आगमे वैष्णवे विश्वासटिप्पन्यः

॥ अथ अष्टाविंशः पटलः ॥

विश्वास-प्रस्तुतिः

अथ वक्ष्यामि संक्षेपात् कर्मशेषानहं तव।
यद्योगाज्जायते सर्वं कर्माविकलमुत्तमम्॥ 28.1 ॥

मूलम्

विश्वास-प्रस्तुतिः

लेपादिदूषिते बिम्बे शुद्धिं कृत्वा यथोदिताम्।
अभिषेकात् पुरा कार्याः शुद्धयोऽन्याश्च युक्तितः॥ 28.2 ॥

मूलम्

विश्वास-प्रस्तुतिः

वैष्णवानलनिर्दग्धब्रह्मत्वग्भस्ममिश्रितम्।
तीर्थतोयं समालोड्य पञ्चपत्ररसं तथा॥ 28.3 ॥

मूलम्

विश्वास-प्रस्तुतिः

गोशृङ्गेणाभिषिच्यार्चां तत्पिष्टैर्लेपयेत् पुनः।
सहादूर्वासदाभद्रासिद्धार्थरजनीयुतम्॥ 28.4 ॥

मूलम्

विश्वास-प्रस्तुतिः

दोषघ्नं क्षीरिणां त्वग्भिर्घर्षणं लेपनं तथा।
दूर्वासिद्धार्थकल्केन सगव्येन च लेपनम्॥ 28.5 ॥

मूलम्

विश्वास-प्रस्तुतिः

चन्दनागरुकर्पूरक्षोदैर्धूपः पुरेण च।
परितो दीपमाला च कपिलाज्याब्जसूत्रजा॥ 28.6 ॥

मूलम्

पिप्पलत्वक्‌सहालक्ष्मीगन्धनागाब्जकेसरैः, क्षीरित्वग्रससम्पिष्टैर्लेपनं पञ्चभिस्तथा॥ 28.7 ॥

विश्वास-प्रस्तुतिः

स्नानप्रकारमालेपं धूपनं च विशेषतः।
सर्वदोषहरं कुर्याद् स्थानवृद्धिकरं परम्॥ 28.8 ॥

मूलम्

विश्वास-प्रस्तुतिः

पूरणं त्रिविधं प्रोक्तमन्नपुष्पजलैः शुभैः।
पुष्टिदं जयदं पुण्यमपमृत्युहरं तथा॥ 28.9 ॥

मूलम्

विश्वास-प्रस्तुतिः

सर्वदोषहरं श्रेष्ठं पायसान्नेन पूरणम्।
कन्दाज्यशर्करापूपकदलीफलसंयुतम्॥ 28.10 ॥

मूलम्

विश्वास-प्रस्तुतिः

शुद्ध्यर्थं पुष्टिदं प्रोक्तं प्रायश्चित्तार्थमेव च।
उत्सवेष्वपि कर्तव्यमात्माभ्युदयकाङ्क्षिभिः॥ 28.11 ॥

मूलम्

विश्वास-प्रस्तुतिः

धान्यतण्डुलवस्त्रस्थान् घटान् पञ्चाम्बुपूरितान्।
हेमरत्नादिसंयुक्तान् सकूर्चान् पल्लवाञ्चितान्॥ 28.12 ॥

मूलम्

विश्वास-प्रस्तुतिः

कमलादिभिराच्छाद्य कुशपुष्पाद्यलङ्कृताम्।
वासोभिरहतैश्छन्नान् गन्धपुष्पैश्च पूजितान्॥ 28.13 ॥

मूलम्

विश्वास-प्रस्तुतिः

सकलेन समालभ्य पञ्चभिः स्नापयेत् क्रमात्।
तथा च गन्धैर्गव्यैश्च पयोदध्याज्यकादिभिः॥ 28.14 ॥

मूलम्

विश्वास-प्रस्तुतिः

सम्पूज्य विधिवद् गन्धैरालिप्याच्छाद्य वाससा।
सुगन्धिनाऽहतेनैव सपीठं कवचेन तु॥ 28.15 ॥

