्न प्रतिभाति पुत्रो गुणान्वितो यः स गुणेन भाति ॥

३८१९-१ अस्तंगतोऽयमरविन्दवनैकबन्धुर्भास्वान्न लङ्घयति कोऽपि विधिप्रणीतं ।
३८१९-२ हे चक्र धैर्यमवलम्ब्य विमुञ्च शोकं धीरास्तरन्ति विपदं न तु दीनचित्ताः ॥

३८२०-१ अस्तं भास्वति लोकलोचनकलालोके गते भर्तरि स्त्रीलोकोचितमाचरन्ति सुकृतं वह्नौ विलीय त्विषः ।
३८२०-२ अप्येतास्तु चिकीर्षयेव तपसां ताराक्षमाला दिशो मन्ये खञ्जनकण्ठक्ॐअलतमःकृष्णाजिनं बिभ्रति ॥

३८२१-१ अस्तं मुक्तिरुपैतु यत्र न तनूसाध्या हरेर्भक्तयस्तन्नः संसृतिरेधतां निरवधिर्यस्याः प्रसादोदयात् ।
३८२१-२ मूर्ध्नि श्रीपुरुषोत्तमप्रणतयः श्रीरामनामानने हृद्देशे यदुनन्दनस्य जलदश्यामाभिरामाकृतिः ॥

३८२२-१ अस्तं यतापि किल मस्तकवर्तिनासावस्ताचलोऽहिमरुचा रुचिमप्यलम्भि ।
३८२२-२ प्रायः परोपकृतये कृतिनोऽनेपेक्ष्य स्वार्थं विपत्कवलिता अपि भावयन्ति ॥

३८२३-१ अस्तं यातस्तिमिरपटलीदत्तभङ्गः पतंगः प्राप्तो नैवोदयगिरिशिर्ॐऊलमेणावचूलः ।
३८२३-२ तत्ते कालं कतिपलमयं भाति खद्योतपोत द्योतं द्योतं पुनरपि पुनर्द्योततां को विलम्बः ॥

३८२४-१ अस्तं शशी याति शशाङ्कवदने मानं विमुञ्चाधुना किं मानेन मुधा नतभ्रु गगनाद्भ्रश्यन्त्यमूस्तारकाः ।
३८२४-२ इत्थं त्वामनुशिक्षयन्क्षितितलादुन्नम्य पादं शनैः क्षीणां वीक्ष्य निशां निसर्गसुभगं गायत्यसौ कुक्कुटः ॥

३८२५-१ अस्तग्रस्तगभस्तिमत्करततिन्यङ्नीतचञ्चूपुटी पाटीराद्रिमथो हिमाचलमधः प्रक्षिप्य पक्षद्वयं ।
३८२५-२ पश्चादुन्नतपुच्छपुञ्जमुदयत्प्राचीप्रकाशच्छलादण्डं मण्डलमैन्दवं जनयति व्यक्तं बकोटीवियत् ॥

३८२६-१ अस्तप्रत्युपकारगन्धमकृतस्वप्रार्थनापेक्षम- प्यम्भोभिर्भुवमार्द्रयन्ति जलदा जीवन्त्यमी जन्तवः ।
३८२६-२ दैवज्ञः पुनरस्ति वृष्टिरिति वागेका मयोक्तेति यद्विश्वं क्रीतमिवाधिगच्छति तदेवाघूर्णते मर्मणि ॥

३८२७-१ अस्तब्धः पूजयेन्मान्यान्गुरून्सेवेदमायया ।
३८२७-२ अर्चेद्देवान्नदम्भेन श्रियमिच्छेदकुत्सितां ॥

३८२८-१ अस्तब्धतामचापल्यं वैराणां चाप्यकर्तृतां ।
३८२८-२ प्रत्यक्षतो विजानीयाद्भद्रतां क्षुद्रतामपि ॥

३८२९-१ अस्तब्धमक्लीबमदीर्घसूत्रं सानुक्रोशं श्लक्ष्णमहार्यमन्यैः ।
३८२९-२ अरोगजातीयमुदारवाक्यं दूतं वदन्त्यष्टगुणोपपन्नं ॥

३८३०-१ अस्तमस्तकपर्यस्तसमस्तार्कांशुसंस्तरा ।
३८३०-२ पीनस्तनस्थिताताम्रकम्रवस्त्रेव वारुणी ॥

३८३१-१ अस्तमितविषयसङ्गा मुकुलितनयनोत्पला मृदुश्वसिता ।
३८३१-२ ध्यायति किमप्यलक्ष्यं नित्यं योगाभियुक्तेव ॥

३८३२-१ अस्तमीयुषि निशाकरे सती रागतोऽतिविधुरा कुमुद्वती ।
३८३२-२ षट्पदं गरलमग्रहीन्मुखे संमुखेऽपि खगशब्दवारिता ॥

३८३३-१ अस्तव्यस्तमितस्ततः पथि पतन्मद्यं महादुद्वमन्हस्ताभ्यां मुखमक्षिकाः परिणुदन्गालीर्गदन्गद्गदन् ।
३८३३-२ उत्तालैः शिशुभिर्भृशं वलयितो बीभत्समूर्तिर्महान्मत्तो दक्षिणतः क्षणं क्षिप दृशं मत्तोऽयमागच्छति ॥

३८३४-१ अस्तव्यस्तसमीरकम्पिततया दृष्टेस्तिरस्कारिणीं हस्तेनालकवल्लरीमकुटिलामानीय कर्णान्तिकं ।
३८३४-२ उद्वीक्ष्य प्रियमार्गमध्वगवधूरस्तं गते भास्वति छिन्नाशा स्वनिवेशमेति शनकैः स्वप्नेक्षणाशंसिनी ॥

३८३५-१ अस्तव्यस्तान्क्रमततगतीन्पत्रिमालातरङ्गान्वेणीदण्डानिव धृतवती मुक्तसंध्याङ्गरागा ।
३८३५-२ ध्वान्तम्लानांशुकपरिचयच्छन्नलावण्यशोच्या द्यौः प्रत्यग्रद्युमणिविरहाद्वान्तमक्ष्णोर्न याति ॥

३८३६-१ अस्ताद्रिपार्श्वमुपजग्मुषि तिग्मभासि जानीत शीतकिरणोऽभ्युदितो न वेति ।
३८३६-२ चारा इवाथ रजनीतिमिरप्रयुक्ताश्चेरुश्चिरं चरणभूमिषु चञ्चरीकाः ॥

३८३७-१ अस्ताद्रिशिरोविनिहित- रविमण्डलसरसयावघट्टाङ्कं ।
३८३७-२ नयतीव कालकौलः क्वापि नभःसैरिभं सिद्ध्यै ॥

३८३८-१ अस्ताभिमुखे सूर्ये उदिते संपूर्णमण्डले चन्द्रे ।
३८३८-२ गमनं बुधस्य लग्ने उदितास्तमिते च केतौ ॥

३८३९-१ अस्तावलम्बिरविबिम्बतयोदयाद्रि- चूडोन्मिषत्सकलचन्द्रतया च सायं ।
३८३९-२ संध्याप्रनृत्तहरहस्तगृहीतकांस्य- तालद्वयेव समलक्ष्यत नाकलक्ष्मीः ॥

३८४०-१ अस्ताविलरूक्षाक्ष्यो मूषकनयनाश्च न शुभदा गावः ।
३८४०-२ प्रचलच्चिपिटविषाणा करटाः खरसदृशवर्णाश्च ॥

३८४१-१ अस्ति कारणमव्यक्तं सर्वव्यापि परापरं ।
३८४१-२ सांनिध्यादपि दुर्ग्राह्यं विश्वमूर्त्योपलक्षितं ॥

३८४२-१ अस्ति कोऽपि तिमिरस्तनंधयः किंचिदञ्चितपदं स गायति ।
३८४२-२ यन्मनागपि निशम्य का वधूर्नावधूतहृदयोपजायते ॥

३८४३-१ अस्ति ग्रीवा शिरो नास्ति द्वौ भुजौ करवर्जितौ ।
३८४३-२ सीताहरणसामर्थ्यो न रामो न च रावणः ॥

३८४४-१ अस्ति जलं जलराशौ क्षारं तत्किं विधीयते तेन ।
३८४४-२ लघुरपि वरं स कूपो यत्राकण्ठं जनः पिबति ॥

३८४५-१ अस्ति पुत्रो वशे यस्य भृत्यो भार्या तथैव च ।
३८४५-२ अभावे सति संतोषः स्वर्गस्थोऽसौ महीतले ॥

३८४६-१ अस्ति भयमस्ति कौतुकं अस्ति च मन्दाक्षमस्ति चोत्कण्ठा ।
३८४६-२ बालानां प्रणयिजने भावः कोऽप्येष नैकरसः ॥

३८४७-१ अस्ति यद्यपि सर्वत्र नीरं नीरजराजितं ।
३८४७-२ मोदते न तु हंसस्य मानसं मानसं विना ॥

३८४८-१ अस्ति श्रीस्तनपत्रभङ्गमकरीमुद्राङ्कितोरःस्थलो देवः सर्वजगत्पतिर्मधुवधूवक्त्राब्जचन्द्रोदयः ।
३८४८-२ क्रीडाक्रोडतनोर्नवेन्दुविशदे दंष्ट्राङ्कुरे यस्य भूर्भाति स्म प्रलयाब्धिपल्वलतलोत्खातैकमुस्ताकृतिः ॥

३८४९-१ अस्ति स्वर्णमयोऽद्रिरस्ति विषयः क्षुत्तृड्भरावर्जितः सन्ति क्षीरघृताकरा जलधयः सन्ति द्रुमाः कामदाः ।
३८४९-२ किं नस्तच्चरिताद्भुतश्रवणतः साध्यं क्षुधा ताम्यतां दृष्टं यत्सविधे विधेहि सुमते तत्रैव सर्वं श्रमं ॥

३८५०-१ अस्ति स्वादुफलं किमस्ति किमथाघ्रातुं क्षमः कोरकस्तद्विश्राम्यतु नाम भोक्तुमुचितं पत्रं किमस्त्यन्ततः ।
३८५०-२ सेव्यो हन्त यदीदृशोऽपि मनुजैर्वृक्षाधमः पिप्पलो दुःस्वातन्त्र्यमिदं विधेः कथय तत्कस्याग्रतो रुद्यतां ॥

३८५१-१ अस्तीत्येव कृषिं कुर्यातस्ति नास्तीति वाणिजं ।
३८५१-२ नास्तीत्येव ऋणं दद्यात्नाहमस्मीति साहसं ॥

३८५२-१ अस्तु तावदगस्त्येन जह्नोर्महिमनिह्नवः ।
३८५२-२ का कथा तस्य बालस्य विश्वग्रासेऽप्यतृप्यतः ॥

३८५३-१ अस्तु स्वस्त्ययनाय दिग्धनपते कैलासशैलाश्रय- श्रीकण्ठाभरणेन्दुविभ्रमदिवानक्तंभ्रमत्क्ॐउदी ।
३८५३-२ यत्रालं नलकूबराभिसरणारम्भाय रम्भास्फुरत्पाण्डिम्नैव तनोस्तनोति विरहव्यग्रापि वेशग्रहं ॥

३८५४-१ अस्ते शिवा पश्चिमायां परचक्रभयाय सा ।
३८५४-२ शुभा कुबेरदिश्यस्ते ग्रामान्तः शून्यकारिणी ॥

३८५५-१ अस्तोकविस्मयमपस्मृतपूर्ववृत्तं उद्भूतनूतनभयज्वरजर्जरं नः ।
३८५५-२ एकक्षणत्रुटितसंघटितप्रमोहं आनन्दशोकशबलत्वमुपैति चेतः ॥

३८५६-१ अस्तोदयाचलविलम्बिरवीन्दुबिम्ब- व्याजात्क्षणं श्रवणयोर्निहितारविन्दा ।
३८५६-२ ताराच्छलेन कुसुमानि समुत्क्षिपन्ती संध्येयमागतवती प्रमदेव काचित् ॥

३८५७-१ अस्तोदयाद्रिगतमर्कशशाङ्कबिम्बं अह्नोऽतिवार्धकदशामवलम्बितस्य ।
३८५७-२ ताराक्षराणि पठितुं तपनीयशैल- नासावसक्तमुपनेत्रमिवाबभासे ॥

३८५८-१ अस्तोपधानविनिहित- रविबिम्बशिरोनिकुञ्चितदिगङ्गः ।
३८५८-२ वस्तेऽन्धकारकम्बलं अम्बरशयने दिनाध्वन्यः ॥

३८५९-१ अस्त्यत्रैव किलार्णवे तदमृतं तत्रैव हालाहलः सन्त्यस्मिन्मलये पटीरतरवस्तत्रैव वाताशनाः ।
३८५९-२ यद्यद्वस्त्वभिजातमस्ति सविधे तत्तद्दुरापं नृणां प्राप्तव्यं रसनाञ्चले करतले भाले च वेधा न्यधात् ॥

३८६०-१ अस्त्यद्यापि चतुःसमुद्रपरिखापर्यन्तमुर्वीतलं वर्तन्तेऽपि च तत्र तत्र रसिका गोष्ठीषु सक्ता नृपाः ।
३८६०-२ एकस्तत्र निरादरो भवति चेदन्यो भवेत्सादरो वाग्देवी वदनाम्बुजे वसति चेत्को नाम दीनो जनः ॥

३८६१-१ अस्त्यप्रतिसमाधेयं स्तनद्वन्द्वस्य दूषणं ।
३८६१-२ स्फुटतां कञ्चुकानां यन्नायात्यावरणीयतां ॥

३८६२-१ अस्त्युत्तरस्यां दिशि देवतात्मा हिमालयो नाम नगाधिराजः ।
३८६२-२ पूर्वापरौ तोयनिधी वगाह्य स्थितः पृथिव्या इव मानदण्डः ॥

३८६३-१ अस्त्येकं भुवनं सूक्ष्मं क्षमध्वे यत्र वीक्षितुं ।
३८६३-२ विषयांश्चित्रविद्यायाश्चित्राणां चलतां तथा ॥

३८६४-१ नाटकाख्यायिकानां च शक्यान्सर्वविधानपि ।
३८६४-२ स्फुरणा जायते प्रायस्तत एव कलाकृतां ॥

३८६५-१ अस्त्येव भूभृतां मूर्ध्नि दिवि वा द्योततेऽम्बुदः ।
३८६५-२ मरुद्भिर्भज्यमानोऽपि स किमेति रसातलं ॥

३८६६-१ अस्त्येवोद्दामदावानलविकलतरं काननं यत्र तत्र प्रौढोत्तापाभिभूतं जगदपि सकलं निर्जला एव नद्यः ।
३८६६-२ किं रे निर्लज्ज गर्जं कलयसि बहुशस्तर्जयन्पान्थबालाः पर्जन्य त्वाममी किं क्वचिदपि गणयन्त्यम्बुदत्वेन लोकाः ॥

३८६७-१ अस्त्रं विमुच्य सकलं प्रथमप्रयोगे भूयोऽपि हन्तुमबलां विहितोद्यमस्य ।
३८६७-२ पुष्पायुधस्य वपुरेव तदीयमेकं लक्ष्यं च हन्त शरधिश्च तदा बभूव ॥

३८६८-१ अस्त्रं स्त्री वामनो मर्त्यः पशुरेभ्योऽथवेतरः ।
३८६८-२ विधियोगाद्भवेत्कामं पौरुषं न परित्यजेत् ॥

३८६९-१ अस्त्रज्वालावलीढप्रतिबलजलधेरन्तरौर्वायमाणे सेनानाथे स्थितेऽस्मिन्मम पितरि गुरौ सर्वधन्वीश्वराणां ।
३८६९-२ कर्णालं संभ्रमेण व्रज कृप समरं मुञ्च हार्दिक्यशङ्कां ताते चापद्वितीये वहति रणधुरं को भयस्यावकाशः ॥

३८७०-१ अस्त्रप्रयोगखुरलीकलहे गणानां सैन्यैर्वृतोऽपि जित एव मया कुमारः ।
३८७०-२ एतावतापि परिरभ्य कृतप्रसादः प्रादादिमं प्रियगुणो भगवान्गुरुर्मे ॥

३८७१-१ अस्त्रव्यस्तशिरस्त्रशस्त्रकषणैः कृत्तोत्तमाङ्गे क्षणं व्यूढासृक्सरिति स्वनत्प्रहरणे वर्मोद्वमद्वाह्निनि ।
३८७१-२ आहूयाजिमुखे स कोसलपतिर्भग्ने प्रधाने बले एकेनैव रुमण्वता शरशतैर्मत्तद्विपस्थो हतः ॥

३८७२-१ अस्त्राणि प्लवगाधिपेन विहिताः पौलस्त्यवक्षःस्थली- संघट्टानलदत्तदावविपदः सीदन्ति भूमीरुहाः ।
३८७२-२ उत्पाट्य प्रहितश्च शैलशिखरो लङ्केन्द्रहस्तावली- निष्पिष्टो निजकुञ्जनिर्झरजलैर्जम्बालपिण्डायते ॥

३८७३-१ अस्त्रामास तृणं प्रियाद्रुहि तृणामास स्मरारेर्धनुर्दारामास मुनेः शिलापि नृवरामास स्वयं पादुका ।
३८७३-२ कुल्यामास महार्णवोऽपि कपयो योधांबभूवुस्तदा पौलस्त्यो मशकीबभूव भगवंस्त्वं मानुषामासिथाः ॥

३८७४-१ अस्त्रौघप्रसरेण रावणिरसौ यं दुर्यशोभागिनं चक्रे गौतमशापयन्त्रितभुजस्थेमानमाखण्डलं ।
३८७४-२ कच्छावर्तकुलीरतां गमयता वीर त्वया रावणं तत्संमृष्टमहो विशल्यकरणी जागर्ति सत्पुत्रता ॥

३८७५-१ अस्त्वक्षरग्रहविधिर्जनुषां सहस्रैरापाततो भवतु वापि ततोऽर्थबोधः ।
३८७५-२ दुर्वादिकल्पितविकल्पतरङ्गसान्द्रान्दुष्पूर्वपक्षजलधीन्कथमुत्तरेयुः ॥

३८७६-१ अस्थानगामिभिरलंकरणैरुपेता भूयः पदस्खलननिह्नुतिरप्रसन्ना ।
३८७६-२ वाणीव कापि कुकवेर्जनहस्यमाना द्राङ्निर्गता निजगृहाद्वनिता मदान्धा ॥

३८७७-१ अस्थानाभिनिवेशिता रतिपतेरौचित्यभङ्गो रतेर्वैयर्थ्यं नवयौवनस्य किमपि प्रेम्णः कलङ्काङ्कुरः ।
३८७७-२ सौभाग्यस्य विमानना विगुणता सौन्दर्यसारश्रियः शृङ्गारस्य विडम्बना किमपरं वेश्यारताडम्बरः ॥

३८७८-१ अस्थानाभिनिवेशी प्रायो जड एव भवति नो विद्वान् ।
३८७८-२ बालादन्यः कोऽम्भसि जिघृक्षतीन्दोः स्फुरद्बिम्बं ॥

३८७९-१ अस्थाने गमिता लयं हतधियां वाग्देवता कल्पते धिक्काराय पराभवाय महते तापाय पापाय वा ।
३८७९-२ स्थाने तु व्ययिता सतां प्रभवति प्रख्यातये भूतये चेतोनिर्वृतये परोपकृतये प्रान्ते शिवावाप्तये ॥

३८८०-१ अस्थाने जनसंकटे मयि मनाक्काञ्चीं समास्कन्दति व्यालोले रशनांशुके विगलिते नीते च नाभेरधः ।
३८८०-२ धन्योऽयं स करः कुरङ्गकदृशा तस्मिन्नवस्थान्तरे कम्पातङ्ककरंबिताङ्गलतया यस्यावकाशः कृतः ॥

३८८१-१ अस्थाने ताडितो वाजी बहून्दोषानवाप्नुयात् ।
३८८१-२ तावद्भवन्ति ते दोषा यावज्जीवत्यसौ हयः ॥

३८८२-१ अस्थानेऽभिनिविष्टान्मूर्खानस्थान एव संतुष्टान् ।
३८८२-२ अनुवर्तन्ते धीराः पितर इव क्रीडतो बालान् ॥

३८८३-१ अस्थाने ह्यपि च स्थाने सततं चानुगामिनि ।
३८८३-२ क्रुद्धो दण्डान्प्रणयति विविधांस्तेजसा वृतः ॥

३८८४-१ अस्थिक्षोदवतीव कुन्दमुकुलैः फुल्लैः पलाशद्रुमैः साङ्गारप्रकरेव धूमकलुषेवोत्पातिभिः षट्पदैः ।
३८८४-२ रक्ताक्षद्युतिभिः सशेषदहनालातेव पुंस्कोकिलैर्दृष्टा प्राणसमाचितेव पथिकैराराद्वनान्तस्थली ॥

३८८५-१ अस्थि नास्ति शिरो नास्ति बाहुरस्ति निरङ्गुलिः ।
३८८५-२ नास्ति पादद्वयं गाढं अङ्गमालिङ्गति स्वयं ॥

३८८६-१ अस्थिरं जीवितं लोके यौवनं धनमस्थिरं ।
३८८६-२ अस्थिरं पुत्रदारादि धर्मः कीर्तिर्द्वयं स्थिरं ॥

३८८७-१ अस्थिरः कुलसंबन्धः सदा विद्या विवादिनी ।
३८८७-२ मदो मोहाय मिथ्यैव मुहूर्तनिधनं धनं ॥

३८८८-१ अस्थिरमनेकरागं गुणरहितं नित्यवक्रदुष्प्रापं ।
३८८८-२ प्रावृषि सुरेन्द्रचापं विभाव्यते युवतिचित्तमिव ॥

३८८९-१ अस्थिरेण शरीरेण स्थिरं कर्म समाचरेत् ।
३८८९-२ अवश्यमेव यास्यन्ति प्राणाः प्राघूर्णका इव ॥

३८९०-१ अस्थिवद्दधिवच्चैव शङ्खवद्बकवत्तथा ।
३८९०-२ राजंस्तव यशो भाति पुनः संन्यासिदन्तवत् ॥

३८९१-१ अस्थिष्वर्थाः सुखं मांसे त्वचि भोगाः स्त्रियोऽक्षिषु ।
३८९१-२ गतौ यानं स्वरे चाज्ञा सर्वं सत्त्वे प्रतिष्ठितं ॥

३८९२-१ अस्थिस्थूणं स्नायुयुतं मांसशोणितलेपनं ।
३८९२-२ चर्मावनद्धं दुर्गन्धि पूर्णं मूत्रपुरीषयोः ॥

३८९३-१ जराशोकसमाविष्टं रोगायतनमातुरं ।
३८९३-२ रजस्वलमनित्यं च भूतावासमिमं त्यजेत् ॥

३८९४-१ नदीकूलं यथा वृक्षं वृक्षं वा शकुनिर्यथा ।
३८९४-२ तथा त्यजन्निमं देहं कृच्छ्राद्ग्राहाद्विमुच्यते ॥

३८९५-१ अस्थीनि मज्जा शुक्लं च पितुरंशास्त्रयो मताः ।
३८९५-२ रक्तं र्ॐआणि पललं अंशा मातुरमी मता ॥

३८९६-१ अस्थीन्यस्थीन्यजिनमजिनं भस्म भस्मेन्दुरिन्दुर्गङ्गा गङ्गोरग उरग इत्याकुलाः संभ्रमेण ।
३८९६-२ भूषावेषोपकरणगणप्रापणव्यापृतानां नृत्तारम्भप्रणयिनि शिवे पान्तु वाचो गणानां ॥

३८९७-१ अस्नाताशी मलं भुङ्क्ते अजपी पूयभक्षणं ।
३८९७-२ अहुताशी विषं भुङ्क्ते अदाता विषमश्नुते ॥

३८९८-१ अस्पृश्यसंगतिमिह प्रविधाय सोढा दण्डाहतीः पटह बन्धमपि प्रपद्य ।
३८९८-२ दोषं प्रकाशयसि यत्प्रतिरथ्यमेव लोकस्य तद्विमुखतां प्रकटीकरोषि ॥

३८९९-१ अस्पृश्योऽस्तु मलीमसोऽस्त्वनियताहारोऽस्त्वतोऽप्युद्भटैर्दोषैरस्तु परःशतैः परिवृतः काकस्ततः का क्षतिः ।
३८९९-२ भुङ्क्ते भोज्यमुपस्थितं समुपहूयैव स्वयं बान्धवान्यः सीदन्क्षुधया विचिन्तय ततो धन्यश्च पुण्यश्च कः ॥

३९००-१ अस्पृष्टे राहुभीत्याहनि निशि च समे कल्मषच्छाययोने हासत्रासाद्विदूरे समुपचितविभावैभवे हृद्यगन्धे ।
३९००-२ पाथोदाच्छादहीने धरणितलगतादुर्लभे सर्वलोका- ह्लादं चाप्यादधाने सुमुखि तव मुखौपम्यलेशः सुधांशौ ॥

३९०१-१ अस्मत्पूर्वैः सुरपतिहृतं द्रष्टुकामैस्तुरङ्गं भित्त्वा क्षोणीमगणितबलैः सागरो वर्धितात्मा ।
३९०१-२ सत्कारार्थं तव यदि गिरीनादिशेद्गुप्तपक्षा न श्रान्तोऽपि प्रणयमुचितं नैव बन्धोर्विहन्याः ॥

३९०२-१ अस्मत्प्रयाणसमये कुरु मङ्गलानि किं रोदिषि प्रियतमे वद कारणं मे ।
३९०२-२ भोः प्राणनाथ विरहानलतीव्रताप- धूमेन वारि गलितं मम लोचनानां ॥

३९०३-१ अस्मदीश्वरविश्वासप्रमाणेन प्रभोः कृपा ।
३९०३-२ विधातुं प्रभवेत्कार्यं साहाय्यं च तथैव नः ॥

३९०४-१ अस्मद्रिपूणामनिलाशनानां दत्तो निवासः खलु चन्दनेन ।
३९०४-२ इतीव रोषाद्व्यजनस्य वायुर्व्यशोषयच्चन्दनमङ्गसंस्थं ॥

३९०५-१ अस्मद्वैरी शशभृदमुना जीयते ह्यन्धकारः सारङ्गाक्ष्या मुखमनुगतः केशपाशच्छलेन ।
३९०५-२ तं संश्रुत्य प्रगलितमहाः शीतरश्मिस्तदैव प्राप्तः सेवाघटनविधये मालतीदामभङ्ग्या ॥

३९०६-१ अस्माकं जलजीविनां जलमिदं सद्वाजिराजिव्रजैः पातव्यं पररक्तरक्तमनसां तृप्तिः पतीनां क्षयः ।
३९०६-२ मत्वैवं किल राजराज नृपते त्वज्जैत्रयात्रोत्सवे मत्सी रोदिति मक्षिका च हसति ध्यायन्ति वैरिस्त्रियः ॥

३९०७-१ अस्माकं परमन्दिरस्य चरितं यद्यप्यवाच्यं भवेत्स्वामी त्वं कथयामि तेन भवतः किंचित्प्रियादूषणं ।
३९०७-२ श्रीमद्राम नृप त्वया रणमुखे पाणिग्रहः सादरं यस्याः सासिलता परस्य हृदये दृष्टा लुठन्ती मया ॥

३९०८-१ अस्माकं बत मण्डले प्रथमतः पत्या करः पात्यते काञ्चीकुन्तलमध्यदेशविषयान्संत्यज्य भूरिश्रियः ।
३९०८-२ इत्यालोक्य कुचौ पयोरुहदृशां जातौ सुनीलाननौ नो नीचोऽपि पराभवं विषहते किं तादृशावुन्नतौ ॥

३९०९-१ अस्माकं वदरीचक्रं बदरी च तवाङ्गणे ।
३९०९-२ वादरायणसम्बन्धाद्यूयं यूयं वयं वयं ॥

३९१०-१ अस्माकं व्रतमेतदेव यदयं कुञ्जोदरे जागरः शुश्रूषा मदनस्य वक्त्रमधुभिः संतर्पणीयोऽतिथिः ।
३९१०-२ निस्त्रिंशाः शतशः पतन्तु शिरसश्छेदोऽथवा जायतां आत्मीयं कुलवर्त्म पुत्रि न मनागुल्लङ्घनीयं त्वया ॥

३९११-१ अस्माकं सखि वाससी न रुचिरे ग्रैवेयकं नोज्ज्वलं नो वक्रा गतिरुद्धतं न हसितं नैवास्ति कश्चिन्मदः ।
३९११-२ किन्त्वन्येऽपि जना वदन्ति सुभगोऽप्यस्याः प्रियो नान्यतो दृष्टिं निक्षिपतीति विश्वमियता मन्यामहे दुःस्थितं ॥

३९१२-१ अस्माकमङ्गमङ्गं पण्योपनतं महाधननिधानं ।
३९१२-२ दासीसुताः किमेते स्वादन्ति विटाः प्रसङ्गेन ॥

३९१३-१ अस्माकमध्यासितमेतदन्तस्तावद्भवत्या हृदयं चिराय ।
३९१३-२ बहिस्त्वयालंक्रियातमिदानी- मुरो मुरं विद्विषतः श्रियेव ॥

३९१४-१ अस्माकमात्मभूर्भूत्वा हन्तास्मानेव हंसि यत् ।
३९१४-२ रे रे कन्दर्प तन्नित्यं अनङ्गत्वं सदास्तु ते ॥

३९१५-१ अस्माकमेकपद एव मरुद्विकीर्ण- जीमूतजालरसितानुकृतिर्निनादः ।
३९१५-२ गम्भीरमङ्गलमृदङ्गसहस्रजन्मा शब्दान्तरग्रहणशक्तिमपाकरोति ॥

३९१६-१ अस्मात्परं बत यथाश्रुति संभृतानि को नः कुले निवपनानि नियच्छतीति ।
३९१६-२ नूनं प्रसूतिविकलेन मया प्रसिक्तं धौताश्रुशेषमुदकं पितरः पिबन्ति ॥

३९१७-१ अस्मादृशां नूनमपुण्यभाजां न स्वोपयोगी न परोपयोगी ।
३९१७-२ सन्नप्यसद्रूपतयैव वेद्यो दारिद्र्यमुद्रो गुणरत्नकोषः ॥

३९१८-१ अस्मानवेहि कलमानलमाहतानां येषां प्रचण्डमुसलैरवदाततैव ।
३९१८-२ स्नेहं विमुच्य सहसा खलतां प्रयान्ति ये स्वल्पपीडनवशान्न वयं तिलास्ते ॥

३९१९-१ अस्मान्मा भज कालकूटभगिनि स्वप्नेऽपि पद्मालये व्याधीभूय कदर्थयन्ति बहुशो मातर्विकारा इमे ।
३९१९-२ यच्चक्षुर्न निरीक्षतेच्छविषयं नैवं शृणोति श्रुतिः प्राणा एव वरं प्रयान्ति न पुनर्निर्यान्ति वाचो बहिः ॥

३९२०-१ अस्मान्विचित्रवपुषश्चिरपृष्ठलग्नान्को वा विमुञ्चति सखे यदि वा विमुञ्च ।
३९२०-२ हा हन्त केकिवर हानिरियं तवैव भूपालमूर्धनि पुनर्भविता स्थितिर्नः ॥

३९२१-१ अस्मान्साधु विचिन्त्य संयमधनानुच्चैः कुलं चात्मनस्त्वय्यस्याः कथमप्यबान्धवकृतां स्नेहप्रवृत्तिं च तां ।
३९२१-२ सामान्यप्रतिपत्तिपूर्वकमियं दारेषु दृश्या त्वया भाग्यायत्तमतःपरं न खलु तद्वाच्यं वधूबन्धुभिः ॥

३९२२-१ अस्माभिः कलितं पुरा न भवती भुक्ता नृभिः कैरपि प्रौढा मानवशालिनीति चलितं चेतः सकामं त्वयि ।
३९२२-२ धिक्त्वां संप्रति सद्भुजङ्गजनतासंश्लेषमातन्वती गम्या सर्वजनस्य वारवनितेवोत्क्षेपणीयासि नः ॥

३९२३-१ अस्माभिः स्मयलोलमौलिफलकैर्मुक्ताविसाराधिपं वेदोद्धारपरः करस्तव परं दानाम्बुपूतः स्तुतः ।
३९२३-२ किन्तु क्ष्मातिलक क्षमस्व कविभिः किं नाम नालोक्यते दृष्टः स्पष्टतरं तवापि निभृतः पाणौ स वैसारिणः ॥

३९२४-१ अस्माभिश्चतुरम्बुराशिरशनावच्छेदिनीं मेदिनीं भ्राम्यद्भिर्न स कोऽपि निस्तुषगुणो दृष्टो विशिष्टो जनः ।
३९२४-२ यस्याग्रे चिरसंचितानि हृदये दुःखानि सौख्यानि वा संजल्प्य क्षणमेकमर्धमथवा निःश्वस्य विश्राम्यते ॥

३९२५-१ अस्माल्लोकादूर्ध्वममुष्य चाधो महत्तमस्तिष्ठति ह्यन्धकारं ।
३९२५-२ तद्वै महामोहनमिन्द्रियाणां बुध्यस्व मा त्वां प्रलभेत राजन् ॥

३९२६-१ अस्मिंश्चन्द्रमसि प्रसन्नमहसि व्याकोषकुन्दत्विषि प्राचीनं खमुपेयुषि त्वयि मनाग्दूरं गते प्रेयसि ।
३९२६-२ श्वासः कैरवकोरकीयति मुखं तस्याः सरोजीयति क्षीरोदीयति मन्मथो दृगपि च द्राक्चन्द्रकान्तीयति ॥

३९२७-१ अस्मिंस्ते शिरसि तदा कान्ते वैदूर्यस्फटिकसुवर्णाढ्ये ।
३९२७-२ शोभां स्वां न वहति तां बद्धा सुश्लिष्टा कुवलयमालेयं ॥

३९२८-१ अस्मिञ्जगति महत्यपि किमपि न तद्वस्तु वेधसा विहितं ।
३९२८-२ अनिमित्तवत्सलाया भवति यतो मातुरुपकारः ॥

३९२९-१ अस्मिञ्जडे जगति को नु बृहत्प्रमाण- कर्णः करी ननु भवेद्दुरितस्य पात्रं ।
३९२९-२ इत्यागतं तमपि योऽलिनमुन्ममाथ मातङ्ग एव किमतःपरमुच्यतेऽसौ ॥

३९३०-१ अस्मिञ्जरामरणमृत्युमहातरङ्ग- मिश्रोदधौ महति संपरिवर्तमानः ।
३९३०-२ पुण्यप्लवेन सुकृतेन नरास्तरन्तः संप्राप्य तीरमभयं सुखमाप्नुवन्ति ॥

३९३१-१ अस्मिन्कः प्रभवेद्योगो ह्यसंधार्येऽमितात्मनि ।
३९३१-२ लङ्घने कः समर्थः स्यादृते देवं महेश्वरं ॥

३९३२-१ अस्मिन्करीन्द्रकरनिर्गलितारविन्द- कन्दानुकारिणि चिरं रुचिचक्रवाले ।
३९३२-२ कस्मै फलाय कुलटाकुलकोटिह्ॐअं हंहो मृगाङ्क कुरुषे करुणामपास्य ॥

३९३३-१ अस्मिन्काले तु यद्युक्तं तदिदानीं विधीयतां ।
३९३३-२ गतं तु नानुशोचन्ति गतं तु गतमेव हि ॥

३९३४-१ अस्मिन्कुञ्जे विनापि प्रचलति पवनं वर्तते कोऽपि नूनं पश्यामः किं न गत्वेत्यनुसरति गणे भीतभीतेऽर्भकाणां ।
३९३४-२ तस्मिन्राधासखो वः सुखयतु विलसन्क्रीडया कैटभारिर्व्यातन्वानो मृगारिप्रबलवुरघुरारावरौद्रोच्चनादान् ॥

३९३५-१ अस्मिन्कुटिलकल्लोलदोलाविक्षोभितेऽम्भसि ।
३९३५-२ हास्यहेतुः कथं सेतुः सिकतामुष्टिभिर्भवेत् ॥

३९३६-१ अस्मिन्केलिवने सुगन्धपवने क्रीडत्पुरंध्रीजने गुञ्जद्भृङ्गकुले विशालबकुले कूजत्पिकीसंकुले ।
३९३६-२ उन्मीलन्नवपाटलापरिमले मल्लीप्रसूनाकुले यद्येकापि न मालती विकसिता तत्किं न रम्यो मधुः ॥

३९३७-१ अस्मिन्दिग्विजयोद्यते पतिरयं मे स्तादिति ध्यायति कम्पं सात्त्विकभावञ्चति रिपुक्षोणीन्द्रदारा धरा ।
३९३७-२ अस्यैवाभिमुखं निपत्य समरे यास्यद्भिरूर्ध्वं निजः पन्था भास्वति दृश्यते बिलमयः प्रत्यर्थिभिः पार्थिवैः ॥

३९३८-१ अस्मिन्नक्तमहर्विवेकविकले कालाधमे नीरदैः संनद्धैरभितो निरुद्धगगनाभोगासु दिग्भित्तिषु ।
३९३८-२ भानोर्न प्रसरन्तु नाम किरणाः किं त्वस्य तेजस्विनः सत्तामात्रपरिग्रहेण विकसन्त्यद्यापि पद्माकराः ॥

३९३९-१ अस्मिन्नगृह्यत पिनाकभृता सलीलं आबद्धवेपथुरधीरविलोचनायाः ।
३९३९-२ विन्यस्तमङ्गलमहौषधिरीश्वरायाः स्रस्तोरगप्रतिसरेण करेण पाणिः ॥

३९४०-१ अस्मिन्नभ्युदिते जगत्त्रयदिशामुल्लासहेतौ दिशां आस्यम्लानिहरे सुधारसनिधौ देवे निशास्वामिनि ।
३९४०-२ वक्त्रं मुद्रितमम्बुजन्म भवता चेत्किं ततः शाश्वतं नैतस्येश्वरमौलिमण्डनमणेर्गायन्ति विश्वे यशः ॥

३९४१-१ अस्मिन्न निर्गुणं गोत्रे अपत्यमुपजायते ।
३९४१-२ आकरे पद्मरागाणां जन्म काचमणेः कुतः ॥

३९४२-१ अस्मिन्नम्भोदवृन्दध्वनिजनितरुषि प्रेक्षमाणेऽन्तरिक्षं मा काक व्याकुलो भूस्तरुशिरसि शवक्रव्यलेशानशान ।
३९४२-२ धत्ते मत्तेभकुम्भव्यतिकरकरजग्रामवज्राग्रजाग्रद्ग्रासव्यासक्तमुक्ताधवलितकवलो न स्पृहामत्र सिंहः ॥

३९४३-१ अस्मिन्नीषद्वलितविततस्तोकविच्छिन्नभुग्नः किंचिल्लीलोपचितविभवः पुञ्जितश्चोत्थितश्च ।
३९४३-२ धूमोद्गारस्तरुणमहिषस्कन्धनीलो दवाग्नेः स्वैरं सर्पन्सृजति गगने गत्वरान्पत्रभङ्गान् ॥

३९४४-१ अस्मिन्परस्परद्वेषपरुषे पुरुषायुषे ।
३९४४-२ केवलं मधुरा वाणी ददात्यानीय सौहृदं ॥

३९४५-१ अस्मिन्प्रकीर्णपटवासकृतान्धकारे दृष्टो मनाङ्मणिविभूषणरश्मिजालैः ।
३९४५-२ पातालमुद्यतफणाकृतिशृङ्गकोऽयं मामद्य संस्मरयतीव भुजङ्गलोकः ॥

३९४६-१ अस्मिन्प्रकृतिमनोज्ञे लग्ना प्रायेण मान्मथी दृष्टिः ।
३९४६-२ सुन्दरि यतो भवत्याः प्रतिक्षणं क्षीयते मध्यः ॥

३९४७-१ अस्मिन्भूवलये जनस्य महिमा भाग्येन संजायते नो तत्रास्ति हि कारणं प्रयतता नैवाथ कश्चिद्गुणः ।
३९४७-२ काकायाशुचिभोजिने हि वितरत्युच्चैस्तु लोको बलिं मुक्ताहारपरायणाय शुचये नो हन्त हंसाय यत् ॥

३९४८-१ अस्मिन्मरौ किमपरं वचसामवाच्यं मा मुञ्च पान्थ मुहुराश्रितवत्सलो भूः ।
३९४८-२ एतत्त्वया जललवामिषलालसेन दृष्टं ज्वलत्परिकरं सिकतावितानं ॥

३९४९-१ अस्मिन्महत्यनवधौ किल कालचक्रे धन्यास्तु ये कतिपये शुकयोगिमुख्याः ।
३९४९-२ लीनास्त्वदङ्घ्रियुगले परिशुद्धसत्त्वास्तानात्मनस्तव नखानवधारयामः ॥

३९५०-१ अस्मिन्महामोहमये कटाहे सूर्याग्निना रात्रिदिनेन्धनेन ।
३९५०-२ मासर्तुदर्वीपरिघट्टनेन भूतानि कालः पचतीति वार्ता ॥

३९५१-१ अस्मिन्वर्षमहे न वर्तत इदं यत्कामदेवोत्सवे स्थेयं पुत्रि निरन्नया तदधुना किंचिन्मुखे दीयतां ।
३९५१-२ इत्युक्ते जरतीजनेन कथमप्यध्वन्यवध्वा ततः पर्यस्तेऽहनि कल्पितश्च कवलो धौतश्च धाराश्रुभिः ॥

३९५२-१ अस्मिन्वसन्ते न नराः सहन्ते वधूवियोगं च बलासरोगं ।
३९५२-२ कुरङ्गनाभिद्रवलेपभाभिर्भजन्तु दृप्ताः प्रमदाः प्रलिप्ताः ॥

३९५३-१ अस्मिन्सखे ननु मणित्वमहासुभिक्षे चिन्तामणे त्वमुपलो भव मा मणिर्भूः ।
३९५३-२ अद्येदृशा हि मणयः प्रभवन्ति लोके येषां तृणग्रहणकौशलमेव भूषा ॥

३९५४-१ अस्मिन्स्थिते विपदभूदिति संचिन्त्य वर्ज्यते ।
३९५४-२ मूढैः परिवृढैरापत्सेवको मङ्गलेच्छुभिः ॥

३९५५-१ अस्मि वीरजननीति जनन्यां अस्मि वीररमणीति रमण्यां ।
३९५५-२ संमदं व्यदधदुत्सुकचेतास्तारतूर्यतरलश्चलितोऽन्यः ॥

३९५६-१ अस्मि वीरतनया वरवीर- प्रेयसी च कुरु वीरसवित्रीं ।
३९५६-२ अद्य हृद्यसमरैरिति माता काचिदाह तिलकाक्षतपूर्वं ॥

३९५७-१ अस्मै करं प्रवितरन्तु नृपा न कस्मादस्यैव तत्र यदभूत्प्रतिभूः कृपाणः ।
३९५७-२ दैवाद्यदा प्रवितरन्ति न ते तदैव नेदंकृपा निजकृपाणकरग्रहाय ॥

३९५८-१ अस्य क्षोणिपतेः परार्धपरया लक्षीकृताः संख्यया प्रज्ञाचक्षुरवेक्ष्यमाणतिमिरप्रख्याः किलाकीर्त्तयः ।
३९५८-२ गीयन्ते स्वरमष्टमं कलयता जातेन वन्ध्योदरान्मूकानां प्रकरेण कूर्मरमणीदुग्धोदधेः रोधसि ॥

३९५९-१ अस्यत्युच्चैः शकलितवपुश्चन्दनो नात्मगन्धं नेक्षुर्यन्त्रैरपि मधुरतां पीड्यमानो जहाति ।
३९५९-२ यद्वत्स्वर्णं न चलति हितं छिन्नघृष्टोपतप्तं तद्वत्साधुः कुजननिहतोऽप्यन्यथात्वं न याति ॥

३९६०-१ अस्य दग्धोदरस्यार्थे किं न कुर्वन्ति पण्डिताः ।
३९६०-२ वानरीमिव वाग्देवीं नर्तयन्ति गृहे गृहे ॥

३९६१-१ अस्य प्रचण्डभुजदण्डभवः कृशानुश्चण्डांशुचण्डकरजित्सुमहाप्रतापः ।
३९६१-२ प्रत्यर्थिभूपतिपलाशवनं विदह्य प्रौढासु दिक्षु बहुदाहमुरीकरोति ॥

३९६२-१ अस्य प्रयाणेषु समग्रशक्तेरग्रेसरैर्वाजिभिरुत्थितानि ।
३९६२-२ कुर्वन्ति सामन्तशिखामणीनां प्रभाप्ररोहास्तमयं रजांसि ॥

३९६३-१ अस्य श्रीभोजराजस्य द्वयमेव सुदुर्लभं ।
३९६३-२ शत्रूणां शृङ्खलैर्लोहं ताम्रं शासनपत्रकैः ॥

३९६४-१ अस्य स्निग्धस्य वर्णस्य विपत्तिर्दारुणा कथं ।
३९६४-२ इदं च मुखमाधुर्यं कथं दूषितमग्निना ॥

३९६५-१ अस्यां नेत्रपथं मन्ये गतायां लोलचक्षुषि ।
३९६५-२ भवन्ति पञ्चबाणस्य स्वबाणा एव वैरिणः ॥

३९६६-१ अस्यां प्रावृषि चातकैर्जलकणा लब्धा न चेत्किं ततो भाविप्रावृषि दास्यते द्विगुणमित्यभ्र त्वया गम्यते ।
३९६६-२ एतेऽद्यैव लयं व्रजन्ति पृथुकैरेतत्कुलीनो न चेदेकः प्राणिति तावतैव कृतमस्त्यत्रैव नः संशयः ॥

३९६७-१ अस्यां मुनीनामपि मोहमूहे भृगुर्महान्यत्कुचशैलशीली ।
३९६७-२ नानारदाह्लादि मुखं श्रितोरुर्व्यासो महाभारतसर्गयोग्यः ॥

३९६८-१ अस्यां वपुर्व्यूहविधानविद्यां किं द्योतयामास नवां स कामः ।
३९६८-२ प्रत्यङ्गसङ्गस्फुटलब्धभूमा लावण्यसीमा यदिमामुपास्ते ॥

३९६९-१ अस्यां सखे बधिरलोकनिवासभूमौ किं कूजितेन खलु कोकिल क्ॐअलेन ।
३९६९-२ एते हि दैवहतकास्तदभिन्नवर्णं त्वां काकमेव कलयन्ति कलानभिज्ञाः ॥

३९७०-१ अस्याः कचानां शिखिनश्च किंनु विधिं कलापौ विमतेरगातां ।
३९७०-२ तेनायमेभिः किमपूजि पुष्पैरभर्त्सि दत्त्वा स किमर्धचन्द्रं ॥

३९७१-१ अस्याः कररुहखण्डित- काण्डपटप्रकटनिर्गता दृष्टिः ।
३९७१-२ पटविगलितनिष्कलुषा स्वदते पीयूषधारेव ॥

३९७२-१ अस्याः करस्पर्धनगर्धनर्द्धिर्बालत्वमापत्खलु पल्लवो यः ।
३९७२-२ भूयोऽपि नामाधरसाम्यगर्वं कुर्वन्कथं वास्तु न स प्रवालः ॥

३९७३-१ अस्याः कर्णावतंसेन जितं सर्वं विभूषणं ।
३९७३-२ तथैव शोभतेऽत्यर्थं अस्याः श्रवणकुण्डलं ॥

३९७४-१ अस्याः कान्तस्य रूपस्य सवौपम्यातिशायिनः ।
३९७४-२ एकैव गच्छेत्सादृश्यं स्वच्छाया दर्पणाश्रिता ॥

३९७५-१ अस्याः कामनिवासरम्यभवनं वक्त्रं विलोक्यादरान्निश्चित्येव सुधाकरं प्रियतमं भूमीगतं शोभनं ।
३९७५-२ नासामौक्तिककैतवेन रुचिरा तारापि सा रोहिणी मन्ये तद्विरहासहिष्णुहृदया तत्संनिधिं सेवते ॥

३९७६-१ अस्याः कुशेशयदृशः शशिशुभ्रशुभ्रं नासाग्रवर्ति नवमौक्तिकमाचकास्ति ।
३९७६-२ कैलासमानससरोवरराजहंस्या निःक्षिप्तमण्डमिव जाग्रति पुण्डरीके ॥

३९७७-१ अस्याः खलु ग्रन्थिनिबद्धकेश- मल्लीकदम्बप्रतिबिम्बवेषात् ।
३९७७-२ स्मरप्रशस्ती रजताक्षरेयं पृष्ठस्थलीहाटकपट्टिकायां ॥

३९७८-१ अस्याः पदौ चारुतया महन्तावपेक्ष्य सौक्ष्म्याल्लवभावभाजः ।
३९७८-२ जाता प्रवालस्य महीरुहाणां जानीमहे पल्लवशब्दलब्धिः ॥

३९७९-१ अस्याः पाटलपाणिजाङ्कितमुरो निद्राकषाये दृशौ निर्धौतोऽधरशोणिमा विलुलितस्रस्तस्रजो मूर्धजाः ।
३९७९-२ काञ्चीदाम दरश्लथाञ्चलमिति प्रातर्निखातैर्दृशोरेभिः कामशरैस्तदद्भुतमभूद्यन्मे मनः कीलितं ॥

३९८०-१ अस्याः पीठोपविष्टाया अभ्यङ्गं वितनोत्यसौ ।
३९८०-२ लसच्छ्रोणि चलद्वेणि नटद्गुरुपयोधरं ॥

३९८१-१ अस्याः पीनस्तनव्याप्ते हृदयेऽस्मासु निर्दये ।
३९८१-२ अवकाशलवोऽप्यस्ति नात्र कुत्र बिभर्तु नः ॥

३९८२-१ अस्याः संयमवान्कचो मधुकरैरभ्यर्थ्यमानो मुहुर्भृङ्गीगोपनजाभिशापमचिरादुन्मार्ष्टुकामो निजं ।
३९८२-२ सीमन्तेन करेण क्ॐअलरुचा सिन्दूरबिन्दुच्छलादातप्तायसपिण्डमण्डलमसावादातुमाकाङ्क्षति ॥

३९८३-१ अस्याः स चारुर्मधुरेव कारुः श्वासं वितेने मलयानिलेन ।
३९८३-२ अमूनि सूनैर्विदधेऽङ्गकानि चकार वाचं पिकपञ्चमेन ॥

३९८४-१ अस्याः सपक्षैकविधोः कचौघः स्थाने मुखस्योपरि वासमाप ।
३९८४-२ पक्षस्थतावद्बहुचन्द्रकोऽपि कलापिनां येन जितः कलापः ॥

३९८५-१ अस्याः सर्गविधौ प्रजापतिरभूच्चन्द्रो नु कान्तप्रभः शृङ्गारैकरसः स्वयं नु मदनो मासो नु पुष्पाकरः ।
३९८५-२ वेदाभ्यासजडः कथं नु विषयव्यावृत्तकौतूहलो निर्मातुं प्रभवेन्मनोहरमिदं रूपं पुराणो मुनिः ॥

३९८६-१ अस्याः सर्गविधौ प्रजापतिरहो चन्द्रो न संभाव्यते नो देवः कुसुमायुधो न च मधुर्दूरे विरिञ्चः प्रभुः ।
३९८६-२ एतन्मे मतमुत्थितेयममृतात्काचित्स्वयं सिन्धुना या मन्थाचललोडितेन हरये दत्त्वा श्रियं रक्षिता ॥

३९८७-१ अस्याः सुगन्धिनवकुङ्कुमपङ्कदत्तो मुग्धश्चकास्ति तिलको मदिरेक्षणायाः ।
३९८७-२ आविष्टरागमभिराममुखारविन्द- निष्यन्दलग्नमिव मे हृदयं द्वितीयं ॥

३९८८-१ अस्याः स्वेदाम्बुबिन्दुच्युततिलकतया व्यक्तवक्त्रेन्दुकान्तेर्वारंवारेण वेगप्रहणनगणनाकेलिवाचालितायाः ।
३९८८-२ तत्पातोत्पाततालक्रमनमितदृशस्ताण्डवोत्तालताली- लालित्याल्लोभिताः स्मः प्रतिपदममुना कन्दुकक्रीडितेन ॥

३९८९-१ अस्याङ्के कषपट्टभासिचपला श्रीः स्वर्णरेखायते धारासारघनं सुदर्शनमदश्चक्रं जगत्पश्यति ।
३९८९-२ प्रोदञ्चद्वनमालमञ्जनरुचा देहेन पीताम्बरं दूरोन्नीतशिखण्डमण्डलमिदं रूपं हरेरम्बुदः ॥

३९९०-१ अस्या धामसरोवरे भुजबिसे वक्त्रारविन्दे भ्रमन्नेत्रभ्रूभ्रमरे सुयौवनजले कस्तूरिकापङ्किले ।
३९९०-२ वक्षोजप्रतिकुम्भिकुम्भदलनक्रोधादुपेत्य द्रुतं मग्नश्चित्तमतंगजः कथमसावुत्थाय निर्यास्यति ॥

३९९१-१ अस्याननस्य भवतः खलु कोटिरेषा कण्टारिका यदि भवेदविशीर्णपर्णा ।
३९९१-२ योग्या क्व ते करभ कल्पतरोर्लतायास्ते पल्लवा विमलविद्रुमभङ्गभाजः ॥

३९९२-१ अस्याभ्यासाद्ग्रन्थवर्यस्य शिष्यः सर्वज्ञः स्याद्विस्फुरच्चारुबुद्धिः ।
३९९२-२ अर्थं कामं वेत्ति धर्मं च मोक्षं निःसंदेहं शीलितुं पण्डितोऽपि ॥

३९९३-१ अस्या मनोहराकारकबरीभारतर्जिताः ।
३९९३-२ लज्जयेव वने वासं चक्रुश्चमरबर्हिणः ॥

३९९४-१ अस्यामपूर्व इव कोऽपि कलङ्करिक्तश्चन्द्रोऽपरः किमुत तन्मकरध्वजेन ।
३९९४-२ र्ॐआवलीगुणमिलत्कुचमन्दरेण निर्मथ्य नाभिजलधिं ध्रुवमुद्धृतः स्यात् ॥

३९९५-१ अस्या मुखं हिमरुचिर्ननु यद्विधात्रा संपूर्य सर्वमवशेषतयात्र मुक्तः ।
३९९५-२ आश्यानतामुपगतोऽस्य रुचा चकास्ति नासाग्रमौक्तिकमिषादमृतस्य बिन्दुः ॥

३९९६-१ अस्या मुखश्रीप्रतिबिम्बमेव जलाच्च तातान्मुकुराच्च मित्रात् ।
३९९६-२ अभ्यर्थ्य धत्तः खलु पद्मचन्द्रौ विभूषणं याचितकं कदाचित् ॥

३९९७-१ अस्या मुखस्यास्तु न पूर्णमास्यं पूर्णस्य जित्वा महिमा हिमांशुं ।
३९९७-२ भ्रूलक्ष्मखण्डं दधदर्धमिन्दुर्भालस्तृतीयः खलु यस्य भागः ॥

३९९८-१ अस्या मुखेन लोकानां हृतपङ्कजकान्तिना ।
३९९८-२ निशासु नाशिता निद्रा कुमुदानामिवेन्दुना ॥

३९९९-१ अस्या मुखेनैव विजित्य नित्य- स्पर्धी मिलत्कुङ्कुमरोषभासा ।
३९९९-२ प्रसह्य चन्द्रः खलु नह्यमानः स्यादेव तिष्ठत्परिवेषपाशः ॥

४०००-१ अस्या मुखेन्दावधरः सुधाभूर्बिम्बस्य युक्तः प्रतिबिम्ब एषः ।
४०००-२ तस्याथवा श्रीर्द्रुमभाजि देशे संभाव्यमानास्य तु विद्रुमे सा ॥

४००१-१ अस्यामोषधयो ज्वलन्तु दधतु ज्योतींषि कीटा अपि प्रोन्मीलन्तु भुजङ्गमौलिमणयः क्रीडन्तु दीपाङ्कुराः ।
४००१-२ प्रष्टव्याः खलु यूयमेव यदि कोऽप्यस्तं गते भास्वति प्रौडःअध्वान्तपयोधिमग्नजगतीहस्तावलम्बक्षमः ॥

४००२-१ अस्या यदष्टादश संविभज्य विद्याः श्रुती दध्रतुरर्धमर्धं ।
४००२-२ कर्णान्तरुत्कीर्णगभीररेखः किं तस्य संख्यैव नवा नवाङ्कः ॥

४००३-१ अस्या यदास्येन पुरस्तिरश्च तिरस्कृतं शीतरुचान्धकारं ।
४००३-२ स्फुटस्फुरद्भङ्गिकचच्छलेन तदेव पश्चादिदमस्ति बद्धं ॥

४००४-१ अस्यारिप्रकरः शरश्च नृपतेः संख्ये पतन्तावुभौ सीत्कारं च न संमुखौ रचयतः कम्पं च न प्राप्नुतः ।
४००४-२ तद्युक्तं न पुनर्निवृत्तिरुभयोर्जागर्ति यन्मुक्तयोरेकस्तत्र भिनत्ति मित्रमपरश्चामित्रमित्यद्भुतं ॥

४००५-१ अस्या ललाटे रचिता सखीभिर्विभाव्यते चन्दनपत्रलेखा ।
४००५-२ आपाण्डुरक्षामकपोलभित्तावनङ्गबाणव्रणपट्टिकेव ॥

४००६-१ अस्या वपुषि तारुण्यं शैशवं वा कृतास्पदं ।
४००६-२ जातिः कापालिकस्येव न केनाप्यवधार्यते ॥

४००७-१ अस्या वपुषि तुलायां शैशवगुञ्जां च यौवनं हेम ।
४००७-२ तुलयति कुतुकिनि कामे न नमति मध्यान्मनःसूची ॥

४००८-१ अस्याश्चेदलकावली कृतमलिश्रेणीभिरेणीदृशः सौन्दर्यं यदि चक्षुषोस्तरलयोः किं मन्मथस्यायुधैः ।
४००८-२ का प्रीतिः कनकारविन्दमुकुले पीनौ स्तनौ चेदतो मन्ये काचिदियं मनोभवकृता माया जगन्मोहिनी ॥

४००९-१ अस्याश्चेद्गतिसौकुमार्यमधुना हंसस्य गर्वैरलं संलापो यदि धार्यतां परभृतैर्वाचंयमत्वव्रतं ।
४००९-२ अङ्गानामकठोरता यदि दृषत्प्रायैव सा मालती कान्तिश्चेत्कमला किमत्र बहुना काषायमालम्बतां ॥

४०१०-१ अस्यासिर्भुजगः स्वकोशसुषिराकृष्टः स्फुरत्कृष्णिमा कम्पोन्मीलदराललीलवलनस्तेषां भिये भूभुजां ।
४०१०-२ संग्रामेषु निजाङ्गुलीमयमहासिद्धौषधीवीरुधः पर्वास्ये विनिवेश्य जाङ्गुलिकता यैर्नाम नालम्बिता ॥

४०११-१ अस्यास्तनिमा मध्ये प्रथिमा कुचयोर्दृशोश्च चाञ्चल्यं ।
४०११-२ ऊर्वोः क्रमेण वृत्तो- न्नाहश्च तुल्यतां दधति ॥

४०१२-१ अस्यास्तनुस्यन्दनसंस्मितो वै स मीनकेतुर्जगतीं विजेतुं ।
४०१२-२ सकुङ्कुमालेखमिषेण वीरो व्यमोचयच्चारुतरां पताकां ॥

४०१३-१ अस्यास्तनौ विरहताण्डवरङ्गभूमौ स्वेदोदबिन्दुकुसुमाञ्जलिमाविकीर्य ।
४०१३-२ नान्दीं पपाठ पृथुवेपथुवेपमान- काञ्चीलताकलरवैः स्मरसूत्रधारः ॥

४०१४-१ अस्यास्तुङ्गमिव स्तनद्वयमिदं निम्नेव नाभिः स्थिता दृश्यन्ते विषमोन्नताश्च वलयो भित्तौ समायामपि ।
४०१४-२ अङ्गे च प्रतिभाति मार्दवमिदं स्निग्धस्वभावश्चिरं प्रेम्णा मन्मुखचन्द्रमीक्षत इव स्मेरेव वक्तीति च ॥

४०१५-१ अस्यास्त्राणमहो वियोगदुरितादस्मासु कृत्वा कृती स्वैरं गच्छसि तत्तु किं विमृशसि त्रासावहं हन्त नः ।
४०१५-२ वाचालेषु दिनेषु कोकिलरुतैरुत्पञ्चमप्रक्रमैः सज्योत्स्नासु च यामिनीष्वशरणाः किं नाम कुर्मो वयं ॥

४०१६-१ अस्यैकस्यापि कायस्य सहजा अस्थिखण्डकाः ।
४०१६-२ पृथक्पृथग्गमिष्यन्ति किमुतान्यः प्रियो जनः ॥

४०१७-१ अस्यैव रम्भोरु तावननस्य दृशैव संजीवितमन्मथस्य ।
४०१७-२ वनं विधाता ननु नीरजानां नीराजनार्थं किमु निर्मिमीते ॥

४०१८-१ अस्यैव सर्गाय भवत्करस्य सरोजसृष्टिर्मम हस्तलेखः ।
४०१८-२ इत्याह धाता हरिणेक्षणायां किं हस्तलेखीकृतया तयास्यां ॥

४०१९-१ अस्योदरस्य प्रतितुल्यशोभं नास्तीति धात्रा भुवनत्रयेऽपि ।
४०१९-२ संख्यानरेखा इव संप्रयुक्तास्तिस्रो विरेजुर्वलयः सुदत्याः ॥

४०२०-१ अस्योर्वीरमणस्य पार्वणविधुद्वैराज्यसज्जं यशः सर्वाङ्गोज्ज्वलशर्वपर्वतसितश्रीगर्वनिर्वासि यत् ।
४०२०-२ तत्कम्बुप्रतिबिम्बितं किमु शरत्पर्जन्यराजिश्रियः पर्यायः किमु दुग्धसिन्धुपयसां सर्वानुवादः किमु ॥

४०२१-१ अस्रं लोचनकोण एव कृपणद्रव्यायते सर्वदा कण्ठे काकुवचः प्रसुप्तकमलक्रोडस्थभृङ्गायते ।
४०२१-२ हा रावो हृदये वियोगिकुलजाकामाभिलाषायते वैदेहीविरहज्वरो रघुपतेरापाकतापायते ॥

४०२२-१ अस्रमजस्रं मोक्तुं धिङ्नः कर्णायते नयने ।
४०२२-२ द्रष्टव्यं परिदृष्टं तत्कैशोरं व्रजस्त्रीभिः ॥

४०२३-१ अस्रस्रोतस्तरङ्गभ्रमिषु तरलिता मांसपङ्के लुठन्तः स्थूलास्थिग्रन्थिभङ्गैर्धवलबिसलताग्रासमाकल्पयन्तः ।
४०२३-२ मायासिंहस्य शौरेः स्फुरदरुणहृदम्भोजसंश्लेषभाजः पायासुर्दैत्यवक्षःस्थलकुहरसरोराजहंसा नखा वः ॥

४०२४-१ अस्राक्षीन्नवनीलनीरजदलोपान्तातिसूक्ष्मायत- त्वङ्मात्रान्तरितामिषं यदि वपुर्नैतत्प्रजानां पतिः ।
४०२४-२ प्रत्यग्रक्षरदस्रविस्रपिशितग्रासग्रहं गृह्णतो गृध्रध्वाङ्क्षवृकांस्तनौ निपततः को वा कथं वारयेत् ॥

४०२५-१ अस्वतन्त्राः स्त्रियः कार्याः पुरुषैः स्वैर्दिवानिशं ।
४०२५-२ विषयेषु च सज्जन्त्यः संस्थाप्य ह्यात्मनो वशे ॥

४०२६-१ अस्वाध्यायः पिकानां मदनमखसमारम्भणस्याधिमासो निद्राया जन्मलग्नं किमपि मधुलिहां कोऽपि दुर्भिक्षकालः ।
४०२६-२ ऋष्टिर्यात्रोत्सुकानां मलयजमरुतां पान्थकान्ताकृतान्तः प्रालेयोन्मूलमूलं समजनि समयः कश्चिदौत्पातिकोऽयं ॥

४०२७-१ अहंकार क्वापि व्रज वृजिन हे मा त्वमिह भूरभूमिर्दर्पाणामहमपसर त्वं पिशुन हे ।
४०२७-२ अरे क्रोध स्थानान्तरमनुसरानन्यमनसां त्रिलोकीनाथो नः स्फुरति हृदि देवो हरिरसौ ॥

४०२८-१ अहंकारो धियं ब्रूते मैनं सुप्तं प्रबोधय ।
४०२८-२ उत्थिते परमानन्दे न त्वं नाहं न वै जगत् ॥

४०२९-१ अहं किमम्बा किमभीष्टतापदे तवेति मातुर्धुरि तातपृच्छया ।
४०२९-२ प्रलोभ्यतुल्यं प्रवदन्तमर्भकं मुदा हसञ्जिघ्रति मूर्ध्नि पुण्यभाक् ॥

४०३०-१ अहंकृतेः परिच्छेदानविद्यामचितिं तथा ।
४०३०-२ जहि येनोपलब्धिस्ते कापि स्यान्निस्तुलाद्भुता ॥

४०३१-१ अहं च त्वं च राजेन्द्र लोकनाथावुभावपि ।
४०३१-२ बहुव्रीहिरहं राजन्षष्ठीतत्पुरुषो भवान् ॥

४०३२-१ अहं च देवनन्दी च कुशाग्रीयधियावुभौ ।
४०३२-२ नैव शब्दाम्बुधेः पारं किमन्ये जडबुद्धयः ॥

४०३३-१ अहं तनीयानतिक्ॐअलश्च स्तनद्वयं वोढुमलं न तावत् ।
४०३३-२ इतीव तत्संवहनार्थमस्या वलित्रयं पुष्यति मध्यभागः ॥

४०३४-१ अहं तावन्महाराजे पितृत्वं नोपलक्षये ।
४०३४-२ भ्राता भर्ता च बन्धुश्च पिता च मम राघवः ॥

४०३५-१ अहं तेनाहूता किमपि कथयामीति विजने समीपे चासीना सरलहृदयत्वादवहिता ।
४०३५-२ ततः कर्णोपान्ते किमपि वदताघ्राय वदनं गृहीत्वा धम्मिल्लं मम सखि निपीतोऽधररसः ॥

४०३६-१ अहं न चेत्स्यां मयि दुष्टभावनां इमे व्रजेयुर्न निराश्रया जनाः ।
४०३६-२ तदेनसा योजयतः परान्स्वयं ममैव युक्ता खलु नन्वपत्रपा ॥

४०३७-१ अहं नयनजं वारि निरोढुमपि न क्षमः ।
४०३७-२ रामः सीतावियोगार्तो बबन्ध सरितां पतिं ॥

४०३८-१ अहं नश्यामि मानेन मानेन कलहं कृथाः ।
४०३८-२ विरोधमेत्य कान्तेन कान्ते न परितप्यते ॥

४०३९-१ अहंभावात्ययो जातु सुकरो न कथंचन ।
४०३९-२ चेतनायामहम्भावो भौतिक्यां विजितः सकृत् ।
४०३९-३ आध्यात्मिक्यां पुनश्चैष स्फीतः स्फुरति नोऽग्रतः ॥

४०४०-१ अहं ममेत्येव भवस्य बीजं न मे न चाहं भवबीजशान्तिः ।
४०४०-२ बीजे प्रनष्टे कुत एव जन्म निरिन्धनो वह्निरुपैति शान्तिं ॥

४०४१-१ अहं महानसायातः कल्पितो नरकस्तव ।
४०४१-२ मया मांसादिकं भुक्तं भीमं जानीहि मां बक ॥

४०४२-१ अहंयुवरवर्णिनीजनमदायतोदव्रत- स्फुरच्चतुरपञ्चमस्वरजितान्यपक्षिव्रजः ।
४०४२-२ रसालतरुणा कृतामसमतुल्यतामात्मनो विहन्तुमिह कोकिलः फलिनमन्यमुद्वीक्षते ॥

४०४३-१ अहं रथाङ्गनामेव प्रिया सहचरीव मे ।
४०४३-२ अननुज्ञातसंपर्का धारिणी रजनीव नौ ॥

४०४४-१ अहं वो रक्षितेत्युक्त्वा यो न रक्षति भूमिपः ।
४०४४-२ स संहत्य निहन्तव्यः श्वेव सोन्माद आतुरः ॥

४०४५-१ अहं सदा प्राणसमं महीभुजां अयं तु मां वेत्ति नृपस्तृणोपमं ।
४०४५-२ इतीव कर्णेषु सुवर्णमर्थिनां स्वखेदमाख्यातुमभूत्कृतास्पदं ॥

४०४६-१ अहं हि संमतो राज्ञो य एवं मन्यते कुधीः ।
४०४६-२ बलीवर्दः स विज्ञेयो विषाणपरिवर्जितः ॥

४०४७-१ अहन्यहनि बोद्धव्यं किमद्य सुकृतं कृतं ।
४०४७-२ दत्तं वा दापितं वापि वाक्साह्यमपि वाक्कृतं ॥

४०४८-१ अहन्यहनि भूतानि गच्छन्ति चरमालयं ।
४०४८-२ शेषाः स्थावरमिच्छन्ति किमाश्चर्यमतःपरं ॥

४०४९-१ अहन्यहनि भूतानि सृजत्येव प्रजापतिः ।
४०४९-२ अद्यापि न सृजत्येकं योऽर्थिनं नावमन्यते ॥

४०५०-१ अहन्यहनि याचन्तं कोऽवमन्येद्गुरुं यथा ।
४०५०-२ मार्जनं दर्पणस्येव यः करोति दिने दिने ॥

४०५१-१ अहन्यहन्यात्मन एव तावज्ज्ञातुं प्रमादस्खलितं न शक्यं ।
४०५१-२ प्रजासु कः केन पथा प्रयातीत्यशेषतो वेदितुमस्ति शक्तिः ॥

४०५२-१ अहमपि परेऽपि कवयस्तथापि महदन्तरं परिज्ञेयं ।
४०५२-२ ऐक्यं रलयोर्यद्यपि तत्किं करभायते कलभः ॥

४०५३-१ अहमस्मि नीलकण्ठस्तव खलु तुष्यामि शब्दमात्रेण ।
४०५३-२ नाहं जलधर भवतश्चातक इव जीवनं याचे ॥

४०५४-१ अहमहमिकाबद्धोत्साहं रतोत्सवशंसिनि प्रसरति मुहुः प्रौढस्त्रीणां कथामृतदुर्दिने ।
४०५४-२ कलितपुलका सद्यः स्तोकोद्गतस्तनकोरके वलयति शनैर्बाला वक्षःस्थले तरलां दृशं ॥

४०५५-१ अहमिव दिनलक्ष्मीः प्रोषितप्राणनाथा त्वमिव पथिक पन्था मुक्तपान्थानुबन्धः ।
४०५५-२ अयमपि परदेशः सोऽपि यत्रासि गन्ता मदनमधुरमूर्ते किं वृथा सत्वरोऽसि ॥

४०५६-१ अहमिव शून्यमरण्यं वयमिव तनुतां गतानि तोयानि ।
४०५६-२ अस्माकमिवोच्छ्वासा दिवसा दीर्घाश्च तप्ताश्च ॥

४०५७-१ अहमिह कृतविद्यो वेदिता सत्कलानां धनपतिरहमेको रूपलावण्ययुक्तः ।
४०५७-२ इति कृतगुरुगर्वः खिद्यते किं जनोऽयं कतिपयदिनमध्ये सर्वमेतन्न किंचित् ॥

४०५८-१ अहमिह स्थितवत्यपि तावकी त्वमपि तत्र वसन्नपि मामकः ।
४०५८-२ न तनुसंगतमार्य सुसंगतं हृदयसंगतमेव सुसंगतं ॥

४०५९-१ अहमेको न मे कश्चिन्नाहमन्यस्य कस्यचित् ।
४०५९-२ न तं पश्यामि यस्याहं न हि सोऽस्ति न यो मम ॥

४०६०-१ अहमेत्य पतङ्गवर्त्मना पुनरङ्काश्रयणी भवामि ते ।
४०६०-२ चतुरैः सुरकामिनीजनैः प्रिय यावन्न विलोभ्यसे दिवि ॥

४०६१-१ अहमेव गुरुः सुदारुणानां इति हालाहल तात मा स्म दृप्यः ।
४०६१-२ ननु सन्ति भवादृशानि भूयो भुवनेऽस्मिन्वचनानि दुर्जनानां ॥

४०६२-१ अहमेव बली न चापर इति बुद्धिः प्रलयंकरी नृणां ।
४०६२-२ नहि सन्ति महीतले कति प्रबलैर्ये विजिता बलोद्धताः ॥

४०६३-१ अहमेव मतो महीपतेरिति सर्वः प्रकृतिष्वचिन्तयत् ।
४०६३-२ उदधेरिव निम्नगाशतेष्वभवन्नास्य विमानना क्वचित् ॥

४०६४-१ अहरन्कस्यचिद्द्रव्यं यो नरः सुखमावसेत् ।
४०६४-२ सर्वतः शङ्कितः स्तेनो मृगोग्राममिवागतः ॥

४०६५-१ अहर्निशं जागरणोद्यतो जनः श्रमं विधत्ते विषयेच्छया यथा ।
४०६५-२ तपःश्रमं चेत्कुरुते तथा क्षणं किमश्नुतेऽनन्तसुखं न पावनं ॥

४०६६-१ अहर्निशा वेति रताय पृच्छति क्रमोष्णशीतान्नकरार्पणाद्विटे ।
४०६६-२ ह्रिया विदग्धा किल तन्निषेधिनी न्यधत्त संध्यामधुरेऽधरेऽङ्गुलिं ॥

४०६७-१ अहल्याकेलिकालेऽभूत्कन्दर्पाणां शतद्वयं ।
४०६७-२ तत्पञ्चबाणभिन्नाक्षः सहस्राक्षोऽन्धतां गतः ॥

४०६८-१ अहस्तानि सहस्तानां अपदानि चतुष्पदां ।
४०६८-२ फल्गूनि तत्र महतां जीवो जीवस्य जीवनं ॥

४०६९-१ अहह कर्मकरीयति भूपतिं नरपतीयति कर्मकरं नरः ।
४०६९-२ जलनिधीयति कूपमपां निधिं गतजलीयति मद्यमदाकुलः ॥

४०७०-१ अहह किमधुना मुधैव बध्नास्यनुचितकारिणि कर्णदन्तपत्रं ।
४०७०-२ ननु तव चटुलभ्रु कर्णपालिर्भुवनविलोचनकालसारपाशः ॥

४०७१-१ अहह गृही क्व नु कुशली बद्धः संसारसागरे क्षिप्तः ।
४०७१-२ कथमपि लभते पोतं तेनापि निमज्जति नितान्तं ॥

४०७२-१ अहह चण्ड समीरण दारुणं किमिदमाचरितं चरितं त्वया ।
४०७२-२ यदिह चातकचञ्चुपुटोदरे पतति वारि तदेव निवारितं ॥

४०७३-१ अहह नयने मिथ्यादृग्वत्सदीक्षणवर्जिते श्रवणयुगलं दुष्पुत्रो वा श्र्णोति न भाषितं ।
४०७३-२ स्खलति चरणद्वन्द्वं मार्गे मदाकुललोकवद्वपुषि जरसा जीर्णे वर्णो व्यपैति कलत्रवत् ॥

४०७४-१ अहह सहजमोहा देहगेहप्रपञ्चे नवरतमतिमग्ना कामिनीविग्रहाप्तिः ।
४०७४-२ तदहमिह विहर्तुं संततामोदमुग्धा स्वहितमहितकृत्यं हन्त नान्तः स्मरामि ॥

४०७५-१ अहान्यस्तमयान्तानि उदयान्ता च शर्वरी ।
४०७५-२ सुखस्यान्तः सदा दुःखं दुःखस्यान्तः सदा सुखं ॥

४०७६-१ अहापयन्नृपः कालं भृत्यानामनुवर्तिनां ।
४०७६-२ कर्मणामानुरूप्येण वृत्तिं समनुकल्पयेत् ॥

४०७७-१ अहार्यः सर्वमध्यस्थः काञ्चनद्युतिमुद्वहन् ।
४०७७-२ सत्प्रदक्षिणयोग्यत्वं उपयाति महोन्नतः ॥

४०७८-१ अहार्येण कदाप्यन्यैरसंहार्येण केनचित् ।
४०७८-२ तितिक्षाकवचेनैव सर्वं जयति संवृतः ॥

४०७९-१ अहिं नृपं च शार्दूलं वृद्धं च बालकं तथा ।
४०७९-२ परश्वानं च मूर्खं च सप्त सुप्तान्न बोधयेत् ॥

४०८०-१ अहिंसयैव भूतानां कार्यं श्रेयोऽमुशासनं ।
४०८०-२ वाक्चैव मधुरा श्लक्ष्णा प्रयोज्या धर्ममिच्छता ॥

४०८१-१ अहिंसा धाम धर्मस्य दुःखस्यायतनं स्पृहा ।
४०८१-२ सङ्गत्यागः पदं मुक्तेर्योगाभ्यासः पदं शुचः ॥

४०८२-१ अहिंसा परमो धर्मः अहिंसा परमा गतिः ।
४०८२-२ अहिंसा परमा प्रीतिस्त्वहिंसा परमं पदं ॥

४०८३-१ अहिंसा परमो धर्मस्तथाहिंसा परो दमः ।
४०८३-२ अहिंसा परमं दानं अहिंसा परमं तपः ॥

४०८४-१ अहिंसा परमो यज्ञस्तथाहिंसा परं बलं ।
४०८४-२ अहिंसा परमं मित्रं अहिंसा परमं सुखं ।
४०८४-३ अहिंसा परमं सत्यं अहिंसा परमं श्रुतं ॥

४०८५-१ अहिंसा परमो धर्मो ह्यहिंसैव परं तपः ।
४०८५-२ अहिंसा परमं दानं इत्याहुर्मुनयः सदा ॥

४०८६-१ अहिंसापूर्वको धर्मो यस्मात्सर्वहिते रतः ।
४०८६-२ यूकामत्कुणदंशादींस्तस्मात्तानपि रक्षयेत् ॥

४०८७-१ अहिंसा प्रथमं पुष्पं द्वितीयेन्द्रियनिग्रहं ।
४०८७-२ तृतीयं तु दया पुष्पं तुरीयं दानपुष्पकं ॥

४०८८-१ अहिंसा सत्यमस्तेयं त्यागो मैथुनवर्जनं ।
४०८८-२ पञ्चस्वेतेषु वाक्येषु सर्वे धर्माः प्रतिष्ठिताः ॥

४०८९-१ अहिंसा सत्यमस्तेयं ब्रह्मचर्यपरिग्रहः ।
४०८९-२ इष्टानिष्टपरा चिन्ता यम एष प्रकीर्तितः ॥

४०९०-१ अहिंसा सत्यमस्तेयं शौचमिन्द्रियनिग्रहः ।
४०९०-२ एतं सामासिकं धर्मं चातुर्वर्ण्येऽब्रवीन्मनुः ॥

४०९१-१ अहिंसा सत्यमस्तेयं शौचमिन्द्रियनिग्रहः ।
४०९१-२ दानं दमो दया क्षान्तिः सर्वेषां धर्मसाधनं ॥

४०९२-१ अहिंसा सत्यवचनं सर्वभूतानुकम्पनं ।
४०९२-२ शमो दानं यथाशक्ति गार्हस्थ्यो धर्म उत्तमः ॥

४०९३-१ अहिंसा सत्यवचनं सर्वभूतेषु चार्जवं ।
४०९३-२ क्षमा चैवाप्रमादश्च यस्यैते स सुखी भवेत् ॥

४०९४-१ अहिंसा सत्यवचनं आनृशंस्यं दमो घृणा ।
४०९४-२ एतत्तपो विदुर्धीरा न शरीरस्य शोषणं ॥

४०९५-१ अहिंसा सूनृता वाणी सत्यं शौचं दया क्षमा ।
४०९५-२ वर्णिनां लिङ्गिनां चैव सामान्यो धर्म उच्यते ॥

४०९६-१ अहिंसासूनृतास्तेयब्रह्माकिंचनतारतं ।
४०९६-२ सुपात्रं मुनिभिः प्रोक्तं राजद्वेषविवर्जितं ॥

४०९७-१ अहिंस्रस्य तपोऽक्षय्यं अहिंस्रो यजते सदा ।
४०९७-२ अहिंस्रः सर्वभूतानां यथा माता यथा पिता ॥

४०९८-१ अहितं च हिताकारं धार्ष्ट्याज्जल्पन्ति ये नराः ।
४०९८-२ अवेक्ष्य मन्त्रबाह्यास्ते कर्तव्याः कृत्यदूषणाः ॥

४०९९-१ अहितहितविचारशून्यबुद्धेः श्रुतिसमयैर्बहुभिर्बहिष्कृतस्य ।
४०९९-२ उदरभरणमात्रकेवलेच्छोः पुरुषपशोश्च पशोश्च को विशेषः ॥

४१००-१ अहितात्प्रतिषेधश्च हिते चानुप्रवर्तनं ।
४१००-२ व्यसने चापरित्यागस्त्रिविधं मित्रलक्षणं ॥

४१०१-१ अहितादनपत्रपस्त्रसन्नतिमात्रोज्झितभीरनास्तिकः ।
४१०१-२ विनयोपहितस्त्वया कुतः सदृशोऽन्यो गुणवानविस्मयः ॥

४१०२-१ अहितुण्डिकदृष्टीनां अशेषा भोगिनः पदं ।
४१०२-२ न संवर्ताग्निसारथ्ये स्थाता यन्मुखमारुतः ॥

४१०३-१ अहिते प्रतिषेधश्च हिते चानुप्रवर्तनं ।
४१०३-२ व्यसने चापरित्यागस्त्रिविधं मित्रलक्षणं ॥

४१०४-१ अहिते हितबुद्धिरल्पधीरवमन्येत मतानि मन्त्रिणां ।
४१०४-२ चपलः सहसैव संपतन्नरिखङ्गाभिहतः प्रबुध्यते ॥

४१०५-१ अहिते हितमिच्छन्ति निसर्गात्सरसास्तु ये ।
४१०५-२ पीडितोऽपीक्षुदण्डो हि रसमेव ददात्यरं ॥

४१०६-१ अहिभवनविधानान्यायुधीकृत्य शैलानमरजयिनि सैन्ये रक्षसामात्तकक्ष्ये ।
४१०६-२ कथमिव रणभूमौ वर्तते वानराणां उपवनतरुवल्लीपल्लवोन्माथि यूथं ॥

४१०७-१ अहिभूषणोऽप्यभयदः सुकलितहालाहलोऽपि यो नित्यः ।
४१०७-२ दिग्वसनोऽप्यखिलेशस्तं शशधरशेखरं वन्दे ॥

४१०८-१ अहिरण्यमदासीकं गृहं गोरसवर्जितं ।
४१०८-२ प्रतिकूलकलत्रं च नरकस्यापरो विधिः ॥

४१०९-१ अहिरहिरिति संभ्रमपदं इतरजनः किमपि कातरो भवतु ।
४१०९-२ विहगपतेराहारः स तु सरलमृणालदलरुचिरः ॥

४११०-१ अहिराजः पुरुषेऽस्मिन्धूम्रा धात्री कुलत्थवर्णोऽश्मा ।
४११०-२ माहेन्द्री वहति शिरा भवति सफेनं सदा तोयं ॥

४१११-१ अहिरिपुपतिकान्तातातसंबद्धकान्ता- हरतनयनिहन्तृप्राणदातृध्वजस्य ।
४१११-२ सखिसुतसुतकान्तातातसम्पूज्यकान्ता- पितृशिरसि पतन्ती जाह्नवी नः पुनातु ॥

४११२-१ अहिरिव जनयोगं सर्वदा वर्जयेद्यः कुणमिव वसु नारीं त्यक्तकामो विरागी ।
४११२-२ विषमिव विषयार्थान्मन्यमानो दुरन्ताञ्जयति परमहंसो मुक्तिभावं समेति ॥

४११३-१ अहिर्बिडालो जामाता एडका च सपुत्रिणी ।
४११३-२ आत्मभाग्यं न पश्यन्ति भागिनेयस्तु पञ्चमः ॥

४११४-१ अहीनकालं राजार्थं स्वार्थं प्रियहितैः सह ।
४११४-२ परार्थं देशकाले च ब्रूयाद्धर्मार्थसंहितं ॥

४११५-१ अहीनभुजगाधीशवपुर्वलयकङ्कणं ।
४११५-२ शैलादिनन्दिचरितं क्षतकन्दर्पदर्पकं ॥

४११६-१ वृषपुंगवलक्ष्माणं शिखिपावकलोचनं ।
४११६-२ ससर्वमङ्गलं न्ॐइ पार्वतीसखमीश्वरं ॥

४११७-१ अहीन्द्रान्पातालाद्विषमिव निमज्ज्योद्धरति यः य आरुह्य स्वर्गं कवलयति सेन्द्रान्सुरगणान् ।
४११७-२ महीं भ्रान्त्वा भ्रान्त्वा रघुनलनृपा येन विजिताः स मृत्युः कालं न क्षमत इति मा कार्ष्ट मनसि ॥

४११८-१ अहृतहृदयाः सन्तः सत्यं ब्रवीमि निशम्यतां विपिनमधुना गत्वा वासो मृगैः सह कल्प्यतां ।
४११८-२ सुजनचरितध्वंसिन्यस्मिन्खलोदयशालिनि प्रभवति कलौ नायं कालो गृहेषु भवादृशां ॥

४११९-१ अहेतुः पक्षपातो यस्तस्य नास्ति प्रतिक्रिया ।
४११९-२ स हि स्नेहात्मकस्तन्तुरन्तर्भूतानि सीव्यति ॥

४१२०-१ अहेतु भ्रूकुटिं नैव सदा कुर्वीत पार्थिवः ।
४१२०-२ विना दोषेण यो भृत्यान्राजा धर्मेण पालयेत् ॥

४१२१-१ अहेरिव गुणाद्भीतो मिष्टान्नाद्या विषादिव ।
४१२१-२ राक्षसीभ्य इव स्त्रीभ्यः स विद्यामधिगच्छति ॥

४१२२-१ अहो अनौचितीयं ते हृदि शुद्धेऽप्यशुद्धवत् ।
४१२२-२ अङ्कः खलैरिवाकल्पि नखैस्तीक्ष्णमुखैर्मम ॥

४१२३-१ अहो अहं नमो मह्यं यदहं वीक्षितोऽनया ।
४१२३-२ बालया त्रस्तसारङ्गचपलायतनेत्रया ॥

४१२४-१ अहो अहीनामपि लेहनं स्याद्दुःखानि नूनं नृपसेवनानि ।
४१२४-२ एकोऽहिना दष्टमुपैति मृत्युं क्ष्मापेन दष्टस्तु सगोत्रमित्रः ॥

४१२५-१ अहो अहोभिर्न कलेर्विदूयते सुधासुधारामधुरं पदे पदे ।
४१२५-२ दिने दिने चन्दनचन्द्रशीतलं यशो यशो दातनयस्य गीयते ॥

४१२६-१ अहो अहोभिर्महिमा हिमागमे-ऽप्यभिप्रपेदे प्रति तां स्मरार्दितां ।
४१२६-२ तपर्तुपूर्तावपि मेदसां भरा विभावरीभिर्विभरांबभूविरे ॥

४१२७-१ अहो ऐश्वर्यमत्तानां मत्तानामिव मानिनां ।
४१२७-२ असंबद्धा गिरो रूक्षाः कः सहेतानुशासिता ॥

४१२८-१ अहो कथमसीमेदं हिमनाम विजृम्भते ।
४१२८-२ चरत्येव सहस्रांशौ धवलं तिमिरान्तरं ॥

४१२९-१ अहो कनकमाहात्म्यं वक्तुं केनापि शक्यते ।
४१२९-२ नामसाम्यादहो चित्रं धत्तूरोऽपि मदप्रदः ॥

४१३०-१ अहो कालस्य सूक्ष्मोऽयं कोऽप्यलक्ष्यक्रमः क्रमः ।
४१३०-२ यत्पाकपरिणामेन सर्वं यात्यन्यरूपतां ॥

४१३१-१ अहो किमपि ते शुद्धं यशःकुसुममुद्गतं ।
४१३१-२ यस्यायममृतस्यन्दी बालेन्दुर्बाह्यपल्लवः ॥

४१३२-१ अहो कुटिलबुद्धीनां दुर्ग्राह्यमसतां मनः ।
४१३२-२ अन्यद्वचसि कण्ठेऽन्यदन्यदोष्ठपुटे स्थितं ॥

४१३३-१ अहो केनेदृशी बुद्धिर्दारुणा तव निर्मिता ।
४१३३-२ त्रिगुणा श्रूयते बुद्धिर्न तु दारुमयी क्वचित् ॥

४१३४-१ अहो खलभुजंगस्य विचित्रोऽयं वधक्रमः ।
४१३४-२ अन्यस्य दशति श्रोत्रं अन्यः प्राणैर्वियुज्यते ॥

४१३५-१ अहो खलभुजंगस्य विपरीतो वधक्रमः ।
४१३५-२ कर्णे लगति चान्यस्य प्राणैरन्यो वियुज्यते ॥

४१३६-१ अहो गुणाः स्ॐयता च विद्वत्ता जन्म सत्कुले ।
४१३६-२ दारिद्र्याम्बुधिमग्नस्य सर्वमेतन्न शोभते ॥

४१३७-१ अहो गुणानां प्राप्त्यर्थं यतन्ते बहुधा नरः ।
४१३७-२ मुक्ता यदर्थं भग्नास्या इतरेषां च का कथा ॥

४१३८-१ अहो तम इवेदं स्यान्न प्रज्ञायेत किंचन ।
४१३८-२ राजा चेन्न भवेल्लोके विभजन्साध्वसाधुनी ॥

४१३९-१ अहोऽतिनिर्मोहि जनस्य चित्रं परं चरित्रं गदितुं न योग्यं ।
४१३९-२ मुखे हि चान्यद्धृदि भावमन्यत्देवो न जानाति कुतो मनुष्यः ॥

४१४०-१ अहोऽतिबलवद्दैवं विना तेन महात्मना ।
४१४०-२ यदसामर्थ्ययुक्तेऽपि नीचवर्गे जयप्रदं ॥

४१४१-१ अहो तृष्णावेश्या सकलजनतामोहनकरी विदग्धा मुग्धानां हरति विवशानां शमधनं ।
४१४१-२ विपद्दीक्षादक्षासहतरलतारैः प्रणयिनी- कटाक्षैः कूटाक्षैः कपटकुटिलैः कामकितवः ॥

४१४२-१ अहो दानमहो वीर्यं अहो धैर्यमखण्डितं ।
४१४२-२ उदारवीरधीराणां हरिश्चन्द्रो निदर्शनं ॥

४१४३-१ अहो दिव्यं चक्षुर्वहसि तव सापि प्रणयिनी पराक्ष्णामग्राह्यं युवतिषु वपुः संक्रमयति ।
४१४३-२ समानाभिज्ञानं कथमितरथा पश्यति पुरो भवानेकस्तस्याः प्रतिकृतिमयीरेव रमणीः ॥

४१४४-१ अहो दुःखमहोदुःखमहो दुःखं दरिद्रता ।
४१४४-२ तत्रापि पुत्रभार्याणां बाहुल्यमतिदुःखदं ॥

४१४५-१ अहो दुरन्ता जगतो विमूढता विलोक्यतां संसृतिदुःखदायिनी ।
४१४५-२ सुसाध्यमप्यन्नविधानतस्तपो यतो जनो दुःखकरोऽवमन्यते ॥

४१४६-१ अहो दुरन्ता संसारे भोगतृष्णा यया हृताः ।
४१४६-२ अनौचित्यादकीर्तेश्च देवा अपि न बिभ्यति ॥

४१४७-१ अहो दुर्जसंसर्गान्मानहानिः पदे पदे ।
४१४७-२ पावको लोहसङ्गेन मुद्गरैरभिहन्यते ॥

४१४८-१ अहो दुर्जनसर्पस्य सर्पस्य महदन्तरं ।
४१४८-२ कर्णमन्यस्य दशति अन्यः प्राणैर्वियुज्यते ॥

४१४९-१ अहो दैन्यमहो कष्टं पारक्यैः क्षणभङ्गुरैः ।
४१४९-२ यन्नोपकुर्यादस्वार्थैर्मर्त्यः स्वज्ञातिविग्रहैः ॥

४१५०-१ अहो धनमदान्धस्तु पश्यन्नपि न पश्यति ।
४१५०-२ यदि पश्यत्यात्महितं स पश्यति न संशयः ॥

४१५१-१ अहो धनानां महती विदग्धता सुखोषितानां कृपणस्य वेश्मनि ।
४१५१-२ व्रजन्ति न त्यागदशां न भोग्यतां परां च कांचित्प्रथयन्ति निर्वृतिं ॥

४१५२-१ अहो धनुषि नैपुण्यं मन्मथस्य महात्मनः ।
४१५२-२ शरीरमक्षतं कृत्वा भिनत्त्यन्तर्गतं मनः ॥

४१५३-१ अहो धात्रा पुरः सृष्टं साहसं तदनु स्त्रियः ।
४१५३-२ नैतासां दुष्करं किंचिन्निसर्गादिह विद्यते ॥

४१५४-१ अहो धार्ष्ट्यमसाधूनां निन्दतामनघाः स्त्रियः ।
४१५४-२ मुष्णतामिव चौराणां तिष्ठ चौरेति जल्पतां ॥

४१५५-१ अहो नक्षत्रराजस्य साभिमानं विचेष्टितं ।
४१५५-२ परिक्षीणस्य वक्रत्वं संपूर्णस्य सुवृत्तता ॥

४१५६-१ अहो नु कष्टं सततं प्रवासं ततोऽतिकष्टः परगेहवासः ।
४१५६-२ कष्टाधिका नीचजनस्य सेवा ततोऽतिकष्टा धनहीनता च ॥

४१५७-१ अहो नु चित्रं पद्मोत्थैर्बद्धास्तन्तुभिरद्रयः ।
४१५७-२ अविद्यमाना याविद्या तया सर्वे वशीकृताः ॥

४१५८-१ अहो पूर्णं सरः स्पष्टं असि नात्र विचारणा ।
४१५८-२ लुठन्तस्त्वयि यत्सर्वे स्नान्ति जातु कथंचन ॥

४१५९-१ अहो प्रकृतिसादृश्यं श्लेष्मणो दुर्जनस्य च ।
४१५९-२ मधुरैः कोपमायाति कटुकैरुपशाम्यति ॥

४१६०-१ अहो प्रच्छादिताकार्यनैपुण्यं परमं खले ।
४१६०-२ यत्तुषाग्निरिवानर्चिर्दहन्नपि न लक्ष्यते ॥

४१६१-१ अहो प्रभावो वाग्देव्या यन्मातंगदिवाकरः ।
४१६१-२ श्रीहर्षस्याभवत्सभ्यः समो बाणमयूरयोः ॥

४१६२-१ अहो प्रमादी भगवान्प्रजापतिः कृशातिमध्या घटिता मृगेक्षणा ।
४१६२-२ यदि प्रमादादनिलेन भज्यते कथं पुनः शक्ष्यति कर्तुमीदृशं ॥

४१६३-१ अहो बत खलः पुण्यैर्मूर्खोऽप्यश्रुतपण्डितः ।
४१६३-२ स्वगुणोदीरणे शेषः परनिन्दासु वाक्पतिः ॥

४१६४-१ अहो बत महत्कष्टं विपरीतमिदं जगत् ।
४१६४-२ येनापत्रपते साधुरसाधुस्तेन तुष्यति ॥

४१६५-१ अहो बत विचित्राणि चरितानि महात्मनां ।
४१६५-२ लक्ष्मीं तृणाय मन्यन्ते तद्भारेण नमन्ति च ॥

४१६६-१ अहो बत सभा सभ्यैरियं मौनादधः कृता ।
४१६६-२ सन्तो वदन्ति यत्सत्यं सभां न प्रविशन्ति वा ॥

४१६७-१ अहो बत सरित्पतेरिदमनार्यरूपं परं यदुज्ज्वलरुचीन्मणीन्सुचिरचर्चितास्थागुणान् ।
४१६७-२ जडैरनुपयोगिभिः परत एत्य लब्धास्पदैः क्षपत्यनिशमूर्जितैर्झगिति तन्मयत्वं गतः ॥

४१६८-१ अहो बाणस्य संधानं शरदि स्मरभूपतेः ।
४१६८-२ अपि सोऽयं त्विषामीशः कन्याराशिमुपागतः ॥

४१६९-१ अहो ब्रह्मण्यदेवस्य दृष्टा ब्रह्मण्यता मया ।
४१६९-२ यद्दरिद्रतमो लक्ष्मीं आश्लिष्टो बिभ्रतोरसि ॥

४१७०-१ अहो भवति सादृश्यं मृदङ्गस्य च खलस्य च ।
४१७०-२ यावन्मुखगतौ तौ हि तावन्मधुरभाषिणौ ॥

४१७१-१ अहो भार्या अहो पुत्रः अहो आत्मा अहो सुखं ।
४१७१-२ अहो माता अहो भ्राता पश्य मायाविमोहितं ॥

४१७२-१ अहो भुवः सप्तसमुद्रवत्या द्वीपेषु वर्षेष्वधिपुण्यमेतत् ।
४१७२-२ गायन्ति यत्रत्यजना मुरारेः कर्माणि भद्राण्यवतारवन्ति ॥

४१७३-१ अहो मदावलेपोऽयं असाराणां दुरात्मनां ।
४१७३-२ कौरवाणां महीपत्वं अस्माकं किल कालजं ॥

४१७४-१ अहो महच्चित्रमिदं कालगत्या दुरत्यया ।
४१७४-२ आरुरुक्षत्युपानद्वै शिरो मुकुटसेवितं ॥

४१७५-१ अहो महत्त्वं महतामपूर्वं विपत्तिकालेऽपि परोपकारः ।
४१७५-२ यथास्यमध्ये पतितोऽपि राहोः कलानिधिः पुण्यचयं ददाति ॥

४१७६-१ अहो महीयसां पुंसां उपर्युपरि पौरुषं ।
४१७६-२ रामेणाजगवं शंभोर्भग्नमम्भोजनालवत् ॥

४१७७-१ अहो मायाजालं हृदयहरिणो यत्र पतितः समुत्थातुं भूयः प्रभवति न किंचित्कथमपि ।
४१७७-२ न चेत्तस्य च्छेत्ता परमगुरुवाक्योपनमितो निजात्मज्ञानाखुर्विविधदृढसद्युक्तिदशनैः ॥

४१७८-१ अहो मायाबलं विष्णोः स्नेहबद्धमिदं जगत् ॥

४१७९-१ क्व देहो भौतिकोऽनात्मा क्व चात्मा प्रकृतेः परः ।
४१७९-२ कस्य के पतिपुत्राद्या मोह एव हि कारणं ॥

४१८०-१ अहो मे सौभाग्यं मम च भवभूतेश्च भणितं घटायामारोप्य प्रतिफलति तस्यां लघिमनि ।
४१८०-२ गिरां देवी सद्यः श्रुतिकलितकल्हारकलिका- मधूलीमाधुर्यं क्षिपति परिपूर्त्यै भगवती ॥

४१८१-१ अहो मोहः पुंसामिह जगति जातिः किल शुभा जरामृत्युव्याधीनपि जयति या निष्प्रभतया ।
४१८१-२ परस्माज्जातानां व्यसनशतमेतेऽपि दधति स्वयं सुत्वा तेभ्यो विदिशति सुतान्सा विशसितुं ॥

४१८२-१ अहो मोहो वराकस्य काकस्य यदसौ पुरः ।
४१८२-२ सरीसर्ति नरीनर्ति यदयं शिखिहंसयोः ॥

४१८३-१ अहो येषां वरं जन्म सर्वप्राण्युपजीवनं ।
४१८३-२ सुजनस्येव येषां वै विमुखा यान्ति नार्थिनः ॥

४१८४-१ अहो रघुशिर्ॐअणेरभिनवप्रतापावलि- प्रचण्डकिरणप्रथाप्रसरसाध्वसादाश्वयं ।
४१८४-२ सुराधिपतिरम्बुदान्कमलमिन्दिरा सेवते हिमांशुरपि चन्द्रमाः सततमम्भुधौ मज्जति ॥

४१८५-१ अहोरात्रमये लोके जरारूपेण संचरन् ।
४१८५-२ मृत्युर्ग्रसति भूतानि पवनं पन्नगो यथा ॥

४१८६-१ अहोरात्राणि गच्छन्ति सर्वेषां प्राणिनामिह ।
४१८६-२ आयूंषि क्षपयन्त्याशु ग्रीष्मे जलमिवांशवः ॥

४१८७-१ अहोरात्रे विभजते सूर्यो मानुषदैविके ।
४१८७-२ रात्रिः स्वप्नाय भूतानां चेष्टायै कर्मणामहः ॥

४१८८-१ अहो रूपमहो रूपं अहो मुखमहो मुखं ।
४१८८-२ अहो मध्यमहो मध्यं अस्याः सारङ्गचक्षुषः ॥

४१८९-१ अहो विधातस्त्वमतीव बालिशो यस्त्वात्मसृष्ट्यप्रतिरूपमीहसे ।
४१८९-२ परेऽनुजीवत्यपरस्य या मृतिर्विपर्ययश्चेत्त्वमसि ध्रुवः परः ॥

४१९०-१ न हि क्रमश्चेदिह मृत्युजन्मनोः शरीरिणामस्तु तदात्मकर्मभिः ।
४१९०-२ यः स्नेहपाशो निजसर्गवृद्धये स्वयं कृतस्ते तमिमं विवृश्चसि ॥

४१९१-१ अहो विधात्रा हतकेन नार्थात्कृतो वियोगोऽपि वियोगिनां नः ।
४१९१-२ रथाङ्गनाम्नामिव येन सीमा न विद्यते नापि सपक्षवत्त्वं ॥

४१९२-१ अहो विशालं भूपाल भुवनत्रितयोदरं ।
४१९२-२ माति मातुमशक्योऽपि यशोराशिर्यदत्र ते ॥

४१९३-१ अहो विषादप्यधिकाः स्त्रियो रक्तविमानिताः ।
४१९३-२ अहो असेव्याः साधूनां राजानोऽतत्त्वदर्शिनः ॥

४१९४-१ अहो वैचित्र्यमेतस्य संसारस्य किमुच्यते ।
४१९४-२ गुणोऽपि क्लेशहेतुः स्याद्विश्रान्तः कण्ठकन्दले ॥

४१९५-१ अहो संसारवैरस्यं वैरस्यकारणं स्त्रियः ।
४१९५-२ दोलालोला च कमला रोगाभोगगेहं देहं ॥

४१९६-१ अहो संसृतिवेश्येयं रागाद्युद्दीपनोद्यता ।
४१९६-२ रसमुत्पाद्य सर्वेषां अन्ते वैरस्यकारिणी ॥

४१९७-१ अहो सत्संगतिर्लोके किं पापं न विनाशयेत् ।
४१९७-२ न ददाति सुखं किं वा नराणां पुण्यकर्मणां ॥

४१९८-१ अहो समुद्रगम्भीरधीरचित्तमनस्विनः ।
४१९८-२ कृत्वाप्यनन्यसामान्यं उल्लेखं नोद्गिरन्ति ये ॥

४१९९-१ अहो साहजिकं प्रेम दूरादपि विराजते ।
४१९९-२ चकोरनयनद्वन्द्वं आह्लादयति चन्द्रमाः ॥

४२००-१ अहो सुसदृशी वृत्तिस्तुलाकोटेः खलस्य च ।
४२००-२ स्तोकेनोन्नतिमायाति स्तोकेनायात्यधोगतिं ॥

४२०१-१ अहो स्त्रीप्रेरणा नाम रजसालङ्घितात्मनां ।
४२०१-२ पुंसां वात्येव सरसामाशयक्षोभकारिणी ॥

४२०२-१ अहो स्थिरः कोऽपि तवेप्सितो युवा चिराय कर्णोत्पलशून्यतां गते ।
४२०२-२ उपेक्षते यः श्लथबन्धलम्बिनीर्जटाः कपोले कलमाग्रपिङ्गलाः ॥

४२०३-१ अहो स्थैर्यं तेषां प्रकृतिनियमेभ्यः सुकृतिनां प्रतिज्ञातत्यागो नहि भवति कृच्छ्रेऽपि महति ।
४२०३-२ तथा हि त्वत्सेनाभरनमितधात्रीभरदलत्- कटाहोऽपि स्वाङ्गं किमु कमठनाथश्चलयति ॥

४२०४-१ अहो हि मे बह्वपराद्धमायुषा यदप्रियं वाच्यमिदं मयेदृशं ।
४२०४-२ त एव धन्याः सुहृदः पराभवं जगत्यदृष्ट्वैव हि ये क्षयं गताः ॥

४२०५-१ अहौ वा हारे वा बलवति रिपौ वा सुहृदि वा मणौ वा लोष्टे वा कुसुमशयने वा दृषदि वा ।
४२०५-२ तृणे वा स्त्रैणे वा मम समदृशो यान्तु दिवसाः क्वचित्पुण्येऽरण्ये शिव शिव शिवेति प्रलपतः ॥

४२०६-१ अह्नस्त्रिश्चतुरम्बुभिः स्नपयसि स्वं पुष्करावर्जितैर्भुङ्क्षे मेध्यतराणि भद्र तरुणान्यश्वत्थपत्राणि च ।
४२०६-२ पुण्यारण्यचरोऽसि न प्रविशसि ग्रामं सकृत्कुञ्जर ज्ञानं चेत्कियदप्युदेति न समा ब्रह्मर्षयोऽपि त्वया ॥

४२०७-१ अह्नि भास्करमिच्छन्ति रात्रावमृततेजसं ।
४२०७-२ अह्नि रात्रौ च राजानं इच्छन्ति गुणिनं प्रजाः ॥

४२०८-१ अह्नि रविर्दहति त्वचि वृद्धः पुष्पधनुर्दहति प्रबलोढं ।
४२०८-२ रात्रिदिनं पुनरन्तरमन्तः संवृतिरस्ति रवेर्न तु कन्तोः ॥

४२०९-१ आं ज्ञातं नृपते त्वमेव निखिलां नित्यं बिभर्षि क्षितिं शैलेन्द्राः स्वयमेव दुर्भरभरास्तैः प्रत्युताधो व्रजेत् ।
४२०९-२ अस्याश्चोद्धरणे क्षमोऽपि न परस्त्वत्तो वराहादिकः पश्वादेर्भरणक्रियानिपुणता नैव प्रभागोचरः ॥

४२१०-१ आः कष्टं वनवासिसाम्यकृतया सिद्धाश्रमश्रद्धया पल्लीं बालकुरङ्ग संप्रति कुतः प्राप्तोऽसि मृत्योर्मुखं ।
४२१०-२ यत्रानेककुरङ्गकोटिकदनक्रीडोल्लसल्लोहित- स्रोतोभिः परिपूरयन्ति परिखामुड्डामराः पामराः ॥

४२११-१ आः कष्टं सुविवेकशून्यहृदयैः संसर्गमाप्तं च तैर्विक्रीतं बदरैः समं क्षितितले कुग्रामसीम्नि स्फुटं ।
४२११-२ संविष्टंशठगाढमूढवदने धूत्कारदूरीकृतं किं जानात्यगुणो जनो गुणमतो मुक्ताफलं रोदिति ॥

४२१२-१ आः कष्टमप्रःऋष्टाः शिष्टा अपि वित्तचापलाविष्टाः ।
४२१२-२ अध्यापयन्ति वेदानादाय चिराय मासि मासि भृतिं ॥

४२१३-१ आः किमर्थमिदं चेतः सतामम्भोधिदुर्भरं ।
४२१३-२ इति क्रुधेव दुर्वेधाः परदुःखैरपूरयत् ॥

४२१४-१ आः पाकं न करोषि पापिनि कथं पापी त्वदीयः पिता रण्डे जल्पसि किं तवैव जननी रण्डा त्वदीया स्वसा ।
४२१४-२ निर्गच्छ त्वरितं गृहाद्बहिरितो नेदं त्वदीयं गृहं हा हा नाथ ममाद्य देहि मरणं जारस्य भाग्योदयः ॥

४२१५-१ आः पात्री स्यामकृतकघनप्रेमविस्फारितानां सव्रीडानां सकलकरणानन्दनाडिंधमानां ।
४२१५-२ तेषां तेषां हृदयनिहिताकूतनिष्यन्दिनेत्र- व्यापाराणां पुनरपि तथा सुभ्रुवो विभ्रमाणां ॥

४२१६-१ आः सर्वतः स्फुरतु कैरवमापिबन्तु ज्योत्स्नाकरम्भमुदरंभरयश्चकोराः ।
४२१६-२ यातो यदेष चरमाचलमूलचुम्बी पङ्केरुहप्रकरजागरणप्रदीपः ॥

४२१७-१ आः सीते पतिगर्वविभ्रमभरभ्रान्तभ्रमद्बान्धव- प्रध्वंसस्मितकान्तिमत्तव तदा जातं यदेतन्मुखं ।
४२१७-२ संप्रत्येव हठात्तदेष कुरुते केशोच्चयाकर्षण- त्रासोत्तानितलोललोचनपतद्बाष्पप्लुतं रावणः ॥

४२१८-१ आकण्ठदृष्टशिरसाप्यविभाव्यपार्श्व- पृष्ठोदरेण चिरमृग्भिरुपास्यमानः ।
४२१८-२ नाभीसरोरुहजुषा चतुराननेन शेते किलात्र भगवानरविन्दनाभः ॥

४२१९-१ आकण्ठार्पितकञ्चुकाञ्चलमुरो हस्ताङ्गुलीमुद्रणा- मात्रासूत्रितहास्यमास्यमलसाः पञ्चालिकाकेलयः ।
४२१९-२ तिर्यग्लोचनचेष्टितानि वचसां च्छेकोक्तिसंक्रान्तयस्तस्याःसीदति शैशवे प्रतिकलं कोऽप्येष केलिक्रमः ॥

४२२०-१ आकम्पयन्फलभरानतशालिजालं आनर्तयंस्तरुवरान्कुसुमावनम्रान् ।
४२२०-२ उत्फुल्लपङ्कजवनां नलिनीं विधुन्वन्यूनां मनश्चलयति प्रसभं नभस्वान् ॥

४२२१-१ आकम्पितक्षितिभृता महता निकामं हेलाभिभूतजलधित्रितयेन यस्य ।
४२२१-२ वीर्येण संहतिभिदा विहतोन्नतेन कल्पान्तकालविसृतः पवनोऽनुचक्रे ॥

४२२२-१ आकम्पितानि हृदयानि मनस्विनीनां वातैः प्रफुल्लसहकारकृताधिवासैः ।
४२२२-२ संबाधितं परभृतस्य मदाकुलस्य श्रोत्रप्रियैर्मधुकरस्य च गीतनादैः ॥

४२२३-१ आकरः कारणं जन्तोर्दौर्जन्यस्य न जायते ।
४२२३-२ कालकूटः सुधासिन्धोः प्राणिनां प्राणहारकः ॥

४२२४-१ आकरः सर्वशास्त्राणां रत्नानामिव सागरः ।
४२२४-२ गुणैर्न परितुष्यामो यस्य मत्सरिणो वयं ॥

४२२५-१ आकरप्रभवः कोशः कोशाद्दण्डः प्रजायते ।
४२२५-२ पृथिवी कोशदण्डाभ्यां प्राप्यते कोशभूषणा ॥

४२२६-१ आकर्णपलितः श्यामो वयसाशीतिपञ्चकः ।
४२२६-२ रणे पर्यचरद्द्रोणो वृद्धः षोडशवर्षवत् ॥

४२२७-१ आकर्णमुल्लसति मातरपाङ्गदेशे कालाञ्जनेन घटिता तव भाति रेखा ।
४२२७-२ शैवालपङ्क्तिरिव संततनिर्जिहान- कारुण्यपूरपदवी कलितानुबन्धा ॥

४२२८-१ आ कर्णमूलमपकृत्य धनुः सबाणं मय्येव किं प्रहरसि स्मर बद्धकोपः ।
४२२८-२ तस्यां मुहुः क्षिप शरान्हरिणेक्षणायां तन्मन्मथोऽपि भव मन्मथ एव मा भूः ॥

४२२९-१ आकर्णय त्वमिममभ्युपगम्य वादं जानातु कोऽपि यदि वा हृदयं श्रुतीनां ।
४२२९-२ तस्याप्यसंख्यभवबन्धशतार्जितोऽयं द्वैतभ्रमो गलतु जन्मशतैः कियद्भिः ॥

४२३०-१ आकर्णय सरोजाक्षि वचनीयमिदं भुवि ।
४२३०-२ शशाङ्कस्तव वक्त्रेण पामरैरुपमीयते ॥

४२३१-१ आकर्णान्तविसर्पिणः कुवलयच्छायामुषश्चक्षुषः क्षेपा एव तवाहरन्ति हृदयं किं संभ्रमेणामुना ।
४२३१-२ मुग्धे केवलमेतदाहितनखोत्खाताङ्कमुत्पांशुलं बाह्वोर्मूलमलीकमुक्तकबरीबन्धच्छलाद्दर्शितं ॥

४२३२-१ आकर्णितानि रसितानि यया प्रसर्पत्प्रद्युम्नराजरथनिःस्वनसोदराणि ।
४२३२-२ उच्चै रणच्चरणनूपुरया पुरन्ध्र्या क्षिप्रं प्रियं कुपितयापि तयाभिसस्रे ॥

४२३३-१ आकर्ण्य गर्जितं घोरं जलदानां समागमे ।
४२३३-२ बाला विधूतलज्जेव सत्रासं श्लिष्यति प्रियं ॥

४२३४-१ आकर्ण्य गर्जितरवं घनगर्जितुल्यं सिंहस्य यान्ति वनमन्यदिभा भयार्ताः ।
४२३४-२ तत्रैव पौरुषनिधिः स्वकुलेन सार्धं दर्पोद्धुरो वसति वीतभयो वराहः ॥

४२३५-१ आकर्ण्य जयदेवस्य गोविन्दानन्दिनीर्गिरः ।
४२३५-२ बालिशाः कालिदासाय स्पृहयन्तु वयं तु न ॥

४२३६-१ आकर्ण्यन्ते तपनतनयग्रामसंलापघोषा मन्दं मन्दं ग्रसति नियतः कालपाशोऽपि कण्ठे ।
४२३६-२ आपृच्छ्यन्ते कृतजिगमिषासंभ्रमाः प्राणवाता नैवेदानीमपि विषयवैमुख्यमभ्येति चेतः ॥

४२३७-१ आकर्ण्य भूपाल यशस्त्वदीयं विधूनयन्तीह न के शिरांसि ।
४२३७-२ विश्वंभराभङ्गभयेन धात्रा नाकारि कर्णौ भुजगेश्वरस्य ॥

४२३८-१ आकर्ण्य मामवादीद्धन्यास्ता युवतयः सखि कठोराः ।
४२३८-२ या विषहन्ते दीर्घ- प्रियतमविरहानलासारं ॥

४२३९-१ आकर्ण्य वाणीः पौराणीर्मयैतदवधारितं ।
४२३९-२ तिष्ठन्तु देवा देव्योऽपि सेव्यो नारायणः परः ॥

४२४०-१ आकर्ण्य वारवनितापठितं सभायां संपूरणं सपदि पादमुदारभावः ।
४२४०-२ यः कालिदासमरणं हृदि निश्चिकाय भोजः स एव परमं भुवि भावबोद्धा ॥

४२४१-१ आकर्ण्य संगरमहार्णवचेष्टितानि गोष्ठीरसाहृतजनस्य मनोविकारः ।
४२४१-२ अङ्गे करोति पुलकं नयने विकाशं कान्तिं च कामपि मुखे स्फुरणं च बाह्वोः ॥

४२४२-१ आकर्ण्य स्मरयौवराज्यपटहं जीमूतनूत्नध्वनिं नृत्यत्केकिकुटुम्बकस्य दधतं मन्द्रां मृदङ्गक्रियां ।
४२४२-२ उन्मीलन्नवनीलकन्दलदलव्याजेन र्ॐआञ्चिता हर्षेणेव समुच्छ्रितान्वसुमती दध्रे शिलीन्ध्रध्वजान् ॥

४२४३-१ आकर्ण्याम्रफलस्तुतिं जलमभूत्तन्नारिकेलान्तरं प्रायः कण्टकितं तथैव पनसं जातं द्विधोर्वारुकं ।
४२४३-२ आस्तेऽध्ॐउखमेव कादलफलं द्राक्षाफलं क्षुद्रतां श्यामत्वं बत जाम्बवं गतमहो मात्सर्यदोषादिह ॥

४२४४-१ आकर्षतेवोर्ध्वमतिक्रशीयानत्युन्नतत्वात्कुचमण्डलेन ।
४२४४-२ ननाम मध्योऽतिगुरुत्वभाजा नितान्तमाक्रान्त इवाङ्गनानां ॥

४२४५-१ आकर्षन्ति न केषां अन्तःकरणं प्रवालशालिन्यः ।
४२४५-२ ललना इवात्र लतिकाः कुसुमेषु शिलीमुखैर्निचिताः ॥

४२४६-१ आकर्षन्निव गां वमन्निव खुरान्पश्चार्धमुज्झन्निव स्वीकुर्वन्निव खं पिबन्निव दिशश्छायाममर्षन्निव ।
४२४६-२ साङ्गारप्रकरां स्पृशन्निव धरां वातं समश्नन्निव श्रीमन्नाथ स वाजिराट्तव कथं मादृग्गिरां गोचरः ॥

४२४७-१ आकर्षेत्कैशिकव्याये न शिखां चालयेत्ततः ।
४२४७-२ पूर्वापरौ समौ कार्यौ समांसौ निश्चलौ करौ ॥

४२४८-१ आकलितोरुक्रमपद- पद्मालंकृत्यनल्पपुण्यभवं ।
४२४८-२ निजगुणगुरुस्वरूपं काव्यञ्जयति प्रसन्नमतिमधुरं ॥

४२४९-१ आकल्पं मुरजिन्मुखेन्दुमधुरोन्मीलन्मरुन्माधुरी- धीरोदात्तमनोहरः सुखयतु त्वां पाञ्चजन्यध्वनिः ।
४२४९-२ लीलालङ्घितमेघनादविभवो यः कुम्भकर्णव्यथा- दायी दानवदन्तिनां दशमुखं दिक्चक्रमाक्रामति ॥

४२५०-१ आकल्पं यदि वर्षसि प्रतिदिनं धारासहस्रैस्तथाप्य्- अम्भोधौ कलयत्यगाधजठरे कस्तावकीनं श्रमं ।
४२५०-२ अम्भोद क्षणमात्रमुज्झसि पयः पृष्ठे यदि क्ष्माभृतां तत्किं न प्रसरन्ति निर्झरसरिद्व्याजेन ते कीर्तयः ॥

४२५१-१ आकाल्प्य तल्पं शशिकान्तिकल्पं उद्ग्रथ्य वीटीः सुरपुष्पगर्भाः ।
४२५१-२ द्वारे दृगन्तान्परिकल्पयन्ती मनो मनोजस्य चमच्चकार ॥

४२५२-१ आ कल्यादा निशीथाच्च कुक्ष्यर्थं व्याप्रियामहे ।
४२५२-२ न च निर्वृणुमो जातु शान्तास्तु सुखमासते ॥

४२५३-१ आकस्मिकस्मितमुखीषु सखीषु विज्ञा विज्ञास्वपि प्रणयनिह्नवमाचरन्ती ।
४२५३-२ तत्रैव रङ्कुनयना नयनारविन्दं अस्पन्दमाहितवती दयिते गतेऽपि ॥

४२५४-१ आकाङ्क्षिणं क्ष्मापतिमन्दिराणि प्रविश्य पातालसहोदराणि ।
४२५४-२ अधोगतेर्नान्यदुपार्जयन्ति फलं भुजङ्गा इव वायुभक्ष्याः ॥

४२५५-१ आकाङ्क्षोच्चपदेऽहमात्मकमतिः कार्ये मनोधारणा इत्येवंविधभावजातमुचितं धर्तुं न चित्तान्तरे ।
४२५५-२ वैषम्यस्य निवारणाय मृगयेस्तत्कारणं नापरे स्वात्मन्येव गवेषयेत्यतितरां श्रेयस्करं ते सदा ॥

४२५६-१ आकारं विनिगूहतां रिपुबलं जेतुं समुत्तिष्ठतां तन्त्रं चिन्तयतां कृताकृतशतव्यापारशाखाकुलं ।
४२५६-२ मन्त्रिप्रोक्तनिषेविणां क्षितिभुजामाशङ्किनां सर्वतो दुःखाम्भोनिधिवर्तिनां सुखलवः कान्तासमालिङ्गनं ॥

४२५७-१ आकारः कमनीयताकुलगृहं लीलालसा सा गतिः संपर्कः कमलाकरैः कलतया लोकोत्तरं कूजितं ।
४२५७-२ यस्येयं गुणसंपदस्ति महती तस्यापि भव्यस्य ते संरब्धत्वमसद्गुमद्गुकलहे नाहं सहे हंस हे ॥

४२५८-१ आकारः स मनोहरः स महिमा तद्वैभवं तद्वयः सा कान्तिः स च विश्वविस्मयकरः सौभाग्यभाग्योदयः ।
४२५८-२ एकैकस्य विशेषवर्णनविधौ तस्याः स एव क्षमो यस्यास्मिन्नुरगप्रभोरिव भवेज्जिह्वासहस्रद्वयं ॥

४२५९-१ आकारणाय मान्त्रिकं आगतदूतस्य वचनमादाय ।
४२५९-२ कृत्वा प्रमाणमादावभिमन्त्र्य च तत्र मन्त्रण ॥

४२६०-१ आकारदारुणोऽयं भयमस्मादित्यनिश्चयोऽयमपि ।
४२६०-२ भवति महाभैरवमपि शिवस्य रूपं शिवायैव ॥

४२६१-१ आकारपरिवृत्तिस्तु बुद्धेः परिभवः पुनः ।
४२६१-२ आशाहानिरिवार्थित्वं परासुत्वमिवापरं ॥

४२६२-१ आकारमात्रविज्ञानसंपादितमनोरथाः ।
४२६२-२ धन्यास्ते ये न शृण्वन्ति दीनाः क्वाप्यर्थिनां गिरः ॥

४२६३-१ आकारवेषसौभाग्यैः कन्दर्पप्रतिमोऽपि सन् ।
४२६३-२ यासां संगममासाद्य प्राप्तः को वा न वञ्चनां ॥

४२६४-१ आकारश्छाद्यमानोऽपि न शक्यो विनिगूहितुं ।
४२६४-२ बलाद्धि विवृणोत्येव भावमन्तर्गतं नृणां ॥

४२६५-१ आकारसंवृतिः कार्या सुरक्तेनापि कामिना ।
४२६५-२ रक्तः परिभवं याति परिभूतः कथं प्रियः ॥

४२६६-१ आकारसदृशप्रज्ञः प्रज्ञया सदृशागमः ।
४२६६-२ आगमैः सदृशारम्भ आरम्भसदृशोऽदयः ॥

४२६७-१ आकारालापसंभोगैर्यदीयैर्लज्जते जनः ।
४२६७-२ अहो वक्रोद्धुरग्रीवस्तैरेव करभोऽधमः ॥

४२६८-१ आकाराहीनकान्तिर्निधनविरहितो योगदोल्लासभागी विक्रान्तो विश्वतुल्यः कमलकलितदृग्विभ्रमोत्कृष्टमूर्तिः ।
४२६८-२ नानाशापूर्णकीर्तिः सुखरसमयितो वारणाक्रान्तदेहो यादृग्देव त्वमेवं भवतु रिपुगणोऽप्यादिवर्णप्रलोपात् ॥

४२६९-१ आकारेण तथा गत्या चेष्टया भाषितैरपि ।
४२६९-२ नेत्रवक्त्रविकाराभ्यां ज्ञायतेऽन्तर्हितं मनः ॥

४२७०-१ आकारेण नरेण वानरयुवा वाहेन वालेयको व्याघ्रेणैवरथो (

?)

गवापि गवयः सिंहेन कौलेयकः ।
४२७०-२ श्यामाङ्गेन पिकेन काक इति [च] स्पर्धानुबद्धादरा यद्यप्यत्र तथापि तद्गुणगणस्यांशं लभन्ते न ते ॥

४२७१-१ आकारेण शशी गिरा परभृतः पारावतश्चुम्बने हंसश्चङ्क्रमणे समं दयितया रत्या विमर्दे गजः ।
४२७१-२ इत्थं भर्तरि मे समस्तयुवतिश्लाघ्यैर्गुणैः सेविते क्षुण्णं नास्ति विवाहितः पतिरिति स्यान्नैष दोषो यदि ॥

४२७२-१ आकारेणैव चतुरास्तर्कयन्ति परेङ्गितं ।
४२७२-२ गर्भस्थं केतकीपुष्पं आमोदेनेव षट्पदाः ॥

४२७३-१ आकारे मदनः सुकाव्यरचनाचातुर्ययुक्तौ गुरुः षड्भाषास्वपि दृश्यते व्यसनिता तं दृष्टवत्यः स्त्रियः ।
४२७३-२ स्वप्राणेश्वरसङ्गमं सुखकरं हित्वा न जीवन्त्यहो तस्यान्ते क्रियतेऽनया तनययाभ्यासः कलानां कथं ॥

४२७४-१ आकारैरिङ्गितैर्गत्या चेष्टया भाषितेन च ।
४२७४-२ नेत्रवक्त्रविकारैश्च गृह्यतेऽन्तर्गतं मनः ॥

४२७५-१ आकारैर्न विदन्ति वक्रफणितीर्बोद्धुं न मेधाविनः शब्दाख्येयनिजाशयं कुलवधूवर्गस्य नैतद्व्रतं ।
४२७५-२ ग्रामेऽस्मिनृजुवाच्यवाचकहतात्मानो युवानो जडास्तत्त्वज्ञोपगताध्वगावधिरयं कामज्वरः सह्यतां ॥

४२७६-१ आकारो न मनोहरः श्रवणयोः शल्योपमं कूजितं वक्त्रं विड्विकृतं कृतान्तसमयालम्बीदमालोकितं ।
४२७६-२ क्रीडासंवनने पृथग्जनचिते वासस्तरौ कुत्सिते तत्केनास्तु वराक काक कनकागारे तवावेशनं ॥

४२७७-१ आकाशकुण्डे सतडिद्धुताशे करोति ह्ॐअं झषकेतुदेवः ।
४२७७-२ उच्चाटनायेव वियोगिनीनां यद्गर्जितं सैष हि मन्त्रपाठः ॥

४२७८-१ आकाशतः पतितमेत्य नदादिमध्यं तत्रापि धावनसमुत्थमलावलिप्तं ।
४२७८-२ नानाविधावनिगताशुचिपूर्णमर्णो यत्तेन शुद्धिमुपयाति कथं शरीरं ॥

४२७९-१ आकाशदेशात्परिपातुकानि लङ्केशशीर्षाणि सकुन्तलानि ।
४२७९-२ क्षणं नभः प्रांशुमहीरुहस्य शिक्याश्रितानीव फलानि रेजुः ॥

४२८०-१ आकाशधारणां कुर्वन्मृत्युं जयति निश्चितं ।
४२८०-२ यत्र तत्र स्थितो वापि सुखमत्यन्तमश्नुते ॥

४२८१-१ आकाश प्रसर प्रसर्पत दिशस्त्वं पृथ्वि पृथ्वी भव प्रत्यक्षीकृतमादिराजयशसां युष्माभिरुज्जृम्भितं ।
४२८१-२ श्रीमुद्दाफरशाहपार्थिवयशोराशेः समुज्जृम्भणाद्बीजोच्छ्वासविदीर्णदाडिमदशां ब्रह्माण्डमारोक्ष्यति ॥

४२८२-१ आकाशमानसविगाहनराजहंसं नारीजनग्रहिलतानलिनीमहेभं ।
४२८२-२ आघ्रायमानरतिनायकसंप्रदाय- दीक्षागुरुं दृशि निवेशय सुन्दरीन्दुं ॥

४२८३-१ आकाशमुत्पततु गच्छतु वा दिगन्तं अम्भोनिधिं विशतु तिष्ठतु वा यथेच्छं ।
४२८३-२ जन्मान्तरार्जितशुभाशुभकृन्नराणां छायेव न त्यजति कर्मफलानुबन्धः ॥

४२८४-१ आकाशयानतटकोटिकृतैकपादास्तद्धेमदण्डयुगलान्यवलम्ब्य हस्तैः ।
४२८४-२ कौतूहलात्तव तरङ्गविघट्टितानि पश्यन्ति देवि मनुजाः स्वकलेवराणि ॥

४२८५-१ आकाशवापीसितपुण्डरीकं शाणोपलं मन्मथसायकानां ।
४२८५-२ पश्योदितं शारदमुत्पलाक्षि संध्याङ्गनाकन्दुकमिन्दुबिंबं ॥

४२८६-१ आकाशश्यामिमानं जलधरघटनां वा दधानं सुधांशुं नूनं मन्ये प्रियास्यं शिरसि शिरसिजैराहितापूर्वशोभं ।
४२८६-२ यद्दृष्ट्वा हन्त हर्षं मनसि कलयसे ज्ञानशान्त्यादिभव्या- रामोर्वीजच्छिदायै निशिततरमसिं तं महान्तो ब्रुवन्ति ॥

४२८७-१ आकाशसौधमधिरुह्य दिगङ्गनानां अङ्गेषु निक्षिपति काम्यमिवाङ्गरागं ।
४२८७-२ तारावरोधवलितो ललितात्मजश्रीर्ज्योत्स्नाच्छलेन मुदिताखिललोक इन्दुः ॥

४२८८-१ आकाशसौधे शशिसंपटस्थं तमालनीलं शिवलिङ्गमुच्चैः ।
४२८८-२ सिद्धाङ्गनेयं रजनी सकामा नक्षत्ररत्नैः परिपूजतीव ॥

४२८९-१ आकाशात्पतितं तोयं यथा गच्छति सागरं ।
४२८९-२ सर्वदेवनमस्कारः केशवं प्रति गच्छति ॥

४२९०-१ आकाशात्पतितं पुनर्जलनिधौ मध्ये चिरं संस्थितं पश्चाद्दुःसहदेहरन्ध्रजनितक्लेशान्वितं मौक्तिकं ।
४२९०-२ बाले बालकुरङ्गलोचनयुगे घोरं तपः संचरन्नासाभूषणतामुपैति सखि ते बिम्बाधरापेक्षया ॥

४२९१-१ आकाशे नटनं सरोरुहयुगे मञ्जीरमञ्जुध्वनिः शीतांशौ कलकूजितं किसलये पीयूषपानोत्सवः ।
४२९१-२ स्वर्गक्षोणिधरे नखात्परिभवो ध्वान्ते कराकर्षणं रम्भायां रसनारवस्तरुणयोः पुण्यानि मन्यामहे ॥

४२९२-१ आकाशे पश्य नेमा निबिडघनघटाः संभृताग्नेयचूर्णा मञ्जूषा भान्ति तासामुपरि सुरधनुः कैतवात्केतवोऽमी ।
४२९२-२ विद्युन्नो नालयन्त्रश्रुतिमुखनिपतद्दीप्तवर्त्तिप्रकाशः सैन्यं मारस्य मन्ये स्फुरति विमथितुं मानिनी मानदुर्गं ॥

४२९३-१ आकिंचन्यं च राज्यं च तुलया समतोलयं ।
४२९३-२ अत्यरिच्यत दारिद्र्यं राज्यादपि गुणाधिकं ॥

४२९४-१ आकिंचन्यं सुखं लोके पथ्यं शिवमनामयं ।
४२९४-२ अनमित्रमथो ह्येतद्दुर्लभं सुलभं सतां ॥

४२९५-१ आकिंचन्यं सुसंतोषो निराशीष्ट्वमचापलं ।
४२९५-२ एतदाहुः परं श्रेय आत्मज्ञस्य जितात्मनः ॥

४२९६-१ आकिंचन्यादतिपरिचयाज्जाययोपेक्ष्यमाणो भूपालानामननुसरणाद्बिभ्यदेवाखिलेभ्यः ।
४२९६-२ गेहे तिष्ठन्कुमतिरलसः कूपकूर्मैः सधर्मा किं जानीते भुवनचरितं किं सुखं चोपभुङ्क्ते ॥

४२९७-१ आकिंचन्ये च राज्ये च विशेषः सुमहानयं ।
४२९७-२ नित्योद्विग्नो हि धनवान्मृत्योरास्यगतो यथा ॥

४२९८-१ आकीर्णः शोभते राजा न विविक्तः कदाचन ।
४२९८-२ ये तं विविक्तमिच्छन्ति ते तस्य रिपवः स्मृताः ॥

४२९९-१ आकुञ्चिताग्राङ्गुलिना ततोऽन्यः किंचित्समावर्जितनेत्रशोभः ।
४२९९-२ तिर्यग्विसंसर्पिनखप्रभेण पादेन हैमं विलिलेख पीठं ॥

४३००-१ आकुञ्चितैकजङ्घं दरावृतोर्ध्वोरु गोपितार्धोरु ।
४३००-२ सुतनोः श्वसितक्रमनमदृ- उदरस्फुटनाभि शयनमिदं ॥

४३०१-१ आकुञ्चितोरू द्वौ यत्र जानुभ्यां धरणिं गतौ ।
४३०१-२ दर्दुरक्रममित्याहुः स्थानकं दृढभेदने ॥

४३०२-१ आकुञ्च्य पाणिमशुचिं मम मूर्ध्नि वेश्या मन्त्राम्भसां प्रतिपदं पृषतैः पवित्रे ।
४३०२-२ तारस्वनं प्रथितथूत्कमदात्प्रहारं हाहा हतोऽहमिति रोदिति विष्णुशर्मा ॥

४३०३-१ आकुञ्च्याग्रं नखविलिखने पश्यति भ्रूविभङ्ग्या गाढाश्लेषे वदति च ह हा मुञ्च मुञ्चेति वाचं ।
४३०३-२ केशाकृष्टावरुणनयना ताडने साश्रुनेत्रा नानाभावं श्रयति तरुणी नाटके मन्मथस्य ॥

४३०४-१ आकुब्जीकृतपृष्ठमुन्नतवलद्वक्त्राग्रपुच्छं भयादन्तर्वेश्मनिवेशितैकनयनं निष्कम्पकर्णद्वयं ।
४३०४-२ लालाकीर्णविदीर्णसृक्कविकचद्दंष्ट्राकरालाननः श्वा निःश्वासनिरोधपीवरगलो मार्जारमास्कन्दति ॥

४३०५-१ आकुमारमुपदेष्टुमिच्छवः संनिवृत्तिमपथान्महापदः ।
४३०५-२ योगशक्तिजितजन्ममृत्यवः शीलयन्ति यतयः सुशीलतां ॥

४३०६-१ आकुलश्चलपतत्रिकुलानां आरवैरनुदितौषसरागः ।
४३०६-२ आययावहरिदश्वविपाण्डुस्तुल्यतां दिनमुखेन दिनान्तः ॥

४३०७-१ आकृतिप्रेमसरसा विलासालसगामिनी ।
४३०७-२ विसारे हन्त संसारे सारं सारङ्गलोचना ॥

४३०८-१ आकृतेः किंचिदुल्लेखो विभावयति लक्षणं ।
४३०८-२ महतोपप्लवेनेव पीडितं चन्द्रमण्डलं ॥

४३०९-१ आकृष्टः शिखया नखैर्विलिखितः स्पृष्टः कपोलस्थले मौलौ दामभिराहतः प्रतिदिशं क्रामन्सलीलं पथि ।
४३०९-२ इत्थं वारविलासिनीकृतपरीहासस्य दैत्याध्वरे विष्णोर्वामनवेषविभ्रमभृतो हासोर्मयः पान्तु वः ॥

४३१०-१ आकृष्टकरवालोऽसौ संपराये परिभ्रमन् ।
४३१०-२ प्रत्यर्थिसेनया दृष्टः कृतान्तेन समः प्रभुः ॥

४३११-१ आकृष्टप्रतनुवपुर्लतैस्तरद्भिस्तस्याम्भस्तदथ सर्ॐअहार्णवस्य ।
४३११-२ अक्षोभि प्रसृतविलोलबाहुपक्षैर्योषाणामुरुभिरुरोजगण्डशैलैः ॥

४३१२-१ आकृष्टश्चक्रवाकैर्नयनकलनया बन्धकीभिर्निरस्तो नास्तं द्रागेति भानुर्निवसति नलिनीबोधनिद्रान्तराले ।
४३१२-२ सन्ध्यादीपप्ररोहं बहुलतिलरसव्याप्तपत्रान्तरालं वासागारे दिशन्ती हसति नववधूक्रोधदृष्टा भुजिष्या ॥

४३१३-१ आकृष्टिः कृतचेतसां सुमहतामुच्चाटनं चांहसां आचण्डालममूकलोकसुलभो वश्यश्च मोक्षश्रियः ।
४३१३-२ नो दीक्षां न च दक्षिणां न च पुरश्चर्यां मनागीक्षते मन्त्रोऽयं रसानास्पृगेव फलति श्रीकृष्णनामात्मकः ॥

४३१४-१ आकृष्टिभग्नकटकं केन तव प्रकृतिक्ॐअलं सुभगे ।
४३१४-२ धन्येन भुजमृणालं ग्राह्यं मदनस्य राज्यमिव ॥

४३१५-१ आकृष्टे कवचादहीन्द्ररसनाकल्पे कृपाणे त्वया श्रीमन्नायक रामचन्द्र भवतः प्रत्यर्थिनां वेश्मसु ।
४३१५-२ गाहन्ते सहसा लुलायचमरीशार्दूलशाखाचरी- यक्षोरक्षशृगालकोलशलभृद्भल्लूकभिल्लादयः ॥

४३१६-१ आकृष्टे युधि कार्मुके रघुपतेर्वामोऽब्रवीद्दक्षिणं दानादानसुभोजनेषु पुरतो युक्तं किमित्थं तव ।
४३१६-२ कामान्यः पुनरब्रवीन्मम न भीः प्रष्टुं जगत्स्वामिनं छेत्तुं रावणवक्त्रपंक्तिमिति यो दद्यात्स वो मंगलं ॥

४३१७-१ आकृष्टे युधि कार्मुके समवदद्वामः करो दक्षिणं रे रे दक्षिणहस्त भोजनमहादानादि ते कुर्वतः ।
४३१७-२ पश्चाद्गंन्तुमयुक्तमित्यथ पुनः सोऽप्यब्रवीदद्रवं प्रष्टुं राघवमाशुरावणशिरोवृन्दानि भिन्दानि किं ॥

४३१८-१ आकृष्टे वसनाञ्चले कुवलयश्यामा त्रपाधःकृता दृष्टिः संवलिता रुचा कुचयुगे स्वर्णप्रभे श्रीमति ।
४३१८-२ बालः कश्चन चूतपल्लव इति प्रान्तस्मितास्यश्रियं श्लिष्यंस्तामथ रुक्मिणीं नतमुखीं कृष्णः स पुष्णातु नः ॥

४३१९-१ आकृष्यन्ते करिणः पङ्कनिमग्ना महद्विपैरेव ।
४३१९-२ प्राप्तापदो महान्त उद्धरणीया महापुंभिः ॥

४३२०-१ आकृष्यादावमन्दग्रहमलकचयं वक्त्रमासज्य वक्त्रे कण्ठे लग्नः सुकण्ठः पुनरपि कुचयोर्दत्तगाढाङ्गसङ्गः ।
४३२०-२ बद्धासक्तिर्नितम्बे पतति चरणयोर्यः स तादृक्प्रियो मे बाले लज्जा प्रणष्टा नहि नहि कुटिले चोलकः किं त्रपाकृत् ॥

४३२१-१ आ केशग्रहणान्मित्रं अकार्यात्संनिवर्तयन् ।
४३२१-२ अवाच्यः कस्यचिद्भवति कृतयत्नो यथाबलं ॥

४३२२-१ आकोपितोऽपि कुलजो न वदत्यवाच्यं निष्पीडितो मधुरमेव वमेत्किलेक्षुः ।
४३२२-२ नीचो जनो गुणशतैरपि सेव्यमानो हास्येषु यद्वदति तत्कलहेष्ववाच्यं ॥

४३२३-१ आक्ॐआरं समरजयिना कुर्वतोर्वीमवीरां एतेनामी कथमिव दिशामीशितारो विमुक्ताः ।
४३२३-२ अन्तर्ज्ञातं वपुषि कलया तस्य तेऽष्टौ प्रविष्टाः प्रह्वीभूते प्रभवति नहि क्षत्रियाणां कृपाणः ॥

४३२४-१ आ क्ॐआराद्गुरुचरणशुश्रूषया ब्रह्मविद्या- स्वास्थायास्थामहह

,

महतीमर्जितं कौशलं यत् ।
४३२४-२ निद्राहेतोर्निशि निशि कथाः शृण्वतां पार्थिवानां कालक्षेपौपयिकमिदमप्याः कथं पर्यणंसीत् ॥

४३२५-१ आक्रन्दाः स्तनितैर्विलोचनजलान्यश्रान्तधाराम्बुभिस्तद्विच्छेदभुवश्च शोकशिखिनस्तुल्यास्तडिद्विभ्रमैः ।
४३२५-२ अन्तर्मे दयितामुखं तव शशी वृत्तिः समैवावयोस्तत्किं मामनिशं सखे जलधर त्वं दग्धुमेवोद्यतः ॥

४३२६-१ आक्रन्दितं रुदितमाहतमानने वा कस्यार्द्रमस्तु हृदयं किमतः फलं वा ।
४३२६-२ यस्या मनो द्रवति या जगतां स्वतन्त्रा तस्यास्तवाम्ब पुरतः कथयामि खेदं ॥

४३२७-१ आक्रम्य यद्द्विजैर्भुक्तं परिक्षीणैश्च बान्धवैः ।
४३२७-२ गोभिश्च नृपशार्दूल राजसूयाद्विशिष्यते ॥

४३२८-१ आक्रम्य यस्य दोर्दण्डं अरिचक्रं प्रकाशते ।
४३२८-२ प्राप्नोति पुरुषो लोके स वैकुण्ठ इति प्रथां ॥

४३२९-१ आक्रम्य सर्वः कालेन परलोकं च नीयते ।
४३२९-२ कर्मपाशवशो जन्तुस्तत्र का परिदेवना ॥

४३३०-१ आक्रम्याक्रम्य साधूनां दारांश्चैव धनानि च ।
४३३०-२ भोक्ष्यन्ति निरनुक्रोशा रुदतामपि भारत ॥

४३३१-१ आक्रम्याजेरग्रिमस्कन्धमुच्चैरास्थायाथो वीतशङ्कं शिरश्च ।
४३३१-२ हेलालोला वर्त्म गत्वातिमर्त्यं द्यामारोहन्मानभाजः सुखेन ॥

४३३२-१ आक्रम्यैकामग्रपादेन जङ्घां अन्यामुच्चैराददानः करेण ।
४३३२-२ सास्थिस्वानं दारुवद्दारुणात्मा कंचिन्मध्यात्पाटयामास दन्ती ॥

४३३३-१ आक्रम्योच्चैः शिरसि वसतिर्भूभृतामुन्नतानां तोयादानं तदपि जलधेर्लोकसंतापशान्त्यै ।
४३३३-२ दीर्घा छाया प्रकृतिमहति व्य्ॐनि चाभोगबन्धो हे हे मेघ स्पृहयति न ते कः किलेत्थं व्रताय ॥

४३३४-१ आक्रान्तं वलिभिः प्रसह्य पलितैरत्यन्तमास्कन्दितं वार्धक्यं श्लथसंधिबन्धनतया निःस्थाम निर्धाम च ।
४३३४-२ एतन्मे वपुरस्थिकेवलजरत्कङ्कालमालोकय - - स्थूलशिराकरालपरुषत्वङ्मात्रपात्रीकृतं ॥

४३३५-१ आक्रान्तपूर्वा रभसेन सैनिकैर्दिगङ्गनाव्य्ॐअरजोऽभिदूषिता ।
४३३५-२ भेरीरवाणां प्रतिशब्दितैर्घनैर्जगर्ज गाढं गुरुमत्सरादिव ॥

४३३६-१ आक्रान्तमन्तररिभिर्मदमत्सराद्यैर्गात्रं वलीपलितरोगशतानुविद्धं ।
४३३६-२ दारैः सुतैश्च गृहमावृतमुत्तमर्णैर्मातः कथं भवतु मे मनसः प्रसादः ॥

४३३७-१ आक्रान्तासु वसुन्धरासु यवनैरासेतुहेमाचलं विद्राणे क्षितिभृद्गणे विकरुणे निद्राति नारायणे ।
४३३७-२ निर्विघ्नप्रसरे कलावपि बलान्निष्कण्टकं वैदिकं पन्थानं किल तत्र तत्र परिपात्येको हि लोकोत्तरः ॥

४३३८-१ आक्रान्तेव महोपलेन मुनिना शप्तेव दुर्वाससा सातत्यं बत मुद्रितेव जतुना नीतेव मूर्च्छां विषैः ।
४३३८-२ बद्धेवातनुरज्जुभिः परगुणान्वक्तुं न शक्ता सती जिह्वा लोहशलाकया खलमुखे विद्धेव संलक्ष्यते ॥

४३३९-१ आक्रान्ते शैशवेऽस्मिन्नभिनववयसा शासनान्मीनकेतोर्बालाया नेत्रयुग्मं श्रुतियुगमविशद्भ्रूयुगेनापि सार्धं ।
४३३९-२ वक्षोजद्वन्द्वमुच्चैर्बहिरिह निरगाच्छ्रोणबिम्बेन साकं मध्यः संगृह्य बद्धस्त्रिवलिभिरभितः कार्श्यमङ्गीकरोति ॥

४३४०-१ आक्रामन्तु तमेव चूतमपि च क्रोशन्तु रेफोत्तरं डिम्भोऽस्माकमपीति वाभिदधतां काका वराकाः स्वयं ।
४३४०-२ गन्तव्यं क्व ततोऽन्यतः परभृत क्षन्तव्यमेतावदप्यग्रे कस्य निवेद्यतामिदमतिक्रान्तो वसन्तोऽधुना ॥

४३४१-१ आक्रुश्यमानो नाक्रोशेन्मन्युरेव तितिक्षतः ।
४३४१-२ आक्रोष्टारं निर्दहति सुकृतं चास्य विन्दति ॥

४३४२-१ आक्रुष्टोऽपि व्रजति न रुषं भाषते नापभाष्यं नोत्कृष्टोऽपि प्रवहति मदं शौर्यधैर्यादिधर्मैः ।
४३४२-२ यो यातोऽपि व्यसनमनिशं कातरत्वं न याति सन्तः प्राहुस्तमिह सुजनं तत्त्वबुद्ध्या विवेच्य ॥

४३४३-१ आक्रोशकसमो लोके सुहृदन्यो न विद्यते ।
४३४३-२ यस्तु दुष्कृतमादाय सुकृतं स्वं प्रयच्छति ॥

४३४४-१ आक्रोशन्नाह्वयन्नन्यानाधावन्मण्डलं रुदन् ।
४३४४-२ गाः कालयति दण्डेन डिम्भः सस्यावतारिणीः ॥

४३४५-१ आक्रोशपरिवादाभ्यां विहिंसन्त्यबुधा बुधान् ।
४३४५-२ वक्ता पापमुपादत्ते क्षममाणो विमुच्यते ॥

४३४६-१ आक्रोशेन न दूयते न च पटुः प्रोक्तः समानन्द्यते दुर्गन्धेन न बाध्यते न च समं मोदेन संजीयते ।
४३४६-२ स्त्रीरत्नेन न रज्यते न च मृतस्नानेन विद्वेष्यते माध्यस्थेन विराजितो विजयते कोऽप्येष योगीश्वरः ॥

४३४७-१ आक्षिपन्त्यरविन्दानि मुग्धे तव मुखश्रियं ।
४३४७-२ कोषदण्डसमग्राणां किमेषामस्ति दुष्करं ॥

४३४८-१ आक्षिपसि कर्णमक्ष्णा बलिरपि बद्धस्त्वया त्रिधा मध्ये ।
४३४८-२ इति जितसकलवदान्ये तनुदाने लज्जसे सुतनु ॥

४३४९-१ आक्षिप्तसंपातमपेतशोभं उद्वह्नि धूमाकुलदिग्विभागं ।
४३४९-२ वृतं नभो भोगिकुलैरवस्थां परोपरुद्धस्य पुरस्य भेजे ॥

४३५०-१ आक्षिप्ता चामरश्रीः प्रसभमपहृतः पौण्डरीको विलासः प्रच्छन्नो वीरकम्बुः समजनि विहितः कण्ठभाराय हारः ।
४३५०-२ लुप्तो हासप्रकाशः कमपि परिभवं प्रापितः पुष्पराशिश्चन्द्राभैर्यद्यशोभिः प्रतिधरणिभुजां निह्नुता किं च कीर्तिः ॥

४३५१-१ आक्षिप्तैः प्रतिपक्षभूमिपतिभिः क्रुद्धेन देव त्वया वित्रस्तैर्न महायुधानि विविधान्याविष्क्रियन्ते युधि ।
४३५१-२ दूरावर्जितमौलयस्तव पुरस्तन्वन्ति ते केवलं नानाकारकिरीटरत्ननिकरैरिन्द्रायुधानि क्षितौ ॥

४३५२-१ आक्षेपचरणलङ्घन- केशग्रहकेलिकुतुकतरलेन ।
४३५२-२ स्त्रीणां पतिरपि गुरुरिति धर्मं न श्राविता सुतनुः ॥

४३५३-१ आक्षेपवचनं तस्य न वक्तव्यं कदाचन ।
४३५३-२ अनुकूलं प्रियं चास्य वक्तव्यं जनसंसदि ॥

४३५४-१ आखुः कैलासशैलं तुलयति करटस्तार्क्ष्यमांसाभिलाषी बभ्रुर्लाङ्गूलमूलं चलयति चपलस्तक्षकाहिं जिघांसुः ।
४३५४-२ भेकः पारं यियासुर्भुजगमपि महाघस्मरस्याम्बुराशेः प्रायेणासन्नपातः स्मरति समुचितं कर्म न क्षुद्रकर्मा ॥

४३५५-१ आखुना भक्षितस्याथ नामोच्चार्य समुद्धरेत् ।
४३५५-२ मार्गधूलिं क्षिपेद्दूरं तस्य शीघ्रं सुखं भवेत् ॥

४३५६-१ आखुभ्यः किं खलैर्ज्ञातं खलेभ्यश्च किमाखुभिः ।
४३५६-२ अन्यत्परगृहोत्खातात्कर्म येषां न विद्यते ॥

४३५७-१ आखुर्वाञ्छति भस्मसूत्रहरणं व्यालस्तथा मूषकं व्यालं बर्हिरयं हरिश्च वृषभं गङ्गा तथा चन्द्रकं ।
४३५७-२ इत्थं दुःखमहर्निशं शृणु विभो सोढव्यमेतत्कथं शंभोरात्मदशानिबोधनपरं त्वां पातु दीनं वचः ॥

४३५८-१ आखेटकं वृथाक्लेशं मूर्खं व्यसनसंस्थितं ।
४३५८-२ समालापेन यो युङ्क्ते स गच्छति पराभवं ॥

४३५९-१ आखेटकस्य धर्मेण विभवाः स्युर्वशे नृणां ।
४३५९-२ नृप्रजाः प्रेरयत्येको हन्त्यन्योऽत्र मृगानिव ॥

४३६०-१ आख्यातनामरचनाचतुरस्रसंधि- सद्धात्वलंकृतिगुणं सरसं सुवृत्तं ।
४३६०-२ आसेदुषामपि दिवं कविपुंगवानां तिष्ठत्यखण्डमिह काव्यमयं शरीरं ॥

४३६१-१ आख्याते हसितं पितामह इति त्रस्तं कपालीति च व्यावृत्तं गुरुरित्यसौ दहन इत्याविष्कृता भीरुता ।
४३६१-२ पौल्ॐईपतिरित्यसूयितमथ व्रीडावनम्रं श्रिया पायाद्वः पुरुषोत्तमोऽयमिति च न्यस्तः स पुष्पाञ्जलिः ॥

४३६२-१ आख्यायिकानुरागी व्रजति सदा पुण्यपुस्तकं श्रोतुं ।
४३६२-२ दष्ट इव कृष्णसर्पैः पलायते दानधर्मेभ्यः ॥

४३६३-१ आख्यास्तदीया रुचिरार्थपोषा गायन्ति कोशाधिकृताः सतोषाः ।
४३६३-२ परंतु पुण्यैरिह हर्षधाम प्राप्तं त्वया संप्रति चूतनाम ॥

४३६४-१ आगच्छतां च तुच्छानां अतुच्छानां च गच्छतां ।
४३६४-२ यदध्वनि न संघट्टो घटानां तद्वृथा सरः ॥

४३६५-१ आगच्छतानवेक्षित- पृष्ठेनार्थी वराटकेनेव ।
४३६५-२ मुषितास्मि तेन जघनां- शुकमपि वोढुं नशक्तेन ॥

४३६६-१ आगच्छदुत्सवो भाति यथैव न तथा गतः ।
४३६६-२ हिमांशोरुदयः सायं चकास्ति न तथोषसि ॥

४३६७-१ आगच्छदुर्वीन्द्रचमूसमुत्थैर्भूरेणुभिः पाण्डुरिता मुखश्रीः ।
४३६७-२ विस्पष्टमाचष्ट हरिद्वधूनां रूपं पतित्यागदशानुरूपं ॥

४३६८-१ आगच्छन्त्यवगुण्ठयन्त्यथ पुनः पश्यन्ति जिघ्रन्ति च स्वारब्धं मधुमक्षिकां न कणमप्यस्य स्वयं भुञ्जते ।
४३६८-२ धन्यस्त्वन्य उपेत्य निर्भयममूरुत्सारयन्दूरतः स्वादंस्वादमिदं स्वसंभृतमिव स्वच्छन्दमानन्दति ॥

४३६९-१ आगच्छन्सूचितो येन येनानीतो गृहं प्रति ।
४३६९-२ प्रथमं सखि कः पूज्यः किं काकः किं क्रमेलकः ॥

४३७०-१ आगच्छागच्छ सज्जं कुरु वरतुरगं संनिधेहि द्रुतं मे खङ्गः क्वासौ कृपाणीमुपनय धनुषा किं किमङ्ग प्रविष्टं ।
४३७०-२ संरम्भोन्निद्रितानां क्षितिभृति गहनेऽन्योऽन्यमेवं प्रतीच्छन्वादः स्वप्नाभिदृष्टे त्वयि चकितदृशां विद्विषामाविरासीत् ॥

४३७१-१ आगच्छामि झटित्यहं प्रियतमे कार्यं विधायाल्पकं गत्वेतस्त्वमिहैव तिष्ठ विजने तावद्गृहे सुन्दरे ।
४३७१-२ इत्युक्त्वा सखि वञ्चकः स तु गतस्तत्र स्थिता या निशा सर्वा सा हि गता ममातिकुटिलो नो वै तथाप्यागतः ॥

४३७२-१ आगतं विग्रहं विद्वानुपायैः प्रशमं नयेत् ।
४३७२-२ विजयस्य ह्यनित्यत्वाद्रभसेन न संपतेत् ॥

४३७३-१ आगतः पतिरितीरितं जनैः शृण्वती चकितमेत्य देहलीं ।
४३७३-२ क्ॐउदीव शिशिरीकरिष्यते लोचने मम कदा मृगेक्षणा ॥

४३७४-१ आगतः पाण्डवाः सर्वे दुर्योधनसमीहया ।
४३७४-२ तस्मै गां च सुवर्णं च रत्नानि विविधानि च ॥

४३७५-१ आगतव्ययशीलस्य कृशत्वमतिशोभते ।
४३७५-२ द्वितीयश्चन्द्रमा वन्द्यो न वन्द्यः पूर्णचन्द्रमाः ॥

४३७६-१ आगतश्च गतश्चैव गत्वा यः पुनरागतः ।
४३७६-२ अकर्णहृदयो मूर्खस्तत्रैव निधनं गतः ॥

४३७७-१ आगतानगणितप्रतियातान्वल्लभानभिसिसारयिषूणां ।
४३७७-२ प्रापि चेतसि सविप्रतिसारे सुभ्रुवामवसरः सरकेण ॥

४३७८-१ आगतानामपूर्णानां पूर्णानामपि गच्छतां ।
४३७८-२ यदध्वनि न संघट्टो घटानां तत्सरोऽवरं ॥

४३७९-१ आगते कुसुमधन्विनि तन्व्या मानसाद्बहिरभूत्कुचकोकः ।
४३७९-२ तिष्ठतास्य सरसीरुहचक्षुः खञ्जनेन चकितं सहसैव ॥

४३८०-१ आगत्य प्रणिपातसान्त्वितसखीदत्तान्तरे सागसि स्वैरं कुर्वति तल्पपार्श्वनिभृते धूर्तेऽङ्गसंवाहनं ।
४३८०-२ ज्ञात्वा स्पर्शवशात्तया किल सखीभ्रान्त्या स्ववक्षः शनैः खिन्नासीत्यभिधाय मीलितदृशा सानन्दमारोपितः ॥

४३८१-१ आगत्य संप्रति वियोगविसंष्ठुलाङ्गीं अम्भोजिनीं क्वचिदपि क्षपितत्रियामः ।
४३८१-२ एतां प्रसादयति पश्य शनैः प्रभाते तन्वङ्गि पादपतनेन सहस्ररश्मिः ॥

४३८२-१ आगत्य सम्प्रति शरत्समयः प्रसादादीषद्विहस्य विकसत्कुमुदच्छलेन ।
४३८२-२ उत्सार्य रोषमिव वारिधरोपरोधं एष प्रसादयति दिग्वनितामुखानि ॥

४३८३-१ आगत्य सत्वरमसी रविरम्बरान्तं उल्लास्य पादपतनैः स्फुटसांध्यरागः ।
४३८३-२ पश्य प्रसादयति रागवतीं प्रतीची- दिक्कामिनीं प्रकुपितामिव मन्यमानः ॥

४३८४-१ आगत्यैव कुतश्चिदेव गगनाभोगं च कृत्वात्मसात्भावाभावविलोकनास्पदममून्नीत्वेन्दुमुख्यानपि ।
४३८४-२ जाज्वल्यं जगतो विधाय किमपि प्राप्तः प्रियोऽह्नां पतिर्यात्वस्तं प्रविशत्वथाब्धिमथवा मेरौ परिभ्राम्यतु ॥

४३८५-१ आगन्तौ जाङ्घिके चैव सर्वे काकाः समाः स्मृताः ।
४३८५-२ क्षेत्रजे शकुने ग्राह्यः काकोलस्तेषु सर्वदा ॥

४३८६-१ आगमं निर्गमं स्थानं तथा वृद्धिक्षयावुभौ ।
४३८६-२ विचार्य सर्वपण्यानां कारयेत्क्रयविक्रयौ ॥

४३८७-१ आगमरूपविचारिण्यधिकरणसहस्रशिक्षितविपक्षे ।
४३८७-२ स्वामिनिजैमिनियोगिन्युपरज्यति हृदयमस्मदीयमिदं ॥

४३८८-१ आगमादेव नरकाः श्रूयन्ते रौरवादयः ।
४३८८-२ विषयित्वं दरिद्राणां प्रत्यक्षं नरकं विदुः ॥

४३८९-१ आगमार्थं हि यतते रक्षणार्थं हि सर्वदा ।
४३८९-२ कुटुम्बपोषणे स्वामी तदन्ये तस्करा इव ॥

४३९०-१ आगमिष्यन्ति ते भावा ये भावा मयि भाविनः ।
४३९०-२ अहं तैरनुसर्तव्यो न तेषामन्यतो गतिः ॥

४३९१-१ आगमेन च युक्त्या च योऽर्थः समभिगम्यते ।
४३९१-२ परीक्ष्य हेमवद्ग्राह्यः पक्षपातग्रहेण किं ॥

४३९२-१ आगमे यस्य चत्वारि निर्गमे सार्धपञ्च च ।
४३९२-२ अतिविस्तारविस्तीर्णाश्चिरं तिष्ठन्ति नो श्रियः ॥

४३९३-१ आगमोऽभ्यधिको भोगाद्विना पूर्वक्रमागतात् ।
४३९३-२ आगमेऽपि बलं नैव भुक्तिः स्तोकापि यत्र नो ॥

४३९४-१ आगर्जद्गिरिकुञ्जकुञ्जरघटानिस्तीर्णकर्णज्वरं ज्यानिर्घोषममन्ददुन्दुभिरवैराध्मातमुत्तम्भयन् ।
४३९४-२ वेल्लद्भैरवरुण्डमुण्डनिकरैर्वीरो विधत्ते भुवं तृप्यत्कालकरालवक्त्रविघसव्याकीर्यमाणामिव ॥

४३९५-१ आगर्भमाबद्धममर्षशीलः पितुः स्मरन्क्षत्रकृतापराधं ।
४३९५-२ परश्वधेनैव भृगुप्रवीरः प्राणैर्वियोज्यापि रिपूंश्छिनत्ति ॥

४३९६-१ आ गर्भादा कुलपरिवृढादा चतुर्वक्त्रतोऽपि त्वत्पादाब्जप्रपदनपरान्वेत्सि नश्चन्द्रमौले ।
४३९६-२ मायायाश्च प्रपदनपरेष्वप्रवृत्तिं त्वमात्थ स्वामिन्नेवं सति यदुचितं तत्र देवः प्रमाणं ॥

४३९७-१ आगस्कारिणि कैटभप्रमथने तत्ताडनार्थं रुषा नाभीपङ्कजमस्त्रतां गमयितुं जाते प्रयत्ने श्रियः ।
४३९७-२ स्वावासोन्मथनोपपादितभयभ्रान्तात्मनस्तत्क्षणाद अब्रह्मण्यपराः पुरातनमुनेर्वाग्वृत्तयः पान्तु वः ॥

४३९८-१ आगारदाही मित्रघ्नः शाकुनिर्ग्रामयाजकः ।
४३९८-२ रुधिरान्धे पतन्त्येते स्ॐअं विक्रीणते च ये ॥

४३९९-१ आगुल्फमालम्बितवल्गुवेणी विभाति बाला कनकाङ्गयष्टिः ।
४३९९-२ उत्तीर्णमौर्वीव वशीकृतोर्वी मनोभुवश्चम्पकचापवल्ली ॥

४४००-१ आग्नेयास्त्रप्रवीणप्रबलमृगभटाः शत्रुसंक्षोभदक्षा यस्य प्रौढप्रतापानलबहलशिखास्विन्धनत्वं प्रयान्ति ।
४४००-२ सोऽयं प्राचीपयोधिप्रहितकरततीतूर्णसंपूर्णकोपो बाङ्गालक्षोणिपालस्त्रिभुवनजनतागीतकीर्ति प्ररोहः ॥

४४०१-१ आग्नेयीमेति शीतादिव दिशमरुणो वासराः संकुचन्ती- वासंस्तर्षेऽपि तोयाद्वहति तनुशिखी शीतपीडां प्रमार्ष्टि (

?)

।
४४०१-२ तल्पेऽनल्पप्रकोपप्रविदलितदृढालिङ्गनग्रन्थिबन्धे लब्ध्वा संधानरन्ध्रं निबिडयति जडो दम्पती मातरिश्वा ॥

४४०२-१ आग्नेये यदि कोणे ग्रामस्य पुरस्य वा भवति कूपः ।
४४०२-२ नित्यं स करोति भयं दाहं च समानुषं प्रायः ॥

४४०३-१ आग्नेय्यामनलाजी- विकयुवतिप्रवरधातुलाभश्च ।
४४०३-२ याम्ये माषकुलत्थं भोज्यं गान्धर्विकैर्योगः ॥

४४०४-१ आघट्टयति मन्त्राणि ब्रुवन्हास्यं प्रपद्यते ।
४४०४-२ संभावयति दोषेण वृत्तिच्छेदं करोति च ॥

४४०५-१ आघातं नीयमानस्य वध्यस्येव पदे पदे ।
४४०५-२ आसन्नतरतां याति मृत्युर्जन्तोर्दिने दिने ॥

४४०६-१ आघूर्णद्वपुषः स्खलन्मृदुगिरः किञ्चिल्लसद्वाससो रेवत्यां सनिषण्णनिःसहभुजस्याताम्रनेत्रद्युतेः ।
४४०६-२ श्वासामोदमदान्धषट्पदकुलव्यादष्टकण्ठस्रजः पायासुः परिमन्थराणि हलिनो मत्तस्य यातानि वः ॥

४४०७-१ आघूर्णितं पक्ष्मलमक्षिपद्मं प्रान्तद्युतिश्वैत्यजितामृतांशु ।
४४०७-२ अस्या इवास्याश्चलदिन्द्रनील- गोलामलश्यामलतारतारं ॥

४४०८-१ आघ्राणश्रवणावलोकनरसास्वादादयश्चुम्बन- श्रद्धा वाग्विषवर्षणं च शिरसो दोषा इमे यैर्जनः ।
४४०८-२ मूढो लङ्घितसत्पथोऽयमिति संक्रुद्धः शठानां हठाद्यः शीर्षाणि कृपाणपाणिरलुनात्तस्मै नमः कल्किने ॥

४४०९-१ आघ्रातं कमलं प्रियेण सुदृशा स्मित्वापनीतं मुखं दत्तं विभ्रमकन्दुके नखपदं सीत्कृत्य गूढौ स्तनौ ।
४४०९-२ दत्ता चम्पकमालिकोरसि भुजानिर्भिन्नर्ॐआञ्चया मीलल्लोचनया स्थितं प्रणयिनोर्दूरेऽपि पूर्णो रसः ॥

४४१०-१ आघ्रातं परिलीढमुग्रनखरैः क्षुण्णं च यच्चर्वितं क्षिप्तं यद्भुवि नीरसत्वकुपितेनेति व्यथां मा कृथाः ।
४४१०-२ हे माणिक्य तवैतदेव कुशलं यद्वानरेणाग्रहादन्तःसत्त्वनिरूपणाय सहसा चूर्णीकृतं नाश्मना ॥

४४११-१ आघ्रातं मरणेन जन्म जरया यात्युज्ज्वलं यौवनं संतोषो धनलिप्सया शमसुखं प्रौढाङ्गनाविभ्रमैः ।
४४११-२ लोकैर्मत्सरिभिर्गुणा वनभुवो व्यालैर्नृपा दुर्जनैरस्थैर्येण विभूतिरप्यपहृता ग्रस्तं न किं केन वा ॥

४४१२-१ आघ्रातक्षोणिपीठः खुरशिखरसमाकृष्टरेणुस्तुरङ्गः पुञ्जीकृत्याखिलाङ्घ्रीन्क्रमवशविनमज्जानुरुन्मुक्तकायः ।
४४१२-२ पृष्ठान्तःपार्श्वकण्डूव्यपनयनर साद्द्विस्त्रिरुद्वर्तिताङ्गः प्रोत्थाय द्राङ्निरीहः क्षणमथ वपुरास्यानुपूर्व्यां धुनोति ॥

४४१३-१ आघ्राय पुस्तकं धन्याः सर्वं विद्म इति स्थिताः ।
४४१३-२ शतकृत्वोऽपि शृण्वन्तो हा न विद्मो जडा वयं ॥

४४१४-१ आघ्राय श्रमजमनिन्द्यगन्धबन्धुं निश्वासश्वसनमसक्तमङ्गनानां ।
४४१४-२ आरण्याः सुमनस ईषिरे न भृङ्गैरौचित्यं गणयति को विशेषकामः ॥

४४१५-१ आघ्रायाघ्राय गन्धं विकृतमुखपुटो दर्शयन्दन्तपङ्क्तिं धावन्नुन्मुक्तनादो मुहुरपि रभसाकृष्टया पृष्ठलग्नः ।
४४१५-२ गर्दभ्याः पादघातद्विगुणितसुरतप्रीतिराकृष्टशिश्नो वेगादारुह्यमुह्यन्नवतरति खरः खण्डितेच्छश्चिराय ॥

४४१६-१ आचक्ष्महे बत किमद्यतनीमवस्थां तस्याद्य विन्ध्यशिखरस्य महोन्नतस्य ।
४४१६-२ यत्रैव सप्त मुनयस्तपसा निषेदुः सोऽयं किलाद्य वसतिह्पिशिताशनानां ॥

४४१७-१ आचम्याधरसिन्धुवारि कबरीसंभारसंमार्जिते स्वेदाम्भःस्नपिते कपोलविगलत्काश्मीरपङ्कोज्ज्वले ।
४४१७-२ काञ्चीमन्त्ररुतेन निर्भरगलन्मुक्ताकलापस्रजा धन्यस्योरसि घूर्णमाननयना पञ्चेषुमभ्यर्चति ॥

४४१८-१ आचरति दुर्जनो यत्सहसा मनसोऽप्यगोचरानर्थान् ।
४४१८-२ तन्न न जाने जाने स्पृशति मनः किं तु नैव निष्ठुरतां ॥

४४१९-१ आचरन्बहुभिर्वैरं अल्पकैरपि नश्यति ।
४४१९-२ जनैः प्रत्यायितोऽमात्यं प्रेतमित्यत्यजन्नृपः ॥

४४१९आ-१ आचरेच्च सकलां रतिचर्यां कामसूत्रविहितामनवद्यां ।
४४१९आ-२ देशकालबलशक्त्यनुरोधाद्वैद्यतन्त्रसमयोक्त्यविरुद्धां ॥

४४२०-१ आचान्तकान्तिरुन्निद्रैर्मयूखैरहिमत्विषः ।
४४२०-२ धूसरापि कला चान्द्री किं न बध्नाति लोचनं ॥

४४२१-१ आचारं भजते त्यजत्यपि मदं वैराग्यमालम्बते कर्तुं वाञ्छति सङ्गभङ्गगलितोत्तुङ्गाभिमानं तपः ।
४४२१-२ दैवन्यस्तविपर्ययैः सुखशिखाभ्रष्टः प्रणष्टो जनः प्रायस्तापविलीनलोहसदृशीमायाति कर्मण्यतां ॥

४४२२-१ आचारः कुलमाख्याति देशमाख्याति भाषणं ।
४४२२-२ संभ्रमः स्नेहमाख्याति वपुराख्याति भोजनं ॥

४४२३-१ आचारः कुलमाख्याति वपुराख्याति भोजनं ।
४४२३-२ वचनं श्रुतमाख्याति स्नेहमाख्याति लोचनं ॥

४४२४-१ आचारः खलु कर्तव्यः प्राणैः कण्ठगतैरपि ।
४४२४-२ आचारैः शुध्यते देहो वस्त्रं क्षारोदकैरिव ॥

४४२५-१ आचारः परमो धर्म आचारः परमं तपः ।
४४२५-२ आचारः परमं ज्ञानं आचारात्किं न साध्यते ॥

४४२६-१ आचारः परमो धर्मः श्रुत्युक्तः स्मार्त एव च ।
४४२६-२ तस्मादस्मिन्सदा युक्तो नित्यं स्यादात्मवान्द्विजः ॥

४४२७-१ आचारः परमो धर्मः सर्वेषामिति निश्चयः ।
४४२७-२ हीनाचारपरीतात्मा प्रेत्य चेह च नश्यति ॥

४४२८-१ आचारः प्रथमो धर्मो नृणां श्रेयस्करो महान् ।
४४२८-२ इहलोके परा कीर्तिः परत्र परमं सुखं ॥

४४२९-१ आचार इत्यवहितेन मया गृहीता या वेत्रयष्टिरवरोधगृहेषु राज्ञः ।
४४२९-२ काले गते बहुतिथे मम सैव जाता प्रस्थानविक्लवगतेरवलम्बनाय ॥

४४३०-१ आचारधाराधवलीकृतानां राधाधवाराधनमानसानां ।
४४३०-२ विद्याविवेकोन्नतिभूषितानां भवादृशानामिह का प्रशंसा ॥

४४३१-१ आचारप्रभवो धर्मो नृणां श्रेयस्करो महान् ।
४४३१-२ इहलोके परा कीर्तिः परत्र परमं सुखं ॥

४४३२-१ आचारप्रेरको राजा ह्येतत्कालस्य कारणं ।
४४३२-२ यदि कालह्प्रमाणं हि कस्माद्धर्मोऽस्ति कर्तृषु ॥

४४३३-१ आचारमाचर चिरादालस्यमपास्य जात्युचितं ।
४४३३-२ लोकानुरागसाधनं आराधनमेतदेव हरेः ॥

४३३४-१ आचारसंभवो धर्मो धर्माद्वेदाः समुत्थिताः ।
४३३४-२ वेदैर्यज्ञाः समुत्पन्ना यज्ञैर्देवाः प्रतिष्ठिताः ॥

४४३५-१ आचारहीनं न पुनन्ति वेदा यद्यप्यधीता सह षड्भिरङ्गैः ।
४४३५-२ छन्दांस्येनं मृत्युकाले त्यजन्ति नीडं शकुन्ता इव जातपक्षाः ॥

४४३६-१ आचारहीनस्य तु ब्राह्मणस्य वेदाः षडङ्गास्त्वखिलाः सयज्ञाः ।
४४३६-२ कां प्रीतिमुत्पादयितुं समर्था अन्धस्य दारा इव दर्शनीयाः ॥

४४३७-१ आचारात्फलते धर्म आचारात्फलते धनं ।
४४३७-२ आचाराच्छ्रियमाप्नोति आचारो हन्त्यलक्षणं ॥

४४३८-१ आचाराद्विच्युतो विप्रो न वेदफलमश्नुते ।
४४३८-२ आचारेण तु संयुक्तः संपूर्णफलभाक्स्मृतः ॥

४४३९-१ आचाराल्लभते धर्मं आचाराल्लभते धनं ।
४४३९-२ आचाराच्छ्रियमाप्नोति आचारो हन्त्यलक्षणं ॥

४४४०-१ आचाराल्लभते ह्यायुराचारादीप्सितां प्रजां ।
४४४०-२ आचाराद्धनमक्षय्यं आचारो हन्त्यलक्षणं ॥

४४४१-१ आचाराल्लभते ह्यायुराचाराल्लभते श्रियं ।
४४४१-२ आचारात्कीर्तिमाप्नोति पुरुषः प्रेत्य चेह च ॥

४४४३-१ आचारो ग्रामवासान्तो गृहान्ता प्रभुता स्त्रियः ।
४४४३-२ नृपश्रीर्ब्रह्मशापान्ता फलान्तं ब्रह्मवर्चसं ॥

४४४४-१ आचार्यः सप्तयुद्धः स्याच्चतुर्युद्धस्तु भार्गवः ।
४४४४-२ द्वाभ्यां चैव भवेद्योध एकेन गणको भवेत् ॥

४४४५-१ आचार्यः सर्वचेष्टासु लोक एव हि धीमतः ।
४४४५-२ अनुकुर्यात्तमेवातो लौकिकार्थे परीक्षकः ॥

४४४६-१ आचार्यमानीय शुभेऽह्नि कार्यं पैष्टं श्वयुग्मं शुचिरर्चयित्वा ।
४४४६-२ क्षीरेण भोज्यं भषणस्य तुष्ट्यै दद्यात्कुमारीशिशुबान्धवेभ्यः ॥

४४४७-१ आचार्यश्च पिता चैव माता भ्राता च पूर्वजः ।
४४४७-२ नार्तेनाप्यवमन्तव्या ब्राह्मणेन विशेषतः ॥

४४४८-१ आचार्या नरपतयश्च तुल्यशीला न ह्येषां परिचितिरस्ति सौहृदं वा ।
४४४८-२ शुश्रूषां चिरमपि सम्चितां प्रयत्नात्संक्रुद्धा रज इव नाशयन्ति मेघाः ॥

४४४९-१ आचार्येण धनुर्देयं ब्राह्मणे सुपरीक्षिते ।
४४४९-२ लुब्धे धूर्ते कृतघ्ने च मन्दबुद्धौ न दीयते ॥

४४५०-१ आचार्योपासनं वेदशास्त्रार्थेषु विवेकिता ।
४४५०-२ तत्कर्मणामनुष्ठानं सङ्गः सद्भिर्गिरः शुभाः ॥

४४५१-१ स्त्र्यालोकालम्भविगमः सर्वभूतात्मदर्शनं ।
४४५१-२ त्यागः परिग्रहाणां च जीर्णकाषायधारणं ॥

४४५२-१ विषयेन्द्रियसंरोधस्तन्द्रालस्यविवर्जनं ।
४४५२-२ शरीरपरिसंख्यानं प्रवृत्तिष्वघदर्शनं ॥

४४५३-१ नीरजस्तमसा सत्त्वशुद्धिर्निःस्पृहता शमः ।
४४५३-२ एतैरुपायैः संशुद्धः स हि योग्यमृतीभवेत् ॥

४४५४-१ आचार्यो ब्रह्मणो मूर्तिः पिता मूर्तिः प्रजापतेः ।
४४५४-२ भ्राता मरुत्पतेमूर्तिर्माता साक्षात्क्षितेस्तनुः ॥

४४५५-१ दयाया भगिनी मूर्तिर्धर्मस्यात्मातिथिः स्वयं ।
४४५५-२ अग्नेरभ्यागतो मूर्तिः सर्वभूतानि चात्मनः ॥

४४५६-१ आचार्यो ब्रह्मणो मूर्तिः पिता मूर्तिः प्रजापतेः ।
४४५६-२ माता पृथिव्या मूर्तिश्च भ्राता स्वो मूर्तिरात्मनः ॥

४४५७-१ आचार्यो ब्रह्मलोकेशः प्राजापत्ये पिता प्रभुः ।
४४५७-२ अतिथिस्त्विन्द्रलोकेशो देवलोकस्य चर्त्विजः ॥

४४५८-१ आचार्यौ द्वारिहेतौ (

?)

शरकलशभरौ (

?)

द्रोणभूस्तत्समानो भीष्मस्तातस्य तातो धनुषि न सदृशाः कर्णदुर्योधनाद्याः ।
४४५८-२ इत्थं हन्तव्यचिन्ताकुलहृदयतला कौरवाणां पुरस्ताद्दीव्यद्दोःस्तम्भशाली समिति विजयते पाण्डवह्खाण्डवारिः ॥

४४५९-१ आचिन्वानमहन्यहन्यहनि साकारान्विहारक्रमानारुन्धानमरुन्धतीहृदयमप्यार्द्रस्मितार्द्रश्रिया ।
४४५९-२ आतन्वानमनन्यजन्मनयनश्लाघ्यामनर्घ्यां दशां आनन्दं व्रजसुन्दरीस्तनतटीसाम्राज्यमुज्जृम्भते ॥

४४६०-१ आचीर्णमशुभं कर्म द्विजा भोगाय कल्पते ।
४४६०-२ अवेष्टितगलो नागः किमदष्ट्वा हि गच्छति ॥

४४६१-१ आचुम्बितं कामिवरेण हर्षात्सकामवामाचिबुकं मनोज्ञं ।
४४६१-२ शृङ्गारसत्संपुटपद्ममध्ये भृङ्गाभिधः (

?)

कोरकवद्विभाति ॥

४४६२-१ आचुम्ब्य बिम्बाधरमङ्गवल्लीं आलिङ्ग्य संस्पृश्य कपोलपालिं ।
४४६२-२ श्रीखण्डमादाय करेण कान्तः संत्रासयामास सरोरुहाक्षीं ॥

४४६३-१ आचूडमाचरणमम्ब तवानुवारं अन्तःस्मरन्भुवनमङ्गलमङ्गमङ्गं ।
४४६३-२ आनन्दसागरतरङ्गपरम्पराभिरान्दोलितो न गणयामि गतान्यहानि ॥

४४६४-१ आच्छन्ने क्षितितेजसी मनसिजव्यापारमेयं मनः स्वात्मा च द्वयमेतदस्ति दशमं द्रव्यं परेषां तमः ।
४४६४-२ कालाकाशदिशां निरस्तमधुना नामापि वर्षागमे द्रव्यं वारि गुणश्च वारिदरवः कर्मापि वारिक्रिया ॥

४४६५-१ आच्छादयसि किं मुग्धे वस्त्रेणाधरपल्लवं ।
४४६५-२ खण्डिता एव शोभन्ते वीराधरपयोधराः ॥

४४६६-१ आच्छादितायतदिगम्बरमुच्चकैर्गां आक्रम्य संस्थितमुदग्रविशालशृङ्गं ।
४४६६-२ मूर्ध्निस्खलत्तुहिनदीधितिकोटिमेनं उद्वीक्ष्य को भुवि न विस्मयते नगेशं ॥

४४६७-१ आच्छाद्य पुष्पपटमेष महान्तमन्त- रावर्तिभिर्गृहकपोतशिरोधराभैः ।
४४६७-२ स्वाङ्गानि धूमरुचिमागुरवीं दधानैर्धूपायतीव पटलैर्नवनीरदानां ॥

४४६८-१ आच्छिद्य प्रियतः कदम्बकुसुमं यस्यारिदारैर्नवं यात्राभङ्गविधायिनो जलमुचां कालस्य चिह्नं महत् ।
४४६८-२ हृष्यद्भिः परिचुम्बितं नयनयोर्न्यस्तं हृदि स्थापितं सीमन्ते निहितं कथंचन ततः कर्णावतंसीकृतं ॥

४४६९-१ आच्छिद्य लक्ष्मीमित एव पूर्वं अत्रैव विस्रम्भसुखप्रसुप्तः ।
४४६९-२ एकः परं वेद स कैटभारिर्महाशयत्वं मकरालयस्य ॥

४४७०-१ आच्छिद्योरगमण्डलीकबलनाकाङ्क्षारसं पत्रिणां भर्तुर्येन शरीरदानविधिना मन्ये जगद्रक्षितं ।
४४७०-२ नो चेत्तेन गरुत्मता कबलिते शेषे निरालम्बना क्व क्षोणी क्व पयोधराः क्व गिरयः क्वैते दिशां नायकाः ॥

४४७१-१ आजगाम यदा लक्ष्मीर्नारिकेलफलाम्बुवत् ।
४४७१-२ निर्जगाम यदा लक्ष्मीर्गजभुक्तकपित्थवत् ॥

४४७२-१ आजननादामरणा- दभ्यस्यतु वायसस्तपस्यतु वा ।
४४७२-२ एकामपि काकलिकां कोकिलकान्तेव नाकलयेत् ॥

४४७३-१ आजननादामरणा- दभ्यस्यतु वायसस्तपस्यतु वा ।
४४७३-२ केकिवदेकां केकां कोकिलवत्पञ्चमं च किं कुरुते ॥

४४७४-१ आजन्मकल्पतरुकाननकामचारी यत्कौतुकादुपगतः कुटजं मिलिन्दः ।
४४७४-२ तत्कर्मणः सुसदृशं फलमेतदेव यत्प्राप्य साम्यमधुना मधुमक्षिकाभिः ॥

४४७५-१ आ जन्मनः कुशलमण्वपि रे कुजन्मन्पांसो त्वया यदि कृतं वद तत्त्वमेतत् ।
४४७५-२ उत्थापितोऽस्यनलसारथिना यदर्थं दुष्टेन तत्कुरु कलङ्कय विश्वमेतत् ॥

४४७६-१ आ जन्मनः प्रतिमुहूर्तविशेषरम्याण्याचेष्टितानि तव संप्रति तानि तानि ।
४४७६-२ चाटूनि चारुमधुराणि च संस्मृतानि देहं दहन्ति हृदयं च विदारयन्ति ॥

४४७७-१ आ जन्मनः शाठ्यमशिक्षितो यस्तस्याप्रमाणं वचनं जनस्य ।
४४७७-२ परातिसम्धानमधीयते यैर्विद्येति ते सन्तु किलाप्तवाचः ॥

४४७८-१ आ जन्मनः सहजतुल्यर्विवर्तमान- दौर्गत्यतोऽस्ति परमो न सुहृन्ममान्यः ।
४४७८-२ येनात्मनोऽपरिगणय्य विनाशमाशु देव त्वदाश्रयणपुण्यधनः कृतोऽस्मि ॥

४४७९-१ आ जन्मनः सह निवासितया मयैव मातुः पयोधरपयोऽपि समं निपीय ।
४४७९-२ त्वं पुण्डरीकमुख बन्धुतया निरस्तं एको निवापसलिलं पिबसीत्ययुक्तं ॥

४४८०-१ आ जन्मनो विहितभक्तिरनन्यनाथः सारथ्यकर्मणि च दक्षतया नियुक्तः ।
४४८०-२ नाद्याप्यवाप चरणावरुणोऽपि सूर्यात्पुण्यैर्विना नहि भवन्ति मनीषितानि ॥

४४८१-१ आजन्मब्रह्मचारी पृथुलभुजशिलास्तम्भविभ्राजमान- ज्याघातश्रेणिसम्ज्ञान्तरितवसुमती चक्रजैत्रप्रशस्तिः ।
४४८१-२ वक्षः पीठे घनास्त्रव्रणकिणकठिने संक्ष्णुवानः पृषत्कान्प्राप्तो राजन्यगोष्ठीवनगजमृगया कौतुकी जामदग्न्यः ॥

४४८२-१ आजन्मब्रह्मचारी सकलरिपुकुलानल्पकालाग्निकल्पः कल्पान्तः कल्पकर्ता कपिशतनुरुचिः कामगः कामदाता ।
४४८२-२ कान्तः कामारिबन्धुः कपिकुलतिलकः कोपनः क्ॐअलाङ्गः कौशल्यासूनुदूतः कलयतु कुशलं वायुपुत्रश्चिरं वः ॥

४४८३-१ आजन्मविषसंभोगात्कन्या विषमयी कृता ।
४४८३-२ स्पर्शोच्छ्वासादिभिर्हन्ति तस्यास्त्वेतत्परीक्षणं ॥

४४८४-१ आजन्मव्यवसायिना क्रतुशतैराराध्य पुष्पायुधं केनाकारि पुरा तनूदरि तनुत्यागः प्रयागभ्रमे ।
४४८४-२ यस्यार्थे सखि लोलनेत्रनलिनीनालायमानस्खलद्- बष्पाम्भःपतनान्तरालवलितग्रीवं पथः पश्यसि ॥

४४८५-१ आजन्मसिद्धं कौटिल्यं खलस्य च हलस्य च ।
४४८५-२ सोढुं तयोर्मूखाक्षेपं अलमेकैव सा क्षमा ॥

४४८६-१ आजन्मसेवितं दानैर्मानैश्च परिपोषितं ।
४४८६-२ तीक्ष्णवाक्यान्मित्रमपि तत्कालं याति शत्रुतां ।
४४८६-३ वक्रोक्तिशल्यमुद्धर्तुं न शक्यं मानसं यतः ॥

४४८७-१ आजन्मस्थितयो महीरुह इमे कूले समुन्मूलिताः कल्लोलाः क्षणभङ्गुराः पुनरमी नीताः परामुन्नतिं ।
४४८७-२ अन्तः प्रस्तरसंग्रहो बहिरपि भ्रश्यन्ति गन्धद्रुमा भ्रातः शोण न सोऽस्तियो न हसति त्वत्संपदां विप्लवे ॥

४४८८-१ आजन्मानुगतेऽप्यस्मिन्नाले विमुखमम्बुजं ।
४४८८-२ प्रायेण गुणपूर्णेषु रीतिर्लक्ष्मीवतामियं ॥

४४८९-१ आजन्मैव तमः सुहृत्कुटिलता वक्त्रे गिरां निर्गमो ग्रामोत्सादकरः श्मशानविटपी प्रायेण यस्याश्रयः ।
४४८९-२ धिग्धातः ससृजे स एव मलिनः क्रूरः कथं कौशिकः सृष्टो वा किमकल्प्यतास्य भवता कल्पान्तमायुः स्थिरं ॥

४४९०-१ आजानुलम्बिबाहुः कम्बुग्रीवो बली चतुर्दंष्ट्रः ।
४४९०-२ भाग्यनिधिः पृथुवक्षा लघुमधुराशी च पद्माक्षः ॥

४४९१-१ आजावसौ चोडनृपस्य सेना महावनस्याश्वमृगाकुलस्य ।
४४९१-२ मत्तेभसारद्रुमपूर्णितस्य दावानलोऽभूच्चलमूर्तिचण्डः ॥

४४९२-१ आजीवः कपटानुरागकलया दोषो न दुःशीलता वैधव्यं न च बाधते सदसतोः संभावनाव्यत्ययात् ।
४४९२-२ यत्किंचित्करणे परस्वहरण व्रीडा न पीडाकरी नो वा राजभयं च ही बत सुखं जीवन्ति वारस्त्रियः ॥

४४९३-१ आ जीवनास्तात्प्रणयाः कोपास्तत्क्षणभङ्गुराः ।
४४९३-२ परित्यागाश्च निःसङ्गा भवन्ति हि महात्मनां ॥

४४९४-१ आजीवितान्ताः प्रणयाः कोपाश्च क्षणभङ्गुराः ।
४४९४-२ परित्यागाश्च निःसङ्गा न भवन्ति महात्मनां ॥

४४९५-१ आजीवोच्छित्तये यासां प्रीतिद्वेषावुभौ हि तौ ।
४४९५-२ कथं नु खलु तौ तासां स्यातामुपरि कस्यचित् ॥

४४९६-१ आजीव्यः सर्वभूतानां राजा पर्जन्यवद्भवेत् ।
४४९६-२ निराजीव्यं त्यजन्त्येनं शुष्कं सर इवाण्डजाः ॥

४४९७-१ आजीव्यैकतरं भावं यस्त्वन्यमुपजीवति ।
४४९७-२ न तस्माद्विन्दते क्षेमं जारान्नार्यसती यथा ॥

४४९८-१ आजौ त्वद्वाजिराजिप्रखरखुरतरन्यासलीलाभिरुर्व्यां दीर्णायां देव निर्यन्नविरलमवनीपाल पातालवह्निः ।
४४९८-२ अश्नीयाद्विश्वमेव प्रतिनृपतिवधूनेत्रधाराम्बुधारा- वारा यद्येनमारादरिकुलदमन द्राङ्न निर्वापयेयुः ॥

४४९९-१ आज्ञां मन्मथचक्रवर्तिनृपतेरादाय निःशङ्कधीर्भ्राम्यद्भृङ्गमहाजनान्पिकगिरा साकूतमाकारयन् ।
४४९९-२ कुञ्जाटे च्युतपत्रसंस्तरवति श्रीमान्वसन्ताभिधो व्यापारी सुमन्ॐअरन्दवसुभिर्वाणिज्यमालम्बते ॥

४५००-१ आज्ञाकरश्च ताडन- परिभवसहनश्च सत्यमहमस्याः ।
४५००-२ न तु शीलशीतलेयं प्रियेतरद्वक्तुमपि वेद ॥

४५०१-१ आज्ञा काकुर्याच्ञा- क्षेपो हसितं च शुष्करुदितं च ।
४५०१-२ इति निधुवनपाण्डित्यं ध्यायंस्तस्या न तृप्यामि ॥

४५०२-१ आज्ञा कीर्तिः पालनं ब्राह्मणानां दानं भोगो मित्रसंरक्षणं च ।
४५०२-२ येषामेते षड्गुणा न प्रवृत्ताः कोऽर्थस्तेषां पार्थिवोपाश्रयेण ॥

४५०३-१ आज्ञा तेजः पार्थिवानां सा च वाचि प्रतिष्ठिता ।
४५०३-२ यत्ते ब्रूयुरसत्सद्वा स धर्मो व्यवहारिणां ॥

४५०४-१ आज्ञापयिष्यसि पदं दास्यसि दयितस्य शिरसि किं त्वरसे ।
४५०४-२ असमयमानिनि मुग्धे मा कुरु भग्नाङ्कुरं प्रेम ॥

४५०५-१ आज्ञाभङ्गकरान्राजा न क्षमेत सुतानपि ।
४५०५-२ विशेषः को नु राज्ञश्च राज्ञश्चित्रगतस्य च ॥

४५०६-१ आज्ञाभङ्गो नरेन्द्राणां ब्राह्मणानामनादरः ।
४५०६-२ पृथक्शय्या च नारीणां अशस्त्रविहितो वधः ॥

४५०७-१ आज्ञामवाप्य महतीं द्विषतां निखातान्- निर्वर्त्य तां सपदि लब्धमुखप्रसादः ।
४५०७-२ उच्चैः प्रमोदमनुमोदितदर्शनः सन्धन्यो नमस्यति पदाम्बुरुहं प्रभूणां ॥

४५०८-१ आज्ञामात्रफलं राज्यं ब्रह्मचर्यफलं तपः ।
४५०८-२ ज्ञानमात्रफला विद्या दत्तभुक्तफलं धनं ॥

४५०९-१ आज्ञामेव मुनेर्निधाय शिरसा विन्ध्याचल स्थीयतां अत्युच्चैः पदमिच्छता पुनरियं नो लङ्घनीया त्वया ।
४५०९-२ मैनाकादिमहीध्रलब्धवसतिं यः पीतवानम्बुधिं तस्य त्वां गिलतः कपोलमिलनक्लेशोऽपि किं जायते ॥

४५१०-१ आज्ञा मौलिषु भूभुजां भयरुजा चित्तेषु दुर्मेधसां प्रीतिः सत्सु दिशासु कीर्तिरतुला येनार्पिता सर्वतः ।
४५१०-२ सर्वं राज्यमकण्टकं च विहितं ध्वस्ता द्विषां संपदः सोऽसौ संमतवैभवो विजयते श्रीराजनारायणः ॥

४५११-१ आज्ञारूपेण या शक्तिः सर्वेषां मूर्धनि स्थिता ।
४५११-२ प्रभुशक्तिर्हि सा ज्ञेया प्रभावमहितोदया ॥

४५१२-१ आज्ञा शक्रशिखामणिप्रणयिनी शास्त्राणि चक्षुर्नवं भक्तिर्भूतपतौ पिनाकिनि पदं लङ्केति दिव्या पुरी ।
४५१२-२ उत्पत्तिर्द्रुहिणान्वये च तदहो नेदृग्वरो लभ्यते स्याच्चेदेष न रावणः क्व नु पुनः सर्वत्र सर्वे गुणाः ॥

४५१३-१ आज्ञासंपादिनीं दक्षां वीरसूं प्रियवादिनीं ।
४५१३-२ योऽदृष्टदोषां त्यजति सोऽक्षयं नरकं व्रजेत् ॥

४५१४-१ आज्ञेव शम्बररिपोरवलङ्घनीया वाञ्छेव विग्रहवती वशगा दृशोर्मे ।
४५१४-२ अन्यार्थमेव किमुतापणमभ्युपैति संदेशमानयति सा किमु सारसाक्ष्याः ॥

४५१५-१ आञ्जस्यं व्यवहाराणां आर्जवं परमं धियां ।
४५१५-२ स्वातन्त्र्यमपि तन्त्रेषु सूते काव्यपरिश्रमः ॥

४५१६-१ आटीकसेऽङ्गकरिघोटीपदातिजुषि वाटीभुवि क्षितिभुजां चेटी भवंस्तदपि शाटीनते वपुषि वीटीनवाधिवदनं ।
४५१६-२ कोटीररत्नपरिपाटी भृशारुणितजूटीविधुन्तनुलसन्पाटीरलिप्तिमिभधाटीजुषं सुरवधूटीनुतां भज शिवं ॥

४५१७-१ आटोपेन पटीयसा यदपि सा वाणी कवेरामुखे खेलन्ती प्रथते तथापि कुरुते नो सन्मनोरञ्जनं ।
४५१७-२ न स्याद्यावदमन्दसुन्दरगुणालंकारझंकारितः सप्रस्यन्दिलसद्रसायनरसासारानुसारी रसः ॥

४५१८-१ आढ्यराजकृतोत्साहैर्हृदयस्थैः स्मृतैरपि ।
४५१८-२ जिह्वान्तःकृष्यमाणेव न कवित्वे प्रवर्तते ॥

४५१९-१ आढ्यस्य किं च दानेन सुहितस्याशनेन किं ।
४५१९-२ किं शशाङ्केन शीतालोः किं घनेन हिमागमे ॥

४५२०-१ आढ्यानां मांसपरमं मध्यानां गोरसोत्तरं ।
४५२०-२ तैलप्रायं दरिद्राणां भोजनं भरतर्षभ ॥

४५२१-१ आढ्यान्निवापलम्भो निकेतगामी च पिच्छिलः पन्थाः ।
४५२१-२ द्वयमाकुलयति चेतः स्कन्धावारद्विजातीनां ॥

४५२२-१ आढ्यो वापि दरिद्रो वा दुःखितः सुखितोऽपि वा ।
४५२२-२ निर्दोषो वा सदोषो वा वयस्यः परमा गतिः ॥

४५२३-१ आततायिनमायान्तं हन्यादेवाविचारयन् ।
४५२३-२ हननादेव निस्तारो नरकात्तस्य दुष्कृतेः ॥

४५२४-१ आततायिनमायान्तं अपि वेदान्तपारगं ।
४५२४-२ जिघांसन्तं जिघांसीयान्न तेन ब्रह्महा भवेत् ॥

४५२५-१ आतन्वद्भिर्दिक्षु पत्राग्रनादं प्राप्तैर्दूरादाशु तीक्ष्णैर्मुखाग्रैः ।
४५२५-२ आदौ रक्तं सैनिकानामजीवैर्जीवैः पश्चात्पत्रिपूगैरपायि ॥

४५२६-१ आतपत्यविदुषाममृतांशुं अंशुमन्तमपि रश्मिसहस्रे ।
४५२६-२ रागिणां भवति लक्षणमिन्दोरिन्द्रनीलशकलच्छविलक्ष्म ॥

४५२७-१ आतपासहनः पाण्डुः शाखाहीनो मुहुर्यदि ।
४५२७-२ अकालफलपाकी स्याच्छाखी पित्तात्मकः कृशः ॥

४५२८-१ आतपे धृतिमता सह वध्वा यामिनीविरहिणा विहगेन ।
४५२८-२ सेहिरे न किरणा हिमरश्मेर्दुःखिते मनसि सर्वमसह्यं ॥

४५२९-१ आतरलाघवहेतोर्मुरहर तरिं तवावलम्बे ।
४५२९-२ अपणं पणमिह कुरुषे नाविकपुरुषे न विश्वासः ॥

४५३०-१ आताम्रतामपनयामि विवर्ण एष लाक्षाकृतां चरणयोस्तव देवि मूर्ध्ना ।
४५३०-२ कोपोपरागजनितां तु मुखेन्दुबिम्बे हर्तुं क्षमो यदि परं करुणामयि स्यात् ॥

४५३१-१ आताम्राः किरणा रवेर्नवदलत्वक्पल्लवाः पादपाः वल्ल्यस्तारकतुल्यकान्तिसुमनःसौरभ्यसंभाविताः ।
४५३१-२ वात्यस्मिन्मधुमत्तषट्पदपदव्याधूतचूतद्रुम- प्राग्भारप्रपतत्परागपटलामोदी मरुद्दाक्षिणः ॥

४५३२-१ आताम्राभा रोषभाजः कटान्तादाशूत्खाते मार्गणे धूर्गतेन ।
४५३२-२ निश्च्योतन्ती नागराजस्य जज्ञे दानस्याहो लोहितस्येव धारा ॥

४५३३-१ आताम्रायतलोचनांशुलहरीलीलासुधाप्यायितैः गीताम्रेडितदिव्यकेलिभरितैः स्फीतं व्रजस्त्रीजनैः ।
४५३३-२ स्वेदाम्भःकणभूषितेन किमपि स्मेरेण वक्त्रेन्दुना पादाम्भोजमृदुप्रचारसुभगं पश्यामि दृश्यं महः ॥

४५३४-१ आताम्रे नयने स्फुरन्कुचभरः श्वासो न विश्राम्यति स्वेदाम्भःकणदन्तुरं तव मुखं हेतुस्तु नो लक्ष्यते ।
४५३४-२ धिक्को वेद मनः स्त्रिया इति गिरा रुष्टां प्रियां भीषयंस्तस्यास्तत्क्षणकातरेक्षणपरिस्पृष्टो हरिः पातु वः ॥

४५३५-१ आताम्रौ पूजितावोष्ठौ लेलिहानौ मृदुत्वचौ ।
४५३५-२ जिह्वा रक्ता च तन्वी च तालु रक्तं प्रशस्यते ॥

४५३६-१ आतारुण्योद्भेदात्कान्ते दृष्टिर्यथा न्यस्ता ।
४५३६-२ सामाजिकमध्यस्था कथमन्या समुपयाति परभागं ॥

४५३७-१ आतिथ्यं ब्राह्मणानां तु कुर्यात्प्रतिदिनं गृहे ।
४५३७-२ आतिथ्ये रन्तिदेवस्य मधुपर्कं गवां शतं ॥

४५३८-१ आतिथ्ये श्राद्धयज्ञेषु देवयात्रोत्सवेषु च ।
४५३८-२ महाजने च सिद्धार्थो न गच्छेद्योगवित्क्वचित् ॥

४५३९-१ आतुरस्य कुतो निद्रा त्रस्तस्यामर्षितस्य च ।
४५३९-२ अर्थं चिन्तयतो वापि कामयानस्य वा पुनः ॥

४५४०-१ आतुराद्वित्तहरणं मृताच्च प्रपलायनं ।
४५४०-२ एतद्वैद्यस्य वैद्यत्वं न वैद्यः प्रभुरायुषः ॥

४५४१-१ आतुरे च पिता वैद्यः स्वस्थीभूते च बान्धवः ।
४५४१-२ गते रोगे कृते स्वास्थ्ये वैद्यो भवति पालकः ॥

४५४२-१ आतुरे नियमो नास्ति बाले वृद्धे तथैव च ।
४५४२-२ पराचाररते चैव एष धर्मः सनातनः ॥

४५४३-१ आत्तमात्तमधिकान्तमुक्षितुं कातरा शफरशङ्किनी जहौ ।
४५४३-२ अञ्जलौ जलमधीरलोचना लोचनप्रतिशरीरलाञ्छितं ॥

४५४४-१ आत्ते वाससि रोद्धुमक्षमतया दोःकन्दलीभ्यां स्तनौ तस्योरःस्थलमुत्तरीयविषये सद्यो मया सञ्जितं ।
४५४४-२ श्रोणीं तस्य करेऽधिरोहति पुनर्व्रीडाम्बुधौ मामथो मज्जन्तीमुदतारयन्मनसिजो देवः स मूर्च्छागुरुः ॥

४५४५-१ आत्ते सीमन्तरत्ने मरकतिनि हृते हेमताटङ्कपत्रे लुप्तायां मेखलायां झटिति मणितुलाकोटियुग्मे गृहीते ।
४५४५-२ शोणं बिम्बोष्ठकान्त्या त्वदरिमृगदृशामित्वरीणामरण्ये राजन्गुञ्जाफलानां स्रज इति शबरा नैव हारं हरन्ति ॥

४५४६-१ आत्मकार्यं महाकार्यं परकार्यं न केवलं ।
४५४६-२ आत्मकार्यस्य दोषेण कूपे पतति मानवः ॥

४५४७-१ आत्मच्छन्देन वर्तन्ते नार्यो मन्मथचोदिताः ।
४५४७-२ न च दह्यन्ति गच्छन्त्यः सुतप्तैरपि पांसुभिः ॥

४५४८-१ आत्मच्छिद्रं न जानाति परच्छिद्राणि पश्यति ।
४५४८-२ श्वच्छिद्रं यदि जानाति परच्छिद्रं न पश्यति ॥

४५४९-१ आत्मजन्मास्पदं वंशं कामं दहन वार्यसे ।
४५४९-२ किं तु संनिहितानेताणप्यग्ने किं दहस्यहो ॥

४५५०-१ आत्मजादिपरिक्लेशं आत्मन्यारोप्य मूढधीः ।
४५५०-२ प्रतिकर्तुमशक्तोऽपि वार्द्धक्ये शोचते परं ॥

४५५१-१ आत्मज्ञः शौचवान्दान्तस्तपस्वी विजितेन्द्रियः ।
४५५१-२ धर्मकृद्वेदविद्यावित्सात्त्विको देवयोनितां ॥

४५५२-१ आत्मज्ञानं समारम्भस्तितिक्षा धर्मनित्यता ।
४५५२-२ यमर्थान्नापकर्षन्ति स वै पण्डित उच्यते ॥

४५५३-१ आत्मज्ञानमनायासस्तितिक्षा धर्मनित्यता ।
४५५३-२ वाक्चैव गुप्ता दानं च नैतान्यन्त्येषु भारत ॥

४५५४-१ आत्मज्ञानी यतो धन्यो मध्यः पितृपितामहैः ।
४५५४-२ मातृपक्षेण मात्रा च ख्यातिं याति नराधमः ॥

४५५५-१ आत्मतत्त्वं न जानाति करोति बहुविस्तरं ।
४५५५-२ स एव निधनं याति नालिकेरोदकं यथा ॥

४५५६-१ आत्मदेहस्य मांसानि भोक्तुं ब्रह्मन्न शक्यते ।
४५५६-२ देहिनां वद यद्योग्यं संतुष्टिर्जायते यतः ॥

४५५७-१ आत्मदोषैर्नियच्छन्ति सर्वे दुःखमुखे जनाः ।
४५५७-२ मन्ये दुश्चरितं तेऽस्ति तस्येयं निष्कृतिः कृता ॥

४५५८-१ आत्मद्वेषाद्भवेन्मृत्युः परद्वेषाद्धनक्षयः ।
४५५८-२ राजद्वेषाद्भवेन्नाशो ब्रह्मद्वेषात्कुलक्षयः ॥

४५५९-१ आत्मनः प्रतिकूलानि परेभ्यो यदि नेच्छसि ।
४५५९-२ परेषां प्रतिकूलेभ्यो निवर्तय ततो मनः ॥

४५६०-१ आत्मनः प्रीयते नात्मा परतः स्वत एव वा ।
४५६०-२ लक्षयेऽलब्धकामं त्वां चिन्तया शबलं मुखं ॥

४५६१-१ आत्मनः शक्तिमुद्वीक्ष्य मानोत्साहौ तु यो व्रजेत् ।
४५६१-२ शत्रूनेकोऽपि हन्याच्च क्षत्रियान्भार्गवो यथा ॥

४५६२-१ आत्मनश्च परित्राणे दक्षिणानां च संगरे ।
४५६२-२ स्त्रीविप्राभ्युपपत्तौ च घ्नन्धर्मेण न दुष्यति ॥

४५६३-१ आत्मनश्च परेषां च प्रतापस्तव कीर्तिनुत् ।
४५६३-२ भयकृद्भूपतेर्बाहुर्द्विषां च सुहृदां च ते ॥

४५६४-१ आत्मनश्च परेषां च यः समीक्ष्य बलाबलं ।
४५६४-२ अन्तरं नैव जानाति स तिरस्क्रियतेऽरिभिः ॥

४५६५-१ आत्मनश्चपलो नास्ति कुतोऽन्येषां भविष्यति ।
४५६५-२ तस्मात्सर्वाणि कार्याणि चपलो हन्त्यसंशयं ॥

४५६६-१ आत्मनश्च प्रजायाश्च दोषदर्श्युत्तमो नृपः ।
४५६६-२ विनियच्छति चात्मानं आदौ भृत्यांस्ततः प्रजाः ॥

४५६७-१ आत्मनात्मानमन्विच्छेन्मनोबुद्धीन्द्रियैर्यतैः ।
४५६७-२ आत्मैव ह्यात्मनो बन्धुरात्मैव रिपुरात्मनः ॥

४५६८-१ आत्मनानर्थयुक्तेन पापे निविशते मनः ।
४५६८-२ स कर्म कलुषं कृत्वा क्लेशे महति धीयते ॥

४५६९-१ आत्मनाम गुरोर्नाम नामातिकृपणस्य च ।
४५६९-२ आयुष्कामो न गृह्णीयात्ज्येष्ठापत्यकलत्रयोः ॥

४५७०-१ आत्मना विहितं दुःखं आत्मना विहितं सुखं ।
४५७०-२ गर्भशय्यामुपादाय भुज्यते पौर्वदेहिकं ॥

४५७१-१ आत्मनाशाय नोन्नत्यै छिद्रेण परिपूर्णता ।
४५७१-२ भूयो भूयो घटीपात्रं निमज्जत्किं न पश्यसि ॥

४५७२-१ आत्मना संगृहीतेन शत्रुणा शत्रुमुद्धरेत् ।
४५७२-२ पदलग्नं करस्थेन कण्टकेनैव कण्टकं ॥

४५७३-१ आत्मनिन्दात्मपूजा च परनिन्दा परस्तवः ।
४५७३-२ अनाचरितमार्याणां वृत्तमेतच्चतुर्विधं ॥

४५७४-१ आत्मनीनमुपतिष्ठते गुणाः संभवन्ति विरमन्ति चापदः ।
४५७४-२ इत्यनेकफलभाजि मा स्म भूदर्थिता कथमिवार्यसंगमे ॥

४५७५-१ आत्मनैव गुणदोषकोविदः किं न वेत्सि करणीयवस्तुषु ।
४५७५-२ यत्तथापि न गुरून्न पृच्छसि त्वं क्रमोऽयमिति तत्र कारणं ॥

४५७६-१ आत्मनो गुरुरात्मैव पुरुषस्य विशेषतः ।
४५७६-२ यत्प्रत्यक्षानुमानाभ्यां श्रेयोऽसावनुविन्दते ॥

४५७७-१ आत्मनो न सहायार्थं पिता माता च तिष्ठति ।
४५७७-२ न पुत्रदारा न ज्ञातिर्धर्मस्तिष्ठति केवलं ॥

४५७८-१ आत्मनो बलमज्ञात्वा धर्मार्थपरिवर्जितं ।
४५७८-२ अलभ्यमिच्छन्नैष्कर्म्यान्मूढबुद्धिरिहोच्यते ॥

४५७९-१ आत्मनोऽभ्युदयाकाङ्क्षी पीड्यमानः परेण वा ।
४५७९-२ देशकालबलोपेतः प्रारभेतैव विग्रहं ॥

४५८०-१ आत्मनो मुखदोषेण बध्यन्ते शुकसारिकाः ।
४५८०-२ बकास्तत्र न बध्यन्ते मौनं सर्वार्थसाधनं ॥

४५८१-१ आत्मनोऽर्धमिति श्रौतं सा रक्षति धनं प्रजा ।
४५८१-२ शरीरं लोकयात्रां वै धर्मं स्वर्गमृषीन्पित्न् ॥

४५८२-१ आत्मनो वधमाहर्ता क्वासौ विहगतस्करः ।
४५८२-२ येन तत्प्रथमं स्तेयं गोप्तुरेव गृहे कृतं ॥

४५८३-१ आत्मनो विक्रियमिव कुर्वन्दद्यात्समीहितं ।
४५८३-२ जलवत्पर्वताञ्छत्रून्भिन्द्यादनुपलक्षितः ॥

४५८४-१ आत्मन्निच्छसि हन्त शाश्वतपुरीमार्गे विहर्तुं यदि भ्रातः संयमवर्मणा कुरु तदा रक्षाविधिं सर्वतः ।
४५८४-२ नो चेदिन्द्रियतस्करैस्तव हठात्तीक्ष्णाग्रभूरिस्फुरच्- चिन्ताभल्लशतैर्विभिद्य मनसो ग्राह्यो विवेको मणिः ॥

४५८५-१ आत्मन्यपि न विश्वासस्तावान्भवति सत्सु यः ।
४५८५-२ तस्मात्सत्सु विशेषेण सर्वः प्रणयमिच्छति ॥

४५८६-१ आत्मन्यस्य समुच्छ्रितीकृतगुणस्याहोतरामौचिती यद्गात्रान्तरवर्जनादजनयद्भूजानिरेष द्विषां ।
४५८६-२ भूयोऽहंक्रियते स्म येन च हृदा स्कन्धो न यश्चानमत्तन्मर्माणि दलं दलं समिदलंकर्मीणबाणव्रजः ॥

४५८७-१ आत्मपक्षक्षयायैव परपक्षोदयाय च ।
४५८७-२ मन्त्रद्वैधममात्यानां तन्न स्यादिह भूतये ॥

४५८८-१ आत्मपक्षपरित्यागात्परपक्षेषु यो रतः ।
४५८८-२ स परैर्हन्यते मूढो नीलवर्णशृगालवत् ॥

४५८९-१ आत्मपितृभ्रातरश्च तत्स्त्रीपुत्राश्च शत्रवः ।
४५८९-२ स्नुषा श्वश्रूः सपत्नी च ननान्दा यातरस्तथा ॥

४५९०-१ आत्मपितृमातृगुणैः प्रख्यातश्चोत्तमोत्तमः ।
४५९०-२ गुणैरात्मभवैः ख्यातः पैतृकैर्मातृकैः पृथक् ॥

४५९१-१ आत्मप्रतीतिर्दृढता विरक्तिरिति त्रयं स्वात्मनि यो दधाति ।
४५९१-२ नेता स एवास्ति समस्तशिष्ट- गुणाश्रयत्वान्निखिलप्रजानां ॥

४५९२-१ आत्मप्रशंसा मरणं परनिन्दा च तादृशी ।
४५९२-२ तथापि वक्ष्ये काकुत्स्थ नास्ति मत्सदृशः कपिः ॥

४५९३-१ आत्मप्रशंसिनं दुष्टं धृष्टं विपरिधावकं ।
४५९३-२ सर्वत्रोत्सृष्टदण्डं च लोकः सत्कुरुते नरं ॥

४५९४-१ आत्मबुद्धिः सुखं चैव गुरुबुद्धिर्विशेषतः ।
४५९४-२ परबुद्धिरर्विनाशाय स्त्रीबुद्धिः प्रलयंकरी ॥

४५९५-१ आत्मबुद्ध्या सुखी भूयात्गुरुबुद्ध्या विशेषतः ।
४५९५-२ बहुबुद्ध्या विनाशः स्यात्स्त्रीबुद्ध्या प्रलयो भवेत् ॥

४५९६-१ आत्मभाग्यक्षतद्रव्यः स्त्रीद्रव्येणानुकम्पितः ।
४५९६-२ अर्थतः पुरुषो नारी या नारी सार्थतः पुमान् ॥

४५९७-१ आत्मरक्षा हि सततं पूर्वं कार्या विजानता ।
४५९७-२ अग्नाविव हि संप्रोक्ता वृत्ती राजोपजीविनां ॥

४५९८-१ एकदेशंदहेदग्निः शरीरं वा परं गतः ।
४५९८-२ सपुत्रदारं राजा तु घातयेदर्धयेत वा ॥

४५९९-१ आत्मरक्षिततन्त्राणां सुपरीक्षितकारिणां ।
४५९९-२ आपदो नोपपद्यन्ते पुरुषाणां स्वदोषजाः ॥

४६००-१ आत्मरतिः परशाठ्यं सज्जनबन्धुवर्जनं ।
४६००-२ रिपौ श्रद्धा स्त्रियां भक्तिः तस्य निन्दा भवेद्ध्रुवं ॥

४६०१-१ आत्मरुतादपि विरुतं कुर्वाणाः स्पर्धया सह मयूरैः ।
४६०१-२ किं जानन्ति वराकाः काकाः केकारवान्कर्तुं ॥

४६०२-१ आत्मवत्सततं पश्येदपि कीटपिपीलिकं ।
४६०२-२ आत्मनः प्रतिकूलानि परेषां न समाचरेत् ॥

४६०३-१ आत्मवत्सर्वभूतानि परद्रव्याणि लोष्टवत् ।
४६०३-२ मातृवत्परदारांश्च यः पश्यति स पश्यति ॥

४६०४-१ आत्मवत्सर्वभूतानि पश्यतां शान्तचेतसां ।
४६०४-२ अभिन्नमात्मनः सर्वं को दाता दीयते च किं ॥

४६०५-१ आत्मवर्गं परित्यज्य परवर्गं समाश्रयेत् ।
४६०५-२ स्वयमेव लयं याति यथा राजान्यधर्मतः ॥

४६०६-१ आत्मवर्गं परित्यज्य परवर्गेषु ये रताः ।
४६०६-२ वानवन्नहं रोदिमि आत्मानं नैव रोद्यते ॥

४६०७-१ आत्मवर्गं परित्यज्य परवर्गेषु ये रताः ।
४६०७-२ सर्वे तेऽपि विनश्यन्ति यथा राजा कुकर्दमः ॥

४६०८-१ आत्मवांस्त्वल्पदेशोऽपि युक्तः प्रकृतिसंपदा ।
४६०८-२ नयज्ञः पृथिवीं कृत्स्नां जयत्येव न हीयते ॥

४६०९-१ आत्मविक्रयिणि क्लीबे सदा शङ्कितचेतसि ।
४६०९-२ नित्यमिष्टवियोगार्ते किं सेवकपशौ सुखं ॥

४६१०-१ आत्मवित्सह तया दिवानिशं भोगभागपि न पापमाप सः ।
४६१०-२ आहृता हि विषयैकतानता ज्ञानधौतमनसं न लिम्पति ॥

४६११-१ आत्मसंपद्गुणैः सम्यक्संयुक्तं युक्तकारिणं ।
४६११-२ महेन्द्रमिव राजानं प्राप्य लोको विवर्धते ॥

४६१२-१ आत्मसंभाविताः स्तब्धा धनमानमदान्विताः ।
४६१२-२ यजन्ते नामयज्ञैस्ते दम्भेनाविधिपूर्वकं ॥

४६१३-१ आत्मस्त्रीधनगुह्यानां गोप्ता बन्धुस्तु मित्रवत् ।
४६१३-२ धनदस्तु कुबेरः स्याद्यमः स्याच्च सुदण्डकृत् ॥

४६१४-१ आत्मस्त्रीधनगुह्यानां शरणं समये सुहृत् ।
४६१४-२ प्रोक्तोत्तमोऽयमन्यश्च त्रिद्व्येकपदमित्रकः ॥

४६१५-१ आत्महेतोः परार्थे वा नर्महास्याश्रयात्तथा ।
४६१५-२ ये मृषा न वदन्तीह ते नराः स्वर्गगामिनः ॥

४६१६-१ आत्मा कायश्च द्वावेतौ मित्ररूपावुभावपि ।
४६१६-२ कायं मित्रं परित्यज्य आत्मा याति सुनिश्चितं ॥

४६१७-१ आत्मा जन्मशतैर्धनार्जनधिया मिथ्या किमायास्यते पङ्गोः श्रीर्गृहमेति लङ्घितभुवो दैवेच्छया निर्धनाः ।
४६१७-२ इत्येताः पुरुषार्थमूलहतयः कैश्चित्समुत्सारिता मुग्धानामलसोत्कटाः प्रतिपदं कुर्वन्ति चित्तभ्रमं ॥

४६१८-१ आत्मा जेयः सदा राज्ञा ततो जेयाश्च शत्रवः ।
४६१८-२ अजितात्मा नरपतिर्विजयेत कथं रिपून् ॥

४६१९-१ आत्मात्मनैव जनितः पुत्र इत्युच्यते बुधैः ।
४६१९-२ तस्माद्भार्यां नरः पश्येन्मातृवत्पुत्रमातरं ॥

४६२०-१ आत्माधीनशरीराणां स्वपतां निद्रया स्वया ।
४६२०-२ कदन्नमपि मर्त्यानां अमृतत्वाय कल्पते ॥

