आगमे वैष्णवे विश्वासटिप्पन्यः

॥ अथैकोनत्रिंशः पटलः ॥

विश्वास-प्रस्तुतिः

अथ वक्ष्यामि संक्षेपात् समयाचारलक्षणम्।
दीक्षितानां तु सर्वेषां यद्योगात् सर्वसिद्धयः॥ 29.1 ॥

मूलम्

विश्वास-प्रस्तुतिः

ब्राह्मणाद्याश्चतुर्वर्णास्त्रयस्त्वेषां च दीक्षिताः।
भक्ता जितेन्द्रियाः शान्ताः सर्वे समयिनः स्मृताः॥ 29.2 ॥

मूलम्

विश्वास-प्रस्तुतिः

समयी दीक्षितः पश्चाच्चक्रवर्त्यभिषेकवान्।
गुरुश्चैव तथाचार्यो भगवान् सप्तमः स्मृतः॥ 29.3 ॥

मूलम्

विश्वास-प्रस्तुतिः

यागः स्तोमो महायागश्चाध्वरोऽथ सवः क्रतुः।
हरिस्तोम इति ज्ञेयाः सप्त यागाः समासतः॥ 29.4 ॥

मूलम्

विश्वास-प्रस्तुतिः

वसन्ते च तथा ग्रीष्मे शरद्वर्षासु च क्रमात्।
वर्णिनां विहिता दीक्षा सर्वेषां वोत्तरायणे॥ 29.5 ॥

मूलम्

विश्वास-प्रस्तुतिः

सकृद् द्विस्त्रिश्चतुर्दीक्षा सप्तकृत्वश्च वर्णिनाम्।
तथा द्वादशकृत्वश्च कार्या वा प्रतिवत्सरम्॥ 29.6 ॥

मूलम्

विश्वास-प्रस्तुतिः

पुष्पातवशान्नाम पूर्वमेव तु गृह्यते।
तच्छर्मवर्मगुप्तान्तं दासान्तं चेह वर्णिनाम्॥ 29.7 ॥

मूलम्

विश्वास-प्रस्तुतिः

केवलं समयीत्यादि द्रष्टव्यं केशावादिवत्।
स्त्रीणां तु केशवाद्याख्या देव्यन्तास्त्रिषु कीर्तिताः॥ 29.8 ॥

मूलम्

विश्वास-प्रस्तुतिः

शूद्राणां दासदास्यन्ताः सर्वेषां यागभेदतः।
सर्वेऽपि दीक्षिताः सम्यक् सदा गुरुपरायणाः॥ 29.9 ॥

मूलम्

विश्वास-प्रस्तुतिः

वर्णाश्रमगतान् धर्मान् रक्षेयुः समयांस्तथा।
गुरुदेवद्विजाग्नीनां सर्वदा परिचर्यया॥ 29.10 ॥

मूलम्

विश्वास-प्रस्तुतिः

व्रतोपवासनियमैर्भक्त्या चेच्छेयुरुन्नतिम्।
नानिष्ट्वा देवमश्नीयान्नचादीक्षितवेश्मनि॥ 29.11 ॥

मूलम्

विश्वास-प्रस्तुतिः

निर्माल्यं न श्पृशेद् दद्याल्लङ्घयेत् वाऽशनं कुतः।
सर्वेषामेव देवानां निर्माल्यमशुचि स्मृतम्॥ 29.12 ॥

मूलम्

विश्वास-प्रस्तुतिः

विष्णुभुक्तं तु पुष्पादि शुचीत्याददते परे।
कांस्यपात्रे न भोक्तव्यं न वन्द्या चान्यदेवता॥ 29.13 ॥

मूलम्

विश्वास-प्रस्तुतिः

अदीक्षिताद्ययोग्येषु सिद्धान्तं न प्रकाशयेत्।
नोदक्ययाऽभिभाषेत न चण्डालैर्नचान्त्यजैः॥ 29.14 ॥

मूलम्

विश्वास-प्रस्तुतिः

न कुदेशे वसेन्नित्यं न च पाषण्डिभिः सह।
तिर्यक् पुण्ड्रं न कुर्वीत नो द्विट्कारं न सङ्करम्॥ 29.15 ॥

