आगमे वैष्णवे विश्वासटिप्पन्यः

कृष्णाश्रयः

विश्वास-प्रस्तुतिः

सर्वमार्गेषु नष्टेषु कलौ च खलधर्मिणि ।
पाषण्डप्रचुरे लोके कृष्ण एव गतिर्मम ॥ १॥

मूलम्

विश्वास-प्रस्तुतिः

म्लेच्छाकान्तेषु देशेषु पापैकनिलयेषु च ।
सत्पीडाव्यग्रलोकेषु कृष्ण एव गतिर्मम ॥ २॥

मूलम्

विश्वास-प्रस्तुतिः

गङ्गादितीर्थवर्येषु दुष्टैरेवावृतेष्विह ।
तिरोहिताधिदैवेषु कृष्ण एव गतिर्मम ॥ ३॥

मूलम्

विश्वास-प्रस्तुतिः

अहङ्कारविमूढेषु सत्सु पापानुवर्तिषु ।
लोभपूजार्थयलेषु कृष्ण एव गतिर्मम ॥ ४॥

मूलम्

विश्वास-प्रस्तुतिः

अपरिज्ञाननष्टेषु मन्त्रेष्वव्रतयोगिषु ।
तिरोहितार्थदैवेषु कृष्ण एव गतिर्मम ॥ ५॥

मूलम्

विश्वास-प्रस्तुतिः

नानावादविनष्टेषु सर्वकर्मव्रतादिषु ।
पाषण्डैकप्रयत्नेषु कृष्य एव गतिर्मम ॥ ६॥

मूलम्

विश्वास-प्रस्तुतिः

अजामिलादिदोषाणां नाशकोऽनुभवे स्थितः ।
ज्ञापिताखिलमाहात्म्यः कृष्ण एव गतिर्मम ॥ ७॥

मूलम्

विश्वास-प्रस्तुतिः

प्राकृताः सकला देवा गणितानन्दकं बृहत् ।
पूर्णानन्दो हरिस्तस्मात्कृष्ण एव गतिर्मम ॥ ८॥

मूलम्

विश्वास-प्रस्तुतिः

विवेकधैर्यभक्त्यादिरहितस्य विशेषतः ।
पापासक्तस्य दीनस्य कृष्ण एव गतिर्मम ॥ ९॥

मूलम्

विश्वास-प्रस्तुतिः

सर्वसामर्थ्यसहितः सर्वत्रैवाखिलार्थकृत् ।
शरणस्थसमुद्धारं कृष्णं विज्ञापयाम्यहम् ॥ १०॥

मूलम्

विश्वास-प्रस्तुतिः

कृष्णाश्रयमिदं स्तोत्रं यः पठेत्कृष्णसन्निधौ ।
तस्याश्रयो भवेत्कृष्ण इति श्रीवल्लभोऽब्रवीत् ॥ ११॥

मूलम्

इति श्रीवल्लभाचार्यविरचितं कृष्णाश्रयस्तोत्रं समाप्तम् ।