मूलम्

विश्वास-प्रस्तुतिः

शुद्धपायसहारिद्रैस्तिलैः शुद्धविनिर्मितैः।
पेयैर्लेह्यैश्च चोष्यैश्च कन्दमूलफलादिभिः॥ 28.16 ॥

मूलम्

विश्वास-प्रस्तुतिः

सुरसैर्बहुभिर्दिव्यैः सोपदंशैः समन्ततः।
दधिक्षीरगुलाज्यैश्च कालपक्कैश्च पूरयेत्॥ 28.17 ॥

मूलम्

विश्वास-प्रस्तुतिः

शीतेनान्नेन पूरः स्यादन्नसूक्तादिभिः शुभैः।
स्थापयेद् घटिकाः सप्त नादयेत् तूर्यनिस्वनैः॥ 28.18 ॥

मूलम्

विश्वास-प्रस्तुतिः

निवेदयेच्चतुर्दिक्षु पायसादि यथाक्रमम्।
पञ्चभिर्व्रह्मसूक्तेन समिदाज्यचरून् क्रमात्॥ 28.19 ॥

मूलम्

विश्वास-प्रस्तुतिः

अष्टोत्तरशतं हुत्वा दिक्षु भूतबलिं हरेत्।
ततोऽनुज्ञाप्य तत् सर्वं विसृज्याप्सु विनिक्षिपेत्॥ 28.20 ॥

मूलम्

विश्वास-प्रस्तुतिः

ततश्चाराधयेत् सम्यगन्नाद्यं चोत्सवं पुनः।
स्नपनं कारयेदेवं सर्वसम्पद् भविष्यति॥ 28.21 ॥

मूलम्

विश्वास-प्रस्तुतिः

वर्णसङ्करविप्रैस्तु स्पृष्टेऽष्टशतमादिशेत्।
सवर्णगामिभिश्चैवं ब्रह्मघ्नेऽष्टसहस्रकम्॥ 28.22 ॥

मूलम्

विश्वास-प्रस्तुतिः

जलसंप्रोक्षणं चात्र गुरुतल्पगते तथा।
सुवर्णस्तेयसंसर्गे जलसंप्रोक्षणं तथा॥ 28.23 ॥

मूलम्

विश्वास-प्रस्तुतिः

द्विजानां भोजनं चात्र स्नपनं चैव कारयेत्।
सुरापैरपि संस्पृष्टे जलसंप्रोक्षणादिकम्॥ 28.24 ॥

मूलम्

विश्वास-प्रस्तुतिः

गोदानं बहुविप्राणामन्नाद्यं स्नपनं तथा।
ब्रह्महत्यादिसंसृष्टैर्यादि स्पृष्टो जनार्दनः॥ 28.25 ॥

मूलम्

विश्वास-प्रस्तुतिः

जलसंप्रोक्षणस्नानहोमाध्ययनभोजनैः।
भूहेमकपिलादानपारायणशतं तथा॥ 28.26 ॥

मूलम्

जलसंप्रोक्षणस्नानहोमाध्ययनभोजनैः।
भूहेमकपिलादानपारायणशतं तथा॥ 28.26 ॥

विश्वास-प्रस्तुतिः

एकसंपर्कविप्रेण प्रमादाद् यदि गम्यते।
गेहं वा देवबिम्बं वा जलसंप्रोक्षणं तथा॥ 28.27 ॥

मूलम्

विश्वास-प्रस्तुतिः

बहुसंपर्कविप्रैस्तु स्पृष्टे बहुगुणं तथा।
चण्डालश्वपचैः स्पृष्टे प्रासादे बिम्ब एव वा॥ 28.28 ॥

मूलम्

विश्वास-प्रस्तुतिः

अर्चाद्रव्ये च संस्पृष्टे जलसंप्रोक्षणादिकम्।
पञ्च षट् सप्त वाऽहानि महास्नानं द्विजार्चनम्॥ 28.29 ॥

मूलम्

विश्वास-प्रस्तुतिः

सप्तकारुजनैः स्पृष्टे बिम्बे प्रासाद एव वा।
जलसंप्रोक्षणस्नानगोदानान्नाद्यविस्तरः॥ 28.30 ॥

