आगमे वैष्णवे विश्वासटिप्पन्यः

॥ अथ सप्तदशः पटलः ॥

विश्वास-प्रस्तुतिः

अथ वक्ष्यामि संक्षेपादधिवासनमुत्तमम्।
यद्योगाज्जायतेऽर्चायां सदा सन्निहितो हरिः॥ 17.1 ॥

मूलम्

विश्वास-प्रस्तुतिः

अस्त्रदग्धो करौ जातावन्यौ तत्त्वमयौ स्मरेत्।
प्रणवाङ्गुष्ठकौ कार्यौ तौ स्वराङ्गुलिपर्वकौ॥ 17.2 ॥

मूलम्

विश्वास-प्रस्तुतिः

सबिन्दुकतलौ सर्गपुष्ठगौ वामदक्षिणौ।
व्यञ्जनानि पृथङ् न्यस्य नादमङ्गुष्ठयोर्न्यसेत्॥ 17.3 ॥

मूलम्

विश्वास-प्रस्तुतिः

रेचयित्वा ततो वायुं प्रविशेत् तत्र पूरके।
विद्याकोशं ततः पश्चादानुपूर्व्येण मन्त्रवित्॥ 17.4 ॥

मूलम्

विश्वास-प्रस्तुतिः

महाभूतमयं देहं धर्माधर्मसमन्वितम्।
शुष्कं दग्धं क्रमाद् ध्यात्वा प्लावितं च स्वबीजकैः॥ 17.5 ॥

मूलम्

विश्वास-प्रस्तुतिः

बिन्दुरूपयुतं ध्यायेदात्मानं व्योम्न्यवस्थितम्।
यथा सिक्ताद् भवेद् बीजादङ्कुरस्तद्वदात्मनः॥ 17.6 ॥

मूलम्

विश्वास-प्रस्तुतिः

प्रभवं चिन्तयेद् दिव्यं प्रणवत्वमुपागतम्।
त्रिगुणामष्टधीयुक्तं प्रकृतिं तां विदुर्बुधाः॥ 17.7 ॥

मूलम्

विश्वास-प्रस्तुतिः

आद्यावकारौ बुद्ध्याख्यौ इकारौ चाप्यहङ्कृतिः।
मनो द्वौ तत्परौ व्योमपञ्चतत्त्वं स्वरान्तिकम्॥ 17.8 ॥

मूलम्

विश्वास-प्रस्तुतिः

आत्मजीवोदरश्रोत्रजिह्वाघ्राक्षित्वचः क्रमात्।
ऊष्मान्तस्थाः शिरःकूटं बाहुजङ्घे च वर्गशः॥ 17.9 ॥

मूलम्

विश्वास-प्रस्तुतिः

कवर्गोऽङ्गुलयः सर्वाः स्थूलदेहोऽयमीदृशः।
सूर्याम्बुजस्थं वागीशं वागीश्वर्या समन्वितम्॥ 17.10 ॥

मूलम्

विश्वास-प्रस्तुतिः

सर्वशक्तियुतं मन्त्रमष्टबाहुं हरिं स्मरेत्।
दिवाकरसहस्राभं दुर्निरीक्ष्यं सुरासुरैः॥ 17.11 ॥

मूलम्

विश्वास-प्रस्तुतिः

ब्रह्मरन्ध्रेण देहान्तः प्रविशन्तं विचिन्तयेत्।
व्यापकं विन्यसेन्मूलमङ्गानि च यथाक्रमम्॥ 17.12 ॥

मूलम्

विश्वास-प्रस्तुतिः

आत्मानं सर्वगं ध्यात्वा सर्वज्ञं विष्णुमव्ययम्।
कुर्याद् भावान्वितो विष्यणोरधिवासनमुत्तमम्॥ 17.13 ॥

मूलम्

विश्वास-प्रस्तुतिः

बिम्बाबिमानिनं जीवं तारकल्पितमाहृतम्।
ध्यानेनात्मैकतां नीत्वा पृथिव्यादीनि संहरेत्॥ 17.14 ॥

मूलम्

विश्वास-प्रस्तुतिः

शुष्कदग्धाप्लुतोर्व्यप्सु ता वह्नौ सोऽनिले स खे।
पञ्चतत्त्वमयं विश्वं विलीनं व्योम्नि भावयेत्॥ 17.15 ॥

मूलम्

विश्वास-प्रस्तुतिः

तन्मनोगर्वधीमायाक्रमात् तारेश्वरं नयेत्।
तां स्वामव्याकृतिं मायामधिष्ठाय सिसृक्षया॥ 17.16 ॥

मूलम्

विश्वास-प्रस्तुतिः

नादात्मा परमेष्ठ्यादिपञ्चकं सकलं सृजेत्।
प्रणवात्मा स्वयं विष्णुर्नकारादिषु मूर्तयः॥ 17.17 ॥