मूलम्

विश्वास-प्रस्तुतिः

शर्ङ्गाष्ठं लशुनं शिग्रु धान्याम्लं चाविकं पयः।
पिण्याकं कोरदूषं च छत्राकं वर्जयेत् सदा॥ 29.16 ॥

मूलम्

विश्वास-प्रस्तुतिः

आसनं शयनं यानं नातिष्ठेच्चक्ररूपकम्।
प्रतिमासन्निधौ नान्यप्रतिमास्तुतिमाचरेत्॥ 29.17 ॥

मूलम्

विश्वास-प्रस्तुतिः

शृणुयान्न परीवादं नच कालं वृथा नयेत्।
चक्राङ्को विष्णुनामाङ्कपुत्रभृत्यपशुर्भवेत्॥ 29.18 ॥

मूलम्

विश्वास-प्रस्तुतिः

चत्रैव तु शिरः कृत्वा स्वपेद् यत्र रविर्गतः।
नाग्निगोगुरुविप्रार्चाधान्येष्वङ्घ्री प्रसारयेत्॥ 29.19 ॥

मूलम्

विश्वास-प्रस्तुतिः

मत्स्यकूर्मवराहाणां नच मांसानि भक्षयेत्।
विप्राग्निवैष्णवाश्वत्थान् गाश्च कुर्यात् प्रदक्षिणम्॥ 29.20 ॥

मूलम्

विश्वास-प्रस्तुतिः

विष्णोर्गृहाणि सर्वाणि दृष्ट्वा भक्त्याऽभिवादयेत्।
न बाहुभ्यां तरेत् सिन्धुं न गवा नान्यवाससा॥ 29.21 ॥

मूलम्

विश्वास-प्रस्तुतिः

न नग्नो वा विशेत् तोयं न धावेद् वर्षसंभवे।
ऊर्ध्वपुण्ड्रास्तु ये मर्त्यास्तान् सर्वाच्छक्तिऽर्चयेत्॥ 29.22 ॥

मूलम्

विश्वास-प्रस्तुतिः

अग्रभिक्षां सदा दद्याद् ग्रासमुष्टिं गवां तथा।
नाद्यात् पर्युषितं चान्नं नागतं परगेहतः॥ 29.23 ॥

मूलम्

विश्वास-प्रस्तुतिः

शिरस्पृष्टेन तैलेन नाङ्गं किञ्चिदुपस्पृशेत्।
नानन्तर्धाय चासीत नान्यभक्तं प्रपूजयेत्॥ 29.24 ॥

मूलम्

विश्वास-प्रस्तुतिः

प्रत्यक्षलवणं नाद्यान्निर्यासामेध्यजानि वा।
वैष्णवैर्दीक्षितैर्विप्रैर्विवादं न समाचरेत्॥ 29.25 ॥

मूलम्

विश्वास-प्रस्तुतिः

अन्त्यजं वा श्वपाकं वा नावमन्येत वैष्णवम्।
विष्ण्वर्थान्येव कर्माणि सर्वाणि मनसा स्मरेत्॥ 29.26 ॥

मूलम्

विश्वास-प्रस्तुतिः

अपि प्राणपरित्यागं कुर्याद् विष्णुनिमित्ततः।
कृतेन कर्मणा येन भगवान् भुवनेश्वरः॥ 29.27 ॥

मूलम्

विश्वास-प्रस्तुतिः

प्रसीदति हि तत् कार्यं कर्मेदं वैष्णवैः सदा।
सत्पथे मनसि न्यस्ते वाणी तिष्ठति सत्पथे॥ 29.28 ॥

मूलम्

विश्वास-प्रस्तुतिः

इन्द्रियाणि च सर्वाणि तस्मात् तच्छिक्ष्यमादितः।
उपकारः परो धर्मः सर्वेषामिति निश्चयः॥ 29.29 ॥

मूलम्

विश्वास-प्रस्तुतिः

तस्मात् सर्वप्रयत्नेन सर्वेषां हितमाचरेत्।
दानानि कीर्तिभूयांसि मध्यमानि फलेष्वतः॥ 29.30 ॥

मूलम्

विश्वास-प्रस्तुतिः

रहस्यदानं कर्तव्यं पात्रकालादियोगतः।
पात्रे सर्वाणि देयानि दातव्यानि मनस्विना॥ 29.31 ॥

