आगमे वैष्णवे विश्वासटिप्पन्यः

निरोधलक्षणम्

विश्वास-प्रस्तुतिः

यच् च दुःखं यशोदाया
नन्दादीनां च गोकुले ।
गोपिकानां तु यद् दुःखं
तद् दुःखं स्यान् मम क्वचित् ॥ १॥

मूलम्

यच्च दुःखं यशोदाया नन्दादीनां च गोकुले ।
गोपिकानां तु यद्दुःखं तद्दुःखं स्यान्मम क्वचित् ॥ १॥

विश्वास-प्रस्तुतिः

गोकुले गोपिकानां च
सर्वेषां व्रज-वासिनाम् ।
यत् सुखं समभूत् तन् मे
भगवान् किं विधास्यति ॥ २॥

मूलम्

गोकुले गोपिकानां च सर्वेषां व्रजवासिनाम् ।
यत्सुखं समभूत्तन्मे भगवान् किं विधास्यति ॥ २॥

विश्वास-प्रस्तुतिः

उद्धवागमने जात
उत्सवः सुमहान् यथा ।
वृन्दावने गोकुले वा
तथा मे मनसि क्वचित् ॥ ३॥

मूलम्

उद्धवागमने जात उत्सवः सुमहान्यथा ।
वृन्दावने गोकुले वा तथा मे मनसि क्वचित् ॥ ३॥

विश्वास-प्रस्तुतिः

महतां कृपया यावद्
भगवान् दययिष्यति ।
तावद् आनन्द-सन्दोहः
कीर्त्यमानः सुखाय हि ॥ ४॥

मूलम्

महतां कृपया यावद्भगवान् दययिष्यति ।
तावदानन्दसन्दोहः कीर्त्यमानः सुखाय हि ॥ ४॥

विश्वास-प्रस्तुतिः

महतां कृपया यद्वत्
कीर्तनं सुखदं सदा ।
न तथा लौकिकानां
तु स्निग्ध-भोजन-रूक्ष-वत् ॥ ५॥

मूलम्

महतां कृपया यद्वत्कीर्तनं सुखदं सदा ।
न तथा लौकिकानां तु स्निग्धभोजनरूक्षवत् ॥ ५॥

विश्वास-प्रस्तुतिः

गुण-गाने सुखावाप्तिर्
गोविन्दस्य प्रजायते ।
यथा तथा शुकादीनां
नैवात्मनि कुतोऽन्यतः ॥ ६॥

मूलम्

गुणगाने सुखावाप्तिर्गोविन्दस्य प्रजायते ।
यथा तथा शुकादीनां नैवात्मनि कुतोऽन्यतः ॥ ६॥

विश्वास-प्रस्तुतिः

क्लिश्यमानाञ्जनान्दृष्ट्वा कृपायुक्तो यदा भवेत् ।
तदा सर्वसदानन्दहृदिस्थं निर्गतं बहिः ॥ ७॥

मूलम्

विश्वास-प्रस्तुतिः

सर्वानन्दमयस्यापि कृपानन्दः सुदुर्लभः ।
हृद्गतः स्वगुणाच्छ्रुत्वा पूर्णः प्लावयते जनान् ॥ ८॥

मूलम्

विश्वास-प्रस्तुतिः

तस्मात्सर्वं परित्यज्य निरुद्धैः सर्वदा गुणाः ।
सदानन्दपरैर्गेयाः सच्चिदानन्दता ततः ॥ ९॥

मूलम्

विश्वास-प्रस्तुतिः

अहं निरुद्धो रोधेन निरोधपदवीं गतः ।
निरुद्धानां तु रोधाय निरोधं वर्णयामि ते ॥ १०
हरिणा ये विनिर्मुक्तास्ते मग्ना भवसागरे ।
ये निरुद्धास्त एवात्र मोदमायान्त्यहर्निशम् ॥ ११॥

मूलम्

विश्वास-प्रस्तुतिः

संसारावेशदुष्टानामिन्द्रियाणां हिताय वै ।
कृष्णस्य सर्ववस्तूनि भूम्न ईशस्य योजयेत् ॥ १२॥

मूलम्

विश्वास-प्रस्तुतिः

गुणेष्वाविष्टचित्तानां सर्वदा मुरवैरिणः ।
संसारविरहक्लेशौ न स्यातां हरिवत्सुखम् ॥ १३॥

मूलम्

विश्वास-प्रस्तुतिः

तदा भवेद्दयालुत्वमन्यथा क्रूरता मता ।
बाधशङ्कापि नास्त्यत्र तदध्यासोऽपि सिद्ध्यति ॥ १४॥

मूलम्

विश्वास-प्रस्तुतिः

भगवद्धर्मसामर्थ्याद्विरागो विषये स्थिरः ।
गुणैर्हरेः सुखस्पर्शान्न दुःखं भाति कर्हिचित् ॥ १५॥

मूलम्

विश्वास-प्रस्तुतिः

एवं ज्ञात्वा ज्ञानमार्गादुत्कर्षो गुणवर्णने ।
अमत्सरैरलुब्धैश्च वर्णनीयाः सदा गुणाः ॥ १६॥

मूलम्

विश्वास-प्रस्तुतिः

हरिमूर्तिः सदा ध्येया सङ्कल्पादपि तत्र हि ।
दर्शनं स्पर्शनं स्पष्टं तथाकृतिगती सदा ॥ १७॥

मूलम्

विश्वास-प्रस्तुतिः

श्रवणं कीर्तनं स्पष्टं पुत्रे कृष्णप्रिये रतिः ।
पायोर्मलांशत्यागेन शेषभागं तनौ नयेत् ॥ १८॥

मूलम्

विश्वास-प्रस्तुतिः

यस्य वा भगवत्कार्यं यदा स्पृष्टं न दृश्यते ।
तदा विनिग्रहस्तस्य कर्तव्य इति निश्चयः ॥ १९॥

मूलम्

विश्वास-प्रस्तुतिः

नातः परतरो मन्त्रो नातः परतरः स्तवः ।
नातः परतरा विद्या तीर्थं नातः परात्परम् ॥ २०॥

मूलम्

इति श्रीवल्लभाचार्यविरचितं निरोधलक्षणं समाप्तम् ।