Anna suktam, Taittiriya Brahmana, 2nd Ashtaka, 8th anuvakam
ॐ अ॒हम॑स्मि प्रथम॒जा ऋ॒तस्य॑ । पूर्वं॑ दे॒वेभ्यो॑ अ॒मृत॑स्य॒ नाभि॑: ।
यो मा॒ ददा॑ति॒ स इदे॒व माऽऽवाः᳚ । अ॒हमन्न॒मन्न॑म॒दन्त॑मद्मि ॥ १ ॥
oṃ aham asmi prathamajā ṛtasya | pūrvaṃ devebhyo amṛtasya nābhiḥ |
yo mā dadāti sa ideva mā’‘vāḥ | aham annam annam adantam admi || 1 ||
पू॒र्वम॒ग्नेरपि॑ दह॒त्यन्न᳚म् । य॒त्तौ हा॑साते अहमु॑त्त॒रेषु॑ ।
व्यात्त॑मस्य प॒शव॑: सु॒जम्भ᳚म् । पश्य॑न्ति॒ धीरा॒: प्रच॑रन्ति॒ पाका᳚: ॥ २ ॥
pūrvam agnerapi dahatyannam | yattau hāsāte aham uttareṣu |
vyāttamasya paśavaḥ sujambham | paśyanti dhīrāḥ pracaranti pākāḥ || 2 ||
जहा॑म्य॒न्यं न ज॑हाम्य॒न्यम् । अ॒हमन्नं॒ वश॒मिच्च॑रामि ।
स॒मा॒नमर्थं॒ पर्ये॑मि॒ भुञ्ज॑त् । को मामन्नं॑ मनु॒ष्यो॑ दयेत ॥ ३ ॥
jahāmyanyaṃ na jahāmyanyam | aham annaṃ vaśamiccarāmi |
samānamarthaṃ paryemi bhuñjat | ko māmannaṃ manuṣyo dayeta || 3 ||
परा॑के॒ अन्नं॒ निहि॑तं लो॒क ए॒तत् । विश्वै᳚र्दे॒वै: पि॒तृभि॑र्गु॒प्तमन्न᳚म् ।
यद॒द्यते॑ लु॒प्यते॒ यत्प॑रो॒प्यते᳚ । श॒तत॑मी॒ सा त॒नूर्मे॑ बभूव ॥ ४ ॥
parāke annaṃ nihitaṃ loka etat | viśvairdevaiḥ pitṛbhirguptamannam |
yadadyate lupyate yatparopyate | śatatamī sā tanūrme babhūva || 4 ||
म॒हान्तौ॑ च॒रू स॒कृद्दुग्धे॑न पप्रौ । दिवं॑ च पृ॒श्नि पृ॑थि॒वीं च॑ सा॒कम् ।
तथ्स॒मंपि॑ब॒न्तो न मि॑नन्ति वे॒धस॑: । नैतद्भूयो॑ भवति॒ नो कनी॑य: ॥ ५ ॥
mahāntau carū sakṛddugdhena paprau | divaṃ ca pṛśni pṛthivīṃ ca sākam | tathsamampibanto na minanti vedhasaḥ | naitadbhūyo bhavati no kanīyaḥ || 5 ||
अन्नं॑ प्रा॒णमन्न॑मपा॒नमा॑हु: । अन्नं॑ मृ॒त्युं तमु॑ जी॒वातु॑माहु: ।
अन्नं॑ ब्र॒ह्माणो॑ ज॒रसं॒ वद॑न्ति । अन्न॑माहु: प्र॒जन॑नं प्र॒जाना᳚म् ॥ ६ ॥
annaṃ prāṇamannamapānamāhuḥ | annaṃ mṛtyuṃ tamu jīvātumāhuḥ | annaṃ brahmāṇo jarasaṃ vadanti | annamāhuḥ prajananaṃ prajānām || 6 ||
मोघ॒मन्नं॑ विन्दते॒ अप्र॑चेता: । स॒त्यं ब्र॑वीमि व॒ध इथ्स॒ तस्य॑ ।
नार्य॑मणं॒ पुष्य॑ति॒ नो सखा॑यम् । केव॑लाघो भवति केवला॒दी ॥ ७ ॥
moghamannaṃ vindate apracetāḥ | satyaṃ bravīmi vadha itsa tasya |
nāryamaṇaṃ puṣyati no sakhāyam | kevalāgho bhavati kevalādī || 7 ||
अ॒हं मे॒घस्स्त॒नय॒न्॒वर्ष॑न्नस्मि । माम॑द॒न्त्य॒हम॑द्म्य॒न्यान् । अ॒हं सद॒मृतो॑ भवामि ।
मदा॑दि॒त्या अधि॒ सर्वे॑ तपन्ति ॥ ८ ॥
ahaṃ meghasstanayan varṣannasmi | māmadanty ahamadmyanyān |
ahaṃ sadamṛto bhavāmi | madādityā adhi sarve tapanti || 8 ||