मूलम्

विश्वास-प्रस्तुतिः

देवमेव समुद्दिश्य यशस्तत्रानुषङ्गिकम्।
जितेन्द्रियस्य भक्तस्य मानसो धर्म उत्तमः॥ 29.32 ॥

मूलम्

विश्वास-प्रस्तुतिः

कायिकः प्राकृतस्योक्ते
मध्यमस्य तु वाचिकः।
क्रियारूपः स्मृतो धर्मो
ज्ञानरूपं तु तत्परम्॥ 29.33 ॥

मूलम्

कायिकः प्राकृतस्योक्ते मध्यमस्य तु वाचिकः।
क्रियारूपः स्मृतो धर्मो ज्ञानरूपं तु तत्परम्॥ 29.33 ॥

विश्वास-प्रस्तुतिः

ज्ञानेन मोक्षमाप्नोति ज्ञानार्था चेष्यते क्रिया।
केवलं त्विह विज्ञानं धर्मस्यानुग्रहादृते॥ 29.34 ॥

मूलम्

विश्वास-प्रस्तुतिः

नालं चेतो भवाविष्टं प्रसादयितुमञ्जसा।
तदिष्ट्वाऽनन्तरायार्थं प्राप्य ज्ञानमनुग्रहात्॥ 29.35 ॥

मूलम्

विश्वास-प्रस्तुतिः

ततः साध्यो भवेन्मोक्षस्तद्भक्तैरेव नापरैः।
प्रासादे स्थापितं देवं सर्वदा न प्रकाशयेत्॥ 29.36 ॥

मूलम्

विश्वास-प्रस्तुतिः

अन्यत्रार्चनवेलायां पूजनान्ते प्रकाशयेत्।
अशिचिद्रव्यसंसर्गं जनसम्मर्दमेव च॥ 29.37 ॥

मूलम्

विश्वास-प्रस्तुतिः

प्रासादे वर्जयेन्नित्यं लोकोपकरणानि च।
वैदिका वैष्णवा मन्त्राः शान्तिकाः पौष्टिकास्तथा॥ 29.38 ॥

मूलम्

विश्वास-प्रस्तुतिः

यथायोगं प्रयोक्तव्यास्तन्त्रमन्त्रास्तदन्तरे।
ऋक्षु ये पावना मन्त्रा यजुष्वपि च सामसु॥ 29.39 ॥

मूलम्

विश्वास-प्रस्तुतिः

अथर्वणेषु चादेया देवपूजादिकर्मसु।
ये मन्त्राः परमं देवं साक्षाल्लक्षेण(क्ष्येण) वाऽऽश्रिताः॥ 29.40 ॥

मूलम्

विश्वास-प्रस्तुतिः

साङ्गाः पृथगुपादेयास्तान् विचार्यात्र योजयेत्।
नहि तेभ्यः परं किञ्चिद् वाङ्मयं भुवि विद्यते॥ 29.41 ॥

मूलम्

विश्वास-प्रस्तुतिः

कामदं च पवित्रं च ये मन्त्रा वैदिकाः स्मृताः।
तैरेव कृतसंस्कारे वंशे जातः स्वयं पुनः॥ 29.42 ॥

मूलम्

विश्वास-प्रस्तुतिः

तानुपेक्ष्यापरान् मन्त्रान् नानुवर्तितुमर्हति।
कर्मकाण्डप्रधानास्तु वैदिका विधयः स्थिताः॥ 29.43 ॥

मूलम्

विश्वास-प्रस्तुतिः

कामकामैर्वियोक्तव्यास्तां तामाश्रित्य देवताम्।
मन्त्रास्ते वैदिकाः सिद्धाः संभूय पृथगेव वा॥ 29.44 ॥

मूलम्

विश्वास-प्रस्तुतिः

कर्मसिद्धौ प्रवर्तन्ते प्रायो नानाफलाश्रयाः।
तेऽन्वीक्ष्यान्वीक्ष्य संग्राह्या वैष्णवैर्वदवादिभिः॥ 29.45 ॥

मूलम्

विश्वास-प्रस्तुतिः

तत्पूजायामिदं तन्त्रं भवत्येव निबन्धनम्।
तज्‌ज्ञात्वा वैदिकान् मन्त्रान्यानुद्‌धृत्य च स्वयम्॥ 29.46 ॥