मूलम्

विश्वास-प्रस्तुतिः

वासुदेवादयः कान्ताः खादि क्ष्मान्तं च पञ्चकम्।
स्थूलदेहोऽयमाख्यातस्तस्य विष्णोः षडात्मनः॥ 17.18 ॥

मूलम्

विश्वास-प्रस्तुतिः

सोऽनिरुद्धाब्जसम्भूतः पृथिव्यात्मा प्रजापतिः।
सर्गभिन्नादतो विष्णोर्जात इत्यज उच्यते॥ 17.19 ॥

मूलम्

विश्वास-प्रस्तुतिः

स सृष्ट्वा पूर्वमप्तत्त्वं ससर्जाण्डं च पार्थिवम्।
एवं सृष्ट्वा जाता चतुर्दशजगन्मयी॥ 17.20 ॥

मूलम्

विश्वास-प्रस्तुतिः

तदण्डं पञ्चभूतात्मभूतं शुभ्रं हिरण्मयम्।
बिम्बं ध्यात्वा स्वयं विष्णुर्जीवं संक्रामयेद्धृतम्॥ 17.21 ॥

मूलम्

विश्वास-प्रस्तुतिः

स विष्णुस्तारजीवात्मा नादिभिः पञ्चशक्तिभिः।
लिपिमूलाङ्गविन्यासैः सकलोऽष्टभुजो भवेत्॥ 17.22 ॥

मूलम्

विश्वास-प्रस्तुतिः

शयने स्थापयित्वाऽर्चां ततो हुत्वा घृतं क्रमात्।
कुर्यात् षोडशकं न्यासं नाहुत्वा न्यास इष्यते॥ 17.23 ॥

मूलम्

विश्वास-प्रस्तुतिः

तारव्याहृतिलिप्यृक्षकालवर्णज (ला?) लं श्रुतिः।
वैराजदेवतायज्ञगुणास्त्राणि यथाक्रमम्॥ 17.24 ॥

मूलम्

विश्वास-प्रस्तुतिः

तैः शक्तिमन्त्रजीवान्तैर्न्यासः षोडशदा स्मृतः।
होमयेत् प्रणवं पूर्वं मात्रात्रयविभेदितम्॥ 17.25 ॥

मूलम्

विश्वास-प्रस्तुतिः

ब्रह्माणं केशवं रुद्रं पादहृन्मस्तके न्यसेत्।
आहुत्यष्टशतं चात्र होतव्यं तैरनुक्रमात्॥ 17.26 ॥

मूलम्

विश्वास-प्रस्तुतिः

व्याहृतित्रितयं चैव त्रैलोक्यप्रीणनाय वै।
अकारादिक्षकारान्तं मातृकां होमयेत् ततः॥ 17.27 ॥

मूलम्

विश्वास-प्रस्तुतिः

ताल्वास्यवीक्षणश्रोत्रदन्तोष्ठेषु कजिह्वयोः।
असंवृता नसोर्गण्डद्वितये चैव संवृताः॥ 17.28 ॥

मूलम्

विश्वास-प्रस्तुतिः

नाभिहृच्छ्रोणिजठरश्रोत्रदन्ताग्रनासिकाः।
दृष्टिस्त्वगिति कूटाद्य दोर्जङ्घाङ्गुलयस्तथा॥ 17.29 ॥

मूलम्

विश्वास-प्रस्तुतिः

नक्षत्रग्रहताराश्च हुत्वाऽङ्गेषु निवेशयेत्।
दृशोरुरोधीवाग्रेतोललाटङ्घ्रिकचे ग्रहाः॥ 17.30 ॥

मूलम्

विश्वास-प्रस्तुतिः

रोहिण्यादिक्रमादेवं नक्षत्राणि च होमयेत्।
हृत्ककेशललाटास्यनासिकादशनेष्वथ॥ 17.31 ॥

मूलम्

विश्वास-प्रस्तुतिः

श्रुत्योर्बाह्वोः करद्वन्द्वे स्तनयोः कुक्षिपार्श्वयोः।
कट्यां चक्षुषि लिङ्गेऽण्डे पायावूर्वोश्च जङ्घयोः॥ 17.32 ॥

मूलम्

विश्वास-प्रस्तुतिः

पादयोश्च क्रमादेवं कृत्तिकान्तोडुकल्पना।
ध्रुवो नाभ्यां स्थितस्तस्य कण्ठे सप्तर्षयस्तथा॥ 17.33 ॥

मूलम्

विश्वास-प्रस्तुतिः

कटिदेशे स्थितं तस्य विज्ञेयं मातृमण्डलम्।
पदानि त्रीणि पादेऽस्य वनमाला तु वीथिका॥ 17.34 ॥