४६२१-१ आत्मानं कुपथेन निर्गमयितुं यः सूकलाश्वायते कृत्याकृत्यविवेकजीवितहतौ यः कृष्णसर्पायते ।
४६२१-२ यः पुण्यद्रुमखण्डखण्डनविधौ स्फूर्जत्कुठारायते तं लुप्तव्रतमुद्रमिन्द्रियगणं जित्वा शुभंयुर्भव ॥

४६२२-१ आत्मानं च जगत्सर्वं दृशा नित्याविभिन्नया ।
४६२२-२ चिदाकाशमयं ध्यायन्योगी याति परां गतिं ॥

४६२३-१ आत्मानं च परं चैव त्रायते महतो भयात् ।
४६२३-२ क्रुध्यन्तमप्रतिक्रुध्यन्द्वयोरेष चिकित्सकः ॥

४६२४-१ आत्मानं च परं चैव पलायन्हन्ति संयुगे ।
४६२४-२ द्रव्यनाशो व्ययोऽकीर्तिरयशश्च पलायने ॥

४६२५-१ आत्मानं च परं चैव वीक्ष्य धीरः समुत्पतेत् ।
४६२५-२ एतदेव हि विज्ञानं यदात्मपरवेदनं ॥

४६२६-१ आत्मानं धर्मकृत्यं च पुत्रदारांश्च पीडयन् ।
४६२६-२ देवतातिथिभृत्यांश्च स कदर्य इति स्मृतः ॥

४६२७-१ आत्मानं नावमन्येत पूर्वाभिरसमृद्धिभिः ।
४६२७-२ आमृत्योः श्रियमन्विच्छेन्नैनां मन्येत दुर्लभां ॥

४६२८-१ आत्मानं नियमैस्तैस्तैः कर्षयित्वा प्रयत्नतः ।
४६२८-२ प्राप्यते निपुणैर्धर्मो न सुखाल्लभ्यते सुखं ॥

४६२९-१ आत्मानं परमं प्रमाणनिकरैरप्राप्यमव्याहतं ज्ञेयं यद्गुरुवीक्षणादपि जना मूढास्तु मुक्त्वैव तत् ।
४६२९-२ कोशेषु प्रमितेषु पञ्चसु परिज्ञातुं समुद्युञ्जते नष्टेभाः कलशान्तरेष्वपि करं कृत्वा विचिन्वन्ति हि ॥

४६३०-१ आत्मानं प्रथमं राजा विनयेनोपपादयेत् ।
४६३०-२ ततः पुत्रांस्ततोऽमात्यांस्ततो भृत्यांस्ततः प्रजां ॥

४६३१-१ आत्मानं प्रथमं राजा विनयेनोपपादयेत् ।
४६३१-२ ततोऽमात्यांस्ततो भृत्यांस्ततः पुत्रांस्ततः प्रजाः ॥

४६३२-१ आत्मानं भावयेन्नित्यं ज्ञानेन विनयेन च ।
४६३२-२ न पुनर्म्रियमाणस्य पश्चात्तापो भविष्यति ॥

४६३३-१ आत्मानं मन्त्रिणं दूतं अमात्यवचनं क्रमं ।
४६३३-२ आकारं ब्रुवते षष्ठं एतावान्मन्त्रनिश्चयः ॥

४६३४-१ आत्मानं मन्त्रिदूतं च च्छन्नं त्रिषवणक्रमं ।
४६३४-२ आकारं ब्रुवते षष्ठं एतावान्मन्त्रनिश्चयः ॥

४६३५-१ आत्मानं सततं रक्षेद्दारैरपि धनैरपि ।
४६३५-२ पुनर्दाराः पुनर्वित्तं न शरीरं पुनः पुनः ॥

४६३६-१ आत्मानं सर्वथा रक्षेद्राजा रक्षेच्च मेदिनीं ।
४६३६-२ आत्ममूलमिदं सर्वं आहुर्हिविदुषो जनाः ॥

४६३७-१ आत्मानं सुस्थिरं लक्ष्यं चैव स्थिरं बुधः ।
४६३७-२ वेधयेत्त्रिप्रकारं तु स्थिरवेधी स उच्यते ॥

४६३८-१ आत्मा नदी भारत पुण्यतीर्था सत्योदका धृतिकूला दमोर्मिः ।
४६३८-२ तस्यां स्नातः पूयते पुण्यकर्मा पुण्यो ह्यात्मा नित्यमम्भोऽम्भ एव ॥

४६३९-१ आत्मा नदी संयमपुण्यतीर्था सत्योदका शीलसमाधियुक्ता ।
४६३९-२ तस्यां स्नातः पुण्यकर्मा पुनाति न वारिणा शुद्ध्यति चान्तरात्मा ॥

४६४०-१ आत्मानन्दरसज्ञानां अलं शास्त्रावलोकनं ।
४६४०-२ भक्षितव्या ह्यपूपाः किं गण्यानि सुषिराणि किं ॥

४६४१-१ आत्मानमनुशोच त्वं किमन्यमनुशोचसि ।
४६४१-२ आयुस्ते हीयते यस्य स्थितस्य च गतस्य च ॥

४६४२-१ आत्मानमन्यमथ हन्ति जहाति धर्मं पापं समाचरति युक्तमपाकरोति ।
४६४२-२ पूज्यं न पूजयति वक्ति विनिन्द्यवाक्यं किं किं करोति न नरः खलु कोपयुक्तः ॥

४६४३-१ आत्मानमम्भोनिधिरेतु शोषं ब्रह्माण्डमासिञ्चतु वा तरङ्गैः ।
४६४३-२ नास्ति क्षतिर्नोपचितः कदापि पयोदवृत्तेः खलु चातकस्य ॥

४६४३आ-१ आत्मानमाख्याति हि कर्मभिर्नरः स्वशीलचारित्रकृतैः शुभाशुभैः ।
४६४३आ-२ प्रनष्टमप्यात्मकुलं तथा नरः पुनः प्रकाशं कुरुते स्वकर्मभिः ॥

४६४४-१ आत्मानमात्मना वेत्सि सृजस्यात्मानमात्मना ।
४६४४-२ आत्मना कृतिना च त्वं आत्मन्येव प्रलीयसे ॥

४६४५-१ आत्मानमालोक्य च शोभमानं आदर्शबिम्बे स्तिमितायताक्षी ।
४६४५-२ हरोपयाने त्वरिता बभूव स्त्रीणां प्रियालोकफलो हि वेषः ॥

४६४६-१ आत्मानमेव प्रथमं देशरूपेण यो जयेत् ।
४६४६-२ ततोऽमात्यानमित्रांश्च न मोघं विजिगीषते ॥

४६४७-१ आत्मानमेव प्रथमं इच्छेद्गुणसमन्वितं ।
४६४७-२ कुर्वीत गुणसंपन्नस्ततः शेषपरीक्षणं ॥

४६४९-१ आत्मापि चायं न मम सर्वा वा पृथिवी मम ।
४६४९-२ यथा मम तथान्येषां इति बुद्ध्या न मे व्यथा ॥

४६५०-१ आत्मा प्रयत्नादर्थेभ्यो मनः समधितिष्ठति ।
४६५०-२ संयोगादात्ममनसोः प्रवृत्तिरुपजायते ॥

४६५१-१ आत्माभिधं सुखमनन्तमखण्डमेकं यज्ञादिकर्मजनितेन सुखेन तुल्यं ।
४६५१-२ मा ब्रूहि कर्म सुखदं तदपीति बुद्ध्या रत्नाकरस्य सदृशं नु कुलालकुण्डं ॥

४६५२-१ आत्मा मनश्च तद्विद्यैरन्तःकरणमुच्यते ।
४६५२-२ ताभ्यां तु सप्रयत्नाभ्यां संकल्प उपजायते ॥

४६५३-१ आत्मा बुद्धीन्द्रियाण्यर्था बहिष्करणमुच्यते ।
४६५३-२ संकल्पाध्यवसायाभ्यां सिद्धिरस्य प्रकीर्त्तिता ॥

४६५४-१ उभे एते हि करणे यत्नानन्तर्यके स्मृते ।
४६५४-२ तस्मात्प्रयत्नसंरोधाद्भावयेन्निर्मनस्कतां ॥

४६५५-१ आत्मायत्ते गुणग्रामे नैर्गुण्यं वचनीयता ।
४६५५-२ दैवायत्तेषु वित्तेषु पुंसां का नाम वाच्यता ॥

४६५६-१ आत्मायमात्मनि गतो हृदयेऽतिसूक्ष्मो ग्राह्योऽचलेन मनसा सतताभियोगात् ।
४६५६-२ यो यं विचिन्तयति याति स तन्मयत्वं यस्मादतः सुभगमेव गता युवत्यः ॥

४६५७-१ आत्मा यस्य वशे नास्ति कुतस्तस्य परे जनाः ।
४६५७-२ आत्मानं वशमानीय त्रैलोक्यं वर्तते वशे ॥

४६५८-१ आत्मा रक्ष्यः प्रयत्नेन युद्धसिद्धिर्हि चञ्चला ।
४६५८-२ ते स्वामिवचनं सर्वे प्रतिगृह्य महौजसः ॥

४६५९-१ आत्मारामा विहितरतयो निर्विकल्पे समाधौ ज्ञानोद्रेकाद्विघटिततमोग्रन्थयः सत्त्वनिष्ठाः ।
४६५९-२ यं वीक्षन्ते कमपि तमसां ज्योतिषां वा परस्तात्तं मोहान्धः कथमयममुं वेत्तु देवं पुराणं ॥

४६६०-१ आत्मार्थं जीवलोकेऽस्मिन्को न जीवति मानवः ।
४६६०-२ परं परोपकारार्थं यो जीवति स जीवति ॥

४६६१-१ आत्मार्थं यः पशून्हन्यात्सोऽवश्यं नरकं व्रजेत् ।
४६६१-२ देवान्पित्न्समभ्यर्च्य खादन्मांसं न दोषभाक् ॥

४६६२-१ आत्मार्थं युक्तवित्तानां मित्रमण्डलभेदिनां ।
४६६२-२ अतिलङ्घितलोकानां न बन्धः केनचित्क्वचित् ॥

४६६३-१ आत्मार्थत्वेन हि प्रेयान्विषयो न स्वतः प्रियः ।
४६६३-२ स्वत एव हि सर्वेषां आत्मा प्रियतमो यतः ।
४६६३-३ तत आत्मा सदानन्दो नास्य दुःखं कदाचन ॥

४६६४-१ आत्मार्थे संततिस्त्याज्या राज्यं रत्नं धनं तथा ।
४६६४-२ अपि सर्वस्वमुत्सृज्य रक्षेदात्मानमात्मना ॥

४६६५-१ … … … … … … ।
४६६५-२ आत्मा वै यमितो येन स यमस्तु विशिष्यते ॥

४६६६-१ आत्मा समस्तजगतां भवतीति सम्यग्विज्ञाय यद्वितनुते त्वयि भावबन्धं ।
४६६६-२ सा भक्तिरित्यभिमतं यदि सिद्धमिष्टं व्यर्थं विशेष्यमलमस्तु विशेषणं नः ॥

४६६७-१ आत्मा सहैति मनसा मन इन्द्रियेण स्वार्थेन चेन्द्रियमिति क्रम एष शीघ्रः ।
४६६७-२ योगोऽयमेव मनसः किमगम्यमस्ति यस्मिन्मनो व्रजति तत्र गतोऽयमात्मा ॥

४६६८-१ आत्मास्ति सर्वजगतां आधारः पूर्वमिति विचिन्त्यैव ।
४६६८-२ पश्चात्तत्त्वविचारः कुड्ये सत्येव चित्रकर्म स्यात् ॥

४६६९-१ आत्मा हि दाराः सर्वेषां दारसंग्रहवर्तिनां ।
४६६९-२ … … … … … … ॥

४६७०-१ आत्मीयं चरणं दधाति पुरतो निम्नोन्नतायां भुवि स्वीयेनैव करेण कर्षति तरोः पुष्पं श्रमाशङ्कया ।
४६७०-२ तल्पे किं च मृगत्वचा विरचिते निद्राति भागैर्निजैरन्तःप्रेमभरालसां प्रियतमामङ्गे दधानो हरः ॥

४६७१-१ आत्मैव तातस्य चतुर्भुजस्य जातश्चतुर्दोरुचितः स्मरोऽपि ।
४६७१-२ तच्चापयोः कर्णलते भ्रुवोर्ज्ये वंशत्वगंशौ चिपिटे किमस्याः ॥

४६७२-१ आत्मैव देवताः सर्वाः सर्वमात्मन्यवस्थितं ।
४६७२-२ आत्मा हि जनयत्येषां कर्मयोगं शरीरिणां ॥

४६७३-१ आत्मैव भार इति तं त्वयि यो निधत्ते सोऽङ्गानि कानि कलयत्वलसः प्रपत्तेः ।
४६७३-२ विश्वत्र सात्र सविलक्षणलक्षणाया विस्रम्भसंपदियमेव समस्तमङ्गि ॥

४६७४-१ आत्मैव यदि नात्मानं अहितेभ्यो निवारयेत् ।
४६७४-२ कोऽन्यो हितकरस्तस्मादात्मानं वारयिष्यति ॥

४६७५-१ आत्मैव ह्यात्मनः साक्षी गतिरात्मा तथात्मनः ।
४६७५-२ मावमंस्थाः स्वमात्मानं नृणां साक्षिणमुत्तमं ॥

४६७६-१ आत्मैव ह्यात्मनो बन्धुरात्मैव रिपुरात्मनः ।
४६७६-२ आत्मैव चात्मनः साक्षी कृतस्याप्यकृतस्य च ॥

४६७७-१ अत्मोदयः परज्यानिर्द्वयं नीतिरितीयती ।
४६७७-२ तदूरीकृत्य कृतिभिर्वाचस्पत्यं प्रतीयते ॥

४६७८-१ आत्मोपकारचतुरा नरा न गणयन्ति गुरुकुलक्लेशं ।
४६७८-२ वेधव्यथैव कियती श्रवसो ह्यवतंसभूषणीयस्य ॥

४६७९-१ आत्मोपमश्च भूतेषु यो वै भवति पूरुषः ।
४६७९-२ न्यस्तदण्डो जितक्रोधः स प्रेत्य सुखमेधते ॥

४६८०-१ आत्मौपम्येन यो वेत्ति दुर्जनं सत्यवादिनं ।
४६८०-२ स एव वञ्च्यते तेन ब्राह्मणाश्छागतो यथा ॥

४६८१-१ आत्म्यौपम्येन सर्वत्र समं पश्यति योऽर्जुन ।
४६८१-२ सुखं वा यदि वा दुःखं स योगी परमो मतः ॥

४६८२-१ आददानः प्रतिदिनं कलाः सम्यङ्महीपतिः ।
४६८२-२ शुक्लपक्षे प्रविचरन्शशाङ्क इव वर्द्धते ॥

४६८३-१ आदरं राजसदसि धनेन लभते नरः ।
४६८३-२ सुभटः शत्रुसंग्रामे विक्रमेण यथा जयं ॥

४६८४-१ आदरणीयगुणा सखि महता निहितासि तेन शिरसि त्वं ।
४६८४-२ तव लाघवदोषोऽयं सौधपताकेव यच्चलसि ॥

४६८५-१ आदरेण यथा स्तौति धनवन्तं धनेच्छया ।
४६८५-२ तथा चेद्विश्वकर्तारं को न मुच्येत बन्धनात् ॥

४६८६-१ आदरेणार्जवेनैव शौर्याद्दानेन विद्यया ।
४६८६-२ प्रत्युत्थानाभिगमनैरानन्दस्मितभाषणैः ।
४६८६-३ उपकारैः स्वाशयेन वशीकुर्याज्जगत्सदा ॥

४६८७-१ आ दर्शनात्प्रविष्टा सा मे सुरलोकसुन्दरी हृदयं ।
४६८७-२ बाणेन मकरकेतोः कृतमार्गमवन्ध्यपातेन ॥

४६८८-१ आदर्शाय शशाङ्कमण्डलमिदं हर्म्याय हेमाचलं दीपाय द्युमणिं महीमिव कथं नो भिक्षवे दत्तवान् ।
४६८८-२ दित्सापल्लवितप्रमोदसलिलव्याकीर्णनेत्राम्बुजो जानीमो भृगुनन्दनस्तदखिलं न प्रायशो दृष्टवान् ॥

४६८९-१ आदातव्यं न दातव्यं प्रियं ब्रूयन्निरर्थकं ।
४६८९-२ आशां कालवतीं कुर्यात्कालं विघ्नेन योजयेत् ॥

४६९०-१ आदातुं सकृदीक्षितेऽपि कुसुमे हस्ताग्रमालोहितं लाक्षारञ्जनवार्तयापि सहसा रक्तं तलं पादयोः ।
४६९०-२ अङ्गानामनुलेपनस्मरणमप्यत्यन्तखेदावहं हन्ताधीरदृशः किमन्यदलकामोदोऽपि भारायते ॥

४६९१-१ आदानं चैव तूणीरात्संधानं कर्षणं तथा ।
४६९१-२ क्षेपणं च त्वरायुक्तो बाणस्य कुरुते तु यः ।
४६९१-३ नित्याभ्यासवशात्तस्य शीघ्रसंधानता भवेत् ॥

४६९२-१ आदानपानलेपैः काश्चिद्गरलोपतापहारिण्यः ।
४६९२-२ सदसि स्थितैव सिद्धौ- षधिवल्ली कापि जीवयति ॥

४६९३-१ आदानमप्रियकरं दानं च प्रियकारकं ।
४६९३-२ अभीप्सितानामर्थानां काले युक्तं प्रशस्यते ॥

४६९४-१ आदाय करमाढ्येभ्यः कीकटेष्वपि वर्षसि ।
४६९४-२ प्रपीय वारि सिन्धुभ्यः स्थलेष्विव घनाघनः ॥

४६९५-१ आदाय चापमचलं कृत्वाहीनं गुणं विषमदृष्टिः ।
४६९५-२ यश्चित्रमच्युतशरो लक्ष्यमभाङ्क्षीन्नमस्तस्मै ॥

४६९६-१ आदाय दण्डं सकलासु दिक्षु योऽयं परिभ्राम्यति भानुभिक्षुः ।
४६९६-२ अब्धौ निमज्जन्निव तापसोऽयं संध्याभ्रकाषायमधत्त सायं ॥

४६९७-१ आदाय धनमनल्पं ददानया सुभग तावकं वासः ।
४६९७-२ मुग्धा रजकगृहिण्या कृता दिनैः कतिपयैर्निःस्वा ॥

४६९८-१ आदाय पत्रं त्वरितं यदि श्वा दूर्वां नवां वा नवग्ॐअयं वा ।
४६९८-२ प्रयाति यातुः परतस्तदानीं राजप्रसादं नियतं ब्रवीति ॥

४६९९-१ आदाय प्रतिपक्षकीर्तिनिवहान्ब्रह्माण्डमूषान्तरे निर्विघ्नं धमता नितान्तमुदितैः स्वैरेव तेजोऽग्निभिः ।
४६९९-२ तत्तादृक्पुटपाकशोधितमिव प्राप्तं गुणोत्कर्षिणां पिण्डस्थं च महत्तरं च भवता निःक्षारतारं यशः ॥

४७००-१ आदाय मांसमखिलं स्तनवर्जमङ्गान्मां मुञ्च वागुरिक यामि कुरु प्रसादं ।
४७००-२ सीदन्ति शष्पकवलग्रहणानभिज्ञा मन्मार्गवीक्षणपराः शिशवो मदीयाः ॥

४७०१-१ आदाय वकुलगन्धानन्धीकुर्वन्पदे पदे भ्रमरान् ।
४७०१-२ अयमेति मन्दमन्दं कावेरीवारिपावनः पवनः ॥

४७०२-१ आदाय वारि परितः सरितां मुखेभ्यः किं तावदर्जितमनेन दुरर्णवेन ।
४७०२-२ क्षारीकृतं च वडवादहने हुतं च पातालकुक्षिकुहरे विनिवेशितं च ॥

४७०३-१ आदाय वारि यत एव जहाति भूयस्तत्रैव यः स जलदः प्रथमो जडानां ।
४७०३-२ वान्तं प्रतीप्सति तदेव तदेव यस्तु स्रोतःपतिः स निरपत्रपसार्थवाहः ॥

४७०४-१ आदाय विप्रस्वमपि नाशयेद्राज्यघातिनः ।
४७०४-२ आदायास्थि दधीचेस्तु शक्रो दैत्यान्जघान हि ॥

४७०५-१ आदायादाय मुक्तास्तदनु शिखिधियादाय माणिक्यवर्गं धूमभ्रान्तिं वहन्त्यः स्ववदनकमलामोदलुब्धालिवृन्दे ।
४७०५-२ पक्तुं भिल्ल्यः प्रवृत्ताः सरभसमसकृद्यद्द्विषत्पत्तनेषु ब्रूमः किं कीर्तिपूरं धवलितवसुधं मल्लशाहस्य तस्य ॥

४७०६-१ आदायामृतपूर्णमर्कचषकं शोणारविन्दप्रभे पाणाविन्द्रवधूर्विलोक्य च पुनस्तस्मिन्नभःश्यामिकां ।
४७०६-२ चिक्षेपोपरि कोपतः परिजनेऽसंशोध्य दत्ता सुधेत्येनं तं शशिनं प्रशंसति जनस्तत्पाणिमुक्तार्जुनं ॥

४७०७-१ आदावघटितं कार्यं मध्ये सुघटितं मम ।
४७०७-२ भूयो विघटितं भूयो भूयाद्घटयितुं प्रभुः ॥

४७०८-१ आदावङ्कुरितं पुनः प्रतिपदं पत्रावृतं त्वां मुदा सौरभ्यस्फुरितप्रसूनकलितं दृष्ट्वाथ हृष्टोऽस्म्यहं ।
४७०८-२ किं ब्रूमः फलिते त्वयि द्रुततरं हा हन्त किम्पाक हे भूयो व्याकुलयन्ति कण्टकभराः सर्वत्र तत्किं ब्रुवे ॥

४७०९-१ आदावञ्जनपुञ्जलिप्तवपुषां श्वासानिलोल्लासित- प्रोत्सर्पद्विरहानलेन च ततः संतापितानां दृशां ।
४७०९-२ संप्रत्येव निषेकमश्रुपयसा देवस्य चेतोभुवो भल्लीनामिव पानकर्म कुरुते कामं कुरङ्गेक्षणा ॥

४७१०-१ आदावप्युपचारचाटुविनयालंकारशोभान्वितं मध्ये चापि विचित्रवाक्यकुसुमैरभ्यर्चितं निष्फलैः ।
४७१०-२ पैशुन्याविनयावमानमलिनं बीभत्समन्ते च यद्दूरे वोऽस्त्वकुलीनसंगतमसद्धर्मार्थमुत्पादितं ॥

४७११-१ आदावादिपितामहस्य नियमव्यापारपात्रे जलं पश्चात्पन्नगशायिनो भगवतः पादोदकं पावनं ।
४७११-२ भूयः शम्भुजटाविभूषणमणिर्जह्नोर्महर्षेरियं कन्या कल्मषनाशिनी भगवती भागीरथी दृश्यते ॥

४७१२-१ आदावायुः परीक्षेत पश्चाल्लक्षणमुत्तमं ।
४७१२-२ आयुर्हीननराणां च लक्षणैः किं प्रयोजनं ॥

४७१३-१ आदावुत्सृज्य कार्याणि पश्चाच्च प्रार्थयन्ति ये ।
४७१३-२ ते लोके हास्यतां यान्ति पलाण्डुहरणादिव ॥

४७१४-१ आदावेव गजेन्द्रमौलिविलसद्दण्डा पताकावली पश्चाद्वारणराजधोरणिरतिप्रोद्दामयोधाश्रिता ।
४७१४-२ उद्दण्डध्वजलाञ्छिताप्यथ घनीभूता रथानां ततिस्तत्पश्चात्तुरगावली विजयते योधैः समं सर्वतः ॥

४७१५-१ आदावेव मनुष्येण वर्तितव्यं यथा क्षमं ।
४७१५-२ यथा नातीतमर्थं वै पश्चात्तापेन युज्यते ॥

४७१६-१ आदिकवी चतुरास्यौ कमलजवल्मीकजौ वन्दे ।
४७१६-२ लोकश्लोकविधात्रोर्ययोर्भिदा लेशमात्रेण ॥

४७१७-१ आदितामजननाय देहिनां अन्ततां च दधतेऽनपायिने ।
४७१७-२ बिभ्रते भुवमधः सदाथ च ब्रह्मणोऽप्युपरि तिष्ठते नमः ॥

४७१८-१ आदितालो जयन्तः स्याच्छृङ्गाररससंयुतः ।
४७१८-२ रुद्रसंख्याक्षरपदैरायुर्वृद्धिकरः परः ।
४७१८-३ एक एव लघुर्यस्मिन्नादितालः स कथ्यते ॥

४७१९-१ आदित्यचन्द्रहरिशंकरवासवाद्याः शक्ता न जेतुमतिदुःखकराणि यानि ।
४७१९-२ तानीन्द्रियाणि बलवन्ति सुदुर्जयानि ये निर्जयन्ति भुवने बलिनस्त एके ॥

४७२०-१ आदित्यचन्द्रावनिजज्ञजीवः शुक्रार्कपुत्रा अपि राहुकेतू ।
४७२०-२ कुर्वन्तु नित्यं धनधान्यसौष्ठ्यं दीर्घायुरारोग्यशुभान्यमी वः ॥

४७२१-१ आदित्यचन्द्रावनिलानलौ च द्यौर्भूमिरापो हृदयं यमश्च ।
४७२१-२ अहश्च रात्रिश्च उभे च सन्ध्ये धर्मश्च जानाति नरस्य वृत्तं ॥

४७२२-१ आदित्यस्य गतागतैरहरहः संक्षीयते जीवितं व्यापारैर्बहुकार्यभारगुरुभिः कालो न विज्ञायते ।
४७२२-२ दृष्ट्वा जन्मजराविपत्तिमरणं त्रासश्च नोत्पद्यते पीत्वा मोहमयीं प्रमादमदिरामुन्मत्तभूतं जगत् ॥

४७२३-१ आदित्यस्य नमस्कारं ये कुर्वन्ति दिने दिने ।
४७२३-२ जन्मान्तरसहस्रेषु दारिद्र्यं नोपजायते ॥

४७२४-१ आदित्यस्योदयो गानं ताम्बूलं भारतीकथा ।
४७२४-२ इष्टा भार्या सुमित्रं च अपूर्वाणि दिने दिने ॥

४७२५-१ आदित्याः किं दशैते प्रलयभयकृतः स्वीकृताकाशदेशाः किं वोल्कामण्डलानि त्रिभुवनदहनायोद्यतानीति भीतैः ।
४७२५-२ पायासुर्नारसिंहं वपुरमरगणैर्बिभ्रतः शार्ङ्गपाणेर्दृष्टा दृप्तासुरोरस्तलदरणगलद्रक्तरक्ता नखा वः ॥

४७२६-१ आदित्यादपि नित्यदीप्तममृतप्रस्यन्दि चन्द्रादपि त्रैलोक्याभरणं मणेरपि तमःकाषं हुताशादपि ।
४७२६-२ विश्वालोकि विलोचनादपि परब्रह्मस्वरूपादपि स्वान्तानन्दनमस्तु धाम जगतस्तोषाय सारस्वतं ॥

४७२७-१ आदित्यादिग्रहाः सर्वे नक्षत्राणि च राशयः ।
४७२७-२ आयुः कुर्वन्तु ते नित्यं यस्यैषा जन्मपत्रिका ॥

४७२८-१ आदित्याद्या ग्रहाः सर्वे यथा तुष्यन्ति दानतः ।
४७२८-२ सर्वस्वेऽपि न तुष्येत जामाता दशमो ग्रहः ॥

४७२८आ-१ आदित्याय तमः सृष्टं मेघाय ग्रीष्मशोषणं ।
४७२८आ-२ मार्गश्रमस्तु वृक्षाय दुःखिनस्तूपकारिणे ॥

४७२९-१ आदित्योऽयं स्थितो मूढाः स्नेहं कुरुत मा भयं ।
४७२९-२ बहुरूपो मुहूर्तश्च जीवेतापि कदाचन ॥

४७३०-१ आदिमत्स्यः स जयताद्यः श्वासोच्छ्वासितैर्जलैः ।
४७३०-२ गगने विदधेऽम्भोधिं गगनं च महोदधौ ॥

४७३१-१ आदिमध्यनिधनेषु सौहृदं सज्जने भवति नेतरे जने ।
४७३१-२ छेदतापननिघर्षताडनैर्नान्यभावमुपयाति काञ्चनं ॥

४७३२-१ आदिमध्यान्तरहितं दशाहीनं पुरातनं ।
४७३२-२ अद्वितीयमहं वन्दे मद्वस्त्रसदृशं हरिं ॥

४७३३-१ आदिमध्यावसाने च नैव गच्छति विक्रियां ।
४७३३-२ अत एव कुलीनानां नृपाः कुर्वन्ति संग्रहं ॥

४७३४-१ आदिराजयशोबिम्बं आदर्शं प्राप्य वाङ्मयं ।
४७३४-२ तेषामसंनिधानेऽपि न स्वयं पश्य नश्यति ॥

४७३५-१ आदीप्तवह्निसदृशैर्मरुतावधूतैः सर्वत्र किंशुकवनैः कुसुमावनम्रैः ।
४७३५-२ सद्यो वसन्तसमयेन समागतेयं रक्तांशुका नववधूरिव भाति भूमिः ॥

४७३६-१ आदीर्घेण चलेन वक्रगतिना तेजस्विना योगिना नीलाब्जद्युतिनाहिना वरमहं दृश्यो न तच्चक्षुषा ।
४७३६-२ दष्टे सन्ति चिकित्सका दिशि दिशि प्रायेण धर्मार्थिनो मुग्धाक्षीक्षणवीक्षितस्य नहि मे वैद्यो न चाप्यौषधं ॥

४७३७-१ आदूरात्प्रतिपान्थमाहितदृशः प्रत्याशयोन्मीलति ध्वान्ते स्वान्तमहर्व्ययेऽपि न परावृत्तं कुरङ्गीदृशः ।
४७३७-२ तस्या निःसहबाहुवल्लिविगलद्धम्मिल्लवद्भङ्गुर- ग्रीवं दीर्घमजीववत्प्रियसखीवर्गेण नीतं वपुः ॥

४७३८-१ आदृतकुपितभवानी- कृतकरमालादिबन्धनव्यसनः ।
४७३८-२ केलिकलाकलहादौ देवो वः शंकरः पायात् ॥

४७३९-१ आदृता नखपदैः परिरम्भाश्चुम्बितानि घनदन्तनिपातैः ।
४७३९-२ सौकुमार्यगुणसंभृतकीर्तिर्वाम एव सुरतेष्वपि कामः ॥

४७४०-१ आ दृष्टिप्रसरात्प्रियस्य पदवीमुद्वीक्ष्य निर्विण्णया विश्रान्तेषु पथिष्वहःपरिणतौ ध्वान्ते समुत्सर्पति ।
४७४०-२ गत्वैकं सशुचा गृहं प्रति पदं पान्थस्त्रियास्मिन्क्षणे मा भूदागत इत्यमन्दवलितग्रीवं पुनर्वीक्षितं ॥

४७४१-१ आदेयस्य प्रदेयस्य कर्तव्यस्य च कर्मणः ।
४७४१-२ क्षिप्रमक्रियमाणस्य कालः पिबति तद्रसं ॥

४७४२-१ आदेहदाहं कुसुमायुधस्य विधाय सौन्दर्यकथादरिद्रं ।
४७४२-२ त्वदङ्गशिल्पात्पुनरीश्वरेण चिरेण जाने जगदन्वकम्पि ॥

४७४३-१ आदौ कुलं परीक्षेत ततो विद्यां ततो वयः ।
४७४३-२ शीलं धनं ततो रूपं देशं पश्चात्विवाहयेत् ॥

४७४४-१ आदौ गृहीतपाणिः पश्चादारूढजघनकटिभागा ।
४७४४-२ नखमुखलालनसुखदा सा किं रामास्ति नैव भोः पामा ॥

४७४५-१ आदौ चित्ते ततः काये सतां संजायते जरा ।
४७४५-२ असतां च पुनः काये नैव चित्ते कदाचन ॥

४७४६-१ आदौ छायातिदीर्घापि प्राच्यामल्पतरा ततः ।
४७४६-२ तथा मैत्र्यसतामादौ दीर्घाप्यल्पतरा भवेत् ॥

४७४७-१ आदौ तद्धितकृत्स्नेहं कार्यं स्नेहमनन्तरं ।
४७४७-२ कृत्वा सधर्मवादं च मध्यस्थः साधयेद्धितं ॥

४७४८-१ आदौ तन्व्यो बृहन्मध्या विस्तारिण्यः पदे पदे ।
४७४८-२ यायिन्यो न निवर्तन्ते सतां मैत्र्यः सरित्समाः ॥

४७४९-१ आदौ तातो वरं पश्येत्ततो वित्तं ततः कुलं ।
४७४९-२ यदि कश्चिद्वरे दोषः किं धनेन कुलेन किं ॥

४७५०-१ आदौ तावद्व्यापारस्था यमवरुणधनदसदृशा भवन्त्यतिगर्विता मानोन्मत्ता दर्पोत्सिक्ताः परिभवहरणनिरता भवन्त्यतिदारुणाः ।
४७५०-२ भ्रष्टास्तेभ्यो व्यापारेभ्यो हतिनिगडनियतचरणास्तथा लगुडार्दिता लम्बैः कूर्चैर्दीनैर्वक्त्रैर्मुनय इव शमदमरता भवन्त्यतिभद्रकाः ॥

४७५१-१ आदौ तु मन्दमन्दानि मध्ये समरसानि च ।
४७५१-२ अन्ते स्नेहायमानानि संगतान्युत्तमैः सह ॥

४७५२-१ आदौ तु रमणीयानि मध्ये तु विरसानि च ।
४७५२-२ अन्ते वैरायमाणानि संगतानि खलैः सह ॥

४७५३-१ आदौ दर्शयति नतिं यान्ती यान्ती समुन्नतिं धत्ते ।
४७५३-२ अनुकूलापि वराही चिरेण तुच्छं फलं धत्ते ॥

४७५४-१ आदौ धर्मे प्रमाणं विविधविधिभिदाशेषतां च प्रयुक्तिं पौर्वापर्याधिकारौ तदनु बहुविधं चातिदेशं तथोहं ।
४७५४-२ बाधं तन्त्रं प्रसङ्गं नयमनयशतैः सम्यगालोचयद्भ्यो भिन्ना मीमांसकेभ्यो विदधति भुवि के सादरं वेदरक्षां ॥

४७५५-१ आदौ नमस्कृतिः पश्चादाशंसावचनानि च ।
४७५५-२ सुभाषितप्रशंसा च कविकाव्यस्तुतिस्ततः ॥

४७५६-१ आदौ नम्रस्ततह्स्तब्धः कार्यकाले च निष्ठुरः ।
४७५६-२ कृते कार्ये पुनर्नम्रः शिश्नतुल्यो वणिग्जनः ॥

४७५७-१ आदौ नम्राः पुनर्वक्राः स्वीयकार्येषु तत्पराः ।
४७५७-२ कार्यान्ते च पुनर्वक्राः काण्वास्तु प्राणघातकाः ॥

४७५८-१ आदौ न वाप्रणयिनां प्रणयो विधेयो दत्तोऽथवा प्रतिदिनं परिपोषणीयः ।
४७५८-२ उत्क्षिप्य यत्क्षिपति तत्प्रकरोति लज्जां भूमौ स्थितस्य पतनाद्भयमेव नास्ति ॥

४७५९-१ आदौ नेच्छति नोज्झति स्मरकथां व्रीडाविमिश्रालसा मध्ये ह्रीपरिवर्जिताभ्युपरमे लज्जाविनम्रानना ।
४७५९-२ भावैर्नैकविधैः करोत्यभिनयं भूयश्च या सादरा बुद्ध्वा पुंप्रकृतिं यानुचरति ग्लानेतरैश्चेष्टितैः ॥

४७६०-१ आदौ पत्रविचित्रितः पुनरसौ मुग्धप्रसूनाङ्कितः पश्चात्स्निग्धफलोद्गमे घनरसैः सिक्तो मया सर्वतः ।
४७६०-२ दानोन्मत्तदुरन्तवारणकटीसंघट्टनैः केवलं सोऽयं घूर्णित एव दैववशतो माकन्दभूमीरुहः ॥

४७६१-१ आदौ प्रेमकषायिता हरमुखव्यापारलोला शनैर्व्रीडाभारविधूर्णिता मुकुलिता धूमोद्गमव्याजतः ।
४७६१-२ पत्युः संमिलिता दृशा सरभसव्यावर्तनव्याकुला पार्वत्याः परिणीतिमङ्गलविधौ दृष्टिः शिवायास्तु वः ॥

४७६२-१ आदौ बुध्येत पणितः पणमानश्च कारणं ।
४७६२-२ ततो वितर्क्योभयतो मतः श्रेयस्ततो व्रजेत् ॥

४७६३-१ आदौ मज्जनचीरहारतिलकं नेत्राञ्जनं कुण्डलं नासामौक्तिकमालतीविकरणं झंकारकं नूपुरं ।
४७६३-२ अङ्गे चन्दनचर्चितं मणिगणः क्षुद्रावलिर्घण्टिका ताम्बूलं करकङ्कणं चतुरता शृङ्गारकाः षोडश ॥

४७६४-१ आदौ माता गुरोः पत्नी ब्रह्मणी राजपत्निका ।
४७६४-२ धेनुर्धात्री तथा पृथ्वी सप्तैता मातरः स्मृताः ॥

४७६५-१ आदौ मानपरिग्रहेण गुरुणा दूरं समारोपिता पश्चात्तापभरेण तानवकृता नीता परं लाघवं ।
४७६५-२ उत्सङ्गान्तरवर्तिनामनुगमात्संपीडिता गामिमां सर्वाङ्गप्रणयप्रियामिव तरुच्छाया समालम्बते ॥

४७६६-१ आदौ यादोनिवासोक्तिः पारावारवरोक्तयः ।
४७६६-२ क्षीरनीरनिधेरुक्तिर्नद्युक्तिर्जाह्नव्युक्तयः ॥

४७६७-१ आदौ रक्तं पुना रक्तं मध्य उज्ज्वलभास्वरं ।
४७६७-२ दुर्निरीक्ष्यप्रभावं तं दृश्यं द्रष्टारमाश्रये ॥

४७६८-१ आदौ राजेत्यधीराक्षि पार्थिवः कोऽपि गीयते ।
४७६८-२ सनातनश्च नैवासौ राजा नापि सनातनः ॥

४७६९-१ आदौ रूपविनाशिनी कृशकरी कामस्य विध्वंसिनी प्रज्ञामान्द्यकरी तपःक्षयकरी धर्मस्य निर्मूलिनी ।
४७६९-२ पुत्रभ्रातृकलत्रभेदनकरी लज्जाङ्कुरच्छेदिनी सा मां पीडति सर्वदोषजननी प्राणापहन्त्री क्षुधा ॥

४७७०-१ आदौ रूपविनाशिनी कृशकरी कामाङ्कुरच्छेदिनी पुत्रामित्रकलत्रभेदनकरी गर्वाङ्कुरच्छेदिनी ।
४७७०-२ कामं मन्दकरी तपःक्षयकरी धर्मस्य निर्मूलनी सा मां संप्रति सर्वरोगजननी प्राणापहन्त्री क्षुधा ॥

४७७१-१ आदौ लज्जयति कृतं मध्ये परिभवति रिक्तमवसाने ।
४७७१-२ खलसंगतस्य कथयत यदि सुस्थितमस्ति किंचिदपि ॥

४७७२-१ आदौ वरं निर्धनत्वं धनिकत्वमनन्तरं ।
४७७२-२ तथादौ पादगमनं यानगत्वमनन्तरं ।
४७७२-३ सुखाय कल्पते नित्यं दुःखाय विपरीतकं ॥

४७७३-१ आदौ वितत्य चरणौ विनमय्य कण्ठं उत्थाप्य वक्त्रमभिहत्य मुहुश्च वत्साः ।
४७७३-२ मात्रा विवर्तितमुखं मुखलिह्यमान- पश्चार्धसुस्थमनसः स्तनमुत्पिबन्ति ॥

४७७४-१ आदौ विस्मयनिस्तरङ्गमनु च प्रेङ्खोलितं साध्वसैर्व्रीडानम्रमथ क्षणं प्रविकसत्तारं दिदृक्षारसैः ।
४७७४-२ आकृष्टं सहजाभिजात्यकलनात्प्रेम्णा पुरह्प्रेरितं चक्षुर्भूरि कथंकथंचिदगमत्प्रेयांसमेणीदृशः ॥

४७७५-१ आदौ वेश्या पुनर्दासी पश्चाद्भवति कुट्टिनी ।
४७७५-२ सर्वोपायपरिक्षीणा वृद्धा नारी पतिव्रता ॥

४७७६-१ आदौ हालाहलहुतभुजा दत्तहस्तावलम्बो बाल्ये शंभोर्निटिलमहसा बद्धमैत्रीनिरूढः ।
४७७६-२ प्रौढो राहोरपि मुखविषेणान्तरङ्गीकृतो यः सोऽयं चन्द्रस्तपति किरणैर्मामिति प्राप्तमेतं ॥

४७७७-१ आद्यः कोपस्तदनु मदनस्त्वद्वियोगस्तृतीयः शान्त्यै दूतीवचनमपरः पञ्चमः शीतभानुः ।
४७७७-२ इत्थं बाला निरवधि परं त्वां फलं प्रार्थयन्ती हा हा पञ्चज्वलनमधुना सेवते योगिनीव ॥

४७७८-१ आद्यः प्रवेशसमयः स कलेर्युगस्य प्राप्तस्तिरस्कृतबहूदकहंससार्थः ।
४७७८-२ आहूय सादरतया तपसोऽन्ति मेऽह्नि काणो द्विजः प्रतिगृहं बत यत्र पूज्यः ॥

४७७९-१ आद्यकालिकया बुद्ध्या दूरे श्व इति निर्भयाः ।
४७७९-२ सर्वभक्षा न पश्यन्ति कर्मभूमिं विचेतसः ॥

४७८०-१ आद्यन्तौ च तदाद्यन्तौ तदाद्यन्तौ च मध्यमौ ।
४७८०-२ वह्नीन्दुवायुवरुणपुत्रौ पितृसमप्रभौ ॥

४७८१-१ आद्याद्यस्य गुणं तेषां अवाप्नोति परः परः ।
४७८१-२ यो यो यावतिथश्चैषां स स तावद्गुणः स्मृतः ॥

४७८२-१ आद्यूनस्तमसां चकोररमणीरागाब्धिमन्थाचलो जीवातुर्जलजस्य वासवदिशाशैलेन्द्रचूडामणिः ।
४७८२-२ आदेष्टा श्रुतिकर्मणां कुमुदिनीशोकाग्निपूर्णाहुतिर्देवः स्ॐअरसायनं विजयते विश्वस्य बीजं रविः ॥

४७८३-१ आद्ये जग्मुषि ताम्रचूडरटिते श्रोत्रं प्रबुद्धा जवात्किंचिद्वासवदिङ्मुखं प्रविकसद्दृष्ट्वा गवाक्षाध्वना ।
४७८३-२ संत्रासेन समीरिता प्रियतमप्रेम्णा च रुद्धा शनैरुत्थानोपनिवेशनानि कुरुते तल्पे मुहुः पांसुला ॥

४७८४-१ आद्येन हीना जलधावदृश्यं मध्येन हीनं भुवि वर्णनीयं ।
४७८४-२ अन्तेन हीनं ध्वनते शरीरं हेमाभिधः स श्रियमातनोतु ॥

४७८५-१ आद्ये बद्धा विरहदिवसे या शिखा दाम हित्वा शापस्यान्ते विगलितशुचा या मयोद्वेष्टनीया ।
४७८५-२ स्पर्शक्लिष्टामयमितनखेनासकृत्सारयन्तीं गण्डाभोगात्कठिनविषयामेकवेणीं करेण ॥

४७८६-१ आद्ये यामे तु शङ्खः स्यान्महाशङ्खो द्वितीयके ।
४७८६-२ पद्मस्तृतीयके यामे महापद्मश्चतुर्थके ॥

४७८७-१ आद्यैर्मद्विहितैः पद्यैः कियद्भिरपरैरपि ।
४७८७-२ युता पद्धतिरेषास्तु सज्जनानन्ददायिनी ॥

४७८८-१ आद्योऽध्रुवस्ततो मण्ठः प्रतिमण्ठो निसारुकः ।
४७८८-२ अडतालस्ततो राग एकताली च संमता ॥

४७८९-१ आद्योऽन्तस्थोऽप्यनन्तं दिशति फलमसावद्वितीयं द्वितीयस्तार्तीयीकः पवर्गप्रकृतिरपि बलेनापवर्गं प्रसूते ।
४७८९-२ तुर्यश्चातुर्यभाजां विसृजति चतुरः श्रोत्रपान्थः पुमर्थान्राम त्वन्नामवर्णा जगति कतिपयं कौतुकं तन्वते न ॥

४७९०-१ आ द्वीपात्परतोऽप्यमी नृपतयः सर्वे समभ्यागताः कन्येयं कलधौतक्ॐअलरुचिः कीर्तेश्च लाभः परः ।
४७९०-२ नाकृष्टं न च टङ्कितं न नमितं नोत्थापितं स्थानतः केनापीदमहो महद्धनुरिदं निर्वीरमुर्वीतलं ॥

४७९१-१ आधत्ते दनुसूनुसूदनभुजाकेयूरवज्राङ्कुर- व्यूहोल्लेखपदावलीवलिमयैरङ्गैर्मुदं मन्दरः ।
४७९१-२ आधारीकृतकूर्मपृष्ठकषणप्रक्षीणमूलोऽधुना जानीमः परतः पयोधिमथनादुच्चैस्तरोऽयं गिरिः ॥

४७९२-१ आधर्मिकः कदर्यो गुणविमुखः परुषवागनेकमतिः ।
४७९२-२ भुङ्क्ते संपदमीदृग्ब्रूत नृकारः किमस्ति दैवं वा ॥

४७९३-१ आधातुं विनयं निरागसि नरे कुप्यन्तु नामेश्वरास्तेन स्वाशयशुद्धिरेव सुकरा प्रायः प्रभूणां पुरः ।
४७९३-२ मिथ्यामानिनि मन्यसे यदि तदा नित्यं मनोवर्तिनी ध्याता तामरसाक्षि चित्रपटके का वा त्वदन्या मया ॥

४७९४-१ आधातुर्भुवनं तदेतदखिलं चक्षुष्मदाकीटकाद्दिव्यं चक्षुरनन्यलभ्यमुभयत्रास्ते परं दुःसहं ।
४७९४-२ फाले भूतपतेर्मनोभवमुखक्षुद्रक्षयोज्जागरं बाणे च प्रतिराजदर्पदलनं बल्लालपृथ्वीपतेः ॥

४७९५-१ आधाय क्ॐअलकराम्बुजकेलिनालीं आलीसमाजमधिकृत्य समालपन्ती ।
४७९५-२ मन्दस्मितेन मयि साचिविलोकितेन चेतश्चकोरनयना चुलुकीचकार ॥

४७९६-१ आधाय दुग्धकलशे मन्थानं श्रान्तदोर्लता गोपी ।
४७९६-२ अप्राप्तपारिजाता दैवे दोषं निवेशयति ॥

४७९७-१ आधाय द्रुतमाकृतेरुपशमाद्विश्वासनं संनिधौ एकैकं शफरं बकोटकपटाचार्यो जिघृक्षन्मुहुः ।
४७९७-२ औदासीन्यनिवेदनाय निदधद्दिक्षु क्षणं चक्षुषी चञ्च्वा किञ्च परामृशन्वपुरयं गाम्भीर्यमभ्यस्यति ॥

४७९८-१ आधाय मूर्धनि वृथैव भरं महान्तं मूर्खा निमज्जथ कथं भवसागरेऽस्मिन् ।
४७९८-२ विन्यस्य भारमखिलं पदयोर्जनन्या विस्रब्धमुत्तरत पल्वलतुल्यमेनं ॥

४७९९-१ आधारः कन्दमित्युक्तं स्वाधिष्ठानं च जन्मभूः ।
४७९९-२ नाभिस्तु मणिपूराख्यं हृदयं विद्ध्यनाहतं ॥

४८००-१ आधारजन्मभूतानि हृत्कण्ठस्तालुनासिके ।
४८००-२ भ्रूमध्ये मस्तकद्वारं दशस्थानेषु धारणा ॥

४८०१-१ आधाराय धरावकाशविधयेऽप्याकाशमालोकने भास्वानात्ममहत्त्वसाधनविधावन्ये गुणाः केचन ।
४८०१-२ इत्यस्मिन्नुपकारकारिणि सदा वर्गे परं दुस्त्यजे दैन्यव्रीडकलङ्कमुज्झतु कथं चेतो महाचेतसां ॥

४८०२-१ आधारे हृदये शिखापरिसरे संधाय मेधामयि त्रेधा बीजतनूमनूनकरुणापीयूषकल्लोलिनीं ।
४८०२-२ त्वां मातर्जपतो निरङ्कुशनिजाद्वैतामृतास्वादन- प्रज्ञाम्भश्चुलुकैः स्फुरन्तु पुलकैरङ्गानि तुङ्गानि मे ॥

४८०३-१ आधिक्यादधरसुधा स्खलेदिति प्राप्तशङ्कया विधिना ।
४८०३-२ रचितं तदुपष्टम्भे चिबुकं पाटीरमादधता ॥

४८०४-१ आधिक्षामां विरहशयने संनिकीर्णैकपार्श्वां प्राचीमूले तनुमिव कलामात्रशेषां हिमांशोः ।
४८०४-२ नीता रात्रिः क्षण इव मया सार्धमिच्छारतैर्या तामेवोष्णैर्विरहमहतीमश्रुभिर्यापयन्तीं ॥

४८०५-१ आधिव्याधिपरीताय अद्य श्वो वा विनाशिने ।
४८०५-२ को हि नाम शरीराय धर्मापेतं समाचरेत् ॥

४८०६-१ आधिव्याधिशतैर्वयस्यतितरामारोग्यमुन्मूल्यते लक्ष्मीर्यत्र पतत्रिवच्च विवृतद्वारा इव व्यापदः ।
४८०६-२ जातं जातमवश्यमाशु विवशं मृत्युः करोत्यात्मसात्तत्किं नाम निरङ्कुशेन विधिना यन्निर्मितं सुस्थिरं ॥

४८०७-१ आधूतकेसरो हस्ती तीक्ष्णशृङ्गस्तुरङ्गमः ।
४८०७-२ गुरुसारोऽयमेरण्डो निःसारः खदिरद्रुमः ॥

४८०८-१ आधूतसस्वेदकरोत्पलायाः स्मितावगूढप्रतिकूलवाचः ।
४८०८-२ प्रियो विहायाधरमायताक्ष्याः पपौ चिराय प्रतिषेधमेव ॥

४८०९-१ आ धूमाद्विनिवर्तन्ते सुहृदो बान्धवैः सह ।
४८०९-२ येन तत्सह गन्तव्यं तत्कर्म सुकृतं कुरु ॥

४८१०-१ आधोरणाङ्कुशभयात्करिकुम्भयुग्मं जातं पयोधरयुगं हृदयेऽङ्गनानां ।
४८१०-२ तत्रापि वल्लभनखक्षतभेदभिन्नं नैवान्यथा भवति यल्लिखितं विधात्रा ॥

४८११-१ आधोरणानां गजसंनिपाते शिरांसि चक्रैर्निशितैः क्षुराग्रैः ।
४८११-२ हृतान्यपि श्येननखाग्रकोटि- व्यासक्तकेशानि चिरेण पेतुः ॥

४८१२-१ आध्मातोद्धतदाववह्निसुहृदः कीर्णोष्णरेणूत्कराः संतप्ताध्वगमुक्तखेदविषमश्वासोष्मसंवादिनः ।
४८१२-२ तृष्णार्ताजगरायतास्यकुहरक्षिप्रप्रवेशोत्कटाः भ्रूभङ्गैरिव तर्जयन्ति पवनाः प्लुष्टस्थलीकज्जलैः ॥

४८१३-१ आननं मृगशावाक्ष्या वीक्ष्य लोलालकावृतं ।
४८१३-२ भ्रमद्भ्रमरसंभारं स्मरामि सरसीरुहं ॥

४८१४-१ आननर्त पुरा शंभुर्गोविन्दो रासकृत्तथा ।
४८१४-२ ब्रह्मा पशुत्वमापन्नः स्त्रीभिः को न विडम्बितः ॥

४८१५-१ आननस्य मम चेदनौचिती निर्दयं दशनदंशदायिनः ।
४८१५-२ शोध्यते सुदति वैरमस्य तत्किं त्वया वद विदश्य नाधरं ॥

४८१६-१ आननानि हरिणीनयनानां अद्भुतानि च समीक्ष्य जगत्यां ।
४८१६-२ लज्जयेव घनमण्डललीनो मन्दमन्दमहहेन्दुरुदेति ॥

४८१७-१ आननेन्दुशशलक्ष्म कपोले सादरं विरचितं तिलकं यत् ।
४८१७-२ तत्प्रिये विरचितावधिभङ्गे धौतमीक्षणजलैस्तरलाक्ष्याः ॥

४८१८-१ आननैर्विचकसे हृषिताभिर्वल्लभानभि तनूभिरभावि ।
४८१८-२ आर्द्रतां हृदयमाप च रोषो लोलति स्म वचनेषु वधूनां ॥

४८१९-१ आनन्दं कुमुदादीनां इन्दुः कन्दलयन्नयं ।
४८१९-२ लङ्घयत्यम्बराभोगं हनूमानिव सागरं ॥

४८२०-१ आनन्दं कृतमेव कैरवकुलं प्रोल्लासितो वारिधिः संतापं तपनोपलस्य शमितः कान्त्या दिशोऽलंकृताः ।
४८२०-२ एतेनाभ्युदयेन चन्द्र भवता त्रैलोक्यमाप्यायितं कैवल्यं कमलस्य दैवघटितं नात्रापि निन्द्यो भवान् ॥

४८२१-१ आनन्दं दधति मुखे करोदकेन श्यामाया दयिततमेन सिच्यमाने ।
४८२१-२ ईर्ष्यन्त्या वदनमसिक्तमप्यनल्प- स्वेदाम्बुस्नपितमजायतेतरस्याः ॥

४८२२-१ आनन्दं विदुषां तनोति तनुते कर्णज्वरं विद्विषां श्रीमानादिवराहपादसरसीजन्म प्रणामं मुहुः ।
४८२२-२ सद्बन्धुर्गुणसिन्धुरन्धलगुडो धर्मस्य वर्त्मावनेः श्रीमल्लक्ष्मणसेनदक्षिणभुजादण्डोऽपि दण्डे कटुः ॥

४८२३-१ आनन्दं सदनं सुताश्च सुधियः कान्ता न दुर्भाषिणी सन्मित्रं सुधनं स्वयोषिति रतिश्चाज्ञापराः सेवकाः ।
४८२३-२ आतिथ्यं शिवपूजनं प्रतिदिनं मिष्टान्नपानं गृहे साधोः सङ्गमुपासते च सततं धन्यो गृहस्थाश्रमः ॥

४८२४-१ आनन्दकन्दमकरन्दकरम्बितानि पङ्केरुहाणि परिहृत्य समागतस्त्वं ।
४८२४-२ सौरभ्यसारि सहकारि तथा विधेयं येनोपहासविषयो न भवेद्द्विरेफः ॥

४८२५-१ आनन्दकन्दमखिलश्रुतिसारमेकं अध्यात्मदीपमतिदुस्तरमञ्जनाभं ।
४८२५-२ आकृष्य सान्द्रकुचयोः परिरभ्य कामं संप्राप्य गोपवनिता बत पुण्यपुञ्जाः ॥

४८२६-१ आनन्दकारि मदनज्वरदर्पहारि पीयूषपङ्कपरिहासरसानुकारि ।
४८२६-२ प्रेमप्रसारि परमाभ्युदयानुकारि वामभ्रुवां हरति किं न मनो विकारि ॥

४८२७-१ आनन्द क्वचिदञ्च मुञ्च हृदयं चातुर्य धैर्य त्वया स्थेयं क्वेति विचार्यतां रसिकते निर्याहि पर्याकुला ।
४८२७-२ रक्ताम्भोजपरीतषट्पदनदत्पक्षोपमानक्षम- क्षुभ्यत्पक्ष्मचलाचलेक्षणयुगं पश्यामि तस्या मुखं ॥

४८२८-१ आनन्दजः शोकजमश्रु बाष्पस्तयोरशीतं शिशिरो बिभेद ।
४८२८-२ गङ्गासरय्वोर्जलमुष्णतप्तं हिमाद्रिनिस्यन्द इवावतीर्णः ॥

४८२९-१ आनन्दताण्डवपुरे द्रविडस्य गेहे चित्रं वसिष्ठवनितासममाज्यपात्रं ।
४८२९-२ विद्युल्लतेव परिनृत्यति तत्र दर्वी धारां विलोकयति योगबलेन सिद्धः ॥

४८३०-१ आनन्दधामनि चिदेकरसेऽद्वितीये तस्मिन्पदेऽस्तु मम चित्तमगोचरेऽपि ।
४८३०-२ यत्सद्व्रजस्थितिजुषां सुहृदां कुमारा- दीनामधीनमिव गोचरतामुपैति ॥

४८३१-१ आनन्दबाष्पर्ॐआञ्चौ यस्य स्वेच्छावशंवदौ ।
४८३१-२ किं तस्य साधनैरन्यैः किंकराः सर्वपार्थिवाः ॥

४८३२-१ आनन्दममन्दमिमं कुवलयदललोचने ददासि त्वं ।
४८३२-२ विरहस्त्वयैव जनितस्तापयतितरां शरीरं मे ॥

४८३३-१ आनन्दमात्रमकरन्दमनन्तगन्धं योगीन्द्रसुस्थिरमिलिन्दमपास्तबन्धं ।
४८३३-२ वेदान्तसूर्यकिरणैकविकासशीलं हेरम्बपादशरदम्बुजमानतोऽस्मि ॥

४८३४-१ आनन्दमादधतमायतलोचनानां आनीलमावलितकन्धरमात्तवंशं ।
४८३४-२ आपादमा मुकुटमाकलितामृतौघं आकारमाकलयताममुमन्तरं नः ॥

४८३५-१ आनन्दमिश्रमदनज्वरदीपनानि गाढानुरागरसवन्ति तदा तदा च ।
४८३५-२ स्नेहाङ्कनानि मम मुग्धदृशश्च कण्ठे कष्टं स्मरामि तव तानि गतागतानि ॥

४८३६-१ आनन्दमुग्धनयनां श्रियमङ्कभित्तौ बिभ्रत्पुनातु भवतो भगवान्नृसिंहः ।
४८३६-२ यस्यावलोकनविलासवशादिवासीदुत्सन्नलाञ्छनमृगः कमलामुखेन्दुः ॥

४८३७-१ आनन्दमृगदावाग्निः शीलशाखिमदद्विपः ।
४८३७-२ ज्ञानदीपमहावायुरयं खलसमागमः ॥

४८३८-१ आनन्दयति कोऽत्यर्थं सज्जनानेव भूतले ।
४८३८-२ प्रबोधयति पद्मानि तमांसि च निहन्ति कः ॥

४८३९-१ आनन्दयति सत्त्वानि यो हि मङ्गलमञ्जुवाक् ।
४८३९-२ निन्दामेष्यति लोके सः परवाक्यनिगूहकः ॥

४८४०-१ आनन्दयन्तमरविन्दवनानि धूपैरुद्वेजयन्तमसकृन्नवकैरवाणि ।
४८४०-२ प्रक्षालयन्तमभितो भुवनानि धाम्ना भास्वन्तमन्तकमहं विपदां भजामि ॥

४८४१-१ आनन्दयन्ति मदयन्ति विषादयन्ति यूनां मनांसि तव यानि विलोकनानि ।
४८४१-२ किं मन्त्रमावहसि तादृशमौषधं वा किं वा कृशोदरि दृशोरियमेव रीतिः ॥

४८४२-१ आनन्दयन्ति युक्त्या ताः सेविता घ्नन्ति चान्यथा ।
४८४२-२ दुर्विज्ञेयाः प्रकृत्यैव तस्माद्वेश्या विषोपमाः ॥

४८४३-१ आनन्दसिन्धुरतिचापलशालिचित्त- संदाननैकसदनं क्षणमप्यमुक्ता ।
४८४३-२ या सर्वदैव भवता तदुदन्तचिन्ता तान्तिं तनोति तव संप्रति धिग्धिगस्मान् ॥

४८४४-१ आनन्दसुन्दरपुरन्दरमुक्तमाल्यं मौलौ हठेन निहितं महिषासुरस्य ।
४८४४-२ पादाम्बुजं भवतु मे विजयाय मञ्जु- मञ्जीरशिञ्जितमनोहरमम्बिकायाः ॥

४८४५-१ आनन्दस्तिमिताः समाधिषु मुखे गौर्या विलासालसाः संभ्रान्ताः क्षणमद्भुताः क्षणमथ स्मेरा निजे वैकृते ।
४८४५-२ क्रूराः कृष्टशरासने मनसिजे दग्धे घृणाकूणितास्तत्कान्तारुदितेश्रुपूरतरलाः शंभोर्दृशः पान्तु वः ॥

४८४६-१ आनन्दस्रुतिरात्मनो नयनयोरन्तःसुधाभ्यञ्जनं प्रस्तारः प्रणयस्य मन्मथतरोः पुष्पं प्रसादो रतेः ।
४८४६-२ आलानं हृदयद्विपस्य विषयारण्येषु संचारिणो दंपत्योरिह लभ्यते सुकृततः संसारसारः सुतः ॥

४८४७-१ आनन्दानतमीलिताक्षियुगलं किं त्वं मुधा तिष्ठसि ज्ञातोऽसि प्रकटप्रकम्पपुलकैरङ्गैः स्थितं मुग्धया ।
४८४७-२ मुञ्चैनां जड किं न पश्यसि गलद्वाष्पाम्बुधौताननां सख्यैवं गदिते विमुच्य रभसात्कण्ठे विलग्नो मया ॥

४८४८-१ आनन्दाय च विस्मयाय च मया दृष्टोऽसि दुःखाय वा वैतृष्ण्यं तु ममापि संप्रति कुतस्त्वद्दर्शने चक्षुषः ।
४८४८-२ त्वत्सांगत्यसुखस्य नास्मि विषयस्तत्किं वृथा व्याहृतैरस्मिन्विश्रुतजामदग्न्यदमने पाणौ धनुर्जृम्भतां ॥

४८४९-१ आनन्दाय सतां भूयात्सुभाषितमिदं मम ।
४८४९-२ पृथक्पद्धतिसंमिश्रपरिच्छेदैर्मनोरमं ॥

४८५०-१ आनन्दाश्रु प्रवृत्तं मे कथं दृष्ट्वैव कन्यकां ।
४८५०-२ अक्षि मे पुष्परजसा वातोद्धूतेन दूषितं ॥

४८५१-१ आनन्दिनी रोदिति वा निकामं या दुःखिता हास्यरसं विधत्ते ।
४८५१-२ रक्ता विरक्ता विरता रता च दुर्लक्ष्यचित्ता खलु वाणिनी या ॥

४८५२-१ आनन्देन यशोदया समदनं गोपाङ्गनाभिश्चिरं साशङ्कं बलविद्विषा सकुसुमं सिद्धैः पृथिव्याकुलं ।
४८५२-२ सेर्ष्यं गोपकुमारकैः सकरुणं पौरैः सुरैः सस्मितं यो दृष्टः स पुनातु वो मधुरिपुः प्रोत्क्षिप्तगोवर्धनः ॥

४८५३-१ आनन्दोद्गतबाष्पपूरपिहितं चक्षुः क्षमं नेक्षितुं बाहू स्वेदितयैव कम्पविधुरौ शक्तौ न कण्ठग्रहे ।
४८५३-२ वाणी साध्वसगद्गदाक्षरपदा संक्षोभलोलं मनः सत्यं यत्प्रियसंगमोऽपि सुचिराज्जातो वियोगायते ॥

४८५४-१ आनन्दोर्मिव्यतिकरदरस्मेरसंसक्तपक्ष्म प्रेमोद्गारप्रवणमसृणारेचितस्निग्धतारं ।
४८५४-२ अन्तश्चिन्ताभरपरिचयाकुञ्चितभ्रूलतान्तं चक्षुश्चेतो हरति हरिणीलोचनायाः तदेतत् ॥

४८५५-१ आनम्राः स्तबकभरेण पल्लविन्यः शोभन्ते कति न लताः परागपूर्णाः ।
४८५५-२ आमोदे मधुनि च मार्दवे च तासां यो भेदः स खलु मधुव्रतैकवेद्यः ॥

४८५६-१ आनम्रास्याः पिहितवदना चित्तमध्ये निरीक्ष्ये मानारम्भः सुमुखि सफलो मामकीनः कथं स्यात् ।
४८५६-२ यस्यां यस्यां दिशि दिशि मुखं मानतोऽहं नयामि तस्यां तस्यां सजलजलदश्यामलो नन्दसूनुः ॥

४८५७-१ आनयति पथिकतरुणं हरिण इह प्रापयन्निवात्मानं ।
४८५७-२ उपकलमगोऽपि क्ॐअल- कलमावलिकवलनोत्तरलः ॥

४८५८-१ आ नाभेः सरसि नतभ्रुवावगाढे चापल्यादथ पयसस्तरङ्गहस्तैः ।
४८५८-२ उच्छ्रायि स्तनयुगमध्यरोहि लब्ध- स्पर्शानां भवति कुतोऽथवा व्यवस्था ॥

४८५९-१ आनाम्य फलिनीं शाखां पक्वं पक्वं प्रशातयेत् ।
४८५९-२ फलार्थोऽयं समारम्भो लोके पुंसां विपश्चितां ॥

४८६०-१ आनायमिव मत्स्यानां पञ्जरं शकुनेरिव ।
४८६०-२ समस्तपाशं मूढस्य बन्धनं वामलोचना ॥

४८६१-१ आनीता नटवन्मया तव पुरः श्रीराम या भूमिका व्य्ॐआकाशखखांबराब्धिवसवस्त्वत्प्रीतयेऽद्यावधि ।
४८६१-२ प्रीतो यर्हि निरीक्षणात्त्वमधुना यत्प्रार्थितं देहि मे नो चेद्ब्रूहि कदापि मानय पुनर्मामीदृशीं भूमिकां ॥

४८६२-१ आनीता शयनाङ्गने प्रियसखीवृन्दैः कथंचिच्छलाच्चित्राक्रान्तकुरङ्गिकेव विगलन्नेत्राम्बुधाराततिः ।
४८६२-२ बाष्पोद्वासमुखी विधूनितकरा निक्षेपिताङ्घ्रिद्वया विष्वग्वेल्लितकुन्तला नववधूर्भाग्येन संभुज्यते ॥

४८६३-१ आनीतैरिषुकार कारणमिह श्लाघ्यैः किमेभिः शरैः प्रख्यातामपि किं न पामरपुरीमेतां पुरः पश्यसि ।
४८६३-२ दात्रं पात्रमिति ब्रवीति कुरुते स्तोत्राणि तोत्रे रसं धत्ते यत्र हले कुतूहलमपि ग्रामीणकग्रामणीः ॥

४८६४-१ आनीतो मलयाचलान्मलयजो रत्नस्थले रोपितः पीयूषेण परिप्लुतः प्रतिदिनं यत्नेन संवर्द्धितः ।
४८६४-२ आरब्धं यदि तेन सौरभभरैर्भूमण्डलं वासितुं तस्मिन्नेव दिने विधातृवशतो वज्रेण चूर्णीकृतः ॥

४८६५-१ आनीयते शरीरेण क्षीणोऽपि विभवः पुनः ।
४८६५-२ विभवः पुनरानेतुं शरीरं क्षीणमक्षमः ॥

४८६६-१ आनीलचूचुकशिलीमुखमुद्गतैक- र्ॐआवलीविपुलनालमिदं प्रियायाः ।
४८६६-२ उत्तुङ्गसंगतपयोधरपद्मयुग्मं नाभेरधः कथयतीव महानिधानं ॥

४८६७-१ आनीलां करपल्लवैरपनयन्नच्छां तमःकञ्चुकीं आशां संप्रति वासवीमनुसरन्नक्षीणरागः शशी ।
४८६७-२ अस्याश्च स्तनसङ्गिनीमिव वहन्नङ्गेन कस्तूरिकां आलिङ्गत्ययमादरेण रजनीमर्धोन्मिषत्तारकां ॥

४८६८-१ आनुकूल्येन दैवस्य वर्तितव्यं सुखार्थिना ।
४८६८-२ दुस्तरं प्रतिकूलं हि प्रतिस्रोत इवाम्भसः ॥

४८६९-१ आनृशंस्यं क्षमा सत्यं अहिंसा दम आर्जवं ।
४८६९-२ प्रीतिः प्रसादो माधुर्यं मार्दवं च यमा दश ॥

४८७०-१ आनृशंस्यं परो धर्मः क्षमा च परमं बलं ।
४८७०-२ आत्मज्ञानं परं ज्ञानं न सत्याद्विद्यते परं ॥

४८७१-१ आनृशंस्यं परो धर्मः सर्वप्राणभृतां मतः ।
४८७१-२ तस्माद्राजानृशंस्येन पालयेत्कृपणं जनं ॥

४८७२-१ आनृशंस्यमनुक्रोशः श्रुतं शीलं दमः शमः ।
४८७२-२ राघवं शोभयन्त्येते षड्गुणाः पुरुषोत्तमं ॥

४८७३-१ आनेतुं न गता किमु प्रियसखी भीतो भुजङ्गात्किमु क्रुद्धो वा प्रतिषेधवाचि किमसौ प्राणेश्वरो वर्तते ।
४८७३-२ इत्थं कर्णसुवर्णकेतकरजःपातोपघातच्छलादक्ष्णोः कापि नवोढनीरजमुखी बाष्पोदकं मुञ्चति ॥

४८७४-१ आन्तरमपि बहिरिव हि व्यञ्जयितुं रसमशेषतः सततं ।
४८७४-२ असती सत्कविसूक्तिः काचघटीति त्रयं वेद ॥

४८७५-१ आन्तरे चैव बाह्ये च राजा यश्चैव सर्वदा ।
४८७५-२ आदिष्टो नैव कम्पेत स राजवसतिं वसेत् ॥

४८७६-१ आन्तरेभ्यः परान्रक्षेत्परेभ्यः पुनरान्तरान् ।
४८७६-२ परान्परेभ्यः स्वान्स्वेभ्यः सर्वान्रक्षेत सर्वदा ॥

४८७७-१ आन्दोलनैर्मद्वपुषा लगन्तीं स्मरामि वेणीं पुरुषायितायाः ।
४८७७-२ समाचरन्त्याः सुरतोपदेशं तस्याः कशावल्लिमिव प्रियायाः ॥

४८७८-१ आन्दोलयन्गिरिनिकुञ्जकरञ्जराजीर्नाजीगणः कलभ कंचन पौरुषेण ।
४८७८-२ ईषत्समुन्मिषितलोचनकोण एव कण्ठीरवे किमिति जीवितमुज्जहासि ॥

४८७९-१ आन्दोलयन्ती वपुरायताक्षी हिन्दोलिकायां कनकाङ्गयष्टिः ।
४८७९-२ अतर्कि लोकैर्गगनान्तरस्था स्वर्देवतेवाखिलरूपरम्या ॥

४८८०-१ आन्दोलयस्यविरतं गगनार्कमङ्के तारागणं च शशिनं च तथेतराणि ।
४८८०-२ तेजांसि भासुरतडित्प्रभृतीनि साधो चित्रं तथापि न जहासि यदान्ध्यमन्तः ॥

४८८१-१ आन्दोललोलकेशीं चलकाञ्चीकिङ्किणीगणक्वणितां ।
४८८१-२ स्मरसि पुरुषायितां तां स्मरचामरचिह्नयष्टिमिव ॥

४८८२-१ आन्ध्रत्वमान्ध्रभाषा च प्राभाकरपरिश्रमः ।
४८८२-२ तत्रापि याजुषी शाखा नाल्पस्य तपसः फलं ॥

४८८३-१ आन्ध्री प्रीतिनिबन्धनैकनिपुणा लाटी विदग्धप्रिया कर्णाटी सुरतोपचारचतुरा नारी शुचिश्चोलिका ।
४८८३-२ आभीरी पुरुषायितप्रियरता लज्जान्विता गूर्जरी काश्मीरी रतिलालसा निधुवने धृष्टा महाराष्ट्रकी ॥

४८८४-१ आन्वीक्षिकीं त्रयीं वार्तां दण्डनीतिं च पार्थिवः ।
४८८४-२ तद्विद्यैस्तत्क्रियोपेतैश्चिन्तयेद्विनयान्वितः ॥

४८८५-१ आन्वीक्षिकी त्रयी वार्ता दण्डनीतिश्च शाश्वती ।
४८८५-२ विद्याश्चतस्र एवैता लोकसंस्थितिहेतवः ॥ …

४८८६-१ आन्वीक्षिक्यात्मविज्ञानं धर्माधर्मौ त्रयीस्थितौ ।
४८८६-२ अर्थानर्थौ तु वार्तायां दण्डनीत्यां नयेतरौ ॥

४८८७-१ आन्वीक्षिकीत्रयीवार्ताः सतीर्विद्याः प्रचक्षते ।
४८८७-२ सत्योऽपि हि न सत्यस्ता दण्डनीतेस्तु विप्लवे ॥

४८८८-१ दण्डनीतिर्यदा सम्यङ्नेतारमधितिष्ठति ।
४८८८-२ तदा विद्याविदः शेषा विद्याः सम्यगुपासते ॥ …

४८८९-१ आन्वीक्षिक्यात्मविद्या स्यादीक्षणात्सुखदुःखयोः ।
४८८९-२ ईक्षमाणस्तया तत्त्वं हर्षशोकौ व्युदस्यति ॥

४८९०-१ आन्वीक्षिकी त्रयी वार्ता दण्डनीतिश्च शाश्वती ।
४८९०-२ विद्याश्चतस्र एवैता अभ्यसेद्नृपतिः सदा ॥

४८९१-१ आन्वीक्षिक्यां तर्कशास्त्रं वेदान्ताद्यं प्रतिष्ठितं ।
४८९१-२ त्रय्यां धर्मो ह्यधर्मश्च कामोऽकामः प्रतिष्ठितः ॥

४८९२-१ आन्वीक्षिक्यात्मविज्ञानाद्हर्षशोकौ व्युदस्यति ।
४८९२-२ उभौ लोकाववाप्नोति त्रय्यां तिष्ठन्यथाविधि ॥

४८९३-१ आपह्पवित्रं प्रथमं पृथिव्यां अपां पवित्रं परमं च मन्त्राः ।
४८९३-२ तेषां च सामर्ग्यजुषां पवित्रं महर्षयो व्याकरणं निराहुः ॥

४८९४-१ आपज्जलनिमग्नानां ह्रियतां व्यसनोर्मिभिः ।
४८९४-२ वृद्धवाक्यैर्विना नूनं नैवोत्तारं कथंचन ॥

४८९५-१ आपत्काले तु संप्राप्ते यन्मित्रं मित्रमेव तत् ।
४८९५-२ वृद्धिकाले तु संप्राप्ते दुर्जनोऽपि सुहृद्भवेत् ॥

४८९६-१ आपत्काले नृणां नूनं मरणं नैव लभ्यते ।
४८९६-२ … … … … … … ॥

४८९७-१ आपत्कालोपयुक्तासु कलासु स्यात्कृतश्रमः ।
४८९७-२ नृत्यवृत्तिर्विराटस्य किरीटी भवनेऽभवत् ॥

४८९८-१ आपत्तुला सहायानां आत्मनः पौरुषस्य च ।
४८९८-२ अनापदि सुहृत्सर्वः स्वयं च पुरुषायते ॥

४८९९-१ आपत्तौ पतितानां येषां वृद्धा न सन्ति शास्तारः ।
४८९९-२ ते शोच्या बन्धूनां जीवन्तोऽपीह मृततुल्याः ॥

४९००-१ आपत्समुद्धरणधीरधियः परेषां जाता महत्यपि कुले न भवन्ति सर्वे ।
४९००-२ विन्ध्याटवीषु विरलाः खलु पादपास्ते ये दन्तिदन्तमुसलोल्लिखनं सहन्ते ॥

४९०१-१ आपत्सु किं विषादेन संपत्तौ विस्मयेन किं ।
४९०१-२ भवितव्यं भवत्येव कर्मणामेष निश्चयः ॥

४९०२-१ आपत्सु च न मुह्यन्ति नराः पण्दितबुद्धयः ।
४९०२-२ मनोदेहसमुत्थाभ्यां दुःखाभ्यामर्पितं जगत् ॥

४९०३-१ आपत्सु मित्रं जानीयाद्रणे शूरं रहः शुचिं ।
४९०३-२ भार्यां च विभवे क्षीणे दुर्भिक्षे च प्रियातिथिं ॥

४९०४-१ आपत्स्वमूढो धृतिमान्यह्सम्यक्प्रतिपद्यते ।
४९०४-२ कर्मण्यवश्यकार्याणि तमाहुः पण्डितं बुधाः ॥

४९०५-१ आपत्स्वेव हि महतां शक्तिरभिव्यज्यते न संपत्सु ।
४९०५-२ अगुरोस्तथा न गन्धः प्रागस्ति यथाग्निपतितस्य ॥

४९०६-१ आपदं प्रतरिष्यामो यूयं युक्त्या वदिष्यथ ।
४९०६-२ भवन्तो मम मित्राणि भवत्सु नास्ति भृत्यता ॥

४९०७-१ आपदं प्राप्नुयात्स्वामी यस्य भृत्यस्य पश्यतः ।
४९०७-२ प्राणेषु विद्यमानेषु स भृत्यो नरकं व्रजेत् ॥

४९०८-१ आपदः क्षणमायान्ति संपदः क्षणमेव च ।
४९०८-२ क्षणं जन्माथ मरणं मुने किमिव न क्षणं ॥

४९०९-१ आपदः सन्ति महतां महतामेव संपदः ।
४९०९-२ इतरेषां मनुष्याणं नापदो न च संपदः ॥

४९१०-१ आपदर्थे धनं रक्षेच्श्रीमतां कुत आपदः ।
४९१०-२ कदाचिच्चलते लक्ष्मीः संचितं च विनश्यति ॥

४९११-१ आपदर्थे धनं रक्षेद्दारान्रक्षेद्धनैरपि ।
४९११-२ आत्मानं सततं रक्षेद्दारैरपि धनैरपि ॥

४९१२-१ आपदां कथितः पन्था इन्द्रियाणामसंयमः ।
४९१२-२ तज्जयः संपदां मार्गो येनेष्टं तेन गम्यतां ॥

४९१३-१ आपदामथ काले तु कुर्वीत न विचालयेत् ।
४९१३-२ अशक्नुवंश्च युद्धाय निष्पतेत्सह मन्त्रिभिः ॥

४९१४-१ आपदामपहर्तारं दातारं सर्वसंपदां ।
४९१४-२ लोकाभिरामं श्रीरामं भूयो भूयो नमाम्यहं ॥

४९१५-१ आपदामागमं दृष्ट्वा न विषण्णो भवेद्वशी ।
४९१५-२ संपदं च सुविस्तीर्णां प्राप्य नोऽधृतिमान्भवेत् ॥

४९१६-१ आपदामापतन्तीनां हितोऽप्यायाति हेतुतां ।
४९१६-२ मातृजङ्घा हि वत्सस्य स्तम्भीभवति बन्धने ॥

४९१७-१ आपदास्थितपन्थानां इन्द्रियाणामसंयमात् ।
४९१७-२ त्यज्यते संपदां मार्गो यो नेष्टस्तेन पश्यत ॥

४९१८-१ आपदि मित्रपरीक्षा शूरपरीक्षा रणाङ्गणे भवति ।
४९१८-२ विनये वंशपरीक्षा स्त्रियः परीक्षा तु निर्धने पुंसि ॥

४९१९-१ आपदि येनोपकृतं येन च हसितं दशासु विषमासु ।
४९१९-२ उपकृत्य तयोरुभयोः पुनरपि जातं नरं मन्ये ॥

४९२०-१ आपदो महतामेव महतामेव संपदः ।
४९२०-२ क्षीयते वर्धते चन्द्रः कदाचिन्नैव तारकाः ॥

४९२१-१ आपद्गतं हससि किं द्रविणान्ध मूढ लक्ष्मीः स्थिरा न भवतीति किमत्र चित्रं ।
४९२१-२ किं त्वं न पश्यसि न घटीर्जलयन्त्रचक्रे रिक्ता भवन्ति भरिताः पुनरेव रिक्ताः ॥

४९२२-१ आपद्गतः खलु महाशयचक्रवर्ती विस्तारयत्यकृतपूर्वमुदारभावं ।
४९२२-२ कालागुरुर्दहनमध्यगतः समन्ताल्लोकोत्तरं परिमलं प्रकटीकरोति ॥

४९२३-१ आपद्ग्राहगृहीतानां वृद्धाः सन्ति न पण्डिताः ।
४९२३-२ येषां मोक्षयितारो वै तेषां शान्तिर्न विद्यते ॥

४९२४-१ आपद्भुजङ्गदष्टस्य मन्त्रहीनस्य सर्वदा ।
४९२४-२ वृद्धवाक्यौषधा नूनं कुर्वन्ति किल निर्विषं ॥

४९२५-१ आपद्यपि दुरन्तायां नैव गन्तव्यमक्रमे ।
४९२५-२ राहुरप्यक्रमेणैव पिबन्नप्यमृतं मृतः ॥

४९२६-१ आपद्युन्मार्गगमने कार्यकालात्ययेषु च ।
४९२६-२ अपृष्टोऽपि हितान्वेषी ब्रूयात्कल्याणभाषितं ॥

४९२७-१ आपन्नमहितं दृष्ट्वा न दूयेत कदाचन ।
४९२७-२ तदुन्मूलनकालोऽयं विधिना ननु सूचितः ॥

४९२८-१ आपन्नया सन्नगिरा वेपमानोरुमूलया ।
४९२८-२ जातो मे जरया सार्धं नववध्वेव संगमः ॥

४९२९-१ आपन्नवत्सल जगज्जनतैकबन्धो विद्वन्मरालकमलाकर रामचन्द्र ।
४९२९-२ जन्मादिकर्मविधुरैः सुमनश्चकोरैराचम्यतां तव यशः शरदां सहस्रं ॥

४९३०-१ आपन्नाशाय विबुधैः कर्तव्याः सुहृदोऽमलाः ।
४९३०-२ न तरत्यापदं कश्चिद्योऽत्र मित्रविवर्जितः ॥

४९३१-१ आपन्नोऽस्मि शरण्योऽस्मि सर्वावस्थासु सर्वदा ।
४९३१-२ भगवंस्त्वां प्रपन्नोऽस्मि रक्ष मां शरणागतं ॥

४९३२-१ आपन्मूलं खलु युवतयस्तन्निमित्तोऽवमानस्तासां यावत्सलिललहरीभङ्गुरः पक्षपातः ।
४९३२-२ अप्येवं भो परिणतशरच्चन्द्रबिम्बाभिरामं दूरीकर्तुं वदनकमलं नालमस्मत्प्रियायाः ॥

४९३३-१ आ परितोषाद्विदुषां न साधु मन्ये प्रयोगविज्ञानं ।
४९३३-२ बलवदपि शिक्षितानां आत्मन्यप्रत्ययं चेतः ॥

४९३४-१ आपस्काराल्लूनगात्रस्य भूमिं निःसाधारं गच्छतोऽवाङ्मुखस्य ।
४९३४-२ लब्धायामं दन्तयोर्युग्ममेव स्वं नागस्य प्रापदुत्तम्भनत्वं ॥

४९३५-१ आपाटलाधरमधीरविलोलनेत्रं आमोदनिर्भरितमद्भुतकान्तिपूरं ।
४९३५-२ आविस्मितामृतमनुस्मृतिलोभनीयं आमुद्रिताननमहो मधुरं मुरारेः ॥

४९३६-१ आपाटलैः प्रथममङ्कुरितैर्मयूखैरह्नां पतिः प्रथमशैलविहारिणीनां ।
४९३६-२ सोऽयं करोति सुरपुङ्गवसुन्दरीणां कर्णेषु कल्पतरुपल्लवभङ्गलक्ष्मीं ॥

४९३७-१ आपाणिग्रहणादतिप्रणयिनी कण्ठस्थिताहं विभोः सर्वैरेव हरिप्रियेति कमला सोऽप्युच्यते माधवः ।
४९३७-२ नो तेनापि दुन्ॐइ मत्सुतगणाः पद्मासुतस्यानुगा वाण्येत्याधिनिवारणाय सततं संगीयते वीणया ॥

४९३८-१ आपाण्डु पीनकठिनं वर्तुलं सुमनोहरं ।
४९३८-२ करैराकृष्यतेऽत्यर्थं किं वृद्धैरपि सस्पृहं ॥

४९३९-१ आपाण्डुराः शिरसिजास्त्रिवली कपोले दन्तावली विगलिता न च मे विषादः ।
४९३९-२ एणीदृशो युवतयः पथि मां विलोक्य तातेति भाषणपराः खलु वज्रपातः ॥

४९४०-१ आपाण्डुरा च मृत्स्ना गोरसवर्णश्च भवति पाषाणः ।
४९४०-२ पुरुषार्धे कुमुदनिभो दृष्टिपथं मूषको याति ॥

४९४१-१ आपातमात्ररमणीयमतृप्तिहेतुं किम्पाकपाकफलतुल्यमथो विपाके ।
४९४१-२ नो शाश्वतं प्रचुरदोषकरं विदित्वा पञ्चेन्द्रियार्थसुखमर्थधियस्त्यजन्ति ॥

४९४२-१ आपातमात्ररसिके सरसीरुहस्य किं बीजमर्पयितुमिच्छसि वापिकायां ।
४९४२-२ कालः कलिर्जगदिदं न कृतज्ञमज्ञे स्थित्वा हनिष्यति तवैव मुखस्य शोभां ॥

४९४३-१ आपातमात्रसौन्दर्यं कुत्र नाम न विद्यते ।
४९४३-२ अत्यन्तप्रतिपत्त्या तु दुर्लभोऽलंकृतो जनः ॥

४९४४-१ आपातरमणीयानां संयोगानां प्रियैः सह ।
४९४४-२ अपथ्यानामिवान्नानां परिणामो हि दारुणः ॥

४९४५-१ आपातालगभीरे मज्जति नीरे निदाघसंतप्तः ।
४९४५-२ न स्पृशति पल्वलाम्भः पञ्जरशेषोऽपि कुञ्जरः क्वापि ॥

४९४६-१ आपीनप्रविसारितोरुविकटैः पश्चार्धभागैर्गुरुर्वेल्लत्पीवरकम्बलालसरसद्गम्भीरघण्टाकुलः ।
४९४६-२ ग्रामान्तेषु नवीनसस्यहरितेषूद्दामचन्द्रातप- स्मेरासु क्षणदासु धेनुधवलीवर्गः परिक्रामति ॥

४९४७-१ आपीनभारोद्वहनप्रयत्नाद्गृष्टिर्गुरुत्वाद्वपुषो नरेन्द्रः ।
४९४७-२ उभावलंचक्रतुरञ्चिताभ्यां तपोवनावृत्तिपथं गताभ्यां ॥

४९४८-१ आपीयमानमसकृद्भ्रमरायमाणैरम्भोधरैः स्फुरितवीचिसहस्रपत्रं ।
४९४८-२ क्षीराम्बुराशिमवलोकय शेषनालं एकं जगत्त्रयसरः पृथुपुण्डरीकं ॥

४९४९-१ आपुङ्खाग्रममी शरा मनसि मे मग्नाः समं पञ्च ते निर्दग्धं विरहाग्निना वपुरिदं तैरेव सार्धं मम ।
४९४९-२ कष्टं काम निरायुधोऽसि भवता जेतुं न शक्यो जनो दुःखी स्यामहमेक एव सकलो लोकः सुखं जीवतु ॥

४९५०-१ आ पुष्पप्रसवान्मनोहरतया विश्वास्य विश्वं जनं हंहो दाडिम तावदेव सहसे वृद्धिं स्वकीयामिह ।
४९५०-२ यावन्नैति परोपभोगसहतामेषा ततस्तां तथा ज्ञात्वा ते हृदयं द्विधा दलति यत्तेनैव वन्द्यो भवान् ॥

४९५१-१ आपूजितैवास्तु गिरीन्द्रकन्या किं पक्षपातेन मनोभवस्य ।
४९५१-२ यद्यस्ति दूती सरसोक्तिदक्षा नाथः पतेत्पादतले वधूनां ॥

४९५२-१ आपूपयुग्मं मदनस्स्य धात्रा विनिर्मितं वल्युपहारहेतोः ।
४९५२-२ गल्लद्वयं कान्तरसातिरम्यं तस्या महास्नेहभृतं विभाति ॥

४९५३-१ आपूरितमिदं श्यामतमसंतमसैरलं ।
४९५३-२ ब्रह्माण्डमण्डलं भाति सकज्जलकरण्डवत् ॥

४९५४-१ आपूर्णश्च कलाभिरिन्दुरमलो यातश्च राहोर्मुखं संजातश्च घनाघनो जलधरः शीर्णश्च वायोर्जवात् ।
४९५४-२ निर्वृत्तश्च फलेग्रहिर्द्रुमवरो दग्धश्च दावाग्निना त्वं चूडामणितां गतश्च जगतः प्राप्तश्च मृत्योर्वशं ॥

४९५५-१ आपूर्यमाणपलितं सुभगत्वकामः सार्धं प्रयाति दयिता पलिताधिकेन ।
४९५५-२ पुष्पेक्षणत्वमपि शश्वदपोह्य पाकं याति प्रियो निकटमेव विलोचनेन (

?)

॥

४९५६-१ आपूर्यमाणमचलप्रतिष्ठं समुद्रमापः प्रविशन्ति यद्वत् ।
४९५६-२ तद्वत्कामा यं प्रविशन्ति सर्वे स शान्तिमाप्नोति न कामकामी ॥

४९५७-१ आपूर्येत पुनः स्फुरच्छफरिकासारोर्मिभिर्वारिभिर्भूयोऽपि प्रविभज्यमाननलिनं पश्येम तोयाशयं ।
४९५७-२ इत्याशाशततन्तुबद्धहृदयो नक्तंदिनं दीनधीः शुष्यत्यातपशोषितस्य सरसस्तीरे जरत्सारसः ॥

४९५८-१ आ पूर्वस्माद्विडौजःकरिवमथुपयःसिक्तसानोर्गिरीन्द्रादा च प्रत्यक्पयोधेर्वरुणवरवधूनाभिनिष्पीतवारः ।
४९५८-२ आ मेरोरा च सेतोरवनितलमिलन्मौलिविस्रंसमान- स्रग्दामानो यदीयं चरणमशरणाः पर्युपासन्नरेन्द्राः ॥

४९५९-१ आपृच्छन्ते मलयजतरूनाश्वसन्त्येत्य वल्लीराभाषन्ते चिरपरिचितान्मालयान्निर्झरौघान् ।
४९५९-२ अद्य स्थित्वा द्रविडमहिलामन्दिरे श्वः प्रभाते प्रस्थातारो मलयमरुतः कुर्वते संविधानं ॥

४९६०-१ आपृच्छस्व सखीं नमस्कुरु गुरून्नन्दस्व बन्धुस्त्रियः कावेरीतटसंनिविष्टनयने मुग्धे किमुत्ताम्यसि ।
४९६०-२ आस्ते सुभ्रु समीप एव भवनादेलालतालिङ्गित- न्यञ्चत्तीरतमालदन्तुरदरी तत्रापि गोदावरी ॥

४९६१-१ आपृष्टासि विनिर्गतोऽध्वगजनस्तन्वङ्गि गच्छाम्यहं स्वल्पैरेव दिनैः समागम इति ज्ञात्वा शुचं मा कृथाः ।
४९६१-२ इत्याकर्ण्य वचः प्रियस्य सहसा तन्मुग्धया चेष्टितं येनाकाण्डसमाप्ततीव्रविरहक्लेशः कृतो वल्लभः ॥

४९६२-१ आपृष्टासि व्यथयति मनो दुर्बला वासरश्रीरेह्यालिङ्ग क्षपय रजनीमेकिका चक्रवाकि ।
४९६२-२ नान्यासक्तो न खलु कुपितो नानुरागच्युतो वा दैवायत्तस्तदिह भवतीमस्वतन्त्रस्त्यजामि ॥

४९६३-१ आपेदिरेऽम्बरपथं परितः पतङ्गा भृङ्गा रसालमुकुलानि समाश्रयन्ति ।
४९६३-२ संकोचमञ्चति सरस्त्वयि दीनदीनो मीनो नु हन्त कतमां गतिमभ्युपैतु ॥

४९६४-१ आपो वस्त्रं तिलास्तैलं गन्धो वा सयवा तथा ।
४९६४-२ पुष्पाणामधिवासेन तथा संसर्गजा गुणाः ॥

४९६५-१ आपो विमुक्ताः क्वचिदाप एव क्वचिन्न किंचिद्गरलं क्वचिच्च ।
४९६५-२ यस्मिन्विमुक्ताः प्रभवन्ति मुक्ताः पयोद तस्मिन्विमुखः कुतस्त्वं ॥

४९६६-१ आपोशनं चासनं च तैलाभ्यङ्गं तथैव च ।
४९६६-२ स्वयं करकृतं चैव आयुःश्रीपुत्रनाशनं ॥

४९६७-१ आपोशनमकृत्वा तु यश्चान्नं परिमर्दयेत् ।
४९६७-२ मर्दितं चापि तच्चान्नं अमेध्यं मनुरब्रवीत् ॥

४९६८-१ आप्तवाक्यमनादृत्य दर्पेणाचरितं यदि ।
४९६८-२ फलितं विपरीतं तत्का तत्र परिदेवना ॥

४९६९-१ आप्तस्य चाप्तस्तस्यातस्तस्याप्याप्तोऽस्ति कश्चन ।
४९६९-२ सुगुप्तमपि मन्त्रं हि भिनत्त्याप्तपरंपरा ॥

४९७०-१ आप्ताप्तसंततेर्मन्त्रं संरक्षेत्तत्परस्तु सः ।
४९७०-२ अरक्ष्यमाणं मन्त्रं हि भिनत्त्याप्तपरंपरा ॥

४९७१-१ आप्त्वाप्यात्मविनाशं गणयति न खलः परव्यसनकष्टं ।
४९७१-२ प्रायः सहस्रनाशे समरमुखे नृत्यति कबन्धः ॥

४९७२-१ आ प्रपदमा शिरस्कं चान्तः कलिमलमलीमसे वपुषि ।
४९७२-२ विफलं गङ्गाजलमपि मद्यघटे दर्भमुष्टिरिव ॥

४९७३-१ आ प्रातर्घनतृष्णया कवलितं प्रोद्दण्डचण्डातपैर्दग्धं जीवनहानितः कलुषितं चिन्ताभरैः कीलितं ।
४९७३-२ प्रस्निग्धामृतधारया प्रतिदिनं संप्लावयंश्चातकं त्वत्तः कोऽपि न वारिवाह भुवने जागर्ति जानीमहे ॥

४९७४-१ आबद्धकृत्रिमसटाजटिलांसभित्तिरारोपितो यदि पदं मृगवैरिणः श्वा ।
४९७४-२ मत्तेभकुम्भतटपाटनलम्पटस्य नादं करिष्यति कथं हरिणाधिपस्य ॥

४९७५-१ आबद्धपद्ममुकुलाञ्जलि याचितो मां उत्सृज्य संप्रति गतः कथमंशुमाली ।
४९७५-२ अन्तर्निरुद्धमधुपक्वणितैरितीव स्वप्नायते स्म नलिनी निशि लब्धनिद्रा ॥

४९७६-१ आबद्धभीमभृकुटीस्थपुटं ललाटं बिभ्रत्पराङ्मुखरिपोर्विधुताधरोष्ठः ।
४९७६-२ आत्मैव संगरमुखे निजमण्डलाग्र- च्छायाछलादभिमुखस्तव देव जातः ॥

४९७७-१ आबद्धातिकठोरै रश्मिभरैः पीडिताश्मचयैः ।
४९७७-२ आमर्दितापि चरणैः परमिह मधुरैव चूर्णितापि सिता ॥

४९७८-१ आबद्धा मानुषाः सर्वे निर्बन्धाः कर्मणोर्द्वयोः ।
४९७८-२ दैवे परुषकारे च परं ताभ्यां न विद्यते ॥

४९७९-१ आबद्ध्य बाहुयुगलं भवनान्तरालाद्दूरीकृतोऽपि परिसुप्तजने निशीथे ।
४९७९-२ आगत्य मन्दमनुगृह्य पदौ व्यलोकि धृष्टो मयाप्यतिभयात्सुरते सहासः ॥

४९८०-१ आबध्नत्परिवेषमण्डलमलं वक्त्रेन्दुबिम्बाद्बहिः कुर्वच्चम्पकजृम्भमाणकलिकाकर्णावतंसक्रियां ।
४९८०-२ तन्वङ्ग्याः परिनृत्यतीव हसतीवोत्सर्पतीवोल्बणं लावण्यं ललतीव काञ्चनशिलाकान्ते कपोलस्थले ॥

४९८१-१ आबाल्यं पतिरेष मे जगदिदं जानाति तत्त्वं पुनर्भूमध्ये समुपागता तदपि ते विख्यायते यः पतिः ।
४९८१-२ वृद्धा नास्य गृहे वसामि सुचिरं तिष्ठन्स्थिरात्रेति तन्- मात्सर्यादिव राम भूप भवतः कीर्तिर्दिगन्तं गता ॥

४९८२-१ आ बाल्यं भवता समीर कतिधा सार्धं मृणालीदलं भुक्तं केलिकथामृतैरपि तथा नीतं रहः सादरं ।
४९८२-२ चित्तान्दोलनलालनैर्मृगदृशां वक्षःस्थलास्फालनैर्भूयः सप्रति मां विना तव मनो रन्तुं कथं मोदते ॥

४९८३-१ आ बाल्यादपि यो विदारितमदोन्मत्तेभकुम्भस्थली- स्थालीमध्यकवोष्णरक्तरसवन्मुक्तापुलाकप्रियः ।
४९८३-२ हस्तस्तस्य कथं प्रसर्पतु पुरः कृच्छ्रेऽप्यवस्थान्तरे गर्तावर्तविवर्तमानशशकप्राणापहारे हरेः ॥

४९८४-१ आ बाल्याद्देवबालाः सुरवरसदने किंनरीगीयमानं यन्नामाकर्ण्य कर्णेऽमरगुरुवचनोद्गीतगाथानिबद्धं ।
४९८४-२ दानौदार्याढ्यशौर्याद्वयविमलगुणं सर्वभोगैकसारं भर्तारं कामयन्त्यो हरिहरगृहिणीपादमाराधयन्ति ॥

४९८५-१ आबाल्याधिगमान्मयैव गमितः कोटिं परामुन्नतेरस्मत्संकथयैव पार्थिवसुतः संप्रत्यसौ लज्जते ।
४९८५-२ इत्थं खिन्न इवात्मजेन यशसा दत्तावलम्बोऽम्बुधेर्यातस्तीरतपोवनानि भवतो वृद्धो गुणानां गणः ॥

४९८६-१ आबाहूद्गतमण्डलाग्ररुचयः संनद्धवक्षःस्थलाः सोष्माणो व्रणिनो विपक्षहृदयप्रोन्माथिनः कर्कशाः ।
४९८६-२ उत्सृष्टाम्बरदृष्टविग्रहभरा यस्य स्मराग्रेसरा मारा मारवधूस्तनाश्च न दधुः क्षोभं स वोऽव्याज्जिनः ॥

४९८७-१ आब्रह्मकीटान्तमिदं निबद्धं पुंस्त्रीप्रयोगेन जगत्समस्तं ।
४९८७-२ व्रीडात्र का यत्र चतुर्मुखत्वं ईशोऽपि लोभाद्गमितो युवत्याः ॥

४९८८-१ आभङ्गुराग्रबहुगुण- दीर्घास्वादप्रदा प्रियादृष्टिः ।
४९८८-२ कर्षति मनो मदीयं ह्रदमीनं बडिशरज्जुरिव ॥

४९८९-१ आभरणस्याभरणं प्रसाधनविधेः प्रसाधनविशेषः ।
४९८९-२ उपमानस्यापि सखे प्रत्युपमानं वपुस्तस्याः ॥

४९९०-१ आभाति चन्द्ररहिता न कदापि रात्रिश्चन्द्रोऽपि रात्रिरहितो गतकान्तिरेव ।
४९९०-२ किं कारणं यदनयोः प्रतिमासमेको जातो निरन्तरतया परिरम्भयोगः ॥

४९९१-१ आभाति धूसरतरं तिमिरं पुरस्तादन्तःस्फुरद्विरलतारकभारमेतत् ।
४९९१-२ दग्धुं वियोगिविपिनं सितरश्मिवह्नेर्धूमो ज्वलिष्यत इवानुगतस्फुलिङ्गः ॥

४९९२-१ आभाति बालिकेयं पाणिस्पर्शेन पुलकितावयवा ।
४९९२-२ अभिनववसन्तसङ्गादाविर्मुकुलेव बालचूतलता ॥

४९९३-१ आभाति र्ॐअराजिश्चलदलिकुलक्ॐअला विशालाक्ष्याः ।
४९९३-२ नाभीविवरान्तर्गत- मदनानलधूमलेखेव ॥

४९९४-१ आभाति शोभातिशयप्रपञ्चादेणीदृशोऽस्या रमणीयशोभा ।
४९९४-२ वेणी लसत्कुन्तलधोरणीनां श्रेणीव किं चारुहरिन्मणीनां ॥

४९९५-१ आभात्येतद्द्विचन्द्रं वियदपि निखिलं हन्तिनस्तु त्रिदन्ता गङ्गापूरश्चतुर्धा प्रविलसति लसत्पञ्चदन्तः करीन्द्रः ।
४९९५-२ षड्वक्त्रः (सप्तवक्त्रः) परिणमति तथा षङ्गुणाः सप्तसंख्याः शङ्के त्वत्कीर्तिमूर्त्या नवमिव जगदालक्ष्यते क्षोणिपाल ॥

४९९६-१ आभिचारिकह्ॐऐस्तु मन्त्रैः षट्कर्मसाधकः ।
४९९६-२ यन्त्रलेखनकैरुग्रैरुपांशुजपनादिभिः ॥

४९९७-१ आभिमुख्यदशामात्रादादर्श इव सज्जनः ।
४९९७-२ शीघ्रं रक्तमरक्तं वा गृह्णाति स्वप्रसादतः ॥

४९९८-१ आभीरदारकमुदञ्चितकिंकिणीकं आताम्रपाणिचरणं पुरुषं पुराणं ।
४९९८-२ मञ्जीरमञ्जुमरुणाधरमम्बुजाक्षं अद्वैतचिन्मयमनादिमनन्तमीडे ॥

४९९९-१ आभीरनार्याः करमादधानो न शङ्कसे माधव किं ब्रवीषि ।
४९९९-२ पल्लीपतिर्बल्लववल्लभायाः करग्रहे किं विदधीत शङ्कां ॥

५०००-१ आभीरादिगिरः काव्येष्वप्रभ्रंश इति स्मृताः ।
५०००-२ शास्त्रेषु संस्कृतादन्यदपभ्रंशतयोदितं ॥

५००१-१ आभुग्नाङ्गुलिपल्लवौ कचभरे व्यापारयन्ती करौ बन्धोत्कर्षनिबद्धमानसतया शून्यां दधाना दृशं ।
५००१-२ बाहूत्क्षेपसमुन्नते स्तनतटेपर्यस्तचीनांशुका ह्रीसङ्कोचितबाहुमूलसुभगं बध्नाति जूटिं वधूः ॥

५००२-१ आभुज्येन्द्रदिशं कुबेरककुभं स्वाश्लिष्य गाढं करैर् आचुम्ब्याम्बुजिनीं समं कुमुदिनीमुल्लास्य तां दक्षिणां ।
५००२-२ एषोऽद्यापि परारुचिर्विजयते रात्रीश्वरो द्रागिति क्रोधादेव लयं जगाम चतुरस्तारागणः सर्वतः ॥

५००३-१ आभोगः स्तनयोर्महत्यतिमहान्मुक्तास्रजं भासुरो माहात्म्यावहितप्रभूतसुमनोबाणोऽपि तेऽन्तः स्थितः ।
५००३-२ भालं स्वच्छविरोचनं बलिरसावप्यास्त एवोदरे र्ॐणां विक्रियया युवत्वभवया विन्ध्यावली वर्तते ॥

५००४-१ आभोगभूषणवती कुचकुम्भसंपदन्तर्विकारमधुराणि विलोकितानि ।
५००४-२ अङ्गान्यनङ्गपिशुनानि कुलाङ्गनानां धीरात्मनामपि मनः परितापयन्ति ॥

५००५-१ आभोगश्चैकखण्डः स्याद्द्वितीयं चोच्चखण्डकं ।
५००५-२ तुल्यनामाङ्कितं चैतदिति मध्यमलक्षणं ॥

५००६-१ आभोगिनः किमपि सम्प्रति वासरान्ते संपन्नशालिखलपल्लवितोपशल्याः ।
५००६-२ ग्रामास्तुषारभरबन्धुरग्ॐअयाग्नि- धूमावलीवलयमेखलिनो हरन्ति ॥

५००७-१ आभोगिनेत्रपरिवर्तनविभ्रमेण मूर्त्या नितम्बवलनाकुलतां वहन्त्या ।
५००७-२ यस्याशनैरविरलोत्कलिकाकलाप- पर्याकुलं हृदयमम्बुनिधिर्ममन्थ ॥

५००८-१ आभोगिनौ मण्डलिनौ तत्क्षणोन्मुक्तकञ्चुकौ ।
५००८-२ वरमाशीविषौ स्पृष्टौ न तु तन्व्याः पयोधरौ ॥

५००९-१ आभोगे च पदैकं स्यात्किंचिदुच्चं द्वितीयकं ।
५००९-२ प्रभुनामाङ्कितं चैतत्कनिष्ठस्येति लक्षणं ॥

५०१०-१ आभ्यन्तराद्भयं रक्षन्सुरक्षेद्बाह्यतो भयं ।
५०१०-२ आभ्यन्तराद्भयं जातं सद्यो मूलं निकृन्तति ॥

५०११-१ आभ्यां कुचाभ्यामिभकुम्भयोः श्रीर् आदीयतेऽसावनयोर्न ताभ्यां ।
५०११-२ भयेन गोपायितमौक्तिकौ तौ प्रव्यक्तमुक्ताभरणाविमौ यत् ॥

५०१२-१ आमं विपच्यमानं च सम्यक्पक्वं च यो भिषक् ।
५०१२-२ जानीयात्स भवेद्वैद्यः शेषस्तस्करवृत्तयः ॥

५०१३-१ आमत्तभ्रमरकुलाकुलानि धुन्वन्न् उद्धूतग्रथितरजांसि पङ्कजानि ।
५०१३-२ कान्तानां गगननदीतरङ्गशीतः संतापं विरमयति स्म मातरिश्वा ॥

५०१४-१ आमत्तानां श्रवणसुभगैः कूजितैः कोकिलानां सानुक्रोशं मनसिजरुजः सह्यतां पृच्छतेव ।
५०१४-२ अङ्गे चूतप्रसवसुरभिर्दक्षिणो मारुतो मे सान्द्रस्पर्शः करतल इव व्यापृतो माधवेन ॥

५०१५-१ आ मध्याह्नं नदीवासः समाजे देवतार्चनं ।
५०१५-२ सततं शुचिवेषश्चेत्येतद्दम्भस्य जीवितं ॥

५०१६-१ आमन्त्रणजयशब्दैः प्रतिपदहुंकारघर्घरारावैः ।
५०१६-२ स्वयमुक्तसाधुवादैर् अन्तरयति गायनो गीतं ॥

५०१७-१ आमन्त्रणा सुरभिणा मरुता कृतादौ दत्तं फलं च पुरतः कटुकण्टकाख्यं ।
५०१७-२ भग्नं मुखं विमुखता च ततः शुकानां राज्ञां पुरः पनस कीर्तिरियं तवैव ॥

५०१८-१ आमन्त्रणोत्सवा विप्रा गावो नवतृणोत्सवाः ।
५०१८-२ पत्युत्साहयुता नार्यः अहं कृष्ण रणोत्सवः ॥

५०१९-१ आमन्त्र्य तेन देव त्वां तद्वैयर्थ्यं समर्थये ।
५०१९-२ शपथः कर्कशोदर्कः सत्यं सत्योऽपि दैवतः ॥

५०२०-१ आमन्थिनीकलश एष सदुग्धसिन्धुर् वेत्रं च वासुकिरयं गिरिरेष मन्थः ।
५०२०-२ संप्रत्युपोढमदमन्थरबाहुदण्ड- कण्डूयनावसर एव सुरासुराणां ॥

५०२१-१ आमयार्तिरिपुत्रास क्षुदादौ दृष्टवैकृतान् ।
५०२१-२ लब्धोदया ह्रीभयेन क्ष्मापा घ्नन्त्यनुयायिनः ॥

५०२२-१ आ मरणादपि विरुतं कुर्वाणाः स्पर्धया सह मयूरैः ।
५०२२-२ किं जानन्ति वराकाः काकाः केकारवं कर्तुं ॥

५०२३-१ आमर्दयति पाणिभ्यां कान्ते कमलकोरके ।
५०२३-२ सिन्दूरतिलके बाला कस्तूरीतिलकं व्यधात् ॥

५०२४-१ आमर्द्य वक्षोजयुगं निपीय बिम्बाधरं मे कबरीं व्युदस्य ।
५०२४-२ नीवीसमासन्नकरो निरुद्धः स्वप्ने वयस्योऽद्य रहस्यचेष्टः ॥

५०२५-१ आमर्षान्मदनः सद्यो दीप्तश्चेतसि जायते ।
५०२५-२ स वृद्धिं नीयते कामं तस्मिन्द्वेष्येऽपि योषितां ॥

५०२६-१ आमाशयस्थो हत्वाग्निं सामो मार्गान्पिधापयन् ।
५०२६-२ विदधाति ज्वरं दोषस्तस्माल्लङ्घनमाचरेत् ॥

५०२७-१ आमीलन्नवनीलनीरजतुलामालम्बते लोचनं शैथिल्यं नवमल्लिकासहचरैरङ्गैरपि स्वीकृतं ।
५०२७-२ आलापादधरः स्फुरत्कलयति प्रेङ्खत्प्रवालोपमां आनन्दप्रभवाश्च बाष्पकणिका मुक्ताश्रियं बिभ्रति ॥

५०२८-१ आमीलितनयनानां यत्सुरतरसोऽनुसंविदं कुरुते ।
५०२८-२ मिथुनैर्मिथोऽवधारितं अर्चितमिदमेव कामनिर्वहणं ॥

५०२९-१ आमीलितालसविवर्तिततारकाक्षीं उत्कण्ठबन्धनदरश्लथबाहुवल्लीं ।
५०२९-२ प्रस्वेदवारिकणिकाचितगण्डबिम्बां संस्मृत्य तामनिशमेति न शान्तिमन्तः ॥

५०३०-१ आमुक्तं हृदि मौक्तिकं मृगदृशां भिल्लै रदोप्याददे लुण्टाकैः करटेऽवलुण्ठि पिशितं रक्तं न नक्तंचरैः ।
५०३०-२ हे पारीन्द्र करीन्द्रकुम्भदलने भूतो भवानग्रणीः अन्यत्रैव फलोपधानमखिलं हस्ते यशस्ते परं ॥

५०३१-१ आमुक्तपुष्पसुरभीकृतकेशपाशा मुक्तालताप्रहसितस्तनभारखिन्नाः ।
५०३१-२ पुण्येन कान्तधवलायतपक्ष्मलाक्ष्यो दास्यो नृणामुपनमन्ति बलात्तरुण्यः ॥

५०३२-१ आमुष्मिकैहिकसुखेच्छुभिरर्चनीयं लिङ्गद्वयं पुररिपोरधिनाभितीर्थं ।
५०३२-२ प्रेयःकराग्ररुहभावितचन्द्ररेखं मोदाय कस्य कृतिनो न चिराय लोके ॥

५०३३-१ आमूलं क्वचिदुद्धृता क्वचिदपि च्छिन्ना स्थली बर्हिषां आनम्रा कुसुमोच्चयाच्च सदयाकृष्टाग्रशाखा लता ।
५०३३-२ एते पूर्वविलूनवल्कलतया रूढव्रणाः शाखिनः सद्यच्छेदममी वहन्ति समिधां प्रस्यन्दिनः पादपाः ॥

५०३४-१ आमूलकण्टकितक्ॐअलबाहुनालं आर्द्राङ्गुलीदलमनङ्गनिदाघतप्तः ।
५०३४-२ अस्याः करेण करमाकलयामि कान्तं आरक्तपङ्कजमिव द्विरदः सरस्याः ॥

५०३५-१ आ मूलतो वलितकुन्तलचारुचूड- चूर्णालकप्रकरलाञ्छितभालभागः ।
५०३५-२ कक्षानिवेशनिविडीकृतनीविरेष वेषश्चिरं जयति कुन्तलकामिनीनां ॥

५०३६-१ आ मूलतो विद्रुमरागताम्रं सपल्लवाः पुष्पचयं दधानाः ।
५०३६-२ कुर्वन्त्यशोका हृदयं सशोकं निरीक्ष्यमाणा नवयौवनानां ॥

५०३७-१ आमूलाग्रं सकलभुवनश्लाघ्यसौरभ्यलीला- खेलः कालागरुतरुवर क्वास्ति धन्यस्त्वदन्यः ।
५०३७-२ दूयेऽप्येवं त्वयि विरचितं वीक्ष्य सङ्गं भुजङ्गैः प्रत्यासीदत्पथिकजनताप्राणघातैकतानैः ॥

५०३८-१ आमूलाग्रनिबद्धकण्टकतनुर्निर्गन्धपुष्पोद्गमश्छाया न श्रमहारिणी न च फलं क्षुत्क्षामसंतर्पणं ।
५०३८-२ बुर्बूरद्रुम साधुसङ्गरहितस्तत्तावदास्तामहो अन्येषामपि शाखिनां फलवतां गुप्त्यै वृतिर्जायसे ॥

५०३८आ-१ आ मूलाद्रत्नसानोर्मलयवलयितादा च कूलात्पयोधेर् यावन्तः सन्ति काव्यप्रणयनपटवस्ते विशङ्कं वदन्तु ।
५०३८आ-२ मृद्वीकामध्यनिर्यन्मसृणरसझरीमाधुरीभाग्यभाजां वाचामाचार्यतायाः पदमनुभवितुं कोऽस्ति धन्यो मदन्यः ॥

५०३९-१ आमूलान्तात्सायकेनायतेन स्यूते बाहौ मण्डुकश्लिष्टमुष्टेः ।
५०३९-२ प्राप्यासह्यां वेदनामस्तधैर्यादप्यभ्रश्यच्चर्म नान्यस्य पाणेः ॥

५०४०-१ आ मृत्युतो नैव मनोरथानां अन्तोऽस्ति विज्ञातमिदं मयाद्य ।
५०४०-२ मनोरथासक्तिपरस्य चित्तं न जायते वै परमार्थसङ्गि ॥

५०४१-१ आमृद्गन्तस्तम इव सरःसीम्नि संभूय पङ्कं तारासार्थैरिव पतिशुचा फेनकैः श्लिष्टपादाः ।
५०४१-२ भ्रान्त्यादष्टस्फुटबिसलताचुञ्चुभिश्चञ्चु चक्रैश्चक्रा बन्दीकृतविरहकृच्चन्द्रलेखा इवैते ॥

५०४२-१ आमृद्यन्ते श्वसितमरुतो यत्कुचोत्सेधकम्पैर् अन्तर्ध्यानात्त्रुटति च दृशोर्यद्बहिर्लक्ष्यलाभः ।
५०४२-२ पक्ष्मोत्क्षेपव्यतिकरहतो यच्च बाष्पस्तदेते भावाश्चण्डि त्रुटितहृदयं मन्युमावदेयन्ति ॥

५०४३-१ आमृशद्भिरभितो वलिवीचीर् लोलमानवितताङ्गुलिहस्तैः

५०४३-२ सुभ्रुवामनुभवात्प्रतिपेदे मुष्टिमेयमिति मध्यमभीष्टैः ॥

५०४४-१ आमृश्य स्तनमण्डलं प्रतिमुहुः संचुम्ब्य गण्डस्थलीं ग्रीवां प्रत्यवलम्ब्य संभ्रमबलैराहन्यमानः करैः ।
५०४४-२ सुप्तस्याद्रिनदीनिकुञ्जगहने मत्तः पयोदानिलैः कर्णान्ते मशकः किमप्यरिवधूसार्थस्य ते जल्पति ॥

५०४५-१ आमेरुमलयमुर्वी- वलयमलङ्कृत्य कीर्तिकर्पूरैः ।
५०४५-२ मङ्गलमाप्नुहि नित्यं गुणमय जय जीव यावदादित्यं ॥

५०४५आ-१ आमोदं कुमुदाकरेषु विपदं पद्मेषु कालानलं पञ्चेषोर्विशिखेषु सान्द्रशिशिरक्षारं शशिग्रावसु ।
५०४५आ-२ म्लानिं मानवतीमुखेषु विनयं चेतःसु वामभ्रुवां वृद्धिं वार्धिषु निक्षिपन्नुदयते देवस्तमीकामुकः ॥

५०४६-१ आमोदवासितचलाधरपल्लवेषु निद्राकषायितविपाटललोचनेषु ।
५०४६-२ व्यामृष्टपत्रतिलकेषु विलासिनीनां शोभां बबन्ध वदनेषु मदावशेषः ॥

५०४७-१ आमोदाहृतभृङ्गपक्षपवनप्रेङ्खद्रजःपिञ्जरे पद्म श्रीर्वसतीति नाद्भुतमिदं रम्यं प्रकृत्यैव तत् ।
५०४७-२ तच्चित्रं यदरातिकण्ठरुधिरप्रक्लिन्नतीक्ष्णस्फुरद्- धारेऽसौ भवतश्चिरं निवसति स्त्रीत्वेऽपि हृष्टा सती ॥

५०४८-१ आमोदिना समधुना परिधूसरेण सव्याकुलभ्रमवता पतता पुरस्तात् ।
५०४८-२ आयासितास्मि सखि तेन दिवावसाने मत्तेन किं प्रणयिना न हि केसरेण ॥

५०४९-१ आमोदीनि सुमेदुराणि च मृदुस्वादूनि च क्ष्मारुहां उद्यानेषु वनेषु लब्धजनुषां सन्तीतरेषामपि ।
५०४९-२ किंतु श्रीफलता तवैव जयिनी मालूर दिङ्मण्डले यस्यैतानि फलानि यौवनवतीवक्षोजलक्ष्मीगृहाः ॥

५०५०-१ आमोदेन कदम्बकन्दलभुवा लिम्पन्नशेषं नभः प्रीतिस्फीतमयूरवृन्दनटनप्रस्तावनापण्डितः ।
५०५०-२ अम्भोदप्रथमोदबिन्दुरचनानिर्मृष्टघर्मः शनैर् वायुर्वाति भयंकरः प्रवसतां मेघंकराडम्बरः ॥

५०५१-१ आमोदैर्मरुतो मृगाः किसलयोल्लासैस्त्वचा तापसाः पुष्पैः षट्चरणाः फलैः शकुनयो घर्मार्दिताश्छायया ।
५०५१-२ स्कन्धैर्गन्धगजास्त्वयैव विहिताः सर्वे कृतार्थास्ततस् त्वं विश्वोपकृतिक्षमोऽसि भवता भग्नापदोऽन्ये द्रुमाः ॥

५०५२-१ आमोदैस्ते दिशि दिशि गतैर्दूरमाकृष्यमाणाः साक्षाल्लक्ष्मीं तव मलयज द्रष्टुमभ्यागताः स्मः ।
५०५२-२ किं पश्यामः सुभग भवतः क्रीडति क्रोड एव व्यालस्तुभ्यं भवतु कुशलं मुञ्च नः साधयामः ॥

५०५३-१ आम्नायानामाहान्त्या वाग्गीतीरीतीः प्रीतीर्भीतीः ।
५०५३-२ भोगो रोगो मोदो मोहो ध्येये ध्येच्छे देशे क्षेमे ॥

५०५४-१ आम्नायाभ्यसनान्यरण्यरुदितं कृच्छ्रव्रतान्यन्वहं मेदश्छेदपदानि पूर्तविधयः सर्वे हुतं भस्मनि ।
५०५४-२ तीर्थानामवगाहनानि च गजस्नानं विना यत्पद- द्वन्द्वाम्भोरुहसंस्तुतिं विजयते देवः स नारायणः ॥

५०५५-१ अम्नाये स्मृतितन्त्रे च लोकाचारे च सूरिभिः ।
५०५५-२ शरीरार्धं स्मृता जाया पुण्यापुण्यफले समा ॥

५०५६-१ आम्रं छित्त्वा कुठारेण निम्बं परिचरेत्तु यः ।
५०५६-२ यश्चैनं पयसा सिञ्चेन्नैवास्य मधुरो भवेत् ॥

५०५७-१ आम्र यद्यपि गता दिवसास्ते पुष्पसौरभफलप्रचुरा ये ।
५०५७-२ हन्त संप्रति तथापि जनानां छाययैव दलयस्यतितापं ॥

५०५८-१ आम्राः किं फलभारनम्रशिरसो रम्याः किमूष्मच्छिदः सच्छायाः कदलीद्रुमाः सुरभयः किं पुष्पिताश्चम्पकाः ।
५०५८-२ एतास्ता निरवग्रहोग्रकरभोल्लीढार्धरूढाः पुनः शम्यो भ्राम्यसि मूढ निर्मरुति किं मिथ्यैव मर्तुं मरौ ॥

५०५९-१ आम्राङ्कुरोऽयमरुण- श्यामलरुचिरस्थिनिर्गतः सुतनु ।
५०५९-२ नवकमठकर्परपुटान् मूर्धेवोर्ध्वं गतः स्फुरति ॥

५०६०-१ आम्रीमञ्जुलमञ्जरीवरशरः सत्किंशुकं यद्धनुर् ज्या यस्यालिकुलं कलङ्करहितं छत्रं सितांशुः सितं ।
५०६०-२ मत्तेभो मलयानिलः परभृतो यद्वन्दिनो लोकजिथ्सोऽयं वो वितरीतरीतु वितनुर्भद्रं वसन्तान्वितः ॥

५०६१-१ आम्रे पल्लविते स्थित्वा कोकिला मधुरस्वरं ।
५०६१-२ चुकूज कामिनां चित्तं आकर्षन्तीव दूतिका ॥

५०६२-१ आम्रैः क्षेमं भल्ला- तकैर्भयं पीलुभिस्तथारोग्यं ।
५०६२-२ खदिरशमीभ्यां दुर्भि- क्षमर्जुनैः शोभना वृष्टिः ॥

५०६३-१ आम्लेन ताम्रशुद्धिः स्याच्छुद्धिः कांस्यस्यभस्मना ।
५०६३-२ संशुद्धी रजसा नार्यास्तटिन्या वेगतः शुचिः ॥

५०६४-१ आयं पश्यन्व्ययं कुर्यातायादल्पतरं व्ययं ।
५०६४-२ आयाभावे व्ययं कुर्वन्कुबेरोऽपि विनश्यति ॥

५०६५-१ आयताग्रसितरश्मिनिबद्धं लाञ्छनच्छविमषीरसदिग्धं ।
५०६५-२ चन्द्रकैतवमरुत्पटचक्रं क्रीडयोत्सृजति किं स्मरबालः ॥

५०६६-१ आयताङ्गुलिरभूदतिरिक्तः सुभ्रुवां क्रशिमशालिनि मध्ये ।
५०६६-२ श्रोणिषु प्रियकरः पृथुलासु स्पर्शमाप सकलेन तलेन ॥

५०६७-१ आयतिं सर्वकार्याणां तदात्वं च विचारयेत् ।
५०६७-२ अतीतानां च सर्वेषां गुणदोषौ च तत्त्वतः ॥

५०६८-१ आयतीमिव विध्वस्तां आज्ञां प्रतिहतामिव ।
५०६८-२ दीप्तामिव दिशं काले पूजामपहतामिव ॥

५०६९-१ आयत्यां गुणदोषज्ञस्तदात्वे क्षिप्रनिश्चयः ।
५०६९-२ अतीते कार्यशेषज्ञः शत्रुभिर्नाभिभूयते ॥

५०७०-१ आयत्यां च तदात्वे च यत्स्यादास्वादपेशलं ।
५०७०-२ तदेव तस्य कुर्वीत न लोकद्विष्टमाचरेत् ॥

५०७१-१ आयत्यां प्रतिकारज्ञस्तदात्वे दृढनिश्चयः ।
५०७१-२ अतीते कार्यशेषज्ञो नरोऽर्थैर्न प्रहीयते ॥

५०७२-१ आयत्या च जयेदाशां अर्थं सङ्गविवर्जनात् ।
५०७२-२ अनित्यत्वेन च स्नेहं क्षुधं योगेन पण्डितः ॥

५०७३-१ आयद्वारेषु सर्वेषु कुर्यादाप्तान्परीक्षितान् ।
५०७३-२ आददीत धनं तैस्तु भास्वानुस्रैरिवोदकं ॥

५०७४-१ आयव्ययं सदानुष्णं छेदनं संशयस्य च ।
५०७४-२ अनिशं तस्य च ज्ञानं मन्त्रिणां त्रिविधं फलं ॥

५०७५-१ आयव्ययेऽन्नसंस्कारे गृहोपस्काररक्षणे ।
५०७५-२ शौचेऽग्निकार्ये संयोज्याः रक्षा स्त्रीणामियं स्मृता ॥

५०७५आ-१ आयव्ययौ यस्य च संविभक्तौ छन्नश्च चारो निभृतश्च मन्त्रः ।
५०७५आ-२ न चाप्रियं मन्त्रिषु यो ब्रवीति सा सागरान्तां पृथिवीं प्रशास्ति ॥

५०७६-१ आयस्ता कलहं पुरेव कुरुते न स्रंसने वाससो भुग्नभ्रूरतिखण्ड्यमानमधरं धत्ते न केशग्रहे ।
५०७६-२ अङ्गान्यर्पयति स्वयं भवति नो वामा हठालिङ्गने तन्व्या शिक्षित एष संप्रति पुनः कोपप्रकारोऽपरः ॥

५०७७-१ आयस्य तावदपि कर्म करोतु कश्चिथ्तेनापि मातरधिकं किमिहानुभाव्यं ।
५०७७-२ आस्ते सुखं य इह भारतवर्षसीमन्य् आस्ते स किंचिदित उत्तरतोऽपसृत्य ॥

५०७८-१ आयस्य तुर्यभागेन व्ययकर्म प्रवर्तयन् ।
५०७८-२ अन्यूनतैलदीपोऽपि चिरं भद्राणि पश्यति ॥

५०७९-१ आयाच्चतुर्थभागेन व्ययकर्म प्रवर्तयेत् ।
५०७९-२ प्रभूततैलदीपो हि चिरं भद्राणि पश्यति ॥

५०८०-१ आयातं मामपरिचितया वेलया मन्दिरं ते चोरो दण्ड्यस्त्वमिति मधुरं व्याहरन्त्या भवत्या ।
५०८०-२ मन्दे दीपे मधुलवमुचां मालया मल्लिकानां बद्धं चेतो दृढतरमिदं बाहुबन्धच्छलेन ॥

५०८१-१ आयातं सखि दयितं चिरात्प्रवासाथ्क्षामाङ्गं तव विरहानलेन तप्तं ।
५०८१-२ सद्योऽमुं निजमृदुलाङ्गसङ्गदानाथ्संतृप्तिं नय भव संमुखी किमेवं ॥

५०८२-१ आयातः कुमुदेश्वरो विजयते सर्वेश्वरो मारुतो भृङ्गः स्फूर्जति भैरवो न निकटं प्राणेश्वरो मुञ्चति ।
५०८२-२ एते सिद्धरसाः प्रसूनविशिखो वैद्योऽनवद्योत्सवो मानव्याधिरयं कृशोदरि कथं त्वच्चेतसि स्थास्यति ॥

५०८३-१ आयातस्ते समीपं तव गुणविमलान्पण्डितो वादकर्ता काव्ये भव्ये हि रेवाभवविगतरसे रुग्युगे रोगहर्ता ।
५०८३-२ नाहं जाने चिकित्सां सकलगुणनिधे दुर्दरिद्रत्वरोगे श्रीमद्राजार्जुनेन्द्रप्रबलमपि यते कल्पिता सा चिकित्सा ॥

५०८४-१ आयाताः सखि वर्षा वर्षादपि यासु वासरो दीर्घः ।
५०८४-२ दिशि दिशि नीरतरङ्गो नीरतरङ्गो ममापि हृदयेशः ॥

५०८५-१ आयाता जलदावली सरभसं विद्युत्समालिङ्गिता शैलानां परितः सशब्दमहिभुक्श्रेणी नरीनृत्यति ।
५०८५-२ एवं सत्यपि हन्त संप्रति पतिर्देशान्तरं प्रस्थितस् तद्दुःखं विनिवेद्यतां सखि कथं कस्याधुनाग्रे मया ॥

५०८६-१ आयाता मधुयामिनी यदि पुनर्नायात एव प्रभुः प्राणा यान्तु विभावसौ यदि पुनर्जन्मग्रहं प्रार्थये ।
५०८६-२ व्याधः कोकिलबन्धने विधुपरिध्वंसे च राहुग्रहः कन्दर्पे हरनेत्रदीधितिरहं प्राणेश्वरे मन्मथः ॥

५०८७-१ आयाता मधुरजनी मधुरजनीगीतिहृद्येयं ।
५०८७-२ अङ्कुरितः स्मरविटपी स्मर विट पीनस्तनीमबलां ॥

५०८८-१ आयाता रजनी भविष्यति महाविश्लेषदावानलो नोद्वेगः सहसा कृशाङ्गि मनसा कार्यो रथाङ्गाह्वयः ।
५०८८-२ इत्थं बाष्पनिरुद्धगद्गदतया संभाष्य कोकीं चिरं चिन्तापूर्णमना विनोदविमुखो हंहो विधिं निन्दति ॥

५०८९-१ आयाता रतिनायकस्य विपिनं श्रीराधिकाभ्यागतो दैवादेव हरिश्च तत्र चतुरश्चेटोऽपि तत्रागमत् ।
५०८९-२ शीघ्रं पर्वतकन्दरोदरगतं लास्यं शिखीनां पुरः पंश्यामीति हरिं निगद्य शनकैर्गेहं समभ्यागमत् ॥

५०९०-१ आयातासि विमुञ्च वेपथुभरं दृष्टासि किं केनचिन् नीलं चोलममुं विमुञ्च हरतु स्वेदं निशीथानिलः ।
५०९०-२ इत्यन्तर्भयसन्नकण्ठमसकृद्यामीति तल्पातिथिर् त्रस्यन्ती परिरभ्यते सुकृतिना स्वैरं नवस्वैरिणी ॥

५०९१-१ आयाति फुल्लकुसुमः कुसुमागमोऽयं एषा शशाङ्कतिलका शरदागतेति ।
५०९१-२ बाढं प्रहृष्यति जनो न पुनर्ममैतदायुःप्रहीणमिति याति मनोविषादं ॥

५०९२-१ आयाति याति खेदं करोति मधु हरति मधुकरीवान्या ।
५०९२-२ अधिदेवता त्वमेव श्रीरिव कमलस्य मम मनसः ॥

५०९३-१ आयाति याति पुनरेव जलं प्रयाति पद्माङ्कुराणि विधुनोति धुनोति पक्षौ ।
५०९३-२ उन्मत्तवद्भ्रमति कूजति मन्दमन्दं कान्तावियोगविधुरो निशि चक्रवाकः ॥

५०९४-१ आयाति श्रियमञ्जसा नयनयोरम्भोरुहप्रेयसी संनाहः स्तनयोरयं कलयते संभोगयोग्यां दशां ।
५०९४-२ वैदग्ध्येन सहासिकां वितनुते वाचामियं प्रक्रिया मुग्धायाः पुनरैन्दवीं न सहते मुख्यामभिख्यां मुखं ॥

५०९५-१ आयाति स्खलितैः पादैर्मुखवैवर्ण्यसंयुतः ।
५०९५-२ ललाटस्वेदभाग्भूरिगद्गदं भाषते वचः ॥

५०९६-१ कम्पमानमधोऽवेक्षी पापं प्राप्तः सदा नरः ।
५०९६-२ तस्माद्यत्नात्परिज्ञेयश्चिह्नैरेतैर्विचक्षणैः ॥

५०९७-१ आयाति हृष्टोऽभिमुखो यदि श्वा क्रीडां प्रकुर्वन्विलुथंस्तथाग्रे ।
५०९७-२ शीघ्रं तदानीं ध्रुवमध्वगानां भवेत्प्रभूतो धनधान्यलाभः ॥

५०९८-१ आयातु यातु खेदं करोतु मधु हरतु चाप्यन्या ।
५०९८-२ अधिदेवता त्वमेव श्रीरिव कमलस्य मम मनसः ॥

५०९९-१ आयाते च तिरोहितो यदि पुनर्दृष्टोऽन्यकार्ये रतो वाचि स्मेरमुखो विषण्णवदनः स्वक्लेशवादे मुहुः ।
५०९९-२ अन्तर्वेश्मनि वासमिच्छति भृशं व्याधीति यो भाषते भृत्यानामपराधकीर्तनपरस्तन्मन्दिरं न व्रजेत् ॥

५१००-१ आयाते दयिते मनोरथशतैर्नीत्वा कथंचिद्दिनं गत्वा वासगृहं जडे परिजने दीर्घां कथां कुर्वति ।
५१००-२ दष्टास्मीत्यभिधाय सत्वरपदं व्याधूय चीनांशुकं तन्वङ्ग्या रतिकातरेण मनसा नीतः प्रदीपः शमं ॥

५१०१-१ आयाते दयिते मरुस्थलभुवामुल्लङ्घ्य दुर्लङ्घ्यतां गेहिन्या परितोषबाष्पतरलामासज्य दृष्टिं मुखे ।
५१०१-२ दत्वा पीलुशमीकरीरकवलान्स्वेनाञ्चलेनादरादामृष्टं करभस्य केशरसटाभाराबलग्नं रजः ॥

५१०२-१ आयाते रभसाद्यदि प्रियतमे प्रत्युद्गता नो चिरं नो वा मण्डलितोन्नतस्तनतटं गाढं समालिङ्गितः ।
५१०२-२ आश्लिष्य स्वभुजावलम्बमथवा प्रेमार्द्रया नो गिरा संभाव्याभिहितो हतासि सरले स्वैरेव दुश्चेष्टितैः ॥

५१०३-१ आयातेऽर्थिनि गोत्रभिद्यभिमते कर्णोऽमुचत्कुण्डलं कामास्त्रं किल भूरिलोचनयुगं तस्मिन्समासज्जतां ।
५१०३-२ नन्वेतत्कुरुनायकस्य हृदयं तस्मात्समाधीयतां संभूतस्तपसोऽत्र यो रतिरसो मापार्थतो हीयतां ॥

५१०४-१ आयाते श्रुतिगोचरं प्रियतमप्रस्थानकाले पुरस् तल्पान्तःस्थितया तदाननमलं दृष्ट्वा चिरं मुग्धया ।
५१०४-२ सोच्छ्वासं दृढमन्युनिर्भरगलद्बाष्पाम्बुधौतं तया स्वं वक्त्रं विनिवेश्य भर्तृहृदये निःशब्दकं रुद्यते ॥

५१०५-१ आयातैव निशा निशापतिकरैः कीर्णं दिशामन्तरं भामिन्यो भवनेषु भूषणगणैरङ्गान्यलंकुर्वते ।
५१०५-२ मुग्धे मानमपाकरोषि न मनागद्यापि रोषेण ते हा हा बालमृणालतोऽप्यतितरां तन्वी तनुस्ताम्यति ॥

५१०६-१ आयातैव निशा मनो मृगदृशामुन्निद्रमातन्वती मानो मे कथमेष संप्रति निरातङ्कं हृदि स्थास्यति ।
५१०६-२ ऊहापोहमिमं सरोजनयना यावद्विधत्तेतरां तावत्कामनृपातपत्रसुषमं बिम्बं बभासे विधोः ॥

५१०७-१ आयातो दयितस्तवेति सहसा न श्रद्दधे भाषितं सद्यः संमुखतां गतेऽपि सुमुखी भ्रान्तिं निजां मन्यते ।
५१०७-२ कण्ठाश्लेषिभुजेऽपि शून्यहृदया स्वप्नान्तरं शङ्कते प्रत्यावृत्तिमियं प्रियस्य कियता प्रत्येतु शातोदरी ॥

५१०८-१ आयातो भवतः पितेति सहसा मातुर्निशम्योदितं धूलीधूसरितो विहाय शिशुभिः क्रीडारसान्प्रस्तुतान् ।
५१०८-२ दूरात्स्मेरमुखः प्रसार्य ललितं बाहुद्वयं बालको नाधन्यस्य पुरः समेति परया प्रीत्या रटद्घर्घरं ॥

५१०९-१ आयातो वनमाली गृहपतिरालि समायातः ।
५१०९-२ स्मर सखि पाणिनिसूत्रं विप्रतिषेधे परं कार्यं ॥

५११०-१ आयात्त्रिभागतः कुर्याद्व्ययं धर्मपरो नरः ।
५११०-२ एतदेव हि पाण्डित्यं यदायादल्पको व्ययः ॥

५१११-१ आयान्तं गुणिनं दृष्ट्वा प्रहृष्येदाद्रियेत च ।
५१११-२ गुणिनो ह्यादृता भूयश्चेष्टन्ते तस्य संपदे ॥

५११२-१ आयान्तं स्वपतिं दृष्ट्वा भक्षयन्ती सदाखिलं ।
५११२-२ परित्यक्ता निजैः पुत्रैर्बान्धवैः स्वजनैस्तथा ॥

५११३-१ आयान्तमालोक्य हरिं प्रतोल्यां आल्याः पुरस्तादनुरागमेका ।
५११३-२ र्ॐआञ्चकम्पादिभिरुच्यमानं भामा जुगूह प्रणमन्त्यथैनं ॥

५११४-१ आयान्ति त्वरितं गभीरसरितां कूलेषु भूमीरुहां मूलेषु व्यथिता निदाघपथिकाः कृत्यं तदेषां परं ।
५११४-२ यत्पुष्पैरधिवासनं निबिडया यच्छायया पालनं यन्मन्दैरुपवीजनं च पवनैः कृत्यं तदुर्वीरुहां ॥

५११५-१ आयान्ति यत्र निवसन्ति चिराय चेष्टं निर्यान्ति चैवममिताः सरितो यतोऽमी ।
५११५-२ देवैर्हृतेषु बहुलेषु मणिष्वपीभ्यो यः पूर्ववत्स जयतादमृतैकभूमिः ॥

५११६-१ आयान्ति यान्ति सततं नीरं शिशिरं खरं न गणयन्ति ।
५११६-२ विद्मो न हन्त दिवसाः कस्य किमेते करिष्यन्ति ॥

५११७-१ आयान्त्यग्रे ननु तनुभवा उत्तमर्णा इवेमे शय्यालग्नाः फणभृत इवाभान्ति दारा इदानीं ।
५११७-२ कारागेहप्रतिममधुना मन्दिरं दृश्यते मे तत्र स्थातुं प्रसजति मनो न क्षणं न क्षणार्धं ॥

५११८-१ आयान्त्यां निजयुवतौ वनात्सशङ्कं बर्हाणामपरशिखण्डिनीं भरेण ।
५११८-२ आलोक्य व्यवदधतं पुरो मयूरं कामिन्यः श्रदधुरनार्जवं नरेषु ॥

५११९-१ आयान्त्या दिवसश्रियः पदतलस्पर्शानुभावादिव व्य्ॐआशोकतरोर्नवीनकलिकागुच्छः समुज्जृम्भते ।
५११९-२ आतन्वन्नवतंसविभ्रममसावाशाकुरङ्गीदृशां उन्मीलत्तरुणप्रभाकरकरस्त्ॐअः समुद्भासते ॥

५१२०-१ आयामिनोस्तदक्ष्णोर् अञ्जनरेखाविधिं वितन्वन्त्याः ।
५१२०-२ पाणिः प्रसाधिकायाः प्रापदपाङ्गं चिरेण विश्रम्य ॥

५१२१-१ आयासः परहिंसा वैतंसिकसारमेय तव सारः ।
५१२१-२ त्वामपसार्य विभाज्यः कुरङ्ग एषोऽधुनैवान्यैः ॥

५१२२-१ आयासशतलभ्यस्य प्राणेभ्योऽपि गरीयसः ।
५१२२-२ गतिरेकैव वित्तस्य दानं शेषा विपत्तयः ॥

५१२३-१ आयासशोकभयदुःखमुपैति मर्त्यो मानेन सर्वजननिन्दितवेषरूपः ।
५१२३-२ विद्यादयादमयमादिगुणांश्च हन्ति ज्ञात्वेति गर्ववशमेति न शुद्धबुद्धिः ॥

५१२४-१ आयासश्लथबाहुवल्लिरधिकस्मेरै .- -.- लोलापाङ्गकपोलपालिरलिकस्त्ॐआर्धलुप्तालका ।
५१२४-२ न्यस्यन्ती मदयत्यनावृत इव प्रच्छादनायाञ्चलं मुग्धा स्वेदनिपीतसूक्ष्मसिचयव्यक्तस्तनी वक्षसि ॥

५१२५-१ आयासादलघुतरस्तनैः स्वनद्भिः श्रान्तानामविकचलोचनारविन्दैः ।
५१२५-२ अभ्यम्भः कथमपि योषितां समूहैस् तैरुर्वीनिहितचलत्पदं प्रचेले ॥

५१२६-१ आयासानविचिन्तयन्नगणयल्लाभं ततः किंचिदप्य् अम्भो मुञ्चति कीर्तिमात्रशरणो धाराधरः सर्वतः ।
५१२६-२ तद्यत्नादुपयुज्य वर्धयतु वा दातुर्यशः शाश्वतं मौढ्यादेतदुपेक्ष्य नाशयतु वा लोकः प्रमाणं ततः ॥

५१२७-१ आयास्य बहुभिर्दुग्धां पीतां वत्सेन सद्गवीं ।
५१२७-२ सुशिक्षितोऽपि गोपालः प्रयत्नेन दुहीत किं ॥

५१२८-१ आयास्यसि कदा कान्ते मदन्तकमयि प्रभे ।
५१२८-२ इति प्र्ष्टेन्दुवदनाच्छादयद्वाससा मुखं ॥

५१२९-१ आयास्यस्यवधावपर्यवसिते गत्वेति संभाव्यते संप्राप्ते त्वयि यानि तान्यपि सुखान्यद्यापरोक्षाणि नः ।
५१२९-२ किंत्वज्ञातवियोगवेदनमिदं सद्यस्त्वयि प्रस्थिते चेतः किं नु करीष्यतीत्यविदितं सम्यङ्न निश्चीयते ॥

५१३०-१ आयास्यामि पुनस्तवान्तिकमहं यामे व्यतीते प्रियेत्य् उक्त्वा पङ्कजलोचना सरभसं कान्ता समाजं ययौ ।
५१३०-२ जाते क्वापि च सीञ्जते किमु समायातेति मार्गं मुहुर् दर्शं दर्शमथो मया निशि मनाग्लब्धो न निद्रारसः ॥

५१३१-१ आयुः कर्म च वित्तं च विद्या निधनमेव च ।
५१३१-२ पञ्चैतानि हि सृज्यन्ते गर्भस्थस्यैव देहिनः ॥

५१३२-१ आयुः कल्लोललोलं कतिपयदिवसस्थायिनी यौवनश्रीर् अर्थाः संकल्पकल्पा घनसमयतडिद्विभ्रमा भोगपूराः ।
५१३२-२ कण्ठाश्लेषोपगूढं तदपि च न चिरं यत्प्रियाभिः प्रणीतं ब्रह्मण्यासक्तचित्ता भवत भवभयाम्भोधिपारं तरीतुं ॥

५१३३-१ आयुःप्रश्ने दीर्घमायुर्वाच्यं मौहूर्तिकैर्जनैः ।
५१३३-२ जीवन्तो बहु मन्यन्ते मृताः प्रक्ष्यन्ति कं पुनः ॥

५१३४-१ आयुः श्रियं यशो धर्मं लोकानाशिष एव च ।
५१३४-२ हन्ति श्रेयांसि सर्वाणि पुंसो महदतिक्रमः ॥

५१३५-१ आयुः श्रीः कीर्तिरैश्वर्यं आशिषः पुरुषस्य याः ।
५१३५-२ भवन्त्येव हि तत्काले यथानिच्छोर्विपर्ययाः ॥

५१३६-१ आयुःसत्त्वबलारोग्यसुखप्रीतिविवर्धनाः ।
५१३६-२ रस्याः स्निग्धाः स्थिरा हृद्या आहाराः सात्त्विकप्रियाः ॥

५१३७-१ आयुःसारं युअवनं ऋतुसारः कुसुमसायकवयस्यः ।
५१३७-२ सुन्दरि जीवितसारो रतिभोगरसामृतस्वादः ॥

५१३८-१ आयुक्तकेभ्यश्चोरेभ्यः परेभ्यो राजवल्लभात् ।
५१३८-२ पृथिवीपतिलोभाच्च प्रजानां पञ्चधा भयं ॥

५१३९-१ आयुधानां धनुः श्रेष्ठं आसनानां च मेदिनी ।
५१३९-२ फलानां चाम्रवृक्षस्य देवानां च महेश्वरः ॥

५१४०-१ आयुर्घृते गुडे रोगा नित्यं मृत्युर्विदाहिषु ।
५१४०-२ आरोग्यं कटुतिक्तेषु बलं माषे पयस्तु च ॥

५१४१-१ आयुर्दानमहोत्सवस्य विनतक्षोणीभृतां मूर्तिमान् विश्वासो नयनोत्सवो मृगदृशां कीर्तेः प्रकाशः परः ।
५१४१-२ आनन्दः कलिताकृतिः सुमनसां वीरश्रियो जीवितं धर्मस्यैव निकेतनं विजयते वीरः कलिङ्गेश्वरः ॥

५१४२-१ आयुर्दीर्घतरं वपुर्वरतरं गोत्रं गरीयस्तरं वित्तं भूरितरं बलं बहुतरं स्वामित्वमुच्चैस्तरं ।
५१४२-२ आरोग्यं विगतान्तरं त्रिजगति श्लाघ्यत्वमल्पेतरं संसाराम्बुनिधिं करोति सुतरं चेतः कृपार्द्रान्तरं ॥

५१४३-१ आयुर्नश्यति पश्यतां प्रतिदिनं याति क्षयं यौवनं प्रत्यायान्ति गताः पुनर्न दिवसाः कालो जगद्भक्षकः ।
५१४३-२ लक्ष्मीस्तोयतरङ्गभङ्गचपला विद्युच्चलं जीवितं यस्मान्मां शरणागतं शरणद त्वं रक्ष रक्षाधुना ॥

५१४४-१ आयुर्नीरतरङ्गभङ्गुरमिति ज्ञात्वा सुखेनासितं लक्ष्मीः स्वप्नविनश्वरीति सततं भोगेषु बद्धा रुचिः ।
५१४४-२ अभ्रस्तम्बविडम्बि यौवनमिति प्रेम्णावगूढाः स्त्रियो यैरेवात्र विमुच्यते भवरसात्तैरेव बद्धो जनः ॥

५१४५-१ आयुर्बलं विपुलमस्तु सुखित्वमस्तु कल्याणमस्तु विपुला तव कीर्तिरस्तु ।
५१४५-२ श्रीरस्तु धर्ममतिरस्तु रिपुक्षयोऽस्तु संतानवृद्धिरभिवाञ्छितसिद्धिरस्तु ॥

५१४६-१ आयुर्यशो बलं वित्तं आकाङ्क्षद्भिः प्रियाणि च ।
५१४६-२ पितैवाराधनीयोऽग्रे दैवतं हि पिता महत् ॥

५१४७-१ आयुर्लेखा पवनचलनाश्लिष्टदीपोपमेया संपच्चैषा मदवशचलत्कामिनीदृष्टिलोला ।
५१४७-२ तीव्रश्चान्तर्दहति हृदयं विप्रयोगः प्रियेभ्यस् तस्मादेतत्सततममलं ब्रह्म शान्तं प्रपन्नाः ॥

५१४८-१ आयुर्वर्षशतं नृणां परिमितं रात्रौ तदर्धं गतं तस्यार्धस्य परस्य चार्धमपरं बालत्ववृद्धत्वयोः ।
५१४८-२ शेषं व्याधिवियोगदुःखसहितं सेवादिभिर्नीयते जीवे वारितरङ्गचञ्चलतरे सौख्यं कुतः प्राणिनां ॥

५१४९-१ आयुर्वर्षशतं नृणां परिमितं रात्रौ तदर्धं हृतं तस्यार्धस्य च किंचिदेव जरया बाल्येन किंचिद्हृतं ।
५१४९-२ किंचिद्व्याधिवियोगदुःखमरणैर्भूपालसेवारसैर् नष्टं शिष्टमतस्तरङ्गतरलं पुंसां सुखं क्व क्षणे ॥

५१५०-१ आयुर्वायुचलं सुरेश्वरधनुर्लोलं बलं यौवनं विद्युद्वच्चपलं धनं गिरिनदीकल्लोलवच्चञ्चलं ।
५१५०-२ तारुण्यं करिकर्णतालतरलं देहं च रोगाकुलं ज्ञात्वा सर्वमिदं कुरुध्वममलं धर्मं सदा निश्चलं ॥

५१५१-१ आयुर्वायुव्यथितनलिनीपत्रमित्रं किमन्यथ्संपच्छम्पाद्युतिसहचरी स्वैरचारी कृतान्तः ।
५१५१-२ कस्मादस्मिन्भ्रमसि तमसि त्वं प्रयाहि प्रयागं पौनःपुन्यं भुवि भगवती स्वर्धुनी ते धुनीते ॥

५१५२-१ आयुर्वासरमासवत्सरगणे गच्छत्यदूरं पथैर् आक्रामन्ति कृतान्तकासरखुरक्षुण्णा रजोराजयः ।
५१५२-२ ईषल्लङ्घितशैशवा इति वयःसंधिं दधाना इति व्यक्ता वर्जितयौवना इति तथा नन्दन्ति तन्द्रालवः ॥

५१५३-१ आयुर्वित्तं गृहच्छिद्रं मन्त्रमैथुनभेषजं ।
५१५३-२ अपमानं तपो दानं नव गोप्यानि यत्नतः ॥

५१५४-१ आयुर्वित्तं गृहच्छिद्रं मन्त्रमैथुनभेषजं ।
५१५४-२ दानमानापमानं च नवैतानि सुगोपयेत् ॥

५१५५-१ आयुर्वृद्धिक्षयोत्कर्षहेतुं कालविनिर्गतं ।
५१५५-२ वाञ्छतां धनिनामिष्टं जीवितात्परमं धनं ॥

५१५६-१ आयुर्वेदकृताभ्यासः सर्वेषां प्रियदर्शनः ।
५१५६-२ आर्यशीलगुणोपेत एष वैद्यो विधीयते ॥

५१५७-१ आयुर्वेदमधीयानाः केवलं सपरिग्रहं ।
५१५७-२ दृश्यन्ते बहवो वैद्या व्याधिभिः समभिप्लुताः ॥

५१५८-१ आयुषः क्षण एकोऽपि न लभ्यः स्वर्णकोटिभिः ।
५१५८-२ स चेन्निरर्थकं नीतः का नु हानिस्ततोऽधिका ॥

५१५९-१ आयुषः क्षण एकोऽपि न लभ्यः स्वर्णकोटिभिः ।
५१५९-२ स वृथा नीयते येन तस्मै नृपशवे नमः ॥

५१६०-१ आयुषः क्षण एकोऽपि सर्वरत्नैर्न लभ्यते ।
५१६०-२ नीयते यद्वृथा सोऽपि प्रमादः सुमहानयं ॥

५१६१-१ आयुष्मान्प्राङ्मुखो भुञ्जात्धनवान्दक्षिणामुखः ।
५१६१-२ पश्चिमे तु यशस्वी स्यान्न कदाचिदुदङ्मुखः ॥

५१६२-१ आयुष्यं सर्वथा रक्ष्यं प्राणिनामिह धीमता ।
५१६२-२ अप्यल्पगुणसंपन्नो जीवन्भद्राणि पश्यति ॥

५१६३-१ आयुस्तडिच्चलमपायि शरीरमेतन् मृत्युर्ग्रसिष्यति कदेति न कोऽपि वेद ।
५१६३-२ अद्यैव तद्भजत मुक्तिपथं द्विजेन्द्रा ज्येष्ठागमावधि हि तिष्ठति किं न दर्शः ॥

५१६४-१ आयुस्ते कियदस्ति तत्र च कियत्तारुण्यमत्रापि वाप्य् अर्धं निर्गिलितं निशात्मकतया यत्रास्ति सङ्गो न ते ।
५१६४-२ शेषाः सन्ति कति क्षणाः प्रणयजस्तत्रापि कोपो यदि व्यर्थं निश्चिनु चक्रवाकि जननं कस्ते हितं वक्ष्यति ॥

५१६५-१ आयुस्ते नरवीर वर्धतु सदा हेमन्तरात्रिर्यथा लोकानां प्रियवर्धनो भव सदा हेमन्तसूर्यो यथा ।
५१६५-२ लोकानां भयवर्धनो भव सदा हेमन्ततोयं यथा नाशं यान्तु तवारयोऽपि सततं हेमन्तपद्मं यथा ॥

५१६६-१ आयूंषि क्षणिकानि यौवनमपि प्रायो जराध्यासितं संयोगा विरहावसानविरसा भोगाः क्षणध्वंसिनः ।
५१६६-२ जानन्तोऽपि यथाव्यवस्थितमिदं लोकाः समस्तं जगछ्चित्रं यद्गुरुगर्वभावितधियः क्रुध्यन्ति माद्यन्ति च ॥

५१६७-१ आयूरेखां चकारास्याः करे द्राघीयसीं विधिः ।
५१६७-२ शौण्डीर्यगर्वनिर्वाहप्रत्याशां च मनोभुवः ॥

५१६८-१ आये व्यये तथा नित्यं त्यक्तलज्जस्तु वै भवेत् ।
५१६८-२ न कुञ्चितेन गूढेन नित्यं प्रावरणादिभिः ॥

५१६९-१ आयोधने कृष्णगतिं सहायं अवाप्य यः क्षत्रियकालरात्रिं ।
५१६९-२ धारां शितां रामपरश्वधस्य संभावयत्युत्पलपत्रसारां ॥

५१७०-१ आरक्ततामेति मुखं जिह्वा वा श्यामतां यदा ।
५१७०-२ तदा प्राज्ञो विजानीयान्मृत्युमासन्नमात्मनः ॥

५१७१-१ आरक्तदीर्घनयनो नयनाभिरामः कन्दर्पकोटिललितं वपुरादधानः ।
५१७१-२ भूयात्स मेऽद्य हृदयाम्बुरुहाधिवर्ती वृन्दाटवीनगरनागरचक्रवर्ती ॥

५१७२-१ आरक्तराजिभिरियं कुसुमैर्नवकन्दली सलिलगर्भैः ।
५१७२-२ कोपादन्तर्बाष्पे स्मरयति मां लोचने तस्याः ॥

५१७३-१ आरक्ताङ्कुरदन्तुरा कमलिनी नायामिनी यामिनी स्तोकोन्मुक्ततुषारमम्बरमणेरीषत्प्रगल्भं महः ।
५१७३-२ अप्येते सहकारसौरभमुचो वाचालिताः कोकिलैर् आयान्ति प्रियविप्रयुक्तयुवतीमर्मच्छिदो वासराः ॥

५१७४-१ आरक्तानां नवमधु शनैरापिबन्पद्मिनीनां कालोन्निद्रे कुवलयवने घूर्णमानः सलीलं ।
५१७४-२ स्विन्नो दानैर्विपिनकरिणां स्ॐय सेविष्यते त्वां आमोदानामहमहमिकामादिशन्गन्धवाहः ॥

५१७५-१ आरक्तायतपुष्पबाणनयने स्निग्धाञ्जनश्यामिकां काश्मीरारुणकर्णिकारकुसुमोत्तंसे महानीलतां ।
५१७५-२ उन्मीलत्तिलकान्तरे मृगमदक्षोदार्द्रबिन्दूपमां धत्ते मुग्धतमालकान्तिमधुपीवृन्दं वसन्तश्रियः ॥

५१७६-१ आरक्तैर्नवपल्लवैर्विटपिनो नेत्रोत्सवं तन्वते तान्धुन्वन्नयमभ्युपैति मधुरामोदो मरुद्दक्षिणः ।
५१७६-२ तेनालिङ्गितमात्र एव विधिवत्प्रादुर्भवन्निर्भर- क्रीडाकूतकषायितेन मनसा लोकोऽयमुन्माद्यते ॥

५१७७-१ आरण्यास्तु स्वकैः कुर्युः सार्थिकाः सार्थिकैः सह ।
५१७७-२ सैनिकाः सैनिकैरेव ग्रामेऽप्युभयवासिभिः ॥

५१७८-१ आरब्धमब्धिमथनं स्वहस्तयित्वा द्विजिह्वममरैर्यत् ।
५१७८-२ उचितस्तत्परिणामो विषमं विषमेव यज्जातं ॥

५१७९-१ आरब्धा किमु केतकीकिसलयैर्माला किमायामिनी कर्पूरस्य परंपरा मलयजक्षोदस्य लेखाथवा ।
५१७९-२ धारा वैबुधसैन्धवी नु विसयत्याहो हिमानीमयी वृष्टिः पञ्चशरस्य तावकदृशोर्भङ्गी कथं गीयते ॥

५१८०-१ आरब्धा मकरध्वजस्य धनुषैतस्यास्तनुर्वेधसा त्वद्विश्लेषविशेषदुर्बलतया जाता न तावद्धनुः ।
५१८०-२ तत्संप्रत्यपि रे प्रसीद किमपि प्रेमामृतस्यन्दिनीं दृष्टिं नाथ विधेहि सा रतिपतेः शिञ्जापि सम्जायतां ॥

५१८१-१ आरब्धे दयितामुखप्रतिसमे निर्मातुमस्मिन्नपि व्यक्तं जन्मसमानकालमिलितामंशुच्छटां वर्षति ।
५१८१-२ आत्मद्रोहिणि रोहिणीपरिवृढे पर्यङ्कपङ्केरुहः संकोचादतिदुःस्थितस्य न विधेस्तच्छिल्पमुन्मीलितं ॥

५१८२-१ आरब्धे पटहे स्थिते गुरुजने भद्रासने लङ्घिते स्कन्धोच्चारणनम्यमानवदनप्रच्योतितोये घटे ।
५१८२-२ राज्ञाहूय विसर्जिते मयि जनो धैर्येण मे विस्मितः स्वः पुत्रः कुरुते पितुर्यदि वचः कस्तत्र भो विस्मयः ॥

८१८३-१ आरभन्तेऽल्पमेवाज्ञाः कामं व्यग्रा भवन्ति च ।
८१८३-२ महारम्भाः कृतधियस्तिष्ठन्ति च निराकुलाः ॥

५१८४-१ आरभेत नरः कर्म स्वपौरुषमहापयन् ।
५१८४-२ निष्पत्तिः कर्मणो दैवे पौरुषे च व्यवस्थिता ॥

५१८५-१ आरभेतैव कर्माणि श्रान्तः श्रान्तः पुनः पुनः ।
५१८५-२ कर्माण्यारभमाणं हि पुरुषं श्रीर्निषेवते ॥

५१८६-१ आरभ्यते महत्कार्यं यैः क्षुद्रैरपि पार्थिवैः ।
५१८६-२ ते चक्रवर्तिनो भूत्वा जायन्ते भद्रभाजनं ॥

५१८७-१ आरम्भगुर्वी क्षयिणी क्रमेण लघ्वी पुरा वृद्धिमती च पश्चात् ।
५१८७-२ दिनस्य पूर्वार्धपरार्धभिन्ना छायेव मैत्री खलसज्जनानां ॥

५१८८-१ आरम्भरतिताऽधैर्यं असत्कार्यपरिग्रहः ।
५१८८-२ विषयोपसेवा चाजस्रं राजसं गुणलक्षणं ॥

५१८९-१ आरम्भरमणीयानि विमर्दे विरसानि च ।
५१८९-२ प्रायो वैरावसानानि संगतानि खलैः सह ॥

५१९०-१ आरात्कारीषवह्नेः प्रविरचिततृणप्रस्तरान्तर्निषण्णैः संशीर्णग्रन्थिकन्थाविवरवशविशच्छीतवाताभिभूतैः ।
५१९०-२ नीताः कृच्छ्रेण पान्थैः श्वभिरिव निविडं जानुसंकोचकुब्जैर् अन्तर्दुर्वारदुःखद्विगुणतरकृतायामयामास्त्रि यामाः ॥

५१९१-१ आरादसौ तरुवरस्तव कुन्तलानां आकल्पमात्मकुसुमैरभियाचमानः ।
५१९१-२ भूयः समाह्वयति या कलकण्ठनादैर् आरोहभारमृदुगामिनि तत्र यामः ॥

५१९२-१ आराद्धं किमु दैवतं कुवलयैस्तेपे तपश्चन्द्रमाः किं नामायमिदं च काञ्चनरुचां किं भाग्यमुज्जृम्भते ।
५१९२-२ दैवं वाद्य किमानुकूलिकमभूद्बालप्रवालश्रियां अस्याः स्मेरदृशो दधत्यवयवौपम्यं यदेतान्यपि ॥

५१९३-१ आराद्धो मूर्द्धभिर्यत्तुहिनकरकलालंकृतिर्विशतिर्यद्दोष्णामुष्णांशुमित्रं भुवनपरिभवी यत्प्रतापप्ररोहः ।
५१९३-२ यत्तत्कैलासशैलोद्धरणमपि मृषा तत्समस्तं तवाभूथ्बिभ्रल्लुण्टाकलीलां यदपहरसि नः पङ्कजाक्षीं परोक्षे ॥

५१९४-१ आराधयति यं देवं तमुत्कृष्टतरं वदेत् ।
५१९४-२ तन्न्यूनतां नैव कुर्याज्जोषयेत्तस्य सेवनं ॥

५१९५-१ आराधयितुः प्रेम- प्रतीक्षणार्थं स्पृहा परं यासां ।
५१९५-२ ता ननु सौभगदेव्यो गणिकाः कृतिनां समाराध्याः ॥

५१९६-१ आराधिता हि राजानो देववच्चोपसेविताः ।
५१९६-२ अनुग्रहैर्योजयन्ति भक्तान्घ्नन्ति विपर्यये ॥

५१९७-१ आराधिता हि शीलेन प्रयत्नैश्चोपसेविताः ।
५१९७-२ राजानः संप्रसीदन्ति प्रकुप्यन्ति विपर्यये ॥

५१९८-१ आराधितो वाप्यपराधितो वा खलः करोत्येव सदापकारं ।
५१९८-२ मूर्ध्ना धृतो पादतले स्थितो वा दशत्यवश्यं खलु दन्दशूकः ॥

५१९९-१ आराध्यः पतिरेव तस्य च पदद्वन्द्वानुवृत्तिर्व्रतं केनैताः सखि शिक्षितासि विपथप्रस्थानदुर्वासनाः ।
५१९९-२ किं रूपेण न यत्र मज्जति मनो यूनां किमाचार्यकैर् गूढानङ्गरहस्ययुक्तिषु फलं येषां न दीर्घं यशः ॥

५२००-१ आराध्य दुग्धजलधिः सुधयैव देवान् देवाय हन्त महते गरलं दिदेश ।
५२००-२ येषां ध्रुवं प्रकृतिरेव जलाशयानां नीचेषु सन्मतिरसन्मतिरुत्तमेषु ॥

५२०१-१ आराध्य भूपतिमवाप्य ततो धनानि भोक्ष्यामहे किल वयं सततं सुखानि ।
५२०१-२ इत्याशया कलिविमोहितमानसानां कालः प्रयाति मरणावधिरेव पुंसां ॥

५२०२-१ आराध्यमानो नृपतिः प्रयत्नादाराध्यते नाम किमत्र चित्रं ।
५२०२-२ अयं त्वपूर्वः प्रतिमाविशेषो यः सेव्यमानो रिपुतामुपैति ॥

५२०३-१ आरामाधिपतिर्विवेकविकलो नूनं रसा नीरसा वात्याभिः परुषीकृता दश दिशश्चण्डातपो दुःसहः ।
५२०३-२ एवं धन्वनि चम्पकस्य सकले सम्हारहेतावपि त्वं सिञ्चन्नमृतेन तोयद कुतोऽप्याविष्कृतो वेधसा ॥

५२०४-१ आरामाभरणस्य पल्लवचयैरापीततिग्मत्विषः पाथोद प्रशमं नयागुरुतरोरेतस्य दावज्वरं ।
५२०४-२ ब्रूमस्त्वामुपकारकातर गतप्रायाः पयःसंपदो दग्धोऽप्येष तरुर्दिशः परिमलैरापूर्य निर्वास्यति ॥

५२०५-१ आरामुखं क्षुरप्रं च गोपुच्छं चार्धचन्द्रकं ।
५२०५-२ सूचीमुखं च भल्लं च वत्सदन्तं द्विभल्लकं ॥

५२०६-१ कर्णिकं काकतुण्डं च तयान्यान्यप्यनेकशः ।
५२०६-२ फलानि देशदेशेषु भवन्ति बहुरूपतः ॥

५२०७-१ आरामुखेन वै चर्म क्षुरप्रेण च कार्मुकं ।
५२०७-२ सूचीमुखेन कवचं अर्धचन्द्रेण मस्तकं ॥

५२०८-१ भल्लेन हृदयं वेध्यं द्विभल्लेन गुणः शरः ।
५२०८-२ लोहं च काकतुण्डेन लक्ष्यं गोपुच्छकेन च ॥

५२०९-१ आरामैः सदनैर्हयैर्गजवरैर्गानैः परिक्रीडनैर् वाद्यैर्यौवनगर्वमञ्जुलतरैर्वृन्दैश्च वामभ्रुवां ।
५२०९-२ मुक्तिः स्याद्यदि तद्विहाय सकलं चैतत्प्रवीणा नराः कर्तुं हन्त तपस्तु मुक्तिसुखदं कस्मादरण्यं गताः ॥

५२१०-१ आरामोऽयमनर्गलेन बलिना भग्नः समग्रो मयेत्य् अन्तःसंभृतहर्षवर्धितमदोदग्रः किमुन्माद्यसि ।
५२१०-२ मातङ्ग प्रतिवर्शमेव भवतो भावी निदाघज्वरस् तत्रापि प्रतिकारमर्हसि सखे सम्यक्समालोचितुं ॥

५२११-१ आरिप्सुना मन्त्रबलान्वितेन प्रागेव कार्यो निपुणं विचारः ।
५२११-२ दोष्णां बलान्मन्त्रबलं गरीयः शक्रोऽसुरान्मन्त्रबलाद्विजिग्ये ॥

५२१२-१ आरिराधयिषुः सम्यगनुजीवी महीपतिं ।
५२१२-२ विद्याविनयशिल्पाद्यैरात्मानमुपपादयेत् ॥

५२१३-१ आरुरुक्षोर्मुनेर्योगं कर्म कारणमुच्यते ।
५२१३-२ योगारूढस्य तस्यैव शमः कारणमुच्यते ॥

५२१४-१ आरुह्य दूरमगणित- रौद्रक्लेशा प्रकाशयन्ती स्वं ।
५२१४-२ वातप्रतीच्छनपटी वहित्रमिव हरसि मां सुतनु ॥

५२१५-१ आरुह्य नृपतिः पूर्वं इन्द्रियाश्वान्यशीकृतान् ।
५२१५-२ कामक्रोधादिकाञ्जित्वा रिपूनाभ्यन्तरांश्च तान् ।
५२१६-१ जयेदात्मानमेवादौ विजयायान्यविद्विषां ।
५२१६-२ अजितात्मा हि विवशो वशीकुर्यात्कथं परान् ॥

५२१७-१ आरुह्य शैलशिखरं त्वद्वदनापहृतकान्तिसर्वस्वः ।
५२१७-२ प्रतिकर्तुमिवोर्ध्वकरः स्थितः पुरस्तान्निशानाथः ॥

५२१८-१ आरुह्याक्रीदशैलस्य चन्द्रकान्तस्थलीमिमां ।
५२१८-२ नृत्यत्येष लसच्चारुचन्द्रकान्तः शिखावलः ॥

५२१९-१ आरूढः पतित इति स्वसंभवोऽपि स्वच्छानां परिहरणीयतामुपैति ।
५२१९-२ कर्णेभ्यश्च्युतमसितोत्पलं वधूनां वीचीभिस्तटमनु यन्निरासुरापः ॥

५२२०-१ आरूढक्षितिपालभालविगलत्स्वेदाम्बुसेकोद्धता भेरीझांकृतिचापटंकृतिचमत्कारोल्लसनं आनसा ।
५२२०-२ क्षुभ्यत्क्षोणितलंस्फुरत्खुरपुटं चञ्चच्चलत्केशरं मन्दभ्रान्तविलोचन प्रतिदिशं नृत्यन्ति वाजिव्रजाः ॥

५२२१-१ आरूढवेणुतरुणाधरविभ्रमेण माधुर्यशालिवदनाम्बुजमुद्वहन्ती ।
५२२१-२ आलोक्यतां किमनया वनदेवता वः कैशोरके वयसि कापि च कान्तियष्टिः ॥

५२२२-१ आरूढस्य चितां कृतानुमरणोद्योगप्रियालिङ्गनं पुण्ड्रेक्षुद्रवपानमुल्बणमहामोहप्रलुप्तस्मृते ः ।
५२२२-२ वीतासोरवतंसमाल्यवलयामोदश्च यादृग्भवेद्भावानां सुभगः स्वभावमहिमा निश्चेतसस्तादृशः ॥

५२२३-१ आरूढस्वामिकोऽश्वः स्याद्वित्तचिन्तितसिद्धये ।
५२२३-२ सर्वेषां सुरतक्रीडा दृष्टादौ भोगलब्धये ॥

५२२४-१ आरूढान्तरयौवनस्य परितो गोष्ठीरनुभ्राम्यतस् तत्तत्तासु मनोगतं सुनिभृतं संव्याचिकीर्षोर्हरेः ।
५२२४-२ वेगादुच्छलितास्फुटाक्षरदशागर्भास्त्रपागौरवाथ्प्रत्यञ्चो वलिता भवन्तु भवतां कृत्याय वागूर्मयः ॥

५२२५-१ आरूढो मलयानिलद्विपवरं युक्तो विलासानुगैः पीतः पुष्पविलोचनैर्नवलतापौराङ्गनानां गणैः ।
५२२५-२ अभ्राम्यद्वनपत्तने मधुमहीपालः स्फुरत्कोकिला- लीलालापमिलद्भ्रमद्भ्रमरिकाझांकारभेरीरवैः ॥

५२२६-१ आरूढो वासयष्टिं गृहवलभितले दुष्टमार्जारकेण क्रूरास्यं ग्रस्यमानः सकृदपि शनकैर्यद्विचुक्रोश कीरः ।
५२२६-२ गङ्गेति स्वामिनीं स्वामयममरपतेर्लब्धवानासनार्धं यस्तु त्रैस्रोतसाम्भः स्पृशति मृशति वा तत्कथां के विदन्तु ॥

५२२७-१ आरोग्यं चिरमश्विनी नरपते तोषं शिवः केशवः कल्याणं तव सर्वदा शशिरवी प्रोद्दीपनं देवताः ।
५२२७-२ ब्रह्माद्याः सकलाः सुभद्रमवनं गौर्यादयो मातरः कुर्वाते कुरुते करोति कुरुतः कुर्वन्ति कुर्वन्तु च ॥

५२२८-१ आरोग्यं परमानन्दः सुखमुत्साह एव च ।
५२२८-२ ऐश्वर्यं प्रियसंभोगं विना सर्वं निरर्थकं ॥

५२२९-१ आरोग्यं भास्करादिच्छेच्श्रियमिच्छेद्हुताशनात् ।
५२२९-२ ज्ञानं महेश्वरादिच्छेन्मोक्षमिच्छेज्जनार्दनात् ॥

५२३०-१ आरोग्यं भास्करादिच्छेद्धनमिच्छेद्हुताशनात् ।
५२३०-२ महेश्वराज्ज्ञानमिच्छेन्मुक्तिमिच्छेज्जनार्दनात् ॥

५२३१-१ आरोग्यं विद्वत्ता सज्जनमैत्री महाकुले जन्म ।
५२३१-२ स्वाधीनता च पुंसां महदैश्वर्यं विनाप्यर्थैः ॥

५२३२-१ आरोग्यं सौभाग्यं धनाढ्यता नायकत्वमानन्दः ।
५२३२-२ कृतपुण्यस्य स्यादिह सदा जयो वाञ्छितावाप्तिः ॥

५२३३-१ आरोग्यबुद्धिविनयोद्यमशास्त्ररागाः पञ्चान्तराः पठनसिद्धिगुणा भवन्ति ।
५२३३-२ आचार्यपुस्तकनिवाससहायकर्णा बाह्यास्तु पञ्च पठनं परिवर्धयन्ति ॥

५२३४-१ आरोग्यमानृण्यमविप्रवासः सद्भिर्मनुष्यैः सह संप्रयोगः ।
५२३४-२ स्वप्रत्यया वृत्तिरभीतवासः षड्जीवलोकस्य सुखानि राजन् ॥

५२३५-१ आरोग्यलक्ष्मीरुपयाति पित्त- ज्वरातुरं रेणुकषायभाजं ।
५२३५-२ मा त्वं यथा रत्नकले स्मरार्ता कृतप्रकोपप्रशमा सखीभिः ॥

५२३६-१ आरोढुं वरमौपवाह्यमपहर्तुं सुन्दरी कन्यका भोक्तुं भोगमुपस्थितं सुखमलंकर्तुं च रत्नैस्तनुं ।
५२३६-२ सम्नह्यन्त्यमृतान्धसो हि शमिते येनैव हालाहले स स्वामी मम दैवतं तदितरो नाम्नापि न म्नायते ॥

५२३७-१ आरोपयसि मुधा किं नाहमभिज्ञा किल त्वदङ्कस्य ।
५२३७-२ दिव्यं वर्षसहस्रं स्थित्वेति न युक्तमभिधातुं ॥

५२३८-१ आरोपितः पृथुनितम्बतटे तरुण्या कण्ठे च बाहुलतया निविडं गृहीतः ।
५२३८-२ उत्तुङ्गपीनकुचनिर्भरपीडितोऽयं कुम्भः करीषदहनस्य फलानि भुङ्क्ते ॥

५२३९-१ आरोपिता अपि प्राज्या गुणा लोकेषु पूजितैः ।
५२३९-२ पूजयन्तीह दृष्टान्तः प्रतिमा द्युःसदां ननु ॥

५२४०-१ आरोपिता शिलायां अश्मेव त्वं भवेति मन्त्रेण ।
५२४०-२ मग्नापि परिणयापदि जारमुखं वीक्ष्य हसितैव ॥

५२४१-१ आरोप्यतेऽश्मा शैलाग्रं यथा यत्नेन भूयसा ।
५२४१-२ निपात्यते सुखेनाधस्तथात्मा गुणदोषयोः ॥

५२४२-१ आरोहणं गोवृषकुञ्जराणां प्रासादशैलाग्रवनस्पतीनां ।
५२४२-२ विष्ठानुलेपो रुधिरं मृतं च स्वप्नेष्वगम्यागमनं च धन्यं ॥

५२४३-१ आरोहणाय तव सज्ज इवास्ति तत्र सोपानशोभिवपुरश्मवलिच्छटाभिः ।
५२४३-२ भोगीन्द्रवेष्टशतघृष्टिकृताभिरब्धि- क्षुब्धाचलः कनककेतकगोत्रगात्रि ॥

५२४४-१ आरोहतु गिरिशिखरं समुद्रमुल्लङ्घ्य यातु पातालं ।
५२४४-२ विधिलिखिताक्षरमालं फलति कपालं न भूपालः ॥

५२४५-१ आरोहत्यवनीरुहः प्रविशति श्वभ्रं नगैः स्पर्धते खं व्यालेधि विचेष्टते क्षितितले कुञ्जोदरे लीय ।
५२४५-२ अन्तर्भ्राम्यति कोटरस्य विरसत्यालम्बते वीरुधः किं तद्यन्न करोति मारुतवशं यातह्कृशानुर्वने ॥

५२४६-१ आरोहन्ति सुखासनान्यपटवो नागान्हयांस्तज्जुषस् ताम्बूलाद्युपभुञ्जते नटविटाः खादन्ति हस्त्यादयः ।
५२४६-२ प्रासादे चटकादयोऽपि निवसन्त्येते न पात्रं स्तुतेः स स्तुत्यो भुवने प्रयच्छति कृती लोकाय यह्कामितां ॥

५२४७-१ आरोहवल्लीभिरिवाम्बुधारा- राजीभिराभूमिविलम्बिनीभिः ।
५२४७-२ संलक्ष्यते व्य्ॐअ वटद्रुमाभं अम्भोधरश्यामदलप्रकाशं ॥

५२४८-१ आर्जवं चानृशंस्यं च दमश्चेन्द्रियनिग्रहः ।
५२४८-२ एष साधारणो धर्मश्चातुर्वर्ण्येऽब्रवीन्मनुः ॥

५२४९-१ आर्जवं प्रतिपद्यस्व पुत्रेषु सततं विभो ।
५२४९-२ इह कीर्तिं परां प्राप्य प्रेत्य स्वर्गमवाप्स्यसि ॥

५२५०-१ आर्जवत्वं चतुर्थं च पञ्चमं धर्ममेव हि ।
५२५०-२ मधुरत्वं ततः प्रोक्तं षष्ठमेव वरानने ॥

५२५१-१ आर्जवममलकराणां विनयो वररत्नमुकुटानां ।
५२५१-२ द्यूतं दुर्व्यसनानां स्त्रीजितता मरुतटीपिशाचानां ॥

५२५२-१ आर्जवेन धृता दीक्षा या नो दैवं परं प्रति ।
५२५२-२ अत्यन्तमानुषीयाभ्यः पीडाभ्यस्तद्विमोचनं ॥

५२५३-१ आर्जवेन नरं युक्तं आर्जवात्सव्य्पत्रपं ।
५२५३-२ अशक्तिमन्तं मन्यन्तो धर्षयन्ति कुबुद्धयः ॥

५२५४-१ आर्तत्राणपरायणेन करिणा दाहादिमूलेति यद्वाक्यं चक्रधरेण नक्रमुखतो हाकाररोरीकृतं ।
५२५४-२ यः स्तम्भे करताडनध्वनिरभूत्कर्णे सुरस्याप्यहो हा कृष्णेति यदक्षयं स भगवान्पायादपायाज्जगत् ॥

५२५५-१ आर्तदुःख्यपरित्राणदुर्गतादि यथाक्रमं ।
५२५५-२ पात्रमाहुर्दयालूनां अलाभे गुणवानिति ॥

५२५६-१ आर्तद्रुतस्वरज्ञा विभिन्नदीनप्रभिन्नलघुरौद्राः ।
५२५६-२ निन्द्याः शुभास्तु शब्दाः प्रमुदितपरिपूर्णदृढशान्ताः ॥

५२५७-१ आर्तस्य मे प्रणमतो जगदन्तरात्मन् पश्यन्न पश्यसि विभो न शृणोषि शृण्वन् ।
५२५७-२ दुर्दैवकुम्भजनुषा ननु सांप्रतं मे पीतस्तदीयकरुणावरुणालयोऽपि ॥

५२५८-१ आर्ता देवान्नमस्यन्ति तपः कुर्वन्ति रोगिणः ।
५२५८-२ निर्धना दानमिच्छन्ति वृद्धा नारी पतिव्रता ॥

५२५९-१ आर्तानामार्तिसंबन्धं प्रीतिविश्रामकारणं ।
५२५९-२ केन रत्नमिदं सृष्टं मित्रमित्यक्षरद्वयं ॥

५२६०-१ आर्तानामिह जन्तूनां आर्तिच्छेदं करोति यः ।
५२६०-२ शङ्खचक्रगदाहीनो द्विभुजः परमेश्वरः ॥

५२६१-१ आर्तार्ते मुदिते हृष्टा प्रोषिते मलिना कृशा ।
५२६१-२ मृते म्रियेत या पत्यौ सा स्त्री ज्ञेया पतिव्रता ॥

५२६२-१ आर्तेषु दीयते दानं शून्यलिङ्गस्य पूजनं ।
५२६२-२ अनाथप्रेतसंस्कारं अश्वमेधफलं लभेत् ॥

५२६३-१ आर्तेषु विप्रेषु दयान्वितश्च यच्छ्रद्धया स्वल्पमुपैति दानं ।
५२६३-२ अनन्तपारं समुपैति राजन् यद्दीयते तन्न लभेद्द्विजेभ्यः ॥

५२६४-१ आर्तो मत्सदृशो नान्यस्त्वत्तो नान्यः कृपापरः ।
५२६४-२ तुल्य एवावयोर्योगः कथं नाथ न पासि मां ॥

५२६५-१ आर्तो वा यदि वा त्रस्तः परेषां शरणागतः ।
५२६५-२ अरिः प्राणान्परित्यज्य रक्षितव्यः कृतात्मना ॥

५२६६-१ आर्द्रकीकसमुखः पुरतश्चेद्दृश्यते भवति तच्छुभदः श्वा ।
५२६६-२ चर्म शुष्कमथवास्थि विशुष्कं बिभ्रदेष मरणं विदधाति ॥

५२६७-१ आर्द्रमपि स्तनजघनान्- निरस्य सुतनु त्वयैतदुन्मुक्तं ।
५२६७-२ खस्थमवाप्तुमिव त्वां तपनांशूनंशुकं पिबति ॥

५२६८-१ आर्द्रां कण्ठे मुखाब्जस्रजमवनमयत्यम्बिका जानुलम्बां स्थाने कृत्वेन्दुलेखां निबिडयति जटाः पन्नगेन्द्रेण नन्दी ।
५२६८-२ कालः कृत्तिं निबध्नात्युपनयति करे कालरात्रिः कपालं शंभोर्नृत्यावतारे परिषदिति पृथग्व्यापृता वः पुनातु ॥

५२६९-१ आर्द्रालक्तकमस्याश्चरणं मुखमारुतेन वीजयितुं ।
५२६९-२ प्रतिपन्नः प्रथमतरः संप्रति सेवावकाशो मे ॥

५२७०-१ आर्यकर्मणि रज्यन्ते भूतिकर्माणि कुर्वते ।
५२७०-२ हितं च नाभ्यसूयन्ति पण्डिता भरतर्षभ ॥

५२७१-१ आर्यजननिन्दितानां पापैकरसप्रकाशनारीणां ।
५२७१-२ एतावानेव गुणो यदभीष्टसमागमो निरावरणः ॥

५२७२-१ आर्यजुष्टमिदं वृत्तं इति विज्ञाय शाश्वतं ।
५२७२-२ सन्तः परार्थं कुर्वाणा नावेक्षन्ते प्रतिक्रियां ॥

५२७३-१ आर्यता पुरुषज्ञानं शौर्यं करुणवेदिता ।
५२७३-२ स्थौललक्ष्यं च सततं उदासीनगुणोदयः ॥

५२७४-१ आर्यत्वं च चतुर्थं च पञ्चमं धर्ममेव हि ।
५२७४-२ षष्ठं सतीत्वं दृढता सप्तमं साहसोऽष्टमं ॥

५२७५-१ आर्यदेशकुलरूपबलायुर्- बुद्धिबन्धुरमवाप्य नरत्वं ।
५२७५-२ धर्मकर्म न करोति जडो यः पोतमुज्झति पयोधिगतः सः ॥

५२७६-१ आर्यपुत्र पिता माता भ्राता पुत्रस्तथा स्नुषा ।
५२७६-२ स्वानि पुण्यानि भुञ्जानाः स्वं स्वं भाग्यमुपासते ॥

५२७६-३ भर्तुर्भाग्यं तु भार्यैका प्राप्नोति पुरुषर्षभ ॥

५२७७-१ आर्यानङ्ग महाव्रतं विदधता विन्ध्यानिलैः पारणां कृत्वा साङ्गमकारि केन मुरलाकूले कठोरं तपः ।
५२७७-२ येनास्या रतिखेदमेदुरमृदुश्वासाधिवासस्पृशः पीयन्तेऽधरसीधवो विहसितज्योत्स्नोपदंशं रहः ॥

५२७८-१ आर्या मुखे तु चपला तथापि चर्या न मे यतः सा तु ।
५२७८-२ दक्षा गृहकृत्येषु त- था दुःखे भवति दुःखार्ता ॥

५२७९-१ आर्ये कर्मणि युञ्जानः पापे वा पुनरीश्वरः ।
५२७९-२ व्याप्य भूतानि चरते न चायमिति लक्ष्यते ॥

५२८०-१ आर्येण सुकरं ह्याहुर्यार्यकर्म धनंजय ।
५२८०-२ अनार्यकर्म त्वार्येण सुदुष्करतरं भुवि ॥

५२८१-१ आलक्ष्य दन्तमुकुलाननिमित्तहासैर् अव्यक्तवर्णरमणीयवचः प्रवृत्तीन् ।
५२८१-२ अङ्काश्रयप्रणयिनस्तनयान्वहन्तो धन्यास्तदङ्गरजसा मलिनीभवन्ति ॥

५२८२-१ आ लङ्कानाथनारीस्तनतरलपयोवीचिमुद्रात्समुद्रादा स्वर्गङ्गातरङ्गावलिविरलशिलादुस्तरादुत्तराद्रेः ।
५२८२-२ आ प्राक्शैलासुरस्त्रीसुरतगतिविदो मग्नभास्वन्मृगाङ्कादा च प्राचेतसाब्धेर्भवतु मम पुरः कोऽपि यद्यस्ति वीरः ॥

५२८३-१ आलपति पिकवधूरिव पश्यति हरिणीव चलति हंसीव ।
५२८३-२ स्फुरति तडिल्लतिकेव स्वदते तुहिनांशुलेखेव ॥

५२८४-१ आलप यथा यथेच्छसि युक्तं तव कितव किमपवारयसि ।
५२८४-२ स्त्रीजातिलाञ्छनमसौ जीवितरङ्का सखी सुभग ॥

५२८५-१ आलम्बिहेमरशनाह्स्तनसक्तहाराः कन्दर्पदर्पशिथिलीकृतगात्रयष्ट्यः ।
५२८५-२ मासे मधौ मधुरकोकिलभृङ्गनादैर् नार्यो हरन्ति हृदयं प्रसभं नराणां ॥

५२८६-१ आलम्बे जगदालम्बे हेरम्बचरणाम्बुजे ।
५२८६-२ शुष्यन्ति यद्रजः स्पर्शात्सद्यः प्रत्यूहवार्धयः ॥

५२८७-१ आलम्ब्याङ्गणवाटिकापरिसरे स्वेच्छानतां शाखिकां केयूरीभवदल्पशेषवलया बाला समस्तं दिनं ।
५२८७-२ सा दैवोपहृतस्य मूढमनसो भग्नावधेरद्य मे पन्थानं विवृताश्रुणा वदनकेनालोक्य किं वक्ष्यति ॥

५२८८-१ आलम्भ्याङ्गणवापिकापरिसरे चूतद्रुमे मञ्जरीं सर्पत्सान्द्रपरागलम्पटरणद्भृङ्गाङ्गनाशोभिनीं ।
५२८८-२ मन्ये स्वां तनुमुत्तरीयशकलेनाच्छाद्य बाला स्फुरत्- कण्ठध्वाननिरोधकम्पितकुचश्वासोद्गमा रोदिति ॥

५२८९-१ आलवाले स्थितं तोयं शोषं न भजते यदा ।
५२८९-२ अजीर्णं तद्विजानीयान्न देयं तादृशे जलं ॥

५२९०-१ आलस्यं कुरु पापकर्मणि भव क्रूरः क्रुधस्ताडने नैष्ठुर्यं भज लोभमोहविषये निद्रां समाधौ हरेः ।
५२९०-२ जाड्यं गच्छ परापवादकथने द्रोहं विधेहि स्मरे दोषा एव गुणत्वमेवमखिला यास्यन्ति चेतस्तव ॥

५२९१-१ आलस्यं प्रथमं पश्चाद्व्याधिपीडा प्रजायते ।
५२९१-२ प्रमादः संशयस्थाने चित्तस्येहानवस्थितिः ॥

५२९२-१ आलस्यं मदमोहौ च चापलं गोष्ठिरेव च ।
५२९२-२ स्तब्धता चाभिमानित्वं तथात्यागित्वमेव च ।
५२९२-३ एते वै सप्त दोषास्तु सदा विद्यार्थिनां मताः ॥

५२९३-१ आलस्यं यदि न भवेज्जगत्यनर्थः को न स्याद्बहुधनको बहुश्रुतो वा ।
५२९३-२ आलस्यादियमवनिः ससागरान्ता संपूर्णा नरपशुभिश्च निर्धनैश्च ॥

५२९४-१ आलस्यं स्त्रीसेवा सरोगता जन्मभूमिवात्सल्यं ।
५२९४-२ संतोषो भीरुत्वं षड्व्याघाता महत्त्वस्य ॥

५२९५-१ आलस्यं स्थिरतामुपैति भजते चापल्यमुद्योगितां मूकत्वं मितभाषितां वितनुते मौग्ध्यं भवेदार्जवं ।
५२९५-२ पात्रापात्रविचारभावविरहो यच्छत्युदारात्मतां मातर्लक्ष्मि तव प्रसादवशतो दोषा अपि स्युर्गुणाः ॥

५२९६-१ आलस्यं हरति प्रज्ञां धनमायुर्यशो बलं ।
५२९६-२ यस्मिन्नास्ते तदालस्यं सर्वदोषाकरस्तु सः ॥

५२९७-१ आलस्यं हि मनुष्याणां शरीरस्थो महान्रिपुः ।
५२९७-२ नास्त्युद्यमसमो बन्धुः कृत्वा यं नावसीदति ॥

५२९८-१ आलस्यमपि पारीन्द्रं प्रतिपद्य विजृम्भते ।
५२९८-२ हतभागं प्रयत्नोऽपि प्रतिहन्यत एव हा ॥

५२९९-१ आलस्यात्सुसहायोऽपि न गच्छत्युदयं जनः ।
५२९९-२ हस्ताग्रास्फालितो भूमौ तोयार्द्र इव कन्दुकः ॥

५३००-१ आलस्येन हता विद्या परहस्तगताः स्त्रियः ।
५३००-२ अल्पबीजं हतं क्षेत्रं हतं सैन्यमनायकं ॥

५३०१-१ आलानं जयकुञ्जरस्य दृषदां सेतुर्विपद्वारिधेः पूर्वाद्रिः करवालचण्डमहसो लीलोपधानं श्रियः ।
५३०१-२ संग्रामामृतसागरप्रमथनक्रीडाविधौ मन्दरो राजन्राजति वीरवैरिवनितावैधव्यदस्ते भुजः ॥

५३०२-१ आलानत्वरुषेवैता दन्तिभिर्वृक्षपङ्क्तयः ।
५३०२-२ स्फुरत्कटकटारावं पात्यन्ते कृतचित्कृतैः ॥

५३०३-१ आलानमुन्मूल्य सुखाभिधानं तारुण्यनागे गमनोद्यतेऽस्मिन् ।
५३०३-२ पलायिते कामिगणेऽङ्गनानां विमर्दभीत्येव कुचाः पतन्ति ॥

५३०४-१ आलाने गृह्यते हस्ती वाजी वल्गासु गृह्यते ।
५३०४-२ हृदये गृह्यते नारी यदीदं नास्ति गम्यतां ॥

५३०५-१ आलापं कलकण्ठिका न कुरुते कीरा न धीरध्वनिं व्याहारं कलयन्ति क्ॐअलगिरः कूजन्ति नो बर्हिणः ।
५३०५-२ नीराडम्बरदुर्दिनाम्बरतले दूरे द्विरेफध्वनिः काकाः केवलमेव केङ्कृतरवैः कुर्वन्ति कर्णज्वरं ॥

५३०६-१ आलापः स्मितक्ॐउदीसहचरो दृष्टिः प्रहर्षोज्ज्वला भ्रूर्नृत्याध्वरदीक्षिता चरणयोर्न्यासः समे भङ्गुरः ।
५३०६-२ वेशेषु क्षणिकस्पृहा मदविधेर्बन्धो न वादाश्रयस् तन्व्या नैकविकारभूर्मधुमदप्रायो मदः स्फूर्जति ॥

५३०७-१ आलापमालिनिकरस्य निशम्य भीता मुग्धा विलोक्य वदनं मुकुरं जहाति ।
५३०७-२ मन्दं न निश्वसिति मन्मथवेदनार्ता कीरेन्दु मारुत भयात्किमु मन्न भूप ॥

५३०८-१ आलापयत्यकार्याणि किंचिदाख्याति वा स्वयं ।
५३०८-२ या न प्रयाति शयनं साप्यनुत्पन्नसस्पृहा ॥

५३०९-१ आलापाद्गात्रसंस्पर्शात्संसर्गात्सहभोजनात् ।
५३०९-२ आसनाच्शयनाद्यानात्पापं संक्रमते नृणां ॥

५३१०-१ आलापान्भ्रूविलासो विरलयति लसद्बाहुविक्षिप्तियातं नीविग्रन्थिं प्रथिम्ना प्रतनयति मनाङ्मध्यनिम्नो नितम्बः ।
५३१०-२ उत्पुष्यत्पार्श्वमूर्च्छत्कुचशिखरमुरो नूनमन्तःस्मरेण स्पृष्टा कोदण्डकोट्या हरिणशिशुदृशो दृश्यतेयौवनश्रीः ॥

५३११-१ आलापैर्मधुरैश्च काश्चिदपरानालोकितैः सस्मितैर् अन्यान्विभ्रमकल्पनाभिरितरानङ्गैरनङ्गोज्ज्वलैः ।
५३११-२ आचारैश्चतुरैः परानभिनवैरन्यान्भ्रुवः कम्पनैर् इत्थं काश्चन रञ्जयन्ति सुदृशो मन्ये मनस्त्वन्यथा ॥

५३१२-१ आलि कपालिनि जटिले पत्यावत्याग्रहैस्तवालमिति ।
५३१२-२ हरगतमिति दुःसहमपि मुहुरपि मुखरान्निगादयति गौरी ॥

५३१३-१ आलि कल्पय पुरः करदीपं चन्द्रमण्डलमिति प्रथितेन ।
५३१३-२ नन्वनेन पिहितं मम चक्षुर् मङ्क्षु पाण्दुरतमोगुलकेन ॥

५३१४-१ आलिङ्गत्यन्यमन्यं रमयति वचसा लीलया वीक्षतेऽन्यं रोदित्यन्यस्य हेतोः कलयति शपथैरन्यमन्यं वृणोति ।
५३१४-२ शेते चान्येन सार्धं शमनमुपगता चिन्तयत्यन्यमन्यं स्त्रीमाया दुश्चरित्रा जगदहितकरी केन कष्टेन सृष्टा ॥

५३१५-१ आलिङ्गदाप्य गोपीं तद्बाहुं सहरिरंसयाधाय ।
५३१५-२ श्रुत्वेति निश्चिन्ॐयहं अङ्गिषु दुर्वारतां अनङ्गस्य ॥

५३१६-१ आलिङ्गनाधरसुधारसपानवक्षो- निष्पीडनादिविधिरस्तु विदूरतस्ते ।
५३१६-२ यत्त्वं विलोकयसि चञ्चलदृङ्निपातैर् एतावतैव हरिणाक्षि वयं कृतार्थाः ॥

५३१७-१ आलिङ्गन्ते मलयजतरूनास्वजन्ते वनान्तान् आपृच्छन्ते चिरपरिचितान्मालयान्निर्झरौघान् ।
५३१७-२ अद्य स्थित्वा द्रविडमहिलाभ्यन्तरे श्वः प्रभाते प्रस्थातारो मलयमरुतः कुर्वते संनिधानं ॥

५३१८-१ आलिङ्गन्तो वसुधां निजखुरदलितामिवानुनेतुममी ।
५३१८-२ वदनविगतचरणा इव संलक्ष्यन्ते जवादश्वाः ॥

५३१९-१ आलिङ्गन्नतिसौरभानवयवान्बिम्बाधरं पाटलं चुम्बन्नाकलयन्पयोधरतटीं शृण्वन्रुतं हांसकं ।
५३१९-२ पश्यन्वानिशमायतां दृशमुपस्कुर्वंल्लवङ्गीरसं बालायां सकलर्तुसंगमसुखं धन्यः परं मन्यते ॥

५३२०-१ आलिङ्गन्भृशमङ्गकानि सुदृशामास्यानि चुम्बं नयन् वक्षोजोरुनितम्बकण्ठनखरश्रीचित्रभावं नयन् ।
५३२०-२ बिम्बोष्ठामृतमापिबञ्छिथिलयन्नीवीं करक्रीडना- सङ्गेनातिसहासकेलिपरमः स्वैरं विचिक्रीड ना ॥

५३२१-१ आलिङ्गयत्यनुनयत्यवचुम्बयत्या- — लोकयत्यनुमृजत्यवगूहते च ।
५३२१-२ पार्श्वं विलोकयति मन्मथभावभिन्ना शून्यान्तरा स्मरति केलिकृतं समस्तं ॥

५३२२-१ आलिङ्गसे चारुलतां लवङ्गीं आचुम्बसे चाम्बुजिनीं क्रमेण ।
५३२२-२ तां चूतवल्लीं मधुप प्रकामं संताडयस्येव पदैः किमेतत् ॥

५३२३-१ आलिङ्गितस्तत्र भवान्सांपराये जयश्रिया ।
५३२३-२ आशीःपरंपरां वन्द्यां कर्णे कृत्वा कृपां कुरु ॥

५३२४-१ आलिङ्गिताः परैर्यान्ति प्रस्खलन्ति समे पथि ।
५३२४-२ अव्यक्तानि च भाषन्ते धनिनो मद्यपा इव ॥

५३२५-१ आलिङ्ग्य पूर्वामनुगृह्य याम्यां स्ॐयां समालोक्य सहस्रभानुः ।
५३२५-२ सम्ध्याश्रितोऽप्याप निपातमब्धौ तद्वारुणीसङ्गफलं चकास्ति ॥

५३२६-१ आलिङ्ग्य मधुरहुंकृतिं अलसोन्मिषदीक्षणां रहः कान्तां ।
५३२६-२ यद्बोधयन्ति सुप्तां जन्मनि यूनां तदेव फलं ॥

५३२७-१ आलिङ्ग्य मन्दिरे रम्ये सदानन्दविधायिनि ।
५३२७-२ कान्ता कान्तं कुरङ्गाक्षी कुम्भिकुम्भपयोधरा ॥

५३२८-१ आलि पालिललितौ तव भातः कर्णिकारसखकर्णि कपोलौ ।
५३२८-२ पद्मजेन रतिपञ्चबाणयोर् दर्पणाविव सुवर्णनिर्मितौ ॥

५३२९-१ आलि बालिशतया बलिरस्मै दीयतां बलिभुजे न कदापि ।
५३२९-२ केवलं हि कलकण्ठशिशूनां एष एव कुशलेषु निदानं ॥

५३३०-१ आलिर्दिव्यौषधी प्रोक्ता सूक्ष्मकण्टकसंवृता ।
५३३०-२ विमुच्यते विषैः प्राणी पीत्वा तोयेन तज्जटां ॥

५३३१-१ आलीचालितपद्मिनीदलचलत्सर्वाङ्गमङ्गीकृत- स्वाङ्गालिङ्गनमर्मरीकृतनवाम्भोजालिशय्या चिरात् ।
५३३१-२ चैतन्यं कथमप्युपेत्य शनकैरुन्मील्य नेत्राञ्चलं बाला केवलमेव शून्यहृदया शून्यं जगत्पश्यति ॥

५३३२-१ आलीभिः शपथैरनेककपटैः कुञ्जोदरं नीतया शून्यं तच्च निरीक्ष्य विक्षुभितया न प्रस्थितं न स्थितं ।
५३३२-२ न्यस्ताः किंतु नवोढनीरजदृशा कुञ्जोपकण्ठे रुषा तादृग्भृङ्गकदम्बडम्बरचमत्कारस्पृशो दृष्टयः ॥

५३३३-१ आलीभिः सह भाषितं किमपि तद्वर्त्मापि संवीक्षितं पञ्चेषुः कुसुमैरपूजि कथमप्याधाय चित्ते मनाक् ।
५३३३-२ तेनापि प्रिय चेत्तथा मयि कृपाकार्पण्यमालम्बसे प्राणेश प्रबलं तदत्र निखिलं तत्प्रातिकूल्यं विधेः ॥

५३३४-१ आलीषु केलीरभसेन बाला मुहुर्ममालापमुपालपन्ती ।
५३३४-२ आरादुपाकर्ण्य गिरं मदीयां सौदामिनीयां सुषमामयासीत् ॥

५३३५-१ आलेख्यं गगने लिखामि बिसिनीसूत्रैर्वयाम्यम्बरं स्वप्नालोकितमानयामि कनकं ग्रथ्नामि वप्रं हिमैः ।
५३३५-२ इत्याद्युक्तमपि स्फुटं जडमतिर्जानाति सत्यं नृपो यस्तादृक्त्रपया न वक्ति स गतप्रौढिः परं वञ्च्यते ॥

५३३६-१ आलेख्यं निजमुल्लिलेख विजने सोल्लेखया रेखया संकल्पानकरोद्विकल्पबहुलाकल्पाननल्पानपि ।
५३३६-२ अद्राक्षीदपरप्रजापतिमतं चक्रे च तीव्रं व्रतं त्वन्निर्माणविधौ कियन्न विदधे बद्धावधानो विधिः ॥

५३३७-१ आलोक एव विमुखी क्वचिदपि दिवसे न दक्षिणा भवसि ।
५३३७-२ छायेव तदपि तापं त्वमेव मे हरसि मानवति ॥

५३३८-१ आलोकत्रस्तनारीकृतसभयमहानादधावज्जनौघ- व्याप्तद्वारप्रदेशप्रचुरकलकलाकर्णनस्तब्धचक्षुः ।
५३३८-२ काष्ठं दण्डं गृहाणेत्यतिमुखरमुखैस्ताडितो लोष्टघातैर् भीतः सर्पो गृहस्यानधिगतविवरः कोणतः कोणमेति ॥

५३३९-१ आलोकदानाच्चक्षुष्मान्प्रभायुक्तो भवेन्नरः ।
५३३९-२ तान्दत्त्वा नोपहिंसेत न हरेन्नोपनाशयेत् ॥

५३४०-१ दीपहर्ता भवेदन्धस्तमोगतिरसुप्रभः ।
५३४०-२ दीपप्रदः स्वर्गलोके दीपमाली विराजते ॥

५३४१-१ आलोकमार्गं सहसा व्रजन्त्या कयाचिदुद्वेष्टनवान्तमाल्यः ।
५३४१-२ बद्धुं न संभावित एव तावथ्करेण रुद्धोऽपि च केशपाशः ॥

५३४२-१ आलोकयति पन्थानं दास्यतीत्यागतः किल ।
५३४२-२ रचयत्यादराद्वेणीं यदि नान्यैर्वशीकृता ॥

५३४३-१ आलोकयति पयोधरं उपमन्दिरमभिनवाम्बुभरनीलं ।
५३४३-२ दयितारचितचितानल- धूमोद्गमशङ्कया पथिकः ॥

५३४४-१ आलोकयेद्बुद्धिगुणोपपन्नैश्चरैश्च दूतैश्च परप्रचारं ।
५३४४-२ एतैर्वियुक्तो भवति क्षितीन्द्रो जनैरनेत्रैश्च समानधर्मा ॥

५३४५-१ अलोकवन्तः सन्त्येव भूयांसो भास्करादयः ।
५३४५-२ कलावानेव तु ग्रावद्रावकर्मणि कर्मठः ॥

५३४६-१ आलोकविशाला मे सहसा तिमिरप्रवेशविच्छिन्ना ।
५३४६-२ उन्मीलितापि दृष्टिर् निमीलितेवान्धकारेण ॥

५३४७-१ आ लोकान्तात्प्रतिहततमोवृत्तिरासां प्रजानां तुल्योद्योगस्तव दिनकृतश्चाधिकारो मतो नः ।
५३४७-२ तिष्ठत्येष क्षणमधिपतिर्ज्योतिषां व्य्ॐअमध्ये षष्ठे भागे त्वमपि दिवसस्यात्मनश्छन्दवर्ती ॥

५३४८-१ आलोकावधि यद्वशेन सुगतिं विन्दन्ति भूतान्यसौ दृष्टिस्नेहवशेन सा वितनुते वंशे भुजङ्गभ्रमं ।
५३४८-२ दक्षा भोगिषु केषुचिद्विषमितां दृष्टिं निहन्तुं क्षणाथ्तानप्याशु विनाशयेत्क्षणरुचिः काचित्क्षणस्फूर्जथुः ॥

५३४९-१ आलोकितं गृहशिखण्डिभिरुत्कलापैर् हंसैर्यियासुभिरपाकृतमुन्मनस्कैः ।
५३४९-२ आकालिकं सपदि दुर्दिनमन्तरिक्षं उत्कण्ठितस्य हृदयं च समं रुणद्धि ॥

५३५०-१ आलोकैरतिपाटलैरचरमां विस्तारयद्भिर्दिशं नक्षत्रद्युतिमाक्षिपद्भिरचिरादाशङ्क्य सूर्योदयं ।
५३५०-२ पुञ्जीभूय भयादिवान्धतमसं मन्ये द्विरेफच्छलान् मीलन्नीलसरोरुहोदरकुटीकोणान्तरे लीयते ॥

५३५१-१ आलोक्य क्ॐअलकपोलतलाभिषिक्त- व्यक्तानुरागसुभगामभिराममूर्तिं ।
५३५१-२ पश्यैष बाल्यमतिवृत्य विवर्तमानः शृङ्गारसीमनि तरङ्गितमातनोति ॥

५३५२-१ आलोक्य चन्द्रमसमभ्युदितं समन्तादुद्वेल्लदूर्मिविचलत्कलशाम्बुराशेः ।
५३५२-२ विष्वग्विसारिपरमाणुपरंपरैव ज्योत्स्नात्मना जगदिदं धवलीकरोति ॥

५३५३-१ आलोक्य चिकुरनिकरं सततं सुमनोऽधिवासयोग्यं ते ।
५३५३-२ कामो निजं निषङ्गं परिवृत्यामृशति साशङ्कः ॥

५३५४-१ आलोक्य पाणी सुविमृज्य नेत्रे तल्पात्समुत्थाय विधाय भूषां ।
५३५४-२ आचुम्ब्य कान्तं परिधाय वासो यान्ती सलज्जा हृदयं दुनोति ॥

५३५५-१ आलोक्य प्रियतममंशुके विनीवौ यत्तस्थे नमितमुखेन्दु मानवत्या ।
५३५५-२ तन्नूनं पदमवलोकयांबभूवे मानस्य द्रुतमपयानमास्थितस्य ॥

५३५६-१ आलोक्य सुन्दरि मुखं तव मन्दहासं नन्दन्त्य्मन्दमरविन्दधिया मिलिन्दाः ।
५३५६-२ किं चासिताक्षि मृगलाञ्छनसंभ्रमेण चञ्चूपुटं चटुलयन्ति चिरं चकोराः ॥

५३५७-१ आलोचनं च वचनं च निगूहनं च यासां स्मरन्नमृतवत्सरसं कृशस्त्वं ।
५३५७-२ तासां किमङ्ग पिशितास्रपुरीषपात्रं गात्रं स्मरन्मृगदृशां न निराकुलोऽसि ॥

५३५८-१ आलोच्य वाक्यं स्वयमन्तरात्मा हृष्टः परानन्दमिव प्रविष्टः ।
५३५८-२ प्रायेण भावीनि भवन्ति वस्तून्य् आलोच्यमानानि मनोहराणि ॥

५३५९-१ आलोड्य सर्वशास्त्राणि पुराणान्युत्तमोत्तमाः ।
५३५९-२ विचिन्त्य सर्वभूतेषु दयां कुर्वन्ति साधवः ॥

५३६०-१ आलोड्य सर्वशास्त्राणि विचार्यैवं पुनः पुनः ।
५३६०-२ इदमेकं सुनिष्पन्नं ध्येयो नारायणः सदा ॥

५३६१-१ आलोलामलकावलीं विलुलितां बिभ्रच्चलत्कुण्डलं किंचिन्मृष्टविशेषकं तनुतरैः स्वेदाम्भसां जालकैः ।
५३६१-२ तन्व्या यत्सुरतान्ततान्तनयनं वक्त्रं रतिव्यत्यये तत्त्वां पातु चिराय किं हरिहरब्रह्मादिभिर्देवतैः ॥

५३६२-१ आलोलैरुपगम्यते मधुकरैः केशेषु माल्यग्रहः कान्तिः कापि कपोलयोः प्रथयते ताम्बूलमन्तर्गतं ।
५३६२-२ अङ्गानामनुलेपनं परिमलैरालेपनप्रक्रिया वेषः कोऽपि सरोजसुन्दरदृशः सूते सुखं चक्षुषोः ॥

५३६३-१ आलोहितमाकलयन् कन्दलमुत्कम्पितं मधुकरेण ।
५३६३-२ संस्मरति पथिषु पथिको दयिताङ्गुलितर्जनाललितं ॥

५३६४-१ आवक्त्रेन्दु तदङ्गमेव सृजतः स्रष्टुः समग्रस्त्विषां कोषः शोषमगादगाधजगतीशिल्पेऽपि नाल्पायितः ।
५३६४-२ निःशेषद्युतिमण्डलव्ययवशादीषल्लभैस्तत्तनू- शेषः केशमयः किमन्धतमसस्त्ॐऐरभून्निर्मितः ॥

५३६५-१ आवत्सरमहिभीतिर् न स्यादस्य प्रभावेण ।
५३६५-२ शुकनासां च पिबेद्यो जलपिष्टां तस्य भीर्नास्ति ॥

५३६६-१ आवयोर्योधमुख्याभ्यां मदर्थः साध्यतामिति ।
५३६६-२ यस्मिन्पणः प्रक्रियते स संधिः पुरुषान्तरः ॥

५३६७-१ आवर्जित इव विनयादीषन्मधुरस्मिताननसरोजः ।
५३६७-२ अङ्कार्पितकरयुगलः कलयति विज्ञप्तिमीक्षितो नृपतेः ॥

५३६८-१ आवर्जिता किंचिदिव स्तनाभ्यां वासो वसाना तरुणार्करागं ।
५३६८-२ पर्याप्तपुष्पस्तबकावनम्रा संचारिणी पल्लविनी लतेव ॥

५३६९-१ आवर्जितालकालि श्वासोत्कम्पस्तनार्पितैकभुजं ।
५३६९-२ शयनं रतिविवशतनोः स्मरामि शिथिलांशुकं तस्याः ॥

५३७०-१ आवर्तः ककुदे यस्य ककुदी स उदाहृतः ।
५३७०-२ मुष्केणैकेन युक्तस्तु हयस्त्वेकाण्डसंज्ञितः ॥

५३७१-१ आवर्तः संशयानां अविनयभवनं पत्तनं साहसानां दोषाणां संनिधानं कपटशतमयं क्षेत्रमप्रत्ययानां ।
५३७१-२ स्वर्गद्वारस्य विघ्नं नरकपुरमुखं सर्वमायाकरण्डं स्त्रीयन्त्रं केन सृष्टं विषममृतमयं प्राणिलोकस्य पाशः ॥

५३७२-१ आवर्त इव तोयस्य ज्ञानावर्तो यदाकुलः ।
५३७२-२ चित्तमास कृतावर्तं उपसर्गः स उच्यते ॥

५३७३-१ आवर्त एव नाभिस्ते नेत्रे नीलसरोरुहे ।
५३७३-२ तरङ्गा वलयस्तेन त्वं लावण्याम्बुवापिका ॥

५३७४-१ आवर्तशोभा नतनाभिकान्तेर् भङ्ग्यो भ्रुवां द्वन्द्वचराः स्तनानां ।
५३७४-२ जातानि रूपावयवोपमानान्य् अदूरवर्तीनि विलासिनीनां ॥

५३७५-१ आवर्तिनः शुभफलप्रदशुक्तियुक्ताः संपन्नदेवमणयो भृतरन्ध्रभागाः ।
५३७५-२ अश्वाः प्यधुर्वसुमतीमतिरोचमानास् तूर्णं पयोधय इवोर्मिभिरापतन्तः ॥

५३७६-१ आवर्तैरातर्पण- शोभां डिण्डीरपाण्डुरैर्दधती ।
५३७६-२ गायति मुखरितसलिला प्रियसंगममङ्गलं सुरसा ॥

५३७७-१ आवर्त्य कण्ठं सिचयेन सम्यङाबद्ध्य वक्षोरुहकुम्भयुग्मं ।
५३७७-२ कासौ करालम्बिततैलपात्रा मन्दं समासीदति सुन्दरीं तां ॥

५३७८-१ आवर्त्य यो मुहुर्मन्त्रं धारयेच्च प्रयत्नतः ।
५३७८-२ अप्रयत्नधृतो मन्त्रः प्रचलन्नग्निवद्दहेत् ॥

५३७९-१ आवाचां व्यक्ततायाः कविपदविषयेष्वाचचष्टे समन्यो मुक्तास्माभिर्न कोऽपि स्मरपदमवनौ संस्तुतः सत्यमेतत् ।
५३७९-२ मिथ्यैतद्भोः कथं रे ननु शतमकृथाः कुन्तलेन्द्रस्य तत्तथ्काव्यस्तोत्राणि धिक्त्वां जडमय न मनोरेव मूर्तिप्रभेदः ॥

५३८०-१ आवाति स्फुटितप्रियङ्गुसुरभिर्नीहारवारिच्छलाथ्स्वच्छन्दं कमलाकरेषु विकिरन्प्रच्छन्नवह्निच्छटाः ।
५३८०-२ प्रातः कुन्दसमृद्धिदर्शनरसप्रीतिप्रकर्षोल्लसन् मालाकारवधूकपोलपुलकस्थैर्यक्षमो मारुतः ॥

५३८१-१ आवासः किलकिञ्चितस्य दयिताः पार्श्वे विलासालसाः कर्णे कोकिलकामिनीकलरवः स्मेरो लतामण्डपः ।
५३८१-२ गोष्ठी सत्कविभिः समं कतिपयैर्मुग्धाः सितांशोः कराः केषांचित्सुखयन्ति चात्र हृदयं चैत्रे विचित्राः स्रजः ॥

५३८२-१ आवासः क्रियतां गाङ्गे पापवारिणि वारिणि ।
५३८२-२ स्तनमध्ये तरुण्या वा मनोहारिणि हारिणि ॥

५३८३-१ आवासेऽस्मिन्विदग्धाः क्वचिदपि न विभो नापि निद्रोपभोग- योग्यत्वं स्रस्तरास्था विलयमुपगता संमुखे विद्युदेषा ।
५३८३-२ प्रोद्यंश्चायं पयोभृत्तदिति यदि रुचिर्नैशवासेतदास्स्वेत्य् उक्तः पान्थः सुदत्या हतमदनभयस्तत्र मुग्धोऽतिमुग्धः ॥

५३८४-१ आवासोत्सुकपक्षिणः कलरुतं क्रामन्ति वृक्षालयान् कान्ताभाविवियोगभीरुरधिकं क्रन्दत्ययं कातरः ।
५३८४-२ चक्राह्वो मधुपाः सरोजगहनं धावन्त्युलूको मुदं धत्ते चारुणतांगतो रविरसावस्ताचलं चुम्बति ॥

५३८५-१ आवासो विपिनायते प्रियसखीमालापि जालायते तापोऽपि श्वसितेन दावदहनज्वालाकलापायते ।
५३८५-२ सापि त्वद्विरहेण हन्त हरिणीरूपायते हा कथं कन्दर्पोऽपि यमायते विरचयञ्शार्दूलविक्रीडितं ॥

५३८६-१ आ विन्ध्यादा हिमाद्रर्विरचितविजयस्तीर्थयात्राप्रसङ्गादुद्ग्रीवेषु प्रहर्ता नृपतिषु विनमत्कन्धरेषु प्रसन्नः ।
५३८६-२ आर्यावर्तं यथार्थं पुनरपि कृतवान्म्लेच्छविच्छेदनाभिर् देवः शाकंभरीन्द्रो जगति विजयते बीसलः क्षोणिपालः ॥

५३८७-१ आविर्भवति नारीणां वयः पर्यस्तशैशवं ।
५३८७-२ सहैव विविधैः पुंसां अङ्गजोन्मादविभ्रमैः ॥

५३८८-१ आविर्भवन्ती प्रथमं प्रियायाः सोच्छ्वासमन्तःकरणं करोति ।
५३८८-२ संतापदग्धस्य शिखण्डियूनो वृष्टेः पुरस्तादचिरप्रभेव ॥

५३८९-१ आविर्भावदिने न येन गणितो हेतुस्तनीयानपि क्षीयेतापि न चापराधविधिना नत्या न यो वर्धते ।
५३८९-२ पीयूषप्रतिवेदिनस्त्रिजगतीदुःखद्रुहः सांप्रतं प्रेम्णस्तस्य गुरोः कथं नु करवै वाङ्निष्ठतालाघवं ॥

५३९०-१ आविर्भूतं चतुर्धा यः कपिभिः परिवारितः ।
५३९०-२ हतवान्राक्षसानीकं रामं दाशरथिं भजे ॥

५३९१-१ आविर्भूतज्योतिषां ब्राह्मणानां ये व्याहारास्तेषु मा संशयो भूत् ।
५३९१-२ भद्रा ह्येषां वाचि लक्ष्मीर्निषिक्ता नैते वाचं विप्लुतार्थां वदन्ति ॥

५३९२-१ आविर्भूतविपाण्डुरच्छवि मुखं क्षामा कपोलस्थली सव्यापारपरिश्लथे च नयनेऽनुत्साहमुग्धं वपुः ।
५३९२-२ श्यामीभूतमुखं पयोधरयुगं मध्यः स्वभावोच्छ्रितो जातान्यैव मनोहराकृतिरहो गर्भोदये सुभ्रुवः ॥

५३९३-१ आविर्भूतानुरागाः क्षणमुदयगिरेरुज्जिहानस्य भानोः पर्णच्छायैः पुरस्तादुपवनतरवो दूरमाश्वेव गत्वा ।
५३९३-२ एते तस्मिन्निवृत्ताः पुनरपरगिरिप्रान्तपर्यस्तबिम्बे प्रायो भृत्यास्त्यजन्ति प्रचलितविभवं स्वामिनं सेवमानाः ॥

५३९४-१ आविर्भूते शशिनि तमसा मुच्यमानेव रात्रिर् नैशस्यार्चिर्हुतभुज इव छिन्नभूयिष्ठधूमा ।
५३९४-२ मोहेनान्तर्वरतनुरियं लक्ष्यते मुक्तकल्पा गङ्गा रोधःपतनकलुषा गृह्णतीव प्रसादं ॥

५३९५-१ आविर्भूतो जगति सुषमारूपतो भौतिकेऽस्मिन् ज्ञानात्मासौ लसति भगवान्विष्टपे मानसीये ।
५३९५-२ प्राणानां वा ज्वलति भुवने प्रस्फुटः शक्तिमूर्त्या प्रेमद्वारा प्रकटिततनुर्भासते चैत्यलोके ॥

५३९६-१ आविलपयोधराग्रं लवलीदलपाण्डुराननच्छायं ।
५३९६-२ तानि दिनानि वपुरभूथ्केवलमलसेक्षणं तस्याः ॥

५३९७-१ आ विवाहसमयाद्गृहे वने शैशवे तदनु यौवने पुनः ।
५३९७-२ स्वापहेतुरनुपाश्रितोऽन्यया रामबाहुरुपधानमेष ते ॥

५३९८-१ आविशद्भिरुटजाङ्गणं मृगैर् मूलसेकसरसैश्च वृक्षकैः ।
५३९८-२ आश्रमाः प्रविशदग्निधेनवो बिभ्रति श्रियमुदीरिताग्नयः ॥

५३९९-१ आविष्करोति न स्नेहं रागं बध्नाति नो रते ।
५३९९-२ अभियुक्ता तु मन्देच्छा सान्यकामा तु कामिनी ॥

५४००-१ आविष्कुर्वन्निव नवनवेनादरेणानुरागं सर्वाङ्गीणं सुचिरविरहोन्मूर्च्छितायां नलिन्यां ।
५४००-२ त्रैलोक्यान्धीकरणतिमिरद्वेषरोषारुणत्वं व्याकुर्वन्वा किमयमुदयत्यम्बरे तिग्मरोचिः ॥

५४०१-१ आविष्कृतान्परगुणान्कलयन्ति तूष्णीं दुश्चेतसो बत विदूषयितुं न रागात् ।
५४०१-२ आकर्णयन्ति किल कोकिलकूजितानि संधातुमेव किल सप्तनलीं किराताः ॥

५४०२-१ आविष्ट इव दुःखेन तद्गतेन गरीयसा ।
५४०२-२ समन्वितः करुणया परया दीनमुद्धरेत् ॥

५४०३-१ आवृणोति यदि सा मृगीदृशी स्वाञ्चले कुचकाञ्चनाचलं ।
५४०३-२ भूय एव बहिरेति गौरवादुन्नतो न सहते तिरस्क्रियां ॥

५४०४-१ आवृण्वतो लोचनमार्गमाजौ रजोऽन्धकारस्य विजृम्भितस्य ।
५४०४-२ शस्त्रक्षताश्वद्विपवीरजन्मा बालारुणोऽभूद्रुधिरप्रवाहः ॥

५४०५-१ आवृण्वाना झगिति जघनं मद्दुकूलाञ्चलेन प्रेङ्खत्क्रीडाकुलितकबरीबन्धनव्यग्रपाणिः ।
५४०५-२ अर्धोच्छ्वासस्फुटनखपदालंकृताभ्यां स्तनाभ्यां दृष्टा धार्ष्ट्यस्मृतिनतमुखी मोहनान्ते मया सा ॥

५४०६-१ आवृतं ज्ञानमेतेन ज्ञानिनो नित्यवैरिणा ।
५४०६-२ कामरूपेण कौन्तेय दुष्पूरेणानलेन च ॥

५४०७-१ आवृतान्यपि निरन्तरमुच्चैर् योषितामुरसिजद्वितयेन ।
५४०७-२ रागिणामित इतो विमृशद्भिः पाणिभिर्जगृहिरे हृदयानि ॥

५४०८-१ आवृत्य श्रीमदेनान्धानन्योन्यकृतसंविदः ।
५४०८-२ स्वैरं हसन्ति पार्श्वस्था बालोन्मत्तपिशाचवत् ॥

५४०९-१ आवेदयितुमस्माकं कृतज्ञत्वं प्रभुं प्रति ।
५४०९-२ पन्थाः श्रेयस्करो नान्यः तूष्णीं तोषेण वर्तनात् ॥

५४१०-१ आवेद्यतामविदितं किमथाप्यनुक्तं वक्तव्यमान्तररुजोपशमाय नालं ।
५४१०-२ इत्युच्यते किमपि तच्छ्रवणे निधातुं मातः प्रसीद मलयध्वजपाण्ड्यकन्ये ॥

५४११-१ आवेपते भ्रमति सर्पति मोहमेति कान्तं विलोकयति कूजति दीनदीनं ।
५४११-२ अस्तं हि भानुमति गच्छति चक्रवाकी हा जीवितेऽपि मरणं प्रियविप्रयोगः ॥

५४१२-१ आशङ्क्य प्रणतिं पटान्तपिहितौ पादौ करोत्यादराद्व्याजेनागतमावृणोति हसितं न स्पष्टमुद्वीक्षते ।
५४१२-२ मय्यालापवति प्रतीपवचना सख्या समं भाषते तन्व्यास्तिष्ठतु निर्भरप्रणयिता मानोऽपि रम्योदयः ॥

५४१३-१ आशया कृतदासो यः स दासः सर्वदेहिनां ।
५४१३-२ आशा दासीकृता येन तस्य दासायते जगत् ॥

५४१५-१ आशां कालवतीं कुर्यात्कालं विघ्नेन योजयेत् ।
५४१५-२ विग्नं निमित्ततो ब्रूयान्निमित्तं चापि हेतुतः ॥

५४१६-१ आशाः काञ्चनपुष्पकुड्मलकुलच्छन्ना न काः क्ष्मातले सौजन्यामृतवर्षिभिस्तिलकितं सेव्यैर्न किं मण्डलं ।
५४१६-२ पन्थानः सुचिरोपचाररुचिरैर्व्याप्ता न कैः संस्तुतैस् तेषामत्र वसन्ति निह्नुतगुणाः कालेन ये मोहिताः ॥

५४१७-१ आशाः खर्वय गर्वयातिमुखरानुन्नादिनो बर्हिणः सर्वांस्त्रासय गर्जितैः कलगिरो हंसान्समुत्सारय ।
५४१७-२ द्रागास्कन्दय मित्रमण्डलमलं सद्वर्त्म संदूषय श्रीमन्नब्द नयत्ययं न पवनो यावद्दशां कामपि ॥

५४१८-१ आशाः पूरयति श्रियं वितरति त्रैलोक्यतापं हरत्य् अव्याजामृतसेचनं विदधति प्रीतिं परां तन्वति ।
५४१८-२ एतेन प्रसभं चिरं जलमुचा कालेन दूरीकृते पूर्णे राजनि जातमुल्बणतमस्त्ॐआवशेषं जगत् ॥

५४१९-१ आशाः प्रकाशयति यस्तिमिराणि भङ्क्त्वा बोधं दृशां दिशति भूरिगुणेष्वभीष्टः ।
५४१९-२ खेदाय यस्य न परोपकृतिष्वटाट्या धीमान्नमस्यति न कस्तमिनं प्रशस्यं ॥

५४२०-१ आशाः प्रसादयतु पुष्यतु वा चकोरान् कामं तनोतु कुमुदेषु मुदं सुधांशुः ।
५४२०-२ एकः स एव परमुत्कटराहुदन्त- पत्रप्रवेशसमदुःखसुखः कुरङ्गः ॥

५४२१-१ आशाः संतमसोपलेपमलिनाः पीयूषगौरैः करैर् आलिम्पन्नयमुद्गतैर्दिवमिमां कर्पूरपूरं सृजन् ।
५४२१-२ चन्द्रश्चन्द्रशिलैककुट्टिममयं क्षोणीतलं कल्पयन् पश्योद्गच्छति पाकपाण्डुरशरच्छायोपमेयच्छविः ॥

५४२२-१ आशाखनिरगाधेयं दुष्पूरा केन पूर्यते ।
५४२२-२ या महद्भिरपि क्षिप्तैः पूरकैरेव खन्यते ॥

५४२३-१ आशाखनिरगाधेयं अधःकृतजगत्त्रया ।
५४२३-२ उद्धृत्योद्धृत्य तत्रस्थानहो सद्भिः समीकृता ॥

५४२४-१ आशागर्तः प्रतिप्राणि यस्मिन्विश्वमणूपमं ।
५४२४-२ कस्य किं कियदायाति वृथा या विषयैषिता ॥

५४२५-१ आशागृहीता विकला भवन्ति हतत्रपा न्यस्तगुणाभिमानाः ।
५४२५-२ भ्राम्यन्ति मत्ता इव नष्टसंज्ञा देहीतिवाचस्तरलस्वभावाः ॥

५४२६-१ आशातुरगमारुह्य नित्यं धावति याचकः ।
५४२६-२ न चार्तिः न श्रमो ह्यस्य न गतौ नापि मन्दता ॥

५४२७-१ आशा धृतिं हन्ति समृद्धिमन्तकः क्रोधः श्रियं हन्ति यशः कदर्यता ।
५४२७-२ अपालनं हन्ति पशूंश्च राजन्न् एकः क्रुद्धो ब्राह्मणो हन्ति राष्ट्रं ॥

५४२८-१ आशा नाम नदी मनोरथजला तृष्णातरङ्गाकुला रागग्राहवती वितर्कविहगा धैर्यद्रुमध्वंसिनी ।
५४२८-२ मोहावर्तसुदुस्तरातिगहना प्रोत्तुङ्गचिन्तातटी तस्याः पारगता विशुद्धमनसो नन्दन्तु योगीश्वराः ॥

५४२९-१ आशा नाम मनुष्याणां काश्चिदाश्चर्यशृङ्खला ।
५४२९-२ यया बद्धाःप्रधावन्ति मुक्तास्तिष्ठन्ति कुत्रचित् ॥

५४३०-१ आशा निष्ठा प्रतिष्ठा मम किल महिलास्तासु सौख्यं कदा स्याद्या प्रान्त्या सा विदध्यादिह किमपि तथा मध्यमा सा परत्र ।
५४३०-२ आद्या सा नोभयत्राप्यहह तदपि किं सक्ततां यामि तस्यां या प्रौढ्यादप्रगल्भे प्रतिदिवसमुभे ते कदर्थीकरोति ॥

५४३१-१ आशापाशनिबद्धो नृत्यति किं वा नरो न धनिकपुरः ।
५४३१-२ हतशैलूषस्य विधेः कुत्र विधेयः सुखमुपैति ॥

५४३२-१ आशापाशविमुक्तिनिश्चलसुखा स्वायत्तचित्तस्थितिः स्नेहद्वेषविषादलोभविरतिः संतोषतृप्तं मनः ।
५४३२-२ चिन्ता नित्यमनित्यतापरिचये सङ्गेऽपि निःसङ्गता संवित्सेकविवेकपूतमनसामित्येष मोक्षक्रमः ॥

५४३३-१ आशापाशशतैर्बद्धाः कामक्रोधपरायणाः ।
५४३३-२ ईहन्ते कामभोगार्थं अन्यायेनार्थसंचयान् ॥

५४३४-१ आशापाशशतैर्बद्धा वासनाभरवाहिनः ।
५४३४-२ कायात्कायमुपायान्ति वृक्षाद्वृक्षमिवाण्डजाः ॥

५४३५-१ आशापाशैः परीताङ्गा ये भवन्ति नरोऽर्दिताः ।
५४३५-२ ते रात्रौ शेरते नैव तदप्राप्तिविचिन्तया ॥

५४३६-१ आशापिशाचिका मां भ्रमयति परितो दशस्वपि दिशासु ।
५४३६-२ स्वीये पिशाचवर्गे सेवायै किं न योजयसि ॥

५४३७-१ आशापिशाचिकाविष्टः पुरतो यस्य कस्यचित् ।
५४३७-२ वन्दते निन्दति स्तौति रोदिति प्रहसत्यपि ॥

५४३८-१ आशा बलवती कष्टा नैराश्यं परमं सुखं ।
५४३८-२ आशां निराशां कृत्वा तु सुखं स्वपिति पिङ्गला ॥

५४३९-१ आशा बलवती राजन्विपरीता हि शृङ्खला ।
५४३९-२ यया बद्धाः प्रधावन्ति मुक्तास्तिष्ठन्ति पङ्गुवत् ॥

५४४०-१ आशा भङ्गकरी पुंसां अजेयारातिसंनिभा ।
५४४०-२ तस्मादाशां त्यजेत्प्राज्ञो यदीच्छेच्शाश्वतं सुखं ॥

५४४१-१ आशाभरेण निखिलाशासु धावनमथाशातकुम्भगिरि वा क्लेशावहं विविधदेशाटनं द्रविणलेशायनापि ववृते ।
५४४१-२ आशातिदामवितुमाशास्व पाणिधृतपाशामनेकजगतां ईशामुपासितगिरीशामिहाङ्गदिगधीशार्चिताङ्घ्रिनलिनां ॥

५४४२-१ आशाभिभूता ये मर्त्या महामोहा महोद्धताः ।
५४४२-२ अवमानादिकं दुःखं न जानन्ति कदाप्यहो ॥

५४४३-१ आशामुत्पाद्य चाकृष्य वञ्चयेद्रिपुमन्त्रिणं ।
५४४३-२ असुरेभ्यो हृतौ दत्वा शाण्डामर्कौ ग्रहं सुरैः ॥

५४४४-१ आशायाः खलु ये दासास्ते दासाः सर्वदेहिनां ।
५४४४-२ आशा दासीकृता येन तस्य दासायते जगत् ॥

५४४५-१ आशाया ये दासास् ते दासाः सर्वलोकस्य ।
५४४५-२ आशा येषां दासी तेषां दासायते लोकः ॥

५४४६-१ आशायास्तनया माया क्रोधोऽसूयासुतः स्मृतः ।
५४४६-२ हिंसायास्तनयः पापः कृतघ्नो नार्हति प्रजां ॥

५४४७-१ आशालतावलयितं बद्धमूलमविद्यया ।
५४४७-२ को हि तापयितुं शक्तः मुखेन भवपादपं ॥

५४४८-१ आशावलम्बोपचिता न कस्य तृष्णालतानर्थफलं प्रसूते ।
५४४८-२ दिने दिने लब्धरुचिर्विवस्वान् मीनं च मेषं च वृषं च भुङ्क्ते ॥

५४४९-१ आशाविप्लुतचेतसोऽभिलषिताल्लाभादलाभो वरस् तस्यालाभनिराकृता हि तनुतामापद्यते प्रार्थना ।
५४४९-२ इष्टावाप्तिसमुद्भवस्तु सुतरां हर्षः प्रमाथी धृतेः सेतोर्भङ्ग इवाम्भसां विवशतां वेगेन विस्तार्यते ॥

५४५०-१ आशासरसीं शोषय तपसा तन्मध्यस्थः पोषय मनसा ।
५४५०-२ कायक्लेशं शोधय परुषं शिथिलय परमब्रह्मणि कलुषं ॥

५४५१-१ आशासानो न वै भृत्यः स्वामिन्याशिष आत्मनः ।
५४५१-२ न स्वामी भृत्यतः स्वाम्यं इच्छन्यो राति चाशिषः ॥

५४५२-१ आशासु राशीभवदङ्गवल्ली- भासैव दासीकृतदुग्धसिन्धुं ।
५४५२-२ मन्दस्मितैर्निन्दितशारदेन्दुं वन्देऽरविन्दासनसुन्दरि त्वां ॥

५४५२आ-१ आशास्यमन्यत्पुनरुक्तभूतं श्रेयांसि सर्वाण्यधिजग्मुषस्ते ।
५४५२आ-२ पुत्रं लभस्वात्मगुणानुरूपं भवन्तमीड्यं भवतः पितेव ॥

५४५३-१ आशा हि परमं दुःखं निराशा परमं सुखं ।
५४५३-२ आशापाशं परित्यज्य सुखं स्वपिति पिङ्गला ॥

५४५४-१ आशा हि परमं दुःखं नैराश्यं परमं सुखं ।
५४५४-२ यथा सञ्छिद्य कान्ताशां सुखं सुष्वाप पिङ्गला ॥

५४५५-१ आशिषं च तिलकं च जनन्या मन्यते स्म कवचाधिकमन्यः ।
५४५५-२ येन संयति हि सर्वभटानां विक्रमैकवचतां (

?)