मूलम्

विश्वास-प्रस्तुतिः

इदं च तन्त्रमालम्ब्य पूजयेत् पुरुषोत्तमम्।
यो जपस्तुत्युपस्थानं तैः कृत्वाऽनुस्मरन् हरिम्॥ 29.47 ॥

मूलम्

विश्वास-प्रस्तुतिः

पठेन्मन्त्रान् यथान्यायं स मुख्यो विष्णुयाजकः।
जपयज्ञं विशेषेण ये तु कुर्वन्ति वैदिकैः॥ 29.48 ॥

मूलम्

विश्वास-प्रस्तुतिः

काले पूजां च कुर्वन्ति तेषु संप्रीयते हरिः।
ध्यात्वाऽर्कमण्डले विष्णुं वेदमन्त्रैरभिष्टुतम्॥ 29.49 ॥

मूलम्

विश्वास-प्रस्तुतिः

धार्यमाणे ततैवाग्नौ जुहुयात् कार्यसिद्धये।
तत्र यत् केवलं ध्यानं वेदान्तोक्तमनाश्रयम्॥ 29.50 ॥

मूलम्

विश्वास-प्रस्तुतिः

न तत्रेन्द्रियदौर्बल्यात् कर्मस्थस्याधिकारिता।
यथा गिरितटाग्रस्थवनस्पतिफलेच्छया॥ 29.51 ॥

मूलम्

विश्वास-प्रस्तुतिः

उपाये वर्ततेऽश्रान्तस्तथाऽसौ यत्नमाचरेत्।
सर्वत्र क्रमवान् यत्नः कार्यो नेच्छैव केवला॥ 29.52 ॥

मूलम्

विश्वास-प्रस्तुतिः

तत् कायवाङ्मनोयोगैः क्रमादिच्छेत् परां गतिम्।
निराकारे तु या भक्त्या पूजेष्टा ध्यानमेव वा॥ 29.53 ॥

मूलम्

विश्वास-प्रस्तुतिः

रमणीयमिवाभाति तदनर्थस्य कारणम्।
स्थूलभावप्रसङ्गीनि जन्मनाऽस्येन्द्रियाणि हि॥ 29.54 ॥

मूलम्

विश्वास-प्रस्तुतिः

सूक्ष्मार्थं न प्रपद्यन्ते चिराच्च किमुताचिरात्।
नच रूपं विना देवो ध्यातुं केनापि शक्यते॥ 29.55 ॥

मूलम्

विश्वास-प्रस्तुतिः

सर्वरूपनिवृत्ता हि बुद्धिः कुत्रास्य तिष्ठति।
निवृत्ता ग्लायते बुद्धिर्निद्रया वा परीयते॥ 29.56 ॥

मूलम्

विश्वास-प्रस्तुतिः

तस्माद् विद्वानुपासीत बुद्ध्या साकारमेव तम्।
अस्ति तस्य परोक्षं तदिति किञ्चिदनुस्मरेत्॥ 29.57 ॥

मूलम्

विश्वास-प्रस्तुतिः

सर्वथाऽऽकारमुद्दिष्टं न परित्यज्य पण्डितः।
परं देवमुपासीत मुक्तये वा फलाय वा॥ 29.58 ॥

मूलम्

विश्वास-प्रस्तुतिः

मन्त्रैरावर्त्यमानैस्तु विष्णुपादसमाश्रयैः।
स्वरूपं लक्ष्यते बुद्धौ तत्प्रसादेन नान्यथा॥ 29.59 ॥

मूलम्

विश्वास-प्रस्तुतिः

भक्त्यर्थाः सर्वमन्त्राः स्युः स्तोत्राणि ध्यानमर्चनम्।
सा यस्य हृदये तीव्रा स भक्तो नान्य इष्यते॥ 29.60 ॥

मूलम्

विश्वास-प्रस्तुतिः

प्रियाणि देवदत्तानि कर्मजान्यप्रियाणि च।
यः पश्येत् सततं बुद्ध्या स भक्तो नेतरो जनः॥ 29.61 ॥

मूलम्

विश्वास-प्रस्तुतिः

तस्य योगमयं विद्यादाकारं सार्ववस्तुकम्।
नित्यं भक्तानुकम्पार्थं ध्येयो मन्त्रमयस्तु सः॥ 29.62 ॥