मूलम्

विश्वास-प्रस्तुतिः

चोररूपेण शूद्रास्तु संस्पृष्टा प्रतिमा यदा।
जलसंप्रोक्षणान्नाद्यस्नपनैः सुद्धिरिष्यते॥ 28.31 ॥

मूलम्

विश्वास-प्रस्तुतिः

चोररूपेण वैश्यैस्तु जलसंप्रोक्षणं क्रमात्।
स्नपनं भोजनं चैव कारयेत् सुसमाहितः॥ 28.32 ॥

मूलम्

विश्वास-प्रस्तुतिः

मोहादथार्थकामाद् वा चोररूपेण चेन्नृपैः।
जलसंप्रोक्षणेनैव शुद्धिः स्यान्नात्र संशयः॥ 28.33 ॥

मूलम्

विश्वास-प्रस्तुतिः

वर्णोत्तमेव चेत् स्पष्टश्चोररूपेण केशवः।
स्नपनं कारयेत् तत्र षोडशैव घटाः स्मृताः॥ 28.34 ॥

मूलम्

विश्वास-प्रस्तुतिः

अस्नात्वा यदि भक्त्या तु मन्त्रसंस्कारवर्जितम्।
द्विजोत्तमेन स्पृश्येत पञ्चगव्येन शोधयेत्॥ 28.35 ॥

मूलम्

विश्वास-प्रस्तुतिः

नृपेण यदि भक्त्या तु स्पृष्टो देवो जनार्दनः।
यथोक्तैर्नवभिः कुम्भैः स्नपनेनैव शुध्यति॥ 28.36 ॥

मूलम्

विश्वास-प्रस्तुतिः

वैश्येन यदि संस्पृष्टो भक्त्या मन्त्रविवर्जितम्।
पञ्चाशत्कलशैरेव स्नपेन विशुध्यति॥ 28.37 ॥

मूलम्

विश्वास-प्रस्तुतिः

स्पृष्टः शूद्रेण भक्त्या तु मन्त्रसंस्कारवर्जितम्।
अष्टोत्तरशतेनैव कर्तव्यं स्नपनं पुनः॥ 28.38 ॥

मूलम्

विश्वास-प्रस्तुतिः

सप्तकारुजनैश्चापि भक्त्या स्पृष्टे जनार्दने।
जलसंप्रोक्षणेनात्र स्नपनेन च शुध्यति॥ 28.39 ॥

मूलम्

विश्वास-प्रस्तुतिः

एतेषां चेत् स्त्रिया स्पृष्टो मोहाद् वा यदि कामतः।
पूर्वोक्ता निष्कृतिः कार्या शेषं ब्राह्मणपूजनम्॥ 28.40 ॥

मूलम्

विश्वास-प्रस्तुतिः

गोदानं च पुनः कुर्याद् गव्यस्नानं च युक्तितः।
ब्राह्मण्या चोरमार्गेण स्पृष्टे तु मधुसूदने॥ 28.41 ॥

मूलम्

विश्वास-प्रस्तुतिः

स्नपनं कारयेच्छक्त्या ब्राह्मणानां च भोजनम्।
राजन्यवैश्ययोः स्पर्शे मोहाद् वा चौर्यकेण वा॥ 28.42 ॥

मूलम्

विश्वास-प्रस्तुतिः

जलसंप्रोक्षणं स्नानं विप्रभोजनसंयुतम्।
शूद्रा यदि स्पृशेच्चौर्याद् गर्भगेहं तु वा विशेत्॥ 28.43 ॥

मूलम्

विश्वास-प्रस्तुतिः

जलसंप्रोक्षणं कुर्यान्महास्नपनसंयुतम्।
अन्त्यजानां शुनां वाऽपि गर्भे कारुस्रियाऽपि वा॥ 28.44 ॥

मूलम्

विश्वास-प्रस्तुतिः

प्रसूते प्रोक्षणं कुर्याद् द्वादशाहं दशैव वा।
महास्नानं च कर्तव्यमुत्सवान्नाद्यसंयुतम्॥ 28.45 ॥

मूलम्

विश्वास-प्रस्तुतिः

वर्णजा यदि सूयेत् प्रमादाद् देवमन्दिरे।
जलसंप्रोक्षणं कृत्वा महास्नानेन शुध्यति॥ 28.46 ॥