प्रतिपेदे ॥

५४५६-१ आशीर्वादमुखा स्त्री मन्त्रमुखो ब्राह्मणः प्रियवाक् ।
५४५६-२ कुशलं पृच्छन्नतिथिः प्रियसुहृदानन्दपरिपूर्णः ॥

५४५७-१ आशीविषमिव क्रुद्धं प्रभुं प्राणधनेश्वरं ।
५४५७-२ यत्नेनोपचरेन्नित्यं नाहमस्मीति मानवः ॥

५४५८-१ आशीविषेण रदनच्छददंशदानं एतेन ते पुनरनर्थतया न गण्यं ।
५४५८-२ बाधां विधातुमधरे हि न तावकीने पीयूषसारघटिते घटतेऽस्य शक्तिः ॥

५४५९-१ आशु कान्तमभिसारितवत्या योषितः पुलकरुद्धकपोलं ।
५४५९-२ निर्जिगाय मुखमिन्दुमखण्डं खण्डपत्रतिलकाकृति कान्त्या ॥

५४६०-१ आशु लङ्घितवतीष्टकराग्रे नीविमर्धमुकुलीकृतदृष्ट्या ।
५४६०-२ रक्तवैणिकहताधरतन्त्री- मण्डलक्वणितचारु चुकूजे ॥

५४६१-१ आशैकतन्तुमवलम्ब्य विलम्बमाना रक्षामि जीवमवधिर्नियतो यदि स्यात् ।
५४६१-२ नो चेद्विधिः सकललोकहितैककारी यत्कालकूटमसृजत्तदिदं किमर्थं ॥

५४६२-१ आ शैलेन्द्राच्शिलान्तःस्खलितसुरधुनीशीकरासारशीतादा तीरान्नैकरागस्फुरितमणिरुचो दक्षिणस्यार्णवस्य ।
५४६२-२ आगत्यागत्य भीतिप्रणतनृपशतैः शश्वदेव क्रियन्ते चूडारत्नांशुगर्भास्तव चरणयुगस्याङ्गुलीरन्ध्रभागाः ॥

५४६३-१ आशैव राक्षसी पुंसां आशैव विषमञ्जरी ।
५४६३-२ आशैव जीर्णमदिरा धिगाशा सर्वदोषभूः ॥

५४६४-१ आ शैशवान्ममतया कलितस्त्वयासौ आनृण्यमम्ब तव लब्धुमना मृगाङ्कः ।
५४६४-२ स्वात्मानमेव नियतं बहुधा विभज्य त्वत्पादयोर्विनिदधे नखरापदेशात् ॥

५४६५-१ आश्चर्यं कथयामि कस्य पुरतः कुर्वे किमेमि क्व वा काचित्काञ्चनवल्लरी गृहशिरोरूढा समुज्जृम्भते ।
५४६५-२ अस्यां किं च सखे दधन्ति सुषमां नारङ्गबिम्बोपमां दृष्ट्वा पक्वफलानि मेमृदु मनो मोहं समुत्पद्यते ॥

५४६६-१ आश्चर्यं पाणिपाशस्य गिरीन्द्रतनये तव ।
५४६६-२ जगद्बन्धनहा शंभुर्येन बन्धं समिच्छति ॥

५४६७-१ आश्चर्यं वडवानलः स भगवानाश्चर्यमम्भोनिधिर् यत्कर्मातिशयं विचिन्त्य हृदये कम्पः समुत्पद्यते ।
५४६७-२ एकस्याश्रयघस्मरस्य पिबतस्तृप्तिर्न जाता जलैर् अन्यस्यापि महात्मनो न वपुषि स्वल्पोऽपि तोयव्ययः ॥

५४६८-१ आश्चर्यं समराम्बरे रिपुयशश्चन्द्रप्रतापार्कयोः सर्वग्रासमयं सहैव तनुते त्वत्खङ्गराहुः कथं ।
५४६८-२ किं चान्यत्परलोकनिर्भय भवांस्तस्मिन्महत्युत्सवे गृह्णाति त्यजतामकम्पहृदयो राज्ञां समस्ता भुवः ॥

५४६९-१ आश्चर्यधामभिरतीव गुणैः किमेतज् जालं त्वया विरचितं यदपूर्वमेव ।
५४६९-२ चेतांसि मूर्तिरहितान्यपि चञ्चलानि बध्नाति यच्छ्रुतिगतं तदपूर्वमेव ॥

५४७०-१ आश्चर्यमुत्पलदृशो वदनामलेन्दु- सांनिध्यतो मम मुहुर्जदिमानमेत्य ।
५४७०-२ जात्येन चन्द्रमणिनेव महीधरस्य संधार्यते द्रवमयो मनसा विकारः ॥

५४७१-१ आश्चर्यमूर्जितमिदं किमु किं मदीयश्चित्तभ्रमो यदयमिन्दुरनम्बरेऽपि ।
५४७१-२ तत्रापि कापि ननु चित्रपरंपरेयं उज्जृम्भितं कुवलयद्वितयं यदत्र ॥

५४७२-१ आश्चर्यस्तिमिताः क्षणं क्षणमथ प्रीतिप्रमीलत्पुटा वातान्दोलितपङ्कजातसुमनःपीयूषधारामुचः ।
५४७२-२ एताः कस्य हरन्ति हन्त न मनः किंचित्त्रपामञ्जुल- प्रेमप्रेरणमत्र मुग्धमुरचत्तारोत्तरा (

?)

दृष्टयः ॥

५४७३-१ आश्चर्यैकनिधिः स दुग्धजलधिर्मन्ये किमन्यद्यतो लेभे जन्म स लोकलोचनसुधासारस्तुषारद्युतिः ।
५४७३-२ देवीकेलिकचग्रहेण ललिते गङ्गातरङ्गाङ्किते निःशङ्कं निरटङ्कि शंकरजटाजूटेऽपि येन स्थितिः ॥

५४७४-१ आ श्मशानान्निवर्तन्ते ज्ञातयः सह बान्धवैः ।
५४७४-२ त्वयैकेनैव गन्तव्यं तत्कर्म सुकृतं कुरु ॥

५४७५-१ आश्यानैर्गलितं दलैर्बत कथाशेषाः प्रसूनश्रियो नोद्भेदोऽपि फलं प्रति प्रतिदिशं याता निराशाः खगाः ।
५४७५-२ आपातालविशुष्कमूलकुहरोन्मीलज्जटासंततिस् तूष्णीमस्ति तथाप्यकालजलदं ध्यायन्मरुक्ष्मारुहः ॥

५४७६-१ आश्रमादाश्रमं गत्वा हुतह्ॐओ जितेन्द्रियः ।
५४७६-२ भिक्षाबलिपरिश्रान्तः प्रव्रजन्प्रेत्य वर्धते ॥

५४७७-१ आश्रमी यदि वा वर्णी पूज्यो वाथ गुरुर्महान् ।
५४७७-२ नादण्ड्यो नाम राज्ञोऽस्ति यः स्वधर्मेण तिष्ठति ॥

५४७८-१ आश्रमेषु द्विजातीनां कार्ये विवदतां मिथः ।
५४७८-२ न विब्रूयान्नृपो धर्मं चिकीर्षन्हितमात्मनः ॥

५४७९-१ आश्रयः कियतामेष तरुः सन्मार्गमाश्रितः ।
५४७९-२ पाथोद सिच्यतां काले नोपेक्ष्यो दूरभावतः ॥

५४८०-१ आश्रयः सर्वभूतानां निवासः सर्वपक्षिणां ।
५४८०-२ ददाति सदृशा भागं सजलस्य पय्ॐउचः ॥

५४८१-१ आश्रयमाश्रयलिप्सुस् तुङ्गं सेवेत दुरधिरोहमपि ।
५४८१-२ विनिपतति यदि स तस्माथ्तथाप्युपर्येव नीचानां ॥

५४८२-१ आश्रयवशेन सततं गुरुता लघुता च जायते जन्तोः ।
५४८२-२ विन्ध्ये विन्ध्यसमानाः करिणो बत दर्पणे लघवः ॥

५४८३-१ आश्रयाशः कृष्णवर्त्मा दहनश्चैष दुर्जनः ।
५४८३-२ अग्निरेव तथाप्यस्मिन्स्याद्भस्मनि हुतं हुतं ॥

५४८४-१ आश्रयितव्यो नरपतिर् अर्जयितव्यानि भूरि वित्तानि ।
५४८४-२ आरब्धव्यं वितरणं आनेतव्यं यशोऽपि दशदिग्भ्यः ॥

५४८५-१ आश्रयेणैव शोभन्ते पण्डिता वनिता लताः ।
५४८५-२ बहुमूल्यं हि माणिक्यं जटितं हेम्नि राजते ॥

५४८६-१ आश्रितस्याप्रदानेन दत्तस्य हरणेन च ।
५४८६-२ जन्मप्रभृति यद्दत्तं सर्वं नश्यति भारत ॥

५४८७-१ आश्रितानां भृतौ स्वामिसेवायां धर्मसेवने ।
५४८७-२ पुत्रस्योत्पादने चैव न सन्ति प्रतिहस्तकाः ॥

५४८८-१ आश्रिताश्चैव लोकेन समृद्धिं यान्ति विद्विषः ।
५४८८-२ समृद्धाश्च विनाशाय तस्मान्नोद्वेजयेत्प्रजाः ॥

५४८९-१ आश्रित्य नूनममृतद्युतयः पदं ते देहक्षयोपनतदिव्यपदाभिमुख्याः ।
५४८९-२ लावण्यपुण्यनिचयं सुहृदि त्वदास्ये विन्यस्य यान्ति मिहिरं प्रतिमासभिन्नाः ॥

५४९०-१ आश्लिष्टभूमिं रसितारमुच्चैर् लोलद्भुजाकारबृहत्तरङ्गं ।
५४९०-२ फेनायमानं पतिमापगानां असावपस्मारिणमाशशङ्के ॥

५४९१-१ आश्लिष्टापि करोति सा मम तनुं कण्ठग्रहोत्कण्ठितां दृष्टापि प्रियदर्शना नियमयत्यक्ष्णोर्दिदृक्षां पुनः ।
५४९१-२ अन्तश्चेतसि संस्थितापि हृदयं भूयो विशत्येव मे रूढप्रेमसमागमापि नवतां धत्ते प्रिया प्रत्यहं ॥

५४९२-१ आश्लिष्टा रभसाद्विलीयत इवाक्रान्ताप्यनङ्गेन या यस्याः कृत्रिमचण्डवस्तुकरणाकूतेषु खिन्नं मनः ।
५४९२-२ कोऽयं काहमिति प्रवृत्तसुरता जानाति या नान्तरं रन्तुः सा रमणी स एव रमणः शेषौ तु जायापती ॥

५४९३-१ आश्लिष्य वा पादरतां पिनष्टु मां अदर्शनान्मर्महतां करोतु वा ।
५४९३-२ यथा तथा वा विदधातु नागरो मत्प्राणनाथस्तु स एव नापरः ॥

५४९४-१ आश्लेषचुम्बनरतोत्सवकौतुकानि क्रीडादुरोदरपणः प्रतिभूरनङ्गः ।
५४९४-२ भोगः स यद्यपि जये च पराजये च यूनोर्मनस्तदपि वाञ्छति जेतुमेव ॥

५४९५-१ आश्लेषशेषा रतिरङ्गनानां आमोदशेषा कुचकुङ्कुमश्रीः ।
५४९५-२ तूणीरशेषः कुसुमायुधोऽपि प्रभातशेषा रजनी बभूव ॥

५४९६-१ आश्लेषादनु चुम्बनादनु नखोल्लेखादनु स्वान्तज- प्रोद्बोधादनु संभ्रमादनु रतारम्भादनु प्रीतयोः ।
५४९६-२ अन्यार्थं गतयोर्भ्रमान्मिलितयोः संभाषणैर्जानतोर् दम्पत्योरिह को न को न तमसि व्रीडाविमिश्रो रसः ॥

५४९७-१ आश्लेषाधरबिम्बचुम्बनसुखालापस्मितान्यासतां दूरे तावदिदं मिथो न सुलभं जातं मुखालोकनं ।
५४९७-२ इत्थं व्यर्थकृतैकदेहघटनाविन्यासयोरावयोः केयं प्रीतिविदम्बनेत्यवतु वः स्मेरोऽर्धनारीश्वरः ॥

५४९८-१ आश्लेषेण पयोधरप्रणयिनीं प्रत्यादिशन्त्या दृशं दृष्ट्वा चाधरबद्धतृष्णमधरं निर्भर्त्सयन्त्या मुखं ।
५४९८-२ ऊर्वोर्गाढनिपीडनेन जघने पाणिं च रुद्ध्वानया पत्युः प्रेम न खण्डितं निपुणया मानोऽपि नैवोज्झितः ॥

५४९९-१ आश्लेषे प्रथमं क्रमादपहृते हृद्येऽधरस्यार्पणे केलिद्यूतविधौ पणं प्रियतमे कान्तां पुनः पृच्छति ।
५४९९-२ अन्तर्गूढविगाढसंभ्रमरसस्फारीभवद्गण्डया तूष्णीं शारिविसारणाय निहितः स्वेदाम्बुगर्भः करः ॥

५५००-१ आश्लेषे सर्वदा पत्युः सतृष्णेवान्तरात्मना ।
५५००-२ अर्धनारीश्वरतनौ गौरीवृत्तं समीहते ॥

५५०१-१ संभोगायोग्यकालेषु सार्धं कान्तेन कामिनी ।
५५०१-२ वापीसौधे गृहोद्याने यात्रासङ्गेन तिष्ठति ॥

५५०२-१ अन्यच्छायावलोकेऽपि परालापे मनागपि ।
५५०२-२ पत्ये क्रुद्ध्यत्यनर्थादौ स्वयं चापि निमज्जति ॥

५५०३-१ अपरोपगमारम्भं उन्नाटयति वल्लभं ।
५५०३-२ दरिद्रजरतीवार्ता शिशिरे सायमातपं ॥

५५०४-१ पत्युः शय्यापरावृत्तिं वियोगमिव मन्यते ।
५५०४-२ देवागारप्रयाणं च प्रवासमिव पश्यति ॥

५५०५-१ अतिस्नेहस्य निस्यन्दादतिप्रेम्णः प्रवृत्तिभिः ।
५५०५-२ छायेवानुचरेत्कान्तं यान्तं तिष्ठन्तमङ्गना ॥

५५०६-१ आश्लेषे सुन्दरीणां स्थितवति सहसा सर्वसंतृप्तिहेतौ व्यर्थः पीयूषमाप्तुं जलनिधिमथने यत्न इत्याकलय्य ।
५५०६-२ तस्मादेते विरक्ता जगति सुमनसो यत्समस्तास्तदद्धा स्वर्गस्थानामिवैषां न कथमितरथा लाघवं स्यात्प्रतीतं ॥

५५०७-१ आश्वपेहि मम सीधुभाजनाद्यावदग्रदशनैर्न दृश्यसे ।
५५०७-२ चन्द्र मद्दशनमण्डलाङ्कितः खं न यास्यसि हि रोहिणीभयात् ॥

५५०८-१ आश्वसिहि महाबाहो प्राणिनां सर्वमापदः ।
५५०८-२ स्पृशन्त्यनिलवल्लोके क्षणेन प्रतियान्ति च ॥

५५०९-१ आश्वासयति काकोऽपि दुःखितां पथिकाङ्गनां ।
५५०९-२ त्वं चन्द्रामृतजन्मापि दहसीति किमुच्यतां ॥

५५१०-१ आश्वासयेच्चापि परं सान्त्वधर्मार्थवृत्तिभिः ।
५५१०-२ अथास्य प्रहरेत्काले यदा विचलिते पथि ॥

५५११-१ आश्वासस्नेहभक्तीनां एकमायतनं महत् ।
५५११-२ प्रकृष्टस्येव धर्मस्य प्रसादो मूर्तिसुन्दरः ॥

५५१२-१ आश्वासितस्य मम नाम सुतोपलब्ध्या सद्यस्त्वया सह कृशोदरि विप्रयोगः ।
५५१२-२ व्यावर्तितातपरुजः प्रथमाभ्रवृष्ट्या वृक्षस्य वैद्युत इवाग्निरुपस्थितोऽयं ॥

५५१३-१ आश्वास्य पर्वतकुलं तपनोष्णतप्तं उद्दामदावविधुराणि च काननानि ।
५५१३-२ नानानदीनदशतानि च पूरयित्वा रिक्तोऽसि यज्जलद सैव तवोत्तमश्रीः ॥

५५१४-१ आश्विने कृष्णपक्षे च षष्ठ्यां भ्ॐओऽथ रोहिणी ।
५५१४-२ व्यतीपातस्तदा षष्ठी कपिलानन्तपुण्यदा ॥

५५१५-१ आषाढशुक्लपक्षे भानोर्दिवसे शिरीषवृक्षस्य ।
५५१५-२ मूलं जलेन पिष्ट्वा पिबेन्न भीस्तस्य सर्पोत्था ॥

५५१६-१ आषाढी कार्त्तिकी माघी वचा शुण्ठी हरीतकी ।
५५१६-२ गयायां पिण्डदानेन पुण्या श्लेष्महरानृणी ॥

५५१७-१ आषाढे शशका दृष्टा स्थानास्थने सुभिक्षदाः ।
५५१७-२ चतुष्पदादिनाशाय तल्लब्ध्यै शशदर्शनं ॥

५५१८-१ आषाढे श्रावणे मासि बीजावपनरोपणे ।
५५१८-२ ग्रीष्मादन्यत्र वल्लीनां केचिदिच्छन्ति रोपणं ॥

५५१९-१ आ संप्रवृद्धेरपि वृद्धिकामः समेन संधानमिहोपगच्छेत् ।
५५१९-२ अपक्वयोर्वा घटयोरवश्यं अन्योऽन्यभेदी समसंनिपातः ॥

५५२०-१ आसंसारं त्रिभुवनमिदं चिन्वतां तात तादृङ्नैवास्माकं नयनपदवीं श्रोत्रवर्त्मागतो वा ।
५५२०-२ योऽयं धत्ते विषयकरिणीगाढरूढाभिभान- क्षीबस्यान्तःकरणकरिणः संयमालानलीलां ॥

५५२१-१ आसक्ताः प्रतिकोटरं विषधरा भानोः करा मूर्धनि ज्वालाजालकरालदावदहनः प्रत्यङ्गमालिङ्गति ।
५५२१-२ सर्वानन्दनचारुचन्दनतरोरेतस्य जीवातवे रे जीमूत विमुञ्च वारि बहुशो युष्मद्यशो जृम्भतां ॥

५५२२-१ आसज्य स्वयमेव चुम्बनविधिं याच्ञा विनालिङ्गनं तल्पान्ते जघनेन वेपथुमता पर्यर्पितं जानुनोः ।
५५२२-२ क्रोधोत्कम्पममर्षयत्यनुनयत्यस्याः स्मरक्रीडया प्रौढैकाभिरतिः प्रियस्य हृदयं हेलाबलात्कर्षति ॥

५५२३-१ आसते शतमधिक्षिति भूपास् तोयराशिरसि ते खलु कूपाः ।
५५२३-२ किं ग्रहा दिवि न जाग्रति ते ते भास्करस्य कतमस्तुलयास्ते ॥

५५२४-१ आसत्यलोकमखिलं भुवनं जलेषु निर्मज्जयेत्प्रकुपितो जलधिर्जवेन ।
५५२४-२ किंतु स्वमन्तयितुमुद्यतमौर्वमग्निं अन्तर्वसन्तमपि हन्तुमसौ न शक्तः ॥

५५२५-१ आ सत्यलोकादा भूमेः स्वैरचारकृतश्रमाः ।
५५२५-२ तेनुरिन्दुकराः स्वेदं द्रुतनीहारभूमिकं ॥

५५२६-१ आसनं चैव यानं च संधाय च विगृह्य च ।
५५२६-२ कार्यं वीक्ष्य प्रयुञ्जीत द्वैधं संश्रयमेव च ॥

५५२७-१ आसनं प्राणसंरोधः प्रत्याहारश्च धारणा ।
५५२७-२ ध्यानं समाधिरेतानि योगाङ्गानि स्मृतानि षट् ॥

५५२८-१ आसनं प्राणसंरोधो ध्यानं चैव समाधिकः ।
५५२८-२ एतच्चटुष्टयं विद्धि सर्वयोगेषु संमतं ॥

५५२९-१ आसनाच्शयनाद्यानात्संगतेश्चापि भोजनात् ।
५५२९-२ कृते संचरते पापं तैलबिन्दुरिवाम्भसि ॥

५५३०-१ आसनादेकशय्यायां संभाषात्सहभोजनात् ।
५५३०-२ पुंसां संक्रमते पापं घटाद्घटमिवोदकं ॥

५५३१-१ आसनावसथौ शय्यां अनुव्रज्यामुपासनं ।
५५३१-२ उत्तमेषूत्तमं कुर्याद्हीने हीनं समे समं ॥

५५३२-१ आसनाशनशय्याभिरद्भिर्मूलफलेन वा ।
५५३२-२ नास्य कश्चिद्वसेद्गेहे शक्तितोऽनर्चितोऽतिथिः ॥

५५३३-१ आसने पादमारोप्य यो भुङ्क्ते स द्विजाधमः ।
५५३३-२ मुखेन धमते चान्नं तुल्यं ग्ॐआंसभक्षणं ॥

५५३४-१ आसने लालयेद्बालां तरुणीं शयने तथा ।
५५३४-२ उत्सङ्गे पतिरूढां च लालनं त्रिविधं विदुः ॥

५५३५-१ आसने शयने याने पानभोजनवस्तुषु ।
५५३५-२ दृष्ट्वान्तरं प्रमत्तेषु प्रहरन्त्यरयोऽरिषु ॥

५५३६-१ आसने शयने याने भावा लक्ष्या विशेषतः ।
५५३६-२ पुरुषाणां प्रदुष्टानां स्वभावो वलवत्तरः ॥

५५३७-१ आसन्क्षीणानि यावन्ति चातकाश्रूणि तेऽम्बुद ।
५५३७-२ तावन्तोऽपि त्वयोदार न मुक्ता जलबिन्दवः ॥

५५३८-१ आसन्नतरतामेति मृत्युर्जन्तोर्दिने दिने ।
५५३८-२ आघातं नीयमानस्य वध्यस्येव पदे पदे ॥

५५३९-१ आसन्ननाशं सलिलं तटाके कूपादिकानामतियत्नलभ्यं ।
५५३९-२ नदि त्वमग्र्यासि जलाश्रयाणां यस्यां युगस्थायि सुलम्भमम्भः ॥

५५४०-१ आसन्नमार्गमतिलङ्घ्य नतेन मूर्ध्ना पश्चात्प्रसङ्गवलितेन मुखेन यान्त्या ।
५५४०-२ आरोपिताः कतिपये मयि पङ्कजाक्ष्या साकूतहासमनतिप्रकटाः कटाक्षाः ॥

५५४१-१ आसन्नमित्रागमसूच्यमान- समागमे वासरवल्लभस्य ।
५५४१-२ निर्यान्ति दीपा इव रात्रिभोग्याः पश्य प्रभाते गणिकागृहेभ्यः ॥

५५४२-१ आसन्नमेव नृपतिर्भजते मनुष्यं विद्याविहीनमकुलीनमसंस्तुतं वा ।
५५४२-२ प्रायेण भूमिपतयः प्रमदा लताश्च यः पार्श्वतो वसति तं परिवेष्टयन्ति ॥

५५४३-१ आसन्नयौवनस्त्वं दुहितुर्मे यौवनं त्वया प्रायः ।
५५४३-२ क्षपितमलक्ष्यं स्त्रीणां गलति हि सहसैव तारुण्यं ॥

५५४४-१ आसन्नसेवां नृपतेः क्रीडाशस्त्राहिपावकैः ।
५५४४-२ कौशलेनातिमहता विनीतः सानुरुध्यते (

?)

॥

५५४५-१ आसन्नाः कण्टकिनो रिपुभयदाः क्षीरिणोऽर्थनाशाय ।
५५४५-२ फलिनः प्रजाक्षयकरा दारूण्यपि वर्जयेत्तेषां ॥

५५४६-१ आसन्नान्पुरतो भोगान्दर्शयित्वा पुनः पुनः ।
५५४६-२ छागो हरितमुष्ट्येव दूरं नीतोऽस्मि तृष्णया ॥

५५४७-१ आसन्नाभ्रजलस्य दावविगमे विद्युद्भयं शाखिनो नक्रास्याद्गलतश्च मज्जनमयी शङ्का भवेद्वारिधौ ।
५५४७-२ भोक्तव्यस्य विधिः शुभस्य रभसात्स्वादुत्वनिष्पत्तये जन्तोः संतनुते निराकृतभियो भीत्यन्तरोत्पादनं ॥

५५४८-१ आसन्नामवलम्ब्य केसरलतामेकेन पुष्पोज्ज्वलां सव्यं निःसहया नितम्बफलके कृत्वा कराम्भोरुहं ।
५५४८-२ आमीलन्नयनान्तवान्तसलिलं श्लाघ्यस्य निन्द्यस्य वा कस्येदं दृढसौहृदं प्रतिदिनं दीनं त्वया स्मर्यते ॥

५५४९-१ आसन्नामवलम्ब्य केसरलतामेकेन पुष्पोज्ज्वलां सव्यं निःसहया नितम्बफलके कृत्वा कराम्भोरुहं ।
५५४९-२ उद्ग्रीवं वद दुर्दिनेऽद्य चरणावुन्नम्य मार्गस्त्वया बालोद्भ्रान्तमृगेक्षणे सुकृतिनः कस्यायमालोक्यते ॥

५५५०-१ आसन्नाय सुदूराय सुप्ताय प्रकटात्मने ।
५५५०-२ सुलभायातिदुर्गाय नमश्चित्राय शंभवे ॥

५५५१-१ आसन्ने फलमासन्नं दूरगे दूरगं फलं ।
५५५१-२ मिश्रं तु मिश्रे शकुने फलमाहुर्मनीषिणः ॥

५५५२-१ आसन्नो मधुरागतं वनभुवः साम्राज्यमित्यद्भुताः श्रूयन्ते गिर एष तत्त्वमिह न ज्ञातुं विधातुः क्षमः ।
५५५२-२ यत्पर्णैस्त्रुटितं तदप्युपरतं पुष्पोद्गमैः शाखिनां यद्ग्लानं विटपैरिदं पुनरिह प्रत्यक्षमालक्ष्यते ॥

५५५३-१ आसन्नो वल्मीको दक्षिणपार्श्वे विभीतस्य ।
५५५३-२ अध्यर्धे भवति शिरा पुरुषे ज्ञेया दिशि प्राच्यां ॥

५५५४-१ आसन्यावन्ति याच्ञासु चातकाश्रूणि चाम्बुद ।
५५५४-२ तावन्तोऽपि त्वया मेघ न मुक्ता वारिबिन्दवः ॥

५५५५-१ आ सप्ततेर्यस्य विवाहपङ्क्तिर् विच्छिद्यते नूनमपण्डितोऽसौ ।
५५५५-२ जीवन्ति ताः कर्तनकुट्टनाभ्यां गोभ्यः किमुक्षा यवसं ददाति ॥

५५५६-१ आसप्तमं कुलं हन्ति शिरोऽभ्यङ्गे चतुर्दशी ।
५५५६-२ मांसाशने पञ्चदशी कामधर्मे तथाष्टमी ॥

५५५७-१ आ समन्ताच्चतुर्दिक्षु सन्निकृष्टाश्च ये नृपाः ।
५५५७-२ तत्परास्तत्परा येऽन्ये क्रमाद्हीनबलारयः ॥

५५५८-१ आसमस्ताक्षिविक्षेपसमर्पितमनोभुवां ।
५५५८-२ मन्मथोद्दीपनं तासां विटवृत्तं विधास्यते ॥

५५५९-१ आ सर्गात्प्रतिवासरं रसशतैर्या बोधिता पोषिता कल्पान्तावसरेऽथ सैव पृथिवी स्वैरेव दग्धा करैः ।
५५५९-२ कृत्वेत्थं किमपि स्वकर्म नियतेः पूर्वापरोपप्लुतं कष्टं सोऽपि दिनान्तवीतकिरणस्तिग्मांशुरस्तं गतः ॥

५५६०-१ आसवरतिरतिबहुभुक् कट्वम्लाशी च कर्मठः पिशुनः ।
५५६०-२ स्थूलः कृशोऽतिदीर्घः खर्वो वा कृष्णपीतो वा ॥

५५६१-१ आससाद मुनिरात्मनस्ततः शिष्यवर्गपरिकल्पितार्हणं ।
५५६१-२ बद्धपल्लवपुटाञ्जलिद्रुमं दर्शनोन्मुखमृगं तपोवनं ॥

५५६२-१ आसां जलास्फालनतत्पराणां मुक्ताफलस्पर्धिषु शीकरेषु ।
५५६२-२ पयोधरोत्सर्पिषु शीर्यमाणः संलक्ष्यते न च्छिदुरोऽपि हारः ॥

५५६३-१ आसां व्रतमतीवाक्ष्णोर्यत्पुरः परिसर्पणं ।
५५६३-२ सह यातं मनस्तत्र त्यक्त्वा भूयो निवर्तनं ॥

५५६४-१ आसादितप्रकटनिर्मलचन्द्रहासः प्राप्तः शरत्समय एष विशुद्धकान्तः ।
५५६४-२ उत्खाय गाढतमसं घनकालमुग्रं रामो दशास्यमिव संभृतबन्धुजीवः ॥

५५६५-१ आसादितव्योऽस्ति करालकेशः सखेदयार्हः समयोऽपकारी ।
५५६५-२ तदुत्तमश्लोककथानुबन्धस् तावद्यथा स्यात्प्रयते तथाहं ॥

५५६६-१ आसादितस्य तमसा नियतेर्नियोगादाकाङ्क्षतः पुनरपक्रमणेन कालं ।
५५६६-२ पत्युस्त्विषामिह महौषधयः कलत्र- स्थानं परैरनभिभूतममूर्वहन्ति ॥

५५६७-१ आसाद्य कृष्णपक्षान् अत्रसतः सर्वदाऽभीकान् ।
५५६७-२ परयात्मनि रतचित्तान् विभाव्य तत्कर्म कुर्वतः क्व भयं ॥

५५६८-१ आसाद्यते कथं वा शौर्याश्रयणेन गौरवध्वंसः ।
५५६८-२ तत्तत्र दत्तचित्तश्चित्तजसंतापभाजनं न जनः ॥

५५६९-१ आसाद्य दक्षिणां दिशं अविलम्बं त्यजति चोत्तरां तरणिः ।
५५६९-२ पुरुषं हरन्ति कान्ताः प्रायेण हि दक्षिणा एव ॥

५५७०-१ आसाद्य भङ्गमनया द्यूते विहिताभिरुचितकेलिपणे ।
५५७०-२ निःसारयताक्षानिति कपटरुषोत्सारिताः सख्यः ॥

५५७१-१ आसाद्य मन्दरागोऽपि भुजङ्गेनातिसंगतिं ।
५५७१-२ तद्भोगात्तु भ्रमन्कष्टं प्राप्नोति विषमन्ततः ॥

५५७२-१ आसाद्य स्ॐअभुवमास्वहि यत्र नित्यं मङ्क्तुं प्रलोभयति सैकतमंशुकाभं ।
५५७२-२ तत्तत्र निर्वहति संप्रति नित्यकृत्यं एतस्य विस्मृतगृहस्य परानुभूत्या ॥

५५७३-१ आसाद्यापि महोदधिं न वितृषो जातो जलैर्वाडवो मेघं प्राप्य न चातकोऽपि चरणौ भानुं न लेभेऽरुणः ।
५५७३-२ चन्द्रः शंकरशेखरेऽपि निवसन्पक्षक्षये क्षीयते प्रायः सज्जनसंगतोऽपि लभते दैवानुरूपं फलं ॥

५५७४-१ आसाद्याम्रवनीमिमां प्रति नवामास्वाद्य तन्मञ्जरीं मैवं पञ्चममञ्च नन्दनवनभ्रान्त्या तया कोकिल ।
५५७४-२ एषा वायसमण्डली घनशिरःशूलाहतिव्याकुला कुध्वानैर्बधिरीकरिष्यति वृथा श्रोत्राणि सत्पत्रिणां ॥

५५७५-१ आसामुपरि दद्याच्च पानीयस्य विचक्षणः ।
५५७५-२ एवं यामद्वयं कुर्यात्ततस्त्वासां न दापयेत् ॥

५५७६-१ आसायं सलिलभरे सवितारमुपास्य सादरं तपसा ।
५५७६-२ अधुनाब्जेन मनाक्तव मानिनि तुलना मुखस्याप्ता ॥

५५७७-१ आसारान्तमृदुप्रवृत्तमरुतो मेघोपलिप्ताम्बरा विद्युत्पातमुहूर्तदृष्टककुभः सुप्तेन्दुताराग्रहाः ।
५५७७-२ धाराक्लिन्नकदम्बसंभृतसुरामोदोद्वहाः प्रोषितैर् निःसंपातविसारिदर्दुररवा नीताः कथं रात्रयः ॥

५५७८-१ आसारेण न हर्म्यतः प्रियतमैर्यातुं बहिः शक्यते शीतोत्कम्पनिमित्तमायतदृशा गाढं समालिङ्ग्यते ।
५५७८-२ जालैः शीकरशीतलाश्च मरुतो रत्यन्तखेदच्छिदो धन्यानां बत दुर्दिनं सुदिनतां याति प्रियासंगमे ॥

५५७९-१ आसारोपरमे प्रगाढतिमिराः किर्मीरयन्त्यो निशाः पान्थस्त्रीमनसां स्मरानलकणासन्तानशङ्कास्पृशः ।
५५७९-२ पिष्टानां प्रसभं घनाघनघटासंघट्टतो विद्युतां चूर्णाभाः परितः पतन्ति तरलाः खद्योतकश्रेणयः ॥

५५८०-१ आसितानि हसितानि कृतानि प्रेक्षितानि गदितानि गतानि ।
५५८०-२ प्रायशोऽनुकुरुते ललिताङ्गी नर्तकीव चतुरं दयितस्य ॥

५५८१-१ आसित्वा विजने विमुक्तविषयासङ्गं मनो निश्चलं कृत्वा हृज्जलजान्तरे प्रियतमारूपं परं दैवतं ।
५५८१-२ ध्यात्वा हारलतामयाक्षवलयं हस्तेन धृत्वा मया तत्सायुज्यफलाप्तये प्रतिदिनं तन्नाम संजप्यते ॥

५५८२-१ आसिष्ये सुखितो गृहीति विहितो मोहेन दारग्रहस् तत्सङ्गात्सुतदासबान्धवसुहृत्संबन्धिनामुद्भवः ।
५५८२-२ तन्निर्वाहकदर्थनापरिभवानौचित्यचिन्ताजुषः किं सौख्यं कतमा गृहस्थितिरतोऽनर्थो मया स्वीकृतः ॥

५५८३-१ आसीज्जनः कृतघ्नः क्रियमाणघ्नश्च सांप्रतं जातः ।
५५८३-२ इति मे मनसि वितर्को भविता लोकः कथं भविता ॥

५५८४-१ आसीता मरणात्क्षान्ता नियता ब्रह्मचारिणी ।
५५८४-२ यो धर्म एकपत्नीनां काङ्क्षन्ती तमनुत्तमं ॥

५५८५-१ आसीत्कल्पमुदन्वदम्बुनि चिरं भेजे च भालानलं भर्गस्य प्रतिमासकर्महुतभुक्कुण्डेऽप्यहौषीद्वपुः ।
५५८५-२ तीव्रैरेव तपोभिरिन्दुरकरोदित्थं जनुर्यापनं किं कुर्याद्विधुरो न वाञ्छति विधिस्तल्लाञ्छनप्रोञ्छनं ॥

५५८६-१ आसीत्ताम्रमयं शरीरमधुना सौवर्णवर्णं गतं मुक्ताहारलताश्रुबिन्दुनिवहैर्निःस्वस्य मे कल्पिता ।
५५८६-२ स्वल्पं स्वल्पमनल्पकल्पमधुना दीर्घं वयः कल्पितं स्वामिन्दुःख भवत्प्रसादवशतः किं किं न लब्धं मया ॥

५५८७-१ आसीत्पूर्वं विमलजलधौ मण्डनं भूपतीनां नारीणां च प्रबलमुकुटे काञ्चनेन प्रसङ्गात् ।
५५८७-२ तन्त्रीबद्धः कथमिदमहो काचखण्डेन सार्धं भिल्लीकण्ठे मरकतमणे कामवस्थां गतोऽसि ॥

५५८८-१ आसीत्सत्ययुगे बलिस्तदनु च त्रेतायुगे भार्गवो रामः सत्यपराक्रमोऽथ भगवान्धर्मस्तथा द्वापरे ।
५५८८-२ दाता कोऽपि न चास्ति संप्रति कलौ जीवन्ति केनार्थिनश्चेत्येवं कृतनिश्चयेन विधिना व्यापारिणो निर्मिताः ॥

५५८९-१ आसीदञ्जनमत्रेति पश्यामि तव लोचने ।
५५८९-२ भाविभूषणसंभारां साक्षात्कुर्वे तवाकृतिं ॥

५५९०-१ आसीददभ्रशरदभ्रमिषाद्यशस्ते नाके भ्रमन्नृप यदभ्रमुकान्तशुभ्रं ।
५५९०-२ तत्पुष्पवर्षणमिवाप्सरसां द्युलोके व्याप्नोत्यमादिव भुवं तुहिनच्छलेन ॥

५५९१-१ आसीदासीमभूमीवलयमलयजालेपनेपथ्यकीर्ति ः सप्ताकूपारपारीसदनजनघनोद्गीतचापप्रतापः ।
५५९१-२ वीरादस्मात्परः कः पदयुगयुगपत्पातिभूपातिभूयश्चूडारत्नोडुपत्नीकरपरिचरणामन्दनन्दन्नखेन्दुः ॥

५५९२-१ आसीदुप्तं यदेतद्रणभुवि भवता वैरिमातङ्गकुम्भान् मुक्ताबीजं तदेतत्त्रिजगति जनयामास कीर्तिद्रुमं ते ।
५५९२-२ शेषो मूलं प्रकाण्डं हिमगिरिरुदधिर्दुग्धपूरालवालं ज्योत्स्ना शाखाप्रतानः कुसुममुडुचयो यस्य चन्द्रः फलं च ॥

५५९३-१ आसीदेव यदार्द्रः किमपि तदा किमयमाहतोऽप्याह ।
५५९३-२ निष्ठुरभावादधुना कटूनि सखि रटति पटह इव ॥

५५९४-१ आसीद्गङ्गाधरस्तस्य भ्राता गङ्गाधरोपमः ।
५५९४-२ एकान्बबन्ध यो व्यालान्मुमोचैकान्यदृच्छया ॥

५५९५-१ आसीद्गङ्गान्वयायक्षितिपतितिलको राजराजक्षितीशः क्ष्मापालप्रौढमौलिप्रकरमणिरुचिप्रस्फुरत्पादपीठः ।
५५९५-२ योऽरातिक्षत्रचक्रक्रथनकरभुजापालिताशेषपृत्ह्वी- चक्रश्चक्रायुधाभोऽदधदुरसि रमां वाचि वाचामधीशः ॥

५५९६-१ आसीद्यस्तव पुत्रकस्त्रिचतुरैः पत्राङ्कुरैरावृतो मेघोन्मुक्तजलैकजीवनविधिः सन्मार्गलब्धास्पदः ।
५५९६-२ सोऽयं संप्रति वासरैः कतिपयैरध्वन्यपुण्योच्चयैः संपन्नः फलनम्रपल्लवततिच्छायोपलिप्तावनिः ॥

५५९७-१ आसीद्वरः कण्टकितप्रकोष्ठः स्विन्नाङ्गुलिः संववृते कुमारी ।
५५९७-२ तस्मिन्द्वये तत्क्षणमात्मवृत्तिः समं विभक्तेव मनोभवेन ॥

५५९८-१ आसीनः शयितः स्थितः प्रचलितः स्वप्नायितो जागृतः पश्यन्मीलितलोचनो व्यवहरन्मौनं प्रपन्नोऽथवा ।
५५९८-२ तां प्रेमाकुलवीक्षितां स्मितमुखीं सव्रीडमन्दागमां श्लिष्यन्तीं प्रणयार्द्रमुग्धलपितां पश्यामि नक्तंदिवं ॥

५५९९-१ आसीनः सुखमापणे यदि वणिक्श्रद्धालुभिः प्रार्थितः किंचिच्शंसति पञ्चकं शतकमित्येतन्न तस्याद्भुतं ।
५५९९-२ आपातालविघूर्णिताम्भसि चलत्यौत्पातिके मारुते मज्जन्त्यामपि नावि मुञ्चति न यस्तामेव मूल्यस्थितिं ॥

५६००-१ असीनः स्वामिनः पार्श्वे तन्मुखेक्षी कृताञ्जलिः ।
५६००-२ स्वभावं चास्य विज्ञाय दक्षः कार्याणि साधयेत् ॥

५६०१-१ आसीना तटभुवि सस्मितेन भर्त्रा रम्भोरूरवतरितुं सरस्यनिच्छुः ।
५६०१-२ धुन्वाना करयुगमीक्षितुं विलासाञ् शीतालुः सलिलगतेन सिच्यते स्म ॥

५६०२-१ आसीने पूष्णि तूष्णीं व्यसनिनि शशिनि व्य्ॐनि कृष्णे सतृष्णे दैत्येन्द्रे जातनिद्रे द्रवति मघवति क्लान्तकान्तौ कृतान्ते ।
५६०२-२ अब्रह्मण्यं ब्रुवाणे कमलपुटकुटीश्रोत्रिये शान्त्युपाये पायाद्वः कालकूटं झटिति कवलयंल्लीलया नीलकण्ठः ॥

५६०३-१ आसीने लालयेद्बालां तरुणीं शयने तथा ।
५६०३-२ उत्थितेऽप्यधिरूढां च लालनं त्रिविधं विदुः ॥

५६०४-१ आसीनैः स्वं विमानं कृतपरिवृतिभिः सुन्दरीसंगतैस्तैर् देवैः सिद्धैश्च यक्षैरनिमिषनयनैर्दृश्यमानः सतृष्णं ।
५६०४-२ मध्येमघ्ये पयोदैर्मुरजसदृशतां बोधयद्भिः सुमन्द- मम्भः संपात्य पुष्पैरिव ननु महितस्ताण्डवः श्रेयसे स्तात् ॥

५६०५-१ आसीन्नाथ पितामही तव मही माता ततोऽनन्तरं संप्रत्येव हि साम्बुराशिरशना जाया जयोद्भूतये ।
५६०५-२ पूर्णे वर्षशते भविष्यति पुनः सैवानवद्या स्नुषा युक्तं नाम समस्तशास्त्रविदुषां लोकेश्वराणामिदं ॥

५६०६-१ आसीन्मे मनसि हृता न सा मृता सा या दृष्टेर्व्रजति न गोचरं प्रिया मे ।
५६०६-२ ज्योत्स्ना हि स्फुटधवलापि क्ॐउदीन्दोर् अन्धानां बहलतम्ॐअलीमसैव ॥

५६०७-१ आसीमा कालिका यस्य क्षुद्राङ्गं कुण्डलीकृतं ।
५६०७-२ क्षुद्रवज्रकनामानं प्राह नागार्जुनो मुनिः ॥

५६०८-१ आसीमान्तान्निवर्तन्ते सुहृदः सह बन्धुभिः ।
५६०८-२ सुकृतं दुष्कृतं वापि गच्छन्तमनुगच्छति ॥

५६०९-१ आसीस्त्वं निशिराजरक्तहृदयेतीर्ष्यालुना वज्रिणा प्रातः शङ्कितयेव दिव्यपदवीं गत्वात्मनः शुद्धये ।
५६०९-२ और्वोत्तापितवार्धितापकतलादादाय मुक्तो बहिः प्राच्यासौ दिवि तप्तमाषक इव प्रद्योतनो द्योतते ॥

५६१०-१ आसुरं कुलमनादरणीयं चित्तमेतदमलीकरणीयं ।
५६१०-२ रामधाम शरणीकरणीयं लीलया भवजलं तरणीयं ॥

५६११-१ आसे चेत्स्वगृहे कुटुम्बभरणं कर्तुं न शक्तोऽस्म्यहं सेवे चेत्सुखसाधनं मुनिवनं मुष्णन्ति मां तस्कराः ।
५६११-२ श्वभ्रे चेत्स्वतनुं त्यजामि नरकाद्भीरात्महत्यावशान् नो जाने करवाणि दैव किमहं मर्तुं न वा जीवितुं ॥

५६१२-१ आसेव्यते मुखं सर्वैर्विद्यानां योषितामपि ।
५६१२-२ हृदयग्राहिणस्तासां द्वित्राः सन्ति न सन्ति वा ॥

५६१३-१ आस्कन्दन्कथमपि योषितो न यावद्भीमत्यः प्रियकरधार्यमाणहस्ताः ।
५६१३-२ औत्सुक्यात्त्वरितममूस्तदम्बु तावथ्संक्रान्तप्रतिमतया दधाविवान्तः ॥

५६१४-१ आस्कन्दितो भुजलताचलिताग्रशाखां आलिङ्गितो युवतिभिः कलिकार्थिनीभिः ।
५६१४-२ धन्योऽसि चम्पकतरो कुसुमानुरूपैर् आसां घनस्तनफलैः फलितोऽसि यच्च ॥

५६१५-१ आस्कन्धावधि कण्ठकाण्डविपिने द्राक्चन्द्रहासासिना छेत्तुं प्रक्रमिते मयैव तरसा त्रुट्यच्छिरासंततौ ।
५६१५-२ अस्मेरं गलिताश्रुगद्गदपदं भिन्नभ्रुवा यद्यभूद्वक्त्रेष्वेकमपि स्वयं स भगवांस्तन्मे प्रमाणं शिवः ॥

५६१६-१ आ स्तन्यपानाज्जननी पशूनां आ दारलाभाच्च नराधमानां ।
५६१६-२ आगेहकर्मावधि मध्यमानां आ जीवितात्तीर्थमिवोत्तमानां ॥

५६१७-१ आस्त भावमधिगच्छतोस्तयोः संमदेषु करजक्षतार्पणा ।
५६१७-२ फाणितेषु मरिचावचूर्णना सा स्फुटं कटुरपि स्पृहावहा ॥

५६१८-१ आस्तां किं बहुभिः परोपकृतयः संसारसारं फलं सिद्धं तत्प्रतिकूलवर्तिनि विधौ न स्तोकमप्यत्र नः ।
५६१८-२ एते स्मः किल मानुषा वयमपि व्यर्थं व्यपेतायुषो येषां स्वोदरपूर्तिरेव हि किमप्यष्टौ महासिद्धयः ॥

५६१९-१ आस्तां क्लमापहरणं जलधेर्जलेन दूरे दवाग्नि परिदीपितमानसानां ।
५६१९-२ एतावदस्तु यदि तोयकणैर्न जिह्वा दन्दह्यते द्विगुणतां च न याति तृष्णा ॥

५६२०-१ आस्तां गाढतरानुशीलनविधिः संस्पर्शनं दूरतः संश्लेषे विषयीकृतोऽसि न मनागक्ष्णोः पदं प्रापितः ।
५६२०-२ किं ब्रूमः सहकार तावकगुणानन्यादृशैर्दुर्लभान् सौरभ्येण यदध्वगानपि मुहुः प्रीणासि दूरादपि ॥

५६२१-१ आस्तां चक्षुरिदं तिरोऽञ्चति कियच्चेतोऽपि यद्वैभवैर् निष्प्रत्याशमयं मुने जलनिधिर्गण्डूषितः सत्तपः ।
५६२१-२ एतेनैव विरन्तुमर्हसि न ते गण्डूषपानाधिका काचित्ख्यातिरतःपरं परमसौ पर्जन्यनीवीव्ययः ॥

५६२२-१ आस्तां तत्करकानिपातकृतभीमण्डूकनिर्मज्जन- क्षेमैकक्षमवारि पल्वलशतं सिन्धुं तमेव स्तुमः ।
५६२२-२ कुप्यच्छक्रकरस्वरुप्रहरणक्षुण्णाखिलाङ्गक्षरत्- कीलालेन गिरिव्रजेन शरणं यद्गर्भवासः कृतः ॥

५६२३-१ आस्तां तावत्किमन्येन दौरात्म्येनेह योषितां ।
५६२३-२ विधृतं स्वोदरेणापि घ्नन्ति पुत्रमपि स्वकं ॥

५६२४-१ आस्तां तावदकीर्तिर्मे त्वया तथ्यं तु कथ्यतां ।
५६२४-२ चित्तं कथमिवासीत्ते हरिवंशीरवश्रुतौ ॥

५६२५-१ आस्तां तावदसीमपौरुषजुषः संमानितात्यद्भुत- प्रारम्भाभ्यधिकक्रियस्य स खलु प्राच्यः प्रचारो हरेः ।
५६२५-२ जीर्णस्यापि च विन्ध्यकन्दरदरीद्वारावताराक्षमैर् अङ्गैरङ्गभृतो दलन्ति दरतो गन्धेन गन्धद्विपाः ॥

५६२६-१ आस्तां तावदहो समुद्रमहिमा दूरेऽपि कर्णप्रियस् तीरे यस्य पिपासयैव मरणं प्राप्नोति शीघ्रं जनः ।
५६२६-२ तस्मादम्बुनिधेर्वरं लघुसरः कूपोऽथवा वापिका यत्र स्वात्मकरद्वयेन सलिलं पेपीयते स्वेच्छया ॥

५६२७-१ आस्तां तावद्दिगन्तप्रथितसुयशसां संगमः सज्जनानां तैः साकं वैरयोगोऽप्यतिशयमहितामुन्नतिं संनिधत्ते ।
५६२७-२ लोके कस्यागमिष्यच्छ्रुतिपथमवपुर्वक्त्रशेषोऽपि राहुस् त्रैलोक्यख्यातधाम्नोर्यदि रविशशिनोर्वैरितां नाकरिष्यत् ॥

५६२८-१ आस्तां तावद्वचनरचनाभाजनत्वं विदूरे दूरे चास्तां तव तनुपरीरम्भसंभावनापि ।
५६२८-२ भूयो भूयः प्रणतिभिरिदं किं तु याचे विधेया स्मारं स्मारं स्वजनगणने कापि रेखा ममापि ॥

५६२९-१ आस्तां ते गुणिनस्तावद्भूषिताशेषभूतलाः ।
५६२९-२ येषां गुणरुचिर्भूयः सांप्रतं तेऽपि दुर्लभाः ॥

५६३०-१ आस्तां दूरतया तदीयवदनाम्भोजामृतास्वादनं नोदेत्येव मनोरथोऽपि हृदये तत्संगमाशां प्रति ।
५६३०-२ उत्कण्ठाशिथिलीकृताङ्गलतिकं वीक्षेत मामेकदा सस्नेहं यदि सा सरोजवदना धन्योऽस्म्यहं तावता ॥

५६३१-१ आस्तां दूरेण विश्लेषः प्रियामालिङ्गतो मम ।
५६३१-२ स्वेदः किं न सरिन्नाथो र्ॐआञ्चः किं न पर्वतः ॥

५६३२-१ आस्तां भवान्तरविधौ सुविपर्ययोऽयं अत्रैव जन्मनि नृणामधरोच्चभावः ।
५६३२-२ अल्पः पृथुः पृथुरपि क्षणतोऽल्प एव स्वामी भवत्यनुचरः स च तत्पदार्हः ॥

५६३३-१ आस्तां मण्डलमैन्दवं वरतनोर्वक्त्रश्रियश्चेत्कथा कोणे कुत्रचिदासतां कुवलयान्यक्ष्णोः प्रसङ्गो यदि ।
५६३३-२ दूरे तिष्ठतु वल्लकीकलरवः प्रस्तावना चेद्गिरां वार्त्ता चेदवलग्नकस्य यशसां व्य्ॐनः प्रथायै नमः ॥

५६३४-१ आस्तां महाबोधबलेन साध्यो मोक्षो विबाधामलसौख्ययुक्तः ।
५६३४-२ धर्मार्थकामा अपि नो भवन्ति ज्ञानं विना तेन तदर्चनीयं ॥

५६३५-१ आस्तां माद्य भवे शुभे सखि लता न्यस्ता त्वया माधवी कान्ते तन्मम संप्रयच्छ कुसुमं किं वामुना मे फलं ।
५६३५-२ नाल्पं निर्मलयामि मौक्तिकमिदं न्यस्तं त्वया दह्यतां इत्थं विभ्रमसंभ्रमो मदयति प्रेयांसमेणीदृशः ॥

५६३६-१ आस्तां मानः कथनं सखीषु वा मयि निवेद्यदुर्विनये ।
५६३६-२ शिथिलितरतिगुणगर्वा ममापि सा लज्जिता सुतनुः ॥

५६३७-१ आस्तां वरमवकेशी मा दोहदमस्य रचय पूगतरोः ।
५६३७-२ एतस्मात्फलितादपि केवलमुद्वेगमधिगच्छ ॥

५६३८-१ आस्तां विश्वसनं सखीषु विदिताभिप्रायसारे जने तत्राप्यर्पयितुं दृशं सलिलतां शक्न्ॐइ न व्रीडया ।
५६३८-२ लोको ह्येष परोपहासचतुरः सूक्ष्मेङ्गितज्ञोऽप्यलं मातः कं शरणं व्रजामि हृदये जीर्णोऽनुरागानलः ॥

५६३९-१ आस्तां सकण्टकमिदं वसुधाधिपत्यं त्रैलोक्यराज्यमपि देव तृणाय मन्ये ।
५६३९-२ निःशङ्कसुप्तहरिणीकुलसंकुलासु चेतः परं वलति शैलवनस्थलीषु ॥

५६४०-१ आस्तामनङ्गीकरणाद्भवेन दृश्यः स्मरो नेति पुराणवाणी ।
५६४०-२ तवैव देहं श्रितया श्रियेति नवस्तु वस्तु प्रतिभाति वादः ॥

५६४१-१ आस्तामन्यत्सुजनाः परोपकारैककरणदुर्ललिताः ।
५६४१-२ संतापितपिशुनेषु स्वगुणेष्वपि हन्त खिद्यन्ते ॥

५६४२-१ आस्तामपरो लोकः क्रीडापेक्षापरो यदि प्रीतिः ।
५६४२-२ ब्यसनान्तरे पतन्ती न वारिता परिजनेनापि ॥

५६४३-१ आस्तामेव सरोवरेण्य भवतो दुग्धोदलब्धामृत- स्वादस्पर्धि सरोजवृन्दखचितं हंसावतंसं पयः ।
५६४३-२ स्फारोल्लोलसुशीतशीकरचयासारप्रसिक्तानिल- स्पर्शैरेव मनोहरैरपगताः संतापशोषक्लमाः ॥

५६४४-१ आस्तिक्यं चेद्धनमखिलमप्यर्थिसात्कर्तुमर्हं नास्तिक्यं चेत्तदपि सुतरां भोगहेतोरपास्यं ।
५६४४-२ अस्पृष्ट्वापि स्वयमतिरहःस्थाप्यते यत्तदन्तस् तस्मिन्हेतुः क इति निभृतं तर्कयामो न विद्मः ॥

५६४५-१ आस्तीकवचनं स्मृत्वा यः सर्पो न निवर्तते ।
५६४५-२ शतधा भिद्यते मूर्ध्नि शिंशवृक्षफलं यथा ॥

५६४६-१ आस्तीर्यन्तामुपान्ते वनवृतिनिपुणैर्जालिकैर्जालबन्धा मुच्यन्तां शृङ्खलाभ्यः श्वगणभिरटवीगह्वरे सारमेयाः ।
५६४६-२ आकीर्यन्तां स्थलानि श्रमशिथिलहयैः सादिभिः पाशहस्तैर् व्याधूयन्तां कृतान्तैरिव महिषचरैर्दण्डिभिः काननानि ॥

५६४७-१ आस्तृतेऽभिनवपल्लवपुष्पैर् अप्यनारतरताभिरताभ्यः ।
५६४७-२ दीयते स्म शयितुं शयनीये न क्षणः क्षणदयापि वधूभ्यः ॥

५६४८-१ आस्ते कश्चन भिक्षुः संगृह्णन्नव्ययानि दश ।
५६४८-२ न ममेत्यव्यययुगलं याचामस्तं किमस्त्यन्यत् ॥

५६४९-१ आस्तेऽत्रैव सरस्यहो बत कियान्संतोषपक्षग्रहो हंसस्यास्य मनाङ्न धावति मतिः श्रीधाम्नि पद्मे क्वचित् ।
५६४९-२ सुप्तोऽद्यापि विबुध्यते न तदितस्तावत्प्रतीक्षामहे वेलामित्युषसि प्रिया मधुलिहः सोढुं त एव क्षमाः ॥

५६५०-१ आस्ते दामोदरीयामियमुदरदरीं यावलम्ब्य त्रिलोकी संमातुं शक्नुवन्ति प्रथिमभरवशादत्र नैतद्यशांसि ।
५६५०-२ तामेतां पूरयित्वा निरगुरिव मधुध्वंसिनः पाण्डुपद्म- च्छद्मापन्नानि तानि द्विपदशनसनाभीनि नाभीपथेन ॥

५६५१-१ आस्ते द्वारि वधूर्विधातृरचनावैदुष्यविक्रान्तिभूर् भूरेतस्य बलादहारि भवता भीता नतारातिना ।
५६५१-२ किं नामापरमत्र कार्यमधुना साध्यं समाशास्यते तत्पाणिग्रहमङ्गलाय मनुजाधीशास्तु यत्नो महान् ॥

५६५२-१ आस्ते नो सुषमा न चापि कुसुमामोदो हि नो वा मनाक् चातुर्यं मकरन्ददानविषये किं चातुरीयं पुनः ।
५६५२-२ यत्त्वं चित्रगतं कुशेशयदलं पुष्णासि गुञ्जारवैर् माहात्म्यं क इव ब्रवीमि तदहो हे चञ्चरीकाधुना ॥

५६५३-१ आस्ते रोहत्कनककमले केलिपात्रे मृडान्याः खेलन्हेलोन्मदमधुकरीमानसे मानसे यः ।
५६५३-२ भेकोद्रेकप्रणयिनि वलद्बालजम्बालजाले स स्यादुत्कः परिमितजले पल्वले किं मरालः ॥

५६५४-१ आस्ते विधुः परमनिर्वृत एव मौलौ शंभोरिति त्रिजगतीजनचित्तवृत्तिः ।
५६५४-२ अन्तर्निगूढनयनानलदाहदुःखं जानाति कः परमृते बत शीतरश्मेः ॥

५६५५-१ आस्त्रीशिशु प्रथितयैष पिपासितेभ्यः संरक्ष्यतेऽम्बुधिरपेयतयैव दूरात् ।
५६५५-२ दंष्ट्राकरालमकरालिकरालिताभिः किं भाययत्यपरमूर्मिपरंपराभिः ॥

५६५६-१ आस्थामालम्ब्य नीतेषु वशं क्षुद्रेष्वरातिषु ।
५६५६-२ व्यक्तिमायाति महतां माहात्म्यमनुकम्पया ॥

५६५७-१ आस्थाय दारुणतरं कमपि स्वभावं अत्यन्तदुष्कृतकृतामपि शिक्षणाय ।
५६५७-२ गृह्णासि सायकपदे कुसुमान्यमूनि मातः सुतेषु महती किल रूक्षतेयं ॥

५६५८-१ आस्थितः स्थगितवारिदपङ्क्त्या संध्यया गगनपश्चिमभागः ।
५६५८-२ सोर्मिविद्रुमवितानविभासा रञ्जितस्य जलधेः श्रियमूहे ॥

५६५९-१ आस्फालितं यत्प्रमदाकराग्रैर् मृदङ्गधीरध्वनिमन्वगच्छत् ।
५६५९-२ वन्यैरिदानीं महिषैस्तदम्भः शृङ्गाहतं क्रोशति दीर्घिकाणां ॥

५६६०-१ आस्फालितैर्जलधिरूर्मिपरंपराणां दूरीकरोति यदि रत्नमवस्तुबुद्ध्या ।
५६६०-२ रत्नाकरत्वमपि तस्य भवेद्विनष्टं रत्नं तु हन्त भविता महदङ्गधार्यं ॥

५६६१-१ आस्माकी युवतिदृशामसौ तनोति च्छायैव श्रियमनपायिनीं किमेभिः ।
५६६१-२ मत्वैवं स्वगुणपिधानसाभ्यसूयैः पानीयैरिति विदधाविरेऽञ्जनानि ॥

५६६२-१ आस्यं निरस्य रसितैः सुचिरं विहस्य गात्रान्तरेषु घन वर्षसि चातकस्य ।
५६६२-२ तच्चञ्चुकोटिकुटिलायतकंधरस्य प्राणात्ययोऽस्य भवतः परिहासमात्रं ॥

५६६३-१ आस्यं पिधाय सकलं विरलाङ्गुलिना करेण सघ्राणं ।
५६६३-२ अयमुच्चरद्दकारं मनोहरं ज्योत्करोति शिशुः ॥

५६६४-१ आस्यं यद्यपि हास्यवर्जितमिदं लास्येन वीतं वचो नेत्रे शोणसरोजकान्ति तदपि क्वापि क्षणं स्थीयते ।
५६६४-२ मालायाः करणोद्यमे मकरिकारम्भः कुचाम्भोजयोर् धूपाः कुन्तलधोरणीषु सुदृशः सायंतनो दृश्यते ॥

५६६५-१ आस्यं यस्याः सुधांशुं कलयति नयनाभ्यां जितः पुंसमूहः कान्त्या विद्युत्कुचाभ्यां जलकनकधरे निर्जिते हन्त मोहः ।
५६६५-२ कुष्ठं दुर्गन्धियुक्तं लघुकृमिविकृतं पूयमज्जास्रवाहि- व्याप्तं तन्मक्षिकाभिर्गतिरिति वपुषः कुत्सिता नास्ति लोके ॥

५६६६-१ आस्यं सहास्यं नयनं सलास्यं सिन्दूरबिन्दूदयशोभि भालं ।
५६६६-२ नवा च वेणी हरिणीदृशश्चेदन्यैरगण्यैरपि भूषणैः किं ॥

५६६७-१ आस्यप्रोञ्छितपार्वणेन्दुयशसं नेत्रावधूतोत्पल- श्रीगर्वां दशनच्छदव्यवहिताशोकप्रवालद्युतिं ।
५६६७-२ एतां दृष्टिसुधाप्रपां त्रिजगतः शिल्पी विधाय स्वयं मन्ये हर्षवशादजायत निजस्तोत्रप्रचण्डः कविः ॥

५६६८-१ आस्यश्रीजितजर्जरेन्दुमलिनं कृत्वा करे कन्दुकं क्रीडाकौतुकमिश्रभावमनया ताम्रं वहन्त्याननं ।
५६६८-२ भृङ्गाग्रग्रहकृष्णकेतकदलस्पर्धावतीनां दृशा दीर्घापाङ्गतरङ्गितैकसुहृदामेषोऽस्मि पात्रीकृतः ॥

५६६९-१ आस्यश्रीर्द्विजराजबाधनकरी दृष्टिः श्रुतेर्लङ्घिनी मूर्धन्यावलिगामिनी कुटिलता बद्धाश्च मुक्ता गुणैः ।
५६६९-२ यत्ते सुन्दरि दुर्विनीतिरियती दृष्टाबलाया मया तन्मन्ये मकरध्वजो भवजयी जातस्त्वदग्रेसरः ॥

५६७०-१ आस्येन्दोः परिवेषवद्रतिपतेश्चाम्पेयकोदण्डवद्धम्मिल्लाम्बुमुचः क्षणद्युतिवदासज्जौ क्षिपन्ती भुजौ ।
५६७०-२ विश्लिष्यद्वलि लक्ष्यनाभि विगलन्नीव्युन्नमन्मध्यमं किंचित्किंचिदुदञ्चदञ्चलमहो कुम्भस्तनी जृम्भते ॥

५६७१-१ आस्ये पूर्णसुधानिधिश्चरणयोः काल्पद्रुमं वैभवं देहे काञ्चनकान्तता त्वचि पुनर्हैयङ्गवीनं स्वयं ।
५६७१-२ यस्या लोचनयोर्निरूपधि सदोदीतानुकम्पाततिः सा माता जगतां प्रसादपदवी साक्षान्मुदे स्तादुमा ॥

५६७२-१ आस्रावयेच्चोपचितान्विपर्यस्येच्च कर्मसु ।
५६७२-२ यथा न भक्षयन्त्यर्थं भक्षितं निर्वमन्ति वा ॥

५६७३-१ आस्रावयेदुपचितान्साधु दुष्टव्रणानिव ।
५६७३-२ आयुक्तास्ते च वर्तेरन्नग्नाविव महीपतौ ॥

५६७४-१ आ स्वर्लोकादुरगनगरं नूतनालोकलक्ष्मीं आतन्वद्भिः किमिव सिततां चेष्टितैस्ते न नीतं ।
५६७४-२ अप्येतासां रमणविरहे विद्विषत्कामिनीनां यैरानीता नखपदमयी मण्डना पाण्डिमानं ॥

५६७५-१ आस्वादितं स्वादुमरन्दबिन्दु- स्वच्छन्दमिन्दीवरसुन्दरीभिः ।
५६७५-२ माकन्दपुष्पं प्रमदाजनस्य प्रमोदमामोदभरैरकार्षीत् ॥

५६७६-१ आस्वादितदयिताधर- सुधारसस्येव सूक्तयो मधुराः ।
५६७६-२ अकलितरसालमुकुलो न कोकिलः कलमुदञ्चयति ॥

५६७७-१ आस्वादितद्विरदशोणितशोणशोभां संध्यारुणामिव कलां शशलाञ्छनस्य ।
५६७७-२ जृम्भाविदारितमुखस्य मुखात्स्फुरन्तीं को हर्तुमिच्छति हरेः परिभूय दंष्ट्रां ॥

५६७८-१ आस्वादितोन्मुक्तमिवार्द्धबिम्बं तम्ॐउखाद्हन्त सुधाकरस्य ।
५६७८-२ सीमन्तसीमान्तमुदाररूपं इदं ललाटं ननु पङ्कजाक्ष्याः ॥

५६७९-१ आस्वादितोऽसि मोहाद्बत विदिता वदनमाधुरी भवतः ।
५६७९-२ मधुलिप्तक्षुर रसनाछ्छेदाय परं विजानासि ॥

५६८०-१ आस्वाद्यं प्रमदारदच्छद इव श्रव्यं नवं जल्पितं बालाया इव दृश्यमुत्तमवधूलावण्यलक्ष्मीरिव ।
५६८०-२ प्रोद्घोष्यं चिरविप्रयुक्तवनितासन्देशवाणीव मे नैवेद्यं चरितं च रूपमनिशं श्रीकृष्ण नामास्तु ते ॥

५६८१-१ आस्वाद्य निर्विशेषं विरहिवधूनां मृदूनि मांसानि ।
५६८१-२ करकामिषेण मन्ये निःष्ठीवति नीरदोऽस्थीनि ॥

५६८२-१ आस्वाद्य स्वयमेव वच्मि महतीर्मर्मच्छिदो वेदना मा भूत्कस्यचिदप्ययं परिभवो याच्ञेति संसारिणः ।
५६८२-२ पश्य भ्रातरियं हि गौरवजराधिक्कारकेलिस्थली मानम्लानिमसी गुणव्यतिकरप्रागल्भ्यगर्भच्युतिः ॥

५६८३-१ आस्वाद्यात्र मधूनि षट्पद मदं मा गाः कषायाङ्कुरैर् माकन्दस्य पिकान्प्रतारितवतो मूर्धानमध्यासितः ।
५६८३-२ प्रत्यासन्नतमे पिकेऽपि भवते येनार्पिता तादृशी माध्वी तस्य विवेकविच्युतिरियं साद्गुण्यमेतन्न ते ॥

५६८४-१ आस्वाद्यैष कषायमङ्कुरमुरुप्रेमानुबद्धाशयो माकन्दस्य यशांसि कोकिलयुवा निर्माति दिग्भित्तिषु ।
५६८४-२ माध्वीकानि निपीय तस्य मधुपास्तत्रैव गुञ्जन्त्यमी को ब्रूतामसतां सतां च वचसां वर्त्मातिगं चेष्टितं ॥

५६८५-१ आहतं कुचतटेन तरुण्याः साधु सोढममुनेति पपात ।
५६८५-२ त्रुट्यतः प्रियतमोरसि हाराथ्पुष्पवृष्टिरिव मौक्तिकवृष्टिः ॥

५६८६-१ आहते यत्र खड्गे स्याद्ध्वनिः काकस्वरोपमः ।
५६८६-२ अं आकारध्वनिर्वा स्यात्स वर्ज्यो नरपुंगवैः ॥

५६८७-१ आहते यत्र मधुरो ध्वनिः समुपजायते ।
५६८७-२ पूज्यः स खड्गो नृपतेः शत्रुसंचयनाशनः ॥

५६८८-१ आहत्य चिनुमः स्वर्गं अपवर्गमनुक्रमात् ।
५६८८-२ अनुकूले हि दाम्पत्ये प्रतिकूलं न किंचन ॥

५६८९-१ आहत्याहत्य मूर्ध्ना द्रुतमनुपिबतः प्रस्नुतं मातुरूधः किंचित्कुब्जैकजानोरनवरतचलच्चारुपुच्छस्य धेनुः ।
५६८९-२ उत्कर्णं तर्णकस्य प्रियतनयतया दत्तहुंकारमुद्रा विस्रंसत्क्षीरधारालवशबलमुखस्याङ्गमातृप्ति लेढि ॥

५६९०-१ आह नाथवदनस्य चुम्बतः सा स्म शीतकरतामनक्षरं ।
५६९०-२ सीत्कृतानि सुदती वितन्वती सत्त्वदत्तपृथुवेपथुस्तदा ॥

५६९१-१ आहरन्नपि न स्वस्थो विनिद्रो न प्रबुध्यति ।
५६९१-२ वक्ति न स्वेच्छया किंचित्सेवकोऽपीह जीवति ॥

५६९२-१ आहरेज्ज्ञानमर्थांश्च पुमानमरवत्सदा ।
५६९२-२ गृहीत इव केशेषु मृत्युना धर्ममाचरेत् ॥

५६९३-१ आहवे जगदुद्दण्डराजमण्डलराहवे ।
५६९३-२ श्रीनृसिंह महीपाल स्वस्त्यस्तु तव बाहवे ॥

५६९४-१ आहवेषु च ये शूराः स्वाम्यर्थे त्यक्तजीविताः ।
५६९४-२ भर्तृभक्ताः कृतज्ञाश्च ते नराः स्वर्गगामिनः ॥

५६९५-१ आहवेषु मिथोऽन्योन्यं जिघांसन्तो महीक्षितः ।
५६९५-२ युध्यमानाः परं शक्त्या स्वर्गं यान्त्यपराङ्मुखाः ॥

५६९६-१ आह स्मैषा नलादन्यं न जुषे मनसेति यत् ।
५६९६-२ यौवनानुमितेनास्यास्तन्मृषाभून्मनोभुवा ॥

५६९७-१ आहारं प्रति यत्कथापि शमिता यन्मौनमुद्रा मुखे यच्चक्षुर्विनिमीलनं तनुलता यत्तानवे वर्तते ।
५६९७-२ एकान्ते यदवस्थितिर्यदपि च ध्यानैकतानं मनस् तन्मन्ये सुभग त्वदर्थमनया तप्येत तीव्रं तपः ॥

५६९८-१ आहारः फलमूलमात्मरुचितं शय्या मही वल्कलं संवीताय परिच्छदः कुशसमित्पुष्पाणि पुत्रा मृगाः ।
५६९८-२ वस्त्रान्नाश्रयदानभोगविभवा निर्यन्त्रणाः शाखिनो मित्राणीत्यधिकं गृहेषु गृहिणां किं नाम दुःखादृते ॥

५६९९-१ आहारदोषाय च काकदीति स्यादाकुटानि ध्वनितं रणाय ।
५६९९-२ केकेध्वनिष्ठा कुवती किकी च त्रयं त्विदं स्यात्पुरदूषणाय ॥

५७००-१ आहारनिद्राभयमैथुनानि सामान्यमेतत्पशुभिर्नराणां ।
५७००-२ ज्ञानं नराणामधिको विशेषो ज्ञानेन हीनाः पशुभिः समानाः ॥

५७०१-१ आहारनिर्हारविहारयोगाः सुसंवृता धर्मविदा तु कार्याः ।
५७०१-२ वाग्बुद्धिकार्याणि तपस्तथैव धनायुषी गुप्ततमे तु कार्ये ॥

५७०२-१ आहारपानताम्बूलगन्धमाल्यफलादयः ।
५७०२-२ भुज्यन्ते यत्स भोगश्च तन्मतः साधुसत्तमैः ॥

५७०३-१ आहारभोजी कुरुतेऽनुमोदं नरो वधे स्थावरजङ्गमानां ।
५७०३-२ तस्यापि तस्माद्दुरितानुषङ्गं इत्याह यस्तं प्रति वच्मि किंचित् ॥

५७०४-१ आहारवर्गे सुलभे विचित्रे विमुक्तपापे भुवि विद्यमाने ।
५७०४-२ प्रारम्भदुःखं विविधं प्रपोष्य चेदस्ति गृद्धिर्न किमत्ति मांसं ॥

५७०५-१ आहाराज्जायते व्याधिर्गर्भात्क्रूरश्च जायते ।
५७०५-२ अलक्ष्मीकश्च शय्यायां स्वपाठादायुषः क्षयः ॥

५७०६-१ आहारार्थं कर्म कुर्यादनिन्द्यं कुर्यात्तं च प्राणसंधारणार्थं ।
५७०६-२ प्राणा धार्यास्तत्त्वविज्ञानहेतोस् तत्त्वं ज्ञेयं येन भूयो न जन्म ॥

५७०७-१ आहारे च भवेद्रोगी नष्टो गर्भश्च मैथुने ।
५७०७-२ निद्रायां ह्रियते लक्ष्मीश्चिन्तायां मरणं ध्रुवं ॥

५७०८-१ आहारे बडवानलश्च शयने यः कुम्भकर्णायते संदेशे बधिरः पलायनविधौ सिंहः शृगालो रणे ।
५७०८-२ अन्धो वस्तुनिरीक्षणेऽथ गमने खञ्जः पटुः क्रन्दने भाग्येनैव हि लभ्यते पुनरसौ सर्वोत्तमः सेवकः ॥

५७०९-१ आहारे विरतिः समस्तविषयग्रामे निवृत्तिः परा नासाग्रे नयनं यदेतदपरं यच्चैकतानं मनः ।
५७०९-२ मौनं चेदमिदं च शून्यमखिलं यद्विश्वमाभाति ते तद्ब्रूयाः सखि योगिनी किमसि भोः किं वा वियोगिन्यसि ॥

५७१०-१ आहारे व्यवहारे च त्यक्तलज्जः सुखी भवेत् ।
५७१०-२ धनं मैत्रीकरं दाने चादाने शत्रुकारणं ॥

५७११-१ आहारे शुचिता ध्वनौ मधुरता नीडे पराधीनता बन्धौ निर्ममता वने रसिकता वाचालता माधवे ।
५७११-२ यसैते गुणराशयः पिकवरं त्यक्त्वा किमेते जना वन्दन्ते खलु खञ्जनं कृमिभुजं चित्रा गतिः कर्मणां ॥

५७१२-१ आहारो गरलं तृतीयमलिके चक्षुः कपालं करे वासः कुञ्जरचर्म भस्मनि रतिर्भूषा भुजङ्गाधिपः ।
५७१२-२ जन्मालक्ष्यमसाक्षिकं कुलमविज्ञाता च जातिः कथं सेव्योऽस्माभिरसौ पिशाचपरिषद्भर्ता हताः स्मो वयं ॥

५७१३-१ आहारो गरलायते प्रतिदिनं हारोऽपि भारायते चन्द्रश्चण्डकरायते मृदुगतिर्वातोऽपि वज्रायते ।
५७१३-२ आवासो विपिनायते मलयजालेपः स्फुलिङ्गायते हा हन्त प्रियविप्रयोगसमयः संहारकालायते ॥

५१७४-१ आहारो द्विगुणः स्त्रीणां बुद्धिस्तासां चतुर्गुणा ।
५१७४-२ षड्गुणो व्यवसायश्च कामाश्चाष्टगुणः स्मृतः ॥

५७१५-१ आहितमुक्ताहार्यः सम्यक्सकलप्रयोगसम्पत्त्या ।
५७१५-२ भावविहीनोऽपि नटः सामाजिकचित्तरञ्जनं कुरुते ॥

५७१६-१ आहिते तव निःशाने स्फुटितं रिपुहृद्घटैः ।
५७१६-२ गलिते तत्प्रियानेत्रे राजंश्चित्रमिदं महत् ॥

५७१७-१ आहिते नु मधुना मधुरत्वे चेष्टितस्य गमिते नु विकासं ।
५७१७-२ आबभौ नव इवोद्धतरागः कामिनीष्ववसरः कुसुमेषोः ॥

५७१८-१ आहुः सत्यं हि परमं धर्मं धर्मविदो जनाः ।
५७१८-२ … … … … … … ॥

५७१९-१ आहुः सूक्ष्मतरं किंचिदमात्यपरिरक्षणं ।
५७१९-२ सूक्ष्मात्सूक्ष्मतरं तेभ्यो यदात्मपरिरक्षणं ॥

५७२०-१ आहुत्याप्यायते सूर्यः सूर्याद्वृष्टिरथौषधिः ।
५७२०-२ तदन्नं रसरूपेण शुक्रत्वमधिगच्छति ॥

५७२१-१ आहूतः परितो दिगन्तगतिभिः शाखाभराडम्बरैः किं रे जाल्म जवेन शाल्मलिफलप्रत्याशया धावसि ।
५७२१-२ तस्मिन्नेकपदे भिदेलिमफलव्यालोलतूलोत्करैर् अध्वानोऽपि निमीलिताक्षमटता न प्रेक्षणीयाः पुरः ॥

५७२२-१ आहूतस्याभिषेकाय निसृष्टस्य वनाय च ।
५७२२-२ न मया लक्षितस्तस्य स्वल्पोऽप्याकारविभ्रमः ॥

५७२३-१ आहूताद्य मयोत्सवे निशि गृहं शून्यं विमुच्यागता क्षीबः प्रेष्यजनः कथं कुलबधूरेकाकिनी यास्यति ।
५७२३-२ वत्स त्वं तदिमां नयालयमिति श्रुत्वा यशोदागिरो राधामाधवयोर्जयन्ति मधुरस्मेरालसा दृष्टयः ॥

५७२४-१ आहूतेषु विहंगमेषु मशको नायान्पुरो वार्यते मध्येवारिधि वा वसंस्तृणमणिर्धत्ते मणीनां रुचं ।
५७२४-२ खद्योतोऽपि न कम्पते प्रचलितुं मध्येऽपि तेजस्विनां धिक्सामान्यमचेतनं प्रभुमिवानामृष्टतत्त्वान्तरं ॥

५७२५-१ आहूतोऽपि सहायैर् एमीत्युक्त्वा विमुक्तनिद्रोऽपि ।
५७२५-२ आगन्तुकोऽपि पथिकः शैथिल्यं नैव विजहाति ॥

५७२६-१ आहूतो मलयाचलात्प्रचलितो मौहुर्तिको मारुतो नेदिष्ठाः पथि सन्ति कोकिलगणा गीते प्रतिष्ठाभृतः ।
५७२६-२ आप्ताभिः प्रतिवेशिनीभिरभितः संत्यज्य कुन्दालयं सोष्यन्ती सहकारसंततिरलिश्रेणीभिरावेष्ट्यते ॥

५७२७-१ आहूतो वाप्यनाहूतो यो राज्ञां द्वारि तिष्ठति ।
५७२७-२ स वै राज्यश्रियं भुङ्क्ते नावमानी कदाचन ॥

५७२८-१ आहूतो हालिकेनाश्रुतमिव वचनं तस्य कृत्वा क्षणैकं तिष्ठासुस्तब्धर्ॐआ कथमपि विटपं निःसमीरं विहाय ।
५७२८-२ दोर्भ्यामावृत्य वक्षःस्थलमलसगतिर्दीनपादप्रचारः शीत्कारोत्कम्पभिन्नस्फुटदधरपुटः पामरः क्षेत्रमेति ॥

५७२९-१ आहृताभ्युद्यतां भिक्षां पुरस्तादप्रचोदितां ।
५७२९-२ मेने प्रजापतिर्ग्राह्यां अपि दुष्कृतकर्मणः ॥

५७३०-१ आहृत्य परित्यक्ता जनयन्त्यर्थाः सुखाभासं ।
५७३०-२ अत्यन्तपरित्यक्ताः परमानन्दाय कल्पन्ते ॥

५७३१-१ आहृत्य रक्ष्यमाणापि यत्नेनान्तर्विरागिणी ।
५७३१-२ असन्मैत्री च वेश्या च श्रीश्च कस्य कदा स्थिरा ॥

५७३२-१ आह्निकोत्तापदग्धानां त्रयाणां जगतां बत ।
५७३२-२ तपनार्चिषि शान्ते तद्भस्मेदं तिमिरं तु न ॥

५७३३-१ आह्लादयत्वेष खरैर्नखाग्रैर् दैतेयवक्षःखनिमुत्खनन्वः ।
५७३३-२ प्रह्लादहृद्यं हृदये द्वितीयं अन्वेष्टुमिच्छन्निव सूनुरत्नं ॥

५७३४-१ आह्लादहेतुनिरवद्यशरीरयष्टि- लावण्यकान्तिकलुषीकरणेन तासां ।
५७३४-२ आसीत्कुशेशयदृशामयथार्थतैव पर्यस्तभास्वररुचामपि भूषणानां ॥

५७३५-१ आह्वानं किं भवति हि तरोः कस्यचित्प्रश्नविज्ञाः प्रायः कार्यं किमपि न कलौ कुर्वते के परेषां ।
५७३५-२ पूर्णं चन्द्रं वहति ननु का पृच्छति म्लानचक्षुः केनोदन्याजनितमसमं कष्टमाप्नोति लोकः ॥

५७३६-१ इक्षुक्षीरगुडादीनां माधुर्यस्यान्तरं महत् ।
५७३६-२ तथापि न तदाख्यातुं सरस्वत्यापि शक्यते ॥

५७३७-१ इक्षुत्वक्क्षोदसाराः शकटसरणयो धीरधूलीपताकाः पाकस्वीकारनम्रे शिरसि निविशते शूकशालेः शुकाली ।
५७३७-२ केदारेभ्यः प्रणालैः प्रविशति शफरीपङ्क्तिराधारमारादच्छः कच्छेषु पङ्कः सुखयति सरितामातपादुक्षपालं ॥

५७३८-१ इक्षुदण्दास्तिलाः शूद्राः कान्ता हेम च मेदिनी ।
५७३८-२ चन्दनं दधि ताम्बूलं मर्दनं गुणवर्धनं ॥

५७३९-१ इक्षुरापः पयो मूलं ताम्बूलं फलमौषधं ।
५७३९-२ भक्षयित्वापि कर्तव्याः स्नानदानादिकाः क्रियाः ॥

५७४०-१ इक्षुर्धन्व शराः प्रसूनविततिर्भृङ्गावली सिञ्जिनी यस्याज्ञावशवर्तिनः प्रमनसो निर्विष्टराष्ट्रादयः ।
५७४०-२ यद्बाणाभिहता विरञ्चिमुरजिन्मृत्युंजयेन्द्रादयो व्याप्ताशेषमुखा इव त्रिभुवनं पायादजेयः स्मरः ॥

५७४१-१ इक्षुर्नदीप्रवाहो द्यूतं मानग्रहश्च हे सुतनु ।
५७४१-२ भ्रूलतिका च तवेयं भङ्गे रसमधिकमावहति ॥

५७४२-१ इक्षोरग्रात्क्रमशः पर्वणि पर्वणि यथा रसविशेषः ।
५७४२-२ तद्वत्सज्जनमैत्री विपरीतानां तु विपरीता ॥

५७४२आ-१ इक्षो रसं यथादाय कूर्चकस्त्यज्यते जनैः ।
५७४२आ-२ धर्मसारं तथादाय देहं त्यजति पण्डितः ॥

५७४३-१ इक्षोर्विकारा मतयः कवीनां गवां रसो बालकचेष्टितानि ।
५७४३-२ ताम्बूलमग्र्यं युवतेः कटाक्षा एतान्यहो शक्र न सन्ति नाके ॥

५७४४-१ इङ्गालसप्तार्चिरिव ज्वलित्वा सर्वं दिनं चण्डरुचिः शशाम ।
५७४४-२ तदीयभस्मेव नभोहसन्ती विभ्राजमानं तुहिनांशुबिम्बं ॥

५७४५-१ इङ्गितज्ञास्तु मगधाः प्रेक्षितज्ञास्तु कोसलाः ।
५७४५-२ अर्धोक्ताः कुरुपाञ्चालाः सर्वोक्ता दक्षिणापथाः ॥

५७४६-१ इङ्गिताकारचेष्टाभिः परचित्तप्रवेदिनः ।
५७४६-२ आप्ताः सुशीघ्रगा दूता वाग्मिनो मितभाषिणः ॥

५७४७-१ इङ्गिताकारतत्त्वज्ञ ऊहापोहविशारदः ।
५७४७-२ शूरश्च कृतविद्यश्च न च मानी विमत्सरः ॥

५७४८-१ इङ्गिताकारतत्त्वज्ञो बलवान्प्रियदर्शनः ।
५७४८-२ अप्रमादी सदा दक्षः प्रतीहारः स उच्यते ॥

५७४९-१ इङ्गितेन निजरागनीरधिं संविभाव्य चटुभिर्गुणज्ञतां ।
५७४९-२ भक्ततां च परिचर्ययानिशं साधिकाधिकवशं व्यधत्त तं ॥

५७५०-१ इच्छतां सह वधूभिरभेदं यामिनीविरहिणां विहगानां ।
५७५०-२ आपुरेव मिथुनानि वियोगं लङ्घ्यते न खलु कालनियोगः ॥

५७५१-१ इच्छति मानी मरणं न च गच्छति वैरिणः शरणं ।
५७५१-२ मानक्षरणं मरणं मानप्राणस्य केवलं कृतिनः ॥

५७५२-१ इच्छति शती सहस्रं ससहस्रः कोटिमीहते कर्तुं ।
५७५२-२ कोटियुतोऽपि नृपत्वं नृपोऽपि बत चक्रवर्तित्वं ॥

५७५३-१ इच्छति शती सहस्रं सहस्री लक्षमीहते ।
५७५३-२ लक्षाधिपस्ततो राज्यं राज्याच्च स्वर्गमीहते ॥

५७५४-१ इच्छन्ति केचिन्नरकेषु वासं नेच्छन्ति केचिन्नरकेषु वासं ।
५७५४-२ श्रेयो हि तस्मान्नरकं विशिष्टं न गर्भवासात्परमं हि दुःखं ॥

५७५५-१ इच्छन्त्यभीक्ष्णं क्षयमात्मनोऽपि न ज्ञातयस्तुल्यकुलस्य लक्ष्मीं ।
५७५५-२ नमन्ति शत्रून्न च बन्धुवृद्धिं संतप्यमानैर्हृदयैः सहन्ते ॥

५७५६-१ इच्छां सुन्दरपाण्ड्य उन्नतिमतिं बिभ्रत्स्वया संज्ञया निष्पाद्याभ्यवहारवारयुगलं निष्कम्पसंपत्तिकं ।
५७५६-२ संपूर्णं विदधे गभीरमुदरं रङ्गेशितुः शार्ङ्गिणो यस्याभूद्भुवनैश्चतुर्दशभिरप्यापूरणं दुर्लभं ॥

५७५७-१ इच्छेच्चेद्विपुलां मैत्रीं त्रीणि तत्र न कारयेत् ।
५७५७-२ वाग्वादमर्थसंबन्धं तत्पत्नीपरिभाषणं ॥

५७५८-१ इच्छेत्परमनुसर्तुं प्रतिमासंदर्शनेन विशदरुचिः ।
५७५८-२ अनवाप्य येनयोगं भवतो हृदयेपरं निधीयेत ॥

५७५९-१ इच्छेद्यस्तु सुखं निवस्तुमवनौ गच्छेत्स राज्ञः सभां कल्याणीं गिरमेव संसदि वदेत्कार्यं विदध्यात्कृती ।
५७५९-२ अक्लेशाद्धनमर्जयेदधिपतेरावर्जयेद्वल्लभान् कुर्वीतोपकृतिं जनस्य जनयेत्कस्यापि नापक्रियां ॥

५७६०-१ इज्याचारदमाहिंसादानस्वाध्यायकर्मणां ।
५७६०-२ अयं तु परमो धर्मो यद्योगेनात्मदर्शनं ॥

५७६१-१ इज्याध्ययनदानानि तपः सत्यं धृतिः क्षमा ।
५७६१-२ अलोभ इति मार्गोऽयं धर्मस्याष्टविधः स्मृतः ॥

५७६२-१ तत्र पूर्वश्चतुर्वर्गो दम्भार्थमपि सेव्यते ।
५७६२-२ उत्तरस्तु चतुर्वर्गो महात्मन्येव तिष्ठति ॥

५७६३-१ इडया संचरन्वायुः स्ॐये कार्ये शुभः स्मृतः ।
५७६३-२ पिङ्गलायां तथा दीप्ते द्वयोः क्वापि न शोभनः ॥

५७६४-१ इडा च पिङ्गला चैव सुषुम्णा च सरस्वती ।
५७६४-२ गान्धारी हस्तिजिह्वा च पूषा चैव निगद्यते ॥

५७६५-१ अलम्बुषा कुहूश्चैव शङ्खिनी दशमी मता ।
५७६५-२ एताः प्राणवहा ज्ञेयाः प्रधाना दश नाडिकाः ॥

५७६६-१ इडा नासापुटे वामे पिङ्गला दक्षिणे भवेत् ।
५७६६-२ सुषुम्णा तालु भित्त्वैव ब्रह्मद्वारं प्रवर्तिता ॥

५७६७-१ इडायां यदि भूम्यम्बुतत्त्वे प्रवहतस्तदा ।
५७६७-२ स्थिरस्ॐयादिकार्याणां आरम्भः सिद्धिकृद्भवेत् ॥

५७६८-१ इडा स्ॐअस्य नाडी स्यात्पिङ्गला सूर्यनाडिका ।
५७६८-२ इडा स्ॐया भवेत्वामा पिङ्गलोग्रा च दक्षिणा ॥

५७६९-१ इतः काकानीकं प्रतिभयमितः कौशिकरुतादितो गृध्रव्यूहः कुलमिदमितः कङ्कवयसां ।
५७६९-२ श्मशानावस्थेऽस्मिन्नखिलगुणवन्ध्ये हतमराव् अपि द्वित्राः केचिन्न खलु कलवाचः शकुनयः ॥

५७७०-१ इतः केकी नादैस्तुदति शतकोटिप्रतिभटैर् इतः कामः कामं कठिनतरबाणैः प्रहरति ।
५७७०-२ इतो गर्जत्युच्चैर्जलधरगणो भीमनिनदैर् विना नाथं जाने न सखि भविता किं ननु मम ॥

५७७१-१ इतः क्रोधो गृध्रः प्रकटयति पक्षं निजमितः सृगाली तृष्णेयं विवृतवदना धावति पुरः ।
५७७१-२ इतः क्रूरः कामो विचरति पिशाचश्चिरमहो श्मशानं संसारः क इह पतितः स्थास्यति सुखं ॥

५७७२-१ इतः परानर्भकहार्यशस्त्रान् वैदर्भि पश्यानुमता मयासि ।
५७७२-२ एवंविधेनाहवचेष्टितेन त्वं प्रार्थ्यसे हस्तगता ममैभिः ॥

५७७३-१ इतः पौरस्त्यायां ककुभि विवृणोति क्रमदलत्- तमिस्रामर्माणं किरणकणिकामम्बरमणिः ।
५७७३-२ इतो निष्क्रामन्ती नवरतिगुरोः प्रोञ्छति वधूः स्वकस्तूरीपत्राङ्कुरमकरिकामुद्रितमुरः ॥

५७७४-१ इतः प्रत्यादेशात्स्वजनमनुगन्तुं व्यवसिता मुहुस्तिष्ठेत्युच्चैर्वदति गुरुशिष्ये गुरुसमे ।
५७७४-२ पुनर्दृष्टिं बाष्पप्रसरकलुषामर्पितवती मयि क्रूरे यत्तत्सविषमिव शल्यं दहति मां ॥

५७७५-१ इतः प्रालेयांशुः प्रलयमकरोत्कैरवकुल- क्लमच्छेदोत्सेकैः किरणनिकरैरेष तमसां ।
५७७५-२ इतोऽप्याज्ञावज्ञां सखि न सहते दुःसहतर- प्रतापः पञ्चेषुस्तदिह शरणं साहसरसः ॥

५७७६-१ इतः शुक्ला चन्द्रद्युतिभिरिह रक्तारुणकरैस् तमिस्रैरप्यन्तःस्खलितगतिभिर्मेचकरुचिः ।
५७७६-२ प्रभातश्रीरेषा विलसति पुरस्था सुकृतिनां मिमङ्क्षूणां जह्नुद्युमणिविधिजासंगम इव ॥

५७७७-१ इतः शोचिः प्राच्यां दिशि दिशति भानोररुणतां इतो भृङ्गः कूजन्नभिकमलिनीं प्रोच्चलति च ।
५७७७-२ इतो निर्यान्त्युच्चैर्विहितसुरतक्लान्तिशिथिल- स्खलत्पादन्यासक्षणरणितमञ्जीरमबलाः ॥

५७७८-१ इतः स दैत्यः प्राप्तश्रीर्नेत एवार्हति क्षयं ।
५७७८-२ विषवृक्षोऽपि संवर्ध्य स्वयं छेत्तुमसांप्रतं ॥

५७७९-१ इतः स्वपिति केशवः कुलमितस्तदीयद्विषां इतश्च शरणार्थिनः शिखरिपत्रिणः शेरते ।
५७७९-२ इतोऽपि वडवानलः सह समस्तसंवर्तकैर् अहो विततमूर्जितं भरसहं च सिन्धोर्वपुः ॥

५७८०-१ इतरदेव बहिर्मुखमुच्यते हृदि तु यत्स्फुरतीतरदेव तत् ।
५७८०-२ चरितमेतदधीरवितारकं धुरि पयःप्रतिबिम्बमिवासतां ॥

५७८१-१ इतरपापफलानि यथेच्छया वितर तानि सहे चतुरानन ।
५७८१-२ अरसिकेषु कवित्वनिवेदनं शिरसि मा लिख मा लिख मा लिख ॥

५७८२-१ इतरभजनघनरसतः फलनिष्पत्तिर्नवा भवेदिति न ।
५७८२-२ मुक्ताः परं तु लोके स्वातिघनरसं विना न जायेरन् ॥

५७८३-१ इतराण्यपि रक्षांसि पेतुर्वानरकोटिषु ।
५७८३-२ रजांसि समरोत्थानि तच्छोणितनदीष्विव ॥

५७८४-१ इतराश्चार्थमिच्छन्ति रूपमिच्छन्ति दारिकाः ।
५७८४-२ ज्ञातयः कुलमिच्छन्ति स्वर्गमिच्छन्ति तापसाः ॥

५७८५-१ इतरेतरयन्त्रितोरुयुग्मं कठिनोरुस्तनपीडिताभिरामं ।
५७८५-२ भुजमूलशयानुगण्डमूलं मिथुनं स्यूतमिवाभवन्निशायां ॥

५७८६-१ इतरोपायदुःसाध्ये चण्डदण्डो महीपतिः ।
५७८६-२ अदुष्टायत्यसौ नीतेरश्नाति विपुलं फलं ॥

५७८७-१ इतश्चञ्चच्चूतच्युतमधुचया वान्ति चतुराः समीराः संतोषं दिशि दिशि दिशन्तो मधुलिहां ।
५७८७-२ निशान्ते कान्तानां स्मरसमरकेलिश्रममुषो विजृम्भन्ते जृम्भाकलितकमलामोदसुहृदः ॥

५७८८-१ इतश्चन्द्रः सान्द्रः स्मरमयवयःसंधिमधुरः स्फुरन्मुग्धाकेलिस्मितमिव मयूखैः सुखयति ।
५७८८-२ चकोराणां चक्रं कुमुदसमुदायोऽपि च शरन्- निशारम्भेऽमुष्मिन्समसमयमन्तर्विकसति ॥

५७८९-१ इतश्चेतश्चाद्भिर्विघटिततटः सेतुरुदरे धरित्री दुर्लङ्घ्या बहुलहिमपङ्को गिरिरयं ।
५७८९-२ इदानीं निर्वृत्ते करितुरगनीराजनविधौ न जाने यातारस्तव च रिपवः केन च पथा ॥

५७९०-१ इतस्ततश्चङ्क्रमणो रजोभिः क्रीडन्मन्ॐअत्तमतङ्गजोऽयं ।
५७९०-२ यः सर्वदा पिप्पलभोगतुष्टस् तच्छान्तये त्वं हरिमाश्रयस्व ॥

५७९१-१ इतस्ततो भषन्भूरि न पतेत्पिशुनः शुनः ।
५७९१-२ अवदाततया किं च न भेदो हंसतः सतः ॥

५७९२-१ इतस्ततो वातविधूतिचञ्चलैर् नीरन्ध्रिताशागगनैर्ध्वजांशुकैः ।
५७९२-२ लक्षैः क्वणत्काञ्चनकिङ्किणीकुलैर् अमज्जि धूलीजलधौ नभोगते ॥

५७९३-१ इतस्ततो वान्ति विशिष्य यस्यां वाताः शकृद्वेश्मविहारविस्राः ।
५७९३-२ सा वर्ण्यते रौरवराजधानी केन प्रतोली मनसाप्यगम्या ॥

५७९४-१ इतस्ततोऽस्मिन्विलसन्ति मेरोः समानवप्रे मणिसानुरागाः ।
५७९४-२ स्त्रियश्च पत्यौ सुरसुन्दरीभिः समा नवप्रेमणि सानुरागाः ॥

५७९५-१ इतस्तावन्नेत्रे वलय मलयाद्रे निधिरपां अपारस्त्वत्पादप्रणयपरतन्त्रो निवसति ।
५७९५-२ अथात्मानं किं न स्मरसि कुलशैलं किमयशः- पताका सर्पौघैः प्रतिशिखरिशाखासु वहसि ॥

५७९६-१ इतस्त्रसद्विद्रुतभूभृदुज्झिता प्रियाथ दृष्टा वनमानवीजनैः ।
५७९६-२ शशंस पृष्टाद्भुतमात्मदेशजं शशित्विषः शीतलशीलतां किल ॥

५७९७-१ इति कृतवचनायाः कश्चिदभ्येत्य बिभ्यद्गलितनयनवारेर्याति पादावनामं ।
५७९७-२ करुणमपि समर्थं मानिनां मानभेदे रुदितमुदितमस्त्रं योषितां विग्रहेषु ॥

५७९८-१ इति क्षितीशो नवतिं नवाधिकां महाक्रतूनां महनीयशासनः ।
५७९८-२ समारुरुक्षुर्दिवमायुषः क्षये ततान सोपानपरंपरामिव ॥

५७९९-१ इति गदन्तमनन्तरमङ्गना भुजयुगोन्नमनोच्चतरस्तनी ।
५७९९-२ प्रणयिनं रभसादुदरश्रिया वलिभयालिभयादिव सस्वजे ॥

५८००-१ इति गदितवती रुषा जघान स्फुरितमनोरमपक्ष्मकेशरेण ।
५८००-२ श्रवणनियमितेन कान्तमन्या सममसिताम्बुरुहेण चक्षुषा च ॥

५८०१-१ इति गन्तुमिच्छुमभिधाय पुरः क्षणदृष्टिपातविकसद्वदनां ।
५८०१-२ स्वकरावलम्बनविमुक्तगलत्- कलकाञ्चि कांचिदरुणत्तरुणः ॥

५८०२-१ इति गुह्यतमं शास्त्रं इदमुक्तं मयानघ ।
५८०२-२ एतद्बुद्ध्वा बुद्धिमान्स्यात्कृतकृत्यश्च भारत ॥

५८०३-१ इति जगति न रक्षितुं समर्थः क्वचिदपि कश्चिदपि प्रसह्य नारीं ।
५८०३-२ अवति तु सततं विशुद्ध एकः कुलयुवतीं निजसत्त्वपाशबन्धः ॥

५८०४-१ एवं चेर्ष्या नाम दुःखैकहेतुर् मोघः पुंसां द्वेषदायी परेषां ।
५८०४-२ योऽयं मा भूद्रक्षणायाङ्गनानां अत्यौत्सुक्यं प्रत्युतासां तनोति ॥

५८०५-१ इति तत्त्वधियः परिचिन्त्य बुधाः सकलस्य जनस्य विनश्वरतां ।
५८०५-२ न मनागपि चेतसि संदधते शुचमङ्गयशःसुखनाशकरां ॥

५८०६-१ इति देव भवत्युदारसत्त्वो दृढभक्तश्च विलासिनीजनोऽपि ।
५८०६-२ अवरोधसमो महीपतीनां किमुतान्यः कुलजः पुरन्ध्रिलोकः ॥

५८०७-१ इति देव सदैव हास्यभावं परिभावे च जनस्य निन्द्यतां च ।
५८०७-२ विपदास्पदतां च यान्ति मूढा इह सन्तस्तु भवन्ति पूजनीयाः ॥

५८०८-१ इति द्विकृत्वः शुचिमृष्टभोजिनां दिनानि तेषां कतिचिन्मुदा ययुः ।
५८०८-२ द्विरष्टसंवत्सरवारसुन्दरी- परीष्टिभिस्तुष्टिमुपेयुषां निशि ॥

५८०९-१ इति धर्मतरोर्मूलं अशुद्धं यस्य मानसं ।
५८०९-२ शुद्धं यस्य च तद्रूपं फलं तस्य न संशयः ॥

५८१०-१ इति निखिलमुदारमर्थसार्थ- प्रणिहितमेकमिहेव खड्गशास्त्रे ।
५८१०-२ गिरिशमतमिदं निषेव्य चक्रे क्षितिपतिमन्त्रिसमूहचक्रवर्ती ॥

५८११-१ इति नेत्रादिविकारैर् वशमुपनीतं प्रलीनधैर्याङ्गं ।
५८११-२ मारग्रहाभिभूतं परिमृष्टप्राङ्निराकृतिस्मरणं ॥

५८१२-१ प्रादुर्भूतरिरंसं क्षणे क्षणे जघनदेशगतदृष्टिं ।
५८१२-२ पक्वाम्रमिव विमोक्ष्यसि पूर्ववदाचूष्य निःशेषं ॥

५८१३-१ इति पथि विनिवेशितात्मनो रिपुरपि गच्छति साधु मित्रतां ।
५८१३-२ तदवनिपतिमत्सरादृते विनयगुणेन जगद्वशं नयेत् ॥

५८१४-१ इति परिगणितार्थः शास्त्रमार्गानुसारी नियमयति यतात्मा यः प्रजा दण्डनीत्या ।
५८१४-२ अपुनरपगमाय प्राप्तमार्गप्रचारा सरित इव समुद्रं संपदस्तं विशन्ति ॥

५८१५-१ इति परिणयमित्थं यानमेकत्र याने दरचकितकटाक्षप्रेक्षणं चानयोस्ततत् ।
५८१५-२ दिवि दिविषदधीशाः कौतुकेनावलोक्य प्रणिदधुरिव गन्तुं नाकमानन्दसान्द्राः ॥

५८१६-१ इति पूर्वकर्मनियतं भवितव्यं जगति यस्य जन्तोर्यत् ।
५८१६-२ तदयत्नेन स पुरतः पतितं प्राप्नोत्यसाध्यमपि ॥

५८१७-१ इति प्रकुपितोरगप्रमुखभङ्गुरां सर्वदा निधाय निजचेतसि प्रबलदुःखदां संसृतिं ।
५८१७-२ विमुञ्चत परिग्रहग्रहमनार्जवं सज्जना यदीच्छत सुखामृतं रसितुमस्तसर्वाशुभं ॥

५८१८-१ इति प्रवीरे सुभगे च सत्यतो विवेकिनीनामपि देव योषितां ।
५८१८-२ चलं मनो धावति यत्र कुत्रचिद्विशुद्धसत्त्वा विरलाः पुनः स्त्रियः ॥

५८१९-१ इति प्रिये पृच्छति मानविह्वला कथंचिदन्तर्धृतबाष्पगद्गदं ।
५८१९-२ न किंचिदित्येव जगाद यद्वधूः कियन्न तेनैव तयास्य वर्णितं ॥

५८२०-१ इति बहुभिरुपायैः कुट्टनी कामुकानां कृतसुकृतविहीना वञ्चनां सा कृतघ्ना (

?)

।
५८२०-२ वनभुवि मृगबन्धं हन्त पश्यन्ति नित्यं तदपि हरिणशावाः कूटपाशं विशन्ति ॥

५८२१-१ इति मदमदनाभ्यां रागिणः स्पष्टरागान् अनवरतरतश्रीसङ्गिनस्तानवेक्ष्य ।
५८२१-२ अभजत परिवृत्तिं साथ पर्यस्तहस्ता रजनिरवनतेन्दुर्लज्जयाध्ॐउखीव ॥

५८२२-१ इति मुषितधियः श्रिया प्रयान्त्या रभसवशादविचिन्त्य दग्धभूपाः ।
५८२२-२ बलभरबहुमानतः पतङ्ग- व्रतमुपयान्ति परप्रतापदीपे ॥

५८२३-१ इति यस्मादुभौ लोकौ धारयत्यात्मवान्नृपः ।
५८२३-२ प्रजानां च ततः सम्यग्दण्डं दण्डीव धारयेत् ॥

५८२४-१ इति रतिसमयोपदेशयुक्त्या रतगुरुदर्शितया पुरंध्रिलोकः ।
५८२४-२ निजपरपरभागवृत्तिमौज्झीथ्स्मरपरमाद्वयभूमिकानिलीनः ॥

५८२५-१ इति राजगुणानेतान्यथोक्तान्योऽनुतिष्ठति ।
५८२५-२ अनुभूयेह भद्राणि प्रेत्य स्वर्गे महीयते ॥

५८२६-१ इति राज्यकलत्रमित्रपुत्रान् गृहधामं च तृणाय मन्यमानः ।
५८२६-२ गुरुसत्त्वरजस्तमः कलङ्कां प्रकृतिं हातुमगाद्वनं नरेन्द्रः ॥

५८२७-१ इति वचनं भूमिपतेः श्रुत्वा मन्त्री विहस्य सासूयः ।
५८२७-२ तमुवाच कस्य राजन् वेश्याचरितेऽस्ति विश्वासः ॥

५८२८-१ इति वदति सखीजने निमीलद्- द्विगुणितसान्द्रतराक्षिपक्ष्ममाला ।
५८२८-२ अपतदलिभयेन भर्तुरङ्कं भवति हि विक्लवता गुणोऽङ्गनानां ॥

५८२९-१ इति वदति सखीजनेऽनुरागाद्दयिततमामपरश्चिरं प्रतीक्ष्य ।
५८२९-२ तदनुगमवशादनायतानि न्यधित मिमान इवावनीं पदानि ॥

५८३०-१ इति विरचितबन्धा पद्धतिर्या मयेयं सकलगुणिगणानां प्रीतये सास्तु नित्यं ।
५८३०-२ विपुलविमलदीव्यत्सत्कलानां निधानं तरुणतरणिरुद्धा विद्विषत्कौशिकानां ॥

५८३१-१ इति विस्मृतान्यकरणीयमात्मनः सचिवावलम्बितधुरं धराधिपं ।
५८३१-२ परिवृद्धरागमनुबन्धसेवया मृगया जहार चतुरेव कामिनी ॥

५८३२-१ इति शासति सेनान्यां गच्छतस्ताननेकधा ।
५८३२-२ निषिध्य हसता किंचित्तस्थे तत्रान्धकारिणा ॥

५८३३-१ इति संसारदुःखार्कतापतापितचेतसां ।
५८३३-२ विमुक्तिपादपच्छायां ऋते कुत्र सुखं नृणां ॥

५८३४-१ इति सशरीरया क्षणमिव क्षणदाः क्षपयन् सह विशरीरया दयितया विरसान्दिवसान् ।
५८३४-२ दिनरजनीविहारविपरीतमहं चरितै रथचरणाह्वयस्य चरितानि विडम्बितवान् ॥

५८३५-१ इति स्त्रियो देवि महाकुलोद्गताः विशुद्धधीरैश्चरितैरुपासते ।
५८३५-२ सदैव भर्तारमनन्यमानसाः पतिः सतीनां परमं हि दैवतभ् ॥

५८३६-१ इति स्फुटं तद्वचसस्तयादराथ्सुरस्पृहारोपविडम्बनादपि ।
५८३६-२ कराङ्कसुप्तैककपोलकर्णया श्रुतं च तद्भाषितमश्रुतं च तत् ॥

५८३७-१ इति स्मरः शीघ्रमतिश्चकार तं वधूं च र्ॐआञ्चभरेण कर्कशौ ।
५८३७-२ स्खलिष्यति स्निग्धतनुः प्रियादियं म्रदीयसी पीडनभीरुदोर्युगात् ॥

५८३८-१ इति स्म राजा नयवर्त्मना व्रजन् समुद्यमी मण्डलशुद्धिमाचरेत् ।
५८३८-२ विराजते साधु विशुद्धमण्डलः शरच्छशीव प्रतिरञ्जयन्प्रजाः ॥

५८३९-१ इति स्म राजा विनयं नयान्वितो निषेवमाणो नरदेवसेवितं ।
५८३९-२ पदं समाक्रामति भास्वरं श्रियः शिरो महारत्नगिरेरिवोन्नतं ॥

५८४०-१ इतिहासपुराणानि शृणुयात्तदनन्तरं ।
५८४०-२ भुक्तवान्विहरेच्चैव स्त्रीभिरन्तःपुरे सह ॥

५८४०आ-१ ईतिहासपुराणाभ्यां वेदं समुपबृंहयेत् ।
५८४०आ-२ बिभेत्यल्पश्रुताद्वेदो मामयं प्रचरिष्यति ॥

५८४१-१ इतिहासोत्तमादस्माज्जायन्ते कविबुद्धयः ।
५८४१-२ पञ्चभ्य इव भूतेभ्यो लोकसंविधयस्त्रयः ॥

५८४२-१ इतीरयित्वा विरतां स तां पुनर् गिरानुजग्राहतरां नराधिपः ।
५८४२-२ विरुत्य विश्रान्तवतीं तपात्यये घनाघनश्चातकमण्डलीमिव ॥

५८४३-१ इतीष्टमप्यनिष्टाय जायतेऽविधिना कृतं ।
५८४३-२ तस्मान्न विधिमुत्सृज्य प्राज्ञः कुर्वीत किंचन ।
५८४३-३ अप्रेक्षापूर्वकारी च निन्द्यतेऽवद्यकृत्क्षणात् ॥

५८४४-१ इतो गङ्गाभङ्गा घटिततटभङ्गा पुनरितो दवज्वाला ज्वालाज्वलिततरुमाला वनभुवः ।
५८४४-२ सरंहः सिंहोऽग्रे ध्वनति मम हंहो न हि गतिर् विना दैवं दैवं हरिणशिशुरेवं प्रलपति ॥

५८४५-१ इतो दावज्वालः स्थलभुव इतो जालजटिला इतो व्याधो धावत्ययमनुपदं वक्रितधनुः ।
५८४५-२ इतोऽप्यग्रे तिष्ठत्ययमजगरो विस्तृतमुखः क्व यायात्किं कुर्यान्मृगशिशुरयं दैववशगः ॥

५८४६-१ इतो न किंचित्परतो न किंचिद्यतो यतो यामि ततो न किंचित् ।
५८४६-२ विचार्यमाणं हि जगन्न किंचिथ्स्वात्मावबोधादधिकं न किंचित् ॥

५८४७-१ इतो भ्रष्टस्ततो भ्रष्टः परमेकान्तिवेषभाक् ।
५८४७-२ न सम्सारसुखं तस्य नैव मुक्तिसुखं भवेत् ॥

५८४८-१ इतो मृत्युरितो व्याधिरितो विपदितो जरा ।
५८४८-२ चतुरङ्गा तुल्यबला हन्ति लोकमनित्यता ॥

५८४९-१ इतो विद्युत्पुञ्जस्फुरितमसकृद्भावयतु मां इतः केकानेका हरतु हृदयं निर्दयमिदं ।
५८४९-२ इतः कामो वामः प्रहरतु मुहुः पुङ्खितशरो गतासि त्वं दूरे चपलनयने प्रेयसि यतः ॥

५८५०-१ इतो विद्युद्वल्लीविलसितमितः केतकतरु- स्फुरद्गन्धः प्रोद्यज्जलदनिनदस्फूर्जितमितः ।
५८५०-२ इतः केकिक्रीडाकलकलरवः पक्ष्मलदृशां कथं यास्यन्त्येते विरहदिवसाः संभृतरसाः ॥

५८५१-१ इतो विपिनपङ्क्तयस्तिलकिता रसालाङ्कुरैर् मरुन्मलयभूरितः कलमितः पिकीनां रुतं ।
५८५१-२ इतश्च नवचम्पकैः सुरभिताः समन्ताद्दिशस् तदद्य मयि तां विना भजतु घस्मरत्वं स्मरः ॥

५८५२-१ इतो हास्यतरं लोके किंचिदन्यन्न विद्यते ।
५८५२-२ यत्तु दुर्जन इत्याह सज्जनं दुर्जनः स्वयं ॥

५८५३-१ इत्थं कविकुटुम्बस्य वचांसि विचिनोति यः ।
५८५३-२ अनिद्धवचनस्यापि तस्य वश्या सरस्वती ॥

५८५४-१ इत्थं केलिततीर्विहृत्य यमुनाकूले समं राधया तद्र्ॐआवलिमौक्तिकावलियुगे वेणीभ्रमं बिभ्रति ।
५८५४-२ तत्राह्लादिकुचप्रयागफलयोर्लिप्सावतोर्हस्तयोर् व्यापाराः पुरुषोत्तमस्य ददतु स्फीतं मुदां संपदं ॥

५८५५-१ इत्थं क्रियासु निवसन्त्यपि यासु तासु पुंसां श्रियः प्रबलसत्त्वबहिष्कृतासु ।
५८५५-२ एवं च साहसधनेष्वथ बुद्धिमत्सु संतुष्य दाननिरताः क्षितिपा भवन्ति ॥

५८५६-१ इत्यैहिकेन च पुरा विहितेन चापि स्वेनैव कर्मविभवेन शुभाशुभेन ।
५८५६-२ शश्वद्भवेत्तदनुरूपविचित्रभोगः सर्वो हि नाम ससुरासुर एष सर्गः ॥

५८५७-१ इत्थं चोपार्जितो यत्नाद्गुणोऽपि विधुरे विधौ ।
५८५७-२ संपत्तये न न परं जायते तु विपत्तये ॥

५८५८-१ मूले ह्यविकृते सदा सिक्ते प्रज्ञानवारिणा ।
५८५८-२ नयालवालः फलति प्रायः पौरुषपादपः ॥

५८५९-१ इत्थं तल्पतलाधिरोहणमियं पर्णार्पणप्रक्रिया शय्याया वचनक्रमस्य दयितस्यैवंविधाराधना ।
५८५९-२ एवं केलिगृहोपदेहलि बलादानीयमाना मुहुश्चाटूक्तिप्रकरैश्चिरं नववधूरालीभिरध्याप्यते ॥

५८५९आ-१ इत्थं तेन निरीक्षितं न च मयाप्येवं समालोकितस् तेनोक्तं सुभगेन तत्र न मया दत्तं वचो मन्दया ।
५८५९आ-२ तत्सत्यं कथयालि किं स सुभगः कुप्येन्न मह्यं गत इत्युक्त्वा सुदृशा कयापि वलितग्रीवं दृशौ स्फारिते ॥

५८६०-१ इत्थं दुरवधार्यैव स्त्रीचित्तस्य गतिः किल ।
५८६०-२ अन्यासक्तिं च कुर्वन्ति म्रियन्ते च पतिं विना ॥

५८६१-१ इत्थं धर्मार्जिता लक्ष्मीरासंतत्यनपायिनी ।
५८६१-२ इतरा तु जलापाततुषारकणनश्वरी ॥

५८६२-१ अतो यतेत धर्मेण धनमर्जयितुं पुमान् ।
५८६२-२ राजा तु सुतरां येन मूलं राज्यतरोर्धनं ॥

५८६३-१ इत्थं वृढतरवामित- मनसां पुंसामसांप्रतं पुरतः ।
५८६३-२ वेशविलासवतीनां अशरीरशरव्यथाकथनं ॥

५८६४-१ इत्थं नारीर्घटयितुमलं कामिभिः काममासन् प्रालेयांशोः सपदि रुचयः शान्तमानान्तरायाः ।
५८६४-२ आचार्यत्वं रतिषु विलसन्मन्ममथश्रीविलासा ह्रीप्रत्यूहप्रशमकुशलाः शीधवश्चक्रुरासां ॥

५८६५-१ इत्थं पशुपतिपेशल- पाशकलीलाप्रयुक्तवक्रोक्तेः ।
५८६५-२ हर्षवशतरलतारकं आननमव्याद्भवान्या वः ॥

५८६६-१ इत्थं प्रज्ञैव नामेह प्रधानं लोकवर्तनं ।
५८६६-२ जीवत्यर्थदरिद्रोऽपि धीदरिद्रो न जीवति ॥

५८६७-१ इत्थं फलति शुद्धेन सिक्तं संकल्पवारिणा ।
५८६७-२ पुण्यबीजमपि स्वल्पं पुंसां कृषिकृतामिव ॥

५८६८-१ तदेव दूषितं देवि दुष्टसंकल्पपाथसा ।
५८६८-२ फलत्यनिष्टं … … … … ॥

५८६९-१ इत्थं मधूत्थं रसमुद्गिरन्ती तदोष्ठबन्दूकधनुर्विसृष्टा ।
५८६९-२ कर्णात्प्रसूनाशुगपञ्चबाणी वाणीमिषेणास्य मनो विवेश ॥

५८७०-१ इत्थं युक्तिमुपायानां कुर्वाणस्य चतुष्टयीं ।
५८७०-२ व्रजतीन्दुप्रभागौरं परैरक्षय्यतां यशः ॥

५८७१-१ इत्थं विहृत्य वनिताभिरुदस्यमानं पीनस्तनोरुजघनस्थलशालिनीभिः ।
५८७१-२ उत्सर्पितोर्मिचयलङ्घिततीरदेशं औत्सुक्यनुन्नमिव वारि पुरः प्रतस्थे ॥

५८७२-१ इत्थं सभापतिर्भूत्वा यः काव्यानि परीक्षते ।
५८७२-२ यशस्तस्य जगद्व्यापि स सुखी तत्र तत्र च ॥

५८७३-१ इत्थं समुत्थविरहानलतीव्रताप- संतापिताङ्ग करिपुङ्गव मुञ्च शोकं ।
५८७३-२ धात्रा स्वहस्तलिखितानि ललाटपट्टे को वाक्षराणि परिमार्जयितुं समर्थः ॥

५८७४-१ इत्थं सुबुद्धिरल्पेन देव यत्नेन बोध्यते ।
५८७४-२ न कृच्छ्रेणापि महता निर्विचारमतिः पुनः ॥

५८७५-१ इत्थं स्वदुर्नयविपाकवशेन दिव्याः शापच्युता ह्यवतरन्ति मनुष्यलोके ।
५८७५-२ भुक्त्वा फलं तदुचितं च निजां गतिं ते पूर्वार्जितेन सुकृतेन पुनः प्रयान्ति ॥

५८७६-१ इत्थमाराध्यमानोऽपि क्लिश्नाति भुवनत्रयं ।
५८७६-२ शाम्येत्प्रत्यपकारेण नोपकारेण दुर्जनः ॥

५८७७-१ इत्यगुह्यं निगूहन्ते गुह्यं प्रकटयन्ति च ।
५८७७-२ मौर्ख्याभिमानेनादातुं मूर्खाः प्रत्ययमात्मनि ॥

५८७८-१ इत्यङ्गैः संयुतः सर्वैर्देहिनो बालकाकृतिः ।
५८७८-२ मातुराहाररसतो देहे गर्भोऽभिवर्धते ॥

५८७९-१ इत्यज्ञानतमश्छन्नाः स्वदोषोन्मार्गगामिनः ।
५८७९-२ अपुरस्कृतसच्छास्त्रदीपा भ्रश्यन्ति निश्चितं ॥

५८८०-१ इत्यनर्थाय शब्दैकपरो तात्पर्यविज्जडः ।
५८८०-२ … … … … … … ॥

५८८१-१ इत्यनुद्वेगशीला ये भव्या धैर्यावलम्बनाः ।
५८८१-२ दूरभ्रष्टामपि निजां भूमिं संप्राप्नुवन्ति ते ॥

५८८२-१ इत्यन्यदुपचारेण मित्रमन्यत्तु सत्यतः ।
५८८२-२ तुल्येऽपि स्निग्धतायोगे तैलं तैलं घृतं घृतं ॥

५८८३-१ इत्यन्यरक्तचित्ता स्त्रीभुजङ्गी हन्त्यसंशयं ।
५८८३-२ … … … … … … ॥

५८८४-१ इत्यबुद्धिधनाधाननिधानैर्विविधोदयैः ।
५८८४-२ कूटपण्यैरसामान्यैस्तारुण्यमतिवाह्यते ॥

५८८५-१ इत्यर्थलोभान्मिथ्यैव विज्ञानख्यापनेच्छवः ।
५८८५-२ मूर्खाः पुत्रमपि घ्नन्ति न रज्येत्तेषु बुद्धिमान् ॥

५८८६-१ इत्याख्याते पवनतनयं मैथिलीवोन्मुखी सा त्वामुत्कण्ठोच्छ्वसितहृदया वीक्ष्य संभाव्य चैव ।
५८८६-२ श्रोष्यत्यस्मात्परमवहिता स्ॐय सीमन्तिनीनां कान्तोदन्तः सुहृदुपनतः संगमात्किंचिदूनः ॥

५८८७-१ इत्यादिगुणसंपन्ने लोकयात्राविदि स्थिरे ।
५८८७-२ निर्वृतः पितरीवास्ते यत्र लोकः स पार्थिवः ॥

५८८८-१ इत्यादि दूष्यान्संदूष्य प्रजानामभिवृद्धये ।
५८८८-२ विनयञ्श्रियमुत्कर्षं राजा शल्यं समुद्धरेत् ॥

५८८९-१ इत्युक्तवत्या यदलोपि लज्जा सानौचिती चेतसि नश्चकास्तु ।
५८८९-२ स्मरस्तु साक्षी तददोषतायां उन्माद्य यस्तत्तदवीवदत्तां ॥

५८९०-१ इत्युद्गते शशिनि पेशलकान्तदूती- संलापसंचलितलोचनमानसाभिः ।
५८९०-२ अग्राहि मण्डनविधिर्विपरीतभूषा- विन्यासहासितसखीजनमङ्गनाभिः ॥

५८९१-१ इत्येतत्तपसो देवा महाभाग्यं प्रचक्षते ।
५८९१-२ सर्वस्यास्य प्रपश्यन्तस्तपसः पुण्यमुद्भवं ॥

५८९२-१ इत्येताः कुटिलतराः क्रूराचारा गतत्रपाश्चपलाः ।
५८९२-२ यो नाम वेत्ति रामाः स स्त्रीभिर्णैव वञ्च्यते मतिमान् ॥

५८९३-१ इत्येवं बहुहृदया बहुजिह्वा बहुकराश्च बहुमायाः ।
५८९३-२ तत्त्वेन सत्यरहिताः को जानाति स्फुटं वेश्याः ॥

५८९४-१ इत्येवं योषितो राजन्भेदस्य व्यसनस्य च ।
५८९४-२ पराभवस्य च पदं सेवेताशङ्कितोऽथ ताः ॥

५८९५-१ इदं कविवरैर्नित्यं आख्यानमुपजीव्यते ।
५८९५-२ उदयप्रेप्सुभिर्भृत्यैरभिजात इवेश्वरः ॥

५८९६-१ इदं किं ते न्यस्तं वलयिनि करे वक्त्रकमलं न युक्तः कोपोऽयं प्रणयिनि निरागस्यपि जने ।
५८९६-२ ब्रुवाणे मय्येवं श्वसनविषमोत्कम्पितकुचं मृगाक्ष्यास्तत्कालं नयनजलमेवोत्तरमभूत् ॥

५८९७-१ इदं किलाव्याजमनोहरं वपुस् तपःक्षमं साधयितुं य इच्छति ।
५८९७-२ ध्रुवं स नीलोत्पलपत्रधारया समिल्लतां छेत्तुमृषिर्व्यवस्यति ॥

५८९८-१ इदं कृतमिदं कार्यं इदमन्यत्कृताकृतं ।
५८९८-२ एवमीहासुखासक्तं कृतान्तः कुरुते वशे ॥

५८९९-१ इदं कृष्णं कृष्णं प्रियतम ननु श्वेतमथ किं गमिष्यामो यामो भवतु गमनेनाथ भवतु ।
५८९९-२ पुरा येनैवं मे चिरमनुसृता चित्तपदवी स एवान्यो जातः सखि परिचिताः कस्य पुरुषाः ॥

५९००-१ इदं च त्वां सर्वपरं ब्रवीमि पुण्यं पदं तात महाविशिष्टं ।
५९००-२ न जातु कामान्न भयान्न लोभाद्धर्मं त्यजेज्जीवितस्यापि हेतोः ॥

५९०१-१ इदं ज्ञेयमिदं ज्ञेयं इति यस्तृषितश्चरेत् ।
५९०१-२ अपि कल्पसहस्रेषु नैव ज्ञेयमवाप्नुयात् ॥

५९०२-१ इदं तत्कालिन्दीतटमिह हि कंसासुरभिदो यशः शृण्वद्वक्त्रं स्खलितकवलं गोकुलमभूत् ।
५९०२-२ भ्रमाद्वेणुक्वाणप्रणयमसृणोत्तारमधुर- स्वराभिर्गोपीभिर्दिशि दिशि समुद्गीर्णमनिशं ॥

५९०३-१ इदं तत्स्नेहसर्वस्वं सममाढ्यदरिद्रयोः ।
५९०३-२ अचन्दनमनौशीरं हृदयस्यानुलेपनं ॥

५९०४-१ इदं तावच्चित्रं यदवनितले पार्वणशशी कलङ्कादुन्मुक्तः किमपि च तदन्तर्विलसति ।
५९०४-२ प्रवालं माणिक्यं कुवलयदलं मन्मथधनुर् मनोवीणावादध्वनिरिति महच्चित्रमधरं ॥

५९०५-१ इदं ते केनोक्तं कथय कमलातङ्कवदने यदेतस्मिन्हेम्नः कटकमिति धत्से खलु धियं ।
५९०५-२ इदं तद्दुःसाधाक्रमणपरमास्त्रं स्मृतिभुवा तव प्रीत्या चक्रं करकमलमूले विनिहितं ॥

५९०६-१ इदं त्विहोत्पातयुगं प्र्थिव्यां महाभयं शाकुनिका वदन्ति ।
५९०६-२ यद्वायसो मैथुनसंनिविष्टो दृश्येत यद्वा धवलः कदाचित् ॥

५९०७-१ इदं दूर्वाकाण्डद्युतिमुषि कपोले कतिपयैः श्रमाम्भोभिः कीर्णं सहजबकुलामोदसुभगं ।
५९०७-२ समाकाङ्क्षे ताम्राधरमनुमनुष्व प्रियतमे मनोज्ञं ते पातुं मुखकमलमाघ्रातुमथवा ॥

५९०८-१ इदं नभसि भीषणभ्रमदुलूककोलाहले निशाचरविलासिनीनिवहदत्तनेत्रोत्सवे ।
५९०८-२ परिस्फुरति निर्भरप्रचुरपङ्कमग्नोल्लसद्- वराहकुलमांसलं प्रबलबन्दमन्धं तमः ॥

५९०९-१ इदं नासीन्न चोत्पन्नं न चासीन्न भविष्यति ।
५९०९-२ तत्तद्ब्रह्मैव सद्रूपं इदमित्थमवस्थितं ॥

५९१०-१ इदं नृपप्रार्थिभिरुज्झितोऽर्थिभिर् मणिप्ररोहेण विवृध्य रोहणः ।
५९१०-२ कियद्दिनैरम्बरमावरिष्यते मुधा मुनिर्विन्ध्यमरुन्ध भूधरं ॥

५९११-१ इदं परमसुन्दरं तनुपुरं कुरङ्गीदृशां निवार्य खलु शैशवं स्वयमनेन नीतं बलात् ।
५९११-२ तदागमनशङ्कया मकरकेतुना किं कृतं पयोधरधराधरौ त्रिवलिवाहिनीदुस्तरौ ॥

५९१२-१ इदं प्रकृत्या विषयैर्वशीकृतं परस्परस्त्रीधनलोलुपं जगत् ।
५९१२-२ सनातने वर्त्मनि साधुसेविते प्रतिष्ठते दण्डभयोपपीडितं ॥

५९१३-१ इदं प्रायो लोके न परिचितपूर्वं नयनयोर् न याच्ञा यत्पुंसः सुगुणपरिमाणं लघयति ।
५९१३-२ विशद्भिर्विश्वात्मा स्ववपुषि बलिप्रार्थनकृते त्रपालीनैरङ्गैर्यदयमभवद्वामनतनुः ॥

५९१४-१ इदं मघोनः कुलिशं धारासंनिहितानलं ।
५९१४-२ स्मरणं यस्य दैत्यस्त्रीगर्भपाताय कल्पते ॥

५९१५-१ इदं मदं चन्द्रमसः समन्तादस्मत्सपत्नस्य हरिष्यतीति ।
५९१५-२ यस्मिन्पुरन्ध्रीवदनस्यलक्ष्मीं निजां व्यधुः प्राभृतमम्बुजानि ॥

५९१६-१ इदं युगसहस्रेषु भविष्यदभवद्दिनं ।
५९१६-२ तदप्यद्यत्वमापन्नं का कथा मरणावधेः ॥

५९१७-१ इदं लब्धमिदं नष्टं इदं लप्स्ये मनोरथं ।
५९१७-२ इदं चिन्तयतामेव जीर्णमायुः शरीरिणां ॥

५९१८-१ इदं वक्त्रं साक्षाद्विरहितकलङ्कः शशधरः सुधाधाराधारश्चिरपरिणतं बिम्बमधरः ।
५९१८-२ इमे नेत्रे रात्रिंदिवमधिकशोभे कुवलये तनुर्लावण्यानां जलधिरवगाहे सुखतरः ॥

५९१९-१ इदं विश्वं कुटुम्बो न इति येषां सुनिश्चयः ।
५९१९-२ ते शान्ताः परमोदाराः केषां वन्द्या न साधवः ॥

५९२०-१ इदं विश्वं पाल्यं विधिवदभियुक्तेन मनसा प्रियाशोको जीवं कुसुममिव घर्मो ग्लपयति ।
५९२०-२ स्वयं कृत्वा त्यागं विलपनविनोदोऽप्यसुलभस् तदद्याप्युच्छ्वासो भवति ननु लाभो हि रुदितं ॥

५९२१-१ इदं व्य्ॐअसर्ॐअध्ये भाति चन्द्रसितोत्पलं ।
५९२१-२ मलिनोऽन्तर्गतो यत्र कलङ्को भ्रमरायते ॥

५९२२-१ इदं शरीरं पुरुषस्य मोहजं यथा पृथग्भौतिकमीयते गृहं ।
५९२२-२ यथौदकैः पार्थिवतैजसैर्जनः कालेन जातो विकृतो विनश्यति ॥

५९२३-१ यथानलो दारुषु भिन्न ईयते यथानिलो देहगतः पृथक्स्थितः ।
५९२३-२ यथा नभः सर्वगतं न सज्जते तथा पुमान्सर्वगुणाश्रयः परः ॥

५९२४-१ इदं शरीरं श्लथसंधि जर्जरं पतत्यवश्यं परिणामदुर्वहं ।
५९२४-२ किमौषधं पृच्छसि मूढ दुर्मते निरामयं कृष्णरसायनं पिब ॥

५९२५-१ इदं शीतं पाथः पिबत पथिका मुञ्चत मनाक् पथः श्रान्तिं कान्तास्मृतिजनितचिन्ताद्विगुणितां ।
५९२५-२ इति स्फीतापाङ्गं मृदुमधुरवाग्भङ्गिहसितं प्रपापालीमाला हरति तरुणानां पथि गतिं ॥

५९२६-१ इदं स्वजनदेहजातनयमातृभार्यामयं विचित्रमिह केनचिद्रचितमिन्द्रजालं ननु ।
५९२६-२ क्व कस्य कथमत्र को भवति तत्त्वतो देहिनः स्वकर्मवशवर्तिनस्त्रिभुवने निजो वा परः ॥

५९२७-१ इदं स्वस्त्ययनं श्रेष्ठं इदं बुद्धिविवर्धनं ।
५९२७-२ इदं यशस्यं सततं इदं निःश्रेयसं परं ॥

५९२८-१ इदं हि पुंसस्तपसः श्रुतस्य वा स्विष्टस्य सूक्तस्य च बुद्धदत्तयोः ।
५९२८-२ अविच्युतोऽर्थः कविभिर्निरूपितो यदुत्तमश्लोकगुणानुवर्णनं ॥

५९२९-१ इदं हि प्राणयशसं क्रयविक्रयपत्तनं ।
५९२९-२ स्वामिसत्कारशल्यानां अत्रैवोद्धरणी क्रिया ॥

५९३०-१ इदं हि माहात्म्यविशेषसूचकं वदन्ति चिह्नं महतां मनीषिणः ।
५९३०-२ मनो यदेषां सुखदुःखसंभवे प्रयाति नो हर्षविषादवश्यतां ॥

५९३१-१ इदं हि वैदग्ध्यरहस्यमुत्तमं पठेन्न सूक्तिं कविमानिनः पुरः ।
५९३१-२ न केवलं तां न विभावयत्यसौ स्वकाव्यबन्धेन विनाशयत्यपि ॥

५९३२-१ इदमनन्यपरायणमन्यथा हृदयसंनिहिते हृदयं मम ।
५९३२-२ यदि समर्थयसे मदिरेक्षणे मदनबाणहतोऽस्मि हतः पुनः ॥

५९३३-१ इदमनुचितमक्रमश्च पुंसां यदिह जरस्यपि मान्मथो विकारः ।
५९३३-२ यदपि च न कृतं नितम्बिनीनां स्तनपतनावधि जीवितं रतं वा ॥

५९३४-१ इदमनुदितहोतुः कोऽपि ह्ॐआवसान- ज्वलदनलमवादीत्कुण्डमाखण्डलस्य ।
५९३४-२ मणिघटमभिषेके प्रातरस्योचुरेके कलितकिरणतोयं मण्डलं चण्डभासः ॥

५९३५-१ इदमन्तरमुपकृतये प्रकृतिचला यावदर्थिसंपदियं ।
५९३५-२ विपदि नियतोदयायां पुनरुपकर्तुं कुतोऽवसरः ॥

५९३६-१ इदमन्धं तमः कृत्स्नं जायेत भुवनत्रयं ।
५९३६-२ यदि शब्दाह्वयं ज्योतिरा संसारान्न दीप्यते ॥

५९३७-१ इदमन्यच्च देवर्षे रहस्यं सर्वयोषितां ।
५९३७-२ दृष्ट्वैव पुरुषं हृद्यं योनिः प्रक्लिद्यते स्त्रियाः ॥

५९३८-१ इदमपटु कपाटं जर्जरः पञ्जरोऽयं विरमति न गृहेऽस्मिन्क्रूरमार्जारयात्रा ।
५९३८-२ शुक मुकुलितजिह्वं स्थीयतां किं वचोभिस् तव वचनविनोदे नादरः पामराणां ॥

५९३९-१ इदमपरमद्भुततमं युवतिसहस्रैर्विलुप्यमानस्य ।
५९३९-२ वृद्धिर्भवति न हानिर् यत्तव सौभाग्यकोषस्य ॥

५९४०-१ इदमपास्य विरागि परागिणीर् अलिकदम्बकमम्बुरुहां ततीः ।
५९४०-२ स्तनभरेण जितस्तबकानमन्- नवलते वलतेऽभिमुखं तव ॥

५९४१-१ इदमप्रतिमं पश्य सरः सरसिजैर्वृतं ।
५९४१-२ सखे मा जल्प नारीणां नयनानि दहन्ति मां ॥

५९४२-१ इदममृतममेयं सेयमानन्दसिन्धुर् मधुमधुरमपीदं किंचिदन्तर्धुनोति ।
५९४२-२ यदयमुदयलीलीलालसानां वधूनां रतिविनिमयभाजां केलिभिर्याति कालः ॥

५९४३-१ इदमम्लानमानाया लग्नं स्तनतटे तव ।
५९४३-२ छाद्यतामुत्तरीयेण नवं नखपदं सखि ॥

५९४४-१ इदमयुक्तमहो महदेव यद्वरतनोः स्मरयत्यनिलोऽन्यदा ।
५९४४-२ स्मृतसयौवनसोष्मपयोधरान् सतुहिनस्तु हिनस्तु वियोगिनः ॥

५९४५-१ इदमशिशिरैरन्तस्तापाद्विवर्णमणीकृतं निशि निशि भुजन्यस्तापाङ्गप्रसारिभिरश्रुभिः ।
५९४५-२ अनभिलुलितज्याघाताङ्कं मुहुर्मणिबन्धनाथ्कनकवलयं स्रस्तं स्रस्तं मया प्रतिसार्यते ॥

५९४६-१ इदमसुलभवस्तुप्रार्थनादुर्निवारं प्रथममपि मनो मे पञ्चबाणः क्षिणोति ।
५९४६-२ किमुत मलयवातोन्मूलितापाण्डुपत्रैर् उपवनसहकारैर्दर्शितेष्वङ्कुरेषु ॥

५९४७-१ इदमस्खलितं धारय वारय परुषाक्षरा वाचः ।
५९४७-२ एकः सकलजनानां जगति रिपुः परुषवाक्पुरुषः ॥

५९४८-१ इदमहं करुणामृतसागरं शशिकिशोरशिर्ॐअणिमर्थये ।
५९४८-२ व्रजतु जन्मनि जन्मनि मे वपुर् भवदुपासनसाधनतामिति ॥

५९४९-१ इदमाभाति गगने भिन्दानं संततं तमः ।
५९४९-२ अमन्दनयनानन्दकरं मण्डलमैन्दवं ॥

५९५०-१ इदमिदमिति भूरुहां प्रसूनैर् मुहुरतिलोभयता पुरःपुरोऽन्या ।
५९५०-२ अनुरहसमनायि नायकेन त्वरयति रन्तुमहो जनं मनोभूः ॥

५९५१-१ इदमिदमिति सम्यक्कर्मणा योजनीयं नियतमिति विचिन्त्य प्रापयेदीहमानः ।
५९५१-२ सुनयपिहितरन्ध्रः प्राकृतो यस्य वर्गः क्षितिपतिरुपभुङ्क्ते स त्रिवर्गं चिराय ॥

५९५२-१ इदमुच्छ्वसितालकं मुखं तव विश्रान्तकथं दुनोति मां ।
५९५२-२ निशि सुप्तमिवैकपङ्कजं विरताभ्यन्तरषट्पदस्वनं ॥

५९५३-१ इदमुद्दिश्य वयस्याः स्वसमीहितदैवतं नमत ।
५९५३-२ यमुनैव जानुदघ्नी भवतु न वा नाविकोऽस्त्वपरः ॥

५९५४-१ इदमुपहितसूक्ष्मग्रन्थिना स्कन्धदेशे स्तनयुगपरिणाहाच्छादिना वल्कलेन ।
५९५४-२ वपुरभिनवमस्याः पुष्यति स्वां न शोभां कुसुममिव पिनद्धं पाण्दुपत्रोदरेण ॥

५९५५-१ इदमुभयभित्तिसंतत- हारगुणान्तर्गतैककुचमुकुलं ।
५९५५-२ गुटिकाधनुरिव बाला- वपुः स्मरः श्रयति कुतुतेन ॥

५९५६-१ इदमेतत्करिष्यामि तत एतद्भविष्यति ।
५९५६-२ संकल्पः क्रियते योऽयं न तं मृत्युः प्रतीक्षते ॥

५९५७-१ इदमेव कलेरस्य मदविस्फूर्जितं महत् ।
५९५७-२ यन्मे मनोरथावाप्तिः न रामभजनादपि ॥

५९५८-१ इदमेव नरेन्द्राणां स्वर्गद्वारमनर्गलं ।
५९५८-२ यदात्मनः प्रतिज्ञा च प्रजा च परिपाल्यते ॥

५९५९-१ इदमेव परं मौर्ख्यं उपायैस्त्रिभिरुज्झितं ।
५९५९-२ पराक्रमन्ते युद्धेषु सममेवोभये भटाः ॥

५९६०-१ इदमेव महद्धैर्यं धीराणां सुतपस्विनां ।
५९६०-२ विघ्नवन्त्यपि संप्राप्य यद्विघ्नैर्न विहन्यते ॥

५९६१-१ इदमेव हि जन्मफलं जीवितफलमेतदेव यत्पुंसां ।
५९६१-२ लटहनितम्बवतीजन- संभोगसुखेन याति तारुण्यं ॥

५९६२-१ इदमेव हि निर्णीतं पैशुन्याद्दुःखसंगमः ।
५९६२-२ अन्यार्थं खनतो गर्तं कूपे पातः सुनिश्चितः ॥

५९६३-१ इदमेव हि पाण्डित्यं चातुर्यमिदमेव हि ।
५९६३-२ इदमेव सुबुद्धित्वं आयादल्पतरो व्ययः ॥

५९६४-१ इदमेव हि पाण्डित्यं इयमेव कुलीनता ।
५९६४-२ अयमेव परो धर्म आयादल्पतरो व्ययः ॥

५९६५-१ इदानीं तीव्राभिर्दहन इव भाभिः परिगतो ममाश्चर्यं सूर्यः किमु सखि रजन्यामुदयते ।
५९६५-२ अयं मुग्धे चन्द्रः किमिति मयि तापं प्रकटयत्य् अनाथानां बाले किमिह विपरीतं न भवति ॥

५९६६-१ इदानीं तु मया ज्ञातं त्यागान्नास्ति परं सुखं ।
५९६६-२ नास्ति विद्यासमं चक्षुर्नास्ति चक्षुःसमं बलं ॥

५९६७-१ इदानीं प्लक्षाणां जठरदलविश्लेषचतुरः शिखानामाबन्धः स्फुरति शुकचञ्चूपुटनिभः ।
५९६७-२ ततः स्त्रीणां हन्त क्षममधरकान्तिं कलयितुं समन्तान्निर्याति स्फुटसुभगरागं किसलयं ॥

५९६८-१ इदानीं वंशीनां शबरमिथुनोच्छृङ्खलरहः- क्रियासख्येनालं गिरिवनसरिद्ग्रामसुहृदां ।
५९६८-२ स्फुरल्ल्ॐअश्यामच्छगलशिशुकर्णप्रतिसम- च्छदाग्राभिस्त्वग्भिर्वलयितकरीरास्तटभुवः ॥

५९६९-१ इदानीं सन्तु काव्यानि बहूनि जगतीतले ।
५९६९-२ यदादर्शमयं काव्यं आद्यं तत्तु तदेव हा ॥

५९७०-१ इदानीमङ्गमक्षालि रचितं चानुलेपनं ।
५९७०-२ इदानीमेव ते कृष्ण धूलीधूसरितं वपुः ॥

५९७१-१ इदानीमर्घन्ति प्रथमकलमच्छेदमुदिता नवाग्रान्नस्थालीपरिमलमुचो हालिकगृहाः ।
५९७१-२ उदञ्चद्दोर्वल्लीरणितवलयाभिर्युवतिभिर् गृहीतप्रोत्क्षिप्तभ्रमितमसृणोद्गीर्णमुशलाः ॥

५९७२-१ इनः स एव सेव्यो यः स्वालोकेन सुधामुचा ।
५९७२-२ द्विजेन्द्रमण्डलं क्षीणं समग्रयति संपदा ॥

५९७३-१ इन्दिन्दिरैर्निर्भरगर्भमीषद्- उन्मेषवच्चम्पकपुष्पमासीत् ।
५९७३-२ हिरण्मयं शासनलेखहेतोः सज्जं मषीभाण्डमिव स्मरस्य ॥

५९७४-१ इन्दिन्दिरो मरन्दे विमुखो यदि किं नु मधुनि माहात्म्यं ।
५९७४-२ रसिको वाञ्छति नो चेथ्रागाधरबिम्बमस्य को भूमा (

?)

॥

५९७५-१ इन्दीवरं लोचनयोस्तुलायै निर्माय यत्नेन विधिः कदाचित् ।
५९७५-२ अतुल्यतां वीक्ष्य ततो रजांसि निक्षिप्य चिक्षेप स पङ्कमध्ये ॥

५९७६-१ इन्दीवरदलश्यामं इन्दिरानन्दकन्दलं ।
५९७६-२ वन्दारुजनमन्दारं वन्देऽहं यदुनन्दनं ॥

५९७७-१ इन्दीवरश्यामतनुर्नृपोऽसौ त्वं रोचनागौरशरीरयष्टिः ।
५९७७-२ अन्योन्यशोभापरिवृद्धये वां योगस्तडित्तोयदयोरिवास्तु ॥

५९७८-१ इन्दीवरस्यान्तरमेतदस्या नेत्रोत्पलस्यापि यतो हिमांशोः ।
५९७८-२ त्विषोऽपि नैकं सहते मुखाख्यं आक्रम्य तस्थावपरं शशाङ्कं ॥

५९७९-१ इन्दीवराक्षि तव तीव्रकटाक्षबाण- पातव्रणे द्वितयमौषधमेव मन्ये ।
५९७९-२ एकं तवाधरसुधारसपानमन्यदुत्तुङ्गपीनकुचकुङ्कुमपङ्कलेपः ॥

५९८०-१ इन्दीवराक्ष्याः स्फुटविद्रुमोष्ठ्याः संकेतमुद्दिश्य वने चरन्त्याः ।
५९८०-२ चौरैः समस्ताभरणानि हृत्वा नासामणिर्नोऽपहृतः किमेतत् ॥

५९८१-१ इन्दीवरेण नयनं मुखमम्बुजेन कुन्देन दन्तमधरं नवपल्लवेन ।
५९८१-२ अङ्गानि चम्पकदलैः स विधाय वेधाः कान्ते कथं घटितवानुपलेन चेतः ॥

५९८२-१ इन्दीवरोदरसहोदरमेदुरश्रीर् वासो द्रवत्कनकवृन्दनिभं दधानः ।
५९८२-२ आमुक्तमौक्तिकमनोहरहारवक्षाः कोऽयं युवा जगदनङ्गमयं करोति ॥

५९८३-१ इन्दुं कैरविणीव कोकपटलीवाम्भोजिनीवल्लभं मेघं चातकमण्डलीव मधुपश्रेणीव पुष्पव्रजं ।
५९८३-२ माकन्दं पिकसुन्दरीव रमणीवात्मेश्वरं प्रोषितं चेतोवृत्तिरियं सदा नृपवर त्वां द्रष्टुमुत्कण्ठते ॥

५९८४-१ इन्दुं तण्डुलखण्डमण्डलरुचिं नित्योदितं जातुचिद्दर्शे मेघघरट्टघट्टनगलद्देहं विधत्ते विधिः ।
५९८४-२ नूनं लोकहितेच्छया किरति यत्संतर्पणं सर्वतः शुभ्रादभ्रविशिष्टपिष्टरुचिरंभूमौ तुषारं दिवः ॥

५९८५-१ इन्दुं निन्दति चक्रवाकयुगलं भासां निधिं कौशिकः स्वादुक्षीरमरोचकी सुकृतिनं पापी जडः पण्डितं ।
५९८५-२ त्यक्तं सर्वजनैः खलः कटुवचा ग्राम्यः पुमान्नागरं कः पैतामहगोलकेऽत्र निखिलैः संमानितो वर्तते ॥

५९८६-१ इन्दुं निन्दति चन्दनं न सहते मल्लीस्रजं नेक्षते हारं द्वेष्टि सिताब्जमुज्झति बिसस्त्ॐअं निगृह्णाति च ।
५९८६-२ श्रीभूपाल महीधरेषु विपिनेष्वम्भोधितीरेषु च त्वत्कीर्तिस्त्वदरिप्रिया च विलसत्युच्चैः स्फुरत्पाण्डिमा ॥

५९८७-१ इन्दुं निन्दति चन्दनं न सहते विद्वेष्टि पङ्केरुहं हारं भारमवैति नैव कुरुते कर्पूरपूरे मनः ।
५९८७-२ स्वर्गङ्गामवगाहते हिमगिरिं गाढं समालिङ्गते यत्कीर्तिर्विरहातुरेव न मनागेकत्र विश्राम्यति ॥

५९८८-१ इन्दुं निन्दति तस्करो गृहपतिं जारो सुशीलं खलः साध्वीमप्यसती कुलीनमकुलो जह्याज्जरन्तं युवा ।
५९८८-२ विद्यावन्तमनक्षरो धनपतिं नीचश्च रूपोज्ज्वलं वैरूप्येण हतः प्रबुद्धमबुधोत्कृष्टं निकृष्टो जनः ॥

५९८९-१ इन्दुं निन्दति पद्मखण्डकदलीतल्पं न वा मन्यते कर्पूरं किरति प्रयाति न रतिं प्रालेयधारागृहे ।
५९८९-२ किं वान्यत्तव विप्रयोगशिखिना सा दह्यमाना मुहुस् त्वामन्तर्हृदयस्थितं दवभयान्नेत्राम्बुभिः सिञ्चति ॥

५९९०-१ इन्दुं निन्दतु नाम वाथ नलिनीं निन्दन्तु चक्राह्वया नैवानेन सुधाकरस्य सुषमाहानिर्न वा दुर्यशः ।
५९९०-२ एतेनैव कृतार्थतास्य जनता यन्मोदमालम्बते यज्ज्योत्स्नासु चिरं चकोरपरिषच्चञ्चूपुटं न्यस्यति ॥

५९९१-१ इन्दुं मुखाद्बहुतृणं तव यद्गृणन्ति नैनं मृगस्त्यजति तन्मृगतृष्णयैव ।
५९९१-२ अत्येति मोहमहिमा न हिमांशुबिम्ब- लक्ष्मीविडम्बिमुखि वित्तिषु पाशवीषु ॥

५९९२-१ इन्दुं वेत्ति दिवाकरं मलयजं दावानलं मन्यते जानात्यम्बुजमुल्मुकं कलयति प्रालेयतल्पं चितां ।
५९९२-२ हाराङ्गारकदर्थितेन मनसा सृष्टिं समस्तामिमां संप्रत्यग्निमयी न वेत्ति सुभगा त्यक्ता वराकी त्वया ॥

५९९३-१ इन्दुः किं क्व कलङ्कः सरसिजमेतत्किमम्बु कुत्र गतं ।
५९९३-२ ललितसविलासवचनैर् मुखमिति हरिणाक्षि निश्चितं परतः ॥

५९९४-१ इन्दुः प्रयास्यति विनङ्क्ष्यति तारकश्रीः स्थास्यन्ति लीढतिमिरा न मणिप्रदीपाः ।
५९९४-२ अन्धं समग्रमपि कीटमणे भविष्यत्य् उन्मेषमेष्यति भवानपि दुरमेतत् ॥

५९९५-१ इन्दुप्रभारसविदं विहगं विहाय कीरानने स्फुरसि भारति का रतिस्ते ।
५९९५-२ आद्यं यदि श्रयसि जल्पतु क्ॐउदीनां गोविन्दराजवचसां च विशेषमेषः ॥

५९९६-१ इन्दुबिम्बादिवोत्कीर्णं पद्मगर्भादिवोद्धृतं ।
५९९६-२ वदनं तव तन्वङ्गि विमृशद्भिर्विभाव्यते ॥

५९९६आ-१ इन्दुभास्करयोर्यत्र नभःसंचारखिन्नयोः ।
५९९६आ-२ पताकाः पवनाधूताः भजन्ते तालवृन्ततां ॥

५९९७-१ इन्दुमिन्दुमुखि लोकय लोकं भानुभानुभिरमुं परितप्तं ।
५९९७-२ वीजितुं रजनिहस्तगृहीतं तालवृन्तमिव नालविहीनं ॥

५९९८-१ इन्दुमिन्द्रदिगसूत सरस्वान् उत्तरङ्गभुजराजिरनृत्यत् ।
५९९८-२ उज्जहर्ष झषकेतुरवापुः षट्पदाः कुमुदबन्धनमोक्षं ॥

५९९९-१ इन्दुमुखी कुमुदाक्षी रम्भोरू कमलचारुकरचरणा ।
५९९९-२ अमृतद्रवलावण्या हृदयगता देवि किं दहसि ॥

६०००-१ इन्दुरिन्दुरिति किं दुराशया बिन्दुरेष पयसो विलोक्यते ।
६०००-२ नन्विदं विजयते मृगीदृशः श्यामक्ॐअलकपोलमाननं ॥

६००१-१ इन्दुर्मूर्ध्नि शिवस्य शैलदुहितुर्वक्रो नखाङ्कः स्तने देयाद्वोऽभ्युदयं द्वयं तदुपमामालम्बमानं मिथः ।
६००१-२ सम्वादः प्रणवेन यस्य दलता कायैकतायां तयोर् ऊर्ध्वद्वारविचिन्तितेन च हृदि ध्यातस्वरूपेण च ॥

६००२-१ इन्दुर्यत्र न निन्द्यते न मधुरं दूतीवचः श्रूयते नालापा निपतन्ति बाष्पकलुषा नोपैति कार्श्यं तनुः ।
६००२-२ स्वाधीनामनुकूलिनीं स्वगृहिणीमालिङ्ग्य यत्सुप्यते तत्किं प्रेम गृहाश्रमव्रतमिदं कष्टं समाचर्यते ॥

६००३-१ इन्दुर्यद्युदयाद्रिमूर्ध्नि न भवत्यद्यापि तन्मा स्म भून् नासीरेऽपि तमःसमुच्चयममूरुन्मूलयन्ति त्विषः ।
६००३-२ अप्यक्ष्णोर्मुदमुद्गिरन्ति कुमुदैरामोदयन्ते दिशः संप्रत्यूर्ध्वमसौ तु लाञ्छनमभिव्यङ्क्तुं प्रकाशिष्यते ॥

६००४-१ इन्दुर्लिप्त इवाञ्जनेन जडिता दृष्टिर्मृगीणामिव प्रम्लानारुणिमेव विद्रुमदलं श्यामेव हेमप्रभा ।
६००४-२ कार्कश्यं कलया च कोकिलवधूकण्ठेष्विव प्रस्तुतं सुन्दर्याः पुरतश्च हन्त शिखिनां बर्हाः सगर्हा इव ॥

६००५-१ इन्दुव्रतसहस्रं तु चरेद्यः कायशोधनं ।
६००५-२ पिबेद्यश्चापि गङ्गाम्भः समौ स्यातां न वा समौ ॥

६००६-१ इन्दुस्त्वद्यशसा जितोऽवनिपते भासांनिधिस्तेजसा कन्दर्पो वपुषा सुधाजलनिधिर्वाचो विलासेन च ।
६००६-२ तथ्यं ते जयशीलमेतदधुना त्वद्दानमद्दैन्ययोर् मध्ये कं नु विजेष्यतीति विषये दोलायते मे मनः ॥

६००७-१ इन्दूदयश्चन्दनमिन्दुवक्त्रश्चैत्रस्तथा यस्य महाय संपत् ।
६००७-२ वपुश्च शृङ्गारमयं स मन्ये संतापकस्त्वं हरवह्नियोगात् ॥

६००८-१ इन्दोः कलाकलापेन पङ्क्तिक्रमनिवेशिना ।
६००८-२ सर्वदुःखापनोदाय बालकानां कृता भुजाः ॥

६००९-१ इन्दोः कान्तिं जडतरकरान्मत्तनागाद्गतिं वा त्रस्तान्नेत्रे हरसि हरिणात्तत्र किं नाम चित्रं ।
६००९-२ एतच्चित्रं पुनरिह जगज्जैत्रकन्दर्पचाप- श्रीसर्वस्वं यदपहरसि प्रेयसि भ्रूविलासैः ॥

६०१०-१ इन्दोः किं द्रुहिणस्य वा सुरपतेः किं वा कृतान्तस्य वा किं भूतेश दिशास्थि भूषणगणेश्वाकृष्य देयं मया ।
६०१०-२ इत्थं मण्डनमन्दिरोदरचरव्याहारतो भीकराथ्भीता यस्य सुराः प्रसाधनविधौ पायात्स वः शंकरः ॥

६०११-१ इन्दोः संक्षयरक्षिणाक्षतसुधा किं वेधसा निर्मिता किं धैर्यापहरा हरस्य विहिता कामेन कान्ता तनुः ।
६०११-२ किं तारुण्यवसन्तकान्तिललिता शृङ्गारसिक्ता लता किं लावण्यतरङ्गिणी पुनरियं जन्मान्तराप्ता रतिः ॥

६०१२-१ इन्दोरगतयः पद्मे सूर्यस्य कुमुदेंऽशवः ।
६०१२-२ गुणास्तस्य विपक्षेऽपि गुणिनो लेभिरेऽन्तरं ॥

६०१३-१ इन्दोरस्य त्रियामायुवतिकुचतटीचन्दनस्थासकस्य व्य्ॐअश्रीचामरस्य त्रिपुरहरजटावल्लरीकोरकस्य ।
६०१३-२ कंदर्पक्षोणिपालस्फटिकमणिगृहस्यैतदाख ण्डलाशा- नासामुक्ताफलस्य स्थगयति जगतीं कोऽपि भासां विलासः ॥

६०१४-१ इन्दोरिवास्य पुरतो यद्विमुखी सापवारणा भ्रमसि ।
६०१४-२ तत्कथय किं नु दुरितं सखि त्वया छाययेव कृतं ॥

६०१५-१ इन्दोरेककलाया रुद्रेणोद्धृत्य मूर्धनि धृतायाः ।
६०१५-२ स्थानमिव तुच्छमेतथ्कलङ्करूपेण परिणमति ॥

६०१६-१ इन्दोर्लक्ष्म त्रिपुरजयिनः कण्ठमूलं मुरारिर् दिङ्नागानां मदजलमसीभाञ्जि गण्डस्थलानि ।
६०१६-२ अद्याप्युर्वीवलयतिलक श्यामलिम्नावलिप्तान्य् आभासन्ते वद धवलितं किं यशोभिस्त्वदीयैः ॥

६०१७-१ इन्दोश्चन्दनबिन्दुनैव दशनच्छायं तदीयं मुखं चक्रं लोचनभल्लमार्जनविधौ शाणस्य तत्कुण्डलं ।
६०१७आ-२ भिन्नानां कुचकन्दरा स्मितसुधाकुल्येव मुक्तावली पादाब्जे ध्वनदिन्द्रनीलवलयं रोलम्बमालैव सा ॥

६०१७आ-१ इन्दौ निन्द्या चकोरैरसमयति निशाजागरः पुण्डरीकैः भृङ्गैः शीधुन्यसङ्गः शरदि समधिका ग्लानिरिन्दीवरैश्च ।
६०१७-२ भ्रूभङ्गे यस्य वैराकरयुवतिदृशामेकमेवोपमानं पश्याम्यश्रान्तबाष्पप्रकरमयझरीगूदचाराश्चमर्यः ॥

६०१८-१ इन्द्रं द्व्यक्षधरं त्वमन्थमुदधिं पञ्चाननं पद्मजं सिन्धुं स्वादुजलं शिवं सितगलं कामं च सद्विग्रहं ।
६०१८-२ शैलान्पक्षधरांस्तथैव च हयांल्लक्ष्मीपतिं पिङ्गलं दृष्टं सर्वमिदं क्वचिन्न रघुराड्दत्तं स्वयं हारितं ॥

६०१९-१ इन्द्रं वै षण्ढमाहुर्मलिनमुडुपतिं माधवं गोपसूनुं व्यासं मत्सीतनूजं गतरसमुदधिं पावकं सर्वभक्षं ।
६०१९-२ वेश्यापुत्रं वसिष्ठं जनपदवचनैः पाण्डवाश्चान्यजाता इत्थं संचिन्त्य मह्यं कथय नरपते कस्य दोषा न सन्ति ॥

६०२०-१ इन्द्रः प्रक्षुब्धचित्तो दिशि दिशि सकलान्दिक्पतीन्सावधानान् कुर्वन्वज्रास्त्रपाणिः सुरवरवलितां देवसेनां निगृह्य ।
६०२०-२ स्वर्गद्वारे यदीयोद्धतबलिनिहतप्रौढढक्कानिनादं श्रुत्वातिष्ठत्प्रकम्पत्कुचकलशतटीकिन्नरीगीयमानः ॥

६०२१-१ इन्द्रः प्रधानं दिवि दैवतेषु विप्रो मनुष्येषु नदीषु गङ्गा ।
६०२१-२ गावः पशुष्वेषु धनेषु धान्यं सर्वत्र गात्रस्य शिरः प्रधानं ॥

६०२१आ-१ इन्द्रगोपकपरम्परा भृशं काननेषु शुशुभे विसर्पिणी ।
६०२१आ-२ प्रावृषः सरभसागमाच्च्युता पद्मरागघटितेव कर्णिका ॥

६०२२-१ इन्द्रगोपैर्बभौ भूमिर्निचितैव प्रवासिनां ।
६०२२-२ अनङ्गबाणैर्हृद्भेदस्रुतलोहितबिन्दुभिः ॥

६०२३-१ इन्द्रजिच्चण्डवीर्योऽसि नाम्नैव बलवानसि ।
६०२३-२ धिक्धिक्प्रच्छन्नरूपेण युध्यसेऽस्मद्भयाकुलः ॥

६०२४-१ इन्द्रनीलशुकपक्षक्ॐअला शङ्खकुन्दकुमुदेन्दुसंनिभा ।
६०२४-२ तप्तकाञ्चनविकासिचम्पक- स्पर्धिनी वसुमती प्रशस्यते ॥

६०२५-१ इन्द्रस्त्वं नृप सुन्दरी तव शची पुत्रो जयन्तोपमो गेहं भाति च वैजयन्तसदृशं नागोऽभ्रमोर्वल्लभः ।
६०२५-२ इत्थं बोधकरैरसत्यवचनैः स्वैरं स्तुतः स्वं हरिं वेत्ति प्रस्फुटविक्रमं स महिमा ज्ञेयो हरेर्मायिनः ॥

६०२६-१ इन्द्रस्य वज्रेण हतो वृत्रासुरमहायशाः ।
६०२६-२ मेदसा सर्वविच्छिन्नं तदर्थमुपलेपनं ॥

६०२७-१ इन्द्रस्यार्कस्य वायोश्च यमस्य वरुणस्य च ।
६०२७-२ चन्द्रस्य च पृथिव्याश्च नृपः सप्तगुणो भवेत् ॥

६०२८-१ इन्द्रात्प्रभुत्वं ज्वलनात्प्रतापं क्रोधो यमाद्वैश्रवणाच्च वित्तं ।
६०२८-२ पराक्रमं रामजनार्दनाभ्यां आदाय राज्ञः क्रियते शरीरं ॥

६०२९-१ इन्द्राद्या लोकपाला हरिविधुतपना नागविद्याधराद्या द्वेष्याः सर्वेऽपि देवाः प्रिय तव वरदः कोऽस्ति वन्द्यो गरीयान् ।
६०२९-२ श्रुत्वा वाचं प्रियाया इति दशमुखतः प्राह वाक्यं दशास्यः शूली शंभुः पिनाकी शिवभवपशुपः शर्व ईशश्च भर्गः ॥

६०३०-१ इन्द्राद्यैः किं प्रदत्तं प्रदिशसि धवलं धाम धन्यं यदेभ्यो मह्यं यन्नापि धत्से तृणघटितकुटीं किं मया तेऽपराद्धं ।
६०३०-२ विश्वेभ्यो विश्वमातर्वितरसि यदि वा शर्म कर्मानुसारि प्रोत्तुङ्गायाः कृपायास्तव तुहिनगिरेः पुत्रि कुत्रोपयोगः ॥

६०३१-१ इन्द्रानिलयमार्काणां अग्नेश्च वरुणस्य च ।
६०३१-२ चन्द्रवित्तेशयोश्चापि मात्रा निर्हृत्य शाश्वतीः ॥

६०३२-१ इन्द्राभ्यर्थनया पूर्वं भरताय चतुर्मुखः ।
६०३२-२ प्रमोदाय महेन्द्रस्य नाट्यं समुपदिष्टवान् ॥

६०३३-१ इन्द्राय वीक्षमाणस् तन्मुखमास्वादयन्ननन्ताय ।
६०३३-२ स्पृहयामि चाद्य दयितां आलिङ्गन्कार्तवीर्याय ॥

६०३४-१ इन्द्रियं विजितं येन तेनैव भुवनं जितं ।
६०३४-२ यश्चेन्द्रियैः पराभूतः स सर्वत्र पराजितः ॥

६०३५-१ इन्द्रियस्येन्द्रियस्यार्थे रागद्वेषौ व्यवस्थितौ ।
६०३५-२ तयोर्न वशमागच्छेत्तौ ह्यस्य परिपन्थिनौ ॥

६०३६-१ इन्द्रियाणां जये योगं समातिष्ठेद्दिवानिशं ।
६०३६-२ जितेन्द्रियो हि शक्नोति वशे स्थापयितुं प्रजाः ॥

६०३७-१ इन्द्रियाणां जये शूरो धर्मं चरति पण्डितः ।
६०३७-२ सत्यवादी भवेद्वक्ता दाता भवति वा न वा ॥

६०३८-१ इन्द्रियाणां तु सर्वेषां यद्येकं क्षरतीन्द्रियं ।
६०३८-२ ततोऽस्य क्षरति प्रज्ञा दृतेः पादादिवोदकं ॥

६०३९-१ इन्द्रियाणां निरोधेन रागद्वेषक्षयेण च ।
६०३९-२ अहिंसया च भूतानां अमृतत्वाय कल्पते ॥

६०४०-१ इन्द्रियाणां प्रसङ्गेन दोषमृच्छत्यसंशयं ।
६०४०-२ संनियम्य तु तान्येव ततः सिद्धिं नियच्छति ॥

६०४१-१ इन्द्रियाणां प्रसङ्गेन धर्मस्यासेवनेन च ।
६०४१-२ पापान्संयान्ति संसारानविद्वांसो नराधमाः ॥

६०४२-१ इन्द्रियाणां प्रसृष्टानां हयानामिव वर्त्मसु ।
६०४२-२ धृतिं कुर्वीत सारथ्ये धृत्या तानि जयेद्ध्रुवं ॥

६०४३-१ इन्द्रियाणां विचरतां विषयेष्वपहारिषु ।
६०४३-२ संयमे यत्नमातिष्ठेद्विद्वान्यन्तेव वाजिनां ॥

६०४४-१ इन्द्रियाणां हि चरतां यन्मनोऽनुविधीयते ।
६०४४-२ तदस्य हरति प्रज्ञां वायुर्नावमिवाम्भसि ॥

६०४५-१ इन्द्रियाणामधिष्ठात्री भूतानां चाखिलेषु या ।
६०४५-२ भूतेषु सततं तस्यै व्याप्त्यै देव्यै नमो नमः ॥

६०४६-१ इन्द्रियाणामनुत्सर्गो मृत्युना न विशिष्यते ।
६०४६-२ अत्यर्थं पुनरुत्सर्गः सादयेद्दैवतान्यपि ॥

६०४७-१ इन्द्रियाणि च संयम्य रागद्वेषविवर्जितः ।
६०४७-२ समदुःखसुखः शान्तः तत्त्वज्ञः साधुरुच्यते ॥

६०४८-१ इन्द्रियाणि पराण्याहुरिन्द्रियेभ्यः परं मनः ।
६०४८-२ मनसस्तु परा बुद्धिर्यो बुद्धेः परतस्तु सः ॥

६०४९-१ इन्द्रियाणि पशून्कृत्वा वेदीं कृत्वा तप्ॐअयीं ।
६०४९-२ अहिंसामाहुतिं कृत्वा आत्मयज्ञं यजाम्यहं ॥

६०५०-१ इन्द्रियाणि पुरा जित्वा जितं त्रिभुवनं त्वया ।
६०५०-२ स्मरद्भरिव तैद्वैरं इन्द्रियैरेव निर्जितः ॥

६०५१-१ … … … … … … ।
६०५१-२ इन्द्रियाणि प्रमाथीनि हरन्त्यपि यतेर्मनः ॥

६०५२-१ इन्द्रियाणि मनः प्राणो ज्ञानमायुः सुखं धृतिः ।
६०५२-२ धारणा प्रेरणं दुःखं इच्छाहङ्कार एव च ॥

६०५३-१ प्रयत्न आकृतिर्वर्णः स्वरद्वेषौ भवाभवौ ।
६०५३-२ तस्यैतदात्मजं सर्वं अनादेरादिमिच्छतः ॥

६०५४-१ इन्द्रियाणि मनो बुद्धिरस्याधिष्ठानमुच्यते ।
६०५४-२ एतैर्विमोहयत्येष ज्ञानमावृत्य देहिनं ॥

६०५५-१ इन्द्रियाणि महत्प्रेप्सुर्नियच्छेदर्थधर्मयोः ।
६०५५-२ इन्द्रियैर्नियतैर्बुद्धिर्वर्धतेऽग्निरिवेन्धनैः ॥

६०५६-१ इन्द्रियाणीन्द्रियार्थेभ्यः प्राणादीन्मन एव च ।
६०५६-२ निगृह्य समवायेन प्रत्याहारमुपक्रमेत् ॥

६०५७-१ इन्द्रियाण्यनुपक्लेश्य लभ्यं श्रेयो गृहाश्रमे ।
६०५७-२ अतस्तुर्याश्रमं प्राहुरबाधन्यायबाधितं ॥

६०५८-१ इन्द्रियाण्यन्तरङ्गाणि पातयन्ति यथा जनान् ।
६०५८-२ अभ्यन्तरास्तथा राष्ट्रे भृत्याः स्वार्थपरायणाः ॥

६०५९-१ इन्द्रियाण्येव तत्सर्वं यत्स्वर्गनरकावुभौ ।
६०५९-२ निगृहीतविसृष्टानि स्वर्गाय नरकाय च ॥

६०६०-१ इन्द्रियार्थेषु सर्वेषु न प्रसज्येत कामतः ।
६०६०-२ अतिप्रसक्तिं चैतेषां मनसा संनिवर्तयेत् ॥

६०६१-१ इन्द्रियैरिन्द्रचन्द्राद्या ह्रेपिता यैः सुरा अपि ।
६०६१-२ अपरिम्लानमानत्वं तैर्मर्त्यस्याथवा कथं ॥

६०६२-१ इन्द्रियैरिन्द्रियार्थेषु वर्तमानैरनिग्रहैः ।
६०६२-२ तैरयं ताप्यते लोको नक्षत्राणि ग्रहैरिव ॥

६०६३-१ इन्द्रो निन्दति वाहमाह दिनकृत्त्वर्व्वाचमेवार्वतश्चञ्चूर्न्यञ्चति किं न पन्नगरिपोरन्तस्त्रपोद्रेकतः ।
६०६३-२ वातः खञ्जति पङ्गुपुञ्जति मनोराजिर्ब्भवद्वाजिषु द्बेषादाजिषु वैरिणामभिमुखं धावत्सु यावत्सुखं ॥

६०६४-१ इन्द्रो यच्छतमन्युरस्ति दहनो यत्पावकोऽप्यन्तकः कीनाशो धनदो विमाननिरतः पाशी जलानां पतिः ।
६०६४-२ ईशः कामहरश्चलो यदनिलो यन्नैरृतो राक्षसस् तन्नान्योऽवनिलोकपाल भवतः कश्चित्समः स्याद्गुणैः ॥

६०६५-१ इन्द्रो यमोऽसि वरुणोऽसि हुताशनोऽसि ब्रह्मा हरो हरिरसीत्यसकृद्यदुक्तिः ।
६०६५-२ भूपालमौलिमणिरञ्जितपादपीठ तस्यानृतस्य फलमिन्धनमुद्वहामि ॥

६०६६-१ इभकुम्भतुङ्गकठिनेतरेतर- स्तनभारदूरविनिवारितोदराः ।
६०६६-२ परिफुल्लगण्डफलकाः परस्परं परिरेभिरे कुकुरकौरवस्त्रियः ॥

६०६७-१ इभ्या यदि नृपद्वारे संमन्यन्ते किमद्भुतं ।
६०६७-२ इदानीं विबुधद्वारे तेषामेव पुरस्क्रिया ॥

६०६८-१ इमं कनकवर्णाभं भूषणैः समलंकृतं ।
६०६८-२ गृध्रवाक्यात्कथं पुत्रं त्यजध्वं पितृपिण्डदं ॥

६०६९-१ इमं तिलसुमायितं युवतिनासिकासंपुटं विभाव्य सुमनोजनो मनसि मोदमापद्यते ।
६०६९-२ सखे भुजगमुत्फणं सविषफूत्कृताहंकृतं विभावय न तत्स्पृहां कुरु जहीहि तद्दृश्यतां ॥

६०७०-१ इमं परित्यज्य परं रणादरिः स्वमेव भग्नः शरणं बुधाविशत् ।
६०७०-२ न वेत्ति यत्त्रातुमितः कृतस्मयो न दुर्गया शैलभुवापि शक्यते ॥

६०७१-१ इमं लोकं मातृभक्त्या पितृभक्त्या तु मध्यमं ।
६०७१-२ गुरुशुश्रूषया त्वेव ब्रह्मलोकं समश्नुते ॥

६०७२-१ इमां च विन्द्यादनुरक्तचेष्टां प्रियाणि वक्ति स्वधनं ददाति ।
६०७२-२ विलोक्य संहृष्यति वीतरोषा प्रमार्ष्टि दोषान्गुणकीर्तनेन ॥

६०७३-१ इमां परीप्सुर्दुर्जाते पराभिभवकातरां ।
६०७३-२ भर्तृप्रियः प्रियैर्भर्तुरानृण्यमसुभिर्गतः ॥

६०७४-१ इमां विधातुं भुजवल्लिमुज्ज्वलां गृहीतसारं विधिना नतभ्रुवः ।
६०७४-२ कठोरभावप्रियमेव केवलं मृणालमन्तस्तरलं कुतोऽन्यथा ॥

६०७५-१ इमां सागरपर्यन्तां हिमवद्विन्ध्यकुण्डलां ।
६०७५-२ महीमेकातपत्राङ्कां राजसिंहः प्रशास्तु नः ॥

६०७६-१ इमानि प्रायशस्तानि वेश्यास्वेवं प्रदापयेत् ।
६०७६-२ सा मुञ्चत्यचिरात्सर्वं उपभोगं तदात्मनः ॥

६०७७-१ इमा यदि भवन्ति नो गलितयौवना नीरुचस् तदा कमललोचनास्तरुणमानिनीर्मा मुचत् ।
६०७७-२ विलासमदविभ्रमान्भ्रमति लुण्ठयत्री जरा यतो भुवि वधुस्ततो भवति निःस्पृहस्तन्मुखे ॥

६०७८-१ इमा रूपस्थानस्वजनतनयद्रव्यवनिता- सुतालक्ष्मीकीर्तिद्युतिरतिमतिप्रीतिधृतयः ।
६०७८-२ मदान्धस्त्रीनेत्रप्रकृतिचपलाः सर्वभविनां अहो कष्टं मर्त्यस्तदपि विषयान्सेवितुमनाः ॥

६०७९-१ इमास्ताः कस्तूरीप्रखरखुरटङ्कक्षततटास् तटिन्योऽरण्यानीमनु कमलिनीच्छन्नसलिलाः ।
६०७९-२ जले यासां हंसा बिसकिसलयग्रासरसिकाः सलीलं लीयन्ते युवतिगतिविद्यैकगुरवः ॥

६०८०-१ इमास्ता विन्ध्याद्रेः शुकहरितवंशीवनघना भुवः क्रीडालोलद्विरददशनाभुग्नतरवः ।
६०८०-२ लताकुञ्जे यासामुपनदि रतक्लान्तशबरी- कपोलस्वेदाम्भःकणचयनुदो वान्ति मरुतः ॥

६०८१-१ इमा हिन्दोलासु भ्रमितमहसः कुङ्कुमरुचा त्रपारूपाकारास्तरलतरहाराश्चलदृशः ।
६०८१-२ उदञ्चत्काञ्चीनां बहलतरघोषैर्मनसिज- त्रिलोकीसम्राजो दधति जयघण्टालिनिनदं ॥

६०८२-१ इमे तारुण्यश्रीनवपरिमलाः प्रौढसुरत- प्रतापप्रारम्भाः स्मरविजयदानप्रतिभुवः ।
६०८२-२ चिरं चेतश्चौरा अभिनवविकारैकगुरवो विलासव्यापाराः किमपि विजयन्ते मृगदृशां ॥

६०८३-१ इमे पद्मे नाम्भः पुलिनतटमेतन्न तटिनी खमेतन्न व्याप्तिः स्तबकयुगमेतन्न लतिका ।
६०८३-२ प्रवालोऽयं नाब्धिः शिशिरकिरणोऽयं न रजनी घनोऽयं न प्रावृट्शिव शिव विधेः शिल्परचना ॥

६०८४-१ इमे मम धनाङ्गजस्वजनवल्लभादेहजा- सुहृज्जनकमातुलप्रभृतयो भृशं वल्लभाः ।
६०८४-२ मुधेति हतचेतनो भववने चिरं खिद्यते यतो भवति कस्य को जगति वालुकामुष्टिवत् ॥

६०८५-१ इमे हि दैन्येन निमीलितेक्षणा मुहुः स्खलन्तो विवशास्तुरङ्गमाः ।
६०८५-२ गजाश्च सप्तच्छददानगन्धिनो निवेदयन्तीव रणे निवर्तनं ॥

६०८६-१ इमौ रम्भास्तम्भौ द्विरदपतिकुम्भद्वयमिदं तदेतल्लीलाब्जं शरदमृतरश्मिः स्फुटमयं ।
६०८६-२ किमङ्गे तन्वङ्ग्याः कलयति जगत्कान्तमधिकं यदेतस्यां शश्वत्परवशमिवोन्मत्तमिव च ॥

६०८७-१ इयं कलाविलासिनी कलावती समीपगा धृतारविन्दलोचना मनोजशोकमोचना ।
६०८७-२ नवीननीरदच्छटासमानकेशभूषिता न कस्यचिज्जनस्य चित्तवृत्तितापखण्डिता ॥

६०८८-१ इयं कियच्चारुकुचेति पश्यते पयःप्रदाया हृदयं समावृतं ।
६०८८-२ ध्रुवं मनोज्ञा व्यतरद्यदुत्तरं मिषेण भृङ्गारधृतेः करद्वयी ॥

६०८९-१ इयं गेहे लक्ष्मीरियममृतवर्तिर्नयनयोर् असावस्याः स्पर्शो वपुषि बहुलश्चन्दनरसः ।
६०८९-२ अयं बाहुः कण्ठे शिशिरमसृणो मौक्तिकसरः किमस्या न प्रेयो यदि परमसह्यस्तु विरहः ॥

६०९०-१ इयं गौरुद्दामा तव निबिडबन्धापि हि कथं न वैदर्भादन्यत्स्पृशति सुलभत्वेऽपि हि कथं ।
६०९०-२ अवन्ध्या च ख्याता भुवि कथमगम्या कविवृषैः कथं वा पीयूषं स्रवति बहु दुग्धापि बहुभिः ॥

६०९१-१ इयं गौरेका नः क्वचिदपि न संयोजनविधाव् अमुष्याः पश्यामो रसभरमुचं कांचिदपरां ।
६०९१-२ गले बद्धा दध्मो यदि न धृतिरुद्दामविधृतौ भयं गोचोरेभ्यस्तदिह क उपायः प्रभवतु ॥

६०९२-१ इयं घटी मत्तगजेन्द्रगामिनी- विचित्रसिंहासनसंस्थिता सदा ।
६०९२-२ अनेकरामाजनलालिता परं विधेर्वशात्सैव सती प्रजार्थिनी ॥

६०९३-१ इयं चिद्रूपापि प्रकटजडरूपा भगवती यदीयाम्भोबिन्दुर्वितरति हि शंभोरपि पदं ।
६०९३-२ पुनाना धुन्वाना निखिलमपि नानाविधमघं जगत्कृत्स्नं पायादनुदिनमपायात्सुरधुनी ॥

६०९४-१ इयं तावल्लीला यदधिरुरुहे वृद्धवृषभो यदुन्नेहे रुण्डं यदिह चितिभस्मापि लिलिपे ।
६०९४-२ अयं को व्यापारो यदतिलकि भाले हुतवहो यदग्रैवि व्यालो यदकवलि हालाहलमपि ॥

६०९५-१ इयं ते जननी प्राप्ता त्वदालोकनतत्परा ।
६०९५-२ स्नेहप्रस्नवनिर्भिन्नं उद्वहन्ती स्तनद्वयं ॥

६०९६-१ इयं त्रियामा शतयामधारिणी सुधाकरादग्निरुदेति सर्वतः ।
६०९६-२ तनोति तापं मृदुचन्दनानिलो विधौ विरुद्धे हि विपत्पदे पदे ॥

६०९७-१ इयं त्वभिन्नमर्यादैः स्वनुशिष्टैः कृतात्मभिः ।
६०९७-२ सर्वंसहैरुपायज्ञैरमूढैरेव धार्यते ॥

६०९८-१ इयं धत्ते धीरे मलयजसमीरे न च मुदं न पद्मानां वृन्दे ललितमकरन्देऽपि रमते ।
६०९८-२ न वा सा सानन्दा भवति नवकुन्दावलिकुले तदेतस्या बाधाहरमपि समाधानमिह किं ॥

६०९९-१ इयं पल्ली भिल्लैरनुचितसमारम्भरसिकैः समन्तादाकीर्णा विषविषमबाणप्रणयिभिः ।
६०९९-२ तरोरस्य स्कन्धे गमय समयं कीर निभृतं न वाणी कल्याणी तदिह मुखमुद्रैव शरणं ॥

६१००-१ इयं प्रीतिर्वल्लीहृदयभुवि दैवात्समुदिता तथा यत्नाद्रक्ष्या प्रकृतिमृदुलापायबहुला ।
६१००-२ यथा नैनां स्फीतां पिशुनजनदुर्वाक्यदहनो दहत्यन्तः शोषं व्रजति न पुनः सौहृदनिधेः ॥

६१०१-१ इयं बाला नवोद्वाहा सत्यं श्रुत्वा व्यथां व्रजेत् ।
६१०१-२ कामं धीरस्वभावेयं स्त्रीस्वभावस्तु कातरः ॥

६१०२-१ इयं बाला मां प्रत्यनवरतमिन्दीवरदल- प्रभाचौरं चक्षुः क्षिपति किमभिप्रेतमनया ।
६१०२-२ गतो मोहोऽस्माकं स्मरसमरबाणव्यतिकर- ज्वरज्वाला शान्ता तदपि न वराकी विरमति ॥

६१०३-१ इयं बाला वल्ली मृदुकिसलयं तापविलयं घनच्छायं शालं नवमतिविशालं परिगता ।
६१०३-२ परंत्वस्याभ्यन्तर्गरललवभस्मीकृतवनं भुजंगं प्रोत्तुङ्गं कथमिव वराकी कलयतु ॥

६१०४-१ इयं भुजगिनीश्रिता लसदनेकपुष्पान्विता द्विरेफततिसेविता प्रमदखञ्जनालंकृता ।
६१०४-२ फलद्वयभरानता विलसिता नवैः पल्लवैर् विलोचनपथं गता भवति कापि हैमी लता ॥

६१०५-१ इयं मयि प्रोषित एव संगता हिमत्विषाभूत्कृतमण्डना सती ।
६१०५-२ इतीर्ष्ययेव द्रुतमच्छिनद्रुषा विचित्रताराभरणानि भास्करः ॥

६१०६-१ इयं महेन्द्रप्रभृतीनधिश्रियश्चतुर्दिगीशानवमत्य मानिनी ।
६१०६-२ अरूपहार्यं मदनस्य निग्रहाथ्पिनाकपाणिं पतिमाप्तुमिच्छति ॥

६१०७-१ इयं मुखाम्भोरुहसंनिधाने विलम्बिधम्मिल्लततिच्छलेन ।
६१०७-२ समागतां सादरमेव बाला द्विरेफमालामुत वा दधाति ॥

६१०८-१ इयं यशांसि द्विषतः सुधारुचः किमङ्कमेतद्द्विषतः किमाननं ।
६१०८-२ यशोभिरस्याखिललोकधाविभिर् विभीषिता धावति तामसी मसी ॥

६१०९-१ इयं रङ्गप्रवेशेन कलानां चोपशिक्षया ।
६१०९-२ वञ्चनापण्डितत्वेन स्वरनैपुण्यमाश्रिता ॥

६११०-१ इयं विलासद्रुमदोहदश्रीर् इयं सुधा यौवनदुग्धसिन्धोः ।
६११०-२ लावण्यमाणिक्यरुचिच्छटेयं इयं मनःकार्मणचूर्णमुष्टिः ॥

६१११-१ इयं व्याधायते बाला भ्रूरस्याः कार्मुकायते ।
६१११-२ कटाक्षाश्च शरायन्ते मनो मे हरिणायते ॥

६११२-१ इयं सम्ध्या दूरादहमुपगतो हन्त मलयाथ्तदेकां त्वद्गेहे करुणवति नेष्यामि रजनीं ।
६११२-२ समीरेणैवोक्ता नवकुसुमिता चूतलतिका धुनाना मुर्द्धानं नहि नहि नहीत्येव कुरुते ॥

६११३-१ इयं सा कालिन्दी कुवलयदलस्निग्धमधुरा मदान्धव्याकूजत्तरुणजलरंकुप्रणयिनी ।
६११३-२ पुरा यस्यास्तीरे सरभससतृष्णं मुरभिदो गताः प्रायो गोपीनिधुवनविनोदेन दिवसाः ॥

६११४-१ इयं सा लोलाक्षी त्रिभुवनललामैकवसतिः स चायं दुष्टात्मा स्वसुरपकृतं येन मम तत् ।
६११४-२ इतस्तीव्रः कामो गुरुरयमितः क्रोधदहनः कृतो वेषश्चायं कथमिदमिति भ्राम्यति मनः ॥

६११५-१ इयं सुनयना दासीकृततामरसश्रिया ।
६११५-२ आननेनाकलङ्केन जयन्तीन्दुं कलङ्कितं ॥

६११६-१ इयं सुरतरङ्गिणी न पुनरत्र नौसंगमो भवेत्तरणिमज्जनं पथिक नैव पान्थागमः ।
६११६-२ निधाय हृदये सदा विपुलचारुकुम्भद्वयं सखे घनघनागमे घनरसस्य पारं व्रज ॥

६११७-१ इयं सुस्तनी मस्तकन्यस्तकुम्भा कुसुम्भारुणं चारु वासो वसाना ।
६११७-२ समस्तस्य लोकस्य चेतःप्रवृत्तिं गृहीत्वा घटे न्यस्य यातीव भाति ॥

६११८-१ इयं सृष्टा चञ्चत्कनकलतिका पङ्कजभुवा निषिक्ता लावण्यामृतरसभरेणानुदिवसं ।
६११८-२ अकस्माद्र्ॐआलीमधुपपटलीह स्फुरति यथ्ततः शङ्के पुष्पोद्गमसमयमायातमधुना ॥

६११९-१ इयं स्वर्गाधिनाथस्य लक्ष्मीः किं यक्षकन्यका ।
६११९-२ अथवा विपिनस्यैव देवता किमु पार्वति ॥

६१२०-१ इयं हि निद्रा नयनावलम्बिनी ललाटदेशादुपसर्पतीव मां ।
६१२०-२ अदृश्यरूपा चपला जरेव या मनुष्यसत्त्वं परिभूय वर्धते ॥

६१२१-१ इयं हि योनिः प्रथमा यां प्राप्य जगतीपते ।
६१२१-२ आत्मा वै शक्यते त्रातुं कर्मभिः शुभलक्षणैः ॥

६१२२-१ इयं हि लोकव्यतिरेकवर्तिनी स्वभावतः पार्थिवता समुद्धता ।
६१२२-२ बलात्तदेनां विनयेन योजयेन् नयस्य सिद्धौ विनयः पुरःसरः ॥

६१२३-१ इयता वयसा न साधितं यथ्परतः किं नु करिष्यतीति वेधाः ।
६१२३-२ तिलतण्डुलितास्य र्ॐअरेखा- च्छलतः कज्जलचूर्णमालिलिम्प ॥

६१२३-१ इयतीं सुभगावस्थां गतोऽसि यस्याः कृते स्मरातङ्कात् ।
६१२३-२ मूर्च्छां हरामि सा तव गतपुण्या नयनसलिलेन ॥

६१२४-१ इयती जगती कियती भविता नमिताननतामिति याति हयः ।
६१२४-२ वियदङ्गणरिङ्गणरङ्गविधौ परिनर्तितुमुत्क्रमतीव नभः ॥

६१२५-१ इयत्पृथ्वीमात्रं तदनु च नभ्ॐअण्डलमिय- दियान्पातालान्तो जलमपि पृथिव्यामियदिति ।
६१२५-२ इति ज्ञात्वा कूपे विदितविषयो नायमपरः परं मुग्धो भेकः प्रबलतररावं प्रकुरुते ॥

६१२६-१ इयत्यप्येतस्मिन्निरवधिमहत्यध्वनि गुणास् त एवामी द्वित्रा जरठजरठा यान्ति गणनां ।
६१२६-२ अहो ग्राम्यो लोकः स न परममीभिः कृतधृतिः स्मयस्तब्धो यावत्कलयति समग्रं तृणमिदं ॥

६१२७-१ इयत्यां संपत्तावपि च सलिलानां त्वमधुना न तृष्णामार्तानां हरसि यदि कासार सहसा ।
६१२७-२ निदाघे चण्डांशौ किरति परितोऽङ्गारनिकरान् कृशीभूतः केषामहह परिहर्तासि खलु तां ॥

६१२८-१ इयत्यामपि सामग्र्यां सुकृतं न कृतं त्वया ।
६१२८-२ इतीव कुपितो दन्तानन्तकः पातयत्यलं ॥

६१२९-१ इयत्येतस्मिन्वा निरवधिचमत्कृत्यतिशयो वराहो वा राहुः प्रभवति चमत्कारविषयः ।
६१२९-२ महीमेको मग्नां यदयमवहद्दन्तशललैः शिरःशेषः शत्रुं निगिलति परं संत्यजति च ॥

६१३०-१ इयमत्र कयापि दिशा नीतिदृशां दर्शिता पदवी ।
६१३०-२ चाणक्याद्यभिधानाज् ज्ञेयनिधानादथान्यदुन्नेयं ॥

३१३१-१ इयमत्र सतामलौकिकी महती कापि कठोरचित्तता ।
३१३१-२ उपकृत्य भवन्ति दूरतः परतः प्रत्युपकारभीरवः ॥

६१३२-१ इयमप्रतिबोधशायिनीं रशना त्वां प्रथमा रहःसखी ।
६१३२-२ गतिविभ्रमसादनीरवा न शुचा नानुमृतेव लक्ष्यते ॥

६१३३-१ इयमवयवैः पाण्डुक्षामैरलंकृतमण्डना कलितकुसुमा बालेवान्तर्लता परिशोषिणी ।
६१३३-२ वहति च वरारोहा रम्यां विवाहमहोत्सव- श्रियमुदयिनीमुद्गाढां च व्यनक्ति मनोरुजं ॥

६१३४-१ इयमसौ तरलायतलोचना गुरुसमुन्नतपीनपयोधरा ।
६१३४-२ पृथुनितम्बभरालसगामिनी प्रियतमा मम जीवितहारिणी ॥

६१३५-१ इयमानन्दलतिका न ग्रीवा हरिणीदृशः ।
६१३५-२ यतोऽस्यां विलुठन्त्येते मुक्ताः शुद्धगुणान्तराः ॥

६१३६-१ इयमियं मयदानवनन्दिनी त्रिदशनाथजितः प्रसवस्थली ।
६१३६-२ किमपरं दशकंधरगेहिनी त्वयि करोति करद्वययोजनं ॥

६१३७-१ इयमिष्टगुणाय रोचतां रुचिरार्था भवतेऽपि भारती ।
६१३७-२ ननु वक्तृविशेषनिःस्पृहा गुणगृह्या वचने विपश्चितः ॥

६१३८-१ इयमुदरदरी दुरन्तपूरा यदि न भवेदभिमानभङ्गभूमिः ।
६१३८-२ क्षणमपि न सहे भवादृशानां कुटिलकटाक्षनिरीक्षणं नृपाणां ॥

६१३९-१ इयमुद्गतिं हरन्ती नेत्रनिकोचं च विदधती पुरतः ।
६१३९-२ न विजानीमः किं तव वदति सपत्नीव दिननिद्रा ॥

६१४०-१ इयेष सा कर्तुमवन्ध्यरूपतां समाधिमास्थाय तपोभिरात्मनः ।
६१४०-२ अवाप्यते वा कथमन्यथा द्वयं तथाविधं प्रेम पतिश्च तादृशः ॥

६१४१-१ इलातलभराक्रान्तग्रीवं मा शेष वक्रय ।
६१४१-२ त्वयि दुःखिनि चैकस्मिञ्जीवलोकः सदा सुखी ॥

६१४२-१ इलिका भ्रमरीध्यानं ध्यायन्ती भ्रमरी भवेत् ।
६१४२-२ वीतरागपदं ध्यायन्वीतरागो भवेद्ध्रुवं ॥

६१४३-१ इषुत्रयेणैव जगत्त्रयस्य विनिर्जयात्पुष्पमयाशुगेन ।
६१४३-२ शेषा द्विबाणी सफलीकृतेयं प्रियादृगम्भोजपदेऽभिषिच्य ॥

६१४४-१ इष्टं ददाति गृह्णाति कार्यमाख्याति पृच्छति ।
६१४४-२ भुङ्क्ते भोजयते चैव षड्विधं मित्रलक्षणं ॥

६१४५-१ इष्टकचिते समन्ताथ्पुरुषनिखातेऽवटे तरुर्जातः ।
६१४५-२ वामन एव हि धत्ते फलकुसुमं सर्वकालमिति ॥

६१४६-१ इष्टां भार्यां प्रियं मित्रं पुत्रं चापि कनीयसं ।
६१४६-२ रिक्तपाणिर्न पश्येत तथा नैमित्तिकं प्रभुं ॥

६१४७-१ इष्टानि चाप्यपत्यानि द्रव्याणि सुहृदः प्रियाः ।
६१४७-२ आपद्धर्मविमोक्षाय भार्या चापि सतां मतं ॥

६१४८-१ इष्टान्भोगान्हि वो देवा दास्यन्ते यज्ञभाविताः ।
६१४८-२ तैर्दत्तानप्रदायैभ्यो यो भुङ्क्ते स्तेन एव सः ॥

६१४९-१ इष्टापूर्तानि कलयेत्जगत्ख्यातो वसेद्दिवि ।
६१४९-२ अकूपारोक्तवृत्तोऽगादिन्द्रद्युम्नो दिवं पुनः ॥

६१५०-१ इष्टा बालकचेष्टा यौवनदर्पोऽथ वृद्धवैराग्यं ।
६१५०-२ सापि गता सोऽपि गतस् तदपि गतं स्वप्नमायेयं ॥

६१५१-१ इष्टा मखा द्विजवराश्च मयि प्रसन्नाः प्रज्ञापिता भयरसं समदा नरेन्द्राः ।
६१५१-२ एवंविधस्य च न मेऽस्ति मनःप्रहर्षः कन्यापितुर्हि सततं बहु चिन्तनीयं ॥

६१५२-१ इष्टेषु विसृजत्यर्थान्कुबेर इव कामदः ।
६१५२-२ नमस्येयुश्च तं भक्त्या शिष्या इव गुरुं सदा ॥

६१५३-१ इष्टो वा बहुसुकृतोपलालितो वा श्लिष्टो वा व्यसनशताभिरक्षितो वा ।
६१५३-२ दौःशील्याज्जनयति नैव जात्वसाधुर् विस्रम्भं भुजग इवाङ्कमध्यसुप्तः ॥

६१५४-१ इष्ट्वा संग्रामयज्ञेन नानाप्रहरणाम्भसा ।
६१५४-२ अस्मिन्नवभृथे स्नातः कथं पत्न्या मया विना ॥

६१५५-१ इह कपटकुतुकतरलित- दृशि विश्वासं कुरङ्ग किं कुरुषे ।
६१५५-२ तव रभसतरलितेयं व्याधवधूर्वालधौ वलते ॥

६१५६-१ इह किं कुरङ्गशावक केदारे कलममञ्जरीं त्यजसि ।
६१५६-२ तृणबाणस्तृणधन्वा तृणघटितः कपटपुरुषोऽयं ॥

६१५७-१ इह किं प्रतिस्फुरति मे तवाग्रतो नयशास्त्रनीरनिधिपारदृश्वनः ।
६१५७-२ अवलीढविश्वतमसः पुरो रवेर् नहि जातु दीपकशिखा प्रकाशते ॥

६१५८-१ इह खलु विषमः पुरा कृतानां विलसति जन्तुषु कर्मणां विपाकः ।
६१५८-२ हरशिरसि शिरांसि यानि रेजुः शिव शिव तानि लुठन्ति गृध्रपादैः ॥

६१५९-१ इह गमिष्यति वैद्यमतिः श्रमं प्रथममेव पुरस्तु महासुखं ।
६१५९-२ प्रियतमस्य मृगाक्षि समागमे नवकरग्रहणा गृहिणी यथा ॥

६१६०-१ इह गुरुजलभारपूर्णगर्भाः प्रदरदरीभ्रमभूरिभीमवेगाः ।
६१६०-२ तटकटकनियुध्यमानवेणी- द्विगुणमहारवभैरवास्तटिन्यः ॥

६१६१-१ इह चत्वारि दानानि प्रोक्तानि परमर्षिभिः ।
६१६१-२ विचार्य नानाशास्त्राणि शर्मणेऽत्र परत्र च ॥

६१६२-१ भीतेभ्यश्चाभयं देयं व्याधितेभ्यस्तथौषधं ।
६१६२-२ देया विद्यार्थिनां विद्या देयमन्नं क्षुधातुरे ॥

६१६३-१ इह चैव स्त्रियो धन्याः शीलस्य परिरक्षणात् ।
६१६३-२ शीलभङ्गे च नारीणां यमलोकः सुदारुणः ॥

६१६४-१ शीलं रक्ष्यं सदा स्त्रीभिर्दुष्टसंगविवर्जनात् ।
६१६४-२ शीलेन हि परः स्वर्गः स्त्रीणां वैश्य न संशयः ॥

६१६५-१ इह जगति जनस्य कस्य चित्ते न वसति सौख्यविधानमुख्यवार्ता ।
६१६५-२ खलु भवति तदेव तस्य सर्वं भुवनपतिस्तु यदीश्वरः करोति ॥

६१६६-१ इह जगति रतीशप्रक्रियाकौशलिन्यः कति कति न निशीथे सुभ्रुवः संचरन्ति ।
६१६६-२ मम तु विधिहताया जायमानस्मितायाः सहचरि परिपन्थी हन्त दन्तांशुरेव ॥

६१६७-१ इह तव देव निपतता करकमलकुशोदकेन जायन्ते ।
६१६७-२ तत्तद्दूरदरिद्र- द्वारि द्विपदानवारिभिः सरितः ॥

६१६८-१ इह तुरगशतैः प्रयान्तु मूर्खा धनरहिता विबुधाः प्रयान्तु पद्भ्यां ।
६१६८-२ गिरिशिखरगतापि काकपङ्क्तिः पुलिनगतैर्न समत्वमेति हंसैः ॥

६१६९-१ इह दुःखं नृपादिभ्यः परत्र नरकादितः ।
६१६९-२ प्राप्नोति स्तेयतस्तेन स्तेयं त्याज्यं सदा बुधैः ॥

६१७०-१ इह दुःखं लयः प्रोक्तो दुःखं हर्तुं लयः क्षमः ।
६१७०-२ दुःखे शुभे लयो दुःखं दुःखं किं तस्य कथ्यते ॥

६१७२-१ इह धर्मार्थकामानां अवाप्तिफलमिष्यते ।
६१७२-२ तत्रार्थः सह कामेन निरीक्ष्यो धर्मचक्षुषा ॥

६१७२-३ परित्यज्य हि यो धर्मं अर्थमर्थाय पश्यति ।
६१७२-४ कामं वा कामलाभाय न स बुद्धेषु बुद्धिमान् ॥

६१७३-१ इह नगरे प्रतिरथ्यं भुजंगसंबाधरुचिरसंचारे ।
६१७३-२ सुन्दरि मम मतमेतन् नकुलप्रतिपालनं श्रेयः ॥

६१७४-१ इह निचुलनिकुञ्जे मध्यमध्येऽस्य रन्तुर् विजनमजनि शय्या कस्य बालप्रवालैः ।
६१७४-२ इति कथयति वृन्दे योषितां पान्तु युष्मान् स्मितशबलितराधामाधवालोकितानि ॥

६१७५-१ इह निचुलनिकुञ्जे वंशसंभारभाजि स्वपिमि यदि मुहूर्तं पश्यसि क्षेत्रमेतत् ।
६१७५-२ इति पथिकमकस्मान्मार्ग एवोपविष्टं वदति तरुणकान्तं गोपिका साङ्गभङ्गं ॥

६१७६-१ इह निभृतनिपातमूकपादं वलयितकार्मुकवल्लयः किराताः ।
६१७६-२ भवदलसविलोकनानभिज्ञा मृगगृहिणि प्रहरन्ति गच्छ दूरं ॥

६१७७-१ इह निवसति मेरुः शेखरो भूधराणां इह हि निहितभाराः सागराः सप्त चैव ।
६१७७-२ इदमतुलमनन्तं भूतलं भूरिभूतोद्- भवधरणसमर्थं स्थानमस्मद्विधानां ॥

६१७८-१ इह निशि निबिडनिरन्तर- कुचकुम्भद्वितयदत्तहृदयभरा ।
६१७८-२ रमणगुणकृष्यमाणा संतरति तमस्तरङ्गिणीं कापि ॥

६१७९-१ इह परिचिता जात्यन्धानामियं न तवोन्नतिर् गुणपरिचये चक्षुष्मन्तो त्वयातिविडम्बिताः ।
६१७९-२ कृपणवणिजामल्पीकर्तुं गुणांस्तव केवलं मरकत मृषा दोषोद्गारः करिष्यति दुर्यशः ॥

६१८०-१ इह परिमलो यत्र व्यक्तो न तत्र मधुश्रियो मधु समधिकं यस्मिंस्तस्मिन्न गन्धसमृद्धयः ।
६१८०-२ इति मरुवकं निन्दन्कुन्दादपेतकुतूहलः कमलमधिकं स्मारं स्मारं विषीदति षट्पदः ॥