मूलम्

विश्वास-प्रस्तुतिः

यदा निवृत्तकर्मासौ निर्वाणे रमते बुधः।
तदा सूक्ष्मशरीरं तं पूजयेत् पुरुषोत्तमम्॥ 29.63 ॥

मूलम्

विश्वास-प्रस्तुतिः

शक्तयोऽस्यायुधाकारा विज्ञेया बाहवो दिशः।
द्यौर्मूर्धा पृथिवी पादौ दृष्टिरर्को मनः शशी॥ 29.64 ॥

मूलम्

विश्वास-प्रस्तुतिः

अच्छेद्योऽयमदाह्योऽयमक्लेद्योऽशोष्य एव च।
नित्यः सर्वगतः स्थाणुः पूज्यो नित्यं मनीषिभिः॥ 29.65 ॥

मूलम्

विश्वास-प्रस्तुतिः

यदा यदा प्रसन्ना धीर्ध्यायेत् सूक्ष्मं तदा तदा।
सीदन्ति संशयेनैव यतयोऽप्यत्र विक्लवाः॥ 29.66 ॥

मूलम्

विश्वास-प्रस्तुतिः

आगमार्थं दृढं कुर्यात् सर्वविद्याभिरात्मवान्।
विवेकेन च शुद्धेन नागमस्यैव संप्लवम्॥ 29.67 ॥

मूलम्

विश्वास-प्रस्तुतिः

स्वगृह्ये धर्मशास्त्रे च यदुक्तं तत् सदाचरेत्।
तन्त्रोक्तमविरुद्धे च कुलवर्णाश्रमानुगम्॥ 29.68 ॥

मूलम्

विश्वास-प्रस्तुतिः

स्रीशूद्राणां तु सर्वेषां नौपनायनिकक्रिया।
दीक्षोपनयनं तेषां तान्त्रिकश्च मनाग्विधिः॥ 29.69 ॥

मूलम्

विश्वास-प्रस्तुतिः

तान्त्रिकास्तन्त्रमन्त्राः स्युर्विधयश्च तदाश्रयाः।
मूलमन्त्रैश्च गायत्र्या वैदिकैश्च त्रिधा क्रिया॥ 29.70 ॥

मूलम्

विश्वास-प्रस्तुतिः

विट्छूद्रयोर्नृपे विप्रे सर्वं वा विप्र इत्यते।
होमादिषु स्वमन्त्राः स्युरनुलोमास्तु वा सदा॥ 29.71 ॥

मूलम्

विश्वास-प्रस्तुतिः

चतुर्वर्णोद्भवाः सर्वे प्रतिलोमानुलोमजाः।
तत्रानुलोमजाः श्रेष्ठा वर्ज्यास्तु प्रतिलोमजाः॥ 29.72 ॥

मूलम्

विश्वास-प्रस्तुतिः

प्रतिलोमेषु सर्वेषु सूत एकस्तु गृह्यते।
नार्हन्त्येवेतरे दीक्षां वर्णाश्रमबहिष्कृताः॥ 29.73 ॥

मूलम्

विश्वास-प्रस्तुतिः

ब्रह्मचारी गृहस्थश्च वानप्रस्थो यतिस्तथा।
चतुर्धाऽऽश्रमिणो भिन्नाः पुनश्चारभेदतः॥ 29.74 ॥

मूलम्

विश्वास-प्रस्तुतिः

तत्राद्यो ब्रह्मचारी च लिङ्गी शिष्य उपासकः।
अक्षारलवणाशी यो भैक्षाहारो मिताशनः॥ 29.75 ॥

मूलम्

विश्वास-प्रस्तुतिः

स्थण्डिलाजिनशायी च ब्रह्मचारी स उच्यते।
एवं कर्माणि यः कुर्याच्चक्रादिकृतलक्षणः॥ 29.76 ॥

मूलम्

विश्वास-प्रस्तुतिः

देवताराधने सक्तः स लिङ्गीति प्रकीर्तितः।
भैक्षमात्रेण जीवन् यः पठेच्छुश्रूषुरर्चकः॥ 29.77 ॥