मूलम्

विश्वास-प्रस्तुतिः

क्षत्रिया वाऽथ वैश्या वा यद्यज्ञानात् प्रसूयते।
जलसंप्रोक्षणं कुर्यात् त्रिदिनं वा चतुर्दिनम्॥ 28.47 ॥

मूलम्

विश्वास-प्रस्तुतिः

द्विगुणं सूतशावर्तुसूतिकादाहकैः क्रमात्।
एवं मार्गेण वै कुर्याज्जलसंप्रोक्षणं बुधः॥ 28.48 ॥

मूलम्

विश्वास-प्रस्तुतिः

पारायणं चाध्ययनं गोदानं भोजनं तथा।
बलिभ्रमण्वेलायां तत्पात्रं यानमेव वा॥ 28.49 ॥

मूलम्

विश्वास-प्रस्तुतिः

पतेद् यस्मिन् दिशाभागे तन्मन्त्रेणात्र होमयेत्।
घृतेन हविषा चैव पालाशाष्टशतेन च॥ 28.50 ॥

मूलम्

विश्वास-प्रस्तुतिः

तथा नित्यबलिस्पर्शे कृते श्वानद्विकादिभिः।
मूलमन्त्रद्वयेनैव पञ्चोपनिषदा तथा॥ 28.51 ॥

मूलम्

विश्वास-प्रस्तुतिः

विष्णुसूक्तेन चैवात्र होमं कुर्यात् समाहितः।
प्रायश्चित्तेषु सर्वेषु जपहोमेषु शस्यते॥ 28.52 ॥

मूलम्

विश्वास-प्रस्तुतिः

अष्टाक्षरं स्वसंख्यानं द्वादशाक्षरमेव वा।
पात्रं प्रक्षाल्य तु स्नात्वा कृत्वा न्यासं यथाविधि॥ 28.53 ॥

मूलम्

विश्वास-प्रस्तुतिः

सम्यगावृत्य तां भूमिं गोमयेनोपलिप्य च।
पायसं श्रवयेन्मन्त्री घृतमिश्रं सुशोभनम्॥ 28.54 ॥

मूलम्

विश्वास-प्रस्तुतिः

व्रिहिभिः स्थण्डिलं कृत्वा तस्मिन् वासोऽथ तण्डुलान्।
कुशपुष्पाणि विन्यस्य प्रोक्ष्यास्त्रेण समाहितः॥ 28.55 ॥

मूलम्

विश्वास-प्रस्तुतिः

मूलेन विन्यसेत् पात्रं प्रणवेन स्पशेत् पुनः।
ततश्चास्त्रेण संप्रोक्ष्य दक्षिणे शान्तिमर्चयेत्॥ 28.56 ॥

मूलम्

विश्वास-प्रस्तुतिः

हुत्वाऽन्नं मूलमन्त्रेण प्रणवेनाज्यमेव च।
अष्टोत्तरशतं वाऽपि सहस्रं वा यथाक्रमम्॥ 28.57 ॥

मूलम्

विश्वास-प्रस्तुतिः

हविःशेषं ततः पश्चाद् बलिपात्रे विनिक्षिपेत्।
तत् कृत्वा लिङ्गवत् प्रोक्ष्य मूलेनावाह्य पूर्ववत्॥ 28.58 ॥

मूलम्

विश्वास-प्रस्तुतिः

कर्मार्चां शोधयित्वा वा तस्यामावाह्य पूजयेत्।
पाद्यार्घ्याचमनं दत्त्वा गम्धपूष्पैरथर्चयेत्॥ 28.59 ॥

मूलम्

विश्वास-प्रस्तुतिः

नमस्कृत्य ततः स्तुत्वा सोत्तरीयः समाहितः।
उद्‌धृत्य व्याहृतीर्जप्त्या मूर्ध्रि तारेण विन्यसेत्॥ 28.60 ॥

मूलम्

शङ्खतूर्यादिसंयुक्तं शनैर्गत्वा प्रदक्षिणम्, अन्तः प्रविश्य तत् पात्रमैशान्यां स्थापयेद् बुधः॥ 28.61 ॥