६१८१-१ इह पुरोऽनिलकम्पितविग्रहा मिलति का न वनस्पतिना लता ।
६१८१-२ स्मरसि किं सखि कान्तरतोत्सवं न हि घनागमरीतिरुदाहृता ॥

६१८२-१ इह बहलितमिन्दोर्दीधितीनां प्रभाभिर् मदविकलचकोरीचञ्चुमुद्राङ्किताभिः ।
६१८२-२ रतिभरपरिखेदस्रस्तरार्थं वधूनां करकिसलयलीलाभञ्जनव्यञ्जिकाभिः ॥

६१८३-१ इह भुवि कलयति लघुरपि महतां सङ्गेन कमपि महिमानं ।
६१८३-२ लङ्घयति चन्द्रलीनो नभस्तलं हेलया हरिणः ॥

६१८४-१ इह भोगं यशः प्रीतिं सभासु बहुमान्यतां ।
६१८४-२ दद्यात्परत्र सुगतिं विद्याधनमनुत्तमं ॥

६१८५-१ इह मधुपवधूनां पीतमल्लीमधूनां विलसति कमनीयः काकलीसंप्रदायः ।
६१८५-२ इह नटति सलीलं मञ्जरी वञ्जुलस्य प्रतिपदमुपदिष्टा दक्षिणेनानिलेन ॥

६१८६-१ इह महिषविषाणव्यस्तपाषाणपीठ- स्खलनसुलभरोहिद्गर्भिणीभ्रूणहत्याः ।
६१८६-२ कुहरविहरमाणप्रौढभल्लूकहिक्का- चयचकितकिरातस्रस्तशस्त्रा वनान्ताः ॥

६१८७-१ इह मुहुर्मुदितैः कलभै रवः प्रतिदिशं क्रियते कलभैरवः ।
६१८७-२ स्फुरति चानुवनं चमरीचयः कनकरत्नभुवां च मरीचयः ॥

६१८८-१ इह यत्क्रियते कर्म तत्परत्रोपभुजुयते ।
६१८८-२ सिक्तमूलस्य वृक्षस्य फलं शाखासु दृश्यते ॥

६१८९-१ इह यत्क्रियते कर्म फलं तत्रैव भुज्यते ।
६१८९-२ कर्मभूमिरियं राजन्फलभूमिश्च सा स्मृता ॥

६१९०-१ इह यादववंशकृष्णवर्त्मा- नुगतिः साङ्गतया मयान्वभावि ।
६१९०-२ अधुना तदवाप्तिचेतसे मे मधुराकामधुरापि रोचते किं ॥

६१९१-१ इह रूपमात्रसारे चित्रकृते कमलकह्लारे ।
६१९१-२ न रसो नापि च गन्धो मधुकर बन्धो मुधा भ्रमसि ॥

६१९२-१ इह रे बहला लासे बाला राहुमलीमसा ।
६१९२-२ सालका रसलीला सा तुङ्गालालि कलारत ॥

६१९३-१ इहलोके च पितृभिर्या स्त्री यस्य महामते ।
६१९३-२ अद्भिर्दत्ता स्वर्धर्मेण प्रेत्यभावेऽपि तस्य सा ॥

६१९४-१ इह लोके हि धनिनः परोऽपि स्वजनायते ।
६१९४-२ स्वजनस्तु दरिद्राणां जीवतामेव नश्यति ॥

६१९५-१ इह लोके हि धनिनां परोऽपि स्वजनायते ।
६१९५-२ स्वजनोऽपि दरिद्राणां तत्क्षणाद्दुर्जनायते ॥

६१९६-१ इह लोको हतो न्णां दारिद्र्येण यथा नृप ।
६१९६-२ मनुष्याणां तथा जन्म माघस्नानं विना हतं ॥

६१९७-१ इह वटवृक्षे यक्षः प्रतिवसति दिवापि यत्र भयशङ्का ।
६१९७-२ तस्मिन्नभिनववध्वा नीता वीतोदयाः क्षणदाः ॥

६१९८-१ इह वत्सान्समचारयदिह नः स्वामी जगौ वंशीं ।
६१९८-२ इति सास्रं गदतो मे यमुनातीरे दिनं यायात् ॥

६१९९-१ इह वहति बहुमहोदधि- विभूषणा मानगर्वमियमुर्वी ।
६१९९-२ देवस्य कमठमूर्तेर् न पृष्ठमपि निखिलमाप्नोति ॥

६२००-१ इह वा तारयेद्दुर्गादुत वा प्रेत्य तारयेत् ।
६२००-२ सर्वथा तारयेत्पुत्रः पुत्र इत्युच्यते बुधैः ॥

६२०१-१ इह विकसदशोकास्तोकपुष्पोपकारैर् अयमतिशयरक्तः सक्तसुस्निग्धभावः ।
६२०१-२ त्रिभुवनजयसज्जः प्राज्यसा म्राज्यभाजः प्रथयति पृथुमैत्रीं पुष्पचापस्य चैत्रः ॥

६२०२-१ इह विचरन्ति किरातास् त्वादृक्स्वच्छन्दतानिहन्तारः ।
६२०२-२ तदमीषां गानादौ मा धाः श्रवणे कुरङ्गशाव त्वं ॥

६२०३-१ इह विजयिनि वंशे कीर्तिधाराकलाप- स्नपितसकललोकः श्रीयशोविग्रहोऽभूत् ।
६२०३-२ जलघट इव युद्धोत्तालभूपालदर्प- ज्वलनशमनलीलाकोविदः कोऽपि वीरः ॥

६२०४-१ इह विधिविषमः पुराकृतानां भवति हि जन्तुषु कर्मणां विपाकः ।
६२०४-२ क्व जनकतनया क्व रामरामा क्व च दशकन्धरमन्दिरे निवासः ॥

६२०५-१ इह विरचयन्साध्वीं शिष्यः क्रियां न निवार्यते त्यजति तु यदा मार्गं मोहात्तदा गुरुरङ्कुशः ।
६२०५-२ विनयरुचयस्तस्मात्सन्तः सदैव निरङ्कुशाः परतरमतः स्वातन्त्र्येभ्यो वयं हि पराङ्मुखाः ॥

६२०६-१ इह विश्वम्भरापीडे चन्दनं कस्य न प्रियं ।
६२०६-२ अनुस्वारं विलिप्यापि ओकारस्य प्रयोजनात् ॥

६२०७-१ इह वैकस्य नामुत्र अमुत्रैकस्य नो इह ।
६२०७-२ इह चामुत्र वैकस्य नामुत्रैकस्य नो इह ॥

६२०८-१ इह व्याधव्यूहः पटुघटितयन्त्रप्रहरणो मृगेन्द्राणां वल्गत्प्रखरनखराणां कुलमिह ।
६२०८-२ इहालङ्घ्यः शैलो बहलतरपङ्का सरिदिह प्रदीप्तोऽग्निर्मध्येवनमहह कष्टं करिपतेः ॥

६२०९-१ इह शय्यागतेनापि बन्धुमध्यस्थितेन वा ।
६२०९-२ मयैवैकेन सोढव्या मर्मच्छेदादिवेदना ॥

६२१०-१ इह शिखरकरालक्षोणिभिद्गण्डशैल- स्खलनदलनगर्जत्फेनिलो बुद्बुदौघः ।
६२१०-२ पवनधृतशिरीषश्रेणिरेणुप्रणाली- सुरभिसलिलदृप्ता द्वीपवत्यो वहन्ति ॥

६२११-१ इह शिष्टानुशिष्टानां शिष्टानामपि सर्वथा ।
६२११-२ वाचामेव प्रसादेन लोकयात्रा प्रवर्तते ॥

६२१२-१ इह संतमसे घनागमे सुखितं भानवमैन्दवं वपुः ।
६२१२-२ तडिदुज्ज्वलदीपलेखया हरितोऽमूः परितो विचिन्वति ॥

६२१३-१ इह समदशकुन्ताक्रान्तवानीरवीरुत्- प्रसवसुरभिशीतस्वच्छतोया वहन्ति ।
६२१३-२ फलभरपरिणामश्यामजम्बूनिकुञ्ज- स्खलनमुखरभूरिस्रोतसो निर्झरिण्यः ॥

६२१४-१ इह सरसि सलीलं चारुपत्रे विधुन्वन् दरतरलिततिर्यक्चञ्चुकण्डूयिताङ्गः ।
६२१४-२ अनुसरति सरागः प्रेयसीमग्रयातां अनुपदसमुदञ्चत्कण्ठनालो मरालः ॥

६२१५-१ इह सरसि सहर्षं मञ्जुगुञ्जाभिरामं मधुकर कुरु केलिं सार्धमम्भोजिनीभिः ।
६२१५-२ अनुपममकरन्दामोददत्तप्रमोदा त्यजति बत न निद्रां मालती यावदेषा ॥

६२१६-१ इह सर्वस्वफलिनः कुलपुत्रमहाद्रुमाः ।
६२१६-२ निष्फलत्वमलं यान्ति वेश्याविहगभक्षिताः ॥

६२१७-१ इह सामान्यानुगमं समुपदिशन्तः स्थलेष्वनेकेषु ।
६२१७-२ लिङ्गपरामर्शपरा नवीननैयायिका यान्ति ॥

६२१८-१ इह स्फुटं तिष्ठति नाथ कण्टकः शनैः शनैः कर्ष नखाग्रलीलया ।
६२१८-२ इति च्छलात्काचिदलग्नकण्टकं पदं तदुत्सङ्गतले न्यवेशयत् ॥

६२१९-१ इह हि नववसन्ते मञ्जरीपुञ्जरेणु- च्छुरणधवलदेहा बद्धहेलं सरन्ति ।
६२१९-२ तरलमलिसमूहा हारिहुंकारकण्ठा बहुलपरिमलालीसुन्दरं सिन्दुवारं ॥

६२२०-१ इह हि मधुरगीतं रूपमेतद्रसोऽयं स्फुरति परिमलोऽसौ स्पर्श एष स्तनानां ।
६२२०-२ इति हृतपरमार्थैरिद्रियैर्भ्राम्यमाणः स्वहितकरणधूर्तैः पञ्चभिर्वञ्चितोऽस्मि ॥

६२२१-१ इहानेके सत्यं वृषमहिषमेषाः सुतुरगा गृहाणि क्षुद्राणां कतिपयतृणैरेव सुखिनः ।
६२२१-२ गजानामास्थानं मदसलिलजम्बालितभुवां तदेको विन्ध्याद्रेर्विपिनमथवा भूपसदनं ॥

६२२२-१ इहानेके सन्तः सततमुपकारिण्युपकृतिं कृतज्ञाः कुर्वन्तो जगति निवसन्तोऽपि सुधियः ।
६२२२-२ कियन्तस्ते सन्तः सुकृतपरिपाकप्रणयिनो विना स्वार्थं येषां भवति परकृत्यव्यसनिता ॥

६२२३-१ इहाविशद्येन पथातिवक्रः शास्त्रौघनिष्यन्दसुधाप्रवाहः ।
६२२३-२ सोऽस्याः श्रवःपत्रयुगे प्रणाली- रेखेव धावत्यभिकर्णकूपं ॥

६२२४-१ इहैकश्चूडालोऽभ्यजनि कलशाद्यस्य सकलैः पिपासोरम्भोभिश्चुलुकमपि नो भर्तुमशकः ।
६२२४-२ स्वमाहात्म्यश्लाघागुरुगहनगर्जाभिरमितः कुषित्वा क्लिश्नासि श्रुतिकुहरमब्धे किमिति नः ॥

६२२५-१ इहैव नरकव्याधेश्चिकित्सां न करोति यः ।
६२२५-२ गत्वा निरौषधस्थानं स रोगी किं करिष्यति ॥

६२२६-१ इहैव भुवने जातं सत्त्वसंस्थापनं क्षमं ।
६२२६-२ गृह्यते किमपि स्वस्थैरन्यत्किमपि जिह्मगैः ॥

६२२७-१ इहोद्याने सम्प्रत्यहह परिशिष्टाः क्रमवशादमी वल्मीकास्ते भुजगकुललीलावसतयः ।
६२२७-२ गतास्ते विस्तीर्णस्तबकभरसौरभ्यलहरी- परीतव्य्ॐआनः प्रकृतिगुरवः केऽपि तरवः ॥

६२२८-१ इहोपपत्तिर्मम केन कर्मणा क्व वा प्रयातव्यमितो भवेदिति ।
६२२८-२ विचारणा यस्य न विद्यते स्मृतौ कथं स धर्मप्रवणो भविष्यति ॥

६२२९-१ ईक्षणध्यानसंस्पर्शैर्मत्स्यकूर्मविहङ्गमाः ।
६२२९-२ पोषयन्ति स्वकान्पुत्रान्तद्वत्पण्डितवृत्तयः ॥

६२३०-१ ईक्षितोपदिशतीव नर्तितुं तत्क्षणोदितमुदं मनोभुवं ।
६२३०-२ कान्तदन्तपरिपीडिताधरा पाणिधूननमियं वितन्वती ॥

६२३१-१ ईदृशं कारयेन्न्यासं येन श्रेयो भविष्यति ।
६२३१-२ अन्येऽपि दुष्टमन्त्रेण न हिंसन्ति कदाचन ॥

६२३२-१ ईदृशं निगदति प्रिये दृशं संमदात्कियदियं न्यमीलयत् ।
६२३२-२ प्रातरालपति कोकिले कलं जागरादिव निशः कुमुद्वती ॥

६२३३-१ ईदृशं व्यसनं प्राप्तं भ्रातरं यः परित्यजेत् ।
६२३३-२ को नाम स भवेत्तस्य यमेष न परित्यजेत् ॥

६२३४-१ ईदृशस्य भवतः कथमेतल् लाघवं मुहुरतीव रतेषु ।
६२३४-२ क्षिप्तमायतमदर्शयदुर्व्यां काञ्चिदाम जघनस्य महत्त्वं ॥

६२३५-१ ईदृशे व्यवहाराग्नौ मन्त्रिभिः परिपातिताः ।
६२३५-२ स्थाने खलु महीपाला गच्छन्ति कृपणां दशां ॥

६२३६-१ ईदृशैः श्वेतकाकीयै राज्ञः शासनदूषकैः ।
६२३६-२ अपापानां सहस्राणि हन्यन्ते च हतानि च ॥

६२३७-१ ईप्सितं मनसः सर्वं कस्य संपद्यते सुखं ।
६२३७-२ दैवायत्तं यतः सर्वं तस्मात्संतोषमाश्रयेत् ॥

६२३८-१ ईर्ष्यया रक्षतो नारीर्धिक्कुलस्थितिदाम्भिकान् ।
६२३८-२ स्मरान्धत्वाविशेषेऽपि तथा नरमरक्षतः ॥

६२३९-१ ईर्ष्ययैव समुद्विग्नाः पुरुषाद्दुष्टचेतसः ।
६२३९-२ अतिसक्ताः पलायन्ते श्रीधृतिस्मृतिकीर्तयः ॥

६२४०-१ ईर्ष्या कलहमूलं स्यात्क्षमा मूलं हि संपदां ।
६२४०-२ ईर्ष्यादोषाद्विप्रशापं अवाप जनमेजयः ॥

६२४१-१ ईर्ष्या कुलस्त्रीषु न नायकस्य निःशङ्ककेलिर्न पराङ्गनासु ।
६२४१-२ वेश्यासु चैतद्द्वितयं प्ररूढं सर्वस्वमेतास्तदहो स्मरस्य ॥

६२४२-१ ईर्ष्याद्हि कुप्यते वेश्या प्रसङ्गाच्च विरज्यते ।
६२४२-२ स्तब्धातिगमनाच्चापि दानादपि विलुप्यते ॥

६२४३-१ ईर्ष्याप्रस्फुरिताधरोष्ठरुचिरं वक्त्रं न मे दर्शितं साधिक्षेपपदा मनागपि गिरो न श्राविता मुग्धया ।
६२४३-२ मद्दोषैः सरसैः प्रतापितमनोवृत्त्यापि कोपोऽनया काञ्च्या गाढतरावबद्धवसनग्रन्थ्या समावेदितः ॥

६२४४-१ ईर्ष्याभयक्रोधसमन्वितेन लुब्धेन रुग्दैन्यनिपीडितेन ।
६२४४-२ विद्वेषयुक्तेन च सेव्यमानं अन्नं न सम्यक्परिपाकमेति ॥

६२४५-१ … … … … … … ॥

६२४५-२ ईर्ष्यामलं खलेष्वास्ते विषमाशीविषेष्विव ॥

६२४६-१ ईर्ष्यारोषज्वलितो निजपतिसङ्गं विचिन्तयंस्तस्याः ।
६२४६-२ च्युतवसनजघनभावन- सान्द्रानन्देन निर्वामि ॥

६२४७-१ ईर्ष्या लोभो मदः प्रीतिः क्रोधो भीतिश्च साहसं ।
६२४७-२ प्रवृत्तिच्छिद्रहेतूनि कार्ये सप्त बुधा जगुः ॥

६२४८-१ ईर्ष्यी घृणी त्वसंतुष्टः क्रोधनो नित्यशङ्कितः ।
६२४८-२ परभाग्योपजीवी च षडेते नित्यदुःखिताः ॥

६२४९-१ ईशः करस्थीकृतकाञ्चनाद्रिः कुबेरमित्रं रजताचलस्थः ।
६२४९-२ तथापि भिक्षाटनमस्य जातं विधौ शिरःस्थे कुटिले कुतः श्रीः ॥

६२५०-१ ईशानोत्थैः शकुनैश्चोरा ग्रामं प्रविश्य न लभन्ते ।
६२५०-२ न च रोगार्तो जीवति स्वस्थोऽप्यस्वास्थ्यमाप्नोति ॥

६२५१-१ ईशानोत्थैः शकुनैर् विशेषतः शूरमण्डलाक्रान्तैः ।
६२५१-२ रिपुवेष्टित इव दूरं त्यक्त्वा स्थानं पलायेत ॥

६२५२-१ ईशे पदप्रणयभाजि मुहूर्तमात्रं प्राणप्रियेऽपि कुरु मानिनि मा प्रसादं ।
६२५२-२ जानातु मत्पतिरसौ पदयोर्नतानां अस्मादृशामपि मनोरथभङ्गदुःखं ॥

६२५३-१ ईशो दण्डस्य वरुणो राज्ञां दण्डधरो हि सः ।
६२५३-२ ईशः सर्वस्य जगतो ब्राह्मणो वेदपारगः ॥

६२५४-१ ईशो दुरत्ययः काल इति सत्यवती श्रुतिः ।
६२५४-२ वृद्धानामपि यद्बुद्धिर्बालवाक्यैर्विभिद्यते ॥

६२५५-१ ईश्वरः स जगत्पूज्यः स वाग्मी चतुराननः ।
६२५५-२ यस्यास्ति द्रविणं लोके स एव पुरुषोत्तमः ॥

६२५६-१ स एवाहृदयो राहुरलसः स शनैश्चरः ।
६२५६-२ वक्रः कुजन्मा सततं वित्तं यस्य न विद्यते ॥

६२५७-१ ईश्वरः सर्वभूतानां हृद्देशेऽर्जुन तिष्ठति ।
६२५७-२ भ्रामयन्सर्वभूतानि यन्त्रारूढानि मायया ॥

६२५८-१ ईश्वरगृहमिदमत्र हि विषं च वृषभश्च भस्म चाद्रियते ।
६२५८-२ यस्तु न विषं न वृषभो न भस्म तस्यात्र का गणना ॥

६२५९-१ ईश्वरपरिग्रहोचित- मोहोऽस्यां मधुप किं मुधा पतसि ।
६२५९-२ कनकाभिधानसारा वीतरसा कितवकलिकेयं ॥

६२६०-१ ईश्वरमाराधयतो विगलितमानस्य लब्धमैश्वर्यं ।
६२६०-२ स्फुटमेव भवति लघिमा गरिमापि कथं न जानीमः ॥

६२६१-१ ईश्वरसेवा सुलभ- न्यक्कारा दुर्लभोत्कर्षा ।
६२६१-२ चिरपरिचर्या विफला निर्माल्या निष्क्रमोऽपि निरयाय ॥

६२६२-१ ईश्वरस्य जगत्कृत्स्नं सृष्टिमाकुलयन्निमां ।
६२६२-२ अस्ति योऽस्त्रीकृतस्त्रीकस्तस्य वैरं स्मरन्निव ॥

६२६३-१ ईश्वराः पिशुनाञ्शश्वद्बिभ्रतीति किमद्भुतं ।
६२६३-२ प्रायो निधय एवाहीन्द्विजिह्वान्दधतेतरां ॥

६२६४-१ ईश्वराणां वचः सत्यं तथैवाचरितं क्वचित् ।
६२६४-२ तेषां यत्स्ववचोयुक्तं बुद्धिमांस्तत्समाचरेत् ॥

६२६५-१ ईश्वराणामिदं तन्त्रं प्रायेणौत्सुक्यमावहेत् ।
६२६५-२ यतस्तिरश्चां चरितैर्नीतिमार्गः प्रदर्श्यते ॥

६२६६-१ ईश्वरात्समभूद्रुद्रो ज्योतिर्मय उमापतिः ।
६२६६-२ रुद्राद्विष्णुरभूदाद्यस्त्रैलोक्यपरिपालकः ॥

६२६७-१ ईश्वरानुगृहीतो हि कश्चिद्बालोऽपि शाम्यति ।
६२६७-२ वृद्धोऽपि न शमं याति कश्चित्कापुरुषः पुनः ॥

६२६८-१ ईश्वरा भूरिदानेन यल्लभन्ते फलं किल ।
६२६८-२ दरिद्रस्तच्च काकिण्या प्राप्नुयादिति न श्रुतिः ॥

६२६९-१ ईश्वरेण समं प्रीतिर्न मे लक्ष्मण रोचते ।
६२६९-२ गतस्य गौरवं नास्ति आगतस्य धनक्षयः ॥

६२७०-१ ईश्वरोक्ताद्धनुर्वेदाद्व्यासस्यापि सुभाषितात् ।
६२७०-२ पदान्याकृष्य रचितो ग्रन्थः संक्षेपतो मया ॥

६२७१-१ ईषत्कम्पपयोधरं गुरुकटीप्रौढप्रहाराद्भुतं स्विद्यद्भालमनेकहास्यसरसं संकथ्यपादव्यथं ।
६२७१-२ वारंवारमुरःप्रपातसुभगं संदश्यमानाधरं किंचिद्दत्तनितम्बदेशनखरं धन्यो रतं सेवते ॥

६२७२-१ ईषत्तुषारैः कृतशीतहर्म्यः सुवासितं चारुशिरः सचम्पकैः ।
६२७२-२ कुर्वन्ति नार्योऽपि वसन्तकाले स्तनं सहारं कुसुमैर्मनोहरैः ॥

६२७३-१ ईषत्प्रकटितो मन्दस्तीक्ष्णस्तु पुलकादिभिः ।
६२७३-२ स तु तीक्ष्णतरः श्वासशोषितावयवोऽत्र यः ॥

६२७४-१ ईषदवशिष्टजडिमा शिशिरे गतमात्र एव चिरमङ्गैः ।
६२७४-२ नवयौवनेव तन्वी निषेव्यते निर्भरं वापी ॥

६२७५-१ ईषदायच्छमानोऽपि सिंहो मत्तानपि द्विपान् ।
६२७५-२ निहन्ति बलवांस्तस्मात्संधेयः शिवमिच्छता ॥

६२७६-१ ईषद्वक्रितपक्ष्मपङ्क्तिभिरनाकूतस्मितैर्वीक्षितैः एतैरेव तवाद्य सुन्दरि करक्रोडे जगद्वर्तते ।
६२७६-२ अन्तः पांसुलहेमकेतकिदलद्रोणीदुरापश्रियो दोर्मूलस्य निवेदनादिह पुनः क्रूरे किमाकाङ्क्षसि ॥

६२७७-१ ईषन्नासानिकोचः खरमुखरसुखप्रेक्षणं हासलेशः स्वाबोधादप्रसादध्वननमसदवद्योक्तिहेलावहेला ।
६२७७-२ मौनव्यासङ्गवार्तान्तरपररुचिरश्लोकपाठाद यस्ते सोढव्याः के कियन्तः शिव शिव कविते कुच्छला मत्सराणां ॥

६२७८-१ ईषन्मीलितदृष्टि मुग्धविलसत्सीत्कारधारावशादव्यक्ताकुलकेलिकाकुविकसद्दन्तांशुधौताधरं ।
६२७८-२ शान्तस्तब्धपयोधरं भृशपरिष्वङ्गात्कुरङ्गीदृशो हर्षोत्कर्षविमुक्तनिःसहतनोर्धन्यो धयत्याननं ॥

६२७९-१ ईषन्मीलितलोचना श्लथसमस्ताङ्गा श्रमोद्वेजिता निश्वासप्रथमा विरत्नरसना संत्यक्तकण्ठस्वना ।
६२७९-२ प्रोद्यत्कामजला कलासु कुशला निर्लज्जया कामिनी कान्ता कालवशात्प्रियस्य वशगा जाता रतान्ते क्षणं ॥

६२८०-१ ईषन्मीलितलोललोचनयुगं व्यावर्तितभ्रूयुगं संदष्टाधरवेदनाप्रणयिनं मा मेति मन्दाक्षरं ।
६२८०-२ तन्वङ्ग्याः सुरतावसानसमये दृष्टं मया यन्मुखं स्वेदार्द्रीकृतपाण्डुगण्डयुगलं तत्केन विस्मर्यते ॥

६२८१-१ ईषल्लब्धप्रवेशोऽपि स्नेहविच्छेदकारकः ।
६२८१-२ कृतक्षोभो नरीनर्ति खलो मन्थानदण्डवत् ॥

६२८२-१ ईषल्ल्ॐअशभावभाञ्जि कपिशश्यामानुबन्धच्छवी- लिप्तत्वञ्चि चकोरकीरहरितोन्मेषीणि माषीलताः ।
६२८२-२ एतास्तर्कय बालवानरवधूहस्ताङ्गुलीलब्ध्रिम- स्पर्धावन्ति फलानि बिभ्रति परीणामाभिरामश्रियः ॥

६२८३-१ ईहमानः समारम्भान्यदि नासादयेद्धनं ।
६२८३-२ उग्रं तपः समारोहेन्न ह्यनुप्तं प्ररोहति ॥

६२८४-१ दानेन भोगी भवति मेधावी वृद्धसेवया ।
६२८४-२ अहिंसया च दीर्घायुरिति प्राहुर्मनीषिणः ॥

६२८५-१ ईहा धनस्य न सुखा लब्ध्वा चिन्ता च भूयसी ।
६२८५-२ लभ्दनाशो यथा मृत्युर्लभ्दं भवति वा न वा ॥

६२८६-१ उक्तं च वक्ष्यमानं च भर्त्सनं तिर्यगीक्षणं ।
६२८६-२ क्वचिद्यथार्थकथनं व्याख्या तन्त्रस्य षड्विधाः ॥

६२८७-१ उक्तं दुर्वचनं मया न सुभगे हास्येऽपि दुःखप्रदं त्यक्त्वा त्वामपि भाषितैरपि मया नान्या गना लालिता ।
६२८७-२ त्वामेकामनवद्यभूषणभरैः संभावयामि त्वया हे निष्कारणकोपने वद कृतः कोपः किमर्थं मयि ॥

६२८८-१ उक्तं परस्यामिषतां अनुक्तं यात्यदृश्यतां ।
६२८८-२ हृदये शल्यतां धत्ते निधने धनिनां धनं ॥

६२८९-१ उक्तं यत्कृपणं वचो विरचितो भूयान्वसूनां व्ययः सोढाः किं च वियोगवज्रततयो दूती मुहुः प्रेषिता ।
६२८९-२ बद्धोऽयं प्रणयाञ्जलिर्विनिहिते बाष्पाम्बुधौते दृशौ निष्पीयाधरपल्लवं मृगदृशः सर्वे सखे विस्मृतं ॥

६२९०-१ उक्तस्(उत्तस्) ते रुधिरेणाहं स्पृष्टं ते मस्तकं मया ।
६२९०-२ इत्येताञ्शपथान्कृत्वा सा वै गम्या पुनः पुनः ॥

६२९१-१ उक्ता गच्छति लज्जिता विरमति प्रेम्णा मनागिक्षते केशांल्लुञ्चति जृम्भणं रचयति प्रस्तौति गाथां मुहुः ।
६२९१-२ आलि गत्यपरां विरौति परुषं चुम्बत्यसौ बालकं गात्रं भञ्जति जृम्भते विहसति प्रत्युत्तरं याचते ॥

६२९२-१ दोर्मूलं खलु दर्शयेत्स्तनयुगे वस्त्रं समालम्बते अ गुष्ठेन लिखेन्महीं स्मितमुखी व्रीडां विधत्ते मृषा ।
६२९२-२ दन्तेनाधरपल्लवं विदशति व्यक्तं तथा भाषते भावैरेभिरिह स्फुटं मृगदृशां ज्ञेयोऽभिलाषः सदा ॥

६२९३-१ उक्ता ब्रवीषि सुरतं न मया निशायास् त्वं दौष्टवेन गजगामिनि लज्जया वा ।
६२९३-२ ताम्बूलकज्जलकुचामयचिह्नचित्रं तत्संनिवेदयति मां रमणोत्तरीयं ॥

६२९४-१ उक्तिर्नान्या स्फुरति नियतं ध्यानमन्यन्न चास्ते पश्यत्यन्यं न खलु नयनं न श्रवोऽपि शृणोति ।
६२९४-२ श्यामं श्यामं पथिषु चकितं रीतिरेतादृशी नो वृन्दारण्ये चिरपरिचिताः के न जीवन्ति नार्यः ॥

६२९५-१ उक्तेन बहुना किं वा किं कृतैः शपथैर्घनैः ।
६२९५-२ वदामि सत्यमेवैतत्त्वमेव मम मानसे ॥

६२९६-१ उक्त्वानृतं भवेद्यत्र प्राणिनां प्राण्रक्षणं ।
६२९६-२ अनृतं तत्र सत्यं स्यात्सत्यमप्यनृतं भवेत् ॥

६२९७-१ कामिनीषु विवाहेषु गवां मुक्तौ तथैव च ।
६२९७-२ ब्राह्मणानां विपत्तौ च शपथैर्नास्ति पातकं ॥

६२९८-१ उग्रग्राहमुदन्वतो जलमतिक्रामत्यनालम्बने व्य्ॐनि भ्राम्यति दुर्गमं क्षितिभृतां प्राग्भारमारोहति ।
६२९८-२ कीर्णं याति विषाकुलैरहिकुलैः पातालमेकाकिनी कीर्तिस्ते नयनाभिराम कृतकं मन्ये भयं योषितां ॥

६२९९-१ उग्रत्वं च मृदुत्वं च समयं वीक्ष्य संश्रयेत् ।
६२९९-२ अन्धकारमसंहृत्य नोग्रो भवति भास्करः ॥

६३००-१ उग्ररूपं कुचद्वन्द्वं हारग गाधरं तव ।
६३००-२ चन्द्रचूडं करिष्यामि कुरु तावद्दिगम्बरं ॥

६३०१-१ उग्राभिष गमनुष गि परस्य दुःखं हन्ताश्लथं व्यथयति प्रसभार्द्रभावं ।
६३०१-२ बद्धः सरोजकुहरे विरहार्तनादैश्चक्राभिधस्य मधुपोऽधिकमेति दैन्यं ॥

६३०२-१ उग्रावग्राहमग्ना कुशधुवनधुताधोरणास्फालिता गैः प्रत्यग्रोद्दण्डशुण्डोड्डमरणसमरत्रस्तदि ना गचक्रैः ।
६३०२-२ आलोक्यालोक्य शैलानुरुचरणरणच्छृ खलाघट्टयद्भिर् यस्याशाभित्तिजेतुर्मदकलकरिभिः क्वापि न प्रापि र गः ॥

६३०३-१ उग्रैः शापैरुपहतिभिया रक्षसा दूरमुक्ताः दग्धुं योग्या हुतवहमपि त्वत्प्रियावर्णशुद्धाः ।
६३०३-२ उत्पश्यन्त्यो जनकतनयातेजसैव स्वरक्षां रोधं यस्यामनुविदधते लोकपालावरोधाः ॥

६३०४-१ उचितं गोपनमनयोः कुचयोः कनकाद्रिकान्तितस्करयोः ।
६३०४-२ अवधीरितविधुमण्डल- मुखमण्डलगोपनं किमिति ॥

६३०५-१ उचितं नाम नार ग्यां केतक्यामपि कण्टकाः ।
६३०५-२ रसगन्धोज्झिते किं ते कण्टकाः कण्टकारिके ॥

६३०६-१ उचितं बन्धनमनयोः कुचयुगयोः केवलं तन्वि ।
६३०६-२ युवजनमानसहाटक- चौरविधौ पश्यतोहरयोः ॥

६३०७-१ उचितः प्रणयो वरं विहन्तं बहवः खण्डनहेतवो हि दृष्टाः ।
६३०७-२ उपचारविधिर्मनस्विनीनां न तु पूर्वाभ्यधिकोऽपि भावशून्यः ॥

६३०८-१ उचितकर्म तनोति न संपदां इतरदप्यसदेव विवेकिनां ।
६३०८-२ इति निरस्तसमस्तसुखान्वयः कथमतो न विषीदतु पण्डितः ॥

६३०९-१ उचितगुणोत्क्षिप्ता अपि पुरतोऽपि निवेशिते सुवर्णलवे ।
६३०९-२ झगिति पतन्ति मुखेन प्रकटप्रमदा यथा च तुलाः ॥

६३०९आ-१ उचितव्ययशीलस्य कृशत्वमपि शोभते ।
६३०९आ-२ द्वितीयश्चन्द्रमा वन्द्यो न वन्द्यः पूर्णचन्द्रमाः ॥

६३१०-१ उचितामुपास्य रुचितां अभिधेहि गिरं निरन्तरावहितः ।
६३१०-२ अप्यायतिमति पुरुषे प्रभुणा कलुषेण भूयते कथिते ॥

६३११-१ उचितेन विचारेण चारुतां यान्ति सूक्तयः ।
६३११-२ वेद्यतत्त्वावबोधेन विद्या इव मनीषिणां ॥

६३१२-१ उच्चं प्रदेशं भषणोऽधिरुह्य भषत्यभीक्ष्णं रविमीक्षमाणः ।
६३१२-२ यदा तदानीमचिरेण वृष्टिर् अम्भोदमुक्ता भवति प्रभूता ॥

६३१३-१ उच्चः सत्फलदो यथायमहमप्येतादृगेतावता स्पर्धां मन्द मदोद्धतः स्वजनकेनार्केण मा मा कृथाः ।
६३१३-२ दूरादेव भवादृशोऽस्य महसा ध्वस्ताः समस्ताः स्वयं नैवेच्छत्ययमत्ययं गुणिसखः कस्यापि तेजोनिधिः ॥

६३१४-१ उच्चकुचकुम्भनिहितो हृदयं चालयति जघनलग्नाग्रः ।
६३१४-२ अतिनिम्नमध्यसंक्रम- दारुनिभस्तरुणि तव हारः ॥

६३१५-१ उच्चात्प्रदेशादवतीर्य निम्नं यो याति वामोऽथ सुखप्रदोऽसौ ।
६३१५-२ निम्नप्रदेशात्पुनरुच्चदेशं यक्षो व्रजन्दक्षिणगोऽपि शस्तः ॥

६३१६-१ उच्चारणज्ञोऽथ गिरां दधानं उच्चा रणत्पक्षिगणास्तटीस्तं ।
६३१६-२ उत्कं धरं द्रष्टुमवेक्ष्य शौरिं उत्कं धरं दारुक इत्युवाच ॥

६३१६आ-१ उच्चारूढैर्नरैरात्मा रक्षणीयोऽतियत्नतः ।
६३१६आ-२ दूरारोहपरिभ्रंशविनिपातः सुदुःसहः ॥

६३१७-१ उच्चावचं जगद्दौःस्थ्यं एक एव निषेधति ।
६३१७-२ प्रविष्टमात्रो नृपतिः प्रपञ्चमिव नः श्रुतिः ॥

६३१८-१ उच्चावचं न कुरुत स्वनितं पत गास् तूर्णं मुखानि पशवो मुकुलीकुरुध्वं ।
६३१८-२ कर्णं प्रदाय रसिकाः कलयन्तु हर्षं तारं तनोति रणितं तरुणः पिकोऽयं ॥

६३१९-१ उच्चावचकरान्याय्याः पूर्वराज्ञां युधिष्ठिर ।
६३१९-२ यथा यथा न हीयेरंस्तथा कुर्यान्महीमतिः ॥

६३२०-१ उच्चावचानि जननानि भवन्ति यावथ्कर्माणि तावदखिलानि लयं न यान्ति ।
६३२०-२ तत्कर्ममूलहननाय यतध्वमार्या यावच्छिरो न विरमेज्जलबन्धरोगः ॥

६३२१-१ उच्चासनगतो नीचः नीच एव न चोत्तमः ।
६३२१-२ प्रसादशिखरस्थोऽपि काकः किं गरुडायते ॥

६३२२-१ उच्चित्यं प्रथममधः स्थितं मृगाक्षी पुष्पौघं श्रितविटपं ग्रहीतुकामा ।
६३२२-२ आरोढुं चरणमदादशोकयष्टेर् आमूलं पुनरपि तेन पुष्पितोऽसौ ॥

६३२३-१ उच्चीकृतग्रीवमहो मुधैव किं याचसे चातकपोत मेघं ।
६३२३-२ अत्यूर्ज्जितं गर्ज्जितमात्रमस्मिन्न् अम्भोधरे बिन्दुलवस्तु दूरे ॥

६३२४-१ उच्चीयन्ते स्म वेश्मन्यशनविरहिते यत्नतः श्रोत्रियाणां यत्र श्यामाकबीजान्यपि चटकवधूचञ्चुकोटिच्युतानि ।
६३२४-२ यस्मिन्दातर्यकस्माच्चटुलवटुकराकृष्टमुक्तावचूल- भ्रष्टास्तत्रैव दृष्टा युवतिभिरलसं घूर्णिता मुक्तिकौघाः ॥

६३२५-१ उच्चैः कल्याणवाही करजितवसुधः सर्वदा पूर्णकामो विख्यातः कर्णवृत्त्या न च वचसि कटुश्चित्रपाकानुभावी ।
६३२५-२ कोषापेक्षी परस्मादुचितबहुकथस्तत्परः पुण्यलोके चित्रं राजाधिराज त्वमिव तव रिपुस्तत्र कम्पं प्रतीमः ॥

६३२६-१ उच्चैः कुम्भः कपिशदशनो बन्धुरस्कन्धसंधिः स्निग्धाताम्रद्युतिनखमणिर्लम्बवृत्तोरुहस्तः ।
६३२६-२ शूरः सप्तच्छदपरिमलस्पर्धिदानोदकोऽयं भद्रः सान्द्रद्रुमगिरिसरित्तीरचारी करीन्द्रः ॥

६३२७-१ उच्चैः पदमधितिष्ठंल् लोकस्तत्त्वेषु मुह्यति प्रायः ।
६३२७-२ विषयमपि पश्यति समं पर्वतशिखराग्रमारूढः ॥

६३२८-१ उच्चैः प्रकथनं हासः ष्ठीवनं कुत्सनं तथा ।
६३२८-२ जृम्भणं गात्रभ गं च पर्वस्फोटं च वर्जयेत् ॥

६३२९-१ उच्चैः ष्ठीवनमुत्कटप्रहसितं शय्यासनोत्सर्पणं गात्रास्फोटनजृम्भणानि सुलभद्रव्यार्थसंप्रार्थनं ।
६३२९-२ बालालि गनचुम्बनान्यभिमुखे सख्याः समालोकनं दृक्पातश्च परा मुखो गुणकथा कर्णस्य कण्डूयनं ॥

६३३०-१ उच्चैः स्थानकृतोदयैर्बहुविधैर्ज्योतिर्भिरुद्यत्प्रभैः शुक्राद्यैः किममीभिरत्र वितथां प्रौढिं दधानैरपि ।
६३३०-२ यावल्लोकतमोपहेन भवता लक्ष्मीर्न विस्तार्यते तावच्चन्द्र कथं प्रयाति परमां वृद्धिं स रत्नाकरः ॥

६३३१-१ उच्चैःस्थितीनां विदुषां पदमारोढुमिच्छवः ।
६३३१-२ सत्सुभाषितसोपानसेविनः सन्तु साधवः ॥

६३३२-१ उच्चैरध्ययनं चिरंतनकथाः स्त्रीभिः सहालापनं तासामर्भकलालने रतिरथो तत्पाकमिथ्यास्तुतिः ।
६३३२-२ पुत्रभ्रातृजनाशिषः सुभगतायोग्यत्वसंकीर्तनं स्वानुष्ठानकथाभिवादनविधिर्भिक्षोगुणा द्वादश ॥

६३३३-१ उच्चैरध्ययनं पुरातनकथाः स्त्रीभिः सहालापनं तासामर्भकलालनं पतिनुतिस्तत्पाकमिथ्यास्तुतिः ।
६३३३-२ आदेशस्य करावलम्बनविधिः पाण्डित्यलेखक्रिया होरागारुडमन्त्रतन्त्रकविधिर्भिक्षोगुणा द्वादश ॥

६३३४-१ उच्चैरुच्चरतु चिरं चीरी वर्त्मनि तरुं समारुह्य ।
६३३४-२ दिग्व्यापिनि शब्दगुणे श खः संभावना भूमिः ॥

६३३४आ-१ उच्चैरुच्चरितव्यं यत्किंचिदजानतापि पुरुषेण ।
६३३४आ-२ मूर्खा बहु मन्यन्ते विदुषामपि संशयो भवति ॥

६३३५-१ उच्चैरुच्चैःश्रवास्तेन हयरत्नमहारि च ।
६३३५-२ देहबद्धमिवेन्द्रस्य चिरकालार्जितं यशः ॥

६३३६-१ उच्चैरुच्चैस्तरामिच्छन्पदान्यायच्छते महान् ।
६३३६-२ नीचो नीचैस्तरां याति निपातभयश कया ॥

६३३७-१ उच्चैरुड्डीयमाना नतिमन्ते वहति या तु गच्छन्ती ।
६३३७-२ यच्चिरलभ्यमथाल्पं तत्सा बहु यच्छति त्वरितं ॥

६३३८-१ उच्चैरुत्तालखेलद्भुजवनपवनोद्धूतशैलौघपात- स्फारोदञ्चत्पयोधिप्रकटितमकुटस्वर्धुनीसंगमानि ।
६३३८-२ जीयासुस्ताण्डवानि स्फुटविकटजटाकोटिसंघट्टभूरि- भ्रश्यन्नक्षत्रचक्रव्यवहितसुमनोवृष्टिपातानि शंभोः ॥

६३३९-१ उच्चैरुत्तालगण्डस्थलबहुलगलद्दानपानप्रमत्त- स्फीतालिव्रातगीतिश्रुतिविधृतिकलोन्मीलितार्धाक्षि पक्ष्मा ।
६३३९-२ भक्तप्रत्यूहपृथ्वीरुहनिवहसमुन्मूलनोच्चैरुदञ्चच्- छुण्डादण्डाग्र उग्रार्भक इभवदनो वः स पायादपायात् ॥

६३४०-१ उच्चैरुद्घोष्य जेतव्यं मध्यस्थश्चेदपण्डितः ।
६३४०-२ पण्डितो यदि तत्रैव पक्षपातोऽधिरोप्यतां ॥

६३४१-१ उच्चैरुन्मथितस्य तेन बलिना दैवेन धिक्कर्मणा लक्ष्मीमस्य निरस्यतो जलनिधेर्जातं किमेतावता ।
६३४१-२ गाम्भीर्यं किमयं जहाति किमयं पुष्णाति नाम्भोधरान् मर्यादां किमयं भिनत्ति किमयं न त्रायते वाडवं ॥

६३४२-१ उच्चैरेष तरुः फलं च पृथुलं दृष्ट्वैव हृष्टः शुकः पक्वं शालिवनं विहाय जडधीस्तां नालिकेरीं गतः ।
६३४२-२ तामारुह्य बुभुक्षितेन मनसा बुद्धिः कृता भेदने आशा तस्य न केवलं विगलिता चञ्चूर्गता चूर्णतां ॥

६३४३-१ उच्चैर्दैवादिह पशुपतौ भूषणीभूय तिष्ठन् कालव्याल प्रथयसि फणां भीषणां तावदेव ।
६३४३-२ देवे दूरादविनयभयाद्यावदेवं गरुत्मान् कोपाटोपं कथमपि तिरोभावयन्मौनमास्ते ॥

६३४४-१ उच्चैर्निषादगान्धारौ नीचैरृषभधैवतौ ।
६३४४-२ शेषास्तु स्वरिता ज्ञेयाः षड्जमध्यमपञ्चमाः ॥

६३४५-१ उच्चैर्ब्रह्माण्डखण्डद्वितयसहचरं कुम्भयुग्मं दधानः प्रे खन्नागारिपक्षप्रतिभटविकटश्रोत्रतालाभिरा मः ।
६३४५-२ देवः शंबोरपत्यं भुजगपतितनुस्पर्द्धिवर्द्धिष्णुहस्तस् त्रैलोक्याश्चर्यमूर्तिः स जयति जगतामीश्वरः कुञ्जरास्यः ॥

६३४६-१ उच्चैर्महारजतराजिविराजितासौ दुर्वर्णभित्तिरिह सान्द्रसुधासवर्णा ।
६३४६-२ अभ्येति भस्मपरिपाण्डुरितस्मरारेर् उद्वह्निलोचनललामललाटलीलां ॥

६३४७-१ उच्चैर्यद्यस्ति मनः किं विपदा संपदा गन्त्री ।
६३४७-२ पुरुषस्य मनसि भग्ने मग्नेवापत्सु लक्ष्यते लक्ष्मीः ॥

६३४८-१ उच्चैर्यो मधुपानलुब्धमनसां भृ गा गनानां गणैर् उद्गीतो रचितालयः खगकुलैर्देशान्तरादागतैः ।
६३४८-२ आसीद्यश्च निषेवितोऽध्वगशतैर्ग्रीष्मोष्मतान्तिच्छिदे सोऽयं संप्रति दुर्मदेन दलितश्छायातरुर्दन्तिना ॥

६३४९-१ उच्चैस्तनन्तमभिगम्य घनं तवाहं अभ्यागतोऽस्म्यतिथिरेष पयोधरार्थी ।
६३४९-२ वक्तुं त्रपा तदपि वच्मि विदूरबन्धोः काठिन्यमस्ति च पयोधरयोर्ममापि ॥

६३५०-१ उच्चैस्तरां मत्सरिणोऽपि लोकाः कुर्वन्ति संसत्सु पुरः प्रशंसां ।
६३५०-२ न पण्डितर्विश्वसितव्यमत्र तत्सौहृदं यत्क्रियते परोक्षं ॥

६३५१-१ उच्चैस्तरादम्बरशैलमौलेश्च्युतो रविर्गैरिकगण्डशैलः ।
६३५१-२ तस्यैव पातेन विचूर्णितस्य संध्यारजोराजिरिहोज्जिहीते ॥

६३५२-१ उच्चौ कुचौ कृशतरा च कटिर्गभीरो नाभिः समुन्नततरं च नितम्बबिम्बं ।
६३५२-२ निम्नोन्नतेति सुदृशः सुभगे शरीरे मग्नं मनो मम न मां पुनरभ्युपैति ॥

६३५३-१ उच्छन्नेव कलौ वृषस्य चरणश्रेणी नवीनां पुनस् तां निर्माय कृतस्त्वया पुनरपि न्यस्तः पदस्यन्दनः ।
६३५३-२ भिन्दानैस्तरणिं त्वदस्त्रनियतैरेतत्किलोदीरितं श्रुत्वानूरुरसौ विहाय मिहिरं त्वां देव सेविष्यते ॥

६३५४-१ उच्छलन्मत्स्यपुच्छाग्रदण्डपातहतार्णसि ।
६३५४-२ जगदुद्यानमम्भोधावुन्ममज्ज ममज्ज च ॥

६३५५-१ उच्छास्त्रपदविन्यासः सहसैवाभिसंपतः ।
६३५५-२ शत्रुख गमुखग्रासं अगत्वा न निवर्तते ॥

६३५६-१ उच्छिद्यते धर्मवृत्तं अधर्मो वर्तते महान् ।
६३५६-२ भयमाहुर्दिवारात्रं यदा पापो न वार्यते ॥

६३५७-१ उच्छिद्राणि दिगम्बरस्य वसनान्यर्धा गिनस्स्वामिनो रत्नालंकृतिभिर्विशोषितवपुःशोभाशतं सुभ्रुवः ।
६३५७-२ पौराढ्याश्च पुरीः श्मशानवसतेर्भिक्षाभुजोऽप्यक्षमा लक्ष्मीं न व्यतनोद्दरिद्रभरणेष्वज्ञो हि सेनान्वयः ॥

६३५८-१ उच्छिन्नाश्रयकातरेव कुलटा गोत्रान्तरं श्रीर्गता तामेवानुगता गतानुगतिकास्त्यक्तानुरागाः प्रजाः ।
६३५८-२ आप्तैरप्यनवाप्तपौरुषफलैः कार्यस्य धूरुज्झिता किं कुर्वन्त्वथवोत्तमा गरहितैर गैरिव स्थीयते ॥

६३५९-१ उच्छिष्टं करखर्परं पथि गतं मूर्खैर्जडैर्धिक्कृतं विप्रैस्तत्त्वविचिन्तकैर्मनसि तं स्वात्मप्रबोधे कृतं ।
६३५९-२ नृत्यन्तं च दिगम्बरं च जटिलं बालैश्च मुक्तं जडं डिम्भश्चोपहसन्ति चत्वरपथे दत्त्वा मुहुस्तालिकाः ॥

६३६०-१ उच्छिष्टं शिवनिर्माल्यं वमनं शवकर्पटं ।
६३६०-२ काकविष्ठासमुत्पन्नाः पञ्चैतेऽतिपवित्रकाः ॥

६३६१-१ उच्छिष्टो न स्पृशेत्ख गं निशिकुर्यान्न शीर्षके ।
६३६१-२ दिवा च पूजयेदेनं गन्धमाल्यादिसंपदा ॥

६३६२-१ उच्छीर्षे पदकं कृत्वा यदि शेते शुनस्तदा ।
६३६२-२ आगच्छद्वल्लभं वक्ति तद्वेश्मन्यचिरादपि ॥

६३६३-१ उच्छूनारुणमश्रुणिर्गमवशाच्चक्षुर्मना मन्थरं सोष्मश्वासकदर्थिताधररुचिर्व्यस्तालका भ्रूभुवः ।
६३६३-२ आपाण्डुः करपल्लवे च निभृतं शेते कपोलस्थली मुग्धे कस्य तपःफलं परिणतं यस्मै तवेयं दशा ॥

६३६४-१ उच्छृ कलेन निरपेक्षतयोन्मदेन येनाकुलीकृतमिदं करिणा बभूव ।
६३६४-२ दत्त्वा पदं शिरसि हस्तिपकार्भकेण मन्दः कथं गमित एष वशं प्रसह्य ॥

६३६५-१ उच्छेदनं चापचयः पीडनं कर्शनं तथा ।
६३६५-२ इति विद्याविदः प्राहुः शत्रौ वृत्तं चतुर्विधं ॥

६३६६-१ उच्छेद्यमपि विद्वांसो वर्धयन्त्यरिमेकदा ।
६३६६-२ गुडेन वर्धितः श्लेष्मा यतो निःशेषतां व्रजेत् ॥

६३६७-१ उच्छ्मश्रुर्व्यात्तवक्त्रः प्रविततरसनापल्लवालीढसृक्का पि गोग्रभ्रान्तनेत्रः पुलकिततरलोत्तानला गूलनालः ।
६३६७-२ कुत्राप्यक्लान्तिगामी क्वचिदतिपिहितः क्वापि तु गाग्रमात्रश्चित्रव्याघ्रोऽयमाप्तुं प्रमदवनमृगीतर्णकांस्तूर्णमेति ॥

६३६८-१ उच्छ्रायो जनभीति हेतुरधिकं वैकृत्यमुद्ग्रीवता सर्वत्र प्रतिपर्वविक्रमभवः क्रूरो मरुर्जन्मभूः ।
६३६८-२ यस्योच्चैः कटुकण्टकप्रणयिता धिक्कष्टमुष्ट्रे पशौ तस्मिन्राजपरिग्रहः स च महाशब्दद्वयीभाजनं ॥

६३६९-१ उच्छ्वसन्मण्दलप्रान्तरेखमाबद्धकुड्मलं ।
६३६९-२ अपर्याप्तमुरो वृद्धेः शंसत्यस्याः स्तनद्वयं ॥

६३७०-१ उच्छ्वासः खण्डखण्डस्तरलितहृदये मूकतां भूषणानां उक्तिप्रत्युक्तिबन्धोऽप्यभिनयविहितः पांसुला भूः सुशय्या ।
६३७०-२ तूष्णीमेव प्रसादानुनयनकलहाश्चुम्बनं शब्दशून्यं यत्रैतत्स्वस्ति तस्मै निभृतनिधुवनायेति नान्दी नमोऽस्तु ॥

६३७१-१ उच्छ्वासयन्त्यः श्लथबन्धनानि गात्राणि कन्दर्पसमाकुलानि ।
६३७१-२ समीपवर्तिष्वधुना प्रियेषु समुत्सुका एव भवन्ति नार्यः ॥

६३७२-१ उच्छ्वासहिक्काशयना गभ ग- विष्ठावमिश्वासविजृम्भणानि ।
६३७२-२ वक्त्रं शुनोऽर्धोन्मिषितां च दृष्टिं द्युते प्रशंसन्ति च वामचेष्टं ॥

६३७३-१ उच्छ्वासावधयः प्राणाः स चोच्छ्वासः समीरणः ।
६३७३-२ समीरणाच्चलं नास्ति यत्प्राणिति तदद्भुतं ॥

६३७४-१ उच्छ्वासोऽपि न निर्याति बाणे हृदयवर्तिनि ।
६३७४-२ किं पुनर्विकटाटोप पदबन्धा सरस्वती ॥

६३७५-१ उच्यतां स वचनीयमशेषं नेश्वरे परुषता सखि साध्वी ।
६३७५-२ आनयैनमनुनीय

,

कथं वा विप्रियाणि जनयन्ननुनेयः ॥

६३७६-१ उच्यमानोऽवलम्बेत परमर्मणि मूकतां ।
६३७६-२ स्वकर्मणि तु बाधिर्यस्थैर्यमाधुर्यसोष्मवान् ॥

६३७७-१ उज्जागरितभ्रामित- दन्तुरदलरुद्धमधुकरप्रकरे ।
६३७७-२ काञ्चनकेतकि मा तव विकसतु सौरभ्यसंभारः ॥

६३७८-१ उज्जाडिते यदा ग्रामे गच्छतां दक्षिणस्वराः ।
६३७८-२ श्र्गालास्तं पुनः स्थानं कथयन्ति करस्थितं ॥

६३७९-१ उज्जृम्भते कुमुदिनीसुकृतं मृगा को विष्वग्विकीर्णपरिपाटलरश्मिदण्डः ।
६३७९-२ उत्सूतविद्रुमकुलो जलधेस्तर गादुत्क्षिप्यमाण इव कश्चन राजकम्बुः ॥

६३८०-१ उज्जृम्भाननमुल्लसत्कुचतटं लोलद्भ्रमद्भ्रूलतं स्वेदाम्भःस्नपिता गयष्टि विगलद्व्रीडं सर्ॐआञ्चया ।
६३८०-२ धन्यः कोऽपि युवा स यस्य वदने व्यापारिताः सांप्रतं मुग्धे दुग्धमहाब्धिफेनपटलप्रख्याः कटाक्षच्छटाः ॥

६३८१-१ उज्ज्वलं सरलं चैव वक्रमारक्तमेव च ।
६३८१-२ नेत्रं चतुर्विधं प्रोक्तं तस्य भावाः पृथक्पृथक् ॥

६३८२-१ उज्ज्वलं मित्रसंयोगे सरलं पुत्रदर्शने ।
६३८२-२ वक्रं च कामिनीभोगे आरक्तं शत्रुदर्शने ॥

६३८३-१ उज्ज्वलगुणमभ्युदितं क्षुद्रो द्रष्टुं न कथमपि क्षमते ।
६३८३-२ दग्ध्वा तनुमपि शलभो दीप्रं दीपार्चिषं हरति ॥

६३८४-१ उज्ज्वलचम्पकमुकुला- श कितया यः प्रदीपकं स्पृशति ।
६३८४-२ कज्जलकल कदाहं मुक्त्वान्यत्तस्य किं घटतां ॥

६३८५-१ उज्ज्वलालोकया स्निग्धा त्वया त्यक्ता न राजते ।
६३८५-२ मलीमसमुखी वर्तिः प्रदीपशिखया यथा ॥

६३८६-१ उज्झती शुचिमिवाशु तमिस्रां अन्तिकं व्रजति तारकराजे ।
६३८६-२ दिक्प्रसादगुणमण्डनमूहे रश्मिहासविशदं मुखमैन्द्री ॥

६३८७-१ उज्झन्त्यः स्वर्णकाञ्चीर्झणिति रशनया चम्पकन्यासमय्या तन्वत्यस्तारहारान्विचकिलकलिकापंक्तिमुद्रावलीभिः ।
६३८७-२ किं चाशोकप्रवालैररुणमणिमयान्संत्यजन्त्योऽवतंसान् उत्कीर्णाः कामबाणैरिव हृदि सुहृदो वल्लभानां बभूवुः ॥

६३८८-१ उज्झितवृषयोगा अपि रतिसमये नरविशेषनिरपेक्षाः ।
६३८८-२ कृष्णौकाभिरता अपि हिरण्यकशिपुप्रियाः सततं ॥

६३८९-१ उज्झितसौभाग्यमद- स्फुटयाच्ञान गभीतयोर्यूनोः ।
६३८९-२ अकलितमनसोरेका दृष्टिर्दूती निसृष्टार्थी ॥

६३९०-१ उज्झिताहमिति वत्स न दूये राघवेण कुलदूषणभीत्या ।
६३९०-२ का त्वमित्यभिहिते बत वन्यान् श्रावये किमिति मुह्यति चेतः ॥

६३९१-१ उज्झित्वा दिशमम्बरं वरतरं वासो वसानश्चिरं हित्वा वासरसं पुनः पितृवने कैलासहर्म्याश्रयः ।
६३९१-२ त्यक्त्वा भस्म कृता गरागनिचयः श्रीखण्डसारद्रवैर् देवः पातु हिमाद्रिजापरिणयं कृत्वा गृहस्थः शिवः ॥

६३९२-१ उडुगणपरिवारो नायकोऽप्यौषधीनां अयममृतशरीरः कान्तियुक्तोऽपि चन्द्रः ।
६३९२-२ भवति विगतरश्मिर्मण्डलं प्राप्य भानोः परसदननिविष्टः को लघुत्वं न याति ॥

६३९३-१ उडुपरिवृढः पत्या मुक्तामयं यदपीडयद्यदपि बिसिनीं भानोर्जायां जहास कुमुद्वती ।
६३९३-२ तदुभय मतः श के स कोचितं निजश कया प्रसरति नवार्के कर्कन्धूफलारुणरोचषि ॥

६३९४-१ उडुपरिषदः किं नार्हत्वं निशः किमु नौचिती पतिरिह न यद्दृष्टस्ताभ्यां गणेयरुचीगणः ।
६३९४-२ स्फुटमुडुपतेराश्मं वक्षः स्फुरन्मलिनाश्मन- च्छवि यदनयोर्विच्छेदेऽपि द्रुतं बत न द्रुतं ॥

६३९५-१ उडुराजमुखी मृगराजकटिर् गजराजविराजितमन्दगतिः ।
६३९५-२ यदि सा वनिता हृदये निहिता क्व जपः क्व तपः क्व समाधिरतिः ॥

६३९६-१ उड्डायितः पूर्वदिशा क्रमेण प्रकाशर गः पृथुलः पतण्गः ।
६३९६-२ पारे वियद्विच्युतरश्मिरर्वाक् पतन्निदानीं क्षपितोऽस्तशैले ॥

६३९७-१ उड्डीनं विहगैर्मृतं जलचरैः क्ष्मान्तर्गतं कच्छपैः पाठीनैः पृथुप कपीठलुठनाद्यस्मिन्मुहुर्मूर्च्छितं ।
६३९७-२ तस्मिन्नेव सरस्यकालजलदेनागत्य तच्चेष्टितं येनाकुम्भनिमग्नवन्यकरिणां यूथैः पयः पीयते ॥

६३९८-१ उड्डीना गुणपत्रिणः सुखफलान्याराद्विकीर्णान्यधः पर्यस्ताः परितो यशस्तबकिताः संपल्लतापल्लवाः ।
६३९८-२ प्रागेवापसृतः प्रमोदहरिणश्च्छाया कथान्तं गता दैवारण्यमत गजेन बलिना भग्नेऽभिमानद्रुमे ॥

६३९९-१ उड्डीनानामेषां प्रासादात्तरुणि पक्षिणां प क्तिः ।
६३९९-२ विस्फुरति वैजयन्ती पवनच्छिन्नापविद्धेव ॥

६४००-१ उड्डीयागतमिन्दुमण्डलमिदं किं खञ्जरीटद्वयं हित्वा कोरकतां विकस्वरतरे याते किमिन्दीवरे ।
६४००-२ इन्दोर्बिम्बमवाप्य जातरभसौ किं वा चकोराविमाव् आं ज्ञातं शफरीविलासपटुनी नेत्रे कुर गीदृशः ॥

६४०१-१ उड्डीयाणं तु सहजं कथितं गुरुणा सदा ।
६४०१-२ अभ्यसेदस्ततन्द्रस्तु वृद्धोऽपि तरुणो भवेत् ॥

६४०२-१ उड्डीयोर्ध्वं गमने निपत्यवचना वधोन्मुखी शकुनिः ।
६४०२-२ वामे यातुर्निधनं दिशति विपक्षे विपक्षस्य ॥

६४०२आ-१ उत वा तृणवान्मार्गः समो गम्यः प्रशस्यते ।
६४०२आ-२ सुशोध्यस्त्रिविधो मार्गः षड्विधं च स्वकं बलं ॥

६४०३-१ उत्कटकण्टककोटी- घर्षणघृष्टानि हृदि न चिन्तयति ।
६४०३-२ असदृशरसविवशमतिर् विशत्यलिः केतकीकुसुमं ॥

६४०४-१ उत्कण्ठयति मेघानां माला वृन्दं कलापिनां ।
६४०४-२ यूनां चोत्कण्ठयत्येष मानसं मकरध्वजः ॥

६४०५-१ उत्कण्ठाकुलचक्रवाकयुवतीनिःश्वासदण्डाहतः पीयूषद्युतिरच्छदर्पणतुलामारोहति प्रस्थितः ।
६४०५-२ कोकानां कृपयेव कुक्कुटरवैराहूयमाने रवौ दिग्जाता नवधौतविद्रुममणिच्छाया च सौत्रामणी ॥

६४०६-१ उत्कण्ठाकुलमस्तु कण्टककुले संजायतां ते मनः सानन्दं पिचुमन्दकन्दलदलास्वादेषु का वा क्षतिः ।
६४०६-२ एतत्किं तु तव क्रमेलक कथंकारं सहे दुःसहं तस्मिन्पुण्ड्रककन्दलीकिसलये येनासि निन्दापरः ॥

६४०७-१ उत्कण्ठित मनो बाला सुदूरस्था नवं वयः ।
६४०७-२ विधिर्वामो रिपुः कामो हा हा दुःखपरम्परा ॥

६४०८-१ उत्कण्ठितस्य हृदयानुगुणा वयस्या संकेतके चिरयति प्रवरो विनोदः ।
६४०८-२ संस्थापना प्रियतमा विरहातुराणां रक्तस्य रागपरिवृद्धिकरः प्रमोदः ॥

६४०९-१ उत्कण्ठितस्य हृदयानुगता सखीव संकीर्णदोषरहिता विषयेषु गोष्ठी ।
६४०९-२ क्रीडारसेषु मदनव्यसनेषु कान्ता स्त्रीणां तु कान्तरतिविघ्नकरी सपत्नी ॥

६४१०-१ उत्कम्पघर्मपिच्छिल- दोःसाधिकहस्तविच्युतश्चौरः ।
६४१०-२ शिवमाशास्ते सुतनु स्तनयोस्तव पञ्चलाञ्चलयोः ॥

६४११-१ उत्कम्पिनी भयपरिस्खलितांशुकान्ता ते लोचने प्रतिदिशं विधुरे क्षिपन्ती ।
६४११-२ क्रूरेण दारुणतया सहसैव दग्धा धूमान्धितेन दहनेन न वीक्षितासि ॥

६४१२-१ उत्कम्पोऽपि सकम्प एव हृदये चिन्तापि चिन्तान्विता निःश्वासा अपि निःश्वसन्त्यनिभृतं बाष्पोऽपि बाष्पायते ।
६४१२-२ कान्तां संस्मरतो विदेशवसतेर्नक्तं दिवं कामिनः प्रारोहा इव निष्पतन्ति मनसो दुःखानि दुःखान्वितात् ॥

६४१३-१ उत्कम्पो हृदये स्खलन्ति वचनान्यावेगलोलं मनो गात्रं सीदति चक्षुरश्रुकलुषं चिन्ता मुखं शुष्यति ।
६४१३-२ यस्यैषा सखि पूर्वर गरचना मानः स मुक्तो मया वन्स्यास्ता अपि योषितः क्षितितले यासामयं संमतः ॥

६४१४-१ उत्कर्णं करिणां गणेन विकसन्मोदं चिराद्बर्हिभिः क्रीडाकेशरिभिश्च पञ्जरगतैः कोपस्फुरल्लोचनं ।
६४१४-२ कुञ्जोत्स गभुवि प्रकम्पतरलं सीमन्तिनीभिः क्षणाथ्पीतः श्रोत्रपुटेन देव परितः प्रातर्मृद गध्वनिः ॥

६४१५-१ उत्कर्णोऽयमकाण्डचण्डिमपटुः स्फारस्फुरत्केसरः क्रूराकारकरालवक्रविकटस्तब्धोर्ध्वला गूलभृत् ।
६४१५-२ चित्रेणापि न शक्यतेऽभिलिखितुं सर्वा गसंकोचनाछ्चीत्कुर्वद्गिरिकुञ्जकुञ्जरशिरः कुम्भस्थलस्थो हरिः ॥

६४१६-१ उत्कर्तितुं समर्थोऽपि गन्तुं चैव सपक्षकः ।
६४१६-२ द्विरेफो गन्धलोभेन कमले याति बन्धनं ॥

६४१७-१ उत्कर्षवान्निजगुणो यथा यथा याति कर्णमन्यस्य ।
६४१७-२ धनुरिव सुवंशजन्मा तथा तथा सज्जनो नमति ॥

६४१८-१ उत्कर्षो नैव नित्यः स्यान्नापकर्षस्तथैव च ।
६४१८-२ प्राक्कर्मवशतो नित्यं सधनो निर्धनो भवेत् ॥

६४१९-१ उत्कलिकाबाहुल्यं तत्तत्स्वाभाविकं द्रवत्वं च ।
६४१९-२ स च निरुपाधिस्नेहस् तेनेशस्य प्रिया ग गा ॥

६४२०-१ उत्कल्लोलस्य लक्ष्मीं लवणजलनिधिर्लम्भितः क्षीरसिन्धोः को विन्ध्यः कश्च गौरीगुरुरिति मरुतामभ्युदस्तो विवेकः ।
६४२०-२ नीताः कर्कत्वमर्कप्रवहणहरयो हारितोत्स गलक्ष्मा राजन्नुद्दामगौरैरजनि च रजनीवल्लभस्त्वद्यशोभिः ॥

६४२१-१ उत्कामुन्मनयन्त्येते बालां तदलकत्विषः ।
६४२१-२ अम्भोधरास्तडित्वन्तो गम्भीराः स्तनयित्नवः ॥

६४२२-१ उत्कीर्णा इव वासयष्टिषु निशानिद्रालसा बर्हिणो धूपैर्जालविनिःसृतैर्वलभयः संदिग्धपारावताः ।
६४२२-२ आचारप्रयतः सपुष्पबलिषु स्थानेषु चार्चिष्मतीः संध्याम गलदीपिका विभजते शुद्धान्तवृद्धो जनः ॥

६४२३-१ उत्कूजति भ्रमति रोदिति रारटीति पद्मानि चोत्क्षिपति चञ्चुपुटेन दूरं ।
६४२३-२ तोये निमज्जति शशा कमुदीक्षते च कष्टं प्रियाविरहितो निशि चक्रवाकः ॥

६४२४-१ उत्कूजति श्वसिति मुह्यति याति तीरं तीरात्तरुं तरुतलात्पुनरेति वापीं ।
६४२४-२ वाप्यां न तिष्ठति न चाति मृणालखण्डं चक्रः क्षपासु विरहे खलु चक्रवाक्याः ॥

६४२५-१ उत्कूजन्तु वटे वटे बत बकाः काका वराका अपि क्रांकुर्वन्तु सदा निनादपटवस्ते पिप्पले पिप्पले ।
६४२५-२ सोऽन्यः कोऽपि रसालपल्लवलवग्रासोल्लसत्पाटव- क्रीडत्कोकिलकण्ठकूजनकलालीलाविलासक्रमः ॥

६४२६-१ उत्कृत्य ज्वलितात्शवात्कथमपि प्रेताशनः पैशितीं पेशीमग्निमयीं निगीर्य सहसा दन्दह्यमानोदरः ।
६४२६-२ धावत्युत्प्लवते मुहुर्निपतति प्रोत्तिष्ठति प्रेक्षते विष्वक्क्रोशति संपिनष्टि जठरं मुष्ट्या हते मस्तकं ॥

६४२७-१ उत्कृत्योत्कृत्य कृत्तिं प्रथममथ पृथूच्छोफभूयांसि मांसान्य अंसस्फिक्पृष्ठपिण्डाद्यवयवसुलभान्युग्रपूतीनि जग्ध्वा ।
६४२७-२ आत्तस्नाय्वन्त्रनेत्रः प्रकटितदशनः प्रेतर कः कर काद कस्थादस्थिसंस्थं स्थपुटगतमपि क्रव्यमव्यग्रमत्ति ॥

६४२८-१ उत्कृत्योत्कृत्य गर्भानपि शकलयतः क्षत्रसंतानरोषादुद्दामस्यैकविंशत्यवधि विधसतः सर्वतो राजवंश्यान् ।
६४२८-२ पित्र्यं तद्रक्तपूर्णह्रदसवनमहानन्दमन्दायमान- क्रोधाग्नेः कुर्वतो मे न खलु न विदितः सर्वभूतैः स्वभावः ॥

६४२९-१ उत्कृष्टबलवीर्यस्य विजिगीषोर्जयैषिणः ।
६४२९-२ गुणानुरक्तप्रकृतेर्यात्रा यानमिति स्मृतं ॥

६४३०-१ उत्कृष्टमध्यमनिकृष्टजनेषु मैत्री यद्वच्छिलासु सिकतासु जलेषु रेखा ।
६४३०-२ वैरं क्रमादधममध्यमसज्जनेषु यद्वच्छिलासु सिकतासु जलेषु रेखा ॥

६४३१-१ उत्कोचं प्रीतिदानं च द्यूतद्रव्यं सुभाषितं ।
६४३१-२ कामिनीं प्रथमावस्थां सद्यो गृह्णाति बुद्धिमान् ॥

६४३२-१ उत्कोचकाश्चौपधिका वञ्चकाः कितवास्तथा ।
६४३२-२ म गलादेशवृत्ताश्च भद्रप्रेक्षणिकैः सह ॥

६४३३-१ असम्यक्कारिणश्चैव महामात्राश्चिकित्सकाः ।
६४३३-२ शिल्पोपचारयुक्ताश्च निपुणाः पुण्ययोषितः ॥

६४३४-१ एवमाद्यान्विजानीयात्प्रकाशांल्लोककण्टकान् ।
६४३४-२ विगूढचारिणश्चान्याननार्यानार्यलि गिनः ॥

६४३५-१ उत्कोचपारितोषक- भाटसुभाषिततरार्थचौर्यांशाः ।
६४३५-२ तत्क्षणमेव ग्राह्याः षडन्यकाले न लभ्यन्ते ॥

६४३६-१ उत्क्रान्तं गिरिकूटल घनसहं ते वज्रसारा नखास् तत्तेजश्च तदूर्जितं स च नगोन्माथी निनादो महान् ।
६४३६-२ आलस्यादविमुञ्चता गिरिगुहां सिंहेन निद्रालुना सर्वं विश्वजयैकसाधनमिदं लब्धं न किंचित्कृतं ॥

६४३७-१ उत्क्रान्तानामामिषायोपरिष्टादध्याकाशं बभ्रुमुः पत्रवाहाः ।
६४३७-२ मूर्ताः प्राणा नूनमद्याप्यवेक्षा- मासुः कायं त्याजिता दारुणास्त्रैः ॥

६४३८-१ उत्क्रामद्भिश्च यः प्राणैः प्रयतः शिष्टसंमतः ।
६४३८-२ चिन्तयेन्मनसा ग गां स गतिं परमां लभेत् ॥

६४३९-१ उत्क्षिप्तं करक कणद्वयमिदं बद्धा दृढं मेखला यत्नेन प्रतिपादिता मुखरयोर्मञ्जीरयोर्मूकता ।
६४३९-२ आरब्धे रभसान्मया प्रियसखि क्रीडाभिसारोत्सवे चण्डालस्तिमिरावगुण्ठनपटक्षेपं विधत्ते विधुः ॥

६४४०-१ उत्क्षिप्तं सखि वर्तिपूरितमुखं मूकीकृतं नूपुरं काञ्चीदाम निवृत्तघर्घररवं क्षिप्तं दुकूलान्तरे ।
६४४०-२ सुप्ताः पञ्जरसारिकाः परिजनोऽप्याघूर्णितो निद्रया शून्यो राजपथस्तमांसि निविडान्येह्येहि निर्गम्यतां ॥

६४४१-१ उत्क्षिप्तं सह कौशिकस्य पुलकैः साकं मुखैर्नामितं भूपानां जनकस्य संशयधिया सार्धं समास्फालितं ।
६४४१-२ वैदेहीमनसा समं च सहसा कृष्टं ततो भार्गव- प्रौढाहंकृतिकन्दलेन च समं भग्नं तदैशं धनुः ॥

६४४२-१ उत्क्षिप्तबाहुदर्शित- भुजमूलं चूतमुकुल मम सख्या ।
६४४२-२ आकृष्यमाण राजति भवतः परमुच्चपदलाभः ॥

६४४३-१ उत्क्षिप्तमुच्छ्रितसितांशुकरावलम्बैर् उत्तम्भितोडुभिरतीवतरां शिरोभिः ।
६४४३-२ श्रद्धेयनिर्झरजलव्यपदेशमस्य विष्वक्तटेषु पतति स्फुटमन्तरीक्षं ॥

६४४४-१ उत्क्षिप्ता अपि दन्तीद्रैः कोपनैः पत्तयः परं ।
६४४४-२ तदसूनहरन्खड्गघातैः स्वस्य पुरः प्रभोः ॥

६४४५-१ उत्क्षिप्य करिभिर्दूरान्मुक्तानां योधिनां दिवि ।
६४४५-२ प्रापि जीवात्मभिर्दिव्या गतिर्वा विग्रहैर्मही ॥

६४४६-१ उत्क्षिप्य टिट्टिभः पादावास्ते भ गभयाद्दिवः ।
६४४६-२ स्वचित्तकल्पितो गर्वः कस्य नात्रापि विद्यते ॥

६४४७-१ उत्क्षिप्यालकमालिकां विलुलितामापाण्डुगण्डस्थलाद्विश्लिष्यद्वलयप्रपातभयतः प्रोल्लास्य किंचित्करौ ।
६४४७-२ द्वारस्तम्भनिषण्णगात्रलतिका केनापि पुण्यात्मना मार्गालोकनदत्तदृष्टिरबला तत्कालमालि ग्यते ॥

६४४८-१ उत्क्षिप्योच्चैः प्रस्फुरन्तं रदाभ्यां ईषादन्तः कुञ्जरं शात्रवीयं ।
६४४८-२ शृ गप्रोतप्रावृषेण्याम्बुदस्य स्पष्टं प्रापत्साम्यमुर्वीधरस्य ॥

६४४९-१ उत्खातं निधिश कया क्षितितलं ध्माता गिरेर्धातवो निस्तीर्णः सरितांपतिर्नृपतयो यत्नेन संसेविताः ।
६४४९-२ मन्त्राराधनतत्परेण मनसा नीताः श्मशाने निशाः प्राप्तः काणवराटकोऽपि न मया तृष्णेऽधुना मा भव ॥

६४५०-१ उत्खातच्छिन्नसंध्यारुणकमलवनो व्य्ॐअकासारमध्यं मन्ये मत्तो निशीथाह्वयवनमहिषो म क्ष्वविक्षन्मिम क्षुः ।
६४५०-२ तत्कालोद्भिद्यमानः सह तनुपृथुभिस्तारकाबुद्बुदौघैस् तस्मादेवोज्जिहीते कलुषितभुवनं भीषणो ध्वान्तप कः ॥

६४५१-१ उत्खातदैवतमिवायतनं पुरारेर् अस्ताचलान्तरितसूर्यमिवान्तरिक्षं ।
६४५१-२ हम्मीरभूभुजि गते सुरवेश्म विश्वं पश्यामि हारमिव नायकरत्नशून्यं ॥

६४५२-१ उत्खातान्प्रतिरोपयन्कुसुमितांश्चिन्वंल्लघून्वर्धयन् अत्युच्चान्नमयन्पृथून्विदलयन्विश्लेषयन्संहतान् ।
६४५२-२ तीक्ष्नान्कण्टकिनो बहिर्नियमयन्स्वारोपितान्पालयन् मालाकार इव प्रयोगकुशलो राज्ये चिरं तिष्ठति ॥

६४५३-१ उत्खाय चित्तोपवनात्सुमेधो- माला कृता पुस्तकनिष्कुटेषु ।
६४५३-२ काव्यद्रुमाणामधिरोपितानां फलं परां निर्वृतिमुन्नयामः ॥

६४५४-१ उत्खेलत्त्रिवलीतर गतरला र्ॐआवलीशैवल- स्त्रग्वल्लिर्युवती ध्रुवं जनमनोनिर्वाणवाराणसी ।
६४५४-२ एतस्या यदुरस्तटीपरिसरे यद्बाल्यचापल्ययोः स्थाने यौवनशिल्पिकल्पितचिताचैत्यद्वयं दृश्यते ॥

६४५५-१ उत्तंसः केकिपिच्छैर्मरकतवलयश्यामले दोःप्रकाण्डे हारः सान्द्रेन्द्रनीलैर्मृगमदरचितो वक्त्रपत्रप्रपञ्चः ।
६४५५-२ नीलाब्जैः शेखरश्रीरसितवसनता चेत्यभीकाभिसारे संप्रत्येणेक्षणानां तिमिरभरसखी वर्तते वेषलीला ॥

६४५६-१ उत्तंसकौतुकरसेन विलासिनीनां लूनानि यस्य न नखैरपि पल्लवानि ।
६४५६-२ उद्यानमण्डनतरो सहकार स त्वं अ गारकारकरगोचरतां गतोऽसि ॥

६४५७-१ उत्तंसितं भाति मुखप्रभाभिर् न किंचिदब्जं यदहो तदस्याः ।
६४५७-२ युक्तं दृशावेव विधिर्विधिज्ञः कर्णद्वयालंकरणं चकार ॥

६४५८-१ उत्तंसीकृतचन्द्रमाः सभुजगान्वीचीन्परावर्तयन् ज्योत्स्नाभस्मविलेपने निरवधिस्फीते महिम्नि स्थितः ।
६४५८-२ प्रे कच्छ करोटिकोटिहननैः स्वःसिन्धुमुद्घोषयन्न् अत्यन्तं पथि गर्जिताट्टहसितो रुद्रं हसत्यर्णवः ॥

६४५९-१ उत्तंसेषु ननर्त न क्षितिभुजां न प्रेक्षकैर्लक्षितः साका क्षं लुठितो न च स्तनतटे लीलावतीनां क्वचित् ।
६४५९-२ कष्टं भोश्चिरमन्तरेव जलधेर्दैवाद्विशीर्णोऽभवथ्खेलद्व्यालकुला गघर्षणपरिक्षीणप्रमाणो मणिः ॥

६४६०-१ उत्तप्तोऽयमुरंगमः शिखितलच्छायां समालम्बते वैरं साहजिकं विहाय च शिखी मूलं तरोर्गच्छति ।
६४६०-२ याचन्ते च जलं निकुञ्जभवने तृष्णातुराः सारिकास् तप्ते वारिणि प कजानि मधुपास्त्यक्त्वा श्रयन्ते लताः ॥

६४६१-१ उत्तमं पुष्करक्षेत्रं ताराक्षेत्रं न मध्यमं ।
६४६१-२ अधमं च कुरुक्षेत्रं प्रभासं त्वधमाधमं ॥

६४६२-१ उत्तमं प्रणिपातेन शूरं भेदेन योजयेत् । नीचमल्पप्रदानेन समशक्तिं पराक्रमैः ॥

६४६३-१ उत्तमं सुचिरं नैव विपदोऽभिभवन्त्यलं ।
६४६३-२ राहुग्रसनसंभूतिः क्षणं विच्छाययेद्विधुं ॥

६४६४-१ उत्तमं स्वार्जितं वित्तं मध्यमं पितुरर्जितं ।
६४६४-२ अधमं भ्रातृवित्तं च स्त्रीवित्तमधमाधमं ॥

६४६५-१ उत्तमः क्लेशविक्षोभं क्षमः सोढुं न हीतरः ।
६४६५-२ मणिरेव महाशाणघर्षणं न तु मृत्कणः ॥

६४६६-१ उत्तमः षट्पदः प्रोक्तो मध्यमः पञ्चभिस्तथा ।
६४६६-२ कनिष्ठस्तु चतुर्भिः स्यादेवं स्युर्ध्रुवकास्त्रिधा ॥

६४६७-१ उत्तमकुलेऽपि जातः सेवां विदधाति नीचलोकस्य ।
६४६७-२ वदति च वाचं नीचां उदरेश्वरपीडितो मर्त्यः ॥

६४६८-१ उत्तमतरुणप्रकृतिः पुलकादिकसूचितान्यतनुसक्तिः ।
६४६८-२ स्फुटसंनिहितविभावो निवार्यते केन शृ गारः ॥

६४६९-१ उत्तमपदार्थरसिकाः सुलभा लोके भवन्ति सर्वेऽपि ।
६४६९-२ दूषितपदार्थरसिकस् त्वमिव मतस्त्वं पुनः करट ॥

६४७०-१ उत्तमभुजंगसंगम- निस्पन्दनितम्बचापलस्तस्याः ।
६४७०-२ मन्दरगिरिरिव विबुधैर् इतस्ततः कृष्यते कायः ॥

६४७१-१ उत्तमर्णधनदानश कया पावकोत्थशिखया हृदिस्थया ।
६४७१-२ देव दग्धवसना सरस्वती नास्यतो बहिरुपैति लज्जया ॥

६४७२-१ उत्तमर्णमुखं पश्यन्नधमर्णो ह्रिया नमन् ।
६४७२-२ मृत्युजीवितयोर्युद्धसंभ्रमं परिलोकते ॥

६४७३-१ उत्तमवनितैकगतिः करीव सरसीपयः सखीधैर्यं ।
६४७३-२ आस्कन्दितोरुणा त्वं हस्तेनैव स्पृशन्हरसि ॥

६४७४-१ उत्तमश्चिन्तितं कुर्यात्प्रोक्तकारी तु मध्यमः ।
६४७४-२ अधमोऽश्रद्धया कुर्यादकर्तोच्चरितं पितुः ॥

६४७५-१ उत्तमस्तोषमायाति तद गं पोष्यते यदि ।
६४७५-२ वृक्षः प्रसीदति प्रायः पादाभ्य गेन न स्वयं ॥

६४७६-१ उत्तमस्य क्षणं कोपो मध्यस्य प्रहरद्वयं ।
६४७६-२ अधमस्य त्वहोरात्रं पापिष्ठो नैव मुच्यते ॥

६४७७-१ उत्तमस्यापि वर्णस्य नीचोऽपि गृहमागतः ।
६४७७-२ पूजनीयो यथायोग्यं सर्वदेवमयोऽतिथिः ॥

६४७८-१ उत्तमस्यापि वर्णस्य नीचोऽपि गृहमागतः ।
६४७८-२ बालो वा यदि वा वृद्धः सर्वस्याभ्यागतो गुरुः ॥

६४७९-१ उत्तमाः स्वगुणैः ख्याता मध्यमाश्च पितुर्गुणैः ।
६४७९-२ अधमा मातुलस्यापि श्वशुरस्याधमाधमाः ॥

६४८०-१ उत्तमाः स्वार्जितैर्द्रव्यैः पितुर्वित्तेन मध्यमाः ।
६४८०-२ अधमा मातृवित्तेन स्त्रीवित्तेनाधमाधमाः ॥

६४८१-१ उत्तमा आत्मनः ख्याताः पितुः ख्याताश्च मध्यमाः ।
६४८१-२ अधमा मातुलात्ख्याताः श्वशुराच्चाधमाधमः ॥

६४८२-१ उत्तमा गोद्भवाज्ज्यैष्ठ्याद्ब्रह्मणश्चैव धारणात् ।
६४८२-२ सर्वस्यैवास्य सर्गस्य धर्मतो ब्राह्मणः प्रभुः ॥

६४८३-१ उत्तमाधममध्यानां श्रोतव्यं वचनं बुधैः ।
६४८३-२ तत्र चात्महितं ग्राह्यं वस्तवाक्यं यथा नृपः ॥

६४८४-१ उत्तमाधममध्यानि बुद्ध्वा कार्याणि पार्थिवः ।
६४८४-२ उत्तमाधममध्येषु पुरुषेषु नियोजयेत् ॥

६४८५-१ उत्तमाधमसंसक्तौ जानन्सदृशवृत्तितां ।
६४८५-२ नारीणां शुचिबाह्यानां अ गनाख्यां व्यधाद्विधिः ॥

६४८६-१ उत्तमानां स्वभावोऽयं परदुःखासहिष्णुता ।
६४८६-२ स्वयं दुःखं च संप्राप्तं मन्यतेऽन्यस्य वार्यते ॥

६४८७-१ उत्तमानामपि स्त्रीणां विश्वासो नैव विद्यते ।
६४८७-२ राजप्रियाः कैरविण्यो रमन्ते मधुपैः सह ॥

६४८८-१ उत्तमानुत्तमानेव गच्छन्हीनांश्च वर्जयन् ।
६४८८-२ ब्राह्मणः श्रेष्ठतामेति प्रत्यवायेन शूद्रतां ॥

६४८९-१ उत्तमानेव सेवेत प्राप्ते काले तु मध्यमान् ।
६४८९-२ अधमांस्तु न सेवेत य इच्छेच्श्रेय आत्मनः ॥

६४९०-१ उत्तमाभिजनोपेतान्न नीचैः सह वर्धयेत् ।
६४९०-२ कृशोऽपि हि विवेकज्ञो याति संश्रयणीयतां ॥

६४९१-१ उत्तमाश्चात्मना ख्याताः पित्रा ख्याताश्च मध्यमाः ।
६४९१-२ अधमा मातुलैः ख्याताः श्वशुरैश्चाधमाधमाः ॥

६४९२-१ उत्तमास्ताजिकाः प्रोक्ताः पारसीकाः समुद्रजाः ।
६४९२-२ कोक्काणाखतलाणाश्च तथा सौराष्ट्रजा हयाः ॥

६४९३-१ उत्तमे तु क्षणं कोपो मध्यमे घटिकाद्वयं ।
६४९३-२ अधमे स्यादहोरात्रं चाण्डाले मरणान्तिकः ॥

६४९४-१ उत्तमेनोत्तमं सर्वं मनुष्याणां प्रयत्नतः ।
६४९४-२ अदृष्टमीक्ष्य सर्वेषां वक्तव्यं सुविचक्षणैः ॥

६४९५-१ उत्तमे विघ्नवत्तास्ति अधमो दुःखभाजनं ।
६४९५-२ तस्मात्सर्वत्र योग्यत्वाच्श्रेष्ठो वै मध्यमः स्मृतः ॥

६४९६-१ उत्तमैः सह स गेन को न याति समुन्नतिं ।
६४९६-२ मूर्ध्ना तृणानि धार्यन्ते ग्रथितैः कुसुमैः सह ॥

६४९७-१ उत्तमैः सह सांगत्यं पण्डितैः सह संकथां ।
६४९७-२ अलुब्धैः सह मित्रत्वं कुर्वाणो नावसीदति ॥

६४९८-१ उत्तमैः सह सांगत्यं यत्प्राज्ञैः सत्यवादिभिः ।
६४९८-२ बन्धनस्थोऽपि तिष्ठेत न तु राज्ये नराधमैः ॥

६४९९-१ उत्तमैः स्वीकृतो नीचो नीच एव न चोत्तमः ।
६४९९-२ भैरवाधिष्ठितः श्वा तु कदाचिन्नैव केसरी ॥

६५००-१ उत्तमैरननुज्ञातं कार्यं नेच्छेच्च तैः सह ।
६५००-२ देवैः साकं सुधापानाद्राहोश्छिन्नं शिरो यतः ॥

६५०१-१ उत्तमैरुत्तमैर्नित्यं संबन्धानाचरेत्सह ।
६५०१-२ निनीषुः कुलमुत्कर्षं अधमानधमांस्त्यजेत् ॥

६५०२-१ उत्तमो नातिवक्ता स्यादधमो बहुभाषकः ।
६५०२-२ न हि स्वर्णे ध्वनिस्तादृग्यादृक्कांस्ये प्रजायते ॥

६५०३-१ उत्तमोऽपि कुलजोऽपि मनुष्यः सर्वलोकमहितोऽपि बुधोऽपि ।
६५०३-२ दासतां भजति यां भजमानस् तां भजन्ति गणिकां किमु सन्तः ॥

६५०४-१ उत्तमोऽप्यधमस्य स्याद्याच्ञानम्रकरः क्वचित् ।
६५०४-२ कौस्तुभादीनि रत्नानि ययाचे हरिरम्बुधिं ॥

६५०५-१ उत्तमोऽप्रार्थितो दत्ते मध्यमः प्रार्थितः पुनः ।
६५०५-२ याचकैर्याच्यमानोऽपि दत्ते न त्वधमाधमः ॥

६५०६-१ उत्तमो मध्यमो नीचोऽधमो भ्रातृगुणैर्नरः ।
६५०६-२ कन्यास्त्रीभगिनीभाग्यो नरोऽधमतमो मतः ॥

६५०७-१ उत्तमो रसवादश्च धातुवादश्च मध्यमः ।
६५०७-२ अधमो मन्त्रवादश्च मिथ्यावादोऽधमाधमः ॥

६५०८-१ उत्तर गय कुर गलोचने लोचने कमलगर्वमोचने ।
६५०८-२ अस्तु सुन्दरि कलिन्दनन्दिनी- वीचिडम्बरगभीरमम्बरं ॥

६५०९-१ उत्तरतश्च मधूकादहिनिलयः पश्चिमोत्तरे तोयं ।
६५०९-२ परिहृत्य पञ्चहस्तान् अर्धाष्टमपौरुषं वाच्यं ॥

६५१०-१ उत्तरन्ति विनिकीर्य पल्वलं गाढप कमतिवाहितातपाः ।
६५१०-२ दंष्ट्रिणो वनवराहयूथपा दष्टभ गुरबिसा कुरा इव ॥

६५११-१ उत्तरादुत्तरं वाक्यं उत्तरादेव जायते ।
६५११-२ सुवृष्टिगुणसंपन्नाद्बीजाद्बीजमिवापरं ॥

६५१२-१ उत्तरापथकान्तानां किं ब्रूमो रामणीयकं ।
६५१२-२ यासां तुषारसंभेदे न म्लायति मुखाम्बुजं ॥

६५१३-१ उत्तरीयविनयात्त्रपमाणा रुन्धती किल तदीक्षणमार्गं ।
६५१३-२ आवरिष्ट विकटेन विवोढुर् वक्षसैव कुचमण्डलमन्या ॥

६५१४-१ उत्तरेण किमात्मैव पञ्चबाणाग्निसाक्षिकं ।
६५१४-२ तव सख्यै मया दत्तो न सेव्यः सेविता रहः ॥

६५१५-१ उत्तरेण सदा कार्यं प्राणस्य न विरोधकं ।
६५१५-२ संग्रामेण विना कार्यं न लक्ष्यं दक्षिणामुखं ॥

६५१६-१ उत्तानफललुब्धानां वरं राजोपजीविनः ।
६५१६-२ न तु तत्स्वामिनस्तीव्रपरिक्लेशैः फलन्ति ये ॥

६५१७-१ उत्तानाः कति वेल्लिताः कति रयादाभुग्नमध्याः कति क्षिप्तोत्क्षिप्तविकुञ्चिताः कति भुजास्तौर्यत्रिकानुक्रमात् ।
६५१७-२ कल्पान्तेषु महानटस्य झटिति प्रक्रान्तचक्रभ्रमि- भ्रान्तौ केवलमग्निहासगरलैर्लेखात्रयं पातु वः ॥

६५१८-१ उत्तानामुपधाय बाहुलतिकामेकामपा गश्रितां अन्यामप्यलसां निधाय विपुलाभोगे नितम्बस्थले ।
६५१८-२ नीवीं किंचिदवश्लथां विदधती निश्वासलोलालका तल्पोत्पीडनतिर्यगुन्नतकुचं निद्राति शातोदरी ॥

६५१९-१ उत्तानोच्छूनमण्डूकपाटितोदरसंनिभे ।
६५१९-२ क्लेदिनि स्त्रीव्रणे सक्तिरकृमेः कस्य जायते ॥

६५२०-१ उत्तानोल्लपितप्रतारितनवश्रोत्रैः कथं भाव्यतां वाक्प्रत्यंशनिवेशिताखिलजगत्तत्त्वा कवीनां कला ।
६५२०-२ रथ्यागर्तविगाहनाद्भुतकृतैर्गाह्यः क्व रत्नाकरो यस्यान्तःशफराधमाननतटीमज्जद्गिरीन्द्राः श्रियः ॥

६५२१-१ उत्तानौ चरणौ कृत्वा ऊरुसंस्थौ प्रयत्नतः ।
६५२१-२ ऊरुमध्ये तथोत्तानौ पाणी पद्मासनं त्विदं ॥

६५२२-१ उत्तारकमतिस्निग्धं भ्रूक्षेपवशवर्ति च ।
६५२२-२ सदा मुखस्थं मित्रं चेन्नेत्रेण चपलेन किं ॥

६५२३-१ उत्तारयति विपत्ताव् इति धनवत्तामपेक्षते क्षितिपः ।
६५२३-२ चेन्नेह तदुपयोगस् तं नियतं वित्तसंचयो रोगः ॥

६५२४-१ उत्तालताटकोत्पातदर्शनेऽप्यप्रकम्पितः ।
६५२४-२ नियुक्तस्तत्प्रमाथाय स्त्रैणेन विचिकित्सति ॥

६५२५-१ उत्तालतालीवनसंप्रवृत्त- समीरसीमन्तितकेतकीकाः ।
६५२५-२ आसेदिरे लावणसैन्धवीनां चमूचरैः कच्छभुवां प्रदेशाः ॥

६५२६-१ उत्तालापीतहालारसविवशमनोवृत्तिताला कसीर- प्रोत्खाताकृष्टकालागुरुरुचिररुचिः स्त्रोतसोन्मादशीला ।
६५२६-२ अच्छण्डीद्वीपवन्दीभवदखिलचलत्कान्दिशीकोग्रनक्रा कालिन्दी वोऽस्तु संदीपितसुकृतचयोद्रेकम्न्दीकृतैनाः ॥

६५२७-१ उत्तालालकभञ्जनानि कबरीपाशेषु शिक्षारसो दन्तानां परिकर्म नीविनहनं भ्रूलास्ययोग्याग्रहः ।
६५२७-२ तिर्यग्लोचनचेष्टितानि वचसां छेकोक्तिसंक्रान्तयः स्त्रीणां म्लायति शैशवे प्रतिकलं कोऽप्येष केलिक्रमः ॥

६५२८-१ उत्तिष्ठ क्षणमेकमुद्वह सखे दारिद्र्यभारं गुरुं श्रान्तस्तावदहं चिरान्मरणजं सेवे त्वदीयं सुखं ।
६५२८-२ इत्युक्तो धनवर्जितेन विदुषा गत्वा श्मशानं शवो दारिद्र्यान्मरणं वरं सुखमिति ज्ञात्वा स तूष्णीं स्थितः ॥

६५२९-१ उत्तिष्ठति नमति वणिक् पृच्छति कुशलं ददाति च स्थानं ।
६५२९-२ निक्षेपपाणिमाप्तं दृष्ट्वा धर्म्यां कथां कुरुते ॥

६५३०-१ उत्तिष्ठ दूति यामो यामो यातस्तथापि नायातः ।
६५३०-२ यातः परमपि जीवेज् जीवितनाथो भवेत्तस्याः ॥

६५३१-१ उत्तिष्ठन्त्या रतान्ते भरमुरगपतौ पाणिनैकेन कृत्वा धृत्वा चान्येन वासो विगलितकबरीभारमंसे वहन्त्याः ।
६५३१-२ भूयस्तत्कालकान्तिद्विगुणितसुरतप्रीतिना शौरिणा वः शय्यामालि ग्य नीतं वपुरलसलसद्बाहु लक्ष्म्याः पुनातु ॥

६५३२-१ उत्तिष्ठमानस्तु परो नोपेक्ष्यः पथ्यमिच्छता ।
६५३२-२ समौ हि शिष्टैराम्नातौ वर्त्स्यन्तावामयः स च ॥

६५३३-१ उत्तिष्ठ यदि जीवन्तीं मामिच्छसि तमानय ।
६५३३-२ अहं नेतुमशक्यापि सुदूरमिदमन्तरं ॥

६५३४-१ उत्तिष्ठ वत्सेत्यमृतायमानं वचो निशम्योत्थितमुत्थितः सन् ।
६५३४-२ ददर्श राजा जननीमिव स्वां गामग्रतः प्रस्रविणीं न सिंहं ॥

६५३५-१ उत्तिष्ठारात्तरौ मे तरुणिमम तरोः शक्तिरारोहण का साक्षादाख्यामि मुग्धे तरणिमिह रवेराख्यया का रतिर्मे ।
६५३५-२ वार्तेयं नौप्रस गे कथमपि भविता नावयोः संगमार्था वार्तापीति स्मितास्यं जितगिरमजितं राधयाराधयामि ॥

६५३६-१ उत्तिष्ठोत्तिष्ठ किं शेषे प्राप्ते परिभवे नवे ।
६५३६-२ अद्य वै निर्भया ल कां प्रविष्टाः सूर्यरश्मयः ॥

६५३७-१ उत्तीर्णभारलघुनाप्यलघूलपौघ- सौहित्यनिःसहतरेण तरोरधस्तात् ।
६५३७-२ र्ॐअन्थमन्थरचलद्गुरुसास्नमासां चक्रे निमीलदलसेक्षणमौक्षकेण ॥

६५३८-१ उत्तीर्य दक्षिणे पूर्वं पश्चाद्वामेऽतिनिन्दिताः ।
६५३८-२ कैश्चित्कृष्णो मृगश्चैकः कैश्चित्सर्वेऽपि नादृताः ॥

६५३९-१ उत्तीर्य पृष्ठतो याति वेष्टनं वाकरोति चेत् ।
६५३९-२ स्वस्थस्य वेष्टनप्राप्तिः सभयस्य भयं हरेत् ॥

६५४०-१ उत्तु गपीवरकुचद्वयपीडिता गं आलि गितः पुलकितेन भुजेन रत्या ।
६५४०-२ श्रीमञ्जगन्ति मदयन्नयनाभिरामः कामोऽयमेति मदघूर्णितनेत्रपद्मः ॥

६५४१-१ उत्तु गमत्तमात गमस्तकन्यस्तलोचनः ।
६५४१-२ आसन्न्ऽएपि च सार गे न वाञ्च्छां कुरुते हरिः ॥

६५४२-१ उत्तु गवातायनगोपुराणि गृहाणि वित्तानि दुरर्जितानि ।
६५४२-२ क्षणादधःपातकराणि हन्त चितातिथेरस्य निरर्थकानि ॥

६५४३-१ उत्तु गशैलशिखरस्थितपादपस्य काकः कृशोऽपि फलमालभते सपक्षः ।
६५४३-२ सिंहः प्रचण्डगजकुम्भविदारकोऽपि उच्छिष्टमेव लभते खलु पक्षहीनः ॥

६५४४-१ उत्तु गशैलशिखराश्रयणेन केचिदुद्दामवीचिवलिताः सरितो भवन्ति ।
६५४४-२ अन्ये पुणर्जलकनास्तृणलोष्टपातादम्भ्ॐउचां पयसि न क्षयमाप्नुवन्ति ॥

६५४५-१ उत्तु गशैलशिखरे ननु पादपस्य काकोऽपि पक्वफलमालभते सपक्षः ।
६५४५-२ सिंहो बली गजविदारणदारुणोऽपि सीदत्यहो तरुतले निजपक्षहीनः ॥

६५४६-१ उत्तु गस्तनपर्वतादवतरद्ग गेव हारावली र्ॐआली नवनीलनीरजरुचिः सेयं कलिन्दात्मजा ।
६५४६-२ जातं तीर्थमिदं सुपुण्यजनकं यत्रानयोः संगमश्चन्द्रो मज्जति लाञ्छनापहृतये नूनं नखांकच्छलात् ॥

६५४७-१ उत्तु गस्तनपर्वतैस्तनुरुहै र्ॐआवलीभूरुहैः काञ्चीक कणनूपुरध्वनिपरैर्हारावलीवागुरैः ।
६५४७-२ भ्रूचापेन कटाक्षविस्तरशरैः कन्दर्पदावानलैर् बाला खेलति पारधं निजगुणैः कामीमृगो बध्यते ॥

६५४८-१ उत्तु गस्तनभरतान्ततान्तमध्यं विश्लिष्यद्घनकचवान्तवान्तसूनं ।
६५४८-२ वक्राब्जभ्रमदलिभीतभीतनेत्रं मुग्धाक्षी मम धुरि मन्दमन्दमेति ॥

६५४९-१ उत्तु गस्तनभार एश तरले नेत्रे चले भ्रूलते रागान्धेषु तदोष्ठपल्लवमिदं कुर्वन्तु नाम व्यथां ।
६५४९-२ सौभाग्याक्षरप क्तिरेव लिखिता पुष्पायुधेन स्वयं मध्यस्थापि करोति तापमधिकं र्ॐआवली केन सा ॥

६५५०-१ उत्तु गस्तनमण्डलादवतरद्ग गेव हारावली र्ॐआली नवनालनीरदरुचिः सेयं कलिन्दात्मजा ।
६५५०-२ जातं तीर्थमिदं सुपुण्यजनकं यत्रावयोः संगमश्चन्द्रो मज्जति लाञ्छनापहृदये नूनं नखांकच्छलात् ॥

६५५१-१ उत्तु गस्तनमण्डलोपरिलसत्प्रालम्बमुक्तामणेर् अन्तर्बिम्बितमिन्द्रनीलनिकरच्छायानुकारिद्युति ।
६५५१-२ लज्जाव्याजमुपेत्य नम्रवदना स्पष्टं मुरारेर्वपुः पश्यन्ती मुदिता मुदेऽस्तु भवतां लक्ष्मीर्विवाहोत्सवे ॥

६५५२-१ उत्तु गस्तनशैलदुस्तरमुरो निम्नातिनाभिस्थली भीमं देहवनं स्फुरद्भुजलतं र्ॐआलिजालाकुलं ।
६५५२-२ व्याधः पञ्चशरः किरत्यतितरांस्तीक्ष्णान्कटाक्षाशुगांस् तन्मे ब्रूहि मनःकुर ग शरणं कं सांप्रतं यास्यसि ॥

६५५३-१ उत्तु गादनिलचलांशुकास्तटान्ताछ्चेतोभिः सह भयदर्शिनां प्रियाणां ।
६५५३-२ श्रोणीभिर्गुरुभिरतूर्णमुत्पतन्त्यस् तोयेषु द्रुततरम गना निपेतुः ॥

६५५४-१ उत्तु गे कृतसंश्रयस्य शिखरिण्युच्चावचग्रावणि न्यग्रोधस्य किम ग तस्य वचसा श्लाघासु पर्याप्यते ।
६५५४-२ बन्दुर्वा स पुराकृतः किमथवा सत्कर्मणां संचयो मार्गे रूक्षविपत्रशाखिनि जनो यं प्राप्य विश्राम्यति ॥

६५५५-१ उत्तु गे विभवद्रुमस्य शिखरे भुक्त्वा फलं स्वेच्छया तस्मात्प्रस्खलितः पदाद्विधिवशाद्भ्रष्टो निरालम्बनः ।
६५५५-२ पातालोदरभीषणे बहुविधक्लेशोरगाध्यासिते दौर्गत्यावटगर्भके निपतितश्चित्रं यदि प्राणिति ॥

६५५६-१ उत्तु गैस्तरुभिः किमेभिरफलैराकाशसंस्पर्शिभिर् धन्योऽसौ नितरामुलूपविटपो नद्यास्तटे तिष्ठति ।
६५५६-२ एवं यः कृतबुद्धिरुत्थितजलव्यालोलवीचीवशान् मज्जन्तं जनमुद्धरामि यदि वा तेनैव मज्जाम्यहं ॥

६५५८-१ उत्थातव्यं जागृतव्यं योक्तव्यं भूतिकर्मसु ।
६५५८-२ भविष्यतीत्येव मनः कृत्वा सततमव्यथैः ॥

६५५९-१ उत्थानं तु मनुष्याणां दक्षाणां दैववर्जितं ।
६५५९-२ अफलं दृश्यते लोके सम्यगप्युपपादितं ॥

६५६०-१ उत्थानं संयमो दाक्ष्यं अप्रमादो धृतिः स्मृतिः ।
६५६०-२ समीक्ष्य च समारम्भो विद्धि मूलं भवस्य तत् ॥

६५६१-१ उत्थानं हि नरेन्द्राणां बृहस्पतिरभाषत ।
६५६१-२ राजधर्मस्य यन्मूलं … … … ॥

६५६२-१ उत्थानधीरः पुरुषो वाग्धीरानधितिष्ठति ।
६५६२-२ उत्थानधीरं वाग्धीरा रमयन्त उपासते ॥

६५६३-१ उत्थानमभिजानन्ति सर्वभूतानि भारत ।
६५६३-२ प्रत्यक्षं फलमश्नन्ति कर्मणां लोकसाक्षिकं ॥

६५६४-१ उत्थानयुक्तः सततं परेषामन्तरैषणे ।
६५६४-२ आनृण्यमाप्नोति नरः परस्यात्मन एव च ॥

६५६५-१ उत्थानहीनो राजा हि बुद्धिमानपि नित्यशः ।
६५६५-२ धर्षणीयो रिपूणां स्याद्भुजंग इव निर्विषः ॥

६५६६-१ उत्थानेनामृतं लब्धं उत्थानेनासुरा हताः ।
६५६६-२ उत्थानेन महेन्द्रेण श्रैष्ठ्यं प्राप्तं दिवीह च ॥

६५६७-१ उत्थानेनैधयेत्सत्त्वं इन्धनेनेव पावकं ।
६५६७-२ श्रियो हि सततोत्थायी दुर्बलोऽपि समश्नुते ॥

६५६८-१ उत्थाने सभ्यानां उत्तिष्ठति याति तेषु यातेषु ।
६५६८-२ मतमन्तरापि राज्ञो विज्ञायाशीःप्रदो बहिरुपैति ॥

६५६८-१ उत्थापितः संयति रेणुरश्वैः सान्द्रीकृतः स्यन्दनवंशचक्रैः ।
६५६८-२ विस्तारितः कुञ्जरकर्णतालैर् नेत्रक्रमेणोपरुरोध सूर्यं ॥

६५६९-१ उत्थाप्य भुजगीं शक्तिं मूलवातैरधःस्थितां ।
६५६९-२ सुषुम्नान्तर्गतां पञ्चचक्राणां भेदिनीं शिवां ॥

६५७०-१ उत्थाय पश्चिमे यामे कृतशौचः समाहितः ।
६५७०-२ हुत्वाग्निं ब्राह्मणांश्चार्य प्रविशेच्च शुभां सभां ॥

६५७१-१ उत्थायोत्थाय पापेष्वभिरमति मतिर्मन्दबुद्धेर्यदा ते नैवेद्वेगो न शान्तिर्न च भवति घृणा कुर्वतः कर्म निन्द्यं ।
६५७१-२ तत्किं नैव प्रभाते ज्वलदनलसमा रौरवी नाम रौद्री तीक्ष्णायःकीलचक्रक्रकचपटुरवा राजधानी यमस्य ॥

६५७२-१ उत्थायोत्थाय बोद्धव्यं किमद्य सुकृतं कृतं ।
६५७२-२ आयुषः खण्डमादाय रविरस्तं गमिष्यति ॥

६५७३-१ उत्थायोत्थाय बोद्धव्यं किमद्य सुकृतं कृतं ।
६५७३-२ दत्तं वा दापितं वापि वाक्सत्या वापि भाषिता ॥

६५७४-१ उत्थायोत्थाय बोद्धव्यं महद्भयमुपस्थितं ।
६५७४-२ मरणव्याधिशोकानां किमद्य निपतिष्यति ॥

६५७५-१ उत्थायोत्थाय लीयन्ते दरिद्राणां मनोरथाः ।
६५७५-२ बालवैधव्यदग्धानां कुलस्त्रीणां कुचा इव ॥

६५७६-१ उत्थायोन्नतवासयष्टिशिखरे विस्तारिताकुञ्चितं बिभ्रत्पादमुदस्तकेसरसटः किंचिद्विनिद्रेक्षणः ।
६५७६-२ दूरादञ्चितकन्धरः शमवशाद्व्याधूय पक्षद्वयं मानम्लानिकरः कुर गकदृशां कोकूयते कुक्कुटः ॥

६५७७-१ उत्थिता एव पूज्यन्ते जनाः कार्यार्थिभिर्नरैः ।
६५७७-२ शत्रुवत्पतितं को नु वन्दते मानवं पुनः ॥

६५७७आ-१ उत्थिताग्रचरणा पृथुस्तनी पुष्पजालमपचिन्वती तरौ ।
६५७७आ-२ मध्यभञ्जनभयापदेशतो निस्त्रपा दयितकण्ठमग्रहीत् ॥

६५७८-१ उत्थितो निशि कलानिधिर्भवेदेतदीयमुखतुल्यताप्तये ।
६५७८-२ प्रापितो मलिनभावमेतया लज्जया नभसि यात्यदृश्यतां ॥

६५७९-१ उत्पक्ष्मणोर्नयनयोरुपरुद्धवृत्तिं बाष्पं कुरु स्थिरतया विरतानुबन्धं ।
६५७९-२ अस्मिन्नलक्षितनतोन्नतभूमिभागे मार्गे पदानि खलु ते विषमीभवन्ति ॥

६५८०-१ उत्पततोऽप्यन्तरिक्षं गच्छतोऽपि महीतलं ।
६५८०-२ धावतः पृथिवीं सर्वां नादत्तमुपतिष्ठति ॥

६५८१-१ उत्पतन्ति यदाकाशे निपतन्ति महीतले ।
६५८१-२ पक्षिणस्तदपि प्राप्त्या नादत्तमुपतिष्ठते ॥

६५८२-१ उत्पतन्ती भ्रमन्ती सा नमन्ती नलिनेक्षना ।
६५८२-२ शम्पाशतं वितन्वाना भ्रमरीव भ्रमं व्यधात् ॥

६५८३-१ उत्पतन्त्वन्तरिक्षं वा पातालं प्रविशन्तु वा ।
६५८३-२ चरन्तु वा दिशः सर्वा ह्यदत्तं नोपलभ्यते ॥

६५८५-१ उत्पतेत्सरुजाद्देशाद्व्याधिदुर्भिक्षपीडितात् ।
६५८५-२ अन्यत्र वस्तुं गच्छेद्वा वसेद्वा नित्यमानितः ॥

६५८६-१ उत्पत्तिः पयसां निधेर्वपुरपि ख्यातं सुधामन्दिरं स्पर्धन्ते विशदा लताभसरला हारावलीमंशवः ।
६५८६-२ कान्ता कैरविणी तव प्रियसखः शृ गारसारः स्मरो हं हो चन्द्र किमत्र तापजननं तापाय यन्मे भवान् ॥

६५८७-१ उत्पत्तिपरिपूरितायाः किमस्याः पावनान्तरैः ।
६५८७-२ तीर्थोदकं च वह्निश्च नान्यतः शुद्धिमर्हतः ॥

६५८८-१ उत्पत्तिरेव विप्रस्य मूर्तिर्धर्मस्य शाश्वती ।
६५८८-२ स हि धर्मार्थमुत्पन्नो ब्रह्मभूयाय कल्पते ॥

६५८८आ-१ उत्पत्तिर्जमदग्नितः स भगवान्देवः पिनाकी गुरुः शौर्यं यत्तु न तद्गिरां पथि ननु व्यक्तं हि तत्कर्मभिः ।
६५८८आ-२ त्यागः सप्तसमुद्रमुद्रितमहीनिर्व्याजदानावधिः क्षत्त्रब्रह्मतपोनिधेर्भगवतः किं वा न लोकोत्तरं ॥

६५८९-१ उत्पत्तिर्देवयजनाद्ब्रह्मवादी नृपः पिता ।
६५८९-२ सुप्रसन्नोज्ज्वला मूर्तिरस्यां स्नेहं करोति मे ॥

६५९०-१ उत्पत्तिर्मरुतां प्रभोर्युगदिने प्रख्याप्य विश्वोत्सवे पूण्याहश्रुतिषु प्रसिद्धिरधिका पूर्णं वयः पौरुषं ।
६५९०-२ काकुत्स्थेन समं सपत्नकलहो दैवज्ञता तादृशी काकस्तेन गुणेन काञ्चनमये व्यापारितः पञ्जरे ॥

६५९१-१ उत्पत्तिर्मलये समुद्रनिलये पन्था वृतो राक्षसैस् तत्रत्यानपि हन्त चन्दनतरूंश्छिन्दन्ति सांयात्रिकाः ।
६५९१-२ वर्तन्ते सविधस्थिताश्च सुखिनः शाखोटमुख्यद्रुमास् तन्मन्ये कृतिनस्तु ते तरुकुले ये नोपयोगक्षमाः ॥

६५९२-१ उत्पत्त्युत्पन्नशिष्टा विविधगुणगणा यत्र यान्ति प्रटिष्ठां बाधेन प्राक्तनानां न च नियमविधिर्नापि संख्यार्थदाने ।
६५९२-२ ऊहः सर्वत्र यस्य स्फुरति च सकलः सत्य एवार्थवादो मीमांसाभावमञ्चत्यभिनवमधुना मूर्तिरेषा त्वदीया ॥

६५९३-१ उत्पत्रेव दृशोऽर्चिषा कुसुमितेवेन्दोः करैर्भोगिभिः सारोहेव जटाटवी फलतु वः श्रेयो भवानीपतेः ।
६५९३-२ यत्पर्यन्तविवर्तिनः सुरसरित्पूरस्य भूरिस्फुरत्- फेनोण्डूकविलासमञ्चति विधेर्जीर्णा कपालावली ॥

६५९४-१ उत्पथा दुर्नदाः केचिद्बहुभ गभ्रमाविलाः ।
६५९४-२ तटस्थानपि निघ्नन्ति तरसा भिन्नसेतवः ॥

६५९५-१ उत्पथेन क्वचिद्याति क्वचिन्मार्गेण गच्छति ।
६५९५-२ मुहुरुष्णो मुहुः शीतश्चपलश्चपलायते ॥

६५९६-१ उत्पद्यन्ते विपद्यन्ते मद्विधाः क्षुद्रजन्तवः ।
६५९६-२ परार्थबद्धकक्ष्याणां तादृशामुद्भवः कुतः ॥

६५९७-१ उत्पन्नं सुधियां कुले यदखिलैस्त्यक्तं बुधैर्न क्षणं यन्नो विस्मृतमेकदापि सुजनैर्यद्यन्न युक्तं खलैः ।
६५९७-२ दौर्गत्यस्य तथाविधस्य महतस्तस्यापि केनापि नो यद्दानाम्बुसरित्प्रवाहपतितस्याकारि हस्तार्पणं ॥

६५९८-१ उत्पन्नपरितापस्य बुद्धिर्भवति यादृशी ।
६५९८-२ तादृशी यदि पूर्वं स्यात्कस्य न स्यान्महोदयः ॥

६५९९-१ उत्पन्नपुत्रमात्रस्य पुंसः स्वर्गो भवेद्ध्रृवं ।
६५९९-२ टिट्टिभोत्पादनादेव मन्दपालो दिवं ययौ ॥

६६००-१ उत्पन्नमिह लोके वै जन्मप्रभृति मानवं ।
६६००-२ विविधान्युपवर्तन्ते दुःखानि च सुखानि च ॥

६६०१-१ तयोरेकतरे मार्गे यद्येनमभिसंनयेत् ।
६६०१-२ न सुखं प्राप्य संहृष्येत्न दुःखं प्राप्य संज्वरेत् ॥

६६०२-१ उत्पन्नस्य रुरोः शृ गं वर्धमानस्य वर्धते ।
६६०२-२ प्रार्थना पुरुषस्येव तस्य मात्रा न विद्यते ॥

६६०३-१ उत्पन्नाः सरितां ह्रदेषु सुचिरं तत्रैव पुष्टास्ततः प्राप्ताः प्रावृषि सागरं जलचरास्तासां मुखादेव ये ।
६६०३-२ द्वित्रैरेव दिनैस्तिमिंगिलकुलस्यासाद्य कूटस्थतां मृष्यन्त्यद्य न ते रहस्यपि कृतां नादेयतासंकथां ॥

६६०४-१ उत्पन्ना बहवस्तलेषु सरसामम्भोरुहाणां चया ये यामिन्यधिपानुकारिरमणीवक्त्रोपमानं गताः ।
६६०४-२ नाभौ भ्ॐअरिपोरजायत महापद्मः स कोऽप्येकको यस्त्रैलोक्यसमुद्भवप्रभवितुर्जन्मावनित्वं गतः ॥

६६०५-१ उत्पन्नामापदं यस्तु समाधत्ते स बुद्धिमान् ।
६६०५-२ वणिजो भार्यया जारः प्रत्यक्षे निह्नुतो यथा ॥

६६०६-१ उत्पन्नेषु च कार्येषु मतिर्यस्य न हीयते ।
६६०६-२ स निस्तरति दुर्गाणि गोपी जारद्वयं यथा ॥

६६०७-१ उत्पन्नो घट चक्रवर्त्यसि पुनर्वह्निं प्रविश्य त्वया प्रातः स्नानपरिश्रमेण पयसां पानेन तप्तं तपः ।
६६०७-२ आक्रम्योन्नतजानु यन्मृगदृशां तिष्ठन्नितम्बस्थले कण्ठालम्बितबाहुवल्लिकुचयोः सीमानमास्कन्दसि ॥

६६०८-१ उत्पलस्य च पद्मस्य मत्स्यस्य कुमुदस्य च ।
६६०८-२ एकजातिप्रसूतानां रूपं गन्धः पृथक्पृथक् ॥

६६०९-१ उत्पलस्य हि रक्तिमा साधोः परोपकारिता ।
६६०९-२ असाधोः करुणाभावः स्वभावास्त्रिविधा यथा ॥

६६१०-१ उत्पल्लव इव किरणैः कुसुमित इव तारकाभिरयमिन्दुः ।
६६१०-२ उदयत्युदयतटान्ते सुरतरुरिव शीतलच्छायः ॥

६६११-१ उत्पश्यामि द्रुतमपि सखे मत्प्रियार्थं यियासोः कालक्षेपं ककुभसुरभौ पर्वते पर्वते ते ।
६६११-२ शुक्लापान्गैः सजलनयनैः स्वागतीकृत्य केकाः प्रत्युद्यातः कथमपि भवान्गन्तुमाशु व्यवस्येत् ॥

६६१२-१ उत्पातकं तदिह देव विचारणीयं नारायणो यदि पतेदथवा सुभद्रा ।
६६१२-२ कादम्बरीमदविघूर्णितलोचनस्य युक्तं हि ला गलधृतः पतनं पृथिव्यां ॥

६६१३-१ उत्पातकेतुरिव मन्मथनायकस्य वज्रप्रहार इव केलिलतावनस्य ।
६६१३-२ संहारकाल इव पान्थवधूजनस्य ग्रीष्मस्य भाति दिवसः सखि दूरिताशः ॥

६६१४-१ उत्पातजं छिद्रमसौ विवस्वान् व्यादाय वक्त्राकृति लोकभीष्यं ।
६६१४-२ अत्तुं जनान्धूसररश्मिराशिः सिंहो यथा कीर्णसटोऽभ्युदेति ॥

६६१५-१ उत्पाताय च काव्ये दुरुपश्रुतिरभिनये च नाट्यानां ।
६६१५-२ स्वस्थानामपि यद्वद्ध्वस्ता धारा धरित्रीति ॥

६६१६-१ उत्पादकब्रह्मदात्रोर्गरीयान्ब्रह्मदः पिता ।
६६१६-२ ब्रह्मजन्म हि विप्रस्य प्रेत्य चेह च शाश्वतं ॥

६६१७-१ उत्पादनमपत्यस्य जातस्य परिपालनं ।
६६१७-२ प्रत्यर्थं लोकयात्रायाः प्रत्यक्षं स्त्रीनिबन्धनं ॥

६६१८-१ उत्पादयति लोकस्य प्रीतिं मलयमारुतः ।
६६१८-२ ननु दाक्षिण्यसंपन्नः सर्वस्य भवति प्रियः ॥

६६१९-१ उत्पादयत्यलमिदं मनसो विषादं सीदत्सरोरुहनिभं वदनं त्वदीयं ।
६६१९-२ ज्ञात्वा निदानमहमत्र समानदुःखा प्राणैरपि प्रियतमे भवितुं समीहे ॥

६६२०-१ उत्पादयन्तो सुरतस्य विघ्नं परस्परालापसुखं हरन्ती ।
६६२०-२ संरागिणः कामिजनस्य गाढं अक्ष्णोर्ललम्बे सहसैव निद्रा ॥

६६२१-१ उत्पादिता स्वयमियं यदि तत्तनूजा तातेन वा यदि तदा भगिनी खलु श्रीः ।
६६२१-२ यद्यन्यसंगमवती च तदा परस्त्री तत्त्यागबद्धमनसः सुधियो भवन्ति ॥

६६२२-१ उत्पाद्य कृत्रिमान्दोषान्धनी सर्वत्र बाध्यते ।
६६२२-२ कृतदोषसहस्रोऽपि निर्धनः परमेश्वरः ॥

६६२३-१ उत्पाद्य पुत्राननृणांश्च कृत्वा वृत्तिं च तेभ्योऽनुविधाय कांचित् ।
६६२३-२ स्थाने कुमारीः प्रतिपाद्य सर्वा अरण्यसंस्थो मुनिवद्बुभूषेत् ॥

६६२४-१ उत्पाद्य यत्स्वयमपि प्रबलानुराग- भाजस्तथानुसरतोऽपि दिवाकरस्य ।
६६२४-२ छाया प्रसर्पति सुदूरमनेन मन्ये क्लृप्तं तया सदृशमेव कुलीनतायाः ॥

६६२५-१ उत्पुच्छः प्रमदोच्छ्वसद्वपुरधोविस्रंसिपक्षद्वयः स्वैरोत्फालगतिक्रमेण परितो भ्रान्त्वा सलीलं मुहुः ।
६६२५-२ उत्कण्ठालसकूजितः कलरुतां भूयो रिरंसारस- न्यग्भूतां चटकः प्रियामभिसरत्युद्वेपमानः क्षणं ॥

६६२६-१ उत्पुच्छानतधूतपक्षततयो झात्कारिणो विभ्रमैर् उद्वाच्यास्ततचञ्चवो लयवशादुत्क्षिप्तपादा मुहुः ।
६६२६-२ पश्यन्तो निजकण्ठकाण्डमलिनां कादम्बिनीमुन्नत- ग्रीवाभ्यर्णमिलत्कलापविटपा नृत्यन्ति केकाभृतः ॥

६६२७-१ उत्प्रवालान्यरण्यानि वाप्यः संफुल्लप कजाः ।
६६२७-२ चन्द्रः पूर्णश्च कामेन पान्थदृष्टेर्विषं कृतं ॥

६६२८-१ उत्प्लुत्य दूरं परिधूय पक्षा- वधो निरीक्ष्य क्षणबद्धलक्ष्यः ।
६६२८-२ मध्येजलं बुड्डति दत्तझम्पः समत्स्यमुत्सर्पति मत्स्यर कः ॥

६६२९-१ उत्प्लुत्य यः शिखरिणं मदकुम्भिकुम्भं उद्भिद्य सानुशतमायतमुल्लल घे ।
६६२९-२ पञ्चाननो नियतया जरयाभिभूतः सोऽयं करौ लिहति बृंहितलोहिताक्षः ॥

६६३०-१ उत्प्लुत्या गृहकोणतः प्रचलिताः स्तोकाग्रज घं ततो वक्रस्वैरपदक्रमैरुपगताः किंचिच्चलन्तो गले ।
६६३०-२ भेकाः पूतिनिपातिनो मिचिमिचीत्युन्मीलितार्धेक्षणा नक्राकारविदारिताननपुटैर्निर्मक्षिकं कुर्वते ॥

६६३१-१ उत्प्लुत्यारादर्धचन्द्रेण लूने वक्त्रेऽन्यस्य क्रोधदष्टोष्ठदन्ते ।
६६३१-२ सैन्यैः कण्ठच्छेदलीने कबन्धाद्भूयो बिभ्ये वल्गतः सासिपाणेः ॥

६६३२-१ उत्फालं हेलयैव द्रुतमभिपततः पूर्वपृथ्वीधराग्रादुच्चैरर्चिश्चपेटाहतिभिरिव हरेर्ध्वान्तदन्ती विदीर्णः ।
६६३२-२ रक्ताः कुम्भैर्विमुक्ता इव सकलदृशां विस्मयं संदधानाः संध्याशोणत्विषस्ताः सपदि निपतितास्तारकास्ताः समस्ताः ॥

६६३३-१ उत्फुल्लकमलकेसर- परागगौरद्युते मम हि गौरि ।
६६३३-२ अभिवाञ्छितं प्रसिद्ध्यतु भगवति युष्मत्प्रसादेन ॥

६६३४-१ उत्फुल्लगल्लपरिफुल्लमुखारविन्द- सौगन्ध्यलुब्धमधुपाकुलया रतांते ।
६६३४-२ संभुग्नपीनकुचचूचुकयातिगाढ- मालि गितो गिरिजया गिरिशः पुनातु ॥

६६३५-१ उत्फुल्लगल्लैरालापाः क्रियन्ते दुर्मुखैः सुखं ।
६६३५-२ जानाति हि पुनः सम्यक्कविरेव कवेः श्रमं ॥

६६३६-१ उत्फुल्लतापिच्छमनोरमश्रीर् मातुः स्तनन्यस्तमुखारविन्दः ।
६६३६-२ संचालयन्पादसरोरुहाग्रं कृष्णः कदा यास्यति दृक्पथं मे ॥

६६३७-१ उत्फुल्लप कजनिषक्तलसद्द्विरेफः किंचिद्विनिद्रकुमुदोत्करसंभृतश्रीः ।
६६३७-२ आमूलनद्धविविधाद्भुतमाल्यमालश्चित्रं न कस्य तनुते ललितस्तमालः ॥

६६३७आ-१ उत्फुल्लप कजवनं ददर्श विमलं सरः ।
६६३७आ-२ स्फाटिकं वनदेवीनां इव विभ्रमदर्पणं ॥

६६३८-१ उत्फुल्लपद्मवदनां दलत्कुवलयेक्षणां ।
६६३८-२ बन्धूककमनीयौष्ठां मन्दारस्तबकस्तनीं ॥

६६३९-१ शिरीषसुकुमारा गीं पञ्चपुष्पमयीमिव ।
६६३९-२ एकमेव जगज्जैत्रीं स्मरेण विहितामिषुं ॥

६६४०-१ उत्फुल्लमानसरसीरुहचारुमध्य- निर्यन्मधुव्रतभरद्युतिहारिणीभिः ।
६६४०-२ राधाविलोचनकटाक्षपरम्पराभिर् दृष्टो हरिस्तव सुखानि तनोतु कामं ॥

६६४१-१ उत्फुल्लरम्य सहकार रसालबन्धो कूजत्पिकावलिनिवास तथा विधेहि ।
६६४१-२ गुञ्जद्भ्रमद्भ्रमरकस्त्वयि बद्धतृष्णो नान्यान्प्रयाति पिचुमन्दकरीरवृक्षान् ॥

६६४२-१ उत्फुल्लस्थलनलिनीवनादमुष्मादुद्धूतः सरसिजसंभवह्परागः ।
६६४२-२ वात्याभिर्वियति विवर्तितः समन्तादाधत्ते कनकमयातपत्रलक्ष्मीं ॥

६६४३-१ उत्फुल्ला नवमालिका मदयति घ्राणेन्द्रियाह्लादिनी जातं धूसरमेव किंशुकतरोराश्यामलं जालकं ।
६६४३-२ आचिन्वन्ति कदम्बकानि मधुनः पाण्डूनि मत्तालयः स्त्रीणां पीनघनस्तनेषु कणवान्स्वेदः करोत्यास्पदं ॥

६६४४-१ उत्फुल्लामलक्ॐअलोत्पलदलश्यामाय रामामनः- कामाय प्रथमाननिर्मलगुणग्रामाय रामात्मने ।
६६४४-२ योगारूढमुनीन्द्रमानससरोहंसाय संसारवि- ध्वंसाय स्फुरदोजसे रघुकुलोत्तंसाय पुंसे नमः ॥

६६४५-१ उत्फुल्लार्जुनसर्जवासितवहत्पौरस्त्यझंझामरुथ्प्रे खोलस्खलितेन्द्रनीलशकलस्निग्धाम्बुदश्रेणयः ।
६६४५-२ धारासिक्तवसुंधरासुरभयः प्राप्तास्त एवाधुना घर्माम्भोविगमागमव्यतिकरश्रीवाहिनो वासराः ॥

६६४६-१ उत्फुल्लैर्बकुलैर्लव गमुकुलैः शेफालिकाकुड्मलैर् नीलाम्भोजकुलैस्तथा विचिकिलैः क्रान्तं च कान्तं च यत् ।
६६४६-२ तस्मिन्सौरभधाम्नि दाम्नि किमिदं सौगन्धवन्ध्यं मुधा मध्ये मुग्ध कुसुम्भमुम्भसि भवेन्नैवैष युक्तः क्रमः ॥

६६४७-१ उत्स गे वा मलिनवसने स्ॐय निक्षिप्य वीणां मद्गोत्रा कं विरचितपदं गेयमुद्गातुकामा ।
६६४७-२ तन्त्रीरार्द्रा नयनसलिलैः सारयित्वा कथंचिद्भूयोभूयः स्वयमपि कृतां मूर्च्छनां विस्मरन्ती ॥

६६४८-१ उत्स गैः सैकतानां शकुनिशतपदन्यासरेखा कितानां जम्बूषण्डानि नद्यो दधति परिणमल्लम्बिलम्बालकानि ।
६६४८-२ यत्तोयान्दोलदोलः पुलकयति तनुं तीरकस्तूरिकैण- प्रक्रान्तग्रन्थिपर्णग्रसनपरिमलोत्कन्धरो गन्धवाहः ॥

६६४९-१ उत्सन्नच्छदिरुच्छ्वसद्वृति गलद्भित्ति स्खलन्मण्डलि भ्राम्यत्कुण्डलि हिण्डदाखु खुरलिप्रक्रीडिभेकावलि ।
६६४९-२ पञ्चच्चर्मचटौघपक्षतिपुटप्रारब्धभांभांकृति श्रीमत्सेनकुलावतंस भवतः शत्रोरिवास्मद्गृहं ॥

६६५०-१ उत्सन्नमापणममुं द्रक्ष्यामो निर्मलैः कदा नयनैः ।
६६५०-२ चिन्तामणिकाचकणौ विपरीतगुणागुणौ यत्र ॥

६६५१-१ उत्सन्नो मधुरस्ति कोकिलरवैरुत्सन्नमस्त्येतदप्य् उत्सन्नं मलयानिलैरिदमपि प्रागेव जानीमहे ।
६६५१-२ पान्थास्तुष्यथ तावतैव किमिति भ्रान्ता यदि प्राणिति स्तोकेनापि मनोभवो विगलतु प्राणेषु शुष्को ग्रहः ॥

६६५२-१ उत्सर गकलितोरुकटारी- भाजिरा उत भयंकरभालाः ।
६६५२-२ सन्तु पायकगणा जय तैस्त्वं गामगोहरमिलाप इलावी ॥

६६५३-१ उत्सर्पद्धूमलेखात्विषि तमसि मनाग्विस्फुलि गायमानैर् उद्भेदैस्तारकाणां वियति परिगते पश्चिमाशामुपेता ।
६६५३-२ खेदेनेवानतासु स्खलदलिरसनास्वब्जिनीप्रेयसीषु प्रायः संध्यातपाग्निं विशति दिनपतौ दह्यते वासरश्रीः ॥

६६५४-१ उत्सवादपि नीचानां कलहोऽपि सुखायते ।
६६५४-२ कपर्दकार्धलाभेन कुशलो बहु मन्यते ॥

६६५५-१ उत्सवादुत्सवं यान्ति स्वर्गात्स्वर्गं सुखात्सुखं ।
६६५५-२ श्रद्धधानाश्च दान्ताश्च धनाढ्याः शुभकारिणः ॥

६६५६-१ उत्सवे व्यसने प्राप्ते दुर्भिक्षे शत्रुसंकटे ।
६६५६-२ राजद्वारे श्मशाने च यस्तिष्ठति स बान्धवः ॥

६६५७-१ उत्सारणप्रियतया परिरुद्धसर्व- द्वारे गृहे निरनुरोधतया वसन्तः ।
६६५७-२ संपल्लघूकृतधियोऽप्रतिघप्रवृत्तेर् धिग्जानते न रभसान्नियतेर्निपातं ॥

६६५८-१ उत्सारितो हसितदीधितिभिः कपोलादेकावलीभिरवधूत इव स्तनेभ्यः ।
६६५८-२ अ गेष्वलब्धपरिभोगसुखोऽन्धकारो गृह्णाति केशरचनासु रुषेव नारीः ॥

६६५९-१ उत्सार्य कुन्तलमपास्य दुकूलकूलं उन्नाम्य बाहुलतिकामलसास्तरुण्यः ।
६६५९-२ स्वेदाम्बुसिक्ततनवः स्पृहयन्ति यस्मै तस्मै नमः सुकृतिने मलयानिलाय ॥

६६६०-१ उत्साहः स्याद्रसे हास्ये ताले कन्दुकसंज्ञके ।
६६६०-२ वंशाभिवृद्धिकृत्पादस्त्रयोदशमिताक्षरः ।
६६६०-३ लघुद्वयं विरामान्तं ताले कन्दुकसंज्ञके ॥

६६६१-१ उत्साहकारकसखीवचनैर्विधाय भूषाविधिं कनकगौरतरा गकेषु ।
६६६१-२ प्राणेश्वरस्य सदनाय कृतप्रयाणा मुग्धा तथापि हृदि कम्पभरं बिभर्ति ॥

६६६२-१ उत्साहप्रभुशक्तिभ्यां मन्त्रशक्त्या च भारत ।
६६६२-२ उपपन्नो नृपो यायाद्विपरीतमतोऽन्यथा ॥

६६६३-१ उत्साहवन्तः पुरुषा दुर्बला बलिनं रिपुं ।
६६६३-२ हनिष्यन्ति हि संयाता तथैते पञ्च कुञ्जरं ॥

६६६४-१ उत्साहवन्तो हि नरा न लोके

६६६४-२ सीदन्ति कर्मस्वतिदुष्करेषु ॥

६६६४-२ … …

६६६५-१ उत्साहशक्तियुतविक्रमधैर्यराशिर्यो वेत्ति गोष्पदमिवाल्पतरं समुद्रं ।
६६६५-२ वल्मीकशृ गसदृशं च सदा नगेन्द्रं लक्ष्मीः स्वयं तमुपयाति न दीनसत्त्वं ॥

६६६६-१ उत्साहशक्तिहीनत्वाद्वृद्धो दीर्घामयस्तथा ।
६६६६-२ स्वैरेव परिभूयेते द्वावप्येतावसंशयं ॥

६६६७-१ उत्साहसंपन्नमदीर्घसूत्रं क्रियाविधिज्ञं व्यसनेष्वसक्तं ।
६६६७-२ शूरं कृतज्ञं दृढसौहृदं च लक्ष्मीः स्वयं वाञ्छति वासहेतोः ॥

६६६८-१ उत्साहस्य प्रभोर्मन्त्रस्यैवं शक्तित्रयं जगुः ।
६६६८-२ आत्मनः सुहृदश्चैव तन्मित्रस्योदयास्त्रयः ॥

६६६९-१ उत्साहातिशयं वत्स तव बाल्यं च पश्यतः ।
६६६९-२ मम हर्षविषादाभ्यां आक्रन्तं युगपन्मनः ॥

६६७०-१ उत्साहिता सकलशीधुमदेन वक्तुं अर्धोदिते नववधूरवलम्बितह्रीः ।
६६७०-२ आलीजनेष्वनुपसंहृतवाक्यशेषा भर्तुश्चकार सविशेषकुतूहलत्वं ॥

६६७१-१ उत्साहोञ्झितमनसां राज्ञां परिमोषिणां जिगीषूणां ।
६६७१-२ निरुपायोद्विग्नानां साधुश्चरके सदा शकुनः ॥

६६७२-१ उत्साहोद्धतविभ्रमभ्रमरकव्यावृत्तहारान्तर- त्रुट्यत्सूत्रविमुक्तमौक्तिकभरः सक्तः स्तनोत्स गयोः ।
६६७२-२ वक्त्रेन्दुच्युतसंततामृतकणाकारश्चकार क्षणं तस्या नृत्तरसश्रमोदितघनस्वेदाम्बुबिम्बश्रियं ॥

६६७३-१ उत्साहो बलवानार्य नास्त्युत्साहात्परं बलं ।
६६७३-२ उत्साहारम्भमात्रेण जायन्ते सर्वसंपदः ॥

६६७४-१ उत्साहो बलवानार्य नास्त्युत्साहात्परं बलं ।
६६७४-२ सोत्साहस्य हि लोकेषु न किंचिदपि दुर्लभं ॥

६६७५-१ उत्साहो रिपुवन्मित्रं आलस्यं मित्रवद्रिपुः ।
६६७५-२ अमृतं विषवद्विद्याऽमृतवद्विषम गना ॥

६६७६-१ उत्सिक्तः कुसुमासवैः कुमुदिनीं राजप्रियां पुष्पिणीं आलि गन्निशि निर्भयं परिचयं कुर्वन्पुनः पल्लवैः ।
६६७६-२ यावत्प कज्सौरभस्वमखिलं गृह्णंल्लघु प्रस्थितस् तावत्कल्य उपस्थिते मरुदयं विष्वग्भयाद्धावति ॥

६६७७-१ उत्सिक्तस्य तपःपराक्रमनिधेरस्यागमादेकतः सत्स गप्रियता च वीररभसोन्मादश्च मां कर्षतः ।
६६७७-२ वैदेहीपरिरम्भ एष च मुहुश्चैतन्यमामीलयन्न् आनन्दी हरिचन्दनेन्दुशिशिरस्निग्धो रुणद्ध्यन्यतः ॥

६६७८-१ उत्सीदेरन्प्रजाः सर्वा न कुर्युः कर्म चेद्यदि ।
६६७८-२ तथा ह्येता न वर्धेरन्कर्म चेदफलं भवेद् ॥

६६७९-१ उत्सृज्य कुसुमशयनं नलिनीदलकल्पितस्तनावरणं ।
६६७९-२ कथमातपे गमिष्यसि परिबाधापेलवैर गैः ॥

६६८०-१ उत्सृज्य गीतमसमाप्य विलासलास्यं अ कादपास्य सहसा मणिवल्लकीं च ।
६६८०-२ अत्युन्मनास्तदवलोकनकौतुकेन वातायनान्यधिरुरोह पुरन्ध्रिलोकः ॥

६६८०आ-१ उत्सृज्य जलसर्वस्वं विमलाः सितमूर्तयः ।
६६८०आ-२ तत्यजुश्चाम्बरं मेघा विग्रहं योगिनो यथा ॥

६६८१-१ उत्सृज्य विनिवर्तन्ते ज्ञातयः सुहृदः सुताः ।
६६८१-२ अपुष्पानफलान्वृक्षान्यथा तात पतत्रिणः ॥

६६८२-१ उत्सृज्य साधुवृत्तं कुटिलधिया वञ्चितः परो येन ।
६६८२-२ आत्मैव मूढमतिना कृतसुकृतो वञ्चितस्तेन ॥

६६८३-१ उत्सृज्याम्बुधिजामुखाम्बुजसुखालोकव्रतं यश्चिराद्देवः सेवितवान्सरोजनयनो निद्रां समुद्राम्भसि ।
६६८३-२ सोऽप्युत्तु गभुज गभोगशयनाज्जागर्ति यस्योत्सवे सोऽयं शारदशीतरोचिषि चमत्कारः कथं कथ्यतां ॥

६६८४-१ उत्सृष्टमम्बुजदृशामिव मानरत्नं आदाय षट्पदतिलान्मधुवारिपूरान् ।
६६८४-२ पुंस्कोकिलस्य कलकूजितकैतवेन संकल्पवाक्यमयमातनुते रसालः ॥

६६८५-१ उदकं चाग्निसंसृष्टकुम्भस गाद्यथैव हि ।
६६८५-२ उद्वेगोद्वर्तनादौष्ण्यं भजते तद्वदेव हि ॥

६६८६-१ अ गस गात्तथा जीवो भजते प्राकृतान्गुणान् ।
६६८६-२ अह काराभिभूतः सन्भिन्नस्तेभ्योऽपि सोऽव्ययः ॥

६६८७-१ उदकानलचौरेभ्यो मूषकेभ्यो विशेषतः ।
६६८७-२ कष्टेन लिखितं शास्त्रं यत्नेन परिपालयेत् ॥

६६८८-१ उदके सर्वबीजानि सर्वदेवा निजेश्वरे ।
६६८८-२ कलत्रे सर्वसौख्यानि सर्वे धर्मा दयामयाः ॥

६६८९-१ उदके सर्वबीजानि सर्वे देवा हुताशने ।
६६८९-२ कलत्रे सर्वसौख्यानि सर्वदानानि ब्राह्मणे ॥

६६९०-१ उदक्यापतितम्लेच्छचाण्डालाद्यभिभाषणे ।
६६९०-२ मार्जारमूषकस्पर्शे विण्मूत्रोत्सर्गदर्शने ॥

६६९१-१ उदग्रगोतावतगोत्रगौरवो महारजः पूतभटोत्कटच्छटः ।
६६९१-२ स्वरूपसम्पत्तिपरास्तमन्मथः स लक्ष्मणो लक्षितलक्षणोज्ज्वलः ॥

६६९२-१ उद मुखो वक्ति भषन्निशीथे द्विजोपपीडां मरणं गवां च ।
६६९२-२ कुमारिकादूषणगर्भपात- वह्नीन्निशान्ते शिवदि मुखः स्यात् ॥

६६९३-१ उदञ्चत्कावेरीलहरिषु परिष्व गर गे लुठन्तः कुहूकण्ठीकण्ठीरवरवलवत्रासितप्रोषितेभाः ।
६६९३-२ अमी चैत्रे मैत्रावरुणि तरुणीकेलिक केल्लिमल्ली- चलद्वल्लीहल्लीसकसुरभयश्चण्डि चञ्चन्ति वाताः ॥

६६९४-१ उदञ्चत्क्वणद्धुंकृतिक्वाणचञ्चन्- मणीमेखलादामदृप्यन्नितम्बा ।
६६९४-२ कृपापा गमा गल्यपट्टाभिषेकैर् जगन्म गलं ज्वालपा नः सहायः ॥

६६९५-१ उदञ्चद्घर्मांशुद्युतिपरिचयोन्निद्रबिसिनी- घनामोदाहूतभ्रमरभरझ कारमधुरां ।
६६९५-२ अपश्यत्कासारश्रियममृतवर्तिप्रणयिनीं सुखं जीवत्यन्धूदरविवरवर्ति प्लवकुलं ॥

६६९६-१ उदञ्चद्वक्षोजद्वयतटभरक्षोभितकटि स्फुरद्दृग्भ्यां मन्दीकृतविलसदिन्दीवरयुगं ।
६६९६-२ समुद्यद्भ्रूभ गं प्रविहितधनुर्भ गमनिशं वयस्तत्पद्माक्ष्याः कथमिव मनो न व्यथयतु ॥

६६९७-१ उदञ्चन्तां वाचो मधुरिमधुरीणाः खलु न मे न चाप्युज्जृम्भन्तां नवभणितयो भ गिसुभगाः ।
६६९७-२ क्षणं स्तोत्रव्याजादपि यदि भवन्तं हृदि नये तदात्मा पावित्र्यं नियतमियतैवाञ्चति मम ॥

६६९८-१ उदञ्चन्मञ्जीरध्वनिमिलितकाञ्चीकलरवं मिलिन्दालीगुञ्जारवसुभगशिञ्जानवलयं ।
६६९८-२ गलन्मुक्तादामस्तनविनिहितस्वेदकणिकं रतं धन्यं मन्ये चलदलकमिन्दीवरदृशः ॥

६६९९-१ उदञ्चय दृगञ्चलं चलतु चञ्चरीकोच्चयः प्रपञ्चय वचःसुधा श्रवणपालिमालि गतु ।
६६९९-२ भ्रुवं नटय नागरि त्यजतु मन्मथः कार्मुकं मुखं च कुरु संमुखं व्रजतु लाघवं चन्द्रमाः ॥

६७००-१ उदञ्चय दृगञ्चलं रचय म गलं सर्वतश्चिराय समुपागतः पुरत एष ते वल्लभः ।
६७००-२ इति प्रियगिरा श्रुतीपुलकदन्तुरे कुर्वती प्रकशयति नो दृशौ प्रियसखी मृषाश कया ॥

६७०१-१ उदधिरवधिरुर्व्यास्तं हनूमांस्ततार निरवधि गगनं चेत्त्वाण्डकोशे विलीनं ।
६७०१-२ इति परिमितिमन्तो भान्ति सर्वेऽपि भावाः स तु निरवधिरेकः सज्जनानां विवेकः ॥

६७०२-१ उदधेरिव रत्नानि तेजांसीव विवस्वतः ।
६७०२-२ स्तुतिभ्यो व्यतिरिच्यन्ते दूराणि चरितानि ते ॥

६७०३-१ उदन्वच्छिन्ना भूः स च निधिरपां योजनशतं सदा पान्थः पूषा गगनपरिमाणं कलयति ।
६७०३-२ इति प्रायो भावाः स्फुरदवधिमुद्रामुकुलिताः सतां प्रज्ञोन्मेषः पुनरयमसीमा विजयते ॥

६७०४-१ उदन्वानिव योऽक्षोभ्यो ज्ञायते संश्रितैः प्रभुः ।
६७०४-२ का ह्रीस्ततोऽन्या सोऽन्यैर्यत्तेषामग्रेऽभिभूयते ॥

६७०५-१ उदमज्जि कैटभजितः शयनादपनिद्रपाण्डुरसरोजरुचा ।
६७०५-२ प्रथमप्रबुद्धनदराजसुता- वदनेन्दुनेव तुहिनद्युतिना ॥

६७०६-१ उदयं प्राप्य तीक्ष्णत्वाद्दुष्प्रेक्ष्यत्वमुपेयुषः ।
६७०६-२ पादान्तिके वसुमतो न हि मानी निषीदति ॥

६७०७-१ उदयं संहता एव संहता एव च क्षयं ।
६७०७-२ प्रयान्तः स्पृहणीयत्वं तन्त्रिणः कस्य नागमन् ॥

६७०८-१ उदयगिरिगतायां प्राक्प्रभापाण्डुतायां अनुसरति निशीथे शृ गमस्ताचलस्य ।
६७०८-२ जयति किमपि तेजः सांप्रतं व्य्ॐअमध्ये सलिलमिव विभिन्नं जाह्नवं यामुनं च ॥

६७०९-१ उदयगिरितटस्थः पद्मिनीर्बोधयित्वा मृदुतरकिरणाग्रैस्ताः स्वयं चोपभुज्य ।
६७०९-२ मलिनमधुपस गात्तासु संजातकोपः कृतरुधिरविरोचिर्भानुरस्तं प्रयातः ॥

६७१०-१ उदयगिरिशिरःस्थो निद्रया मूढमेतज् जगदगदमशेषं निर्मिमीतेऽनिशं यः ।
६७१०-२ अमिततमितमिस्रोद्दामदारिद्र्यहारि- प्रसृमरकिरणौघः स्यान्मुदे वः स देवः ॥

६७११-१ उदयगूढशशा कमरीचिभिस् तमसि दूरमितः प्रतिसारिते ।
६७११-२ अलकसंयमनादिव लोचने हरति मे हरिवाहनदि मुखं ॥

६७१२-१ उदयतटान्तरितमियं प्राची सूचयति दि निशानाथं ।
६७१२-२ परिपाण्डुना मुखेन प्रियमिव हृदयस्थितं रमणी ॥

६७१३-१ उदयति कलमन्द्रैः कण्ठतालैरलीनां कुमुदमुकुलकेषु व्यञ्जयन्न गहारान् ।
६७१३-२ मदमुखरचकोरीतोयकर्मान्तिकोऽयं तुहिनरुचिरधामा दक्षिणं लोकचक्षुः ॥

६७१४-१ उदयति तडिच्चित्रं मित्रं रतेः कमलद्वयी कुसुमितनवस्तम्भे रम्भे विधाय तनोरधः ।
६७१४-२ तडिति वलति व्य्ॐअ व्य्ॐआश्रयं च गिरिद्वयं गिरिपरिसरे कम्बुः कम्बौ कलानिधिमण्डलं ॥

६७१५-१ उदयति तपनेऽपि चेत्तमिस्रं वद कुत एव दिनक्षपाविवेकः ।
६७१५-२ भगवति यदि कर्म दुर्निवार्यं तव चरणस्मरणेन साध्यते किं ॥

६७१६-१ उदयति तरुणिमतरणी शैशवशशिनि प्रशान्तिमायाते ।
६७१६-२ कुचचक्रवाकयुगलं तरुणितटिन्यां मिथो मिलति ॥

६७१७-१ उदयति नवनीतपिण्डपाण्डुः कुमुदवनान्यवघट्टयन्कराग्रैः ।
६७१७-२ उदयगिरितटस्फुटाट्टहासो रजनिवधूमुखदर्पणः शशा कः ॥

६७१८-१ उदयति यदि भानुः पश्चिमे दिग्विभागे प्रचलति यदि मेरुः शीततां याति वह्निः ।
६७१८-२ विकसति यदि पद्मं पर्वताग्रे शिलायां न भवति पुनरुक्तं भाषितं सज्जनानां ॥

६७१९-१ उदयति विततोर्ध्वरश्मिरज्जा- वहिमरुचौ हिमधाम्नि याति चास्तं ।
६७१९-२ वहति गिरिरयं विलम्बिघण्टा- द्वयपरिवारितवारणेन्द्रलीलां ॥

६७२०-१ उदयति हि शशा कः कामिनीगण्डपाण्डुर् ग्रहगणपरिवारो राजमार्गप्रदीपः ।
६७२०-२ तिमिरनिकरमध्ये रश्मयो यस्य गौराः स्रुतजल इव प के क्षीरधाराः पतन्ति ॥

६७२१-१ उदयति हृदि यस्य नैव लज्जा न च करुणा न च कोऽपि भीतिलेशः ।
६७२१-२ बकुलमुकुलकोशक्ॐअलां मां पुनरपि तस्य करे न पातयेथाः ॥

६७२२-१ उदयदुदयदीक्षणाय पत्युश्चपलदृशस्त्रपया निरुध्यमानं ।
६७२२-२ मन इव कृपणस्य दानकाले कति न ततान गतागतानि चक्षुः ॥

६७२३-१ उदयन्तु नाम मेघा भवतु निशा वर्षमविरतं पततु ।
६७२३-२ गणयामि नैव सर्वं दयिताभिमुखेन हृदयेन ॥

६७२४-१ उदयन्नेष सविता पद्मेष्वर्पयति श्रियं ।
६७२४-२ विभावयितुमृद्धीनां फलं सुहृदनुग्रहं ॥

६७२५-१ उदयप्रभसूरीन्द्रः प्रथितः प्रतिभोदयः ।
६७२५-२ नानादिव्यप्रबन्धानां निर्मातायं विराजते ॥

६७२६-१ उदयप्रभसूरीन्द्रे प्रकाशयति भूतलं ।
६७२६-२ अपरे विबुधाः सर्वे निष्प्रभा इव सर्वतः ॥

६७२७-१ उदयमयते दि मालिन्यं निराकुरुतेतरां नयति निधनं निद्रामुद्रां प्रवर्तयति क्रियाः ।
६७२७-२ रचयतितरां स्वैराचारप्रवर्तनकर्तनं बत बत लसत्तेजःपुञ्जो विभाति विभाकरः ॥

६७२८-१ उदयमुदितदीप्तिर्याति यः संगतौ मे पतति न वरमिन्दुः सोऽपरामेष गत्वा ।
६७२८-२ स्मितरुचिरिव सद्यः साभ्यसूयं प्रभेति स्फुरति विशदमेषा पूर्वकाष्ठा गनायाः ॥

६७२९-१ उदयशिखरिशृ गप्रा गणेष्वेष रि गन् सकमलमुखहासं वीक्षितः पद्मिनीभिः ।
६७२९-२ विततमृदुकराग्रः शब्दयन्त्या वयोभिः परिपतति दिवोऽ के हेलया बालसूर्यः ॥

६७३०-१ उदयसिंह धराधिपतौ त्वयि स्फुरति किं रविणा विधुनापि वा ।
६७३०-२ स्वमहसा हि विकाशयसे जगथ्स्वयशसा च सुशीतलयस्यपि ॥

६७३१-१ उदयस्थः सहस्रांशुर्दृष्टेरायाति गम्यतां ।
६७३१-२ अतिरिक्तं कदा कं वा ल घयन्ति न योषितः ॥

६७३२-१ उदयाद्रेरुड्डीनो दिनं भ्रमित्वा पत गोऽयं ।
६७३२-२ अद्य प्रदोषसमये वडवाज्वलने जुहोति देहं स्वं ॥

६७३३-१ उदयास्तौ मूलाख्यौ उत्तरयाम्यौ ध्रुवनिवासनामानौ ।
६७३३-२ नैरृतवायव्यौ च प्रयाणचरकाह्वयौ तेषां ॥

६७३४-१ उदये सवितारक्तो रक्तश्चास्तमये तथा ।
६७३४-२ संपत्तौ च विपत्तौ च महतामेकरूपता ॥

६७३५-१ उदरं नतमध्यपृष्ठता- स्फुटद गुष्ठपदेन मुष्टिना ।
६७३५-२ चतुर गुलमध्यनिर्गत- त्रिवलिभ्राजि कृतं दमस्वसुः ॥

६७३६-१ उदरं परिमाति मुष्टिना कुतुकी कोऽपि दमस्वसुः किमु ।
६७३६-२ धृततच्चतुर गुलीव यद्वलिभिर्भाति सहेमकाञ्चिभिः ॥

६७३७-१ उदर एव धृतः किमुदन्वता न विषमो वडवानलवद्विधुः ।
६७३७-२ विषवदुज्झितमप्यमुना न स स्मरहरः किममुं बुभुजे विभुः ॥

६७३८-१ उदरदरीयं गहना यद्गतमखिलं विलीयते क्वचन ।
६७३८-२ एका तत्र च भुजगी विलापयति कं न सा दुष्टा ॥

६७३९-१ उदरद्वयभरणभयादर्धा गाहितदारः ।
६७३९-२ यदि नैवं तस्य सुतः कथमद्यापि कुमारः ॥

६७४०-१ उदरम्भरिता लोके तवैव नान्यस्य दुःशका दृष्टा ।
६७४०-२ उत्सृष्टपुरीषमपि स्वादूकुर्वन्वराह यद्भु क्षे ॥

६७४१-१ उदरस्येदमणुत्वं सहजगुरुत्वं यदि नेदं हृदयस्य ।
६७४१-२ स्वार्थे कथमलसत्वं कथमनुसत्वं हितकरणे मतिरस्य ॥

६७४२-१ उदरार्थं न यत्किंचिन्निषेवेत कदाचन ।
६७४२-२ न हंसो वर्णसाम्येऽपि बकवन्मत्स्यभुग्यतः ॥

६७४३-१ उदर्कभूतिमिच्छद्भिः सद्भिः खलु न दृश्यते ।
६७४३-२ चतुर्थीचन्द्रलेखेव परस्त्रीभालपट्टिका ॥

६७४४-१ उदस्य धैर्यं दयितेन सादरं प्रसादितायाः करवारिवारितं ।
६७४४-२ मुखं निमीलन्नयनं नतभ्रुवः श्रियं सपत्नीवदनादिवाददे ॥

६७४५-१ उदस्योच्चैः पुच्छं शिरसि निहितं जीर्णजटिले यदृच्छाव्यापन्नद्विपपिशितलेशाः कवलिताः ।
६७४५-२ गुहागर्भे शून्ये सुचिरमुषितं जम्बुक सखे तदेतत्किं कुर्मो यदसि न गतः सिंहसमतां ॥

६७४६-१ उदायुधो यावदहं तावदन्यैः किमायुधैः ।
६७४६-२ यद्वा न सिद्धमस्त्रेण मम तत्केन सेत्स्यति ॥

६७४७-१ उदारचरितात्त्यागी याचितः कृपणोऽधिकः ।
६७४७-२ एको धनं ततः प्राणानन्यः प्राणांस्ततो धनं ॥

६७४८-१ उदारस्य तृणं वित्तं शूरस्य मरणं त्र्णं ।
६७४८-२ विरक्तस्य तृणं भार्या निःस्पृहस्य तृणं जगत् ॥

६७४९-१ उदारांस्त्वदृते नान्यान्प्रपश्याम्ययि पार्वति ।
६७४९-२ श्रीरामभक्तिमाणिक्यं अदेयमपि देहि मे ॥

६७५०-१ उदारैर्मन्दारै रचितशिखरं चन्द्रशिखरं समभ्यर्च्य प्रेम्णा विपुलपुलकालंकृततनुः ।
६७५०-२ कदा गन्धाबन्धप्रमदमुदितोद्दाममधुप- स्फुरद्गुञ्जागर्भैर्विभुमभिभजेयं नुतिपदैः ॥

६७५१-१ उदासीनालीनामपि वचसि लीनातनुलसथ्त्रपाधीना दीनालपनपदवीनायकधृता ।
६७५१-२ कवीनामासीना हृदि कुमुदिनीनाथवदना नवीना मीनाक्षी व्यथयति मुनीनामपि मनः ॥

६७५२-१ उदासीनो देवो मदनमथनः सज्जनकुले कलिक्रीडासक्तः कृतपरिजनः प्राकृतजनः ।
६७५२-२ इयं म्लेच्छाक्रान्ता त्रिदशतटिनी चोभयतटे कथं भ्रातः स्थाता कथय सुकृतिन्कुत्र विभयः ॥

६७५३-१ उदाहरणमाशीःषु प्रथमे ते मनस्विनां ।
६७५३-२ शुष्केऽशनिरिवामर्षो यैररातिषु पात्यते ॥

६७५४-१ उदितं प्रियां प्रति सहार्दमिति श्रदधीयत प्रियतमेन वचः ।
६७५४-२ विदिते गिते हि पुर एव जने सपदीरिताः खलु लगन्ति गिरः ॥

६७५५-१ उदितं मण्डलमिन्दो रुदितं सद्यो वियोगिवर्गेण ।
६७५५-२ मुदितं च सकलललना- चूडामणिशासनेन मदनेन ॥

६७५६-१ उदितः समयः श्रयतेऽस्तमयं कृतकं सकलं लभते विलयं ।
६७५६-२ सकलानि फलानि पतन्ति तरोः सकला जलधिं समुपैति नदी ॥

६७५७-१ उदितमुदितो हन्ति ध्वान्तं सहस्रकरः करैर् निहतनिहितं भूयो भूयस्तमः परिजृम्भते ।
६७५७-२ विरमति तमो नेदं नायं निषीदति भानुमान् न खलु विकसद्वैरा धीराः कथंचिदुदासते ॥

६७५८-१ उदितवति द्विजराजे कस्य न हृदये मुदः पदं दधति ।
६७५८-२ संकुचसि कमल यदयं हर हर वामो विधिर्भवतः ॥

६७५९-१ उदितवति परस्मिन्प्रत्यये शास्त्रयोनौ गतवति विलयं च प्राकृतेऽतिप्रपञ्चे ।
६७५९-२ सपदि पदमुदीतं केवलः प्रत्ययो यस् तदियदिति च वक्तुं कः क्षमः पण्डितोऽपि ॥

६७६०-१ उदिते दृष्टिसुखे त्वयि शशिनीव भवन्ति चन्द्रकान्तानि ।
६७६०-२ वदनान्यरिनारीणां अविरलजलबिन्दुवर्षीणि ॥

६७६१-१ उदितेऽपि तवावनीन्द्र तेजस् तपने स्फारगभस्तिभारभाजि ।
६७६१-२ तव वैरिनृपायशस्तमांसि स्फुरदुज्जृम्भितमाचरन्ति चित्रं ॥

६७६२-१ उदिते भास्करे लक्ष्यं पश्चिमायां निवेशयेत् ।
६७६२-२ अपराह्णे च कर्तव्यं लक्ष्यं पूर्वदिगाश्रितं ॥

६७६३-१ उदितैरन्यपुष्टानां आरुतैर्मे हतं मनः ।
६७६३-२ उदितैरपि ते दूति मारुतैरपि दक्षिणैः ॥

६७६४-१ उदितोऽपि तुहिनगहने गगनप्रान्ते न दीप्यते तपनः ।
६७६४-२ कठिनघृतपूरपूर्णे शरावशिरसि प्रदीप इव ॥

६७६५-१ उदितोरुसादमतिवेपथुमथ्सुदृशोऽभिभर्तृ विधुरं त्रपया ।
६७६५-२ वपुरादरातिशयशंसि पुनः प्रतिपत्तिमूढमपि बाढमभूत् ॥

६७६६-१ उदीच्यां सस्यनिष्पत्तिर्याम्यां निष्पत्तिनाशनं ।
६७६६-२ गृहान्निर्गच्छतां वमे शुभं क्षेत्रे च दक्षिणं ॥

६७६७-१ उदीरितोऽर्थः पशुनापि गृह्यते हयाश्च नागाश्च वहन्ति चोदिताः ।
६७६७-२ अनुक्तमप्यूहति पण्डितो जनः परे गितज्ञान फला हि बुद्धयः ॥

६७६८-१ उदीर्णमनसो योध वाहनानि च भारत ।
६७६८-२ यस्यां भवन्ति सेनायां ध्रुवं तस्यां जयो भवेत् ॥

६७६९-१ उदीर्यमाणेऽपि च सान्त्ववादे मानापनोदो नहि राधिकायाः ।
६७६९-२ मानोऽस्तु ते यद्यपराधिकः स्यां स्वप्नेऽपि नैवास्म्यपराधिकोऽहं ॥

६७७०-१ उदुम्बरद्रुमानष्टौ रोपयेत्स्वयमेव यः ।
६७७०-२ प्रेरयेद्रोपणायापि चन्द्रलोके स मोदते ॥

६७७१-१ उदुम्बरफलानीव ब्रह्माण्डान्यत्ति यः सदा ।
६७७१-२ सर्वगर्वापहः कालस्तस्य के मशका वयं ॥

६७७२-१ उदेति घनमण्डली नटति नीलकण्ठावली तडिद्वलति सर्वतो वहति केतकीमारुतः ।
६७७२-२ तथापि यदि नागतः स सखि तत्र मन्येऽधुना दधाति मकरध्वजस्त्रुटितशिञ्जिनीकं धनुः ॥

६७७३-१ उदेति पूर्वं कुसुमं ततः फलं घनोदयः प्राक्तदनन्तरं पयः ।
६७७३-२ निमित्तनैमित्तिकयोरयं क्रमस् तव प्रसादस्य पुरस्तु संपदः ॥

६७७४-१ उदेति यस्यां न निशाकरो रिपुस् तिथिर्नु का पुण्यवतीभिराप्यते ।
६७७४-२ इतीव दुष्ट्या परिदेविते मुहुः कुहूकुहूरित्यलमाह कोकिलः ॥

६७७५-१ उदेति सविता ताम्रस्ताम्र एवास्तमेति च ।
६७७५-२ संपत्तौ च विपत्तौ च महतामेकरूपता ॥

६७७६-१ उदेतुमत्यजन्नीहां राजसु द्वादशस्वपि ।
६७७६-२ जिगीषुरेको दिनकृदादित्येष्विव कल्पते ॥

६७७७-१ उदेष्यत्पीयूषद्युतिरुचिकणार्द्राः शशिमणि- स्थलीनां पन्थानो घनचरणलाक्षालिपिभृतः ।
६७७७-२ चकोरैरुड्डीनैर्झटिति कृतश काः प्रतिपदं पराञ्चः संचारानविनयवतीनां विवृणुते ॥

६७७८-१ उद्गच्छत्यलिझ कृतिः स्मरधनुर्ज्यामञ्जुगुञ्जारवैर् निर्याता विषलिप्तभल्लिविषमाः कंकेल्लिफुल्लच्छटाः ।
६७७८-२ रे संप्रत्यपवित्रमत्र पथिकाः सारम्भमुज्जृम्भते चूतो दूत इवान्तकस्य कलिकाजालस्फुरत्पल्लवः ॥

६७७९-१ उद्गता मथनक्षोभात्फेनराजिः पयोदधेः ।
६७७९-२ तारकावलिरित्यज्ञैरियं सखि निवेद्यते ॥

६७८०-१ उद्गतेन्दुमविभिन्नतमिस्रां पश्यति स्म रजनीमवितृप्तः ।
६७८०-२ व्यंशुकस्फुटमुखीमतिजिह्मां व्रीडया नववधूमिव लोकः ॥

६७८१-१ उद्गमनोपनिवेशन- शयनपरावृत्तिवलनचलनेषु ।
६७८१-२ अनिशं स मोहयति मां हृल्लग्नः श्वास इव दयितः ॥

६७८२-१ उद्गर्जज्जलकुञ्जरेन्द्ररभसास्फालानुबन्धोद्धतः सर्वाः पर्वतकन्दरोदरभुवः कुर्वन्प्रतिध्वानिनीः ।
६७८२-२ उच्चैरुच्चरति ध्वनिः श्रुतिपथोन्माथी यथायं तथा प्रायः प्रे खदसंख्यश खवलया वेलेयमागच्छति ॥

६७८३-१ उद्गर्जन्कुटिलस्तटाश्रयतरुप्रोन्मूलनोड्डामरो मा गर्वीः सरितः प्रवाह जलधिं प्रक्षोभयामीति भोः ।
६७८३-२ स्वां सत्तां यदि वाञ्छसि भ्रम मरुष्वेवास्स्व तत्रैव वा दूरे वाडववह्निरत्र तु महासत्त्वैर्विशन्पीयते ॥

६७८४-१ उद्गर्भहूणतरुणीरमणोपमर्द- भुग्नोन्नतिस्तननिवेशनिभं हिमांशोः ।
६७८४-२ बिम्बं कठोरबिसकाण्डकडारगौरैर् विष्णोः पदं प्रथममग्रकरैर्व्यनक्ति ॥

६७८५-१ उद्गृह्य वीटीग्रथनं नतभ्रूर् आच्छाद्य वक्षःस्थलमञ्चलेन ।
६७८५-२ उत्तारयन्ती निविडं निचोलं मनोभवस्यापि मनो मिनोति ॥

६७८६-१ उद्ग्राहश्चान्यधातुः स्याद्ध्रुवकश्चान्यधातुकः ।
६७८६-२ मेलापकोऽन्यधातुः स्यादाभोगश्चान्यधातुकः ।
६७८६-३ चतुर्धातुकमेतद्धि रूपकं कीर्त्यते बुधैः ॥

६७८७-१ उद्ग्राहस्याद्यखण्डे च न्यासः स ध्रुवको मतः ।
६७८७-२ एवं हि षट्पदः प्रोक्त उत्तमो ध्रुवको बुधैः ॥

६७८८-१ उद्ग्राहो ध्रुपदश्च स्यादाभोगस्तदनन्तरं ।
६७८८-२ नियमस्त्रिविधो ज्ञेयो मण्ठकस्य विचक्षणैः ॥

६७८९-१ उद्ग्रीवं खलु वीक्षितं वपुरिदं लज्जालसं यत्तदा गच्छन्त्याः सखिसंनिधौ किमपि यन्निर्वर्णकं भाषितं ।
६७८९-२ हे प्राणा विरहेण यात किमिदं नैर्घृण्यमालम्बितं तत्स्मृत्वा यदि युक्तमासितुमहो यूयं प्रमाणं मम ॥

६७९०-१ उद्ग्रीवस्तिमितेक्षनस्तत इतः पश्यन्निलीय स्थितं पादोद्घृष्टिपरस्परप्रतिभयभ्रान्तं चलत्पक्षतिः ।
६७९०-२ द्राक्त्रोटीपुरकोटिकुण्ठितरयं प्राक्तिर्यगूर्ध्वीकृतं गर्भान्तःप्रणयीचकार शफरं कासारचारी बकः ॥

६७९१-१ उद्ग्रीवा विवृतारुणास्यकुहरास्तृष्णाचलत्तालवः पक्षासंभववेपमानतनवः प्रोड्डीय किंचिद्भुवः ।
६७९१-२ अन्योन्याक्रमिणः शरारिशिशवः प्रातर्नदीरोधसि प्रालेयाम्बु पिबन्ति वीरणदलद्रोणीप्रणालस्रुतं ॥

६७९२-१ उद्घातयेद्दक्षिणमक्षि यक्षो हस्तेन मृद्नात्यथ दक्षिणेन ।
६७९२-२ यस्याभिषेके स भवेत्स्वशक्त्या क्षितीशलक्षेक्षितपादपद्मः ॥

६७९३-१ उद्घाटितनवद्वारे पञ्जरे विहगोऽनिलः ।
६७९३-२ यत्तिष्ठति तदाश्चार्यं प्रयाणे विस्मयः कुतः ॥

६७९४-१ उद्घाट्य चेद्दक्षिणमक्षि लीढे नाभिं स्वकीयामथवाधिरूढः ।
६७९४-२ शेते गृहस्योपरि जागरूकस् तदाम्बुदोऽम्बु क्षिपति प्रभूतं ॥

६७९५-१ उद्घाट्य योगकलया हृदयाब्जकोशं धन्यैश्चिरादपि यथारुचि गृह्यमाणः ।
६७९५-२ यः प्रस्फुरत्यविरतं परिपूर्णरूपः श्रेयः स मे दिशतु शाश्वतिकं मुकुन्दः ॥

६७९६-१ उद्दण्डकोकनदक्ॐअलकोशकान्तिः कान्ताकचग्रहणकण्टकितप्रकोष्ठः ।
६७९६-२ मित्रद्विजातिरिपुवर्गविलासिनीनां संमानदानभयभोगकरः करस्ते ॥

६७९७-१ उद्दण्डे भुजदण्डे तव कोदण्डे परिस्फुरति ।
६७९७-२ अरिमण्डलरविमण्डल- रम्भाकुचमण्डलानि वेपन्ते ॥

६७९८-१ उद्दामज्वलदंशुमालिकिरणव्यर्थातिरेकादिव च्छायाः संप्रति यान्ति पिण्डपदवीं मूलेषु भूमीरुहां ।
६७९८-२ किं चैतद्दनुजाधिराजयुवतीवर्गावगाहोत्सरत्- क्षोभोड्डीनविहंगमण्डलकृतालीकातपत्रं सरः ॥

६७९९-१ उद्दामदक्षिणमरुद्भरचालिताभिः शाखाभिराकुलतरं रुतवारणाय ।
६७९९-२ मा मेति कोकिलकुलं वदतीव वृक्षः स्त्रैणं वियोगविधुरं कृपया विलोक्य ॥

६८००-१ उद्दामदन्तरुचिपल्लवितार्धचन्द्र- ज्योत्स्नानिपीततिमिरप्रसरोपरोधः ।
६८००-२ श्रेयांसि वो दिशतु ताण्डवितस्य शम्भोर् अम्भोधरावलिघनध्वनिरट्टहासः ॥

६८०१-१ उद्दामदानद्विपवृन्दबृंहितैर् नितान्तमुत्तु गतुरंगहेषितैः ।
६८०१-२ चलद्घनस्यन्दननेमिनिःस्वनैर् अभून्निरुच्छ्वासमिवाकुलं जगत् ॥

६८०२-१ उद्दामदिग्द्विरदचञ्चलकर्णपूर- गण्डस्थलोच्चलदलिस्तबकाकृतीनि ।
६८०२-२ मीलन्नभांसि मृगनाभिसमानभांसि दिक्कन्दरेषु विलसन्तितमां तमांसि ॥

६८०३-१ उद्दामद्युमणिद्युतिव्यतिकरप्रक्रीडदर्कोपल- ज्वालाजालजटालजा गलतटीनिष्कूजकोयष्टयः ।
६८०३-२ भ्ॐओष्मप्लवमानसूरकिरणक्रूरप्रकाशा दृशोर् आयुःकर्म समापयन्ति धिगमूर्मध्येऽह्नि शून्या दिशः ॥

६८०४-१ उद्दामद्रुमभ गभीमदशनो येनाभ्यघानि द्विपः सोऽयं वञ्चकचेष्टितैस्त्यजति किं पञ्चाननः काननं ।
६८०४-२ तत्प्रीतिर्न्न कृतिः समं न समरं क्षान्तिर्मनोग्लानये श्रेयानित्ययमस्य माननिधिनो यत्काननोपक्रमः ॥

६८०५-१ उद्दामद्विरदावलूनबिसिनीसौरभ्यसंभावित- व्य्ॐआनः कलहंसकम्पितगरुत्पालीमरुन्मांसलाः ।
६८०५-२ दूरोत्तानतर गल घनकलाज घालगर्वस्पृशः कर्पूरद्रवशीकरैरिव दिशो लिम्पन्ति पम्पानिलाः ॥

६८०६-१ उद्दामभ्रमिवेगविस्तृतजटावल्लीप्रणालीपतत्- स्वर्ग गाजलदण्डिकावलयितं निर्माय तत्पञ्जरं ।
६८०६-२ संभ्राम्यद्भुजदण्डपक्षपटलद्वन्द्वेन हंसायितस् त्रैलोक्यव्ययनाटिकानयनटः स्वामी जगत्त्रायतां ॥

६८०७-१ उद्दामाम्बुदगर्हितान्धतमसप्रध्वस्तदि मण्डले काले यामिकजाग्रदुग्रसुभटव्याकीर्णकोलाहले ।
६८०७-२ कर्णस्यासुहृदर्णवाम्बुवडवावह्नेर्यदन्तःपुरादायातासि तदम्बुजाक्षि कृतकं मन्ये भयं योषितां ॥

६८०८-१ उद्दामाम्बुदवर्ध मानशिखिनीकेकातिरेकाकुले संप्राप्यं सलिलं स्थलेष्वपि सदा निस्तर्षवर्षागमे ।
६८०८-२ भीष्मग्रीष्मभटे परस्परभयादालोच्यमानं मुहुर् दीनं मीनकुलं न पालयसि चेत्कासार का सारता ॥

६८०९-१ उद्दामार्कमरीचिमूर्छितदृशां येनाध्वगानामयं वेलालम्बनजागरूकमनसामारम्भि कर्णज्वरः ।
६८०९-२ क्लेशोच्छृ खलचेतसः प्रविशतो गण्डूषगर्भं मुनेर् लीनः कुत्र महार्णवस्य स पुनः कल्लोलकोलाहलः ॥

६८१०-१ उद्दामार्कांशुदीप्यद्दिनमणिमणिभिर्भस्मितान्ते समन्ताद्वायुव्याधूयमानज्वलनकणगणाकीर्णधूलिप्रकीर्णे ।
६८१०-२ कान्तारेऽस्मिन्नृपार्ते पथि पथिक भवे क्वापि पाथोदसेना- सूच्यग्रे कूपषट्कं तदुपरि नगरी तत्र ग गाप्रवाहः ॥

६८११-१ उद्दामोत्कलिकां विपाण्डुररुचं प्रारब्धजृम्भां क्षणादायासं श्वसनोद्गमैरविरतैरातन्वतीमात्मनः ।
६८११-२ अद्योद्यानलतामिमां समदनां नारीमिवान्यां ध्रुवं पश्यन्कोपविपाटलद्युति मुखं देव्याः करिष्याम्यहं ॥

६८१२-१ उद्दिश्य निःसरन्तीं सखीमियं कपटकोपकुटिलभ्रूः ।
६८१२-२ एवमवतंसमाक्षिपदाहतदीपो यथा पतति ॥

६८१३-१ उद्दिष्टं वस्तु रागादौ किंचिदाधिक्यचिन्तितं ।
६८१३-२ तद्धातुमातुनिष्पन्नं प्रत्यन्तरमितीरितं ॥

६८१४-१ उद्दीपितोऽपि कनकद्युतिमञ्जुलोऽपि स्नेहान्वितोऽपि सुदृशोऽपि सुवर्तितोऽपि ।
६८१४-२ कान्ताकरान्तरकुचच्छविमण्डितोऽपि स्वाभाविकीं मलिनतां न जहाति दीपः ॥

६८१५-१ उद्दीप्ताग्निरसौ मुनिर्विजयते यस्योदरे जीर्यतः पाथोधेरवशिष्टमम्बु कथमप्युद्गीर्णमन्यार्णवं ।
६८१५-२ किं चास्माज्जठरानलादिव नवस्तत्कालवान्तिक्रमान् निर्यातः स पुनर्यमाय पयसामन्तर्गतो वाडवः ॥

६८१६-१ उद्देशोऽयं कनकसिकताक्ॐअलैकान्तकान्ता- लीलावासीकृततरुतलः कामिभिर्नर्मदायाः ।
६८१६-२ किंचैतस्मिन्सुरतसचिवास्तन्वि ते वान्ति वाता येषामग्रे सरति कलिताकण्ठकोपो मनोभूः ॥

६८१७-१ उद्देशोऽयं सरसकदलीश्रेणिशोभातिशायी कुञ्जोत्कर्षा कुरितरमणीविभ्रमो नर्मदायाः ।
६८१७-२ किं चैतस्मिन्सुरतसुहृदस्तन्वि ते वान्ति वाता येषामग्रे सरति कलिताकाण्डकोपो मनोभूः ॥

६८१८-१ उद्धता अलमुद्धर्तुं औद्धत्यं दुरितात्मनां ।
६८१८-२ क्षाराणामेव सामर्थ्यं मलनाशाय वाससां ॥

६८१९-१ उद्धतैरिव परस्परस गादीरितान्युभयतः कुचकुम्भैः ।
६८१९-२ योषितामतिमदेन जुघूर्णुर् विभ्रमातिशयपुंषि वपूंषि ॥

६८२०-१ उद्धतैर्निभृतमेकमनेकैश्छेदवन्मृगदृशामविरामैः ।
६८२०-२ श्रूयते स्म मणितं कलकाञ्ची- नूपुरध्वनिभिरक्षतमेव ॥

६८२१-१ उद्धरेदात्मनात्मानं नात्मानमवसादयेत् ।
६८२१-२ आत्मैव ह्यात्मनो बन्धुरात्मैव रिपुरात्मनः ॥

६८२२-१ उद्धर्तुं किल शैलकेलिरभसस्रस्तानि पाथोनिधेर् अन्तर्भूषणमौक्तिकानि दिविजस्त्रीभिः समुत्कण्ठया ।
६८२२-२ गाढं तत्र निमज्जितेन रविणा बद्ध्वा दृढं रश्मिभिः प्रोत्क्षिप्तानि निपत्य तानि गगने तारापदेशं दधुः ॥

६८२३-१ उद्धर्तुं धरणीं निशाकररवी क्षेप्तुं मरुन्मार्गतो वातं स्तम्भयितुं पयोनिधिजलं पातुं गिरिं चूर्णितुं ।
६८२३-२ शक्ता यत्र विशन्ति मृत्युवदने कान्यस्य तत्र स्थितिर् यस्मिन्याति गिरिर्बिले सह वनैः कात्र व्यवस्था ह्यणोः ॥

६८२४-१ उद्धव माधवसविधे विनिवेद्यं सर्वथा भवता ।
६८२४-२ अपि बहुमूल्यं भवनं यमुनाकुञ्जोपमं न स्यात् ॥

६८२५-१ उद्धूतकामानलतापतप्ता विहाय दोषाधिकजां तु चिन्तां ।
६८२५-२ वनादिरागावयवप्रभेदं नरेति मत्वा वनिता रमन्ते ॥

६८२५आ-१ उद्धूतपांसुपटलानुमितप्रबन्ध- धावत्खुराग्रचयचुम्बितभूमिभागाः ।
६८२५आ-२ निर्मथ्यमानजलधिध्वनिघोरघोषं एते रथं गगनसीम्नि वहन्ति वाहाः ॥

६८२६-१ उद्धूता धूमधारा विरहिजनमन्ॐआथिनो मन्मथाग्नेः कस्तूरीपत्रमाला तिमिरततिरहो दिक्पुरन्ध्रीमुखानां ।
६८२६-२ निर्वाणा गारलेखा दिवसहुतभुजः संचरच्चञ्चरीक- श्रेणीयं भाति भास्वत्करलुलितनभःकन्दरेन्दीवरस्य ॥

६८२७-१ उद्धूय धूलीर्धवला रसातलाद्वात्या लगन्ती गगने व्यवर्तत ।
६८२७-२ फूत्कारयन्त्येव भुवोद्धृता भुजा निदाघतापाकुलया तपात्यये ॥

६८२८-१ उद्धूयेत तनूलतेति नलिनीपत्रेण नो वीज्यते स्फोटः स्यादिति ना गकं मलयजक्षोदाम्भसा सिच्यते ।
६८२८-२ स्यादस्यातिभरात्पराभव इति प्रायो न वा पल्लवा- रोपो वक्षसि तत्कथं कृशतनोराधिः समाधीयतां ॥

६८२९-१ उद्धूयेत नतभ्रूः पक्ष्मनिपातोद्भवैः पवनैः ।
६८२९-२ इति निर्निमेषमस्या विरहवयस्या विलोकते वदनं ॥

६८३०-१ उद्धृतेष्वपि शस्त्रेषु दूतो वदति नान्यथा ।
६८३०-२ ते वै यथोक्तवक्तारो न वध्याः पृथिवीभुजा ॥

६८३१-१ उद्धृतेष्वपि शस्त्रेषु बन्धुवर्गवधेष्वपि ।
६८३१-२ परुषाण्यपि जल्पन्तो वध्या दूता न भूभुजा ॥

६८३२-१ उद्ध्रियमानेन्दुकरैर् उन्मज्जत्यन्धकारवारिनिधेः ।
६८३२-२ क्वापि क्वापि विलग्न- च्छायाजम्बालधोरणी धरणी ॥

६८३३-१ उद्बद्धेभ्यः सुदूरं घनरजनितमःपूरितेषु द्रुमेषु प्रोद्ग्रीवं पश्य पादद्वितयधृतभुवः श्रेणयः फेरवाणां ।
६८३३-२ उल्कालोकैः स्फुरद्भिर्निजवदनगुहोत्सर्पिभिर्वीक्षितेभ्यश्च्योतत्सान्द्रं वसाम्भः क्वथितशववपुर्मण्डलेभ्यः पिबन्ति ॥

६८३४-१ उद्बन्धनं दृढं गाढं सिंहोऽपि सहते यदि ।
६८३४-२ कथं करटिनस्तर्हि नृपचिह्नानि बिभ्रति ॥

६८३५-१ उद्भर्तृगामिनी पुरुष- भाषिणी कामचिह्नकृतवेशा ।
६८३५-२ या नातिमांसयुक्ता सुराप्रिया सर्वतश्चपला ॥

६८३६-१ उद्भाव्यमानो नलिनीपलाशैः समीरणस्तद्धृदयास्पदस्य ।
६८३६-२ करोति दाहस्य निवारणं नु संधुक्षणं वा स्मरपावकस्य ॥

६८३७-१ उद्भासिताखिलखलस्य विशृ खलस्य प्राग्जातविस्मृतनिजाधमकर्मवृत्तेः ।
६८३७-२ दैवादवाप्तविभवस्य गुणद्विषोऽस्य नीचस्य गोचरगतैः सुखमास्यते कैः ॥

६८३८-१ उद्भासितेऽन्धतमसव्रज एति नाशं सूने प्रयान्त्युभयतोऽतिमरन्दमुग्धाः ।
६८३८-२ सिंहा निहत्य रुधिरं बहु भक्षितं यद्दीपा कुरे मधुकराः करिणं वमन्ति ॥

६८३९-१ उद्भिदुरं स्तनवदनं लोचनमलिगर्वमोचनं सुदृशः ।
६८३९-२ दृष्ट्वा विगतविचारं धातारं निन्दति स्थविरः ॥

६८४०-१ उद्भिन्नं किमिदं मनोभवनृपक्रीडारविन्दद्वयं सूते तत्कथमेकतः किल लसद्र्ॐआवलीनालतः ।
६८४०-२ चक्रद्वन्द्वमिदं क्षमं तदपि न स्थातुं मुखेन्दोः पुरो लावण्याम्बुनिमग्नयौवनगजस्यावैमि कुम्भद्वयं ॥

६८४१-१ उद्भिन्नयौवनमनोहररूपशोभा- संभाविताभिनवभोगमनोभवानां ।
६८४१-२ एणीदृशां त्वदुपदेशविवर्जितानां मातर्भवन्ति नहि नाम समीहितार्थाः ॥

६८४२-१ उद्भिन्नसात्त्विकविकारपरिप्लवानि सद्यस्तिरस्कृतमनोभववेदनानि ।
६८४२-२ तन्वि त्वद गपरिरम्भसुखामृतानि प्रादुर्भवन्तु पुनरागतजीवितानि ॥

६८४३-१ उद्भिन्नस्तनकुड्मलद्वयमुरः किंचित्कपोलस्थलीं लिम्पत्येव मधूककान्तिरधरः संमुग्धलक्ष्मीमयः ।
६८४३-२ प्रत्यासीदति यौवने मृगदृशः किं चान्यदाविर्भवल् लावण्यामृतप कलेपलडहच्छायं वपुर्वर्तते ॥

६८४४-१ उद्भिन्नस्तबकावतंससुभगाः प्रे खन्मरुन्नर्तिताः पुष्पोद्गीर्णपरागपांशुललसत्पत्रप्रकाण्ड त्विषः ।
६८४४-२ गम्भीरक्रमपञ्चमोन्मदपिकध्वानोच्छलद्गीतयः प्रत्युज्जीवितमन्मथोत्सव इव क्रीडन्त्यमू भूरुहः ॥

६८४५-१ उद्भिन्ना कलकण्ठकण्ठकुहरात्कर्णामृतस्यन्दिनी हृद्या यद्यपि मार्दवैकवसतिः सा काकलीहुंकृतिः ।
६८४५-२ अन्यस्तन्वि तथापि ते त्रिणयनप्लुष्टस्य जीवार्पणः पञ्चेषोरुचितप्रपञ्चितरसः पाकाञ्चितः पञ्चमः ॥

६८४७-१ उद्भेदं प्रतिपद्य पक्वबदरीभावं समेत्य क्रमाथ्पुंनागाकृतिमाप्य पूगपदवीमारुह्य बिल्वश्रियं ।
६८४७-२ लब्ध्वा तालफलोपमां च ललितामासाद्य भूयोऽधुना चञ्चत्काञ्चनकुम्भजृम्भणमिभावस्याः स्तनौ बिभ्रतः ॥

६८४८-१ उद्भ्रान्तभेककुलकीर्णजले तडागे कोऽप्यस्ति नाम यदि नान्यगतिर्बकोटः ।
६८४८-२ उत्फुल्लपद्मसुरभीणि सरांसि हित्वा न स्थातुमर्हति भवानिह राजहंस ॥

६८४९-१ उद्यच्छता धुरमकापुरुषानुरूपां गन्तव्यमाजिनिधनेन पितुः पथा वा ।
६८४९-२ आच्छिद्य वा स्वजननीजनलोचनेभ्यो नेयो मया रिपुवधूनयनानि बाष्पः ॥

६८५०-१ उद्यज्ज्वालावलीभिर्वरमिह भुवनप्लोषके हव्यवाहे र गद्वीचौ प्रविष्टं जलनिधिपयसि ग्राहनक्राकुले वा ।
६८५०-२ संग्रामे वारिरौद्रे विविधशरहतानेकयोधप्रधाने नो नारीसौख्यमध्ये भवशतजनितानन्तदुःखप्रवीणे ॥

६८५१-१ उद्यञ्छशी तरुणभास्करकान्तिचौरः स्पर्शेन शीतकरलालितया प्रदोषे ।
६८५१-२ ज्ञातोऽर्धसुप्तनलिनीप्रियया सलज्जः पाण्डुत्वमाप रभसादिव मन्मथार्तः ॥

६८५२-१ उद्यतं शस्त्रमालोक्य विषादं याति विह्वलः ।
६८५२-२ जीवनं प्रति संत्रास्तो नास्ति मृत्युसमं भयं ॥

६८५३-१ उद्यतमेकहस्तचरणं द्वितीयकररेचितं सुविनतं वंशमृद गवाद्यमधुरं विचित्रकरणान्वितं बहु विधं ।
६८५३-२ मद्रकमेतदद्य सुभगैर्विदग्धगतिचेष्टितैः सुललितैर् नृत्यसि विभ्रमाकुलपदं विविक्तरसभावितं शशिमुखि ॥

६८५४-१ उद्यतस्य परं हन्तुं स्तब्धस्य विवरैषिणः ।
६८५४-२ पतनं जायतेऽवश्यं कृच्छ्रेण पुनरुन्नतिः ॥

६८५५-१ उद्यतस्य हि कामस्य प्रतिवादो न शस्यते ।
६८५५-२ अपि निर्मुक्तस गस्य कामरक्तस्य किं पुनः ॥

६८५६-१ उद्यतासिर्नृपो यत्र तत्रैव धनरक्षणं ।
६८५६-२ कण्टकाकुलशाख्यायां लग्नं गृह्णाति नो फलं ॥

६८५७-१ उद्यतेत यथाशक्ति न प्रसज्येत जातुचित् ।
६८५७-२ साध्यानां सिद्ध्यसिद्धी यन्नियत्या नियते कृते ॥

६८५८-१ उद्यतेष्वपि शस्त्रेषु दूतो वदति नान्यथा ।
६८५८-२ सदैवावध्यभावेन यथार्थस्य हि वाचकः ॥

६८५९-१ उद्यतेष्वपि शस्त्रेषु यथोक्तं शासनं वदेत् ।
६८५९-२ रागापरागौ जानीयाद्दृष्टिवक्त्रविचेष्टितैः ॥

६८६०-१ उद्यत्करकरवालः शकतिमिरध्वंसने महानिपुणः ।
६८६०-२ कल्किहरिर्वः पायादपायतः कलिनिशान्तोत्थः ॥

६८६१-१ उद्यत्ताराधिनाथद्युतिहृतिपटवः सान्द्रसिन्दूरशोणाः श्रीमद्वेतण्डतुण्डप्रतिभटबटवः पद्मरागातिरागाः ।
६८६१-२ दूरादानम्रकम्रच्छविरविकिरणश्रेणिकिर्मीरितान्ता गुञ्जापुञ्जानुरागद्विगुणितमहसः पान्तु कृष्णा घ्रिभासः ॥

६८६२-१ उद्यत्तारुण्यवारुण्यतिशयितमदोच्छ्वासचारुण्यती व प्रोदञ्चत्पञ्चबाणप्रचुररुचिरदृक्चञ्चरीकप्रपञ्चे ।
६८६२-२ मन्दश्रीश्चन्द्रमास्ते सति सुतनु मुखे प्रोच्छ्वसत्तन्द्रमास्ते हीनं शोभाभिरम्भोरुहमपि रजनौ नैति रम्भोरु हासं ॥

६८६३-१ उद्यत्सौरभगर्भनिर्भरमिलद्वाला कुरश्रीमृतो माकन्दानवलोक्य यः प्रतिदिशं सानन्दमुत्कूजितः ।
६८६३-२ तानेवाद्य फलाशया परिरटल्लुण्ठाककाकावली- वाचालानुपलभ्य कोकिलयुवा जातः स वाचंयमः ॥

६८६४-१ उद्यद्गन्धप्रबन्धां परमसुखरसां कोकिलालापजल्पां पुष्पस्रक्सौकुमार्यां कुसुमशरवधूं रूपतो निर्जयन्तीं ।
६८६४-२ सौख्यं सर्वेन्द्रियाणामभिमतमभितः कुर्वतीं मानसेष्टां सत्सौभाग्याल्लभन्ते कृतसुकृतवशाः कामिनीं मर्त्यमुख्याः ॥

६८६५-१ उद्यद्दुःसहवित्ततानवतया बद्धावधाने मनस्य् उन्मार्गभ्रमणेऽवशस्य रभसाच्छ्वभ्रे परिभ्राम्यतः ।
६८६५-२ अन्योऽपाहितकोशपृष्ठलुठनात्संदर्शिता गक्षतेर् जन्तोर्हन्त तनोति दुर्गतिशमं रम्यानुल्ॐयो विधिः ॥

६८६६-१ उद्यद्बर्हिषि दर्दुरारवपुषि प्र्क्षीणपान्थायुषि श्च्योतद्विप्रुषि चन्द्ररु मुषि सखे हंसद्विषि प्रावृषि ।
६८६६-२ मा मुञ्चोच्चकुचाग्रसन्ततपतद्बाष्पाकुलां बालिकां काले कालकरालनीलजलदव्यालुप्तभास्वत्त्विषि ॥

६८६७-१ उद्यद्बाला कुरश्रीर्दिशि दिशि दशनैरेभिराशागजानां रोहन्मूला सुगौरैरुरगपतिफणैरत्र पातालकुक्षौ ।
६८६७-२ अस्मिन्नाकाशदेशे विकसितकुसुमा राशिभिस्तारकाणां नाथ त्वत्कीर्तिवल्ली फलति फलमिदं बिम्बमिन्दोः सुधार्द्रं ॥

६८६८-१ उद्यद्विद्रुमकान्तिभिः किसलयैस्ताम्रां त्विषं बिभ्रतो भृ गालीविरुतैः कलैरविशदव्याहारलीलाभृतः ।
६८६८-२ घूर्णन्तो मलयानिलाहतिचलैः शाखासमूहैर्मुहुर् भ्रान्तिं प्राप्य मधुप्रस गमधुना मत्ता इवामी द्रुमाः ॥

६८६९-१ उद्यद्विलोचनहुताशतडिद्विकाश- व्यासंगिनी सुरधुनीपयसा सगर्भा ।
६८६९-२ भ्राजत्कलानिधिबलाकविशोभमाना पायाज्जटाघनघटा वृषभध्वजस्य ॥

६८७०-१ उद्यद्विवेकतपनप्रफुल्ले हृदयाम्बुज ।
६८७०-२ विशते भगवद्भक्तिररविन्द इवेन्दिरा ॥

६८७१-१ उद्यन्तु नाम सुबहूनि महामहांसि चन्द्रोऽप्यलं भुवनमण्डलमण्डनाय ।
६८७१-२ सूर्यादृते न तदुदेति न चास्तमेति येनोदितेन दिनमस्तमितेन रात्रिः ॥

६८७२-१ उद्यन्तु शतमादित्या उद्यन्तु शतमिन्दवः ।
६८७२-२ न विना विदुषां वाक्यैर्नश्यत्याभ्यन्तरं तमः ॥

६८७३-१ उद्यन्नादं धन्विभिर्निष्ठुराणि स्थूलान्युच्चैर्मण्डलत्वं दधन्ति ।
६८७३-२ आस्फाल्यन्ते कार्मुकाणि स्म कामं हस्त्यारोहैः कुञ्जराणां शिरांसि ॥

६८७४-१ उद्यन्नित्यं त्वरितस् तमोऽपगमयति करैः समाकृष्य ।
६८७४-२ महितस्तदसि स्थाने मित्र पुमांस्त्वं परे क्लीबाः ॥

६८७५-१ उद्यन्नेव जगद्विसृत्वरघनध्वान्तौघमध्वंसयः पादन्यासमशेषभूधरशिरः पीठीतटेषु न्यधाः ।
६८७५-२ धिक्कृत्येन्दुमपि श्रियं व्यतनुथाः पद्माप्तपद्मोत्करे जीवेद्वासरमेव वा त्वमिव यस्तज्जीवनं जीवनं ॥

६८७६-१ उद्यन्महानिलवशोत्थविचित्रवीचि- विक्षिप्तनक्रमकरादिनितान्तभीतिं ।
६८७६-२ अम्भोधिमध्यमुपयाति विवृद्धवेलं लोभाकुलो मरणदोषममन्यमानः ॥

६८७७-१ उद्यन्महीपालमरीचिमाली- शिलीमुखश्रेणिकरावलीभिः ।
६८७७-२ उदारभूदारघनान्धकार- संभारमुच्छिन्नतरं चकार ॥

६८७८-१ उद्यमं कुरुते जन्तुर्दैवं सर्वत्र कारणं ।
६८७८-२ समुद्रमन्थनाल्लेभे हरिर्लक्ष्मीं हरो विषं ॥

६८७९-१ उद्यमं कुर्वतां पुंसां फलं भाग्यानुसारतः ।
६८७९-२ समुद्रमन्थनाल्लेभे हरिर्लक्ष्मीं हरो विषं ॥

६८८०-१ उद्यमं कुर्वतां पुंसां फलं मार्जारकर्मवत् ।
६८८०-२ जन्मप्रभृति गौर्नास्ति पयः पिबति नित्यशः ॥

६८८१-१ उद्यमः कलहः कण्डूर्द्यूतमद्यपरस्त्रियः ।
६८८१-२ निद्रा मैथुनमालस्यं सेवनात्तु विवर्धते ॥

६८८२-१ उद्यमः साहसं धैर्यं बलं बुधिः पराक्रमः ।
६८८२-२ षडेते यस्य तिष्ठन्ति तस्य देवोऽपि श कितः ॥

६८८३-१ उद्यमस्य प्रसादेन दृश्यन्ते विविधाः कलाः ।
६८८३-२ कातरा एव जल्पन्ति यद्भाव्यं तद्भविष्यति ॥

६८८४-१ उद्यमाख्यानमपरं प्रकीर्णाख्यानकं तथा ।
६८८४-२ समस्याख्यानमपरं प्रहेल्यादिप्रशंसनं ॥

६८८५-१ उद्यमी लभते सिद्धिं अयोग्योऽपि सुनिश्चितं ।
६८८५-२ अनूरुर्गगनस्यान्तं प्रयात्येव दिने दिने ॥

६८८५आ-१ उद्यमी सिद्धिमाप्नोति सहाय्यविकलोऽपि चेत् ।
६८८५आ-२ एकचक्ररथोऽनूरुसूतोऽर्को व्य्ॐअ गाहते ॥

६८८६-१ उद्यमेन विना राजन्न सिध्यन्ति मनोरथाः ।
६८८६-२ कातरा इति जल्पन्ति यद्भाव्यं तद्भविष्यति ॥

६८८७-१ उद्यमेन विना राजन्न सिध्यन्ति मनोरथाः ।
६८८७-२ नहि सुप्तस्य सिंहस्य प्रविशन्ति मुखे मृगाः ॥

६८८८-१ उद्यमेन हि सिध्यन्ति कार्याणि न मनोरथैः ।
६८८८-२ नहि सुप्तस्य सिंहस्य प्रविशन्ति मुखे मृगाः ॥

६८८९-१ उद्यमे नास्ति दारिद्र्यं जप्यतो नास्ति पातकं ।
६८८९-२ मौनेन कलहो नास्ति नास्ति जागरतो भयं ॥

६८९०-१ उद्यमेनैव कार्याणि सिध्यन्ति न मनोरथैः ।
६८९०-२ नहि सुप्तस्य सिंहस्य विशन्ति वदने मृगाः ॥

६८९१-१ उद्ययौ दीर्घिकागर्भान्मुकुलं मेचकोत्पलं ।
६८९१-२ नारीलोचनचातुर्यश कासंकुचितं यथा ॥

६८९२-१ उद्यल्लावण्यलक्ष्मीवलयितवपुषां स्वर्गवारा गनानां आश्लेषे यः प्रमोदः स्फुरति च गरिमा योऽमृते माधुरीणां ।
६८९२-२ सौरभ्यं कु कुमे यत्पयसि विमलता याप्यहो तत्समस्तं मित्रैकत्रेक्षितुं चेदभिलषसि तदा पश्य कृष्णस्य काव्यं ॥

६८९३-१ उद्यात्येव सुहृत्कुलं प्रतिबलं यात्येव नीचैस्तरां आयान्त्येव यशःश्रियः प्रतिदिशं यान्त्येव सत्कीर्तयः ।
६८९३-२ येनैकेन मुखाग्रपाटिततनूभूतार्द्रकोटिश्रिया सर्वाश्चर्यमयः स एव जयति त्वत्खड्गधारापथः ॥

६८९४-१ उद्यानं क्ॐउदी गीतं कान्ता केलिः सुहृत्कथा ।
६८९४-२ कृतिनां सुकृतक्रीतः स्वर्गभोगो भुवि स्थितः ॥

६८९५-१ उद्यानं वनभूमयः कुसुमितैरुद्गन्धयः पादपैः शैला निर्झरहासिनो जलधरश्यामा गिरिः कृत्रिमः ।
६८९५-२ नद्यः सारसमूर्च्छितोर्मिवलया घर्माभिषेकास्पदं शीताः शीकरसंगमात्सुरभयो मित्रं सरोजानिलाः ॥

६८९६-१ उद्यानपाल कलशाम्बुनिषेचनानां एतस्य चम्पकतरोरयमेव कालः ।
६८९६-२ तस्मिन्निदाघनिहते घनवारिणा वा संवर्धिते तव वृथोभयथोपयोगः ॥

६८९७-१ उद्यानमारुतोद्धूताश्चूतचम्पकरेणवः ।
६८९७-२ उदश्रयन्ति पान्थानां अस्पृशन्तोऽपि लोचने ॥

६८९८-१ उद्यानसहकाराणां अनुद्भिन्ना न मञ्जरी ।
६८९८-२ देयः पथिकनारीणां सतिलः सलिलाञ्जलिः ॥

६८९९-१ उद्यानानि न सर्वदा परिभवत्रासादिवाध्यासते भूमौ नोपविशन्ति ये खलु रजःसंपर्कतर्कादिव ।
६८९९-२ तेषामप्यतिपूजनीयवपुषां नूनं पिकानामियं धिक्कष्टं परपुष्टतेति किमपि प्राचां फलं कर्मणां ॥

६९००-१ उद्यानेषु विचित्रभ्होजनविधिस्तीव्रातितीव्रं तपः कौपीनावरणं सुवस्त्रमभितं भिक्षाटनं मण्डनं ।
६९००-२ आसन्नं मरणं च म गलसमं सत्यं समुत्पद्यते तां काशीं परिहृत्य हन्त विबुधैरन्यत्र किं स्थीयते ॥

६९०१-१ उद्याने सहकारकोरकरसप्रत्याशया कोकिलः स्थातुं वाञ्छति चित्तजन्मनृपतेर्मित्रं च मन्त्री यतः ।
६९०१-२ किंतु ध्वा क्षविजृम्भितेषु च पिकप्रारब्धगानेषु च क्रेंकारेषु च पञ्चमध्वनिषु च श्रोता न वेत्त्यन्तरं ॥

६९०३-१ उद्योगः क्षयमेति हन्त सहसा जाड्यं समुज्जृम्भते मित्रस्यापि च दर्शनं भवति नो किं वान्यदाचक्ष्महे ।
६९०३-२ यल्लोकस्पृहणीयतां गतमभूत्तज्जीवनं व्यर्थतां प्राप्तं येन दुनोति तन्मम मनो दुर्दैववद्दुर्दिनं ॥

६९०४-१ उद्योगः शत्रुवन्मित्रं आलस्यं मित्रवद्विषं ।
६९०४-२ विषवच्चामृतं विद्या सुधावद्विषम गना ॥

६९०५-१ उद्योगः साहसं धैर्यं बुद्धिः शक्तिः पराक्रमः ।
६९०५-२ उत्साहः षड्विधो यस्य तस्य देवोऽपि श कते ॥

६९०६-१ उद्योगमेधाधृतिसत्त्वसत्य- त्यागानुरागस्थितिगौरवाणि ।
६९०६-२ जितेन्द्रियत्वं प्रसहिष्णुता ह्रीः प्रागल्भ्यमित्यात्मगुणप्रवेकः ॥

६९०७-१ उद्योगादनिवृत्तस्य सुसहायस्य धीमतः ।
६९०७-२ छायेवानुगता तस्य नित्यं श्रीः सहचारिणी ॥

६९०७आ-१ उद्योगानुसारी लक्ष्मीः कीर्तिस्त्यागानुसारिणी ।
६९०७आ-२ अभ्यासानुसारी विद्या बुद्धिः कर्मानुसारिणी ॥

६९०८-१ उद्योगिनं पुरुषसिंहमुपैति लक्ष्मीर् दैवेन देयमिति कापुरुषा वदन्ति ।
६९०८-२ दैवं निहत्य कुरु पौरुषमात्मशक्त्या यत्ने कृते यदि न सिध्यति कोऽत्र दोषः ॥

६९०९-१ उद्योगिनः करालम्बं करोति कमलालया ।
६९०९-२ अनुद्योगिकरालम्बं करोति कमलाग्रजा ॥

६९१०-१ उद्योगेन कृते कार्ये सिद्धिर्यस्य न विद्यते ।
६९१०-२ दैवं तस्य प्रमाणं हि कर्तव्यं पौरुषं सदा ॥

६९११-१ उद्योगेन विना नैव कार्यं किमपि सिध्यति ।
६९११-२ नहि सुप्तस्य सिंहस्य प्रविशन्ति मुखे मृगाः ॥

६९१३-१ उद्वर्तयन्त्या हृदये निपत्य नृपस्य दृष्टिर्न्यवृतद्द्रुतैव ।
६९१३-२ वियोगिवैरात्कुचयोर्नखा कैर् अर्धेन्दुलीलैर्गलहस्तितेव ॥

६९१४-१ उद्वर्तितमपि बहुधा- नुलिप्तमपि चन्दनागुरुरसाद्यैः ।
६९१४-२ भजति तथापि शरीरं दौर्गन्ध्यं तत्र को हेतुः ॥

६९१५-१ उद्वासयितुं वेश्मनि सरघाः कुर्वन्ति यन्मधुच्छत्त्रं ।
६९१५-२ दुर्गा करोति नीडं कुर्युर्वल्मीकमुपदीकाः ॥

६९१६-१ उद्वाहारोपितार्द्रक्षतनिजपदयोः संगतामिन्दुमौला- वानम्रे यां सुधांशोर्व्यधित किल कलां तूर्णमेवान्नपूर्णां ।
६९१६-२ सक्तानामक्षतानाममृतदृगनलोपाधितः पक्वभावान् नानार्थैरन्नपूर्णा प्रणतजनततेः पूर्णतामातनोतु ॥

६९१७-१ उद्विजन्ते यथा सर्पान्नरादनृतवादिनः ।
६९१७-२ धर्मः सत्यं परो लोके मूलं स्वर्गस्य चोच्यते ॥

६९१८-१ उद्वीक्ष्य प्रियकरकुड्मलापविद्धैर् वक्षोजद्वयमभिषिक्तमन्यनार्याः ।
६९१८-२ अम्भोभिर्मुहुरसिचद्वधूरमर्षादात्मीयं पृथुतरनेत्रयुग्ममुक्तैः ॥

६९१९-१ उद्वृत्तदैत्यपृतनापतिकण्ठपीठ- च्छेदोच्छलद्बहलशोणितशोणधारं ।
६९१९-२ चक्रं क्रियादभिमतानि हरेरुदार- दिग्दाहदारुणनभः श्रियमुद्वहद्वः ॥

६९२०-१ उद्वृत्तस्तनभार एष तरले नेत्रे चले भ्रूलते रागाधिक्यतमोष्ठपल्लवदलं कुर्वन्तु नाम व्यथां ।
६९२०-२ सौभाग्याक्षरप क्तिकेव लिखिता पुष्पायुधेन स्वयं मध्यस्था हि करोति तापमधिकं र्ॐआवली केन सा ॥

६९२१-१ उद्वृत्तस्तनभारभ गुरमुरो नोत्कञ्चुकं कारिता संयोगस्तु यथा तथेति सकला नीवी न विस्रंसिता ।
६९२१-२ भूयः संगम आवयोः क्व नु भवेदेवं च नोल्लापिता संभ्रान्तत्वरितेन भीतसुरतेनैवं वयं वञ्चिताः ॥

६९२२-१ उद्वेगं जनयन्ति संचितवृषव्याप्ताजिरोपान्तकाः प्रातः शीर्णकुटीरपुञ्जतलताशिम्बीतुषारावि लाः ।
६९२२-२ ग्रामा ग्ॐअयधूमसंततिपरिक्लिष्टारुणश्मश्रुभिर् वृद्धैः कुड्यनिवातलीननिभृतैरभ्यर्थ्यमानातपाः ॥

६९२२आ-१ उद्वेगस्य निवारणाय दुरितच्छेदाय पुण्याप्तये पानाय श्रवणामृतस्य धृतये कस्मैचिदार्तिच्छिदे ।
६९२२आ-२ उच्छ्वासं पुरुषोत्तमाच्युत हरे गोविन्द नारायण श्रीवत्सा क मुकुन्द कृष्ण कमलाकान्तेति वाच्यं मुहुः ॥

६९२३-१ उद्वेजनीयो भूतानां नृशंसः पापकर्मकृत् ।
६९२३-२ त्रयाणामपि लोकानां ईश्वरोऽपि न तिष्ठति ॥

६९२४-१ उद्वेजयति तीक्ष्णेन मृदुना परिभूयते ।
६९२४-२ तस्माद्यथार्हतो दण्डं नयेत्पक्षमनाश्रितः ॥

६९२५-१ उद्वेजयति तीक्ष्णेन मृदुना परिभूयते ।
६९२५-२ दण्डेन नृपतिस्तस्माद्युक्तदण्डः प्रशस्यते ॥

६९२६-१ उद्वेजयति दरिद्रं परमुद्राया झणत्कारः ।
६९२६-२ गृहपतिरतिमिलितायाः क कणरावो यथा जारं ॥

६९२७-१ उद्वेजयति भूतानि दण्डपारुष्यवान्नृपः ।
६९२७-२ भूतान्युद्वेज्यमानानि द्विषतां यान्ति संश्रयं ॥

६९२८-१ उद्वेजयति भूतानि यस्य राज्ञः कुशासनं ।
६९२८-२ सिंहासनवियुक्तस्य तस्य क्षिप्रं कुशासनं ॥

६९२९-१ उद्वेजयत्य गुलिपार्ष्णिभागान् मार्गे शिलीभूतहिमेऽपि यत्र ।
६९२९-२ न दुर्वहश्रोणिपयोधरार्ता भिन्दन्ति मन्दां गतिमश्वमुख्यः ॥

६९३०-१ उद्वेष्ट्य स्वयमेव लेखमुदितप्रस्वेदकम्पा गुलिस् तस्मिन्सेकविलुप्तशेषशिथिलं दृष्ट्वा लिपिप्रक्रमं ।
६९३०-२ एतत्किन्नु हतास्मि संप्रति दशा तस्यैवमासीदयं बाष्पो हन्त करस्य कम्पितमिदं हन्तेति सा रोदिति ॥

६९३१-१ उद्वोढुं कनकविभूषणान्यशक्तः सध्रीचा वलयितपद्मनालसूत्रः ।
६९३१-२ आरूढप्रतिवनिताकटाक्षभारः साधीयो गुरुरभवद्भुजस्तरुण्याः ॥

६९३२-१ उन्नतं पदमवाप्य यो लघुर् हेलयैव स पतेदिति ब्रुवन् ।
६९३२-२ शैलशेखरगतो दृषत्कणश्चारुमारुतधुतः पतत्यधः ॥

६९३३-१ उन्नतं मानसं यस्य भाग्यं तस्य समुन्नतं ।
६९३३-२ नोन्नतं मानसं यस्य भाग्यं तस्यासमुन्नतं ॥

६९३४-१ उन्नतं सदनमुच्चकैर्हयो माक्षिकं दधि सशर्करं पयः ।
६९३४-२ यामिनी शशिकला सुक्ॐअला लभ्यते कथमनर्चिते शिवे ॥

६९३५-१ उन्नतः प्रोल्लसद्धारः कालागुरुमलीमसः ।
६९३५-२ पयोधरभरस्तन्व्याः कं न चक्रेऽभिलाषिणं ॥

६९३६-१ उन्नतघनमध्यगतं निर्गुणमपि सुरधनुः शोभां ।
६९३६-२ तेन महद्भिः साकं संवासः प्रार्थ्यते विज्ञैः ॥

६९३७-१ उन्नतदक्षिणपक्षा भक्ष्यमुखी विहितपार्थिवनिनादा ।
६९३७-२ तारा तरुमधिगच्छति तद्यच्छति वाञ्छितादधिकं ॥

६९३८-१ उन्नतानां सुवंशानां द्वैधं तावन्न जायते ।
६९३८-२ यावत्कुठारधारेव योषिद्विशति नान्तरं ॥

६९३९-१ उन्नतावनतभाववत्तया चन्द्रिका सतिमिरा गिरेरियं ।
६९३९-२ भक्तिभिर्बहुविधाभिरर्पिता भाति भूतिरिव मत्तदन्तिनः ॥

६९४०-१ उन्नतेषु शशिनः प्रभा स्थिता निम्नसंश्रयपरं निशातमः ।
६९४०-२ नूनमात्मसदृशी प्रकल्पिता वेधसैव गुणदोषयोर्गतिः ॥

६९४१-१ उन्नतोऽपि विशदोऽपि क्ॐअलोऽप्य् अद्य जाड्यहरणक्षमोऽपि च ।
६९४१-२ अन्तरुज्ज्वलगुणोऽपि निर्धनस् तूलराशिरिव याति लाघवं ॥

६९४२-१ उन्नत्यै नमति प्रभुं प्रभुगृहान्द्रष्टुं बहिस्तिष्ठति स्वद्रव्यव्ययमातनोति जडधीरागामिवित्ताशया ।
६९४२-२ प्राणान्प्राणितुमेव मुञ्चति रणे क्लिश्नाति भोगेच्छया सर्वं तद्विपरीतमेव कुरुते तृष्णान्धदृक्सेवकः ॥

६९४३-१ उन्नमय्य सकचग्रहमास्यं चुम्बति प्रियतमे हठवृत्त्या ।
६९४३-२ हुं हु मुञ्च मम मेति च मन्दं जल्पितं जयति मानधनायाः ॥

६९४४-१ उन्नमितैकभ्रूलतं आननमस्याः पदानि रचयन्त्याः ।
६९४४-२ कण्टकितेन प्रथयति मय्यनुरागं कपोलेन ॥

६९४५-१ उन्नम्य दूरं मुहुरानमन्त्यः कान्ताः श्लथीभूतनितम्बजाड्याः ।
६९४५-२ दोलाविलासेन जितश्रमत्वाथ्प्रकर्षमापुः पुरुषायितेषु ॥

६९४६-१ उन्नम्योन्नम्य तत्रैव दरिद्राणां मनोरथाः ।
६९४६-२ पतन्ति हृदये व्यर्था विधवास्त्रीस्तना इव ॥

६९४७-१ उन्नम्रस्वपयोधरान्तरपयोधाराभिरानन्दि सः चञ्चद्बालकलापकान्कलगिरो मुग्धान्नवा घ्रिक्रमान् ।
६९४७-२ त्वय्याधाय शिखण्डिनः शिव शिव प्रावृट्समाप्तिं गता तेषु त्वं तु शरच्छरारुचलिता जातासि धौतासिवत् ॥

६९४८-१ उन्नयति नाभिनिम्नान् मुक्तावलिपाशि र्ॐअराजिनलं ।
६९४८-२ स्मरशबरः स्तनभूधर- निपतत्तरुनाक्षिपक्षिबन्धाय ॥

६९४९-१ उन्निद्रकन्दलदलान्तरलीयमान- गुञ्जन्मदान्धमधुपे नवमेघकाले ।
६९४९-२ स्वप्नेऽपि यः प्रवसति प्रविहाय कान्तां तस्मै विषाणरहिताय नमो वृषाय ॥

६९५०-१ उन्निद्रकोकनदरेणुपिश गिता गा गायन्ति मञ्जु मधुपा गृहदीर्घिकासु ।
६९५०-२ एतच्चकास्ति च रवेर्नवबन्धुजीव- पुष्पच्छदाभमुदयाचलचुम्बि बिम्बं ॥

६९५१-१ उन्निद्रता मत्स्यसगन्धिता च प्रवालहानिः सपिपीलिकात्वं ।
६९५१-२ त्वग्भ्रंशनाद्वारिकृतादजीर्णाथ्तरोर्भवेत्तत्र चिकित्सनीयं ॥

६९५२-१ उन्निद्रप्रियकमनोरमं रमण्याः संरेजे सरसि वपुः प्रकाशमेव ।
६९५२-२ युक्तानां विमलतया तिरस्क्रियायै नाक्रामन्नपि हि भवत्यलं जलौघः ॥

६९५३-१ उन्निद्रेण मयाद्य चिन्तितमभूद्यत्रावतारा हरेर् आख्याता दश कीर्तितोऽसि न कथं तत्र त्वमेकादशः ।
६९५३-२ त्विच्चारित्रमगोचरं कविगिरां जानन्नपि क्ष्मापते न प्रस्त्ॐइ भयेन भारतकवेः कस्तादृशं वक्ष्यति ॥

६९५४-१ उन्नीतो भवभूतिना प्रतिदिनं बाणे गते यः पुरा यश्चीर्णः कमलायुधेन सुचिरं येनागमत्केशटः ।
६९५४-२ यः श्रीवाक्पतिराजपादरजसां संपर्कपूतश्चिरं दिष्ट्या श्लाघ्यगुणस्य कस्यचिदसौ मार्गः समुन्मीलति ॥

६९५५-१ उन्मग्नचञ्चलवनानि वनापगानां आश्यानसैकततर गपरंपराणि ।
६९५५-२ निम्नावशिष्टसलिलानि मनो हरन्ति रोधांसि हंसपदमुद्रितकर्दमानि ॥