मूलम्

विश्वास-प्रस्तुतिः

नान्यकार्यपरो नित्यं स शिष्यः परिकीर्तितः।
त्रिसन्ध्यं पूजयन् देवं नान्यकार्यपरश्च यः॥ 29.78 ॥

मूलम्

विश्वास-प्रस्तुतिः

त्रिः स्नात्वाऽनुचरेन्नित्यं गुरुं स स्यादुपासकः।
व्रती गृहस्थ एवाढ्य आचार्यो गृहिणस्त्विमे॥ 29.79 ॥

मूलम्

विश्वास-प्रस्तुतिः

चत्वार इह सम्प्रोक्तास्तथैवाचारभेदतः।
व्रतोपवासी नक्ताशी नियतार्चो जितेन्द्रियः॥ 29.80 ॥

मूलम्

विश्वास-प्रस्तुतिः

ऋतुगामी मिताहारो व्रती मूलपरः सदा।
यज्ञाध्ययनदेवार्चाशिष्यादिभरणोद्यतः॥ 29.81 ॥

मूलम्

विश्वास-प्रस्तुतिः

गृहस्य इति विज्ञेयः स्वदारव्रतिको नरः।
सर्वातिथ्यपरो नित्यं कामभोजी सुखान्वितः॥ 29.82 ॥

मूलम्

विश्वास-प्रस्तुतिः

देवोत्सवपरो भक्तः पर्वयाज्याढ्य उच्यते।
याजनाध्यापने युक्तो यागे वैदिकतान्त्रिके॥ 29.83 ॥

मूलम्

विश्वास-प्रस्तुतिः

नित्ययाजी जितकोध आचार्योऽनुग्रहोन्मुखः।
तथा वैखानसस्तन्त्री गुरुर्निष्कल एव च॥ 29.84 ॥

मूलम्

विश्वास-प्रस्तुतिः

वानप्रस्थश्चतुर्धैव तन्त्रेऽस्मिन् परिकीर्तितः।
अक्षारलवणाशी यो व्याख्याता पुत्रदारवान्॥ 29.85 ॥

मूलम्

विश्वास-प्रस्तुतिः

स्थण्डिलाजिनशायी च ध्यायन् वैखानसः सदा।
वन्यवृत्तिस्रिसन्ध्यार्ची जपहोमपरायणः॥ 29.86 ॥

मूलम्

विश्वास-प्रस्तुतिः

वल्कलाजिनवस्तन्त्री दर्भशायी जपन् सदा।
त्रिः स्नायी नियतावासश्चीरी मूलफलाशनः॥ 29.87 ॥

मूलम्

विश्वास-प्रस्तुतिः

तीर्थस्नातोऽर्चयन् ध्यायन् द्विषट्कजपवान् गुरुः।
यदृच्छालाभसन्तुष्टो नक्तभोजी दृढव्रतः॥ 29.88 ॥

मूलम्

विश्वास-प्रस्तुतिः

चीरी विमत्सरो मौनी निष्कलोऽह्नस्त्रिरर्चयन्।
हंसः परमहंसश्च भगवान् प्रभुरित्यपि॥ 29.89 ॥

मूलम्

विश्वास-प्रस्तुतिः

चतुर्विधः समाख्यातस्तन्त्रेऽस्मिन् दीक्षितो यतिः।
शङ्खचक्रधरो नित्यमेकदण्ड्येकभैक्षभुक्॥ 29.90 ॥

मूलम्

विश्वास-प्रस्तुतिः

सदार्ची कर्मविद् ध्यानी हंसो जपपरः सदा।
अद्वैतनिरतो दण्डी ज्ञानध्यानपरायणः॥ 29.91 ॥

मूलम्

विश्वास-प्रस्तुतिः

शान्तोऽशिखोपवीतश्च भैक्षाहारो व्रतस्थितः।
यतिः परमहंसः स्यात् तन्त्रकर्मणि निष्ठितः॥ 29.92 ॥

मूलम्

विश्वास-प्रस्तुतिः

शङ्खचक्रबृसीशिक्यकमण्डलुपवित्रवान्।
त्रिदण्डी पात्रवान् भिक्षुर्भगवान् योगपट्टभृत्॥ 29.93 ॥