विश्वास-प्रस्तुतिः

उद्वास्य क्षालितं त्यक्त्वा पात्रमन्यत् समाहरेत्।
अनुयागे नवं बिम्बं शोधयित्वाऽधिवासयेत्॥ 26.62 ॥

मूलम्

विश्वास-प्रस्तुतिः

वैष्णवाग्नौ तु जुहुयात् प्रायश्चित्तं विशेषतः।
पञ्चोपनिषदैर्मन्त्रैराचार्यः सुसमाहितः॥ 28.63 ॥

मूलम्

विश्वास-प्रस्तुतिः

पूर्णाहुतिं ततो दद्याद् द्वादशाक्षरविद्यया।
अष्टाक्षरेण जुहुयात् समिदाज्यचरून् क्रमात्॥ 28.64 ॥

मूलम्

विश्वास-प्रस्तुतिः

सहस्रं वा शतं वाऽपि पञ्चविंशतिमेव वा।
लोहकुम्भं तु संगृह्य सुदुढं सूत्रवेष्टितम्॥ 28.65 ॥

मूलम्

विश्वास-प्रस्तुतिः

पूरयित्वा तु विधना सरत्नं हेमसंयुतम्।
बीजैः सर्वैः समायुक्तं स्थापयेत् तत्र सुस्थितम्॥ 28.66 ॥

मूलम्

विश्वास-प्रस्तुतिः

तत्रावाह्य हरिं पश्चात् पूजयेच्च विधानतः।
पूर्वोक्तेनैव मार्गेण शेषं कर्म समाचरेत्॥ 28.67 ॥

मूलम्

विश्वास-प्रस्तुतिः

स्नपनं चोत्सवं कुर्याद् विधिदृष्टेन कर्मणा।
संवत्सरं नरो भक्त्या समभ्यर्च्य जनार्दनम्॥ 28.68 ॥

मूलम्

विश्वास-प्रस्तुतिः

यत् फलं समवाप्नोति पवित्रारोहणेन तत्।
न करोति विधानेन पवित्रारोहणं तु यः॥ 28.69 ॥

मूलम्

विश्वास-प्रस्तुतिः

तस्य सांवत्सरी पूजा निष्फला कथिता बुधैः।
तस्मात् कर्तव्यमब्देऽब्दे पवित्रारोहणं हरेः॥ 28.70 ॥

मूलम्

विश्वास-प्रस्तुतिः

श्रवणस्य सिते पक्षे द्वादश्यां तु यथाविधि।
सिंहस्थे वा रवौ कार्यं कन्यायां तु स्थितेऽथवा॥ 28.71 ॥

मूलम्

विश्वास-प्रस्तुतिः

कन्यया कर्तितं सूत्रं कार्पासं पद्मजं तु वा।
क्षौमसूत्रं तु वा कुर्यादलाभे दर्भसम्भवम्॥ 28.72 ॥

मूलम्

विश्वास-प्रस्तुतिः

नोपयुक्तं क्रियायां स्यादन्यभक्तादिदूषितम्।
त्रिगुणेन त कर्तव्यं हीनमद्योत्तमं त्रिधा॥ 28.73 ॥

मूलम्

विश्वास-प्रस्तुतिः

तत् सप्तविंशकं कुर्याच्चतुष्पञ्चाशकं तथा।
अष्टोत्तरशतं वा स्याद् वनमाला सहस्रिका॥ 28.74 ॥

मूलम्

विश्वास-प्रस्तुतिः

फलं च मानुषं दिव्यं सालोक्यं मुक्तिरेव च।
नाभ्यूरुजानुमात्रं स्यात् परं बिम्बप्रमाणतः॥ 28.75 ॥

मूलम्

विश्वास-प्रस्तुतिः

ग्रन्थयो द्वादश प्रोक्ता द्विगुणास्रिगुणास्तथा।
कर्तव्यं वनमालायां शतमष्टोत्तरं सदा॥ 28.76 ॥

मूलम्

विश्वास-प्रस्तुतिः

अधिवासनसूत्रे तु ग्रन्थयो द्वादशैव तु।
मन्त्रो द्विजोष्विदंविष्णुरन्येषु द्वादशाक्षरम्॥ 28.77 ॥