६९५६-१ उन्मज्जन्मकर इवामरापगाया वेगेन प्रतिमुखमेत्य बाणनद्याः ।
६९५६-२ गाण्डीवी कनकशिलानिभं भुजाभ्यां आजघ्ने विषमविलोचनस्य वक्षः ॥

६९५७-१ उन्मत्त कण्टकिफलप्रतियोगिबुद्ध्या वैरं वृथैव कुरुषे पनसेन सार्धं ।
६९५७-२ सन्तो हसन्ति न भजन्ति भजन्ति चेत्त्वां भ्रान्ता भवन्ति सहसा न पुनर्भजन्ति ॥

६९५८-१ उन्मत्त धूर्त तरुणेन्दुनिवासयोग्ये स्थाने पिशाचपतिना विनिवेशितोऽसि ।
६९५८-२ किं कैरवाणि विकसन्ति तमः प्रयाति चन्द्रोपलो द्रवति वार्धिरुपैति वृद्धिं ॥

६९५९-१ उन्मत्तप्रेमसंरम्भादारभन्ते यद गनाः ।
६९५९-२ तत्र प्रत्यूहमाधातुं ब्रह्मापि खलु कातरः ॥

६९६०-१ उन्मत्तमासाद्य हरः स्मरश्च द्वावप्यसीमां मुदमुद्वहेते ।
६९६०-२ पूर्वं परस्पर्धितया प्रसूनं नूनं द्वितीयो विरहाधिदूनं ॥

६९६१-१ उन्मत्तानां च या गाथाः शिशूनां यच्च भाषितं ।
६९६१-२ स्त्रियो यच्च प्रभाषन्ते तस्य नास्ति व्यतिक्रमः ॥

६९६२-१ उन्मत्तानां भुज गानां मद्यपानां च दन्तिनां ।
६९६२-२ स्त्रीणां राजकुलानां च विश्वसन्ति गतायुषः ॥

६९६३-१ उन्मत्तानां भुज गानां शृ गिणां शस्त्रपाणिनां ।
६९६३-२ विश्वासो नैव कर्तव्यः स्त्रीषु राजकुलेषु च ॥

६९६४-१ उन्मदतया कयाचिथ्कदाचिदपथप्रवृत्तमपि पुरुषं ।
६९६४-२ सद्यः सुहृदुपदेशः सृणिरिव करिणं निवर्त्तयति ॥

६९६५-१ उन्मादगद्गदगिरो मदविह्वलाक्षा भ्रश्यन्निजप्रकृतयः कृतमस्मरन्तः ।
६९६५-२ ऐश्वर्यसीधुरसपानविघूर्णमानाः के नाम न प्रतिपदं पुरुषाः स्खलन्ति ॥

६९६६-१ उन्मादमेके पुष्यन्ति यान्त्यन्ये द्विषतां वशं ।
६९६६-२ दास्यमेके च गच्छन्ति परेषामर्थहेतुना ॥

६९६७-१ उन्मीलत्त्रिवलीतर गवलया प्रोत्तु गपीनस्तन- द्वन्द्वेनोद्यतचक्रवाकमिथुना वक्त्राम्बुजोद्भासिनी ।
६९६७-२ कान्ताकारधरा नदीयमभितः क्रूराशया नेष्यते संसारार्णवमज्जनं यदि ततो दूरेण संत्यज्यतां ॥

६९६८-१ उन्मीलत्पुलकं विलोलदलकं स्विद्यत्कपोलस्थलं भ्राम्यत्कुण्डलमाकुलाकुललसत्सीत्कारमुद्यत्करं ।
६९६८-२ किंचित्कुञ्चदुदञ्चितभ्रु विलसच्चोलं गलन्नीविकं स्याद्भूयोऽपि कदा मदाकुलदृशोर्बिम्बाधरास्वादनं ॥

६९६९-१ उन्मीलत्पुलका कुरेण निविडाश्लेषे निमेषेण च क्रीडाकूतविलोकितेऽधरसुधापाने मुधा नर्मभिः ।
६९६९-२ आनन्दाभिगमेन मन्मथकलायुद्धेऽपि यस्मिन्नभूथ्प्रत्यूहो न तयोर्बभूव सुरतारम्भः प्रियंभावुकः ॥

६९७०-१ उन्मीलत्युरसा गुणालिनिचिता निर्दूषणा भूषणा सोल्लासोषसि लोलया सुमनसा सूक्त्या मनोहारिणी ।
६९७०-२ शय्यामेत्य मृदुं मदीयकवितेवाम्भोजिनीनायिका कस्याप्युन्नतपूर्वपुण्यतपसः कण्ठं समालि गति ॥

६९७१-१ उन्मीलत्गुडपाकतन्तुलतया रज्ज्वा भ्रमीरर्जयन् दानान्तःश्रुतशर्कराचलमथः स्वेनामृतान्धाः स्मरः ।
६९७१-२ नव्यामिक्षुरसोदधेर्यदि सुधामुत्थापयेत्सा भवज् जिह्वायाः कृतिमाह्वयेत परमां मत्कर्णयोः पारणां ॥

६९७२-१ उन्मीलद्यौवनासि प्रियसखि विषमाः श्रेणयो नागराणां तस्मात्कोऽपि त्वयाद्यप्रभृति न सहसा संमुखं वीक्षणीयः ।
६९७२-२ यावच्चन्द्रार्कमेकः पतिरतिशयितश्रद्धया सेवितव्यः कर्तव्या रूपरक्षा वचसि न हृदयं देयमस्मद्विधानां ॥

६९७३-१ उन्मीलद्रसबिन्दुगन्धकुसुमावल्ल्यो वसन्तोदये कान्ताः क्ॐअलपल्लवाः कति कति क्रीडावने सन्ति न ।
६९७३-२ सौभाग्यैकनिधे रसाल तदपि श्रीमञ्जरीशालिनस् त्वत्तोऽन्यत्र च कुत्रचिन्मधुकरश्रेणी न विश्राम्यति ॥

६९७४-१ उन्मीलद्वदनेन्दुकान्तिविसरैर्दूरं समुत्सारितं भग्नं पीनकुचस्थलस्य च रुचा हस्तप्रभाभिर्हतं ।
६९७४-२ एतस्याः कलविंककण्ठकदलीकल्पं मिलत्कौतुकादप्राप्ताभिमुखं रुषेव सहसा केशेषु लग्नं तमः ॥

६९७५-१ उन्मीलन्ति कियन्ति वा न कुसुमान्युष्णद्युतेरुद्गमे तत्त्वेतावति बन्धुरित्यतिसखीत्यादित्यकान्तेति च ।
६९७५-२ कीर्तिं दत्तवतां त्रिलोकविदितामेवं कवीनामृणं किं कृत्वेयमपाकरोतु जनुषां कोट्यापि नालीकिनी ॥

६९७६-१ उन्मीलन्ति नखैर्लुनीहि वहति क्ष्ॐआञ्चलेनावृणु क्रीडाकाननमाविशन्ति वलयक्वाणैः समुत्त्रासय ।
६९७६-२ इत्थं वञ्जुलदक्षिणानिलकुहूकण्ठीषु संकेतिक- व्याहाराः सुभग त्वदीयविरहे तस्याः सखीनां मिथः ॥

६९७७-१ उन्मीलन्ति निशानिशाचरवधूत्प्रोच्चाटनामान्त्रिकाः सायं सालससुप्तप कजवनप्रोद्बोधवैतालिकाः ।
६९७७-२ फुल्लत्प कजकोशगर्भकुहरप्रोद्भूतभृ गावली- झ कारप्रणवोपदेशगुरवस्तीव्रद्युतेरंशवः ॥

६९७८-१ उन्मीलन्ति मृणालक्ॐअलरुचो राजीवसंवर्तिका- संवर्तव्रतवृत्तयः कतिपये पीयूषभानोः कराः ।
६९७८-२ अप्युस्रैर्धवलीभवत्सु गिरिषु क्षुब्धोऽयमुन्मज्जता विश्वेनेव तम्ॐअयो निधिरपामह्नाय फेनायते ॥

६९७९-१ उन्मीलन्नयनान्तकान्तिलहरीनिष्पीतयोः केवलादामोदादवधारणीयवपुषोः कान्तासखेन क्षणं ।
६९७९-२ यत्कर्णोत्पलयोः स्थितेन भवता किंचित्समुद्गुञ्जितं भ्रातस्तिष्ठति कुत्र तत्कथय मे कान्तं प्रियाया मुखं ॥

६९८०-१ उन्मीलन्मणिरश्मिजालजटिलच्छायं रणत्क कणं बिभ्राणस्तव देव वैरिकदनक्रीडाकठोरः करः ।
६९८०-२ त्यक्त्वा संयति जीवितानि रिपवो ये स्वर्गमार्गे गतास् तानाक्रष्टुमिवाविवेश रभसाच्चण्डद्युतेर्मण्डलं ॥

६९८१-१ उन्मीलन्मधुगन्धलुब्धमधुपव्याधूतचूता कुर- क्रीडत्कोकिलकाकलीकलरवैरुद्गीर्णकर्णज्वराः ।
६९८१-२ नीयन्ते पथिकैः कथं कथमपि ध्यानावधानक्षण- प्राप्तप्राणसमासमागमरसोल्लासैरमी वासराः ॥

६९८२-१ उन्मीलन्मुकुलकरालकुन्दकोश- प्रश्च्योतद्घनमकरन्दगन्धबन्धो ।
६९८२-२ तामीषत्प्रचलविलोचनां नता गीं आलिन्गन्पवन मम स्पृशा गम गं ॥

६९८३-१ उन्मीलयन्ति कुसुमानि मनोरमाणि के नाम नात्र तरवः समयोचितानि ।
६९८३-२ कस्येदृशं कथय दोहदमस्ति तस्य यादृक्विनिर्मितमशोकमहीरुहस्य ॥

६९८४-१ उन्मीलल्लीलनीलोत्पलदलदलनामोदमेदस्विपूर- क्रोडक्रीडद्विजालीगरुदुदितमरुत्स्फालवाचालवीचि ः ।
६९८४-२ एतेनाखानि शाखानिवहनवहरित्पर्णपूर्णद्रुमाली- व्यालीढोपान्तशान्तव्यथपथिकदृशां दत्तरागस्तडागः ॥

६९८५-१ उन्मीलितं तूलिकयेव चित्रं सूर्यांशुभिर्भिन्नमिवारविन्दं ।
६९८५-२ बभूव तस्याश्चतुरश्रशोभि वपुर्विभक्तं नवयौवनेन ॥

६९८६-१ उन्मील्याक्षि सखीर्न पश्यसि न चाप्युक्ता ददास्युत्तरं नो वेत्सीदृशमत्र नेदृशमिमां शून्यामवस्थां गता ।
६९८६-२ तल्पादृश्यकर कपञ्जरमिदं जीवेन लिप्तं मना मुञ्चन्ती किमु कर्तुमिच्छसि कुरु प्रेमान्यदेशागते ॥

६९८७-१ उन्मुकुलिताधरपुटे भूतिकणत्रासमीलितार्धाक्षि ।
६९८७-२ धूमोऽपि नेह विरम भ्रमरोऽयं श्वसितमनुसरति ॥

६९८८-१ उन्मुक्तकञ्चुकतयेयमुदारकान्तिः शस्त्रीव शम्बररिपोरपनीतकोशा ।
६९८८-२ रक्तावकुण्ठनपटीरचितापिधाना संध्याम्बुवाहकलितेव शशा करेखा ॥

६९८९-१ उन्मुक्तक्रमहारिमेरुशिखरात्क्रामन्तमन्यो धरः कोऽत्र त्वां शरभीकिशोरपरिषद्धौरेय धर्तुं क्षमः ।
६९८९-२ तस्माद्दुर्गमशृ गल घनकलादुर्लालितात्मन्व्रज त्वद्वासाय स एव कीर्णकनकज्योत्स्नो गिरीणां पतिः ॥

६९९०-१ उन्मुक्तमानकलहा रमध्वं दयितान्विताः ।
६९९०-२ इतीव मधुरालापाः कोकिला जगदुर्जनान् ॥

६९९१-१ उन्मुक्ताभिर्दिवसमधुना सर्वतस्ताभिरेव स्वच्छायाभिर्निचुलितमिव प्रेक्ष्यते विश्वमेतत् ।
६९९१-२ पर्यन्तेषु ज्वलति जलधौ रत्नसानौ च मध्ये चित्रा गीयं रमयति तमःस्त्ॐअलीला धरित्री ॥

६९९२-१ उन्मुच्य स्वजनानुपेक्ष्य तृणवत्प्राणानपि प्रेयसस् तीर्त्वा दुस्तरमर्णवं च वणिजः प्राप्ताः पटीराशया ।
६९९२-२ श्वासैस्ते विनिवर्तिताः प्रतिभयैः स्वस्थो भवातःपरं त्वं वा केवलम गम गमुरग व्यालिम्प गन्धद्रवैः ॥

६९९३-१ उन्मुद्रीकृतविश्वविस्मयभरैस्तत्तन्महार्घैर्गुणैर् दुर्गाधे हृदयाम्बुधौ तव भवेन्नः सूक्तिग गा यदि ।
६९९३-२ विश्वश्वित्रमत गिनीघनरसस्यन्दिन्यमन्दध्वनिर् ग गासागरसंगमः पुनरिवापूर्वः समुन्मीलति ॥

६९९४-१ उन्मूलितालानविलाभनाभिश्छिन्नस्खलच्छृ खलर्ॐअराजिः ।
६९९४-२ मत्तस्य सेयं मदनद्विपस्य प्रस्वापवप्रोच्चकुचास्तु वास्तु ॥

६९९५-१ उन्मूल्य सितकेशांस्तु मूले मुले च तत्क्षिपेत् ।
६९९५-२ ततः केशाः प्रजायन्ते कृष्णाः कौतुककारिणः ।
६९९५-३ युक्त्या पूर्वोक्तया युञ्ज्यान्मेषशृ गीपयः सुधीः ॥

६९९६-१ उन्मूल्यालानभूमीरुहमतितरसोत्खण्डिताण्डूवितानान्य्- आकर्षन्नेष पादैर्मदजलकलुषः क्षिप्तनक्षत्रमालः ।
६९९६-२ शुण्डादण्डाभिघातैर्नभसि विदलयन्पुष्करावर्तकादीन् धावत्याधूतमूर्धा हरिमभिरभसाद्देवपुत्रः करीन्द्रः ॥

६९९७-१ उन्मृष्टं कुचसीम्नि पत्रमकरं दृष्ट्वा हठालि गनाथ्कोपो मास्तु पुनर्लिखाम्यमुमिति स्मेरे रघूणां वरे ।
६९९७-२ कोपेणारुणितोऽश्रुपातदलितः प्रेम्णा च विस्तारितो दत्तो मैथिलकन्यया दिशतु नः क्षेमं कटाक्षा कुरः ॥

६९९८-१ उन्मृष्टपत्रा लुलितालकान्ताः कण्ठेषु लग्ना जघनं स्पृशन्तः ।
६९९८-२ कुचस्थलीष्वाहतिमादधाना गता वधूनां प्रियतां जलौघाः ॥

६९९९-१ उन्मेषं यो मम न सहते जातिवैरी निशायां इन्दोरिन्दीवरदलदृशा तस्य सौन्दर्यदर्पः ।
६९९९-२ नीतः शान्तिं प्रसभमनया वक्त्रकान्त्येति हर्षाल् लग्ना मन्ये ललिततनु ते पादयोः पद्मलक्ष्मीः ॥

७०००-१ उपकरोत्यपकृतो ह्युत्तमोऽप्यन्यथाधमः ।
७०००-२ मध्यमः साम्यमन्विच्छेदपरः स्वार्थतत्परः ॥

७००१-१ उपकर्ताधिकाराढ्यः स्वापराधं न मन्यते ।
७००१-२ उपकारं ध्वजीकृत्य सर्वमेव विलुम्पति ॥

७००२-१ उपकर्तुं प्रियं वक्तुं कर्तुं स्नेहमनुत्तमं ।
७००२-२ सज्जनानां स्वभावोऽयं केनेन्दुः शिशिरीकृतः ॥

७००३-१ उपकर्तुं यथा स्वल्पः समर्थो न तथा महान् ।
७००३-२ प्रायः कूपस्तृषां हन्ति सततं न तु वारिधिः ॥

७००४-१ उपकर्तुः कृतघ्नस्याप्युभयोरियती भिदा ।
७००४-२ सद्यो हि विस्मरत्याद्यः कृतं पश्चात्तु पश्चिमः ॥

७००५-१ उपकर्तुः स्थिरं द्रव्यं यत्नस्तत्कालसंभवः ।
७००५-२ किमस्ति तालवृन्तस्य मन्दमारुतसंग्रहः ॥

७००६-१ उपकर्तुमनुपकर्तुः प्रियाणि कर्तुं कृतान्यनुस्मर्तुं ।
७००६-२ विनिपतितांश्चोद्धर्तुं कुलान्वितानामुचितमेतत् ॥

७००७-१ उपकर्तुमप्रकाशं क्षन्तुं न्यूनेष्वयाचितं दातुं ।
७००७-२ अभिसंधातुं च गुणैः शतेषु केचिद्विजानन्ति ॥

७००८-१ उपकर्त्रारिणा संधिर्न मित्रेणापकारिणा ।
७००८-२ उपकारापकारौ हि लक्ष्यं लक्षणमेतयोः ॥

७००९-१ उपकारं सुहृद्वर्गे योऽपकारं च शत्रुषु ।
७००९-२ नृमेघो वर्षति प्राज्ञस्तस्येच्छन्ति सदोन्नतिं ॥

७०१०-१ उपकारं स्मरन्तस्तु कृतज्ञत्ववशंवदाः ।
७०१०-२ पदवीमुपकर्त्णां यान्ति निश्चेतना अपि ॥

७०११-१ निर्वाणमनु निर्वाति तपनं तपनोपलः ।
७०११-२ इन्दुमिन्दुमणिः किं च शुष्यन्तमनु शुष्यति ॥

७०१२-१ उपकारः परो धर्मः परोऽर्थः कर्मनैपुणं ।
७०१२-२ पात्रे दानं परः कामः परो मोक्षो वितृष्णता ॥

७०१३-१ उपकारकमायतेर्भृशं प्रसवः कर्मफलस्य भूरिणः ।
७०१३-२ अनपायि निबर्हणं द्विषां न तितिक्षासममस्ति साधनं ॥

७०१४-१ उपकारगृहीतेन शत्रुणा शत्रुमुद्धरेत् ।
७०१४-२ पादलग्नं करस्थेन कण्टकेनेव कण्टकं ॥

७०१५-१ उपकारपरः प्रवरः प्रत्युपकारं करोति मध्यस्थः ।
७०१५-२ नीचस्तदपि न कुरुते उपकार्वशाद्भवति शत्रुः सः ॥

७०१६-१ उपकारपरः स्वभावत सततं सर्वजनस्य सज्जनः ।
७०१६-२ असतामनिशं तथाप्यहो गुरुहृद्रोगकरी तदुन्नतिः ॥

७०१७-१ उपकारप्रधानः स्यादपकारपरेऽप्यरौ ।
७०१७-२ संपद्विपत्स्वेकमना हेतावीर्ष्येत्फले न तु ॥

७०१८-१ उपकारफलं मित्रं अपकारोऽरिलक्षणं ।
७०१८-२ … … … … … … … … … … ॥

७०१९-१ उपकारमेव तनुते विपद्गतः सद्गुणो नितरां ।
७०१९-२ मूर्च्छां गतो मृतो वा निदर्शनं पारदोऽत्र रसः ॥

७०२०-१ उपकारशतेनापि गृह्यते केन दुर्जनः ।
७०२०-२ साधुः संमानमात्रेण भवत्येवात्मविक्रयी ॥

७०२१-१ उपकारशतेनापि दानैश्चापि सुविस्तरैः ।
७०२१-२ लालनात्प्रीतिपूर्वाच्च न ग्राह्यो भगिनीसुतः ॥

७०२२-१ उपकारश्चापकारो यस्य व्रजति विस्मृतिं ।
७०२२-२ पाषाणहृदयस्यास्य जीवतीत्यभिधा मुधा ॥

७०२३-१ उपकाराच्च लोकानां निमित्तान्मृगपक्षिणां ।
७०२३-२ भयाल्लोभाच्च मूर्खाणां मैत्री स्याद्दर्शनात्सतां ॥

७०२४-१ उपकारादृतेऽप्याशु मित्रं श्रेयसि तिष्ठति ।
७०२४-२ मित्रवान्साधयत्यर्थान्दुःसाध्यानप्यनादरात् ॥

७०२५-१ उपकाराय न जातः सपदि सुजातः क्व जातवैरेऽपि ।
७०२५-२ ग्रासयति ग्रस्तोऽपि द्रोहिणममृतानि रोहिणीरमणः ॥

७०२६-१ उपकाराय या पुंसां न परस्य न चात्मनः ।
७०२६-२ पत्रसंचयसंभारैः किं तया भारविद्यया ॥

७०२७-१ उपकारिणमपि पूज्यं हन्ति महान्तं खलोऽत्रपोऽवसरे ।
७०२७-२ धृष्टद्युम्नो मध्ये- वीरं हतवान्गुरुं शान्तं ॥

७०२८-१ उपकारिणि विक्षीणे शनैः केदारवारिणि ।
७०२८-२ सानुक्रोशतया शालिरभूत्पाण्डुरवा मुखः ॥

७०२९-१ उपकारिणि विश्रब्धे शुद्धमतौ यः समाचरति पापं ।
७०२९-२ तं जनमसत्यसंधं भगवति वसुधे कथं वहसि ॥

७०३०-१ उपकारिणि वीतमत्सरे वा सदयत्वं यदि तत्र कोऽतिरेकः ।
७०३०-२ अहिते सहसापराद्धलब्धे सघृणं यस्य मनः सतां स धुर्यः ॥

७०३१-१ उपकारिषु यः साधुः साधुत्वे तस्य को गुणः ।
७०३१-२ अपकारिषु यः साधुः स साधुः सद्भिरुच्यते ॥

७०३२-१ उपकारे कृतज्ञत्वं अपकारे कृतघ्नता ।
७०३२-२ विषयस्य गुणावेतौ कर्तुः स्यातां विपर्ययौ ॥

७०३३-१ उपकारेण दूयन्ते न सहन्तेऽनुकम्पितां ।
७०३३-२ आपत्स्वपि दुराराध्या नित्यदुःखा मनस्विनः ॥

७०३४-१ उपकारेण नीचानां अपकारो हि जायते ।
७०३४-२ पयःपानं भुजंगानां केवलं विषवर्धनं ॥

७०३५-१ उपकारेण वीरस्तु प्रतिकारेण युज्यते ।
७०३५-२ अकृतज्ञोऽप्रतिकृतो हन्ति सत्त्ववतां मनः ॥

७०३६-१ उपकार्योपकारित्वं दूरे चेत्सा हि मित्रता ।
७०३६-२ पुष्पवन्तौ किमासन्नौ पश्य कैरवपद्मयोः ॥

७०३७-१ उपकृतं बहु तत्र किमुच्यते सुजनता प्रथिता भवता परं ।
७०३७-२ विदधदीदृशमेव सदा सखे सुखितमास्स्व ततः शरदां शतं ॥

७०३८-१ उपकृतमनेन सुतरां इत्यसतामस्ति न क्वचिदपेक्षा ।
७०३८-२ होतुः स्वहस्तमाश्रित उद्वहतोऽग्निर्दहत्येव ॥

७०३९-१ उपकृतवताप्यनार्ये नाश्वसितव्यं कृतिप्रियोऽस्मीति ।
७०३९-२ पयसापि सिक्तमूलो भवति हि मधुरो न पिचुमन्दः ॥

७०४०-१ उपकृतवता श्रीरत्नाभ्यां हरेः शशिलेखया मनसिजरिपोः पीयूषेणाप्यशेषदिवौकसां ।
७०४०-२ कथमितरथा तेन स्थेयं यशोभरमन्थरं यदि न मथनायासं धीरः सहेत पयोनिधिः ॥

७०४१-१ उपकृतिरेव खलानां दोषस्य गरीयसो भवति हेतुः ।
७०४१-२ अनुकूलाचरणेन हि कुप्यन्ति व्याधयोऽत्यर्थं ॥

७०४२-१ उपकृतिसाहसिकतया क्षतिमपि गणयन्ति नो गुणिनः ।
७०४२-२ जनयन्ति हि प्रकाशं दीपशिखाः स्वा गदाहेन ॥

७०४३-१ उपकृत्य भवन्ति दूरतः परतः प्रत्युपकारश कया ।
७०४३-२ इयमेव हि सत्त्वशालिनां महतां कापि कठोरचित्तता ॥

७०४४-१ उपक्रमं वाञ्छितमाशु कुर्याद्दूतोपयानात्क्रियमाणसंधिः ।
७०४४-२ स चेद्विसंधिः स तु तत्र चैकः कृतो भवत्यात्मसमुच्छ्रयश्च ॥

७०४५-१ उपगूढवेलमलघूर्मिभुजैः सरितामचुक्षुभदधीशमपि ।
७०४५-२ रजनीकरः किमिव चित्रमदो यदुरागिणां गणमन गलघुं ॥

७०४६-१ उपगूहति दवदहने त्रिभुवनधन्यामरण्यानीं ।
७०४६-२ मूर्ता इवान्धकाराः प्रतिदिशमपयान्ति कासरावलयः ॥

७०४७-१ उपचरिताप्यतिमात्रं पण्यवधूः क्षीणसंपदः पुंसः ।
७०४७-२ पातयति दृशं व्रजतः स्पृहया परिधानमात्रेऽपि ॥

७०४८-१ उपचरिता हरिणदृशः सज्जनगोष्ठीषु मिश्रिता वाचः ।
७०४८-२ चरितं क्लमनमदवनं न विधेः कुटिलादपि त्रासः ॥

७०४९-१ उपचारः कर्तव्यो यावदनुत्पन्नसौहृदाः पुरुषाः ।
७०४९-२ उत्पन्नसौहृदानां उपचारः कैतवं भवति ॥

७०५०-१ उपचारविधिज्ञोऽपि निर्धनः किं करिष्यति ।
७०५०-२ निर कुश इवारूढो मत्तद्विरदमूर्धनि ॥

७०५१-१ उपचारानुनयास्ते कितवस्योपेक्षिताः सखीवचसा ।
७०५१-२ अधुना निष्ठुरमपि यदि स वदति कलिकैतवाद्यामि ॥

७०५२-१ उपचितावयवा शुचिभिः कणैर् अलिकदम्बकयोगमुपेयुषी ।
७०५२-२ सदृशकान्तिरलक्ष्यत मञ्जरी तिलकजालकजालकमौक्तिकैः ॥

७०५३-१ उपचितेषु परेष्वसमर्थतां व्रजति कालवशाद्बलवानपि ।
७०५३-२ तपसि मन्दगभस्तिरभीषुमान् नहि महाहिमहानिकरोऽभवत् ॥

७०५४-१ उपच्छन्द्यापि दातव्यं बलिने शान्तिमिच्छता ।
७०५४-२ समूलमेव गान्धारिरप्रयच्छन्गतः क्षयं ॥

७०५५-१ उपजप्यानुपजपेद्बुध्येतैव च तत्कृतं ।
७०५५-२ युक्ते च दैवे युध्येत जयप्रेप्सुरपेतभीः ॥

७०५६-१ उपजापः कृतस्तेन तानाकोपवतस्त्वयि ।
७०५६-२ आशु दीपयिताल्पोऽपि साग्नीनेधानिवानिलः ॥

७०५७-१ उपजापश्चिरारोधोऽवस्कन्दस्तीव्रपौरुषं ।
७०५७-२ दुर्गस्य ल घनोपायाश्चत्वारः कथिता इमे ॥

७०५८-१ उपजापसहान्विल घयन् स विधाता नृपतीन्महोद्धतः ।
७०५८-२ सहते न जनोऽप्यधःक्रियां किमु लोकाधिकधाम राजकं ॥

७०५९-१ उपजापहृतस्वामिस्नेहसीम्नि पराश्रयं ।
७०५९-२ मौले वाञ्छति मेदिन्याः पत्युः पातो न संशयः ॥

७०६०-१ उपजीवति स्म सततं दधतः परिमुग्धतां वणिगिवोडुपतेः ।
७०६०-२ घनवीथिवीथिमवतीर्णवतो निधिरम्भसामुपचयाय कलाः ॥

७०६१-१ उपजीव्या हता कन्या स्वार्थे पाकक्रिया हता ।
७०६१-२ शूद्रभिक्षाहतो यागः कृपणस्य हतं धनं ॥

७०६२-१ उपताप्यमानमलघूष्णिमभिः श्वसितैः सितेतरसरोजदृशः ।
७०६२-२ द्रवतां न नेतुमधरं क्षमते नवनागवल्लिदलरागरसः ॥

७०६३-१ उपदिशति लोकवृत्तं वितरति वित्तं विनोदयति चित्तं ।
७०६३-२ उत्तम्भयति महत्त्वं विद्या हृद्या सुराजसेवेव ॥

७०६४-१ उपदेशं विदुः शुद्धं सन्तस्तमुपदेशिनः ।
७०६४-२ श्यामायते न युष्मासु यः काञ्चनमिवाग्निषु ॥

७०६५-१ उपदेशप्रदात्णां नराणां हितमिच्छतां ।
७०६५-२ परस्मिन्निहलोके च व्यसनं नोपपद्यते ॥

७०६६-१ उपदेशो न दातव्यो यादृशे तादृशे नरे ।
७०६६-२ पश्य वानरमूर्खेण सुगृही निर्गृहीकृता ॥

७०६७-१ उपदेशो हि मूर्खाणां क्रोधायैव शमाय न ।
७०६७-२ पयःपानं भुज गानां विषायैवामृताय न ॥

७०६८-१ उपदेशो हि मूर्खाणां प्रकोपाय न शान्तये ।
७०६८-२ पयःपानं भुज गानां केवलं विषवर्धनं ॥

७०६९-१ उपद्रष्टानुमन्ता च भर्ता भोक्ता महेश्वरः ।
७०६९-२ परमात्मेति चाप्युक्तो देहेऽस्मिन्पुरुषः परः ॥

७०७०-१ उपधाशोधिताः सम्यगीहमानाः फलोदयं ।
७०७०-२ तेऽस्य सर्वं परीक्षेरन्सानुरागाः कृताकृतं ॥

७०७१-१ उपेत्य धीयते यस्मादुपधेति ततः स्मृता ।
७०७१-२ उपाय उपधा ज्ञेया तयामात्यान्परीक्षयेत् ॥

७०७२-१ … … … ।
७०७२-२ उपधित्रयशुद्धितोऽस्य किं कनकस्येव परं परीक्षणं ॥

७०७३-१ उपधिवसतिपिण्डान्गृह्णते नो विरुद्धांस् तनुवचनमनोभिः सर्वथा ये मुनीन्द्राः ।
७०७३-२ व्रतसमितिसमेता ध्वस्तमोहप्रपञ्चा ददतु मम विमुक्तिं ते हतक्रोधयोधाः ॥

७०७४-१ उपनतभये यो यो मार्गो हितार्थकरो भवेथ्स स निपुणया बुद्ध्या सेव्यो महान्कृपणोऽपि वा ।
७०७४-२ करिकरनिभौ ज्याघाता कौ महास्त्रविशारदौ वलयरचितौ स्त्रीवद्बाहू कृतौ न किरीटिना ॥

७०७५-१ उपनतमतिपुण्यचयैः संपूर्णं रक्षितं च यत्नेन ।
७०७५-२ संपदि विपदि त्राणं भवति निधानं च मित्रं च ॥

७०७६-१ उपनदिपुलिने महापलाशः पवनसमुच्छलदेकपत्त्रपाणिः ।
७०७६-२ दवदहनविनष्टजीवितानां सलिलमिवैष ददाति पादपानां ॥

७०७७-१ उपनयति कपोले लोलकर्णप्रवाल- क्षणमुकुलनिवेशान्दोलनव्यापृतानां ।
७०७७-२ परिमलितहरिद्रान्संप्रति द्वाविडीनां नवनखपदतिक्तानातपः स्वेदबिन्दून् ॥

७०७८-१ उपनयनविवाहावुत्सवैकप्रधानौ कलिविभवत एषां कालभेदानभिज्ञाः ।
७०७८-२ विजहति न कदाचिद्वेदपाठैकयोग्ये वयसि च यवनानीवाचनाभ्यासमेते ॥

७०७९-१ उपनयति मसिं पत्त्रं चेदं लिखामि किमत्र वा त्वमिति विनयभ्रंशो यूयं त्विति प्रणयक्षतिः ।
७०७९-२ सुहृदिति मृषा नाथेत्यूनं नृपेति तटस्थता कथमिति ततः संदेष्टव्यो मया यदुनन्दनः ॥

७०८०-१ उपनिषदः परिपीता गीतापि न हन्त मतिपथं नीता ।
७०८०-२ तदपि न हा विधुवदना मानससदनाद्बहिर्याति ॥

७०८१-१ उपनिहितहलीषासार्गलद्वारमाराथ्परिचकितपुरन्ध्रीसारिताभ्यर्णभाण्डं ।
७०८१-२ पवनरयतिरश्चीर्वारिधाराः प्रतीच्छन् विशति वलितशृ गः पामरागारमुक्षा ॥

७०८२-१ उपनीतनीतिनौकः संसारविकारवारिवन्यासु ।
७०८२-२ सत्पुरुषकर्णधारस् तारयति जनान्बहूनेकः ॥

७०८३-१ उपनीय कलमकुडवं कथयति सभयश्चिकित्सके हलिकः ।
७०८३-२ शोणं स्ॐआर्धनिभं वधूस्तने व्याधिमुपजातं ॥

७०८४-१ उपनीय प्रियमसमय- विदं च मे दग्धमानमपनीय ।
७०८४-२ नर्मोपक्रम एव क्षणदे दूतीव चलितासि ॥

७०८५-१ उपनीय यन्नितम्बे भुजंगमुच्चैरलम्बि विबुधैः श्रीः ।
७०८५-२ एकः स मन्दरगिरिः सखि गरिमाणं समुद्वहतु ॥

७०८६-१ उपनेतुमुन्नतिमतेव दिवं कुचयोर्युगेन तरसा कलितां ।
७०८६-२ रभसोत्थितामुपगतः सहसा परिरभ्य कश्चन वधूमरुधत् ॥

७०८७-१ उपपत्तिभिरम्लाना नोपदेशैः कदर्थिताः ।
७०८७-२ स्वसंवेदनसंवेद्यसाराः सहृदयोक्तयः ॥

७०८८-१ उपपन्नं ननु शिवं सप्तस्वङ्गेषुयस्य मे ।
७०८८-२ दैवीनां मानुषीणां च प्रतिहर्ता त्वमापदां ॥

७०८९-१ उपपरिसरं गोदावर्याः परित्यजताध्वगाः सरणिमपरो मार्गस्तावद्भवद्भिरिहेक्ष्यतां ।
७०८९-२ इह हि विहितो रक्ताशोकः कयापि हताशया चरणनलिनन्यासोदञ्चन्नवाङ्कुरकञ्चुकः ॥

७०९०-१ उपप्रदानं सान्त्वं वा भेदं काले च विक्रमं ।
७०९०-२ योगं च रक्षसां श्रेष्ठ तावुभौ च नयानयौ ॥

७०९१-१ उपप्राकाराग्रं प्रहिणु नयने तर्कय मनाङनाकाशे कोऽयं गलितहरिणः शीतकिरणः ।
७०९१-२ सुधाबद्धग्रासैरुपवनचकोरैरनुसृतां किरञ्ज्योत्स्नामच्छां नवलवलपाकप्रणयिनीं ॥

७०९२-१ उपप्लवोऽसौ किमु राजपुत्री ज्योत्स्नाद्रवोऽसावुत वज्रपातः ।
७०९२-२ अलं तया सैव हि जीवितं मे धिङ्मामहं वा चरितार्थ एकः ॥

७०९३-१ उपप्लुतं पातुमदो मदोद्धतैस् त्वमेव विश्वंभर विश्वमीशिषे ।
७०९३-२ ऋते रवेः क्षालयितुं क्षमेत कः क्षपातमस्काण्डमलीमसं नभः ॥

७०९४-१ उपबर्हमम्बुजदृशो निजं भुजं विरचय्य वक्त्रमपि गण्डमण्डले ।
७०९४-२ निजसक्थि सक्थिनि निधाय सादरं स्वपिति स्तनार्पितकराम्बुजो युवा ॥

७०९५-१ उपभुक्तं यथा वासः स्रजो वा मृदिता यथा ।
७०९५-२ एवं राज्यात्परिभ्रष्टः समर्थोऽपि निरर्थकः ॥

७०९६-१ उपभुक्तखदिरवीटक- जनिताधररागभङ्गभयात् ।
७०९६-२ पितरि मृतेऽपि न वेश्या रोदिति हा तात तातेति ॥

७०९७-१ उपभुक्ताशेषवृषं धावन्तं मृगशिरेशभोगाय ।
७०९७-२ कः खेचरकेसरिणं पश्यतु भास्वन्तमन्तकप्रतिमं ॥

७०९८-१ उपभोक्तुं न जानाति कदापि कृपणो जनः ।
७०९८-२ आकण्ठजलमग्नोऽपि कुक्कुरो लेढि जिह्वया ॥

७०९९-१ उपभोगकातराणां पुरुषाणामर्थसंचयपराणां ।
७०९९-२ कन्यामणिरिव सदने तिष्ठत्यर्थः परस्यार्थे ॥

७१००-१ उपभोगादृते तस्य नाश एव न विद्यते ।
७१००-२ प्राक्तनं बन्धनं कर्म कोऽन्यथा कर्तुमर्हति ॥

७१०१-१ उपभोगाय च धनं जीवितं येन रक्षितं ।
७१०१-२ न रक्षिता तु भूर्येन किं तस्य धनजीवितैः ॥

७१०२-१ उपभोगेन पुण्यानां प्राक्तनानां तथांहसां ।
७१०२-२ कर्तव्यमिति नित्यानां अकामकरणात्तथा ॥

७१०३-१ उपभोगैरपि त्यक्तं नात्मानमवसादयेत् ।
७१०३-२ चण्डालत्वेऽपि मानुष्यं सर्वथा तात दुर्लभं ॥

७१०४-१ उपमा कालिदासस्य भारवेरर्थगौरवं ।
७१०४-२ दण्डिनः पदलालित्यं माघे सन्ति त्रयो गुणाः ॥

७१०५-१ उपमानमभूद्विलासिनां करणं यत्तव कान्तिमत्तया ।
७१०५-२ तदिदं गतमीदृशीं दशां न विदीर्ये कठिनाः खलु स्त्रियः ॥

७१०६-१ उपययौ तनुतां मधुखण्डिता हिमकरोदयपाण्डुमुखच्छविः ।
७१०६-२ सदृशमिष्टसमागमनिर्वृतिं वनितयानितया रजनीवधूः ॥

७१०७-१ उपरि कबरीबन्धग्रन्थेरथ ग्रथिताङ्गुली निजभुजलते तिर्यक्तन्व्या वितत्य विवृत्तया ।
७१०७-२ विवृतविलसद्वामापाङ्गस्तनार्धकपोलया कुवलयदलस्रक्संदिग्धश्रियः प्रहिता दृशः ॥

७१०८-१ उपरि करवालधारा- काराः क्रूरा भुजङ्गमपुङ्गवात् ।
७१०८-२ अन्तः साक्षाद्द्राक्षा- दीक्षागुरवो जयन्ति केऽपि जनाः ॥

७१०९-१ उपरिगतं हि सवर्णं हृत्वा करतो ददासि रन्तुं मे ।
७१०९-२ धन्यः सरोजयुगलं त्वक्त्वा स्तनयुगमथास्पृशत्कृष्णः ॥

७११०-१ उपरि घनं घनपटलं तिर्यग्गिरयोऽपि नर्तितमयूराः ।
७११०-२ क्षितिरपि कन्दलधवला दृष्टिं पथिकः क्व पातयतु ॥

७१११-१ उपरि घनं घनरटितं दूरे दयिता किमेतदापतितं ।
७१११-२ हिमवति दिव्यौषधयः शीर्षे सर्पः समाविष्टः ॥

७११२-१ उपरिजतरुजानि याजमानां कुशलतया परिरम्भलोलुपोऽन्यः ।
७११२-२ प्रथितपृथुपयोधरां गृहाण स्वयमिति मुग्धवधूमुदास दोर्भ्यां ॥

७११३-१ उपरि तमालतरोः सखि परिणतशरदिन्दुमण्डलः कोऽपि ।
७११३-२ तत्र च मुरलीखुरली कुलमर्यादामधो नयति ॥

७११४-१ उपरितलनिपातितेष्टकोऽयं शिरसि तनुर्विपुलश्च मध्यदेशे ।
७११४-२ असदृशजनसंप्रयोगभीरोर् हृदयमिव स्फुटितं महागृहस्य ॥

७११५-१ उपरि परिप्लवते मम बालेयं गृहिणि हंसमालेव ।
७११५-२ सरस इव नलिननाला त्वमाशयं प्राप्य वससि पुनः ॥

७११६-१ उपरि पीनपयोधरपातिता पटकुटीव मनोभवभूपतेः ।
७११६-२ विजयिनस्त्रिपुरारिजिगीषया तव विराजति भामिनि कञ्चुकी ॥

७११७-१ उपरि मिहिरः क्रूरः क्रूरास्तलेऽचलभूमयो वहति पवनः पांशूत्कर्षी कृशः सरसो रसः ।
७११७-२ अहह न जहत्येते प्राणांस्तदैव किमध्वगा यदि न भवतः पत्रच्छत्रं विशन्ति महीरुहः ॥

७११८-१ उपरि विधृतशारिप्रौढधन्विप्रसारादिह पयसि नदीनां गाहितुं नैव शक्ताः ।
७११८-२ तटनिकटनिरूढाः प्रस्थितौ यस्य चण्डाः सरलितकरदण्डाः कुम्भिनोऽम्भः पिबन्ति ॥

७११९-१ उपरिष्ठा यदा नारी रमते कामुकं नरं ।
७११९-२ विपरीतं रतं ज्ञेयं सर्वकामिजनप्रियं ॥

७१२०-१ उपरिस्था भक्तिरन्तर्निर्मूला तारयेत्कथं ।
७१२०-२ नहि भारक्षमा दृष्टा वारां सान्द्रापि नीलिका ॥

७१२१-१ उपरुन्धन्ति श्वासान् मुनयो नाश्नन्ति न पिबन्ति ।
७१२१-२ स्तूयन्ते सुजनैः किं कण्ठे कुर्वन्ति कनकपाशमिमे ॥

७१२२-१ उपर्यंशुमतः सिद्धाश्चरन्तो यस्य सानुषु ।
७१२२-२ छत्राण्यातपसंत्रासादवाचीनानि बिभ्रति ॥

७१२३-१ उपर्यष्टौ शतान्याहुस्तथा भूयश्च सप्ततिः ।
७१२३-२ गजानां तु परीमाणं एतदेव विनिर्दिशेत् ॥

७१२४-१ उपर्युपरि लोकस्य सर्वो गन्तुं समीहते ।
७१२४-२ यतते च यथाशक्ति न च तद्वर्तते तथा ॥

७१२५-१ उपलक्ष्य वर्णसंकर- मपगतगुणयोगमुज्झितस्थैर्यं ।
७१२५-२ पथिकाः समुद्विजन्ते कुदेशमिव वीक्ष्य शक्रधनुः ॥

७१२६-१ उपलनिकषं सुवर्णं पुरुषो व्यवहारनिकष उद्दिष्टः ।
७१२६-२ धूर्निकषो गोवृषभः स्त्रीणां तु न विद्यते निकषः ॥

७१२७-१ उपलशकलमेतद्भेदकं ग्ॐअयानां वटुभिरुपहृतानां बर्हिषां स्तूपमेतत् ।
७१२७-२ शरणमपि समिद्भिः शुष्यमाणाभिराभिर् विनमितपटलान्तं दृश्यते जीर्णकुड्यं ॥

७१२८-१ उपवनतरुनृत्याध्यापने लब्धवर्णो विरचितजलकेलिः पद्मिनीकामिनीभिः ।
७१२८-२ प्रियसुहृदसमेषोराययौ योगियोग- स्थितिविदलनदक्षो दक्षिणो गन्धवाहः ॥

७१२९-१ उपवननवमालिकाप्रसूनैः स्रजमपि या परिखिद्यते सृजन्ती ।
७१२९-२ परिजनवनितोचितानि कर्माण्य् अपरिचितानि कथं विधास्यसि त्वं ॥

७१३०-१ उपवनपवनानुपातदक्षैर् अलिभिरलाभि यदङ्गनाजनस्य ।
७१३०-२ परिमलविषयस्तदुन्नतानां अनुगमने खलु संपदोऽग्रतःस्थाः ॥

७१३१-१ उपवनमिव वारिमध्यमग्नं विमलतया प्रतिबिंबितं दधाना ।
७१३१-२ शशिकरनिकरेण पूरितेव क्वचिदुपनेयपयाः सुखाय वापी ॥

७१३२-१ उपवनसलिलानां बालपद्मैर् भ्रमरपरभृतानां कण्ठनादैः ।
७१३२-२ समदगतिविलासैः कामिनीनां कथयति पटुवृत्तं मधुमासः ॥

७१३३-१ उपविशति नृपनियुक्तः केनचिदन्येन वा जनेनोक्तः ।
७१३३-२ निजवेशजातिसमुचितं आसनमालोक्य सेवते सुमतिः ॥

७१३४-१ उपविष्टः सभामध्ये यो न वक्ति स्फुटं वचः ।
७१३४-२ तस्माद्दूरेण स त्याज्यो न यो वा कीर्तयेदृतं ॥

७१३५-१ उपवीणयन्ति परमप्सरसो नृपमानसिंह तव दानयशः ।
७१३५-२ सुरशाखिमौलिकुसुमस्पृहया नमनाय तस्य यतमानतमाः ॥

७१३६-१ उपशमफलाद्विद्याबीजात्फलं धनमिच्छतां भवति विफलः प्रारम्भो यत्तदत्र किमद्भुतं ।
७१३६-२ नियतविषयाः सर्वे भावा न यान्ति हि विक्रियां जनयितुमलं शालेर्बीजं न जातु यवाङ्कुरं ॥

७१३७-१ उपशमितमेघनादं प्रज्वलितदशाननं रमितरामं ।
७१३७-२ रामायणमिव सुभगं दीपदिनं हरतु वो दुरितं ॥

७१३८-१ उपशोभैव सहायाः सिद्धिर्वीरस्य साहसे वसति ।
७१३८-२ दलयति कुलानि करिणां किल हरिणपरिग्रहः सिंहः ॥

७१३९-१ उपसंध्यमास्त तनु सानुमतः शिखरेषु तत्क्षणमशीतरुचः ।
७१३९-२ करजालमस्तसमयेऽपि सतां उचितं खलूच्चतरमेव पदं ॥

७१४०-१ उपसर्गाः क्रियायोगे पाणिनेरिति संमतं ।
७१४०-२ निष्क्रियोऽपि तवारातिः सोपसर्गः सदा कथं ॥

७१४१-१ उपसर्गाः प्रवर्तन्ते दृष्टेऽप्यात्मनि योगिनः ।
७१४१-२ ये तांस्ते संप्रवक्ष्यामि समासेन निबोध मे ॥

७१४२-१ उपसर्गेऽन्यचक्रे च दुर्भिक्षे च भयावहे ।
७१४२-२ असाधुजनसंपर्के यः पलायेत्स जीवति ॥

७१४३-१ उपसर्गैर्जितैरेभिरुपसर्गास्ततः पुनः ।
७१४३-२ योगिनः संप्रवर्तन्ते सात्त्वराजसतामसाः ॥

७१४४-१ उपस्थितः प्राकृतपुण्यपाकाथ्पुरःस्थितो दक्षिणपाणिना स्वं ।
७१४४-२ शिरः स्पृशेद्दक्षिणचेष्टितो वा यो मण्डलो मण्डललाभदोऽसौ ॥

७१४५-१ उपस्थितस्य कामस्य प्रतिवादो न विद्यते ।
७१४५-२ अपि निर्मुक्तदेहस्य कामरक्तस्य किं पुनः ॥

७१४६-१ उपस्थितायां विपदि घोरायां स्वीयरक्षणे ।
७१४६-२ धीमद्भिः पुरुषैर्युक्तं वस्त्रं त्यक्त्वा पलायनं ॥

७१४७-१ उपस्थिते प्राणहरे कृतान्ते किमाशु कार्यं सुधिया प्रयत्नात् ।
७१४७-२ वाक्कायचित्तैः सुखदं यमघ्नं मुरारिपादाम्बुजमेव चिन्त्यं ॥

७१४८-१ उपस्थिते विप्लव एव पुंसां समस्तभावः परिमीयतेऽन्तः ।
७१४८-२ अवाति वायौ नहि तूलराशेर् गिरेश्च कश्चित्प्रतिभाति भेदः ॥

७१४९-१ उपस्थिते विवाहे च दाने यज्ञे तथा विभो ।
७१४९-२ समाचरति यो विघ्नं स मृत्वा जायते कृमिः ॥

७१५०-१ उपहरणं विभवानां संहरणं सकलदुरितजालस्य ।
७१५०-२ उद्धरणं संसाराछ्चरणं वः श्रेयसेऽस्तु विश्वपतेः ॥

७१५१-१ उपहासादिकं दूत्या नायिकायास्ततः परं ।
७१५१-२ अथ संभोगशृङ्गारे परस्परविलोकनं ॥

७१५२-१ उपहितं शिशिरापगमश्रिया मुकुलजालमशोभत किंशुके ।
७१५२-२ प्रणयिनीव नखक्षतमण्डनं प्रमदया मदयापितलज्जया ॥

७१५३-१ उपंशुक्रीडितोऽमात्यः स्वयं राजायते यतः ।
७१५३-२ अवज्ञा क्रियते तेन सदा परिचयाद्ध्रुवं ॥

७१५३-१ उपाकृताया नवयौवनेन यान्त्या गलत्साञ्जनबाष्पपूरं ।
७१५३-२ बाल्यश्रियः किं पदवी विरेजे र्ॐआवली खञ्जनलोचनायाः ॥

७१५४-१ उपाददे तस्य सहस्ररश्मिस् त्वष्ट्रा नवं निर्मितमातपत्रं ।
७१५४-२ स तद्दुकूलादविदूरमौलिर् बभौ पतद्गङ्ग इवोत्तमाङ्गे ॥

७१५५-१ उपादाता यावन्न भवति भवादृग्गुणवतां असत्कल्पास्तावत्त्रिभुवनमहार्हा अपि गुणाः ।
७१५५-२ अपि प्राग्दैत्यारेर्हृदयवसतेः कौस्तुभमणिः स किं नासीदब्धौ श्रुतिरपि किमस्य क्वचिदभूत् ॥

७१५६-१ उपाधिभिः सततसंगतोऽपि नहि स्वभावं विजहाति भावः ।
७१५६-२ आजन्म यो मज्जति दुग्धसिन्धौ तथापि काकः किल कृष्ण एव ॥

७१५७-१ उपाध्यायं पितरं मातरं च येऽभिद्रुह्यन्ति मनसा कर्मणा वा ।
७१५७-२ तेषां पापं भ्रूणहत्याविशिष्टं तस्मान्नान्यः पापकृदस्ति लोके ॥

७१५८-१ उपाध्यायश्च वैद्यश्च प्रतिभूर्भुक्तनायिका ।
७१५८-२ सूतिका दूतिकाश्चैव सिद्धे कार्ये तृणोपमाः ॥

७१५९-१ उपाध्यायान्दशाचार्य आचार्याणां शतं पिता ।
७१५९-२ सहस्रं तु पित्न्माता गौरवेणातिरिच्यते ॥

७१६०-१ उपाध्वं तत्पान्थाः पुनरपि सरो मार्गतिलकं यदासाद्य स्वच्छं विलसथ विनीतक्लमभराः ।
७१६०-२ इतस्तु क्षाराब्धेर्जरठमकरक्षुण्णपयसो निवृत्तिः कल्याणी न पुनरवतारः कथमपि ॥

७१६१-१ उपानहौ च यो दद्यात्पात्रभूते द्विजोत्तमे ।
७१६१-२ सोऽपि लोकानवाप्नोति दैवतैरभिपूजितान् ॥

७१६२-१ उपानीतं दूरात्परिमलमुपाघ्राय मरुता समायासीदस्मिन्मधुरमधुलोभान्मधुकरः ।
७१६२-२ परो दूरे लाभः कुपितफणिनश्चन्दनतरोः पुनर्जीवन्यायाद्यदि तदिह लाभोऽयमतुलः ॥

७१६३-१ उपान्तप्रोन्मीलद्विटपिजटिलां कौतुकवती कदाचिद्गन्तासि प्रियसखि न शिप्रातटभुवं ।
७१६३-२ यदस्यां मुक्तास्रग्विहितसितभोगिभ्रमतया वयोरूढः केकी लिखति नखरेण स्तनतटं ॥

७१६४-१ उपायं चिन्तयेत्प्राज्ञो ह्यपायमपि चिन्तयेत् ।
७१६४-२ पश्यतो बकमूर्खस्य नकुलैर्भक्षिताः सुताः ॥

७१६५-१ उपायं यं पुरस्कृत्य सेवते सेवकः प्रभुं ।
७१६५-२ अनन्तरज्ञस्तत्रैव योग्यं तं किल मन्यते ॥

७१६६-१ उपायकुशलं वैद्यं भृत्यसंदूषणे रतं ।
७१६६-२ शूरमैश्वर्यकामं च यो न हन्ति स वध्यते ॥

७१६७-१ उपायज्ञश्च योगज्ञस्तत्त्वज्ञः प्रतिभानवान् ।
७१६७-२ स्वधर्मनिरतो नित्यं परस्त्रीषु पराङ्मुखः ।
७१६७-३ वक्तोहवांश्चित्रकथः स्यादकुण्ठितवाक्सदा ॥

७१६८-१ उपायनीकृतं यत्तु सुहृत्सम्बन्धिबन्धुषु ।
७१६८-२ विवाहादिषु चाचारदत्तं ह्रीदत्तमेव तत् ॥

७१६९-१ उपायपूर्वं लिप्सेत कालं वीक्ष्य समुत्पतेत् ।
७१६९-२ पश्चात्तापाय भवति विक्रमैकरसज्ञता ॥

७१७०-१ उपायमास्थितस्यापि नश्यन्त्यर्थाः प्रमाद्यतः ।
७१७०-२ हन्ति नोपशयस्थोऽपि शयालुर्मृगयुर्मृगान् ॥

७१७१-१ उपायानां च सर्वेषां उपायः पण्यसंभवः ।
७१७१-२ धनार्थं शस्यते ह्येकस्तदन्यः संशयात्मकः ॥

७१७२-१ उपाया युक्तयो मायाः कालयापनमुच्यते ।
७१७२-२ निरपायो जयस्तूर्णं एक एव पराक्रमः ॥

७१७३-१ उपायेन जयो यादृग्रिपोस्तादृङ्न हेतिभिः ।
७१७३-२ उपायज्ञोऽल्पकायोऽपि न शूरैः परिभूयते ॥

७१७४-१ उपायेन हि यच्छक्यं न तच्छक्यं पराक्रमैः ।
७१७४-२ काकी कनकसूत्रेण कृष्णसर्पमघातयत् ॥

७१७५-१ उपायेन हि यच्छक्यं न तच्छक्यं पराक्रमैः ।
७१७५-२ शृगालेन हतो हस्ती गच्छता पङ्कवर्त्मना ॥

७१७६-१ उपायैरप्यशक्यास्ते जाने जेतुं नरेश्वराः ।
७१७६-२ उपेक्षिता भविष्यन्ति संकल्पेऽप्यथ दुर्जयाः ॥

७१७७-१ उपायैरिव तैः काले चतुर्भिः सुप्रयोजितैः ।
७१७७-२ मैलुगिक्षोणिपालस्य राज्यं जातं सदोन्नतं ॥

७१७८-१ उपार्जितानामर्थानां त्याग एव हि रक्षणं ।
७१७८-२ तडागोदरसंस्थानां परीवाह इवाम्भसां ॥

७१७९-१ उपालभ्यो नायं सकलभुवनाश्चर्यमहिमा हरेर्नाभीपद्मः प्रभवति हि सर्वत्र नियतिः ।
७१७९-२ यदत्रैव ब्रह्मा पिबति निजमायुर्मधु पुनर् विलुम्पन्ति स्वेदाधिकममृतहृद्यं मधुलिहः ॥

७१८०-१ उपासते यथा बाला मातरं क्षुधयार्दिताः ।
७१८०-२ श्रेयस्कामास्तथा गङ्गां उपासन्तीह देहिनः ॥

७१८१-१ उपास्यमानाविव शिक्षितुं ततो मृदुत्वमप्रौढमृणालनालया ।
७१८१-२ रराजतुर्माङ्गलिकेन संगतौ भुजौ सुदत्या वलयेन कम्बुनः ॥

७१८२-१ उपेक्षणीयैव परस्य वृद्धिः प्रनष्टनीतेरजितेन्द्रियस्य ।
७१८२-२ मदादियुक्तस्य विरागहेतुः समूलघातं विनिहन्ति चान्ते ॥

७१८३-१ उपेक्षितः क्षीणबलोऽपि शत्रुः प्रमाददोषात्पुरुषैर्मदान्धैः ।
७१८३-२ साध्योऽपि भूत्वा प्रथमं ततोऽसाव् असाध्यतां व्याधिरिव प्रयाति ॥

७१८४-१ उपेक्षितानां मन्दानां धीरसत्त्वैरवज्ञया ।
७१८४-२ अत्रासितानां क्रोधान्धैर्भवत्येषा विकत्थना ॥

७१८५-१ उपेक्षेत प्रनष्टं यत्प्राप्तं यत्तदुपाहरेत् ।
७१८५-२ न बालं न स्त्रियं चातिलालयेत्ताडयेन्न च ।
७१८५-३ विद्याभ्यासे गृह्यकृत्ये तावुभौ योजयेत्क्रमात् ॥

७१८६-१ उपेक्षेत समर्थः सन्धर्मस्य परिपन्थिनः ।
७१८६-२ स एव सर्वनाशाय हेतुभूतो न संशयः ॥

७१८७-१ उपेक्ष्यपक्षे भूपानां मानः स्वार्थस्य सिद्धये ।
७१८७-२ स तु प्राणानुपेक्ष्यापि ग्राह्यपक्षे मनस्विनां ॥

७१८७आ-१ उपेक्ष्य लोष्टक्षेप्तारं लोष्टं दशति मण्डलः ।
७१८७आ-२ सिंहस्तु शरमपेक्ष्य शरक्षेप्तारमीक्षते ॥

७१८८-१ उपेतः कोशदण्डाभ्यां सामात्यः सह मन्त्रिभिः ।
७१८८-२ दुर्गस्थश्चिन्तयेत्साधु मण्डलं मण्डलाधिपः ॥

७१८८आ-१ उपेत्य तां दृढपरिरम्भलालसश्चिरादभूः प्रमुषितचारुचन्दनः ।
७१८८आ-२ धृताञ्जनः सपदि तदक्षिचुम्बनादिहैव ते प्रिय विदिता कृतार्थता ॥

७१८९-१ उपैति क्षाराब्धिं सहति बहुवातव्यतिकरं पुरो नानाभङ्गाननुभवति पश्यैष जलदः ।
७१८९-२ कथंचिल्लब्धानि प्रवितरति तोयानि जगते गुणं वा दोषं वा गणयति न दानव्यसनिता ॥

७१९०-१ उपैति सस्यं परिणामरम्यतां नदीरनौद्धत्यमपङ्कतां मही ।
७१९०-२ नवैर्गुणैः संप्रति संस्तवस्थिरं तिरोहितं प्रेम घनागमश्रियः ॥

७१९१-१ उपोढरागाप्यबला मदेन सा मदेनसा मन्युरसेन योजिता ।
७१९१-२ न योजितात्मानमनङ्गतापितां गतापि तापाय ममाद्य नेयते ॥

७१९२-१ उपोढरागेण विलोलतारकं तथा गृहीतं शशिना निशामुखं ।
७१९२-२ यथा समस्तं तिमिरांशुकं तया पुरोऽपि रागाद्गलितं न लक्षितं ॥

७१९३-१ उपोदकी समायाति तिन्तिडीमन्त्रिणा सह ।
७१९३-२ पलायध्वं पलायध्वं रे रे शाकविडम्बकाः ॥

७१९४-१ उपोष्यैकादशीः सर्वास्तथा कृष्णाश्चतुर्दशीः ।
७१९४-२ ध्यात्वा हरिहरं देवं प्राप्नोति परमं पदं ॥

७१९५-१ उप्ता कीर्तिलता गुणैस्तव विभो सिक्ता च दानोदकैर् मेरुस्तम्भमवाप्य दिक्षु वितता प्राप्ता नभ्ॐअण्डलं ।
७१९५-२ धूपैस्त्वत्प्रतिपक्षलक्षवनितानिःश्वासजैर्धूपिता ऋक्षैः कोरकितेन्दुना कुसुमिता श्रीरामचन्द्र प्रभो ॥

७१९६-१ उप्यन्ते विषवल्लिबीजविषमाः क्लेषाः प्रियाख्या नरैस् तेभ्यः स्नेहमया भवन्ति नचिराद्वज्राग्निगर्भाङ्कुराः ।
७१९६-२ येभ्योऽमी शतशः कुकूलहुतभुग्दाहं दहन्तः शनैर् देहं दीप्रशिखासहस्रशिखरा रोहन्ति शोकद्रुमाः ॥

७१९७-१ उप्यमानं मुहुः क्षेत्रं स्वयं निर्वीर्यतामियात् ।
७१९७-२ न कल्पते पुनः सूत्या उप्तं बीजं च नश्यति ॥

७१९८-१ एवं कामाशयं चित्तं कामानामतिसेवया ।
७१९८-२ विरज्यते यथा राजन्नाग्निवत्कामबिन्दुभिः ॥

७१९९-१ उभयमेव वदन्ति मनीषिणः समयवर्षितया कृतकर्मणां ।
७१९९-२ बलनिषूदनमर्थपतिं च तं श्रमनुदं मनुदण्डधरान्वयं ॥

७२००-१ उभयी प्रकृतिः कामे सज्जेदिति मुनेर्मतं ।
७२००-२ अपवर्गे तृतीयेति भणतः पाणिनेरपि ॥

७२०१-१ उभयोरपि निस्तर्तुं शक्तः साधुस्तथापदं ।
७२०१-२ शत्रोः स्वस्य च निस्तीर्णौ गजग्राहौ यथापदं ॥

७२०२-१ उभयोर्न स्वभोगेच्छा परार्थं धनसंचयं ।
७२०२-२ कृपणोदारयोः पश्य तथापि महदन्तरं ॥

७२०३-१ उभयोर्मेलने प्रीतिर्यदि स्यान्मेलनं तदा ।
७२०३-२ एकेन न हि हस्तेन जायते तालवादनं ॥

७२०४-१ उभाभ्यां गतिरेकैव गर्भस्थस्य ऋणस्य च ।
७२०४-२ हसन्ती धारयेद्गर्भं रुदन्ती प्रतिमुञ्चति ॥

७२०५-१ उभाभ्यांएव पक्षाभ्यां यथा खे पक्षिणां गतिः ।
७२०५-२ तथा दैवेन युक्तं तु पौरुषं फलसाधकं ॥

७२०६-१ उभाभ्यांएव पक्षाभ्यां यथा खे पक्षिणं गतिः ।
७२०६-२ तथैव ज्ञानकर्मभ्यां जायते परमं पदं ॥

७२०७-१ उभावेव चलौ यत्र लक्ष्यं चापि धनुर्धरः ।
७२०७-२ तद्विज्ञेयं द्वयाचलं श्रमेणैव हि साध्यते ॥

७२०८-१ उभौ यदि व्य्ॐनि पृथक्प्रवाहाव् आकाशगङ्गापयसः पतेतां ।
७२०८-२ तेनोपमीयेत तमालनीलं आमुक्तमुक्तालतमस्य वक्षः ॥

७२०९-१ उभौ रम्भास्तम्भावुपरि विपरीतौ कमलयोस् तदूर्ध्वं रत्नाश्मस्थलमथ दुरूहं किमपि तत् ।
७२०९-२ ततः कुम्भौ पश्चाद्बिसकिसलये कन्दलमथो तदन्विन्दाविन्दीवरमधुकराः किं पुनरिदं ॥

७२१०-१ उभौ लोकावभिप्रेक्ष्य राजानमृषयः स्वयं ।
७२१०-२ असृजन्सुमहद्भूतं अयं धर्मो भविष्यति ॥

७२११-१ उभौ श्वेतौ पक्षौ चरति गगनेऽवारितगतिः सदा मीनं भुङ्क्ते वसति सकलः स्थाणुशिरसि ।
७२११-२ बके चान्द्रः सर्वो गुणसमुदयः किंचिदधिको गुणाः स्थाने मान्या नरवर न तु स्थानरहिताः ॥

७२१२-१ उमाक्ॐअलहस्ताब्जसम्भावितललाटिकं ।
७२१२-२ हिरण्यकुण्डलं वन्दे कुमारं पुष्करस्रजं ॥

७२१३-१ उमातनूजेन गदाधरेण प्रत्युत्सवं सेवितशंकरेण ।
७२१३-२ गौरीशपुत्रेण रसज्ञहेतोर् विरच्यते कश्चन काव्यबन्धः ॥

७२१४-१ उमा तिलकताले तु द्रुतौ लघुगुरू स्मृतौ ।
७२१४-२ चाराख्यस्त्वडतालः स्याद्विद्वद्भिस्तेन गीयते ॥

७२१५-१ उमामिमां समुद्वीक्ष्य शीतदीधितिशेखरां ।
७२१५-२ एषा तु भारती भानुं मत्तं स्वीकृत्य नृत्यति ॥

७२१६-१ उमारूपेण यूयं ते संयमस्तिमितं मनः ।
७२१६-२ शंभोर्यतध्वमाक्रष्टुं अयस्कान्तेन लोहवत् ॥

७२१७-१ उभे एव क्षमे वोढुं उभयोर्बीजमाहितं ।
७२१७-२ सा वा शंभोस्तदीया वा मूर्तिर्जलमयी मम ॥

७२१८-१ उमा वधूर्भवान्दाता याचितार इमे वयं ।
७२१८-२ वरः शंभुरलं ह्येष त्वत्कुलोद्भूतये विधिः ॥

७२१९-१ उमावृषाङ्कौ शरजन्मना यथा यथा जयन्तेन शचीपुरंदरौ ।
७२१९-२ तथा नृपः सा च सुतेन मागधी ननन्दतुस्तत्सदृशेन तत्समौ ॥

७२२०-१ उरः कृत्वावेध्यं मणिफलकगाढस्थितकुचं भुजावालम्ब्यैहीत्यमरवनिता व्य्ॐअगृहगाः ।
७२२०-२ अपद्वारेणैव त्वरितपदमाभाष्य सहसा हतं हस्तालम्बैर्हरति सुरलोकं रणमुखात् ॥

७२२१-१ उरः पृष्ठं कटिश्चैव मुखतुल्यं समादिशेत् ।
७२२१-२ कर्णौ सप्ताङ्गुलौ प्रोक्तौ तालुकं च षडङ्गुलं ॥

७२२२-१ उरःस्थलं कोऽत्र विना पयोधरं बिभर्ति संबोधय मारुताशनं ।
७२२२-२ वदन्ति कं पत्तनसंभवं जनाः फलं च किं गोपबधूकुचोपमभ् ॥

७२२३-१ उरगी शिशवे बुभुक्षवे स्वां अदिशत्फूत्कृतिमाननानिलेन ।
७२२३-२ मरुदागमवार्तयापि शून्ये समये जाग्रति संप्रवृद्ध एव ॥

७२२४-१ उरसि निपतितानां स्रस्तधम्मिल्लकानां मुकुलितनयनानां किंचिदुन्मीलितानां ।
७२२४-२ उपरिसुरतखेदस्विन्नगण्डस्थलीनां अधरमधु वधूनां भाग्यवन्तः पिबन्ति ॥

७२२५-१ उरसि निहितस्तारो हारः कृता जघने घने कलकलवती काञ्ची पादौ रणन्मणिनूपुरौ ।
७२२५-२ प्रियमभिसरस्येवं मुग्धे त्वमाहतडिण्डिमा यदि किमधिकत्रासोत्कम्पा दिशः समुदीक्षसे ॥

७२२६-१ उरसि फणिपतिः शिखी ललाटे शिरसि विधुः सुरवाहिनी जटायां ।
७२२६-२ प्रियसखि कथयामि किं रहस्यं पुरमथनस्य रहोऽपि संसदेव ॥

७२२७-१ उरसि मुरभिदः का गाढमालिङ्गितास्ते सरसिजमकरन्दामोदिता नन्दने का ।
७२२७-२ गिरिसमलघुवर्णैरर्णवाख्यातिसंख्यैर् गुरुभिरपि कृता का छन्दसां वृत्तिरस्ति ॥

७२२८-१ उरस्तव पयोधराङ्कितमिदं कुतो मे क्षमा ततो मयि विधीयतां वसु पुरा यदङ्गीकृतं ।
७२२८-२ इति प्रचलचेतसः प्रियतमस्य वारस्त्रिया क्वणत्कनककङ्कणं करतलात्समाकृष्यते ॥

७२२९-१ उरस्यस्य भ्रश्यत्कबरभरनिर्यत्सुमनसः पतन्ति स्वर्बालाः स्मरपरवशा दीनमनसः ।
७२२९-२ सुरास्तं गायन्ति स्फुरिततनुगङ्गाधरमुखास् तवायं दृक्पातो यदुपरि कृपातो विलसति ॥

७२३०-१ उरुगुं द्युगुरुं युत्सु चुकुशुस्तुष्टुवुः पुरु ।
७२३०-२ लुलुभुः पुपुषुर्मुत्सु मुमुहुर्नु मुहुर्मुहुः ॥

७२३१-१ उरोजवच्चक्रमनोज्ञरूपा केशावलीव भ्रमराजिता वा ।
७२३१-२ संगीतवत्सत्पुटभेदहृद्या विद्येत नाभीसरसी मृगाक्ष्याः ॥

७२३२-१ उरोजाताश्च कीराश्च तुरुष्कारट्टजाश्च ये ।
७२३२-२ टक्कजाः सैन्धवा मध्याः स्थलजातास्तथा हयाः ॥

७२३३-१ उरोभावोत्सेदं भवदपि विलासैरभिनवैर् मृगाक्ष्यास्तारुण्यं त्रिभुवनमिदं व्याकुलयति ।
७२३३-२ स्तनाभोगस्फीतं यदि किल भवेत्का खलु कथा भवित्री किं चान्यद्विजितमखिलं पुष्पधनुषा ॥

७२३४-१ उरोभुवा कुम्भयुगेन जृम्भितं नवोपहारेण वयस्कृतेन किं ।
७२३४-२ त्रपासरिद्दुर्गमपि प्रतीर्य सा नलस्य तन्वी हृदयं विवेश यत् ॥

७२३५-१ उरोभुवि न तुङ्गिमा न च गतागते चङ्गिमा न वा वचसि वक्रिमा तरलिमा न तादृग्भ्रुवोः ।
७२३५-२ तथापि हरिणीदृशो वपुषि कापि कान्तिच्छटा पटावृतमहामणिद्युतिरिवान्तरा लक्ष्यते ॥

७२३६-१ उरो मासद्वये जाते त्रिभिर्मासैस्तथोदरं ।
७२३६-२ चतुर्मासैर्नितम्बं च हस्तपादाविव स्थितः ॥

७२३७-१ उरोरुहादुद्गमितैः पयोभिर् आपूर्य केल्या निजमास्यगर्भं ।
७२३७-२ फूत्कृत्य मातुर्वदने हसन्तं तनूभवं पश्यति कोऽपि धन्यः ॥

७२३८-१ उरोरुहाम्भोरुहदर्शनाय विमुञ्चतः कञ्चुकबन्धनानि ।
७२३८-२ आनन्दनीराकुललोचनस्य प्रियस्य जातो विफलः प्रयासः ॥

७२३९-१ उरो विशालं शस्तं च कक्षे दीर्घोन्नते शुभे ।
७२३९-२ ऊरू वृत्तौ समौ बाहू गूढं जानु प्रशस्यते ॥

७२४०-१ उर्वशी यदि रूपेण रम्भा यदि तिलोत्तमा ।
७२४०-२ गोपाली मेनका चैव वर्जनीयाः परस्त्रियः ॥

७२४१-१ उर्वीं गुर्वीं वहति सततं नृत्यतो भूतभर्तुर् भूत्वा हारो भवति शयनं किं च विश्वंभरस्य ।
७२४१-२ एतत्कर्म त्रिजगति परं शेषनागैकशक्यं भेकानन्ये विपुलवपुषो भोगिनो भक्षयन्तु ॥

७२४२-१ उर्वीं मौर्वीकिणभृति भवद्दोष्णि बिभ्रत्यशेषां शान्तक्लान्तिः किमपि कुरुते नर्मणा कर्म कूर्मः ।
७२४२-२ कृत्वा वेलापुलिनलवलीपल्लवग्रासगोष्ठीं दिङ्मातङ्गाः सममथ सरिन्नाथपाथः पिबन्ति ॥

७२४३-१ उर्वीङ्गुर्वीतिमुर्वीधर लघय शरैर्वैरिघैर्वीर्यगुर्वी स्वर्वीथीर्वीतदर्वीकरनिकरमदैर्वीरकुर्वीति गुर्वीः ।
७२४३-२ खर्वी कुर्वीत कोऽन्यस्त्वमिव रिपुचमूर्वीजितैर्वैजयन्त्याः कुर्वन्दुर्वीक्ष्यमोजो निजमितरधनुर्वारणैर्वीतिहोत्रं ॥

७२४४-१ उर्वीपतेश्च स्फटिकाश्मनश्च शीलोज्झितस्त्रीहृदस्य चान्तः ।
७२४४-२ असंनिधानात्सततस्थितीनां अन्योपरागः कुरुते प्रवेशं ॥

७२४५-१ उर्वीमुद्दामसस्यां जनयतु विसृजन्वासवो वृष्टिमिष्टां इष्टैस्त्रैविष्टपानां विदधतु विधिवत्प्रीणनं विप्रमुख्याः ।
७२४५-२ आकल्पान्तं च भूयात्स्थिरसमुपचिता संगतिः सज्जनानां निःशेषं यान्तु शान्तिं पिशुनजनगिरो दुःसहा वज्रलेपाः ॥

७२४६-१ उर्व्यसावत्र तर्वाली मर्वन्ते चार्ववस्थितिः ।
७२४६-२ नात्रर्जु युज्यते गन्तुं शिरो नमय तन्मनाक् ॥

७२४७-१ उर्व्यां कोऽपि महीधरो लघुतरो दोर्भ्यां धृतो लीलया तेन त्वं दिवि भूतले च सततं गोवर्धनो गीयसे ।
७२४७-२ त्वां त्रैलोक्यधरं वहामि कुचयोरग्रे न तद्गण्यते किं वा केशव भाषणेन बहुना पुण्यैर्यशो लभ्यते ॥

७२४८-१ उलूखलं यथा मध्ये तैलयन्त्रे दृढं स्थितं ।
७२४८-२ सर्वाधारस्तथा मेरुर्मध्ये भूमण्डले स्थितं ॥

७२४९-१ उल्बेन संवृतस्तस्मिन्नार्द्रैश्च बहिरावृतः ।
७२४९-२ आस्ते कृत्वा शिरः कुक्षौ भुग्नपृष्ठशिरोधरः ॥

७२५०-१ उल्लङ्घ्य जङ्घामवलम्बमाना वेणी स्फुरत्यायतलोचनायाः ।
७२५०-२ जित्वा जगच्चन्दनशाखिकायां न्यस्तासिवल्लीव मनोभवेन ॥

७२५१-१ उल्लङ्घ्य सरिदरण्य- ग्रामगिरीन्कामकातरा यान्तु ।
७२५१-२ अभिसारिण्य इवान्तस्- तृष्णां निगदन्ति न स्वयं सुधियः ॥

७२५२-१ उल्लङ्घ्यापि सखीवचः समुचितामुत्सृज्य लज्जामलं हित्वा भीतिभरं निरस्य च निजं सौभाग्यगर्वं मनाक् ।
७२५२-२ आज्ञां केवलमेव मन्मथगुरोरादाय नूनं मया त्वं निःशेषविलासिवर्गगणनाचूडामणिः संश्रितः ॥

७२५३-१ उल्लसत्सौरभैः पुष्पैर्बिभ्रन्मालां सुगुम्फितां ।
७२५३-२ पर्य्यन्तस्थायिनोऽप्यन्यानामोदयति भूपतिः ॥

७२५४-१ उल्लसितभ्रूः किमति- क्रान्तं चिन्तयसि निस्तरङ्गाक्षि ।
७२५४-२ क्षुद्रापचारविरसः पाकः प्रेम्णो गुडस्येव ॥

७२५५-१ उल्लसितभ्रूधनुषा तवपृथुना लोचनेन रुचिराङ्गि ।
७२५५-२ अचला अपि न महान्तः के चञ्चलभावमानीताः ॥

७२५६-१ उल्लसितलाञ्छनोऽयं ज्योत्स्नावर्षी सुधाकरः स्फुरति ।
७२५६-२ आसक्तकृष्णचरणः शकट इव प्रकटितक्षीरः ॥

७२५७-१ उल्लसितशीतदीधिति- कलोपकण्ठे स्फुरन्ति तारौघाः ।
७२५७-२ कुसुमायुधविधृतधनुर्- निर्गतमकरन्दबिन्दुनिभाः ॥

७२५८-१ उल्लापयन्त्या दयितस्य दूतीं वध्वा विभूषां च निवेशयन्त्याः ।
७२५८-२ प्रसन्नता कापि मुखस्य जज्ञे वेषश्रिया नु प्रियवार्तया नु ॥

७२५९-१ उल्लासोऽधरपल्लवस्य तनुते पर्याप्तमस्याः स्मिते विन्यासो नयनाञ्चलस्य गमयत्युत्साहवत्साहसं ।
७२५९-२ रत्यागारपथामुखीनगमकं वैजात्यकक्षावधिः पर्यङ्के पदरोपणं पुनरपर्यन्ता विपर्यस्तता ॥

७२६०-१ उल्लासो विरुतेन मङ्गलबलिग्रासेन विश्वासनं संचारेण कृतो विलोचनयुगे बाष्पोद्गमावग्रहः ।
७२६०-२ यातोऽस्तं रविरेष संप्रति पुरः स्वस्त्यस्तु ते गम्यतां एते त्वामनुयान्तु संप्रति मम प्राणाः प्रियान्वेषिणः ॥

७२६१-१ उल्लास्य कालकरवालमहाम्बुवाहं देवेन येन जरठोर्जितगर्जितेन ।
७२६१-२ निर्वापितः सकल एव रणे रिपूणां धारा जलैस्त्रिजगति ज्वलितः प्रतापः ॥

७२६२-१ उल्लास्यतां स्पृष्टनलाङ्गमङ्गं तासां नलच्छायपिबापि दृष्टिः ।
७२६२-२ अश्मैव रत्यास्तदनर्ति पत्या छेदेऽप्यबोधं यदहर्षि ल्ॐअ ॥

७२६३-१ उल्लेखं निजमीक्षते भणितिषु प्रौढिं परां शिक्षते संधत्ते पदसंपदः परिचयं धत्ते ध्वनेरध्वनि ।
७२६३-२ वैचित्र्यं वितनोति वाचकविधौ वाचस्पतेरन्तिके देव त्वद्गुणवर्णनाय कुरुते किं किं न वाग्देवता ॥

७२६४-१ उवाच धात्र्या प्रथमोदितं वचो ययौ तदीयामवलम्ब्य चाङ्गुलिं ।
७२६४-२ अभूच्च नम्रः प्रणिपातशिक्षया पितुर्मुदं तेन ततान सोऽर्भकः ॥

७२६५-१ उशना वेद यच्छास्त्रं यच्च वेद बृहस्पतिः ।
७२६५-२ स्त्रीबुद्ध्या न विशिष्येते ताः स्म रक्ष्याः कथं नरैः ॥

७२६६-१ उषःकालश्च गर्गश्च शकुनं च बृहस्पतिः ।
७२६६-२ अङ्गिराश्च मनोत्साहो विप्रवाक्यं जनार्दनः ॥

७२६७-१ उषः शशंस गार्ग्यस्तु शकुनं तु बृहस्पतिः ।
७२६७-२ मनोजयं तु माण्डव्यो विप्रवाक्यं जनार्दनः ॥

७२६८-१ उषसि गुरुसमक्षं लज्जमाना मृगाक्षी रतिरुतमनुकर्तुं राजकीरे प्रवृत्ते ।
७२६८-२ तिरयति शिशुलीलानर्तनच्छद्मताल- प्रचलवलयमालास्फालकोलाहलेन ॥

७२६९-१ उषसि गुरुसमीपे वाससा सावधाना प्रियलिखितनखाङ्कं गोपयन्ती समन्तात् ।
७२६९-२ किमिदमिति सखीभिः सादरं पृच्छ्यमाना हरि हरि हरिणाक्षी ह्रीसमुद्रे निमग्ना ॥

७२७०-१ उषसि निबिडयन्त्याः कुण्डलं केलिपर्या- विलविगलितमन्तः कर्णपालि प्रियायाः ।
७२७०-२ सरसहसिततिर्यग्भङ्गुरापाङ्गरीतिः सुकृतिभिरवलीढा लोचनाभ्यां मुखश्रीः ॥

७२७१-१ उषसि परिवर्तयन्त्या मुक्तादामोपवीततां नीतं ।
७२७१-२ पुरुषायितवैदग्ध्यं व्रीडावति कैर्न कलितं ते ॥

७२७२-१ उषसि भ्रमरयुवानः स्वप्ने दृष्ट्वा सरोजसाम्राज्यं ।
७२७२-२ गतकल्पकुन्दतल्पाः सरसीसलिलानि जिघ्रन्ति ॥

७२७३-१ उषसि मलयवासी जालमार्गप्रविष्टो विकचकमलरेणुं व्याकिरन्मोहचूर्णं ।
७२७३-२ सपदि शमितदीपो वायुचोरो वधूनां हरति सुरतखेदस्वेदमुक्ताफलानि ॥

७२७४-१ उषस्येव भ्रान्तं हतजठरहेतोस्तत इतः स्वयं च स्वं बिभ्रद्विचरति कुटुम्बं दिशि दिशि ।
७२७४-२ बतास्माभिः काकैरिव कवलमात्रैकमुदितैर् न चायुर्दुर्गत्योरवधिरिह लब्धः कथमपि ॥

७२७५-१ उषापतिमुखाम्भोजे नरीनर्ति सरस्वती ।
७२७५-२ ऋतुराजकवेरेव गायन्ती गुणगौरवं ॥

७२७६-१ उष्ट्राणां च विवाहेषु गीतं गायन्ति गर्दभाः ।
७२७६-२ परस्परं प्रशंसन्ति अहो रूपमहो अहो ध्वनिः ॥

७२७७-१ उष्णं जलं क्षिपेत्तत्र मात्रा नास्तीह कस्यचित् ।
७२७७-२ पक्षैकं स्थापिते भाण्डे कोष्णस्थाने मनीषिणा ।
७२७७-३ कुणपस्तु भवेदेव तरूणां पुष्टिकारकः ॥

७२७८-१ उष्णकाले जलं दद्याच्शीतकाले हुताशनं ।
७२७८-२ प्रावृट्काले गृहं देयं सर्वकाले च भोजनं ॥

७२७९-१ उष्णमन्नं घृतं मद्यं तरुणी क्षीरभोजनं ।
७२७९-२ वापीकपवटच्छाया षड्कं तत्बलवर्धनं ॥

७२८०-१ उष्णालुः शिशिरे निषीदति तरोर्मूलालवाले शिखी निर्भिद्योपरि कर्णिकारमुकुलान्यालीयते षट्पदः ।
७२८०-२ तप्तं वारि विहाय तीरनलिनीं कारण्डवः सेवते क्रीडावेश्मनि चैष पञ्जरशुकः क्लान्तो जलं याचते ॥

७२८१-१ उष्णालु क्वचिदर्कधामनि मनाङ्निद्रालु शीतानिले हालानां गृहयालु चुम्बदसकृल्लज्जालु जायामुखं ।
७२८१-२ नित्यं निष्पतयालु तिर्यगवनीशय्याशयालु क्षणं गीतेभ्यः स्पृहयालु धाम धवलं दीने दयालु श्रये ॥

७२८२-१ उष्णीषवान्यथा वस्त्रैस्त्रिभिर्भवति संवृतः ।
७२८२-२ संवृतोऽयं तथा देही सत्त्वराजसतामसैः ॥

७२८३-१ उष्मायमाणस्तनमण्डलीभिर् वाराङ्गनाभिः स्फुटविभ्रमाभिः ।
७२८३-२ आलिङ्गिता रात्रिषु शैशिरीषु ते शेरते यैः प्रणतो शशाङ्कः ॥

७२८४-१ ऊचिवानुचितमक्षरमेनं पाशपाणिरपि पाणिमुदस्य ।
७२८४-२ कीर्तिरेव भवतां प्रियदारा दाननीरझरमौक्तिकहारा ॥

७२८४आ-१ ऊढा खड्गलता श्यामा त्वया मातङ्गदारिका ।
७२८४आ-२ अत एव भवान्मन्ये दूरं परिहृतः परैः ॥

७२८५-१ ऊढापि द्युतरङ्गिणि त्रिजगतीवन्द्येन तेनाप्यहो मौलौ बालकुरङ्गकेतनकलालीलावतंसाङ्किते ।
७२८५-२ तारक्षारकरं करालमकरं सश्वभ्रमभ्रंकषं मुग्धे जाड्यनिधिं मुधा जलनिधिं यातासि चित्राः स्त्रियः ॥

७२८६-१ ऊढामुनातिवाहय पृष्ठे लग्नापि कालमचलापि ।
७२८६-२ सर्वंसहे कठोर- त्वचः किमङ्केन कमठस्य ॥

७२८७-१ ऊढा येन महाधुराः सुविषमे मार्गे सदैकाकिना सोढो येन कदाचिदेव न निजे गोष्ठेऽन्यशौण्डध्वनिः ।
७२८७-२ आसीद्यस्तु गवां गणस्य तिलकस्तस्यैद संप्रत्यहो धिक्कष्टं धवलस्य जातजरसो गोः पण्यमुद्घोष्यते ॥

७२८८-१ ऊधश्छिन्द्याद्धि यो धेन्वाः क्षीरार्थी न लभेत्पयः ।
७२८८-२ एवं राष्ट्रमयोगेन पीडितं न विवर्धते ॥

७२८९-१ ऊनषोडशवर्षायां अप्राप्तः पञ्चविंशतिं ।
७२८९-२ यद्याधत्ते पुमान्गर्भः कुक्षिस्थः स विपद्यते ॥

७२९०-१ ऊने दद्याद्गुरूनेव यावत्सर्वलघुर्भवेत् ।
७२९०-२ प्रस्तारोऽयं समाख्यातश्छन्दोविचितिवेदिभिः ॥

७२९१-१ ऊनेनापि हि तुच्छेन वैरिणापि कथंचन ।
७२९१-२ मैत्री बुद्धिमता कार्या आपद्यपि निवर्तते ॥

७२९२-१ ऊरीकर्तुं तुहिनकिरणप्रीतिधारामुदारां दूरीकर्तुं दिनकरकरक्लेशबाधामगाधां ।
७२९२-२ यस्याः पुण्ये पयसि विशति स्नातुकामा त्रियामा प्रायस्तस्यास्तिमिरततिभिः श्यामलं नीरमस्याः ॥

७२९३-१ ऊरुः कुरङ्गदृशश्चञ्चलचेलाञ्चलो भाति ।
७२९३-२ सपताकः कनकमयो विजयस्तम्भः स्मरस्येव ॥

७२९४-१ ऊरुद्वन्द्वमनिन्दितं प्रथयता श्रोणीं समातन्वता र्ॐआलीं सृजता समागमयता नाभिं गभीरश्रिया ।
७२९४-२ मध्यं क्षामयता स्तनौ घनयता कान्त्या मुखं लिम्पता तन्वङ्ग्या नवयौवनेन किमपि प्रत्यङ्गमुन्मीलितं ॥

७२९५-१ ऊरुद्वयं कदलकन्दलयोः सवंशं श्रोणिः शिलाफलकसोदरसन्निवेशा ।
७२९५-२ वक्षः स्तनद्वितयताडितकुम्भशोभं सब्रह्मचारि शशिनश्च मुखं मृगाक्ष्याः ॥

७२९६-१ ऊरुद्वयं मृगदृशः कदलस्य काण्डौ मध्यं च वेदिरतुलं स्तनयुग्ममस्याः ।
७२९६-२ लावण्यवारिपरिपूरितशातकुम्भ- कुम्भौ मनोजनृपतेरभिषेचनाय ॥

७२९७-१ ऊरुप्रकाण्डद्वितयेन तन्व्याः करः पराजीयत वारणीयः ।
७२९७-२ युक्तं ह्रिया कुण्डलनच्छलेन गोपायति स्वं मुखपुष्करं सः ॥

७२९८-१ ऊरुमूलगतनेत्रयुगस्य प्रेयसो रभसवेल्लितकेशी ।
७२९८-२ चुम्बति स्म रतिकेलिविदग्धा हावहारि वदनं दयितस्य ॥

७२९९-१ ऊरुमूलचपलेक्षणमघ्नन् यैर्वतंसकुमुमैः प्रियमेताः ।
७२९९-२ चक्रिरे सपदि तानि यथार्थं मन्मथस्य कुसुमायुधनाम ॥

७३००-१ ऊरू रम्भा दृगपि कमलं शेवलं केशपाशो वक्त्रं चन्द्रो लपितममृतं मध्यदेशो मृणालं ।
७३००-२ नाभिः कूपो वलिरपि सरित्पल्लवः किं च पाणिर् यस्याः सा चेदुरसि न कथं हन्त तापस्य शान्तिः ॥

७३०१-१ ऊरू रम्भे बाहू लते विधात्रा कुचौ पुनः कमले ।
७३०१-२ यौवनमुपवनमस्यां मदनविलासाय किं रचितं ॥

७३०२-१ ऊरौ शिरस्तव निवेश्य दयावितीर्ण- संयानपल्लवसमीरविनीतखेदं ।
७३०२-२ अत्रैव जन्मनि विभोः परमोपदेशं आकर्णयेयमपि किं मणिकर्णिकायां ॥

७३०३-१ ऊर्जितं सज्जनं दृष्ट्वा द्वेष्टि नीचः पुनः पुनः ।
७३०३-२ कवलीकुरुते स्वस्थं विधुं दिवि विधुंतुदः ॥

७३०४-१ ऊर्णां नैव ददाति नैव विषयो वाहस्य दोहस्य वा तृप्तिर्नास्ति महोदरस्य बहुभिर्घासैः पलाशैरपि ।
७३०४-२ हा कष्टं कथमस्य पृष्ठशिखरे गोणी समारोप्यते को गृह्णाति कपर्दकैरलमिति ग्राम्यैर्गजो हस्यते ॥

७३०५-१ ऊर्ध्वं गच्छन्ति यं त्यक्त्वा यं गृहीत्वा पतन्त्यधः ।
७३०५-२ तस्य गौरवमर्थस्य तावतैवानुमीयतां ॥

७३०६-१ ऊर्ध्वं गच्छन्ति सत्त्वस्था मध्ये तिष्ठन्ति राजसाः ।
७३०६-२ जघन्यगुणवृत्तस्था अधो गच्छन्ति तामसाः ॥

७३०७-१ ऊर्ध्वं न क्षीरविच्छेदात्पयो धेनोरवाप्यते ।
७३०७-२ एवं राष्ट्रादयोगेन पीडितान्नाप्यते बलिः ॥

७३०८-१ ऊर्ध्वं नीरदवृन्दमैन्दवमिदं बिम्बं त्वधो निर्मितं व्य्ॐनः पल्वलचित्रितस्य निहितौ शैलावुपर्युन्नतौ ।
७३०८-२ किं चाधः पुलिनोच्चयस्य कदलीकाण्डाववारोपितौ तन्मन्ये चतुरस्य पुष्पधनुषः सर्गोऽयमन्यादृशः ॥

७३०९-१ ऊर्ध्वं प्राणा ह्युत्क्रामन्ति यूनः स्थविर आयति ।
७३०९-२ प्रत्युत्थानाभिवादाभ्यां पुनस्तान्प्रतिपद्यते ॥

७३१०-१ ऊर्ध्वं याति चापमुष्टिर्गुणमुष्टिरधो भवेत् ।
७३१०-२ स मुक्तो मार्गणो लक्ष्याद्दूरं याति न संशयः ॥

७३११-१ ऊर्ध्वंव्रीहित्रयं मानं अङ्गुलस्य निगद्यते ।
७३११-२ हस्तोऽपि हि समाख्यातश्चतुर्विशद्भिरङ्गुलैः ॥

७३१२-१ ऊर्ध्वं श्वसंस्ततः प्राणो यात्यलब्धस्थितिस्तनोः ।
७३१२-२ तं यान्तमनुयात्येव जीवः कालप्रणोदितः ॥

७३१३-१ ऊर्ध्वगं कपिलाभासं अङ्गं यस्मिन्प्रतीयते ।
७३१३-२ नकुलाङ्गं तु तं विद्यात्स्पर्शस्तस्याहिनाशनः ॥

७३१४-१ ऊर्ध्वबाहुर्विर्ॐयेष न च कश्चिच्श्र्णोति मे ।
७३१४-२ धर्मादर्थश्च कामश्च स किमर्थं न सेव्यते ॥

७३१५-१ ऊर्ध्ववेधी भवेज्ज्येष्ठो नाभिवेदी च मध्यमः ।
७३१५-२ यः पादवेधी लक्ष्यस्य स कनिष्ठो मतो मया ॥

७३१६-१ ऊर्ध्वशक्तिनिपातेन अधःशक्तेर्निकुञ्चनात् ।
७३१६-२ मध्यशक्तिप्रबोधेन जायते परमं सुखं ॥

७३१७-१ ऊर्ध्वानना भास्करसंमुखीनाः श्वानो रुवन्तो महते भयाय ।
७३१७-२ एवं हि संध्यासमयेऽन्यदा तु निर्वासकाः स्युर्नगरस्य तस्य ॥

७३१८-१ ऊर्ध्वारोहे य आलम्बहेतुर्भूभृच्छिनत्ति तं ।
७३१८-२ कुठारिकस्तरुस्कन्धं इवाधोगमनोन्मुखः ॥

७३१९-१ ऊर्ध्वार्धे लक्षणं यस्य नाधोऽर्धे लक्षणं भवेत् ।
७३१९-२ तं खड्गं मध्यमं प्राहुः प्रवीणमतयो बुधाः ॥

७३२०-१ ऊर्ध्वीकृतग्रीवमहो मुधैव किं याचसे चातकपोत मेघं ।
७३२०-२ अत्यूर्जितं गर्जितमात्रमस्मिन्न् अम्भोधरे बिन्दुलवस्तु दूरं ॥

७३२१-१ ऊर्ध्वीकृतास्या रविदत्तदृष्टयः समेत्य सर्वे सुरविद्विषः पुरः ।
७३२१-२ श्वानः स्वरेण श्रवणान्तशातिना मिथो रुदन्तः करुणेन निर्ययुः ॥

७३२२-१ ऊषरं कर्मसस्यानां क्षेत्रं वाराणसी पुरी ।
७३२२-२ यत्र संलभ्यते मोक्षः समं चण्डालपण्डितैः ॥

७३२३-१ ऊषरेषु च क्षेत्रेषु यथा बीजं हि निष्फलं ।
७३२३-२ उपकारोऽपि नीचानां कृतो भवति तादृशः ॥

७३२४-१ ऊषरेषु विवरेषु चाम्भसां वीचयोऽपि भवता विनिर्मिताः ।
७३२४-२ क्षेत्रसीम्नि निहितास्तु बिन्दवो वारिवाह भवतो नवो नयः ॥

७३२५-१ ऊषरे सरिति शाल्मलीवने दावपावकचितेऽपि चन्दने ।
७३२५-२ तुल्यमर्पयति वारि वारिदे कीर्तिरस्तु गुणगौरवैर्गतं ॥

७३२६-१ ऊष्मव्यपेता रहिताश्च वृद्ध्या संयोगहीना लघवोऽपि चान्तः ।
७३२६-२ श्लोकस्य वर्णा इव विद्विषस्ते पादान्तमागम्य गुरूभवन्ति ॥

७३२७-१ ऊष्मा यस्यां धात्र्यां धूमो वा तत्र वारि नरयुगले ।
७३२७-२ निर्देष्टव्या च शिरा महता वारिप्रवाहेण ॥

७३२८-१ ऊष्मा हि वित्तजो वृद्धिं तेजो नयति देहिनां ।
७३२८-२ किं पुनस्तस्य संभोगस्त्यागधर्मसमन्वितः ॥

७३२९-१ ऋक्षस्य क्रोडसंधिप्रहितमुखतया मण्डलीभूतमूर्तेर् आरात्सुप्तस्य वीर त्वदरिवरपुरद्वारि नीहारकाले ।
७३२९-२ प्रातर्निद्राविनोदक्रमजनितसुखोन्मीलितं चक्षुरेकं व्याधाः पालालभस्मस्थितदहनकणाकारमालोकयन्ति ॥

७३३०-१ ऋक्षाणां भूरिधाम्नां श्रितमधिपतिना प्रस्फुरद्भीमतारं स्फारं नेत्रानलेन प्रसभनियमितोच्चापमीनध्वजेन ।
७३३०-२ रामायत्तं पुरारेः कुमुदशुचि लसन्नीलसुग्रीवमङ्गं प्लावङ्गं सैन्यमन्यद्दशवदनशिरच्छेदहेतु श्रियै वः ॥

७३३१-१ ऋक्षैर्वृतो हरिपदे निवसन्समीर- संतानशैत्यजनकः कुमुदप्रमोदी ।
७३३१-२ निघ्नन्निशाचरतमः पृथुनीललक्ष्मा तारापतिः स्फुरति चित्रमनङ्गदोऽयं ॥

७३३२-१ ऋग्यजुःसामनामानस्त्रयो वेदास्त्रयी स्मृता ।
७३३२-२ उभौ लोकाववाप्नोति त्रय्यां तिष्ठन्यथाविधि ॥

७३३३-१ ऋजुतां नयतः स्मरामि ते शरमुत्सङ्गनिषण्णधन्वनः ।
७३३३-२ मधुना सह सस्मितां कथां नयनोपान्तविलोकितं च यत् ॥

७३३३आ-१ ऋजुता धन्वगुणयोरस्तु वस्तुस्वरूपतः ।
७३३३आ-२ कार्यसिद्धौ प्रशस्येत वक्रतैव तयोः पुनः ॥

७३३४-१ ऋजुत्वं च परित्यज्य कलां दर्शयतोऽर्चना ।
७३३४-२ द्विजराजोऽनृजुत्वेन महेशेनापि मह्यते ॥

७३३५-१ ऋजुत्वं त्यागिता शौर्यं सामान्यं सुखदुःखयोः ।
७३३५-२ दाक्षिण्यं चानुरिक्तश्च सत्यता च सुहृद्गुणाः ॥

७३३६-१ ऋजुत्वमौनश्रुतिपारगामिता यदीयमेतत्परमेव हिंसितुं ।
७३३६-२ अतीव विश्वासविधायि चेष्टितं बहुर्महानस्य स दाम्भिकः शरः ॥

७३३७-१ ऋजुदृशः कथयन्ति पुराविदो मधुभिदं किल राहुशिरश्छिदं ।
७३३७-२ विरहिमूर्धभिदं निगदन्ति न क्व नु शशी यदि तज्जठरानलः ॥

७३३८-१ ऋजुनयननिपातः कामतन्त्राभिघातस् तनुरपि तरलाक्ष्याः कस्य न स्यात्कटाक्षः ।
७३३८-२ इति नमितमुखेन्दुं पश्यति प्राणनाथं जनसदसि विदग्धा पक्ष्मणामन्तरेण ॥

७३३९-१ ऋजुना निधेहि चरणौ परिहर सखि निखिलनागराचारं ।
७३३९-२ इह डाकिनीति पल्ली- पतिः कटाक्षेऽपि दण्डयति ॥

७३४०-१ ऋजु पश्यति यः सर्वं चक्षुषानुपिबन्निव ।
७३४०-२ आसीनमपि तूष्णीकं अनुरज्यन्ति तं प्रजाः ॥

७३४१-१ ऋजुरेष पक्षवानिति काण्डे प्रीतिं खले च मा कार्षीः ।
७३४१-२ प्रायेण त्यक्तगुणः फलेन हृदयं विदारयति ॥

७३४२-१ ऋज्वायतां च विरलां च नतोन्नतां च सप्तर्षिवंशकुटिलां च निवर्तनेषु ।
७३४२-२ निर्मुच्यमानभुजगोदरनिर्मलस्य सीमामिवाम्बरतलस्य विभज्यमानां ॥

७३४३-१ ऋज्वायतां हि मुखतोरणलोलमालां भ्रष्टां क्षितौ त्वमवगच्छसि मूर्ख सर्पं ।
७३४३-२ मन्दानिलेन निशि या परिवर्तमाना किंचित्करोति भुजगस्य विचेष्टितानि ॥

७३४४-१ ऋज्वी दृष्टिरनुल्बणं विहसितं मन्दं परिस्पन्दितं द्वेषो नर्मणि दूरतीर्थगमने यत्नो रतिर्लिङ्गिषु ।
७३४४-२ यस्यास्त्यक्तसुखस्पृहं किल वपुः पीनाल्पलम्बस्तनी सक्षीरा विटचेटकैकमहिषी रण्डा शिवायास्तु वः ॥

७३४५-१ ऋज्वी स्थिरा सुवृत्ता पाणिग्रहणोज्ज्वला सुवंशोत्था ।
७३४५-२ संधारयति पतन्तं संप्रति गृहणीव यष्टिर्मां ॥

७३४६-१ ऋणं कृतं त्वदत्तं चेद्बाधतेऽत्र परत्र च ।
७३४६-२ न नश्येद्दुष्कृतं तद्वद्भुक्तिं वा निष्कृतिं विना ॥

७३४७-१ ऋणं मित्रान्न कर्तव्यं न देयं चापि मित्रके ।
७३४७-२ प्रीतिच्छेदकरी ज्ञेया यस्माद्वै ऋणकर्तरी ॥

७३४८-१ ऋणं याच्ञा च वृद्धत्वं जारचोरदरिद्रताः ।
७३४८-२ रोगश्च भुक्तशेषश्चाप्यष्ट कष्टाः प्रकीर्तिताः ॥

७३४९-१ ऋणकर्ता पिता शत्रुर्माता च व्यभिचारिणी ।
७३४९-२ भार्या रूपवती शत्रुः पुत्रः शत्रुरपण्डितः ॥

७३५०-१ ऋणत्रयं द्विजातीनां जन्मनः प्रभृति स्थितं ।
७३५०-२ ऋणान्तरभृतां पुंसां जीवनं जीवनं विना ॥

७३५१-१ ऋणत्रयं निराकारि नूत्नं चाकारि येन नो ।
७३५१-२ स एकः सुकृती लोकः सर्वत्र सुखमेधते ॥

७३५२-१ ऋणत्रयमपाकर्तुं शास्त्राज्ञाभङ्गभीः पुरः ।
७३५२-२ चतुर्थर्णनिराकारे प्रत्यक्षं नृपतेर्भयं ॥

७३५३-१ ऋणदाता च दैवज्ञः श्रोत्रियः सुजला नदी ।
७३५३-२ यत्र ह्येते न विद्यन्ते न तत्र दिवसं वसेत् ॥

७३५४-१ ऋणदैः स्वजनैः पुत्रैर्लब्धक्षामप्रतिग्रहः ।
७३५४-२ नित्यमायास्यते येन कलिदानेन तेन किं ॥

७३५५-१ ऋणपापसमुद्धारादृणोद्धारो वरः स्मृतः ।
७३५५-२ परलोके दहेत्पापं ऋणाग्निरिह तत्र च ॥

७३५६-१ ऋणप्रदाता वैद्यस्तु श्रोत्रियः सजला नदी ।
७३५६-२ राजा यत्र न विद्यन्ते न कुर्यात्तत्र संस्थितिं ॥

७३५७-१ ऋणमाद्यं निराकृत्य निराकर्तुमृणान्तरं ।
७३५७-२ प्रतिष्ठा राजते यस्य गृहस्थाश्रम एव सः ॥

७३५८-१ ऋणवच्चिरसंशोध्यं वचसा प्रतिपादितं ।
७३५८-२ यन्नित्ययाचनद्वेषं याच्यदानेन तेन किं ॥

७३५९-१ ऋणशेषं रोगशेषं शत्रुशेषं न रक्षयेत् ।
७३५९-२ याचकाद्यैः प्रार्थितः सन्न तीक्ष्णं चोत्तरं वदेत् ।
७३५९-३ तत्कार्यं तु समर्थश्चेत्कुर्याद्वा कारयीत च ॥

७३६०-१ ऋणशेषोऽग्निशेषश्च व्याधिशेषस्तथैव च ।
७३६०-२ पुनश्च वर्धते यस्मात्तस्माच्छेषं च कारयेत् ॥

७३६१-१ ऋणशेषोऽग्निशेषश्च शत्रुशेषस्तथैव च ।
७३६१-२ पुनः पुनर्विवर्धेत स्वल्पोऽप्यनिवारितः ॥

७३६२-१ ऋणसंबन्धिनः सर्वे पुत्रदारं पशुस्तथा ।
७३६२-२ ऋणक्षये क्षयं यान्ति का तत्र परिदेवना ॥

७३६३-१ ऋणानि त्रीण्यपाकृत्य मनो मोक्षे निवेशयेत् ।
७३६३-२ अनपाकृत्य मोक्षं तु सेवमानो व्रजत्यधः ॥

७३६४-१ ऋणानुबन्धरूपेण पशुपत्नीसुतालयाः ।
७३६४-२ ऋणक्षये क्षयं यान्ति का तत्र परिदेवना ॥

७३६५-१ ऋणिकैः कलहैर्नित्यं अच्छिन्नगणनागतेः ।
७३६५-२ दानद्विषोऽनपत्यस्य मन्दाग्नेश्च धनेन किं ॥

७३६६-१ ऋणीकृता किं हरिणीभिरासीदस्याः सकाशान्नयनद्वयश्रीः ।
७३६६-२ भूयोगुणेयं सकला बलाद्यथ्ताभ्योऽनयालभ्यत बिभ्यतीभ्यः ॥

७३६७-१ ऋतुमत्यां तु तिष्ठन्त्यां स्वेच्छादानं विधीयते ।
७३६७-२ तस्मादुद्वाहयेन्नग्नां मनुः स्वायंभुवोऽब्रवीत् ॥

७३६८-१ ऋतुर्मासद्वयेनैव षण्मासैरयनं स्मृतं ।
७३६८-२ अयनद्वितयं वर्षो देवानां वासरो निशा ॥

७३६९-१ ऋतुर्व्यतीतः परिवर्तते पुनः क्षयं प्रयातः पुनरेति चन्द्रमाः ।
७३६९-२ गतं गतं नैव तु संनिवर्तते जलं नदीनां च नृणां च यौवनं ॥

७३७०-१ ऋतुस्नातां तु यो भार्यां नैव गच्छति मूढधीः ।
७३७०-२ घोरायां भ्रूणहत्यायां युज्यते नात्र संशयः ॥

७३७१-१ ऋतुस्नाता पिबेन्नारी श्वेतकण्टारिकाजटां ।
७३७१-२ पयसा पुत्रसंभूतिस्तस्याः संजायते ध्रुवं ॥

७३७२-१ ऋतेन जीवेदनृतेन जीवेन् मितेन जीवेत्प्रमितेन जीवेत् ।
७३७२-२ सत्यानृताभ्यामथवापि जीवेथ्श्ववृत्तिमेकां परिवर्जयेत्तु ॥

७३७३-१ ऋते नियोगात्सामर्थ्यं अवबोद्धुं न शक्यते ।
७३७३-२ सहसा विनियोगो हि दोषवान्प्रतिभाति मे ॥

७३७४-१ ऋते यदर्थं प्रणयाद्रक्ष्यते यच्च रक्षति ।
७३७४-२ पूर्वोपचितसंबन्धं तन्मित्रं नित्यमुच्यते ॥

७३७५-१ ऋते सेनाप्रणेतारं पृतना सुमहत्यपि ।
७३७५-२ दीर्यते युद्धमासाद्य पिपीलिकपुटं यथा ॥

७३७६-१ ऋत्विक्पुरोहिताचार्याः शिष्याः संबन्धिबान्धवाः ।
७३७६-२ सर्वे पूज्याश्च मान्याश्च श्रुतवृत्तोपसंहिताः ॥

७३७७-१ ऋद्धिमान्राक्षसो मूढश्चित्रं नासौ यदुद्धतः ।
७३७७-२ को वा हेतुरनार्याणां धर्म्ये वर्त्मनि वर्तितुं ॥

७३७८-१ … … … … … … ।
७३७८-२ ऋद्धियुक्ता हि पुरुषा न सहन्ते परस्तवं ॥

७३७९-१ ऋषभोऽत्र गीयत इति श्रुत्वा स्वरपारगा वयं प्राप्ताः ।
७३७९-२ को वेद गोष्ठमेतद्गोशान्तौ विहितबहुमानं ॥

७३८०-१ ऋषयश्चैव देवाश्च सत्यमेव हि मेनिरे ।
७३८०-२ सत्यवादी हि लोकेऽस्मिन्परमं गच्छति क्षयं ॥

७३८१-१ ऋषयोऽप्युग्रतपसो दैवेनाभिप्रपीडिताः ।
७३८१-२ उत्सृज्य नियमांस्तीव्रान्भ्रश्यन्ते काममन्युभिः ॥

७३८२-१ ऋषयो मनवो देवा मनुपुत्रा महौजसः ।
७३८२-२ कलाः सर्वे हरेरेव सप्रजापतयस्तथा ॥

७३८३-१ ऋषयो राक्षसीमाहुर्वाचमुन्मत्तदृप्तयोः ।
७३८३-२ सा योनिः सर्ववैराणां सा हि लोकस्य निरृतिः ॥

७३८४-१ ऋषिरयमतिथिश्चेद्विष्टरः पाद्यमर्घ्यं तदनु च मधुपर्कः कल्प्यतां श्रोत्रियाय ।
७३८४-२ अथ तु रिपुरकस्माद्द्वेष्टि नः पुत्रभाण्डं तदिह नयविहीने कार्मुकस्याधिकारः ॥

७३८५-१ ऋषिसेना विना वेदं अप्रिया सहगामिनी ।
७३८५-२ देवसेना विना दात्नविष्णुः पृथिवीपतिः ॥

७३८६-१ ऋषींश्च देवांश्च महासुरांश्च त्रैविद्यवृद्धांश्च वने मुनींश्च ।
७३८६-२ कानापदो नोपनमन्ति लोके परावरज्ञास्तु न संभ्रमन्ति ॥

७३८७-१ ऋषीणां च नदीनां च कुलानां च महात्मनां ।
७३८७-२ प्रभवो नाधिगन्तव्यः स्त्रीणां दुश्चरितस्य च ॥

७३८८-१ ऋषीणां परमं गुह्यं इदं भरतसत्तम ।
७३८८-२ तीर्थाभिगमनं पुण्यं यज्ञैरपि विशिष्यते ॥

७३८९-१ ऋषेरस्याश्रमे पुण्ये शापसंत्रस्तमानसः ।
७३८९-२ मुद्बोधतोऽपि प्रायोऽयं मृगात्सिंहः पलायते ॥

७३९०-१ एकं काञ्चनभूधरं सुवलयं वासः सुधावारिधिं तारं तारकराजमण्डलमिदं संप्राप्य सत्कुण्डलं ।
७३९०-२ दूरस्थापि च तेन तेन सदृशं त्वां भूषणं चापरं स्त्री मानग्रहिलेव याचतितरां श्रीराम कीर्तिस्तव ॥

७३९१-१ एकं चक्षुर्विवेको हि द्वितीयं सत्समागमः ।
७३९१-२ तौ न स्तो यस्य स क्षिप्रं मोहकूपे पतेद्ध्रुवं ॥

७३९२-१ एकं चित्रमतीव दृष्टमिह यन्नालोकितं न श्रुतं किं कस्मै कथयामि कस्य मनसि स्याद्वा मम प्रत्ययः ।
७३९२-२ एकस्मिन्कनकस्य दाम्नि सरसीमैलिन्दमत्तद्विप- ज्योत्स्नाचन्द्रचकोरचक्रचमरीवालाश्चमत्कुर्वते ॥

७३९३-१ एकं जीवनमूलं चञ्चलमपि तापयन्तमपि सततं ।
७३९३-२ अन्तर्वहति वराकी सा त्वां नासेव निःश्वासं ॥

७३९४-१ एकं दन्तच्छदस्य स्फुरति जपवशादर्धमन्यत्प्रकोपादेकः पाणिः प्रणन्तुं शिरसि कृतपदः क्षेप्तुमन्यस्तमेव ।
७३९४-२ एकं ध्यानान्निमीलत्यपरमविषहं वीक्षितुं चक्षुरित्थं तुल्यानिच्छापि वामा तनुरवतु स वो यस्य संध्यावसाने ॥

७३९५-१ एकं दृष्ट्वा शतं दृष्ट्वा दृष्ट्वा पञ्चशतान्यपि ।
७३९५-२ अतिलोभो न कर्तव्यश्चक्रं भ्रमति मस्तके ॥

७३९५आ-१ एकं द्विजं च स्पृहणीयवाचं मत्तद्विरेफं च मधुः पुपोष ।
७३९५आ-२ सतो गुणानप्यसतोऽपि दोषान् जात्या विहीनो न विवेक्तुमीष्टे ॥

७३९६-१ एकं धाम शमीषु लीनमपरं सूर्योपलज्योतिषां व्याजादद्रिषु गूढमन्यदुदधौ संगुप्तमौर्वायते ।
७३९६-२ त्वत्तेजस्तपनांशुमांसलसमुत्तापेन दुर्गं भयाद्वार्क्षं पार्वतमौदकं यदि ययुस्तेजांसि किं पार्थिवाः ॥

७३९७-१ एकं ध्याननिमीलनान्मुकुलितप्रायं द्वितीयं पुनः पार्वत्या वदनाम्बुजस्तनभरे शृङ्गारभावालसं ।
७३९७-२ अन्यद्दूरविकृष्टचापमदनक्रोधानलोद्दीपितं शंभोर्भिन्नरसं समाधिसमये नेत्रत्रयं पातु वः ॥

७३९८-१ एकं नाम जडात्मकस्य मुषितं लावण्यमिन्दोस्तया नेत्राभ्यामसितोत्पलस्य च रुचिः प्रायेण तन्नो मृषा ।
७३९८-२ नो जानाति हृतामसौ पदगतिं मत्तो वराकः करी तन्वङ्ग्या विदतोऽपि यन्मम हृतं चेतस्तदत्यद्भुतं ॥

७३९९-१ एकं भूमिपतिः करोति सचिवं राज्ये प्रमाणं यदा तं मोहाच्श्रयते मदः स च मदालस्येन निर्विद्यते ।
७३९९-२ निर्विण्णस्य पदं करोति हृदये तस्य स्वतन्त्रस्पृहा स्वातन्त्र्यस्पृहया ततः स नृपतेः प्राणानभिद्रुह्यति ॥

७४००-१ एकं महिषशिरःस्थितं अपरं सानन्दसुरगणप्रणतं ।
७४००-२ गिरिदुहितुः पदयुगलं शोणितमणिरागरञ्जितं जयति ॥

७४०१-१ एकं मित्रं भजते मासेनेन्दुः स्वयं क्षयं गच्छन् ।
७४०१-२ मित्रशतानि भजंस्त्वं प्रतिक्षणं वृद्धिमुपयासि ॥

७४०२-१ एकं मित्रं भूपतिर्वा यतिर्वा एका भार्या सुन्दरी वा दरी वा ।
७४०२-२ एकं शास्त्रं वेदमध्यात्मकं वा एको देवः केशवो वा जिनो वा ॥

७४०३-१ एकं लिङ्गं प्रमदा- हृदयं विदधाति जर्जरं सहसा ।
७४०३-२ तेषां षट्कं येषां अन्तर्गूढं न ते कथं पशवः ॥

७४०४-१ एकं वदति मनो मम यामि न यामीति हृदयमपरं मे ।
७४०४-२ हृदयद्वयमुचितं तव सुन्दरि हृतकान्तचित्तायाः ॥

७४०५-१ एकं वस्तु द्विधा कर्तुं बहवः सन्ति धन्विनः ।
७४०५-२ धन्वी स मार एवैको द्वयोरैक्यं करोति यः ॥

७४०६-१ एकं वस्तु यदस्ति विश्वजनतानन्दप्रमोदात्मकं सत्यं तत्त्वमसीति वाक्यमखिलं त्वय्येव विश्राम्यति ।
७४०६-२ त्वामाकर्ण्य न किंचिदन्यदवनीशृङ्गार भो मन्यते त्वय्याप्ते जनकादिकीर्तिजनके किं ज्ञानमीमांसया ॥

७४०७-१ एकं वा कुपितप्रियाप्रणयिनीं कृत्वा मनोनिर्वृतिं तिष्ठामो निजचारुपीवरकुचक्रीडारसास्वादने ।
७४०७-२ अन्यद्वा सुरसिन्धुसैकततटीदर्भाष्टकस्रस्तर- स्थाने ब्रह्मपदं समाहितधियो ध्यायन्त एवास्महे ॥

७४०८-१ एकं विषरसो हन्ति शस्त्रेणैकश्च वध्यते ।
७४०८-२ सराष्ट्रं सप्रजं हन्ति राजानं मन्त्रविस्रवः ॥

७४०९-१ एकं वै सेवते नित्यं अन्यं चेतसि रोचते ।
७४०९-२ पुरुषाणामलाभेन नारी चैव पतिव्रता ॥

७४१०-१ एकं संदिग्धयोस्तावद्भावि तत्रेष्टजन्मनि ।
७४१०-२ हेतुमाहुः स्वमन्त्रादीनसङ्गानन्यथा विटाः ॥

७४११-१ एकं सागरतीरनीरनिकरस्फाराञ्जलिक्षालितैः पुष्पैरच्युतपूजनं निजकरव्यापारसंपादितैः ।
७४११-२ नो चेन्मञ्जुलमालतीदललसत्खट्वार्चिते मन्दिरे कान्तातुङ्गनितम्बबिम्बसुरतक्रीडारसैः स्थीयते ॥

७४१२-१ एकं सुते मृगारिणी बहून्सूते वृकी सुतान् ।
७४१२-२ उत्तारः प्रलयं यान्ति नाद्यमानाः कथंचन ॥

७४१३-१ एकं हन्यान्न वा हन्यादिषुः क्षिप्तो धनुष्मता ।
७४१३-२ प्राज्ञेन तु मतिः क्षिप्ता हन्याद्गर्भगतानपि ॥

७४१४-१ एकं हन्यान्न वा हन्यादिषुर्मुक्तो धनुष्मता ।
७४१४-२ बुद्धिर्बुद्धिमतोत्सृष्टा हन्याद्राष्ट्रं सराजकं ॥

७४१५-१ एकं हन्यान्न वा हन्यादिषुर्मुक्तो धनुष्मता ।
७४१५-२ सराष्ट्रं सप्रजं हन्ति राजानं मन्त्रिनिश्चयः ॥

७४१६-१ एकं हि चक्षुरमलं सहजो विवेको विद्वद्भिरेव सह संवसतिर्द्वितीयं ।
७४१६-२ एतद्द्वयं भुवि न यस्य स तत्त्वतोऽन्धस् तस्यापमार्गचलने वद कोऽपराधः ॥

७४१७-१ एकः कर्णमहीपतिः प्रतिदिनं लक्षाधिका याचकाः कस्मै किं वितरिष्यतीति मनसा चिन्तां वृथा मा कृथाः ।
७४१७-२ आस्ते किं प्रतियाचकं सुरतरुः प्रत्यम्बुजं किं रविश्चन्द्रः किं प्रतिकैरवं प्रतिलतागुल्मं किमम्भोधरः ॥

७४१८-१ एकः कापुरुषो दीर्णो दारयेन्महतीं चमूं ।
७४१८-२ तं दीर्णमनु दीर्यन्ते योधाः शूरतमा अपि ॥

७४१९-१ एकः कोऽपि महीधरो लघुतरो दोर्भ्यां धृतो लीलया तेन त्वं दिवि भूतले च विदितो गोवर्द्धनोद्धारकः ।
७४१९-२ त्वां त्रैलोक्यवहं वहामि कुचयोरग्रे सदा पुष्पवथ्तत्किं केशव जल्पितेन बहुना पुण्यैर्यशो लभ्यते ॥

७४२०-१ एकः क्षमावतं दोषो द्वितीयो नोपलभ्यते ।
७४२०-२ यदेनं क्षमया युक्तं अशक्तं मन्यते जनः ॥

७४२१-१ सोऽस्य दोषो न मन्तव्यः क्षमा हि परमं बलं ।
७४२१-२ क्षमा गुणो ह्यशक्तानां शक्तानां भूषणं क्षमा ॥

७४२२-१ एकः खलोऽपि यदि नाम भवेत्सभायां व्यर्थीकरोति विदुषामखिलं प्रयासं ।
७४२२-२ एकापि पूर्णमुदरं मधुरैः पदार्थैर् आलोड्य रेचयति हन्त न मक्षिका किं ॥

७४२३-१ एकः पञ्चत्वमासाद्य जायते पुनरष्टधा ।
७४२३-२ अहो वाणिज्यसंपत्तिः काशीपुरनिवासिनां ॥

७४२४-१ एकः पथा न गन्तव्यं न सुप्तिं बाह्यमन्दिरे ।
७४२४-२ जनवाक्यं न कर्तव्यं स्त्रीणामालोचनं विना ॥

७४२५-१ एकः पापानि कुरुते फलं भुङ्क्ते महाजनः ।
७४२५-२ भोक्तारो विप्रमुच्यन्ते कर्ता दोषेण लिप्यते ॥

७४२६-१ एकः पालयते लोकं एकः पालयते कुलं ।
७४२६-२ मज्जत्येको हि निरय एकः स्वर्गे महीयते ॥

७४२७-१ एकः पुत्रो वरं विद्वान्बहुभिर्निर्गुणैस्तु किं ।
७४२७-२ एकस्तारयते वंशं अन्ये संतापकारकाः ॥

७४२८-१ एकः प्रजायते जन्तुरेक एव प्रलीयते ।
७४२८-२ एकोऽनुभुङ्क्ते सुकृतं एक एव च दुष्कृतं ॥

७४२९-१ एकः प्रयात्युपरमं द्रविणं तदीयं हृत्वापरः प्रसभमुद्वहति प्रमोदं ।
७४२९-२ नो वेत्ति तत्स्वनिधने परकोशगामि धिग्वासनामसममोहकृतान्धकारां ॥

७४३०-१ एकः शतं योधयति प्राकारस्थो धनुर्धरः ।
७४३०-२ शतं दशसहस्राणि तस्माद्दुर्गं विधीयते ॥

७४३१-१ एकः शत्रुर्न द्वितीयोऽस्ति शत्रुर् अज्ञानतुल्यः पुरुषस्य राजन् ।
७४३१-२ येनावृतः कुरुते संप्रयुक्तो घोराणि कर्माणि सुदारुणानि ॥

७४३२-१ एकः संग्रामरिङ्गत्तुरगखुररजोराजिभिर्नष्टदृष्टिर् दिग्यात्राजैत्रमत्तद्विरदभरनमद्भूमिभग्नस्तथान्यः ।
७४३२-२ वीराः के नाम तस्मात्त्रिजगति न ययुः क्षीणतां काणकुब्ज- न्यायादेतेन मुक्तावभयमभजतां वासवो वासुकिश्च ॥

७४३३-१ एकः संपन्नमश्नाति वस्ते वासश्च शोभनं ।
७४३३-२ योऽसंविभज्य भृत्येभ्यः को नृशंसतरस्ततः ॥

७४३४-१ एकः संप्रति पाकशासनपुरीपीयूषसत्त्री पुरः पारक्यं तमसामसौ कुमुदिनीचैतन्यचिन्तामणिः ।
७४३४-२ मानोच्चाटनकार्मणं मृगदृशां देवो नभोऽम्भोनिधौ पश्योदञ्चति पञ्चबाणवणिजो यात्रावहित्रं शशी ॥

७४३५-१ एकः स एव जीवति स्वहृदयशून्योऽपि सहृदयो राहुः ।
७४३५-२ यः सकललघिमकारणं उदरं न बिभर्ति दुष्पूरं ॥

७४३६-१ एकः स एव तेजस्वी सैहिकेयः सुरद्विषां ।
७४३६-२ शिर्ॐआत्रावशेषेण जीयन्ते येन शत्रवः ॥

७४३७-१ एकः स एव परिपालयताज्जगन्ति गौरीगिरीशचरितानुकृतिं दधानः ।
७४३७-२ आभाति यो दशनशून्यमुखैकदेश- देहार्धहारितवधूक इवैकदन्तः ॥

७४३८-१ एकः सकलजनानां हृदयेषु कृतास्पदो मदः शत्रुः ।
७४३८-२ येनाविष्टशरीरो न शृणोति न पश्यति स्तब्धः ॥

७४३९-१ एकः सखा प्रियो भूय उपकारी गुणान्वितः ।
७४३९-२ हन्तव्यः स्त्रीनिमित्तेन कष्टमापतितं मम ॥

७४४०-१ एकः स व्यसनी पुमानचरमैर्निःश्वासवातैः समं हा मे सा दयितेति यस्य वदतः प्राणाः समं निर्गताः ।
७४४०-२ अन्ये तु व्यसनं क्षिपन्ति पशवः कान्तावियोगोद्भवैश्चिन्ताग्लानिविषाददैन्यजनितैर्बाष्पैरनाहारिणः ॥

७४४१-१ एकः सुधांशुर्न कथंचन स्याथ्तृप्तिक्षमस्त्वन्नयनद्वयस्य ।
७४४१-२ त्वल्लोचनासेचनकस्तदस्तु नलास्यशीतद्युतिसद्वितीयः ॥

७४४२-१ एकः स्तनस्तुङ्गतरः परस्य वार्तामिव प्रष्टुमगान्मुखाग्रं ।
७४४२-२ यस्याः प्रियार्धस्थितिमुद्वहन्त्याः सा पातु वः पर्वतराजपुत्री ॥

७४४३-१ एकः स्थितोऽन्तः प्राप्तोऽन्यः परस्याद्यैव दुर्ग्रहः ।
७४४३-२ किं कर्ॐईति जननीं पृच्छन्तीष्वपरासु च ॥

७४४४-१ एकः स्वादु न भुञ्जीत एकश्चार्थान्न चिन्तयेत् ।
७४४४-२ एको न गच्छेदध्वानं नैकः सुप्तेषु जागृयात् ॥

७४४५-१ एक एव खगो मानी वने वसति चातकः ।
७४४५-२ पिपासितो वा म्रियते याचते वा पुरंदरं ॥

७४४६-१ एक एव खगो मानी सुखं जीवति चातकः ।
७४४६-२ अर्थित्वं याति शक्रस्य न नीचमुपसर्पति ॥

७४४७-१ एक एव चरेद्धर्मं नास्ति धर्मे सहायता ।
७४४७-२ केवलं विधिमासाद्य सहायः किं करिष्यति ॥

७४४८-१ एक एव दमे दोषो द्वितीयो नोपपद्यते ।
७४४८-२ यदेनं क्षमया युक्तं अशक्तं मन्यते जनः ॥

७४४९-१ एतस्य तु महाप्राज्ञ दोषस्य सुमहान्गुणः ।
७४४९-२ क्षमायां विपुला लोकाः सुलभा हि सहिष्णुना ॥

७४५०-१ एक एव न भुञ्जीयाद्यदिच्छेच्शुभमात्मनः ।
७४५०-२ द्वित्रिभिर्बन्धुभिः सार्धं भोजनं कारयेन्नरः ॥

७४५१-१ एक एव पदार्थस्तु त्रिधा भवति वीक्षितः ।
७४५१-२ कुणपं कमिनी मांसं योगिभिः कामिभिः श्वभिः ॥

७४५२-१ एक एव परो ह्यात्मा सर्वेषामपि देहिनां ।
७४५२-२ नानेव गृह्यते मूढैर्यथा ज्योतिर्यथा नभः ॥

७४५३-१ एक एव महान्दोषो भवतां विमले कुले ।
७४५३-२ लुम्पन्ति पूर्वजां कीर्तिं जाता जाता गुणाधिकाः ॥

७४५४-१ एक एव लघुर्यत्र आदितालः स कथ्यते ।
७४५४-२ विनोदे रासकस्तेन श्रोत्णां च सुखावहः ॥

७४५५-१ एक एव सुहृद्धर्मो निधनेऽप्यनुयाति यः ।
७४५५-२ शरीरेण समं नाशं सर्वमन्यद्हि गच्छति ॥

७४५६-१ एक एव हितार्थाय तेजस्वी पार्थिवो भुवः ।
७४५६-२ युगान्त इव भास्वन्तो बहवोऽत्र विपत्तये ॥

७४५७-१ एक एव हि भूतात्मा भूते भूते व्यवस्थितः ।
७४५७-२ एकधा बहुधा चैव दृश्यते जलचन्द्रवत् ॥

७४५८-१ एक एव हि वन्ध्यायाः शोको भवति मानसः ।
७४५८-२ अप्रजास्मीति संतापो न ह्यन्यः पुत्र विद्यते ॥

७४५९-१ एक एवोपहारस्तु संधिरेतन्मतं हि नः ।
७४५९-२ उपहारस्य भेदास्तु सर्वेऽन्ये मैत्रवर्जिताः ॥

७४६०-१ एककार्यनियोगेऽपि नानयोस्तुल्यशीलता ।
७४६०-२ विवाहे च चितायां च यथा हुतभुजोर्द्वयोः ॥

७४६१-१ एकक्षितिभृदुत्पन्नाः सच्छिद्राः कण्टकोल्बणाः ।
७४६१-२ मिथः संघर्षणाद्वंशा दह्यन्ते साधुशाखिभिः ॥

७४६२-१ एकगर्भोषिताः स्निग्धा मूर्ध्ना सत्कृत्य धारिताः ।
७४६२-२ केशा अपि विरज्यन्ते जरया किमुताङ्गनाः ॥

७४६३-१ एकगुणा भवति तिथिश्चतुर्गुणं भवति नक्षत्रं ।
७४६३-२ चतुःषष्टिगुणं लग्नं एष ज्योतिषतन्त्रसिद्धान्तः ॥

७४६४-१ एकचक्रो रथो यन्ता विकलो विषमा हयाः ।
७४६४-२ आक्रामत्येव तेजस्वी तथाप्यर्को नभस्तलं ॥

७४६५-१ एकचक्षुर्न काकोऽयं बिलमिच्छन्न पन्नगः ।
७४६५-२ क्षीयते वर्धते चैव न समुद्रो न चन्द्रमाः ॥

७४६६-१ एकचित्तो लभेत्सिद्धिं द्विधाचित्तो विनश्यति ।
७४६६-२ स्कन्धावारं हि गच्छन्तं इषुकारो न पश्यति ॥

७४६७-१ एकच्छत्त्रं क्षितितलमिदं भुञ्जते यन्नरेन्द्राः स्वर्गास्थाने मुदितमनसो यद्रमन्ते मुनीन्द्राः ।
७४६७-२ यन्निर्वाणे निरुपमसुखं मर्त्यमुख्या लभन्ते दानस्यायं स्फुरति महिमा केवलस्यामलस्य ॥

७४६८-१ एकच्छागं द्विरावेयं त्रिगवं पञ्चमाहिषं ।
७४६८-२ षडश्वं सप्तमातङ्गं शक्रस्यापि श्रियं हरेत् ॥

७४६९-१ एकतः क्रतवः सर्वे समग्रवरदक्षिणाः ।
७४६९-२ एकतो भयभीतस्य प्राणिनः प्राणरक्षणं ॥

७४७०-१ एकतः प्रणयपीडनं मुधा मानधारणरसादरोऽन्यतः ।
७४७०-२ रक्षती द्वयमिदं मनस्विनी निर्वृणोतु कथमत्र जन्मनि ॥

७४७१-१ एकतः सकला विद्या चातुर्यं पुनरेकतः ।
७४७१-२ चातुर्येण विनाकृत्य सकला विकला कला ॥

७४७२-१ एकतः सर्वपापानि मद्यपानं तथैकतः ।
७४७२-२ एकतः सर्वदानानि ब्रह्मचर्यं तथैकतः ॥

७४७३-१ एकतश्चतुरो वेदाः साङ्गोपाङ्गाः सविस्तराः ।
७४७३-२ स्वाधीनास्ते नरश्रेष्ठ सत्यमेकं किलैकतः ॥

७४७४-१ एकतश्चतुरो वेदा ब्रह्मचर्यं तथैकतः ।
७४७४-२ एकतः सर्वपापानि मद्यपानं तथैकतः ॥

७४७५-१ एकतश्च सुरसुन्दरीजनः श्रीः प्रतीच्छति युयुत्सुमन्यतः ।
७४७५-२ पाप्मना सह पलायतोऽयशश्चैकतः कुलकलङ्ककारणं ॥

७४७६-१ एकतामिव गतस्य विवेकः कस्यचिन्न महतोऽप्युपलेभे ।
७४७६-२ भास्वता निदधिरे भुवनानां आत्मनीव पतितेन विशेषाः ॥

७४७७-१ एकतो दिवसान्बाला गणयत्येकतोऽन्तकः ।
७४७७-२ न विद्मः प्रथमं कस्य यास्यामो वयमन्तिकं ॥

७४७८-१ एकतोऽपरितोषश्चेदन्यमन्यं महीभुजं ।
७४७८-२ निदाघपान्थवच्छायां अन्यामन्यामुपाश्रयेत् ॥

७४७८आ-१ एकतोऽपि भुवि भूरिशोऽभवन् दीपकादहह पश्य दीपकाः ।
७४७८आ-२ अन्धकारनिधनाय भानुमन्- मुक्तदिव्यविशिखादिवेषवः ॥

७४७९-१ एकतोऽभ्युदितमिन्दुमण्डलं स्मेरमास्यमसितभ्रुवोऽन्यतः ।
७४७९-२ चञ्चुकोरकपुटीं चकोरिका चालयत्युभयतोऽपि धावति ॥

७४८०-१ एकतो मातृवात्सल्यं परतो गुणकोटयः ।
७४८०-२ अनयोः समतां वक्तुं नालं ब्रह्मादयः सुराः ॥

७४८१-१ एकतो वा कुलं कृत्स्नं आत्मा वा कुलवर्धन ।
७४८१-२ न समं सर्वमेवेति बुधानामेष निश्चयः ॥

७४८२-१ एकतोव्याधिदुर्भिक्षप्रमुखा विपदोऽखिलाः ।
७४८२-२ प्रजानामेकतस्त्वेका लुब्धता वसुधापतेः ॥

७४८३-१ एकत्र कौलव्रतभङ्गशङ्का विदग्धताभङ्गभयं परत्र ।
७४८३-२ इत्याकुलानां कुलकामिनीनां गतागतैरेव गता त्रियामा ॥

७४८४-१ एकत्र नास्य रतिरित्यवधूयमानः कोपादिव श्वसनकम्पविघूर्णितायाः ।
७४८४-२ रक्तच्छदं मधुसुगन्धि सरोरुहिण्या भृङ्गश्चुचुम्ब कमलाननमादरेण ॥

७४८५-१ एकत्र प्रपठन्ति साम च यजुश्चान्यत्र वेदान्तरं हिंस्राश्चापि मृगायिताश्च परतो यागोत्थधूमः शिवः ।
७४८५-२ आतिथ्यादिविधिः परत्र विधिवत्पाद्यादिनापाद्यते नानाशास्त्रविवेचनं च वटुभिः संतन्यते सङ्गतैः ॥

७४८६-१ एकत्र प्राकृतैः साम्यं अन्यत्र परतन्त्रता ।
७४८६-२ शुकस्य परितोषाय न वनं न च पत्तनं ॥

७४८७-१ एकत्र मधुनो बिन्दौ भक्षतेऽसंख्यदेहिनः ।
७४८७-२ यो हि न स्यात्कृपा तस्य तस्मान्मधु न भक्षयेत् ॥

७४८८-१ एकत्र वासादवसानभाजस् ताम्बूललक्ष्म्या इव संस्मरन्ती ।
७४८८-२ वक्त्रेषु यद्वैरिविलासिनीनां हासप्रभा तानवमाससाद ॥

७४८९-१ एकत्र सार्थे व्रजतां बहूनां तुल्येऽपि जाते शकुने फलानि ।
७४८९-२ नानाप्रकाराणि भवन्ति येन तं हंसचारं प्रविचारयामः ॥

७४९०-१ एकत्र स्फटिकतटांशुभिन्ननीरा नीलाश्मद्युतिभिदुराम्भसोऽपरत्र ।
७४९०-२ कालिन्दीजलजनितश्रियः श्रयन्ते वैदग्धीमिह सरितः सुरापगायाः ॥

७४९१-१ एकत्राददते जलं जलधरव्यूहाः परत्राप्यमी दीप्यद्दिक्करिणः परत्र वडवावक्त्रोद्गता वह्नयः ।
७४९१-२ एतावत्सततव्ययेऽपि सुतरामाश्चर्यमम्भोनिधेस् ता एव स्थितयः स एव महिमा सैवास्य गम्भीरता ॥

७४९२-१ एकत्रापि हते जन्तौ पापं भवति दारुणं ।
७४९२-२ न सूक्ष्मानेकजन्तूनां घातिनो मधुपस्य किं ॥

७४९३-१ एकत्रासनसङ्गतिः परिहृता प्रत्युद्गमाद्दूरतस् ताम्बूलानयनच्छलेन रभसाश्लेषोऽपि संविघ्नितः ।
७४९३-२ आलापोऽपि न मिश्रितः परिजनं व्यापारयन्त्यान्तिके कान्तं प्रत्युपचारतश्चतुरया कोपः कृतार्थीकृतः ॥

७४९४-१ एकत्रासनसङ्गते प्रियतमे पश्चादुपेत्यादरादेकस्या नयने पिधाय महतः क्रीडानुबन्धच्छलात् ।
७४९४-२ तिर्यग्वक्रितकन्धरः सपुलकस्वेदोद्गमानन्दिनीं अन्तर्हासलसत्कपोलफलकां धूर्तोऽपरां चुम्बति ॥

७४९६-१ एकत्वं न रसैः कयोः समजनि स्त्रीपुंसयोः प्रावृषि प्राप्तौ यद्रसनिर्भराविह धराकाशौ चिरादेकतां ।
७४९६-२ योषित्सङ्गमगूढसर्वतरुणः कालोऽयमालोक्यते छन्नः क्वापि दिवा युवापि निशया क्रोडीकृतः क्रीडति ॥

७४९७-१ एकदन्तं त्रिनयनं ज्वालानलसमप्रभं ।
७४९७-२ गणाध्यक्षं गजमुखं प्रणमामि विनायकं ॥

७४९८-१ एकदन्तद्युतिसितः शंभोः सूनुः श्रियेऽस्तु वः ।
७४९८-२ विद्याकन्द इवोद्भिन्ननवाङ्कुरमनोहरः ॥

७४९९-१ एकदा न विगृह्णीयाद्बहून्राजाभिघातिनः ।
७४९९-२ सदर्पोऽप्युरगः कीटैर्बहुभिर्नाश्यते ध्रुवं ॥

७५००-१ एकदेशमुपाध्याय ऋत्विग्यज्ञकृदुच्यते ।
७५००-२ एते मान्या यथापूर्वं एभ्यो माता गरीयसी ॥

७५०१-१ एकद्विकरणे हेतू महापातकपञ्चके ।
७५०१-२ न तृणे मन्यते कोपकामौ यः पञ्च कारयन् ॥

७५०२-१ एकद्वित्रिकलाक्रमेण शशिनं गृह्णन्विमुञ्चन्नयं यच्चण्डद्युतिरातनोति भगवानद्यापि चान्द्रायणं ।
७५०२-२ देवैतद्भवदीयभास्वरभुजस्तम्भप्रतापानल- स्पर्धायै क्रमभुक्तलाञ्छनपशोर्नैतत्पुनः सेत्स्यति ॥

७५०३-१ एकद्विप्रभृतिक्रमेण गणनामेषामिवास्तं यतां कुर्वाणा समकोचयद्दशशतान्यम्भोजसंवर्तिकाः ।
७५०३-२ भूयोऽपि क्रमशः प्रसारयति ताः संप्रत्यमूनुद्यतः संख्यातुं सकुतूहलेव नलिनी भानोः सहस्रं करान् ॥

७५०४-१ एकद्वेषु रसालशाखिषु मनागुन्मीलितं कुड्मलैः कर्णाकर्णिकया मिथः कथममी घूर्णन्ति विश्वेऽध्वगाः ।
७५०४-२ द्वित्रैः क्वापि किल श्रुताश्रुतमपि स्पष्टान्यपुष्टारुतं विष्वङ्मूर्छति दुःसहो विरहिणीगेहेषु हाहारवः ॥

७५०५-१ एकद्वैः किमभावि सूरिभिरथ द्वित्राणि मित्राणि किं व्यापन्नानि गताश्च किं त्रिचतुरा घोरा महाव्याधयः ।
७५०५-२ सप्ताष्टैरलमिष्टमेतदपि नश्चेतः क्षणान्पञ्चषान् स्वात्मन्येव रमस्व तेजसि गते कालेऽथवा सर्वतः ॥

७५०६-१ एकद्वैर्दिवसैर्भविष्यति मनाग्दोरन्तरं दन्तुरं द्वित्रैरेव दिनैश्च लोचनपथं र्ॐआवली यास्यति ।
७५०६-२ किं चाभूदिव वासरैस्त्रिचतुरैश्चाञ्चल्यमस्या दृशोस् तज्जेतुं जगतीमनङ्ग किमतीवायासमालंबसे ॥

७५०७-१ एकद्वैर्मधुबिन्दुभिर्मधुलिहः स्यादेव कुक्षिम्भरिः कस्मिन्वा कुसुमे भवन्ति सुलभा तेऽमी पुनः पञ्चषाः ।
७५०७-२ कालः कोऽपि स तादृशः परिणतो येनैकतृष्णाकुलो यद्यत्पुष्पमुपागमत्कृपणवत्तेनास्य मा कुञ्चितं ॥

७५०८-१ एकधातुर्द्विखण्डः स्याद्यत्रोद्ग्राहस्ततः परं ।
७५०८-२ तृतीयं किंचिदुच्चं स्यात्खण्डं गमकशोभनं ॥

७५०९-१ एकनिभा यत्र मही तृणतरुवल्मीकगुल्मपरिहीना ।
७५०९-२ तस्यां यत्र विकारो भवति धरित्र्यां जलं तत्र ॥

७५१०-१ एकन्तु लोकवेदेभ्यः सारमाकृष्य कथ्यते ।
७५१०-२ प्राणात्ययेऽपि न त्याज्यो न्याय्यो धर्मश्लथः पथः ॥

७५११-१ एकपङ्क्त्युपविष्टानां विप्राणां सहभोजने ।
७५११-२ यद्येकोऽपि त्यजेदन्नं सर्वैरुच्छिष्टभोजनं ॥

७५१२-१ एकपत्नीसमासक्तैर्भवद्भिः संहतैर्मिथः ।
७५१२-२ स्थातव्यमप्रसादेन भेदमूलं हि योषितः ॥

७५१३-१ एकपुंसा न गन्तव्यं काकसर्पस्य कारणात् ।
७५१३-२ कर्कटस्य प्रसादेन ब्राह्मणो जीवितो यथा ॥

७५१४-१ एकपुच्छश्चतुष्पादः ककुद्मान्लम्बकम्बलः ।
७५१४-२ गोरपत्यं बलीवर्दो घासमत्ति सुखेन सः ॥

७५१५-१ एकप्रियाचरणपद्मपरीष्टिजात- क्लेशस्य मे हृदयमुत्तरलीचकार ।
७५१५-२ उद्भिन्ननिर्भरमनोभवभावमुग्ध- नानाङ्गनावदनचन्द्रमसां दिदृक्षा ॥

७५१६-१ एकभवे रिपुपन्नगदुःखं जन्मशतेषु मनोभवदुःखं ।
७५१६-२ चारुधियेति विचिन्त्य महान्तः कामरिपुं क्षणतः क्षपयन्ति ॥

७५१६आ-१ एकभुक्तं सदारोग्यं द्विभुक्तं बलवर्द्धनं ।
७५१६आ-२ त्रिभुक्तेर्व्याधिपीडा स्याच्चतुर्भुक्तेर्मृतिर्ध्रुवं ॥

७५१७-१ एकमपि क्षणं लब्ध्वा सम्यक्त्वं यो विमुञ्चति ।
७५१७-२ संसारार्णवमुत्तीर्य लभते सोऽपि निर्वृतिं ॥

७५१८-१ एकमपि सतां सुकृतं विकसति तैलं यथा जले न्यस्तं ।
७५१८-२ असतामुपकारशतं संकुचति सुशीतले घृतवत् ॥

७५१९-१ एकमप्यक्षरं यस्तु गुरुः शिष्यं प्रबोधयेत् ।
७५१९-२ पृथिव्यां नास्ति तद्द्रव्यं यद्दत्वा सोऽनृणी भवेत् ॥

७५२०-१ एकमप्यत्र यो बिन्दुं भक्षयेन्मधुनो नरः ।
७५२०-२ सोऽपि दुःखवृषाकीर्णे पतते भवसागरे ॥

७५२१-१ एकमस्य परमेकमुद्यमं निस्त्रपत्वमपरस्य वस्तुनः ।
७५२१-२ नित्यमुष्णमहसा निरस्यते नित्यमन्धतमसं प्रधावति ॥

७५२२-१ एकमात्रो लघुः प्रोक्तो द्विमात्रश्च गुरुः स्मृतः ।
७५२२-२ प्लुतस्त्रिमात्रको ज्ञेयो द्रुतः स्यादर्धमात्रकः ॥

७५२३-१ एकमाशीविषो हन्ति शस्त्रेणैकश्च वध्यते ।
७५२३-२ हन्ति विप्रः सराष्ट्राणि पुराण्यपि हि कोपितः ॥

७५२४-१ एकमुत्कण्ठया व्याप्तं अन्यद्दयितया हृतं ।
७५२४-२ चैतन्यमपरं धत्ते कियन्ति हृदयानि मे ॥

७५२५-१ एकमेव गुणं प्राप्य नम्रतामगमद्धनुः ।
७५२५-२ तवाशेषगुणा राज्ञः स्तब्धतेति सुविस्मयः ॥

७५२६-१ एकमेव तु शूद्रस्य प्रभुः कर्म समादिशत् ।
७५२६-२ एतेषामेव वर्णानां शुश्रूषामनसूयया ॥

७५२७-१ एकमेव दहत्यग्निर्नरं दुरुपसर्पिणं ।
७५२७-२ कुलं दहति राजाग्निः सपशुद्रव्यसंचयं ॥

७५२८-१ एकमेव पुरस्कृत्य दश जीवन्ति मानवाः ।
७५२८-२ विना तेन न शोभन्ते यथा संख्याङ्कबिन्दवः ॥

७५२९-१ एकमेव बलिं बद्ध्वा जगाम हरिरुन्नतिं ।
७५२९-२ अस्यास्त्रिबलिबन्धेन सैव मध्यस्य नम्रता ॥

७५३०-१ एकमेव हि दारिद्र्यं क्लिश्नाति सकलं जगत् ।
७५३०-२ तमहं शाब्दिकं वन्दे यश्चकार नपुंसकं ॥

७५३१-१ एकमेवाक्षि वामाक्षि रञ्जयाञ्जनलेखया ।
७५३१-२ जायतामैन्दवे बिम्बे खञ्जनाम्बुजसंगमः ॥

७५३२-१ एकमेवाद्वितीयं तद्यद्राजन्नावबुध्यसे ।
७५३२-२ सत्यं स्वर्गस्य सोपानं पारावारस्य नौरिव ॥

७५३३-१ एकया द्वे विनिश्चित्य त्रींश्चतुर्भिर्वशे कुरु ।
७५३३-२ पञ्च जित्वा विदित्वा षट्सप्त हित्वा सुखी भव ॥

७५३४-१ एकयापि कलया विशुद्धया योऽपि कोऽपि भजते गिरीशतां ।
७५३४-२ भूयसीरपि कलाः कलङ्किताः प्राप्य कश्चिदपचीयते शनैः ॥

७५३५-१ एकयैव गुरोर्दृष्ट्या द्वाभ्यां वापि लभेत यत् ।
७५३५-२ न तत्तिसृभिरष्टाभिः सहस्रेणापि कस्यचित् ॥

७५३६-१ एकरद द्वैमातुर निस्त्रिगुण चतुर्भुजोऽपि पञ्चकर ।
७५३६-२ जय षण्मुखनुत सप्त- च्छदगन्धिमदाष्टतनुतनय ॥

७५३७-१ एकवर्णं यथा दुग्धं बहुवर्णासु धेनुषु ।
७५३७-२ तथा धर्मस्य वैचित्र्ये तत्त्वमेकं परं पुनः ॥

७५३८-१ एकवर्णमिदं पूर्वं विश्वमासीद्युधिष्ठिर ।
७५३८-२ कर्मक्रियाविभेदेन चातुर्वर्ण्यं प्रतिष्ठितं ॥

७५३९-१ एकवर्णो भवेद्यस्तु लक्षणैकेन संयुतः ।
७५३९-२ स खड्गराजो नृपतेर्विज्ञेयः शुभकारकः ॥

७५४०-१ एकवापीजलं पश्य इक्षौ मधुरतां व्रजेत् ।
७५४०-२ निम्बे कटुकतां याति पात्रापात्राय भोजनं ॥

७५४१-१ एकवापीभवं तोयं पात्रापात्रविशेषतः ।
७५४१-२ आम्रे मधुरतामेति निम्बे कटुकतामपि ॥

७५४२-१ एकविंशतिरादिष्टाः नरकाः शास्त्रपारगैः ।
७५४२-२ गर्भवाससमीपे ते कलां नार्हन्ति षोडशीं ॥

७५४३-१ एकविंशतिवर्णाङ्घ्रिर्भवेच्शृङ्गारके रसे ।
७५४३-२ कामदोऽभीष्टदः पुसां ताले तुरगलीलके ॥

७५४३-३ … … … … … … ॥

७५४४-१ एकविंशतिवारेण कुक्कुटस्यासृजोक्षितं ।
७५४४-२ तत्क्षणाद्दाडिमीबीजं वर्धते फलति ध्रुवं ॥

७५४५-१ एकविंशतिसंजप्तं जलं मन्त्रेण पाययेत् ।
७५४५-२ यदा वान्तिस्तदा मृत्युर्न वान्तिर्जीवति ध्रुवं ॥

७५४६-१ एकविद्याप्रधानोऽपि बहुज्ञानी भवेन्नरः ।
७५४६-२ सुभाषितानि शिक्षेत यानि शास्त्रोद्धृतानि वै ॥

७५४७-१ एकवृक्षसमारूढा नानावर्णा विहंगमाः ।
७५४७-२ प्रातर्दश दिशो यान्ति का तत्र परिदेवना ॥

७५४८-१ एकवृक्षे यथा रात्रौ नानापक्षिसमागमः ।
७५४८-२ प्रातर्दश दिशो यान्ति तद्वद्भूतसमागमः ॥

७५४९-१ एकवेशाश्रयाज्जातेर्वर्णस्यापि प्रगोपनं ।
७५४९-२ यथा हस्तिपदेऽन्येषां लीयन्ते चरणा अपि ॥

७५५०-१ एकशक्तिप्रहारेण म्रियतेऽश्वो नरोऽपि हि ।
७५५०-२ सहेन्महाप्रहाराणां शतं युद्धेषु वारणः ॥

७५५१-१ एकशीलवयोविद्याजातिव्यसनवृत्तयः ।
७५५१-२ साहचर्ये भवेन्मित्रं एभिर्यदि तु सार्जवैः ॥

७५५२-१ एकश्चेत्पूर्वपुरुषः कुले यश्च बहुश्रुतः ।
७५५२-२ अपरः पापकृन्मूर्खः कुलं कस्यानुवर्तते ॥

७५५३-१ एकसार्थप्रयातानां सर्वेषां तत्र गामिनां ।
७५५३-२ यस्य कालः प्रयात्यग्रे तत्र का परिदेवना ॥

७५५४-१ एकसुकृतेन दुष्कृत- शतानि ये नाशयन्ति ते सेव्याः ।
७५५४-२ न त्वेकदोषजनितो येषां कोपः कृतशतघ्नः ॥

७५५५-१ एकस्तपो द्विरध्यायी त्रिभिर्गीतं चतुः पथं ।
७५५५-२ सप्त पञ्च कृषीणां च सङ्ग्रामो बहुभिर्जनैः ॥

७५५७-१ एकस्त्रिधा हृदि सदा वससि स्म चित्रं यो विद्विषां च विदुषां च मृगीदृशां च ।
७५५७-२ तापं च संमदरसं च रतिं च तन्वन् शौर्योष्मणा च विनयेन च लीलया च ॥

७५५७आ-१ एकस्त्रेधा नयसुनिपुणैर्योगिभिः सेवकैर्वा निर्बाधं यः सपदि विदितो भाति सर्वस्वरूपः ।
७५५७आ-२ सोऽयं नन्दव्रजमुपगतः साकमाभीरवृन्दैर् वृन्दारण्ये विहरति परानन्दभूतिर्मुकुन्दः ॥

७५५८-१ एकस्त्वं गहनेऽस्मिन् कोकिल न कलं कदाचिदपि कुर्याः ।
७५५८-२ साजात्यशङ्कयामी न त्वां निघ्नन्ति निर्दयाः काकाः ॥

७५५९-१ एकस्त्वं मरुभूरुहेन्द्र विततैः शाखाशतैरञ्चितः पुष्प्यत्पुष्पफलान्वितैरमृदितैर्जीव्याः सहस्रं समाः ।
७५५९-२ अश्रान्तं श्रमरुग्णपान्थजनतासर्वार्थनिर्वाहणं कस्त्वां सात्त्विकमन्तरेण भुवनं निर्मातु धर्माशयः ॥

७५६०-१ एकस्त्वमावहसि जन्मनि संक्षये च भोक्तुं स्वयं स्वकृतकर्मफलानुबन्धं ।
७५६०-२ अन्यो न जातु सुखदुःखविधौ सहायः स्वाजीवनाय मिलितं विटपेटकं ते ॥

७५६१-१ एकस्थं जीवितेशे त्वयि सकलजगत्सारमालोकयामः श्यामे चक्षुस्तवास्मिन्वपुषि निविशते नाल्पपुण्यस्य पुंसः ।
७५६१-२ कस्यान्यत्रामृतेऽस्मिन्रतिरतिविपुला दृष्टिरेवामृतं ते दैत्यैरित्युच्यमानो मुनिभिरपि हरिः स्त्रैणरूपोऽवताद्वः ॥

७५६२-१ एकस्माद्वृक्षाद्यज्ञपात्राणि राजन् स्रुक्च द्रोणी वोढनी पीडनी च ।
७५६२-२ एतद्राजन्ब्रुवतो मे निबोध एकस्मात्पुरुषाज्जायतेऽसच्च सच्च ॥

७५६३-१ एकस्मिञ्जनिरावयोः समजनि स्वच्छे सरोवारिणि भ्रातः काचिदिहैव कानिचिदहान्यत्र व्यतीतानि नौ ।
७५६३-२ लब्धं तामरस त्वया मृगदृशां लीलावतंसास्पदं शैवालं विलुठामि पामरवधूपादाहते पाथसि ॥

७५६४-१ एकस्मिञ्शयने पराङ्गुखतया वीतोत्तरं ताम्यतोर् अन्योन्यस्य हृदि स्थितेऽप्यनुनये संरक्षतोर्गौरवं ।
७५६४-२ दम्पत्योः शनकैरपाङ्गवलनान्मिश्रीभवच्चक्षुषोर् भग्नो मानकलिः सहासरभसव्यावृत्तकण्ठग्रहः ॥

७५६५-१ एकस्मिञ्शयने विपक्षरमणीनामग्रहे मुग्धया सद्यःकोपपराङ्मुखग्लपितया चाटूनि कुर्वन्नपि ।
७५६५-२ आवेगादवधीरितः प्रियतमस्तूष्णीं स्थितस्तत्क्षणं मा भूत्सुप्त इवेत्यमन्दवलितग्रीवं पुनर्वीक्षितः ॥

७५६६-१ एकस्मिञ्शयने सरोरुहदृशोर्विज्ञाय निद्रां तयोर् एकां पल्लवितावगुण्ठनपटामुत्कन्धरो दृष्टवान् ।
७५६६-२ अन्यस्याः सविधं समेत्य निभृतव्यालोलहस्ताङ्गुलि- व्यापारैर्वसनाञ्चलं चपलयन्स्वापच्युतिं क्लिप्तवान् ॥

७५६७-१ एकस्मिन्दिवसे मया विचरता प्राप्तः कथंचिन्मणिर् मूल्यं यस्य न विद्यते भवति चेत्पृथ्वी समस्ता ततः ।
७५६७-२ सोऽयं दैववशादभूदतितरां काचोपमः साम्प्रतं किं कुर्मः कमुपास्महे क्व स सुहृद्यस्यैतदावेद्यते ॥

७५६८-१ एकस्मिन्नप्यतिक्रान्ते दिने धर्मविवर्जिते ।
७५६८-२ दस्युभिर्मुषितस्येव हृदयं दह्यते चिरं ॥

७५६९-१ एकस्मिन्नयने भृशं तपति यः काले स दाहक्रमो येनातन्यत यत्प्रकाशसमये नैशं पदं दुर्लभं ।
७५६९-२ सव्य्ॐआवयवस्य यस्य विदिता लोके प्रकाशस्थितिः श्रीसूर्यः क्षणसेवितोऽपि हि महादेवः स नस्त्रायतां ॥

७५७०-१ एकस्मिन्नेव जायेते कुले क्लीबमहारथौ ।
७५७०-२ फलाफलवती शाखे यथैकस्मिन्वनस्पतौ ॥

७५७१-१ एकस्मिन्मलयाचले बहुविधैः किं तैरकिंचित्करैः काकोलूककपोतकोकिलकुलैरेकोऽपि पार्श्वस्थितः ।
७५७१-२ केकी कूजति चेत्तदा विघटितव्यालावलीबन्धनः सेव्यः स्यादिह सर्वलोकमनसामानन्दनश्चन्दनः ॥

७५७२-१ एकस्मिन्यत्र निधनं प्रापिते दुष्टकारिणि ।
७५७२-२ बहूनां भवति क्षेमं तस्य पुण्यप्रदो वधः ॥

७५७३-१ एकस्मिन्विजिते चित्ते विजितं सकलं जगत् ।
७५७३-२ अजिते तु पुनस्तस्मिन्न पुत्रोऽपि विनिर्जितः ॥

७५७४-१ एकस्मिन्विनिपातितेऽपि शिरसि क्रोधोपशान्तिः कुतः किंतु स्वानुनयाय मूर्धनिधनं दृष्टं न यत्रारिणा ।
७५७४-२ त्वत्तो मूर्धबहुत्वतः फलमिदं सम्यङ्मया लभ्यते छिन्नं छिन्नमवेक्ष्य राक्षसपते स्वं दुर्नयं ज्ञास्यसि ॥

७५७५-१ एकस्मै पूर्णमन्यस्मै कृशं तुल्यगुणोदये ।
७५७५-२ भेदाद्यदर्पितं रागद्वेषदानेन तेन किं ॥

७५७६-१ एकस्य कर्म संवीक्ष्य करोत्यन्योऽपि गर्हितं ।
७५७६-२ गतानुगतिको लोको न लोकः पारमार्थिकः ॥

७५७७-१ एकस्य जन्मनोऽर्थे मूढाः कुर्वन्ति यानि पापानि ।
७५७७-२ जनयन्ति तानि दुःखं तेषां जन्मान्तरसहस्रं ॥

७५७८-१ एकस्य तस्य मन्ये धन्यामभ्युन्नतिं जलधरस्य ।
७५७८-२ विश्वं सशैलकाननं आननमालोकते यस्य ॥

७५७९-१ एकस्य दुःखस्य न यावदन्तं गच्छाम्यहं पारमिवार्णवस्य ।
७५७९-२ तावद्द्वितीयं समुपस्थितं मे छिद्रेष्वनर्था बहुलीभवन्ति ॥

७५८०-१ एकस्य विश्वपापेन तापेऽनन्ते निमज्जतः ।
७५८०-२ कः श्रौतस्यात्मनो भीरो भारः स्याद्दुरितेन ते ॥

७५८१-१ एकस्य सृष्टिः परमेश्वरस्य भिन्ना चतुर्धा विनियोगकाले ।
७५८१-२ भोगे भवानी समरेषु दुर्गा कोपेषु काली पुरुषेषु विष्णुः ॥

७५८२-१ एकस्य हि प्रसादेन कृत्स्नो लोकः प्रसीदति ।
७५८२-२ व्याकुलेनाकुलः सर्वो भवतीति विनिश्चयः ॥

७५८३-१ एकस्यापि न यः शक्तो मनसः सन्निबर्हणे ।
७५८३-२ महीं सागरपर्यन्तां कथं नु स विजेष्यते ॥

७५८४-१ एकस्यापि मनोभुवस्तदबलापाङ्गैर्जगन्निर्जये कामं निह्नुतसर्वविस्मयरसव्यक्तिप्रकारा वयं ।
७५८४-२ यस्त्वेनं सबलं च जेतुमभितस्तत्कम्पमात्रं भ्रुवोर् नारेभे सुगतस्तु तद्गुणकथा स्तम्भाय नः केवलं ॥

७५८५-१ एकस्याप्यतिथेरन्नं यः प्रदातुं न शक्तिमान् ।
७५८५-२ तस्यानेकपरिक्लेशे गृहे किं वसतः फलं ॥

७५८६-१ एकस्यायमुदेति मूर्धनि गिरेरन्यस्य चैव क्रमादस्तं याति कलानिधिस्तदुभयोरस्तः प्रशस्तोऽचलः ।
७५८६-२ को नामोदयिनं करोति न शिर्ॐआणिक्यमस्तं पुनर् यातं यः कुरुते भवानिव स दुष्प्रापोऽयमुच्चैःशिराः ॥

७५८७-१ एकस्यार्थाय यो हन्यादात्मनो वा परस्य वा ।
७५८७-२ बहून्वै प्राणिनोऽथैकं भवेत्तस्येह पातकं ॥

७५८८-१ सुखमेधन्ति बहवो यस्मिंस्तु निहते सति ।
७५८८-२ तस्मिन्हते नास्ति भद्रे पातकं नोपपातकं ॥

७५८९-१ एकस्यास्तपनकरैः करालिताया बिभ्राणः सपदि सितोष्णवारणत्वं ।
७५८९-२ सेवायै वदनसरोजनिर्जितश्रीर् आगत्य प्रियमिव चन्द्रमाश्चकार ॥

७५९०-१ एकस्यैव न पर्याप्तं अस्ति यद्ब्रह्मकोशजं ।
७५९०-२ आशया वर्द्धितस्यास्ति तस्याल्पमपि पूर्तिकृत् ॥

७५९१-१ एकां कृत्वा तनुमनुपमां चन्द्रचूडेन सार्धं यस्त्यक्तोऽर्धः सततविरहक्लेशभागी भवान्या ।
७५९१-२ तेनाङ्गानां रचितमुचितं संविभक्तेन कर्तुं नूनं दूनां तनुतनुलतां निर्ममे तां विरिञ्चिः ॥

७५९२-१ एकाकिना तपो द्वाभ्यां पठनं गायनं त्रिभिः ।
७५९२-२ चतुर्भिर्गमनं क्षेत्रं पञ्चभिर्बहुभी रणः ॥

७५९३-१ एकाकिना न गन्तव्यं यदि कार्यशतं भवेत् ।
७५९३-२ एककुक्कुटमात्रेण ब्राह्मणः परिरक्षितः ॥

७५९४-१ एकाकिना न गन्तव्यं यदि कार्यशतान्यपि ।
७५९४-२ कर्कटीजन्तुमात्रेण कालसर्पो निपातितः ॥

७५९५-१ एकाकिनि वनवासिन्य् अराजलक्ष्मण्यनीतिशास्त्रज्ञे ।
७५९५-२ सत्त्वोच्छ्रिते मृगपतौ राजेति गिरः परिणमन्ति ॥

७५९६-१ एकाकिनीं रहः क्षीबां लब्ध्वा दुर्लभयोषितं ।
७५९६-२ अप्रौढोऽनुपभुज्यान्यदिने दूत्यार्थयेत यः ॥

७५९७-१ विभूतिं रभसावाप्तां यश्च संत्यज्य तत्क्षणं ।
७५९७-२ नीत्या कामयतेऽन्येद्युः शोच्यस्ताभ्यां परोऽस्ति कः ॥

७५९८-१ एकाकिनी यदबला तरुणी तथाहं अस्मिन्गृहे गृहपतिश्च गतो विदेशं ।
७५९८-२ किं याचसे तदिह वासमियं वराकी श्वश्रूर्ममान्धबधिरा ननु मूढ पान्थ ॥

७५९९-१ एकाकिन्या मम गृहमिदं यामिको मामकोऽन्धः का मे नोदेत्यहह मनसस्तस्करेणात्र भीतिः ।
७५९९-२ दैवेनैवं यदि न सुखितः स्याः श्रमेण प्रसुप्तः पान्थ ब्रूमः किमिह सदृशो नैष नैशो निवासः ॥

७६००-१ एकाकी गृहसंत्यक्तः पाणिपात्रो दिगम्बरः ।
७६००-२ सोऽपि संबाध्यते लोके तृष्णया पश्य कौतुकं ॥

७६०१-१ एकाकी चिन्तयेन्नित्यं विविक्ते हितमात्मनः ।
७६०१-२ एकाकी चिन्तयानो हि परं श्रेयोऽधिगच्छति ॥

७६०२-१ एकाकी निःस्पृहः शान्तः पाणिपात्रो दिगम्बरः ।
७६०२-२ कदा शंभो भविष्यामि कर्मनिर्मूलनक्षमः ॥

७६०३-१ एकाक्षरप्रदातारं यो गुरुं नैव मन्यते ।
७६०३-२ श्वानयोनिशतं गत्वा चाण्डालेष्वभिजायते ॥

७६०४-१ एका गङ्गा प्रयागे मलयपरिसरे चन्दनं मौक्तिकाली कान्ताकण्ठे हिमांशुर्वियति सरसि श्वेतमब्जं तथास्याः ।
७६०४-२ कालिन्दी कालसर्पा मरकततरलो लाञ्छनं भृङ्गमालेत्य् एवं ते यत्र कीर्तिः परिणमति युता यत्र शत्रोरकीर्त्या ॥

७६०५-१ एकाग्निकर्म हवनं त्रेतायां यच्च हूयते ।
७६०५-२ अन्तर्वेद्यां च यद्दानं इष्टं तदभिधीयते ॥

७६०६-१ एकाग्रः स्यादविवृतो नित्यं विवरदर्शकः ।
७६०६-२ राजन्राज्यं सपत्नेषु नित्योद्विग्नः समाचरेत् ॥

७६०७-१ एकाग्रताथ संकल्पः स्नायुवद्वर्द्धनक्षमौ ।
७६०७-२ नित्याभ्यासप्रयोगाभ्यां अधिकाधिकमृध्यतः ॥

७६०८-१ एकाङ्घ्रिं विनिधाय कान्तचरणे तज्जानुदेशे परं लीलोदञ्चितमध्यमा करयुगेणावर्ज्य तत्कन्धरां ।
७६०८-२ वक्षस्तस्य घनोन्नतस्तनभरेणापीड्य गाढं रसादास्यं धन्यतमस्य पूर्णपुलका चन्द्रानना चुम्बति ॥

७६०९-१ एकातपत्रं जगतः प्रभुत्वं नवं वयः कान्तमिदं वपुश्च ।
७६०९-२ अल्पस्य हेतोर्बहु हातुमिच्छन् विचारमूढः प्रतिभासि मे त्वं ॥

७६१०-१ एकादशरुद्राणां एका गौरीत्यनौचितीं मत्वा ।
७६१०-२ राघव नृप तव यशसा दशापि गौरीकृता हरितः ॥

७६११-१ एकादशस्थे गोविन्दे सर्वेऽप्येकादशे स्थिताः ।
७६११-२ किं कुर्वन्ति ग्रहाः सर्वे शनिरङ्गारको रविः ॥

७६१२-१ एकादशाक्षरात्पादादेकैकाक्षरवर्धितैः ।
७६१२-२ खण्डैर्ध्रुवाः षोडश स्युः षड्विंशत्यक्षरावधि ॥

७६१३-१ एकानपाङ्गैरपरांस्तरङ्गैर् भ्रुवोर्विलासैरितरं च हासैः ।
७६१३-२ विमोहयन्त्यन्यमहो रहोभिः को वा कलां वेद कलावतीनां ॥

७६१४-१ एकान्तमन्दिरगतं मदनोपमेयं तल्पोपविष्टमतुलं रतिरूपरम्या ।
७६१४-२ बाला चकोरनयना नयनातिथिं तं कृत्वा नमद्वदनपङ्कजमाननाम ॥

७६१५-१ एकान्तशान्तमेकं मन्यन्ते मानवा निवासाख्यं ।
७६१५-२ उग्रस्य च शीतस्य च नाशकरं कार्ययुग्मस्य ॥

७६१६-१ एकान्तशीलस्य दृढव्रतस्य सर्वेन्द्रियप्रीतिनिवर्तकस्य ।
७६१६-२ अध्यात्मयोगे गतमानसस्य मोक्षो ध्रुवं नित्यमहिंसकस्य ॥

७६१७-१ एकान्तसुन्दरविधानजडः क्व वेधाः सर्वाङ्गकान्तिचतुरं क्व च रूपमस्याः ।
७६१७-२ मन्ये महेश्वरभयान्मकरध्वजेन प्राणार्थिना युवतिरूपमिदं गृहीतं ॥

७६१८-१ एकान्तेन हि सर्वेषां न शक्यं तात रोचितुं ।
७६१८-२ मित्रामित्रमथो मध्यं सर्वभूतेषु भारत ॥

७६१९-१ एकान्ते वनतो गृहं शशिमुखोऽप्यन्यादृशो दृश्यते क्षिप्रं साधय यातु पुत्रि सुदिने भुक्त्वान्यमावासकं ।
७६१९-२ श्वश्र्वा संभ्रमिता किलेति बहुशः संप्रेरयन्त्या वधूः पान्थं वीक्ष्य बभञ्ज सस्मितमुखी सैवार्धसिद्धौदनं ॥

७६२०-१ एकान्ते विजने देशे पवित्रे निरुपद्रवे ।
७६२०-२ कम्बलाजिनवस्त्राणां उपर्यासनमभ्यसेत् ॥

७६२१-१ एकान्ते विजने रम्ये पवित्रे निरुपद्रवे ।
७६२१-२ सुखासने समाधिः स्याद्वस्त्राजिनकुशोत्तरे ॥

७६२२-१ एकान्ते सुखमास्यता परतरे चेतः समाधीयतां प्राणात्मा सुसमीक्ष्यतां जगदिदं तद्व्यापितं दृश्यतां ।
७६२२-२ प्राक्कर्म प्रविलोप्यतां चितिबलान्नाप्युत्तरे श्लिष्यतां प्रारब्धं त्विह भुज्यतामथ परब्रह्मात्मनास्थीयतां ॥

७६२३-१ एकापवर्गसमये जगतोऽपवर्गः सर्वापवर्गसमये पुनरस्तशङ्कः ।
७६२३-२ ईदृग्विधं कमपि पक्षमिहावलम्ब्य स्थातुं सुखं क्षममनेन पथा प्रवृत्तैः ॥

७६२४-१ एकापि पञ्चशान्ता तारा वाञ्छाप्तये शुभासीना ।
७६२४-२ लाभ उभाभ्यामधिकस् तिस्रो राज्याय यात्रायां ॥

७६२५-१ एका प्रसूयते माता द्वितीया वाक्प्रसूयते ।
७६२५-२ वाग्जातमधिकं प्रोचुः सोदर्यादपि बान्धवात् ॥

७६२६-१ एका भार्या त्रयः पुत्रा द्वौ हलौ दश धेनवः ।
७६२६-२ कल्पकालावसानेऽपि न ते यास्यन्ति विक्रियां ॥

७६२७-१ एका भार्या त्रयः पुत्रा द्वौ हलौ दश धेनवः ।
७६२७-२ ग्रामेवासः पुरासत्रैः स्वर्गादपि मनोहरः ॥

७६२८-१ एका भार्या प्रकृतिमुखरा चञ्चला च द्वितीया पुत्रस्त्वेको भुवनविजयी मन्मथो दुर्निवारः ।
७६२८-२ शेषः शय्या शयनमुदधौ वाहनं पन्नगारिः स्मारं स्मारं स्वगृहचरितं दारुभूतो मुरारिः ॥

७६२९-१ एकाभूत्कुसुमायुधेषुधिरिव प्रव्यक्तपुङ्खावली जेतुर्मङ्गलपालिकेव पुलकैरन्या कपोलस्थली ।
७६२९-२ लोलाक्षीं क्षणमात्रभाविविरहक्लेशासहां पश्यतो द्रागाकर्णयतश्च वीर भवतः प्रौढाहवाडम्बरं ॥

७६३०-१ एका भूरुभयोरैक्यं उभयोर्दलकाण्डयोः ।
७६३०-२ शालिश्यामाकयोर्भेदः फलेन परिचीयते ॥

७६३१-१ एकामधीत्य विद्यां बिभेति बहुविद्यपरिषदं प्राप्तः ।
७६३१-२ क्वासन्नशस्त्रनिकरः कुत्रैकशरः पुनः पुरुषः ॥

७६३२-१ एकामिषप्रभवमेव सहोदराणां उज्जृम्भते जगति वैरमिति प्रसिद्धं ।
७६३२-२ पृथ्वीनिमित्तमभवत्कुरुपाण्डवानां तीव्रस्तथा हि भुवनक्षयकृद्विरोधः ॥

७६३३-१ एकामिषाभिलाषो हि बीजं वैरमहातरोः ।
७६३३-२ तिलोत्तमाभिलाषो हि यथा सुन्दोपसुन्दयोः ॥

७६३४-१ एकाम्भोधीकृतायां भुवि जगदखिलं निर्जनीकृत्य खेलन् देवः कालीसहायः प्रसभविहरणोन्मुक्तलीलाट्टहासः ।
७६३४-२ सद्यो दंष्ट्रांशुभिन्ने तमसि निजवपुर्बिम्बमालोक्य कस्त्वं कस्त्वं ब्रूहीति कोपादभिदधदभयं भैरवश्चेष्टतां वः ॥

७६३५-१ एकारिमित्रयोश्चेथ्परस्परं भूपयोर्भेदः ।
७६३५-२ तदुपरि परिणतनीतिः सुखमभियोगं करोतु गतभीतिः ॥

७६३६-१ एकारौकारयुक्ता हरिहरिजहराः पञ्च बाणाः स्मरस्य ख्याता लक्ष्याण्यमीषां हृदयकुचदृशो मूर्ध्नि गुह्ये क्रमेण ।
७६३६-२ मर्मस्वेतेषु भूयो निजनयनधनुःप्रेरितैस्तैः पतद्भिः स्यन्दन्ते सुन्दरीणां ज्वलदनलनिभैर्बिन्दवः कामवारां ॥

७६३७-१ एकार्थां सम्यगुद्दिश्य यात्रां यत्र हि गच्छतः ।
७६३७-२ य संहतप्रयाणस्तु सन्धिः संयोग उच्यते ॥

७६३८-१ एकार्थाभिनिवेशित्वं अरिलक्षणमुच्यते ।
७६३८-२ दारुणस्तु स्मृतः शत्रुर्विजिगीषुगुणान्वितः ॥

७६३९-१ एकावलीकलितमौक्तिककैतवेन कस्याश्चिदुन्नतपयोधरयुग्मसेवां ।
७६३९-२ चक्रुर्मनांसि यमिनामतिनिर्मलानि कंदर्पमुक्तशरपातकृतान्तराणि ॥

७६४०-१ एकावस्थितिरस्तु वः पुरमुरप्रद्वेषिणोर्देवयोः प्रालेयाञ्जनशैलशृङ्गसुभगच्छायाङ्गयोः श्रेयसे ।
७६४०-२ तार्क्ष्यत्रासविहस्तपन्नगफटा यस्यां जटापालयो बालेन्दुद्युतिकोशसुप्तजलजो यस्यां च नाभीह्रदः ॥

७६४१-१ एका वा दुग्धिका तुम्बी शङ्खपुष्पी जटा धृता ।
७६४१-२ कण्ठदन्तोद्भवा भूतवेदनाहरणक्षमा ॥

७६४२-१ एकासनस्था जलवायुभक्षा मुमुक्षवस्त्यक्तपरिग्रहाश्च ।
७६४२-२ पृच्छन्ति तेऽप्यम्बरचारिचारं दैवज्ञमन्ये किमुतार्थचित्ताः ॥

७६४३-१ एकाहं जपहीनस्तु सन्ध्याहीनो दिनत्रयं ।
७६४३-२ द्वादशाहमनग्निस्तु शूद्र एव न संशयः ॥

७६४४-१ एकाहनिष्पन्नमहाप्रबन्धः श्रीसिद्धराजप्रतिपन्नबन्धुः ।
७६४४-२ श्रीपालनामा कविचक्रवर्त्ती प्रशस्तिमेतामकरोत्प्रशस्तां ॥

७६४५-१ एकाहमपि कौन्तेय भूयिष्ठमुदकं कुरु ।
७६४५-२ कुलं तारयते तात सप्त सप्त च सप्त च ॥

७६४६-१ एकाहारेण संतुष्टः षट्कर्मनिरतः सदा ।
७६४६-२ ऋतुकालाभिगामी च स विप्रो द्विज उच्यते ॥

७६४७-१ एकिकेव निजवृन्दमध्यगाप्य् उच्चुकूज सभयं सितच्छदी ।
७६४७-२ दन्तमूलमसकृच्च संशयादाममर्श करिणः करेणुका ॥

७६४८-१ एकीकृतस्त्वचि निषिक्त इवावपीड्य निर्भुग्नपीनकुचकुड्मलयानया मे ।
७६४८-२ कर्पूरहारहरिचन्दनचन्द्रकान्त- निष्यन्दशैवलमृणालहिमादिवर्गः ॥

७६४९-१ एकीकृत्य किमोषधीपतिरसैराकाशभाण्डोदरे फुल्लत्पङ्कजिनीजनाम्बुजमुखध्मातैः समन्तान्मुहुः ।
७६४९-२ काष्ठोत्थारुणदीप्तिवह्निपटलैराताप्य सम्यग्भृशं तारापारदमारणं वितनुते वैद्योऽनवद्यो रविः ॥

७६५०-१ एकीभावं गतयोर् जलपयसोर्मित्रचेतसोश्चैव ।
७६५०-२ व्यतिरेककृतौ शक्तिर् हंसानां दुर्जनानां च ॥

७६५१-१ एकीभूय स्फुटमिव किमप्याचरद्भिः प्रलीनैर् एभिर्भूतैः स्मर कति कृताः स्वान्त ते विप्रलम्भाः ।
७६५१-२ तस्मादेषां त्यज परिचयं चिन्तय स्वव्यवस्थां आभाषस्ते किमु न विदितः खण्डितः पण्डितः स्यात् ॥

७६५२-१ एके कुटीरकोणेऽपि न लक्ष्यन्ते स्थिताः क्वचित् ।
७६५२-२ अन्येषां विभवस्यैतद्ब्रह्माण्डमपि संकटं ॥

७६५३-१ एके केचित्यतिकरगताः पात्रसंज्ञां लभन्ते गायन्त्यन्ये सरसमधुरं वीणया संप्रयुक्ताः ।
७६५३-२ एके तेषां सहगतिवशाद्दुस्तरं तारयन्ति केचित्तेषां ज्वलितहृदया रक्तमेवापिबन्ति ॥

७६५४-१ एके तुम्बा व्रतिकरगताः पात्रतामानयन्ति गायन्त्यन्ये सरसमधुरं शुद्धवंशे विलग्नाः ।
७६५४-२ एके तावद्ग्रथितसगुणा दुस्तरं तारयन्ति तेषां मध्ये ज्वलितहृदया रक्तमेके पिबन्ति ॥

७६५५-१ एकेऽद्य प्रातरपरे पश्चादन्ये पुनः परे ।
७६५५-२ सर्वे निःसीम्नि संसारे यान्ति कः केन शोच्यते ॥

७६५६-१ एकेन केनचिदनर्घमणिप्रभेण काव्यं चमत्कृतिपदेन विना सुवर्णं ।
७६५६-२ निर्दोषलेशमपि रोहति कस्य चित्ते लावण्यहीनमिव यौवनमङ्गनानां ॥

७६५७-१ एकेन केनापि गुणेन नीचोऽप्य् उच्चैः प्रतिष्ठां लभते जगत्सु ।
७६५७-२ दृष्टान्तमग्रे मृदुताप्रसिद्धो दोषाकरोऽप्युच्चपदं प्रपन्नः ॥

७६५८-१ एकेन चुलुकेनाब्धिर्निपीतः कुम्भयोनिना ।
७६५८-२ तस्योदयेऽतः कालुष्यं त्यजन्त्यापो भयादिव ॥

७६५९-१ एकेन चूर्णकुन्तलं अपरेण करेण चिबुकमुन्नमयन् ।
७६५९-२ पश्यामि बाष्पधौत- श्रुति नगरद्वारि तद्वदनं ॥

७६६०-१ एकेन चेत्परिहृतोऽसि महेश्वरेण किं खेदमावहसि केतक निर्गुणोऽसौ ।
७६६०-२ अन्ये न किं जगति सन्ति परं गुणज्ञा ये त्वां वहन्ति शिरसा नरदेवदेवाः ॥

७६६१-१ एकेन तिष्ठताधस्तादन्येनोपरि तिष्ठता ।
७६६१-२ दातृयाचकयोर्भेदः कराभ्यामेव सूचितः ॥

७६६२-१ एकेन प्रियसाक्षिणा जितवती वीणां वचोभिर्निजैर् गत्या मन्दिर एव विश्वगमनं हंसं जिगायाचिरात् ।
७६६२-२ वक्त्रेणाद्वयमोदिनेन्दुमजयत्सर्वप्रमोदप्रदं दृष्ट्या लक्ष्यपदाग्रयेव दलयत्यम्भोरुहाणां मदं ॥

७६६३-१ एकेन राजहंसेन या शोभा सरसोऽभवत् ।
७६६३-२ न सा बकसहस्रेण परितस्तीरवासिना ॥

७६६४-१ एकेन र्ॐअनालेन जातं पङ्केरुहद्वयं ।
७६६४-२ ज्ञात्वाधो धनमस्यास्ति खनन्ति निशि रागिणः ॥

७६६५-१ एकेन शुष्कवृक्षेण दह्यमानेन वह्निना ।
७६६५-२ दह्यते तद्वनं सर्वं कुपुत्रेण कुलं यथा ॥

७६६६-१ एकेन संधिः कलहोऽपरेण कार्योऽभितो वा प्रसमीक्ष्य वृद्धिं ।
७६६६-२ एवं प्रयुञ्जीत जिगीषुरेता नीतीर्विजानन्नहितात्मसारं ॥

७६६७-१ एकेन स्मितपाटलाधररुचो जल्पन्त्यनल्पाक्षरं वीक्षन्तेऽन्यमितः स्फुटत्कुमुदिनीफुल्लोल्लसल्लोचनाः ।
७६६७-२ दूरोदारचरित्रचित्रविभवं ध्यायन्ति चान्यं धिया केनेत्थं परमार्थतोऽर्थवदिव प्रेमास्ति वामभ्रुवां ॥

७६६८-१ एकेनांशेन धर्मार्थः कर्तव्यो भूतिमिच्छता ।
७६६८-२ एकेनांशेन कामार्थ एकमंशं विवर्धयेत् ॥

७६६९-१ एकेनाक्ष्णा परिततरुषा वीक्षते व्य्ॐअसंस्थं भानोर्बिम्बं सजललुलितेनापरेणात्मकान्तं ।
७६६९-२ अह्नश्छेदे दयितविरहा शङ्किनी चक्रवाकी द्वौ संकीर्णौ रचयति रसौ नर्तकीव प्रगल्भा ॥

७६७०-१ एकेनापाति लत्ता पतिवपुषि परेणापि पीतः पिता ते भ्रातान्येनापि शप्तस्त्रिभुवनतलतोऽन्येन निर्वासितासि ।
७६७०-२ सद्यः श्रीवीरभूपस्तृणमिव मनुते त्वां सरोजालये यन् मातस्तज्जातिमात्रप्रणयिनि मयि तन्मा स्म कोपं विदध्याः ॥

७६७१-१ एकेनापाति लत्ता पतिवपुषि परेणापि पीतोऽस्ति तातो भ्राता शप्तः परेण त्रिभुवनतलतोऽन्येन निष्कासितासि ।
७६७१-२ छन्नं गेहं परेणाऽकलि च तदपरेणास्ति सापत्न्यशीला तस्मान्नित्यं द्विजेभ्यो मधुरिपुमहिले त्वं वियुक्तासि मन्ये ॥

७६७२-१ एकेनापि गुणवता जातिविशुद्धेन चारुकृत्येन ।
७६७२-२ स्वकुलमलंकृतमखिलं मुकुटं मुक्ताफलेनेव ॥

७६७३-१ एकेनापि गुणवता विद्यायुक्तेन साधुना ।
७६७३-२ कुलं पुरुषसिंहेन चन्द्रेणेव प्रकाश्यते ॥

७६७४-१ एकेनापि गुणेनर्द्धो लभते स्पृहणीयतां ।
७६७४-२ काकल्यैव पिको लोकैर्मोद्यते मलिनोऽप्यसौ ॥

७६७५-१ एकेनापि गुणेनाहो स्पृहणीयो नरो भवेत् ।
७६७५-२ कलाभृत्त्येन रुचिरश्चन्द्रो दोषाकरोऽपि सन् ॥

७६७६-१ एकेनापि पयोधिना जलमुचस्ते पूरिताः कोटिशो जातो नास्य कुशाग्रलीनतुहिनश्लक्ष्णोऽपि तोयव्ययः ।
७६७६-२ आहो शुष्यति दैवदृष्टिवलनादम्भोभिरम्भ्ॐउचः संभूयापि विधातुमस्य रजसि स्तैमित्यमप्यक्षमाः ॥

७६७७-१ एकेनापि विनीतेन सुतेनोद्ध्रियते कुलं ।
७६७७-२ गङ्गावतारणापारप्रथं पश्य भगीरथं ॥

७६७८-१ एकेनापि सुधीरेण सोत्साहेन रणं प्रति ।
७६७८-२ सोत्साहं जायते सैन्यं भग्ने भङ्गमवाप्नुयात् ॥

७६७९-१ अत एव हि वाञ्छन्ति भूपा योधान्महाबलान् ।
७६७९-२ शूरान्धीरान्कृतोत्साहान्वर्जयन्ति च कातरान् ॥

७६८०-१ एकेनापि सुपुत्रेण जायमानेन सत्कुलं ।
७६८०-२ शशिना चैव गगनं सर्वदैवोज्ज्वलीकृतं ॥

७६८१-१ एकेनापि सुपुत्रेण विद्यायुक्तेन साधुना ।
७६८१-२ आह्लादितं कुलं सर्वं यथा चन्द्रेण शर्वरी ॥

७६८२-१ एकेनापि सुपुत्रेण विद्यायुक्तेन साधुना ।
७६८२-२ कुलमुज्ज्वलतां याति चन्द्रेण गगनं यथा ॥

७६८३-१ एकेनापि सुपुत्रेण सिंही स्वपिति निर्भयं ।
७६८३-२ सहैव दशभिः पुत्रैर्भारं वहति गर्दभी ॥

७६८४-१ एकेनापि सुवृक्षेण पुष्पितेन सुगन्धिना ।
७६८४-२ वासितं तद्वनं सर्वं सुपुत्रेण कुलं यथा ॥

७६८५-१ एकेनापि हि शूरेण पादाक्रान्तं महीतलं ।
७६८५-२ क्रियते भास्करेणेव स्फारस्फुरिततेजसा ॥

७६८६-१ एकेनैव चिराय कृष्ण भवता गोवर्धनोऽयं धृतः श्रान्तोऽसि क्षणमास्स्व सांप्रतममी सर्वे वयं दध्महे ।
७६८६-२ इत्युल्लासितदोष्णि गोपनिवहे किंचिद्भुजाकुण्चन- न्यञ्चच्छैलभरार्दिते विरमति स्मेरो हरिः पातु वः ॥

७६८७-१ एकेनैव हि कश्चिद्गुणेन जगति प्रसिद्धिमुपयाति ।
७६८७-२ एकेन करेण गजः करी न सूर्यः सहस्रेण ॥

७६८८-१ एकेनोद्धृत्य खङ्गं हृदि पतितमिषुं पाणिनैकेन भञ्जन् भ्रूभेदालंकृतास्यः सरभसनयनः स्पष्टदष्टाधरोष्ठः ।
७६८८-२ भीतैः क्रव्यादवृन्दैरनुपहततनुः कुञ्जरेन्द्रोपधानः शेते योधप्रधानो यदि मरणमिदं लभ्यते किं जयेन ॥

७६८९-१ एकेयं रसना न शब्दमभजद्भेजेऽनुवारं परा नेत्रं किंचिदनूरुसङ्गमभवज्जातोरुसङ्गं परं ।
७६८९-२ रागः कश्चन निर्जगाम हृदयात्तस्थौ तथैवापरो बाह्ये सत्पुलकोऽन्तरे विपुलको जातोऽङ्कभूसंभ्रमः ॥

७६९०-१ एके वारिनिधौ प्रवेशमपरे लोकान्तरालोकनं केचित्पावकयोगितां निजगदुः क्षीणेऽह्नि चण्डार्चिषः ।
७६९०-२ मिथ्या चैतदसाक्षिकं प्रियसखि प्रत्यक्षतीव्रातपं मन्येऽहं पुनरध्वनीनरमणीचेतोऽधिशेते रविः ॥

७६९१-१ एकेषां वाचि शुकवदन्येषां हृदि मूकवत् ।
७६९१-२ हृदि वाचि तथान्येषां वल्गु वल्गन्ति सूक्तयः ॥

७६९२-१ एके सत्पुरुषाः परार्थघटकाः स्वार्थं परित्यज्य ये सामान्यास्तु परार्थमुद्यमभृतः स्वार्थाविरोधेन ये ।
७६९२-२ तेऽमी मानुषराक्षसाः परहितं स्वार्थाय निघ्नन्ति ये ये तु घ्नन्ति निरर्थकं परहितं ते के न जामीमहे ॥

७६९३-१ एकैकमक्षविषयं भजताममीषां संपद्यते यदि कृतान्तगृहातिथित्वं ।
७६९३-२ पञ्चाक्षगोचररतस्य किमस्ति वाच्यं अक्षार्थमित्यमलधीरधियस्त्यजन्ति ॥

७६९४-१ एकैकशोऽपि निघ्नन्ति विषया विषसंनिभाः ।
७६९४-२ क्षेमी तु स कथं नु स्याद्यः समं पञ्च सेवते ॥

७६९५-१ एकैकशो युवजनं विलङ्घमानाक्षनिकरमिव तरला ।
७६९५-२ विश्राम्यति सुभग त्वां अङ्गुलिरासाद्य मेरुमिव ॥

७६९६-१ एकैकशो विनिघ्नन्ति विषया विषसंनिभाः ।
७६९६-२ किं पुनः पञ्च मिलिताः न कथं नाशयन्ति हि ॥

७६९७-१ एकैकस्य यदादाय पुष्पस्य मधु संचितं ।
७६९७-२ किंचिन्मधुकरीवर्गैस्तदप्यश्नन्ति निर्घृणाः ॥

७६९८-१ एकैकस्य शरस्यैव चतुष्पक्षाणि योजयेत् ।
७६९८-२ षडङ्गुलप्रमाणेन पक्षच्छेदं च कारयेत् ॥

७६९९-१ एकैकस्योपकारस्य प्राणान्दास्यामि ते कपे ।
७६९९-२ प्रत्यहं क्रियमाणस्य शेषस्य ऋणिनो वयं ॥

७७००-१ एकैकातिशयालवः परगुणज्ञानैकवैज्ञानिकाः सन्त्येते धनिकाः कलासु सकलास्वाचार्यचर्याचणाः ।
७७००-२ अप्येते सुमनोगिरां निशमनाद्बिभ्यत्यहो श्लाघया धूते मूर्धनि कुण्डले कषणतः क्षीणे भवेतामिति ॥

७७०१-१ एकैकोऽसंख्यजीवानां घाततो मधुनः कणः ।
७७०१-२ निष्पद्यते यतस्तेन मध्वश्नाति कथं बुधः ॥

७७०२-१ एकैव कविता पुंसां ग्रामायाश्वाय हस्तिने ।
७७०२-२ अन्ततोऽन्नाय वस्त्राय ताम्बूलाय च कल्पते ॥

७७०३-१ एकैव काचिन्महतामवस्था सूक्ष्माणि वस्त्राण्यथवा च कन्था ।
७७०३-२ कराग्रलग्नाभिनवा च बाला गङ्गातरङ्गेष्वथवाक्षमाला ॥

७७०४-१ एकैव दण्डनीतिस्तु विद्येत्यौशनसाः स्थिताः ।
७७०४-२ तस्यां हि सर्वविद्यानां आरम्भाः संप्रतिष्ठिताः ॥

७७०५-१ एकैव संगमे बाला वियोगे तन्मयं जगत् ।
७७०५-२ कृतोपकार एवायं वियोगः केन निन्द्यते ॥

७७०६-१ एकैव सामृतमयी सुतरामनर्घ्या काप्यस्त्यसौ हिमकरस्य कला ययैव ।
७७०६-२ आरोपितो गुणविदा परमेश्वरेण चूडामणौ न गणितोऽस्य कलङ्कदोषः ॥

७७०७-१ एकैव सार्थका चिन्ता धर्मस्यार्थे विचिन्त्यते ।
७७०७-२ द्वितीया सार्थका चिन्ता योगिनां धर्मनन्दिनी ॥

७७०८-१ एकैश्वर्ये स्थितोऽपि प्रणतबहुफले यः स्वयं कृत्तिवासाः कान्तासंमिश्रदेहोऽप्यविषयमनसां यः परस्ताद्यतीनां ।
७७०८-२ अष्टाभिर्यस्य कृत्स्नं जगदपि तनुभिर्बिभ्रतो नाभिमानः सन्मार्गालोकनाय व्यपनयतु स वस्तामसीं वृत्तिमीशः ॥

७७०९-१ एको गिरिशः स्वामी गणता तुल्यैव वल्लभत्वं च ।
७७०९-२ किं कुर्मः कर्मगतौ शुष्यति भृङ्गी विनायकः पीनः ॥

७७१०-१ एको गोत्रे पुमान्प्रोक्तः प्राक्तनैः स्वकुटुम्बभृत् ।
७७१०-२ एकोऽप्यनेकः पुरुषः परेषां भरणक्षमः ॥

७७११-१ एको जयति सद्वृत्तः किं पुनर्द्वौ सुसंहतौ ।
७७११-२ किं चित्रं यदि तन्वङ्ग्याः स्तनाभ्यां निर्जितं जगत् ॥

७७१२-१ एको जीवो बहवो देहा एकं तत्त्वं बहवो मोहाः ।
७७१२-२ एका विद्या बहुपाषण्डा विबुधैः क्रियते किमिति वितण्डा ॥

७७१३-१ एकोदरसमुद्भूता एकनक्षत्रजातकाः ।
७७१३-२ न भवन्ति समाः शीले यथा बदरकण्टकाः ॥

७७१४-१ एकोदराः पृथग्ग्रीवा अन्यान्यफलभक्षिणः ।
७७१४-२ असंहता विनश्यन्ति भारुण्डा इव पक्षिणः ॥

७७१५-१ एको दाशरथिः कामं यातुधानाः सहस्रशः ।
७७१५-२ ते तु यावन्त एवाजौ तावांश्च ददृशे स तैः ॥

७७१६-१ एको देवः केशवो वा शिवो वा एकं मित्रं भूपतिर्वा यतिर्वा ।
७७१६-२ एको वासः पत्तने वा वने वा एका भार्या सुन्दरी वा दरी वा ॥

७७१७-१ एको धर्मः परं श्रेयः क्षमैका शान्तिरुत्तमा ।
७७१७-२ विद्यैका परमा दृष्टिरहिंसैका सुखावहा ॥

७७१८-१ एको न रोपितो यावदुत्पन्नोऽयं व्रणोऽपरः ।
७७१८-२ सत्यः प्रवादो यच्छिद्रेष्वनर्था यान्ति भूरितां ॥

७७१९-१ एकोना विंशतिः स्त्रीणां स्नानार्थं सरयूं गता ।
७७१९-२ विंशतिः पुनरायाता एको व्याघ्रेण भक्षितः ॥

७७२०-१ एकोना विंशतिर्नार्यः क्रीडां कर्तुं वने गताः ।
७७२०-२ विंशतिर्गृहमायाताः शेषो व्याघ्रेण भक्षितः ॥

७७२१-१ एको नेता क्षत्रियो वा द्विजो वा चैका विद्यान्वीक्षिकी वा त्रयी वा ।
७७२१-२ एका भार्या वंशजा वा प्रिया वाप्य् एकं मित्रं भूपतिर्वा यतिर्वा ॥

७७२२-१ एकोऽन्ते द्विसमस्त्रिलोचन इति ख्यातश्चतुर्भिः स्तुतो वेदैः पञ्चमुखः षडाननपिता सप्तर्षिभिर्वन्दितः ।
७७२२-२ अष्टाङ्गो नवतुल्य आमरगणे वासो दशाशा दधथ्स्वश्चैकादश सोऽवतान्न विजितो यो द्वादशात्मांशुभिः ॥

७७२३-१ एकोऽपि कृष्णस्य कृतः प्रणामो दशाश्वमेधावभृथेन तुल्यः ।
७७२३-२ दशाश्वमेधी पुनरेति जन्म कृष्णप्रणामी न पुनर्भवाय ॥

७७२४-१ एकोऽपि कोऽपि सेव्यो यः क्षीणं क्षीणं पुनर्नवं ।
७७२४-२ अनुद्विग्नं करोत्येव सूर्यश्चन्द्रमसं यथा ॥

७७२५-१ एकोऽपि गुणवान्पुत्रो निर्गुणेन शतेन किं ।
७७२५-२ एकश्चन्द्रस्तमो हन्ति न च ताराः सहस्रशः ॥

७७२६-१ एकोऽपि गुणवान्पुत्रो निर्गुणैः किं शतैरपि ।
७७२६-२ एकश्चन्द्रो जगन्नेत्रं नक्षत्रैः किं प्रयोजनं ॥

७७२७-१ एकोऽपि गुणवान्पुत्रो मा निर्गुणशतं भवेत् ।
७७२७-२ एकश्चन्द्रस्तमो हन्ति न च ताराः सहस्रशः ॥

७७२८-१ एकोऽपि जीयते हन्त कालिदासो न केनचित् ।
७७२८-२ शृङ्गारे ललितोद्गारे कालिदासत्रयी किमु ॥

७७२९-१ एकोऽपि त्रय इव भाति कन्दुकोऽयं कान्तायाः करतलरागरक्तरक्तः ।
७७२९-२ भूमौ तच्चरणनखांशुगौरगौरः स्वःस्थः सन्नयनमरीचिनीलनीलः ॥

७७३०-१ एकोऽपि यः सकलकार्यविधौ समर्थः सत्त्वाधिको भवतु किं बहुभिः प्रसूतैः ।
७७३०-२ चन्द्रः प्रकाशयति दिङ्मुखमण्डलानि तारागणः समुदितोऽप्यसमर्थ एव ॥

७७३१-१ एकोऽपि यत्र नगरे प्रसिद्धः स्याद्धनुर्घरः ।
७७३१-२ ततो यान्त्यरयो दूरं मृगाः सिंहगृहादिव ॥

७७३२-१ एकोऽपि वारणपतिर्द्विषतामनीकं युक्तं निहन्ति मदसत्त्वगुणोपपन्नः ।
७७३२-२ नागेषु हि क्षितिभृतां विजयो निबद्धस् तस्माद्गजाधिकबलो नृपतिः सदा स्यात् ॥

७७३३-१ एकोऽपि सिंहः साहस्रं यूथं मथ्नाति दन्तिनां ।
७७३३-२ तस्मात्सिंहमिवोदारं आत्मानं वीक्ष्य संपतेत् ॥

७७३४-१ एकोऽप्यमात्यो मेधावी शूरो दक्षो विचक्षणः ।
७७३४-२ राजानं राजमात्रं वा प्रापयेन्महतीं श्रियं ॥

७७३५-१ एको बटुर्दर्भकुशाग्रपाणिर् वने वनैः सिञ्चति बालचूतान् ।
७७३५-२ आम्राश्च सिक्ताः पितरश्च तृप्ता एका क्रिया द्व्यर्थकरी प्रसिद्धा ॥

७७३६-१ एको बहूनां मूर्खाणां मध्ये निपतितो बुधः ।
७७३६-२ पद्मः पाथस्तरङ्गाणां इव विप्लवते ध्रुवं ॥

७७३७-१ एको बाणः स्फुरति वलितालोकनं कामिनीनां कामस्यान्यो मलयपवनः कामिनां मर्मभेदी ।
७७३७-२ वीणावेणुक्वणितमपरश्चूतपुष्पं तुरीयः सर्वोत्कण्ठप्रथमसचिवः पञ्चमः पञ्चमोऽपि ॥

७७३८-१ एको भवान्मम समं दश वा नमन्ति ज्याघोषपूरितवियन्ति शरासनानि ।
७७३८-२ तल्लोकपालसहितः सह लक्ष्मणेन चापं गृहाण सदृशं क्षणमस्तु युद्धं ॥

७७३९-१ एको भावः सदा शस्तो यतीनां भावितात्मनां ।
७७३९-२ श्रीलुब्धानां न लोकानां विशेषेण महीभुजां ॥

७७४०-१ एकोऽभूत्पुलिनात्ततस्तु नलिनाच्चान्योऽपि नाकोरभूथ्प्राच्यास्ते त्रय एव दिव्यकवयो दीव्यन्तु देव्या गिरा ।
७७४०-२ अर्वाञ्चो यदि गद्यपद्यरचनाचातुर्यवागुद्धतास् तान्सर्वानतिशय्य खेलतितरां शाकल्लमल्लः कविः ॥

७७४१-१ एकोऽभून्नलिनात्ततश्च पुलिनाद्वल्मीकतश्चापरस् ते सर्वे कवयो भवन्ति गुरवस्तेभ्यो नमस्कुर्महे ।
७७४१-२ अर्वाञ्चो यदि गद्यपद्यरचनैश्चेतश्चमत्कुर्वते तेषां मूर्ध्नि ददामि वामचरणं कर्णाटराजप्रिया ॥

७७४२-१ एको भेकः परममुदितः प्राप्य गोष्पादनीरं को मे को मे रटति सततं स्पर्द्धया वाक्यमुच्चैः ।
७७४२-२ गङ्गादीनां सकलसरितां प्राप्य तोयं समुद्रः किंचिद्गर्वं न वहति महान्प्रायशो भूरि रत्नैः ॥

७७४३-१ एको मे शाश्वतात्मा सुखमसुखभुजो ज्ञानदृष्टिस्वभावो नान्यत्किंचिन्निजं मे तनुधनकरणभ्रातृभार्यासुखादि ।
७७४३-२ कर्मोद्भूतं समस्तं चपलमसुखदं तत्र मोहो मुधा मे पर्यालोच्येति जीव स्वहितमवितथं मुक्तिमार्गं श्रय त्वं ॥

७७४४-१ एकोऽम्बुधिर्जगति जीवति येन तानि तावन्ति हन्त सलिलानि समुच्चितानि ।
७७४४-२ येभ्यः कथंचिदपि किंचिदमी पयोदाः पीत्वा चिराय धरणीमपि तर्पयन्ति ॥

७७४५-१ एको रविरतितेजा अतिशूरः केसरी वने वासी ।
७७४५-२ अतिविपुलं खं शून्यं ह्यतिगम्भीरोऽम्बुधिः क्षारः ॥

७७४६-१ एको रसः करुण एव निमित्त भेदाद्भिन्नः पृथक्पृथगिवाश्रयते विवर्तान् ।
७७४६-२ आवर्तबुद्बुदतरङ्गमयान्विकारान् अम्भो यथा सलिलमेव हि तत्समस्तं ॥

७७४७-१ एको रागिषु राजते प्रियतमादेहार्धहारी हरो नीरागेषु जिनो विमुक्तललनासङ्गो न यस्मात्परः ।
७७४७-२ दुर्वारस्मरबाणपन्नगविषव्यासङ्गमुग्धो जनः शेषः कामविडम्बितो हि विषयान्भोक्तुं न मोक्तुं क्षमः ॥

७७४८-१ एकोऽर्थं विमृशेदेको धर्मे प्रकुरुते मनः ।
७७४८-२ एकः कार्याणि कुरुते तमाहुर्मध्यमं नरं ॥

७७४९-१ एको ललाटे द्वौ मूर्ध्नि द्वौ द्वौ पार्श्वोपपार्श्वयोः ।
७७४९-२ द्वौ च वक्षसि विज्ञेयौ प्रयाणे चैक एव तु ॥

७७५०-१ एको लोभो महाग्राहो लोभात्पापं प्रवर्तते ।
७७५०-२ ततः पापादधर्माप्तिस्ततो दुःखं प्रवर्तते ॥

७७५१-१ एको वित्तवतः सूनुः पितृहीनः सुयौवने ।
७७५१-२ मुग्धे भूभुजि कायस्थः कामिस्पर्धी वणिक्सुतः ॥

७७५२-१ नित्यातुरामात्यवैद्यप्रसिद्धस्य गुरोः सुतः ।
७७५२-२ … … प्रच्छन्नकामो जटाधरः ॥

७७५३-१ नपुंसकप्रवादस्य प्रशमार्थी फलाशनः ।
७७५३-२ मत्तो धूर्तसहायश्च राजसूनुर्निरङ्कुशः ॥

७७५४-१ ग्राम्यो धातृद्विजसुतः प्राप्तलाभश्च गायनः ।
७७५४-२ सद्यः सार्थपतिः प्राप्तः श्रीमान्दैवपरायणः ॥

७७५५-१ गतानुगतिको मूर्खः शास्त्रोन्मादश्च पण्डितः ।
७७५५-२ नित्यक्षीबश्च वेश्यानां जङ्गमाः कल्पपादपाः ॥

७७५६-१ एको विश्वसतां हराम्यपघृणः प्राणानहं प्राणिनां इत्येवं परिचिन्त्य मात्ममनसि व्याधानुतापं कृथाः ।
७७५६-२ भूपानां भवनेषु किं च विमलक्षेत्रेषु गूढाशयाः साधूनामरयो वसन्ति कति न त्वत्तुल्यकक्षा नराः ॥

७७५७-१ एको वैश्यश्च द्वौ शूद्रौ ब्राह्मणास्त्रय एव च ।
७७५७-२ विद्योपजीविनः पञ्च न गच्छेयुः समं स्वयं ॥

७७५७आ-१ एको वैश्यो द्वौ च शूद्रौ क्षत्रियाः सप्त पञ्च वा ।
७७५७आ-२ नव नार्यो न गच्छेयुः न गच्छेद्ब्राह्मणत्रयं ॥

७७५८-१ एकोऽहमसहायोऽहं कृशोऽहमपरिच्छदः ।
७७५८-२ स्वप्नेऽप्येवंविधा चिन्ता मृगेन्द्रस्य न जायते ॥

७७५९-१ एकोऽहमस्मीति च मन्यसे त्वं न हृच्छयं वेत्सि मुनिं पुराणं ।
७७५९-२ यो वेदिता कर्मणः पापकस्य यस्यान्तिके त्वं वृजिनं करोषि ॥

७७६०-१ एकोऽहमस्मीत्यात्मानं यत्त्वं कल्याण मन्यसे ।
७७६०-२ नित्यं स्थितस्ते हृद्येष पुण्यपापेक्षिता मुनिः ॥

७७६१-१ एको हरः प्रियाधर- गुणवेदी दिविषदोऽपरे मूढाः ।
७७६१-२ विषममृतं वा सममिति यः पश्यन्गरलमेव पपौ ॥

७७६२-१ एको हि कुरुते पापं कालपाशवशं गतः ।
७७६२-२ नीचेनात्मापचारेण कुलं तेन विनश्यति ॥

७७६३-१ एको हि खञ्जनवरो नलिनीदलस्थो दृष्टः करोति चतुरङ्गबलाधिपत्यं ।
७७६३-२ किं मे करिष्यति भवद्वदनारविन्दे जानामि नो नयनखञ्जनयुग्ममेतत् ॥

७७६४-१ एको हि दोषो गुणसंनिपाते निमज्जतीत्येतदयुक्तमुक्तं ।
७७६४-२ रूपादिकान्सर्वगुणान्निहन्ति किं मौर्ख्यमेकं न शरीरभाजां ॥

७७६५-१ एको हि दोषो गुणसंनिपाते निमज्जतीन्दोः किरणेष्विवाङ्कः ।
७७६५-२ केनापि नूनं कविना च दृष्टं दारिद्र्यमेकं गुणराशिनाशि ॥

७७६६-१ एको ह्यमात्यो मेधावी शूरो दान्तो विचक्षणः ।
७७६६-२ राजानं राजपुत्रं वा प्रापयेन्महतीं श्रियं ॥

७७६७-१ एणः क्रीडति शूकरश्च खनति द्वीपी च गर्वायते क्रोष्टा क्रन्दति वल्गते च शशको वेगाद्रुरुर्धावति ।
७७६७-२ निःशङ्कः करिपोतकस्तरुलतामुन्मोटते लीलया हंहो सिंह विना त्वयाद्य विपिने कीदृग्दशा वर्तते ॥

७७६८-१ एणश्रेणिः शशकनिकरः शल्लकीनां कदम्बं कोलव्यूहः स्पृशति सुखितां यत्र तत्रापि कुञ्जे ।
७७६८-२ को नामास्मिन्बत हतवने पादपस्तादृगुच्चैर् यस्य च्छायामयमधिवसत्युष्णरुग्णो गजेन्द्रः ॥

७७६९-१ एणाक्षीस्पृहयालुता न कथमप्यास्ते विवेकोदयान् नित्यं प्रच्युतिशङ्कया क्षणमपि स्वर्गे न मोदामहे ।
७७६९-२ अप्यन्येषु विनाशिवस्तुविषयाभोगेषु तृष्णा न मे स्वर्णद्याः पुलिने परं हरिपदध्यानं समीहामहे ॥

७७७०-१ एणाद्याः पशवः किरातपरिषन्नैषा गुणग्राहिणी संचारोऽपि न नागरस्य विषयोच्छिन्नं मुनीनां मनः ।
७७७०-२ धूमेनैव सुगन्धिना प्रतिपदं दिक्चक्रमामोदयन् आमूलं परिदह्यतेऽगुरुतरुः कस्मै किमाचक्ष्महे ॥

७७७१-१ एणीगणेषु गुरुगर्वनिमीलिताक्षः किं कृष्णसार खलु खेलसि काननेऽस्मिन् ।
७७७१-२ सीमामिमां कलय भिन्नकरीन्द्रकुम्भ- मुक्तामयीं हरिविहारवसुन्धरायाः ॥

७७७२-१ एणीदृशः पाणिपुटे निरुद्धा वेणी विरेजे शयनोत्थितायाः ।
७७७२-२ सरोजकोशादिव निष्पतन्ती श्रेणी घनीभूय मधुव्रतानां ॥

७७७३-१ एणीदृशः श्रवणसीम्नि यदानयन्ति तेनैव तस्य महिमा नवचम्पकस्य ।
७७७३-२ त्वं तत्र नो विहरसे यदि भृङ्ग तेन नैतस्य किंचिदपि तत्तु तवैव हानिः ॥

७७७४-१ एणीदृशो विजयते वेणी पृष्ठावलम्बिनी ।
७७७४-२ कशेव पञ्चबाणस्य युवतर्जनहेतवे ॥

७७७५-१ एणी याति विलोक्य बालशलभान्शष्पाङ्कुरादित्सया छत्रीकुड्मलकानि रक्षति चिरादण्डभ्रमाद्कुक्कुटी ।
७७७५-२ धूत्वा धावति कृष्णकीटपटलश्रेणीं शिखण्डी शिरो दूरादेव वनान्तरे विषधरग्रासाभिलाषातुरः ॥

७७७६-१ एणीशाबविलोचनाभिरलसश्रोणीभरप्रौढि भिर् वेणीभूतरसक्रमाभिरभितः श्रेणीकृताभिर्वृतः ।
७७७६-२ पाणी नाम विनोदयन्रतिपतेस्तूणीशयैः सायकैर् वाणीनामपदं परं व्रजजनक्षोणीपतिः पातु नः ॥

७७७७-१ एणो गजः पतङ्गश्च भृङ्गो मीनस्तु पञ्चमः ।
७७७७-२ शब्दस्पर्शरूपगन्धरसैरेते हताः खलु ॥

७७७८-१ एतच्च तपसो मूलं तपसो मूलमेव च ।
७७७८-२ सर्वदा कामविजयः संकल्पविजयस्तथा ॥

७७७९-१ एतच्चतुर्गुणं तैलं तस्माच्चापि चतुर्गुणं ।
७७७९-२ कांजिकं प्रक्षिपेद्धीमांस्ततस्तैलं विपाचयेत् ॥

७७८०-१ एतच्छान्तविचित्रचत्वरपथं विश्रान्तवैतालिक- श्लाघाश्लोकमगुञ्जिमञ्जुमुरजं विध्वस्तगीतध्वनि ।
७७८०-२ व्यावृत्ताध्ययनं निवृत्तसुकविक्रीडासमस्यं नमद्- विद्वद्वादपथं कथं पुरमिदं मौनव्रते वर्तते ॥

७७८१-१ एतच्छास्त्रार्थतत्त्वं तु मयाख्यातं तवानघ ।
७७८१-२ अविश्वासो नरेन्द्राणां अपरं गुह्यमुच्यते ॥

७७८२-१ एतज्जडाजडविवेचनमेतदेव क्षित्यादितत्त्वपरिशोधनकौशलं च ।
७७८२-२ ज्ञानं च शैवमिदमागमकोटिलभ्यं मातुर्यदङ्घ्रियुगले निहितो मयात्मा ॥

७७८३-१ एतत्करालकरवालनिकृत्तकण्ठ- नालोच्चलद्बहुलफेनिलबुद्बुदौघैः ।
७७८३-२ सार्धं डमड्डमरुडांकृतिहूतभूत- वर्गेण भर्गगृहिणीं रुधिरैर्धिन्ॐइ ॥

७७८४-१ एतत्कवीन्द्रमुखचन्द्रमसः कदाचिथ्काव्याभिधानममृतं यदि नागलिष्यत् ।
७७८४-२ संसारिणां विविधदुःखसहस्रभाजां चेतोविनोदसदनं किमिहाभविष्यत् ॥

७७८५-१ एतत्कान्तमिदं कान्तं इत्यावसथतृष्णया ।
७७८५-२ तस्या भ्रमति सर्वाङ्गं मन्ये मूढ इव स्मरः ॥

७७८६-१ एतत्कामफलं लोके यद्द्वयोरेकचित्तता ।
७७८६-२ अन्यचित्तकृते कामे शवयोरिव संगमः ॥

७७८७-१ एतत्कार्यममराः संश्रुतं मे धृतिः शमः सत्यधर्मानुवृत्तिः ।
७७८७-२ ग्रन्थिं विनीय हृदयस्य सर्वं प्रियाप्रिये चात्मवशं नयीत ॥

७७८७आ-१ एतत्किं ननु कर्णभूषणमयं हारः सुकाञ्ची नवा बद्धा काचिदियं त्वयाद्य तिलकः श्लाघ्यः प्रिये कल्पितः ।
७७८७आ-२ प्रत्यङ्गं स्पृशतेति तत्क्षणभवद्र्ॐआञ्चमालाञ्चिता तन्वी मानमुपेक्षयैव शनकैर्धूर्तेन संमोचिता ॥

७७८८-१ एतत्किं प्रणयिन्यपि प्रणयिनी यन्मानिनी जायते मन्ये मानविधौ भविष्यति सुखं किंचिद्विशिष्टं रसात् ।
७७८८-२ वाञ्छा तस्य सुखस्य मेऽपि हृदये जागर्ति नित्यं परं स्वप्नेऽप्येष न मेऽपराध्यति पतिः कुप्यामि तस्मै कथं ॥

७७८९-१ एतत्किं श्रुतसदृशं त्वद्व्रतयोग्यं कुलानुरूपं वा ।
७७८९-२ कृतवानसि यत्सुमते परिभूतगुणोदयं कर्म ॥

७७९०-१ एतत्कीर्तिविवर्तधौतनिखिलत्रैलोक्यनिर्वासितैर् विश्रान्तिः कलिता कथासु जगतां श्यामैः समग्रैरपि ।
७७९०-२ जज्ञे कीर्तिमयादहो भयभरैरस्मादकीर्तेः पुनः सा यन्नास्य कथापथेऽपि मलिनच्छाया बबन्ध स्थितिं ॥

७७९१-१ एतत्कुचस्पर्धितया धटस्य ख्यातस्य शास्त्रेषु निदर्शनत्वं ।
७७९१-२ तस्माच्च शिल्पान्मणिकादिकारी प्रसिद्धनामाजनि कुम्भकारः ॥

७७९२-१ एतत्कृत्वा प्रियमनुचितप्रार्थनावर्त्मनो मे सौहार्दाद्वा विधुर इति वा मय्यनुक्रोशबुद्ध्या ।
७७९२-२ इष्टान्देशान्विचर जलद प्रावृषा संभृतश्रीर् मा भूदेवं क्षणमपि च ते विद्युता विप्रयोगः ॥

७७९३-१ एतत्कोककुटुम्बिनीजनमनःशल्यं चकोराङ्गना- चञ्चूकोटिकपाटयोर्घटितयोरुद्घाटिनी कुञ्चिका ।
७७९३-२ दग्धस्यापि नवाङ्कुरः स्मरतरोरार्द्रागसां प्रेयसी- मानोद्दामगजाङ्कुशो विजयते मुग्धं सुधांशोर्वपुः ॥

७७९४-१ एतत्तद्दुर्जयं लोके पुत्रदारमयं विषं ।
७७९४-२ जायन्ते च म्रियन्ते च यत्पीत्वा मोहिताः प्रजाः ॥

७७९५-१ एतत्तद्धृतराष्ट्रवक्त्रसदृशं मेघान्धकारं नभो हृष्टो गर्जति चातिदर्पितबलो दुर्योधनो वा शिखी ।
७७९५-२ अक्षद्यूतजितो युधिष्ठिर इवाध्वानं गतः कोकिलो हंसाः संप्रति पाण्डवा इव वनादज्ञातचर्यां गताः ॥