मूलम्

विश्वास-प्रस्तुतिः

एतान्येव वहन् नित्यं छत्रं प्रतिकृतिं तथा।
चक्रयागेन देवेशमर्चयन् नियतात्मवान्॥ 29.94 ॥

मूलम्

विश्वास-प्रस्तुतिः

त्रिसन्ध्याराधने युक्तः सत्त्वस्थो जपवान् प्रभुः।
विषुवायनयोर्जन्मद्वादशीश्रवणेषु च॥ 29.95 ॥

मूलम्

विश्वास-प्रस्तुतिः

अष्टम्यां च नवम्यां च पञ्चम्यां न स्त्रियं व्रजेत्।
मूलेन परिषिच्यान्नं स्पृष्ट्वा पीत्वा जलं तथा॥ 29.96 ॥

मूलम्

विश्वास-प्रस्तुतिः

ध्यात्वाऽन्तः पुरुषं मौनी दीप्तवैश्वानरं तथा।
प्रणवेनाहुतीः पञ्च कुर्यात् पञ्चात्मने ततः॥ 29.97 ॥

मूलम्

विश्वास-प्रस्तुतिः

वक्त्रमात्रं ग्रसेत् पिण्डं न हसेन्नोद्विजेत वा।
त्यजेत् सर्वत्र चापल्यं भोक्तव्यं शब्दवर्जितम्॥ 29.98 ॥

मूलम्

विश्वास-प्रस्तुतिः

श्वोदक्यान्त्यजपाषण्डिकाकदेवलुकुक्कुटान्।
कारुकान् वा तदा पश्यन् स्नायात् त्यक्त्वाऽन्नमज्जसा॥ 29.99 ॥

मूलम्

विश्वास-प्रस्तुतिः

पञ्चोपनिषदो जप्त्वा प्रोक्षयेत् प्रणवेन च।
विष्णुश्चाथ महाविष्णुः सदाविष्णुरिमे त्रयः॥ 29.100 ॥

मूलम्

विश्वास-प्रस्तुतिः

सवनेषु क्रमात् पूज्या जपध्यानादिभिः सदा।
प्रातस्तु विष्णुगायत्री मध्याह्ने द्वादशाक्षरम्॥ 29.101 ॥

मूलम्

विश्वास-प्रस्तुतिः

सायमष्टाक्षरं नित्यं मूलं वा सर्वदा जपेत्।
उत्थायानु गरुं स्नात्वा ध्यात्वा देवं प्रपूजयेत्॥ 29.102 ॥

मूलम्

विश्वास-प्रस्तुतिः

निर्गच्छेत् सव्यपादेन प्रविशेच्चालयं पुनः।
गुरोरनुज्ञया भैक्षं चरेत् पात्रेण शं वदन्॥ 29.103 ॥

मूलम्

विश्वास-प्रस्तुतिः

गुरवे दर्शयित्वा तु विन्यसेत् तदनुज्ञया।
आचम्य मूलमन्त्रेण हुत्वाऽग्नौ समिधः शुचिः॥ 29.104 ॥

मूलम्

विश्वास-प्रस्तुतिः

आसने सुखमासीनः पादौ विन्यस्य भूतले।
पात्रं च वामहस्तेन स्पृशन् प्राणाहुतीश्चरेत्॥ 29.105 ॥

मूलम्

विश्वास-प्रस्तुतिः

यद्युत्तिष्ठेदनाचान्तो भुक्तवानासनाद् द्विजः।
स्नानं सद्यस्तु कर्तव्यं तस्मात् तत्रैव चाचमेत्॥ 29.106 ॥

मूलम्

विश्वास-प्रस्तुतिः

सन्ध्यामुपास्य भूयोऽपि हुत्वा च समिधस्तथा।
अर्चयित्वा हरिं भिक्षां चरेत् पूर्ववदेव च॥ 29.107 ॥

मूलम्

विश्वास-प्रस्तुतिः

एवं प्रातश्च सायं च गुरोर्वचनमास्थितः।
गुरोरनुज्ञया पश्चाद् गृहस्थाश्रममाश्रितः॥ 29.108 ॥

मूलम्

स्नात्वा तमर्चयेन्नित्यं ततः कर्माणि चाचरेत्॥ 29.109 ॥

॥ इति विष्णुसंहितायामेकोनत्रिंशः पटलः ॥