स वरुणः सायम्

+++(Generality of Gods इति स्मारयति।)+++

स वरु॑णः सा॒यम् अ॒ग्निर् भ॑वति॒, स मि॒त्रो भ॑वति प्रा॒तर् उ॒द्यन्।
स स॑वि॒ता भू॒त्वा ऽन्तरि॑क्षेण याति॒, स इन्द्रो॑ भू॒त्वा त॑पति मध्य॒तो दिव॑म्।
तस्य॑ दे॒वस्य॑ क्रु॒द्धस्यै॒तद् आगो॒ - य ए॒वं +++(मन्त्रस्य)+++ वि॒द्वांसं॑ ब्राह्म॒णं जि॒नाति॑+++(=हिनस्ति)+++।
उद्-वे॑पय रोहित॒! प्र क्षि॑णीहि, ब्रह्म॒ज्यस्य॒+++(=ब्रह्महिंसकस्य)+++ प्रति॑ मुञ्च पाशान् ।।१३।।