७७९६-१ एतत्तद्वक्त्रमत्र क्व तदधरमधु क्वायतास्ते कटाक्षाः क्वालापाः क्ॐअलास्ते क्व स मदनधनुर्भङ्गुरो भ्रूविलासः ।
७७९६-२ इत्थं खट्वाङ्गकोटौ प्रकटितदशनं मञ्जुगुञ्जत्समीरं रागान्धानामिवोच्चैरुपहसितमहो मोहजालं कपालं ॥

७७९७-१ एतत्तर्कय चक्रवाकसुदृशामाश्वासनादायिनः प्रौढध्वान्तपयोधिमग्नजगतीदत्तावलम्बोत्सवाः ।
७७९७-२ दीप्तांशोर्विकसन्ति दिङ्मृगदृशां काश्मीरपङ्कोदक- व्यात्युक्षीचतुराः सरोरुहवनश्रीकेलिकाराः कराः ॥

७७९८-१ एतत्तर्कय चक्रवाकहृदयाश्वासाय तारागण- ग्रासाय स्फुरदिन्दुमण्डलपरीहासाय भासां निधिः ।
७७९८-२ दिक्कान्ताकुचकुम्भकुङ्कुमरजोन्यासाय पङ्केरुहो- ल्लासाय स्फुटवैरिकैरववनत्रासाय विद्योतते ॥

७७९९-१ एतत्तस्य मुखात्कियत्कमलिनीपत्रे कणं वारिणो यन्मुक्तामणिरित्यमंस्त स जडः शृण्वन्यदस्मादपि ।
७७९९-२ अङ्गुल्यग्रलघुक्रियाप्रविलयिन्यादीयमाने शनैस् कुत्रोड्डीय गतो ममेत्यनुदिनं निद्राति नान्तःशुचा ॥

७८००-१ एतत्तु मां दहति यद्गृहमस्मदीयं क्षीणार्थमित्यतिथयः परिवर्जयन्ति ।
७८००-२ संशुष्कसान्द्रमदलेखमिव भ्रमन्तः कालात्यये मधुकराः करिणः कपोलं ॥

७८०१-१ एतत्ते भ्रूलतोद्भासि पाटलाधरपल्लवं ।
७८०१-२ मुखं नन्दनमुद्यानं अतोऽन्यत्केवलं वनं ॥

७८०२-१ एतत्ते मुखमक्षतेन्दुलडहच्छायं भवल्लोचनं नीलेन्दीवरनिर्विशेषमधरस्ते बन्धुजीवारुणः ।
७८०२-२ भ्रूवल्लिस्तव कामकार्मुकलता लीलासहाध्यायिनी न ध्यायन्तु कथं नु देव कथय त्वामेकमेणीदृशः ॥

७८०३-१ एतत्पयोधरयुगं पतितं निरीक्ष्य खेदं वृथा वहसि किं कमलायताक्षि ।
७८०३-२ स्तब्धो विवेकरहितो जनतापकारी ह्यत्युन्नतः प्रपततीति किमत्र चित्रं ॥

७८०४-१ एतत्पुरः स्फुरति पद्मदृशां सहस्रं अक्षिद्वयं कथय कुत्र निवेशयामि ।
७८०४-२ इत्याकलय्य नयनाम्बुरुहे निमील्य र्ॐआञ्चितेन वपुषा स्थितमच्युतेन ॥

७८०५-१ एतत्पूतनचक्रमक्रमकृतग्रासार्धमुक्तैर्वृकान् उत्पुष्णत्परितो नृमांसविघसैरादर्दरं क्रन्दतः ।
७८०५-२ खर्जूरद्रुमदघ्नजङ्घमसितत्वङ्नद्धविष्वक्तत- स्नायुग्रन्थिघनास्थिपञ्जरजरत्कङ्कालमालोक्यते ॥

७८०६-१ एतत्प्रचण्डि समुदेत्यकलङ्कमूर्ति कल्माषिताम्बरतलं ग्रहचक्रवालं ।
७८०६-२ सूर्येन्दुसंपुटसमुद्गकवाटकोष- विश्लेषकीर्णनवरत्नकलापकान्ति ॥

७८०७-१ एतत्सर्वं परिज्ञाय वृक्षारोपं समारभेत् ।
७८०७-२ धर्मार्थकाममोक्षाणां द्रुमेभ्यः साधनं यतः ॥

७८०८-१ एतत्सर्वं शृणुत वचनं संग्रहादत्र सख्यः प्राणानां नः फलमविकलं नूनमेषा सखी वः ।
७८०८-२ विश्लेषेऽस्मिन्प्रचलति भृशं दीपिकेव प्रवाते सत्यामस्यां वयमतमसः सर्वथा रक्षतैनां ॥

७८०९-१ एतत्सर्वममात्यादि राजा नयपुरःसरः ।
७८०९-२ नयत्युन्नतिमुद्युक्तो व्यसनी क्षयमेव च ॥

७८१०-१ एतदत्र पथिकैकजीवितं पश्य शुष्यतितरां महत्सरः ।
७८१०-२ रे मुधाम्बुधर रुद्धसद्गतिर् वर्धिता किमिति घट्टवाहिनी ॥

७८११-१ एतदनूपे वाच्यं जाङ्गलभूमौ च पञ्चभिः पुरुषैः ।
७८११-२ एतैरेव निमित्तैर् मरुभूमावष्टभिः कथयेत् ॥

७८१२-१ एतदर्थं श्रुते बुद्धिं करोति द्वेषदूषितः ।
७८१२-२ यद्विवादैः करिष्यामि मानम्लानिं मनीषिणां ॥

७८१३-१ एतदर्थं हि कुर्वन्ति राजानो धनसंचयं ।
७८१३-२ रक्षयित्वा तु चात्मानं यद्धनं तद्द्विजातये ॥

७८१४-१ एतदर्थं हि राज्यानि प्रशासति नरेश्वराः ।
७८१४-२ यदेषां सर्वकृत्येषु मनो न प्रतिहन्यते ॥

७८१५-१ एतदर्थे कुलीनानां नृपाः कुर्वन्ति संग्रहं ।
७८१५-२ आदिमध्यावसानेषु न ते गच्छन्ति विक्रियां ॥

७८१६-१ एतदुच्छ्वसितपीतमैन्दवं सोढुमक्षममिव प्रभारसं ।
७८१६-२ मुक्तषट्पदविरावमञ्जसा भिद्यते कुमुदमा निबन्धनात् ॥

७८१७-१ एतदेव कुलीनत्वं एतदेव गुणार्जनं ।
७८१७-२ यत्सदैव सतां सत्सु विनयावनतं शिरः ॥

७८१८-१ एतदेव तु विज्ञेयं स्वार्थधर्मविघातजे ।
७८१८-२ विषयध्वंसजे शत्रोर्विषयप्रतिपीडनं ॥

७८१९-१ एतदेव परं शौर्यं यत्परप्राणरक्षणं ।
७८१९-२ नहि प्राणहरः शूरः शूरः प्राणप्रदोऽर्थिनां ॥

७८१९आ-१ एतदेव मम पुण्यमगण्यं यत्कृशोदरि दृशोरतिथिस्त्वं ।
७८१९आ-२ दूरमस्तु मदघूर्णिततारं शारदेन्दुमुखि वीक्षणमक्ष्णोः ॥

७८२०-१ एतदेव महच्चित्रं प्राक्तनस्येह कर्मणः ।
७८२०-२ यदनात्मवतामायुर्यच्चानतिमतां श्रियः ॥

७८२१-१ एतदेव हि पाण्डित्यं इयमेव बहुज्ञता ।
७८२१-२ अयमेव परो लाभो यत्स्वल्पाद्भूरिरक्षणं ॥

७८२२-१ एतदेव हि पाण्डित्यं एषा चैव कुलीनता ।
७८२२-२ एष एव परो धर्म आयादूनतरो व्ययः ॥

७८२४-१ एतदेवायुषः सारं निसर्गक्षणभङ्गिनः ।
७८२४-२ स्निग्धर्मुग्धैर्विदग्धैश्च यदयन्त्रितमास्यते ॥

७८२४आ-१ एतदेवार्थसामर्थ्यं प्रत्यक्षेणोपलक्ष्यते ।
७८२४आ-२ पुत्रदारादिसंबन्धः पुंसां धननिबन्धनः ॥

७८२५-१ एतदेवार्थसामर्थ्यं प्रत्यक्षेणोपलक्ष्यते ।
७८२५-२ यत्स्कन्धबन्धे जीवद्भिः शवः शिबिकयोह्यते ॥

७८२६-१ एतद्गन्धगजस्तृषाम्भसि भृशं कण्ठान्तमज्जत्तनुः फेनैः पाण्डुरितः स्वदिक्करिजयक्रीडायशःस्पर्धिभिः ।
७८२६-२ दन्तद्वन्द्वजलानुबिम्बनचतुर्दन्तः कराम्भोवमि- व्याजादभ्रमुवल्लभेन विरहं निर्वापयत्यम्बुधेः ॥

७८२७-१ एतद्दत्तासिघातस्रवदसृगसुहृद्वंशसार्द्रेन्धनैतद्- दोरुद्दामप्रतापज्वलदनलमिलद्भूमधूमभ्रमाय ।
७८२७-२ एतद्दिग्जैत्रयात्रासमसमरभरं पश्यतः कस्य नासीदेतन्नासीरवाजिव्रजखुरजरजोराजिराजिस्थलीषु ॥

७८२८-१ एतद्दधाति नवयौवननर्तकस्य कश्मीरजच्छुरिततालकयुग्मलक्ष्मीं ।
७८२८-२ मध्ये समुच्छ्वसितवृत्ति मनागुपान्ते लब्धात्मसीम कुचकुड्मलयुग्ममस्याः ॥

७८२९-१ एतद्दन्तिबलैर्विलोक्य निखिलामालिङ्गिताङ्गीं भुवं संग्रामाङ्गणसीम्नि जङ्गमगिरिस्त्ॐअभ्रमाधायिभिः ।
७८२९-२ पृथ्वीन्द्रः पृथुरेतदुग्रसमरप्रेक्षोपनम्रामर- श्रेणीमध्यचरः पुनः क्षितिधरक्षेपाय धत्ते धियं ॥

७८३०-१ एतद्देव यशस्करं नरपतेर्यत्तस्करे निग्रहो दीर्घं जीव यथापराधमधुरं दण्डं जगत्यावहन् ।
७८३०-२ येनायं परिपन्थिपार्थिववधूसिन्दूरचौरस्त्वया बद्धश्च प्रतिदण्डभैरवकरी क्षिप्तश्च कारागृहे ॥

७८३१-१ एतद्धनञ्जयो वाच्यो नित्योद्युक्तो वृकोदरः ।
७८३१-२ यदर्थं क्षत्रिया सूते तस्य कालोऽयमागतः ॥

७८३२-१ एतद्धि परमं नार्याः कार्यं लोके सनातनं ।
७८३२-२ प्राणानपि परित्यज्य यद्भर्तृहितमाचरेत् ॥

७८३३-१ एतद्बभ्रुकचानुकारिकिरणं राजद्रुहोऽह्नः शिरश्- छेदाभं वियतः प्रतीचि निपतत्यब्धौ रवेर्मण्डलं ।
७८३३-२ एषापि द्युरमा प्रियानुगमनं प्रोद्दामकाष्ठोत्थिते संध्याग्नौ विनिधाय तारकमिषाज्जातास्थिशेषस्थितिः ॥

७८३४-१ एतद्बुद्धिमशेषाणां सत्त्वमातन्य योगवित् ।
७८३४-२ परित्यजति सम्प्राप्य बुद्धिसौक्ष्म्यमनुत्तमं ॥

७८३५-१ एतद्भीतारिनारी गिरिबिलविगलद्वासरा निःसरन्ती स्वक्रीडाहंसमोहग्रहिलशिशुभृशप्रार्थि तोन्निद्रचन्द्रा ।
७८३५-२ आक्रन्दद्भूरि यत्तन्नयनजलमिलच्चन्द्रहंसानुबिम्ब- प्रत्यासत्तिप्रहृष्यत्तनयविहसितैराश्वसीन्न्यश्वसीच्च ॥

७८३६-१ एतद्भीमपराक्रमेण रचितं संसारसारं सरः पाथोनाथकथापहस्तनकलावैचक्षणे दीक्षितं ।
७८३६-२ यन्माहात्म्यविलोकनाद्भुतरसाद्धूताम्बरश्री शिरः- स्रस्तं कुण्डलमम्बुबिम्बितरविव्याजेन विद्योतते ॥

७८३७-१ एतद्भूषणकौशलं तव तनौ पश्येत्तदा माधवो राधे तत्सविधे हि चेतसिचले चेद्धैर्यमाधास्यति ।
७८३७-२ इत्थं जल्पति शिल्पकारिणि जने तस्याः स्मरन्त्या हरिं सद्यः स्वेदसरिद्व्यलम्पदमलं पत्रावलीमण्डलं ॥

७८३८-१ एतद्यशःक्षीरधिपूरगाहि पतत्यगाधे वचनं कवीनां ।
७८३८-२ एतद्गुणानां गणनाङ्कपातः प्रत्यर्थिकीर्तीः खटिकाः क्षिणोति ॥

७८३९-१ एतद्रहस्यं परमं एतच्च परमं पदं ।
७८३९-२ एषा गतिर्विरक्तानां एषोऽसौ परमः शिवः ॥

७८४०-१ एतद्विदन्तो विद्वांसो ब्राह्मणा ब्रह्मवादिनः ।
७८४०-२ न राज्ञः प्रतिगृह्णन्ति प्रेत्य श्रेयोऽभिकाङ्क्षिणः ॥

७८४१-१ एतद्विद्वान्मदुदितं ज्ञानविज्ञाननैपुणं ।
७८४१-२ न निन्दति न च स्तौति लोके चरति सूर्यवत् ॥

७८४२-१ एतद्विधानमातिष्ठेदरोगः पृथिवीपतिः ।
७८४२-२ अस्वस्थः सर्वमेतत्तु भृत्येषु विनियोजयेत् ॥

७८४३-१ एतद्विभाति चरमाचलचूडचुम्बि- हिण्डीरपिण्डरुचिशीतमरीचिबिम्बं ।
७८४३-२ उज्ज्वालितस्य रजनीं मदनानलस्य धूमं दधत्प्रकटलाञ्छनकैतवेन ॥

७८४४-१ एतद्व्य्ॐअवनीवराहवलयं विश्वैकवीरस्मर- स्कन्धावारमदान्धसिन्धुरकुलं श्यामावधूकैशिकं ।
७८४४-२ चक्षुष्याञ्जनवस्तु घूकसदसां विश्लिष्टचक्राह्वय- स्त्ॐआन्तर्गतधूमकेतनमहाधूम्या तमस्तार्यते ॥

७८४५-१ एतन्नरेन्द्रवृषभ क्षपया व्रजन्त्या संरोपणार्थमिव गोपितमम्बुजेषु ।
७८४५-२ उद्घाटयत्ययमशीतकरः करौघैः पद्माकरात्तिमिरबीजमिवालिवृन्दं ॥

७८४६-१ एतन्मन्दविपक्वतिन्दुकफलश्यामोदरापाण्डर- प्रान्तं हन्त पुलिन्दसुन्दरकरस्पर्शक्षमं लभ्यते ।
७८४६-२ तत्पल्लीपतिपुत्रि कुञ्जरकुलं कुम्भाभयाभ्यर्थना- दीनं त्वामनुनाथते कुचयुगं पत्रावृतं मा कृथाः ॥

७८४७-१ एतन्मयमिव जातं निपतितमस्यां मनो नूनं ।
७८४७-२ नायात्यपि यदुपायाथ्कथमपि कायात्कुरङ्गनयनायाः ॥

७८४८-१ एतन्मानिनि मानसं सुरसरो निर्लूनहेमाम्बुजं पार्वत्या प्रियपूजनार्थममुतो गङ्गासरिन्निर्गता ।
७८४८-२ अस्माच्चित्रशिखण्डिभिश्च परमे पर्वण्युपादीयते स्नानोत्तीर्णवृषाङ्कभस्मरजसां सङ्गात्पवित्रं पयः ॥

७८४९-१ एतन्मालवमण्डलं विजयते सौजन्यरत्नाङ्कुरैः संपद्विभ्रमधामभिः किमपरं शृङ्गारसारैर्जनैः ।
७८४९-२ यत्रारुह्य विचित्रचित्रवलभीर्लीलाशिलासद्मनां नीयन्ते जलदोदयेषु दिवसाः कान्तासखैः कामिभिः ॥

७८५०-१ एतन्मुखं प्रियायाः शशिनं जित्वा कपोलयोः कान्त्या ।
७८५०-२ तापानुरक्तमधुना कमलं ध्रुवमीहते जेतुं ॥

७८५१-१ एतल्लोचनमुत्पलभ्रमवशात्पद्मभ्रमादाननं भ्रान्त्या बिम्बफलस्य चाजनि दधद्वामाधरो वेधसा ।
७८५१-२ तस्याः सत्यमनङ्गविभ्रमभुवः प्रत्यङ्गमासङ्गिनी भ्रान्तिर्विश्वसृजोऽपि यत्र कियती तत्रास्मदादेर्मतिः ॥

७८५२-१ एतस्माज्जलधेर्जलस्य कणिकाः काश्चिद्गृहीत्वा ततः पाथोदाः परिपूरयन्ति जगतीं रुद्धाम्बरा वारिभिः ।
७८५२-२ अस्मान्मन्दरकूटकोटिघटनाभीतिभ्रमत्तारकां प्राप्यैकां जलमानुषीं त्रिभुवने श्रीमानभूदच्युतः ॥

७८५३-१ एतस्मात्कथमिन्द्रजालमपरं स्त्रीगर्भवासोऽस्थिरं रेतः श्च्योतति मस्तमस्तकपदाविर्भूतनानाङ्कुरं ।
७८५३-२ पर्यायेण शिशुत्वयौवनजरावेषैरशेषैर्वृतं पश्यत्यत्ति शृणोति जिघ्रति मुहुर्निद्राति जागर्ति च ॥

७८५४-१ एतस्मात्परमानन्दाच्शुद्धचिन्मात्ररूपिणः ।
७८५४-२ जीवः संजायते पूर्वं तस्माच्चित्तं ततो जगत् ॥

७८५५-१ एतस्मात्सरसश्चिराय चलितं चक्रेण चेतस्वता नीरक्षीरपरीक्षकेण सुधिया हंसेन हा निर्गतं ।
७८५५-२ निर्यातं निभृतं कलध्वनिकृता कारण्डवेन क्वचिथ्सार्धं केन करोतु सारसयुवा संभाषणं सव्यथः ॥

७८५६-१ एतस्मादमृतं सुरैः शतमखेनोच्चैःश्रवाः सद्गुणः कृष्णेनाद्भुतविक्रमैकवसतिर्लक्ष्मीः समासादिता ।
७८५६-२ इत्यादि प्रचुराः पुरातनकथाः सर्वेभ्य एव श्रुता अस्माभिस्तु न दृष्टमत्र जलधौ मिष्टं पयोऽपि क्वचित् ॥

७८५७-१ एतस्माद्विरमेन्द्रियार्थगहनादायासकादाश्रयाछ्श्रेय्ॐआर्गमशेषदुःखशमनव्यापारदक्षं क्षणात् ।
७८५७-२ शान्तं भावमुपैहि संत्यज निजां कल्लोललोलां गतिं मा भूयो भज भङ्गुरां भवरतिं चेतः प्रसीदाधुना ॥

७८५८-१ एतस्मान्मां कुशलिनमभिज्ञानदानाद्विदित्वा मा कौलीनादसितनयने मय्यविश्वासिनी भूः ।
७८५८-२ स्नेहानाहुः किमपि विरहे ह्रासिनस्ते ह्यभोगादिष्टे वस्तुन्युपचितरसाः प्रेमराशीभवन्ति ॥

७८५९-१ एतस्मिन्कुसुमे स्वभावमहति प्रायो महीयः फलं रम्यं स्वादु सुगन्धि शीतलमलं प्राप्तव्यमित्याशया ।
७८५९-२ शाल्मल्याः परिपाककालकलनाबोधेन कीरः स्थितो यावत्तत्पुटसंधिनिर्गतपतत्तूलं फलात्पश्यति ॥

७८६०-१ एतस्मिन्घनचन्दनार्द्रवपुषो निद्राकषायेक्षणा लीलालोलमृदूल्लसद्भुजलताव्याजृम्भमाणा मुहुः ।
७८६०-२ निर्गच्छन्ति शनैरहःपरिणतौ मन्दा लतामन्दिराथ्स्वेदाम्भःकणदन्तुरस्तनतटाभोगाः कुरङ्गीदृशः ॥

७८६१-१ एतस्मिन्घनबद्धसम्पदि वनोत्सङ्गे नवाप्तोष्मभिः स्वच्छन्दं गमितः सुखेन कतिभिः कालो न दन्तावलैः ।
७८६१-२ धिग्जातोऽसि तदात्र दग्धसमये दन्तिन्यदा नोदकं नो वृक्षा न तृणानि केवलमयं दावानलः क्रीडति ॥

७८६२-१ एतस्मिन्दाक्षिणाशानिलचलितलतालीनमत्तालिमाला- पक्षक्षोभावधूतच्युतबहलरजोह्लादिहृद्ये वसन्ते ।
७८६२-२ प्रेमस्वेदार्द्रबाहुश्लथवलयरणत्प्रौढसीमन्तिनीनां मन्दः कण्ठग्रहोऽपि ग्लपयति हृदयं किं पुनर्विप्रयोगः ॥

७८६३-१ एतस्मिन्दिवसस्य मध्यसमये वातोऽपि चण्डातप- त्रासेनेव न संचरत्यहिमगोर्बिम्बे ललाटंतपे ।
७८६३-२ किं चान्यत्परितप्तधूलिलुठनप्लोषासहत्वादिव च्छाया दूरगतापि भूरुहतले व्यावर्त्य संलीयते ॥

७८६४-१ एतस्मिन्नधिकपयःश्रियं वहन्त्यः संक्षोभं पवनभुवा जवेन नीताः ।
७८६४-२ वाल्मीकेररहितरामलक्ष्मणानां साधर्म्यं दधति गिरां महासरस्यः ॥

७८६५-१ एतस्मिन्नवदातकान्तिनि कुचद्वन्द्वे कुरङ्गीदृशः संक्रान्तप्रतिबिम्बमैन्दवमिदं द्वेधा विभक्तं वपुः ।
७८६५-२ आनन्दोत्तरलस्य पुष्पधनुषस्तत्कालनृत्योत्सव- प्राप्तिप्रोद्यतकांस्यतालयुगलप्रायं समालोक्यते ॥

७८६६-१ एतस्मिन्मदकलमल्लिकाक्षपक्ष- व्याधूतस्फुरदुरुदण्डपुण्डरीकाः ।
७८६६-२ बाष्पाम्भःपरिपतनोद्गमान्तराले दृश्यन्तामविरहितश्रियो विभागाः ॥

७८६७-१ एतस्मिन्मदजर्जरैरुपचिते कम्बूरवाडम्बरैः स्तैमित्यं मनसो दिशत्यनिभृतं धारारवे मूर्च्छति ।
७८६७-२ उत्सङ्गे ककुभो निधाय रसितैरम्भ्ॐउचां घोरयन् मन्ये मुद्रितचन्द्रसूर्यनयनं व्य्ॐआपि निद्रायते ॥

७८६८-१ एतस्मिन्मरुमण्डले परिचलत्कल्लोलकोलाहल- क्रीडत्कङ्कमपङ्कमङ्कविलसन्निःशङ्कमत्स्यव्रजं ।
७८६८-२ केनेदं विकसत्कुशेशयकुटीकोणक्वणत्षट्पदं श्रेणिप्रीणितपान्थमुज्ज्वलजलं चक्रे विशालं सरः ॥

७८६९-१ एतस्मिन्मृगयां गतेऽपि धनुषा बाणे समारोपितेऽप्य् आकर्णान्तगतेऽपि मुष्टिविगतेऽप्येनाङ्गलग्नेऽपि च ।
७८६९-२ न त्रस्तं न पलायितं न चलितं नोत्कण्ठितं नोत्प्लुतं मृग्या यद्वशिनं करोति दयितं कामोऽयमित्याशया ॥

७८७०-१ एतस्मिन्वनमार्गभूपरिसरे सौन्दर्यमुद्राङ्कितः प्रोद्यद्भिः फलपत्रपुष्पनिवहैश्चूतः स एकः परं ।
७८७०-२ यं वीक्ष्य स्मितवक्त्रमुद्गतमहासंतोषमुल्लासित- स्फारोत्कण्ठमकुण्ठितक्रमममी धावन्ति पान्थव्रजाः ॥

७८७१-१ एतस्मिन्विजने वनेऽतनुतरुच्छन्नावकाशे सुखं तिष्ठामीति तव द्विषामधिपतिर्यावद्विधत्ते मतिं ।
७८७१-२ तावत्तत्र निपातितं भुवि भवन्नामाङ्कसेल्लाहतं दृष्ट्वा केसरिणः करङ्कमसमत्रासो मुहुर्मुर्च्छति ॥

७८७२-१ एतस्मिन्विपिने मया बलवता नाज्ञापिताः के मृगाः कस्मै वा न फलं विकीर्णमुचितं रोषस्य तोषस्य च ।
७८७२-२ सोऽहं मूषकमद्य बन्धनगुणच्छेदार्थमभ्यर्थये नास्थां सोऽपि करोति दग्धहृदयं द्वेधा न किं भिद्यते ॥

७८७३-१ एतस्मिन्विपुले प्लवंगमकुले जातो गुणैरग्रणीर् एकः क्वापि कपिः स कोऽपि मरुतां वन्द्यो मरुन्नन्दनः ।
७८७३-२ केलिप्राङ्गणवापिकावदभवद्यस्याम्भसां भर्तरि द्राक्कल्लोलविकारकल्पितजगत्कम्पेऽपि झम्पारसः ॥

७८७४-१ एतस्मिन्सरसि प्रसन्नपयसि प्राणत्रुटत्तालुना किंकोलाहलडम्बरेण खलु रे मण्डूक मूकीभव ।
७८७४-२ उन्मीलन्नयनावलीदलचलल्लक्ष्मीरणन्नूपुर- व्याहारप्रतिवादिनः प्रतिदिनं प्रेषन्ति हंसस्वनाः ॥

७८७५-१ एतस्मिन्सहसा वसन्तसमये प्राणेश देशान्तरं गन्तुं त्वं यतसे तथापि न भयं तापात्प्रपद्येऽधुना ।
७८७५-२ यस्मात्कैरवसारसौरभमुषा साकं सरोवायुना चान्द्री दिक्षु विजृम्भते रजनिषु स्वच्छा मयूखच्छटा ॥

७८७६-१ एतस्मिन्सुतनु लतागृहेऽतिरम्यं मालत्याः कुसुममनाचितं परेण ।
७८७६-२ इत्युक्त्वा मृदुकरपल्लवं गृहीत्वा मुग्धाक्षीं रहसि निनाय कोऽपि धूर्तः ॥

७८७७-१ एतस्य कलामेकां अमृतमयूखस्य पार्वतीरमणः ।
७८७७-२ वर्णावलिमिव वहति प्रतिमासं घट्यमानस्य ॥

७८७८-१ एतस्य जाङ्गुलिक नार्पय मन्त्रदर्पादास्ये निजाङ्गुलिमयं खलु कोऽपि सर्पः ।
७८७८-२ अत्रैव यस्य विषमेण विषेण दग्धास् ते त्वादृशा निरसवः पतिताः सहस्रं ॥

७८७९-१ एतस्य रहसि वक्षसि सरसिजपत्त्रेण ताडितस्यापि ।
७८७९-२ दयितस्य वीक्ष्य हसितं प्रियसखि हसितं ममाप्यासीत् ॥

७८८०-१ एतस्य वेश्मनि कलावति हालिकस्य दुर्द्दैववैभववशात्पतितासि तन्वि ।
७८८०-२ तद्वारिकुम्भवहनाय करीषकृत्यै चातुर्यमर्जय वशीकरणाय भर्तुः ॥

७८८१-१ एतस्य सावनिभुजः कुलराजधानी काशी भवोत्तरणधर्मतरिः स्मरारेः ।
७८८१-२ यामागता दुरितपूरितचेतसोऽपि पापं निरस्य चिरजं विरजीभवन्ति ॥

७८८२-१ एतस्यां रतिवल्लभक्षितिपतेः क्रीडासरस्यां शनैः संशोषं नयतीह शैशववधूस्तारुण्यतिग्मद्युतिः ।
७८८२-२ अन्तःस्थापि यथा यथा कुचतटी धत्तेऽन्तरायद्वयं लौल्यं हन्ति तथा तथाविधजले दृक्पीनमीनावलिः ॥

७८८३-१ एतस्याः करिकुम्भसंनिभकुचप्राग्भारपृष्ठे लुठद्- गुञ्जागर्भगजेन्द्रमौक्तिकसरश्रेणीमनोहारिणि ।
७८८३-२ दूरादेत्य तरङ्ग एष पतितो वेगाद्विलीनः कथं को वान्योऽपि विलीयते न सरसः सीमन्तिनीसंगमे ॥

७८८४-१ एतस्याः स्तनपद्मकोरकयुगं यस्याननेन्दोः सित- ज्योत्स्नाभिर्न भजत्यदो मृगदृशः शङ्के विकासं पुनः ।
७८८४-२ तस्मिंल्लोचनपङ्कजं विकसितं भ्रूभृङ्गसंसेवितं स्वान्ते संशयमातनोति सुतरामेतन्ममैवासकृत् ॥

७८८५-१ एतस्याः स्तनभारभङ्गुरमुरः कीर्णा नितम्बस्थली मध्यं मज्जति नाभिगर्तपतितं नाभ्यञ्चलं चुम्बति ।
७८८५-२ धैर्यं धेहि मनःकुरङ्ग पुरतो र्ॐआवली वागुरा एतद्भ्रान्तिगतागतव्यसनिनः किं वा विधेयं विधे ॥

७८८६-१ एतस्या विरहज्वरः करतलस्पर्शैः परीक्ष्यो न यः स्निग्धेनापि जनेन दाहभयतः प्रस्थंपचः पाथसां ।
७८८६-२ निःशक्तीकृतचन्दनौषधिविधावस्मिंश्चमत्कारिणो लाजस्फोटममी स्फुटन्ति मणयो विश्वेऽपि हारस्रजां ॥

७८८७-१ एतस्योन्नतसर्वकर्मकृतिनस्त्रैलोक्यचूडामणेः शंभुब्रह्मपुरंदरप्रभृतयः स्तुत्यै न शक्ता यदि ।
७८८७-२ देवः पन्नगनायको भगवती वाणी स्वयं चेज्जडा सैन्दर्यस्य निरूपणे वद कथं शक्तो भवेन्मानवः ॥

७८८८-१ एतां नवाम्बुधरकान्तिमुदीक्ष्य वेणीं एणीदृशो यदि वदन्ति वदन्तु नाम ।
७८८८-२ ब्रूमो वयं मुखसुधांशुसुधाभिलाषादभ्यागतां भुजगिनीं मणिमुद्वहन्तीं ॥

७८८९-१ एतां पश्य पुरःस्थलीमिह किल क्रीडाकिरातो हरः कोदण्डेन किरीटिना सरभसं चूडान्तरे ताडितः ।
७८८९-२ इत्याकर्ण्य कथाद्भुतं हिमनिधावद्रौ सुभद्रापतेर् मन्दं मन्दमकारि येन निजयोर्दोर्दण्डयोर्मण्डनं ॥

७८९०-१ एतां विलोकय तनूदरि ताम्रपर्णीं अम्भोनिधौ विवृतशुक्तिपुटोद्धृतानि ।
७८९०-२ यस्याः पयांसि परिणाहिषु हारमूर्त्या वामभ्रुवां परिणमन्ति पयोधरेषु ॥

७८९१-१ एतांश्छिनद्मि यदि तन्मम जीवितेन शण्ढस्य किं नु यदि सन्त्वथ गोपतेः किं ।
७८९१-२ आसे प्रसार्य यदि तज्जनता हसन्ति भारैर्गुणैश्च वृषणैश्च हला श्रमो मे ॥

७८९२-१ एतांस्ते भ्रमरौघनीलकुटिलान्बध्नामि किं कुन्तलान् किं न्यस्यामि मधूकपाण्डुमधुरे गण्डेऽत्र पत्रावलीं ।
७८९२-२ किं चास्मिन्व्यपनीय बन्धनमिदं पङ्केरुहाणां दलत्- कोषश्रीमुषि सर्वचित्तहरिणस्यारोपयामि स्तने ॥

७८९३-१ एताः करोत्पीडितवारिधारा दर्पात्सखीभिर्वदनेषु सिक्ताः ।
७८९३-२ वक्रेतराग्रैरलकैस्तरुण्यश्चूर्णारुणान्वारिलवान्वमन्ति ॥

७८९४-१ उद्बन्धकेशश्च्युतपत्त्रलेखो विश्लेषिमुक्ताफलपत्त्रवेष्टः ।
७८९४-२ मनोज्ञ एव प्रमदामुखानां अम्भोविहाराकुलितोऽपि वेषः ॥

७८९५-१ एताः कानपि मण्डयन्ति पुरुषान्नानाविधैर्भूषणैर् एताः कानपि वञ्चयन्ति च जनान्मिथ्यावचोभिः पुनः ।
७८९५-२ एता वै रमयन्ति कानपि वरान्भावैर्मनोजोत्कटैः स्वान्त भ्रान्त करोषि किं बत मुधा नारीषु हार्दं हि तत् ॥

७८९६-१ एताः पङ्किलकूलरूढनलदस्तम्बक्वणत्कम्बवः क्रीडत्कर्कटचक्रवालविदलज्जम्बालतोयाविलाः ।
७८९६-२ हृल्लेखं जनयन्त्यनूपसरितामुत्तुण्डगण्डूपदो- त्कीर्णक्लिन्नमृदो नदस्थपुटितप्रान्तास्तटीभूमयः ॥

७८९७-१ एताः प्रफुल्लकमलोत्पलवक्त्रनेत्रा गोपाङ्गनाः कनकचम्पकपुष्पगौराः ।
७८९७-२ नानाविरागवसना मधुरप्रलापाः क्रीडन्ति वन्यकुसुमाकुलकेशहस्ताः ॥

७८९८-१ एताः शार्दूलहेलादलितमृगकुलव्यक्तरक्ताभिषिक्त- क्ष्मापीठास्वादलुब्धस्फुटतरकलहस्फारफेरण्डचण्डाः ।
७८९८-२ वेल्लन्निर्मोकवल्लीवलयनिगडितानोकहक्रोडनीड- क्रीडन्निःशूकघूकव्यतिकरमुखरा भूमयो भीषयन्ति ॥

७८९९-१ एताः संप्रति गर्भगौरवभराद्राज्ञोऽवरोधाङ्गनाः कान्तारेषु पलायितुं बत कथं पद्भ्यां भवेयुः क्षमाः ।
७८९९-२ इत्थं चेतसि संविभाव्य सदयं वैकुण्ठकण्ठीरव त्वन्नादावलिभिः सखीभिरिव किं तद्गर्भपातः कृतः ॥

७९००-१ एताः सत्यविहीना धनलवलीनाः सुखक्षणाधीनाः ।
७९००-२ वेश्या विशन्ति हृदयं मुखमधुरा निर्विचाराणां ॥

७९०१-१ एताः सुतनु मुखं ते सख्यः पश्यन्ति हेमकूटगताः ।
७९०१-२ प्रत्यागतप्रसादं चन्द्रमिवोपप्लवान्मुक्तं ॥

७९०२-१ एताःस्थानपरिग्रहेण शिवयोरत्यन्तकान्तश्रियः प्रालेयाचलमेखलावनभुवः पुष्णन्ति नेत्रोत्सवं ।
७९०२-२ व्यावल्गद्बलवैरिवारणवरप्रत्यग्रदन्ताहति- श्वभ्रप्रस्रवदभ्रसिन्धुसवनप्रस्निग्धदेवद्रुमाः ॥

७९०३-१ एताः स्वार्थपरा नार्यः केवलं स्वसुखे रताः ।
७९०३-२ न तासां वल्लभो यस्मात्स्वसुतोऽपि सुखं विना ॥

७९०४-१ एता गुरुश्रोणिपयोधरत्वादात्मानमुद्वोढुमशक्नुवत्यः ।
७९०४-२ गाढाङ्गदैर्बाहुभिरप्सु बालाः क्लेशोत्तरं रागवशात्प्लवन्ते ॥

७९०५-१ एतादृशे कलियुगेऽपि शतेषु कश्चिज् जातादरो जगति यः श्रुतिमार्ग एव ।
७९०५-२ यत्किंचिदाचरतु पात्रमसौ स्तुतीनां श्लाघ्यं मितापमपि किं न मरौ सरश्चेत् ॥

७९०६-१ एतानि क्रतुपृष्ठवेदिविलुठद्विप्राणि वातप्रमी- च्छन्नोपान्ततरूणि पश्य दधते पुण्याश्रमाणि श्रियं ।
७९०६-२ यान्युत्क्षिप्य मनः पराञ्चति परं नारायणाराधन- श्रद्धामोदितमेकदैव धनिकद्वारे च दारेषु च ॥

७९०७-१ एतानि तानि नवयौवनगर्हितानि मिष्टान्नपानशयनासनलालितानि ।
७९०७-२ हारार्धहारमणिमण्डितभूषणानि भूमौ पतन्ति विलुठन्ति कलेवराणि ॥

७९०८-१ एतानि तानि हरनेत्रशिखिप्रबन्ध- दग्धस्मरव्रणविनाशरसायनानि ।
७९०८-२ केषां न विस्मयकराणि नितम्बिनीनां विश्वप्रियाणि नयनार्धविलोकितानि ॥

७९०९-१ एतानि तान्यापतितानि काले भाग्यक्षयान्निष्फलमुद्यमानि ।
७९०९-२ तुरङ्गमस्येव रणे निवृत्ते नीराजनाकौतुकमङ्गलानि ॥

७९१०-१ एतानि निःसहतनोरसमञ्जसानि शून्यं मनः पिशुनयन्ति गतागतानि ।
७९१०-२ एते च तीरतरवः प्रथयन्ति तापं आलम्बितोज्झितपरिग्लपितैः प्रवालैः ॥

७९११-१ एतानि बालधवल प्रविहाय कामं गोष्ठाङ्गणे तरलतर्णकचेष्टितानि ।
७९११-२ स्कन्धं निधेहि धुरि पूर्वधुरीणमुक्तो नेतव्यतामुपगतोऽस्ति तवैष भारः ॥

७९१२-१ एतानि मम पद्यानि पठित्वा यः सभां गतः ।
७९१२-२ स सदा पूज्यते राज्ञा सद्धर्मो नृगणैरिव ॥

७९१३-१ एतानि विंशतिपदान्याचरिष्यति यो नरः ।
७९१३-२ स जेष्यति रिपून्सर्वान्कल्याणश्च भविष्यति ॥

७९१४-१ एता निषिक्तरजतद्रवसंनिकाशा धारा जवेन पतिता जलदोदरेभ्यः ।
७९१४-२ विद्युत्प्रदीपशिखया क्षणनष्टदृष्टाश्छिन्ना इवाम्बरपटस्य दशाः पतन्ति ॥

७९१५-१ एतानि सर्वदा तस्य न जायन्ते ततः परं ।
७९१५-२ स्त्रीसङ्गं वर्जयेद्यत्नाद्बिन्दुं रक्षेत्प्रयत्नतः ।
७९१५-३ आयुःक्षयो बिन्दुनाशादसामर्थ्यं च जायते ॥

७९१६-१ एतान्गुणांस्तात महानुभावान् एको गुणः संश्रयते प्रसह्य ।
७९१६-२ राजा यदा सत्कुरुते मनुष्यं सर्वान्गुणानेष गुणोऽतिभाति ॥

७९१७-१ एतान्यनिगृहीतानि व्यापादयितुमप्यलं ।
७९१७-२ अविधेया इवादान्ता हयाः पथि कुसारथिं ॥

७९१८-१ एतान्यवन्तीश्वरपारिजात- जातानि तारापतिपाण्डुराणि ।
७९१८-२ संप्रत्यहं पश्यत दिग्वधूनां यशःप्रसूनान्यवतंसयामि ॥

७९१९-१ एतान्यहानि किल चातकशावकेन नीतानि कण्ठकुहरस्थितजीवितेन ।
७९१९-२ तस्यार्थिनो जलद पूरय वाञ्छितानि मा भूत्त्वदेकशरणस्य बत प्रमादः ॥

७९२०-१ एतान्येव तु बन्धाय सप्त सूक्ष्माणि सर्वदा ।
७९२०-२ भूरादीनां विरागोऽत्र संभवेद्यस्तु मुक्तये ॥

७९२१-१ एता याः प्रेक्षसे लक्ष्मीश्छत्त्रचामरचञ्चलाः ।
७९२१-२ स्वप्न एष महाबुद्धे दिनानि त्रीणि पञ्च च ॥

७९२२-१ एता रावणजीमूताद्बाणधारा विनिःसृताः ।
७९२२-२ विभान्ति राममासाद्य वारिधारा वषं यथा ॥

७९२३-१ एतावच्छक्यमस्माभिर्वक्तुं त्वं गुणवानिति ।
७९२३-२ रत्नाकरस्य रत्नौघपरिच्छेदे तु के वयं ॥

७९२४-१ एतावज्जन्मसाफल्यं देहिनामिह देहिषु ।
७९२४-२ प्राणैरर्थैर्धिया वाचा श्रेय एवाचरेत्सदा ॥

७९२५-१ एतावज्जन्मसाफल्यं यदनायत्तवृत्तिता ।
७९२५-२ ये पराधीनतां यातास्ते वै जीवन्ति के मृताः ॥

७९२६-१ एतावता नन्वनुमेयशोभि काञ्चीगुणस्थानमनिन्दितायाः ।
७९२६-२ आरोपितं यद्गिरिशेन पश्चादनन्यनारीकमनीयमङ्कं ॥

७९२७-१ एतावतैव कार्येण मन्यध्वं नो कृतार्थतां ।
७९२७-२ कर्तव्यानां परा काष्ठा नेदानीं विद्यते खलु ॥

७९२८-१ एतावत्सरसि सरोरुहस्य कृत्यं भित्त्वाम्भः सपदि बहिर्विनिर्गतं यत् ।
७९२८-२ सौरभ्यं विकसनमिन्दिरानिवासस् तत्सर्वं दिनकरकृत्यमामनन्ति ॥

७९२९-१ एतावदेव पर्याप्तं भिक्षोरेकान्तशायिनः ।
७९२९-२ न तस्य म्रियते कश्चिन्म्रियते सोऽस्य कस्यचित् ॥

७९३०-१ एतावदेव हि फलं पर्याप्तं ज्ञानसत्त्वयुक्तस्य ।
७९३०-२ यद्यापत्सु न मुह्यति नाभ्युदये विस्मितो भवति ॥

७९३१-१ एतावन्तं समयमनयः केसरोत्सङ्गरङ्गी हृद्भृङ्गीनां सततमहरस्त्वं सरःसंचरेषु ।
७९३१-२ दैवादस्मिन्मधुप निपतन्कानने केतकीनां एतां दीनामनुभव दशां कीलितः कण्टकेषु ॥

७९३२-१ एतावानव्ययो धर्मः पुण्यश्लोकैरुपासितः ।
७९३२-२ यो भूतशोकहर्षाभ्यां आत्मा शोचति हृष्यति ॥

७९३३-१ एतावानेव पुरुषः कृतं यस्मिन्न नश्यति ।
७९३३-२ यावच्च कुर्यादन्योऽस्य कुर्याद्बहुगुणं ततः ॥

७९३४-१ एतावानेव पुरुषो यज्जायात्मा प्रजेति ह ।
७९३४-२ विप्राः प्राहुस्तथा चैतद्यो भर्ता सा स्मृताङ्गना ॥

७९३५-१ एतावानेव पुरुषो यदमर्षी यदक्षमी ।
७९३५-२ क्षमवान्निरमर्षश्च नैव स्त्री न पुनः पुनः ॥

७९३६-१ एताश्चतुष्टयकला द्वात्रिंशत्क्रमधृताः समस्ता वा ।
७९३६-२ संसारवञ्चकानां विद्या विद्यावतामेव ॥

७९३७-१ एताश्चन्द्रोदयेऽस्मिन्नविरलमुशलोत्क्षेपदोलायमान- स्निग्धश्यामाग्रपीनस्तनकलसनमत्कण्ठनालाग्ररम्याः ।
७९३७-२ उद्वेल्लद्बाहुवल्लीप्रचलितवलयश्रेणयः पामराणां गेहिन्यो दीर्घगीतिध्वनिजनितसुखास्तण्डुलान्कण्डयन्ति ॥

७९३८-१ एताश्चलद्वलयसंहतिमेखलोत्थ- झंकारनूपुररवाहृतराजहंस्यः ।
७९३८-२ कुर्वन्ति कस्य न मनो विवशं तरुण्यो वित्रस्तमुग्धहरिणीसदृशाक्षिपातैः ॥

७९३९-१ एतासु केतकिलतासु विकासिनीषु सौभाग्यमद्भुततरं भवती बिभर्ति ।
७९३९-२ यत्कण्टकैर्व्यथितमात्मवपुर्न जानंस् त्वामेव सेवितुमुपक्रमते द्विरेफः ॥

७९४०-१ एतास्ता दिवसान्तभास्करदृशो धावन्ति पौराङ्गनाः स्कन्धप्रस्खलदंशुकाञ्चलधृतिव्यासङ्गबद्धादराः ।
७९४०-२ प्रातर्यातकृषीवलागमभिया प्रोत्प्लुत्य वर्त्मच्छिदो हट्टक्रीतपदार्थमूल्यकलनव्यग्राङ्गुलिग्रन्थयः ॥

७९४१-१ एतास्ता मलयोपकण्ठसरितामेणाक्षि रोधोभुवश्चापाभ्यासनिकेतनं भगवतः प्रेयो मनोजन्मनः ।
७९४१-२ यासु श्यामनिशासु पीततमसो मुक्तामयीश्चन्द्रिकाः पीयन्ते विवृतोर्ध्वचञ्चु विचलत्कण्ठं चकोराङ्गनाः ॥

७९४२-१ एतास्तु निर्घृणत्वेन निर्दयत्वेन नित्यशः ।
७९४२-२ विशेषाज्जाड्यकृत्येन दूषयन्ति कुलत्रयं ॥

७९४३-१ एता हसन्ति च रुदन्ति च कार्यहेतोर् विश्वासयन्ति च परं न च विश्वसन्ति ।
७९४३-२ तस्मान्नरेण कुलशीलसमन्वितेन नार्यः श्मशानघटिका इव वर्जनीयाः ॥

७९४४-१ एते कर्बुरितातपास्तत इतः संजायमानाम्बुद- च्छेदैः संप्रति केतकीदलमिलद्दर्भातिथेयोदयाः ।
७९४४-२ ग्रामान्तोद्गतशालिबीजयवसाश्लेषप्रहृष्यन्मनो- गोवाहायतगीतिगर्भितदिशो रम्याः सखे वासराः ॥

७९४५-१ एते किं ननु सत्यमेव तरवश्चञ्चत्प्रसूनोत्कराः किं वा काननवाटिकेयमनघायस्याममी कोकिलाः ।
७९४५-२ चित्रं कुत्र तिरोहिता मरुधरा सा यत्र मे पत्तनं नानानिर्झरवैभवं कुत इदं सद्यः समुन्मीलितं ॥

७९४६-१ एते कूर्चकचाः सकङ्कणरणत्कर्णाटसीमन्तिनी- हस्ताकर्षणलालिताः प्रतिदिनं प्राप्ताः परामुन्नतिं ।
७९४६-२ तेऽमी संप्रति पापिनापितकरभ्राम्यत्क्षुरप्रानन- क्षुण्णाः क्षोणितले पतन्ति परितः क्

ë

प्तापराधा इव ॥

७९४७-१ एते केतकधूलिधूसररुचः शीतद्युतेरंशवः प्राप्ताः संप्रति पश्चिमस्य जलधेस्तीरं जराजर्जराः ।
७९४७-२ अप्येते विकसत्सरोरुहवनीदृक्पातसंभाविताः प्राचीरागमुदीरयन्ति तरणेस्तारुण्यभाजः कराः ॥

७९४८-१ एते केतकसूचिसौरभजुषः पौरप्रगल्भाङ्गना- व्यालोलालकवल्लरीविलुलनव्याजोपभुक्ताननाः ।
७९४८-२ किंचोन्निद्रकदम्बकुड्मलकुटीधूलीलुठत्षट्पद- व्यूहव्याहृतिहारिणो विरहिणः कर्षन्ति वर्षानिलाः ॥

७९४९-१ एतेऽक्ष्णोर्जनयन्ति कामविरुजं सीतावियोगे घना वाताः शीकरिणोऽपि लक्ष्मण दृढं संतापयन्त्येव मां ।
७९४९-२ इत्थं वृद्धपरंपरापरिणतैर्यस्मिन्वचोभिर्मुनीन् अद्याप्युन्मनयन्ति काननशुकाः सोऽयं गिरिर्माल्यवान् ॥

७९५०-१ एते चन्द्रशिलासमुच्चयमयाश्चन्द्रातपप्रस्फुरत्- सर्वाङ्गीणपयःप्रवृत्तसरितो झात्कुर्वते पर्वताः ।
७९५०-२ येषामुन्मदजागरूकशिखिनि प्रस्थे नमेरुस्थिताः श्यामा मेघगभीरगद्गदगिरः क्रन्दन्ति कोयष्टयः ॥

७९५१-१ एते चांशकलाः पुंसः कृष्णस्तु भगवान्स्वयं ।
७९५१-२ इन्द्रारिव्याकुलं लोकं मृडयन्ति युगे युगे ॥

७९५२-१ एते चान्ये च बहवः प्रयोगाः पारदारिकाः ।
७९५२-२ देशे देशे प्रवर्तन्ते राजभिः संप्रवर्तिताः ॥

७९५२-१ न त्वेवैतान्प्रयुञ्जीत राजा लोकहिते रतः ।
७९५२-२ निगृहीतारिषड्वर्गस्तथा विजयते महीं ॥

७९५४-१ एते चान्ये च बहवो दोषाः प्रादुर्भवन्त्युत ।
७९५४-२ नृपतौ मार्दवोपेते हर्षुले च युधिष्ठिर ॥

७९५५-१ एते चापीन्द्रतुल्याः क्षितिपतितनया भीमसेनार्जुनाद्याः शूराः सत्यप्रतिज्ञा दिनकररुचयः केशवेनोपगूढाः ।
७९५५-२ ते दृष्टा पात्रहस्ता जगति कृपणवद्भैक्षचर्यानुयाताः कः शक्तो भालपट्टे विधिकरलिखितां कर्मरेखां प्रमार्ष्टुं ॥

७९५६-१ एते चूतमहीरुहोऽप्यविरलैर्धूमायिताः षट्पदैर् एते प्रज्वलिताः स्फुटत्किसलयोद्भेदैरशोकद्रुमाः ।
७९५६-२ एते किंशुकशाखिनोऽपि मलिनैरङ्गारिताः कुड्मलैः कष्टं विश्रमयामि कुत्र नयने सर्वत्र वामो विधिः ॥

७९५७-१ एते जीर्णकुलायजालजटिलाः पांसूत्कराकर्षिणः शाखाकम्पविहस्तदुःस्थविहगानाकम्पयन्तस्तरून् ।
७९५७-२ हेलान्दोलितनर्तितोज्झितहतव्याघट्टितोन्मूलित- प्रोत्क्षिप्तभ्रमितैः प्रपापटलकैः क्रीडन्ति झञ्झानिलाः ॥

७९५८-१ एते ते गिरिकूटसंघटशिलासंघट्टशीर्णाम्भसः प्रेङ्खच्चामरचारुसीकरकणस्मेरा दरीनिर्झराः ।
७९५८-२ यत्पातेषु निकुञ्जकुञ्जरमुखभ्रश्यन्मृणालाङ्कुर- ग्रासोद्ग्रन्थितटं रटन्ति परितः कण्ठीरवा भैरवं ॥

७९५९-१ एते ते दिवसा वियोगिगुरवः पूरोल्लसत्सिन्धवो विन्ध्यश्यामपयोदनीलनभसो नीपार्जुनामोदिनः ।
७९५९-२ आसन्नप्रसवालसां सहचरीमालोक्य नीडार्थिनीं चञ्चुप्रान्तकिलिञ्जसंचयपरः काकोऽपि येष्वाकुलः ॥

७९६०-१ एते ते दिवसास्त एव तरवस्ताश्च प्रगल्भस्त्रियस् तच्चैवाम्रवनं सकोकिलरुतं सेयं सचन्द्रा निशा ।
७९६०-२ वातः सोऽपि च दक्षिणो धृतिहरः सोऽयं वसन्तानिलो हा तारुण्य विना त्वयाद्य सकलं पालालभारायते ॥

७९६१-१ एते ते दुरतिक्रमक्रममिलद्धर्मोर्मिमर्मच्छिदः कादम्बेन रजोभरेण ककुभो रुन्धन्ति जञ्झानिलाः ।
७९६१-२ गाढारम्भनिरुद्धनीरदघटासंघट्टनीलीभवद्- व्य्ॐअक्रोडकटाहपातुकपयोवेणीकणग्राहिणः ॥

७९६२-१ एते ते पुरतो मरुस्थलभुवः प्रोच्चण्डदावानल- ज्वालालीढकठोरसूरकिरणप्लुष्टच्छदाः शाखिनः ।
७९६२-२ तानेतानवधीर्य खिन्नवपुषो दुःशीलझञ्झानिल- क्रीडाभिर्न पयोद गन्तुमुचितं वेलाभिषिक्तद्रुमान् ॥

७९६३-१ एते ते मलयाद्रिकन्दरजुषस्तच्छाखिशाखावली- लीलाताण्डवसंप्रदानगुरवश्चेतोभुवो बान्धवाः ।
७९६३-२ चूतोन्मत्तमधुव्रतप्रणयिनीहुङ्कारझङ्कारिणो हा कष्टं प्रसरन्ति पान्थयुवतीजीवद्रुहो वायवः ॥

७९६४-१ एते त्वद्वदनानुकारिरुचयो राकासुधांश्वादयो नीत्वा ते स्मरणं दहन्ति बत मामन्तःस्फुरन्त्यास्तव ।
७९६४-२ त्वं स्वामिन्यसि तज्जहीहि जहि वा नेदं पुनः सांप्रतं यत्स्वस्पर्धिभिरेव मर्दयसि मामेतैर्जघन्यैः प्रिये ॥

७९६५-१ एते दरिद्रशिशवस्तनुजीर्णकन्थां स्कन्धे निधाय मलिनां पुलकाकुलाङ्गाः ।
७९६५-२ सूर्यस्फुरत्करकरम्बितभित्तिदेश- लाभाय शीतसमये कलिमाचरन्ति ॥

७९६६-१ एतेन बद्धबलिना संकोचमवाप्य वृद्धदेहेन ।
७९६६-२ यातं हरिणेव मया द्वित्राणि पदानि कृच्छ्रेण ॥

७९६७-१ एते नर्तितमौलयो गुणगणप्रस्तावनाभिर्मणेर् जायन्तां वणिजो वयं तु कनक त्वत्कीर्तिवैतालिकाः ।
७९६७-२ ते चाम्लानमुखेन हन्त भवता दाहच्छिदा वेदनां अङ्गीकृत्य नरेन्द्रशेखरसुखासीनाः क्रियन्ते यतः ॥

७९६८-१ एते नीवारवप्राः पृथुकुसुमसमित्पार्वतः कन्दरोऽयं देवीयं जह्नुपुत्री सिकतिलशयितः शान्तनिःशङ्करङ्कः ।
७९६८-२ कान्तारे दर्भदूर्वाचयशुचिनि वचः स्मार्तमावर्तयन्ति ब्रह्माणो दुर्विपाकग्रहगहनतया यामिनीजागरूकाः ॥

७९६९-१ एते नूतनचूतकोरकघनग्रासातिरेकीभवत्- कण्ठध्वानजुषो हरन्ति हृदयं मध्येवनं कोकिलाः ।
७९६९-२ येषामक्षिनिभेन भान्ति भगवद्भूतेशनेत्रानल- ज्वालाजालकरालितासमशराङ्गारस्फुलिङ्गा इमे ॥

७९७०-१ एतेनोत्कृत्तकण्ठप्रतिसुभटनटारब्धनाट्याद्भुतानां कष्टं द्रष्टैव नाभूद्भुवि समरसमालोकिलोकास्पदेऽपि ।
७९७०-२ अश्वैरस्वैरवेगैः कृतखुरखुरलीमङ्क्षुविक्षुद्यमान- क्ष्मापृष्ठोत्तिष्ठदन्धं

करणरण धुरारेणुधारान्धकारात् ॥

७९७१-१ एते पञ्चदशानर्था ह्यर्थमूला मता नृणां ।
७९७१-२ तस्मादनर्थमर्थाख्यं श्रेयोऽर्थी दूरतस्त्यजेत् ॥

७९७२-१ भिद्यन्ते भ्रातरो दाराः पितरः सुहृदस्तथा ।
७९७२-२ एकास्निग्धाः काकिणिना सद्यः सर्वेऽरयः कृताः ॥

७९७३-१ अर्थेनाल्पीयसा ह्येते संरब्धा दीप्तमन्यवः ।
७९७३-२ त्यजन्त्याशुस्पृधो घ्नन्ति सहसोत्सृज्य सौहृदं ॥

७९७४-१ एते पल्लिपुरन्ध्रिनिर्भरजलक्रीडाहृताम्भःकण- क्षोदक्षालितलग्नपान्थवनितानिःश्वासतीव्रातपाः ।
७९७४-२ वान्ति स्वैरविहारकुञ्जरकरच्छिद्रोदराघूर्णन- प्रारब्धोच्चमृदङ्गनादमुखरास्तापीनिकुञ्जानिलाः ॥

७९७५-१ एते पल्लीपरिवृढवधूप्रौढकन्दर्पकेलि- क्लिश्यत्पीनस्तनपरिसरस्वेदसंपद्विपक्षाः ।

७९८०-१ एते मेकलकन्यकाप्रणयिनः पातालमूलस्पृशः संत्रासं जनयन्ति विन्ध्यभिदुरा वारां प्रवाहाः पुरः ।
७९८०-२ लीलोन्मूलितनर्तितप्रतिहतव्यावर्तितप्रेरित- त्यक्तस्वीकृतनिह्नुतप्रचलितप्रोद्धूततीरद्रुमाः ॥

७९८१-१ एते लक्ष्मण जानकीविरहिणं मां खेदयन्त्यम्बुदा मर्माणीव च घट्टयन्त्यलममी क्रूराः कदम्बानिलाः ।
७९८१-२ इत्थं व्याहृतपूर्वजन्मविरहो यो राधया वीक्षितः सेर्ष्यं शङ्कितया स वः सुखयतु स्वप्नायमानो हरिः ॥

७९८२-१ एते वयं तनुधनाः कृपणेयमुर्वी दीनाः शतं मृदु च विस्तरयन्ति वाचः ।
७९८२-२ तद्भ्रातरः शकुनिफेरवसारमेया ढौकध्वमेतदहह स्फुटतु क्षणेन ॥

७९८३-१ एते वयममी दाराः कन्येयं कुलजीवितं ।
७९८३-२ ब्रूत येनात्र वः कार्यं अनास्था बाह्यवस्तुषु ॥

७९८४-१ एते वश्यकरोपाया दुर्जने निष्फलाः स्मृताः ।
७९८४-२ तत्संनिधिं त्यजेत्प्राज्ञः शक्तस्तं दण्डतो जयेत् ।
७९८४-३ छलभूतैस्तु तद्रूपैरुपायैरेभिरेव वा ॥

७९८५-१ एते वामविलोचनाकुचसखैः सोढव्यशीतार्तयः प्राप्ताः पश्चिमसैन्धवस्य मरुतः प्रेमच्छिदो वासराः ।
७९८५-२ यत्रापास्य पुराणपङ्कजमयं देवः सशृङ्गारभूर् आदत्ते नवकुन्दकुड्मलशिखानिर्माणमन्यद्धनुः ॥

७९८६-१ एते वारिकणान्किरन्ति पुरुषान्वर्षन्ति नाम्भोधराः शैलाः शाद्वलमुद्वमन्ति न वमन्त्येते पुनर्नायकान् ।
७९८६-२ त्रैलोक्ये तरवः फलानि सुवते नैवारभन्ते जनान् धातः कातरमालपामि कुलटाहेतोस्त्वया किं कृतं ॥

७९८७-१ एते वैयाकरणपशवः स्वीयमायुर्वृथैव प्राज्ञंमन्याः श्रवणकटुभिः शब्दजालैः क्षिपन्ति ।
७९८७-२ शश्वत्कान्ताधरमधुरतावर्णनं कुर्वतां नस् त्वाशीर्वादैरिह सहृदयाः प्रत्यहं वर्धयन्ते ॥

७९८८-१ एते व्य्ॐअनि शोषयन्ति हरिणत्रासाच्चिरं चीवरे संध्याकर्मविधौ कमण्डलुमिमे पश्यन्ति रिक्तं भृतं ।
७९८८-२ भिक्षन्ते च फलान्यमी करपुटीपात्रेण चानोकहान् एषामर्घविधौ च संनिधिगताः पुष्प्यन्त्यकाण्डे लताः ॥

७९८९-१ एते शारदक्ॐउदीकुलभुवः क्षीरोदधेः सोदराः शेषाहेः सुहृदो विनिद्रकुमुदश्रेणीमहःस्राविणः ।
७९८९-२ शीतांशोः सहपांशुखेलनसखाः स्वःसिन्धुसंबन्धिनः प्रालेयाचलबन्धवस्तव गुणाः कैर्नेह कर्णार्पिताः ॥

७९९०-१ एतेषां नवचक्राणां एकैकं ध्यायतो मुनेः ।
७९९०-२ सिद्धयो मुक्तिसहिताः करस्थाः स्युर्दिने दिने ॥

७९९१-१ एतेषामनुकूलो दक्षिणधृष्टौ शठश्चेति ।
७९९१-२ भेदचतुष्टयमेषां वदाम्युदाहरणमेकैकं ॥

७९९२-१ एतेषु हा तरुणमारुतधूयमान- दावानलैः कवलितेषु महीरुहेषु ।
७९९२-२ अम्भो न चेज्जलद मुञ्चसि मा विमुञ्च वज्रं पुनः क्षिपसि निर्दय कस्य हेतोः ॥

७९९३-१ एते संततभृज्यमानचणकामोदप्रधाना मनः कर्ष्यन्त्यूषरसंनिवेशजरठच्छायाः स्थलीग्रामकाः ।
७९९३-२ तारुण्यातिशयाग्रपामरवधूसोल्लासहस्तग्रह- भ्राम्यत्पीवरयन्त्रकघ्वनिरसद्गम्भीरगेहोदराः ॥

७९९४-१ एते संप्रति वैमनस्यमनिशं निःशङ्कमातन्वते कान्तारस्थलपद्मिनीपरिमलैरानन्दितेन्दिन्दिराः ।
७९९४-२ उन्मीलत्सहकारकाननतटीवाचालपुंस्कोकिल- ध्वानाकर्णनकांदिशीकपथिकावस्कन्दिनो वासराः ॥

७९९५-१ एते समुल्लसद्भासो राजन्ते कुन्दकोरकाः ।
७९९५-२ शीतभीता लताकुन्दं आश्रिता इव तारकाः ॥

७९९६-१ एते स्निग्धतमा इति मा मा क्षुद्रेषु कुरुत विश्वासं ।
७९९६-२ सिद्धार्थानामेषां स्नेहोऽप्यश्रूणि पातयति ॥

७९९७-१ एते हि कामकलिताः परिमललीनालिवलयहुंकारैः ।
७९९७-२ सूचितदानाः करिणो बध्यन्ते क्षिप्रमबलाभिः ॥

७९९८-१ एते हि गुणाः पङ्कज सन्तोऽपि न ते प्रकाशमायान्ति ।
७९९८-२ यल्लक्ष्मीवसतेस्तव मधुपैरुपभुज्यते कोशः ॥

७९९९-१ एते हि जीवाश्चिद्भावा भवे भावनया हिताः ।
७९९९-२ ब्रह्मणः कलिताकाराः सहस्रायुतकोटिशः ॥

८०००-१ एते हि देहदाहाद्विरहा इव दुःसहा भिषजः ।
८०००-२ ग्रीष्मदिवसा इवोग्रा बहुतृष्णाः शोषयन्त्येव ॥

८००१-१ एते हि विद्युद्गुणबद्धकक्षा गजा इवान्योन्यमभिद्रवन्तः ।
८००१-२ शक्राज्ञया वारिधराः सधारा गां रूप्यरज्ज्वेव समुद्धरन्ति ॥

८००२-१ एते हि समुपासीना विहगा जलचारिणः ।
८००२-२ नावगाहन्ति सलिलं अप्रगल्भा इवाहवभ् ॥

८००३-१ एतैः पिष्टतमालवर्णकनिभैरालिप्तमम्भोधरैः संसक्तैरुपवीजितं सुरभिभिः शीतैः प्रदोषानिलैः ।
८००३-२ एषाम्भोदसमागमप्रणयिनी स्वच्छन्दमभ्यागता रक्ता कान्तमिवाम्बरं प्रियतमा विद्युत्समालिङ्गति ॥

८००४-१ एतैरार्द्रतमालपत्रमलिनैरापीतसूर्यं नभो वल्मीकाः शरताडिता इव गजाः सीदन्ति धाराहताः ।
८००४-२ विद्युत्काञ्चनदीपिकेव रचिता प्रासादसंचारिणी ज्योत्स्ना दुर्बलभर्तृकेव वनिता प्रोत्सार्य मेघैर्हृता ॥

८००५-१ एतैरेव यदा गजेन्द्रमलिनैराध्मातलम्बोदरैर् गर्जद्भिः सतडिद्बलाकशबलैर्मेघैः सशल्यं मनः ।
८००५-२ तत्किं प्रोषितभर्तृवध्यपटहो हा हा हृताशो बकः प्रावृट्प्रावृडिति ब्रवीति शठधीः क्षारं क्षते प्रक्षिपन् ॥

८००६-१ एतैर्जह्नुसुताजलैरयमुनाभिन्नैरलग्नाञ्जनैर् नारीणां नयनैरकर्दमलवालिप्तैर्मृणालाङ्कुरैः ।
८००६-२ हारैरस्फुरदिन्द्रनीलतरलैः कुन्दैरलीनालिभिर् वेल्लद्भिर्भुवनं विभूषितमिदं शीतद्युतेरंशुभिः ॥

८००७-१ एतैर्जातैः किमिह बहुभिर्भोगिभिः किं तु मन्ये मान्यः कोऽपि प्रभवति जगत्येकशेषः स शेषः ।
८००७-२ यस्मिन्गौरीपृथुकुचतटीकुङ्कुमस्थासकाङ्के येन स्थाणोरुरसि रहितो हारवल्लीविलासः ॥

८००८-१ एतैर्दक्षिणगन्धवाहवलनैः श्रीखण्ड किं सौरभं ब्रूमस्ते परितो मधुव्रतयुवा येनायमानीयते ।
८००८-२ माकन्दादपहृत्य पङ्कजवनादुद्धूय कुन्दोदरादुद्भ्राम्यद्द्विपगण्डमण्डलतलादाकृष्य हृष्यन्मनाः ॥

८००९-१ एतैर्यदि सुस्निग्धैर् वल्मीकैः परिवृतास्ततस्तोयं ।
८००९-२ हस्तैस्त्रिभिरुत्तरतश्चतुर्भिरर्धेन च नरस्य ॥

८०१०-१ एतैर्यद्यद्समादिष्टं शुभं वा यदि वाशुभं ।
८०१०-२ कर्तव्यं नियतं भीतैरप्रमत्तैर्बुभूषुभिः ॥

८०११-१ एतौ द्वौ दशकण्ठकण्ठकदलीकान्तारकान्तिच्छिद उ वैदेहीकुचकुम्भकुङ्कुमरजःसान्द्रारुणाङ्काङ्कितौ ।
८०११-२ लोकत्राणविधानसाधुसवनप्रारम्भयूपौ भुजौ देयास्तामुरुविक्रमौ रघुपतेः श्रेयांसि भूयांसि वः ॥

८०१२-१ एनं विहाय तुलसीविपिनोपकण्ठं गोप्यः परत्र नयनाम्बुजमीलनानि ।
८०१२-२ कुर्वन्तु किंतु तुलसीदलनीलभासं का वा मुकुन्दमनुविन्दतु लीनमस्मिन् ॥

८०१३-१ एनसानेन तिर्यक्स्यादित्यादिः का विभीषिका ।
८०१३-२ राजिलोऽपि हि राजेव स्वैः सुखी सुखहेतुभिः ॥

८०१४-१ एनाममन्दमकरन्दविनिद्रबिन्दु- संदोहदोहदपदं नलिनीं विमुच्य ।
८०१४-२ हे मुग्ध षट्पद निरर्थकरागभाजि जातं मनस्तव जपाकुसुमे किमत्र ॥

८०१५-१ एभिर्जितैर्जितं सर्वं सरुतेन महात्मना ।
८०१५-२ स्मृत्वा विवर्जयेदेतान्षड्दोषांश्च महीपतिः ॥

८०१६-१ एभिर्दिनैस्तु शिष्याय गुरुः शस्त्राणि दापयेत् ।
८०१६-२ संतर्प्य दानह्ॐआभ्यां सुरान्वेदविधानतः ॥

८०१७-१ एभिर्नाशितयोगास्तु सकला देवयोनयः ।
८०१७-२ उपसर्गैर्महाघोरैरावर्तन्ते पुनः पुनः ॥

८०१८-१ एरण्डपत्त्रशयना जनयन्ती स्वेदमलघुजघनतटा ।
८०१८-२ धूलिपुटीव मिलन्ती स्मरज्वरं हरति हलिकवधूः ॥

८०१९-१ एरण्डबीजप्रतिमं अङ्गं यस्मिन्प्रतीयते ।
८०१९-२ महिषाख्यः स वै खड्गो नीलमेघसमच्छविः ॥

८०२०-१ एरण्डभिण्डार्कनलैः प्रभूतैरपि संभृतैः ।
८०२०-२ दारुकृत्यं यथा नास्ति तथा नाज्ञैः प्रयोजनं ॥

८०२१-१ एलाकरणढेकीभिर्वर्तन्या डूमडेन च ।
८०२१-२ लम्भरासैकतालीभिः शुद्धसूडोऽष्टभिः स्मृतः ॥

८०२२-१ एवं कदाचिन्नरकं स्वर्गं योन्यन्तराण्यपि ।
८०२२-२ प्रयान्ति जीवा मोहेन मोहिता भवसंकटे ॥

८०२३-१ एवं करणसामर्थ्यात्संयम्यात्मानमात्मना ।
८०२३-२ नयापनयविद्राजा कुर्वीत हितमात्मनः ॥

८०२४-१ एवं कर्तुं व वक्तुं च यो जानाति छलप्रियः ।
८०२४-२ स करोतु स यात्वेवं कर्तुं भोक्तुं निजं हितं ॥

८०२५-१ एवं कुकर्म सर्वस्य फलत्यात्मनि सर्वदा ।
८०२५-२ यो यद्वपति बीजं हि लभते सोऽपि तत्फलं ॥

८०२६-१ तस्मात्परविरुद्धेषु नोत्सहन्ते महाशयाः ।
८०२६-२ एतदुत्तमसत्त्वानां विधिसिद्धं हि सद्व्रतं ॥

८०२७-१ एवं कुर्यात्समुदयं वृद्धिं चायस्य दर्शयेत् ।
८०२७-२ ह्रासं व्ययस्य च प्राज्ञः साधयेच्च विपर्ययं ॥

८०२८-१ एवंगतस्य मम सांप्रतमेतदर्हं अत्रेदमौपयिकमित्थमिदं च साध्यं ।
८०२८-२ अस्मिन्प्रमाणमिदमित्यपि बोद्धुमम्ब शक्तिर्न मे भुवनसाक्षिणि किं कर्ॐइ ॥

८०२९-१ एवं च भाषते लोकश्चन्दनं किल शीतलं ।
८०२९-२ पुत्रगात्रस्य संस्पर्शश्चन्दनादतिरिच्यते ॥

८०३०-१ एवं चेत्सरसि स्वभावमहिमा जाड्यं किमेतादृशं यस्मादेव निसर्गतः सरलता किं ग्रन्थिमत्तेदृशी ।
८०३०-२ मूलं चेच्शुचि पङ्कजश्रुतिरियं कस्माद्गुणा यद्यमी किं छिद्राणि सखे मृणाल भवतस्तत्त्वं न मन्यामहे ॥

८०३१-१ एवं चेद्विधिना कृतोऽस्युपकृतौ कस्यांचिदप्यक्षमः कामं मोपकृथास्ततस्तव मरो वाच्यं न धीरो भव ।
८०३१-२ किं त्वारान्मृगतृष्णयोपजनयन्नम्भ्ॐउचां वञ्चनां प्रेम्णा कर्षसि तर्षमूर्छितधियोऽप्यन्यानतः शोच्यसे ॥

८०३२-१ एवं चोरानचोराख्यान्वणिक्कारुकुशीलवान् ।
८०३२-२ भिक्षुकान्कुहकांश्चान्यान्वारयेद्देशपीडनात् ॥

८०३३-१ एवं जडेषु लोकेषु स्त्रीषु मुग्धासु का कथा ।
८०३३-२ बुद्धिहीनप्रसादेन जीवामः केवलं वयं ॥

८०३३आ-१ एवं जरा हन्ति च निर्विशेषं स्मृतिं च रूपं च पराक्रमं च ।
८०३३आ-२ न चैव संवेगमुपैति लोकः प्रत्यक्षतोऽपीदृशमीक्षमाणः ॥

८०३४-१ एवंज्ञात्वा नरेन्द्रेण भृत्याः कार्या विचक्षणाः ।
८०३४-२ कुलीनाः शौर्यसंपन्नाः शक्ता भक्ताः क्रमागताः ॥

८०३५-१ एवंज्ञात्वा महाभागाः पुरुषेण विजानता ।
८०३५-२ दिवा तत्कर्म कर्तव्यं येन रात्रौ सुखं स्वपेत् ॥

८०३६-१ एवं दुरवधार्यैव गतिश्चित्तस्य योषितां ।
८०३६-२ सवैरस्याविचारस्य नीचैकाभिमुखस्य च ॥

८०३७-१ एवं चात्यक्तशीलानां ससत्त्वानां जितक्रुधां ।
८०३७-२ तुष्ट्यैवाचिन्तिता एव स्वयमायान्ति संपदः ॥

८०३८-१ एवं देवोपहास्यत्वं लोके गच्छन्त्यबुद्धयः ।
८०३८-२ लभन्ते नार्थसंसिद्धिं पूज्यन्ते तु सुबुद्धयः ॥

८०३९-१ एवं द्रव्यं द्विपवनं सेतुबन्धमथाकरान् ।
८०३९-२ रक्षेत्पूर्वकृतान्राजा नवांश्चाभिप्रवर्तयेत् ॥

८०४०-१ एवं नरेश वनिताहृदये कदाचिथ्कूटादृते वसति सत्यकथालवोऽपि ।
८०४०-२ तत्सार्थसाध्यगमनासु सदैव तासु शून्याटवीष्विव रमेत न भूतिकामः ॥

८०४१-१ एवं न शक्नुवन्तीह यत्तत्कर्तुमशेषतः ।
८०४१-२ यथाशक्ति न तस्यांशं अपि कुर्वन्त्यबुद्धयः ॥

८०४२-१ एवं निश्चितमभ्येति शुभमेव शुभात्मनां ।
८०४२-२ एवं चातिक्रमो नाम क्लेशाय महतामपि ॥

८०४३-१ अविश्वासास्पदं चैव स्त्रीणां स्पृशति नाशयं ।
८०४३-२ प्राणदानोपकारोऽपि किं तासामन्यदुच्यते ॥

८०४४-१ एवं निसर्गचपला ललना विवेक- वैराग्यदायिबहुदुश्चरितप्रबन्धाः ।
८०४४-२ साध्वी तु काचिदपि तासु कुलं विशालं यालंकरोत्यभिनवा खमिवेन्दुलेखा ॥

८०४५-१ एवं निहत्य संग्रामे दुष्टशत्रुं मदोद्धतं ।
८०४५-२ जयतूर्यनिनादेन हर्षयन्सुभटान्स्वकान् ॥

८०४६-१ … … … … … … ।
८०४६-२ एवं नोज्झति मूढोऽर्थान्यावदर्थैः स नोज्झितः ॥

८०४७-१ … … … … … … ।
८०४७-२ एवं पशुश्च मूर्कश्च निर्विवेकमती समौ ॥

८०४८-१ एवं पुत्राश्च पौत्राश्च ज्ञातयो बान्धवास्तथा ।
८०४८-२ तेषु स्नेहो न कर्तव्यो विप्रयोगो हि तैर्ध्रुवं ॥

८०४९-१ एवं प्रज्ञैव परमं बलं न तु पराक्रमः ।
८०४९-२ यत्प्रभावेण निहतः शशकेनापि केसरी ॥

८०५०-१ एवं प्रयत्नं कुर्वीत यानशय्यासनाशने ।
८०५०-२ स्थाने प्रसाधने चैव सर्वालङ्कारकेषु च ॥

८०५१-१ एवं फलति सर्वस्य विधिः सत्त्वानुसारतः ।
८०५१-२ तत्सुसत्त्वो भवेत्सत्त्वहीनं न वृण्वते श्रियः ॥

८०५२-१ … … … … … … ।
८०५२-२ एवं बहु क्षपयति स्वल्पस्यार्थे धनान्धधीः ॥

८०५३-१ एवं बहूनपि रिपून्समरप्रवृत्तान् द्वेषाकुलानगणितस्वपरस्वरूपान् ।
८०५३-२ एकोऽप्यनन्यसमपौरुषभग्नसार- दर्पज्वराञ्जयति संयुगमूर्ध्नि धीरः ॥

८०५४-१ एवं बुद्धेः परं बुद्ध्वा संस्तभ्यात्मानमात्मना ।
८०५४-२ जहि शत्रुं महाबाहो कामरूपं दुरासदं ॥

८०५५-१ एवं ब्रुवन्ति लोकेऽत्र धनिनां पुरतःस्थिताः ।
८०५५-२ कुलीना अपि पापानां दृश्यन्ते धनलिप्सया ।
८०५५-३ दरिद्रस्य मनुष्यस्य क्षितौ राज्यं प्रकुर्वतः ॥

८०५६-१ एवं भवति लोकेऽस्मिन्देव सर्वस्य सर्वदा ।
८०५६-२ प्राक्कर्मोपार्जितं जन्तोः सर्वमेव शुभाशुभं ॥

८०५७-१ एवं भवन्ति वेश्याः स्वार्थैकरता व्यपेतसद्भावाः ।
८०५७-२ अभिलषितविषयसिद्धेः का हानिस्तदपि युष्माकं ॥

८०५८-१ एवं मनः कर्मवशं प्रयुङ्क्ते अविद्ययात्मन्युपधीयमाने ।
८०५८-२ प्रीतिर्न यावन्मयि वासुदेवे न मुच्यते देहयोगेन तावत् ॥

८०५९-१ … … … … … … ।
८०५९-२ एवं मूढप्रभुर्वेत्ति निग्रहं नाप्यनुग्रहं ॥

८०६०-१ एवं मूढस्य मूढत्वं स्वार्थान्धस्यातिचित्रता ।
८०६०-२ … … … … … … ॥

८०६१-१ एवं मोहप्रभवो रागो न स्त्रीषु कस्य दुःखाय ।
८०६१-२ तास्वेव विवेकभृतां भवति विरागस्तु मोक्षाय ॥

८०६२-१ एवं यथाह भवती मम सर्वदोषाः कः स्वामिना कुवलयाक्षि सहानुबन्धः ।
८०६२-२ एषोऽञ्जलिर्विरचितः कुरु निग्रहं मे दासेऽपराधवति कोऽवसरः क्षमायाः ॥

८०६३-१ एवं लेपत्रयं कुर्यात्सप्तमे सप्तमेऽहनि ।
८०६३-२ ततो जन्मावधि कचाः कृष्णाः स्युर्भ्रमरप्रभाः ॥

८०६४-१ एवं लोकं परं विद्यान्नश्वरं कर्मनिर्मितं ।
८०६४-२ सतुल्यातिशयध्वंसं यथा मण्डलवर्तिनां ॥

८०६५-१ एवं वशीकृतस्वात्मा नित्यं स्मितमुखो भवेत् ।
८०६५-२ त्यजेद्भ्रकुटिसंकोचं पूर्वाभाषी जगत्सुहृत् ॥

८०६६-१ एवंवादिनि देवर्षौ पार्श्वे पितुरध्ॐउखी ।
८०६६-२ लीलाकमलपत्राणि गणयामास पार्वती ॥

८०६७-१ एवं विचारश्चिन्ता च सारं राज्येऽधिकं नु किं ।
८०६७-२ … … … … … … ॥

८०६८-१ एवंविधान्गजाञ्जात्यान्वनादानीय पार्थिवः ।
८०६८-२ विनये शिष्यवत्कुर्यात्पुत्रवत्परिपालयेत् ॥

८०६९-१ एवंविधे भावि न वेति चित्ते निवेश्य कार्यं भषणं विमुञ्चेत् ।
८०६९-२ संभक्ष्य पिण्डं स्थिरतां गतस्य चेष्टादिकं तस्य निरूपणीयं ॥

८०७०-१ एवं विलोक्यास्य गुणाननेकान् समस्तपापारिनिरासदक्षान् ।
८०७०-२ विशुद्धबोधा न कदाचनापि ज्ञानस्य पूजां महतीं त्यजन्ति ॥

८०७१-१ एवं विषप्रयोगेण शत्रूणां क्षुद्रधातकं ।
८०७१-२ क्षीणेन क्रियते यत्तु विषदण्डः स उच्यते ॥

८०७२-१ एवं विषह्य विधुरस्य विधेर्नियोगं आपत्सु रक्षितचरित्रधना हि साध्व्यः ।
८०७२-२ गुप्ताः स्वसत्त्वविभवेन महत्तमेन कल्याणमादधति पत्युरथात्मनश्च ॥

८०७३-१ एवंवृत्तस्य राज्ञस्तु शिलोञ्छेनापि जीवतः ।
८०७३-२ विस्तीर्यते यशो लोके तैलबिन्दुरिवाम्भसि ॥

८०७४-१ एवं वेधत्रयं कुर्याच्शङ्खदुन्दुभिनिःस्वनैः ।
८०७४-२ ततः प्रणम्य गुरवे धनुर्बाणान्निवेदयेत् ॥

८०७५-१ एवं श्रमविधिं कुर्याद्यावत्सिद्धिः प्रजायते ।
८०७५-२ श्रमे सिद्धे च वर्षासु नैव ग्राह्यं धनुः करे ॥

८०७६-१ एवं संचिन्त्य मनसा प्रेत्य कर्मफलोदयं ।
८०७६-२ मनोवाक्कर्मभिर्नित्यं शुभं कर्म समाचरेत् ॥

८०७७-१ एवं सन्त्येव देवेह भर्तृभक्ताः कुलाङ्गनाः ।
८०७७-२ न पुनः सर्वथा सर्वा दुर्वृत्ता एव योषितः ॥

८०७८-१ एवं सर्वं विधायेदं इतिकर्तव्यमात्मनः ।
८०७८-२ युक्तश्चैवाप्रमत्तश्च परिरक्षेदिमाः प्रजाः ॥

८०७९-१ एवं सर्वजगद्विलोक्य कलितं दुर्वारवीर्यात्मना निस्त्रिंशेन समस्तसत्त्वसमितिप्रध्वंसिना मृत्युना ।
८०७९-२ सद्रत्नत्रयशातमार्गणगणं गृह्णन्ति तच्छित्तये सन्तः शान्तधियो जिनेश्वरतपः साम्राज्यलक्ष्मीश्रिताः ॥

८०८०-१ एवं सर्वजनानां दुःखकरं जठरशिखिनमतिविषमं ।
८०८०-२ संतोषजलैरमलैः शमयन्ति यतीश्वरा ये ते ॥

८०८१-१ एवं सर्वमिदं कृत्वा यन्मयासादितं शुभं ।
८०८१-२ तेन स्यां सर्वसत्त्वानां सर्वदुःखप्रशान्तिकृत् ॥

८०८२-१ एवं सर्वमिदं राजा संमन्त्र्य सह मन्त्रिभिः ।
८०८२-२ व्यायम्याप्लुत्य मध्याह्ने भोक्तुमन्तःपुरं व्रजेत् ॥

८०८३-१ एवं सर्वात्मना कार्या रक्षा योगविदानिशं ।
८०८३-२ धर्मार्थकाममोक्षाणां शरीरं साधनं यतः ॥

८०८४-१ एवं सर्वेषु भूतेषु भक्तिरव्यभिचारिणी ।
८०८४-२ कर्तव्या पण्डितैर्ज्ञात्वा सर्वभूतमयं हरिं ॥

८०८५-१ एवं साधारणं देहं अव्यक्तप्रभवाप्ययं ।
८०८५-२ को विद्वानात्मसात्कृत्वा हन्ति जन्तूनृतेऽसतः ॥

८०८६-१ एवं सिद्धो भवेद्योगी वञ्चयित्वा विधानतः ।
८०८६-२ कालं कलितसंसारं पौरुषेणाद्भुतेन हि ॥

८०८७-१ एवं स्थापय सुभ्रु बाहुलतिकामेवं कुरु स्थानकं नात्युच्चैर्नम कुञ्चयाग्रचरणौ मां पश्य तावत्क्षणं ।
८०८७-२ एवं नर्तयतः स्ववक्त्रमुरजेनाम्भोधरध्वानिना शंभोर्वः परिपान्तु नर्तितलयच्छेदाहतास्तालिकाः ॥

८०८८-१ … … … … … … ।
८०८८-२ एवं स्वदोषः प्रकटोऽप्यज्ञैर्देव न बुध्यते ॥

८०८९-१ एवं स्वभावं ज्ञात्वासां प्रजापतिनिसर्गजं ।
८०८९-२ परमं यत्नमातिष्ठेत्पुरुषो रक्षणं प्रति ॥

८०९०-१ … … … … … … ।
८०९०-२ एवं हि कुरुते देव योषिदीर्ष्यानियन्त्रिता ॥

८०९१-१ शिक्षयत्यन्यपुरुषाऽसंगमीर्ष्यैव हि स्त्रियः ।
८०९१-२ तदीर्ष्यामप्रकाश्यैव रक्ष्या नारी सुबुद्धिना ॥

८०९२-१ रहस्यं च न वक्तव्यं वनितासु यथा तथा ।
८०९२-२ पुरुषेणेच्छता क्षेमं … … … ॥

८०९३-१ एवमज्ञातहृदया मूर्खाः कृत्वा विपर्ययं ।
८०९३-२ घ्नन्ति स्वार्थं परार्थं च तादृग्ददति चोऽत्तरं ॥

८०९४-१ एवमनेकविधं विदधाति यो जननार्णवपातनिमित्तं ।
८०९४-२ चेष्टितमङ्गजबाणविभिन्नो नेह सुखी न परत्र सुखी सः ॥

८०९५-१ एवमन्याय्यया बुद्ध्या कृतं कर्माशुभावहं ।
८०९५-२ तस्मात्तन्न्याय्यया कुर्याद्बकेनाहेः कृतं यथा ॥

८०९६-१ एवमन्योन्यसंचारं षड्गुण्यं योऽनुपश्यति ।
८०९६-२ स बुद्धिनिगलैर्बद्धैरिष्टं क्रीडति पार्थिवैः ॥

८०९७-१ एवमपास्तमतिः क्रमतोऽत्र पुष्पधनुर्धरवेगविधूतः ।
८०९७-२ किं न जनो लभते जननिन्द्यो दुःखमसह्यमनन्तमवाच्यं ॥

८०९८-१ एवमभ्याहते लोके कालेनाभिनिपीडिते ।
८०९८-२ सुमहद्धैर्यमालम्ब्य मनो मोक्षे निवेशयेत् ॥

८०९९-१ एवमल्पश्रुतो मन्त्री कल्याणाभिजनोऽप्युत ।
८०९९-२ धर्मार्थकामसंयुक्तं नालं मन्त्रं परीक्षितुं ॥

८१००-१ एवमाचारतो दृष्ट्वा धर्मस्य मुनयो गतिं ।
८१००-२ सर्वस्य तपसो मूलं आचारं जगृहुः परं ॥

८१०१-१ एवमाप्तवचनात्स पौरुषं काकपक्षकधरेऽपि राघवे ।
८१०१-२ श्रद्दधे त्रिदशगोपमात्रके दाहशक्तिमिव कृष्णवर्त्मनि ॥

८१०२-१ एवमालि निगृहीतसाध्वसं शंकरो रहसि सेव्यतामिति ।
८१०२-२ सा सखीभिरुपदिष्टमाकुला नास्मरत्प्रमुखवर्तिनि प्रिये ॥

८१०३-१ एवमाश्रमविरुद्धवृत्तिना संयमः किमिति जन्मतस्त्वया ।
८१०३-२ सत्त्वसंश्रयसुखोऽपि दूष्यते कृष्णसर्पशिशुनेव चन्दनः ॥

८१०४-१ एवमुत्तमजन्मानस्तिर्यञ्चोऽप्यापदि प्रिये ।
८१०४-२ प्रभुं नोज्झन्ति मित्रं वा तारयन्ति ततः पुनः ॥

८१०५-१ हीनजात्युद्भवा ये तु तेषां स्पृशति नाशयं ।
८१०५-२ कदाचिदपि सत्त्वं वा स्नेहो वा चञ्चलात्मनां ॥

८१०६-१ एवमुपचीयमानं स्तोकं स्तोकं विचिन्वतः पुण्यं ।
८१०६-२ संपद्यते विशालं श्रुतिमप्येवं तपोऽप्येवं ॥

८१०७-१ एवमेव क्रियायुक्ता सर्वसौभाग्यदायिनी ।
८१०७-२ यस्यैषा च भवेद्भार्या देवेन्द्रोऽसौ न मानुषः ॥

८१०८-१ एवमेव नहि जीव्यते खलाथ्तत्र का नृपतिवल्लभे कथा ।
८१०८-२ पूर्वमेव हि सुदुःसहोऽनलः किं पुनः प्रबलवायुनेरितः ॥

८१०९-१ एवमेव मनुष्येषु तेषु पूर्वापकारिषु ।
८१०९-२ विश्वासो नोपगन्तव्यो नदी गतजला यथा ॥

८११०-१ एवमेव हि योऽश्वत्थं रोपयेद्विधिना नरः ।
८११०-२ यत्र कुत्रापि वा स्थाने गच्छेत्स भवनं हरेः ॥

८१११-१ एष एव मनस्तापः पङ्के मग्नस्य दन्तिनः ।
८१११-२ पतते यत्समुद्धर्तुं ज्ञातयो निभृतस्मिताः ॥

८११२-१ एष क्रीडान्तताम्यत्कुसुमपुरवधूवक्त्रसौरभ्यबन्धुर् मुग्धं निद्राजडानां रसितमनुसरोद्राघयन्सारसानां ।
८११२-२ आवात्यङ्गानुकूलश्चलितविचकिलश्रेणिगन्धानुधावद्- रोलम्बोद्घुष्यमाणस्मरजयबिरुदाडम्बरो मातरिश्वा ॥

८११३-१ एष क्षुभ्नाति पङ्कं दलति कमलिनीमत्ति गुन्द्राप्ररोहान् आरान्मुस्तास्थलानि स्थपुटयति जलान्युत्कसेतूनि याति ।
८११३-२ प्राप्तः प्राप्तः प्रविष्टो वनगहनमयं याति यातीति सैन्यैः पश्चादन्विष्यमाणः प्रविशति विषमान्काननान्तान्वराहः ॥

८११४-१ एष गजोऽद्रिमस्तकतले कलभपरिवृतः क्रीडति वृक्षगुल्मगहने कुसुमभरनते ।
८११४-२ मेघरवं निशम्य मुदितः पवनजवसमः सुन्दरि वंशपत्रपतितं पुनरपि कुरुते ॥

८११५-१ एष चारुमुखि योगतारया युज्यते तरलबिम्बया शशी ।
८११५-२ साध्वसादुपगतप्रकम्पया कन्ययेव नवदीक्षया वरः ॥

८११६-१ एष तूड्डमरवीचिडम्बरः क्षोभमात्रमगमत्पयोनिधिः ।
८११६-२ विभ्रमैस्तदुदयक्रमोचितैर् उल्ललास ललनासु मन्मथः ॥

८११६आ-१ एष दुर्नियतिदण्डचण्डिम- प्रेरितो बत रविर्गतच्छविः ।
८११६आ-२ स्थास्यति स्वयमधःपतन्कियत्- कालमम्बरविलम्बिभिः करैः ॥

८११७-१ एष धर्मस्तु सुश्रोणि पितुर्मातुश्च वश्यता ।
८११७-२ अतश्चाज्ञां व्यतिक्रम्य नाहं जीवितुमुत्सहे ॥

८११८-१ एष धर्मो मयाख्यातो नारीणां परमा गतिः ।
८११८-२ या नारी कुरुते चान्यत्सा याति नरकं ध्रुवं ॥

८११९-१ एष बकः सहसैव विपन्नः शाठ्यमहो क्व नु तद्गतमस्य ।
८११९-२ साधु कृतान्तक कश्चिदपि त्वां वञ्चयितुं न कुतोऽपि समर्थः ॥

८१२०-१ एष ब्रह्मा सरोजे रजनिकरकलाशेखरः शंकरोऽयं दोर्भिर्दैत्यान्तकोऽसौ सधनुरसिगदाचक्रचिह्नैश्चतुर्भिः ।
८१२०-२ एषोऽप्यैरावतस्थस्त्रिदशपतिरमी देवि देवास्तथान्ये नृत्यन्ति व्य्ॐनि चैताश्चलचरणरणन्नूपुरा दिव्यनार्यः ॥

८१२१-१ एष भो निर्मलज्योत्स्नो राहुणा ग्रस्यते शशी ।
८१२१-२ जलं कूलावपातेन प्रसन्नं कलुषायते ॥

८१२२-१ एष रविस्तेजस्वी खद्योतोऽप्येष हन्त तेजस्वी ।
८१२२-२ एष रसालः शाखी शाखी शाखोटकोऽप्येषः ॥

८१२३-१ एष राज्ञां परो धर्मो ह्यार्तानामार्तिनिग्रहः ।
८१२३-२ … … … … … … ॥

८१२४-१ एष वन्ध्यासुतो याति खपुष्पकृतशेखरः ।
८१२४-२ मृगतृष्णाम्भसि स्नातः शशशृङ्गधनुर्धरः ॥

८१२५-१ एष विशेषः स्पष्टो वह्नेश्च त्वत्प्रतापवह्नेश्च ।
८१२५-२ अङ्कुरति तेन दग्धं दग्धस्यानेन नोद्भवो भूयः ॥

८१२६-१ एष वृक्षशिखरे कृतास्पदो जातरूपरसगौरमण्डलः ।
८१२६-२ हीयमानमहरत्ययातपं पीवरोरु पिबतीव बर्हिणः ॥

८१२७-१ एष षट्पदयुवा मदायतः कुन्द यापयति यामिनीस्त्वयि ।
८१२७-२ दुर्वहा तदपि नापचीयते पद्मिनीविरहवेदना हृदि ॥

८१२८-१ एष सान्द्रतिमिरे गगनान्ते वारिणीव मलिने यमुनायाः ।
८१२८-२ भाति पक्षपुटगोपितचञ्चू राजहंस इव शीतमयूखः ॥

८१२९-१ एष सूर्यांशुसंतप्तो मृगः कुतरुमाश्रितः ।
८१२९-२ साधुर्भाग्यपरिक्षीणो नीचं प्राप्येव सीदति ॥

८१३०-१ एष स्वभावो नारीणां अनुभूय पुरा सुखं ।
८१३०-२ अल्पामप्यापदं प्राप्य दुष्यन्ति प्रजहत्यपि ॥

८१३१-१ एष स्वर्गतरङ्गिणीजलमिलद्दिग्दन्तिदन्तद्युतिर् भ्रश्यद्राजतकुम्भविभ्रमधरः शीतांशुरभ्युद्यतः ।
८१३१-२ हंसीयत्यमलाम्बुजीयति लसड्डिण्डीरपिण्डीयति स्फारस्फाटिककुण्डलीयति दिशामानन्दकन्दीयति ॥

८१३२-१ एष हि प्रथमो धर्मः क्षत्रियस्याभिषेचनं ।
८१३२-२ येन शक्यं महाप्राज्ञ प्रजानां परिपालनं ॥

८१३३-१ एषां गोपवधूविलाससुहृदां राधारहःसाक्षिणां भद्रं भद्र कलिन्दशैलतनयातीरे लताशाखिनां ।
८१३३-२ विच्छिन्ने स्मरतल्पकल्पनविधिच्छेदाय योगेऽधुना ते जाने जरठीभवन्ति विलसन्नीलत्विषः पल्लवैः ॥

८१३४-१ एषां पल्लवमंशुकानि कुसुमं मुक्ताः फलं विद्रुमं वैडूर्यं दलमङ्कुरो मरतकं हैमं च शाखाशतं ।
८१३४-२ एते के जगतीरुहो वनजुषाप्यज्ञातपूर्वा मया प्रायः सारममी दिवो विटपिनः किं तैर्ममान्यो भरः ॥

८१३५-१ एषा का जघनस्थली सुललिता प्रोन्मत्तकामाधिका भ्रूभङ्गं कुटिलं त्वनङ्गधनुषः प्रख्यं प्रभाचन्द्रवत् ।
८१३५-२ राकाचन्द्रकपोलपङ्कजमुखी क्षामोदरी सुन्दरी वेणीदण्डमिदं विभाति तुलितं वेल्लद्भुजं गच्छति ॥

८१३६-१ एषा का नवयौवना शशिमुखी कान्ता पथो गच्छति निद्राव्याकुलिता विघूर्णनयना संपक्वबिम्बाधरा ।
८१३६-२ केशैर्व्याकुलिता नखैर्विदलिता दन्तैश्च खण्डीकृता केनेदं रतिराक्षसेन रमिता शार्दूलविक्रीडिता ॥

८१३७-१ एषा कान्ता व्रजति ललितं वेपमाना गुल्मच्छन्नं वनमुरुनगैः संप्रविद्धं ।
८१३७-२ हा हा कष्टं किमिदमिति नो वेद्मि मूढो व्यक्तं क्रोधच्छरभललितं कर्तुकामा ॥

८१३८-१ एषा का परिपूर्णचन्द्रवदना गौरीमृगा क्षोभिनी लीलामत्तगजेन्द्रहंसगमना - - . - - . - ।
८१३८-२ निःश्वासाधरगन्धशीतलमुखी वाचा मृदूल्लासिनी स श्लाघ्यः पुरुषस्स जीवति वरो यस्य प्रिया हीदृशी ॥

८१३९-१ एषा का प्रस्तुताङ्गी प्रचलितनयना हंसलीला व्रजन्ती द्वौ हस्तौ कुङ्कुमार्द्रौ कनकविरचिता - . - - . - - ।
८१३९-२ - ऊंगांगेगता सा बहुकुसुमयुता बद्धवीणा हसन्ती ताम्बूलं वामहस्ते मदनवशगता गूह्य शालां प्रविष्टा ॥

८१४०-१ एषा का भुक्तमुक्ता प्रचलितनयना स्वेदलग्नाङ्गवस्त्रा प्रत्यूषे याति बाला मृग इव चकिता सर्वतः शङ्कयन्ती ।
८१४०-२ केनेदं वक्त्रपद्मं स्फुरदधररसं षट्पदेनैव पीतं स्वर्गः केनाद्य भुक्तो हरनयनहतो मन्मथः कस्य तुष्टः ॥

८१४१-१ एषा का रतिहावभावविलसच्चन्द्राननं बिभ्रती गात्रं चम्पकदामगौरसदृशं पीनस्तनालम्बिता ।
८१४१-२ पद्भ्यां संचरति प्रगल्भहरिणी संलीलया स्वेच्छया किं चैषा गगनाङ्गना भुवितले संपादिता ब्रह्मणा ॥

८१४२-१ एषा का स्तनपीनभारकठिना मध्ये दरिद्रावती विभ्रान्ता हरिणी विलोलनयना संत्रस्तयूथोद्गता ।
८१४२-२ अंतःस्वेदगजेन्द्रगण्डगलिता संलीलया गच्छति दृष्ट्वा रूपमिदं प्रियाङ्गगहनं वृद्धोऽपि कामायते ॥

८१४३-१ एषा कुसुमनिषण्णा तृषितापि सती भवन्तमनुरक्ता ।
८१४३-२ प्रतिपालयति मधुकरी न खलु मधु विना त्वया पिबति ॥

८१४४-१ एषागतैव निबिरीसनितम्बबिम्ब- भारेण पक्ष्मलदृशः क्रियते तु विघ्नः ।
८१४४-२ यान्त्या इतीव दयितान्तिकमेणदृष्टेर् अग्रे जगाम गदितुं लघुचित्तवृत्तिः ॥

८१४५-१ एषा जिगीषति पृथुस्तबका लता त्वां पर्याप्तपीननिबिडस्तनभारखिन्नां ।
८१४५-२ अस्याः प्रिये विचिनुमः स्तबकांस्तथान्याः कर्तुं यथा न हि कदापि लताः स्मरेयुः ॥

८१४६-१ एषा ते हर का सुगात्रि कतमा मूर्ध्नि स्थिता किं जटा हंसः किं भजते जटां नहि शशी चन्द्रो जलं सेवते ।
८१४६-२ मुग्धे भूतिरियं कुतोऽत्र सलिलं भूतिस्तरङ्गायते इत्थं यो विनिगूहते त्रिपथगां पायात्स वः शंकरः ॥

८१४७-१ एषा दोषा यथार्था प्रियतम भवतो हन्त जाता वियोगे स्त्रीहत्यापातकीति प्रथितिमुपगते लाञ्छनीति त्रिलोक्यां ।
८१४७-२ नैवं भूयोऽपराधं बत दयित कदाप्याचरिष्यामि सत्यं त्वत्त्यक्तां मां सुतिग्मैर्मनसिजशमनः सायकैर्हन्तुमुत्कः ॥

८१४८-१ एषा धर्मपताकिनी तटसुधासेवावसन्नाकिनी शुष्यत्पातकिनी भगीरथतपःसाफल्यहेवाकिनी ।
८१४८-२ प्रेमारूढपिनाकिनी गिरिसुतास्याकेकरालोकिनी पापाडम्बरडाकिनी त्रिभुवनानन्दाय मन्दाकिनी ॥

८१४९-१ एषा पुष्करिणी मराल मलिनैश्छन्ना कुवीथीजलैर् यस्यामज्ञतया विधेरकृपया चेद्वस्तुमाकाङ्क्षसे ।
८१४९-२ विश्रम्भो बकमण्डलेषु विनयो भेकेषु संबन्धिता रात्र्यन्धेषु विधीयतां कृपणता कोयष्टिकश्रेणिषु ॥

८१५०-१ एषा प्रवासं कथमप्यतीत्य याता पुनः संशयमन्यथैव ।
८१५०-२ को नाम पाकाभिमुखस्य जन्तोर् द्वाराणि दैवस्य पिधातुमीष्टे ॥

८१५१-१ एषा फुल्लकदम्बनीपसुरभौ काले घनोद्भासिते कान्तस्यालयमागता समदना हृष्टा जलार्द्रालका ।
८१५१-२ विद्युद्वारिदगर्जितैः सचकिता त्वद्दर्शनाकाङ्क्षिणी पादौ नूपुरलग्नकर्दमधरौ प्रक्षालयन्ती स्थिता ॥

८१५२-१ एषा भविष्यति विनिद्रसरोरुहाक्षी कामस्य कापि दयिता तनुजानुजा वा ।
८१५२-२ यः पश्यति क्षणमिमां कथमन्यथासौ कामस्तमस्तकरुणस्तरुणं हिनस्ति ॥

८१५३-१ एषा मनो मे प्रसभं शरीराथ्पितुः पदं मध्यममुत्पतन्ती ।
८१५३-२ सुराङ्गना कर्षति खण्डिताग्राथ्सूत्रं मृणालादिव राजहंसी ॥

८१५४-१ एषा रङ्गप्रवेशेन कलानां चैव शिक्षया ।
८१५४-२ स्वरान्तरेण दक्षा हि व्याहर्तुं तन्न मुच्यतां ॥

८१५५-१ एषा लता यदि विलासवती कथं स्याद्विद्युल्लता यदि कथं भविता धरण्यां ।
८१५५-२ वस्तुं मनोजनृपतेर्नगरी गरीयो- वक्षोजदुर्गविषमा किमकारि धात्रा ॥

८१५६-१ एषा व्रजन्ती ललितं स्मयन्ती सखीजनैः सार्धमतिप्रगल्भा ।
८१५६-२ सुरीव नित्यं सुरतासुखाप्ता विभाति भूमीधरपाठकस्त्री ॥

८१५७-१ एषा सा विन्ध्यमध्यस्थलविपुलशिलोत्सङ्गरङ्गत्तरङ्गा संभोगश्रान्ततीराश्रयशबरवधूशर्म दा नर्मदा च ।
८१५७-२ यस्याः सान्द्रद्रुमालीललिततलमिलत्सुन्दरीसंनिरुद्धैः सिद्धैः सेव्यन्त एते मृगमृदितदलत्कन्दलाः कूलकच्छाः ॥

८१५८-१ एषासि वयसो दर्पात्कुलपुत्रानुसारिणी ।
८१५८-२ केशेषु कुसुमाढ्येषु सेवितव्येषु कर्षिता ॥

८१५९-१ एषा हि प्रकृतिः स्त्रीणां आसृष्टे रघुनन्दन ।
८१५९-२ समस्थमनुरज्यन्ते विषमस्थं त्यजन्ति च ॥

८१६०-१ एषा हि मे रणगतस्य दृढा प्रतिज्ञा द्रक्ष्यन्ति यन्न रिपवो जघनं हयानां ।
८१६०-२ युद्धेषु भाग्यचपलेषु न मे प्रतिज्ञा दैवं यदिच्छति जयं च पराजयं च ॥

८१६१-१ एषु स्पर्शो वरस्त्रीणां स्वान्तहारी मुनेरपि ।
८१६१-२ अतोऽप्रमत्तः सेवेत विषयांस्तु यथोचितान् ॥

८१६२-१ एषैव काचन विनिद्रसरोरुहाक्षी कामस्य कापि दयिता तनुजानुजा वा ।
८१६२-२ यः पश्यति क्षणमिमां कथमन्यथासौ कामस्तमस्तकरुणं तरुणं निहन्ति ॥

८१६३-१ एषैव महती लज्जा सदाचारस्य भूपतेः ।
८१६३-२ यदकालभवो मृत्युस्तस्य संस्पृशति प्रजाः ॥

८१६४-१ एषैव योषितां धन्या शीलं च लभते सुखं ।
८१६४-२ दिवा पतिव्रता भूयो नक्तं च कुलटा यतः ॥

८१६५-१ एषोऽग्निहोत्रीति बिभर्ति गास्ता विक्रीय दुग्धं सलिलं जुहोति ।
८१६५-२ ख्यातोऽस्ति लोकेष्वृतुकालगामी रजस्वलां याति दिवापि वेश्यां ॥

८१६६-१ एषोज्जटस्य भवतो गृहिणी त्वपर्णा स्थाणुः स्वयं तव च सूनुरसौ विशाखः ।
८१६६-२ त्वत्तः फलं क इह वाञ्छति वामदेव जन्मक्षयः परमसौ तव दर्शनेन ॥

८१६७-१ एषोत्तुङ्गतरङ्गलङ्घिततटोत्सङ्गा पतङ्गात्मजा पूर्णेयं तरिरम्बुभिर्न हि हरेः शङ्का कलङ्कादपि ।
८१६७-२ काठिन्यं भज नाद्य सुन्दरि वयं राधे प्रसादेन ते जीवामः स्फुटमातरीकुरु गिरिद्रोणीविनोदोत्सवं ॥

८१६८-१ एषोऽम्बुदनिःस्वनतुल्यरवः क्षीबः स्खलमानविलम्बगतिः ।
८१६८-२ श्रुत्वा घनगर्जितमद्रितटे वृक्षान्प्रति मोटयति द्विरदः ॥

८१६९-१ एषोऽहमद्रितनयामुखपद्मजन्मा प्राप्तः सुरासुरमनोरथदूरवर्ती ।
८१६९-२ स्वप्नेऽनिरुद्धघटनाधिगताभिरूप- लक्ष्मीफलामसुरराजसुतां विधाय ॥

८१७०-१ एष्टव्या बहवः पुत्रा गुणवन्तो बहुश्रुताः ।
८१७०-२ तेषां वै समवेतानां अपि कश्चिद्गयां व्रजेत् ॥

८१७१-१ एष्टव्या बहवः पुत्रा यद्येकोऽपि गयां व्रजेत् ।
८१७१-२ यजेत वाश्वमेधेन नीलं वा वृषमुत्सृजेत् ॥

८१७२-१ एष्टव्या बहवः पुत्रा यद्येकोऽपि गयां व्रजेत् ।
८१७२-२ यत्रासौ प्रथितो लोकेष्वक्षय्यकरणो वटः ॥

८१७३-१ एष्यति मा पुनरयमिति गमने यदमङ्गलं मयाकारि ।
८१७३-२ अधुना तदेव कारणं अवस्थितौ दग्धगेहपतेः ॥

८१७४-१ एष्यन्ति यावद्गणनाद्दिगन्तान् नृपाः स्मरार्ताः शरणे प्रवेष्टुं ।
८१७४-२ इमे पदाब्जे विधिनापि सृष्टास् तावत्य एकाङ्गुलयोऽत्र लेखाः ॥

८१७५-१ एष्यन्त्यवश्यमधुना हृदयाधिनाथा मुग्धा मुधा कुरुत मा विविधं विलापं ।
८१७५-२ इत्थं शशंसुरिव गर्जितकैतवेन पाथोधराः पथिकपङ्कजलोचनाभ्यः ॥

८१७६-१ एहि गच्छ पतोत्तिष्ठ वद मौनं समाचर ।
८१७६-२ इति वित्रस्तसारङ्गनेत्रया को न वञ्चितः ॥

८१७७-१ एहि गच्छ पतोत्तिष्ठ वद मौनं समाचर ।
८१७७-२ एवमाशाग्रहग्रस्तैः क्रीडन्ति धनिनोऽर्थिभिः ॥

८१७८-१ एहि तत्र चिनुवः सुकौसुमं कौ सुमञ्जुसुमनस्तरुश्रियां ।
८१७८-२ एकिकामिति ततान मानिनीं आनिनीय कपटाद्रहः क्षणं ॥

८१७९-१ एहि विश्वात्मने वत्से भिक्षा त्वं परिकल्पिता ।
८१७९-२ अर्थिनो मुनयः प्राप्तं गृहमेधिफलं मया ॥

८१८०-१ एहि हे रमणि पश्य कौतुकं धूलिधूसरतनुं दिगम्बरं ।
८१८०-२ सापि तद्वदनपङ्कजं पपौ भ्रातरुक्तमपि किं न बुघ्यते ॥

८१८१-१ एह्यागच्छ समाविशासनमिदं कस्माच्चिराद्दृश्यसे का वार्त्तेति सुदुर्बलोऽसि कुशलं प्रीतोऽस्मि ते दर्शनात् ।
८१८१-२ एवं ये समुपागतान्प्रणयिनः प्रत्यालपन्त्यादराथ्तेषां युक्तमशङ्कितेन मनसा हर्म्याणि गन्तुं सदा ॥

८१८२-१ एह्यालिङ्ग त्वरयति मनो दुर्बला वासरश्रीर् आश्लिष्टासि क्षपय रजनीमेकिका चक्रवाकि ।
८१८२-२ नान्यासक्तो न खलु कुपितो नानुरागच्युतो वा दैवाधीनः सपदि भवतीमस्वतन्त्रस्त्यजामि ॥

८१८३-१ एह्येहि क्व गतासि मैथिलि मृगः प्राप्तो मया काञ्चनीं एतस्य त्वचमुच्चरामि कुचयोर्विन्यस्य वर्णांशुकं ।
८१८३-२ मत्सौभाग्यबुभुत्सयापि विपिनेष्वेकाकिनी मा स्म भूर् विद्विष्टा मयि संचरन्ति सरले मायाविनो राक्षसाः ॥

८१८४-१ एह्येहि वत्स रघुनन्दन रामभद्र चुम्बामि मूर्धनि चिराय परिष्वजे त्वां ।
८१८४-२ आरोप्य वा हृदि दिवानिशमुद्वहामि वन्देऽथवा चरणपुष्करकद्वयं ते ॥

८१८५-१ एह्येहीति शिखण्डिनां पटुतरं केकाभिराक्रन्दितः प्रोड्डीयेव बलाकया सरभसं सोत्कण्ठमालिङ्गितः ।
८१८५-२ हंसैरुज्झितपङ्कजैरतितरां सोद्वेगमुद्वीक्षितः कुर्वन्नञ्जनमेचका इव दिशो मेघः समुत्तिष्ठति ॥

८१८६-१ ऐकगुण्यमनीहायां अभावः कर्मणां फलं ।
८१८६-२ अथ द्वैगुण्यमीहायां फलं भवति वा न वा ॥

८१८७-१ ऐकमत्यमुपागम्य शास्त्रदृष्टेन चक्षुषा ।
८१८७-२ मन्त्रिणो यत्र निरतास्तमाहुर्मन्त्रमुत्तमं ॥

८१८८-१ बह्व्योऽपि मतयो गत्वा मन्त्रिणामर्थनिर्णये ।
८१८८-२ पुनर्यत्रैकतां प्राप्तः स मन्त्रो मध्यमः स्मृतः ॥

८१८९-१ अन्योऽन्यं मतिमास्थाय यत्र संप्रतिभाष्यते ।
८१८९-२ न चैकमत्ये श्रेयोऽस्ति मन्त्रः सोऽधम उच्यते ॥

८१९०-१ ऐणं चर्म पलाशवेश्म पुरतो दृष्ट्वैव कृष्णाजिनं भिक्षार्थी क्षुधितस्तपोवनधिया किं धार्मिक भ्राम्यसि ।
८१९०-२ एनां भिल्लपुरीमवैहि सुरभीशृङ्गेण यत्र स्थितैः पीयन्ते वनवह्निदग्धमहिषीमांसोपदंशं सुराः ॥

८१९१-१ ऐन्दवादर्चिषः कामी शिशिरं हव्यवाहनं ।
८१९१-२ अबलाविरहक्लेशविह्वलो गणयत्ययं ॥

८१९२-१ ऐन्दवी वहति नाडिका यदा स्वेच्छया प्रविशति प्रभञ्जनः ।
८१९२-२ पोतकी व्रजति दक्षिणा यदा स्यात्तदा सकलमीप्सितं फलं ॥

८१९३-१ ऐन्द्रं धनुः पाण्डुपयोधरेण शरद्दधानार्द्रनखक्षताभं ।
८१९३-२ प्रसादयन्ती सकलङ्कमिन्दुं तापं रवेरप्यधिकं चकार ॥

८१९४-१ ऐन्द्रिः किल नखैस्तस्या विददार स्तनौ द्विजः ।
८१९४-२ प्रियोपभोगचिह्नेषु पौरोभाग्यमिवाचरन् ॥

८१९५-१ ऐन्द्र्यां दिगवलोकित- सूर्याभिमुखो गृहे गृहिणः ।
८१९५-२ राजभयं चौरभयं वधकलहः पशुभयं च स्यात् ॥

८१९६-१ ऐरावणन्ति करिणः फणिनोऽप्यशेषाः शेषन्ति हन्त विहगा अपि हंसितारः ।
८१९६-२ नीलोत्पलानि कुमुदन्ति च सर्वशैलाः कैलासितुं व्यवसिता भवतो यशोभिः ॥

८१९७-१ ऐरावणाननमदाम्बुकणावपात- संसक्ततामरसरेणुपिशङ्गिताङ्गः ।
८१९७-२ चण्डानिलाहततुषारविशीर्णपक्षः क्षीणः क्षितौ मधुकरो विवशोऽत्र शेते ॥

८१९८-१ ऐरावणे सुरवधूपरिगीयमान- युष्मद्यशःश्रवणनिश्चलकर्णताले ।
८१९८-२ निर्विघ्नमापिबति भृङ्गकुलं मदाम्भः कल्याणमावहति कस्य न चेष्टितं ते ॥

८१९९-१ ऐशान्यां पतनं दुष्टं विदिशोऽन्याश्च शोभनाः ।
८१९९-२ हर्षपुष्टिकराश्चैव सिद्धिदाः शस्त्रकर्मणि ॥

८२००-१ ऐशान्यां संप्राप्तिर् घृतपूर्णानां भवेदनडुहश्च ।
८२००-२ एवं फलं गृहपतेर् गृहपृष्ठसमाश्रिते भवति ॥

८२०१-१ ऐश्वर्यं नहुषस्य शंभुविषयश्रद्धा दशास्यस्य सा शौर्यं श्रीरघुनायकस्य सहजं गाम्भीर्यमम्भोनिधेः ।
८२०१-२ दातृत्वं बलिकर्णयोरिह जगत्येकत्र चेत्स्यात्तदा श्रीवीरक्षितिपालमौलिनृपतेः साम्यं कथंचिद्भवेत् ॥

८२०२-१ ऐश्वर्यतिमिरं चक्षुः पश्यच्चापि न पश्यति ।
८२०२-२ पश्चाद्विमलतां याति दारिद्र्यगुलिकाञ्जनैः ॥

८२०३-१ ऐश्वर्यधनरत्नानां प्रत्यमित्रेऽपि तिष्ठतां ।
८२०३-२ दृष्टा हि पुनरावृत्तिर्जीवतामिति नः श्रुतं ॥

८२०४-१ ऐश्वर्यमत्तः पापिष्ठो मधुपानमदादपि ।
८२०४-२ ऐश्वर्यमदमत्तानां गतिरूर्ध्वा न विद्यते ॥

८२०५-१ ऐश्वर्यमदपापिष्ठा मदाः पानमदादयः ।
८२०५-२ एश्वर्यमदमत्तो हि नापतित्वा विबुध्यते ॥

८२०६-१ ऐश्वर्यमदमत्तांश्च मत्तान्मद्यमदेन च ।
८२०६-२ अप्रमत्ताः शठाः शूरा विक्रान्ताः पर्युपासते ॥

८२०७-१ ऐश्वर्यमदमत्तानां क्षुधितानां च कामिनां ।
८२०७-२ अहंकारविमूढानां विवेको नैव जायते ॥

८२०८-१ ऐश्वर्यमध्रुवं प्राप्य ध्रुवधर्मे मतिं कुरु ।
८२०८-२ क्षणादेव विनाशिन्यः सम्पदोऽप्यात्मना सह ॥

८२०९-१ ऐश्वर्यमल्पमेत्य प्रायेण हि दुर्जनो भवति मानी ।
८२०९-२ सुमहत्प्राप्यैश्वर्यं प्रशमं प्रतिपद्यते सुजनः ॥

८२०९आ-१ ऐश्वर्यमव्याहतमावहन्तु हेरम्बपादाम्बुजपांसवो नः ।
८२०९आ-२ ये निर्वहन्ति श्रुतिसुन्दरीणां सीमन्तसिन्दूरपरागलक्ष्मीं ॥

८२१०-१ ऐश्वर्यमीर्ष्या नैर्घृण्यं क्षीबत्वं निर्विवेकता ।
८२१०-२ एकैकं किं न यत्कुर्यात्पञ्चाङ्गित्वे तु का कथा ॥

८२११-१ ऐश्वर्यवन्तोऽपि हि निर्धनास्ते व्यर्थश्रमा जीवितमात्रसाराः ।
८२११-२ कृता न लोभोपहृतात्मभिर्यैः सुहृत्स्वयंग्राहविभूषणा श्रीः ॥

८२१२-१ ऐश्वर्यस्य परा काष्ठा यत्र नित्यं विभाव्यते ।
८२१२-२ धनदः स न केषां स्यात्स्पृहणीयगुणोदयः ॥

८२१३-१ ऐश्वर्यस्य विभूषणं सुजनता शौर्यस्य वाक्संयमो ज्ञानस्योपशमः शमस्य विनयो वित्तस्य पात्रे व्ययः ।
८२१३-२ अक्रोधस्तपसः क्षमा प्रभवितुर्धर्मस्य निर्व्याजता सर्वेषामपि सर्वकारणमिदं शीलं परं भूषणं ॥

८२१४-१ ऐश्वर्यात्सह संबन्धं न कुर्याच्च कदाचन ।
८२१४-२ गते च गौरवं नास्ति आगते च धनक्षयः ॥

८२१५-१ ऐश्वर्यादनपेतमीश्वरमयं लोकोऽर्थतः सेवते तं गच्छन्त्यनु ये विपत्तिषु पुनस्ते तत्प्रतिष्ठाशया ।
८२१५-२ भर्तुर्ये प्रलयेऽपि पूर्वसुकृतासङ्गेन निःसङ्गया भक्त्या कार्यधुरं वहन्ति कृतिनस्ते दुर्लभास्त्वादृशाः ॥

८२१६-१ ऐश्वर्येऽपि क्षमा यस्य दारिद्र्येऽपि हितैषिता ।
८२१६-२ आपत्तावपि धीरत्वं दधतो मर्त्यता कथं ॥

८२१७-१ ऐश्वर्ये वा सुविस्तीर्णे व्यसने वा सुदारुणे ।
८२१७-२ रज्ज्वेव पुरुषं बद्ध्वा कृतान्तः परिकर्षति ॥

८२१८-१ ऐहलौकिकपारत्र्यं कर्म पुंभिर्निषेव्यते ।
८२१८-२ कर्माण्यपि तु कल्याणि लभते काममास्थितः ॥

८२१९-१ ऐहलौकिकमीहन्ते मांसशोणितवर्धनं ।
८२१९-२ पारलौकिककार्येषु प्रसुप्ताभृशनास्तिकाः ॥

८२२०-१ ऐहिकामुष्मिकान्कामांल्लोभमोहात्मकांश्च यान् ।
८२२०-२ निरुध्यास्ते सदा योगी प्राप्तिः स्यात्सार्वकामिकी ॥

८२२१-१ ॐकारः पुरुषः पूर्वः व्याहृतिः प्रकृतिः स्त्रियः ।
८२२१-२ उभयोः करसंयोगे वस्त्रेणाच्छादयेन्नरः ॥

८२२२-१ ॐकारशब्दो विप्राणां यस्य राष्ट्रे प्रवर्तते ।
८२२२-२ स राजा हि भवेद्योगी व्याधिभिश्च न पीड्यते ॥

८२२३-१ ॐकाराः कुसुमायुधोपनिषदां मन्त्रानुवादः स्मर- स्वाध्यायस्य रतेः पुनर्भवविधौ गन्धाभिरामश्रुतिः ।
८२२३-२ चित्ताकर्षणसाध्यसिद्धिरसतीनेत्रस्य कर्णज्वरः पान्थानां सहकारकाननसुधासेकः पिकानां ध्वनिः ॥

८२२४-१ ॐकारे सत्प्रदीपे मृगय गृहपतिं सूक्ष्ममेकान्तरस्थं संयम्य द्वारवाहं पवनमविरतं नायकं चेन्द्रियाणां ।
८२२४-२ वाग्जालं कस्य हेतोर्वितरसि हि गिरां दृश्यते नैव किंचिद्देहस्थं पश्य नाथं भ्रमसि किमपरे शास्त्रमोहान्धकारे ॥

८२२५-१ ॐकारो मदनद्विजस्य गगनक्रोडैकदंष्ट्राङ्कुरस् तारामौक्तिकशुक्तिरन्धतमसस्तम्बेरमस्याङ्कुशः ।
८२२५-२ शृङ्गारार्गलकुञ्चिका विरहिणीमानच्छिदा कर्तरी संध्यावारवधूनखक्षतिरियं चान्द्री कला राजते ॥

८२२६-१ ॐकारो यस्य कन्दः सलिलमुपनिषन्न्यायजालं मृणालं ब्रह्माण्डं यस्य काण्डं प्रसरति परितो यस्य यागः परागः ।
८२२६-२ भृङ्गध्वानः पुराणं विजनसुरधुनीतीरवासोऽधिवासो यस्यानन्दो मरन्दः पुरहरचरणाम्भोरुहं तद्भजामः ॥

८२२७-१ ॐ नमः परमार्थैकरूपाय परमात्मने ।
८२२७-२ स्वेच्छावभासितासत्यभेदभिन्नाय शंभवे ॥

८२२८-१ ॐ ह्र्ॐ शिखास्थाने शंकराय नमः ।
८२२८-२ ॐ ह्र्ॐ बाह्वोः केशवाय नमः ।
८२२८-२ ॐ ह्र्ॐ नाभिमध्ये ब्रह्मणे नमः ।
८२२८-३ ॐ ह्र्ॐ जङ्घयोर्गणपतये नमः ।
८२२९-१ ओघवाताहृतं बीजं यस्य क्षेत्रे प्ररोहति ।
८२२९-२ क्षेत्रिकस्यैव तद्बीजं न बीजी लभते फलं ॥

८२३०-१ ओजसापि खलु नूनमनूनं नासहायमुपयाति जयश्रीः ।
८२३०-२ यद्विभुः शशिमयूखसखः सन्न् आददे विजयि चापमनङ्गः ॥

८२३१-१ ओजोभाजां यद्रणे संस्थितानां आदत्तीव्रं सार्धमङ्गेन नूनं ।
८२३१-२ ज्वालाव्याजादुद्वमन्ती तदन्तस्- तेजस्तारं दीप्तजिह्वा ववाशे ॥

८२३२-१ ॐइत्येतत्परं ब्रह्म श्रुतीनां मुखमक्षरं ।
८२३२-२ प्रसीदतु सतां स्वान्तेष्वेकं त्रिपुरुषीमयं ॥

८२३३-१ ओषामासे मत्सरोत्पातवाता- श्लिष्यद्दन्तक्ष्मारुहां घर्षणोत्थैः ।
८२३३-२ यौगान्तैर्वा वह्निभिर्वारणानां उच्चैर्मूर्धव्य्ॐनि नक्षत्रमाला ॥

८२३४-१ ओष्ठपल्लवविदंशरुचीनां हृद्यतामुपययौ रमणानां ।
८२३४-२ फुल्ललोचनविनीलसरोजैर् अङ्गनास्यचषकैर्मधुवारः ॥

८२३५-१ ओष्ठाग्रं स्फुरतीक्षणे विचलतः कूपोदरे मत्स्यवद्धम्मिल्लः कुसुमाञ्चितो विगलितः प्राप्नोति बन्धं पुनः ।
८२३५-२ प्रच्छन्नौ व्रजतः स्तनौ प्रकटतां श्रोणीतटं दृश्यते नीवी च स्खलति स्थितापि सुदृढं कामेङ्गितं योषितां ॥

८२३६-१ सौभाग्यरूपपरिहासगुणानुराग- संकीर्तनेन दयितस्य च लब्धसौख्यं ।
८२३६-२ संबन्धिमित्रमुखदर्शनदत्तदूर- तोषं परोक्षमपि कामगुणेङ्गितं स्यात् ॥

८२३७-१ ओष्ठे बिम्बफलाशयालमलकेषूत्पाकजम्बूधिया कर्णालंकृतिभाजि दाडिमफलभ्रान्त्या च शोणे मणौ ।
८२३७-२ निष्पत्त्या सकृदुत्पलच्छददृशामात्तक्लमानां मरौ राजन्गूर्जरराजपञ्जरशुकैः सद्यस्तृषा मूर्च्छितं ॥

८२३८-१ औचित्यं स्तुत्यानां गुणरागश्चन्दनादिलेपानां ।
८२३८-२ कन्या शोककराणां बुद्धिविहीनोऽनुकम्प्यानां ॥

८२३९-१ औचित्यप्रच्युताचारो युक्त्या स्वार्थं न साधयेत् ।
८२३९-२ व्याजबालिवधेनैव रामकीर्तिः कलङ्किता ॥

८२४०-१ औचित्यमेकमेकत्र गुणानां राशिरेकतः ।
८२४०-२ विषायते गुणग्राम औचित्यपरिवर्जितः ॥

८२४१-१ औज्झि प्रियाङ्गैर्घृणयैव रूक्षा न वारिदुर्गात्तु वराटकस्य ।
८२४१-२ न कण्टकैरावरणाच्च कान्तिर् धूलीभृता काञ्चनकेतकस्य ॥

८२४२-१ औत्सुक्यगर्भा भ्रमतीव दृष्टिः पर्याकुलं क्वापि मनः प्रयाति ।
८२४२-२ वियुज्यमानस्य गुणान्वितेन निरन्तरप्रेमवता जनेन ॥

८२४३-१ औत्सुक्यमात्रमवसादयति प्रतिष्ठा क्लिश्नाति लब्धपरिपालनवृत्तिरेव ।
८२४३-२ नातिश्रमापनयनाय यथा श्रमाय राज्यं स्वहस्तधृतदण्डमिवातपत्रं ॥

८२४४-१ औत्सुक्यहेतुं विवृणोषि न त्वं तत्त्वावबोधैकरसो न तर्कः ।
८२४४-२ तथापि रम्भोरु कर्ॐइ लक्ष्यं आत्मानमेषां परिदेवितानां ॥

८२४५-१ औत्सुक्यात्परिमिलतां त्रपया संकोचमञ्चतां च मुहुः ।
८२४५-२ नवसंगमयोर्यूनोर् नयनानामुत्सवो जयति ॥

८२४६-१ औत्सुक्येन कृतत्वरा सहभुवा व्यावर्तमाना ह्रिया तैस्तैर्बन्धुवधूजनस्य वचनैर्नीताभिमुख्यं पुनः ।
८२४६-२ दृष्ट्वाग्रे वरमात्तसाध्वसरसा गौरी नवे सङ्गमे संरोहत्पुलका हरेण हसता श्लिष्टा शिवायास्तु वः ॥

८२४७-१ औदार्यं दाक्षिण्यं पापजुगुप्सा च निर्मलो बोधः ।
८२४७-२ लिङ्गानि धर्मसिद्धेः प्रायेण जनप्रियत्वं च ॥

८२४८-१ औदार्यं भुवनत्रयेऽपि विदितं संभूतिरम्भोनिधेर् वासो नन्दनकानने परिमलो गीर्वाणचेतोहरः ।
८२४८-२ एवं दातृगुरोर्गुणाः सुरतरोः सर्वेऽपि लोकोत्तराः स्यादर्थिप्रवरार्थितार्पणविधावेको विवेको यदि ॥

८२४९-१ औदार्यं सधने नयो गुणिजने लज्जा कुलस्त्रीजने सत्काव्यं वदने मदो द्विरदने पुंस्कोकिलः कानने ।
८२४९-२ रोलम्बः कमले नखाङ्करचना कान्ताकपोलस्थले तन्वी तल्पतले भवानपि विभो भूमण्डले मण्डनं ॥

८२५०-१ औदासीन्यं दयालूनां अर्थिनां भाग्यहीनता ।
८२५०-२ नहि स्वमुखवैरूप्यं दर्पणस्यापराधतः ॥

८२५१-१ औदुम्बराणि पुष्पाणि श्वेतवर्णं च वायसं ।
८२५१-२ मत्स्यपादं जले पश्येन्न नारीहृदयस्थितं ॥

८२५२-१ औन्नत्यं भवतः सुमेरुशिखरोच्छ्रायोपमां गाहते व्याप्तिस्ते गिरिराजमूलमहिमन्यायेन निर्णीयते ।
८२५२-२ एकस्यापि न किंतु चातकशिशोः पूर्त्त्यै पयो वर्तते वन्ध्यापीनपयोधरोपमतया बुद्धोऽसि पाथोधर ॥

८२५३-१ औरसं मैत्रसंबद्धं तथा वंशक्रमागतं ।
८२५३-२ रक्षितं व्यसनेभ्यश्च मित्रं ज्ञेयं चतुर्विधं ॥

८२५४-१ औरसानपि पुत्रान्हि त्यजन्त्यहितकारिणः ।
८२५४-२ समर्थान्संप्रगृह्णन्ति जनानपि नराधिपाः ॥

८२५५-१ औरसीं भगिनीं वापि भार्यां वाप्यनुजस्य यः ।
८२५५-२ प्रचरेत नरः कामात्तस्य दण्डो वधः स्मृतः ॥

८२५६-१ और्वा इवातिलुब्धा भवन्ति धनलवणवारिबहुतृष्णाः ।
८२५६-२ तृणलवमिव निजदेहं त्यजन्ति लेशं न वित्तस्य ॥

८२५७-१ औषधं मूढवैद्यानां त्यजन्तु ज्वरपीडिताः ।
८२५७-२ परसंसर्गसंसक्तं कलत्रमिव साधवः ॥

८२५८-१ औषधानां च मन्त्राणां बुद्धेश्चैव महात्मनां ।
८२५८-२ असाध्यं नास्ति लोकेऽत्र किंचिद्ब्रह्माण्डमध्यगं ॥

८२५९-१ औषधानि च मन्त्राणि नक्षत्रं शकुनं ग्रहाः ।
८२५९-२ भाग्यकाले प्रसन्नाः स्युरभाग्ये निष्फलाश्च ते ॥

८२६०-१ औषधान्यगदो विद्या दैवी च विविधा स्थितिः ।
८२६०-२ तपसैव प्रसिध्यन्ति तपस्तेषां हि साधनं ॥

८२६१-१ औषधायापि यो मर्त्यो मध्वस्यति विचेतनः ।
८२६१-२ कुयोनौ जायते सोऽपि किं पुनस्तत्र लोलुपः ॥

८२६२-१ औषसातपभयादपलीनं वासरच्छविविरामपटीयः ।
८२६२-२ संनिपत्य शनकैरथ निम्नादन्धकारमुदवाप समानि ॥

८२६३-१ औष्ण्यं तथा विक्रमं च स्ॐयं दण्डं प्रसन्नतां ।
८२६३-२ धारयन्ति महात्मानो राजानः प्रायशो भुवि ॥

८२६३-३ तस्मात्सर्वास्ववस्थासु मान्याः पूज्याश्च पार्थिवाः ॥

८२६४-१ औष्मायमाणनवयौवनमुग्धभावाः शृङ्गारसागरमनोज्ञतरङ्गलेखाः ।
८२६४-२ कन्दर्पकेलिरसलब्धयशःपताकाः पण्याङ्गनाः पुरमिमामधिवासयन्ति ॥

८२६५-१ कंचन वञ्चनचतुरे प्रपञ्चय त्वं मुरान्तके मानं ।
८२६५-२ बहुवल्लभे हि पुरुषे दाक्षिण्यं दुःखमुद्वहति ॥

८२६६-१ कंचित्कालं नय गिरिगुहागह्वरे रे मुधैव क्रीडन्हालाहलरसलसद्दर्प मा सर्प ! सर्प ।
८२६६-२ माद्यन्नुद्यत्सजलजलदव्याकुले मेघकाले येन प्राप्तो वनविहरणोत्कण्ठया नीलकण्ठः ॥

८२६७-१ कंचित्क्षणं ननु सहस्व विमुञ्च वासो जागर्त्ययं परिजनो धिगपत्रपोऽसि ।
८२६७-२ एषोऽञ्जलिः शमय दीपमिति प्रियाया वाचो रतादपि परां मुदमावहन्ति ॥

८२६८-१ कंचिदेव समयं समागतं त्वां न विस्मरति शश्वदम्बुजं ।
८२६८-२ मानसे विहर हंस मानसे मा विमुञ्च पुनरस्य सौहृदं ॥

८२६९-१ कंजानना कम्जपरागपुञ्ज- गुञ्जन्मिलिन्दावलिकुन्तलश्रीः ।
८२६९-२ विद्वद्द्विजाक्रान्तमुखान्तराला ज्योतिर्विदार्या तटिनीव भाति ॥

८२७०-१ कं न स्पृशन्ति पुरुषं व्यसनानि काले को वा निरन्तरसुखी य इहास्ति लोके ।
८२७०-२ दुःखं सुखं च परिणामवशादुपैति नक्षत्रचक्रमिव खे परिवर्तमानं ॥

८२७१-१ कं पृच्छामः सुराः स्वर्गे निवसामो वयं भुवि ।
८२७१-२ किं वा काव्यरसः स्वादुः किं वा स्वादीयसी सुधा ॥

८२७२-१ कं प्रति कथयितुमीशे संप्रति को वा प्रतीतिमायातु ।
८२७२-२ गोपतितनयाकुञ्जे गोपवधूटीविटं ब्रह्म ॥

८२७३-१ कं योजयन्मनुजोऽर्थं लभेत निपातयन्नष्टदृशं हि गर्ते ।
८२७३-२ एवं नराणां विषयस्पृहा च निपातयन्निरये त्वन्धकूपे ॥

८२७४-१ कं विशेषमवलम्ब्य योषितः प्रेयसे भजसि वर्चसे भुवं ।
८२७४-२ त्यागहेतुरपि तुल्य एव ते सापि सापि मलमोचनस्थली ॥

८२७५-१ कं संजघान कृष्णः का शीतलवाहिनी गङ्गा ।
८२७५-२ के दारपोषणरताः कं बलवन्तं न बाधते शीतं ॥

८२७६-१ कंसं ध्वंसयते मुरं तिरयते हंसं तथा हिंसते बाणं क्षीणयते बकं लघयते पौण्ड्रं तथा लुम्पते ।
८२७६-२ भ्ॐअं क्षामयते बलाद्बलभिदो दर्पं पराकुर्वते क्लिष्टं शिष्टगणं प्रणम्रमवते कृष्णाय तुभ्यं नमः ॥

८२७७-१ कंसारातेर्वद गमनं केन स्याथ्कस्मिन्दृष्टिं संलभते स्वल्पेच्छुः ।
८२७७-२ कं सर्वेषां शुभकरमूचुर्धीराः किं कुर्यास्त्वं सुजन सशोकं लोकं ॥

८२७८-१ कंसारिचरणोद्भूतसिन्धुकल्लोललालितं ।
८२७८-२ मन्ये हंस मनो नीरे कुल्यानां रमते कथं ॥

८२७९-१ कंसो रावणो रामश्च राजा दुर्योधनस्तथा ।
८२७९-२ चत्वारोऽपि महामूर्खाः पञ्चमः शालिवाहनः ॥

८२८०-१ कः कं शक्तो रक्षितुं मृत्युकाले रज्जुच्छेदे के घटं धारयन्ति ।
८२८०-२ एवं लोकस्तुल्यधर्मो वनानां काले काले छिद्यते रुह्यते च ॥

८२८१-१ कः कः कुत्र न घुर्घुरायितघुरीघोरो घुरेत्सूकरः कः कः कं कमलाकरं विकमलं कर्तुं करी नोद्यतः ।
८२८१-२ के के कानि वनान्यरण्यमहिषा नोन्मूलयेयुर्यतः सिंहीस्नेहविलासबद्धवसतिः पञ्चाननो वर्तते ॥

८२८२-१ कः कण्टकानां प्रकरोति तैक्ष्ण्यं विचित्रभावं मृगपक्षिणां च ।
८२८२-२ माधुर्यमिक्षौ कटुतां च निम्बे स्वभावतः सर्वमिदं हि सिद्धं ॥

८२८३-१ कः कर्णारिपिता गिरीन्द्रतनया कस्य प्रिया कस्य तुक् को जानाति परेङ्गितं विषमगुः कुत्रोदभूत्कामिनां ।
८२८३-२ भार्या कस्य विदेहजा तुदति का भ्ॐएऽह्नि निन्द्यश्च कस् तत्प्रत्युत्तरमध्यमाक्षरपदं सर्वार्थसंपत्करं ॥

८२८४-१ कः कस्य पुरुषो बन्धुः किमाप्यं कस्य केनचित् ।
८२८४-२ यदेको जायते जन्तुरेक एव विनश्यति ॥

८२८५-१ तस्मान्माता पिता चेति राम सज्जेत यो नरः ।
८२८५-२ उन्मत्त इव स ज्ञेयो नास्ति कश्चिद्धि कस्यचित् ॥

८२८६-१ कः कान्तारमगात्पितुर्वचनतः संश्लिष्य कण्ठस्थलीं कामी किं कुरुते च गृध्रहठतश्छिन्नं प्ररूढं च किं ।
८२८६-२ का रक्षः कुलकालरात्रिरभवच्चन्द्रातपं द्वेष्टि को रामश्चुम्बति रावणस्य वदनं सीतावियोगातुरः ॥

८२८७-१ कः कालः कानि मित्राणि को देशः कौ व्ययागमौ ।
८२८७-२ कश्चाहं का च मे शक्तिरिति चिन्त्यं मुहुर्मुहुः ॥

८२८८-१ कः कुर्याद्भुवनं सर्वं कः समुन्मूलयेद्द्रुमान् ।
८२८८-२ किं प्रतीके भवेन्मुख्यं कः परत्रैति पुण्यतां ॥

८२८९-१ कः कोपः कः प्रणयो नटविटहतमस्तकासु वेश्यासु ।
८२८९-२ रजकशिलातलसदृशं यासां जघनं च वदनं च ॥

८२९०-१ कः कौ के कं कौ कान् हसति च हसतो हसन्ति हरिणाक्ष्या ।
८२९०-२ अधरः पल्लवमङ्घ्री हंसौ कुन्दस्य कोरकान्दन्ताः ॥

८२९१-१ कः खे गच्छति का रम्या का जप्या किं विभूषणं ।
८२९१-२ को वन्द्यः कीदृशी लङ्का वीरमर्कटकम्पिता ॥

८२९२-१ कः खे चरति कः शब्दं चोरं दृष्ट्वा करोति च ।
८२९२-२ कैरवाणामरिः को वा कोपानामालयश्च कः ॥

८२९३-१ कः खे भाति

,

हतो निशाचरपतिः केनाम्बुधौ मज्जति कः

,

कीदृक्तरुणीविलासगमनं

,

को नाम राज्ञां प्रियः ।
८२९३-२ पत्रं किं नृपतेः

,

किमप्सु ललितं

,

को रामरामाहरो मत्प्रश्नोत्तरमध्यमाक्षरपदं यत्तत्तवाशीर्वचः ॥

८२९४-१ कः परेतनगरीपुरंदरः को भवेदथ तदीयकिंकरः ।
८२९४-२ कृष्णनाम जगदेकमङ्गलं कण्ठपीठमुररीकरोति चेत् ॥

८२९५-१ कः पश्यति खुरमहसः संमुखमपि तेजसां सहस्रस्य ।
८२९५-२ कलितं शशभृद्धाम्नो यो मण्डलखण्डनं सहते ॥

८२९६-१ कः पुष्पजातिं सुरभिं विधत्ते कश्चन्दनं वै शिशिरीकरोति ।
८२९६-२ कः प्रार्थयेद्भानुमिह प्रकाशे साधुस्तथा स्वेन परोपकारी ॥

८२९७-१ कः पूज्यः सद्वृत्तः कमधममाचक्षते चलितवृत्तं ।
८२९७-२ केन जितं जगदेतथ्सत्यतितिक्षावता पुंसा ॥

८२९८-१ कः पूज्यः

,

सुजनत्वमेति कतमः

,

क्व स्थीयते पण्डितैः श्रीमत्या शिवया च केन भुवने युद्धं कृतं दारुणं ।
८२९८-२ किं वाञ्छन्ति सदा जना

,

युवजना ध्यायन्ति किं मानसे मत्प्रश्नोत्तरमध्यमाक्षरपदं भूयात्तवाशीर्वचः ॥

८२९८आ-१ कः पौरवे वसुमतीं शासति शासितरि दुर्विनीतानां ।
८२९८आ-२ अयमाचरत्यविनयं मुग्धासु तपस्विकन्यासु ॥

८२९९-१ कः प्रसूते पूरोवातं कः प्रेरयति वारिदं ।
८२९९-२ प्राप्ते तु श्रावणे मासि भवत्येकार्णवं जगत् ॥

८३००-१ कः प्राज्ञो वाञ्छति स्नेहं वेश्यासु सिकतासु च ।
८३००-२ विमुच्यते वा भवता वस्तुधर्मोऽयमीदृशः ॥

८३०१-१ कः प्रार्थितोऽपि दास्यति तृणतुषपरिमाणमात्रमप्यधिकं ।
८३०१-२ अन्तर्ललाटसंपुट- विकटाक्षरमालिकां मुक्त्वा ॥

८३०२-१ कः प्रार्थ्यते मदनविह्वलया युवत्या भाति क्व पुण्ड्रकमुपैति कथं बतायुः ।
८३०२-२ क्वानादरो भवति

,

केन च राजतेऽब्जं बाह्यास्थि किं फलमुदाहर नालिकेरं ॥

८३०३-१ कः शक्रः कतमः स्रष्टा वराकः कतमो यमः ।
८३०३-२ सत्यव्रतानां भूपानां कर्तुं शासनलङ्घनं ॥

८३०४-१ कः शमः क्रियतां प्राज्ञाः प्रियाप्रीतौ परिश्रमः ।
८३०४-२ भस्मीभूतस्य भूतस्य पुनरागमनं कुतः ॥

८३०५-१ कः श्रद्धास्यति भूतार्थं सर्वो मां तुलयिष्यति ।
८३०५-२ शङ्कनीया हि लोकेऽस्मिन्निष्प्रतापा दरिद्रता ॥

८३०६-१ कः श्लाघनीयजन्मा माघनिशीथेऽपि यस्य सौभाग्यं ।
८३०६-२ प्रालेयानिलदीर्घः कथयति काञ्चीनिनादोऽयं ॥

८३०७-१ कः स्यादम्बुदयाचको

,

युवतयः कं कामयन्ते पतिं लज्जा केन निवार्यते

,

निकटके दासे कथं यावनी ।
८३०७-२ भाषा दर्शयतेति वस्तुषु महाराष्ट्रे कदा वा भवेदाद्यान्ताक्षरयोर्हि लोपरचनाचातुर्यतः पूर्यतां ॥

८३०८-१ कः स्वभावगभीराणां लक्षयेद्बहिरापदं ।
८३०८-२ बालापत्येन भृत्येन यदि सा न प्रकाश्यते ॥

८३०९-१ क आत्मा कः परो वात्र स्वीयः पारक्य एव वा ।
८३०९-२ स्वपराभिनिवेशेन विना ज्ञानेन देहिनां ॥

८३१०-१ क आलिप्तः प्रियः कोऽस्याः कं ध्यायति कमीक्षते ।
८३१०-२ इति चिन्ता न यस्यासीत्स पूज्यः पण्ययोषितां ॥

८३११-१ … …

८३११-२ क ईप्सितार्थस्थिरनिश्चयं मनः

८३११-३ पयश्च निम्नाभिमुखं प्रतीपयेत् ॥

८३१२-१ क एकस्त्वं पुष्पायुध मम समाधिव्ययविधौ सुपर्वाणः सर्वे यदि कुसुमशस्त्रास्तदपि किं ।
८३१२-२ इतीवैनान्नूनं य इह सुमनोस्त्रत्वमनयथ्स वः शास्ता शस्त्रं दिशतु दशदिङ्मारविजयी ॥

८३१३-१ ककुभकरीरावेक- त्र संयुतौ ककुभबिल्वौ वा ।
८३१३-२ हस्तत्रयेऽम्बु पश्चान् नरैर्भवत्येकविंशत्या ॥

८३१४-१ ककुभस्य फलं पुष्पं लाक्षा श्रीवासगुग्गुलू ।
८३१४-२ श्वेतापराजितामूलं विडङ्गान्वितसर्षपाः ॥

८३१५-१ ककुभां मुखानि सहसोज्ज्वलयन् दधदाकुलत्वमधिकं रतये ।
८३१५-२ अदिदीपदिन्दुरपरो दहनः कुसुमेषुमत्रिनयनप्रभवः ॥

८३१६-१ ककुभि ककुभि ध्वान्तक्षुब्धं वितत्य विधाय च श्रुतिपुटभिदो गर्जाः श्रेयः कृतं परमम्बुदैः ।
८३१६-२ कथमितरथा जातोद्वेगः समुज्झितपल्वलः कनककमलोत्तंसे हंसः स नन्दति मानसे ॥

८३१७-१ ककुभि ककुभि भ्रान्त्वा भ्रान्त्वा विलोक्य विलोकितं मलयजसमो दृष्टोऽस्माभिर्न कोऽपि महीरुहः ।
८३१७-२ उपचितरसो दाहे च्छेदे शिलातलघर्षणे- ऽप्यधिकमधिकं यत्सौरभ्यं तनोति मनोहरं ॥

८३१८-१ कक्षे किं मितपुस्तकं किमुदकं (किं) काव्यसारोदकं दीर्घं किं यदि ताडपत्रलिखितं किं चात्र गौडाक्षरं ।
८३१८-२ गन्धः किं यदि रामरावणकथासंग्रामगन्धो महथ्किं वारं बहु जल्पसे शृणु सखे नाम्ना पुराणो झषः ॥

८३१९-१ कङ्कगृध्रसृगालेषु दंशेषु मशकेषु च ।
८३१९-२ पन्नगेषु च जायन्ते नराः क्रोधपरायणाः ॥

८३२०-१ कङ्कहंसशशादानां मत्स्यादक्रौञ्चकेकिनां ।
८३२०-२ गृध्राणां कुक्कुटानां च पक्षा एतेषु शोभनाः ॥

८३२१-१ कङ्केलिरेष किमचेतन एव सत्यं नम्नः स्वयं न कुसुमानि ददाति यस्ते ।
८३२१-२ धूर्तोऽथवा नमति नायमुदस्तबाहु- व्यक्तोन्नतस्तनतटान्तदिदृक्षयेव ॥

८३२२-१ कचकुचचुबुकाग्रे पाणिषु व्यापृतेषु प्रथमजलधिपुत्रीसंगमेऽनङ्गधाम्नि ।
८३२२-२ ग्रथितनिबिडनीवीबन्धनिर्मोचनार्थं चतुरधिककराशः पातु वश्चक्रपाणिः ॥

८३२३-१ कचग्रहमनुग्रहं दशनखण्डनं मण्डनं दृगञ्जनमवञ्चनं मुखरसार्पणं तर्पणं ।
८३२३-२ नखार्दनमतर्दनं निबिडपीडनं क्रीडनं करोति रतिसङ्गमे मकरकेतनः कामिनां ॥

८३२४-१ कचग्रहसमुल्लसत्कमलकोषपीडाजड- द्विरेफकलकूजितानुकृतसीत्कृतालंकृताः ।
८३२४-२ जयन्ति सुरतोत्सवव्यतिकरे कुरङ्गीदृशां प्रमोदमदनिर्भरप्रणयचुम्बिनो विभ्रमाः ॥

८३२५-१ कचग्रहोत्तानितमर्धकुड्मलं त्रपाचलत्तारकमन्दलोचनं ।
८३२५-२ बलाद्गृहीताधरवेदनाकुलं कदा पिबेयं ननु तत्प्रियामुखं ॥

८३२६-१ कचभारात्कुचभारः कुचभाराद्भीतिमेति कचभारः ।
८३२६-२ कचकुचभाराज्जघनं कोऽयं चन्द्रानने चमत्कारः ॥

८३२७-१ कचमूलबद्धपन्नग- निश्वासविषाग्निधूमहतमध्यं ।
८३२७-२ ऐशानमिव कपालं स्फुटलक्ष्मा स्फुरति शशिबिम्बं ॥

८३२८-१ कचा यूकावासा मुखमजिनबद्धास्थिनिचयं कुचौ मांसग्रन्थी जठरमपि विष्ठादिधटिका ।
८३२८-२ मलोत्सर्गे यन्त्रं जघनमबलायाः क्रमयुगं तदाधारस्थूणे तदिह किमु रागाय महतां ॥

८३२८आ-१ कचैरर्धच्छिन्नैः करनिहितरक्तैः कुचतटैर् नखोत्कृत्तैर्गण्डैरुपलहतिशीर्णैश्च निटिलैः ।
८३२८आ-२ विदीर्णैराक्रन्दाद्विकलगदितैः कण्ठविवरैर् मनस्तक्ष्णोत्यन्तःपुरपरिजनानां स्थितिरियं ॥

८३२८भ्-१ कच्चित्कान्तारभाजां भवति परिभवः कोऽपि शौवापदो वा प्रत्यूहेन क्रतूनां न खलु मखभुजो भुञ्जते वा हवींषि ।
८३२८भ्-२ कर्तुं वा कच्चिदन्तर्वसति वसुमतीदक्षिणः सप्ततन्तुर् यत्संप्राप्तोऽसि किं वा रघुकुलतपसामीदृशोऽयं विवर्तः ॥

८३२९-१ कच्चित्पशव्यं निरुजं भूर्यम्बुतृणवीरुधं ।
८३२९-२ वृहद्वनं तदधुना यत्रास्से त्वं सुहृद्वृतः ॥

८३३०-१ कच्चित्सहस्रान्मूर्खाणां एकमिच्छसि पण्डितं ।
८३३०-२ पण्डितो ह्यर्थकृच्छ्रेषु कुर्यान्निःश्रेयसं महत् ॥

८३३१-१ कच्चित्स्ॐय प्रियसहचरी विद्युदालिङ्गति त्वां आविर्भूतप्रणयसुमुखाश्चातका वा भजन्ते ।
८३३१-२ पौरस्त्यो वा सुखयति मरुत्साधुसंवाहनाभिर् विष्वग्बिभ्रत्सुरपतिधनुर्लक्ष्म लक्ष्मीं तनोति ॥

८३३२-१ कच्चित्स्ॐय व्यवसितमिदं बन्धुकृत्यं त्वया मे प्रत्यादेशान्न खलु भवतो धीरतां तर्कयामि ।
८३३२-२ निःशब्दोऽपि प्रदिशसि जलं याचितश्चातकेभ्यः प्रत्युक्तं हि प्रणयिषु सतामीप्सितार्थक्रियैव ॥

८३३३-१ कच्चिदर्थेन वा धर्मं अर्थं धर्मेण वा पुनः ।
८३३३-२ उभौ वा प्रीतिलोभेन कामेन न विबाधसे ॥

८३३४-१ कच्चिदर्थं च धर्मं च कामं च जायतां वर ।
८३३४-२ विभज्य काले कालज्ञ सर्वान्भरत सेवसे ॥

८३३५-१ कच्छान्ववायजलधेरमृतांशुरन्यः प्रत्यर्थिवंशदहनः सुमना गुणज्ञः ।
८३३५-२ विद्याप्रियो नयपरो मतिमान्वदान्यः मीवारभूपतिरुदेतु यशो वितन्वन् ॥

८३३६-१ कज्जलतिलककलङ्कित- मुखचन्द्रे गलितसलिलकणकेशि ।
८३३६-२ नवविरहदहनतूलो जीवयितव्यस्त्वया कतमः ॥

८३३७-१ कज भज विकासमभितस् त्यज संकोचं भ्रमत्ययं भ्रमरः ।
८३३७-२ यद्यपि न भवति कार्यं तथापि तुष्टस्तनोत्ययं कीर्तिं ॥

८३३८-१ कज्जलहिमकनकरुचः सुपर्णवृषहंसवाहनाः शं वः ।
८३३८-२ जलनिधिगिरिकमलस्था हरिहरकमलासना ददतु ॥

८३३९-१ कटकत्वं पृथग्घेम्नस्तरंगत्वं पृथग्जलात् ।
८३३९-२ यथा न संभवत्येवं न जगत्पृथगीश्वरात् ॥

८३४०-१ कटकानि भजन्ति चारुभिर् नवमुक्ताफलभूषणैर्भुजैः ।
८३४०-२ नियतं दधते च चित्रकैर् अवियोगं पृथुगण्डशैलतः ॥

८३४१-१ कटकिनः कटुकरसान् करीरखदिरादिविटपतरुगुल्मान् ।
८३४१-२ उपभुञ्जाना करभी दैवादाप्नोति मधुरमधुजालं ॥

८३४२-१ कटाक्षेणापीषत्क्षणमयि निरीक्षेत यदि सा तदानन्दः सान्द्रः स्फुरति पिहिताशेषविषयः ।
८३४२-२ सर्ॐआञ्चोदञ्चत्कुचकलशनिर्भिन्नवसनः परीरम्भारम्भः क इव भविताम्भोरुहदृशः ॥

८३४३-१ कटाक्षैराक्षिप्तः प्रियसखि रहः केलिभवने वने पुष्पव्याजात्कुचयुगमिदं चापि वलितं ।
८३४३-२ रतासक्तं दृष्ट्वा हरिनमिथुनं चाल्पहसितं तथापि प्रेयान्मे न किमपि जानाति किमिति ॥

८३४४-१ कटिर्मुष्टिग्राह्या द्विपुरुषभुजग्राह्यमुदरं स्तनौ घण्टालोलौ जघनमिव गन्तुं व्यवसितौ ।
८३४४-२ स्मितं भेरीनादो मुखमपि च पत्युर्भयकरं तथाप्येषा रण्डा परिभवति संतापयति च ॥

८३४५-१ कटिर्विटशतैर्घूष्टा पान्थपीतोज्झितं मुखं ।
८३४५-२ स्तनौ सहस्रमृदितौ यस्याः कस्यास्तु सा निजा ॥

८३४५आ-१ कटिस्थकरवैशाखस्थानकस्थनराकृतिं ।
८३४५आ-२ द्रव्यैः पूर्णं स्मरेल्लोकं स्थित्युत्पत्तिव्ययात्मकैः ॥

८३४६-१ कटीतटनिकुञ्जेषु संचरन्वातकुञ्जरः ।
८३४६-२ एरण्डतैलसिंहस्य गन्धमाघ्राय धावति ॥

८३४७-१ कटु क्वणन्तो मलदायकाः खला- स्तुदन्त्यलं बन्धनशृङ्खला इव ।
८३४७-२ मनस्तु साधुध्वनिभिः पदे पदे हरन्ति सन्तो मणिनूपुरा इव ॥

८३४८-१ कटुतिक्तकषायरसैः पवनः पित्तं कटूष्णलवणाम्लैः ।
८३४८-२ स्निग्धमधुराम्ललवणैः श्लेष्मा कोपं प्रयाति तरोः ॥

८३४९-१ कटुतीक्ष्णोष्णलवणक्षाराम्लादिभिरुल्बणैः ।
८३४९-२ मातृभुक्तैरुपस्पृष्टः सर्वाङ्गोत्थितवेदनः ॥

८३५०-१ कटुभिरपि कठोरचक्रवाकोत्- करविरहज्वरशान्तिशीतवीयैः ।
८३५०-२ तिमिरहतमयं महोभिरञ्जञ् जयति जगन्नयनौघमुष्णभानुः ॥

८३५१-१ कटुमधुराण्यामोदैः पर्णैरुत्कीर्णपत्रभङ्गानि ।
८३५१-२ दमनकवनानि संप्रति काण्डैरेकान्तपाण्डूनि ॥

८३५२-१ कटु रटसि किमेवं कर्णयोः कुञ्जरारेर् अविदितनिजबुद्धे किं न विज्ञातमस्ति ।
८३५२-२ शिलतरकरदंष्ट्राटङ्कनिर्भिन्नकुम्भं मशक गलकरन्ध्रे हस्तियूथं ममज्ज ॥

८३५३-१ कटुविशिखशिखिप्रपञ्च पञ्चा- नन धनदप्रियमित्र मित्रनेत्र ।
८३५३-२ धृतसकलविकल्प कल्पशेष- प्रकटमहानट नाटय प्रसादं ॥

८३५४-१ कटूनामिह सार्थत्वात्कामं भवति संग्रहः ।
८३५४-२ तथापि वृत्तिर्न तथा रसज्ञानुमतिक्षमा ॥

८३५५-१ कटौ न कलमेखला न कुचमण्डले मालिका दृशोरपि न चाञ्जनं न पुनरस्ति रागोऽधरे ।
८३५५-२ प्रियेण सहचारिणा मदनतस्करस्योच्चकैस् ततस्त्वमसि लुण्ठिता निधुवने वने शोभने ॥

८३५५आ-१ कटुस्वरस्त्वं पिकभूत्तथापि श्लाघ्योऽसि सम्यक्पिकपुत्रपालात् ।
८३५५आ-२ आह्लादनाच्चन्द्र इवात्तलक्ष्मा कस्तूरिका गन्धभृतेव कृष्णा ॥

८३५६-१ कट्वम्ललवणात्युष्णतीक्ष्णरूक्षविदाहिनः ।
८३५६-२ आहारा राजसस्येष्टा दुःखशोकामयप्रदाः ॥

८३५७-१ कट्वेर्वारौ यथा पक्वे मधुरः सन्रसोऽपि न ।
८३५७-२ प्राप्यते ह्यात्मनि तथा नापक्वकरणे ज्ञता ॥

८३५८-१ कठिनं वा मधुरं वा प्रस्तुतवचनं मनोहारि ।
८३५८-२ वामे गर्दभनादश्चित्तप्रीत्यै प्रयाणेषु ॥

८३५९-१ कठिनः कृशमूलश्च दुर्लभो दक्षिणेतरः ।
८३५९-२ कश्चित्कल्याणगोत्रोऽपि मनुष्यैर्नोपजीव्यते ॥

८३६०-१ कठिनकुचौ तव बाले तरलसरोजाक्षि तावकं चक्षुः ।
८३६०-२ कुटिलसुकेशि कचास्ते मिथ्या भणितं कृशाङ्गि तव मध्यं ॥

८३६१-१ कठिनतरदामवेष्टन- लेखासंदेहदायिनो यस्य ।
८३६१-२ राजन्ति वलिविभङ्गाः स पातु दामोदरो भवतः ॥

८३६२-१ कठिनस्यापि हृदयं गुणवानार्द्रयेद्दृशा ।
८३६२-२ चन्द्रकान्तोपलं चन्द्रः स्वांशुभिर्द्रावयत्यसौ ॥

८३६३-१ कठिनहृदये मुञ्च क्रोधं सुखप्रतिघातकं लिखति दिवसं यातं यातं यमः किल मानिनि ।
८३६३-२ वयसि तरुणे नैतद्युक्तं चले च समागमे भवति कलहो यावत्तावद्वरं सुभगे रतं ॥

८३६४-१ कठिनहृदये मुञ्च भ्रान्तिं व्यलीककथाश्रयां पिशुनवचनैर्दुःखं नेतुं न युक्तमिमं जनं ।
८३६४-२ किमिदमथ वा सत्यं मुग्धे त्वयाद्य विनिश्चितं यदभिरुचितं तन्मे कृत्वा प्रिये सुखमास्यतां ॥

८३६५-१ कठिनास्तीक्ष्णवक्त्राश्च तीक्ष्णोदर्कास्तथैव च ।
८३६५-२ गणकैः किं नु लेखन्यस्ता वा किं ते विनिर्मिताः ॥

८३६६-१ कठिने दुर्गमे वासो गुप्तशक्तिप्रकाशनं ।
८३६६-२ रणे पुत्रः यथा शोच्यः कलहं वेश्यया सह ॥

८३६७-१ कठोरनखराहतद्विरदकुम्भपीठस्थली- लुठद्रुधिररञ्जितोल्ललितकेसरः केसरी ।
८३६७-२ गभीररवकातरातुरतरातुरव्याहृतैः पतन्हरिणकैः समं समरभूमिकां लज्जते ॥

८३६८-१ कठोरपारावतकण्ठमेचकं वपुर्वूषस्कन्धसुबन्धुरांसकं ।
८३६८-२ प्रसन्नर्सिहस्तिमितं च वीक्षितं ध्वनिश्च मङ्गल्यमृदङ्गमांसलः ॥

८३६९-१ कठोरास्थिग्रन्थिव्यतिकररणत्कारमुखरः खरस्नायुच्छेदक्षणविहितवेगव्युपशमः ।
८३६९-२ निरातङ्कः पङ्केष्विव पिशितपिण्डेषु विलस- न्नसिर्गात्रं गात्रं सपदि लवशस्ते विकिरतु ॥

८३७०-१ कण इव पुरां वह्नेर्भस्मावधूलनसङ्गतो जयति बहलालोकस्फारावधूतनिशोदयः ।
८३७०-२ स्मरहरजटाबन्धग्रन्थिर्भुजङ्गफणामणि- स्त्रिदशतटिनीपूरानीतः स्फुरन्निव तारकः ॥

८३७१-१ कणाचामतुषाङ्गारान्यत्नेन परिरक्षसि ।
८३७१-२ मूषकापहृतं कोषे रत्नराशिं न पश्यसि ॥

८३७२-१ कण्टकस्य तु भग्नस्य दन्तस्य चलितस्य च ।
८३७२-२ अमात्यस्य च दुष्टस्य मूलादुद्धरणं सुखं ॥

८३७३-१ कण्टकान्कूपमग्निं च वर्जयन्ति यथा नराः ।
८३७३-२ तथा नृशंसकर्माणं वर्जयन्ति नरा नरं ॥

८३७४-१ कण्टकावरणं यादृक्फलितस्य फलाप्तये ।
८३७४-२ तादृग्दुर्जनसङ्गोऽपि साधुसङ्गाय बाधनं ॥

८३७५-१ कण्टकिततनुशरीरा लज्जामुकुलायमाननयनेयं ।
८३७५-२ तव कुमुदिनीव वाञ्छति नृचन्द्र बाला करस्पर्शं ॥

८३७६-१ कण्टकेनापि ये स्पृष्टा यान्ति कामपि विक्रियां ।
८३७६-२ तेऽपि शस्त्रनिकृन्तस्य पशोर्मांसानि भुञ्जते ॥

८३७७-१ कण्टकेनापि विद्धस्य महती वेदना भवेत् ।
८३७७-२ चक्रभीषणखड्गाद्यैर्मार्यमाणस्य किं पुनः ॥

८३७८-१ कण्टकैरिव विदारितपादः पद्मिनीपरिचितैरपराद्रेः ।
८३७८-२ आरुरोह सरसीरुहबन्धुः स्कन्धमम्बुधितटीगमनाय ॥

८३७८आ-१ कण्टको दारुखण्डं च वितनोति गलव्यथां ।
८३७८आ-२ व्यञ्जनान्तर्निपतितस्तालु विध्यति वृश्चिकः ॥

८३७९-१ कण्टक्यकण्टकानां व्यत्यासेऽम्भस्त्रिभिः करैः पश्चात् ।
८३७९-२ खात्वा पुरुषत्रितयं त्रिभागयुक्तं धनं वा स्यात् ॥

८३८०-१ कण्टारिकाया अन्योक्तिः सणान्योक्तिरुदाहृता ।
८३८०-२ धत्तूरपादपान्योक्तिरवधेया तृणोक्तयः ॥

८३८१-१ कण्ठकोणविनिविष्टमीश ते कालकूटमपि मे महामृतं ।
८३८१-२ अप्युपात्तममृतं भवद्वपुर्- भेदवृत्ति यदि मे न रोचते ॥

८३८२-१ कण्ठगतैरप्यसुभिः कस्यात्मा नोपसर्पते जातु ।
८३८२-२ मूर्खस्य विषादस्य च गर्वस्य तथा कृतघ्नस्य ॥

८३८३-१ कण्ठग्रहं न वात्येव भर्तुः क्रुद्धापि यत्नतः ।
८३८३-२ कङ्कणश्रेणिकेवासौ दोषमेवावलम्बते ॥

८३८४-१ उन्मत्तेव प्रमत्तेव प्रहृष्टेवातुरेव च ।
८३८४-२ न शक्योपासितुं रामा प्रौढं यौवनमाश्रिता ॥

८३८५-१ सुखदुःखप्रदायिन्यस्तृतीये यौवने स्थिताः ।
८३८५-२ जायन्ते गहना रामाः संसारस्येव रीतयः ॥

८३८६-१ कण्ठग्रहे शिथिलतां गमिते कथंचिद्यो मन्यते मरणमेव सुखाभ्युपायं ।
८३८६-२ गच्छन्स एष न बलाद्विधृतो युवाभ्यां इत्युज्झिते भुजलते वलयैरिवास्याः ॥

८३८७-१ कण्ठच्छायमिषेण कल्परजनीमुत्तंसमन्दाकिनी- रूपेण प्रलयाब्धिमूर्ध्वनयनव्याजेन कल्पानलं ।
८३८७-२ भूषापन्नगकेलिपानकपटादेकोनपञ्चाश तं वातानप्युपसंहरन्नवतु वः कल्पान्तशान्तौ शिवः ॥

८३८८-१ कण्ठच्छेदविशीर्यमाणरुधिरप्राग्भारभग्नद्युतेर् येन स्मेरमुखेन ह्ॐअशिखिनः संधुक्षणाकाङ्क्षिणा ।
८३८८-२ भ्रूभङ्गः शितिकण्ठकण्ठफणिने फूत्कारहेतोः कृतः शौटीर्यव्रततुष्टधूर्जटिरसौ किं वर्ण्यते रावणः ॥

८३८९-१ कण्ठच्छेदे सुवर्णं चेत्क्षुरं यद्वद्धितं न हि ।
८३८९-२ बन्धुरप्यपकारी चेत्सर्वैस्त्याज्यस्तथैव सः ॥

८३९०-१ कण्ठमाकुञ्च्य हृदये स्थापयेद्दृढमिच्छया ।
८३९०-२ जालंधरो बन्ध एष सुधाव्ययनिवारणः ॥

८३९१-१ कण्ठश्रियं कुवलयस्तबकाभिराम- दामानुकारिविकटच्छविकालकूटां ।
८३९१-२ बिभ्रत्सुखानि दिशतादुपहारपीत- धूपोत्थधूममलिनामिव धूर्जटिर्वः ॥

८३९२-१ कण्ठश्लेषं समासाद्य तस्याः प्रभ्रष्टयानया ।
८३९२-२ तुल्यावस्था सखीवेयं तनुराश्वास्यते मम ॥

८३९३-१ कण्ठसक्तमृदुबाहुबन्धनं न्यस्तपादतलमग्रपादयोः ।
८३९३-२ प्रार्थयन्त शयनोत्थितं प्रियास् तं निशात्ययविसर्गचुम्बनं ॥

८३९४-१ कण्ठस्तस्याः कुवलय्दृशः काञ्चनः कोऽपि कम्बुर् लावण्याम्बुस्मरनरपतेरर्घ्यमाविः करोति ।
८३९४-२ तिस्रो रेखास्त्रिभुवनजयव्यञ्जिकास्तत्र तत्किं न स्यान्मध्ये त्रिवलिरचना पौनरुक्त्याय धातुः ॥

८३९५-१ कण्ठस्था या भवेद्विद्या सा प्रकाश्या सदा बुधैः ।
८३९५-२ या गुरौ पुस्तके विद्या तया मूढः प्रतार्यते ॥

८३९६-१ कण्ठस्य तस्याः स्तनबन्धुरस्य मुक्ताकलापस्य च निस्तलस्य ।
८३९६-२ अन्योन्यशोभाजननाद्बभूव साधारणो भूषणभूष्यभावः ॥

८३९७-१ कण्ठस्य विदधे कान्तिं मुक्ताभरणता यथा ।
८३९७-२ तस्याः स्वभावरम्यस्य मुक्ताभरणता तथा ॥

८३९८-१ कण्ठादूर्ध्वं विनिर्याति प्राणा याञ्चाक्षरैः सह ।
८३९८-२ ददामीत्यक्षरैर्दातुः पुनः श्रोत्राद्विशन्ति ते ॥

८३९९-१ कण्ठाद्रक्तं पिबति गुणिनां मद्यमांसं न भुङ्क्ते विष्णुद्रव्यं हरति कुरुते द्वादशीषूपवासं ।
८३९९-२ सांख्यं श्रुत्वापहरति गवां ब्राह्मणानां च वृत्तिं पापो दम्भः कलियुगसखः कस्य मित्रं नियोगी ॥

८४००-१ कण्ठान्तः क्वणितं दिवाकरकरक्लान्त्या रजोविप्लवैस् तन्नेत्राञ्चलकुञ्चनं शितकुशप्रान्तक्षतैः सीत्कृतिः ।
८४००-२ श्वासोर्मिप्रभवो वनेचरभिया त्वद्वैरिवामभ्रुवां एवं देव मरोस्तटेऽपि सुरतक्रीडानुरूपः क्रमः ॥

८४०१-१ कण्ठालंकारघण्टाघणघणरणिताध्मातरोदःकटाहः कण्ठेकालाधिरोहोचितघनसुभगं भावुकस्निन्धपृष्ठः ।
८४०१-२ साक्षाद्धर्मो वपुष्मान्धवलककुदनिर्धूतकैलासकूटः कूटस्थो वः ककुद्मान्निबिडतरतमःस्त्ॐअतृण्यां वितृण्यात् ॥

८४०२-१ कण्ठालिङ्गनमङ्गलं घनकुचाभोगोपभोगोत्सवं श्रोणीसंगमसौभगं च सततं मत्प्रेयसीनां पुरः ।
८४०२-२ प्राप्तुं कोऽयमितीर्ष्ययेव यमुनाकूले बलाद्यः स्वयं गोपीनामहरद्दुकूलनिचयं कृष्णः स पुष्णातु नः ॥

८४०३-१ कण्ठावसक्तमृदुबाहुलतास्तुरङ्गाद्राजावरोधनवधूरवतारयन्तः ।
८४०३-२ आलिङ्गनान्यधिकृताः स्फुटमापुरेव गण्डस्थलीः शुचितया न चुचुम्बुरासां ॥

८४०४-१ कण्ठाश्लेषिणमुन्नतस्तनभरश्रोणीतटग्राहिणं संसक्तोरुयुगं गृहीतजघनप्राकारमप्यन्ततः ।
८४०४-२ द्रागेव श्लथबन्धमिन्दुवदना गाढावमर्दासहं विज्ञायात्यजदाशु काञ्चनपटं व्रीडाकुलापि क्षणं ॥

८४०५-१ कण्ठे क एष तव वल्लभ नूपुरोऽयं तत्पादभूषणमयं वलयस्तदानीं ।
८४०५-२ इत्यादिवाच्यमविभाव्य वचो मृगाक्ष्या ज्ञानेऽपि तद्विहृतमुत्सुकतां तनोति ॥

८४०५आ-१ कण्ठे कृत्तावशेषं कनकमयमधः शृङ्खलादाम कर्षन् क्रान्त्वा द्वाराणि हेलाचलचरणरणत्किङ्कणीचक्रवालः ।
८४०५आ-२ दत्तातङ्कोऽङ्गनानामनुसृतसरणिः संभ्रमादश्वपालैः प्रभ्रष्टोऽयं प्लवङ्गः प्रविशति नृपतेर्मन्दिरं मन्दुरायाः ॥

८४०६-१ कण्ठे गद्गदता स्वेदो मुखे वैवर्ण्यवेपथू ।
८४०६-२ म्रियमाणस्य चिह्नानि यानि तान्येव याचतः ॥

८४०७-१ कण्ठे चिन्तामणिर्ज्ञेयश्चिन्तितार्थप्रदः सदा ।
८४०७-२ आवर्तः पृष्ठवंशे यः स सूर्याख्यः शुभः स्मृतः ॥

८४०८-१ कण्ठे जीवितमानने तव गुणाः पाणौ कपोलस्तनौ संतापस्त्वयि मानसं नयनयोरच्छिन्नधारं पयः ।
८४०८-२ सर्वं निष्करुण त्वदीयविरहे सालम्बनं किं पुनस् तस्याः संप्रति जीविते बत सखीवर्गो निरालम्बनः ॥

८४०९-१ कण्ठे मदः कोद्रवजो हृदि ताम्बूलजो मदः ।
८४०९-२ लक्ष्मीमदस्तु सर्वाङ्गे पुत्रदारमुखेष्वपि ॥

८४१०-१ कण्ठे मौक्तिकमालिकाः स्तनतटे कार्पूरमच्छं रजः सान्द्रं चन्दनमङ्गके वलयिताः पाणौ मृणालीलताः ।
८४१०-२ तन्वी नक्तमियं चकास्ति शुचिनी चीनांशुके बिभ्रती शीतांशोरधिदेवतेव गलिता व्य्ॐआग्रमारोहतः ॥

८४११-१ कण्ठे रज्जुं बद्ध्वा मृतस्य पुंसस्तु रज्जुमादाय ।
८४११-२ तस्याः खण्डं कण्ठे बद्धं गण्डस्रजं हरति ॥

८४१२-१ कण्ठे वसन्ती चतुरा यदस्याः सरस्वती वादयते विपञ्चीं ।
८४१२-२ तदेव वाग्भूय मुखे मृगाक्ष्याः श्रोतुः श्रुतौ याति सुधारसत्वं ॥

८४१३-१ कण्ठोचितोऽपि हुंकृति- मात्रनिरस्तः पदान्तिके पतितः ।
८४१३-२ यस्याश्चन्द्रशिखः स्मर- भल्लनिभो जयति सा चण्डी ॥

८४१४-१ कण्डूयते दक्षिणपाणिना चेथ्स सारमेयो वदनं तदानीं ।
८४१४-२ भक्तैः प्रभूतैः सह भूमिपालैर् भोज्यानि भक्ष्याणि चिरं भवन्ति ॥

८४१५-१ कण्डूलद्विपगण्डपिण्डकषणाकम्पेन सम्पातिभिर् धर्मस्रंसितबन्धनैः स्वकुसुमैरर्चन्ति गोदावरीं ।
८४१५-२ छायापस्किरमाणविष्किरमुखव्याकृष्टकीटत्वचः कूजत्क्लान्तकपीतकुक्कुटकुलाः कूले कुलायद्रुमाः ॥

८४१६-१ कण्डूयमानः खलु दक्षिणेन हस्तेन भालं भषणो ददाति ।
८४१६-२ प्रभाविनम्रीकृतराजचक्रं राज्याभिषेके वरपट्टबन्धं ॥

८४१७-१ कतरत्पुरहर परुषं हालाहलकवलयाचनावचसोः ।
८४१७-२ एकैव तव रसज्ञा तदुभयरसतारतम्यज्ञा ॥

८४१८-१ कति कति न पुनश्चरन्ति हन्ति प्रतिशिखरं प्रतिकाननं कुरङ्गाः ।
८४१८-२ तदपि जनमनोविनोदहेतुर् विलसति केष्वपि कोऽपि नाभिगन्धः ॥

८४१९-१ कति कति न मदोद्धताश्चरन्ति प्रतिशिखरि प्रतिकाननं कुरङ्गाः ।
८४१९-२ क्वचिदपि पुनरुत्तमा मृगास्ते मदयति यन्मद एव मेदिनीशान् ॥

८४२०-१ कति कति न लताः कलिताः संचरता चञ्चरीकरसिकेन ।
८४२०-२ नलिनि भवन्मधु मधुरं यत्पीतं तत्तदेव परिपीतं ॥

८४२१-१ कति कति न वसन्ते वल्लयः शाखिनो वा सुरभितसुमनोभिर्भूषिताङ्गा बभूवुः ।
८४२१-२ तदपि युवजनानां प्रीतये केवलोऽभूदभिनवकलिकालीभारशाली रसालः ॥

८४२२-१ कतिचिदुद्धतनिर्भरमत्सराः कतिचिदात्मवचःस्तुतिशालिनः ।
८४२२-२ अहह केऽपि निरक्षरकुक्षयस् तदिह संप्रति कं प्रति मे श्रमः ॥

८४२२आ-१ कतिचिद्दिवसानि काण्डशेषाः पतिताशेषपुराणजीर्णपर्णाः ।
८४२२आ-२ तरवस्त्वचि गर्हितप्रवालाः समवाप्यन्त न नामतो विवेक्तुं ॥

८४२३-१ कतिचिद्दिवसानि तया गमिता- नि गृहे तव सङ्गमरोचनया ।
८४२३-२ कतिचिद्विपिने नलिनीशयने वचनेन पिकीमदमोचनया ॥

८४२४-१ न वनेऽपि रतिर्भवनेऽपि न यं प्रतिरूपविनिर्ज्जितरोचनया ।
८४२४-२ करुणावरुणालय किं क्रियतां अरुणायतपङ्कजलोचनया ॥

८४२५-१ कति ते कबरीभारः सुमनःसङ्गात्प्रियेऽतिनीलत्वात् ।
८४२५-२ भवति च कलापवत्त्वान् निजैरसेव्यः कथं न स्यात् ॥

८४२६-१ कति न सन्ति जना जगतीतले तदपि तद्विरहाकुलितं मनः ।
८४२६-२ कति न सन्ति निशाकरतारकाः कमलिनी मलिनी रविणा विना ॥

८४२७-१ कति न सन्ति महीषु महीरुहः सुरभिपुष्परसालफलालयः ।
८४२७-२ सुरभयन्ति न केऽपि च भूरुहान् इति यशोऽस्ति परं तव चन्दन ॥

८४२८-१ कति नो विषया निभालिताः कति वा भूमिभुजो न शीलिताः ।
८४२८-२ धरणीधर तावकान्गुणान् अवधार्याजगणं गुरुं लघुं ॥

८४२९-१ कतिपयदिवसस्थायिनि मदकारिणि यौवने दुरात्मानः ।
८४२९-२ विदधति तथापराधं जन्मैव यथा वृथा भवति ॥

८४३०-१ कत्तिपयदिवसस्थायी पूरो दूरोन्नतोऽपि भविता ते ।
८४३०-२ तटिनि तटद्रुमपातन- पातकमेकं चिरस्थायि ॥

८४३१-१ कतिपयदिवसैः क्षयं प्रयायाथ्कनकगिरिः कृतवासरावसानः ।
८४३१-२ इति मुदमुपयाति चक्रवाकी वितरणशालिनि वीररुद्रदेवे ॥

८४३२-१ कतिपयनिमेषवर्तिनि जन्मजरामरणविह्वले जगति ।
८४३२-२ कल्पान्तकोटिबन्धुः स्फुरति कवीनां यशःप्रसरः ॥

८४३३-१ कतिपयपुरस्वामी कायव्ययैरपि दुर्ग्रहो मितवितरिता मोहेनाहो मयानुसृतः पुरा ।
८४३३-२ त्रिभुवनपतिर्बुद्ध्याराध्योऽधुना स्वपदप्रदः पुनरधिगतस्तत्प्राचीनो दुनोति दिनव्ययः ॥

८४३४-१ कतिपयसहकारपुष्परम्यस् तनुतुहिनोऽल्पविनिद्रसिन्दुवारः ।
८४३४-२ सुरभिमुखहिमागमान्तशंसी समुपययौ शिशिरः स्मरैकबन्धुः ॥

८४३५-१ कति पल्लविता न पुष्पिता वा तरवः सन्ति समन्ततो वसन्ते ।
८४३५-२ जगतो विजये तु पुष्पकेतोः सहकारी सहकार एक एव ॥

८४३६-१ कतिषु न कृता सेवा के वा न वाग्विभवैः स्तुतास् तृणमपि गुणप्रीतः प्रादान्न कोऽपि विपश्चितां ।
८४३६-२ अयमिह परं दुःखज्वालाकलापमखण्डयथ्कनकपयसां धारादण्डैरकाण्डघनाघनः ॥

८४३७-१ कति सन्ति नोन्नतिभृतस्तरवस् तदपि त्वमेव गुरुकीर्तिवरः ।
८४३७-२ निबिडादरं नवमरन्दहरः सहकार कारणमिह भ्रमरः ॥

८४३८-१ कति सन्ति लता विपिने कुसुम- स्तवकानमिताः खलु पल्लविताः ।
८४३८-२ प्रतिचम्पकचन्दननीपवनी- नवपङ्कजिनीमधुसंवलिताः ॥

८४३९-१ सुचिरं कुसुमेषु परिभ्रमता न च मालति कापि तथा मिलिता ।
८४३९-२ मधुपेन पुनर्मधुपानविधौ हृदये न यथा भवती कलिता ॥

८४४०-१ कति सन्ति लवङ्गलता ललिता नवकोरकिता धरणीसुतले ।
८४४०-२ कति बन्धुरगन्धभृतस्तरवो गुरवो निवसन्ति गिरौ मलये ॥

८४४१-१ कत्यक्षीणि करोटयः कति कति द्वीपिद्विपानां त्वचः काकोलाः कति पन्नगाः कति सुधाधाम्नश्च खण्डाः कति ।
८४४१-२ किं च त्वं च कति त्रिलोकजननि त्वद्वारिपूरोदरे मज्जज्जन्तुकदम्बकं समुदयत्येकैकमादाय यत् ॥

८४४२-१ कत्यश्वाः कति धेनवः कति गजाः कत्यद्भुताः पादपाः सुन्दर्यः कति सुस्रुवः कति महारत्नान्यनर्ध्याण्यपि ।
८४४२-२ जातैका किल कन्यका जलनिधेर्दातुं प्रसक्ता यदा सर्वं तद्व्ययितं तदा परिणतौ नामैकमुच्छेषितं ॥

८४४३-१ कथंचित्कालिदासस्य कालेन बहुना मया ।
८४४३-२ अवगाढेव गम्भीरमसृणौधा सरस्वती ॥

८४४४-१ कथंचिदह्नि हृदये कुशलैर्विनिवेशिता ।
८४४४-२ शिक्षा गौरखरेणेव राज्ञा विस्मार्यते निशि ॥

८४४५-१ कथंचिन्नैदाघे दिवस इव कोपे विगलिते प्रसत्तौ प्राप्तायां तदनु च निशायामिव शनैः ।
८४४५-२ स्मितज्योत्स्नारम्भक्षपितविरहध्वान्तनिवहो मुखेन्दुर्मानिन्याः स्फुरति कृतपुण्यस्य सुरते ॥

८४४६-१ कथं ते त्यक्तसद्वृत्ताः सुखं रात्रिषु शेरते ।
८४४६-२ मरणान्तरिता येषां नरकेषूपपत्तयः ॥

८४४७-१ कथं त्वदुपलम्भाशाविहताविह तादृशी ।
८४४७-२ अवस्था नालमारोढुं अङ्गनामङ्गनाशिनी ॥

८४४७आ-१ कथं न रमते चित्तं धर्मेऽनेकसुखप्रदे ।
८४४७आ-२ जीवानां दुःखभीरूणां प्रायो मिथ्यादृशो यतः ॥

८४४८-१ कथं न लज्जितस्तादृक्सविता तेजसां निधिः ।
८४४८-२ ब्रह्माण्डखण्डिकां प्राप्य कुर्वन्पादप्रसारिकां ॥

८४४९-१ कथं नाम न सेव्यन्ते यत्नतः परमेश्वराः ।
८४४९-२ अचिरेणैव ये तुष्टाः पूरयन्ति मनोरथान् ॥

८४५०-१ कथं नु तं बन्धुरक्ॐअलाङ्गुलिं करं विहायासि निमग्नमम्भसि ।
८४५०-२ अचेतनं नाम गुणं न लक्षयेन् मयैव कस्मादवधीरिता प्रिया ॥

८४५१-१ कथं नु पुत्राः पितरं हन्युः कस्यांचिदापदि ।
८४५१-२ भ्राता वा भ्रातरं हन्यात्स्ॐइत्रे प्राणमात्मानः ॥

८४५२-१ कथं न्याय्यमनुष्ठानं मादृशः प्रतिषेधतु ।
८४५२-२ कथं वाभ्यनुजानातु साहसैकरसां क्रियां ॥

८४५३-१ कथं न्विदं कमलविशाललोचने गृहं घनैः पिहितकरे निशाकरे ।
८४५३-२ अचिन्तयन्त्यभिनववर्षविद्युतस् त्वमागता सुतनु यथा प्रभावती ॥

८४५४-१ कथं चैषा तन्वी प्रकृतिसुकुमाराङ्गलतिका प्रगल्भव्यापारं रतिकलहखेदं विषहते ।
८४५४-२ नलिन्यास्तिग्मोऽपि प्रभवति सुखायैव सविता प्रकृष्टे प्रेम्ण्येवं किमिव न सहन्ते युवतयः ॥

८४५५-१ कथं प्रियाया अनुकम्पितायाः सङ्गं रहस्यं रुचिरांश्च मन्त्रान् ।
८४५५-२ सुहृत्सु च स्नेहसितः शिशूनां कलाक्षराणामनुरक्तचित्तः ॥

८४५६-१ पुत्रान्स्मरंस्ता दुहित्र्हृदस्या भ्रात्न्स्वस्र्वा पितरौ च दीनौ ।
८४५६-२ गृहान्मनोज्ञोरुपरिच्छदांश्च वृत्तीश्च कुल्याः पशुभृत्यवर्गान् ॥

८४५७-१ कथं भार्यामृते धर्मं अर्थं वा पुरुषः प्रभो ।
८४५७-२ प्राप्नोति काममथ वा तस्यां त्रितयमाहितं ॥

८४५८-१ तथैव भर्तारमृते भार्या धर्मादिसाधने ।
८४५८-२ न समर्था त्रिवर्गोऽयं दाम्पत्यं समुपाश्रितः ॥

८४५९-१ कथं ममोरसि कृतपक्षनिःस्वनः शिलीमुखोऽपहितदिति (

?)