मूलम्

विश्वास-प्रस्तुतिः

तावदावर्तयेन्मन्त्रं यावन्तो ग्रन्थयः कृताः।
एकधा च द्विधा चैव त्रिधा चापि पवित्रके॥ 28.78 ॥

मूलम्

विश्वास-प्रस्तुतिः

कुङ्कुमोशीरकर्पूरचन्दनादिविलेपनैः।
ग्रन्थिमध्ये विलिप्याथ तत्त्वन्यासं तु योजयेत्॥ 28.79 ॥

मूलम्

विश्वास-प्रस्तुतिः

अधिवास्य पवित्राणि चैकादश्यामुपोषितः।
गन्धपुष्पैः सम्भ्यर्च्य न्यसेद् देवाग्रतो निशि॥ 28.80 ॥

मूलम्

विश्वास-प्रस्तुतिः

तत्त्वज्ञानपरैः कार्यं पवित्रारोहणं हरेः।
एकादश्यां तदभ्यर्च्य मूलमन्त्रेण भक्तिमान्॥ 28.81 ॥

मूलम्

विश्वास-प्रस्तुतिः

भूषादामनिवेद्यैश्च संपूज्य गरुडध्वजम्।
नृत्तगीतादिसंयुक्तं जागरं तत्र कारयेत्॥ 28.82 ॥

मूलम्

विश्वास-प्रस्तुतिः

सोपवासः शुचिर्भूत्वा कृतजप्यो जितेन्द्रियः।
दद्यात् दानं द्विजाग्रेभ्यो भक्त्याऽभ्यर्च्य हरिं स्मरन्॥ 28.83 ॥

मूलम्

विश्वास-प्रस्तुतिः

तत्राधिवासितं प्रातस्तदादाय पवित्रकम्।
अतोदेवेति सूक्तेन विष्णोर्मूर्ध्नि निवेशयेत्॥ 28.84 ॥

मूलम्

विश्वास-प्रस्तुतिः

शूद्रस्तु मूलमन्त्रेण येन वा पूजयेद्धरिम्।
वेदघोषैर्जयस्तोत्रगीतमङ्गलनिस्वनैः॥ 28.85 ॥

मूलम्

विश्वास-प्रस्तुतिः

पवित्रारोहणं कुर्याद् देवं विज्ञापयेत् ततः।
मणिविद्रुममालाभिर्मन्दारकुसुमादिभिः॥ 28.86 ॥

मूलम्

विश्वास-प्रस्तुतिः

इयं सांवत्सरी पूजा तवास्तु गरुडध्वज!।
मन्त्रहीनं क्रियाहीनं भक्तिहीनं जनार्दन!॥ 28.87 ॥

मूलम्

विश्वास-प्रस्तुतिः

यत् पूजितं मया देव! परिपूर्णं तदस्तुते।
वनमालां यथा देव! कौस्तुभं सततं हृदि॥ 28.88 ॥

मूलम्

विश्वास-प्रस्तुतिः

तद्वत् पवित्रतन्तूंश्च पूजां चेमां हृदा वह।
इति विज्ञाप्य देवेशं भक्त्याऽऽनम्य क्षमापयेत्॥ 28.89 ॥

मूलम्

विश्वास-प्रस्तुतिः

ततश्च दद्याद् विप्रेभ्यो हरिमुद्दिश्य दक्षिणाम्।
ततोऽनुपूजयेद् भक्त्या गुरुमन्यांश्च भक्तितः॥ 28.90 ॥

मूलम्

विश्वास-प्रस्तुतिः

मूलमन्त्रेण जुहुयाद् वह्नौ सघृतयावकम्।
ततश्च पूजयेत् भक्त्या विप्रान् दद्याच्च दक्षिणाम्॥ 28.91 ॥

मूलम्

विश्वास-प्रस्तुतिः

सर्वांश्चैवार्थिनः शक्त्या पूजयेदोदनादिभिः।
यावत्तत्त्वयुता पूजा तावत्योऽङ्गुलयोऽत्र वा॥ 28.92 ॥

मूलम्

यावन्तो ग्रन्थयश्चोक्तास्तत्त्वैस्तैरनुमन्त्रयेत्। सांवत्