पूर्णव्याख्यानम् कन्नडया अत्र।
शौभ्रराज-राजराज-कञ्ज-योनि-वन्दितन्
नित्य-भक्त-पूजितं सुधन्व-पूजकाञ्चितम्।
कञ्ज-चक्र-कौस्तुभैर् विराजितं गदा-धरञ्
चम्पकापुरी-निवास-मा-निवासम् आश्रये ॥ १ ॥
पन्नगारि-यायिनं सुपन्नगेश-शायिनम्
पङ्कजारि-पङ्कजेष्ट-लोचनञ् चतुर्-भुजम्।
पङ्कजात-शोषकं विपङ्कजात-पोषकञ्
चम्पकापुरी-निवास-मा-निवासम् आश्रये ॥ २ ॥
नारदादि वन्दितन् नृनार-शैल-भञ्जितन्
नार-सद्म-वास-जात-नार-पूर्वकायनम्।
नार-तल्लजायनङ् कुनारकाऽऽन्तकालयञ्
चम्पकापुरी-निवास-मा-निवासम् आश्रये ॥ ४ ॥
कालमेघ-वर्णकम् प्रकाम-मुक्तिदायकङ्
कालकाल-कारकङ् कुकालपाश-दूरकम्।
रत्नवर्म-राजवर्ष्म-भानुवृन्द-भास्वरं
चम्पकापुरी-निवास-मा-निवासम् आश्रये ॥ ५ ॥
सर्वलोक-नायकं सुवाञ्छितार्थ-दायकम्।
शर्वचाप-भञ्जकं सगर्व-रावणान्तकम्।
पीतचेल-धारकङ् कुचेल-रिक्त-नाशकम्।
चम्पकापुरी-निवास-मा-निवासम् आश्रये ॥ ८ ॥
दक्षशिक्षक-च्छिदङ् कुहाटकाक्ष-सम्भिदय्ँ
यक्षगीत-सेवितं सुरक्षणैक-दीक्षितम्।
अक्षजातमारकङ् कटाक्षदृष्टि-तारकञ्
चम्पकापुरी-निवास-मा-निवासम् आश्रये ॥ ३ ॥
स्वर्ण-सूत्र-गुम्फितोरु-सालिकाश्म-मालिकङ्
रत्न-रत्न-रञ्जितं गदाऽञ्चितङ् कृपाकरम्।
प्रज्वलत्-किरीटिनम् प्रविस्फुरत्-त्रिपुण्ड्रकं
चम्पकापुरी-निवास-मा-निवासम् आश्रये ॥ ६ ॥
वक्त्र-कान्ति-वञ्चितोरु-शारदेन्दु-मण्डलङ्
कुन्द-दन्तम् इन्दिरेशम् अक्षरन् निरामयम्।
मन्द-हास-शुभ्रिताश-किङ्किणी-लसत्-कटिञ्
चम्पकापुरी-निवास-मा-निवासम् आश्रये ॥ ७ ॥
फलश्रुतिः
अष्टकं रमापतेर् भवाब्धिशोक-शोषकं
सर्व-पाप-नाशकं सुपुत्रपौत्र-दायकम्।
ये पठन्ति भक्तितः प्रयान्ति ते तु सर्वदा
चम्पकापुरी-निवास-मा-निवास-सन्निधिम् ॥ ९ ॥