जल्पति प्रिये ।
८४५९-२ निवृत्य किं किमिति ब्रुवाणयानया ससाध्वसं कुपितममोचि कान्तया ॥

८४६०-१ कथं मुग्धे कथं वक्रे कान्तायास्ते विलोचने ।
८४६०-२ कथं जनानुरागाय कथं जनविपत्तये ॥

८४६१-१ कथं यतेत मनुजौ भिन्नैव प्रकृतिर्यतः ।
८४६१-२ एकस्थानसमुत्पन्न सुधाक्ष्वेडभिदा स्मृता ॥

८४६२-१ कथं राजा स्थितो धर्मे परदारान्परामृशेत् ।
८४६२-२ रक्षणीया विशेषेण राजदारा महाबल ॥

८४६३-१ कथं विलोकेयममुं युवानं कुमुद्वतीबन्धुमिवोज्जिहानं ।
८४६३-२ भर्तुः स्वसा भाद्रचतुर्थिकेव कलङ्कयत्यर्धविलोकनेऽपि ॥

८४६४-१ कथं वीथीमस्मानुपदिशसि धर्मप्रणयिनीं प्रसीद स्वां शिष्यामतिखलमुखीं शाधि मुरलीं ।
८४६४-२ हरन्ती मर्यादां शिव शिव परे पुंसि हृदयं नयन्ती धृष्टेयं यदुवर यथा नाह्वयति नः ॥

८४६५-१ कथं संबोध्यते राजा सुग्रीवस्य च का प्रिया ।
८४६५-२ निर्धनाः किं च वाञ्छन्ति किं कुर्वन्ति मनीषिणः ॥

८४६६-१ कथं स दन्तरहितः सूर्यः सूरिभिरुच्यते ।
८४६६-२ यो मीनराशिं मुक्तैव मेषं भोक्तुं समुद्यतः ॥

८४६७-१ कथनेन विनाप्याशां पूरयन्ति हि साधवः ।
८४६७-२ प्रतिगेहं भासते हि विवस्वान्कथनं विना ॥

८४६८-१ कथमगणितपूर्वं द्रक्ष्यते तं नरेन्द्रः कथमपुरुषवाक्यं श्रोष्यते सिद्धवाक्यः ।
८४६८-२ कथमविषयवन्घ्यं धारयिष्यत्यमर्षं प्रणिपतति निरुद्धः सत्कृतो धर्षितो वा ॥

८४६९-१ कथमद्य कथं च श्व इति जीवनचिन्तया ।
८४६९-२ या कृथा हा वृथा दैन्यं आयुरन्तं प्रयच्छति ॥

८४७०-१ कथमपि कृतप्रत्यापत्तौ प्रिये स्खलितोत्तरे विरहकृशया कृत्वा व्याजं प्रकल्पितमश्रुतं ।
८४७०-२ असहनसखीश्रोत्रप्राप्तिं विशङ्क्य ससंभ्रमं विवलितदृशा शून्ये गेहे समुच्छ्वसितं पुनः ॥

८४७१-१ कथमपि तव वृन्दारण्यमाहात्म्यवृन्दं न हि कथयितुमुच्चैरीश्वरोऽप्यीश्वरः स्यात् ।
८४७१-२ अपि च तृणफलानां यस्य लुब्धो रसाय प्रभुरमृतभुजामप्याश्रयद्वत्सभावं ॥

८४७२-१ कथमपि न निषिद्धो दुःखिना भीरुणा वा द्रुपदतनयपाणिस्तेन पित्रा ममाद्य ।
८४७२-२ तव भुजबलदर्पाध्यायमानस्य वामः शिरसि चरण एष न्यस्यते वारयैनं ॥

८४७३-१ कथमपि परिचितमुद्रा भुजभुद्रासङ्गतं स्वप्ने ।
८४७३-२ उषसि निमीलतनयना शयनान्तः कान्तमामृषति ॥

८४७४-१ कथमपि सखि क्रीडाकोपाद्व्रजेति मयोदिते कठिनहृदयस्त्यक्त्वा शय्यां बलाद्गत एव सः ।
८४७४-२ इति सरभसध्वस्तप्रेम्णि व्यपेतघृणे स्पृहां पुनरपि हतव्रीडं चेतः करोति कर्ॐइ किं ॥

८४७५-१ कथमपि हि भवन्ति क्षेत्रसद्बीजयोगाज् जगदुपकृतिहेतोर्नात्मवृत्त्यै फलन्ति ।
८४७५-२ दधति फलसमृद्ध्या दूरमानम्रभावं ननु जगति सुशूकाः साधवः शालयश्च ॥

८४७६-१ कथमप्यधिगतरन्ध्रैर् अध्युषिता यदि गुहाखुभिः क्षुद्रैः ।
८४७६-२ इयतैव किं मृगाधिप निजविक्रमनिर्विदं वहसि ॥

८४७७-१ कथमर्थं निषेधन्तु श्रुतयः स्मृतयोऽपि वा ।
८४७७-२ यासामेकं पदमपि न चलत्यर्थतो विना ॥

८४७८-१ कथमवनिप दर्पो यन्निशातासिधारा- दलनगलितमूर्ध्ना विद्विषां स्वीकृता श्रीः ।
८४७८-२ ननु तव निहतारेरप्यसौ किं न नीता त्रिदिवमपगताङ्गैर्वल्लभा कीर्तिरेभिः ॥

८४७९-१ कथमसौ न भजत्यशरीरतां हतविवेकपदो हतमन्मथः ।
८४७९-२ प्रहरतः कदलीदलक्ॐअले भवति यस्य दया न वधूजने ॥

८४८०-१ कथमसौ मदनो न नमस्यतां स्थितविवेकपदो मकरध्वजः ।
८४८०-२ मृगदृशं कदलीललितं वपुर् यदभि हन्ति शरैः कुसुमोद्भवैः ॥

८४८१-१ कथमियति वनान्ते कश्चिदेको न तादृङ्वरवनतरुरुच्चैः पुष्पवल्लीफलाढ्यः ।
८४८१-२ जगदसुखविधातुर्दग्धधातुर्नियोगा- द्धवखदिरपलाशाः केवलं वृद्धिभाजः ॥

८४८२-१ कथमिव तव संमतिर्भवित्री सममृतुभिर्मुनिनावधीरितस्य ।
८४८२-२ इति विरचितमल्लिकाविकासः स्मयत इव स्म मधुं निदाघकालः ॥

८४८३-१ कथमिह मनुष्यजन्मा संप्रविशति सदसि विबुधगमितायां ।
८४८३-२ येन न सुभाषितामृतं आह्लादि निपीतमा तृप्तेः ॥

८४८४-१ कथमुत्पद्यते धर्मः कथं धर्मः प्रवर्धते ।
८४८४-२ कथं च स्थाप्यते धर्मः कथं धर्मो विनश्यति ॥

८४८५-१ सत्येनोत्पद्यते धर्मो दयादानैर्विवर्धते ।
८४८५-२ क्षमया स्थाप्यते धर्मः क्रोधलोभैर्विनश्यति ॥

८४८६-१ कथमुपरि कलापिनः कलापो विलसति तस्य तलेऽष्टमीन्दुखण्डं ।
८४८६-२ कुवलययुगलं ततो विलोलं तिलकुसुमं तदधः प्रवालमस्मात् ॥

८४८७-१ कथमेतत्कुचद्वन्द्वं पतितं तव सुन्दरि ।
८४८७-२ पश्याधः खनने मूढ पतन्ति गिरयोऽपि च ॥

८४८८-१ कथय कथमिवाशा जायतां जीविते मे मलयभुजगवान्ता वान्ति वाताः कृतान्ताः ।
८४८८-२ अयमपि खलु गुञ्जन्मञ्जु माकन्दमौलौ चुलुकयति मदीयां चेतनां चञ्चरीकः ॥

८४८८आ-१ कथय कथमुरोजदामहेतोर् यदुपतिरेष चिनोति चम्पकानि ।
८४८८आ-२ भवति करतले यदस्य कम्पः प्रियसखि मत्स्मृतिरेव मत्सपत्नी ॥

८४८९-१ कथय किमपि दृष्टं स्थानमस्ति श्रुतं वा व्रजति दिनकरोऽयं यत्र नास्तं कदाचित् ।
८४८९-२ इति विहगसमूहान्नित्यमेवास्ति पृच्छन् रजनिविरहभीतश्चक्रवाकी वराकः ॥

८४९०-१ कथय किमिदं जात्या ख्यातं किमस्य वराटकैः कतिभिरथवा लभ्यं चैतत्प्रयोजनमस्य किं ।
८४९०-२ प्रतिपदमिति ग्रामीणानां गणेन लघूकृतं बत करतले रत्नं कृत्वा विषीदति वाणिजः ॥

८४९१-१ कथयत इव नेत्रे कर्णमूलं प्रयाते सुमुखि तव कुचाभ्यां वर्त्य पश्यावनीं वा ।
८४९१-२ स्खलति यदि कथंचित्ते पदाम्भोजयुग्मं तव तनुतरमध्यं भज्यते नौ न दोषः ॥

८४९२-१ कथयत कथमेषा मेनया विप्रदत्ता शिव शिव गिरिपुत्रो वृद्धकापालिकाय ।
८४९२-२ इति वदति पुरंध्रीमण्डले सिद्धिलेश- व्ययकृतवरवेषः पातु वः श्रीमहेशः ॥

८४९३-१ कथय निपुणे कस्मिन्दृष्टः कथं नु कियच्चिरं किमभिलिखितं किं तेनोक्तं कदा स इहैष्यति ।
८४९३-२ इति बहुविधप्रेमोल्लासप्रकल्पितविस्तराः प्रियतमकथाः स्वल्पेऽप्यर्थे प्रयान्ति न नष्टतां ॥

८४९४-१ कथयानिमिषोऽस्म्यहं कथं ते वपुरालोकनमात्र एव जातः ।
८४९४-२ अधरामृतपायिनां भवत्या सुरतावाप्तिररालकेशि युक्ता ॥

८४९४आ-१ कथाभिर्देशानां कथमपि च कालेन बहुना समायाते कान्ते सखि रजनिरर्धं गतवती ।
८४९४आ-२ ततो यावल्लीलाप्रणयकुपितास्मि प्रकुपिता सपत्नीव प्राची दिगियमभवत्तावदरुणा ॥

८४९५-१ कथासु ये लब्धरसाः कवीनां ये नानुरज्यन्ति कथान्तरेषु ।
८४९५-२ न ग्रन्थिपर्णप्रणयाश्चरन्ति कस्तूरिकागन्धमृगास्तृणेषु ॥

८४९५आ-१ कथितावधिजीवितावधिर् गणयन्ती दिवसाननुक्षणं ।
८४९५आ-२ दयिताश्रुभरेण जीव्यते बत रेखा कतिचिद्विलुम्पता ॥

८४९६-१ कदपत्यं वरं मन्ये सदपत्याच्छुचां पदात् ।
८४९६-२ निर्विद्येत गृहान्मर्त्यो यत्क्लेशनिवहा गृहाः ॥

८४९७-१ कदम्बवृक्षसारस्तु विद्युत्पातनिवारणः ।
८४९७-२ विद्युत्पातस्य नो भीतिर्देवराजेऽति कीर्तनात् ॥

८४९८-१ कदर्थितस्यापि हि धैर्यवृत्तेर् न शक्यते धैर्यगुणः प्रमार्ष्टुं ।
८४९८-२ अध्ॐउखस्यापि कृतस्य वह्नेर् नाधः शिखा यान्ति कदाचिदेव ॥

८४९९-१ कदर्यमाक्रोशकमश्रुतं च वराकसम्भूतममान्यमानिनं ।
८४९९-२ निष्ठूरिणं कृतवैरं कृतघ्नं एतान्भृशार्तोऽपि न जातु याचेत् ॥

८५००-१ कदर्योपार्जितं वित्तं भोग्यं भाग्यवतां भवेत् ।
८५००-२ दन्ता अदन्ति कष्टेन जिह्वा ग्रसति लीलया ॥

८५०१-१ कदली कदली करभः करभः करिराजकरः करिराजकरः ।
८५०१-२ भुवनत्रितयेऽपि बिभर्ति तुलां इदमूरुयुगं न चमूरुदृशः ॥

८५०२-१ कदलीकन्दवद्धर्मो न रोहति बहिर्गतः ।
८५०२-२ छादितस्तु फलं चारु सूते पनसमूलवत् ॥

८५०३-१ कदलीकरभसमानां कलयति यो रूपक्

ë

प्तिं अतिरुचिरां ।
८५०३-२ सोपायाद्दृढयोगं गमितोरसिकोपकरणविषयतया ॥

८५०४-१ कदलीप्रकाण्डरुचिरोरुतरौ जघनस्थलीपरिसरे महति ।
८५०४-२ रशनाकलापकगुणेन वधूर् मकरध्वजद्विरदमाकलयत् ॥

८५०४आ-१ कदली बत जङ्घायाः सादृश्यं लभते कथं ।
८५०४आ-२ शैत्यं हि सहजं तत्र तत्र कालानुरूपता ॥

८५०५-१ कदलीवनमध्यस्थो वह्निर्मन्दपराक्रमः ।
८५०५-२ अविवेकिजनस्थाने गुणवान्किं करिष्यति ॥

८५०६-१ कदलीसारनिःसारे मृगतृष्णेव चञ्चले ।
८५०६-२ स्थावरे जंगमे सर्वे भूतग्रामे चतुर्विधे ॥

८५०७-१ कदा कान्तागारे परिमलमिलत्पुष्पशयने शयानः कान्तायाः कुचयुगमहं वक्षसि वहन् ।
८५०७-२ अये कान्ते मुग्धे कुटिलनयने चन्द्रवदने प्रसीदेत्याति क्रोशन्निमिषमिव नेष्यामि दिवसान् ॥

८५०८-१ कदा कार्योद्योगं सकलमपि संन्यस्य सहसा स्मरन्नित्यं शान्तं हृदयवचनागोचरमहः ।
८५०८-२ विभो मायातीत प्रथम परमानन्दनिबिड प्रसीदेत्याक्रोशन्निमिषमिव नेष्यामि दिवसान् ॥

८५०९-१ कदा गण्डादञ्चन्मदलुलितसिन्दूरसुभगं नमस्कुर्वन्पद्मामलमधुरमूर्तिं गणपतिं ।
८५०९-२ गजास्य श्रीशम्भोःसुत सुमुख लम्बोदर विभो प्रसीदेत्याक्रोशन्निमिषमिव नेष्यामि दिवसान् ॥

८५१०-१ कदाचन महाकार्ये लघुरेवोपयुज्यते ।
८५१०-२ किं दूरीकृत्य दीर्घादि दूर्वां क्षेमाय नादृतः ॥

८५११-१ कदाचित्कवचं भेद्यं नाराचेन शरेण वा ।
८५११-२ अपि वर्षशताघाते ब्राह्मणाशीर्न भिद्यते ॥

८५१२-१ कदाचित्कष्टेन द्रविणमधमाराधनवशान् मया लब्धं स्तोकं निहितमवनौ तस्करभयात् ।
८५१२-२ ततो नित्ये कश्चित्क्वचिदपि तदाखुर्बिलगृहे- ऽनयल्लब्धोऽप्यर्थोन भवति यदा कर्म विषमं ॥

८५१३-१ कदाचित्कालिन्दीतटविपिनसङ्गीतकरवो मुदाभीरीनारीवदनकमलास्वादमधुपः ।
८५१३-२ रमाशम्भुब्रह्मामरपतिगणेशर्चितपदो जगन्नाथः स्वामी नयनपथगामी भवतु मे ॥

८५१४-१ कदाचित्पाञ्चाली विपिनभुवि भीमेन बहुशः कृशाङ्गि श्रान्तासि क्षणमिह निषीदेति गदिता ।
८५१४-२ शनैः शीतच्छायं तटविटपिनं प्राप्य मुदिता पुरः पत्युः कामाच्छ्वशुरमियमालिङ्गति सती ॥

८५१५-१ कदाचित्साधुतामेति पुरः शिशुरसन्मतिः ।
८५१५-२ प्राक्पाण्डुपत्राः कुत्रापि चोयन्ते चारुभूरुहाः ॥

८५१६-१ कदाचिदपि संजातं अकार्यादिष्टसाधनं ।
८५१६-२ यदनिष्टं तु सत्कार्यान्नाकार्यप्रेरकं हि तत् ॥

८५१७-१ कदाचिदारोहति सौधमुन्नतं कदाचिदायाति धरातलं पुनः ।
८५१७-२ कदाचिदास्यं विनिवेश्य जालके प्रियं नवोढा तु सलज्जमीक्षते ॥

८५१८-१ कदा ते सानन्दं विततनवदूर्वाञ्चिततटी- कुटीरे तीरे वा सवनमनु मन्वादिकथितैः ।
८५१८-२ कथाबन्धैरन्धङ्करणकरणग्रामनियमाद्यमादुज्झन्भीतिं भगवति भवेयं प्रमुदितः ॥

८५१९-१ कदा द्रक्ष्यामि नन्दस्य बालकं नीपमालकं ।
८५१९-२ पालकं सर्वसत्त्वानां लसत्तिलकभालकं ॥

८५२०-१ कदाधरदले बाले दन्तकेसरशोभिते ।
८५२०-२ भवामि त्वन्मुखाम्भोजे रसिको मधुपो यथा ॥

८५२१-१ कदा नु कन्यागमनप्रवादं प्रक्षालयेयं जगति प्ररूढं ।
८५२१-२ इतीव भास्वान्परिवृद्धतापस् तुलां विशुद्ध्यर्थमिवारुरोह ॥

८५२२-१ कदा नु चारुबिम्बोष्ठं तस्याः पद्ममिवाननं ।
८५२२-२ ईषदुन्नम्य पास्यामि रसायनमिवातुरः ॥

८५२३-१ कदा नौ संगमो भावीत्याकीर्णे वक्तुमक्षमं ।
८५२३-२ अवेत्य कान्तमबला लीलापद्मं न्यमीलयत् ॥

८५२४-१ कदापि नाश्रयेत्प्राज्ञोऽकरुणं मिष्टभाषिणं ।
८५२४-२ प्रच्छन्नमसहिष्णुं वा गुडमिश्रं विषं यथा ॥

८५२५-१ कदापि नोग्रदण्डः स्यात्कटुभाषणतत्परः ।
८५२५-२ भार्या पुत्रोऽप्युद्विजते कटुवाक्यात्प्रदण्डतः ॥

८५२५-३ पशवोऽपि वशं यान्ति दानैश्च मृदुभाषणैः ॥

८५२५आ-१ कदापि वेश्या न गुणार्थिनी स्याद्रूपार्थिनी नैव हितार्थिनी च ।
८५२५आ-२ विद्यार्थिनी नापि न मन्यसे चेद्वार्तां शृणु त्वं कयवन्नकस्य ॥

८५२६-१ कदा पुण्यक्षेत्रे करकलितरुद्राक्षवलयो दधत्स्वान्ते शान्तेऽखिलशिवपदं श्रीशिवपदं ।
८५२६-२ महेश श्रीकण्ठ स्मरहर हर त्र्यम्बक शिव प्रसीदेत्याक्रोशान्निमिषमिव नेष्यामि दिवसान् ॥

८५२७-१ कदा ब्रह्मेशानत्रिदशपतिमुख्यैः सुरगणैः स्तुतं विष्वक्सेनं जितदनुजसेनं हृदि भजन् ।
८५२७-२ अये विष्णो जिष्णो गरुडरथ विश्वम्भर हरे प्रसीदेत्याक्रोशन्निमिषमिव नेष्यामि दिवसान् ॥

८५२८-१ कदा भागीरथ्या भवजलधिसंतारतरणेः स्खलद्वीचीमालाचपलतलविस्तारितमुदः ।
८५२८-२ तमःस्थाने कुञ्जे क्वचिदपि निविश्याहृतमना भविष्याम्येकाकी नरकमथने ध्यानरसिकः ॥

८५२९-१ कदा भिक्षाभक्तैः करकलितगङ्गाम्बुतरलैः शरीरं मे स्थास्यत्युपरतसमस्तेन्द्रियसुखं ।
८५२९-२ कदा ब्रह्माभ्यासस्थिरतनुतयारण्यविहगाः पतिष्यन्ति स्थाणुभ्रमहतधियः स्कन्धशिरसि ॥

८५३०-१ कदा मुखं वरतनु कारणादृते तवागतं क्षणमयि कोपपात्रतां ।
८५३०-२ अपर्वणि ग्रहकलुषेन्दुमण्डला विभावरी कथय कथं भविष्यति ॥

८५३१-१ कदा वाराणस्याममरतटिनीरोधसि वसन् वसानः कौपीनं शिरसि निदधानोऽञ्जलिपुटं ।
८५३१-२ अये गौरीनाथ त्रिपुरहर शम्भो त्रिनयन प्रसीदेति क्रोशन्निमिषमिव नेष्यामि दिवसान् ॥

८५३२-१ कदा वा साकेते विमलसरयूतीरपुलिने चरन्तं श्रीरामं जनकतनयालक्ष्मणयुतं ।
८५३२-२ अये राम स्वामिन्जनकतनयावल्लभ विभो प्रसीदेत्याक्रोशन्निमिषमिव नेष्यामि दिवसान् ॥

८५३३-१ कदा वृन्दारण्ये नवघननिभं नन्दतनयं परीतं गोपीभिः क्षणरुचिमनोज्ञाभिरभितः ।
८५३३-२ गमिष्यामस्तोषं नयनविषयीकृत्य कृतिनो वयं प्रेमोद्रेकस्खलितगतयो वेपथुभृतः ॥

८५३४-१ कदा वृन्दारण्ये मिहिरदुहितुः सङ्गमहिते मुहुर्भ्रामं भ्रामं चरितलहरीं गोकुलपतेः ।
८५३४-२ लपन्नुच्चैरुच्चैर्नयनपयसां वेणिभिरहं करिष्ये सोत्कण्ठो निविडमवसेकं विटपिनां ॥

८५३५-१ कदा वृन्दारण्ये विमलयमुनातीरपुलिने चरन्तं गोविन्दं हलधरसुदामादिसहितं ।
८५३५-२ अये कृष्ण स्वामिन्मधुरमुरलीवादन विभो प्रसीदेत्याक्रोशन्निमिषमिव नेष्यामि दिवसान् ॥

८५३६-१ कदा शयानो मणिकर्णिकायां कर्णे जपाम्यक्षरमिन्दुमौलेः ।
८५३६-२ अवाप्य मुद्रां गतमोहमुद्रां नालोकयिष्यामि पुनः प्रपञ्चं ॥

८५३७-१ कदा श्रीमत्पङ्केरुहवनविकाशिप्रसृमर- प्रथापुञ्जं तेजः किमपि कलयन्नौपनिषदं ।
८५३७-२ ग्रहेश श्रीभानो मिहिर तरणे सूर्य सवितः प्रसीदेत्याक्रोशन्निमिषमिव नेष्यामि दिवसान् ॥

८५३८-१ कदा संसारजालान्तर्बद्धं त्रिगुणरज्जुभिः ।
८५३८-२ आत्मानं मोचयिष्यामि शिवभक्तिशलाकया ॥

८५३९-१ कदा सम्यग्ध्यायन्ननुपमचरित्रं मणिगण- स्फुरद्भूषाचित्रं पुररिपुकलत्रं किमपि तत् ।
८५३९-२ शिवे दुर्गे कात्यायनि जननि भक्तप्रणयिनि प्रसीदेत्याक्रोशन्निमिषमिव नेष्यामि दिवसान् ॥

८५४०-१ कदा हि मूर्खो वचनेषु भीतः खलो न कुत्रापि छलेष्वदक्षः ।
८५४०-२ अन्धेन काचिद्युवती हि दृष्टा कस्यात्र कामेषु भवेच्च लज्जा ॥

८५४१-१ कदा ह्यहं समेष्यामि भरतेन महात्मना ।
८५४१-२ शत्रुघ्नेन च वीरेण त्वया च रघुनन्दन ॥

८५४२-१ कनकं सुगन्धि तव तन्वि वपुर् मधुरो मणिश्च सखि तेऽप्यधरं ।
८५४२-२ निगडं सुखस्य करणं भवतीं सृजतो विधेर्निरवधिर्महिमा ॥

८५४३-१ कनककमलकान्तैः सद्य एवाम्बुधौतैः श्रवणतटनिषक्तैः पाटलोपान्तनेत्रैः ।
८५४३-२ उषसि वदनबिम्बैरंससंसक्तकेशैः श्रिय इव गृहमध्ये संस्थिता योषितोऽद्य ॥

८५४४-१ कनककमलकान्तैराननैः पाण्डुगण्डैर् उपरिनिहितहारैश्चन्दनार्द्रैः स्तनान्तैः ।
८५४४-२ मदजनितविलासैर्दूष्टिपातैर्मुनीन्द्रान् स्तनभरनतनार्यः कामयन्ति प्रशान्तान् ॥

८५४५-१ कनककलशश्रेणी यत्र प्रभाकरचुम्बनैर् अतिखरकराघातैर्मध्यन्दिने शिथिलीकृता ।
८५४५-२ द्रवति भजते दार्ढ्यं सिक्ता समीरणकम्पित- ध्वजपटसमानीतस्वर्गापगाजलबिन्दुभिः ॥

८५४६-१ कनककुन्डलमण्डितभाषिणे शकरिपुर्विषयान्दश विद्विषः ।
८५४६-२ मगधकेकयकेरलकोशलान् करिशतं च मदालसलोचनं ॥

८५४७-१ कनकक्रमुकायितं पुरस्तादथ पङ्गेरुहकोरकायमाणं ।
८५४७-२ क्रमशः कलशायमानमास्ते सुदृशो वक्षसि कस्य भागधेयं ॥

८५४८-१ कनकच्छत्रमम्बायाः कुरुते कुतुकं महत् ।
८५४८-२ विशदेव दृशोरन्तर्यन्निर्गच्छति मूधैनि ॥

८५४९-१ कनकद्रवकान्तिकान्तया मिलितं राममुदीक्ष्य कान्तया ।
८५४९-२ चपलायुतवारिदभ्रमान् ननृते चातकपोतकैर्वने ॥

८५४९आ-१ कनकद्रवगौरमम्बरं दधतोरुद्वितयेन सुन्दरं ।
८५४९आ-२ उदयन्मणिनूपुरप्रभा- सरणिश्रेणिजटालजानुकं ॥

८५५०-१ कनकनिकषभासा सीतयालिङ्गिताङ्गो नवकुवलयदामश्यामवर्णाभिरामः ।
८५५०-२ अभिनव इव विद्युन्मण्डितो मेधखण्डः शमयतु मम तापं सर्वतो रामचन्द्रः ॥

८५५१-१ कनकनिकषस्वच्छे राधापयोधरमण्डले नवजलधरश्यामामात्मद्युतिं प्रतिबिम्बितां ।
८५५१-२ असितसिचयप्रान्तभ्रान्त्या मुहुर्मुहुरुत्क्षिपञ् जयति जनितव्रीडानम्रप्रियाहसितो हरिः ॥

८५५२-१ कनकभङ्गपिशङ्गदलैर्दधे सरजसारुणकेशरचारुभिः ।
८५५२-२ प्रियविमानितमानवतीरुषां निरसनैरसनैरवृथार्थता ॥

८५५३-१ कनकभूषणसंग्रहणोचितो यदि मणिस्त्रपुणि प्रतिबध्यते ।
८५५३-२ न स विरौति न चापि न शोभते भवति योजयितुर्वचनीयता ॥

८५५४-१ कनकमृगमुदस्य स्वां कुटीं संप्रविष्टः क्वचिदपि न वधूटीं नोददर्शाङ्गनादौ ।
८५५४-२ तदपि स रघुवीरः पर्णशालागृहान्तर् न विशति हृदयाशातन्तुनाशातिभीरुः ॥

८५५५-१ कनकरसमसृणवर्तित- हयगन्धामूलमिश्रपर्युषितं ।
८५५५-२ माहिषमिह नवनीतं गतबीजे कनकफलमध्ये

८५५६-१ ग्ॐअयगाढोद्वर्तित- पूर्वं पश्चादनेन संलिप्तं ।
८५५६-२ भवति हयलिङ्गसदृशं लिङ्गं कठिनाङ्गनादयितं ॥

८५५७-१ कनकस्य तु पञ्चाङ्गं कर्पूरं केतकीरजः ।
८५५७-२ आत्मशुक्रेण संयुक्तं वश्यकृद्भक्षितं स्त्रियाः ॥

८५५८-१ कनकहरिणं हत्वा रामो ययौ निजमाश्रमं जनकतनयां प्राणेभ्योऽपि प्रियामविलोकयन् ।
८५५८-२ दृढमुपगतैर्बाष्पापूरैर्निमीलितलोचनो न विशति कुटीमाशातन्तुप्रणाशभयादसौ ॥

८५५९-१ कनकाचलकान्तिचौर्यभाजोः कुचयोः कुङ्कुमपङ्कपूजनानि ।
८५५९-२ अनिबन्धनमेव बन्धनं ते कृशताभागिनि किं नु मध्यभागे ॥

८५६०-१ कनकाचलजित्वरस्तनीनां रमणीनां खलु यत्र सन्निवेशः ।
८५६०-२ मनसः परमाणुतां वदन्तः कथमद्यापि न तार्किकास्त्रपन्ते ॥

८५६१-१ कनिष्ठाङ्गुलिवत्स्थूलं पूर्वार्धकृतकुञ्चितं ।
८५६१-२ अभावे दन्तकाष्ठस्य प्रतिषिद्धदिनेऽपि च ।
८५६१-३ अपां द्वादशगण्डूषैर्मुखशुद्धिर्भविष्यति ॥

८५६२-१ कनिष्ठेषु च सर्वेषु समत्वेनानुवर्तते ।
८५६२-२ समोपभोगजीवेषु यथैव तनयेषु च ॥

८५६२आ-१ कनीनिकाकान्तिभिरञ्जनं दृशोः स्मितत्विषा चन्दनचर्च्चनं हृदः ।
८५६२आ-२ कटाक्षभाभिर्नवमुत्पलं श्रुतेस् तदा वधूनामिति भूषणान्यभान् ॥

८५६२भ्-१ कनीनिकेव नेत्रस्य कुसुमस्येव सौरभं ।
८५६२भ्-२ सम्यक्त्वमुच्यते सारं सर्वेषां धर्मकर्मणां ॥

८५६३-१ कन्थां वहसि दुर्बुद्धे गर्दभैरपि दुर्वहां ।
८५६३-२ शिखायज्ञोपवीताभ्यां भारः कस्ते भविष्यति ॥

८५६३आ-१ कन्दमूलानि ये मूढाः सूर्यदेवे जर्नादने ।
८५६३आ-२ भक्षयन्ति नराः पार्थ ते वै नरक गामिनः ॥

८५६४-१ कन्दर्पकण्डूलकटाक्षबन्दीर् इन्दीवराक्षोरभिलष्यमाणान् ।
८५६४-२ मन्दस्मिताधारमुखारविन्दान् वन्दामहे वल्लवधूर्तपादान् ॥

८५६५-१ कन्दर्पकन्दलि सलीलदृशा लुनीहि कोपाङ्कुरं चरणयोः शरणातिथिः स्यां ।
८५६५-२ पश्य प्रसीद चरमाचलचूलचुम्बि बिम्बं विधोर्लवलपाण्डुरमस्तमेति ॥

८५६६-१ कन्दर्पज्वरसंज्वराकुलतनोराश्चर्यमस्याश्चिरं चेतश्चन्दनचन्द्रमःकमलिनीचिन्तासु संताम्यति ।
८५६६-२ किं तु क्लान्तिवशेन शीतलतरं त्वामेकमेव क्षणं ध्यायन्ती रहसि स्थिता कथमपि क्षीणा क्षणं प्राणिति ॥

८५६७-१ कन्दर्पदर्पकलिताङ्गमनोहराणां प्रेम्णा स्वयं सुरतमन्दिरमागतानां ।
८५६७-२ अङ्गानि क्ॐअलतराणि मनोरमाणां धन्या नराः सरभसं हि परिष्वजन्ते ॥

८५६८-१ कन्दर्पदेवस्य विमानसृष्टिः प्रासादमाला रसपार्थिवस्य ।
८५६८-२ चैत्रस्य सर्वर्तुविशेषचिह्नं दोलाविलासः सुदृशां रराज ॥

८५६९-१ कन्दर्पप्रतिभूनिवेशितवलीरेखावलीशोभिते लीलोदञ्चितबाहुपाशयुगलापातैश्च भोः कामुकाः ।
८५६९-२ वेश्यानां विपुले नितम्बफलके शारैः कटाक्षैरितो यद्वः क्रीडितमत्र दास्यति पुरो दारिद्र्यमेवोत्तरं ॥

८५७०-१ कन्दर्पप्रतिमल्लकान्तिविभवं कादम्बिनीबान्धवं वृन्दारण्यविलासिनीव्यसनिनं वेषेण भूषामयं ।
८५७०-२ मन्दस्मेरमुखाम्बुजं मधुरिमव्यामृष्टबिम्बाधरं वन्दे कन्दलितार्द्रयौवनवनं कैशोरकं शार्ङ्गिणः ॥

८५७१-१ कन्दर्पश्च रतिश्च कुङ्कुममृदालेपेन मूषाद्वयं कुर्वाते रससाधनाय विधिवत्कस्तूरिकामुद्वया ।
८५७१-२ अन्तर्दर्पकबाणतापितयुवप्रेमोष्मभूयस्तया निर्याता रसबिन्दवो बहिरितो हारस्य मुक्ताच्छलात् ॥

८५७२-१ कन्दर्पस्य जगत्त्रयीविजयिनः साम्राज्यदीक्षागुरुः कान्तामानशिलोञ्छवृत्तिरखिलध्वान्ताभिचा रे कृती ।
८५७२-२ देवस्त्र्यम्बकमौलिमण्डनसरित्तीरस्थलीतापसः शृङ्गाराध्वरदीक्षितो विजयते राजा द्विजानामयं ॥

८५७३-१ कन्दर्पादपि सुन्दराकृतिरिति प्रौढोत्सलद्रागया वृद्धत्वं वरयोषितोऽनयदिति त्रासाकुलस्वान्तया ।
८५७३-२ मारस्यापि शरैरभेद्यहृदिति श्रद्धाभरप्रह्वया पायाद्वः स्फुटबाष्पकम्पपुलकं रत्या जिनो वन्दितः ॥

८५७४-१ कन्दर्पादपि सुन्दरो रविमहाः प्रत्यर्थिसीमन्तिनी- वक्त्राम्भोजसुधाकरोऽतिविभवो युद्धेषु पार्थोपमः ।
८५७४-२ रक्षाकृज्जगतः स्वकीर्तिविदितो रामोऽस्तु युक्तो मुदा दानीं शङ्करसेवको वरगुणो नीत्युत्तमः सर्वदा ॥

८५७५-१ कन्दर्पे नलकूवरे कुमुदिनीकान्तेऽप्यवज्ञावतां त्वत्सौन्दर्यकथासु तासु मरुतां वृत्तासु कौतूहलात् ।
८५७५-२ प्राप्ता तानवमुर्वशी रतिरतिक्लान्ता हता रोहिणी जाता किंच खरस्मरज्वरभरा रम्भापि रम्भातनुः ॥

८५७६-१ कन्दर्पैककृपाणवल्लरि वने कस्मादकस्यादियं हे कालागुरुबालमञ्जरि हहा मोहादिह प्रारुहः ।
८५७६-२ सह्यन्तामुपजातसौरभपरिष्वङ्गैस्तदङ्गैरिमाः कान्तैः कान्तपुरंध्रिकुन्तलभरच्छायैः कुठारच्छिदः ॥

८५७७-१ कन्दलयत्यानन्दं निन्दति मन्दानिलेन्दुचन्दनकं ।
८५७७-२ मन्दयति मन्दभावं संधत्ते संपदोऽपि सत्सङ्गः ॥

८५७७आ-१ कन्दलीषु कुटजेषु मालती- जालकेषु नवकेतकीषु च ।
८५७७आ-२ कन्थरासु मधुना सुकेकिनां संविभक्त इव वारिदोदयः ॥

८५७८-१ कन्दाग्रात्प्रोत्थितः प्राणः सदा वहति देहिनां ।
८५७८-२ हृद्गतं जीवमाश्वास्य बहिर्गत्वा निवर्तते ॥

८५७९-१ कन्दुको भित्तिनिःक्षिप्त इव प्रतिफलन्मुहुः ।
८५७९-२ आपतत्यात्मनः प्रायो दोषोऽन्यस्य चिकीर्षितः ॥

८५८०-१ कन्दे सुन्दरता दले सरलता वर्णस्य संपूर्णता स्कन्धे बन्धुरता फले सरसता कस्यापरस्येदृशी ।
८५८०-२ धन्यस्त्वं सहकार खिन्नपथिकाधार स्थितः सत्पथे दीर्घायुर्भव साधु साधु विधिना मेधाविना निर्मितः ॥

८५८१-१ कन्दैः कन्दलितं वनैः किशलितं वल्लीभिरुज्जृम्भितं वृक्षैः पल्लवितं जनैः प्रमुदितं धाराधरे वर्षति ।
८५८१-२ भ्रातश्चातक पातकं किमपि ते सम्यग्न जानीमहे येनास्मिन्न पतन्ति चञ्चुपुटके द्वित्राः पयोबिन्दवः ॥

८५८२-१ कन्धरां समपहाय कं धरां प्राप्य संयति जहास कस्यचित् ।
८५८२-२ मां किलानमयतः स्वपूर्तये दुर्भरात्किमुदराद्वियोगतः ॥

८५८३-१ कन्धरावनतस्योर्वी गतस्याध्ॐउखस्य ते ।
८५८३-२ लज्जा न नाम निर्लज्जा गर्वो न गलितः कथं ॥

८५८४-१ कन्यां कामप्युदूह्य प्रविजहदुदयद्यौवनामज्ञ एनां द्रव्याशापाशकृष्टो भ्रमति चिरतरं हन्त देशान्तरेषु ।
८५८४-२ अन्योन्याश्लेषवाञ्छाविगलितवयसोरात्तमालिन्यं अत्योर् दंपत्योर्व्याकृतैवं हतविधिरुभयोर्लोकयोः शोकयोगं ॥

८५८४आ-१ कन्यां छत्रं फलं पक्वं दीपमन्नं महाध्वजं ।
८५८४आ-२ मन्त्रं वा लभते यो हि तस्य चिन्तितसिद्धयः ॥

८५८५-१ कन्यां भुङ्क्ते रजःकालेऽग्निः शशी ल्ॐअदर्शने ।
८५८५-२ स्तनोद्भवेषु गन्धर्वास्तत्प्रागेव प्रदीयते ॥

८५८६-१ कन्यां रूपवतीं दृष्ट्वा मोहं गच्छेन्महानपि ।
८५८६-२ चण्डाल्यामप्यरुन्धत्यां वसिष्ठो मोहितोऽभवत् ॥

८५८७-१ कन्याकर्तितसूत्रेण बद्धापामार्गमूलिका ।
८५८७-२ ऐहाहिकज्वरं हन्ति शिखायामतिवेगतः ॥

८५८८-१ कन्या काचिदिहापि कर्मणि पणः स्यादित्यसूयाचलत्- सीतापाङ्गमयूखमांसलमुखज्योत्स्नाविलुप्तीं दिवं ।
८५८८-२ कुर्वाणेन रघूद्वहेन चकृषे नारायणीयं धनुः संधायाथ शरश्च भार्गवगतिच्छेदादमोघीकृतः ॥

८५८९-१ कन्या कौतुकमात्रकेण विधवा संमर्दमात्रार्थिनी वेश्या वित्तलवेच्छया स्वगृहिणी गत्यन्तरासंभवात् ।
८५८९-२ वाञ्छन्तीत्थमनेककारणवशात्पुंभिः स्त्रियः संगमं शुद्धस्नेहनिबन्धना परवधूः पुण्यैः परैः प्राप्यते ॥

८५९०-१ कन्यागते सवितरि तिष्ठन्ति पितरो गृहे ।
८५९०-२ शून्यं प्रेतपुरं तत्र यावद्वृश्चिकदर्शनं ॥

८५९०आ-१ कन्या-गो-भूम्यलीकानि न्यासापहरणं तथा ।
८५९०आ-२ कूटसाक्ष्यं च पञ्चेति स्थूलासत्यानि संत्यजेत् ॥

८५९०भ्-१ कन्यागोशङ्खभेरीदधिफलकुसुमं पावको दीप्यमानो नागेन्द्रोऽश्वो रथो वा नृपतिरभिमुखः पूर्णकुम्भो ध्वजो वा ।
८५९०भ्-२ उत्क्षिप्ता नैव भूमिर्खलचरयुगलं सिद्धमन्नं शतायुर् वेश्यास्त्री मद्यमांसो हितमपि गदितं मङ्गलं प्रस्थितानां ॥

८५९१-१ कन्यादात्रे तु ह्यधनं दस्यवे सधनं नरं ।
८५९१-२ गुप्तं जिघांसवे नैव विज्ञातमपि दर्शयेत् ॥

८५९२-१ कन्या निष्कासिता श्रेष्ठा वधूः श्रेष्ठा प्रवेशिता ।
८५९२-२ अन्नं संकलितं श्रेष्ठं धर्मः श्रेष्ठो दिने दिने ॥

८५९३-१ कन्याप्रसूतस्य धनुःप्रसङ्गादङ्गाधिकासादितविक्रमस्य ।
८५९३-२ धनंजयाधीनपराक्रमस्य हिमस्य कर्णस्य च को विशेषः ॥

८५९४-१ कन्यायाः किल पूजयन्ति पितरो जामातुराप्तं जनं सम्बन्धे विपरीतमेव तदभूदाराधनं ते मयि ।
८५९४-२ त्वं कामेन तथाविधोऽस्यपहृतः सम्बन्धबीजं च तद्घोरेऽस्मिन्मम जीवलोकनरके पापस्य धिग जीवितं ॥

८५९५-१ कन्या वरयते रूपं माता वित्तं पिता श्रुतं ।
८५९५-२ बान्धवाः कुलमिच्छन्ति मिष्टान्नमितरे जनाः ॥

८५९५आ-१ कन्याविक्रयिणश्चैव रसविक्रयिणस्तथा ।
८५९५आ-२ विषविक्रयिणश्चैव नरा निरयगामिनः ॥

८५९६-१ कन्ये समालोकय कान्यकुब्जं अकुब्जकीर्तिं नरनाथमेनं ।
८५९६-२ ककुब्जये यस्य धरापरागैर् भवन्ति वारांनिधयः स्थलानि ॥

८५९७-१ कपटं च बहुतरं न जानाति हि कश्चन ।
८५९७-२ कौलिको विष्णुरूपेण भुञ्जति राजकन्यकां ॥

८५९८-१ कपटकलितनिद्रं मन्दमालोकयन्ती प्रियमधरमधूनि स्वेच्छया पातुमैच्छत् ।
८५९८-२ मदनमदमनोज्ञा लज्जयाकृष्टचित्ता मुकुलितमुखपद्मा चित्रसंस्थेव तस्थौ ॥

८५९९-१ कपटनटनकोटेर्धूर्जटेः सन्नटस्योद्- भटविकटजटाभिस्ताडिताः शैलकूटात् ।
८५९९-२ खरतरकरघातैरुत्थिता दिक्स्थितास्ते नभसि निरवलम्बं दन्तिनः संचरन्ति ॥

८६००-१ कपटपटुता द्रोहे चित्तं सतां च विमानने मतिरपनये शाठ्यं मित्रे सुतेष्वपि वञ्चना ।
८६००-२ कृतकमधुरा वाक्प्रत्यक्षं परोक्षविघातिनी कलियुगमहाराजस्यैताः स्वराज्यविभूतयः ॥

८६०१-१ कपटवचनभाजा केनचिद्वारयोषा सकलरसिकगोष्ठीवञ्चिका वञ्चितासौ ।
८६०१-२ इति विहसति रिङ्गद्भृङ्गविक्षिप्तचक्षुर् विकचकुसुमकान्तिच्छद्मना केलिकुञ्जः ॥

८६०२-१ कपटशतनदीष्णैर्वैरिभिर्वञ्चितोऽपि निकृतिकरणदक्षोऽप्यत्र संसारभीरुः ।
८६०२-२ तनुवचनमनोभिर्वक्रतां यो न याति गतमलमृजुमानं तस्य साधोर्वदन्ति ॥

८६०३-१ कपटादपि रिपुहननं कुर्यादिति नीतिरौशनसी ।
८६०३-२ हननमृते च गुरुमते बन्धादि विधीयते रिपोः कपटैः ॥

८६०४-१ कपटेन पुनर्नैव व्यापारो यदि या कृतः ।
८६०४-२ पुनर्न परिपाकार्हा हण्डिका काष्ठनिर्मिता ॥

८६०५-१ कपर्दी भूतिसंपन्नो जगतीपतिरद्वयः ।
८६०५-२ धिग्दैवमव्ययः सोऽपि भृङ्गी शुष्यत्यतो भृशं ॥

८६०६-१ कपाटमुद्धाटय चारुनेत्रे कामोऽस्ति शत्रुर्मम पृष्ठलग्नः ।
८६०६-२ आपूरितं तस्य शरैः शरीरं चन्द्रानने त्वां शरणं प्रपन्नः ॥

८६०७-१ कपाटमुद्धाटय लोललोचने कन्दर्पशत्रुर्मम पृष्ठलग्नः ।
८६०७-२ आकृष्य बाणं शिथिलीकरोति चन्द्रानने त्वां शरणागतोऽस्मि ॥

८६०८-१ कपाटविस्तीर्णमनोरमोरः- स्थलस्थितिश्रीललनस्य तस्य ।
८६०८-२ आनन्दिताशेषजना बभूव सर्वाङ्गसङ्गिन्यपरैव लक्ष्मीः ॥

८६०९-१ कपालं वृक्षमूलानि कुचेलससहायता ।
८६०९-२ समता चैव सर्वस्मिन्नेतन्मुक्तस्य लक्षणं ॥

८६१०-१ कपाल उपहारश्च संतानः संगतस्तथा ।
८६१०-२ उपन्यासः प्रतीकारः संयोगः पुरुषान्तरः ॥

८६११-१ अदृष्टनर आदिष्ट आत्मामिष उपग्रहः ।
८६११-२ परिक्रयस्तथोच्छिन्नस्तथा च परदूषणः ॥

८६१२-१ स्कन्धोपनेयः संधिश्च षोडशः परकीर्तितः ।
८६१२-२ इति षोडशकं प्राहुः संधिं सन्धिविचक्षणाः ॥

८६१३-१ कपालसंधिर्विज्ञेपः केवलं समसंधिकः ।
८६१३-२ संप्रदानाद्भवति य उपहारः स उच्यते ॥

८६१४-१ कपाले गम्भीरः कुहरिणि जटासंधिषु कृशः समुत्तालश्चूडाभुजगफणरत्नव्यतिकरे ।
८६१४-२ मृदुर्लेखाकोणे रयवशविलोलस्य शशिनः पुनीयाद्दीर्घं वो हरशिरसि गङ्गाकलकलः ॥

८६१५-१ कपाले मार्जारः पय इति करान्लेढि शशिनः तरुच्छिद्रप्रोतान्बिसमिति करी संकलयति ।
८६१५-२ रतान्ते तल्पस्थान्हरति वनिताप्यंशुकमिति प्रभामत्तश्चन्द्रो जगदिदमहो विप्लवयति ॥

८६१६-१ कपाले यद्वदापः स्युः श्वदृतौ वा यथा पयः ।
८६१६-२ आश्रयस्थानदोषेण वृत्तहीने तथा श्रुतं ॥

८६१७-१ कपालैर्यो बद्धः कथमखिलविश्वप्रभुरसाव् अनार्यैरस्माभिः परमियमपूर्वैव रचना ।
८६१७-२ यदिन्दोः पीयूषद्रवमयमयूखोत्करकिरः कलङ्कोरत्नं तु प्रतिफणमनर्घं विषभृतां ॥

८६१८-१ कपिकच्छूमूलेन च निजचरणविलेपनाद्भवति ।
८६१८-२ बीजस्तम्भः पुंसो बहुशो दृष्टः प्रयोगोऽयं ॥

८६१९-१ कपिकच्छूमूलेन च मदविह्रलछागमूत्रपिष्टेन ।
८६१९-२ मिलनं स्तब्धीकरणं मूलेन दुरालभायाश्च ॥

८६२०-१ कपिकुलनखमुखखण्डित- तरुतलफलभोजनो वरं पुरुषः ।
८६२०-२ न पुनर्धनमदगर्वित- मुखभङ्गकदर्थिता वृत्तिः ॥

८६२१-१ कपिरपि च कापिशायन- मदमत्तो वृश्चिकेन संदष्टः ।
८६२१-२ अपि च पिशाचग्रस्तः किं ब्रूमो वैकृतं तस्य ॥

८६२२-१ कपिलाक्षीरपानेन ब्राह्मणीगमनेन च ।
८६२२-२ वेदाक्षरविचारेण स शूद्रो नरकं व्रजेत् ॥

८६२२आ-१ कपिलानां सहस्राणि यो विप्रेभ्यः प्रयच्छति ।
८६२२आ-२ एकस्य जीवितं दद्यान्न च तुल्यं युधिष्ठिर ॥

८६२३-१ कपीनां वसयाश्वानां वह्निदाहसमुद्भवा ।
८६२३-२ व्यथा विनाशमभ्येति तमः सूर्योदये यथा ॥

८६२४-१ कपेर्मध्यं शिशुर्बद्ध्वा यथोन्नतपदं व्रजेत् ।
८६२४-२ तद्वद्रक्षकमाश्रित्य पदमुन्नतमाश्रयेत् ॥

८६२५-१ कपोलं पक्ष्मभ्यः कलयति कपोलात्कुचतटं कुचान्मध्यं मध्यान्नवमुदितनाभीसरसिजं ।
८६२५-२ न जानीमः किं नु क्व नु कियदनेन व्यवसितं यदस्याः प्रत्यङ्गं नयनजलबिन्दुर्विहरति ॥

८६२६-१ कपोलकण्डूः करिभिर्विनेतुं विघट्टितानां सरलद्रुमाणां ।
८६२६-२ यत्र स्रुतक्षीरतया प्रसूतः सानूनि गन्धः सुरभीकरोति ॥

८६२७-१ कपोलपत्रान्मकरात्सकेतुर् भ्रूभ्यां जिगीषुर्धनुषां जगन्ति ।
८६२७-२ इहावलभ्ब्यास्ति रतिं मनोभू रज्यद्वयस्यो मधुनाधरेण ॥

८६२८-१ कपोलपालीं तव तन्वि मन्ये लावण्यधन्ये दिशमुत्तराख्यां ।
८६२८-२ विभाति यस्यां ललितालकायां मनोहरा वै श्रवणस्य लक्ष्मीः ॥

८६२९-१ कपोलफलकावस्याः कष्टं भूत्वा तथाविधौ ।
८६२९-२ अपश्यन्ताविवान्योन्यमीदृक्षां क्षमतां गतौ ॥

८६३०-१ कपोलयोरिन्दुञ्जितोरमुष्याः प्रसर्पतोरेव मिथो जयाय ।
८६३०-२ स्वयं स्वयंभूः कृतरोधमन्तर् व्यधत्त नासामिह साम्यदण्डं ॥

८६३१-१ कपोलव्यालोलश्रवणनवमाकन्दकलिका- मरन्दव्यामिश्रास्तव वरतनु स्वेदपृषतः ।
८६३१-२ रतिव्यत्यासस्य श्रममपलपेयुर्यदि भवेदभेदोपक्रान्तक्वणितरशनादाम जघनं ॥

८६३२-१ कपोलादुड्डीनैर्भयवशविलोलैर्मधुकरैर् मदाम्भःसंलोभादुपरि पतितुं बद्धपटलैः ।
८६३२-२ चलद्बर्हच्छत्रश्रियमिव दधानोऽतिरुचिरां अविघ्नं हेरम्बो भवदघविघातं घटयतु ॥

८६३२आ-१ कपोलावुन्मीलत्पुलकनिकुरम्बौ मयि मनाङ्मृशत्यन्तःस्मेरस्तबकितमुखाम्भोरुहरुचः ।
८६३२आ-२ कथंकारं शक्याः परिगदितुमिन्दीवरदृशो दलद्द्राक्षानिर्यद्रसभरसपक्षा भणितयः ॥

८६३३-१ कपोले जानक्याः करिकलभदन्तद्युतिमुषि स्मरस्मेरं गण्डोड्डमरपुलकं वक्त्रकमलं ।
८६३३-२ मुहुः पश्यञ्शृण्वन्रजनिचरसेनाकलकलं जटाजूटग्रन्थिं द्रढयति रघूणां परिवृढः ॥

८६३४-१ कपोले पत्रालीं पुलकिनि विधातुं व्यवसितः स्वयं श्रीराधायाः करकलितवर्तिर्मधुरिपुः ।
८६३४-२ अभूद्वक्त्रेन्दौ यन्निहितनयनः कम्पितभुजस् तदेतत्सामर्थ्यं तदभिनवरूपस्य जयति ॥

८६३५-१ कपोले पत्राली करतलनिरोधेन मृदिता निपीतो निःश्वासैरयममृतहृद्योऽधररसः ।
८६३५-२ मुहुः कण्ठे लग्नस्तरलयति बाष्पः स्तनतटं प्रियो मन्युर्जातस्तव निरनुरोधे न तु वयं ॥

८६३६-१ कपोले पाण्डुत्वं किमपि जलधारां नयनयोस् तनौ कार्श्यं दैन्यं वचसि हृदि दावानलशिखां ।
८६३६-२ अवज्ञां प्राणेषु प्रकृतिषु विपर्यासमधुना किमन्यद्वैराग्यं सकलविषयेष्वाकलयते ॥

८६३७-१ कपोलेऽम्भोजाक्ष्याः प्रियदशनचिह्नं प्रियदृशोः सरोजाक्षी वक्त्रच्युतभुजगवल्लीरसलवं ।
८६३७-२ सपत्नी दृष्ट्वारादुरुतरविनिश्वासतरलो- न्नतोरोजद्वन्द्वं रहसि शनकै रोदिति मुहुः ॥

८६३८-१ कपोलौ लोलाक्ष्या मधुमुकुललीलाविजयिना- वुरोजौ रेजाते कनककलशाभोगसुभगौ ।
८६३८-२ दृशौ वातोत्खेलत्तरलतरनीलोत्पलरुचौ वचो नो जानीमः किममृतमयं किं विषमयं ॥

८६३८आ-१ कफमूत्रमलप्रायं निर्जन्तुर्जगतीतले ।
८६३८आ-२ यत्नाद्यदुत्सृजेत्साधुः सोत्सर्गसमितिर्भवेत् ॥

८६३९-१ कबन्धः परिघाभासो दृश्यते भास्करान्तिके ।
८६३९-२ जग्रास सूर्यं स्वर्भानुरपर्वणि महाग्रहः ॥

८६४०-१ कमठपृष्ठकठोरमिदं धनुर् मधुरमूर्तिरसौ रघुनन्दनः ।
८६४०-२ कथमधिज्यमनेन विधीयतां अहह तात पणस्तव दारुणः ॥

८६४१-१ कमण्डलूपमोऽमात्यस्तनुत्यागी बहुग्रहः ।
८६४१-२ नृपते किङ्क्षणो मूर्खो दरिद्रः किंवराटकः ॥

८६४२-१ कमनीयतानिवासः कर्णस्तस्या विचित्रमणिभूषः ।
८६४२-२ सविधप्रसूतरत्नं शङ्खनिधिं दूरतरमकरोत् ॥

८६४२आ-१ कमनीयतारहारा चन्दनपरिहसितचारुनीहारा ।
८६४२आ-२ परिचितपाण्ड्यविहारा कमलमुखीयं कराञ्चदुपहारा ॥

८६४३-१ कमनेकतमादानं सुरतनरजतुच्छलं तदासीनं ।
८६४३-२ अप्यतिमानं खमते सोऽगनिकानं नरं जेतुं ॥

८६४४-१ कमलं कवलीकृतं न वा सलिलं वा न सलीलमाहुतं ।
८६४४-२ करिणा परिणामदारुणो ददृशे विन्ध्यवने मृगाधिपः ॥

८६४५-१ कमलं तव पदकमले विमले मम देहि चञ्चरीकत्वं ।
८६४५-२ नान्यत्किमपि च काङ्क्षे पश्चाद्गानं किमस्ति भिक्षायाः ॥

८६४६-१ कमलं भवनं रजोऽङ्गरागो मधु पानं मधुराः प्रियाप्रलापाः ।
८६४६-२ शयनं मृदु केसरोपधानं भ्रमरस्याम्भसि का न राजलीला ॥

८६४६आ-१ कमलदृशोऽधिकपोलं दशनक्षतपङ्क्तिराभाति ।
८६४६आ-२ यूनो वशयितुमिच्छोर् जपमालेवातनोः प्रवालमयी ॥

८६४७-१ कमलनयन युष्मद्विप्रयोगातुरा सा सरसि सरसिजान्तः स्नातुकामा ममज्ज ।
८६४७-२ द्रुततरमनुयायाद्यावदूर्ध्वं कृशाङ्गी हरि हरि हरिणाक्षी पङ्कमग्ना बभूव ॥

८६४८-१ कमलनयनाकर्णाभूषे स्फुरन्मणिमञ्जुले त्रिभुवनतले दृष्ट्वामोदं प्रयाति न को युवा ।
८६४८-२ शमभटशिरश्छेत्तुं सज्जीकृते बत वेधसा न किमु कुमते रज्जूत्क्षिप्ते विबोधसि चक्रके ॥

८६४९-१ कमलपल्लववारिकणोपमं किमिव पासि सदा निधनं धनं ।
८६४९-२ कलभकर्णचलाञ्चलचञ्चलं स्थिरतराणि यशांसि न जीवितं ॥

८६५०-१ कमलभूतनया वदनाम्बुजे वसतु ते कमला करपल्लवे ।
८६५०-२ वपुषि ते रमतां कमलाङ्गजः प्रतिदिनं हृदये कमलापतिः ॥

८६५१-१ कमलमधुनस्त्यक्त्वा पानं विहाय नवोत्पलं प्रकृतिसुभगां गन्धोद्दामामपास्य च मालतीं ।
८६५१-२ शठमधुकराः क्लिश्यन्तीमे कटाम्बुषु दन्तिनां सुलभमपहायैऽवं लोकः कटेषु हि रज्यते ॥

८६५२-१ कमलमनम्भसि कमले च कुवलये तानि कनकलतिकायां ।
८६५२-२ सा च सुकुमारसुभगेत्य् उत्पातपरम्परा केयं ॥

८६५३-१ कमलमिव चारु वदनं मृणालमिव क्ॐअलं भुजायुगलं ।
८६५३-२ अलिमालेव च नीला तवैव मदिरेक्षणे कबरी ॥

८६५४-१ कमलमुकुलमृद्वी फुल्लराजीवगन्धः सुरतपयसि यस्याः सौरभं दिव्यमङ्गे ।
८६५४-२ चकितमृगदृशाभे प्रान्तरक्ते च नेत्रे स्तनयुगलमनर्घ्यं श्रीफलश्रीविडम्बि ॥

८६५५-१ तिलकुसुमसमानां बिभ्रती नासिकां च द्विजगुरुसुरपूजां श्रद्दधाना सदैव ।
८६५५-२ कुवलयदलकान्तिः कापि चाम्पेयगौरी विकचकमलकोशाकारकामातपत्रा ॥

८६५६-१ व्रजति मृदु सलीलं राजहंसीव तन्वी त्रिवलिवलितमघ्या हंसवाणी सुवेषा ।
८६५६-२ मृदु शुचि लघु भुङ्क्ते मानिनी गाढलज्जा धवलकुसुमवासोवल्लभा पद्मिनी स्यात् ॥

८६५७-१ कमलमुखि सर्वत्ॐउख- निवारणं विदधदेव भूषयति ।
८६५७-२ रोधोरुद्धस्वरसास् तरङ्गिणीस्तरलनयनाश्च ॥

८६५८-१ कमलवदना पीनोत्तुङ्गं घटाकृति विभ्रती स्तनयुगमियं तन्वी श्यामा विशालदृगञ्चला ।
८६५८-२ विशददशना मध्यक्षामा वृथेति जनाः श्रमं विदधति मुधा रागादुच्चैरनीदृशवर्णने ॥

८६५९-१ कमलवनचिताम्बुः पाटलामोदरम्यः सुखसलिलनिषेकः सेव्यचन्द्रांशुहारः ।
८६५९-२ व्रजतु तव निदाघः कामिनीभिः समेतो निशि सुललितगीते हर्म्यपृष्ठे सुखेन ॥

८६६०-१ कमलशरधिरम्भासैकतानुक्रमाढ्यं कनककलशभाराक्रान्तसौदामिनीकं ।
८६६०-२ किसलयितमृणालं हारगर्भप्रवालं कुवलयितशशाङ्कं कौशलं सा विधातुः ॥

८६६१-१ कमलाः पाकविनम्रा मूलतलाघ्रातसुरभिकह्लाराः ।
८६६१-२ पवनाकम्पितशिरसः प्रायः कुर्वन्ति परिमलश्लाघां ॥

८६६१आ-१ कमलाकुचकनकाचल- जलधरमाभीरसुन्दरीमदनं ।
८६६१आ-२ अधिततशेषफणावलि- कमलवनीभृङ्गमच्युतं वन्दे ॥

८६६२-१ कमलाक्षि विलम्ब्यतां क्षणं कमनीये कचभारबन्धने ।
८६६२-२ दृढलग्नमिदं दृशोर्युगं शनकैरद्य समुद्धराम्यहं ॥

८६६३-१ कमलाचिबुकोन्नायी कृष्णस्य करः करोतु कल्याणं ।
८६६३-२ मुकुर इव नीलवृन्तो भाति नितान्तं तदाननं येन ॥

८६६४-१ कमलानि पानमधुभाजनानि नः पिदधाति यः स विधुरेष गोचरः ।
८६६४-२ इति रोषणैरिव मधुव्रतैर्धुतं दधती मुखं सुरभिचारुमारुतं ॥

८६६५-१ कमलाभ्यां सुधासिन्धुवदनेक्षणयोस्तुलां ।
८६६५-२ कलयन्तु परे किं तु क्वेमे पङ्केरुहे क्व ते ॥

८६६६-१ कमलासनकमलेक्षण- कमलारिकिरीटकमलभृद्वाहैः ।
८६६६-२ नुतपदकमला कमला करधृतकमला करोतु मे कुशलं ॥

८६६७-१ कमलिनि मलिनीकरोषि चेतः किमिति बकैरवहेलितानभिज्ञैः ।
८६६७-२ परिणतमकरन्दमार्मिकास्ते जगति भवन्तु चिरायुषो मिलिन्दाः ॥

८६६८-१ कमलिनि विमले जले जनिस्ते तदुचितमाचरणं न संतनोषि ।
८६६८-२ मलिनमलिकुलं यतस्त्वमन्तः शशिकिरणान्विमलान्बहिष्करोषि ॥

८६६९-१ कमलिनीमलिनी दयितं विना न सहते सह तेन निषेवितां ।
८६६९-२ तमधुना मधुना निहितं हृदि स्मरति सा रतिसारमहर्निशं ॥

८६७०-१ कमलिनीवनकेलिकलारसी गुणवशीकृतकैरविणीगुणः ।
८६७०-२ अलिरसौ तव सौरभलोभतः पतति केतकिकण्टकसंकटे ॥

८६७१-१ कमलेः समकेशं ते कमलेर्ष्याकरं मुखं ।
८६७१-२ कमलेख्यं करोषि त्वं कमलेवोन्मदिष्णुषु ॥

८६७२-१ कमले कमला शेते हरः शेते हिमालये ।
८६७२-२ क्षीराब्धौ च हरिः शेते मन्ये मत्कुणशङ्कया ॥

८६७३-१ कमले कमले नित्यं मधूनि पिबतस्तव ।
८६७३-२ भविष्यन्ति न सन्देहः कष्टं दोषाकरोदये ॥

८६७४-१ कमले कमलोत्पत्तिः श्रूयते न च दृश्यते ।
८६७४-२ बाले तव मुखाम्भोजे दृष्टमिन्दीवरद्वयं ॥

८६७५-१ कमले निधाय कमलं कलयन्ती कमलवासिनं कमले ।
८६७५-२ कमलयुगादुद्भूतं कमलं कमलेन वारयति ॥

८६७६-१ कमलेव मतिर्मतिरिव कमला तनुरिव विभा विभेव तनुः ।
८६७६-२ धरणीव धृतिर्धूतिरिव धरणी सततं विभाति बत यस्य ॥

८६७६आ-१ कमलोदरक्ॐअलपादतलं गणनापरिवर्जितबाहुबलं ।
८६७६आ-२ प्रणमामि जगत्त्रयबोधिकरं गिरनारविभूषणनेमिजिनं ॥

८६७७-१ कमितुरभिसृत्वरीणां गौराङ्गीणामिहेन्दुधवलासु ।
८६७७-२ उड्डयमानानामिव रजनिषु परमीक्ष्यते छाया ॥

८६७७आ-१ कम्पः स्वेदः श्रमो मूर्च्छा भ्रमिर्ग्लानिर्बलक्षयः ।
८६७७आ-२ राजयक्ष्मादिरोगाश्च भवेयुर्मैथुनोत्थिताः ॥

८६७७भ्-१ कम्पक्षितीशमनिशं कथयन्ति सन्तः सङ्गीतदुग्धजलधेरुदितं सुधांशुं ।
८६७७भ्-२ साहित्यमानससरोवरराजहंसं सङ्ग्रामरङ्गनटनस्थितिसूत्रधारं ॥

८६७८-१ कम्पते गुणमुष्टिस्तु मार्गणस्य हि पृष्ठतः ।
८६७८-२ संमुखी स्याद्धनुर्मुष्टिस्तदा वामे गतिर्भवेत् ॥

८६७९-१ कम्पन्ते कपयो भृशं जडकृशं गोऽजाविकं ग्लायति श्वा चुल्लीकुहरोदरं क्षणमपि क्षिप्तोऽपि नैवोज्ज्ञति ।
८६७९-२ शीतार्तिव्यसनातुरः पुनरयं दीनो जनः कूर्मवथ्स्वान्यङ्गानि शरीर एव हि निजे निह्नोतुमाकाङ्क्षति ॥

८६८०-१ कम्पन्ते गिरयः पुरंदरभिया मैनाकमुख्याः पुनः क्रन्दन्त्यम्बुधराः स्फुरन्ति बडवावक्त्रोद्गता वह्नयः ।
८६८०-२ भोः कुम्भोद्भव मुच्यतां जलनिधिः स्वस्त्यस्तु ते सांप्रतं निद्रालुः श्लथबाहुवल्लिकमलाश्लेषो हरिः सीदति ॥

८६८१-१ कम्पप्रदोऽसौ शिशिरर्तुचौरो मुष्णाति वृक्षान्हरते किमस्मान् ।
८६८१-२ इतीव भीत्वा परिपाण्डुराणि जातानि शुष्काणि तृणानि भूमौ ॥

८६८२-१ कम्पितं भीतमुद्घृष्टं अव्यक्तमनुनासिकं ।
८६८२-२ काकस्वरं शिरःस्थं च तथा स्थानविवर्जितं ॥

८६८३-१ कम्पितः पतसि पादकयुग्मे नेत्रकोणनिहतोऽपि भयार्तः ।
८६८३-२ युध्यसे किमिषुभिः प्रिय भीरुं भाषुकामिति हसंश्चलितोऽन्यः ॥

८६८४-१ कम्पी कोऽभिविधौ किमव्ययमिह क्वास्ते द्रवत्वं पुनः स्याद्रूपं प्रथमाद्वितीयवचने किं वेः खमद्याह्वय ।
८६८४-२ को धातुर्गतिगन्धयोर्द्रविणिनां किं याचते भिक्षुकः प्रश्नानां द्रुतमुत्तराणि वद रे भय्या जलेबी खवा ॥

८६८५-१ कम्पोपरुद्धसर्वाङ्गैर्गलत्स्वेदोदबिन्दुभिः ।
८६८५-२ त्वदारब्धैर्महीनाथ वैरिभिर्वनितायितं ॥

८६८६-१ कम्बाघातैर्वपुषि निहतैरुच्छलच्छोणितौघैः कारागारैर्निबिडनिगडैर्लङ्घनं चुम्बनं च ।
८६८६-२ एवं ज्ञात्वा विरम सुमते मा कुरु त्वं नियोगं कर्णोपान्ते मलिनवदना लेखिनी फूत्करोति ॥

८६८७-१ कम्बुकण्ठि चरणः शनैश्चरो राहुरेष तव केशकलापः ।
८६८७-२ न च्युतं तदपि यौवनमेतथ्सा पयोधरगुरोरनुकम्पा ॥

८६८८-१ कयापि क्रीडतु ब्रह्मा दिव्याः स्त्रीर्दीव्यत स्वयं ।
८६८८-२ कलिस्तु चरतु ब्रह्म प्रैत वातिप्रियाय वः ॥

८६८९-१ कयासि कामिन्सुरतापराधाथ्पादानतः कोपनयावधूतः ।
८६८९-२ तस्याः करिष्यामि दृढानुतापं प्रवालशय्याशरणं शरीरं ॥

८६९०-१ करं गृहीत्वा परिमृद्य मन्दं कटिं निपीड्यानुविमृज्य चोरुं ।
८६९०-२ नीवीमपाकृत्य विलक्षणायाः शठो मनोजोपनिषत्पपाठ ॥

८६९१-१ करं प्रसार्य सूर्येण दक्षिणाशावलम्बिना ।
८६९१-२ न केवलमनेनात्मा दिवसोऽपि लघूकृतः ॥

८६९२-१ करकङ्कटकुट्यङ्कखङ्गसंघट्टटाङ्कृतैः ।
८६९२-२ कालरात्र्या प्रनृत्यन्त्या रणवीणेव वाद्यते ॥

८६९३-१ करकजलपूतभूतल- निहितपदो विहितविकृतहुंकारः ।
८६९३-२ अपि वितथमन्त्रगणना- व्यग्रसमग्राङ्गुलीपर्वा ॥

८६९४-१ करकम्पितखङ्गयष्टिभीमे रणसंनाहितरामनाथवीरे ।
८६९४-२ अरिभूभृदमर्त्यसुन्दरीणां अचलन्दक्षिणवामलोचनानि ॥

८६९५-१ करकलितदारनरके शेरत इह ये सजन्ति भवसिन्धौ ।
८६९५-२ रसिकास्त एव मान्या मन्यन्तां धन्यमात्मानं ॥

८६९६-१ करकलितपिनाक नाकनाथ द्बिषदुरुमानसशूल शूलपाणे ।
८६९६-२ भव वृषभविमान मानशौण्ड त्रिजगदकारणतारक प्रसीद ॥

८६९७-१ करकाकृतभीकभेकलोक- प्रतिपाल्याः किमु सागरेण कुल्याः ।
८६९७-२ वलभित्कुलिशप्रहारभीरु- क्षितिभृद्रक्षणदक्षिणेन तुल्याः ॥

८६९७आ-१ करकिशलयचाल्यमानसूर्प- क्रमनमदुन्नमदक्षिपक्ष्मपालि ।
८६९७आ-२ करनिहितकनीनिकं स्मिताक्ष्याः क्षणमपि नोत्पवनं जहाति चेतः ॥

८६९८-१ करकिसलयं धूत्वा धूत्वा विलम्बितमेखला क्षिपति सुमन्ॐआलाशेषं प्रदीपशिखां प्रति ।
८६९८-२ स्थगयति मुहुः पत्युर्नेत्रे विहस्य समाकुला सुरतविरतौ रम्यं तन्वी पुनः पुनरीक्ष्यते ॥

८६९८आ-१ करकिसलयमूलं धुन्वतीनां स धन्यः श्रवणपथमनल्पं यस्य पुंसः प्रविष्टाः ।
८६९८आ-२ नवरतपरिरम्भे बालसीमन्तिनीनां अहह न न न मा मा मुञ्च मुञ्चेति वाचः ॥

८६९९-१ करचरणकाञ्चिहार- प्रहारमवचिन्त्य बलगृहीतकचः ।
८६९९-२ प्रणयी चुम्बति दयिता- वदनं स्फुरदधरमरुणाक्षं ॥

८७००-१ करचरणकृतं वा कायजं कर्मजं वा श्रवणनयनजं वा मानसं वापराधं ।
८७००-२ विहितमविहितं वा सर्वमेतत्क्षमस्व जय जय करुणाब्धे श्रीमहादेव शंभो ॥

८७०१-१ करचरणनासमादौ कर्णौ गृह्णाति रक्ततां गमयन् ।
८७०१-२ शीतं गुरुकृतपीडं पश्चादङ्गानि कूर्म इव ॥

८७०२-१ करचरणेन प्रहरति यथा यथाङ्गेषु कोपतरलाक्षी ।
८७०२-२ रोषयति परुषवचनैस् तथा तथा प्रेयसीं रसिकः ॥

८७०३-१ करचुलुकजलो महोदधिश्चरणनिबद्धमहो निजाङ्गणं ।
८७०३-२ निजसदनसमं रसातलं भवति नृणां व्यवसायशालिनां ॥

८७०४-१ करजदशनचिह्नं नैशमङ्गेऽन्यनारी- जनितमिति सरोषामीर्ष्यया शङ्कमानां ।
८७०४-२ स्मरसि न खलु दत्तं मत्तयैतत्त्वयैव स्त्रियमनुनयतीत्थं व्रीडमानां विलासी ॥

८७०५-१ करजपदविभूषिता यथा त्वं सुदति दशनविक्षताधरा च ।
८७०५-२ गतिरपि चरणावलग्नमन्दा त्वमसि मृगसमाक्षि कामदत्ता ॥

८७०६-१ करजालमपूर्वचेष्टितं वस् तदभीष्टप्रदमस्तु तिग्मभासः ।
८७०६-२ क्रियते भवबन्धनाद्विमुक्तिः प्रणतानामुपसेवितेन येन ॥

८७०७-१ करञ्जारग्वधारिष्टसप्तपर्णत्वचाकृतः ।
८७०७-२ उपचारः क्रिमिहरो मूत्रमुस्तविडङ्गवान् ॥

८७०८-१ करटिकरटे भ्रस्यद्दानप्रवाहपिपासया परिसरसरद्भृङ्गश्रेणी करोति यदा रवं ।
८७०८-२ वदति शिरसः कम्पैर्नास्मान्निवारय वारण वितर वितरामानं दानं चलाः किल संपदः ॥

८७०९-१ करणभगणदोषं वारसंक्रान्तिदोषं कुतिथिकुलिकदोषं यामयामार्धदोषं ।
८७०९-२ कुजशनिरविदोषं राहुकेत्वादिदोषं हरति सकलदोषं चन्द्रमाः संमुखस्थः ॥

८७१०-१ करतरलितबन्धं कञ्चुकं कुर्वतीनां प्रतिफलितमिदानीं दैपमाताम्रमर्चिः ।
८७१०-२ स्तनतटपरिणाहे भामिनीनां भविष्यन् नखपदलिपिलीलासूत्रपातं करोति ॥

८७११-१ करतलयुगपरिणद्धे कुचकलशे कुङ्कुमारुणे तस्याः ।
८७११-२ सिन्दूरिते करिपतेः कुम्भे नक्षत्रमालेव ॥

८७१२-१ करदीकरणं राज्ञां रिपूणां परिमर्दनं ।
८७१२-२ भूमेरुपार्जनं भूयो राजवृत्तं तु चाष्टधा ॥

८७१३-१ करनखरविदीर्णध्वान्तकुम्भीन्द्रकुम्भाथ्तुहिनकणमिषेण क्षिप्तमुक्ताप्ररोहः ।
८७१३-२ अयमुदयधरित्रीधारिमूर्धाविरुढो नयनपथमुपेतो भानुमत्केसरीन्द्रः ॥

८७१४-१ करपदाननलोचननामभिः शतदलैः सुतनोर्विरहज्वरे ।
८७१४-२ रविमहो बहुपीतचरं चिरादनिशतापमिषादुदसृज्यत ॥

८७१५-१ करपातैर्दुरालोकैस्तीक्ष्णः संतापयन्प्रजाः ।
८७१५-२ भानुर्न भवता तुल्यः क्षणसंरक्तमण्डलः ॥

८७१६-१ करप्रचेयामुत्तुङ्गप्रभुशक्तिं प्रथीयसीं ।
८७१६-२ प्रज्ञाबलबृहन्मूलः फलत्युत्साहपादपः ॥

८७१७-१ करबदरसदृशमखिलं भुवनतलं यत्प्रसादतः कवयः ।
८७१७-२ पश्यन्ति सूक्ष्ममतयः सा जयति सरस्वती देवी ॥

८७१८-१ करभ किमिदं दीर्घोच्छ्वासैः क्षिणोषि शरीरकं विरम शठ हे कस्यात्यन्तं सखे सुखमागतं ।
८७१८-२ चर किसलयं स्वस्थः पीलोर्विमुञ्च मधुस्पृहां पुनरपि भवान्कल्याणानां भविष्यति भाजनं ॥

८७१९-१ करभदयिते यत्तत्पीतं सुदुर्लभमेकदा मधु वनगतं तस्यालाभे विरौषि किमुत्सुका ।
८७१९-२ कुरु परिचितैः पीलोः पत्रैर्धूतिं मरुगोचरैर् जगति सकले कस्यावाप्तिः सुखस्य निरन्तरा ॥

८७२०-१ करभदयिते योऽसौ पीलुस्त्वया मधुलुब्धया व्यपगतघनच्छायस्त्यक्तो न सादरमीक्षितः ।
८७२०-२ चलकिसलयः सोऽपीदानीं प्ररूढनवाङ्कुरः करभदयितावृन्दैरन्यैः सुखं परिभुज्यते ॥

८७२१-१ करभ यदि कदाचित्प्रभ्रमन्दैवयोगान् मधुकरकुलतस्त्वं प्रापयेथा मधूनि ।
८७२१-२ विरम विरम तेभ्यः सन्ति शष्पाण्यरण्ये प्रथममुखरसास्ते शोषयन्त्येव पश्चात् ॥

८७२२-१ करभ रभसात्क्रोष्टुं वाञ्छस्यहो श्रवणज्वरं शरणमथवानृज्वी दीर्घा तवैव शिरोधरा ।
८७२२-२ बहुगलबिलावृत्तिश्रान्तोच्चलिष्यति वाङ्मुखाथ्कियति समये को जानीते भविष्यति कस्य किं ॥

८७२३-१ करमुदयमहीधरस्तनाग्रे गलिततमःपटलांशुके निवेश्य ।
८७२३-२ विकसितकुमुदेक्षणं विचुम्ब- त्ययममरेशदिशो मुखं सुधांशुः ॥

८७२४-१ करयुग्मपद्ममुकुलापवर्जितैः प्रतिवेश्म लाजकुसुमैरवाकिरन् ।
८७२४-२ अवदीर्णशुक्तिपुटमुक्तमौक्तक- प्रकरैरिव प्रियरथाङ्गमङ्गनाः ॥

८७२५-१ करयोः कलहायमानयोर् उभयोरेव पयोधरोपरि ।
८७२५-२ वलयावलयो बलाबलं बहुवेलं पतयालवो जगुः ॥

८७२६-१ कररुद्धनीवि दयितोपगतौ गलितं त्वराविरहितासनया ।
८७२६-२ क्षणदृष्टहाटकशिलासदृश- स्फुरदूरुभित्ति वसनं ववसे ॥

८७२७-१ कररुहशिखानिखात भ्रान्त्वा विश्रान्त रजनिदुरवाप ।
८७२७-२ रविरिव यन्त्रोल्लिखितः कृशोऽपि लोकस्य हरसि दृशं ॥

८७२८-१ करलालितोऽपि दहति ज्वलति व्यजनेन वीज्यमानोऽपि ।
८७२८-२ दहन इवानिर्वाणं न विमुञ्चत्युष्णतां पिशुनः ॥

८७२९-१ करवारिरुहेण संधुनाने तरवार्रि नृपतौ मुकुन्ददेवे ।
८७२९-२ रचयन्त्यमरावतीतरुण्यः प्रथमं काञ्चनपारिजातमालाः ॥

८७३०-१ करवालकरालवारिधारा यमुना दिव्यतरङ्गिणी च कीर्तिः ।
८७३०-२ तव कामद तीर्थराज दूरादनुबध्नाति सरस्वती कवीनां ॥

८७३१-१ करशीकरशीतलं वितन्वन् वनभूभागमुदग्रदावदग्धं ।
८७३१-२ पुरतोऽञ्चति चेन्न यूथनाथः कलभानां सुलभस्तदा न पन्थाः ॥

८७३२-१ करसादोऽम्बरत्यागस्तेजोहानिः सरागता ।
८७३२-२ वारुणीसङ्गजावस्था भानुनाप्यनुभूयते ॥

८७३२आ-१ करस्थमप्येवममी कृषीवलाः क्षिपन्ति बौजं पृथुपङ्कसङ्कटे ।
८७३२आ-२ वयस्य केनापि कथं विलोकितः समस्ति नास्तीत्यथवा फलोदयः ॥

८७३३-१ करस्थमुदकं त्यक्त्वा घनस्थमभिवाञ्छति ।
८७३३-२ सिद्धमन्नं परित्यज्य भिक्षामटति दुर्मतिः ॥

८७३४-१ करस्पर्शारम्भात्पुलकितपृथूरोजकलशो श्रमाम्भो वामार्धे वमति मदनाकूतिसुलभं ।
८७३४-२ विभोर्वारं वारं कृतसमधिकोद्धूलनविधेस् तनौ भस्मस्नानं कथमपि समाप्तं विजयते ॥

८७३५-१ कराग्रजाग्रच्छतकोटिरर्थी ययोरिमौ तौ तुलयेत्कुचौ चेत् ।
८७३५-२ सर्वं तदा श्रीफलमुन्मदिष्णु जातं वटीमप्यधुना न लब्धुं ॥

८७३६-१ कराद्गलितखाद्यस्य का हानिः करिणो भवेत् ।
८७३६-२ पिपीलिका तु तेनैव बिभर्ति स्वकुटुम्बकं ॥

८७३७-१ करानीतं पटानीतं स्त्रियानीतं तथैव च ।
८७३७-२ एरण्डपत्रैरानीतं देवतानां च नार्हति ॥

८७३७आ-१ करान्तिरोधाय तरून्निपीड्य शिला अवस्कन्द्य महीयसोऽपि ।
८७३७आ-२ उज्जृम्भितः कालवशात्तदन्यस् तेषामधस्तात्पुनरेव जातः ॥

८७३८-१ कराम्बुजसजत्समाक्षवलया तनुस्तव शुभे जितेन्दुसुषमा ।
८७३८-२ छिनत्तु दुरितच्छटां मम नदी तटीमिव चलज्जलोद्धतगतिः ॥

८७३९-१ कराम्भोजे कञ्जी मदनमदभञ्जी पदजुषां मनःपुञ्जारञ्जी मधुरमणिमञ्जीरचरणः ।
८७३९-२ कलाकूतव्यञ्जी व्रजयुवतिसञ्जी जलमुचां गभीराभागञ्जी मम स परमञ्जीवनधनं ॥

८७४०-१ करारविन्देन पदारविन्दं मुखारविन्दे विनिवेशयन्तं ।
८७४०-२ वटस्य पत्रस्य पुटे शयानं बालं मुकुन्दं सततं स्मरामि ॥

८७४१-१ करालकालरुपेण जनतादुरितापहा ।
८७४१-२ तारणी तरिणी भूयादमुना यमुनाम्बुना ॥

८७४२-१ करालवाचालमुखाश्चमूखनैर् ध्वस्ताम्बरा वीक्ष्य दिशो रजस्वलाः ।
८७४२-२ तिरोबभूवे गहनैर्दिनेश्वरो रजोन्धकारैः वरितः कुतोऽप्यसौ ॥

८७४३-१ करालैर्विकटैः कृष्णैः पुरुषैरुद्यतायुधैः ।
८७४३-२ पाषाणैस्ताडितः स्वप्ने सद्यो मृत्युं लभेन्नरः ॥

८७४४-१ कराविव शरीरस्य नेत्रयोरिव पक्ष्मणी ।
८७४४-२ अविचार्य प्रियं कुर्यात्तन्मित्रं मित्रमुच्यते ॥

८७४५-१ करा हिमांशोरपि तापयन्तीत्य् एतत्प्रिये चेतसि नैव शङ्क्यं ।
८७४५-२ वियोगतप्तं हृदयं मदीयं तत्र स्थितां त्वां समुपैति तापः ॥

८७४६-१ करिकपोलमदोद्धतबुद्धितो मलिनपङ्कजवृन्दमिहाश्रयन् ।
८७४६-२ कनकगौरममं नवचम्पकं मधुप चञ्चल मुञ्चसि किं मुधा ॥

८७४७-१ करिकलभ विमुञ्च लोलतां चर विनयव्रतमानताननः ।
८७४७-२ मृगपतिनखकोटिभङ्गुरो गुरुरुपरि क्षमते न तेऽङ्कुशः ॥

८७४८-१ करिकवलितमृष्टैः शाखिशाखाग्रपत्रैर् अरुणसरणयोऽमी सर्वतो भीषयन्ते ।
८७४८-२ चलितशबरसेनादत्तगोशृङ्गचण्ड- ध्वनिचकितवराहव्याकुला विन्ध्यपादाः ॥

८७४८आ-१ करिकुम्भतुलामुरोजयोः क्रियमाणां कविभिर्विशृङ्खलैः ।
८७४८आ-२ कथमालि शृणोषि सादरं विपरीतार्थविदो हि योषितः ॥

८७४९-१ करिकृष्णाश्वगन्धा च नवनीतं च माहिषं ।
८७४९-२ एतेषां मर्दनाल्लिङ्गवृद्धिः संजायते परा ॥

८७५०-१ करिणश्च हस्तिकर्णैर् निर्देश्या वाजिनोऽश्वकर्णेन ।
८७५०-२ गावश्च पाटलाभिः कदलीभिरजाविकं भवति ॥

८७५१-१ करिन्मा गर्जोच्चैर्मूगपतिरिहास्तेऽतिनिकटे न दृष्टस्त्वं दैवादपसर सुदूरं द्रुतमितः ।
८७५१-२ न किं पश्यस्यग्रे खरनखरनिर्दारितकरि- प्रकीर्णास्थिश्रेणीधवलितमिमं शैलकटकं ॥

८७५२-१ करिमदपरिमलवाही वहति बहिर्गिरिसरित्समीर इति ।
८७५२-२ मृदुगर्भान्तर्मावं न जहाति गुहागृहस्य हरिगृहिणी ॥

८७५३-१ करिवरमृदितवलीमुख- नलकैर्मूलेषु कीलितस्य तरोः ।
८७५३-२ संवत्सरं च यावथ्फलिनस्य फलानि जायन्ते ॥

८७५४-१ करिष्यति कलानाथः कुतुकी करमम्बरे ।
८७५४-२ इति निर्वापयामास रविदीपं निशाङ्गना ॥

८७५५-१ करिष्यन्न प्रभाषेत कृतान्येव च दशैयेत् ।
८७५५-२ धर्मकामार्थकार्याणि तथा मन्त्रो न भिद्यते ॥

८७५६-१ करिष्यते यत्र सुदुश्चराणि प्रसत्तये गोत्रभिदस्तपांसि ।
८७५६-२ शिलोच्चयं चारुशिलोच्चयं तं एष क्षणान्नेष्यति गुह्यकस्त्वां ॥

८७५७-१ करिष्यामि करिष्यामि करिष्यामीति चिन्तया ।
८७५७-२ मरिष्यामि मरिष्यामि मरिष्यामीति विस्मृतं ॥

८७५८-१ करिष्येऽवश्यमित्युक्तिः करिष्यन्नपि दुष्यसि ।
८७५८-२ दृष्टादृष्टा हि नायत्ताः कार्यीया हेतवस्तव ॥

८७५८-१ करी बरीभरीति चेद्दिशं सरीसरीति कां स्थिरीचरीकरीति चेत्न चञ्चरीकरीतिकां ।
८७५८-२ दरीधरीति केतकं वरीवरीति सारसं जरीजरीति मञ्जरी निरीतिरीतिरीदृशी ॥

८७५९-१ करीषमध्ये निहितं तत्सर्वं पञ्चमासकं ।
८७५९-२ द्रवीभूतं ततः सर्वं उद्धरेत्तेन लेपयेत् ॥

८७६०-१ करुणमभिहितं त्रपा निरस्ता तदभिमुखं च विमुक्तमश्रु ताभिः ।
८७६०-२ प्रकुपितमभिसारणेऽनुनेतुं प्रियमियती ह्यबलाजनस्य भूमिः ।
८७६१-१ करुणाद्रवमेव दुर्जनः सुतरां सत्पुरुषं प्रबाधते ।
८७६१-२ मृदुकं हि भिनत्ति कण्टकः कठिने कुण्ठक एव जायते ॥

८७६१आ-१ करे कृत्वा तूलं कुचकलशमूलं विदधती स्फुटं वारं वारं तरलयति हारं सुवदना ।
८७६१आ-२ समीचीना मीनायतनयननीलोत्पलदला वितन्वाना तन्तून्विकलयति जन्तूनविकलं ॥

८७६२-१ करे च दक्षिणे व्याधिं हृदि राज्यादिलाभदा ।
८७६२-२ पृष्ठे चोपद्रवं हन्त्युदरे मिष्टान्नभोजनं ॥

८७६३-१ करेण कण्डूयति दक्षिणेन यक्षो यदा वामकरं तदानीं ।
८७६३-२ प्रभूतमातङ्गघटासमृद्धं ब्रूते समन्तात्पृथिवीपतित्वं ॥

८७६४-१ करेण करिणा वीरः सुगृहीतोऽपि कोपिना ।
८७६४-२ असिनासून्जहाराशु तस्यैव स्वय्मक्षतः ॥

८७६५-१ करेण ते रणेष्वन्तकरेण द्विषतां हताः ।
८७६५-२ करेणवः क्षरद्रक्ता भान्ति संध्याघना इव ॥

८७६६-१ करेण दानं मुनिराददानो भक्तस्य संकेतमिति ब्रवीति ।
८७६६-२ लोकद्वयेच्छाफलसंप्रदाने दत्तो मया दक्षिणहस्त एषः ॥

८७६७-१ करेण वाञ्छेव विधुं विधर्तुं यमित्थमात्थादरिणी तमर्थं ।
८७६७-२ पातुं श्रुतिभ्यामपि नाधिकुर्वे वर्णं श्रुतेर्वर्ण इवान्तिमः किं ॥

८७६८-१ करेण वातायनलम्बितेन स्पृष्टस्त्वया चण्डि कुतूहलिन्या ।
८७६८-२ आमुञ्चतीवाभरणं द्वितीयं उद्भिन्नविद्युद्वलयो घनस्ते ॥

८७६८आ-१ करेण सलिलार्द्रेण न गण्डौ नापरं करं ।
८७६८आ-२ नेक्षणे च स्पृशेत्किं तु स्प्रष्टव्ये जानुनी श्रिये ॥

८७६९-१ करेणुर्नाहूता निजकवलभागप्रणयिनी न चामृष्टः स्नेहात्करकिसलयेनापि कलभः ।
८७६९-२ स येनासौ दर्पात्प्रतिगजजिगीषारभसतः क्रुधा धावन्मग्नो ह्रदपयसि कष्टं करिपतिः ॥

८७६९आ-१ करे दानं हृदि ध्यानं मुखे मौनं गृहे धनं ।
८७६९आ-२ तीर्थे यानं गिरि ज्ञानं मण्डनं महतामिदं ॥

८७६९भ्-१ करे वामे वासस्तदपरकरे हारलतिकां वहन्त्या बिम्बोष्ठे पतिदशनदत्तव्रणपदं ।
८७६९भ्-२ परिम्लानां मालां शिरसि शशिखण्डं स्तनतटे रतान्तोत्तिष्ठन्त्या जगदपि न मूल्यं मृगदशः ॥

८७७०-१ करे विधृत्येश्वरया गिरां सा पान्था पथीन्द्रस्य कृता विहस्य ।
८७७०-२ वामेति नामैव बभाज सार्धं पुरन्ध्रिसाधारणसंविभागं ॥

८७७१-१ करे विभाति तन्वङ्ग्या रणद्वलयसंहतिः ।
८७७१-२ मनःकुरङ्गबन्धाय पाशालीव मनोभुवः ॥

८७७२-१ करे वेणीमेणीसदृशनयना स्नानविरतौ दधाना हर्म्याग्रे हरनयनतेजोहुतमपि ।
८७७२-२ इयं मुग्धा दुग्धाम्बुधिबहलकल्लोलसदृशा दृशा वारं वारं मनसिजतरुं पल्लवयति ॥

८७७३-१ करे श्लाघ्यस्त्यागः शिरसि गुरुपादप्रणमता मुखे सत्या वाणी विजयि भुजयोर्वीर्यमतुलं ।
८७७३-२ हृदि स्वच्छा वृत्तिः श्रुतमधिगतं च श्रवणयोर् विनाप्यैश्वर्येण प्रकृतिमहतां मण्डनमिदं ॥

८७७३आ-१ करैरुपात्तान्कमलोत्करेभ्यो निजैर्विवस्वान्विकचोदरेभ्यः ।
८७७३आ-२ तस्या निचिक्षेप मुखारविन्दे स्वेदापदेशान्मकरन्दबिन्दून् ॥

८७७४-१ करैर्वा प्रमितैर्ग्रामैर्वत्सरे प्रबलं रिपुं ।
८७७४-२ तोषयेत्तद्धि दानं स्याद्यथायोगेषु शत्रुषु ॥

८७७५-१ करोति कालः सकलं संहरेत्काल एव हि ।
८७७५-२ कालः स्थापयते विश्वं कालाधीनमिदं जगत् ॥

८७७६-१ करोऽतिताम्रो रामाणां तन्त्रीताडनविभ्रमं ।
८७७६-२ करोति सेर्ष्यं कान्ते च श्रवणोत्पलताडनं ॥

८७७७-१ करोति दोषं न तमत्र केसरी न दन्दशूको न करी न भूमिपः ।
८७७७-२ अतीव रुष्टो न च शत्रुरुद्धतो यमुग्रमिथ्यात्वरिपुः शरीरिणां ॥

८७७८-१ करोति निर्मलाधारस्तुच्छस्यापि महार्घतां ।
८७७८-२ अम्बुनो बिन्दुरल्पोऽपि शुक्तौ मुक्ताफलं भवेत् ॥

८७७९-१ करोति नीडं भुवि चेद्वराही समान्यपत्यानि विजायते वा ।
८७७९-२ समुद्भवद्भानुमयूखवह्नौ जाज्वल्यते तज्जगती समस्ता ॥

८७८०-१ करोति पापं योऽज्ञानान्नात्मनो वेत्ति च क्षमं ।
८७८०-२ प्रद्वेष्टि साधुवृत्तांश्च स लोकस्यैति वाच्यतां ॥

८७८०आ-१ करोति पुष्पैर्जिननायकस्य पूजं त्रिकालं तनुमान्सदा यः ।
८७८०आ-२ तस्यामरेशावनिनाथचक्र- वर्त्त्यादिलक्ष्मीर्वशगा भवेद्द्राक् ॥

८७८१-१ करोति पूज्यमानोऽपि लोकव्यसनदीक्षितः ।
८७८१-२ दर्शने दर्शने त्रासं गृहाहिरिव दुर्जनः ॥

८७८२-१ करोति मांसं बलमिन्द्रियाणां ततोऽभिवृद्धिं मदनस्य तस्मात् ।
८७८२-२ करोत्ययुक्तिं प्रविचिन्त्य बुद्ध्या त्यजन्ति मांसं त्रिविधेन सन्तः ॥

८७८३-१ करोति यः परद्रोहं जनस्यानपराधिनः ।
८७८३-२ तस्य राज्ञः स्थिरापि श्रीः समूलं नाशमृच्छति ॥

८७८४-१ करोति योऽशेषजनातिरिक्तां संभावनामर्थवतीं क्रियाभिः ।
८७८४-२ संसत्सु जाते पुरुषाधिकारे न पूरणी तं समुपैति संख्या ॥

८७८५-१ करोति लाभहीनेन गौरवेण किमाश्रितः ।
८७८५-२ क्षामस्येन्दोर्गुणं धत्ते कमीश्वरशिरोधृतिः ॥

८७८५आ-१ करोति विरतिं धन्यो यः सदा निशिभोजनात् ।
८७८५आ-२ सोऽर्धं पुरुषायुषस्य स्यादवश्यमुपोषितः ॥

८७८६-१ करोति वैरं स्फुटमुच्यमानः प्रतुष्यति श्रोत्रसुखैरपथ्यैः ।
८७८६-२ विवेकशून्यः प्रभुरात्ममानी महाननर्थः सुहृदां बतायं ॥

८७८७-१ करोति शोभामलके स्त्रियाः को दृश्या न कान्ता विधिना च कोक्ता ।
८७८७-२ अङ्गे तु कस्मिन्दहनः पुरारेः सिन्दूरबिन्दुर्विधवाललाटे ॥

८७८८-१ करोति संसारशरीरभोग- विरागभावं विदधाति रागं ।
८७८८-२ शीलव्रतध्यानतपःकृपासु ज्ञानी विमोक्षाय कृतप्रयासः ॥

८७८९-१ … … … … … … ।
८७८९-२ करोति सफलं जन्तोः कर्म यच्च करोति सः ॥

८७९०-१ करोति सहकारस्य कलिकोत्कलिकोत्तरं ।
८७९०-२ मन्मनो मन्मनोऽप्येष मत्तकोकिलनिस्वनः ॥

८७९१-१ करोति सुहृदां दैन्यं अहितानां तथा मुदं ।
८७९१-२ अकाले च जरां पित्रोः कुसुतः कुरुते ध्रुवं ॥

८७९२-१ करोति स्वमुखेनैव बहुधान्यस्य खण्डनं ।
८७९२-२ नमः पतनशीलाय मुसलाय खलाय च ॥

८७९३-१ करोति हुंहुं शृगिति ध्वनिं यो नेष्टो न दुष्टः स यतो रतार्थी ।
८७९३-२ चलश्चलः स्यात्कलहाय शब्दः किकीति दीप्तो गुरुरुग्लुशान्तः ॥

८७९३आ-१ करोति हे दैत्यसुत यावन्मात्रं परिग्रहं ।
८७९३आ-२ तावन्मात्रं स एवास्य दुःखं चेतसि यच्छति ॥

८७९३भ्-१ करोतु करटः शब्दं सर्वदा प्राङ्गणे वसन् ।
८७९३भ्-२ न शृणोति बुधः प्रीत्या शृणोति पिकभाषितं ॥

८७९४-१ करोतु तादृशीं प्रीतिं यादृशी नीरपङ्कयोः ।
८७९४-२ रविणा शोषिते नीरे पङ्गदेहो विशीर्यते ॥

८७९५-१ करोतु नाम नीतिज्ञो व्यवसायमितस्ततः ।
८७९५-२ फलं पुनस्तदेव स्याद्यद्विधेर्मनसि स्थितं ॥

८७९६-१ कर्ॐईशोऽपि नाक्रान्तिं परितापेन खेदवान् ।
८७९६-२ दरिद्रोऽपि न वाञ्छामि तेन जीवाम्यनामयः ॥

८७९७-१ कर्ॐयहमिदं तदा कृतमिदं करिष्याम्यदः पुमानिति सदा क्रियाकरणकारणव्यापृतः ।
८७९७-२ विवेकरहिताशयो विगतसर्वधर्मक्षमो न वेत्ति गतमप्यहो जगति कालमत्याकुलः ॥

८७९८-१ करोषि तास्त्वमुत्खातमोहस्थाने स्थिरा मतीः ।
८७९८-२ पदं यतिः सुतपसा लभतेऽतः सशुक्लिम ॥

८७९८आ-१ करोषि यत्प्रेत्यहिताय किंचिथ्कदाचिदल्पं सुकृतं कथंचित् ।
८७९८आ-२ मा जीहरस्तन्मदमत्सराद्यैर् विना च तन्मा नरकातिथिर्भूः ॥

८७९९-१ करौ धुनाना नवपल्लवाकृती पयस्यगाधे किल जातसंभ्रमा ।
८७९९-२ सखीषु निर्वाच्यमधार्ष्ट्यदूषितं प्रियाङ्गसंश्लेषमवाप मानिनी ॥

८८००-१ करौ धुनाना नवपल्लवाकृती वृथा कृथा मानिनि मा परिश्रमं ।
८८००-२ उपेयुषी कल्पलताभिशङ्कया कथं न्वितस्त्रस्यति षट्पदावलिः ॥

८८०१-१ करौ शरदिजाम्बुजक्रमविलासशिक्षागुरू पदौ विबुधपादपप्रथमपल्लवोल्लङ्घिनौ ।
८८०१-२ दृशौ दलितदुर्मदत्रिभुवनोपमानश्रियौ विलोकय विलोचनामृतमहो महः शैशवं ॥

८८०२-१ कर्कन्धूफलमुच्चिनोति शबरी मुक्ताफलाकाङ्क्षया गृध्रोलूककदम्बकस्य पुरतः काकोऽपि हंसायते ।
८८०२-२ कीर्त्या ते धवलीऋक्ते त्रिभुवने क्ष्मापाल लक्ष्मीः पुनः कृष्णं वीक्ष्य बलोऽयमित्युपहितव्रीडं शनैर्जल्पति ॥

८८०३-१ कर्कशं दुःसहवाक्यं जल्पन्ति वञ्चिताः परैः ।
८८०३-२ कुर्वन्ति द्यूतकारस्य कर्णनासादिछेदनं ॥

८८०४-१ कर्कशतर्कविचार- व्यग्रः किं वेत्ति काव्यहृदयानि ।
८८०४-२ ग्राम्य इव कृषिविलग्नश्चञ्चलनयनावचोरहस्यानि ॥

८८०५-१ कर्कशेन तु चापेन यः कृष्टौ हीनमुष्टिना ।
८८०५-२ मत्स्यपुच्छा गतिस्तस्य सायकस्य प्रकीर्तिता ॥

८८०६-१ कर्कोटिकार्कयोर्मूलं चूर्णयित्वा च सर्षपान् ।
८८०६-२ सर्पिषा पाययेन्मन्त्री स्थावरक्ष्वेडशान्तये ॥

८८०७-१ कर्णं चक्षुरजीगणत्तव पितुस्तातः पिता ते पुनः शक्त्याधारकुमारमप्यजगणत्तं कातरत्वेन सः ।
८८०७-२ देवोगान्महिषीति पश्यति जगत्त्वेवं विवेक्तुं पुनः प्रागल्भ्यं प्रथयन्ति वस्तदपि च प्रज्ञाधनाः साधवः ॥

८८०८-१ कर्णः सर्वशिरोगतस्त्रिभुवने कर्णेन किं न श्रूतं विश्राम्यन्ति मृगीदृशामपि दृशः कर्णे न चित्रं क्वचित् ।
८८०८-२ आश्चर्यं पुनरेतदेव यदयं निश्छिद्रसन्मण्डलः सप्ताम्भोनिधिमेखलां वसुमतीं धत्ते जगन्मण्डलः ॥

८८०९-१ कर्णकल्पितरसालमञ्जरी- पिञ्जरीकृतकपोलमण्डलः ।
८८०९-२ निष्पतन्नयनवारिधारया राधया मधुरिपुर्निरीक्ष्यते ॥

८८१०-१ कर्णगतेयममोघा दृष्टिस्तव शक्तिरिन्द्रदत्ता च ।
८८१०-२ सा नासादितविजया क्वचिदपि नापार्थपतितेयं ॥

८८१०आ-१ कर्णद्वयावनतकाञ्चनतालपत्रा वेण्यन्तलम्बिमणिमौक्तिकहेमगुच्छा ।
८८१०आ-२ कूर्पासकोत्कवचितस्तनबाहुमूला लाटी नितम्बपरिवृत्तदशान्तनीवी ॥

८८११-१ कर्णलङ्घिगुणोत्कर्षा वदान्या धन्विनो यथा ।
८८११-२ निष्फलान्न विमुञ्चन्ति मार्गणान्समितौ स्थिता ॥

८८१२-१ कर्णविषेण च भग्नः किं किं न करोति बालिशो लोकः ।
८८१२-२ क्षपणकतामपि धत्ते पिबति सुरां नरकपालेन ॥

८८१३-१ कर्णस्त्वचं शिबिर्मांसं जीवं जीमूतवाहनः ।
८८१३-२ ददौ दधीचिरस्थीनि नास्त्यदेयं महात्मनां ॥

८८१३आ-१ कर्णस्फुरत्कनककुण्डलकान्तिरम्यं आदृष्टिगोचरकुचद्वयलोभनीयं ।
८८१३आ-२ कालेयबिन्दुकलिकायितकुङ्कुमाङ्कं कर्णाटयौवतमिदं कमनीयरूपं ॥

८८१४-१ कर्णस्य भूषणमिदं ममायतिविरोधिनः ।
८८१४-२ इति कर्णोत्पलं प्रायस्तव दृष्ट्या विलङ्घ्यते ॥

८८१५-१ कर्णाक्षिदन्तच्छदबाहुपाणि- पादादिनः स्वाखिलतुल्यजेतुः ।
८८१५-२ उद्वेगभागद्वयताभिमानादिहैव वेधा व्यधित द्वितीयं ॥

८८१६-१ कर्णाग्रन्थितकिंतनुर्नतशिरा बिभ्रज्जराजर्जर- स्फिक्संधिप्रविवेशितप्रविचलल्लाङ्गूलनालः क्षणं ।
८८१६-२ आराद्वीक्ष्य विपक्षमाक्रमकृतक्रोधस्फुरत्कन्धरं श्वा मल्लीकलिकाविकाशिदशनः किंचित्क्वणन्गच्छति ॥

८८१७-१ कर्णाग्रे पीडिते येषां सिन्दूराभस्य दर्शनं ।
८८१७-२ शोणितस्य भवेत्क्षिप्रं ते वाह्याश्चिरजीविनः ॥

८८१८-१ कर्णाटं देहि कर्णाधिकविधिविहितत्याग लाटं ललाट- प्रोत्तुङ्ग द्राविडं वा प्रचलभुजबलप्रौढिमागाढराढं ।
८८१८-२ प्रस्फूर्जद्गुर्जरं वा दलितरिपुवधूगर्भ वैदर्भकं वा गाजी राजीवदृष्टे कुशशतमथवा शाहजल्लालुदीन ॥

८८१९-१ कर्णाटीदशनाङ्कितः शितमहाराष्ट्रीकटाक्षाहततः प्रौढान्ध्रीस्तनपीडितः प्रणयिनीभ्रूभङ्गवित्रासितः ।
८८१९-२ लाटीबाहुविवेष्टितश्च मलयस्त्रीतर्जनीतर्जितः सोऽयं संप्रति राजशेखरकविर्वाराणसीं वाञ्छति ॥

८८२०-१ कर्णाभ्यर्णविदीर्णसृक्कविकटव्यादानदीप्ताग्निभिर् दंष्ट्राकोटिविशङ्कटैरित इतो धावद्भिराकीर्यते ।
८८२०-२ विद्युत्पुञ्जनिकाशकेशनयनभ्रूश्मश्रुजालैर्न भो लक्ष्यालक्ष्यविशुष्कदीर्घवपुषामुल्कामु खानां मुखैः ॥

८८२१-१ कर्णाभ्यर्णारिशृङ्गक्षतिरुधिररसास्वादनाबद्धगर्ध- ध्वाङ्क्षच्छायात्तभीतिप्रतिहतधवलीवर्गसं वर्धनेच्छः ।
८८२१-२ शीलव्याक्रुद्धगोपीलगुडहतिनमत्पृष्ठवंशः कथंचिथ्प्रातः केदारनीरं कलमदलभिया कूणिताक्षो महोक्षः ॥

८८२२-१ कर्णामृतं सूक्रिसं विमुच्य दोषे प्रयत्नः सुमहान्खलानां ।
८८२२-२ निरीक्षते केलिवनं प्रविश्य क्रमेलकः कण्टकजालमेव ॥

८८२३-१ कर्णारुन्तुदमन्तरेण रणितं गाहस्व काक स्वयं माकन्दं मकरन्दसुन्दरमिदं त्वां कोकिलं मन्महे ।
८८२३-२ भव्यानि स्थलसौष्ठवेन कतिचिद्वस्तूनि कस्तूरिकां नेपालक्षितिपालभालतिलके पङ्कं न शङ्केत कः ॥

८८२४-१ कर्णारुन्तुदमेव कोकिलरुतं तस्याः श्रुते भाषिते चन्द्रे लोकरुचिस्तदाननरुचेः प्रागेव संदर्शनात् ।
८८२४-२ चक्षुर्मीलनमेव तन्नयनयोरग्रे मृगीणां वरं हैमो वल्ल्यपि तावदेव ललिता यावन्न सा लक्ष्यते ॥

८८२५-१ कर्णार्पितो लोध्रकषायरूक्षे गोरोचनाक्षेपनितान्तगौरे ।
८८२५-२ तस्याः कपोले परभागलाभाद्बबन्ध चक्षूंषि यवप्ररोहः ॥

८८२५आ-१ कर्णालङ्करणं कदा कृतमिति स्पर्शः कपोले कृतः कीदृक्कान्तमहो नु कञ्चुकमिति न्यस्तः करो वक्षसि ।
८८२५आ-२ रागः साहजिकः किमेष वदनेऽप्यस्पर्शि बिम्बाधरो मोग्ध्येनैव मृगीदृशि व्यवसितं निर्विघ्नमासीन्मम ॥

८८२६-१ कर्णाहतिव्यतिकरं करिणामुपेक्ष्य दानं व्यवस्यति मध्रुव्रत एष तिक्तं ।
८८२६-२ स्मर्तव्यतामुपगतेषु सरोरुहेषु धिग्जीवितव्यसनमस्य मलीमसस्य ॥

८८२७-१ कर्णिकादिष्विव स्वर्णं अर्णवादिष्विवोदकं ।
८८२७-२ भेदिष्वभेदि यत्तस्मै परस्मै महसे नमः ॥

८८२८-१ कर्णिकारलताः फुल्लकुसुमाकुलषट्पदाः ।
८८२८-२ सकज्जलशिखा रेजुर्दीपमाला इवोज्ज्वलाः ॥

८८२९-१ कर्णिकारससौवीरगुप्तां त्रिकटुमाधवीं ।
८८२९-२ यष्टीधान्यगुडक्षीरं दष्टो मत्तशुना पिबेत् ॥

८८३०-१ कर्णिनालीकनाराचा निर्हरन्ति शरीरतः ।
८८३०-२ वाक्शल्यस्तु न निर्हर्तुं शक्यो हृदिशयो हि सः ॥

८८३१-१ कर्णे कान्तागमनवचनश्राविणि स्वर्णभूषां तस्यादर्शिन्यकृत नयने श्यामिकामञ्जनेन ।
८८३१-२ स्थाप्यः कुत्र प्रिय इति परामृश्य हारावृताङ्के हृत्पर्यङ्के पुलकपटलीतूलिकामास्तृणोति ॥

८८३२-१ कर्णें चामरचारुकम्बुकलिका कण्ठे मणीनां गणः सिन्दूरप्रकरः शिरःपरिसरे पार्श्वान्तिके किङ्किणी ।
८८३२-२ लब्धश्चेन्नृपवाहनेन करिणा बद्धेन भूषाविधिस् तत्किं भूधरधूलिधूसरतनुर्मान्यो न वन्यः करी ॥

८८३३-१ कर्णेजपः कुटिलमूर्तिरसव्यपाणिर् अग्रेसरस्तदितरस्तव बद्धमुष्टिः ।
८८३३-२ तन्मार्गणास्तदपि लक्षममी लभन्ते धानुष्क तत्किमपि कौशलमद्भुतं ते ॥

८८३४-१ कर्णेजपा अपि सदा कुटिलस्वभावा दुष्टाशया निरभिसंधितवैरिभूताः ।
८८३४-२ सोहार्दहृष्टहृदया मयि सन्तु येषां जिह्वापटुर्विनिमयेषु गुणा गुणानां ॥

८८३५-१ कर्णेजपानां वचनप्रपञ्चान्- महात्मनः क्वापि न दूषयन्ति ।
८८३५-२ भुजङ्गमानां गरलप्रसङ्गान्- नापेयतां यान्ति महासरांसि ॥

८८३६-१ कर्णे तत्कथयन्ति दुन्दुभिरवै राष्ट्रे यदुद्घोषितं तन्नम्राङ्गतया वदन्ति करुणं यस्मात्त्रपावान्भवेत् ।
८८३६-२ श्लाघन्ते तदुदीर्यते यदरिणाप्युग्रं न मर्मान्तकृद्ये केचिन्ननु शाठ्यमौग्ध्यनिधयस्ते भूभृतां रञ्जकाः ॥

८८३७-१ कर्णे ताटङ्कलक्ष्मीमुरसि मकरिकापत्रमूरौ दुकूलं सव्येऽर्धे दक्षिणे च द्विरसनभसितव्यालकृत्तीर्दधानः ।
८८३७-२ कण्ठे निःसीमशीर्षस्रजमथ विदधद्वीक्षितः शैलपुत्र्या सभ्रूविक्षेपमन्तःस्मितललितमुखो भूतभर्तावताद्वः ॥

८८३८-१ कर्णे तालदलं तनौ मलयजं कर्पूरवास्ॐऽशुके चूले गुम्फितकेतकीदलभरः कण्ठे नवैकावली ।
८८३८-२ वासः श्रीवनवाससीमनि वचश्रीः सत्कवेरुक्तयो वक्त्रे नागरखण्डमस्तु पुरतः प्रेमाकुलाः कुन्तलाः ॥

८८३९-१ कर्णेन घातयित्वा घटोत्कचं शक्रशक्तिनिर्मोक्षात् ।
८८३९-२ जीवितमरक्षि पार्थैः स्वात्मानं सर्वतो रक्षेत् ॥

८८४०-१ कर्णेन निर्जितोऽस्मीति चिन्तां चिन्तामणे त्यज ।
८८४०-२ जिता देवद्रुमाः पञ्च न दुःखं पञ्चभिः सह ॥

८८४१-१ कर्णे बद्धा रवौ श्वेततुरंगरिपुमूलिका ।
८८४१-२ सर्वज्वरहरा श्वेतमन्दारस्य च मूलिका ॥

८८४२-१ कर्णे यन्न कृतं सखीजनवचो यन्नादृता बन्धुवाक् यत्पादे निपतन्नपि प्रियतमः कर्णोत्पलेनाहतः ।
८८४२-२ तेनेन्दुर्दहनायते मलयजालेपः स्फुलिङ्गायते रात्रिः कल्पशतायते बिसलताहारोऽपि भारायते ॥

८८४३-१ कर्णेऽवतंसयितुमर्पयितुं शिखासु माष्टुं रतिश्रमजलं चषके निधातुं ।
८८४३-२ कण्ठे गुणं रचयितुं वलयान्र्विधातुं स्त्रीणां मनोऽतिलुलुभे शशिनः करेषु ॥

८८४४-१ कर्णोत्तंसः शिशुशुकवधूपिच्छलीलं शिरीषं सान्तःसूत्राः परिमलमुचो मल्लिकानां च हाराः ।
८८४४-२ मुक्तागौरैर्वलयरचनाकन्दलाग्रैर्बिसानां ग्रीष्मारम्भे रमयति नवं मण्डनं कामिनीनां ॥

८८४५-१ कर्णोत्तालितकुन्तलान्तनिपतत्तोयक्षणासङ्गिना हारेणेव वृतस्तनी पुलकिता शीतेन सीत्कारिणी ।
८८४५-२ निर्धौताञ्जनशोणकोणनयना स्नानावसानेऽङ्गना प्रस्यन्दत्कबरीभरा न कुरुते कस्य स्पृहार्द्रं मनः ॥

८८४५आ-१ कर्णोत्पलं कटाक्षाः कान्तिस्ते कनककञ्चुकविशेषः ।
८८४५आ-२ हसितानि सिन्धुकन्ये हारास्स्तनशैलनिर्झंरविहाराः ॥

८८४६-१ कर्णोत्पलान्नयनमपि गतिच्युतात्ते तन्मीलने मुखमयं न जहाति भृङ्गः ।
८८४६-२ येनैवमद्य विनिवारयसि प्रमत्ते तस्मिन्करेऽपि न किमम्बुजसाम्यदोषः ॥

८८४७-१ कर्णोत्पलेनापि मुखं सनाथं लभेत नेत्रद्युतिनिर्जितेन ।
८८४७-२ यद्येतदीयेन ततः कृतार्था स्वचक्षुषी किं कुरुते कुरङ्गी ॥

८८४८-१ कर्णोत्सङ्गविसर्पिणी नयनयोः कान्तिर्वतंसोत्पलं लाक्षासंभ्रमनिर्व्यपेक्षमधरं लावण्यमेवाञ्चति ।
८८४८-२ हारोऽस्याः स्मितचन्द्रिकैव कुचयोरङ्गप्रभा कञ्चुकी तन्व्याः केवलमङ्गभारमधुना मन्ये परं भूषणं ॥

८८४९-१ कर्णौ तावत्कुवलयदृशां लोचनाम्भोरुहाभ्यां अभ्याक्रान्तौ कनकरुचिरो भालदेशोऽपि नेयः ।
८८४९-२ इत्याशङ्काकुलितमनसा वेधसा कज्जलौघैः सीमारेखा व्यरचि निबिडभ्रूलताकैतवेन ॥

८८५०-१ कर्णौ सपत्न्यः प्रविशालयेयुर् विशालयेयुर्न कदापि नेत्रे ।
८८५०-२ विद्या सदभ्यासवशेन लभ्या सौजन्यमभ्यासवशादलभ्यं ॥

८८५०आ-१ कर्तव्यं जिनवन्दनं विधिपरैर्हर्षोल्लसन्मानसैः सच्चारित्रविभूषिताः प्रतिदिनं सेव्याः सदा साधवः ।
८८५०आ-२ श्रोतव्यं च दिने दिने जिनवचो मिथ्यात्वनिर्नाशनं दानादौ व्रतपालने च सततं कार्या रतिः श्रावकैः ॥

८८५१-१ कर्तव्यं त्वेव कर्मेति मनोरेष विनिश्चयः ।
८८५१-२ एकान्तेन ह्यनीहोऽयं पराभवति पूरुषः ॥

८८५२-१ कर्तव्यं न करोति बन्धुभिरपि स्नेहात्मभिर्बोधितः कामित्वादवमन्यते हितमतं धीरोऽप्यभीष्टं नरः ।
८८५२-२ निष्कामस्य न विक्रिया तनुभृतो लोके क्वचिद्दृश्यते यत्तस्मादिदमेव मूलमखिलानर्थस्य निर्धारितं ॥

८८५३-१ कर्तव्यं भूमिपालेन शरणागतरक्षणं ।
८८५३-२ कपोतरक्षणं श्येनात्कृत्वा कीर्तिं शिबिर्गतः ॥

८८५४-१ कर्तव्यं वचनं सर्वैः समूहहितवादिनां ।
८८५४-२ … … … … … … ॥

८८५५-१ कर्तव्यः प्रतिदिवसं प्रसन्नचित्तैः स्वल्पोऽपि व्रतनियमोपवासधर्मः ।
८८५५-२ प्राणेषु प्रहरति नित्यमेव मृत्युर् भूतानां महति कृतेऽपि हि प्रयत्ने ॥

८८५६-१ कर्तव्यः संचयो नित्यं न तु कार्योऽतिसंचयः ।
८८५६-२ अतिसंचयशीलोऽयं धनुषा जम्बुको हतः ॥

८८५७-१ कर्तव्यमेव कर्तव्यं प्राणैः कण्ठगतैरपि ।
८८५७-२ अकर्तव्यं न कर्तव्यं प्राणैः कण्ठगतैरपि ॥

८८५८-१ कर्तव्या चार्थसारेऽपि काव्ये शब्दविचित्रता ।
८८५८-२ विना घण्टाटणत्कारं गजो गच्छन्न शोभते ॥

८८५९-१ कर्तव्यानि च मित्राणि दुर्बलानि बलानि च ।
८८५९-२ पश्य कूर्मपतिर्बद्धो मूषिकेण विमोचितः ॥

८८६०-१ कर्तव्यान्येव मित्राणि सबलान्यबलानि च ।
८८६०-२ हस्तियूथं वने बद्धं मूषकैर्यद्विमोचितं ॥

८८६१-१ कर्तव्ये साहसं नित्यं उत्कटं हि विगर्हितं ।
८८६१-२ अतिसाहसदोषेण भीमः सर्पवशं गतः ॥

८८६१आ-१ कर्तव्यो गुणसंग्रहः परिहते देयं निजं मानसं श्रोतव्यं वचनामृतं जिनवचः कार्यं यथास्थानवत् ।
८८६१आ-२ दातव्यं यतिपुङ्गवेषु निजकं न्यायप्रकल्प्यं धनं श्रद्धेयं सततं सतां सुचरितश्रेयस्करोऽयं विधिः ॥

८८६२-१ कर्तव्योऽप्याश्रयः श्रेयान्फलं भाग्यानुसारतः ।
८८६२-२ नीलकण्ठस्य कण्ठेऽपि वासुकिर्वायुभक्षकः ॥

८८६३-१ कर्तव्यो भ्रातृषु स्नेहो विस्मर्तव्या गुणेतराः ।
८८६३-२ संबन्धो बन्धुभिः श्रेयान्लोकयोरुभयोरपि ॥

८८६४-१ कर्तव्यो हृदि वर्तते यदि तरोरस्योपकारस्तदा मा कालं गमयाम्बुवाह समये सिञ्चैनमम्भोभरैः ।
८८६४-२ शीर्णे पुष्पफले दले विगलिते मूले गते शुष्कतां कस्मै किं हितमाचरिष्यसि परीतापस्तु ते स्थास्यति ॥

८८६५-१ कर्ता कारयिता चैव प्रेषको ह्यनुमोदकः ।
८८६५-२ सकृतं दुष्कृतं चैव चत्वारः समभागिनः ॥

८८६६-१ कर्ता कारयिता चैव यश्चैवमनुमन्यते ।
८८६६-२ शुभं वा यदि वा पापं तेषामपि समं फलं ।
८८६७-१ कर्ता द्यूतच्छलानां जतुमयशरणोद्दीपनः सोऽतिमानी कृष्णाकेशोत्तरीयव्यपनयनमरुत्पाण्डवा यस्य दासाः ।
८८६७-२ राजा दुःशासनादेर्गुरुरनुजशतस्याङ्गराजस्य मित्रं क्वास्ते दुर्योधनोऽसौ कथयत न रुषा द्रुष्टुमभ्यागतौ स्वः ॥

८८६८-१ कर्तुं त्रिलोचनादन्यो न पार्थविजयं क्षमः ।
८८६८-२ तदर्थः शक्यते द्रष्टुं लोचनद्वयिभिः कथं ॥

८८६९-१ कर्तुमकर्तुं शक्तः सकलं जगदेतदन्यथाकर्तुं ।
८८६९-२ यस्तं विहाय रामं कामं मा धेहि मानसान्यस्मिन् ॥

८८७०-१ कर्तुमिष्टमनिष्टं वा कः प्रभुर्विधिना विना ।
८८७०-२ कर्तारमन्यमारोप्य लोकस्तुष्यति कुप्यति ॥

८८७१-१ कर्दमवदात्मवैभवं उल्लास्य च मानवीं प्रजां सुचिरं ।
८८७१-२ तपनोत्तापप्लुष्टं स्ववपुः कृत्वा गतं सरसा ॥

८८७२-१ कर्पासबीजमज्जानां चूर्णं तैलेन पाचयेत् ।
८८७२-२ तेन संजायते पुष्पं युवतीनां चिराद्गतं ॥

८८७२आ-१ कर्पासभस्मतक्रास्थिवर्जं सर्वं सितं शुभं ।
८८७२आ-२ गोवाजिगजदेवर्षिवर्जं कृष्णं तु निन्दितं ॥

८८७३-१ कर्पासास्थिप्रचयनिचिता निर्धनश्रोत्रियाणां येषां वात्याप्रविततकुटीप्राङ्गणान्ता बभूवुः ।
८८७३-२ तत्सौधानां परिसरभुवि त्वत्प्रसादादिदानीं क्रीडायुद्धच्छिदुरयुवतीहारमुक्ताः पतन्ति ॥

८८७४-१ कर्पूरं चन्दनं कुष्ठं तुलसी सर्जसंभवं ।
८८७४-२ मुस्तं शिलारसं चैव धत्तूरमगुरुस्तथा ॥

८८७५-१ शेफाली शतपुष्पा च सर्षपास्तगरं गुडः ।
८८७५-२ तथा रुद्रजटा सर्वं एतदेकत्र कारयेत् ॥

१५६४-१ (अनेन योगराजेन धूपिताम्बरभूषणः ।
१५६४-२ धूपिताङ्गस्त्रिभुवनं मनुजः कुरुते वशं ॥)

८८७६-१ कर्पूर इव दग्धोपि शक्तिमान्यो जने जने ।
८८७६-२ नमोऽस्त्ववार्यवीर्याय तस्मै मकरकेतवे ॥

८८७७-१ कर्पूरगौरं करुणावतारं संसारसारं भुजगेन्द्रहारं ।
८८७७-२ सदा वसन्तं हृदयारविन्दे भवं भवानीसहितं नमामि ॥

८८७८-१ कर्पूरचन्दनरजो धवलं वहन्तीं आश्यानचन्दनविलेपनमङ्गमङ्गं ।
८८७८-२ अन्तर्गतस्य दहती महतः स्मराग्नेर् दग्धस्य संक्षयवशादिव भस्मशेषं ॥

८८७९-१ कर्पूरद्रवशीकरोत्करमहानीहारमग्नामिव प्रत्यग्रामृतफेनपङ्कपटलीलेपोपदिग्धामिव ।
८८७९-२ स्वच्छैकस्फटिकाश्मवेश्मजठरक्षिप्तामिव क्ष्मामिमां कुर्वन्पार्वणशर्वरीपतिरसावुद्दाममुद्द्योतते ॥

८८८०-१ कर्पूरधूलिधवलद्युतिपूरधौत- दिङ्मण्डले शिशिररोचिषि तस्य यूनः ।
८८८०-२ लीलाशिर्ॐऽशुकनिवेशविशेषक्

ë

प्ति- व्यक्तस्तनोन्नतिरभून्नयनावनौ सा ॥

८८८०आ-१ कर्पूरधूलीरचितालवालः कस्तूरिकाकल्पितदोहदश्रीः ।
८८८०आ-२ हिमाम्बुपूरैरभिषिच्यमानः प्राञ्चं गुणं मुञ्चति किं पलाण्डुः ॥

८८८१-१ कर्पूरधूलीरचितालवालः कस्तूरिकाकुङ्कुमलिप्तदेहः ।
८८८१-२ सुवर्णकुम्भैः परिषिच्यमानो निजं गुणं मुञ्चति किं पलाण्डुः ॥

८८८२-१ कर्पूरन्तकि केतकन्तकि शरद्राकाशशाङ्कन्तकि श्रीचन्द्रन्तकि चन्दनन्तकि सुधासाराच्छपूरन्तकि ।
८८८२-२ कैलासन्तकि दुग्धसागरलसत्स्वच्छाच्छदुन्धन्तकि श्रीशम्भुन्तकि कीर्तयस्तव विभो दर्वीकरेन्द्रन्तकि ॥

८८८३-१ कर्पूरन्ति सुधाद्रवन्ति कमलाहासन्ति हंसन्ति च प्रालेयन्ति हिमालयन्ति करकासारन्ति हारन्ति च ।
८८८३-२ त्रैलोक्याङ्गनरङ्गलङ्घिमगतिप्रागल्भ्यसंभाविताः शीतांशोः किरणच्छटा इव जयन्त्येतर्हि तत्कीर्तयः ॥

८८८४-१ कर्पूरपूरच्छविवादविद्या- संवावदूकद्युतिशुक्तिताम्रे ।
८८८४-२ इन्दौ नृपद्वेषि तमोवितानं सूर्योदये रोदिति चक्रवाकी ॥

८८८५-१ कर्पूरपूरतुलनां कलयन्ति कीर्तेः श्रीरामचन्द्र तव यत्कवयः कथं तत् ।
८८८५-२ त्वद्वैरिणामतितरामपकीर्तितोऽस्याः स्याद्धूसरत्वमिति तत्र वयं प्रतीमः ॥

८८८६-१ कर्पूरप्रतिपन्थिनो हिमगिरिग्रावाग्रसंघर्षिणः क्षीराम्भोनिधिमध्यगर्भजयिनो गङ्गौघसर्वंकषाः ।
८८८६-२ स्वच्छन्दं हरिचन्दनद्युतितुदः कुन्देन्दुसंवादिनस् तस्यासन्नरविन्दकन्दरुचयोऽनेके गुणाः केचन ॥

८८८७-१ कर्पूरभल्लातकशङ्खचूर्णं क्षारो यवानां समनःशिलश्च ।
८८८७-२ तैलं विपक्वं हरितालमिश्रं निर्मूलल्ॐआनि करोति सद्यः ॥

८८८८-१ कर्पूरमिश्रसेहुण्डदुग्धलेपेन जायते ।
८८८८-२ शेफसो महती वृद्धिः कठिनस्त्रीसुखावहा ॥

८८८९-१ कर्पूरमिश्रेण च कण्टकारी- बीजोद्भवेनैव रसेन लिप्तं ।
८८८९-२ लिङ्गं रते द्रावकरं वधूनां संजायतेऽत्यन्तसुखावहं च ॥

८८९०-१ कर्पूर रे परिमलस्तव मर्दितस्य श्रीखण्ड रे परिमलस्तव घर्षितस्य ।
८८९०-२ रे काकतुण्ड तव वह्निगतस्य गन्धः कस्तूरिका स्वयमथाधितगन्धदृष्टा ॥

८८९१-१ कर्पूरवर्तिरिव लोचनतापहन्त्री फुल्लाम्बुजस्रगिव कण्ठसुखैकहेतुः ।
८८९१-२ चेतश्चमत्कृतिपदं कवितेव रम्या नम्या नरीभिरमरीव हि सा विरेजे ॥

८८९२-१ कर्पूरादपि कैरवादपि दलत्कुन्दादपि स्वर्णदी- कल्लोलादपि केतकादपि ललत्कान्तादृगन्तादपि ।
८८९२-२ दूरोन्मुक्तकलङ्कशंकरशिरःशीतांशुखण्डादपि श्वेताभिस्तव कीर्तिभिर्धवलिता सप्तार्णवा मेदिनी ॥

८८९३-१ कर्पूराम्बुनिषेकभाजि सरसैरम्भोजिनीनां दलैर् आस्तीर्णेऽपि विवर्तमानवपुषोः स्रस्तस्रजि स्रस्तरे ।
८८९३-२ मन्दोन्मेषदृशेः किमन्यदभवत्सा काप्यवस्था तयोर् यस्यां चन्दनचन्द्रचम्पकदलश्रेण्यादि वह्नीयते ॥

८८९४-१ कर्पूरायितसैकताय शिशिरक्षोदायमानातप- व्यूहाय व्यजनानिलायितमहाझञ्झामरुद्रंहसे ।
८८९४-२ अस्मै तन्वि निदाघवासरवय्ॐअध्याभिसारक्रमो- त्साहात्युत्सवसाहसाय महते सौहार्दमीहामहे ॥

८८९५-१ कर्पूरीयन्ति भूमौ सरसि सरभसं कैरवीयन्ति गङ्गा- कल्लोलीयन्ति नाके दिशि दिशि परितः केतकीयन्ति किं च ।
८८९५-२ हंसीयन्त्यन्तरिक्षे कमलदलदृशां मौक्तिकीयन्ति कण्ठे शुक्तीयन्यम्बुराशौ विशदविसरुचो रश्मयः शीतरश्मेः ॥

८८९६-१ कर्पूरेण स्थलविरचना कुङ्कुमेनालवालं माध्वीकानि प्रतिदिनपयः पञ्चबाणः कृषाणः ।
८८९६-२ तत्रोत्पन्ना यदि किल भवेत्काञ्चनी कापि वल्ली सा चेदस्याः किमपि लभते सुभ्रुवः सौकुमार्यं ॥

८८९७-१ कर्पूरैः किमपूरि किं मलयजैरालेपि किं पारदैर् अक्षालि स्फटिकोपलैः किमघटि द्यावापृथिव्योर्वपुः ।
८८९७-२ एतत्तर्कय कैरवक्लमहरे शृङ्गारदीक्षागुरौ दिक्कान्तामुकुरे चकोरसुहृदि प्रौढे तुषारत्विषि ॥

८८९८-१ कर्पूरैरिव पारदैरिव सुधास्यन्दैरिवाप्लाविते जाते हन्त दिवापि देव ककुभां गर्भे भवत्कीर्तिभिः ।
८८९८-२ धृत्वाङ्गे कवचं निबध्य शरधिं कृत्वा पुरो माधवं कामः कैरवबान्धवोदयधिया धुन्वन्धनुर्धावति ॥

८८९९-१ कर्म खल्विह कर्तव्यं जातेनामित्रकर्शन ।
८८९९-२ अकर्माणो हि जीवन्ति स्थावरा नेतरे जनाः ॥

८९००-१ कर्म चात्महितं कार्यं तीक्ष्णं वा यदि वा मृदु ।
८९००-२ ग्रस्यतेऽकर्मशीलस्तु सदानर्थैरकिंचनः ॥

८९०१-१ कर्म चैव हि सर्वेषां कारणानां प्रयोजकं ।
८९०१-२ श्रेयःपापीयसां चात्र फलं भवति कर्मणां ॥

८९०२-१ कर्मजन्यशरीरेषु र्ॐआः शारीरमानसाः ।
८९०२-२ शरा इव पतन्तीह विमुक्ता दृढधन्विभिः ॥

८९०३-१ कर्मजाः प्रभवन्त्येव यथाकालमुपद्रवाः ।
८९०३-२ एतत्तु कष्टं यच्छत्रुः कर्ताहमिति मन्यते ॥

८९०३आ-१ कर्म जीवं च संश्लिष्टं परिज्ञातात्मनिश्चयः ।
८९०३आ-२ विभिन्नीकुरुते साधुः सामायिकशलाकया ॥

८९०४-१ कर्मज्ञानं च मोक्षाय कर्मण्यर्थोऽधिकारिता ।
८९०४-२ अतोऽर्थेनैव कैवल्यं न कैवल्येन लभ्यते ॥

८९०५-१ कर्मणः फलनिर्वृत्तिं स्वयमश्नाति कारकः ।
८९०५-२ प्रत्यक्षं दृश्यते लोके कृतस्याप्यकृतस्य च ॥

८९०६-१ कर्मणः संचयात्स्वर्गनरकौ मोक्षबन्धने ।
८९०६-२ कर्मणो ज्ञायते जन्तुर्बीजादिव नवाङ्कुरः ॥

८९०७-१ कर्मणः सुकृतस्याहुः सात्त्विकं निर्मलं फलं ।
८९०७-२ रजसस्तु फलं दुःखं अज्ञानं तमसः फलं ॥

८९०८-१ सत्त्वात्संजायते ज्ञानं रजसो लोभ एव च ।
८९०८-२ प्रमादमोहौ तमसो भवतोऽज्ञानमेव च ॥

८९०९-१ कर्मणां तु प्रशस्तानां अनुष्ठानं सुखावहं ।
८९०९-२ तेषामेवाननुष्ठानं पश्चात्तापकरं महत् ॥

८९१०-१ कर्मणाचरितं पूर्वं सद्भिराचरितं च यत् ।
८९१०-२ तदेवास्थाय मोदन्ते दान्ताः शमपरायणाः ॥

८९११-१ कर्मणा जायते जन्तुः कर्मणैव विलीयते ।
८९११-२ सुखं दुःखं भयं क्षेमं कर्मणैवाभिपद्यते ॥

८९१२-१ अस्ति चेदीश्वरः कश्चित्फलरूप्यन्यकर्मणां ।
८९१२-२ कर्तारं भजते सोऽपि न ह्यकर्तुः प्रभुर्हि सः ॥

८९१३-१ कर्मणा तक्षकारेण मनुष्यो यत्तु पुत्रिका ।
८९१३-२ वासनारज्जुमाकृष्य सवंकर्मसु चोदितः ॥

८९१३आ-१ कर्मणा बध्यते जन्तुर्विद्यया तु प्रमुच्यते ।
८९१३आ-२ तस्मात्कर्म न कुर्वन्ति यतयः पारदर्शिनः ॥

८९१४-१ कर्मणा बाध्यते बुद्धिर्बुद्ध्या कर्म न बाध्यते ।
८९१४-२ सुबुद्धिरपि यद्रामो हैमं हरिणमन्वगात् ॥

८९१५-१ कर्मणा मनसा वाचा यत्नाद्धर्मं समाचरेत् ।
८९१५-२ अस्वर्ग्यं लोकविद्विष्टं धर्म्यमप्याचरेन्न तु ॥

८९१६-१ कर्मणा मनसा वाचा यदभीक्ष्णं निषेवते ।
८९१६-२ तदेवापहरत्येनं तस्मात्कल्याणमाचरेत् ॥

८९१६आ-१ कर्मणा मनसा वाचा सर्वभूतेषु सर्वदा ।
८९१६आ-२ अक्लेशजननं प्रोक्तं त्वहिंसा परमर्षिभिः ॥

८९१७-१ कर्मणामिष्टदुष्टानां जायते फलसंक्षयः ।
८९१७-२ चेतसोऽर्थकषायत्वाद्यत्र सा घ्वस्तिरुच्यते ॥

८९१७आ-१ कर्मणा मोहनीयेन मोहितं सकलं जगत् ।
८९१७आ-२ धन्या मोहं समुत्सार्य तपस्यन्ति महाधियः ॥

८९१८-१ कर्मणा येन तेनेह मृदुना दारुणेन वा ।
८९१८-२ उद्धरेद्दीनमात्मानं समर्थो धर्ममाचरेत् ॥

८९१९-१ कर्मणा रहितं ज्ञानं पङ्गुना सदृशं भवेत् ।
८९१९-२ न तेन प्राप्यते किंचित्न च किंचित्प्रसाध्यते ॥

८९२०-१ एवं ज्ञानेन हीनं यत्कर्मान्धेन समं स्मृतं ।
८९२०-२ मार्गो वा मार्गलक्ष्यं वा नैव तस्य प्रतीयते ॥

८९२१-१ कर्मणा मनसा वाचा कर्तव्यं कर्म कुर्वतः ।
८९२१-२ तस्मादेवेष्टसंसिद्धिश्चतुरस्रा प्रजायते ॥

८९२२-१ कर्मणैव हि संसिद्धिं आस्थिता जनकादयः ।
८९२२-२ लोकसंग्रहमेवापि संपश्यन्कर्तुमर्हसि ॥

८९२३-१ कर्मणोऽपि प्रधानत्वं किं कुर्वन्ति शुभा ग्रहाः ।
८९२३-२ वसिष्ठदत्तलग्नेऽपि जानकी दुःखभागिनी ॥

८९२४-१ कर्मणो यस्य यः कालः तत्कालव्यापिनी तिथिः ।
८९२४-२ तया कर्माणि कुर्वीत ह्रासवृद्धिं न कारयेत् ॥

८९२५-१ कर्मणो हि प्रधानेन बुद्धिना किं प्रयोजनं ।
८९२५-२ पाषाणस्य कुतो बुद्धिस्ततो देवो भविष्यति ॥

८९२६-१ कर्मणो ह्यपि बोद्धव्यं बोद्धव्यं च विकर्मणः ।
८९२६-२ अकर्मणश्च बोद्धव्यं गहना कर्मणो गतिः ॥

८९२७-१ कर्मण्यकर्म यः पश्येदकर्मणि च कर्म यः ।
८९२७-२ स बुद्धिमान्मनुष्येषु स युक्तः कृत्स्नकर्मकृत् ॥

८९२८-१ कर्मण्यकर्मविधिरेष यदाचरन्ति कर्माणि तत्तदनुबन्धजिहासयेति ।
८९२८-२ सत्यं तथाप्यभिनवो भविता न बन्धः प्राचीनबन्धहरणे क इवाभ्युपायः ॥

८९२९-१ कर्मण्यकोविदाः स्तब्धा मूर्खाः पण्डितमानिनः ।
८९२९-२ वदन्ति चाटुकान्मूढा यया माध्व्या गिरोत्सुकाः ॥

८९३०-१ कर्मण्येवाधिकारस्ते मा फलेषु कदाचन ।
८९३०-२ मा कर्मफलहेतुर्भूर्मा ते सङ्गोऽस्त्वकर्मणि ॥

८९३१-१ कर्म त्यजेम यदि नूनमधः पतेम यद्याचरेम न कदापि भवं तरेम ।
८९३१-२ कर्म त्यजेदिति चरेदिति च प्रवृत्ता भावेन केन निगमा इति न प्रतीमः ॥

८९३२-१ कर्मदायादवल्लोकः कर्मसंबन्धलक्षणः ।
८९३२-२ कर्माणि चोदयन्तीह यथान्योन्यं तथा वयं ॥

८९३३-१ कर्मब्रह्मविचारणां विजहतो भोगापवर्गप्रदां घोषं कंचन कण्ठशोषफलकं कुर्वन्त्यमी तार्किकाः ।
८९३३-२ प्रत्यक्षं न पुनाति नापहरते पापानि पीलुच्छटा व्यप्तिर्नावति नैव पात्यनुमितिर्नो पक्षता रक्षति ॥

८९३४-१ कर्मभिः स्वैरवाप्तस्य जन्मनः पितरौ यथा ।
८९३४-२ राज्ञं तथान्ये राज्यस्य प्रवृत्तावेव कारणं ॥

८९३५-१ कर्मभूमिमिमां प्राप्य कर्तव्यं कर्म यच्छुभं ।
८९३५-२ अग्निर्वायुश्च स्ॐअश्च कर्मणां फलभागिनः ॥

८९३६-१ कर्मभूमिरियं ब्रह्मन्फलभूमिरसौ मता ।
८९३६-२ इह यत्क्रियते कर्म तत्परत्रोपभुज्यते ॥

८९३७-१ कर्म लोकविरुद्धं तु कुर्वाणं क्षणदाचर ।
८९३७-२ तीक्ष्णं सर्वजनो हन्ति सर्पं दुष्टमिवागतं ॥

८९३८-१ कर्म सर्वोत्तमं किं मे करणीयं भवेदिति ।
८९३८-२ मानवः प्रभवेद्वेत्तुं लब्ध्वा स्थैर्यं शमं तथा ॥

८९३९-१ कर्माणि जन्मान्तरसंचितानि महान्ति विज्ञानमहाहुताशे ।
८९३९-२ सर्वाणि दग्धानि भवन्ति सद्यो महानलस्यास्ति किमार्द्रभावः ॥

८९४०-१ कर्माणि बध्नन्ति शुभाशुभानि कर्तात्रमौपाधिकमेव जीवं ।
८९४०-२ परं न तत्साक्षिणमस्तदोषं आभीरमद्यात्किमजे शयाने ॥

८९४१-१ कर्माणि यानि लोके दुःखनिमित्तानि लज्जनीयानि ।
८९४१-२ सर्वाणि तानि कुरुते जठरनरेन्द्रस्य वशमितो जन्तुः ॥

८९४१आ-१ कर्माणि सर्वाणि च मोहनीये दुःखानि सर्वाणि दरिद्रतायां ।
८९४१आ-२ पापानि सर्वाणि च चौर्यभावे दोषा अशेषा अनृते भवन्ति ॥

८९४२-१ कर्माण्यारभमाणानां दुःखहत्यै सुखाय च ।
८९४२-२ पश्येत्पाकविपर्यासं मिथुनीचारिणां नृणां ॥

८९४३-१ कर्मानिष्टं विधत्ते भवति परवशो लज्जते नो जनानां धर्माधर्मौ न वेत्ति त्यजति गुरुकुलं सेवते नीचलोकं ।
८९४३-२ भूत्वा प्राज्ञः कुलीनः प्रथितपृथुगुणो माननीयो बुधोऽपि ग्रस्तो येनात्र देही नुद मदनरिपुं जीव तं बुःखदक्षं ॥

८९४३आ-१ कर्मानुभावदुःखित एवं मोहान्धकारगहनवति ।
८९४३आ-२ अन्ध इव दुर्गमार्गे भ्रमति हि संसारकान्तारे ॥

८९४४-१ कर्मानुमेयाः सर्वत्र परोक्षगुणवृत्तयः ।
८९४४-२ तस्मात्परोक्षवृत्तीनां फलैः कर्म विभावयेत् ॥

८९४५-१ कर्मान्यजन्मनि कृतं सदसच्च दैवं तत्केवलं भवति जन्मनि सत्कुलाद्ये ।
८९४५-२ बाल्यात्परं विनयसौष्ठवपात्रतापि पुंदैवजा कृषिवदित्यत उद्यमेत ॥

८९४६-१ कर्मापराधात्सत्त्वानां विनाशे समुपस्थिते ।
८९४६-२ अनयो नयरूपेण बुद्धिमाक्रम्य तिष्ठति ॥

८९४७-१ कर्मायत्तं फलं पुंसां बुद्धिः कर्मानुसारिणी ।
८९४७-२ तथापि सुधिया भाव्यं सुविचार्यैव कुर्वता ॥

८९४८-१ कर्मारण्यं दहति शिखिवन्मातृवत्पाति दुःखाथ्सम्यग्रीतिं वदति गुरुवत्स्वामिवद्यद्बिभर्ति ।
८९४८-२ तत्त्वातत्त्वप्रकटनपटुः स्पष्टमाप्नोति पूतं तत्संज्ञानं विगलितमलं ज्ञानदानेन मर्त्यः ॥

८९४९-१ कर्मेन्द्रियाणि संयम्य य आस्ते मनसा स्मरन् ।
८९४९-२ इन्द्रियार्थान्र्विमूढात्मा मिथ्याचारः स उच्यते ॥

८९५०-१ यस्त्विन्द्रियाणि मनसा नियम्यारभतेऽर्जुन ।
८९५०-२ कर्मेन्द्रियैः कर्मयोगं असक्तः स विशिष्यते ॥

८९५०आ-१ कर्मेन्धनं यदज्ञानात्संचितं जन्मकानने ।
८९५०आ-२ उपवासशिखी सर्वं तद्भस्मीकुरुते क्षणात् ॥

८९५०भ्-१ कर्मेन्धनं समाश्रित्य दृढा सद्भावनाहुतिः ।
८९५०भ्-२ धर्मध्यानाग्निना कार्या दीक्षितेनाग्निकारिका ॥

८९५१-१ कर्मैव कारणं चात्र सुगतिं दुर्गतिं प्रति ।
८९५१-२ कर्मैव प्राक्तनमपि क्षणं किं कोऽस्ति चाक्रियः ॥

८९५२-१ कर्मोक्तिनर्मनिर्माणैः प्रातः प्रातः प्रधावतां ।
८९५२-२ धनं धनं प्रलपतां निधनं विस्मृतं नृणां ॥

८९५२आ-१ कर्मोदयाद्भवगतिर् भवगतिमूला शरीरनिर्वृत्तिः ।
८९५२आ-२ देहादिन्द्रियविषया विषयनिमित्ते च सुखदुःखे ॥

८९५३-१ कार्यस्य निःसंशयमात्महेतोः सरूपतां हेतुभिरभ्युपेत्य ।
८९५३-२ दुःखस्य कार्यं सुखमामनन्तः स्वेनैव वाक्येन हता वराकाः ॥

८९५४-१ कर्षणान्वेषणे यातुः क्षुतं जलदवृष्टये ।
८९५४-२ हेमादिभूषणे नव्ये विधृते भूषणाप्तये ॥

८९५५-१ कर्षति वपति लुनीते दीव्यति सीव्यति पुनाति वयते च ।
८९५५-२ विदधाति किं न कृत्यं जठरानलशान्तये तनुमान् ॥

८९५६-१ कर्षद्भिः सिचयाञ्चलानतिरसात्कुर्वद्भिरालिङ्गनं गृह्णानैः कचमालिखद्भिरधरं विद्रावयद्भिः कुचौ ।
८९५६-२ प्रत्यक्षेऽपि कलिङ्गमण्डलपतेरन्तःपुराणामहो धिक्कष्टं विटपैर्विटैरिव वने किं नाम नाचेष्टितं ॥

८९५७-१ कलं कमुक्तं तनुमध्यनामिका स्तनद्वयी च त्वदृते न हन्त्यतः ।
८९५७-२ न याति भूतं गणने भवन्मुखे कलङ्कमुक्तं तनुमध्यनामिका ॥

८९५८-१ कलकण्ठ गणास्वाद्ये कामस्यास्त्रे निजाङ्कुरे ।
८९५८-२ निम्बवृत्तिभिरुद्गदीर्णे न चूतः परितप्यते ॥

८९५९-१ कलकलमपरा मुधा विधाय क्षितितिलकान्नयनान्तमाससाद ।
८९५९-२ अवतरति मृगीदृशां तृतीयं मनसिजचक्षुरुपायदर्शनेषु ॥

८९६०-१ कलकोकिलनादविवादबलद्- भ्रमरावलिलोलरसालद्रुम- ।
८९६०-२ क्रममालतिकादिकदम्बलसत्- कुसुमागममोदमनोजशरैः ॥

८९६१-१ परिपीडितया विधुसान्द्रकला- कमलाकरचम्पकसंगदधत्- ।
८९६१-२ पवनैरनुचिन्तितया प्रिय सा सखि सम्प्रति किं क्रियतेऽबलया ॥

८९६२-१ कलक्वणितगर्भेण कण्ठेनाघूर्णितेक्षणः ।
८९६२-२ पारावतः परिभ्रम्य रिरंसुश्चुम्बति प्रियां ॥

८९६३-१ कलक्वाणे वीणे विरम रणितात्कोकिल सखे सखेदो माभूस्त्वं द्रुहिणविहितस्ते परिभवः ।
८९६३-२ सुधे मुञ्च स्पर्धामधरमधुसंसर्गसरसाः स्फुटन्त्येता वाचः किमपि कमनीया मृगदृशः ॥

८९६४-१ कलङ्कदाशो गगनाम्बुराशौ प्रसार्य चन्द्रातपतन्तुजालं ।
८९६४-२ लग्नोडुमीनांल्लघु संजिघृक्षुश्चन्द्रप्लवस्थश्चरमाव्धिमेति ॥

८९६५-१ कलङ्कयन्ति सन्मार्गजुषः परिभवन्त्यलं ।
८९६५-२ वात्या इवातिचपलाः स्त्रियो भूरिरजोवृताः ॥

८९६६-१ तत्तासु न प्रसक्तव्यं धीरसत्त्वैः सुबुद्धिभिः ।
८९६६-२ शीलमभ्यसनीयं तु वीतरागपदाप्तये ॥

८९६७-१ कलङ्कहीनः क्षयदोषशून्यः सदा निवृत्तस्तमसो भयाच्च ।
८९६७-२ बताभविष्यद्द्विजनायकोऽपि तदापि मन्ये न तवाननाभं ॥

८९६८-१ कलङ्किनः प्रिये दोषाकरस्य च जडस्य च ।
८९६८-२ न जातु शक्तिरिन्दोस्ते मुखेन प्रतिगर्जितुं ॥

८९६९-१ कलङ्किनि जले क्वापि सौरं प्रतिफलन्महः ।
८९६९-२ तमोऽपहत्वं तनुते समृद्धिं च दिने दिने ॥

८९७०-१ कलङ्की निःशङ्कं परितपतु शीतद्युतिरसौ भुजङ्गव्यासङ्गीवमतु गरलं चन्दनरसः ।
८९७०-२ स्वयं दग्धो दाहं वितरतु मनोभूरपि भृशं जगत्प्राण प्राणानपहरसि किं ते समुचितं ॥

८९७०आ-१ कलङ्केन यथा चन्द्रः क्षारेण लवणाम्बुधिः ।
८९७०आ-२ कलहेन तथा भाति ज्ञानवानापि मानवः ॥

८९७१-१ कलत्रं पृष्ठतः कृत्वा रमते यः परस्त्रियः ।
८९७१-२ अधर्मश्चापदस्तस्य सद्यः फलति नित्यशः ॥

८९७२-१ कलत्रचिन्ताकुचितस्य पुंसः श्रुतं च शीलं च गुणाश्च सर्वे ।
८९७२-२ अपक्वकुम्भे निहिता इवापः प्रयान्ति देहेन समं विनाशं ॥

८९७३-१ कलत्रनिन्दागुरुणा किलैवं अभ्याहतं कीर्तिविपर्ययेण ।
८९७३-२ अयोघनेनाय इवाभितप्तं वैदेहिबन्धोर्हृदयं विदद्रे ॥

८९७४-१ कलत्रपुत्रादिनिमित्ततः क्दचिद्विनिन्द्यरूपे विहितेऽपि कर्मणि ।
८९७४-२ इदं कृतं कर्म विनिन्दितं सतां मयेति भव्यश्चकितो विनिन्दति ॥

८९७५-१ कलत्रभारेण विलोलनीविना गलद्दुकूलस्तनशालिनोरसा ।
८९७५-२ वलिव्यपायस्फुटर्ॐअराजिना निरायतत्त्वादुदरेण ताम्यता ॥

८९७६-१ विलम्बमानाकुलकेशपाशया कयाचिदाविष्कृतबाहुमूलया ।
८९७६-२ तरुप्रसूनान्यपदिश्य सादरं मनोधिनाथस्य मनः समाददे ॥

८९७७-१ कलत्रमात्मा सुहृदो धनानि वृथा भवन्तीह निमेषमात्रात् ।
८९७७-२ मुहुर्मुहुश्चाकुलितानि तानि तस्मान्न विद्वानतिविग्रही स्यात् ॥

८९७७आ-१ कलत्रहरणल्केशात्खिन्नानामात्मनस्तनौ ।
८९७७आ-२ धर्तुमुत्सुकता नष्टेः सुदृशां सुधियामिव ॥

८९७८-१ कलभ तवान्तिकमागतं अलिमेतं मा कदाप्यवज्ञासीः ।
८९७८-२ अपि दानसुन्दराणां द्विपधुर्याणामयं शिरोधार्यः ॥

८९७९-१ कलमाक्रान्तविश्वस्य मषीकृष्णस्य भोगिनः ।
८९७९-२ आसन्नबन्धनस्यान्ते दिविरस्य धनेन किं ॥

८९८०-१ कलमं फलभारातिगुरुमूर्धतया शनैः ।
८९८०-२ विनामान्तिकोद्भूतं समाघ्रातुमिवोत्पलं ॥

८९८०आ-१ कलमधुररक्तकण्ठी शयने मदिरालसा समदना च ।
८९८०आ-२ वक्त्रापरवक्त्राभ्यां उपतिष्ठतु वारमुख्या त्वां ॥

८९८१-१ कलमाः पाकविनम्रा मूलतलाघ्रातसुरभिकल्हाराः ।
८९८१-२ पवनाकम्पितशिरसः प्रायः कुर्वन्ति परिमलश्लाघां ॥

८९८२-१ कलमान्तनिर्गतमषी- बिन्दुव्याजेन साञ्जनाश्रुकणा ।
८९८२-२ कायस्थलुण्ठ्यमाना रोदिति खिन्नेव राजश्रीः ॥

८९८३-१ कलय कमलमस्मिर्न्नित्युदीर्य स्थितानां प्रतिफलितमुखेषु न्यस्तहस्तारविन्दाः ।
८९८३-२ स्फटिकविपिनमध्ये माणिकप्रेयसीनां निभृतहसितपात्रं यत्र याता युवानः ॥

८९८४-१ कलयति कमलोपमानमक्ष्णोः प्रथयति वाचि सुधारसस्य साम्यं ।
८९८४-२ सखि कथय किमाचरामि कान्ते समजनि तत्र सहिष्णुतैव दोषः ॥

८९८५-१ कलयति किं न सदा फलतां बहुफलतां च स वृक्षः ।
८९८५-२ यस्य परोपकृतौ कश्चिन्न सपक्षोऽपि विपक्षः ॥

८९८६-१ कलयति कुवलयमाला- ललितं कुटिलः कटाक्षविक्षेपः ।
८९८६-२ अधरः किसलयलीला- माननमस्याः कलानिधिविलासं ॥

८९८७-१ कलयति मम चेतस्तल्पमङ्गारकल्पं ज्वलयति मम गात्रं चन्दनं चन्द्रकश्च ।
८९८७-२ तिरयति मम नेत्रे मोहजन्मान्धकारो विकृतबहुविकारं मन्मथो मां दुनोति ॥

८९८८-१ कलयतु हंसविलासगतिं स बकः सरसि वराकः ।
८९८८-२ नीरक्षीरविवेकविधौ तस्य कुतः परिपाकः ॥

८९८९-१ कलय वलयं धम्मिल्लेऽस्मिन्निवेशय मल्लिकां रचय सिचयं मुक्ताहारं विभूषय सत्वरं ।
८९८९-२ मृगमदमषीपत्रालेपं कुरुष्व कपोलयोः सहचरि समायातः प्रातः स ते हृदयप्रियः ॥

८९९०-१ कलयसि वयस्य कस्माथ्त्वं रुचिरं भारतीशास्त्रं ।
८९९०-२ अत्रोऽक्तिप्रत्युक्तौ कलय मिथो भूरिशस्त्रपातरणं ॥

८९९१-१ कलया तुषारकिरणस्य पुरः परिमन्दभिन्नतिमिरौघजटं ।
८९९१-२ क्षणमभ्यपद्यत जनैर्न मृषा गगनं गणाधिपतिमूर्तिरिति ॥

८९९२-१ कलयात्र प्रकाश्यं चेत्किंचिद्वा दिव्यजीवने ।
८९९२-२ तस्यामपि प्रकाशा स्याद्विशाला शान्तिरुज्ज्वला ॥

८९९२आ-१ कलये किसलयमधरं शङ्के पङ्केरुहं करद्वन्द्वं ।
८९९२आ-२ मन्ये मनसिजवेत्रं गात्रं नेत्रैकमोहनं तन्व्याः ॥

८९९२भ्-१ कलरवकण्ठकरम्बित- कलरवकलकण्ठकूजिते सुरते ।
८९९२भ्-२ तव मनुमीलितलोचन- माननमवलोकितुं प्रिये कलये ॥

८९९३-१ कलशे निजहेतुदण्डजः किमु चक्रभ्रमकारितागुणः ।
८९९३-२ स तदुच्चकुचौ भवन्प्रभा- झरचक्रभ्रममातनोति यत् ॥

८९९४-१ कलहः कदापि मास्त्विति कलितशरीरैक्ययोः शिवयोः ।
८९९४-२ अहमस्म्यहमस्मीति प्राप्तः कलहो मम त्राणे ॥

८९९५-१ कलहकलभविन्ध्यः कोपगृध्रश्मशानं व्यसनभुजगरन्ध्रं द्वेषदस्युप्रदोषः ।
८९९५-२ सुकृतवनदवाग्निर्मार्दवाम्भोदवायुर् नयनलिनतुषारोऽत्यर्थमर्थानुरागः ॥

८९९६-१ कलहकलया यत्संवृत्यै त्रपावनतानना पिहितपुलकोद्भेदं सुभ्रूश्चकर्ष न कञ्चुकं ।
८९९६-२ दयितमभितस्तामुत्कण्ठां विवव्रुरनन्तरं झटिति तटिति त्रुट्यन्तोऽन्तः स्तनांशुकसन्धयः ॥

८९९७-१ कलहप्रियातिदीर्घा खर्वा वा श्यामपीतहरिता वा ।
८९९७-२ लम्बोष्ठी लघुनासा लघुशिथिलस्तनविभागा च ॥

८९९८-१ कलहमातनुते मदिरावशस् तमिह येन निरस्यति जीवितं ।
८९९८-२ वृषमपास्यति संचिनुते मलं धनमपैति जनैः परिभूयते ॥

८९९९-१ कलहान्तरिताप्रलपनं अतः परं नायकस्य शिक्षा च ।
८९९९-२ संभोगाविष्करणं कुलटा संकीर्णमिति च शृङ्गारः ॥

९०००-१ कलहान्तानि हर्म्याणि कुवाक्यान्तं च सौहृदं ।
९०००-२ कुराजान्तानि राष्ट्राणि कुकर्मान्तं यशो नृणां ॥

९००१-१ कलहायन्ते मूढाः कः प्रतिभूः श्वः प्रभात इति ।
९००१-२ तस्यामेव रजन्यां कः प्रतिभूः स्वस्य सत्तायां ॥

९००२-१ कलां तामैन्दवीं वन्दे यया यादष्पतिः पिता ।
९००२-२ आरुह्य हरमूर्धानं कृतस्त्रैलोक्यमूर्धनि ॥

९००३-१ कलाः सर्वे हरेरेव सप्रजापतय्स्तथा ।
९००३-२ एते त्वंशकलाः पुंसः कृष्णस्तु भगवान्स्वयं ॥

९००३आ-१ कलाकलापसम्पन्ना उपकर्तुः परञ्मुखाः ।
९००३आ-२ न भवन्ति महात्मानः सरसः शिखिनो यथा ॥

९००४-१ कलाकाष्ठामुहूर्तानां कालस्य व्रजतां जवात् ।
९००४-२ न लक्ष्यते विभागेन दीपस्येवार्चिषां गतिः ॥

९००५-१ कलात्तमायालवकान्तमूर्तिः कलक्वणद्वेणुनिनादरम्यः ।
९००५-२ श्रितो हृदि व्याकुलयंस्त्रिलोकीं श्रियेऽस्तु गोपीजनवल्लभो वः ॥

९००६-१ कलाधारो वक्रः स्फुरदधररागो नवतनुर् गलन्मानावेशास्तरुणरमणीर्नागर इव ।
९००६-२ घनश्रोणीबिम्बे नयनमुकुले चाधरदले कपोले ग्रीवायां कुचकलशयोश्चुम्बति शशी ॥

९००७-१ कलाधिनाथाधिगमाद्द्वितीये किमद्वितीयेति तनोषि गर्वं ।
९००७-२ अयि त्वमस्मद्वचसि प्रतीया अयं तृतीयामुपगन्तुकामः ॥

९००८-१ कलाधिनाथानयनाय सायं कुमुद्वतीप्रेषित एव भृङ्गः ।
९००८-२ किमिन्दुनालिङ्ग्य सरागमङ्के कृतः कलङ्कभ्रममातनोति ॥

९००९-१ कलानां ग्रहणादेव सौभाग्यमुपजायते ।
९००९-२ देशकालौ त्वपेक्ष्यासां प्रयोगः संभवेन्न वा ॥

९०१०-१ कलानाथः कामं भजति बहुदोषाङ्किततनुं कुमुद्वत्यास्तस्मिन्नपि भवति किं नाम न रुचिः ।
९०१०-२ न पद्मिन्या मोदः किमुदयत्युष्णमहसि प्रिये प्रायो दोषान्न गणयति चित्तं मृगदृशः ॥

९०१०आ-१ कलानिधिकरस्पर्शात्प्रसन्नोल्लासितारका ।
९०१०आ-२ बिम्रणाम्बरमानीलं कामिनी यामिनीयते ॥

९०११-१ कलानिधिरयं रवेः समुपलभ्य रूपं स्वयं दिनान्तसमयेऽस्पृशत्सपदि पद्मिनीं रागवान् ।
९०११-२ धवान्यकरसंगमान्मुकुलितेति पूर्वाकृतिं समीक्ष्य जहसुः प्रिया ध्रुवमभूदतः पाण्डुरः ॥

९०१२-१ कलापिनां चारुतयोपयान्ति वृन्दानि लापोढघनागमानां ।
९०१२-२ वृन्दानिलापोढघनागमानां कलापिनां चारुतयोऽपयान्ति ॥

९०१३-१ कलाभिरुच्छ्रिता वेश्या रूपशीलगुणान्विता ।
९०१३-२ लभते गणिकाशब्दं स्थानं च जनसंसदि ॥

९०१४-१ कलामिन्दुः करं दाता धारां धाराधरो यदि ।
९०१४-२ संकोचयिष्यते तर्हि जीविष्यति कथं जगत् ॥

९०१५-१ कलारत्नं गीतं गगनतलरत्नं दिनमणिः सभारत्नं विद्वान्श्रवणपुटरत्नं हरिकथा ।
९०१५-२ निशारत्नं चन्द्रः शयनतलरत्नं शशिमुखी महीरत्नं श्रीमाञ्जयति रघुनाथो नृपवरः ॥

९०१६-१ कलावतः सैव कला ययाधःक्रियते भवः ।
९०१६-२ बह्वीभिश्च कलाभिः किं याभिरङ्कः प्रदर्श्यते ॥

९०१७-१ कलावति क्षततमसि प्रभावति स्फुटोदये जननयनाभिनन्दिनि ।
९०१७-२ ददुर्दूशं शशिनि रुषाभिसारिकाः क्वचिद्भवत्यतिसुभगोऽपि दुर्भगः ॥

९०१८-१ कलावति चलां दृष्टिं न कुर्यास्त्वं मुहुर्मुहुः ।
९०१८-२ लग्नोऽपि न तथा बाणो बाधते चालितो यथा ॥

९०१९-१ कलासीमा काव्यं सकलगुणसीमा वितरणं भये सीमा मृत्युः सकलसुखसीमा सुवदना ।
९०१९-२ तपःसीमा मुक्तिः सकलकृतिसीमाश्रितभृतिः प्रिये सीमाह्लादः श्रवणसुखसीमा हरिकथा ॥

९०२०-१ कला सेवाथ धर्मार्थौ तृष्णादारिद्र्यपद्धती ।
९०२०-२ सन्तोषक्षान्तिकरुणा वैराग्यं तदनु स्तुतिः ॥

९०२१-१ कलास्तास्ताः सम्यग्वहसि यदसि त्वं द्विजपतिर् द्युतिस्तादृग्नूत्ना जनिरपि च रत्नाकरकुले ।
९०२१-२ बहु ब्रूमः किं वा पुरहरशिर्ॐअण्डनमसि त्वदीयं तत्सर्वं शशधर कलङ्काद्विफलितं ॥

९०२२-१ कलिकलुषसङ्कटाकुल- कुटुम्बसंवलनखेदविकलस्य

९०२२-२ प्रतिनिधिरिव प्रवासः संसारविरागसुखसमुद्रस्य ॥

९०२३-१ कलिकलुषे मनसि स्वे कथमिव जगदार्जवं लभते ।
९०२३-२ चक्षुर्दोषे जाग्रति चन्द्रद्वित्वं कुतो यातु ॥

९०२४-१ कलिकालमियं यावदगस्त्यस्य मुनरेपि ।
९०२४-२ मानसं खण्डयत्यत्र शशिखण्डानुकारिणी ॥

९०२५-१ कलितगरिमा श्रोणिर्मध्यं विवृद्धवलित्रयं हृदयमुदयल्लज्जं मज्जच्चिरन्तनचापलं ।
९०२५-२ मुकुलितकुचं वक्षश्चक्षुर्मनाग्धृतवक्रिम क्रमपरिगलद्बाल्यं तस्या वपुस्तनुते श्रियं ॥

९०२६-१ कलितमम्बरमाकलयन्करैर् मृदितपङ्कजकोशपयोधरः ।
९०२६-२ विकसदुत्पलनेत्रविलोकितः सखि निशां सरसीकुरुते विधुः ॥

९०२७-१ कलितो रुचिरं न कर्म चेथ्क्रियतेऽनङ्गकृतेः कुतः फलं ।
९०२७-२ स्मरतो हृदि पुण्डरीकदृङ्भजतेऽसौ सफलस्ततः श्रमः ॥

९०२८-१ कलिन्दगिरिनन्दिनीतटवनान्तरं भासयन् सदा पथि गतागतश्रमभरं हरन्प्राणिनां ।
९०२८-२ लतावलिशतावृतो मधुरया रुचा संभृतो ममाशु हरतु श्रमानतितमां तमालद्रुमः ॥

९०२८आ-१ कलिन्दजानीरभरेऽर्धमग्ना बकाः प्रकामं कृतभूरिशब्दाः ।
९०२८आ-२ ध्वान्तेन वैराद्विनिगीर्यंमाणाः क्रोशन्ति मन्ये शशिनः किशोराः ॥

९०२९-१ कलिभूपे समायाते धर्मोऽधर्मायते भुवि ।
९०२९-२ अधर्मः सर्वंतः पुंसां हन्त धर्मवदर्थ्यते ॥

९०३०-१ कलिमायान्तमुत्प्रेक्ष्य विलीयन्ते सुरा अपि ।
९०३०-२ तदाश्रितस्य धर्मादेः का कथा जीवने पुनः ॥

९०३१-१ कलिलं चैकरात्रेण पञ्चरात्रेण बुद्बुदं ।
९०३१-२ पक्षैकेनाण्डकः सोऽथ मासपूर्णे शिरो कुरु ॥

९०३२-१ कलिसाम्राज्यमासाद्य न भेतव्यं भवान्तरात् ।
९०३२-२ धर्मानुष्ठानमूढावां भीतिरेकावशिष्यते ॥

९०३३-१ कलुषं कटुकं लवणं विरसं सलिलं यदि वाशुभगन्धि भवेत् ।
९०३३-२ तदनेन भवत्यमलं सुरसं ससुगन्धि गुणैरपरैश्च युतं ॥

९०३४-१ कलुषं च तवाहितेष्वकस्माथ्सितपङ्केरुहसोदरश्रि चक्षुः ।
९०३४-२ पतितं च महीपतीन्द्र तेषां वपुषि प्रस्फुटमापदां कटाक्षैः ॥

९०३५-१ कलुषं मधुरं चाम्भः सर्वं सर्वत्र सांप्रतं ।
९०३५-२ अनार्जवजनस्येव कृतकव्याहृतं वचः ॥

९०३६-१ कलेरन्ते भविष्यन्ति नररूपेण राक्षसाः ।
९०३६-२ मनुष्यान्भक्षयिष्यन्ति वित्ततो न शरीरतः ॥

९०३७-१ कलेर्दोषनिधे राजन्नस्ति ह्येको महान्गुणः ।
९०३७-२ कीर्तिनादेव कृष्णस्य मुक्तबन्धः परं व्रजेत् ॥

९०३७आ-१ कलौ कराले न सुखं लभेत पक्षद्वयादेव विरोधकाले ।
९०३७आ-२ मध्यस्थता प्रत्युत निन्द्यतेऽपि समन्ततो हा स कले प्रभावः ॥

९०३८-१ कलौ कले खले मित्रे पुत्रे दुर्व्यसनान्विते ।
९०३८-२ तस्करेषु प्रवृद्धेषु लुब्धे राज्ञि धनेन किं ॥

९०३९-१ कलौ गङ्गा काश्यां त्रिपुरहरपुर्यां भगवती प्रशस्ता देवानामपि भवति सेव्यानुदिवसं ।
९०३९-२ इति व्यासो ब्रूते मुनिजनधुरीणो हरिकथा- सुधापानस्वस्थो गलितभवबन्धोऽतुलमतिः ॥

९०४०-१ कलौ जगपत्पतिं विष्णुं सर्वस्रष्टारमीश्वरं ।
९०४०-२ नार्चयिष्यन्ति मैत्रेय पाखण्डोपहता जनाः ॥

९०४१-१ कलौ दशसहस्रेषु हरिस्त्यजति मेदिनीं ।
९०४१-२ तदर्धं जाह्लवीतोयं तदर्धं ग्रामदेवताः ॥

९०४१आ-१ कलौ युगे कल्मषमानसानां अन्यत्र धर्मे खलु नाधिकारः ।
९०४१आ-२ रामेति वर्णद्वयमादरेण सदा जपन्मुक्तिमुपेति जन्तुः ॥

९०४२-१ कल्की कल्कं हरतु जगतः स्फूर्जदूजैस्वितेजा वेदोच्छेदस्फुरितदुरितध्वंसने धूमकेतुः ।
९०४२-२ येनोत्क्षिप्य क्षणमसिलतां धूमवत्कल्मषेच्छान् म्लेच्छान्हत्वा दलितकलिनाकारि सत्यावतारः ॥

९०४३-१ कल्पक्षोणिरुहोऽयमित्यनुदिनं भूमीसुरैर्भाव्यसे कामोऽसाविति कामिनीभिरभितश्चित्ते चिरं चिन्त्यसे ।
९०४३-२ श्रीनारायण एव केवलमिति प्रेम्णा श्रिया ध्यायसे त्वं कालोऽयमिति प्रतिक्षितिधरैरेकोऽप्यनेकात्मभृत् ॥

९०४४-१ कल्पतरुकामदोग्ध्री- चिन्तामणिधनदशङ्खानां ।
९०४४-२ रचितो रजोभरपयस् तेजःश्चासान्तराम्बरैरेषः ॥

९०४५-१ कल्पद्रुमः कल्पितमेव सूते सा कामधुक्कामितमेव दोग्धि ।
९०४५-२ चिन्तामणिश्चिन्तितमेव दत्ते सतां हि सङ्गः सकलं प्रसूते ॥

९०४६-१ कल्पद्रुमान्विगतवाञ्छजने सुमेरौ रत्नान्यगाधसलिले सरितामधीशे ।
९०४६-२ धात्रा श्रियं निदधता प्रखलेषु नित्यं अत्युज्ज्वलः खलु घटे निहितः प्रदीपः ॥

९०४७-१ कल्पद्रुमाश्च सन्तश्च नार्हन्ति समशीर्षिकां ।
९०४७-२ अर्थिनां प्रार्थिताः पूर्वे फलन्त्यन्ये स्वयं यतः ॥

९०४८-१ कल्पद्रुमैः किं कनकाचलस्थैः परोपकारप्रतिलम्भदुःस्थैः ।
९०४८-२ वरं करीरो मरुमार्गवर्ती यः पान्थसार्थं कुरुते कृतार्थं ॥

९०४९-१ कल्पद्रुमो न जानाति न ददाति बृहस्पतिः ।
९०४९-२ अयं तु जगतीजानिर्जानाति च ददाति च ॥

९०५०-१ कल्पद्रुमोऽपि काले न भवेद्यदि फलप्रदः ।
९०५०-२ को विशेषस्तदा तस्य वन्यैरन्यमहीरुहैः ॥

९०५०आ-१ कल्पद्रोरपि कल्पद्रुर्महतोऽपि मणेर्मणिः ।
९०५०आ-२ देवानामपि पूज्योऽसि कियत्ते मम पूरणं ॥

९०५१-१ कल्पयति येन वृत्तिं सदसि च सद्भिः प्रशस्यते येन ।
९०५१-२ स गुणस्तेन गुणवता विवर्धनीयश्च रक्ष्यश्च ॥

९०५१आ-१ कल्पयेदेकशः पक्ष र्ॐअश्मश्रुकचान्नखान् ।
९०५१आ-२ न चात्मदशनाग्रेण स्वपाणिभ्यां च नोत्तमः ॥

९०५२-१ कल्पवृक्षशिखरेषु संप्रति प्रस्फुरद्भिरविकल्पसुन्दरि ।
९०५२-२ हारयष्टिगणनामिवांशुभिः कर्तुमुद्यतकुतूहलः शशी ॥

९०५३-१ कल्पस्थायि न जीवितं ऐश्वर्यं नाप्यते च यदभिमतं ।
९०५३-२ लोकस्तथाप्यकार्यं कुरुते कार्यं किमुद्दिश्य ॥

९०५४-१ कल्पान्तक्रूरकेलिः क्रतुकदनकरः कुन्दकर्पूरकान्तिः क्रीडन्कैलासकूटे कलितकुमुदिनीकामुकः कान्तकायः ।
९०५४-२ कङ्कालक्रीडनोत्कः कलितकलकलः कालकालीकलत्रः कालिन्दीकालकण्ठः कलयतु कुशलं कोऽपि कापालिको नः ॥

९०५५-१ कल्पान्तपवना वान्तु यान्तु चैकत्वमर्णवाः ।
९०५५-२ तपन्तु द्वादशादित्या नास्ति निर्मनसः क्षतिः ॥

९०५६-१ कल्पान्तवाससंक्षोभलङ्घिताशेशभूभृतः

९०५६-२ स्थैर्यप्रसादमर्यादास्ता एव हि महोदधेः ॥

९०५७-१ कल्पान्ते क्रोधनस्य त्रिपुरविजयिनः क्रीडया संचरिष्णोः कृत्वापि प्राणिजातैर्निजमुखकुहरातिथ्यमप्राप्ततृप्तेः ।
९०५७-२ दिग्भित्तीः प्रेक्ष्य शून्याः प्रलयजलनिधिप्रेक्षितात्मीयमूर्ति- ग्रासव्यासक्तमोघश्रमजनितरुषः पान्तु वो गर्जितानि ॥

९०५८-१ कल्पान्ते शमितत्रिविक्रममहाकङ्कालबद्धस्फुरच्- छेषस्यूतनृसिंहपाणिनखरप्रोतादिकोलामिषः ।
९०५८-२ विश्वैकार्णवताविशेषमुदितौ तौ मत्स्यकूर्मावुभौ कर्षन्धीवरतां गतोऽस्यतु सतां मोहं महाभैरवः ॥

९०५८आ-१ कल्प्यते किमिति कर्मणचिन्ता- स्वेदमेदुरमिदं निजचेतः ।
९०५८आ-२ पश्यतां नयति पूर्वभवात्तं पुण्यमेव भुवनानि किमन्यत् ॥

९०५९-१ कल्याणं कथयामि किं सहचरि स्वैरेषु शश्वत्पुरा यस्या नाम समीरितं मुररिपोः प्राणेश्वरीति त्वया ।
९०५९-२ साहं प्रेमभिदाभयात्प्रियतमं दृष्ट्वापि दूतं प्रभोः सन्दिष्टास्मि न वेति संशयवती पृच्छामि नो किंचन ॥

९०६०-१ कल्याणं नः किमधिकमितो जीवनार्थं यदस्माल् लूत्वा वृक्षानहह दहसि म्रातरङ्गारकार ।
९०६०-२ किं त्वेतस्मिन्नशनिपिशुनैरातपैराकुलानां अध्वन्यानामशरणमरुप्रान्तरे कोऽभ्युपायः ॥

९०६१-१ कल्याणं परिकल्प्यतां पिककुले रोहन्तु वाञ्छाप्तयो हंसानामुदयोऽस्तु पूर्णशशिनः स्ताद्भद्रमिन्दीवरे ।
९०६१-२ इत्युद्बाष्यवधूगिरः प्रतिपदं संपूरयन्त्यान्तिके कान्तः प्रस्थितिकल्पितोपकरणः सख्या भृशं वारितः ॥

९०६२-१ कल्याणं भगवत्कथाकथनतः काव्यं विधातुः कवेस् तस्यैवाङ्कतया क्वचिद्रचयतः शृङ्गारवीरादिकं ।
९०६२-२ को दोषो भविता यदत्र कविताशीलैः समाश्रीयते पन्था व्यासवसुंधराश्रुतिभवग्रन्थादिषु प्रेक्षितः ॥

९०६३-१ कल्याणं भवतां यशः प्रसरतां धर्मः सदा वर्धतां संपत्तिः प्रथतां प्रजा प्रणमतां शत्रुक्षयो जायतां ।
९०६३-२ वाक्यं संवदतां वपुः प्रभवतां लक्ष्मीपतिः प्रीयतां आयुस्ते शरदां शतं विजयतां दानाय दीर्घायुषे ॥

९०६४-१ कल्याणं भवतेऽस्तु कोकिलकुलाकल्पाय येन श्रुति- क्रूरक्रोष्टुरुतार्दितं कलरवैर्विश्वं समाश्वासितं ।
९०६४-२ अत्यन्ताभ्यसनाभ्युदित्वरबृहन्नादावबोधोल्लस- च्छब्दब्रह्मरसानुभूतिजनितानन्दौघनिष्यन्दिभिः ॥

९०६५-१ कल्याणं वः क्रियासुर्मिलदटनियुगस्थास्नुगीर्वाणभोगि- स्त्रैणव्यत्यस्तकल्पद्रुमनवसुमनोनागहारावलीनि ।
९०६५-२ नालीकाश्लिष्टलक्ष्मीकरतलकमलोद्वान्तमाध्वीकधारा- तिम्यत्फालेक्षणानि त्रिपुरहरधनुर्ज्यालताकर्षणानि ॥

९०६६-१ कल्याणं वो विधत्तां करटमदधुनीलोलकल्लोलमाला- खेलद्रोलम्बकोलाहलमुखरितदिक्चक्रवालान्तरालं ।
९०६६-२ प्रत्नं वेतण्डरत्नं सततपरिचलत्कर्णतालप्ररोह- द्वातङ्कूराजिहीर्षादरविवृतफणाशृङ्गभूषाभुजंगं ॥

९०६७-१ कल्याणदो भवेद्वीरे ध्रुवकश्चन्द्रशेखरः ।
९०६७-२ द्विदिग्वर्णपदं यत्र त्रिपुटे च विधीयते ॥

९०६७-३ द्रुतद्वन्द्वं लघुद्वन्द्वं ताले त्रिपुटसंज्ञके ॥

९०६७आ-१ कल्याणपादपारामं श्रुतगङ्गाहिमाचलं ।
९०६७आ-२ ज्ञानाम्भोजरविं देवं वन्दे श्रीज्ञाननन्दनं ॥

९०६८-१ कल्याणभाक्सदा कार्ये सर्वसौभाग्यवर्धिनी ।
९०६८-२ या खल्वेतादृशी भार्या सा देवी न तु मानुषी ॥

९०६८आ-१ कल्याणमावहतु नः कुहनावराहो यस्यास्थिसीम्नि निखिलं प्रतिर्ॐअकूपं ।
९०६८आ-२ आभाति सप्रणयमुद्वहतो धरित्रीं स्वेदाभिधान इव सात्त्विकहावभेदः ॥

९०६९-१ कल्याणामावहतु वः शिवयोः शरीरं एकं यदीयमसितच्छविकण्ठमूलं ।
९०६९-२ वामेतरेऽपि कुरुते सितभासि भागे प्रारब्धशैलतनयापरिणामशङ्कां ॥

९०७०-१ कल्याणवाक्त्वमिव किं पदमत्र कान्तं सद्भूपतेस्त्वमिव कः परितोषकारी ।
९०७०-२ कः सर्वदा वृषगतिस्त्वमिवातिमात्रं भूत्याश्रितः कथय पालितसर्वभूतः ॥

९०७१-१ कल्याणस्तु यथाशक्ति करोति सफलं वचः ।
९०७१-२ शठः पक्षौ चलयति द्वावप्यर्थोपलिप्सया ॥

९०७२-१ कल्याणहितवान्भूपो गुरूणां दोषगुप्तकः ।
९०७२-२ सममतिः सुखे दुःखे समरे चापलायितः ॥

९०७३-१ कुलशीलेषु सम्पन्नो नीतिधर्मेषु पण्डितः ।
९०७३-२ तथैव पूज्यते राजा चतुरस्रः प्रकीर्तितः ॥

९०७४-१ कल्याणाङ्गरुचानुरक्तमनसा त्वं येन संप्रार्थ्यते यस्यार्थे सुमुखि त्वया पुनरसुत्यागेऽपि संनह्यते ।
९०७४-२ सोऽयं सुन्दरि पञ्चबाणविशिखव्यालीढदोरन्तर- स्वैरोत्पीडितपीवरस्तनतटस्त्वद्दोर्लतापञ्जरे ॥

९०७५-१ कल्याणानां त्वमसि महसां भाजनं विश्वसूर्ते धुर्यां लक्ष्मीमथ मयि भृशं धेहि देव प्रसीद ।
९०७५-२ यद्यत्पापं प्रतिजहि जगन्नाथ नम्नस्य तन्मे भद्रं भद्रं वितर भगवन्भूयसे मङ्गलाय ॥

९०७६-१ कल्याणानां निधानं कलिमलमथनं पावनं पावनानां पाथेयं यन्मुमुक्षोः सपदि परपदप्राप्तये प्रस्थितस्य ।
९०७६-२ विश्रामस्थानमेकं कविवरवचसां जीवनं सज्जनानां बीजं धर्मद्रुमस्य प्रभवतु भवतां भूतये रामनाम ॥

९०७७-१ कल्याणानि ददातु वो गणपतिर्यस्मिन्नु तुष्टे सति क्षोदीयस्यपि कर्मणि प्रभवितुं ब्रह्मापि जिह्मायते ।
९०७७-२ जाते यच्चरणप्रणामसुलभे सौभाग्यभाग्योदये रङ्कस्याङ्कमनङ्कुशा निविशते देवेन्द्रलक्ष्मीरपि ॥

९०७७-१ कल्याणायभवन्तु खण्डपरशोः कोटीरवाटीरुहां वल्लीनां वलयानि वेल्लदुरगश्रेणीनि शोणत्विषां ।
९०७७-२ उन्मीलत्कनकारविन्दकलिकाकिञ्जल्कपुञ्जक्षरद्- धूलीधूसरसिद्धसिन्धुलहरीसिन्दूरितेन्दूनि वः ॥

९०७८-१ कल्याणि चन्दनरसैः परिषिच्य गात्रं द्वित्राण्यहानि कथमप्यतिवाहयेथाः ।
९०७८-२ अङ्के निधाय भवतीं परिरभ्य दोर्भ्यां नेष्यामि सूर्यकिरणानपि शीतलत्वं ॥

९०७९-१ कल्याणि पाणिपतितानि विना विचारं एतानि मोक्तुमुचितानि न मौक्तिकानि ।
९०७९-२ गुञ्जेति संजनयते यदिह भ्रमन्ते हस्तारविन्दनयनोत्पलयोः प्रभैव ॥

९०८०-१ कल्याणी बत गाथेयं लौकिकी प्रतिभाति मे ।
९०८०-२ एति जीवन्तमानन्दो नरं वर्षशतादपि ॥

९०८१-१ कल्याणोल्लाससीमा कलयतु कुशलं कालमेघाभिरामा काचित्साकेतधामा भवगहनगतिक्लान्तिहारिप्रणामा ।
९०८१-२ सौन्दर्यह्रीणकामा धृतजनकसुतासादरापाङ्गधामा दिक्षु प्रख्यातभूमा दिविषदभिनुता देवता रामनामा ॥

९०८२-१ कल्योत्थानपरा नित्यं गुरुशुश्रूषणे रता ।
९०८२-२ सुसंमृष्टगृहा चैव गोशकृत्कृतलेपना ॥

९०८३-१ कल्लोलक्षिप्तपङ्कत्रिपुरहरशिरःस्वःस्रवन्तीमृणालं कर्पूरक्षोदजालं कुसुमशरवधूसीधुभृङ्गारनालं ।
९०८३-२ एतद्दुग्धाब्धिबन्धोर्गगनकमलिनीपत्रपानीयबिन्दोर् अन्तस्तोषं न केषां किसलयति जगन्मण्डनं खण्डमिन्दोः ॥

९०८३आ-१ कल्लोलचपला लक्ष्मीः संगमाः स्वप्नसन्निभाः ।
९०८३आ-२ वात्याव्यतिकरोत्क्षिप्ततूलतुल्यं च यौवनं ॥

९०८४-१ कल्लोलवेल्लितदृषत्परुषप्रहारै रत्नान्यमूनि मकरालय मावमंस्थाः ।
९०८४-२ किं कौस्तुभेन विहितो भवतो न नाम याच्ञाप्रसारितकरः पुरुषोत्तमोऽपि ॥

९०८५-१ कल्लोलसंचलदगाधजलैरलोलैः कल्लोलिनीपरिवृढैः किमपेयतोयैः ।
९०८५-२ जीयात्स जर्जरतनुर्गिरिनिर्झरोऽयं यद्विप्रुषापि तृषिता वितृषीभवन्ति ॥

९०८६-१ कल्लोलैः स्थगयन्मुखानि ककुभामभ्रंलिहैरम्भसा क्षारेणापि दिवानिशं जलनिधे गर्जन्न विश्राम्यसि ।
९०८६-२ एतत्ते यदि घोरनक्रनिलयं स्वादु व्यधास्याद्विधिः किं कर्तासि तदा न वेद्मि तरलैः स्वैरेव दुश्चेष्टितैः ॥

९०८७-१ कल्लोलैर्विकिरत्वसौ गिरिवरान्वेलाविलासोत्थितैः शब्दैर्वा बधिरीकरोतु ककुभो धत्तां च विस्तीर्णतां ।
९०८७-२ पान्थानां रवितापतप्तवपुषां तृष्णातिरेकच्छिदः किं साम्यं प्रतनोः करोतु सरसोऽप्यब्धिः कृताडम्बरः ॥

९०८८-१ कवयः कवयन्तु तैलभुक्ताः सरसा एव परन्तु दाक्षिणात्याः ।
९०८८-२ अपि लोचनचञ्चला हरिण्यो मदिराक्ष्या न समाः कटाक्षपातैः ॥

९०८९-१ कवयः कालिदासाद्याः कवयो वयमप्यमी ।
९०८९-२ पर्वते परमाणौ च वस्तुत्वमुभयोरपि ।
९०९०-१ कवयः किं न पश्यन्ति किं न भक्षन्ति वायसाः ।
९०९०-२ प्रमदाः किं न कुर्वन्ति किं न जल्पन्ति मद्यपाः ॥

९०९१-१ कवयः किं न पश्यन्ति किं न भक्षन्ति वायसाः ।
९०९१-२ मद्यपाः किं न जल्पन्ति किं न कुर्वन्ति योषितः ॥

९०९२-१ कवयः परितुष्यन्ति नेतरे कविसूक्तिभिः ।
९०९२-२ नह्यकूपारवत्कूपा वर्धन्ते विधुकान्तिभिः ॥

९०९३-१ कवलयति न चेतस्तस्य दारिद्र्यदुःखं न च पिशुनजनोक्तिः कर्णकण्डूं करोति ।
९०९३-२ वरकविकृतगोष्ठीबन्धगन्धोपभोगे य इह मधु वमन्तीं काव्यचिन्तां करोति ॥

९०९४-१ कवयति पण्डितराजे कवयन्त्यन्येऽपि विद्वांसः ।
९०९४-२ नृत्यति पिनाकपाणौ नृत्यन्त्यन्येऽपि भूतवेतालाः ॥

९०९५-१ कवयो वद कुत्र कीदृशाः कठिनं किं विदितं समन्ततः ।
९०९५-२ अधुना तव वैरियोषितां हृदि तापः प्रबलो विहाय काः ॥

९०९५आ-१ कवलयसि चन्द्रदीधिती- र्नविरलमश्नासि नूनमङ्गारान् ।
९०९५आ-२ अधिकतरमुष्णमनयोः किमिह चकोरावधारयसि ॥

९०९६-१ कवलितमिह नालं कन्दलं चेह दृष्टं इह हि कुमुदकोशे पीतमम्भः सुशीतं ।
९०९६-२ इति विरटति रात्रौ पर्यटन्ती तटान्ते सहचरपरिमुक्ता चक्रवाकी वराकी ॥

९०९७-१ कविः करोति काव्यानि पण्डितो वेत्ति तद्रसं ।
९०९७-२ कामिनीकुचकाठिन्यं पतिर्जानाति नो पिता ॥

९०९८-१ कविः करोति काव्यानि स्वादु जानाति पण्डितः ।
९०९८-२ सुन्दर्या अपि लावण्यं पतिर्जानाति नो पिता ॥

९०९९-१ कविः करोति पद्यानि लालयत्युत्तमो जनः ।
९०९९-२ तरुः प्रसूते पुष्पाणि मरुद्वहति सौरभं ॥

९१००-१ कविः पिता पोषयति पालको रसिकः पतिः ।
९१००-२ कवितायुवतेर्नूनं सोदरास्तु विवेकिनः ॥

९१०१-१ कविः सूयति काव्यानि हृदा दधति सज्जनाः ।
९१०१-२ सूते मुक्ताः पयोराशिर्वहन्ति तरुणीस्तनाः ॥

९१०२-१ कविताकलनेन किं नृपाणां यदि कवयो न लभन्ति पूर्णकामाः ।
९१०२-२ नयनेन किमेणलोचनानां यदि वक्रं न विलोकिता युवानः ॥

९१०३-१ कविताकुन्दविकासन- कृतिने विजितजनतानिदाघाय ।
९१०३-२ दलितोद्दामाघाय प्रणतिं कलयामि माघाय ॥

९१०४-१ कविता वनिता कस्य न मोदाय सचेतसः ।
९१०४-२ रस एव सदा तस्या नरीनर्तीव सर्वतः ॥

९१०५-१ कवित्वं न शृणोत्येव कृपणः कीर्तिवर्जितः ।
९१०५-२ नपुंसकः किं कुरुते पुरःस्थितमृगीदृशा ॥

९१०६-१ कवित्वगानप्रियवादसत्या- न्यस्या विधाता व्यधिताधिकण्ठं ।
९१०६-२ रेखात्रयन्यासमिषादमीषां वासाय सोऽयं विबभाज सीमाः ॥

९१०७-१ कवित्वप्रोद्गुम्फश्रवणकृतझम्पव्यतिकरं चिरं येषां स्वान्तं समजनि नितान्तं रसवशं ।
९१०७-२ अमीषां पीयूषापचितसुरयोषाधरपुटो- ल्लसन्माधुर्ये वा समुदयति किं वा रतिरपि ॥

९१०८-१ कवित्वमारोग्यमतीव मेधा स्त्रीणां प्रियत्वं कनकस्य लाभः ।
९१०८-२ सर्वेषु तथ्यं स्वजनेषु पूजा स्वर्गस्थितानां किल चिह्नमेतत् ॥

९१०८आ-१ कवित्वशक्तिर्हि दिवोऽवतीर्णा भूमौ सुधासार इवार्यपुण्यात् ।
९१०८आ-२ पुनर्ग्रहीतुं निजवस्तु देवाः समागतास्तत्कवयः समुत्काः ॥

९१०९-१ कवित्वे वादित्वं कनककुसुमे सौरभगुणो धनित्वे दातृत्वं विषमतरुफले स्वादुरसता ।
९१०९-२ कुलीने सौजन्यं मृगमदरसे रागरचना प्रभुत्वे विद्वत्त्वं परभृतमुखे मानुषवचः ॥

९१०९आ-१ कविभावकृतं चिह्नं अन्यत्रापि न दुष्यति ।
९१०९आ-२ मुखमिष्टार्थसंसिद्धं किं हि न स्यात्कृतात्मनां ॥

९११०-१ कविभिर्नूपसेवासु चित्रालंकारहारिणी ।
९११०-२ वाणी वेश्येव लोभेन परोपकरणीकृता ॥

९१११-१ कविमतिरिव बहुलोहा सुघटितचक्रा प्रभातवेलेव ।
९१११-२ हरमूर्तिरिव हसन्ती भाति विधूमानलोपेता ॥

९११२-१ कविरनुहरति च्छायां पदमेकं पादमेकमर्धं वा ।
९११२-२ सकलप्रबन्धहर्त्रे साहसकर्त्रे नमस्तस्मै ॥

९११३-१ कविरमरः कविरचलः कविरभिनन्दश्च कालिदासश्च ।
९११३-२ अन्ये कवयः कपयश्चापलमात्रं पदं दधति ॥

९११४-१ कविरविमहोत्कर्षान्हर्षन्प्रपञ्चय पञ्चषान् स्खलसि रसने किं वा सर्वान्प्रवक्तुमनीश्वरे ।
९११४-२ गणयति यदप्येतान्धाता दिनावलिमालया तदपि भगवानेषामन्तं कदापि न विन्दति ॥

९११५-१ कविरहिताः कविलापा जायन्ते कण्ठशोषणायैव ।
९११५-२ संमुखगतः कविश्चेथ्भवति कुलपितापि कविकुलपितैव ॥

९११६-१ कविरेव कवेर्वेत्ति काव्यकर्मणि कौशलं ।
९११६-२ शेषाहिरेव जानाति भुवो भारस्य निश्चयं ॥

९११६आ-१ कविर्भारद्वाजो जगदवधिजाग्रन्निजयशा रसश्रेणीमर्मव्यवहरणहेवाकरसिकः ।
९११६आ-२ यदीयानां वाचां रसिकहृदयोल्लासनविधा- वमन्दानन्दात्मा परिणयति सन्दर्भमहिमा ॥

९११७-१ कविवाक्यामृततीर्थ- स्नानैः पूता भृशं यशोदेहाः ।
९११७-२ येषां त एव भूपा जीवन्ति मृता वृथैवान्ये ॥

९११८-१ कविविद्यादुराधर्षो यो राक्षस इवापरः ।
९११८-२ दक्षिणस्थो लब्धवर्णो विख्यातः कविराक्षसः ॥

९११९-१ कविषु दधतमुत्कर्षं विस्फुरदनवद्यहृद्यवाग्वर्षं ।
९११९-२ इह खलु खलप्रधर्षं श्रीहर्षं न्ॐइ हर्षसंघर्षं ॥

९१२०-१ कविहृदयेष्वनसूया कस्तूरीकर्दमेष्वमालिन्यं ।
९१२०-२ अक्षारता पयोधा- ववनीपालेषु पाण्डित्यं ॥

९१२१-१ कवीनां च बुधानां च वदान्यानां च यो गुरुः ।
९१२१-२ नानाशास्त्रचणप्रज्ञः शिवनाथः स नम्यते ॥

९१२२-१ कवीनां महतां सूक्तैर्गूढार्थान्तरसूचिभिः ।
९१२२-२ विध्यमानश्रुतेर्माभूद्दुर्जनस्य कथं व्यथा ॥

९१२३-१ कवीनां मानसं न्ॐइ तरन्ति प्रतिभाम्भसि ।
९१२३-२ यत्र हंसवयांसीव भुवनानि चतुर्दश ॥

९१२४-१ कवीनां संतापो भ्रमणमभितो दुर्गतिरिति त्रयाणांपञ्चत्वं रचयसि न तच्चित्रमधिकं ।
९१२४-२ चतुर्णां वेदानां व्यरचि नवता वीर भवता द्विषत्सेनालीनाभयुतमपि लक्षं त्वमकृथाः ॥

९१२५-१ कवीनामगलद्दर्पो नूनं वासवदत्तया ।
९१२५-२ शक्त्येव पाण्डुपुत्राणां गतया कर्णगोचरं ॥

९१२६-१ कवीन्दुं न्ॐइ वाल्मीकिं यस्य रामायणीं कथां ।
९१२६-२ चन्द्रिकामिव चिन्वन्ति चकोरा इव साधवः ॥

९१२७-१ कवीन्द्राणामासन्प्रथमतरमेवाङ्गणभुवश्चलद्भृङ्गासङ्गाकुलकरिमदामोदमधुराः ।
९१२७-२ अमी पश्चात्तेषामुपरि पतिता रुद्रनृपतेः कटाक्षाः क्षीरोदप्रसरदुरुवीचीसहचराः ॥

९१२८-१ कवीश्वराणां वचसां विनोदैर् नन्दन्ति विद्यानिधयो न चान्ये ।
९१२८-२ चन्द्रोपला एव करैः सुधांशोर् द्रवन्ति नान्या दृषदः कदाचित् ॥

९१२९-१ कवेरभिप्रायमशब्दगोचरं स्फुरन्तमार्द्रेषु पदेषु केवलं ।
९१२९-२ वदद्भिरङ्गैः कृतर्ॐअविक्रियैर् जनस्य तूष्णीं भवतोऽयमञ्जलिः ॥

९१३०-१ कशाभिरिव हैमीभिर्विद्युद्भिरभिताडितं ।
९१३०-२ अन्तःस्तनितनिर्घोषं सवेदनमिवाम्बरं ॥

९१३१-१ कश्च प्रत्यक्षमुत्सृज्य संशयस्थमलक्षणं ।
९१३१-२ आयतिस्थं चरेद्धर्म क्षत्रबन्धुरनिश्चितं ॥

९१३२-१ कश्चिच्छस्त्रापातमूढोऽपवोढुर् लब्ध्वा भूयश्चेतनामाहवाय ।
९१३२-२ व्यावर्तिष्ट क्रोशतः सख्युरुच्चैस् त्यक्तश्चात्मा का च लोकानुवृत्तिः ॥

९१३३-१ कश्चित्कराभ्यामुपगूढनालं आलोलपत्राभिहतद्विरेफं ।
९१३३-२ रजोभिरन्तःपरिवेषबन्धि लीलारविन्दं भ्रमयांचकार ॥

९१३४-१ कश्चित्कष्टं किरति करकाजालमेकोऽतिमात्रं गर्जत्येव क्षिपति विषयं वैद्युतं वह्निमन्यः ।
९१३४-२ सूते वातं जवनमपरस्तेन जानीहि तावथ्किं व्यादत्से विहग वदनं तत्र तत्राम्बुवाहे ॥

९१३५-१ कश्चित्कस्यचिदेव स्यात्सुहृद्विश्रम्भभाजनं ।
९१३५-२ पद्मं विकासयत्यर्कः संकोचयति कैरवं ॥

९१३६-१ कश्चित्कान्ताविरहगुरुणा स्वाधिकारात्प्रमत्तः शापेनास्तंगमितमहिमा वर्षभोग्येण भर्तुः ।
९१३६-२ यक्षश्चक्रे जनकतनयास्नानपुण्योदकेषु स्निग्धच्छायातरुषु वसतिं रामगिर्याश्रमेषु ॥

९१३७-१ कश्चित्क्रन्दति कालकर्कशकराकृष्टं विनष्टं हठादुत्कृष्टं तनयं विलोक्य पुरतः पुत्रेति हा हा क्वचित् ।
९१३७-२ कश्चिन्नर्तकनर्तकीपरिवृतो नृत्यत्यहो कुत्रचिछ्चित्रं संसृतिपद्धतिः प्रथयति प्रीतिं च कष्टं च नः ॥

९१३८-१ कश्चित्तरति काष्ठेन सुगम्भीरां महानदीं ।
९१३८-२ स तारयति तत्काष्ठं स च काष्ठेन तार्यते ॥

९१३९-१ कश्चित्तावत्त्वया दृष्टः श्रुतो वा शङ्कितोऽपि वा ।
९१३९-२ क्षितौ वा यदि वा स्वर्गे यस्य मृत्युर्न विद्यते ॥

९१४०-१ कश्चित्पण्यस्त्रीणां विभवोपचितान्यपुरुषयोजनया ।
९१४०-२ विदधाति स्माराधन- मधनत्वमुपागतः कामी ॥

९१४१-१ कश्चित्पान्थस्तृषार्तः पथि तपऋतौ गम्यमानोऽन्यपान्थं पप्रच्छानन्दलीनो वद पथिक कुतो जह्नुकन्याप्रवाहः ।
९१४१-२ तेनासौ शीघ्रवाचा प्रचलितमनसा विप्रवर्येण चोचे सूच्यग्रे कूपषट्कं तदुपरि नगरी तत्र गङ्गाप्रवाहः ॥

९१४२-१ कश्चित्पुमान्क्षिपति मां प्रति रूक्षवाक्यैः सोऽहं क्षमाभरणमेत्य मुदं प्रयामि ।
९१४२-२ शोकं व्रजामि पुनरेवमयं तपस्वी चारित्रतः स्खलितवानिति मन्निमित्तं ॥

९१४३-१ कश्चिदाम्रवणं छित्त्वा पलाशांश्च निपिञ्चति ।
९१४३-२ पुष्पं दृष्ट्वा फले गृध्नुः स शोचति फलागमे ॥

९१४४-१ कश्चिदाश्रयसौन्दर्याद्धत्ते शोभामसज्जनः ।
९१४४-२ प्रमदालोचनन्यस्तं मलीमसमिवाञ्जनं ॥

९१४५-१ कश्चिद्दैवेन स्ॐइत्रे योद्धुमुत्सहते पुमान् ।
९१४५-२ यस्य न ग्रहणं किंचित्कर्मणोऽन्यत्र दृश्यते ॥

९१४६-१ कश्चिद्दैवेन स्ॐइत्रै योद्धुमुत्सहते सह ।
९१४६-२ यस्येह विग्रहोपायो न कथंचन विद्यते ॥

९१४७-१ कश्चिद्द्विषत्खड्गहृतोत्तमाङ्गः सद्यो विमानप्रभुतामुपेत्य ।
९१४७-२ वामाङ्गसंसक्तसुराङ्गनः स्वं नृत्यत्कबन्धं समरे ददर्श ॥

९१४८-१ कश्चिद्यथाभागमवस्थितेऽपि स्वसंनिवेशाद्व्यतिलङ्घिनीव ।
९१४८-२ वज्रांशुगर्बाङ्गुलिरन्ध्रमेकं व्यापारयामास करं किरीटे ॥

९१४९-१ कश्चिद्वाचं रचयितुमलं श्रोतुमेवापरस्तां कल्याणी ते मतिरुभयतो विस्मयं नस्तनोति ।
९१४९-२ न ह्येकस्मिन्नतिशयवतां संनिपातो गुणानां एकः सूते कनकमुपलस्तत्परीक्षाक्षमोऽन्यः ॥

९१५०-१ कश्चिन्नवं पल्लवमाददाति कश्चित्प्रसूनानि फलानि कश्चित् ।
९१५०-२ परं करालेऽस्य निदाघकाले मूले न दाता सलिलस्य कश्चित् ॥

९१५१-१ कश्चिन्मालासमं मित्रं कश्चिन्मित्रं तुलासमं ।
९१५१-२ कश्चिन्मेरुसमं मित्रं कश्चिन्मित्रं महीसमं ॥

९१५२-१ कश्चिन्मूर्च्छामेत्य गाढप्रहारः सिक्तः शीतैः शीकरैर्वारणस्य ।
९१५२-२ उच्छश्वास प्रस्थिता तं जिघृक्षुर् व्यर्थाकूता नाकनारी मुमूर्च्छ ॥

९१५३-१ कश्चुम्बति कुलपुरुषो वेश्याधरपल्लवं मनोज्ञमपि ।
९१५३-२ चारभटचौरचेटक- नटविटनिष्ठीवनशरावं ॥

९१५४-१ कश्मीरान्गन्तुकामस्य मीरशाहाख्यभूपतेः ।
९१५४-२ शाहाबुद्दीनभूमीन्द्रः प्राहिणोदिति लेखकं ॥

९१५५-१ किमेवमविशङ्कितः शिशुकुरङ्ग लोलक्रमं परिक्रमितुमीहसे विरम नैव शून्यं वनं ।
९१५५-२ स्थितोऽत्र गजयूथनाथमथनोच्छलच्छोणितच्- छटापटलभासुरोत्कटसटाभरः केसरी ॥

९१५५आ-१ कषायकलुषो जीवो रागरञ्जितमानसः ।
९१५५आ-२ चतुर्गतिभवाम्भोधौ भिन्ननौरिव सीदति ॥

९१५५भ्-१ कषायपशुभिर्दुष्टैर्धर्मकामार्थनाश कैः ।
९१५५भ्-२ शममन्त्रहतैर्यज्ञं विधेहि विहितं बुधैः ॥

९१५६-१ कषायमुक्तं कथितं चरित्रं कषायवृद्धावुपघातमेति ।
९१५६-२ यदा कषायः शममेति पुंसस् तदा चरित्रं पुनरेति पूतं ॥

९१५६आ-१ कषायरागवचनं वीतरागोऽधरस्तव ।
९१५६आ-२ विहारः कण्ठदेशश्च दूति प्रव्रजितासि किं ॥

९१५६भ्-१ कषायविजये सौख्यं इन्द्रियाणां च निग्रहे ।
९१५६भ्-२ जायते परमोत्कृष्टं आत्मनो भवभेदि यत् ॥

९१५६

C-

१ कषायविषयार्तानां देहिनां नास्ति निर्वूतिः ।
९१५६

C-

२ तेषां च विरमे सौख्यं जायते परमाद्भुतं ॥

९१५६ढ्-१ कषायविषयाहारत्यागो यत्र विधीयते ।
९१५६ढ्-२ उपवासः स विज्ञेयः शेषं लङ्घनकं विदुः ॥

९१५७-१ कषायसङ्गौ सहते न वृत्तं समार्द्रचक्षुर्न दिनं च रेणुं ।
९१५७-२ कषायसङ्गौ विधुनन्ति तेन चारित्रवन्तो मुनयः सदापि ॥

९१५७आ-१ कषायान्शत्रुवत्पश्येद्विषयान्विषवत्तथा ।
९१५७आ-२ मोहं च परमं व्याधिं एवमूचुर्विचक्षणाः ॥

९१५७भ्-१ कषाया विषया योगाः प्रमादाविरती तथा ।
९१५७भ्-२ मिथ्यात्वमार्तरौद्रे चेत्यशुभं प्रति हेतवः ॥

९१५७

C-

१ कषायास्तन्निहन्तव्यास्तथा तत्सहचारिणः ।
९१५७

C-

२ नोकषायाः शिवद्धारा गलीभूता मुमुक्षुभिः ॥

९१५८-१ कषायैरुपवासैश्च कृतामुल्लाघतां नृणां ।
९१५८-२ निजौषधकृतां वैद्यो निवेद्य हरते धनं ॥

९१५९-१ कष्टं कर्मेति दुर्मेधाः कर्तव्याद्विनिवर्तते ।
९१५९-२ न साहसमनारभ्य श्रेयः समुपलभ्यते ॥

९१६०-१ कष्टं खलु मूर्खत्वं कष्टं खलु यौवने च दारिद्र्यं ।
९१६०-२ कष्टादपि कष्टतरं परगृहवासः प्रवासश्च ॥

९१६१-१ कष्टं च खलु मूर्खत्वं कष्टं च खलु यौवनं ।
९१६१-२ कष्टात्कष्टतरं चैव परगेहनिवासनं ॥

९१६२-१ कष्टं जीवति गणको गणिका कथकश्च सेवको वैद्यः ।
९१६२-२ दिवसे दिवसे मरणं परजनमनरञ्जनी वृत्तिः ॥

९१६३-१ कष्टं नैव परिस्थिते समुदियात्कार्येषु नो जातुचिथ्संजायेत न चापि तद्व्यतिकराद्बाह्यादकिंचित्करात् ।
९१६३-२ कस्माच्चित्खलु भावतोऽन्तरभवात्त्वस्माकमुत्पद्यते प्राणस्यैव विशेषतोऽन्तरशयाद्भावात्समुज्जृम्भते ॥

९१६४-१ कष्टं वने निवसतोऽत्र सदा नरस्य नो केवलं निजतनुप्रभवं भवेच्च ।
९१६४-२ दैवं च पित्र्यमखिलं न विभाति कृत्यं तस्माद्गृहे निवसतात्महितं प्रचिन्त्यं ॥

९१६५-१ कष्टं साहसकारिणि तव नयनार्धेन सोऽध्वनि स्पृष्टः ।
९१६५-२ उपवीतादपि विदितो न द्विजदेहस्तपस्वी ते ॥

९१६६-१ कष्टं हृदि ज्वलति शोकमयो ममाग्निस् ते चक्षुषी च विरहज्वरजागरुके ।
९१६६-२ एतन्मनो भ्रमति विष्वगसूंस्तथापि त्वं पश्यतोहर इव स्मर हर्तुकामः ॥

९१६७-१ कष्टा वृत्तिः पराधीना कष्टो वासो निराश्रयः ।
९१६७-२ निर्धनो व्यवसायश्च सर्वकष्टा दरिद्रता ॥

९१६८-१ कष्टा वेधव्यथा कष्टो नित्यं च वहनक्लमः ।
९१६८-२ श्रवणानामलंकारः कपोलस्य तु कुण्डलं ॥

९१६९-१ कष्टे नोपार्जितं वित्तं हेलया क्वापि निर्गतं ।
९१६९-२ किं कर्ॐइ क्व गच्छामि निर्भाग्योऽहं भुवस्तले ॥

९१७०-१ कष्टो जनः कुलधनैरनुरञ्जनीयस् तन्नो यदुक्तमशिवं न हि तत्क्षमं ते ।
९१७०-२ नैसर्गिकी सुरभिणः कुसुमस्य सिद्धा मूर्ध्नि स्थितिर्न चरणैरवताडनानि ॥

९१७०आ-१ कष्टोपार्जितमत्र वित्तम्खिलं द्यूते मया योजितं विद्या कष्टतरं गुरोरधिगता व्यापारिता कुस्तुतौ ।
९१७०आ-२ पारम्पर्यसमागता च विनयो वामेक्षणायां कृतः सत्पात्रे किमहं कर्ॐइ विवशः कालेऽद्य नेदीयसि ॥

९१७१-१ कस्तस्य जीवितार्थः सति विभवे कश्च तस्य पुरुषार्थः ।
९१७१-२ योऽर्थिनमभिमुखमागतं अनभिमुखः सन्विसर्जयति ॥

९१७२-१ कस्तां निन्दति लुम्पति कः स्मरफलकस्य बर्णकं मुग्धः ।
९१७२-२ को भवति रत्नकण्टकं अमृते कस्यारुचिरुदेति ॥

९१७३-१ कस्तावद्बलिकर्णभार्गवमहादानप्रमाणस्तवः कश्चासौ कुरुपाण्डपाण्डुरयशः प्रस्तावनाविस्तरः ।
९१७३-२ यावद्वर्षति वीरसिंहतनयो वृष्टीरिमाः काञ्चनीर् धाराः प्रावृषि तावदञ्जनरुचिर्धारा न धाराधरः ॥

९१७४-१ कस्तूरिकां तृणभुजामटवीमृगाणां निक्षिप्य नाभिषु चकार च तान्वधार्हान् ।
९१७४-२ मूढो विधिः सकलदुर्जनलोलजिह्वा- मूले स्म निक्षिपति चेत्सकलोपकारः ॥

९१७५-१ कस्तूरिकां हरिण मुञ्च वनोपकण्ठं मा सौरभेण ककुभः सुरभीकुरुष्व ।
९१७५-२ आस्तां यशो ननु किरातशराभिघाताथ्त्रातापि हन्त भविता भवतो दुरापः ॥

९१७६-१ कस्तूरिकाचन्दनकुङ्कुमानि सौभाग्यचिह्नानि विलासिनीनां ।
९१७६-२ प्रयागमृत्स्नातिलकक्रियैव सौभाग्यचिह्नं विधवाललाटे ॥

९१७७-१ कस्तूरिकातिलकमालि विधाय सायं स्मेरानना सपदि शीलय सौधमौलिं ।
९१७७-२ प्रौढिं भजन्तु कुमुदानि मुदामुदारां उल्लासयन्तु परितो हरितो मुखानि ॥

९१७७आ-१ कस्तूरिकादिक्रयविक्रयाङ्गां यदृच्छया यद्विपणिं गतानां ।
९१७७आ-२ सौरभ्यमङ्गेषु समग्रलग्नं न हीयते पञ्चषमप्यहानि ॥

९१७८-१ कस्तूरिकामृगाणां अण्डाद्गन्धगुणमखिलमादाय ।
९१७८-२ यदि पुनरहं विधिः स्यां खलजिह्वायां निवेशयिष्यामि ॥

९१७९-१ कस्तूरी जायते कस्मात्को हन्ति करिणां शतं ।
९१७९-२ किं कुर्यात्कातरो युद्धे मृगात्सिंहः पलायनं ॥

९१८०-१ कस्तूरीति

,

किमङ्ग

,

सांपरिमलद्रव्यं किमप्यामरं पेया किं

,

न हि

,

कीदृशी

,

मृगदृशां शृङ्गारलीलास्पदं ।
९१८०-२ धार्या कुत्र

,

कुचस्थलीषु

,

कुचयोः स्थौल्यं ततो हीयते क्लिष्टः क्लिश्यति पक्वणैश्च बहुशः कस्तूरिकाविक्रयी ॥

९१८१-१ कस्तूरीतिलकं तस्या जनयति शोभां भ्रुवोरन्तः ।
९१८१-२ कोदण्डमध्यलग्नं फलमिव पञ्चेषुबाणस्य ॥

९१८२-१ कस्तूरीतिलकं बाले भाले मा कुरु मा कुरु ।
९१८२-२ अद्य साम्यं भजामीति जृम्भते शशलाञ्छनः ॥

९१८३-१ कस्तूरीतिलकं बाले भाले मा कुरु मा कुरु ।
९१८३-२ कलङ्कशङ्कया राहुर्ग्रसिष्यति तवाननं ॥

९१८४-१ कस्तूरीतिलकं ललाटफलके वक्षःस्थले कौस्तुभं नासाग्रे नवमौक्तिकं करतले वेणुं करे कङ्कणं ।
९१८४-२ सर्वाङ्गे हरिचन्दनं च कलयन्कण्ठे च मुक्तावलिं गोपस्त्रीपरिवेष्टतो विजयते गोपालचूडामणिः ॥

९१८५-१ कस्तूरीतिलकं ललाटरचितं नासामणिं निस्तलं वक्त्रं कुञ्चितकेशपाशमनिशं दृष्टिं निसृष्टां पुरः ।
९१८५-२ पुंसां मानसमत्स्यबन्धनविधौ धत्सेऽत्र वत्से स्वयं जम्बूवज्जलबिन्दुवज्जलजवज्जम्बालवज्जालवत् ॥

९१८६-१ कस्तूरीतिलकन्ति भालफलके देव्या मुखाम्भोरुहे रोलम्बन्ति तमालबालमुकुलोत्तंसन्ति मौलिं प्रति ।
९१८६-२ याः कर्णे विकचोत्पलन्ति कुचयोरङ्के च कालागुरु- स्थासन्ति प्रथयन्तु तास्तव शिवं श्रीकण्ठकण्ठत्विषः ॥

९१८७-१ कस्तूरीयन्ति भाले तदनु नयनयोः कज्जलीयन्ति कर्ण- प्रान्ते नीलोत्पलीयन्त्युरसि मरकतालंकृतीयन्ति देव्याः ।
९१८७-२ र्ॐआलीयन्ति नाभेरुपरि हरिमणीमेखलीयन्ति मध्ये कल्याणं कुर्युरेते त्रिजगति पुरजित्कण्ठभासां विलासाः ॥

९१८८-१ कस्तूरीवरपत्रभङ्गनिकरो भ्रष्टो न गण्डस्थले नो लुप्तं सखि चन्दनं स्तनतटे धौतं न नेत्राञ्जनं ।
९१८८-२ रागो न स्खलितस्तवाधरपुटे ताम्बूलसंवर्धितः किं रुष्टासि गजेन्द्रमत्तगमने किं वा शिशुस्ते पतिः ॥

९१८९-१ कस्तूरी सितिमानमागतवती शौक्ल्यं गताः कुन्तला नीलं चोलमभूत्सितं धवलिमा जातो मणीनां गणे ।
९१८९-२ ध्वान्तं शान्तमभूत्समं नरपते त्वत्कीर्तिचन्द्रोदये त्रैलोक्येङ्प्यभिसारसाहसरसः शान्तः कुरङ्गीदृशां ॥

९१८९आ-१ कस्तूर्या तत्कपोलद्वयभुवि मकरीनिर्मितौ प्रस्तुतायां निर्मित्सूनां स्ववक्षस्यतिपरिचयनात्त्वत्प्रशस्तीरुपांशु ।
९१८९आ-२ वीर श्रीसिंहभूप त्वदहितकुभुजां राज्यलक्ष्मीसपत्नी- मानव्याजेन लज्जां सपदि विदधते स्वावरोधे प्रगल्भाः ॥

९१९०-१ कस्ते शशाङ्क मोहः सुधाकरोऽहं न कोऽपि मद्भिन्नः ।
९१९०-२ किं ननु पश्यसि निजभा- जयि वनिताया मुखं मूढ ॥

९१९१-१ कस्ते शौर्यमदो योद्धुं त्वय्येकं सप्तिमास्थिते ।
९१९१-२ सप्तसप्तिसमारुढा भवन्ति परिपन्थिनः ॥

९१९२-१ कस्त्वं

,

कृष्णमवेहि मां किमिह ते

,

मन्मन्दिराशङ्कया युक्तं तन्नवनीतभाजनपुटे न्यस्तः किमर्थं करः ।
९१९२-२ कर्तुं तत्र पिपीलिकापनयनं

,

सुप्ताः किमुद्बोधिता बाला

,

वत्सगतिं विवेक्तुमिति संजल्पन्हरिः पातु वः ॥

९१९३-१ कस्त्वं

,

कोऽपि

,

कुतोऽसि

,

रत्नवसतेस्तीरादहं नीरधेर्

,

लब्धं किंचन

,

गर्जितैर्बधिरता दृग्व्याहतिः सैकतैः ।
९१९३-२ मा खेदं कुरु तादृगौर्वदहनज्वालावलीदुःसहं क्षारोदं यदुपास्य जीवसि सखे श्लाघ्यं न तन्मन्यसे ॥

९१९४-१ कस्त्वं कोऽहं कुत आयातः का मे जननी को मे तातः ।
९१९४-२ इति परिभावय सर्वमसारं सर्वं त्यक्वा स्वप्नविचारं ॥

९१९५-१ कस्त्वं

,

तासु यदृच्छया

,

कितव यास्तिष्ठन्ति गोपाङ्गनाः प्रेमाणं न विदन्ति यास्

,

तव हरे किं तासु ते कैतवं ।
९१९५-२ एषा हन्त हताशया यदभवं त्वय्येकताना परं तेनास्याः प्रणयोऽधुना खलु मम प्राणैः समं यास्यति ॥

९१९६-१ कस्त्वं

,

पीतांबरोऽहं

,

किमु वदसि मृषा चांबरं केन पीतं मुग्धे कंसस्य शत्रुः

,

शिव शिव सालिलं सस्यवैरि क्व दृष्टम् ।
९१९६-२ मल्लास्यध्वंसनोऽहं किमिति निजमहो लास्यमध्वंसि चेति व्याहारैर्वल्लवीनां निशि भवतु मुदेऽनुत्तरः श्रीपतिर्वः ॥

९१९७-१ कस्त्वं ब्रह्म

,

न्नपूर्वः

,

क्व च तव वसति

,

र्याखिला ब्रह्मसृष्टिः कस्ते नाथो

,

ह्यनाथः

,

क्व च तव जनको

,

नैव तातं स्मरामि

९१९७-२ किं तेऽभीष्टं ददामि

,

त्रिपदपरिमिता भूमि

,

रल्पं किमेतथ्त्रैलोक्यं

,

भावगर्भं बलिमिदमवदद्वामनो वः स पायात् ॥

९१९८-१ कस्त्वं ब्रह्मन्न्

,

अपूर्वस्

,

त्वदनुचरजनो

,

नास्त्यनाथोऽहमेकः

,

किं दद्यामीप्सितं ते

,

त्रिपदविहरणस्थानमेतत्

,

कियत्ते ।
९१९८-२ त्रैलोक्यं तद्द्विजातेर्मम शमनिरतस्येति सम्मूढभावा विष्णोर्वाचः सुरारौ कृतकपटपदन्यासमुग्धाः पुनन्तु ॥

९१९९-१ कस्त्वं भद्र

,

खलेश्वरोऽहम्

,

इह किं घोरे वने स्थीयते

,

शार्दूलादिभिरेव हिंस्रपशुभिः भोज्योऽहमित्याशया ।
९१९९-२ कस्मात्कष्टमिदं त्वया व्यवसितं

,

मद्देहमाम्साशिनः प्रत्युत्पन्ननृमांसभक्षणधियस्ते घ्नन्तु सर्वान्नरान् ॥

९२००-१ कस्त्वं भोः

,

कथयामि दैवहतकं मां विद्धि शाखोटकं वैराग्यादिव वक्षि

,

साधु विदितं

,

कस्मादिदं

,

कथ्यते ।
९२००-२ वामेनात्र वटस्तमध्वगजनः सर्वात्मना सेवते न च्छायापि परोपकारकरणे मार्गस्थितस्यापि मे ॥

९२०१-१ कस्त्वं भोः

,

कविरस्मि

,

तत्किमु सखे क्षीणोऽस्य

,

नाहारतो धिग्देशं गुणिनोऽपि

,

दुर्मतिरियं देशं न मामेव धिक् ।
९२०१-२ पाकार्थी क्षुधितो यदैव विदधे पाकाय दुद्धिं तदा विन्ध्ये नेन्धनमम्बुधौ न सलिलं नान्नं धरित्रीतले ॥

९२०२-१ कस्त्वं भो निशि

,

केशवः

,

शिरसिजैः किं नाम गर्वायसे भद्रे शौरिरहं

,

गुणैः र्पितृगतैः पुत्रस्य किं स्यादिह ।
९२०२-२ चक्री चन्द्रमुखि

,

प्रयच्छसि न मे कुण्डीं घटीं देहिनीं इत्थं गोपवधूहृतोत्तरतया दुःस्थो हरिः पातु वः ॥

९२०३-१ कस्त्वं लोहितलोचनास्यचरणो

,

हंसः

,

कुतो मानसाथ्किं तत्रास्ति

,

सुवर्णपङ्कजवनान्यम्भः सुधासन्निभं ।
९२०३-२ रत्नानां निचयाः प्रवालमणयो वैडूर्यरोहाः क्वचिच्

,

अम्बूका अपि सन्ति

,

नेति च बकैराकर्ण्य हीहीकृतं ॥

९२०४-१ कस्त्वं वानर

,

रामराजभवने लेखार्थसंवाहको

,

यातः कुत्र पुरागतः स हनुमान्निर्दग्धलङ्कापुरः ।
९२०४-२ वद्धो राक्षससूनुनेति कपिभिः संताडितस्तर्जितः स व्रीडात्तपराभवो वनमृगः कुत्रेति न ज्ञायते ॥

९२०४आ-१ कस्त्वं

,

शूली

,

प्रविश भिषजां वेश्म

,

वैद्यं न जाने

,

स्थाणुर्बाले

,

न वदति तरु-र्नीलकण्ठः प्रमुग्धे ।
९२०४आ-२ केकामेकां वद त्वं

,

पशुपतिरबले

,

नैव दृष्टे विषाणे इत्येवं शैलकन्याप्रतिवचनजडः पातु वः पार्वतीशः ॥

९२०५-१ कस्त्वं शूली

,

मृगय भिषजं नीलकण्ठः प्रियेऽहं केकामेकां वद

,

पशुपति

,-

र्नैवदृश्ये विषाणे ।
९२०५-२ मुग्धें स्थाणुः

,

स चरति कथं

,

जीवितेशः शिवाया गच्छाटव्यामिति हतवचाः पातु वश्चन्द्रचूडः ॥

९२०६-१ कस्मात्कस्मिन्समुत्पन्ने सरागं भुवनत्रयं ।
९२०६-२ अत्रादौ कथितं श्लोके यो जानाति स पण्डितः ॥

९२०७-१ कस्मात्कोऽहं किमपि च भवान्कोऽयमत्र प्रपञ्चः स्वं स्वं वेद्यं गगनसदृशं पूर्णतत्त्वप्रकाशं ।
९२०७-२ आनन्दाख्यं समरसघने बाह्यमन्तर्विहीने निस्त्रैगुण्ये पथि विचरतः को विधिः को निषेधः ॥

९२०८-१ कस्मात्तन्वि तनूनि सम्प्रति समान्यङ्गानि जातानि ते कस्मात्कोकनदप्रभं मुखमिदं जातं हि चन्द्रोपमं ।
९२०८-२ एवं पृच्छति वल्लभेऽम्बुजमुखि प्रोष्यस्वभावादिति व्यावृत्याथ तया सगद्गदरवं मुक्तश्च बाष्पोत्करः ॥

९२०९-१ कस्मात्त्वं क्व नु दृश्यते सुखमुखं क्वास्तेऽन्धकारः परं क्व स्त्रीषु स्मरधूमकेतुरुदितेओ दृष्टा युवानः क्व ते ।
९२०९-२ गन्ता क्व क्व च पञ्चमः क्व णसकृत्क्वात्संकुरो निद्गतः क्वानन्दैकरसोदयः क्व नु सती कैवाध्वगस्तत्कथा ॥

९२१०-१ कस्मात्त्वं

,

तातगेहाद्

,

अपरमभिनवा ब्रूहि का तत्र वार्ता

,

देव्या देवो जितः

,

किं वृषडमरुचिताभस्मभोगीन्द्रचन्द्रान् ।
९२१०-२ इत्येवं बर्हिनाथे कथयति सहसा भर्तूभिक्षाविभूषा- वैगुण्योद्वेगजन्मा जगदवतु चिरं हारवो भृङ्गरीटेः ॥

९२११-१ कस्मात्त्वं दुर्बलासीति सख्यस्तां परिपृच्छति ।
९२११-२ त्वयि संनिहिते तासु दद्यात्कथय सोत्तरं ॥

९२१२-१ कस्मात्त्वं

,

भवदालयाद्

,

वद सखे क्षेमं

,

तवानुग्रहाद्

,

दृष्टा मे सुभगा

,

न तेऽस्ति सुभगा दृष्टा भवद्गेहिनी ।
९२१२-२ स्वर्भानुं विषमेक्षणं विषधरं काकं वराकी गृहे चन्द्रानङ्गसमीरकोकिलभयाद्व्यग्रा लिखन्ती मुहुः ॥

९२१३-१ कस्मात्त्वं हि विखिद्यसे कतिपयैरेव प्रिये वासरैर् आयाता वयमेहि धेहि पुरतः प्रास्थानिकं मङ्गलं ।
९२१३-२ एवं वादिनि वल्लभे दयितया निःश्वस्य पाणौ कृती मङ्गल्यः कलशो विलोचनपयोधाराभिरापूरितः ॥

९२१४-१ कस्मात्पार्वति निष्ठुरासि

,

सहजः शैलोद्भवानामयं निःस्नेहासि कथं

,

न भस्मपुरुषः स्नेहं विभर्ति क्वचित् ।
९२१४-२ कोपस्ते मयि निष्फलः प्रियतमे

,

स्थाणौ फलं किं भवेदित्थं निर्वचनीकृतो गिरिजया शंभुश्चिरं पातु वः ॥

९२१५-१ कस्मात्संल्किश्यते विद्वान्व्यर्थयार्थेहयासकृत् ।
९२१५-२ कस्यचिन्मायया नूनं लोकोऽयं सुविमोहितः ॥

९२१६-१ कस्मात्सत्यवतीसुतेन मुनिना नोक्तं भविष्यत्कथा- मध्ये रूपमनादिमध्यनिधनस्येहं हरेर्मानुषं ।
९२१६-२ इत्थं व्युत्थितविश्वकण्टकचमूनिर्मूलनव्यापृतं संग्रामाम्बरसूर्यमम्बरचरास्त्वां वीक्ष्य संशेरते ॥

९२१७-१ कस्मादद्य न भूषितं वपुरिदं सद्भूषणैः काञ्चनैः कस्मादच्छतराणि नाद्य वसनान्यङ्गीकृतानि त्वया ।
९२१७-२ उक्ता सेति मया मनोज्ञ विजने बाला विशालाक्ष मा क्षिप्रं रोदनमेकमेव विदधे प्रत्युत्तरं नो ददौ ॥

९२१८-१ कस्मादिदं नयनमस्तमिताञ्जनश्रि विश्रान्तपत्ररचनौ च कुतः कपोलौ ।
९२१८-२ शृङ्गारवारिरुहकाननराजहंसि कस्मात्कृशासि विरसासि मलीमसासि ॥

९२१९-१ कस्मादिन्दुरसौ धिनोति जगतीं पीयूषगर्भैः करैः कस्माद्वा जलधारयैव धरणिं धाराधरः सिञ्चति ।
९२१९-२ भ्रामं भ्राममयं च नन्दयति वा कस्मात्त्रिलोकीं रविः साधूनां हि परोपकारकरणे नोपाध्यपेक्षं मनः ॥

९२२०-१ कस्माद्दूति श्वसिषि निभृतं

,

सत्वरावर्तनेन भ्रष्टो रागः किमधरदले

,

प्रार्थनाभिस्त्वदर्थं ।
९२२०-२ स्रस्ता चेयं किमलकततिस्

,

तत्पदालुण्ठनेन वासस्तस्य त्वयि वद कथं

,

प्रत्ययार्थं तवैव ॥

९२२१-१ कस्माद्भग्नाः सुमुखि वलया

,

मार्गपातान्निशायां किं ते वक्त्रं विगतरचनं

,

क्षालितं धूलिपूर्णं ।
९२२१-२ ओष्ठे रागः किमपि गलित

,

स्त्वद्व्यथोच्छ्वासवातैस् तद्वासः किं

,

हृतमिति मया वस्त्रलोभात्किलेति ॥

९२२२-१ कस्माद्भयमिह मरणादन्धादपि को विशिष्यते रागी ।
९२२२-२ कः शूरो यो ललना- लोचनबाणैर्न विव्यथितः ॥

९२२३-१ कस्मिञ्छेते मुरारिः क्व न खलु वसतिर्वायसी को निषेधः स्त्रीणां रागस्तु कस्मिन्क्व नु खलु सितिमा शैरिसंबोधनं किं ।
९२२३-२ संबुद्धिः काऽहिमांशोर्विधिहरवयसां चापि संबुद्धयः का ब्रूते लुब्धः कथं वा कुरुकुलहननं केन तत्केशवेन ॥

९२२४-१ कस्मान्म्लायसि मालतीव मृदितेत्यालीजने पृच्छति व्यक्तं नोदितमार्तयापि विरहे शालीनया बालया ।
९२२४-२ अक्ष्णोर्बाष्पचयं निगृह्य कथमप्यालोकितः केवलं किंचित्कुड्मलकोटिभिन्नशिखरश्चूतद्रुमः प्राङ्गणे ॥

९२२५-१ कस्मिन्कर्मणि सामर्थ्यं अस्य नोत्तपतेतरां ।
९२२५-२ अयं साधुचरस्तस्मादञ्जलिर्बध्यतामिह ॥

९२२६-१ कस्मिन्नपि मते सत्ये हताः सर्वमतत्यजः ।
९२२६-२ तद्दृष्ट्या व्यर्थतामात्रं अनर्थस्तु न धर्मजः ॥

९२२७-१ कस्मिन्वसन्ति वद मीनगणा विकल्पं किं वापदं वदति किं कुरुते विवस्वान् ।
९२२७-२ विद्युल्लतावलयवान्पथिकाङ्गनानां उद्वेजको भवति कः खलु वारिवाहः ॥

९२२८-१ कस्मिन्स्वपिति कंसारिः कावृत्तिरधमा नृणां ।
९२२८-२ किं ब्रूते पितरं बालः किं दृष्ट्वा रमते मनः ॥

९२२९-१ कस्मै किं कथनीयं कस्य मनःप्रत्ययो भवति ।
९२२९-२ रमयति गोपवधूटी कुञ्जकुटीरे परं ब्रह्म ॥

९२३०-१ कस्मैचित्कपटाय कैटभरिपूरःपीठदीर्घालयां देवि त्वामभिवाद्य कुप्यसि न चेत्तत्किंचिदाचक्ष्महे ।
९२३०-२ यत्ते मन्दिरमम्बुजन्म किमिदं विद्यागृहं यच्च ते नीचान्नीचतरोपसर्पणमपामेतत्किमाचार्यकं ॥

९२३०आ-१ कस्मैचित्प्रतिपाद्य विक्रमजितां विप्राय विश्वंभरां अब्धौ वैभवलब्धवासरसिकः क्षेमाय रामोऽस्तु वः ।
९२३०आ-२ श्लाघन्ते रणसीम्नि यस्य चरितं कालाग्निकूलंकष- ज्वालोद्गारिकुठारकुक्षिनिहितक्ष्मापालचक्रा न्जनान् ॥

९२३१-१ कस्मैचिद्द्विजबन्धवे कियदपि क्षीरं पुरा नाथते दत्तो येन दयारसैकवपुषा दुग्धोद एवार्णवः ।
९२३१-२ श्रीश्रीवल्लभकल्पपादपसुधाचिन्तामणीभिः समं स स्वामी मम दैवतं तदितरो नाम्नापि नाम्नायते ॥

९२३२-१ कस्मै नमः सुरैरपि सुतरां क्रियते दयाप्रधानाय ।
९२३२-२ कस्मादुद्विजितव्यं संसारारण्यतः सुधिया ॥

९२३३-१ कस्मै यच्छति सज्जनो बहुधनं सृष्टं क्षगत्केन वा शम्भोर्भानि च को गले युवतिभिर्वेण्यां च का धार्यते ।
९२३३-२ गौरीशः कमताडयच्चरणतः का रक्षिता राक्षसैर् आरोहादवरोहतः कलयतामेकं द्वयोरुत्तरं ॥

९२३४-१ कस्मै हन्त फलाय सज्जन गुणग्रामार्जने सज्जसि स्वात्मोपस्करणाय चेन्मम वचः पथ्यं समाकर्णय ।
९२३४-२ ये भावा हृदयं हरन्ति नितरां शोभाभरैः संभृतास् तैरेवास्य कलेः कलेवरपुषो दैनंदिनं वर्तनं ॥

९२३५-१ कस्य करान्न स्खलिता नीरनिधिक्लेदपिच्छिला लक्ष्मीः ।
९२३५-२ भृगुचरणधूलिपरुषे हृदि परिबद्धा हरेः स्थिरेयमभूत् ॥

९२३६-१ कस्यचिज्जायते जन्तोः पादाघातस्तवाध्वनि ।
९२३६-२ पदभङ्गव्यथा शम्भो जृम्भते जम्भवैरिणः ॥

९२३७-१ कस्यचित्किमपि नो हरणीयं मर्मवाक्यमपि नोच्चरणीयं ।
९२३७-२ श्रीपतेः पदयुगं स्मरणीयं लीलया भवजलं तरणीयं ॥

९२३८-१ कस्यचित्समदनं मदनीय- प्रेयसीवदनपानपरस्य ।
९२३८-२ स्वादितः सकृदिवासव एव प्रत्युत क्षणविदंशपदेऽभूत् ॥

९२३९-१ कस्यचिन्न हि दुर्बुद्धेश्छन्दतो जायते मतिः ।
९२३९-२ यादृशं कुरुते कर्म तादृशं फलमश्नुते ॥

९२४०-१ कस्य तृषं न क्षपयसि पिबति न कस्तव पयः प्रविश्यान्तः ।
९२४०-२ यदि सन्मार्गसरोवर नक्री न क्रोडमधिवसति ॥

९२४१-१ कस्य दोषः कुले नास्ति व्याधिना को न पीडितः ।
९२४१-२ व्यसनं केन न प्राप्तं कस्य सौख्यं निरन्तरं ॥

९२४२-१ कस्य न दयितं वित्तं चित्तं ह्रियते न कस्य वित्तेन ।
९२४२-२ किं तु यशोधनलुब्धा वाञ्छन्ति न दुष्कृतैरर्थान् ॥

९२४३-१ कस्य न प्रतिहतं बत चक्षुर् ध्वान्तसन्ततिभिरड्डमराभिः ।
९२४३-२ केवलं मनसिजप्रतिहतानां नावधूतमभिसारवधूनां ॥

९२४४-१ कस्य न वाहनयोग्या मुग्धधियस्तुच्छसाधने लग्नाः ।
९२४४-२ प्रीततया प्रशमरुचश्चपलासु स्त्रीषु येऽदान्ताः ॥

९२४५-१ कस्य नो कुरुते मुग्धे पिपासाकुलितं मनः ।
९२४५-२ अयं ते विद्रुमच्छायो मरुमार्ग इवाधरः ॥

९२४६-१ कस्य मरौ दुरधिगमः कमले कः कथय विरचितावासः ।
९२४६-२ कैस्तुष्यति चामुण्डा रिपवस्ते वद कुतो भ्रष्टाः ॥

९२४७-१ कस्य माता कस्य पिता कस्य बन्धुर्महामुने ।
९२४७-२ विभ्रमश्च स्मृतिभ्रंशात्तेन मुह्यन्ति जन्तवः ॥

९२४८-१ कस्य माता पिता कस्य कस्य भार्या सुतोऽपि वा ।
९२४८-२ जातौ जातौ हि जीवानां भविष्यन्त्यपरेऽपरे ॥

९२४८आ-१ कस्य वक्तव्यता नास्ति सोपायं को न जीवति ।
९२४८आ-२ व्यसनं केन न प्राप्तं कस्य सौख्यं निरन्तरं ॥

९२४९-१ कस्य वशे प्राणिगणः सत्यप्रियभाषिणो विनीतस्य ।
९२४९-२ क्व स्थातव्यं न्याय्ये पथि दृष्टादृष्टलाभाय ॥

९२४९आ-१ कस्य स्यान्न स्खलितं पूर्णाः सर्वे मनोरथाः कस्य ।
९२४९आ-२ कस्येह सुखं नित्यं दैवेन न खण्डितः को वा ॥

९२५०-१ कस्य स्वर्गश्रियो वश्याः कस्य चैन्द्रं पदं भुवि ।
९२५०-२ कं देवा बहु मन्यन्ते सङ्ग्रामे मरणादृते ॥

९२५१-१ सङ्ग्रामे मरणं पुण्यं गयायां मरणे तथा ।
९२५१-२ गङ्गायां मरणे मोक्षः सङ्ग्रामे मरणं सुखं ॥

९२५२-१ यदि वस्तुं मनः पुंसां स्वर्गस्त्रीभिः समं चिरात् ।
९२५२-२ अपरां सुखितां कृत्वा सङ्ग्रामे म्रियतां तदा ॥

९२५३-१ कस्यांचिद्वाचि कैश्चिन्ननु यदि विहितं दूषणं दुर्दुरूढैश्छिन्नं किं नस्तदा स्यात्प्रथितगुणवतां काव्यकोटीश्वराणां ।
९२५३-२ वाहाश्चेद्गन्धवाहाधिकविहितजवाः पञ्चषाश्चान्धखंजाः का हानिः शेरशाहक्षितिपकुलमणेरश्वकोटीश्वरस्य ॥

९२५४-१ कस्याख्याय व्यतिकरमिमं मुक्तदुःखो भवेयं को जानीते निभृतमुभयोरावयोः स्नेहसारं ।
९२५४-२ जानात्येकं शशधरमुखि प्रेमतत्त्वं मनो मे त्वामेवैतच्चिरमनुगतं तत्प्रिये किं कर्ॐइ ॥

९२५५-१ … … … …

९२५५-२ कस्यात्यन्तं सुखमुपनतं दुःखमेकान्ततो वा ।
९२५५-३ नीचैर्गच्छत्युपरि च दशा चक्रनेमिक्रमेण ॥

९२५६-१ कस्यादेशात्क्षपयति तमः सप्तसप्तिः प्रजानां छायाहेतोः पथि विटपिनामञ्जलिः केन बद्धः ।
९२५६-२ अभ्यर्थ्यन्ते नवजलमुचः केन वा वृष्टिहेतोर् जात्यैवैते परहितविधी साधवो बद्धकाङ्क्षाः ॥

९२५७-१ कस्या नाम किमत्र नास्ति विदितं यद्वीक्ष्यमाणोऽप्ययं लोको मूक इवास्ति मां प्रति पुनः सर्वो जनस्तप्यते ।
९२५७-२ शक्यं दर्शयितुं न पूगफलवत्कृत्वा द्विधेदं वपुर् यत्सत्यं सखि वीक्षितः खलु मया नूनं चतुर्थ्याः शशी ॥

९२५८-१ कस्यानित्येष्वनित्यस्य स्नेहो भवितुमर्हति ।
९२५८-२ येन जन्मसहस्राणि द्रष्टव्यो न पुनः प्रियः ॥

९२५९-१ कस्यानिमेषवितते नयने दिवौको- लोकादृते जगति ते अपि वै गृहीत्वा ।
९२५९-२ पिण्डे प्रसारितमुखेन तिमे किमेतद्दृष्टं न बालिश विशद्बडिशं त्वयान्तः ॥

९२६०-१ कस्यापि कोऽपि कुरुते न सुखं दुःखं न दैवमपहाय ।
९२६०-२ विदधाति वृथा गर्वं खलोऽहमहितस्य हन्तेति ॥

९२६१-१ कस्यापि कोऽप्यतिशयोऽस्ति स तेन लोके ख्यातिं प्रयाति न हि सर्वविदस्तु सर्वे ।
९२६१-२ किं केतकी फलति किं पनसः सुपुष्पः किं नागवल्ल्यपि च पुष्पफलैरुपेता ॥

९२६१आ-१ कस्यापि चाग्रतो नैव प्रकाश्यः स्वगुणः स्वयं ।
९२६१आ-२ अतुच्छत्वेन तुच्छोऽपि वाच्यः परगुणः पुनः ॥

९२६२-१ कस्यामोदं कमलं वदनमिदं ते प्रिये न संतनुयात् ।
९२६२-२ अवलम्ब्य मित्रमेकं विकसति न यदन्यथा जातु ॥

९२६३-१ कस्याश्चित्सुभग इति श्रुतश्चिरं यस् तं दृष्ट्वाधिगतरतेर्निमीलिताक्ष्याः ।
९२६३-२ निस्पन्दं वपुरवलोक्य सौविदल्लाः सन्तेपुर्विधुरधियो निशान्तवध्वाः ॥

९२६४-१ कस्याश्चिन्मुखमनु धौतपत्रलेखं व्यातेने सलिलभरावलम्बिनीभिः ।
९२६४-२ किञ्जल्कव्यतिकरपिञ्जरान्तराभिश्चित्रश्रीरलमलकाग्रवल्लरीभिः ॥

९२६५-१ कस्यास्ति नाशो मनसो वितत्या क्व सर्वथा नास्ति भयं विमुक्तौ ।
९२६५-२ शल्यं परं किं निजमूर्खतैव के के ह्युपास्या गुरवश्च सन्तः ॥

९२६६-१ कस्येदं भवनं

,

ममैव

,

भवती का सुभ्रु

,

लाटाङ्गना केर्य

,

मुग्धतरा सखी मम

,

पतिर्गेहेऽस्ति किं

,

तेन वा ।
९२६६-२ इत्थं पान्थवचो दिनान्तसमये गूढार्थमाकर्ण्य वै मन्दान्दोलितकुण्डलस्तबकया तन्व्यावधूतं शिरः ॥

९२६७-१ कस्येमौ पितरौ मनोभववता तापेन संयौजिताव् अन्योन्यं तनयादिकं जनयतो भूम्यादिभूतात्मभिः ।
९२६७-२ इत्थं दुःस्थमतिर्मनोभवरतिर्यो मन्यते नास्तिकः शान्तिस्तस्य कथं भवेद्धनवतो दुष्कर्मंधर्माश्रयात् ॥

९२६८-१ कस्येयं तरुणि प्रपा

,

पथिक नः

,

किं पीयतेऽस्यां

,

पयो धेनूनामथ माहिषं बधिर रे वारः

,

कथं मङ्गलः ।
९२६८-२ स्ॐओ वाथ शनैश्चरो

,

ऽमृतमिदं

,

तत्तेऽधरे दृश्यते श्रीमत्पान्थ विलाससुन्दर सखे यद्रोचते तत्पिब ॥

९२६९-१ कस्योदपत्स्यत रुचिर्विरसावसाने स्तोकस्थितावनुचितप्रभवे भवेऽस्मिन् ।
९२६९-२ नारायणस्मृतिकथामृतपानगोष्ठी चेतोविनोदनमियं यदि नाम न स्यात् ॥

९२७०-१ कस्योपयोगमात्रेण धनेन रमते भनः ।
९२७०-२ पदप्रमाणमाधारं आरूढः को न कम्पते ॥

९२७१-१ कस्राघातैः सुरभिरभितः सत्वरं ताडनीयो गाढाम्रेडं मलयमरुतः शृङ्खलादाम दत्त ।
९२७१-२ कारागारे क्षिपत तरसा पञ्चमं रागराजं चन्द्रं चूर्णीकुरुत च शिलापट्टके पिष्टपेषं ॥

९२७२-१ कह्लारस्पर्शगर्भैः शिशिरपरिगमात्कान्तिमद्भिः कराग्रैश्चन्द्रेणालिङ्गितायास्तिमिरनिवसने स्रंसमाने रजन्याः ।
९२७२-२ अन्योन्यालोकिनीभिः परिचयजनितप्रेमनिष्यन्दिनीभिर् दूरारूढे प्रमोदे हसितमिव परिस्पष्टमाशावधूभिः ॥

९२७३-१ कांचिद्दिनार्धसमये रविरश्मितप्तां नीलांशुकाञ्चलनिलीनमुखेन्दुम्बिम्बां ।
९२७३-२ तां तादृशीं समनुवीक्ष्य कविर्जगाद राहुर्दिवा ग्रसति पर्व विना किलेन्दुं ॥

९२७४-१ कां तपस्वी गतोऽवस्थां इति स्मेराविव स्तनौ ।
९२७४-२ वन्दे गौरीघनाश्लेषभवभूतिसिताननौ ॥

९२७५-१ कांश्चिच्चाटुवचःशतैर्निजसुताप्रेमातिरेकै ः परान् अन्यान्वक्ररवाक्रमैर्धनवतः प्रापय्य गेहं निजं ।
९२७५-२ प्राग्दत्तग्रहणप्रगल्भकितवव्याजादवष्टभ्य तान् कुट्टिन्यः स्फुटमप्रगल्भचरितानेतान्निहन्तुं क्षमाः ॥

९२७६-१ कांश्चित्कल्पशतं कृतस्थितिचयान्कांश्चिद्युगानां शतं कांश्चिद्वर्षशतं तथा कतिपयान्जन्तून्दिनानां शतं ।
९२७६-२ तांस्तान्कर्मभिरात्मनः प्रतिदिनं संक्षीयमाणायुषः कालोऽयं कवलीकरोति सकलान्भ्रातः कुतः कौशलं ॥

९२७७-१ कांश्चित्तुच्छयति प्रपूरयति वा कांश्चिन्नयत्युन्नतिं कांश्चित्पातविधौ करोति च पुनः कांश्चिन्नयत्याकुलान् ।
९२७७-२ अन्योन्यं प्रतिपक्षसंहतिमिमां लोकस्थितिं बोधयन्न् एष क्रीडति कूपयन्त्रघटिकान्यायप्रसक्तो विधिः ॥

९२७८-१ कांश्चिदर्थान्नरः प्राज्ञो लघुमूलान्महाफलान् ।
९२७८-२ क्षिप्रमारभते कर्तुं न विघ्नयति तादृशान् ॥

९२७९-१ कांसीकृतासीत्खलु मण्डलीन्दोः संसक्तरश्मिप्रकरा स्मरेण ।
९२७९-२ तुला च नाराचलता निजैव मिथोनुरागस्य समीकृतौ वां ॥

९२८०-१ कांस्यस्वन इवाभाति यस्मिन्खड्गहते ध्वनिः ।
९२८०-२ खङ्गोत्तमं तं वदति गिरिशः शुभवर्धनं ॥

९२८१-१ कां हरिरभरत्सूकररूपः कामरिरहितामिच्छति भूपः ।
९२८१-२ केनाकारि च मन्मथजननं केन विराजति तरुणीवदनं ॥

९२८२-१ काकः काञ्चनपञ्जरे विनिहितः पद्माकरे कौशिकः श्राद्धे श्वा विनियोजितो हुतवहे हव्यः पलाण्डुः कृतः ।
९२८२-२ सर्वं तेन कृतं किमत्र बहुना मद्यं महाशान्तये येनाज्ञानवता महीयसि पदे नीचः समारोपितः ॥

९२८३-१ काकः कृष्णः पिकः कृष्णः को भेदः पिककाकयोः ।
९२८३-२ वसन्तसमये प्राप्ते काकः काकः पिकः पिकः ॥

९२८४-१ काकः कोकिलमुन्नमय्य कुरुते चूते फलास्वादनं भुङ्क्ते राजशुकं निवार्य कुररः क्रीडापरो दाडिमं ।
९२८४-२ घूको बर्हिणमास्य शाखिशिखरे शेते सजानिः सुखं हा जातं विपरीतमद्य विपिने श्येने परोक्षं गते ॥

९२८५-१ काकः पक्षबलेन भूपतिगृहे ग्रासं यदि प्राप्तवान् किं वा तस्य महत्त्वमस्य लघुता पञ्चाननस्यागता ।
९२८५-२ येनाक्रम्य करीन्द्रगण्डयुगलं निर्भिद्य हेलालवाल् लब्ध्वा ग्रासवरं वराटकधिया मुक्तागणस्त्यज्यते ॥

९२८६-१ काकः पक्षिषु चाण्डालः स्मृतः पशुषु गर्दभः ।
९२८६-२ नराणां कोऽपि चाण्डालः स्मृतः सर्वेषु निन्दकः ॥

९२८७-१ काकः पद्मवने धृतिं न लभते हंसश्च कूपोदके क्रोष्टा सिंहगुहान्तरे सुविपुले नीचस्तु भद्रासने ।
९२८७-२ कुस्त्री सत्पुरुषं न जातु भजते सा सेव्यते दुर्जनैः या यस्य प्रकृतिर्विधातृविहिता सा तस्य किं वार्यते ॥

९२८८-१ काकः श्वानोऽकुलीनश्च बिडालः सर्प एव च ।
९२८८-२ अकुलीना च या नारी तुल्यास्ते परिकीर्तिताः ॥

९२८९-१ काकः स्वभावचपलः परिशुद्धवृत्तिर् लब्ध्वा बलिं स्वजनमाह्वयते परांश्च ।
९२८९-२ चर्मास्थिमांसवति हस्तिकलेवरेऽपि श्वा द्वेष्टि हन्ति च परान्कृपणस्वभावः ॥

९२९०-१ काक आह्वयते काकान्याचको न तु याचकान् ।
९२९०-२ काकयाचकयोर्मध्ये वरं काको न याचकः ॥

९२९१-१ काककुर्कुटकायस्थाः सजातिपरिपोषकाः ।
९२९१-२ सजातिपरिहन्तारः सिंहाः श्वानो द्विजा गजाः ॥

९२९२-१ काकचञ्चुपुटीकृत्य ओष्ठौ प्रोक्तानिलं पिबेत् ।
९२९२-२ ॐकारध्वनिनाकृष्य पूरयेद्यावदन्तरं ॥

९२९३-१ काकजङ्घाजटा निद्रां कुरुते मस्तके स्थिता ।
९२९३-२ पुष्योद्धृतं शुनः पित्तं अपस्मारघ्नमञ्जनात् ॥

९२९४-१ काकजङ्घारसः कर्णे क्षिप्तो बाधिर्यनाशनः ।
९२९४-२ हन्ति कर्णे जटा बद्धा तस्या नेत्रामयं ध्रुवं ॥

९२९५-१ काकतालीययोगेन यदनात्मवति क्षणं ।
९२९५-२ करोति प्रणयं लक्ष्मीस्तत्तस्याः स्त्रीत्वचापलं ॥

९२९६-१ काकतालीयवत्प्राप्तं दृष्ट्वापि निधिमग्रतः ।
९२९६-२ न स्वयं दैवमादत्ते पुरुषार्थमपेक्षते ॥

९२९७-१ काकतुण्डोक्तिरपरा मल्लिकोक्तिरनोपमा (

?)

।
९२९७-२ पाटलोक्तिश्च पद्मोक्तिः पद्मिन्युक्तिः स्फुटाः स्मृताः ॥

९२९८-१ काक त्वं फलनम्रविपिनं दैवात्समासादयन् किं कर्णौ बधिरीकरोषि परुषैः क्रेंकारकोलाहलैः ।
९२९८-२ मौनं चेदवलम्बसे रतभरप्रक्रान्तपुंस्कोकिल- भ्रान्त्यापि त्वयि सञ्चरन्ति न कथं मुग्धाकटाक्षच्छटाः ॥

९२९९-१ का कथा बाणसंधाने ज्याशब्देनैव दूरतः ।
९२९९-२ हुंकारेणेव धनुषः स हि विघ्नान्व्यपोहति ॥

९३००-१ काकमांसं तथोच्छिष्टं स्तोकं तदपि दुर्बलं ।
९३००-२ भक्षितेनापि किं तेन येन तृप्तिर्न जायते ॥

९३०१-१ काकमाची तथा कुष्ठं गोतक्रेण च पाचयेत् ।
९३०१-२ नाशयेन्मण्डलिक्ष्वेडं अगदोऽयं सुनिश्चितं ॥

९३०२-१ काकमाचीशिफा कर्णे बद्धा रात्रिज्वरापहा ।
९३०२-२ पाणिस्थं वृषवृन्दाकं द्यूते वितनुते जयं ॥

९३०३-१ काकवराकमरालमवैषि न जर्जरिताऽर्जुनतार्य कुतः ।
९३०३-२ विक्रमवैरिवधूजनलोचन- कज्जलवज्जलमज्जनतः ॥

९३०४-१ काकश्च द्रुमकुट्टश्च मण्डूको नीलमक्षिकः ।
९३०४-२ लट्वया सह पञ्चैते गजं जघ्नुरुपायतः ॥

९३०५-१ काकस्य कति वा दन्ता मेषस्याण्डे कियत्पलं ।
९३०५-२ गर्दभे कति र्ॐआणि व्यर्थैषातु विचारणा ॥

९३०६-१ काकस्य चञ्चुर्यदि हेमयुक्ता माणिक्ययुक्तौ चरणौ च तस्य ।
९३०६-२ एकैकपक्षे गजराजमुक्ता तथापि काको न च राजहंसः ॥

९३०७-१ काकस्य वृष्टिहेतोर् नीडं दिक्षु प्रशस्यते तिसृषु ।
९३०७-२ दुर्भिक्षमरणहेतुर् भवति सयाम्येषु कोणेषु ॥

९३०८-१ काकाः किं किं न कुर्वन्ति क्रोङ्कारं यत्र तत्र वा ।
९३०८-२ शुक एव परं वक्ति नृपहस्तोपलालितः ॥

९३०९-१ काकाः प्रभुप्रणिहितैः पिकपट्टबद्धेर् माकन्दबृन्दमकरन्दरसं लभन्तां ।
९३०९-२ प्राप्ते वसन्तसमये कथमाचरन्ति कर्णामृतानि कलपञ्चमकूजितानि ॥

९३१०-१ काकानां कोकिलानां च सीमाभेदः कथं भवेत् ।
९३१०-२ यदि विश्वसृजा साक्षं न कृता कर्णशष्कुली ॥

९३११-१ काकानां प्रीतियोगं चिरसहवसतिं कोकिलापेक्षसे चेथ्तर्हि त्वं तद्वदेव श्रवणपुटपटून्कुत्सितान्कूज शब्दान् ।
९३११-२ अभ्यासस्तत्र नो चेत्तव गलदमृता गीरियं गुप्यतां वा तामाकर्ण्य स्वजातेरननुगुणगुणं त्वाममी सन्त्यजेयुः ॥

९३१२-१ का कान्ता कालियारातेः पुनरर्थे किमव्ययं ।
९३१२-२ किं वन्द्यं सर्वदेवानां फलेषु किमु सुन्दरं ॥

९३१३-१ का का प्रिया प्रियतमं परिरभ्य दोर्भ्यां अभ्यागतेऽपि मिहिरे न जहाति निद्रां ।
९३१३-२ जागर्तु सज्जयतु चोलमितीव काकाः काकालिरालिरिव गूढगिरश्चकार ॥

९३१४-१ का काबला निधुवनश्रमपीडिताङ्गी निद्रां गता दयितबाहुलतानुबद्धा ।
९३१४-२ सा सा तु यातु भवनं मिहिरोद्गमोऽयं सम्केतवाक्यमिति काकचया वदन्ति ॥

९३१४आ-१ का कामधेनुरिह कश्चिन्तामणिरपि च कल्पशाखी कः ।
९३१४आ-२ सर्वाण्यमूनि भुवने पर्यायवचांसि पुण्यस्य ॥

९३१५-१ काका मूर्ध्नि सुखं वसन्ति शतशः शाखासु शाखामृगा घूकाः कोटरगह्वरेषु मशलैर्दंशैश्च सान्द्रं दलं ।
९३१५-२ आधारः कियतामसि स्थिरतरं शुद्धं च लब्धं यशः पान्था नोपसरन्ति चेत्क्षतमितः किं वृक्षराजस्य ते ॥

९३१६-१ का काली का मधुरा का शीतलवाहिनी गङ्गा ।
९३१६-२ कं संजघान कृष्णः कं बलवन्तं न बाधते शीतं ॥

९३१७-१ काकाल्लौल्यं यमात्क्रौर्यं स्थपतेर्दृढघातितां ।
९३१७-२ एकैकाक्षरमादाय कायस्थः केन निर्मितः ॥

९३१७आ-१ काका वृका घुकबकाश्च भेकाः प्रणम्य युष्मानिदमेव याचे ।
९३१७आ-२ कोलाहलं मा कुरुत क्षमध्वं पुंस्कोकिलः कूजति मञ्जुरावं ॥

९३१८-१ काकिन्याः पत्रमूलं सहचरसहितं केतकीनां च कन्दं छायाशुष्कं च भृङ्गं त्रिफलरसयुतं तैलमध्ये निधाय ।
९३१८-२ लौहे पात्रे प्रणीतं धरणितलगतं मासमात्रस्थितं तथ्केशाः काशप्रकाशा अलिकुलसदृशाः सम्भवन्त्यस्य लेपात् ॥

९३१९-१ काकुं करोषि गृहकोणकरीषपुञ्ज- गूढाङ्ग किं ननु वृथा कितव प्रयाहि ।
९३१९-२ कुत्राद्य जीर्णतरणिभ्रमनातिभीत- गोपाङ्गनागणविडम्बनचातुरी ते ॥

९३२०-१ काकुत्स्थस्य दशाननो न कृतवान्दारापहारं यदि क्वाम्भोधिः क्व च सेतुबन्धघटना क्वोत्तीर्य लङ्काजयः ।
९३२०-२ पार्थस्यापि पराभवं यदि रिपुर्नादात्क्व तादृक्तपो नीयन्ते रिपुभिः समुन्नतिपदं प्रायः परं मानिनः ॥

९३२१-१ काकुत्स्थस्य प्रतापाग्निर्दीप्तपिङ्गैर्वलीमुखैः ।
९३२१-२ निर्वाणो राक्षसेन्द्रस्य मन्ये नीलैर्निशाचरैः ॥

९३२२-१ काकुत्स्थेन शिरांसि यानि शतशश्छिन्नानि मायानिधेः पौलस्त्यस्य विमानसीमनि तथा भ्रान्तानि नाकौकसां ।
९३२२-२ तान्येवास्य धनुःश्रमप्रशमनं कुर्वन्ति सीतापतेः क्रीडाचामरडम्बरानुकृतिभिर्लोलायमानै ः कचैः ॥

९३२३-१ का कृता विष्णुना कीदृग्योषितां कः प्रशस्यते ।
९३२३-२ असेव्यः कीदृशः स्वामी को निहन्ता निशातमः ॥

९३२४-१ काके कर्णपुटीकठोरनिनदे पीयूषधारारस- स्यन्दोदञ्चितचारुपञ्चमरुते साधारणे मय्यपि ।
९३२४-२ वन्यां वृत्तिमयं व्यधादिति मुधा वत्स व्यथां मा कृथाः क्व कैवं न कृतं जनेषु निकृतं दुर्मेधसा वेधसा ॥

९३२५-१ काके कार्ष्ण्यमलौकिकं धवलिमा हंसे निसर्गस्थितो गांभीर्ये महदन्तरं वचसि यो भेदः स किं कथ्यते ।
९३२५-२ एतावत्सु विशेषणेष्वपि सखे यत्रेदमालोक्यते के काकाः खलु के च हंसशिशवो देशाय तस्मै नमः ॥

९३२६-१ काके शौचं द्यूतकारेषु सत्यं सर्पे क्षान्तिः स्त्रीषु कामोपशान्तिः ।
९३२६-२ क्लीबे धैर्यं मद्यपे तत्त्वचिन्ता राजा मित्रं केन दृष्टं श्रुतं वा ॥

९३२७-१ काकैः सह विवृद्धस्य कोकिलस्य कला गिरः ।
९३२७-२ खलसङ्गेऽपि नैष्ठुर्यं कल्याणप्रकृतेः कुतः ॥

९३२७आ-१ काकैः सार्द्धं वसन्हंसः क्षोभते चावसीदति ।
९३२७आ-२ गतः क्ॐअल एवाऽसो जिह्मो दुष्टो न काकवत् ॥

९३२८-१ काकैरिमांश्चित्रबर्हान्मयूरान् पराजैष्ठाः पाण्डवान्धार्तराष्ट्रैः ।
९३२८-२ हित्वा सिंहान्क्रोष्टुकान्गूहमानः प्राप्ते काले शोचिता त्वं नरेन्द्र ॥

९३२९-१ काकैर्निष्कुषितं श्वभिः कबलितं वीचीभिरान्दोलितं स्रोतोभिश्चलितं तटान्तमलिनं ग्ॐआयुभिर्लोडितं ।
९३२९-२ दिव्यस्त्रीकरचारुचामरमरुत्संवीज्यमानः कदा द्रक्ष्येऽहं परमेश्वरि त्रिपथगे भागीरथि स्वं वपुः ॥

९३३०-१ काकोदुम्बरिकायां वल्मीको दृश्यते शिरा तस्मिन् ।
९३३०-२ पुरुषत्रये सपादे पश्चिमदिक्स्था न सा वहति ॥

९३३१-१ काकोलः कलकण्ठिका कुवलयं कादम्बिनी कर्दमः कंसारिः कबरी कृपाणलतिका कस्तूरिका कज्जलं ।
९३३१-२ कालिन्दी कषपट्टिका करिघटा कामारिकण्ठस्थली यस्यैते करदा भवन्ति सखि तद्वन्दे विनिद्रं तमः ॥

९३३२-१ का खलेन सह स्पर्धा सज्जनस्याभिमानिनः ।
९३३२-२ भाषणं भीषणं साधु दूषणं यस्य भूषणं ॥

९३३३-१ का गणना विषयवशे पुंसि वराके वराङ्गना स्पृहया ।
९३३३-२ व्याजेन वीक्षमाणा ध्यानधियां स्पृशति सज्ज्ञानं ॥

९३३४-१ काङ्क्षितेनाप्यलब्धेन भोगार्हे नवयौवने ।
९३३४-२ जराजीर्णशरीरस्य भारेणेव धनेन किं ॥

९३३५-१ काचं मणिं काञ्चनमेकसूत्रे मुग्धा निबध्नन्ति किमत्र चित्रं ।
९३३५-२ विचारवान्पणिनिरेकसूत्रे श्वानं युवानं मघवानमाह ॥

९३३६-१ काचः काञ्चनसंसर्गाद्धत्ते मारकतीं द्युतिं ।
९३३६-२ अश्मापि याति देवत्वं महद्भिः सुप्रतिष्ठितः ॥

९३३७-१ काचः काञ्चनसंसर्गाद्धत्ते मारकतीं द्युतिं ।
९३३७-२ तथा सत्संनिधानेन मूर्खो याति प्रवीणतां ॥

९३३७आ-१ काचकामलदोषेण पश्येन्नेत्रे विपर्ययं ।
९३३७आ-२ अभ्याख्यानं वदेज्जिह्वा तत्र रागक उच्यते ॥

९३३८-१ का चक्रे हरिणा

,

धने कृपणधीः कीदृग्

,

भुजंगेऽस्ति किं

,

कीदृक्

,

कुम्भसमुद्भवस्य जठरं

,

कीदृग्यियासुर्वधूः ।
९३३८-२ श्लोकः कीदृगभीप्सितः सुकृतिनां

,

कीदृङ्नभो निर्मलं

,

क्षोणीमाह्वय सर्वगं किमुदितं रात्रौ सरः कीदृशं ॥

९३३९-१ काचाः काञ्चनभूषिताः कति न वा पुष्णन्ति रत्नश्रियं मौलौ वा कति नोद्वहन्त्यपधियस्तानेव रत्नभ्रमात् ।
९३३९-२ अक्ष्णां ये पुनरुन्मृजन्ति तिमिरं यैर्नाम रत्नाकरः सिन्धुस्ते पृथगेव हन्त मणयस्तेष्वप्यभिज्ञाः पृथक् ॥

९३४०-१ काचित्कराभ्यां कुसुमानि नीत्वा दधार शंभोः पदयोः समीपे ।
९३४०-२ विवक्षया मन्मथदुष्प्रवृत्तेः समुत्सृजन्ती विशिखानिवाग्रे ॥

९३४१-१ काचित्कीर्णा रजोभिर्दिवमनुविदधे भिन्नवक्रेन्दुलक्ष्मीर् अश्रीकाः काश्चिदन्तर्दिश इव दधिरे दाहमुद्भ्रान्तसत्त्वाः ।
९३४१-२ म्रेमुर्वात्या इवान्याः प्रतिपदमपरा भूमिवत्कम्पमापुः प्रस्थाने पार्थिवानामशिवमिति पुरोभावि नार्यः शशंसुः ॥

९३४२-१ काचित्कृता कृतिरिति त्वयि सार्पितेति कापि प्रमोदकणिका मम नान्तरङ्गे ।
९३४२-२ मौढ्यं मदीयमिह यद्विदितं ममैव किं त्वम्ब विश्वसिमि दीनशरण्यतां ते ॥

९३४३-१ काचित्तृषार्ता वनिता निदाघे गङ्गां समभ्येत्य सुधासवर्णां ।
९३४३-२ आदाय तद्वारि करद्वयेन विलोकयन्ती न पपौ किमेतत् ॥

९३४३-५ (करकिसलयकान्तिकान्त्या शोणितशङ्कयेति ।)

९३४४-१ काचित्पदैरस्खलितैः सखेलं वान्तीषु शुद्धान्तकरेणुकासु ।
९३४४-२ राजाङ्गनानामकरोदवज्ञां श्रोणीभरे च स्तनगौरवे च ॥

९३४५-१ काचित्पुरा विरहिणी परिवृद्धिहेतोर् यस्यै दिदेश सलिलं नवमालिकायै ।
९३४५-२ सा पुष्पितैव जलमश्रुवशाद्वियोगे तस्यै प्रदाय कथमप्यनृणी बभूव ॥

९३४६-१ काचित्स्वर्णलता तदूर्ध्वममलश्चन्द्रस्तदभ्यन्तरे पद्मे तन्निकटं तिलस्य कुसुमं तत्सन्निधौ पल्लवे ।
९३४६-२ हेम्नः किंचिदधस्तयोश्च कलशौ कान्तौ जगन्मोहनौ स्वस्त्येतत्प्रकरोतु वस्त्रिजगतां किं ब्रह्मकृष्णादिभिः ॥

९३४७-१ काचिद्बलिना क्रान्ता काचिन्न जहाति कामिनं रुचिरं ।
९३४७-२ अन्या पानकगोष्ठ्यां नयति दिनं प्रीतकैः सार्धं ॥

९३४८-१ काचिद्बालकवन्महीतलगता मूलच्छिदाकारणं द्रव्येणार्जनपुष्पितापि विफली काचिच्च जातिप्रभा ।
९३४८-२ काचिच्छ्रीः कदलीव भोगसुभगा सत्पुण्यबीजच्युता सर्वाङ्गे सुभगा रसाललतिकावत्पुण्यबीजाङ्किता ॥

९३४९-१ काचिद्बाला रमणवसतिं प्रेषयन्ती करण्डं दासीहस्तात्सभयमलिखद्व्यालमस्योपरिष्टात् ।
९३४९-२ गौरीकान्तं पवनतनयं चम्पकं चात्र भावं पृच्छत्यार्यो निपुणतिलको मल्लिनाथः कवीन्द्रः ॥

९३५०-१ काचिद्विभूषयति दर्पणसक्तहस्ता बालातपेषु वनिता वदनारविन्दं ।
९३५०-२ दन्तच्छदं प्रियतमेन निपीतसारं दन्ताग्रभिन्नं अवकृष्य निरीक्षते च ॥

९३५१-१ काचिद्वियोगानलतप्तगात्री प्राणान्समाधारयितुं लिलेख ।
९३५१-२ बाह्वोर्भुजङ्गं हृदि राहुबिम्बं नाभौ च कर्पूरमयं महेशं ॥

९३५२-१ काचिद्विलोलनयना रमणे स्वकीये दूरं गते सति मनोभवबाणखिन्ना ।
९३५२-२ त्यक्तं शरीरमचिरान्मलयाद्रिवायुं सौरभ्यशालिनमहो पिबति स्म चित्रं ॥

९३५३-१ काचिद्विहृत्य किल कन्तुककेलिरङ्गाद्भूरेणुरूषिततनुर्निरगान्मृगाक्षी ।
९३५३-२ उत्फुल्लपङ्कजवने सुचिरं चरित्वा किञ्जल्करेणुपरिधूसरितेव लक्ष्मीः ॥

९३५४-१ का चिन्ता मम जीवने यदि हरिर्विश्वंभरो गीयते नो चेदर्भकजीवनाय जननीस्तन्यं कथं निर्ममे ।
९३५४-२ इत्यालोच्य मुहुर्मुहुर्यदुपते लक्ष्मीपते केवलं त्वत्पादाम्बुजसेवनेन सततं कालो मया नीयते ॥

९३५५-१ काचिन्नितम्बार्पितवामहस्ता दोर्लेखया कुञ्चितया नताङ्गी ।
९३५५-२ क्षमापतौ मार्गणमोक्षदक्षं अकल्पयच्चापमिव स्मरस्य ॥

९३५६-१ काचिन्निदेशाज्जरतीजनानां कुलोचितं किंचिदिहालपन्ती ।
९३५६-२ कुञ्जद्रुमालेखनमाचरन्ती संज्ञापितालीभिरभूत्सलज्जा ॥

९३५७-१ काचिन्निवारितबहिर्गमना जनन्या द्रष्टुं हरं भवनजालकमाससाद ।
९३५७-२ तस्या विलोचनमदृश्यत दाशयन्त्र- यत्रोपरुद्धशफरोपमितं क्षणेन ॥

९३५८-१ काचिन्मृगाक्षी प्रियविप्रयोगे गन्तुं निशापारमपारयन्ती ।
९३५८-२ उद्गातुमादाय करेण वीणां एणाङ्कमालोक्य शनैरहासीत् ॥

९३५९-१ काचे मणिर्मणौ काचो येषां बुद्धिः प्रवर्तते ।
९३५९-२ न तेषां संनिधौ भृत्यो नाममात्रोऽपि तिष्ठति ॥

९३६०-१ काचो मणिर्मणिः काचो येषां तेऽन्ये हि देहिनः ।
९३६०-२ सन्ति ते सुधियो येषां काचः काचो मणिर्मणिः ॥

९३६०आ-१ काञ्चनाङ्गि कमनीयकलापौ कञ्चुलीकवचितौ लिकुचौ ते ।
९३६०आ-२ पाणिना ननु वहामि मुहूर्तं देहि मेऽधरमणिं तव दास्यं ॥

९३६१-१ काञ्चिकेन समालोड्य भक्षयेत्प्रातरन्वहं ।
९३६१-२ षण्मासयोगतो हन्ति पलितं वलिभिः सह ।
९३६१-३ दुग्धान्नभोजनासक्तश्चिरंजीवी भवेन्नरः ॥

९३६२-१ काञ्चीं काञ्ची न धत्ते कलयति न दृशा केरली केलितल्पं सिन्दूरं दूर एव क्षिपति करतलन्यस्तमान्ध्री पुरन्ध्री ।
९३६२-२ सौराष्ट्री मार्ष्टि भूयः सपदि नयनयो रक्तयो रक्तिमानं कार्णाटी कर्णिकायां मलिनयति मनो मानसिंहप्रयाणे ॥

९३६२आ-१ काञ्चीकलक्वणितक्ॐअलनाभिकान्ति पारावतध्वनितचित्रितकण्ठपालिं ।
९३६२आ-२ उद्भ्रान्तलोचनचकोरमनङ्गरङ्गं आशास्महे कमपि वारविलासवत्याः ॥

९३६३-१ काञ्ची कांचिदियं चकार जघनन्यस्ता गतेर्मन्दतां गाढं बद्धमिदं च कञ्चुकमदादुच्छ्रूनतां वक्षसः ।
९३६३-२ नेत्रप्रान्तमथाकुलं कलयति श्रोत्रावतंसद्वयं तत्कोऽयं बत मत्प्रसाधनविधौ सख्यैषमस्त्वत्क्रमः ॥

९३६४-१ कान्चीगुणग्रथितकाञ्चनचेलदृश्य- चण्डातपांशुकविभापरभागशोभि ।
९३६४-२ पर्यङ्कमण्डलपरिष्करणं पुरारेर् ध्यायामि ते निखिलमम्ब नितम्बबिभ्बं ॥

९३६५-१ काञ्चीगुणैः काञ्चनरत्नचित्रैर् नो भूषयन्ति प्रमदा नितम्बं ।
९३६५-२ न नूपुरैहंसरुतं भजद्भिः पादाम्बुजान्यम्बुजकान्तिभाञ्जि ॥

९३६६-१ काञ्चीगुणैर्विरचिता जघनेषु लक्ष्मीर् लब्धा स्थितिः स्तनतटेषु च रत्नहारैः ।
९३६६-२ नो भूषिता वयमितीव नितम्बिनीनां कार्श्य निरर्गलमधार्यत मध्यभागैः ॥

९३६७-१ काञ्चीदामकबन्धनं सललिता कर्णोत्पलैस्ताडना हेलालिङ्नविघ्नमाहितरुषा मौनेन निर्भर्त्सनं ।
९३६७-२ किं पूर्वोचितमेतदत्र सहसा विस्मृत्य मन्योर्भरान्- मय्युत्कण्ठमनस्यदर्शनपथं यातास्यहो कोपने ॥

९३६८-१ काञ्चीदाम दृढं विधाय कवरीमाबध्य गाढं गुणैर् वक्षोजादपसार्य हारमसकृद्व्याधूय कर्णोत्पलं ।
९३६८-२ दूरोत्सारितकङ्कणा विधुमुखी सोत्प्रासहासं हठाथ्कण्ठे कस्य करोति हन्त दयिताश्लेषाय दोर्बन्धनं ॥

९३६९-१ काञ्चीदाम निवेशयन्वितनुते वासः श्लथं सुभ्रुवो हारं वक्षसि योजयन्करतलं धत्ते कुचाम्भोरुहे ।
९३६९-२ जल्पंश्चाटुवचोऽधरं धयति यत्प्रेयान्कुतो विस्मयः पांसुं चक्षुषि विक्षिपन्यदि धनं गृह्णासि पाटच्चरः ॥

९३६९आ-१ काञ्चीसीमनि कापि काञ्चनमयी निश्रेणिका राजते तामासाद्य रणोत्सवेन महता केनापि धीर त्वया ।
९३६९आ-२ सद्यः कण्टकशालिना करयुगेनाक्रम्य शैलद्वयं तस्योपान्तनिवासिनश्च शशिनः स्फीता सुधा लप्स्यते ॥

९३७०-१ काञ्च्या गाढतरावबद्धवसनप्रान्ता किमर्थं पुनर् मुग्धाक्षी स्वपितीति तत्परिजनं स्वैरं प्रिये पृच्छति ।
९३७०-२ मातः सुप्तिं अपीह लुम्पति ममेत्यारोपितक्रोधया पर्यस्य स्वपनच्छलेन शयने दत्तोऽवकाशस्तया ॥

९३७१-१ काठिन्यं कुचयोः स्रष्टुं वाञ्छन्त्यः पादपद्मयोः ।
९३७१-२ निन्दन्ति च विधातारं त्वद्घाटीष्वरियोषितः ॥

९३७२-१ काठिन्यं कुचकुम्भयोर्नयनयोश्चाञ्चल्यमेतद्द्वयं भो ब्रह्मन्भवता कथं न पदयोरस्माकमासादितं ।
९३७२-२ इत्थं श्रीनरसिंह ते त्रिभुवनाधीशस्य घाटीभिया कान्तारेषु मिथः पलायनपरा जल्पन्ति वैरिस्त्रियः ॥

९३७३-१ काठिन्यं गिरिषु सदा मृदुता सलिले ध्रुवा प्रभा सूर्ये ।
९३७३-२ वैरमसज्जनहृदये सज्जनहृदये पुनः क्षान्तिः ॥

९३७४-१ काठिन्यमङ्गैर्निखिलैर्निरस्तं स्तनौ कृशाङ्ग्याः शरणं जगाम ।
९३७४-२ अधः पतिष्याव इतीव भीत्या न शक्नुतस्तावपि हातुमेतत् ॥

९३७५-१ काणः कुब्जोऽथ खञ्जः श्रुतिबलविकलो वामनः पङ्गुरन्धः षण्डोऽपि च्छिन्ननासः परिजनरहितो दुर्भगो रोगदेही ।
९३७५-२ दुष्पुत्रो दुष्कलत्रः स्वजनपरिजनैर्निन्दिनो हीनमानः सत्यं यज्जायते तत्स्वकृतमिदमहो चेष्टते जीवलोके ॥

९३७६-१ काणाः कमलपत्राक्षाः कदर्याः कल्पशाखिनः ।
९३७६-२ कातरा विक्रमादित्याः कविदृग्गोचरं गताः ॥

९३७७-१ काणाः कुब्जाश्च षण्डाश्च तथा वृद्धाश्च पङ्गवः ।
९३७७-२ एते चान्तःपुरे नित्यं नियोक्तव्याः क्षमाभृता ॥

९३७८-१ काणाः खञ्जाश्च कुब्जाश्च अतिविद्धाश्च पङ्गुलाः ।
९३७८-२ एतेष्वन्तः पुररक्षायां नियोज्याः पार्थिवेन तु ॥

९३७८आ-१ काणाश्छटाश्च रंडाश्च तथा वृद्धाश्च पङ्गवः ।
९३७८आ-२ एते चान्तःपुरे नित्यं नियोक्तव्याः क्षमाभृता ॥

९३७८भ्-१ काणो निमग्नविषमोन्नतदृष्टिरेकः शक्तो विरागजनने जननातुराणां ।
९३७८भ्-२ यो नैव कस्यचिदुपैति मनःप्रियत्वं आलेख्यकर्म लिखितोऽपि किमु स्वरूपः ॥

९३७९-१ कातरताकेकरित- स्मरलज्जारोषमसृणमधुराक्षी ।
९३७९-२ योक्तुं न मोक्तुमथवा वलतेऽसावर्थलब्धरतिः ॥

९३८०-१ कातर्यं केवला नीतिः शौर्यं श्वापदचेष्टितं ।
९३८०-२ अतः सिद्धिं समेताभ्यां उभाभ्यामन्वियेष सः ॥

९३८१-१ कातर्यं तु न कार्मणं न न परं दम्भो न किं योषितां यच्चित्ता तनुचापलं मधुविधुद्बेषस्तनुत्वं तनोः ।
९३८१-२ अस्माकं सखि पश्य संप्रति तनू र्ॐआपि वक्रायते सद्यः प्रोषित नाथयाभिनवया पान्थस्त्रियो हासिताः ॥

९३८२-१ कातर्यं दुर्विनीतत्वं कार्पण्यमविवेकता ।
९३८२-२ सर्वं मार्जन्ति कवयः शालीनां मुष्टिकिंकराः ॥

९३८३-१ का तव काग्ता कस्ते पुत्रः संसारोऽयमतीव विचित्रः ।
९३८३-२ कस्य त्वं वा कुत आयातस् तत्त्वं चिन्तय तदिदं भ्रातः ॥

९३८४-१ का तारैर्मम गर्जितैरुपरता धाराम्बुभिः का हता का मोहं गमिता वियोगविधुरा का वा कदम्बानिलैः ।
९३८४-२ नीता का च विलोलतां मदकलैः केकारबैर्बर्हिणां इत्थं पान्थगृहेषु पश्यति घनो विद्युत्प्रदीपैरिव ॥

९३८५-१ कात्यायनीकुसुमकामनया किमर्थं कान्तारकुक्षिकुहरं कुतुकाद्गतासि ।
९३८५-२ पश्य स्तनस्तबकयोस्तव कण्टकाङ्कं गोपः सुकण्ठि बत पश्यति जातकोपः ॥

९३८६-१ कात्र श्रीः श्रोणिबिम्बे स्रवदुदरपुरावस्तिखद्वारवाच्ये लक्ष्मीः का कामिनीनां कुचकलशयुगे मांसपिण्डस्वरूपे ।
९३८६-२ का कान्तिर्नेत्रयुग्मे जलकलुषजुषि श्लेष्मरक्तादिपूर्णे का शोभावर्तगर्ते निगदत यदहो मोहिनस्ताः स्तुवन्ति ॥

९३८६आ-१ का त्वं कामिनि जाह्नवी

,

किमिह ते

,

भर्ता हरो नन्वसाव् अम्भस्त्वं किल वेत्सि मन्मथकलां

,

जानात्ययं ते पतिः ।
९३८६आ-२ स्वामिन्सत्यमिदं

,

नहि प्रियतमे सत्यः कुतः कामिनां इत्येवं हरजाह्नवीगिरिसुतासंजल्पितं पातु वः ॥

९३८७-१ का त्वं

,

कुन्तलमल्लकीर्तिर्

,

अहह क्वासि स्थिता

,

न क्वचिथ्सख्यस्तास्तव कुत्र कुत्र वद वाग्लक्ष्मीस्तथा कान्तयः ।
९३८७-२ वाग्याता चतुराननस्य वदनं लक्ष्मीर्मुरारेरुरः कान्तिर्मण्डलमैन्दवं मम पुनर्नाद्यापि विश्रामभूः ॥

९३८८-१ का त्वं पद्मपलाशाक्षि पीतकौशेयवासिनि ।
९३८८-२ द्रुमस्य शाखामालम्ब्य तिष्ठसि त्वमनिन्दते ॥

९३८९-१ का त्वं पुत्रि

,

नरेन्द्र लुब्धकवधूर्

,

हस्ते किमेतत्

,

पलं क्षामं किं

,

सहजं ब्रवीमि नृपते यद्यादराच्छ्रूयते ।
९३८९-२ गायन्ति त्वदरिप्रियाश्रुतटिनीतीरेषु सिद्धाङ्गना गीतान्धा न तृणं चरन्ति हरिणास्तेनामिषं दुर्बलं ॥

९३९०-१ का त्वं

,

माधवदूतिका

,

वदसि किं

,

मानं जहीहि प्रिये धूर्तः सोऽन्यमना

,

मनागपि सखि त्वय्यादरं नोज्झति ।
९३९०-२ इत्यन्योन्यकथारसैः प्रमुदितां राधां सखीवेषवान् नीत्वा कुञ्जगृहं प्रकाशिततनुः स्मेरो हरिः पातु वः ॥

९३९१-१ का त्वं

,

मुक्ति

,

रुपागतास्मि भवती कस्मादकस्मादिह श्रीकृष्णस्मरणेन देव भवतो दासीपदं प्रापिता ।
९३९१-२ दूरे तिष्ठ मनागनागसि कथं कुर्यादनार्यं मयि त्वद्गन्धान्निजनामचन्दनरसालेपस्य लोपो भवेत् ॥

९३९२-१ का त्वं शुभे कस्य परिग्रहो वा किं वा मदभ्यागमकारणं ते ।
९३९२-२ आचक्ष्व मत्वा वशिनां रघूणां मनः परस्त्रीविमुखप्रवृत्ति ॥

९३९३-१ कादम्बिनी कम्बलिका कदम्ब- केदारकान्ताकुचकुट्टिमं च ।
९३९३-२ कस्तूरिका केतकपुष्पगम्धः केकारवः प्रावृषि हर्षमूलं ॥

९३९४-१ कादम्बिनी किमियमालि कदम्बमूले किं वा तमालतरुरेव किमन्धकारः ।
९३९४-२ जानासि नैव सखि गोपकुलाङ्गनानां कौलव्रतव्रततिभङ्गकरः करीन्द्रः ॥

९३९४आ-१ का दीयतां तव रघूद्वह सम्यगाशीर् निष्कण्टकानि विहितानि जगन्ति येन ।
९३९४आ-२ आशास्महे ननु तथापि सह स्ववीरैर् भूकाश्यपोपमसुतद्वितया वधूः स्यात् ॥

९३९५-१ का दुर्दशा कुपितनिर्दयचित्रगुप्त- वित्रासितस्य जगतो यदि देवि न स्याः ।
९३९५-२ त्वं कर्मबन्धनविमोचनधर्मराज- लेखाधिकारपरिशोधनजातपत्री ॥

९३९६-१ का द्यौः

,

किं बलसद्म

,

का वसुमती

,

स्यात्सर्वमेतद्यदि प्रत्यक्षं न भवेत्कदाचिदपि किं ते सर्वसन्दर्शिनः ।
९३९६-२ भ्राम्यन्तः प्रलपन्तु नाम विदितं मण्डूक सम्यक्त्वया मुक्त्वेमं परमं कुकूपमितरत्किं नाम संभाव्यते ॥

९३९७-१ कानने सरिदुद्देशे गिरीणामपि कन्दरे ।
९३९७-२ पश्यन्त्यन्तकसंकाशं त्वामेकं रिपवः पुरः ॥

९३९८-१ का नाम बुद्धिहीनस्य विधेरविदग्धता ।
९३९८आ-२ कूष्माण्डानां न यश्चक्रे तैलमूर्णां च दन्तिनाम्

९३९९-१ कानि स्थानानि दग्धान्यतिशयगहनाः सन्ति के वा प्रदेशाः किं वा शेषं वनस्य स्थितमिति पवनासङ्गविस्पष्टतेजाः ।
९३९९-२ चण्डज्वालावलीढस्फुटिततरुलताग्रन्थिमुक्ताट्टहासो दावाग्निः शुष्कवृक्षे शिखरिणि गहनेऽधिष्ठितः पश्यतीव ॥

९४००-१ कानीनस्तु पितामहः समभवत्पित्रादयो गोलकास् तत्पुत्राश्च युधिष्ठिरप्रभृतयः कुण्डा ह्यमी पाण्डवाः ।
९४००-२ पञ्चानां द्रुपदात्मजा सहचरी युद्धे हता बान्धवा श्रीकृष्णेन कुलं कलङ्कनिचितं नीतं जगद्वन्दितं ॥

९४०१-१ कानीनस्य मुनेः स्वबान्धववधूवैधव्यविध्वंसिनो नप्तारः खलु गोलकस्य तनयाः कुण्डाः स्वयं पाण्डवाः ।
९४०१-२ तेऽमी पञ्च समानयोनिरतयस्तेषां गुणोत्कीर्तनादक्षय्यं सुकृतं भवेदविकलं

,

धर्मस्य सूक्ष्मा गतिः ॥

९४०१आ-१ कान्तं कन्दर्पपुष्पं स्तनतटशशिनं रागवृक्षप्रवालं शय्यायुद्धाभिघातं सुरतरथरणश्रान्तधुर्यप्रत्ॐअद् ।
९४०१आ-२ उन्मेषं विम्रमाणां करजपदमयं गुह्यसम्भोगचिह्नं रागाक्रान्ता वहन्तां जघननिपतितं कर्कशाः स्त्रीकिशोर्यः ॥

९४०२-१ कान्तं खलगिरा काव्यं लभते भूयसीं रुचं ।
९४०२-२ स्पृष्टं च दंष्ट्त्रया हृद्यं यथा हेमविभूषणं ॥

९४०३-१ कान्तं निरीक्ष्य वलयाङ्कितकण्ठदेशं मुक्तास्तया परभिया परुषा न वाचः ।
९४०३-२ दूतीमुखे मृगदृशा स्खलदम्बुपूरा दूरात्परं निदधिरे नयनान्तपाताः ॥

९४०३आ-१ कान्तं रूपं यौवनं चारुलीलं दानं दाक्षिप्यं वाक्च सामोपपन्ना ।
९४०३आ-२ यं प्राप्यैते सद्गुणाः भान्ति सर्वे लोके कामिन्यः का न तस्य प्रसाद्याः ॥

९४०४-१ कान्तं वक्ति कपोतिकाकुलतया नाथान्तकालोऽधुना व्याधोऽधो धृतचापसज्जितशरः श्वेनः परिभ्रामति ।
९४०४-२ इत्थं सत्यहिना स दष्ट इषुणा श्येनोऽपि तेनाहतस् तूर्णं तौ तु यमालयं प्रति गतौ दैवी विचित्रा गतिः ॥

९४०५-१ कान्तं विचिन्त्य सुलभेतरसंप्रयोगां श्रुत्वा विदर्भपतिमानमितं बलैश्च ।
९४०५-२ धाराभिरातप इवाभिहतं सरोजं दुःखायते च हृदयं सुखमश्नुते च ॥

९४०६-१ कान्तं विना नदीतीरं मदमालोक्य केकिनी ।
९४०६-२ अत्र क्रियापदं गुप्तं यो जानाति स पण्डितः ॥

९४०७-१ कान्तं वीक्ष्य विपक्षपक्ष्मलदृशः पादाम्बुजालक्तकैर् आलिप्ताननमानतीकृतमुखी चित्रार्पितेवाभवत् ।
९४०७-२ रूक्षं नोक्तवती न वा कृतवती निःश्वासकोष्णे दृशौ प्रातर्मङ्गलमङ्गना करतलादादर्शमादर्शयत् ॥

९४०८-१ कान्तः कटाक्षपातेन भ्रामयन्नयनद्वयं ।
९४०८-२ सुगन्धिमारुतो तात शृङ्गाररससेवितः ॥

९४०९-१ कान्तः करं स्पृशति जल्पति चाटुवाचं आलोकते मुखमपाकुरुते दुकूलं ।
९४०९-२ इत्येव केवलमनङ्ग विलासभीता स्वप्नेऽपि पश्यति नवोढसरोरुहाक्षी ॥

९४१०-१ कान्तः कुचादेककरेण वेणीं एणीदृशः कर्षति कौतुकेन ।
९४१०-२ अन्याङ्गनासङ्गमशुद्धिहेतोः श्यामां भुजङ्गीमिव हेमकुम्भात् ॥

९४११-१ कान्तः कृतान्तचरितः कुटिला तदम्बा वज्रोपमानि वचनानि च दुर्जनानां ।
९४११-२ प्रत्यङ्गमन्तरतनोः प्रहरन्ति बाणाः प्राणाः पुनः सखि बहिर्न खलु प्रयान्ति ॥

९४१२-१ कान्तः पदेन हत इति सरलामपराध्य किं प्रसादयथ ।
९४१२-२ सोऽप्येवमेव सुलभः पदप्रहारः प्रसादः किं ॥

९४१३-१ कान्तः पुत्रि हठाद्गतश्चरणयोर्न त्वं निपत्य स्थिता बद्धो मेखलयानया रतिरहः सख्या न वा फूत्कृतं ।
९४१३-२ का लज्जा मुषितासि किं प्रकटितैरेभिर्विलक्षस्मितैर् आः पापे विरहानलस्य न शिखा जानासि मर्मच्छिदः ॥

९४१४-१ कान्तदूत्य इव कुङ्कुमताम्राः सायमण्डलमभित्वरयन्त्यः ।
९४१४-२ सादरं ददृशिरे वनिताभिः सौधजालपतिता रविभासः ॥

९४१५-१ कान्तप्रकर्षं दशनच्छदेन सन्ध्याघने बद्धपदं हरन्त्याः ।
९४१५-२ तस्या गृहोद्यानसरोगतस्य हस्तस्य एवाम्बुरुहस्य रागः ॥

९४१६-१ कान्तर्मूर्ध्नि दधती विधित्सया तन्मणेः श्रवणपूरमुत्पलं ।
९४१६-२ रन्तुमर्चनमिवाचरत्पुरः सा स्ववल्लभतनो मनोभुवः ॥

९४१७-१ कान्तया कान्तसंयोगे किमकारि नवोढया ।
९४१७-२ अत्रापि चोत्तरं वक्तुं अवधिर्ब्रह्मणो वयः ॥

९४१८-१ कान्तयानुगतः कोऽयं पीनस्कन्धो मदोद्धतः ।
९४१८-२ मृगाणां पृष्ठतो याति शम्बरो रूढयौवनः ॥

९४१९-१ कान्तया सपदि कोऽप्युपगूढः प्रौढपाणिरपनेतुमियेष ।
९४१९-२ संहतस्तनतिरस्कृतदृष्टिर् भ्रष्टमेव न दुकूलमपश्यत् ॥

९४२०-१ कान्तवेश्म बहु संदिशतीभिर् यातमेव रतये रमणीभिः ।
९४२०-२ मन्मथेन परिलुप्तमतीनां प्रायशः स्खलितमप्युपकारि ॥

९४२१-१ कान्तसंगमपराजितमन्यौ वारुणीरसनशान्तविवादे ।
९४२१-२ मानिनीजन उपाहितसंधौ संदधे धनुषि नेषुमनङ्गः ॥

९४२२-१ कान्तस्ते कमलाभिरामनयने कल्पे हि देशान्तरं गन्तेति श्रुतमद्य लोकवचनात्तथ्यं किमेतद्वचः ।
९४२२-२ पृष्टा सेति मया दयाधननिधे प्रोवाच दीनानना यत्तद्वक्तुमपि क्षमा न रसना मे जायते साम्प्रतं ॥

९४२३-१ कान्तां कामपि कामयत्यनुदिनं ध्यानापदेशादयं येनामुं मुनयोऽप्यनादिनिधनं ध्यायन्ति धौतस्पृहाः ।
९४२३-२ इत्यङ्कात्स्वकरे हृते गिरिजया पादे च पद्मासनाद्विश्वं पातु पुरन्ध्रिनद्धवपुषः शम्भोः समाधिव्ययः ॥

९४२४-१ कान्तां क्वापि विलम्बिनीं कलरुतैराहूय भूयस्ततो दिग्भागानवलोक्य रङ्गवसुधामुत्सृज्य पद्भ्यां ततः ।
९४२४-२ एष स्फारमृदङ्गनादमधुरैरम्भ्ॐउचामारवैर् बर्हश्रेणिकृतातपत्ररचनो हृष्टः शिखी नृत्यति ॥

९४२५-१ कान्तां दृष्ट्वा चरणयुगलक्षालनाय प्रवृत्तां अस्मिन्राष्ट्रे श्रियमिति वचः पापठीति प्रयत्नात् ।
९४२५-२ देवस्य त्वेति च पुनरसौ वीटिकायाः प्रदाने जामाता ते जडमतिरयं छान्दसः किं कर्ॐइ ॥

९४२६-१ कान्तां हित्वा विरहविधुरारम्भखेदालसाङ्गीं मामुल्लङ्घ्य व्रजतु पथिकः कोऽपि यद्यस्ति शक्तिः ।
९४२६-२ इत्याशोकी जगति सकले वल्लरी चोरिकेव प्राप्तारम्मे कुसुमसमये कामदेवेन दत्ता ॥

९४२७-१ कान्ताः किं न शशाङ्ककान्तिधवलाः सौधालयाः कस्यचिथ्काञ्चीदामविराजितोरुजघना सेव्या न किं कामिनी ।
९४२७-२ किं वा श्रोत्ररसायनं सुखकरं श्रव्यं न गीतादिकं विश्वं किन्तु विलोक्य मारुतचलं सन्तस्तपः कुर्वते ॥

९४२७आ-१ कान्ताकटाक्षवपुषे नमः कुसुमधन्वने ।
९४२७आ-२ जायते येन सच्छायो विरसोऽपि भवद्रुमः ॥

९४२८-१ कान्ताकटाक्षविशिखा न खनन्ति यस्य चित्तं न निर्दहति कोपकृशानुतापः ।
९४२८-२ कर्षन्ति भूरिविषयाश्च न लोभपाशा लोकत्रयं जयति कृत्स्नमिदं स धीरः ॥

९४२९-१ कान्ता कर्षणलोलकेरलवधूधम्मिल्लमल्लीरजश्- चौराश्चोडनितम्बिनीस्तनतटे निष्पन्दतामागताः ।
९४२९-२ रेवाशीकरधारिणोऽन्ध्रमुरलस्त्रीमानमुद्राभि दो वाता वान्ति नवीनकोकिलवघूहूंकारवाचालिताः ॥

९४३०-१ कान्ताकेलिं कलयतु तरुः कोऽपि कश्चित्प्रभूणां अत्यानन्दं जनयतु फलैः कोऽपि लोकान्धिनोतु ।
९४३०-२ धन्यं मन्ये मलयजमहो यः प्रभूतोपतापं संसारस्य द्रुतमपनयत्यात्मदेहव्ययेन ॥

९४३१-१ कान्ताकेलिमयोपि भूतकरुणाशान्तोऽप्यसौ संयमी क्रीडारूढसमाधिभङ्गविकटभ्रूभङ्गभीमाननः ।
९४३१-२ दृष्ट्वाकृष्टशरासनं यदकरोत्क्रुद्धः पिनाकी स्मरं त्वामप्यद्य दृशा तदेव कुरुते क्रोधादयं कौशिकः ॥

९४३२-१ कान्ता चन्द्रोदयो वीणापञ्चमध्वनिरित्यमी ।
९४३२-२ ये नन्दयन्ति सुखितान्दुःखितान्व्यथयन्ति ते ॥

९४३३-१ कान्ताजनं सुरतखेदनिमीलिताक्षं संवाहितुं समुपयानिव मन्दमन्दं ।
९४३३-२ हर्म्येषु माल्यमदिरापरिभोगगन्धान् आविश्चकार रजनीपरिवृत्तिवायुः ॥

९४३४-१ कान्ताजनेन रहसि प्रसभं गृहीत- केशे रते स्मरसहासवतोषितेन ।
९४३४-२ प्रेम्णा मनस्सु रजनीष्वपि हैमनीषु के शेरते स्म रसहासवतोषितेन ॥

९४३५-१ कान्ता ददाति मदनं मदनः संतापमसममनुपशयं ।
९४३५-२ संतापो मरणमहो तथापि शरणं नृणां सैव ॥

९४३५आ-१ कान्ताधरसुधास्वादाद्यूनं यज्जायते सुखं ।
९४३५आ-२ बिन्दुः पार्श्वे तदध्यात्मशास्त्रास्वादसुखोदधेः ॥

९४३६-१ कान्ताधरासवनिपानमुपास्य धीमान् पीयूषपानकृतये न रुचिं प्रयाति ।
९४३६-२ तत्रास्ति चेन्मधुरिमा बत कोऽपि सत्यं किं नाम तात तृषिटाः क्षुधिताः पुनः स्युः ॥

९४३७-१ कान्तानवाधररसामृततृष्णयेव बिम्बं पपात शशिनो मधुभाजने यत् ।
९४३७-२ निःशेषिते मधुनि लज्जितचित्तवृत्ति तत्तन्मुखाब्जजितकान्तितया विनष्टं ॥

९४३८-१ कान्तानां कुवलयमप्यपास्तमक्ष्णोः शोभाभिर्न मुखरुचाहमेकमेव ।
९४३८-२ संहर्षादलिविरुतैरितीव गायंल् लोलोर्मौ पयसि महोत्पलं ननर्त ॥

९४३९-१ कान्तानां कृतपुलकः स्तनाङ्गरागे वक्त्रेषु च्युततिलकेषु मौक्तिकाम्भः ।
९४३९-२ संपेदे श्रमसलिलोद्गमो विभूषां रम्याणां विकृतिरपि श्रियं तनोति ॥

९४४०-१ कान्तानां वदनेन्दुकान्तिमधुना धत्ते सुधादीधितिः खेलत्खञ्जनपङ्क्तयो मृगदृशां तन्वन्ति नेत्रश्रियं ।
९४४०-२ पद्मानि श्वसितस्य सौरभमभिद्रुह्यन्ति वामभ्रुवां अभ्यस्यन्ति च राजहंसवनिताः पीनस्तनीनां गतिं ॥

९४४१-१ कान्तानुरागचतुरोऽसि मनोहरोऽसि नाथोऽसि किं च नवयौवनभूषितोऽसि ।
९४४१-२ इत्थं निगद्य सुदृशा वदने प्रियस्य निश्वस्य बाष्पलुलिता निहिता दृगन्ताः ॥

९४४१आ-१ कान्तानेत्रार्धपाता वदनरुचिकराः सस्मिता भ्रूविलासाः साकारा वाक्यलेशाः सहतलनिनदा दृष्टनष्टाश्च हासाः ।
९४४१आ-२ नाभीकक्षस्तनानां विवरणमसकृत्स्पर्शनं मेखलानां श्वासायासाश्च दीर्घां मदनशरहतां कामिनीं सूचयन्ति ॥

९४४१भ्-१ कान्तान्यर्धनिरीक्षितानि मधुरा हासोपदंशाः कथाः पीनश्रोणिनिरुद्धशेषमतुलस्पर्शं तदर्धांसनं ।
९४४१भ्-२ स्नेहव्यक्तिकरान्करव्यतिकरांस्तांस्तांश्च रम्यान्गुणान् वेश्याभ्यः प्रणयादृतेऽपि लभते ज्ञातोपचारो जनः ॥

९४४१

C-

१ कान्ताप्रीतिपरानुजो विनयवान्हृन्नन्दनो नन्दनो भाग्यं स्वर्ललनोपभोग्यममला लक्ष्मीः सुखं निस्तुषं ।
९४४१

C-

२ पूजा राजकुले यशोऽतिविशदं गोष्ठी समं कोविदैर् दानेऽतिव्यसनं रतिर्जिनमते स्यात्कस्यचित्पुण्यतः ॥

९४४२-१ कान्तामुखं सुरतकेलिविमर्दखेद- संजातघर्मकणविच्छुरितं रतान्ते ।
९४४२-२ आपाण्डुरं तरलतारनिमीलिताक्षं संस्मृत्य हे हृदय किं शतधा न यासि ॥

९४४३-१ कान्तामुखद्युतिजुषामपि चोद्गतानां शोभां परां कुरवकद्रुममञ्जरीणां ।
९४४३-२ दृष्ट्वा प्रिये सहृदयस्य भवेन्न कस्य कन्दर्पबाणपतनव्यथितं हि चेतः ॥

९४४४-१ कान्तामुखास्वादपराङ्मुखा यथ्पान्थाः शशाङ्कस्य करैर्विमृष्टाः ।
९४४४-२ सुदुःसहं तापमिमे प्रयान्ति मन्ये ततौ नैव सुधेतरत्र ॥

९४४५-१ कान्तायाः करजैः कपोलफलके पत्रावली कल्पिता केलिद्यूतपणीकृतो विहरता पीतः स बिम्बाधरः ।
९४४५-२ स्वेदार्द्रीकृतचन्दनस्तनतटी सानन्दमालिङ्गिता निर्विष्टा विषयाः शिवात्ममहसि न्यस्तं मनः संप्रति ॥

९४४६-१ कान्ताया विकसद्विलासहसितस्वच्छांशवश्चामरं संसक्तावभिषेकहेमकलशौ यच्चन्दनाङ्कौ स्तनौ ।
९४४६-२ यत्कार्तस्वरकान्ति चारु जघनं सिंहासनं भूभुजां साम्राज्यं तदिदं जयाजयमयः शेषस्तु चिन्तामयः ॥

९४४७-१ कान्तारं न यथेतरो ज्वलयितुं दक्षो दवाग्निं विना दावाग्निं न यथा परः शमयितुं शक्तो विनाम्भोधरं ।
९४४७-२ निष्णातः पवनं विना निरसितुं नान्यो यथाम्भोधरं कर्मौघं सुकृतं विना किमपरं हन्तुं समर्थं तथा ॥

९४४८-१ कान्तारं परितो ज्वलत्यतिबले दावानले दैवतो ग्ॐआयोर्गहनां गुहां परिपतन्दर्पोद्धुरः केसरी ।
९४४८-२ यद्व्यापादयति स्म तं न कृपया तेनैष तस्मिन्वने सिंहानामभयप्रदोऽहमधुनेत्युत्पुच्छमुद्धावति ॥

९४४९-१ कान्तारः समराख्यश्च वैकुण्ठो वाञ्छितस्तथा ।
९४४९-२ विशालश्च तथा नन्दः षोढाः निःसारुको भवेत् ॥

९४५०-१ कान्तारपादपानां यथा फलं मानुषैरननुभोग्यं ।
९४५०-२ एवमनार्येष्वर्थाः मनसाऽप्यार्यैरननुभोग्याः ॥

९४५१-१ कान्तारभूमिरुहमौलिनिवासशीलाः प्रायः पलायनपरा जनवीक्षणेन ।
९४५१-२ कूजन्ति तेऽपि हि शुकाः खलु रामनाम सङ्गः स्वभावपरिवर्तविधौ निदानं ॥

९४५२-१ कान्तारवनदुर्गेषु कृच्छ्रास्वापत्सु संभ्रमे ।
९४५२-२ उद्यतेषु च शस्त्रेषु नास्ति सत्त्ववतां भयं ॥

९४५३-१ कान्ता रुचिं मुनिजनस्तरुणोऽवियोगी कामश्च रत्नमणिरुज्ज्वलकङ्कणेन ।
९४५३-२ धत्ते पयोधरयुगे कुचभूषणेन हारे हरे हिमकरे मकरे करे च ॥

९४५४-१ कान्तारे घनतिमिरे भुजंगमेभ्यो नो भीता न च गणिता महापगापि ।
९४५४-२ किं बाले वहसि भयं मदङ्गसंगाथ्विक्रीते करिणि किमङ्कुशे विवादः ॥

९४५५-१ कान्तारे जलवृक्षवैरिणि मुहुस्त्वद्वैरिवामभ्रुवो बालैराकुललोचनैः प्रतिपदं रुद्धक्रमाश्चङ्क्रमे ।
९४५५-२ पृथ्वीचण्डरुचे पटच्चरदशासंघट्टदीप्तप्रभं सिञ्चन्त्यञ्जलिसञ्चिताश्रुभिरलं युष्मत्प्रतापानलं ॥

९४५६-१ कान्तारे दैवगत्या कथमपि गलितान्यन्तरालोक्य भक्ष्याण्य् उड्डीयोड्डीय भूयस्तरुशिखरशिखामेव तेभ्यः श्रयन्ते ।
९४५६-२ इत्थं त्वद्वैरिनारी गिरिषु नरपते जम्बुलम्बीकदम्ब- भ्रान्त्या भर्तुर्बुभुक्षोः कथयति पुरतश्चेष्टितं षट्पदानां ॥

९४५७-१ कान्तारेषु करावलम्बिशिशवः पादैः स्रवल्लोहितैर् अर्चन्त्यः पदवीं विलोचनजलैरावेदयन्त्यः शुचं ।
९४५७-२ दृष्टाः पान्थजनैर्विवृत्य सकृपं हाशब्दगर्भैर्मुखैर् यन्त्यह्ना सकलेन योजनतुरीयांशं तवारिस्त्रियः ॥

९४५८-१ कान्तारेषु च काननेषु च सरित्तीरेषु च क्ष्माभृतां उत्सङ्गेषु च पत्तनेषु च सरिद्भर्तुस्तटान्तेषु च ।
९४५८-२ भ्रान्ताः केतकगर्भपल्लवरुचः श्रान्ता इव क्ष्मापते कान्ते नन्दनकन्दलीपरिसरे रोहन्ति ते कीर्तयः ॥

९४५९-१ कान्तारेष्वपि विश्रामो नरस्याध्वनिकस्य वै ।
९४५९-२ यः सदारः स विश्वास्यस्तस्माद्दाराः परा गतिः ॥

९४६०-१ कान्तावियोगः स्वजनापमानं ऋणस्य शेषं कुनृपस्य सेवा ।
९४६०-२ दारिद्र्यभावाद्विमुखं च मित्रं विनाग्निना पञ्च दहन्ति कायं ॥

९४६१-१ कान्ताश्लेषपराङ्मुखं यदि दहेद्दोषाकरः कंचन स्थाने तर्हि यतः स हन्त विधिना हन्तुं व्यधायीदृशान् ।
९४६१-२ कष्टं यत्पुनरेष चन्दनभुवो लब्धप्रभावोऽभितः स्वर्णद्याद्यवगाहको मरुदयं दग्धं प्रचण्डोज्वलं ॥

९४६२-१ कान्तासुहृद्गुणकथाश्रवणोत्सुकस्य रम्या विनिद्रनयनस्य गता ममासौ ।
९४६२-२ सर्वेन्द्रियार्थजनितानि हि सेव्यमाना दीर्घा स्ववृत्तिरिव हन्ति सुखानि निद्रा ॥

९४६३-१ कान्तिं कुङ्कुमकेशरान्मधुरतां द्राक्षारसस्यासवाद्वैदर्भीपरिपाकपूतवचसः काव्यात्कवेर्मार्दवं ।
९४६३-२ पार्श्वादेव जरातुरेण विधिना तं तं गृहीत्वा गुणं सृष्टा हन्त हरन्ति कस्य न मनः कश्मीरवामभ्रुवः ॥

९४६४-१ कान्तिं केतककोरकद्युतिसखीं राकामृगाङ्कस्य यछ्चञ्चच्चञ्चु चुलुम्पति प्रतिदिनं प्रेम्णा चकोरार्भकः ।
९४६४-२ तन्मन्ये नयनामृतं रतिपतेर्मृत्युञ्जयेनार्थिना तेनेदं रमणीकपोलफलके लावण्यमालोकितं ॥

९४६५-१ कान्तिकल्लोलवलितां नयनामृतवाहिनीं ।
९४६५-२ भजमानं स्वयं सुभ्रु कस्त्वां न बहु मन्यते ॥

९४६५आ-१ कान्तिप्रकर्षं दशनच्छदेन सन्ध्याघने बद्धपदं हरन्त्याः ।
९४६५आ-२ तस्या गृहोद्यानसरोगतस्य हस्तस्य एवाम्बुरुहस्य रागः ॥

९४६६-१ कान्तिमयादतिविमलादविरतविश्वोपकारगतकालात् ।
९४६६-२ सुदशान्महतोतिमहान् प्रसरति दीपान्प्रदीप इव ॥

९४६७-१ कान्तिर्यस्य विनिद्रनीलनलिनच्छायासखी सुभ्रुवां यत्पङ्केऽपि मुदोऽस्ति यस्य सुरभिः कासां रसोऽगोचरः ।
९४६७-२ अङ्गारार्थितया जनेरतिजडैरुड्डामरैः पामरैः पश्यैष प्रगुणैर्गुणैरपि गुरुर्दग्धः स कालागुरुः ॥

९४६८-१ कान्तिर्यस्य शरन्निशाकरकलालावण्यसंवादिनी तं विक्रेतुमिहासि यासि किमहो हारं विहारं श्रियः ।
९४६८-२ एतां पश्य पुरः पुलिन्दनगरीं भूपाः कुरङ्गीदृशां यत्रैता गलकन्दले च कुचयोरङ्के च गुञ्जास्रजः ॥

९४६९-१ कान्तिर्लोचनवर्तिरद्भुतमयी मूर्तिर्महत्सौरभं निःष्यन्दोऽथ सुधाकरादपि सुधास्यन्दादपि ह्लादकः ।
९४६९-२ सर्वोऽयं विरलो जगत्यपि गुणग्रामोऽभिरामो हहा पश्योत्तंसभुजंगसंगमजुषः श्रीखण्ड ते खण्डितः ॥

९४६९आ-१ कान्तिश्चन्द्रमसो मृगस्य नयने बाहू मृणालस्य ते हंसानां गमनं सरोजवदने हेम्नो घटौ ते कुचौ ।
९४६९आ-२ एतत्ते परकीयवस्तु सकलं नमैकमात्रं तव मानं मा कुरु मानिनि प्रियतमे रूपाभिमानं प्रति ॥

९४७०-१ कान्तिश्रिया निर्जितपद्मरागं मनोज्ञगन्धं द्वयमेव शस्तं ।
९४७०-२ नवप्रबुद्धं जलजं जलेषु स्थलेषु तस्या वदनारविन्दं ॥

९४७०आ-१ कान्तिस्ते कनकाचलप्रतिनिधिः कान्ताकुचस्पर्धि ते सौभाग्यं क्षितिपालदर्शनविधौ त्वत्पूर्वकं दर्शनं ।
९४७०आ-२ सौरभ्यं सकलातिशायि भवतो जम्बिर किं ब्रूमहे कर्पूरप्रतिकूलता यदि न ते त्वय्येव सर्वे गुणाः ॥

९४७१-१ कान्तिस्ते यदि निर्मला यदि गुणा लक्ष्मीर्यदि स्थायिनी मा गाः पद्म मदं तथापि गलिता ह्येते शरद्वासराः ।
९४७१-२ संस्पर्शेन तुषारवारिपृषतामालूनमूर्तेः सरो- मध्येऽत्रैव वराटकेन भवतः स्थेयं पुनः केवलं ॥

९४७२-१ कान्ते कत्यपि वासराणि गमय त्वं मीलयित्वा दृशौ स्वस्ति स्वस्ति निमीलयामि नयने यावन्न शून्या दिशः ।
९४७२-२ आयाता वयं आगमिष्यति सुहृद्वर्गस्य भाग्योदयैः सन्देशो वद कस्तवाभिलषितस्तीर्थेषु तोयाञ्जलिः ॥

९४७३-१ कान्ते कथंचित्कथितप्रयाणे क्षणं विनम्रा विरहार्दिताङ्गी ।
९४७३-२ ततस्तमालोक्य कदागतोऽसीत्य् आलिङ्ग्य मुग्धा मुदमाससाद ॥

९४७४-१ कान्ते कनकजम्बीरं करे किमपि कुर्वति ।
९४७४-२ आगारलिखिते भानौ बिन्दुमिन्दुमुखी ददौ ॥

९४७५-१ कान्ते कलितचोलान्ते दीपे वैरिणि दीप्यति ।
९४७५-२ आसीदसितपद्माक्ष्याः पक्षो नयनमुद्रणं ॥

९४७६-१ कान्ते काञ्चुलिकावलोकिनि कलावत्या नमन्त्या स्थितं तस्मिन्क्ॐअलकाकुभाषिणि तया स्पन्दी निरुद्धोऽधरः ।
९४७६-२ उत्थायाथ करस्पृशि प्रियतमे यूनोर्नवे संगमे काञ्चीकूजितकैतवेन मदनो द्यौःशान्तिमभ्यस्यति ॥

९४७६आ-१ कान्ते कथय कथं वा गच्छसि पानीयशालिकामेका ।
९४७६आ-२ अङ्गमनङ्गं नितरां अङ्कुरयति पङ्कजाक्षि वयोऽपि तव ॥

९४७७-१ कान्ते किं कुपितासि

,

कः परजने प्राणेश कोपो भवेथ्कोऽयं सुभ्रु पर

,

स्त्वमेव

,

दयिते दासोऽस्मि किं ते परः ।
९४७७-२ इत्युक्त्वा प्रणतः प्रियः क्षितितलादुत्थाप्य सानन्दया नेत्राम्भःकणिकाङ्किते स्तनतटे तन्व्या समारोपितः ॥

९४७८-१ कान्ते कुटिलमालोक्य कर्णकण्डूयनेन किं ।
९४७८-२ कामं कथय कल्याणि किङ्करः करवाणि यत् ॥

९४७९-१ कान्ते गृहाण त्वमिमां स्वमालां अकारणं किं कलहं करोषि ।
९४७९-२ यत्पूर्वपादं मनुषेऽत्र शुद्धं तत्तथ्यमेवास्ति न चेदिदं स्यात् ॥

९४८०-१ कान्ते घोरकृतान्तवक्रकुहरात्त्वं पुण्यपुञ्जेन मे मुक्ता कृन्त तदर्जनश्रमभरं प्रत्यङ्गमालिङ्ग्य मां ।
९४८०-२ इत्याकर्ण्य निमीलितार्धनयनं स्मेरं शनैरानतं सोल्लासं वदनाम्बुजं मृगदृशः स्वैरं चुचुम्ब प्रियः ॥

९४८१-१ कान्ते जग्मुषि ताम्रचूडरटितं श्रुत्वा प्रबुद्धा जवाथ्किंचिद्वासवदिङ्मुखं प्रविकसद्दृष्ट्वा गवाक्षाध्वना ।
९४८१-२ संत्रासेन समीरिता प्रियतमप्रेम्णावरुद्धा शनैर् उत्थानोपनिवेशनानि कुरुते तल्पे मुहुः पांसुला ॥

९४८२-१ कान्ते तथा कथमपि प्रथितं मृगाक्ष्या चातुर्यमुद्धतमनोभवया रतेषु ।
९४८२-२ तत्कूजितान्यनुवदद्भिरनेकवारं शिष्यायितं गृहकपोतशतैर्यथा स्यात् ॥

९४८३-१ कान्ते तल्पमुपागते विगलिता नीवी स्वयं तत्क्षणाथ्तद्वासः श्लथमेखलागुणधृतं किंचिन्नितम्बे स्थितं ।
९४८३-२ एतावत्सखि वेद्मि केवलमहं तस्याङ्गसङ्गे पुनः कोऽसौ कास्मि रतं तु किं कथमिति स्वल्पापि मे न स्मृतिः ॥

९४८४-१ कान्तेत्युत्पललोचनेति विपुलश्रोणीभरेत्युन्नमत्- पीनोत्तुङ्गपयोधरेति सुमुखाम्भोजेति सुभ्रूरिति ।
९४८४-२ दृष्ट्वा माद्यति मोदतेऽभिरमते प्रस्तौति विद्वानपि प्रत्यक्षाशुचिपुत्रिकां स्त्रियमहो मोहस्य दुश्चेष्टितं ॥

९४८४आ-१ कान्ते त्वत्कुचचूचुकौ तदुपरि स्मेरा च हारावली तद्वक्त्रं तरुणाङ्गि बिम्बितमनुच्छायालताश्यामतां ।
९४८४आ-२ त्वं सर्वाङ्गमनोरमे त्रिजगतां बध्नासि दृष्ट्या मनो जम्बूवज्जलबिन्दुवज्जलजवज्जम्बालवज्जालवत् ॥

९४८५-१ कान्ते त्वन्नेत्रकान्तं पुरु कमलवनं त्वन्मुखस्योपमेयश्चन्द्रः प्रत्यक्षसिद्धः पिककुलमपि च त्वत्स्वरस्यानुकारि ।
९४८५-२ रम्भाकाण्डस्त्वदूरुच्छविरपि सुलभः कम्बवश्च त्वदीयाः कण्ठाकारा शिखण्डास्तव कचसदृशास्तत्कथं तेऽसमत्वं ॥

९४८६-१ कान्ते धावय मे पादाविति भर्त्रा निवेदिता ।
९४८६-२ न तया धावितौ पादौ भर्तुराज्ञा न लङ्घिता ॥

९४८७-१ कान्तेन प्रहितो नवः प्रियसखीवर्गेण बद्धस्पृहश्चित्तेनोपहृतः स्मराय न समुत्स्रष्टुं गतः पाणिना ।
९४८७-२ आमृष्टो मुहुरीक्षितो मुहरभिघ्रातो मुहुर्लोठितः प्रत्यङ्गं च मुहुः कृतो मृगदृशा किं किं न चूताङ्कुरः ॥

९४८८-१ कान्ते नितान्तं दयिताकुचान्त- चोलाञ्चलं कर्षति हर्षमुग्धे ।
९४८८-२ बभार बाला नमितास्यहास्य- लेशापदेशादपरं निचोलं ॥

९४८९-१ कान्ते नितान्तमेतैर् वचनै रुषितेव लक्ष्यते भवती ।
९४८९-२ क इवोष्यते न वचनैर् उक्तैरागांस्यपह्नोतुं ॥

९४८९आ-१ कान्ते कृतागसि पुरः परिवर्तमाने सख्यं सरोजशशिनोः सहसा बभूव ।
९४८९आ-२ रोषाक्षरं सुदृशि वक्तुमपारयन्त्यां इन्दीवरद्वयमवाप तुषारधारां ॥

९४८९भ्-१ कान्ते पश्यति सानुरागमबला साचीकरोत्याननं तस्मिन्कामकलाकलापकुशले व्यावृत्तवक्त्रे किल ।
९४८९भ्-२ पश्यन्ती मुहुरन्तरङ्गमदना दोलायमानेक्षणा लज्जामन्मथमध्यगापि नितरां तस्याभवत्प्रीतये ॥

९४९०-१ कान्ते यामि

,

क्व

,

देशान्तर

,

मपि शयना

,

न्नेति

,

किं सद्मनोऽपि क्वैतावन्मात्र

,

माः किं कथयसि नगरा

,

न्न प्रिये निर्वृतोऽपि ।
९४९०-२ इत्याकर्ण्योक्तवस्तुक्रमघनघनहृद्वेदना वेद नाहं काहं कुत्रास्मि कोऽयं बत हतसमयोऽप्यस्मि वा नास्मि वेति ॥

९४९१-१ कान्ते विचित्रसुरतक्रमबद्धरागे सङ्केतकेऽपि मृगशाबदृशा रसेन ।
९४९१-२ तत्कूजितं किमपि येन तदीयतल्पं नाल्पैः परीतमनुकूजितलावकौघैः ॥

९४९२-१ कान्ते विलासिनि कलावति पद्मनेत्रे नित्यं त्वयि प्रियतमे रमते मनो मे ।
९४९२-२ इत्थं भवन्तमुरुभावनया वदन्तं श्रीकृष्ण मां बुधजना अपि हा हसन्ति ॥

९४९३-१ कान्ते सागसि कञ्चुकस्पृशि तया साचीकृतग्रीवया मुक्ताः कोपकषायमन्मथशरत्क्रूराः कटाक्षाङ्कुराः ।
९४९३-२ साकूतं दरहासकेसरवच्ॐआध्वीकधारालसा प्रीतिः कल्पलतेव काचन महादानीकृता सुभ्रुवा ॥

९४९३आ-१ कान्ते सागसि काचिदन्तिकगते निर्भर्त्स्य रोषारुणैर् भ्रूभङ्गीकृटिलैरपाङ्गवलनैरालोकमाना मुहुः ।
९४९३आ-२ बध्वा मेखलया सपत्नरमणीपादाब्जलाक्षाङ्कितं लीलानीलसरोरुहेण निटिलं हन्ति स्म रोषाकुला ॥

९४९४-१ कान्ते सागसि यापिते प्रियसखीवेषं विधायागते भ्रान्त्यालिङ्ग्य मया रहस्यमुदितं तत्संगमाकाङ्क्षया ।
९४९४-२ मुग्धे दुष्करमेतदित्यतितरामुक्त्वा सहासं बलादालिङ्ग्य च्छलितास्मि तेन कितवेनाद्य प्रदोषागमे ॥

९४९५-१ कान्ते स्नेहनिधौ समीयुषि मधौ जित्वा श्रियं शैशिरीं विश्लेषादिव तस्य पाण्डिमभृतामालीलतानामियं ।
९४९५-२ कर्तुं नूतनचित्रपत्ररचनां किं काननश्रीरिमां प्राचीनां पवनाञ्चलेन परितः पत्रावलीं लुम्पति ॥

९४९६-१ कान्ते हन्त सुक्ॐअला बत मता प्राग्व्यर्थमेव भ्रमाथ्किंतु त्वं भुवि निष्ठुरा निरुपमा पश्यस्यपीमं न मां ।
९४९६-२ तस्माद्वक्षसि ते पयोधरमिषाद्धात्रा निखायार्पितौ शैलेन्द्राविति सांप्रतं न हि चिरं सौख्यं परक्लेशितुः ॥

९४९७-१ कान्तो नर्मणि नैपुणेन विदितस्त्वं शैशवद्वेषिणी क्रीडाशैलशिर्ॐअणिर्गृहमिदं रम्यो वसन्तोत्सवः ।
९४९७-२ सख्यः कामकथोपचारचतुराः संभोगकालेऽधुना मानो वा कलहोऽथवा यदि कदा तच्चेतसो निर्वृतिः ॥

९४९८-१ कान्तो यास्यति दूरदेशमिति मे चिन्ता परं जायते लोकानन्दकरो हि चन्द्रवदने वैरायते चन्द्रमाः ।
९४९८-२ किं चायं वितनोति कोकिलकलालापो विलापोदयं प्राणानेव हरन्ति हन्त नितरामाराममन्दानिलाः ॥

९४९९-१ कान्तोऽसि नित्यमधुरोऽसि रसाकुलोऽसि किं चासि पञ्चशरकार्मुकमद्वितीयं ।
९४९९-२ इक्षो तवास्ति सकलं परमेकमूनं यत्सेवितो भजसि नीरसतां क्रमेण ॥

९५००-१ कान्त्या काञ्चनकान्तया परिमलैर्भाग्यैकभोग्यैस्तथा सौन्दर्येण च साधुनैव कुसुमं हा हन्त न त्वत्समं ।
९५००-२ अक्रोधं शृणु किन्तु दूषणमिव त्वय्यस्ति किञ्चित्पुनस् तत्त्वज्ञैर्यदचुम्बितं त्वमसि रे चाम्पेय पुष्पन्धयैः ॥

९५०१-१ कान्त्या दरिद्रत्वमुपैति चन्द्रः किमस्ति तत्त्वं विकचोत्पलेषु ।
९५०१-२ न वेद्यि विश्वास्य कथं मृगाक्ष्या सौन्दर्यसृष्टिर्मुषिता विधातुः ॥

९५०२-१ कान्त्या विलुप्तानि विलोचनानां आपाटलानामतिरोदनेन ।
९५०२-२ सकुङ्कुमानीव पुनर्भंवन्ति यस्यारिनारीकुचमण्डलानि ॥

९५०३-१ कान्त्या सुवर्णवरया परया च शुद्ध्या नित्यं स्विकाः खलु शिखाः परितः क्षिपन्तीं ।
९५०३-२ चेतोहरामपि कृशेशयलोचने त्वां जानामि कोपकलुषो दहनो ददाह ॥

९५०४-१ कान्यकुब्जा द्विजाः सर्वे मागधं माधुरं विना ।
९५०४-२ गौडद्राविडविख्याताः कान्यकुब्जाः महोद्भवाः ॥

९५०५-१ का पाण्डुपत्नी गृहभूषणं किं को रामशत्रुः किमगस्त्यजन्म ।
९५०५-२ कः सूर्यपुत्रो विपरीतपृच्छा कुन्तीसुतो रावणकुम्भकर्णाः ॥

९५०६-१ कापि कान्तमिदमाह महेला साधु साधय तथा युधि कार्यं ।
९५०६-२ वर्तते तव यथा च जयश्रीर् लोकनाथललना च सपत्नी ॥

९५०७-१ कापि कुड्यलिखितावधिरेखाः प्रोषितप्रियतमा गणयन्ती ।
९५०७-२ वेश्मनि प्रबलवह्निपरीते सास्रया बहिरनीयत सख्या ॥

९५०८-१ कापि मुख्यपदवीमधिरोप्य स्वां सखीं स्वकरधारितदीपा ।
९५०८-२ प्राणनाथरतिगेहमयासीदद्भुतो रतिपतेरुपदेशः ॥

९५०९-१ कापिशायनसुगन्धि विघूर्णन्न् उन्मदोऽधिशयितुं समशेत ।
९५०९-२ फुल्लदृष्टिवदनं प्रमदानां अब्जचारु चषकं च शडङ्घ्रिः ॥

९५१०-१ कापि शीघ्रमवधीरितमाना मानिनो विचलिता प्रियधाम्नि ।
९५१०-२ आगतेन मरुतापि पुरस्ताल् लाघवस्य परिहारममंस्त ॥

९५११-१ कापुरुषः कुक्कुरश्च भोजनैकपरायणः ।
९५११-२ लालितः पार्श्वमायाति वारितो नैव गच्छति ॥

९५१२-१ काप्यङ्घ्री रङ्गपत्र्यारुणयति रमणी भूषणैर्भाति काचिद्गायत्यन्या परापि प्रलसति लहरीलक्ष्म वासो वसाना ।
९५१२-२ यत्रान्या स्नेहपूरान्वितरति च मुदं याति दोलाभिरन्या सा शृङ्गारद्वितीया रचयति न मनः कस्य शृङ्गारमग्नं ॥

९५१३-१ काप्यन्या मुकुलाधिकारमिलिता लक्ष्मीरशोकद्रुमे माकन्दः समयोचितेन विधिना धत्तेऽभिजातं वपुः ।
९५१३-२ किं चाषाढगिरेरनङ्गविजयप्रस्तावनापण्डित ः स्वैरं सर्पति बालचन्दनलतालीलासखो मारुतः ॥

९५१४-१ काप्यभिख्या तयोरासीद्व्रजतो शुद्धवेषयोः ।
९५१४-२ हिमनिर्मुक्तयोर्योगे चित्राचन्द्रमसोरिव ॥

९५१५-१ काप्यागतं वीक्ष्य मनोधिनाथं समुत्थिता सादरमासनाय ।
९५१५-२ करेण शिञ्जद्वलयेन तल्पं आस्फालयन्ती कलमाजुहाव ॥

९५१६-१ का प्रस्तुताभिषेकादार्यं प्रच्यावयेद्गुणज्येष्ठं ।
९५१६-२ मन्ये ममैव पुण्यैः सेवावसरः कृतो विधिना ॥

९५१७-१ का प्रियेण रहिता वराङ्गना धाम्नि केन तनयेन नन्दिता ।
९५१७-२ कीदृशेन पुरुषेण पक्षिणां बन्धनं समभिलष्यते सदा ॥

९५१८-१ का प्रीतिः सह मार्जारैः का प्रीतिरवनीपतौ ।
९५१८-२ गणिकाभिश्च का प्रीतिः का प्रीतिर्भिक्षुकैः सह ॥

९५१९-१ काभिर्न तत्राभिनवस्मराज्ञा विश्वासनिक्षेपवणिक्क्रियेऽहं ।
९५१९-२ जिह्नेति यन्नैव कुतोऽपि तिर्यक् कश्चित्तिरश्चस्त्रपते न तेन ॥

९५२०-१ का भूषा बलिनां

,

क्षमा

,

परिभवः

,

कोपः स्वकुल्यैः कृतः किं दुःखं

,

परसंश्रयो

,

जगति कः श्लाघ्यो

,

य आश्रीयते ।
९५२०-२ को मृत्यु

,

र्व्यसनं

,

शुचं जहति के

,

यैर्निर्जिता शत्रवः कैर्विज्ञातमिदं विराटनगरच्छन्नस्थितैः पाण्डवैः ॥

९५२१-१ कामं करीषाग्निमधो निधाया- भ्रमेण तापातिशयं भजध्वं ।
९५२१-२ युष्माकमद्यावधि नाधिकारो दुग्धातिमुग्धाधरमाधुरीषु ॥

९५२२-१ कामं कर्णकटुः कृतोऽतिमधुरः केकारवः केकिनां मेघाश्चामृतधारिणोऽपि विहिताः प्रायो विषस्यन्दिनः ।
९५२२-२ उन्मीलन्नवकन्दलावलिरसौ शय्यापि सर्पायते तत्किं यद्विपरीतमत्र न कृतं तस्या वियोगेन मे ॥

९५२३-१ कामं कामदुघं धुङ्क्ष्व मित्राय वरुणाय च ।
९५२३-२ वयं धीरेण दानेन सर्वान्कामानशीमहि ॥

९५२४-१ कामं कामयते न केलिनलिनीं नामोदते क्ॐउदी- निस्यन्दैर्न समीहते मृगदृशामालापलीलामपि ।
९५२४-२ सीदन्नेष निशासु दुःसहतनुर्भोगाभिलाषालसैर् अङ्गैस्ताम्यति चेतसि व्रजवधूमाधाय मुग्धो हरिः ॥

९५२५-१ कामं कामयमानस्य यदा कामः समृद्ध्यते ।
९५२५-२ अथैनमपरः कामस्तृष्णा विध्यति बाणवत् ॥

९५२६-१ कामं कामसमस्त्वमत्र जगति ख्यातोऽसि यत्सर्वदा रूपेणैव महीपते तव धनुःपाण्डित्यमन्यादृशं ।
९५२६-२ त्वं यस्मिन्विशिखं विमुञ्चसि तमेवोद्दिश्य मुक्तत्रपं त्रुट्यत्कंचुकमुद्गतस्पृहमहो धावन्ति देवाङ्गनाः ॥

९५२७-१ कामं कुमीनसदृशं राज्यमपि प्राज्यकण्टकं कुशलः ।
९५२७-२ पाकान्वितमतिसुरसं भुङ्क्ते बहुधावधानेन ॥

९५२८-१ कामं कूले नदीनामनुगिरि महिषीयूथनीडोपकण्ठे गाहन्ते शष्पराजीरभिनवशलभग्रासलोला बलाकाः ।
९५२८-२ अन्तर्विन्यस्तवीरुत्तृणमयपुरुषत्रासविघ्नं कथंचिथ्कापोतं कोद्रवाणां कवलयति कणान्क्षेत्रकोणैकदेशे ॥

९५२९-१ कामं कोपकषायिताक्षियुगलं कृत्वा करोत्फालनैः क्षुद्रान्वन्यमृगात्करीन्द्र सहसा विद्रावय त्वं मुदा ।
९५२९-२ हेलाखण्डितकुम्भिकुम्भविगलद्रक्तारुणाङ्गे हरौ जाते लोचनगोचरे यदि भवान्स्थाता तदा मन्महे ॥

९५३०-१ कामं क्रोधं च लोभं च दम्भं दर्पं च भूमिपः ।
९५३०-२ सम्यग्विजेतुं यो वेद स महीमभिजायते ॥

९५३०आ-१ कामं क्रोधं भयं लोभं दम्भं मोहं मदं तथा ।
९५३०आ-२ निद्रां मत्सरमालस्यं नास्तिक्यं च परित्यज ॥

९५३१-१ कामं क्रोधं लोभं मोहं त्यक्त्वात्मानं पश्य हि कोऽहम्

९५३१-२ आत्मज्ञानविहीना मूढास् ते पच्यन्ते नरके मूढाः ॥

९५३२-१ कामं गुणैर्महानेष प्रकृत्या पुनरासुरः ।
९५३२-२ उत्कर्षात्सर्वतो वृत्तेः सर्वाकारं हि दृप्यति ॥

९५३३-१ कामं जनाः स्मयन्ते कैलासविलासवर्णनावसरे ।
९५३३-२ साधनकथनावसरे साचीकुर्वन्ति वक्त्राणि ॥

९५३४-१ कामं तु क्षपयेद्देहं पुष्पमूलफलैः शुभैः ।
९५३४-२ न तु नामापि गृह्णीयात्पत्यौ प्रेते परस्य तु ॥

९५३५-१ कामं दहन्तु मरुतो मलयाचलस्य चन्द्रोऽपि पातयतु वा नितरां स्फुलिङ्गान् ।
९५३५-२ दूरे प्रियो विमलवंशमणिः पतिर्मे तत्साम्प्रतं त्वरितमानय तं कथंचित् ॥

९५३६-१ कामं दीर्घा भवेद्यात्रा कामं पन्था महान्भवेत् ।
९५३६-२ सोऽपि प्रभोः कृपामेव नित्यमाश्रयतेऽन्ततः ॥

९५३७-१ कामं दुग्धे विप्रकर्षत्यलक्ष्मीं कीर्तिं सूते दुष्कृतं या हिनस्ति ।
९५३७-२ तां चाप्येतां मातरं मङ्गलानां धेनुं धीराः सूनृतां वाचमाहुः ॥

९५३८-१ कामं दुर्विषहज्वरं जनयति व्याघूर्णयत्पक्षिणी गात्राण्यूरुनितम्बगण्डहृदयान्युच्छूनयत्युल्बणं ।
९५३८-२ तां तां दुर्विकृतं करोति सुहृदो गाढं व्यथन्ते यया व्याधियौवनमात्मनाशनियतः के ते ग्रहण्यादयः ॥

९५३९-१ कामं दृष्टा मया सर्वा विवस्त्रा रावणस्त्रियः ।
९५३९-२ न तु मे मनसः किंचिद्वैकृत्यमुपपद्यते ॥

९५४०-१ मनो हि हेतुः सर्वेषां इन्द्रियाणां प्रवर्तने ।
९५४०-२ शुभाशुभास्ववस्थासु तच्च मे सुव्यवस्थितं ॥

९५४१-१ कामं न पश्यति दिदृक्षत एव भूम्ना नोक्तापि जल्पति विवक्षति चादरेण ।
९५४१-२ लज्जास्मरव्यतिकरेण मनोऽधिनाथे बाला रसान्तरमिदं ललितं बिभर्ति ॥

९५४२-१ कामं निष्करुणं वेत्सि वेत्सि तं बहुवल्लभं ।
९५४२-२ दूति चूताङ्कुरखरा दिशो वेत्सि न वेत्सि किं ॥

९५४३-१ कामं नृपाः सन्तु सहस्रशोऽन्ये राजन्वतीमाहुरनेन भूमिं ।
९५४३-२ नक्षत्रताराग्रहसंकुलापि ज्योतिष्मती चान्द्रमसैव रात्रिः ॥

९५४३आ-१ कामं परमिति ज्ञात्वा देवोऽपि हि पुरन्दरः ।
९५४३आ-२ गौतमस्य मुनेः पत्नीं अहल्यां चकमे पुरा ॥

९५४४-१ कामं प्रत्यादिष्टां स्मरामि न परिग्रहं मुनेस्तनयान् ।
९५४४-२ बलवत्तु दूयमानं प्रत्याययतीव मे हृदयं ॥

९५४५-१ कामं प्रदीपयति रूपमभिव्यनक्ति सौभाग्यमावहति वक्त्रसुगन्धितां च ।
९५४५-२ ऊर्जं करोति कफजाश्च निहन्ति रोगांस् ताम्बूलमेवमपरांश्च गुणान्करोति ॥

९५४६-१ युक्तेन चूर्णेन करोति रागं रागक्षयं पूगफलातिरिक्तं ।
९५४६-२ चूर्णाधिकं वक्त्रविगन्धकारि पत्राधिकं साधु करोति गन्धं ॥

९५४७-१ पत्राधिकं निशि हितं सफलं दिवा च प्रोक्तान्यथाकरणमस्य विडम्बनैव ।
९५४७-२ कक्कोलपूगलवलीफलपारिजातैर् आमोदितं मदमुदा मुदितं करोति ॥

९५४८-१ कामं प्रदोषतिमिरेण न दृश्यसे त्वं सौदामिनीव जलदोदरसंधिलीना ।
९५४८-२ त्वां सूचयिष्यति तु माल्यसमुद्भवोऽयं गन्धश्च भीरु मुखराणि च नूपुराणि ॥

९५४९-१ कामं प्रियानपि प्राणान्विमुञ्चन्ति मनस्विनः ।
९५४९-२ इच्छन्ति न त्वमित्रेभ्यो महतीमपि सत्क्रियां ॥

९५५०-१ कामं प्रिया न सुलभा मनस्तु तद्भावदर्शनाश्वासि ।
९५५०-२ अकृतार्थेऽपि मनसिजे रतिमुभयप्रार्थना कुरुते ॥

९५५१-१ कामं भवन्तु मधुलम्पटषट्पदौघ- संघट्टधुन्धुमघनध्वनयोऽब्जखण्डाः ।
९५५१-२ गायत्यतिश्रुतिसुखं विधिरेव यत्र भृङ्गः स कोऽपि धरणीधरनाभिपद्मः ॥

९५५२-१ कामं भवन्तु सरितो भुवि सुप्रतिष्ठाः स्वादूनि सन्तु सलिलानि च शुक्तयश्च ।
९५५२-२ एतां विहाय वरवर्णिनि ताम्रपर्णीं नान्यत्र सम्भवति मौक्तिककामधेनुः ॥

९५५३-१ कामं मा कामयध्वं वृषमपि च भृशं माद्रियध्वं न वित्ते चित्तं दत्त श्रयध्वं परममृतफला या कला तामिहैकां ।
९५५३-२ इत्थं देवः स्मरारिर्वूषमधरचरीकृत्य मूर्त्यैव दित्सन् निःस्वो विश्वोपदेशानमृतकरकलाशेखरस्त्रायतां वः ॥

९५५४-१ कामं लिखतु संस्थानं कश्चिद्रूपं च भास्वतः ।
९५५४-२ अभित्तिविहतालम्बं आलोकं विलिखेत्कथं ॥

९५५५-१ कामं वनेषु हरिणास् तृणेन जीवन्त्ययत्नसुलभेन ।
९५५५-२ विदधति धनिषु न दैन्यं ते किल पशवो वयं सुधियः ॥

९५५६-१ कामं वपुः पुलकितं नयने धृतास्रे वाचः सगद्गदपदाः सखि कम्पि वक्षः ।
९५५६-२ ज्ञातं मुकुन्दमुरलीरवमाधुरी ते चेतः सुधांशुवदने तरलीकरोति ॥

९५५७-१ कामं वाचः कतिचिदफलाः सन्तु लोके कवीनां सन्त्येवान्या मधुरिपुकथासंस्तवात्कामदोग्ध्र्यः ।
९५५७-२ वित्तं कामं भवतु विफलं दत्तमश्रोत्रियेभ्यः पात्रे दत्तैर्भवति हि धनैर्धन्यता भूरिदातुः ॥

९५५८-१ कामं विषं च विषयाश्च निरीक्ष्यमाणाः श्रेयो विषं न विषयाः परिसेव्यमानाः ।
९५५८-२ एकत्र जन्मनि विषं विनिहन्ति पीतं जन्मान्तरेषु विषयाः परितापयन्ति ॥

९५५९-१ कामं शिवेन शमितं पुनरुज्जगार दृष्टिस्तवेति किमियं जननि स्तुतिस्ते ।
९५५९-२ लीलाप्रसूतपुरुषार्थचतुष्टयायास् तस्याः परं तु स भवत्यवयुक्त्यवादः ॥

९५६०-१ कामं शीर्णपलाशपत्ररचितां कन्थां वसानो वने कुर्यामम्बुभिरप्ययाचितसुखैः प्राणानुबन्धस्थितिं ।
९५६०-२ साङ्गग्लानि सवेपितं सचकितं सान्तर्निदाघज्वरं वक्तुं न त्वहमुत्सहे सकृपणं देहीति दीनं वचः ॥

९५६१-१ कामं शुनको नृपति- प्रसादतः स्याद्गजेन्द्रमौलिस्थः ।
९५६१-२ भवतेव तेन सह रे नार्दयितुं शक्यते जातु ॥

९५६२-१ कामं श्यामतनुस्तथा मलिनयत्यावासवस्त्रादिकं लोकं रोदयते भनक्ति जनतागोष्ठीं क्षणेनापि यः ।
९५६२-२ मार्गेऽप्यङ्गुलिलग्न एव भवतः स्वाभाविनः श्रेयसे हा स्वाहाप्रिय धूममङ्गजमिमं सूत्वा न किं लज्जितः ॥

९५६३-१ कामं सन्तु सहस्रशः कतिपये सारस्यधौरेयकाः कामं वा कमनीयतापरिमलस्वाराज्यबद्धव्रताः ।
९५६३-२ नैवैवं विवदामहे न च वयं देव प्रियं ब्रूमहे यत्सत्यं रमणीयतापरिणतिस्त्वय्येव पारं गता ॥

९५६४-१ कामं सर्वोऽप्यलंकारो रसमर्थे निषिञ्चति ।
९५६४-२ तथाप्यग्राम्यतैवैनं भारं वहति भूयसा ॥

९५६४आ-१ कामं सुधाकरकरामृतदिव्यरूप- सौधाग्रपीठवसतिः सुखमस्तु काकः ।
९५६४आ-२ श्रीसुन्दरीरमणसङ्गमकण्ठलग्न- पूर्यत्सुधामणितजित्किमसौ कपोतः ॥

९५६५-१ कामं स्त्रियो निषेवेत पानं वा साधु मात्रया ।
९५६५-२ न द्यूतमृगये विद्वानत्यन्तव्यसने हि ते ॥

९५६६-१ कामं हरिर्भव विमूढ भवाथ चन्द्रश्चन्द्रार्धमौलिरथ वा हर एव भूयाः ।
९५६६-२ विद्याप्रणाशपरिवर्धितघोरदीप्तेः क्रोधानलस्य मम नेन्धनतां प्रयासि ॥

९५६७-१ कामः कमनीयतया किमपि निकामं करोति संमोहं ।
९५६७-२ विषमिव विषमं सहसा मधुरतया जीवनं हरति ॥

९५६८-१ कामः कामं कमलवदनानेत्रपर्यन्तवासी दासीभूतत्रिभुवनजनः प्रीतये जायतां वः ।
९५६८-२ दग्धस्यापि त्रिपुररिपुणा सर्वलोकस्पृहार्हा यस्याधिक्यं रुचिरतितरामञ्जनस्येव याता ॥

९५६९-१ कामः कुप्यति चन्द्रमा अपि बलान्मां दग्धुमभ्युद्यतो वाता वापि समागता यमदिशः प्राणान्निहर्न्तु तथा ।
९५६९-२ रक्ताक्षास्त्वरयन्ति तान्परभृताः स्वैः कूजनैर्दूति तथ्प्रेयांसं तमुपानयाश्वितरथा त्राणं न मे कुत्रचित् ॥

९५६९आ-१ कामः क्रोधश्च लोभश्च देहे तिष्ठन्ति तस्कराः ।
९५६९आ-२ ज्ञातरत्नमपाहारि तस्माज्जाग्रत जाग्रत ॥

९५७०-१ कामः क्रोधश्च लोभश्च मानो हर्षो मदस्तथा ।
९५७०-२ एते हि षड्विजेतव्या नित्यं स्वं देहमाश्रिताः ॥

९५७१-१ कामः क्रोधश्च लोभश्च मदो मानस्तथैव च ।
९५७१-२ हर्षश्च शत्रवो ह्येते नाशाय कुमहीभृतां ॥

९५७१आ-१ कामः क्रोधश्च लोभश्च मोहो हर्षो मदस्तथा ।
९५७१आ-२ षड्वर्गमुत्सृजेदेनं यस्मिंस्त्यक्ते सुखी नृपः ॥

९५७१भ्-१ कामः क्रोधस्तथा मोहस्त्रयोऽप्येते महाद्विषः ।
९५७१भ्-२ एते न निर्जिता यावत्तावत्सौख्यं कुतो नृणां ॥

९५७२-१ कामः क्रोधस्तथा लोभो देहे तिष्ठन्ति तस्कराः ।
९५७२-२ ते मुष्णन्ति जगत्सर्वं तस्माज्जाग्रत जाग्रत ॥

९५७२आ-भ्-१ कामः क्रोधस्तथा लोभो रागो द्वेषश्च मत्सरः ।
९५७२आ-भ्-२ मदो माया तथा मोहः कन्दर्पो दर्प एव च ॥

९५७२आ-भ्-३ एते हि रिपवो घोरा धर्मसर्वस्वहारिणः ।
९५७२आ-भ्-४ एतैर्बम्भ्रम्यते जीवः संसारे बहुदुःखदे ॥

९५७३-१ कामः क्रोधस्तथा लोभो हर्षो मानो मदस्तथा ।
९५७३-२ षड्वर्गमुत्सृजेदेनं तस्मिंस्त्यक्ते सुखी नृपः ॥

९५७४-१ कामः क्रोधो मदो मानो लोभो हर्षस्तथैव च ।
९५७४-२ एते वर्ज्याः प्रयत्नेन सादरं पृथिवीक्षिता ॥

९५७५-१ एतेषां विजयं कृत्वा कार्यो भृत्यजयस्ततः ।
९५७५-२ कृत्वा भृत्यजयं राजा पौराञ्जनपदाञ्जयेत् ॥

९५७६-१ कामः सर्वात्मना हेयः स चेद्धातुं न शक्यते ।
९५७६-२ स्वभार्यां प्रति कर्तव्यः सैव तस्य हि भेषजं ॥

९५७७-१ … … … … ।
९५७७-२ काम एवार्थधर्माभ्यां गरीयानिति मे मतिः ॥

९५७८-१ काम एष महाशत्रुस्तमेकं निर्जयेद्दृढं ।
९५७८-२ जितकामा महात्मानस्तैर्जितं निखिलं जगत् ॥

९५७९-१ कामकारो महाप्राज्ञ गुरूणां सर्वदानघ ।
९५७९-२ उपपन्नेषु दारेषु पुत्रेषु च विधीयते ॥

९५८०-१ कामकार्मुकतया कथयन्ति भ्रूलतां मम पुनर्मतमन्यत् ।
९५८०-२ लोचनाम्बुरुहयोरुपरिस्थं भृङ्गशावकततिद्वयमेतत् ॥

९५८१-१ कामक्रोधं तथा लोभं स्वादु शृङ्गारकौतुके ।
९५८१-२ अतिनिद्रातिसेवे च विद्यार्थी ह्यष्ट वर्जयेत् ॥

९५८२-१ कामक्रोधग्राहवतीं पञ्चेन्द्रियजलां नदीं ।
९५८२-२ कृत्वा धृतिमयीं नावं जन्मदुर्गाणि संतर ॥

९५८२आ-१ कामक्रोधभयादन्यैर्लोभ्यमानो न लुभ्यति ।
९५८२आ-२ यया शक्त्या युतः कार्ये मन्त्रशक्तिस्तु सा स्मृता ॥

९५८३-१ कामक्रोधमदोन्मत्ताः स्त्रीणां ये वशवर्तिनः ।
९५८३-२ न ते जलेन शुध्यन्ति स्नानतीर्थशतैरपि ॥

९५८४-१ कामक्रोधवियुक्तानां यतीनां यतचेतसां ।
९५८४-२ अभितो ब्रह्मनिर्वाणं वतैते विदितात्मनां ॥

९५८५-१ कामक्रोधस्तथा मोहो लोभो मानो मदस्तथा ।
९५८५-२ षड्वर्गमुत्सृजेदेनं अस्मिंस्त्यक्ते सुखी नृपः ॥

९५८६-१ कामक्रोधादयः सर्वे मतिरक्षाण्यहंकृतिः ।
९५८६-२ गुणा विविधकर्माणि विलीयन्ते मनःक्षयात् ॥

९५८६आ-१ कामक्रोधादिभिस्तापैस्ताप्यमानो दिवानिशं ।
९५८६आ-२ आत्मा शरीरान्तस्थोसौ पच्यते पुटपाकवत् ॥

९५८७-१ कामक्रोधानृतद्रोहलोभमोहमदादयः ।
९५८७-२ नमन्ति यत्र राजेन्द्र तमेव ब्राह्मणं विदुः ॥

९५८८-१ कामक्रोधावनादृत्य धर्ममेवानुपालयेत् ।
९५८८-२ धर्मः श्रेयस्करतमो राज्ञां भरतसत्तम ॥

९५८८आ-१ कामक्रोधावनिर्जित्य किमरण्ये करिष्यति ।
९५८८आ-२ अथवा निर्जितावेतौ किमरण्ये करिष्यति ॥

९५८९-१ कामक्रोधौ तु संयम्य योऽर्थान्धर्मेण पश्यति ।
९५८९-२ प्रजास्तमनुवर्तन्ते समुद्रमिव सिन्धवः ॥

९५९०-१ कामक्रोधौ द्वयमपि पदं प्रत्यनीकं वशित्वे हत्वानङ्गं किमिव हि रुषा साधितं त्र्यम्बकेण ।
९५९०-२ यस्तु क्षान्त्या शमयति शतं मन्मथाद्यानरातीन् कल्याणं वो दिशतु स मुनिग्रामणीरर्कबन्धुः ॥

९५९१-१ कामक्रोधौ पुरस्कृत्य योऽर्थं राजानुतिष्ठति ।
९५९१-२ न स धर्मं न चाप्यर्थं परिगृह्णाति बालिशः ॥

९५९२-१ कामक्रोधौ मद्यतमौ नियोक्तव्यौ यथोचितं ।
९५९२-२ कामः प्रजापालने च क्रोधः शत्रुनिबर्हणे ॥

९५९३-१ कामक्रोधौ विनिर्जित्य किमरण्यैः करिष्यति ।
९५९३-२ अन्नेन धार्यंते देहः कुलं शीलेन धार्यते ॥

९५९४-१ कामक्रोधौ हि पुरुषं अर्थेभ्यो व्यपकर्षतः ।
९५९४-२ तौ तु शत्रू विनिर्जित्य राजा विजयते महीं ॥

९५९५-१ कामघ्नाद्विषमदृशो भूत्यवलिप्ताद्भुजङ्गसङ्गरुचेः ।
९५९५-२ को भृङ्गीव न शुष्यति वाञ्छ न फलमीश्वरादगुणात् ॥

९५९६-१ कामजं मृगया द्यूतं स्त्रियः पानं तथैव च ।
९५९६-२ व्यसनं व्यसनार्थज्ञैश्चतुर्विधमुदाहृतं ॥

९५९७-१ काम जानामि ते मूलं संकल्पात्किल जायसे ।
९५९७-२ न त्वां संकल्पयिष्यामि समूलो न भविष्यसि ॥

९५९८-१ कामजेषु प्रसक्तो हि व्यसनेषु महीपतिः ।
९५९८-२ वियुज्यतेऽर्थधर्माभ्यां क्रोधजेष्वात्मनैव तु ॥

९५९८आ-१ कामतन्त्रेषु निपुणः क्रुद्धानुनयकोविदः ।
९५९८आ-२ स्फुरितेऽनादरे किंचिद्दयिताया विरज्यति ॥

९५९९-१ कामतो रूपधारित्वं शस्त्रास्त्राश्माम्बुवर्षणं ।
९५९९-२ तमोऽनिलोऽचलो मेधा इति माया ह्यमानुषी ॥

९६००-१ जघान कीचकं भीम आश्रितः स्त्रीसरूपतां ।
९६००-२ चिरं प्रच्छन्नरूपोऽभूद्दिव्यया मायया नलः ॥

९६०१-१ कामदर्पादिशीलानां अविचारितकारिणां ।
९६०१-२ आयुषा सह नश्यन्ति सम्पदो मूढचेतसां ॥

९६०२-१ कामधेनुगुणा विद्या ह्यकाले फलदायिनी ।
९६०२-२ प्रवासे मातृसदृशी विद्या गुप्तं धनं स्मृतं ॥

९६०२आ-१ कामधेनुधरादीनां दातारः सुलभा भुवि ।
९६०२आ-२ दुर्लभः पुरुषो लोके सर्वभूतदयापरः ॥

९६०३-१ कामनाम्ना किरातेन वितता मूढचेतसां ।
९६०३-२ नार्यो नरविहंगानां अङ्गबन्धनवागुराः ॥

९६०४-१ कामपि धत्ते सूकररूपी कामपि रहितामिच्छति भूपः ।
९६०४-२ केनाकारि च मन्मथजननं केन विराजति तरुणीवदनं ॥

९६०५-१ कामपि श्रियमासाद्य यस्तद्वृद्धौ न चेष्टते ।
९६०५-२ तस्यायतिषु न श्रेयो बीजभोजिकुटुम्बवत् ॥

९६०६-१ कामप्रसक्तमात्मानं स्मृत्वा पाण्डुं निपातितं ।
९६०६-२ निवर्तयेत्तथा क्रोधादनुहादं हतात्मजं ॥

९६०७-१ कामबन्धनमेवैकं नान्यदस्तीह बन्धनं ।
९६०७-२ कामबन्धनमुक्तो हि ब्रह्मभूयाय कल्पते ॥

९६०८-१ कामबाणप्रहारेण मूर्च्छितानि पदे पदे ।
९६०८-२ जीवन्ति युवचेतांसि युवतीनां स्मितामृतैः ॥

९६०९-१ काममस्तु जगत्सर्वं कालस्यास्य वशंवदं ।
९६०९-२ कालकालप्रपन्नानां कालः किं नः करिष्यति ॥

९६१०-१ काममा मरणात्तिष्ठेद्गृहे कन्यर्तुमत्यपि ।
९६१०-२ न चैवैनां प्रयच्छेत गुणहीनाय कर्हिचित् ॥

९६११-१ काममाश्रित्य दुष्पूरं दम्भमानमदान्विताः ।
९६११-२ मोहाद्गृहीत्वासद्ग्राहान्प्रवर्तन्तेऽशुचिव्रताः ॥

९६१२-१ कामयन्ते विरज्यन्ते रञ्जयन्ति त्यजन्ति च ।
९६१२-२ कर्षयन्त्योऽपि सर्वार्थाञ्ज्ञायन्ते नैव योषितः ॥

९६१३-१ कामयेत न हि क्षुद्रं अर्थं जातु महामनाः ।
९६१३-२ वर्धयेत स्वमौदार्यं प्रभावं च यशो भुवि ॥

९६१४-१ कामवर्षी च पर्जन्यो नित्यं सस्यवती मही ।
९६१४-२ गावश्च घटदोहिन्यः पादपाश्च सदाफलाः ॥

९६१५-१ कामवृत्तस्त्वयं लोकः कृत्स्नः समुपवर्तते ।
९६१५-२ यद्वृत्ताः सन्ति राजानस्तद्वृत्ताः सन्ति हि प्रजाः ॥

९६१६-१ कामव्याघ्रे कुमतिफणिनि स्वान्तदुर्वारनीडे मायासिंहीविहरणमहीलोभभल्लूकभीमे ।
९६१६-२ जन्मारण्ये न भवति रतिः सज्जनानां कदाचिथ्तत्त्वज्ञानां विषयतुषिताकण्टकाकीर्णपार्श्वे ॥

९६१७-१ कामव्याधशराहतिर्न गणिता संजीवनी त्वं स्मृता नो दग्धो विरहानलेन झटिति त्वत्संगमाशाभृतैः ।
९६१७-२ नीतोऽयं दिवसो विचित्रलिखितैः सम्कल्परूपैर्मया किं वान्यद्हृदये स्थितासि ननु मे तत्र स्वयं साक्षिणी ॥

९६१८-१ कामसङ्गरविधौ मृगीदृशः प्रौढपेषणधरे पयोधरे ।
९६१८-२ स्वेदराजिरुदियाय सर्वतः पुष्पवृष्टिरिव पुष्पधन्वनः ॥

९६१८आ-१ कायस्तपस्विषु जयत्यधिकारकामो विश्वस्य चित्तविभुरिन्द्रियवाज्यधीशः ।
९६१८आ-२ भूतानि बिभ्रति महान्त्यपि यस्य शिष्टिं व्यावृत्तमौलिमणिरश्मिभिरुत्तमाङ्गैः ॥

९६१९-१ कामस्तु तस्य नैवास्ति प्रत्यक्षेणोपलक्ष्यते ।
९६१९-२ दम्पत्योः सहधर्मेण त्रयीधर्ममवाप्नुयात् ॥

९६२०-१ कामस्तु बाणावसरं प्रतीक्ष्य पतङ्गवद्वह्निमुखं विविक्षुः ।
९६२०-२ उमासमक्षं हरबद्धलक्ष्यः शरासनज्यां मुहुराममर्श ॥

९६२१-१ कामस्य कश्चिच्चतुरः शरांश्चेद्विलङ्घयामास कथंचिदन्यान् ।
९६२१-२ उन्मज्जता कोकिलकण्ठयन्त्राथ्न पञ्चमास्त्रेण वशीवभूव ॥

९६२२-१ कामस्य जेतुकामस्य मिलनाय महीपतेः ।
९६२२-२ दिवो मीनं त्विषामीशो द्वारीकर्तुमिवाययौ ॥

९६२३-१ कामस्य वेषशोभा पेशलता चारुता गुणोत्कर्षः ।
९६२३-२ नानाविधाश्च लीलाश्चित्तज्ञानं च कान्तानां ॥

९६२४-१ कामस्यापि निदानमाहुरपरे मायां महाशासनां निश्चित्कां सकलप्रपञ्चरचनाचातुर्यलीलावतीं ।
९६२४-२ यत्सङ्गाद्भगवानपि प्रभवति प्रत्यङ्महामोहहा श्रीरङ्गो भुवनोदयावनलयव्यापारचक्रेऽक्रियः ॥

९६२५-१ कामस्वभावो यो यस्य न स शक्यः प्रमार्जितुं ।
९६२५-२ न हि दुष्टात्मनामार्य मा वसत्यालये चिरं ॥

९६२६-१ कामाग्निः परिवर्धितो विरहिणीश्वासानिलैर्निर्भरं तूर्णं तेन कृशानुना कृशतनुर्मुग्धा न दग्धा कथं ।
९६२६-२ बाला लोलविलोचनाम्बुजगलत्सद्वारिधाराभरैः सिक्ता सम्प्रति तेन जीवसि हरे तां त्वं समुल्लासय ॥

९६२७-१ कामतुरो नाधिगच्छेन्महापुरुषकामिनीं ।
९६२७-२ सहस्रयोनिदेहोऽभूदिन्द्रोऽहल्यापरिग्रहात् ॥

९६२८-१ कामात्क्रोधाद्भयादन्यैर्लोभ्य्मानो न लुम्पति ।
९६२८-२ यया शक्त्या युतः कार्ये मन्त्रशक्तिस्तु सा स्मृता ॥

९६२९-१ कामात्क्लाम्यसि का रीतिर्नारीति नरकाभिधा ।
९६२९-२ मलमज्जामयी मांसस्थगी किं न विगीयते ॥

९६३०-१ कामात्मता न प्रशस्ता न चैवास्त्यकामता ।
९६३०-२ काम्यो हि वेदाधिगमः कर्मयोगश्च वैदिकः ॥

९६३१-१ कामादित्रिकमेव मूलमखिलक्लेशस्य मायोद्भवं मर्त्यानामिति देवमौलिविलसद्भ्राजिष्णुचूडामणिः ।
९६३१-२ श्रीकृष्णो भगवानवोचदखिलप्राणिप्रियो मत्प्रभुर् यस्मात्तत्त्रिकमुद्यतेन मनसा हेयं पुमर्थार्थिना ॥

९६३२-१ कामाधिकरणग्राह्यकुलादिबलशालिनः ।
९६३२-२ अहीनेऽपि नरेन्द्रस्य शक्तयः सिद्धिहेतवः ॥

९६३३-१ कामानामपि दातारं कर्तारं मानसान्त्वयोः ।
९६३३-२ रक्षितारं न मृष्यन्ति भर्तारं परमं स्त्रियः ॥

९६३४-१ कामानुशासनशते सुतरामधीती सोऽयं रहो नखपदैर्महतु स्तनौ ते ।
९६३४-२ रुष्टाद्रिजाचरणकुङ्कुमपङ्कराग संकीर्णशङ्करशशाङ्ककलाङ्क कारैः ॥

९३६५-१ कामानुसारी पुरुषः कामाननु विनश्यति ।
९३६५-२ कामान्व्युदस्य धुनुते यत्किञ्चित्पुरुषो रजः ॥

९६३६-१ कामान्व्युदस्य धुनुते यत्किंचित्पुरुषो रजः ।
९६३६-२ कामक्रोधोद्भवं दुःखं अह्रीररतिरेव च ॥

९६३७-१ कामाभिभूतः क्रोधाद्वा यो मिथ्या प्रतिपद्यते ।
९६३७-२ स्वेषु चान्येषु वा तस्य न सहाया भवन्त्युत ॥

९६३८-१ कामा मनुष्यं प्रसजन्त एव धर्मस्य ये विघ्नमूलं नरेन्द्र ।
९६३८-२ पूर्वं नरस्तान्धृतिमान्विनिघ्नन् लोके प्रशंसां लभतेऽनवद्यां ॥

९६३९-१ कामाय स्पृहयत्यात्मा संयतोऽपि मनीषिणः ।
९६३९-२ वीथीनियमितोऽप्युक्षा शष्पमासाद्य धावति ॥

९६४०-१ कामार्तां स्वयमायातां यो न भुङ्क्ते नितम्बिनीं ।
९६४०-२ सोऽवश्यं नरकं याति तन्निःश्वासहतो नरः ॥

९६४१-१ कामार्तां स्वस्त्रियं दीनां प्रार्थयन्तीं पुनः पुनः ।
९६४१-२ न भजेद्भजमानां यः स वै चाण्डालदर्शनः ॥

९६४१आ-१ कामार्ता घर्मतप्ता वेत्यनिश्चयकरं वचः ।
९६४१आ-२ युवानमाकुलीकर्तुं इति दूत्याह नर्मणा ॥

९६४१भ्-१ कामार्थमज्ञः कृपणं करोति प्राप्नोति दुःखं वधबन्धनादि ।
९६४१भ्-२ कामार्थमाशाकृपणस्तपस्वी मृर्त्यु श्रमं चाच्छति जीवलोकः ॥

९६४२-१ कामार्थौ लिप्समानस्तु धर्ममेवादितश्चरेत् ।
९६४२-२ न हि धर्मादपैत्यर्थः कामो वापि कदाचन ॥

९६४२आ-१ कामाल्लोभाद्भयात्क्रोधात्साक्षिवादात्तथैव च ।
९६४२आ-२ मिथ्या वदति यत्पापं तदसत्यं प्रकीर्तितं ॥

९६४२भ्-१ कामावेशः कैतवस्योपदेशः मायाकोशो वञ्चनासन्निवेशः ।
९६४२भ्-२ निर्द्रव्याणामप्रसिद्धप्रवेशो रम्यक्लेशः सुप्रवेशोऽस्तु वेशः ॥

९६४३-१ कामिजनपरमभोग्ये कामसुखे धारयन्ति बीभत्सं ।
९६४३-२ सन्तः शमसुखरसिकाः सुधाशनाः सूकरान्न इव ॥

९६४४-१ कामिनः कृतरतोत्सवकाल- क्षेपमाकृलवधूकरसङ्गि ।
९६४४-२ मेखलागुणविलग्नमसूयां दीर्घसूत्रमकरोत्परिधानं ॥

९६४५-१ कामिनश्चरितैरेभिः कुर्वन्तो निशि जागरं ।
९६४५-२ कुर्वन्त्यप्रियमात्मानं केचिन्मूढाः प्रिया अपि ॥

९६४५आ-१ कामिनां कामिनीनां च सङ्गात्कामी भवेत्पुमान् ।
९६४५आ-२ देहान्तरे ततः क्रोधी लोभी मोही च जायते ॥

९६४६-१ कामिनामसकलानि विभुग्नैः स्वेदवारिमृदुभिः करजाग्रैः ।
९६४६-२ अक्रियन्त कठिनेषु कथंचिथ्कामिनीकुचतटेषु पदानि ॥

९६४७-१ कामिनीं प्रथमयौवनान्वितां मन्दवल्गुमृदुपीडितस्वनां ।
९६४७-२ उत्स्तनीं समवलम्ब्य या रतिः सा न धातृभवनेऽस्ति मे मतिः ॥

९६४८-१ कामिनीकायकान्तारे कुचपर्वतदुर्गमे ।
९६४८-२ मा संचर मनःपान्थ तत्रास्ते स्मरतस्करः ॥

९६४८आ-१ कामिनीजनविलोचनपाता- नुन्मिषत्कलुषान्प्रतिगृह्णन् ।
९६४८आ-२ मन्दमन्दमुदितः प्रययौ खं भीतभीत इव शीतमयूखः ॥

९६४९-१ कामिनीनयनकज्जलपङ्कादुत्थितो मदनमत्तवराहः ।
९६४९-२ कामिमानसवनान्तरचारी मूलमुत्खनति मानलतायाः ॥

९६५०-१ कामिनीवदननिर्जितकान्तिः शोभितुं न हि शशाक शशाङ्कः ।
९६५०-२ लज्जयेव विमलं वपुराप्तुं शीधुपूर्णचषकेषु ममज्ज ॥

९६५१-१ कामिनीवर्गसंसर्गैर्न कः संक्रान्तपातकः ।
९६५१-२ नाश्नाति स्नाति हा मोहात्कामक्षामव्रतं जगत् ॥

९६५२-१ कामिनीसहचरस्य कामिनस् तस्य वेश्मसु मृदङ्गनादिषु ।
९६५२-२ ऋद्धिमन्तमधिकर्द्धिरुत्तरः पूर्वमुत्सवमपोहदुत्सवः ॥

९६५३-१ कामिनो हन्त हेमन्तनिशि शीतज्वरातुराः ।
९६५३-२ जीवन्ति हरिणाक्षीणां वक्षोजाश्लेषरक्षिताः ॥

९६५४-१ कामिन्याः कुचदुर्गपर्वतभुवि त्वं मा मनःपान्थक संचारं कुरु र्ॐअराजिगहने तत्रास्ति नाभ्यां गुहा ।
९६५४-२ तल्लीनो मधुसूदनम्य तनयस्तेनात्र चौरेण भो निर्वस्त्रीक्रियते दिवापि हि नरो रात्रौ तु किं कथ्यते ॥

९६५५-१ कामिन्याः कुचयोः कान्तिः पीनत्वेन पुरस्कृता ।
९६५५-२ सुवर्णाचलशृङ्गाभां विनिर्जेतुं समुद्यता ॥

९६५६-१ कामिन्याः स्तनभारमन्थरगतेर्लीलाचलच्चक्षुषः कन्दर्पैकविलासनित्यवसतेः कीदृक्पुमान्वल्लभः ।
९६५६-२ हेलाकृष्टकृपाणपारितगजानीकात्कुतस्तेऽरयः श्व्रासायासविशुष्ककण्ठकुहरा निर्यान्ति जीवार्थिनः ॥

९६५७-१ कामिन्यो नीचगामिन्यस्तटिन्य इव निश्चितं ।
९६५७-२ दारा राज्ञोऽपि यत्ताराः प्रणयं यान्ति गोपतेः ॥

९६५८-१ कामी कामव्रणपरिगतः कामिनीरेव हित्वा भुङ्क्ते पश्चादपगतभयं कामिनीनां सहस्रं ।
९६५८-२ इत्थंकारं विषयसुखभोगैकतानैर्नरैरप्य् अस्मिन्देहे कतिपयदिनान्येष भोगो विवर्ज्यः ॥

९६५९-१ कामुकाः स्युः कथा नीचाः सर्वः कस्मिन्प्रमोदते ।
९६५९-२ अर्थिनः प्राप्य पुण्याहं करिष्यध्वे वसूनि किं ॥

९६६०-१ कामुके नूतनासङ्गगाढालिङ्गनकातरे ।
९६६०-२ गणिका गेहगणनां करोति ध्यानमास्थिता ॥

९६६१-१ कामुके भ्रमरः प्रोक्तः कामिन्यां चूतमञ्जरी ।
९६६१-२ तथाह्वानाङ्कुराश्चापि प्राकारो वारणे स्मृतः ॥

९६६२-१ कामुज्जहार हरिरम्बुधिमध्यलग्नां कीदृक्श्रुतं भवति निर्मलमागमानां ।
९६६२-२ आमन्त्रयस्व वनमग्निशिखावलीढं यच्चापि को दहति के मदयन्ति भृङ्गान् ॥

९६६३-१ कामेकपत्नीव्रतदुःखशीलां लोलं मनश्चारुतया प्रविष्टां ।
९६६३-२ नितम्बिनीमिच्छसि मुक्तलज्जां कण्ठे स्वयंग्राहनिषक्तबाहुं ॥

९६६४-१ का मे गतिरिति पृच्छति चरमश्वासेऽपि यः स्वार्थं ।
९६६४-२ तस्य जनस्यापि कृते पापाः पापानि कुर्वन्ति ॥

९६६५-१ का मेघादुपयाति

,

कृष्णदयिता का वा

,

सभा कीदृशी

,

कां रक्षत्यहिहा

,

शरद्विकचयेत्कं

,

धैर्यहन्त्री च का ।
९६६५-२ कं धत्ते गणनायकः करतले

,

का चञ्चला कथ्यताम्

,

आरोहादवरोहतश्च निपुणैरेकं द्वयोरुत्तरं ॥

९६६६-१ कामेन कामं प्रहिता जवेन प्रावृट्चचाल त्रिजगद्विजेतुं ।
९६६६-२ किं चन्द्रबिम्बं दधि भक्षयत्नी संधारयन्ती हरितः शुभाय ॥

९६६७-१ कामेनाकृष्य चापं हतपटुपटहं वल्गुभिर्मारवीरैर् भ्रूभङ्गोत्क्षेपजृम्भास्मितललितदृशा दिव्यनारीजनेन ।
९६६७-२ सिद्धैः प्रह्वोत्तमाङ्गैः पुलकितवपुषा विस्मयाद्वासवेन ध्यायन्यो योगपीठादचलित इति वः पातु दृष्टो मुनीद्रः ॥

९६६८-१ कामेनापि न भेत्तुं किमु हृदयमपारि बालवनितानां ।
९६६८-२ मूढविशिखप्रहारो- च्छूनमिवाभाति यद्वक्षः ॥

९६६९-१ कामेषुणा कामरिपोर्मनोऽपि कल्लोलितं का मनुजेषु वार्ता ।
९६६९-२ आषाढवाते चलति द्विपेन्द्रे चूलीवतो वारिधिरेव काष्ठा ॥

९६७०-१ कामैस्तैस्तैर्हृतज्ञानाः प्रपद्यन्तेऽन्यदेवताः ।
९६७०-२ तं तं नियममास्थाय प्रकृत्या नियताः स्वया ॥

९६७१-१ कामोऽक्षमा दक्षिणतानुकम्पा ह्रीः साध्वसं क्रौर्यमनायैता च ।
९६७१-२ दम्भोऽभिमानोऽथ च धार्मिकत्वं दैन्यं स्वयूथस्यविमाननं च ॥

९६७२-१ द्रोहो भयं शश्वदुपेक्षणं च शीतोष्णवर्षास्वसहिष्णुता च ।
९६७२-२ एतानि काले समुपाहितानि कुर्वन्त्यवश्यं खलु सिद्धिविघ्नं ॥

९६७३-१ कामोत्तप्तं मरकतमहाग्रावहारो गभीरे मग्नं नाभीसरसि हृदयं जग्रसेऽनेकपं मे ।
९६७३-२ लिलावेशप्रचलितकरः कोऽप्यहीनारिकेतुस् तद्भङ्गेन प्रतिविधिमिहैवानुरूपं व्यतानीत् ॥

९६७४-१ कामोद्वेगगृहीतं धूर्तैरुपहस्यमानशृङ्गारं ।
९६७४-२ दारिद्र्यहतं यौवनं अबुधानां केवलं विपदे ॥

९६७५-१ कामो नास्ति नपुंसकस्य कुलटावर्गस्य नास्ति त्रपा तोयं नास्ति मरीचकासु सततं नास्ति स्थिरत्वं स्त्रियः ।
९६७५-२ धर्मो नास्ति च नास्ति कस्य विभवो नास्ति प्रमत्तात्मनः स्नेहानां कणिकापि नास्ति गणिकालोकस्य च प्रायशः ॥

९६७६-१ कामोपभोगसाफल्यफलो राज्ञां महीजयः ।
९६७६-२ अहङ्कारेण जीयन्ते द्विषन्तः किं नयश्रिया ॥

९६७७-१ कामो वामदृशां निधिर्नयजुषां कालानलो विद्विषां स्वःशाखी विदुषां गुरुर्गुणवतां पार्थो धनुर्धारिणां ।
९६७७-२ लीलावासगृहं कुलाकुलजुषां कर्णः सुवर्णार्थिनां श्रीमान्वीरवरः क्षितीश्वरवरो वर्वर्ति सर्वोपरि ॥

९६७८-१ काम्बोजाः कम्बुजन्माकरशरणकृतः सह्यकान्तारकच्छा- न्विच्छायाः कच्छवाहा विदधति कतमे कामरूपाः कुरूपाः ।
९६७८-२ कुर्वाणे त्वय्यकस्मात्करकमलहृतं कार्मुकं कूर्मपृष्ठो- त्कृष्टं कर्णान्तकृष्टं नरपकुलमणे कर्णमाकर्णयन्ति ॥

९६७९-१ काम्याः क्रियास्तथा कामान्मानुषानभिवाञ्छति ।
९६७९-२ स्त्रियो दानफलं विद्यां मायां कुप्यं धनं दिवं ॥

९६८०-१ देवत्वममरेशत्वं रसायनचयः क्रियाः ।
९६८०-२ मरुत्प्रपतनं यज्ञं जलाद्यावेशनं तथा ॥

९६८१-१ श्राद्धानां सर्वदानानां फलानि नियमांस्तथा ।
९६८१-२ तथोपवासात्पूर्त्ताच्च देवताभ्यर्च्चनादपि ॥

९६८२-१ तेभ्यस्तेभ्यश्च कर्मभ्य उपसृष्टोऽभिवाञ्छति ।
९६८२-२ चित्तमित्थं वर्त्तमानं यत्नाद्योगी निवर्त्तयेत् ॥

९६८३-१ काम्यानां कतिचित्समापरिमितस्वर्गैकसंदायिनां सद्यः स्वान्तनितान्तमोहनकृतां कर्ता जनः कर्मणां ।
९६८३-२ आत्मानन्दमनन्यवेद्यमपरिच्छिन्नं न जानाति तं विक्रेता लवणस्य वेत्ति किमु तत्कर्पूरमूल्यं परं ॥

९६८४-१ काम्यानां कर्मणां न्यासं संन्यासं कवयो विदुः ।
९६८४-२ सर्वकर्मफलत्यागं प्राहुस्त्यागं विचक्षणाः ॥

९६८५-१ कायं मत्वा नश्वरं चञ्चलाभं चायुर्बुद्ध्वा भङ्गुरान्सर्वभोगान् ।
९६८५-२ पारं गन्तुं विश्वसिन्धोर्विदग्धा योगाभ्यासे साधुबुद्धिं विदध्वं ॥

९६८६-१ कायः कण्टकदूषितो न च घनच्छाया कुतः पल्लवाः पुष्पाणि च्युतसौरभाणि न दलश्रेणी मनोहारिणी ।
९६८६-२ किं ब्रूमः फलपाकमस्य यदुपन्यासेऽपि लज्जामहे तद्भोः केन गुणेन शाल्मलितरो जातोऽसि स्ॐअद्रुमः ॥

९६८७-१ कायः संनिहितापायः संपदः पदमापदां ।
९६८७-२ समागमाः सापगमाः सर्वमुत्पादि भङ्गुरं ॥

९६८७आ-१ कालक्लमैर्यश्च तपोऽभिधानैः प्रवृत्तिमाकाङ्क्षति कामहेतोः ।
९६८७आ-२ संसारदोषानपरीक्षमाणो दुःखेन सोऽन्विच्छति दुःखमेव ॥

९६८८-१ कायक्लेशेन महता पुरुषः प्राप्नुयात्फलं ।
९६८८-२ तत्सर्वं लभते नारी सुखेन पतिपूजया ॥

९६८९-१ कायच्छिन्नास्तु ऋषिका मर्मघ्ना गुरवस्तथा ।
९६८९-२ तीक्ष्णाश्छेदसहा वाङ्गा दृढा शूर्पारकोद्भवाः ॥

९६८९आ-१ कायवाङ्मनसां दुष्टप्रणिधानमनादरः ।
९६८९आ-२ स्मृत्यनुपस्थापनं च स्मृताः सामायिकव्रते ॥

९६९०-१ कायस्थस्य च शल्यस्य कायस्थस्य च सा गतिः ।
९६९०-२ याभ्यामनुप्रविष्टाभ्यां दूष्यन्ते सर्वधातवः ॥

९६९१-१ कायस्थेनोदरस्थेन मातुरामिषशङ्कया ।
९६९१-२ अन्त्राणि यन्न भुक्तानि तस्य हेतुरदन्तता ॥

९६९२-१ कायस्थैर्यं करणपटुतां बन्धुसम्पत्तिमर्थं चातुर्यं वा किमिव हि बलं बिभ्रतो निर्भराः स्मः ।
९६९२-२ अन्त्यः श्वासः किमयमथवोपान्त्य इत्यामृशन्तो विस्मृत्येशं निमिषमपि किं वर्तितुं पारयामः ॥

९६९३-१ कायेन कुरुते पापं मनसा सम्प्रधार्य च ।
९६९३-२ अनृतं जिह्वया चाह त्रिविधं कर्म पातकं ॥

९६९४-१ कायेन त्रिविधं चैव वाचा चैव चतुर्विधं ।
९६९४-२ मनसा त्रिविधं नित्यं दशाधर्मपथांस्त्यजेत् ॥

९६९५-१ कायेन मनसा बुद्ध्या केवलैरिन्द्रियैरपि ।
९६९५-२ योगिनः कर्म कुर्वन्ति सङ्गं त्यक्त्वात्मशुद्धये ॥

९६९५आ-१ काये सीदति कण्ठरोधिनि कफे कुण्ठे च वाणीपथे जिह्मायां दृशि जीविते जिगमिषौ श्वासे शनैः शाम्यति ।
९६९५आ-२ आगत्य स्वयमेव नः करुणया कात्यायनीवल्लभः कर्णे वर्णयताद्भवार्णवभयादुत्तारकं तारकं ॥

९६९६-१ कारञ्जीः कूजयन्तो निजजठररवव्यञ्जिता बौजकोशिर् उत्पाकान्कृष्णलानां पृथुसुषिरगताञ्शिम्बिकान्पारयन्तः ।
९६९६-२ झिल्लीकाझल्लरीणां बधिरितभुवनं झंकृतं खे क्षिपन्तः शिञ्जानाश्वत्थपत्रप्रकरझणझणाराविणो वान्ति वाताः ॥

९६९७-१ कारणाकारणध्वस्तं कारणाकारणागतं ।
९६९७-२ यो मित्रं समुपेक्षेत स मृत्युमुपगूहति ॥

९६९७आ-१ कारणात्प्रियतामेति द्वेष्यो भवति कारणात् ।
९६९७आ-२ अर्थार्थी जीवलोकोऽयं न कश्चित्कस्यचित्प्रियः ॥

९६९८-१ कारणान्मित्रतां एति कारणाद्याति शत्रुतां ।
९६९८-२ तस्मान्मित्रत्वं एवात्र योज्यं वैरं न धीमता ॥

९६९९-१ कारणेन विना भृत्ये यस्तु कुप्यति पार्थिवः ।
९६९९-२ स गृह्णाति विषोन्मादं कृष्णसर्पप्रदंशितः ॥

९७००-१ कारणेनैव जायन्ते मित्राणि रिपवस्तथा ।
९७००-२ रिपवो येन जायन्ते कारणं तत्परित्यजेत् ॥

९७०१-१ कारणैः सदृशं कार्यं इति मिथ्या प्रसिद्धयः ।
९७०१-२ मानिनो भवतो जातं यदमानं यशो भुवि ॥

९७०२-१ कारणोत्पन्नकोपोऽपि साम्प्रतं प्रमदाजनः ।
९७०२-२ निशि शीतापदेशेन गाढमालिङ्गति प्रियं ॥

९७०३-१ कारण्डवाननविघट्टितवीचिमालाः कादम्बसारसचयाकुलतीरदेशाः ।
९७०३-२ कुर्वन्ति हंसविरुतैः परितो जनस्य प्रीतिं सरोरुहरजोऽरुणितास्तटिन्यः ॥

९७०४-१ कारय नाम्ब विलम्बं मुञ्च करं मे हरिं यामि ।
९७०४-२ न सहे स्थातुं यदसौ गर्जति मुरली प्रगल्भदूतीव ॥

९७०५-१ कारणात्प्रियतामेति द्वेष्यो भवति कारणात् ।
९७०५-२ अर्थार्थी जीवलोकोऽयं न कश्चित्कस्यचित्प्रियः ॥

९७०६-१ कारासंतानकूटस्य संसारवनवागुरा ।
९७०६-२ स्वर्गमार्गमहागर्ता पुंसां स्त्री वेधसा कृता ॥

९७०७-१ कारुण्यं पुण्यानां कृतज्ञता पुरुषचिह्नानां ।
९७०७-२ माया मोहमतीनां कृतघ्नता नरकपातहेतूनां ॥

९७०८-१ कारुण्यं संविभागश्च यथा भृत्येषु लक्ष्यते ।
९७०८-२ चित्तेनानेन ते शङ्क्या त्रैलोक्यस्यापि नाथता ॥

९७०९-१ कारुण्यपुण्यसत्सद्म कुरु त्वं जनबान्धव ।
९७०९-२ मम श्रीपार्श्वतीर्थेश सुप्रसादं सुखास्पदं ॥

९७१०-१ कारुण्यामृतकन्दलीसुमनसः प्रज्ञावधूमौक्तिक- ग्रीवालंकरणश्रियः शमसरित्पूरोत्सलच्छीकराः ।
९७१०-२ ते मौलौ भवतां मिलन्तु जगतीराज्याभिषेकोचित- स्रग्भेदा अभयप्रदानचरणप्रेङ्खन्नखाग्रांशवः ॥

९७११-१ कारुण्यामृतनीरमाश्रितजनश्रीचातकानन्ददं शार्ङ्गाखण्डलचापमम्बुजभवाग्नीन्द्रादिबर्हीष्टदं ।
९७११-२ चारुस्मेरमुखोल्लसज्जनकजासौदामिनीशोभितं श्रीरामाम्बुदमाश्रयेऽखिलजगत्संसारता पापहं ॥

९७११आ-१ कारुण्येन हता वधव्यसनिता सत्येन दुर्वाच्यता सन्तोषेण परार्थचौर्यपटुता शीलेन रागान्धता ।
९७११आ-२ नैर्ग्रन्थ्येन परिग्रहग्रहिलता यैयौवनेऽपि स्फुटं पृथ्वीयं सकलापि तैः सुकृतिभिर्मन्ये पवित्रीकृता ॥

९७१२-१ कारुण्येनात्मनो मानं तृष्णां च परितोषतः ।
९७१२-२ उत्थानेन जयेत्तन्द्रीं वितर्कं निश्चयाज्जयेत् ॥

९७१३-१ कार्कश्यं स्तनयोर्दृशोस्तरलतालीकं मुखे श्लाघ्यते कौटिल्यं कचसंचये च वचने मान्द्यं त्रिके स्थूलता ।
९७१३-२ भीरुत्वं हृदये सदैव कथितं मायाप्रयोगः प्रिये यासां दोषगणो गुणो मृगदृशां ताः स्युः पशूनां प्रियाः ॥

९७१४-१ कार्कश्यलौल्यनैवर्ण्यं हिंसाचापल्यमूर्खताः ।
९७१४-२ क्रोधावमानदुःखं च स्त्रीणां स्वाभाविका गुणाः ॥

९७१५-१ कार्णाटीकेलिवाटीविटपिनवदलान्दोलनाश्चोलबाला- चञ्चच्चाम्पेयमालानिविलपरिमलाकर्षणोत्कर्षभाजः ।
९७१५-२ वाता दातार एते मलयजमधुरामोदपूरैः प्रमोदान् गोदावीचीविनोदार्जितजडिमगुणानुद्वहन्तो वहन्ति ॥

९७१६-१ कार्णाटी स्वर्णकर्णाभरणपरिमिलन्मौक्तिकेष्वम्बुलेशैर् यस्याः संपृक्तमात्रेष्विदमजनि महच्चित्रमुच्चण्डमेव ।
९७१६-२ सङ्कीर्णे ताम्रपर्णीजललहरिभरैरर्णवे शुक्तयो यथ्सार्धं क्रीडन्ति शच्या शमयतु विपदोऽह्नाय सा जाह्नवी नः ॥

९७१७-१ कार्त्तिके वाथ चैत्रे वा विजिगीषोः प्रशस्यते ।
९७१७-२ यानमुत्कृष्टवीर्यस्य शत्रुदेशे न चान्यदा ॥

९७१८-१ कार्त्तिक्यां कृत्तिकायोगे यः कुर्यात्स्वामिदर्शनं ।
९७१८-२ सप्तजन्म भवेद्विप्रो धनाढ्यो वेदपारगः ॥

९७१९-१ कार्त्स्न्येन निर्वर्णयितुं च रूपं इच्छन्ति तत्पूर्वसमागमानां ।
९७१९-२ न च प्रियेष्वायतलोचनानां समग्रपातीनि विलोचनानि ॥

९७२०-१ कार्पण्यं दर्पमानौ च भयमुद्वेग एव च ।
९७२०-२ अर्थजानि विदुः प्राज्ञा दुःखान्येतानि देहिनां ॥

९७२१-१ कार्पण्यवृत्तिः स्वजनेषु निन्दा कुचेलता नीचजनेषु भक्तिः ।
९७२१-२ अतीव रोषः कटुका च वाणी नरस्य चिह्नं नरकागतस्य ॥

९७२२-१ कार्पण्येन यशः

,

क्रुधा गुणचयो

,

दम्भेन सत्यं

,

क्षुधा मर्यादा

,

व्यसनैर्धनं च

,

विपदा स्थैर्यं

,

प्रमादैर्द्विजः ।
९७२२-२ पैशुन्येन कुलं

,

मदेन विनयो

,

दुश्चेष्टया पौरुषं दारिद्र्येण जनादरो

,

ममतया चात्मप्रकाशो हतः ॥

९७२३-१ कार्पासं कटिनिर्मुक्तं कौशेयं भोजनावधि ।
९७२३-२ ऊर्णवस्त्रं सदा शुद्धं ऊर्णा वातेन शुध्यति ॥

९७२४-१ कार्पासकृतकूर्पासशतैरपि न शाम्यति ।
९७२४-२ शीतं शातोदरीपीनवक्षोजालिङ्गनं विना ॥

९७२५-१ कार्पासकोशोज्ज्वलकेशसंचया पयोधरालिङ्गितमन्मथालया ।
९७२५-२ गल्लौ जरद्गल्लकसंनिभावुभौ तथापि रण्डा सुरतं न मुञ्चति ॥

९७२६-१ कार्पासौषधकृष्णधान्यलवणक्लीबास्थितैलं वसा- पङ्काङ्गारगुडाहिवर्मशकृतक्लेशाय सव्याधिताः ।
९७२६-२ वान्तोन्मत्तजटीन्धनानि च तृणक्षुत्क्षामतक्रादयो मुण्ड्यभ्यक्तविमुक्तकेशपलिताः काषायिणश्चाशुभाः ॥

९७२६आ-१ कार्यं च किं ते परदोषदृष्ट्या कार्यं च किं ते परचिन्तया च ।
९७२६आ-२ वृषा कथं खिद्यसि बालबुद्धे कुरु स्वकार्यं त्यज सर्वमन्यान् ॥

९७२७-१ कार्यं च शान्तदीप्तं जात्वा विद्वान्विचारयेत्सर्वं ।
९७२७-२ शान्ते शान्तं ग्राह्यं दीप्ते दीप्तं च गृह्णीयात् ॥

९७२८-१ कार्यं चावेक्ष्य शक्तिं च देशकालौ च तत्त्वतः ।
९७२८-२ कुरुते धर्मसिद्ध्यर्थं विश्वरूपं पुनः पुनः ॥

९७२९-१ कार्यं तत्साधकादींश्च तद्व्ययं सुविर्निर्गमं ।
९७२९-२ विचिन्त्य कुरुते ज्ञानी नत्न्यथा लघ्वपि क्वचित् ॥

९७३०-१ कार्यं यावदिवं कर्ॐइ विधिवत्तावत्करिष्याम्यदस् तत्कृत्वा पुनरेतदद्य कृतवानेतत्पुरा कारितं ।
९७३०-२ इत्यात्मीयकुटुम्बपोषणपरः प्राणी क्रियाव्याकुलो मृत्योरेति करग्रहं हतमतिः संत्यक्तधर्मक्रियः ॥

९७३१-१ कार्यं शक्तावपि प्राणेस्त्राणं शरणमागते ।
९७३१-२ निजतृष्ठानुगं धातुं प्रदीपः किं न रक्षति ॥

९७३१आ-१ कार्यः कश्चिद्वरो दूतः सकुलश्चतुरोऽपि च ।
९७३१आ-२ कुलशीलविहीनस्तु सिर्द्धि नाशयति ध्रुवं ॥

९७३२-१ कार्यकारणकर्तृत्वे हेतुः प्रकृतिरुच्यते ।
९७३२-२ पुरुषः सुखदुःखानां भोक्तृत्वे हेतुरुच्यते ॥

९७३३-१ कार्यकाले तु संप्राप्ते नावज्ञेयं त्रयं सदा ।
९७३३-२ बीजमौषधमाहारो यथा लाभस्तथा क्रयः ॥

९७३४-१ कार्यकाले विपत्तौ यो भृत्यो हि याचते धनं ।
९७३४-२ सोत्सारणीयः सपदि नीतिज्ञावनिपालकैः ॥

९७३५-१ कार्यकालोचिता पापैर्मतिबुद्धिर्विहीयते ।
९७३५-२ सानुकूला तु वैदैवात्पुंसः सर्वत्र जायते ॥

९७३६-१ कार्यगतेर्वैचित्र्या- न्नीचोऽपि क्वचिदलं न जातु महान् ।
९७३६-२ कांस्येनैवादर्शः क्रियते राज्ञामपि न हेम्ना ॥

९७३७-१ कार्यज्ञः प्रष्टव्यो न पुनर्मान्यो मम प्रियो वेति ।
९७३७-२ गुरुरप्यासनसेव्यः प्रियानितम्बः कदा मन्त्री ॥

९७३८-१ कार्यते यच्च क्रियते सच्चासच्च कृतं ततः ।
९७३८-२ तत्राश्वसीत सत्कृत्वा असत्कृत्वा न विश्वसेत् ॥

९७३९-१ कार्यमालोचितापायं मतिमद्भिर्विचेष्टितं ।
९७३९-२ न केवलं हि सम्पत्तौ विपत्तावपि शोभते ॥

९७४०-१ कार्यमित्येव यत्कर्म नियतं क्रियतेऽर्जुन ।
९७४०-२ सङ्गं त्यक्त्वा फलं चैव सत्त्यागः सात्त्विको मतः ॥

९७४१-१ कार्यस्य हि गरीयस्त्वान्नीचानामपि कालवित् ।
९७४१-२ सतोऽपि दोषान्प्रच्छाद्य गुणानप्यसतो वदेत् ॥

९७४२-१ कार्यस्यापेक्षया भुक्तं विषमप्यमृतायते ।
९७४२-२ सर्वेषां प्राणिनां यत्र नात्र कार्या विचारणा ॥

९७४३-१ कार्याकार्यमनार्यैर् उन्मार्गनिरर्गलैर्गलन्मतिभिः ।
९७४३-२ नाकर्ण्यते विकर्णैर् नयोक्तिभिर्युक्तमुक्तमपि ॥

९७४४-१ कार्याकार्ये किमपि सततं नैव कर्तृत्वमस्ति जीवन्मुक्तस्थितिरवगतो दग्धवस्त्रावभासः ।
९७४४-२ एवं देहे प्रविलयगते तिष्ठमानो विमुक्तो निस्त्रैगुण्ये पथि विचरतः को विधिः को निषेधः ॥

९७४५-१ कार्याकार्ये तुलयति सर्वस् तृप्तो न जातु तृष्णार्तः ।
९७४५-२ स्वादु शुचि वा च तोयं मरुपथिकः को विचारयति ॥

९७४६-१ कार्याकार्येषु काकोलः प्रशस्तः स्याद्यथा किल ।
९७४६-२ न तथा वायसा ज्ञेया ग्राह्यास्तु तदभावतः ॥

९७४७-१ कार्याणां कर्मणा पारं यो गच्छति स बुद्धिमान् ।
९७४७-२ … … … … … … ॥

९७४८-१ कार्याणां गतयो भुजंगकुटिलाः स्त्रीणां मनश्चञ्चलं नैश्वर्यं स्थितिमत्तरंगचपलं न्णां वयो धावति ।
९७४८-२ संकल्पाः समदाङ्गनाक्षितरला मृत्युः परं निश्चितो मत्यैवं मतिसत्तमा विदधतां धर्मे मतिं तत्त्वतः ॥

९७४९-१ कार्याण्यर्थोपमर्देन स्वानुरक्तोऽपि साधयन् ।
९७४९-२ नोपेक्ष्यः सचिवो राज्ञा स तं मथ्नात्युपेक्षितः ॥

९७५०-१ कार्याण्युत्तमदण्डसाहसफलान्यायाससाध्यानि ये प्रीत्या संशमयन्ति नीतिकुशलाः साम्नैऽव ते मन्त्रिणः ।
९७५०-२ निःसाराल्पफलानि ये त्वविधिना वाञ्छन्ति दण्डोद्यमैस् तेषां दुर्नयचेष्टितैर्नरपतेरारोप्यते श्रीस्तुलां ॥

९७५१-१ कार्या न प्रतिकूलता न च बहिर्गन्तव्यमस्माद्गृहाथ्कोपश्च क्षणमात्रमाहितरुषा कार्यः प्रणामावधिः ।
९७५१-२ इत्येवं प्रमदाव्रतं यदि भवान्गृह्णाति नात्यन्तिकं तत्राहं दयितीभवामि शठ हे कोपानुबन्धेन किं ॥

९७५२-१ कार्यान्तरितोत्कण्ठं दिनं मया नीतमनतिकृच्छ्रेण ।
९७५२-२ अविनोददीर्घयामा कथं नु रात्रिर्गमयितव्या ॥

९७५३-१ कार्यान्तरेष्वप्यनुगम्यमाना श्रेयःप्रदा शान्तदिशि प्रदिष्टा ।
९७५३-२ शिवा प्रदीप्ते तु दिशःप्रदेशे समारटन्ती महते भयाय ॥

९७५४-१ कार्यापेक्षी जनः प्रायः प्रीतिमाविष्करोत्यलं ।
९७५४-२ ल्ॐआर्थी शौण्डिकः शष्पैर्मेषं पुष्णाति पेशलैः ॥

९७५५-१ कार्यारम्भः फलोल्लासं आलोक्य प्रायशो जनैः ।
९७५५-२ अनानुगुण्यगणनां कुर्वाणैर्न विगर्ह्यते ॥

९७५६-१ कार्यार्थिनः क्षीणतरस्य नैव निःशेषकार्यं कुटिलस्य कुर्यात् ।
९७५६-२ दोषाकरः प्राप्तविवृद्धदर्पः पलायते दूरतरं हि मित्रात् ॥

९७५७-१ कार्यार्थिनो दीर्घमिवाध्वखेदं विक्रीतदासा इव कर्मभारं ।
९७५७-२ कष्टं कटुद्रव्यमिवामयार्ताः स्वभर्तृगेहं वनिता सहन्ते ॥

९७५८-१ कार्यार्थी बन्धुजनः कार्यैर्बहुभिर्भवन्ति मित्राणि ।
९७५८-२ दाराः सुताश्च सुलभा धनमेकं दुर्लभं लोके ॥

९७५९-१ कार्यार्थी भजते लोके यावत्कार्यं न सिध्यति ।
९७५९-२ उत्तीर्णे च परे पारे नौकायाः किं प्रयोजनं ॥

९७६०-१ कार्यार्थी भजते लोको न प्रियः पारमार्थिकः ।
९७६०-२ वत्सः क्षीरक्षयं दृष्ट्वा परित्यजति मातरं ॥

९७६१-१ कार्यार्थी संगतिं याति कृतार्थे नास्ति संगतिः ।
९७६१-२ तस्मात्सर्वाणि कार्याणि सावशेषाणि कारयेत् ॥

९७६२-१ कार्यावेतौ हि कालेन धर्मो हि विजयावहः ।
९७६२-२ त्रयाणामपि लोकानां आलोककरणो भवेत् ॥

९७६३-१ कार्यासमर्थे महति न कुर्यात्परिहासकं ।
९७६३-२ लम्बोदरं नत्यशक्तं अप्रेष्योऽभूच्छशी हसन् ॥

९७६४-१ कार्या सैकतलीनहंसमिथुना स्रोतोवहा मालिनी पादास्तामभितो निषण्णहरिणा गौरीगुरोः पावनाः ।
९७६४-२ शाखालम्बितवल्कलस्य च तरोर्निर्मातुमिच्छाम्यधः शृङ्गे कृष्णमृगस्य वामनयनं कण्डूयमानां मृगीं ॥

९७६५-१ कार्यं कर्मणि निर्दिष्टो यो बहून्यपि साधयेत् ।
९७६५-२ पूर्वकार्याविरोधेन स कार्यं कर्तुमर्हति ॥

९७६६-१ न ह्येकः साधको हेतुः स्वल्पस्यापीह कर्मणः ।
९७६६-२ यो ह्यर्थं बहुधा वेद स समर्थोऽर्थसाधने ॥

९७६७-१ कार्येण लोके निजधर्मगर्हणा विचारचर्चाचरणैस्तु यैर्भुवि ।
९७६७-२ स्यात्तन्न कार्यं सुहितावहं भवदपीह भव्यं स्वविचारदृष्टितः ॥

९७६७आ-१ कार्येणापि विलम्बनं परगृहे श्वश्रूर्न संमन्यते शङ्कामारचयन्ति यूनि भवनं प्राप्ते मिथो यातरः ।
९७६७आ-२ वीथीनिर्गमनेऽपि तर्जयति च क्रुद्धा ननान्दा पुनः कष्टं हन्त मृगीदृशां पतिगृहं प्रायेण कारागृहं ॥

९७६८-१ कार्ये तु दुःखसाध्ये तु कार्यो नातिश्रमो जनैः ।
९७६८-२ कार्ये सिद्धे श्रमो न स्यादसिद्धे श्रम एव हि ॥

९७६९-१ कार्ये दासी रतौ वेश्या भोजने जननीसमा ।
९७६९-२ विपत्तौ बुद्धिदात्री च सा भार्या सर्वदुर्लभा ॥

९७६९आ-१ कार्ये महति युञ्जानो हीयतेऽर्थपतिः श्रिया ।
९७६९आ-२ स्त्रीप्रधानानि राज्यानि विद्वद्भिर्वर्जितानि च ।
९७६९आ-३ मूर्खामात्यप्रतप्तानि शुष्यन्ति जलबिन्दुवत् ॥

९७७०-१ कार्येषु मन्त्री करणेषु दासी भोज्येषु माता शयनेषु रम्भा ।
९७७०-२ धर्मेऽनुकूला क्षमया धरित्री भार्या च षाड्गुण्यवतीह धन्या ॥

९७७१-१ कार्येषु मन्त्री करणेषु दासी स्नेहेषु माता क्षमया धरित्री ।
९७७१-२ धर्मस्य पत्नी शयने च वेश्या षट्कर्मभिः स्त्री कुलमुद्धरन्ति ॥

९७७२-१ कार्ये सत्यपि जातु याति न बहिर्नाप्यन्यमालोकते साध्वीरप्यनुकुर्वती गुरुजनं श्वश्रूं च शुश्रूषते ।
९७७२-२ विस्रम्भं कुरुते च पत्युरधिकं प्राप्ते निशीथे पुनर् निद्राणे सकले जने शशिमुखी निर्याति रन्तुं विटैः ॥

९७७३-१ कार्येहानुसरणतो वारंवारं परं पुमांसमनु ।
९७७३-२ यतमानस्यानुदिनं भवति यतः प्रेमलक्षणं भजनं ॥

९७७४-१ कार्योपक्षेपमादौ तनुमपि रचयंस्तस्य विस्तारमिच्छन् बीजानां गर्भितानां फलमतिगहनं गूढमुद्भेदयंश्च ।
९७७४-२ कुर्वन्बुद्ध्या विमर्शं प्रसृतमपि पुनः संहरन्कार्यजातं कर्ता वा नाटकानामियमनुभवति क्लेशमस्मद्विधो वा ॥

९७७५-१ कार्श्यं क्षुत्प्रभवं कदन्नमशनं शीतोष्णयोः पात्रता पारुष्यं च शिरोरुहेषु शयनं मह्यास्तले केवले ।
९७७५-२ एतान्येव गृहे वहन्त्यवनतिं यान्त्युन्नतिं कानने दोषा एव गुणीभवन्ति मुनिभिर्योग्ये पदे योजिताः ॥

९७७६-१ कार्श्यं चेत्प्रतिपत्कला हिमनिधेः स्थूलाथ चेत्पाण्डिमा लीला एव मृणालिका यदि घना बाष्पाः कियान्वारिधिः ।
९७७६-२ सन्तापो यदि शीतलो हुतवहस्तस्याः कियद्वर्ण्यते राम त्वत्स्मृतिमात्रमेव हृदये लावण्यशेषं वपुः ॥

९७७७-१ कार्श्यजागरसन्तापान्यः करोति श्रुतोऽप्यलं ।
९७७७-२ तमेव दुर्लभं कान्तं चेतः कस्माद्दिदृक्षते ॥

९७७८-१ कार्षकः सर्वबीजानि समालोड्य प्रवापयेत् ।
९७७८-२ उत्पन्नबीजसद्भावं त्वङ्कुरेण विभावयेत् ॥

९७७९-१ कालं कपालमालाङ्कं एकमन्धकसूदनं ।
९७७९-२ वन्दे वरदमीशानं शासनं पुष्पधन्वनः ॥

९७८०-१ कालं नियम्य कर्माणि ह्याचरेन्नान्यथा क्वचित् ।
९७८०-२ गवादिष्वात्मवज्ज्ञानं आत्मानं चार्थधर्मयोः ।
९७८०-३ नियुञ्जीतान्नसंसिद्ध्यै मातरं शिक्षणे गुरुं ॥

९७८१-१ कालं निरीक्ष्य कुरुते कार्यं तस्याशु सिध्यति ।
९७८१-२ ग्रहं विचार्य क्रीडायां दीव्यतो न पराजयः ॥

९७८२-१ कालं पुरा गरलमम्बुनिधेरुदस्थादद्येन्दुनाम धवलं विषमभ्युदेति ।
९७८२-२ अद्यादिदं स गिरिशो यदि हन्त हन्याथ्कार्ष्ण्यं स्वकण्ठनिहितं सखि मद्भयं च ॥

९७८३-१ कालं मुहूर्ताङ्गुलिमण्डलेन दिनत्रियामाञ्जलिना पिबन्तं ।
९७८३-२ रूपं विलोक्यैव वपुश्च केषां भङ्गेन नाङ्गान्यलसीभवन्ति ॥

९७८४-१ कालः करोति कार्याणि काल एव निहन्ति च ।
९७८४-२ कर्ॐईति विहन्मीति मूर्खो मुह्यति केवलं ॥

९७८५-१ कालः किरातः स्फुटपद्मकस्य वधं व्यधाद्यस्य दिनद्बिपस्य ।
९७८५-२ तस्येव सन्ध्या रुचिरास्रधारा ताराश्च कुम्भस्थलमौक्तिकानि ॥

९७८६-१ कालः पचति भूतानि कालः संहरते प्रजाः ।
९७८६-२ कालः सुप्तेषु जागर्ति कालो हि दुरतिक्रमः ॥

९७८७-१ कालः पचति भूतानि कालः संहरति प्रजाः ।
९७८७-२ निर्दहन्तं प्रजाः कालं कालः शमयते पुनः ॥

९७८८-१ कालः संप्रति वर्तते कलियुगं सत्या नरा दुर्लभाः देशाश्च प्रलयं गताः करभरैर्लोभं गताः पार्थिवाः ।
९७८८-२ नानाचौरगणा मुषन्ति पृथिवीमार्यो जनः क्षीयते पुत्रस्यापि न विश्वसन्ति पितरः कष्टं युगे वर्तते ॥

९७८९-१ कालः सदागतिरपि स्थायीव परिचेष्टते ।
९७८९-२ चण्डमारुतवद्विश्वं अधरोत्तरयन्क्षणात् ॥

९७९०-१ कालः समविषमकरः परिभवसन्मानकारकः कालः ।
९७९०-२ कालः करोति पुरुषं दातारं याचितारं च ॥

९७९१-१ कालः सुप्तेषु जागर्ति कालो हि दुरतिक्रमः ।
९७९१-२ कालः सर्वेषु भूतेषु चरत्यविधृतः समः ॥

९७९२-१ कालः सूक्ष्मगतिर्नित्यं द्विविधश्चेह भाव्यते ।
९७९२-२ स्थूलसंग्रहचारेण सूक्ष्माचारान्तरेण च ॥

९७९३-१ कालः मृजति भूतानि कालः संहरते प्रजाः ।
९७९३-२ सर्वे कालस्य वशगा न कालः कस्यचिद्वशे ॥

९७९४-१ काल एवात्र कालेन निग्रहानुग्रहौ ददत् ।
९७९४-२ बुद्धिमाविश्य भूतानां धर्मार्थेषु प्रवर्तते ॥

९७९५-१ कालकालगलकालकालमुखकालकाल! कालकाल घनकालकाल पनकालकाल ! ।
९७९५-२ कालकालसितकालका ललनिकालकाल- कालकालगतु कालकाल! कलिकालकाल! ॥

९७९६-१ कालकूटमधुनापि निहन्तुं हन्त नो वहसि लाञ्छनभङ्ग्या ।
९७९६-२ यद्भयादिव निगीर्णमपि त्वां आशु मुञ्चति सुधाकर राहुः ॥

९७९७-१ कालकूटमिह निन्दति लोको येन शम्भुरजरामर एव ।
९७९७-२ अन्तकं विरहिणीशु सुधांशुं स्तौत्यमुं तु विरलो हि विवेकः ॥

९७९८-१ कालकूटादयो भेदा विषस्य नव सन्ति ये ।
९७९८-२ चिकित्सा कथ्यते तेषां मन्त्रपूर्वमविस्तरात् ॥

९७९९-१ कालक्रमं प्रत्यकथैव तावथ्क्षणं वियोगो मरणेन तुल्यः ।
९७९९-२ प्रियामुखोद्वीक्षणलालसानां अक्ष्णोर्निमेषोऽपि हि विघ्नभूतः ॥

९८००-१ कालक्रमकमनीय- क्रोडेयं केतकीति काशंसा ।
९८००-२ वृद्धिर्यथा यथा स्यास् तथा तथा कण्टकोत्कर्षः ॥

९८०१-१ कालक्रमत्रुटितसंश्रयभूः स्वमूल- मात्राश्रयी तटतरुः सरितोऽम्बुपूरैः ।
९८०१-२ यैः शङ्क्यते निपततीति वितीर्णमृद्धिस् तैरेव तस्य हि भवेत्स्थितिभुमिदार्ढ्यं ॥

९८०२-१ कालक्रमेण परिणामवशादनव्या भावा भवन्ति खलु पूर्वमतीव तुच्छाः ।
९८०२-२ मुक्तामणिर्जलदतोयकणोऽप्यणीयान् सम्पद्यते च चिरकीचकरन्ध्रमध्ये ॥

९८०३-१ कालक्षेपो न कर्तव्य आयुर्याति दिने दिने ।
९८०३-२ निरीक्षते यमो राजा धर्मस्य विविधां गतिं ॥

९८०४-१ का लक्ष्मीः पदमुन्नतं

,

किमु पदं यद्गौरवं स्वामिनः किं तद्गौरव

,

मन्तरायरहितापूर्वैव गुर्वी स्थितिः ।
९८०४-२ का चासौ स्थिति

,

रात्मभूषणपरव्यापारसम्भावना कस्यैतत्सकलं समस्ति

,

शशिनः श्रीकण्ठचुडामणेः ॥

९८०५-१ कालञ्जरपतिश्चक्रे भीमटः पञ्चनाटकीं ।
९८०५-२ प्राप प्रबन्धराजत्वं तेषु स्वप्नदशाननं ॥

९८०५आ-१ कालत्रयेऽपि यत्किंचिदात्मप्रत्ययवर्जितं ।
९८०५आ-२ एवमेतदिति स्पष्टं न वाच्यं चतुरेण तत् ॥

९८०६-१ कालत्रयोपपन्नानि जन्मकर्माणि मे नृप ।
९८०६-२ अनुक्रमन्तो नैवान्तं गच्छन्ति परमर्षयः ॥

९८०७-१ कालप्राप्तं महारत्नं यो न गृह्णात्यबुद्धिमान् ।
९८०७-२ अन्यहस्तगतं दृष्ट्वा पश्चात्स परितप्यते ॥

९८०८-१ कालप्राप्तमुपादद्यान्नार्थं राजा प्रसूचयेत् ।
९८०८-२ अहन्यहनि सन्दुह्यान्महीं गामिव बुद्धिमान् ॥

९८०९-१ कालयापनमाशानां वर्धनं फलखण्डनं ।
९८०९-२ विरक्तेश्वरचिह्नानि जानीयान्मतिमान्नरः ॥

९८१०-१ कालरात्रिकरालेयं स्त्रीति किं विचिकित्ससे ।
९८१०-२ तज्जगत्त्रितयं त्रातुं तात ताडय ताटकां ॥

९८११-१ कालरात्रिर्महारात्रिर्मोहरात्रिश्च दारुणा ।
९८११-२ त्वं श्रीस्त्वमीश्वरी त्वं ह्रीस्त्वं बुद्धिर्बोधलक्षणा ॥

९८१२-१ कालवर्षी च पर्जन्यो धर्मचारी च पार्थिवः ।
९८१२-२ सम्पद्यदैषा भवति सा बिभर्ति सुखं प्रजाः ॥

९८१३-१ कालविद्भिर्विनिर्णीतं पाण्डित्यं यस्य राघव ।
९८१३-२ अनध्यार्पित एवासौ तज्ज्ञश्चेद्दैवमुत्तमं ॥

९८१४-१ कालविद्भिविर्निर्णीता यस्यातिचिरजीविता ।
९८१४-२ स चेज्जीवति संच्छिन्नशिरास्तद्दैवमुत्तमं ॥

९८१५-१ कालव्यालहतं वीक्ष्य पतन्तं भानुमम्बरात् ।
९८१५-२ ओषधीशं समादाय धावतीव पितृप्रसूः ॥

९८१६-१ कालविच्छ्रोत्रियो राजा नदी साधुश्च पञ्चमः ।
९८१६-२ एते यत्र न विद्यन्ते तत्र वासं न कारयेत् ॥

९८१७-१ कालश्चालयति प्रायः पण्डितान्पामरानपि ।
९८१७-२ तं चेच्चिकीर्षसि वशे तितिक्षैव महौषधं ॥

९८१८-१ कालश्चेत्करुणापरः कलियुगं यद्यद्य धर्मप्रियं निस्त्रिंशो यदि पेशलो विषधरः सन्तोषदायी यदि ।
९८१८-२ अग्निश्चेदतिशीतलं खलजनः सर्वोपकारी स चेदायुष्यं यदि वा भविष्यति विषं वेश्यापि तद्रागिणी ॥

९८१९-१ कालस्य कारणं राजा सदसत्कर्मणस्त्वतः ।
९८१९-२ सुकार्योद्यतदण्डाभ्यां स्वधर्मे स्थापयेत्प्रजाः ॥

९८२०-१ … … … … … … ।
९८२०-२ कालस्य सुमहद्बीर्यं सर्वभूतेषु लक्ष्मण ॥

९८२१-१ कालस्यैव वशो सर्वं दुर्गं दुर्गतरं च यत् ।
९८२१-२ काले क्रुद्धे कथं कालात्त्राणं नोऽद्य भविष्यति ॥

९८२१आ-१ कालागरूद्गारसुगन्धिगन्ध- धूपाधिवासाश्रयभूगृहेषु ।
९८२१आ-२ न तत्र सुर्माघसमीरणेभ्यः श्यामाकुचोष्माश्रयिणः पुमांसः ॥

९८२२-१ कालागुरुप्रचुरचन्दनचर्चिताङ्ग्यः पुष्पावतंससुरभीकृतकेशपाशाः ।
९८२२-२ श्रुत्वा ध्वनिं जलमुचां त्वरितं प्रदोषे शय्यागृहं गुरुगृहात्प्रविशन्ति नार्यः ॥

९८२३-१ कालागुरौ सुरभितातिशयेऽपि सङ्गादारभ्यते सुरभितापरपादपेऽपि ।
९८२३-२ पाटीरपाटवमिदं तव सङ्गिवातैस् तादात्म्यमेति कतरो न तरोः समूहः ॥

९८२४-१ कालाग्निरुद्र आधारे शक्तिः कुण्डलिनी तथा ।
९८२४-२ आनन्दाख्या स्वधिष्ठाने शक्त्या कामाख्यया सह ॥

९८२५-१ कालातिक्रमणं कुरुष्व तडितां विस्फूर्जितैस्त्रासय स्फारैर्भीषय गर्जितैरतितरां कार्ष्ण्यं मुखे दर्शय ।
९८२५-२ यस्यानन्यगतेः पयोद मनसो जिंज्ञासया चातक- स्याधेहि त्वमिहाखिलं तदपि न त्वत्तः परं याचते ॥

९८२६-१ कालातिक्रमणं वृत्तेर्यो न कुर्वीत भूपतिः ।
९८२६-२ कदाचित्तं न मुञ्चन्ति भर्त्सिता अपि सेवकाः ॥

९८२७-१ कालातिक्रमणे ह्येव भक्तवेतनयोर्भृताः ।
९८२७-२ भर्तुः कुप्यन्ति दुष्यन्ति सोऽनर्थः सुमहान्स्मृतः ॥

९८२८-१ कालातिपातः कार्याणां धर्मार्थपरिपीडनं ।
९८२८-२ नित्याभ्यन्तरवर्तित्वात्साधुप्रकृतिकोपनं ॥

९८२९-१ रहस्यभेदस्तत्पक्षादकार्येषु प्रवर्तनं ।
९८२९-२ ईर्ष्यामर्षस्तथा क्रोधो निरोधः साहसानि च ॥

९८३०-१ इत्यादि च स्त्रीव्यसने यच्च पूर्वं प्रकीर्तितं ।
९८३०-२ तस्मात्स्त्रीव्यसनं राजा राज्यकामः परित्यजेत् ॥

९८३१-१ कालात्प्ररोहति विश्वं पुनः कालः प्रवर्तते ।
९८३१-२ स्थूलसूक्ष्मगतिः कालो विविधं तस्य चोच्यते ॥

९८३२-१ कालात्प्रवर्तते बीजं कालाद्गर्भं प्रमुञ्चति ।
९८३२-२ कालो जनयते पुत्रं पुनः कालोऽपि संहरेत् ॥

९८३३-१ कालाद्प्ररोहते बीजं फलं कालात्प्रवर्तते ।
९८३३-२ कालो हि वर्तयेत्सृष्टिं पुनः कालो हि संहरेत् ॥

९८३४-१ कालानपास्य विषुवायनसंक्रमादीन् अस्तंगते हिमकरे च दिवाकरे च ।
९८३४-२ अम्ब स्मरेयमपि ते चरणारविन्दं आनन्दलक्षणमपास्तसमस्तभेदं ॥

९८३५-१ कालानुकूल्यं विस्पष्टं राघवस्यार्जुनस्य च ।
९८३५-२ अनुकूले यदा दैवे क्रियाल्पा सुफला भवेत् ॥

९८३६-१ कालान्तरे ह्मनर्थाय गृध्रो गेहोपरि स्थितः ।
९८३६-२ खलो गृहसमीपस्थः सद्योऽनर्थाय देहिनां ॥

९८३७-१ कालञ्जराः भारसहास्तेषां वक्ष्यामि लक्षणं ।
९८३७-२ शतार्धमङ्गुलानां तु श्रेष्ठं खड्गं प्रकीर्तितं ॥

९८३८-१ कालिदास कलावास दासवच्चालितो यदि ।
९८३८-२ राजमार्गे व्रजन्नत्र परेषां तत्र का त्रपा ॥

९८३९-१ कालिदासकविता नवं वयो माहिषं दधि सशर्करं पयः ।
९८३९-२ एणमांसमबला च क्ॐअला सम्भवन्तु मम जन्मजन्मनि ॥

९८४०-१ कालिदासकवेर्वाणी कदाचिन्मद्गिरा सह ।
९८४०-२ कलयत्यर्थसाम्यं चेद्भीता भीता पदे पदे ॥

९८४१-१ कालिन्दि

,

ब्रूहि कुम्भोद्भव

,

जलधिरहं नाम गृह्णासि कस्माछ्छत्रोर्मे

,

नर्मदाहं त्वमपि वदसि मे नाम कस्मात्सपत्न्याः ।
९८४१-२ मालिन्यं तर्हि कस्मादनुभवसि

,

मिलत्कज्जलैर्मालवीनां नेत्राम्भोभिः

,

किमासां समजनि

,

कुपितः कुन्तलक्षोणिपालः ॥

९८४२-१ कालिन्दीं वीक्ष्य यातां सुललितवदनो मातरं गेहगोपीः कार्यासक्ताः समन्तादनुगतनयनो गोरसागारमन्तः ।
९८४२-२ गत्वा भाण्डानि भित्त्वा मधुमधु शनकैर्गोरसं भक्षमाणः शीघ्रप्रत्याप्तनन्दाकलितसितमुखो नन्दसूनुः शिवाय ॥

९८४३-१ कालिन्दीकलकूलकाननकृतक्रीडाकलापोल्लस द्- गोगोपालकबालकैः प्रतिदिशं सानन्दमाविष्टितं ।
९८४३-२ वंशीनादवशीकृतव्रजवधूस्वान्तं सदाह्नादकं सद्भक्त्या समुपास्महे वयमघध्वंसैकधीरं महः ॥

९८४४-१ कालिन्दीकेशपाशः परिलसति महीनायिकायास्तनूजा जह्नीः सत्पुण्यसंघो गुण इह सलिलं यच्च सारस्वसं तु ।
९८४४-२ वेणी त्वेषा विशेषादमरवरलसत्स्नेहयुक्ता वियुक्ता बन्धेनेत्यत्र चित्रं विलसति नितरां यत्तमोवर्णहीना ॥

९८४५-१ कालिन्दीचारुवीचीनिचय इति मुदा गाहिता नैचिकीभिर् बाला कादम्बिनीति प्रमुदितहृदयं वीक्षिता नीलकण्ठैः ।
९८४५-२ उत्तंसार्थं तमालस्तबक इति हृता मुग्धगोपाङ्गनाभिः श्रेयो नः कल्पयन्तां मधुमथनतनुस्वच्छकान्तिप्रवाहाः ॥

९८४६-१ कालिन्दीजलकुञ्जवञ्जुलवनच्छायानिषण्णात्मनो राधाबद्धनवानुरागरसिकस्योत्कण्ठितं गायतः ।
९८४६-२ तत्पायादपरिस्खलज्जलरुहापीडं कलस्पृङ्नत- ग्रीवोत्तानितकर्णतर्णककुलैराकर्ण्यमानं हरेः ॥

९८४७-१ कालिन्दीजलकेलिलोलतरुणीरावीतचीनांशु का निर्गत्याङ्गजलानि सारितवतीरालोक्य सर्वा दिशः ।
९८४७-२ तीरोपान्तमिलन्निकुञ्जभवने गूढं चिरात्पश्यतः शौरेः संभ्रमयन्निमा विजयते साकूतवेणुध्वनिः ॥

९८४७आ-१ कालिन्दीतटभेदि हास्तिनपुरीदौस्थ्यादिभिः ख्यापित- स्थेमा यस्य जयत्यखण्डजगदानन्दैककन्दो भूजः ।
९८४७आ-२ मुष्ट्या निष्ठुरयैष मुष्टिकशिरोनिष्ट्यूतरक्तक्छटाच्- छद्मोद्वान्तरुषा भिनत्तु भवतां भद्रेतरं लाङ्गलं ॥

९८४८-१ कालिन्दीनर्मदाम्भःस्रुतमदसलिलोत्सङ्गिनौ पुष्पवन्तौ विभ्राणः कुम्भयुग्मं गगनतलततः स्वर्धुनीपूरशुण्डः ।
९८४८-२ घण्टालः साधुवादैरनभिमतयशो देव मृद्नन्मृणालं कीर्तिस्त्ॐआभ्रकुम्भी जगदुदरसरःसंभ्रमी बम्भ्रमीति ॥

९८४९-१ कालिन्दीपुलिनान्तवञ्जुललताकुञ्जे कुतश्चित्क्रमाथ्सुप्तस्यैव मिथः कथाजुषि शनैः सम्वाहिकामण्डले ।
९८४९-२ वैदेहीं दशकन्धरोऽपहरतीत्याकर्ण्य कंसद्विषो हुं हुं वत्स धनुर्धनुर्धनुरिति व्यग्रा गिरः पान्तु वः ॥

९८५०-१ कालिन्दीपुलिने मया

,

न न मया शैलोपशल्ये

,

न न न्यग्रोधस्य तले मया

,

न न मया राधापितुः प्राङ्गणे ।
९८५०-२ दृष्टः कृष्ण इतीरितस्य सभयं गोपैर्यशोदापतेर् विस्मेरस्य पुरो हसन्निजगृहान्निर्यन्हरिः पातु वः ॥

९८५१-१ कालिन्दीपुलिनोदरेषु मुसली यावद्गतः क्रीडितुं तावत्कर्बुरिकापयः पिब हरे वार्धिष्यते ते शिखा ।
९८५१-२ इत्थं बालतया प्रतारणपरा श्रुत्वा यशोदागिरः पायाद्वः स्वशिखां स्पृशन्प्रमुदितः क्षीरेऽर्धपीते हरिः ॥

९८५२-१ कालिन्दीमनुकूलक्ॐअलरयामिन्दीवरश्यामलाः शैलोपान्तभुवः कदम्बकुसुमैरामोदिनः कन्दरान् ।
९८५२-२ राधां च प्रथमाभिसारमधुरां जातानुतापः स्मरन् अस्तु द्वारवतीपतिस्त्रिभुवनामोदाय दामोदरः ॥

९८५३-१ कालिन्दीयं द्विरददलिंताम्भोजिनीरेणुरम्या यस्याः कृष्णः शिशिरपयसस्तीरकेदारचारी ।
९८५३-२ गायन्तीनां किमपि मधुरं बालगोपालिकानां लीलालोलः कमलकलिकाः कर्णपूरीचकार ॥

९८५४-१ कालिन्दीयति कज्जलीयति कलानाथाङ्कमालीयति व्यालीयत्यहिमण्डलीयति मुहुः श्रीकण्ठकण्ठीयति ।
९८५४-२ शैवालीयति कोकिलीयति महानीलाभ्रजालीयति भ्रह्माण्डे रिपुदुर्यशस्तव नृपालंकारचूडामणे ॥

९८५५-१ कालिन्दीराशिरूर्ध्वं ननु मधुपकुलं मालतीपुञ्जगं वा सन्दोहं वैणनाभेर्जयति शशिमुखीकेशजालं मनोज्ञं ।
९८५५-२ भ्रान्तिं प्राप्नोषि किं त्वं बत गरलधराभोग एष प्रचण्डो लोकं प्रत्यक्षभूतं ग्रसति बत बलाद्यन्न भूयःसुखित्वं ॥

९८५६-१ कालिन्दीवीचिपुञ्जैः कुवलयविपिनैरिन्द्रनीलच्छटाभिः शैवालैः कज्जलौघैरलितिमिरभरैर्बालजीमूतजालैः ।
९८५६-२ कस्तूरीकोकिलानां ततिभिरिव सहाचाकचिक्यप्रपञ्चैस् त्रैलोक्यं पूरयन्ती शमयतु विपदः शांभवी कण्ठनाला ॥

९८५७-१ कालिन्द्याः पुलिनं प्रदोषमरुतो रम्याः शशाङ्कांशवः सन्तापं न हरन्तु नाम नितरां कुर्वन्ति कस्मात्पुनः ।
९८५७-२ सन्दष्टं व्रजयोषितामिह हरेः संशृण्वतोऽन्तःपुरे निःश्वासा प्रसृता चयन्ति रमणीसौभाग्यगर्वच्छिदः ॥

९८५८-१ कालिन्द्याः पुलिनेन्द्रनीलशकलश्यामाम्भसोऽन्तर्जले मग्नस्याञ्जनपुञ्जमेचकनिभस्याहेः कुतोऽन्वेषणं ।
९८५८-२ ताराभाः फणचक्रवालमणयो न स्युर्यदि द्योतिनो यैरेवोन्नतिमाप्नुवन्ति गुणिनस्तैरेव यान्त्यापदं ॥

९८५९-१ कालिन्द्याः पुलिनेषु केलिकुपितामुत्सृज्य रासे रसं गच्छन्तीमनुगच्छतोऽश्रुकलुषां कंसद्विषो राधिकां ।
९८५९-२ तत्पादप्रतिमानिवेशितपदस्योद्भूतर्ॐओद्गतेर् अक्षुण्णोऽनुनयः प्रसन्नदयितादृप्टस्य पुष्णातु वः ॥

९८५९आ-१ काली कलकलरूपा महिषासुरविनाशिनी वीरा ।
९८५९आ-२ शुम्भादाननिशुम्भा- स्वादनतोषावतु त्वां न्पते ॥

९८६०-१ कालीकेलीकलापक्रमकलितकलाकौतुकी कुन्दकान्तिः कल्पान्ते कालकल्पः क्रतुकदनकथाकन्दलीकूटकन्दः ।
९८६०-२ काकोलक्रूरकण्ठः कलितकलकलत्क्लान्तकन्दर्पकान्ता- कारुण्याक्रान्तकान्तः कलयतु कुशलं किङ्कराणां कपर्दी ॥

९८६१-१ कालीनागग्रहव्यग्रे श्रीकृष्णे यमुनातटे ।
९८६१-२ झंपयाध्ॐउखे जाते विपरीतं जगत्त्रयं ॥

९८६२-१ कालीयकक्षोदविलेपनश्रियं दिशद्दिशामुल्लसदंशुमद्द्युति ।
९८६२-२ खातं खुरैर्मुद्गभुजां विपप्रथे गिरेरधः काञ्चनभूमिजं रजः ॥

९८६३-१ कालीयैः कुचकाञ्चनाचलचमत्कारः किमुत्सार्यते कीदृक्कुङ्कमकेसरत्विषि मुखे कस्तूरिकालेपनं ।
९८६३-२ स्फीतेऽस्मित्जघने सरोजवदने किं नीलचोलार्पणं कस्मै साहसिनि त्वमिच्छसि विधेर्विन्यासमन्यादृशं ॥

९८६४-१ कालुष्यं जनयञ्जडस्य रचयन्धर्मद्रुमोन्सूलनं क्लिश्यन्नीतिकृपाक्षमाकमलिनीं लोभाम्बुधिं वधैयन् ।
९८६४-२ मर्यादातटमुद्रुजञ्छुभमनोहंसप्रवासं दिशन् किं न क्लेशकरः परिग्रहनदीपूरः प्रवृद्धिं गतः ॥

९८६५-१ कालुष्यं पयसां विलोक्य शनकैरुड्डीय हंसा गता धाराजर्जरकेसरास्फुटरुचः पद्मा निमग्ना जले ।
९८६५-२ सा सर्वर्तुसुखावतारपदवी छन्ना तृणैर्नूतनैः कष्टं तादृगपि स्वभावविमलं वृद्ध्यैव नष्टं सरः ॥

९८६६-१ कालुष्यमुद्वीक्ष्य विधुं कलङ्किनं बुधा यदाहुर्मम सङ्गतं न तत् ।
९८६६-२ जाने निजाङ्के दयितास्य वर्तते निशीथिनीनाथकलङ्किता नहि ॥

९८६७-१ काले काले न किमुपनतं भुञ्जते भोज्यजातं गृह्णन्त्यम्भो न किमथ न किं संविशन्ति क्षपासु ।
९८६७-२ पुष्णन्ति स्वान्न किमु पृथुकान्स्त्रीषु किं नो रमन्ते कृत्याकृत्यव्यपगतधियां कस्तिरश्चां च भेदः ॥

९८६८-१ काले काले विरेच्यं स्यात्पात्रं पूरयितुं पुनः ।
९८६८-२ सज्जीकुर्मो यदावाप्तुं गुर्वीं ग्रहणशीलतां ।
९८६८-३ स्वात्मनोऽन्तस्तदस्माभी रिक्ततैवानुभूयते ॥

९८६८आ-१ काले कथंचिच्चरतां धवानां कान्त्या स्वया कर्दमितेऽन्तरिक्षे ।
९८६८आ-२ अम्भोधराः श्रान्तिजुषामभूवन् आलम्बदण्डा इव वारिधाराः ॥

९८६९-१ काले खल्वागता देव्यः पुत्रे मोहमुपागते ।
९८६९-२ हस्तस्पर्शो हि मात्णां अजलस्य जलाञ्जलिः ॥

९८६९आ-१ काले तरोरनुपकारि फलं फलित्वा लज्जावशादुचित एव विनाशयोगः ।
९८६९आ-२ एतत्तु चित्रमुपकृत्य फलैः परेभ्यः प्राणान्निजान्झटिति यत्कदली जहाति ॥

९८७०-१ कालेऽदाता पिता वाच्यो वाच्यश्चानुपयन्पतिः ।
९८७०-२ मृते भर्तरि पुत्रस्तु वाच्यो मातुररक्षिता ॥

९८७१-१ काले देशे यथायुक्तं नरः कुर्वन्नुपैति कां ।
९८७१-२ भुक्तवन्तावलप्स्येतां किमन्नमकरिष्यतां ॥

९८७२-१ काले धर्मार्थकामान्यः संमन्त्र्य सचिवैः सह ।
९८७२-२ निषेवेतात्मवांल्लोके न स व्यसनमाप्नुयात् ॥

९८७३-१ कालेन कृष्णाश्च सिताश्च रात्र्यः कालेन चन्द्रः परिपूर्णबिम्बः ।
९८७३-२ नाकालतः पुष्पफलं नगानां नाकालवेगाः सरितो वहन्ति ॥

९८७४-१ कालेन क्षितिवारिवह्निपवनव्य्ॐआदियुक्तं जगद्ब्रह्माद्याश्च सुराः प्रयान्ति विलयं विद्मो विवारादिति ।
९८७४-२ पश्यामोऽपि विनश्यतेऽनवरतं लोकाननेकान्मुधा मायामोहमयीं भवप्रणयिनीं नास्थां जहीमो वयं ॥

९८७५-१ कालेन याति क्रिमितां महेन्द्रो महेन्द्रभावं क्रिमिरप्युपैति ।
९८७५-२ अयं प्रथीयानयमप्रतिष्ठ इत्येष निष्ठानुचितोऽभिमानः ॥

९८७६-१ कालेन रिपुणा संधिः काले मित्रेण विग्रहः ।
९८७६-२ कार्यकारणमाश्रित्य कालं क्षिपति पण्डितः ॥

९८७७-१ कालेन शीघ्राः प्रविवान्ति वाताः कालेन वृष्टिर्जलदानुपैति ।
९८७७-२ कालेन पद्मोत्पलवज्जलं च कालेन पुष्पन्ति नगा वनेषु ॥

९८७८-१ काले नीलबलाहके सतडिति प्रीतिप्रदे बर्हिणा आश्चर्यं कथयामि वः शृणुत भो यद्वृत्तमस्मिन्गृहे ।
९८७८-२ सौभाग्यव्ययशङ्कयैकशयने कान्ताप्रियाभ्यामहो मानिभ्यां बत रात्रिमेव सकलां चीर्णं प्रवासिव्रतं ॥

९८७९-१ कालेऽन्नस्य क्षुधमवहितो दित्समानो विधृत्य नो भोक्तव्यं प्रथममतिथेर्यः सदा तिष्ठतीति ।
९८७९-२ तस्याप्राप्तावपि गतमलं पुण्यराशिं श्रयन्तं तं दातारं जिनपतिमते मुख्यमाहुर्जिनेद्राः ॥

९८८०-१ काले महत्यनवधावपतन्कदापि क्वाप्यन्तिमे जनुषि कोऽपि गतिं लभेत ।
९८८०-२ इत्थं समर्थनविधिः परमागमानां पर्यायसूक्तिविधया नयनं नञर्थे ॥

९८८१-१ काले मृदुर्यो भवति काले भवति दारुणः ।
९८८१-२ राजा लोकद्वयापेक्षी तस्य लोकद्वयं भवेत् ॥

९८८२-१ काले मृदुर्यो भवति काले भवति दारुणः ।
९८८२-२ स वै सुखमवाप्नोति लोकेऽमुष्मिन्निहैव च ॥

९८८३-१ काले मृदुर्यो भवति काले भवति दारुणः ।
९८८३-२ स साधयति कृत्यानि शत्रूंश्चैवाधितिष्ठति ॥

९८८४-१ काले भृदुश्च तीक्ष्णश्च नृपः स्याद्यदि सूर्यवत् ।
९८८४-२ उदयः क्रियते तस्य मण्डलेनानुरागिणा ॥

९८८५-१ काले यथावधिगत- नरपतिकोपाद्यशेषवृत्तान्तः ।
९८८५-२ नृपभवने नतमूर्तिः संयतवस्त्रः शनैः प्रविशेत् ॥

९८८६-१ काले वाप्यथवाकाले संध्यावन्दनतत्परः ।
९८८६-२ अविद्यो वा सविद्यो वा ब्राह्मणो मामकी तनुः ॥

९८८७-१ काले वारिधराणां अपतितया नैव शक्यते स्थातुं ।
९८८७-२ उत्कण्ठितासि तरले न हि न हि सखि पिच्छिलः पन्थाः ॥

९८८८-१ काले विद्युत्प्रभाजाले शिखिताण्डवमण्डिते ।
९८८८-२ कान्तः सर्वजनाभीष्टो बालेन्दुः खे न लभ्यते ॥

९८८९-१ काले संततवर्षिणो जलमुचः सस्यैः समृद्धा धरा भूपाला निजधर्मपालनपरा विप्रास्त्रयीनिर्भराः ।
९८८९-२ स्वादुक्षीरनतोधसः प्रतिदिनं गावो निरस्तापदः सन्तः शान्तिपरा भवन्तु कृतिनः सौजन्यभाजो जनाः ॥

९८९०-१ काले सहिष्णुर्गिरिवदसहिष्णुश्च वह्निवत् ।
९८९०-२ स्कन्धेनापि वहेच्छत्रून्प्रियाणि समुदाहरन् ॥

९८९१-१ काले हितं मितं ब्रूयादविसंवादि पेशलं ।
९८९१-२ पूर्वाभिभाषी सुमुखः सुशीलः करुणो मृदुः ॥

९८९२-१ काले हितमिताहारविहारी विधसाशनः ।
९८९२-२ अदीनात्मा च सुस्वप्नः शुचिः स्यात्सर्वदा नरः ॥

९८९३-१ का लोकमाता किमु देहमुख्यं रते किमादौ कुरुते मनुष्यः ।
९८९३-२ को दैत्यहन्ता वद वै क्रमेण गौरीमुखं चुम्बति वासुदेवः ॥

९८९४-१ कालो देशः क्रिया कर्ता करणं कार्यमागमः ।
९८९४-२ द्रव्यं फलमिति ब्रह्मन्नवधोक्तोऽजया हरिः ॥

९८९५-१ कालो दैवं कर्म जीवः स्वभावो द्रव्यं क्षेत्रं प्राण आत्मा विकारः ।
९८९५-२ तत्संघातो बीजरोहप्रवाहस् त्वन्मायैषा तन्निषेधं प्रपद्ये ॥

९८९६-१ कालोपभोगिनः सर्वे नित्यमानन्दिता नराः ।
९८९६-२ सर्वे सत्यरता नित्यं सर्वे धर्मपरायणाः ॥

९८९६आ-१ कालोपलब्धं कलहंसनाद- माकर्ण्य कर्णामृतमन्तरिक्षे ।
९८९६आ-२ सलीलमुद्धाटितवारिपूरा सरोजिनी सादरमुज्जगाम ॥

९८९७-१ कालोऽभ्युपैति सकृदेव नरं कथंचिथ्प्राप्नोति तं न स पुनः खलु कालकाङ्क्षी ।
९८९७-२ कालेन गोचरगताननपेक्ष्य भक्ष्यान् मन्दक्रमोऽप्यजगरः समुपैति सिद्धिं ॥

९८९८-१ कालो मधुः कुपित एष च पुष्पधन्वा धीरा वहन्ति रतिखेदहराः समीराः ।
९८९८-२ केलीवनीयमपि वञ्जुलकुञ्जमञ्जुर् दूरे पतिः कथय किं करणीयमद्य ॥

९८९९-१ कालोऽयं भूतमशकघुंधुमानां प्रपातिनां ।
९८९९-२ ब्रह्माण्डोदुम्बरोत्थानां बृहत्पादपतां गतः ॥

९९००-१ कालो याति गलत्यायुः क्षीयन्ते च मनोरथाः ।
९९००-२ सुकृतं च कृतं किंचित्सतां संस्मरणोचितं ॥

९९०१-१ कालो वा कारणं राज्ञो राजा वा कालकारणं ।
९९०१-२ इति ते संशयो मा भूद्राजा कालस्य कारणं ॥

९९०२-१ कालो विकुरुते भावान्सर्वांल्लोके शुभाशुभान् ।
९९०२-२ कालः संक्षिपते सर्वाः प्रजा विसृजते पुनः ॥

९९०३-१ कालो हेतुं विकुरुते स्वार्थस्तमनुवर्तते ।
९९०३-२ स्वार्थं प्राज्ञोऽभिजानाति प्राज्ञं लोकोऽनुवर्तते ॥

९९०४-१ का विद्या कवितां विनार्थिनि जने त्यागं विना श्रीश्च का को धर्मश्च कृपां विना नरपतिः को नाम नीतिं विना ।
९९०४-२ कः सूनुर्विनयं विना कुलवधूः का स्वामिभक्तिं विना भोग्यं किं रमणीं विना क्षितितले किं जन्म कीर्तिं विना ॥

९९०५-१ का विषमा दैवगतिः किं लष्टं यज्जनो गुणग्राही ।
९९०५-२ किं सौख्यं सुकलत्रं किं दुर्ग्राह्यं खलो लोकः ॥

९९०६-१ कावेरीं तां समासाद्य विहृतामप्सरोगणैः ।
९९०६-२ तत्र स्नात्वा नरो राजन्गोसहस्रफलं लभेत् ॥

९९०७-१ कावेरी कबरीव भामिनि भुवो देव्याः पुरो दृश्यतां पूगैर्नागलताश्रितैरुपदिशत्याश्लेषविद्यां इव ।
९९०७-२ कर्णाटीजनमज्जनेषु जघनैर्यस्याः पयः प्लावितं पीत्वा नाभिगुहाभिरात्तरुचिभिः प्राचीं दिशं नीयते ॥

९९०८-१ कावेरीतीरकर्पूरपरागामोदसोदराः ।
९९०८-२ रतिस्वेदलवानेते पुरन्ध्रीणां समीरणाः ॥

९९०९-१ कावेरीतीरभूमीरुहभुजगवधूभुक्तमुक्तावशिष्टः कर्णाटीचीनपीनस्तनवसनदशान्दोलनास्प न्दमन्दः ।
९९०९-२ लोलल्लाटीललाटालकतिलकलतालास्यलीलाविलोलः कष्टं भो दाक्षिणात्य प्रचलति पवनः पान्थ कान्ताकृतान्तः ॥

९९०९आ-१ कावेरीरम्यराजीवविलसद्गन्धबन्धुना ।
९९०९आ-२ मधुमाससमीरेण वर्धते कुत्र कस्य का ॥

९९१०-१ कावेरीवारिवेल्लल्लहरिपरिकरक्रीडनक्रान्तशीताः स्फीतश्रीखण्डषण्डभ्रमणभरभव द्भूरिसौरभ्यगर्भाः ।
९९१०-२ चोलस्त्रीलोलचेलाञ्चलचलनकलाक्रान्तकान्तास्तनान्ता वान्ति प्रेयोवियोगातुरतररमणीवैरिणोऽमी समीराः ॥

९९१०आ-१ कावेरीहृदयाभिरामपुलिने पुण्ये जगन्मङ्गले चन्द्राम्भोजवतीतटे परिसरे धात्रा समाराधिते ।
९९१०आ-२ श्रीरङ्गे भुजगेन्द्रभोगशयने लक्ष्मीमहीसेविते शेते यः पुरुषोत्तमः स भगवान्नारायणः पातु नः ॥

९९१०भ्-१ का वेश्या को विरोधोऽयं का प्रशस्तिश्च सङ्गरे ।
९९१०भ्-२ वृथा प्राणजिहीर्षूणां मूर्खानामीदृशी मतिः ॥

९९११-१ काव्यं करोति सुकविः सहृदय एव व्यनक्ति तत्तत्त्वं ।
९९११-२ रत्नं खनिः प्रसूते रचयति शिल्पी तु तत्सुषमान् ॥

९९११आ-१ काव्यं करोतु परिजल्पतु संस्कृतं वा सर्वाः कलाः समधिगच्छतु वाच्यमानाः ।
९९११आ-२ लोकस्थितिं यदि न वेत्ति यथानुरूपां सर्वस्य मूर्खनिकरस्य स चक्रवर्ती ॥

९९१२-१ काव्यं कर्ॐइ न हि चारुतरं कर्ॐइ यत्नात्कर्ॐइ यदि चारुतरं कर्ॐइ ।
९९१२-२ भूपालमौलिमणिमण्डितपादपीठ हे साहसाङ्क कवयामि वयामि यामि ॥

९९१३-१ काव्यं करोषि किमु ते सुहृदो न सन्ति ये त्वामुदीर्णपवनं विनिवारयन्ति ।
९९१३-२ गव्यं घृतं पिब निवातगृहं प्रविश्य वाताधिका हि पुरुषाः कवयो भवन्ति ॥

९९१४-१ काव्यं चार्वपि रसिक- प्रीतिकरं भवति नैकरसबद्धं ।
९९१४-२ सुरतमनाहितकलहं हरिणदृशो नाभिनन्दयति ॥

९९१४आ-१ काव्यं चेत्सरसं किमर्थममृतं वक्त्रं कुरङ्गीदृशां चेत्कन्दर्पविपाण्डुगण्डफलकं राकाशशाङ्केन किं ।
९९१४आ-२ स्वातन्त्र्यं यदि जीवितावधि मुधा स्वर्भूर्भुवो वैभवं वैदर्भी यदि बद्धयौवनभरा प्रीत्या सरत्यापि किं ॥

९९१५-१ काव्यं यदीयं गृहमम्बरं वा सुवर्णचित्रोज्ज्वलमाविभाति ।
९९१५-२ स नन्दनो नन्दति कुन्दनस्य श्रीकृष्णरामः कविराप्तकामः ॥

९९१६-१ काव्यं यद्यपि रसिकं प्रीतिकरं भवति नैकरसबद्धं ।
९९१६-२ सुरतमनाहितकलहं हरिणदृशो नाभिनन्दयति ॥

९९१७-१ काव्यं यशसेऽर्थकृते व्यवहारविदे शिवेतरक्षतये ।
९९१७-२ सद्यः परनिर्वृतये कान्तासम्मिततयोपदेशयुजे ॥

९९१८-१ काव्यं सुधा रसज्ञानां कामिनां कामिनी सुधा ।
९९१८-२ धनं सुधा सलोभानां शान्तिः सन्यसिनां सुधा ॥

९९१९-१ काव्यप्रपञ्चचुञ्चू रचयति काव्यं न सारविद्भवति ।
९९१९-२ तरवः फलानि सुवते विन्दति सारं पतङ्गसमुदायः ॥

९९२०-१ काव्यमय्यो गिरो यावच्चरन्ति विशदा भुवि ।
९९२०-२ तावत्सारस्वतं स्थानं कविरासाद्य मोदते ॥

९९२१-१ काव्यशास्त्रविनोदेन कालो गच्छति धीमतां ।
९९२१-२ व्यसनेन तु मूर्खाणां निद्रया कलहेन वा ॥

९९२२-१ काव्यस्याक्षरमैत्री- भाजो न च कर्कशा न च ग्राम्याः ।
९९२२-२ शब्दा अपि पुरुषा अपि साधव एवार्थबोधाय ॥

९९२३-१ काव्यस्याम्रफलस्यापि क्ॐअलस्येतरस्य च ।
९९२३-२ बन्धच्छायाविशेषेण रसोऽप्यन्यादृशो भवेत् ॥

९९२४-१ काऽव्याकुलिता माद्यति काञ्चनमुद्रां मनोरमामाहुः ।
९९२४-२ इह कालिकावतंसित- चन्द्रकला कामिता योग्या ॥

९९२५-१ काव्यात्मना मनसि पर्यणमन्पुरा मे पीयूषसारसरसास्तव ये विलासाः ।
९९२५-२ तानन्तरेण रमणी रमणीयशीले चेतोहरा सुकविता भविता कथं नः ॥

९९२६-१ काव्यामृतं दुर्जनराहुनीतं प्राप्यं भवेन्नो सुमनोजनस्य ।
९९२६-२ सच्चक्रमव्याजविराजमान- तैक्ष्ण्यप्रकर्षं यदि नाम न स्यात् ॥

९९२६आ-१ काव्ये गान्धर्वे नृत्तशास्त्रे विधिज्ञं दक्षं दातारं दक्षिणं दाक्षिणात्यं ।
९९२६आ-२ वेश्या का नेच्छेत्स्वामिनं कोङ्कणानां स्याच्चेदस्य स्त्रीष्वार्जवात्संनिपातः ॥

९९२७-१ काव्येन मूर्खधनिनं प्रणयेन नीचं वेश्यां श्रुतेन शठशात्रवमार्जवेन ।
९९२७-२ इच्छन्ति ये जगति रञ्जयितुं विमूढास् तेषामरण्यरुदितेन समः प्रयासः ॥

९९२८-१ काव्ये भाव्यं गुणैस्तत्र दुर्जना दूषयन्ति यत् ।
९९२८-२ न दुर्गतगृहे संधिर्दीयते जातु दस्युभिः ॥

९९२९-१ काव्ये भव्यतमेऽपि विज्ञनिवहैरास्वाद्यमाने मुहुर् दोषान्वेषणमेव मत्सरजुषां नैसर्गिको दुर्ग्रहः ।
९९२९-२ कासारेऽपि विकासिपङ्कजचये खेलन्मराले पुनः क्रौञ्चश्चञ्चुपुटेन कुञ्चितवपुः शम्बूकमन्वेषते ॥

९९३०-१ काव्ये शुभे विरचिते खलु नो खलेभ्यः कश्चिद्गुणो भवति यद्यपि सम्प्रतीह ।
९९३०-२ कुर्यां तथापि सुजनार्थमिदं यतः किं यूकाभयेन परिधानविमोक्षणं स्यात् ॥

९९३१-१ काव्येषु नाटकं रम्यं तत्रापि च शकुन्तला ।
९९३१-२ तत्रापि च चतुर्थोऽङ्कस्तत्र श्लोकचतुष्टयं ॥

९९३२-१ काव्यैकपात्रविलसद्गुणदोषदुग्ध- पाथःसमूहपृथगुद्धरणे विदग्धाः ।
९९३२-२ जानन्ति कर्तुमभियुक्ततया विभागं चन्द्रावदातमतयः कविराजहंसाः ॥

९९३३-१ काव्यैरुपहता वेदाः पुत्रा जामातृभिर्हताः ।
९९३३-२ अश्वैरुपहता गावः पण्यस्त्रीभिः कुलाङ्गनाः ॥

९९३४-१ का शम्भुकान्ता किमु चन्द्रकान्तं कान्तामुखं किं कुरुते भुजंगः ।
९९३४-२ कः श्रीपतिः का विषमा समस्या गौरीमुखं चुम्बति वासुदेवः ॥

९९३५-१ काशांशुका विकचपद्ममनोज्ञवक्त्रा सोन्मादहंसरवनूपुरनादरम्या ।
९९३५-२ आपक्वशालिरुचिरा तनुगात्रयष्टिः प्रात्पा शरन्नववधूरिव रूपरम्या ॥

९९३६-१ काशाः काशा इवाभान्ति सरांसीव सरांसि च ।
९९३६-२ चेतांस्याचिक्षिपुर्यूनां निम्नगा इव निम्नगाः ॥

९९३७-१ काशाः क्षीरनिकाशा दधिशरवर्णानि सप्तपर्णानि ।
९९३७-२ नवनीतनिभश्चन्द्रः शरदि च तक्रप्रभा ज्योत्स्ना ॥

९९३८-१ काशीयं समलंकृता निरुपमस्वर्गापगासंभव- स्थूलोत्तारतरङ्गबिन्दुविलसन्मुक्ताफलश्रेणिभिः ।
९९३८-२ चञ्चच्चञ्चलचञ्चरीकनिकरश्यामाम्बरा राजते कासारस्थविनिद्रपद्मनयना विश्वेश्वरप्रेयसी ॥

९९३९-१ का शृङ्गारकथा कुतूहलकथा गीतादिविद्याकया मद्यत्कुम्भिकथा तुरङ्गमकथा कोदण्डदीक्षाकथा ।
९९३९-२ एकैवास्ति मिथः पलायनकथा त्वद्भीतरक्षःपतेर् देव श्रीरघुनाथ तस्य नगरे स्वप्नेऽपि नान्या कथा ॥

९९४०-१ काशैर्मही शिशिरदीधितिना रजन्यो हंसैर्जलानि सरितां कुमुदैः सरांसि ।
९९४०-२ सप्तच्छदैः कुसुमभारनतैर्वनान्ताः शुक्लीकृतान्युपवनानि च मालतीभिः ॥

९९४१-१ का शैलपुत्री किमु नेत्ररम्यं शुकार्भकः किं कुरुते फलानि ।
९९४१-२ मोक्षस्य दाता स्मरणेन को वा गौरीमुखं चुम्बति वासुदेवः ॥

९९४२-१ काश्मर्याः कृतमालमुद्गतदलं कोयष्टिकष्टीकते तीराश्मन्तकशिम्बिचुम्बितमुखा धावन्त्यपः पूर्णिकाः ।
९९४२-२ दात्यूहैस्तिनिशस्य कोटरवति स्कन्धे निलीय स्थितं वीरुन्नीडकपोतकूजितमनुक्रन्दन्त्यधः कुक्कुटाः ॥

९९४२आ-१ काश्मीरकर्दमकषायकपोलपाली कह्लारदामकलिकाकमनीयचूली ।
९९४२आ-२ काचिद्विहारविशिखामुपयाति चोली पालीलसत्करतलामलकस्तनाली ॥

९९४३-१ काश्मीरगौरवपुषामभिसारिकाणां आबद्धरेखमभितो रुचिमञ्जरीभिः ।
९९४३-२ एतत्तमालदलनीलतमं तमिस्रं तत्प्रेमहेमनिकषोपलतां तनोति ॥

९९४४-१ काश्मीरद्रवगौरि हन्त किमयं भूयोऽङ्गरागे ग्रहः को वा नीलसरोरुहाक्षि नितरां नेत्राञ्जने संभ्रमः ।
९९४४-२ रक्ताशोकदलोपमेयचरणे किं लाक्षया दत्तया नो रागान्तरमीहते निजरुचा विभ्राजमानो मणिः ॥

९९४४आ-१ काश्मीरधूलीकलिकाविराजद्- बालेन्दुरेखातिलकाभिरामा ।
९९४४आ-२ कृकाटिकाकीलितकेशपाशा सा वैष्णवी सारसपत्रनेत्रा ॥

९९४५-१ काश्मीरपङ्कखचितस्तनपृष्ठताम्र- पट्टावकीर्णदयितार्द्रनखाक्षराली ।
९९४५-२ एणीदृशः कुसुमचापनरेन्द्रदत्त- तारुण्यशासनमिव प्रकटीकरोति ॥

९९४६-१ काश्मीरीगात्रलेखासु लोलल्लावण्यवीचिषु ।
९९४६-२ द्रावयित्वेव विन्यस्तं स्वर्णं षोडशवर्णकं ॥

९९४७-१ काश्मीरेण दिहानमम्बरतलं वामभ्रुवामानन- द्वैराज्यं विदधानमिन्दुदृषदां भिन्दानमम्भःशिराः ।
९९४७-२ प्रत्युद्यत्पुरुहूतपत्तनवधूदत्तार्घदूर्वाङ्कुर- क्षीवोत्सङ्गकुरङ्गमैन्दवमिदं तद्विम्बमुज्जृम्भते ॥

९९४८-१ काश्यां तिष्ठ सखे सुपर्वनिवहैर्नित्यं नुतायां भज श्रीकण्ठं निजभक्तरक्षणविधौ दक्षं दयावारिधिं ।
९९४८-२ गाङ्गे वारिणि पापहारिणि कुरु स्नानं स्मर श्रीपतिं त्वं कष्टेन विनैव मोक्षपदवीं प्राणात्यये प्राप्स्यसि ॥

९९४९-१ काश्यां तु मरणान्मुक्तिर्जननात्कमलालये ।
९९४९-२ दर्शनादभ्रसरसः स्मरणादरुणाचले ॥

९९५०-१ काश्यां निपातय वपुः श्वपचालये वा स्वर्गं नय त्वमपवर्गमधोगतिं वा ।
९९५०-२ अद्यैव वा कुरु दयां पुनरायतौ वा कः संभ्रमो मम

,

धने धनिनः प्रमाणं ॥

९९५१-१ काश्यामाकृतिमीशितुर्न लभते हृद्याहितातत्त्वधीर् यस्य श्रीरिव साऽऽभवत्प्रियतमा या सर्वदाराधिका ।
९९५१-२ शश्वत्तद्रतचेतसस्तव पुरापुण्यान्यगण्यानि यद्ब्रह्माद्वैतसुखेऽपि तद्भजनतो मन्दादरं ते मनः ॥

९९५२-१ का श्लाघ्या गुणिनां

,

क्षमा

,

परिभवः को

,

यः स्वकुल्यैः कृतः किं दुःखं

,

परसंश्रयो

,

जगति कः श्लाघ्यो

,

य आश्रीयते ।
९९५२-२ को मृत्युर्व्यसनं

,

शुचं जहति के

,

यैर्निर्जिताः शत्रवः कैर्विज्ञातमिदं

,

विराटनगरे छन्नस्थितैः पाण्डवैः ॥

९९५३-१ काषायान्न च भोजनादिनियमान्नो वा वने वासतो व्याख्यानादथ वा मुनिव्रतभराच्चित्तोद्भवः क्षीयते ।
९९५३-२ किं तु स्फीतकलिन्दशैलतनयातीरेषु विक्रीडतो गोविन्दस्य पदारविन्दभजनारम्भस्य लेशादपि ॥

९९५४-१ काष्ठं कल्पतरुः सुमेरुरचलश्चिन्तामणिः प्रस्तरः सूर्यस्तीव्रकरः शशी च विकलः क्षारो हि वारां निधिः ।
९९५४-२ कामो नष्टतनुर्बलिर्दितिसुतो नन्दी पशुः कामगो नैतांस्ते तुलयामि भो रघुपते कस्योपमा दीयते ॥

९९५५-१ काष्ठं वह्न्युज्झितमपि भवेच्छीतशान्त्यै कपीनां ल्ॐनो शुद्ध्यै सलिलमनलश्चाग्निशौचैणकानां ।
९९५५-२ जन्तोर्भावा विदधति यथाभाविनः कार्यसिद्धिं तत्त्वं तेषां क्वचन सहजं वस्तुतो नास्ति किंचित् ॥

९९५६-१ काष्ठं शिरसि संस्थाप्य तथा काष्ठेन ताडयेत् ।
९९५६-२ लुप्तस्मृतेः स्मृतिः सद्यो योगिनस्तेन जायते ॥

९९५७-१ काष्ठगोलयुगं क्षिप्तं दूरमूर्ध्वपुरःस्थितैः ।
९९५७-२ अप्राप्तधारं पृष्ठेन गच्छेत्पुच्छमुखेन हि ॥

९९५८-१ काष्ठपाषाणधातूनां कृत्वा भावेन सेवनं ।
९९५८-२ श्रद्धया च तथा सिद्धिस्तस्य विष्णुप्रसादतः ॥

९९५८आ-१ काष्ठमङ्गारतां याति भस्मतां ग्ॐअयादिकं ।
९९५८आ-२ वह्नौ कीर्णं सुवर्णं तु सुवर्णोत्कर्षतां व्रजेत् ॥

९९५९-१ काष्ठाग्निं निर्हरेच्चैव तथा कूपांश्च खातयेत् ।
९९५९-२ संशोधयेत्तथा कुपान्कृतान्पूर्वं पयोऽर्थिभिः ॥

९९६०-१ काष्ठादग्निर्जायते मथ्यमानाद्भूमिस्तोयं खन्यमाना ददाति ।
९९६०-२ सोत्साहानां नास्त्यसाध्यं नराणां मार्गारब्धाः सर्वयत्नाः फलन्ति ॥

९९६०आ-१ काष्ठाद्यथाग्निरुत्पन्नः स्वाश्रयं दहति क्षणात् ।
९९६०आ-२ क्रोधाग्निर्देहजस्तद्वत्तमेव दहति ध्रुवं ॥

९९६१-१ काष्ठानुषङ्गात्परिवर्धमाने जाग्रत्प्रतापज्वलने त्वदीये ।
९९६१-२ श्रीकार्तवीर्यं प्रसभं पतन्ति प्रत्यर्थिपृथ्वीपतयः पतङ्गाः ॥

९९६२-१ काष्ठेऽश्वकेशं संयम्य तत्र बद्ध्वा वराटिकां ।
९९६२-२ हस्तेन भ्राम्यमाणां च यो हन्ति स धनुर्धरः ॥

९९६३-१ का संबुद्धिः सुभट भवतो ब्रूहि पृच्छामि सम्यक् प्रातः कीदृग्भवति विपिनं संप्रबुद्धैर्विहंगैः ।
९९६३-२ लोकः कस्मिन्प्रथयति मुदं

,

का त्वदीया च जैत्री प्रायो लोके स्थितमिह सुखं जन्तुना कीदृशेन ॥

९९६४-१ का संसृतिः किमपचारनिबन्धनेयं कीदृग्विधस्य तव किं क्षतमेतयेति ।
९९६४-२ प्रश्ने तु नास्मि कुशलः प्रतिवक्तुमेव खेदस्तु मे जननि कोऽप्ययमेवमास्ते ॥

९९६४आ-१ कासश्वासज्वराजीर्णशोकतृष्णास्य पाकयुक् ।
९९६४आ-२ न च कुर्याच्छिरोनेत्रहृत्कर्णामयवानपि ॥

९९६५-१ कासांचिद्धवलश्चिरं निवसतां वित्तेपरासां पुनर् नीलो वा कपिलोऽथवा वरवृषो रक्तोऽथवा मेचकः ।
९९६५-२ ग्रामीणैरवधीरितोऽपि शिथिलस्कन्धोऽप्यनूर्ध्वश्रवाः स्वान्ते मे परतन्त्रतुन्दिलतनुर्जागर्त्ययं कर्बुरः ॥

९९६६-१ … … … … … … ॥

९९६६-२ कासां हि नापदां हेतुरतिलोभान्धबुद्धिता ॥

९९६७-१ कासारशोषिणि नवोदयमानमुग्ध- सद्वर्तिकानिवहदाहिनि दारुणेऽपि ।
९९६७-२ मध्यन्दिनोष्णकिरणे प्रतिपन्नसख्य- स्मेरं सुखं जयति चित्रचरित्रमब्जं ॥

९९६८-१ कासारे पद्मिनीऽयं मुकुलयुगमनत्यन्तरं यत्र हृद्यं यस्मिन्सद्यःसमुद्यद्ग्रहपतिकरजव्यापृतिः श्लाघनीया ।
९९६८-२ तस्मादेतद्विशेषस्मृतिकलितमिह प्रेक्ष्य साक्षादुपेक्ष्यं वर्यं शौर्यंचनादौ न गमय समयं त्वं व्रजस्त्रीहितज्ञः ॥

९९६९-१ कासारेऽपि पयः पिबन्ति पथिका न क्वापि वारि त्वयि क्षारत्वादुदधेः समुद्र इति ते नामैतदेवोचितं ।
९९६९-२ न त्वेतानि निरर्थकानि भवतो नामान्यनर्थान्तराण्य् अम्भोधिर्जलधिः पयोनिधिरुदधिर्वारांनिधिर्वारिधिः ॥

९९७०-१ कासारे मदमत्तवारणगणैराकुम्भमग्नं पयः पीतं यत्प्रभवोरुवीचिवलनैर्व्याप्तं समस्तं जगत् ।
९९७०-२ तस्मिन्नेव रवेः प्रचण्डकिरणश्रेणीनिपीताम्भसि प्राप्ताः पान्थनखंपचाः प्रतिपदं मध्यस्थलीभूमयः ॥

९९७१-१ कासारेषु सरित्सु सिन्धुषु तथा नीचेषु नीरग्रहं धिक्तत्रापि शिरोनतिः किमपरं हेयं भवेन्मानिनां ।
९९७१-२ इत्यालोच्य विमुच्य चातकयुवा तेषु स्पृहामादरादुद्ग्रीवस्तव वारिवाह कुरुते धाराधरालोकनं ॥

९९७१आ-१ कासार्यवर्य कलिताम्बुरुहावतंस मुक्तासमानजलबिन्दुतरङ्गरङ्ग ।
९९७१आ-२ किं भूषणं तव बकैर्बहुभिः कुरार्वैर् हंसैर्विना कलरवैर्नरदेवपूज्यैः ॥

९९७२-१ कासि त्वं वद चौर्यकारिणि कुतः

,

कस्त्वं

,

पुरोयामिकः किं ब्रूषे

,

मुषितौ सुवर्णकलशौ भूपस्य

,

केन

,

त्वया ।
९९७२-२ कुत्र स्तः

,

प्रकटौ तवाञ्चलतटे

,

कुत्रेति

,

तप्तश्यतां इत्युक्ते धृतवल्लवीकुचयुगस्त्वं पातु पीताम्बरः ॥

९९७३-१ कासी विवर्जयेच्चौर्यं निद्रालुश्चर्मंचौरिकां ।
९९७३-२ जिह्वालौल्यं च रोगाढ्यो जीवितुं योऽत्र वाञ्छति ॥

९९७४-१ कासे श्वासे तथा शोषे मन्दाग्नौ विषमज्वरे ।
९९७४-२ प्रमेहे मूत्रकृच्छ्रे च सेवयेन्मधुपिप्पलीं ॥

९९७५-१ का स्त्री न प्रणयिवशा का विलसितयो मनोभवविहीनाः ।
९९७५-२ को धर्मो निरुपशमः किं सौख्यं वल्लभेन रहितानां ॥

९९७६-१ कास्विदवगुण्ठनवती नातिपरिस्फुटशरीरलावण्या ।
९९७६-२ मध्ये तपोधनानां किसलयमिव पाण्डुपत्राणां ॥

९९७७-१ काहमस्मि गुहा वक्ति प्रश्नेऽमुष्मिन्किमुत्तरं ।
९९७७-२ कथमुक्तं न जानासि कदर्थयसि यत्सखे ॥

९९७८-१ काहर्निशमनुचिन्त्या सम्सारासारता न तु प्रमदा ।
९९७८-२ का प्रेयसी विधेया करुणा दाक्षिण्यमथ मैत्री ॥

९९७९-१ का हि तुलामधिरोहति भुजगलतायाः प्रतानिनीष्वन्या ।
९९७९-२ या खण्डितापि रदनैर् जनयति वदने विचक्षणां सुषमाम् ॥

---

]