मूलम्

विश्वास-प्रस्तुतिः

रोमाणि तारकासंघा अगस्त्यः कौस्तुभो मणिः।
कालरूपं यजेत् पूर्वं संवत्सरतनुं हरिम्॥ 17.35 ॥

मूलम्

विश्वास-प्रस्तुतिः

कास्यहृद्द्विस्तनक्रोडकटिद्व्यूरुनलाङ्घ्रिषु।
चैत्रादयः स्थिता मासा द्वादशैवं सफाल्गुनाः॥ 17.36 ॥

मूलम्

विश्वास-प्रस्तुतिः

उत्पूर्वश्चानुपूर्वश्च परिपूर्वश्च वत्सराः।
सम्पूर्वश्चेति विज्ञेयाः चत्वारस्तस्य बाहवः॥ 17.37 ॥

मूलम्

विश्वास-प्रस्तुतिः

पर्वाण्यस्याङ्गपर्वाणि ऋतवश्चाङ्गसंज्ञकाः।
अहोरात्राणि चास्थीनि रोमण्यल्पाः क्षणादयः॥ 17.38 ॥

मूलम्

विश्वास-प्रस्तुतिः

कृतादि मुखहृच्छ्रोणिपादे युगचतुष्टयम्।
मन्वन्तराणि बाह्वोश्च विभागेन प्रकल्पयेत्॥ 17.39 ॥

मूलम्

विश्वास-प्रस्तुतिः

परार्धद्वितयं जङ्घे महाकल्पं शिरो विदुः।
अयने द्वे पदे चैवमुक्तः संवत्सराकृतिः॥ 17.40 ॥

मूलम्

विश्वास-प्रस्तुतिः

मुखबाहूरूपादस्था वर्णाश्च ब्राह्मणादयः।
पादाङ्गुलीषु विज्ञेया वर्णाः सङ्करजातयः॥ 17.41 ॥

मूलम्

विश्वास-प्रस्तुतिः

सर्वाङ्गसन्धिषु तथा उत्कृष्टाः सङ्करास्तु ये।
गावो मुकेऽस्य विज्ञेयाः स्तनयोश्चाप्यजाविकाः॥ 17.42 ॥

मूलम्

विश्वास-प्रस्तुतिः

पदोरेकशफा ऊर्वोर्ग्राम्यारण्या व्यवस्थिताः।
केशेषु मेघा विज्ञेया रोमाण्यभ्राणि तस्य वै॥ 17.43 ॥

मूलम्

विश्वास-प्रस्तुतिः

सर्वाङ्गावयवा नद्यः समुद्राः कुक्षिसंस्थिताः।
यज्ञास्तस्य शिरो ज्ञेयमृग्वेदो दक्षिणो भुजः॥ 17.44 ॥

मूलम्

विश्वास-प्रस्तुतिः

सामवेदः स्मृतो वामः सर्वोपनिषदो हृदि।
इतिहासपुराणानि जङ्घे यजुरुरः स्मृतम्॥ 17.45 ॥

मूलम्

विश्वास-प्रस्तुतिः

अथर्वाङ्गिरसो नाभिः कल्पसूत्राणि पादयोः।
शीक्षाव्याकरणं वक्त्रं तर्कः कण्ठं समाश्रितः॥ 17.46 ॥

मूलम्

विश्वास-प्रस्तुतिः

मीमांसा हृन्निरुक्तं च छन्दो ज्योतिश्च चक्षुषी।
गारुडं भूततन्त्रं च श्रोत्रयुग्मे व्यवस्थितम्॥ 17.47 ॥

मूलम्

विश्वास-प्रस्तुतिः

हस्तयोश्च धनुर्वेद आयुर्वेदश्च कीर्त्तितः।
योगशास्त्राणि हृद्येव नीतिशास्त्राणि पादयोः॥ 17.48 ॥

मूलम्

विश्वास-प्रस्तुतिः

वाग्गीतं करयोर्नृत्तं कला विद्याश्च रोमसु।
द्यौर्मूर्धेन्द्वर्कनेत्रस्य घ्राणे प्राणात्मकोऽनिलः॥ 17.49 ॥

मूलम्

विश्वास-प्रस्तुतिः

नाभ्यां व्योमाब्धयो बस्तौ पादे भूः सचलाचला।
हिरण्यगर्भं मूर्ध्न्यस्य सर्पान् केशेषु विन्यसेत्॥ 17.50 ॥

मूलम्

विश्वास-प्रस्तुतिः

रुद्रं ललाटे भ्रुकुटावन्तकं श्रवणेऽश्विनौ।
मुखे वैश्वानरं न्यस्य जिह्वायां च सरस्वतीम्॥ 17.51 ॥

मूलम्

विश्वास-प्रस्तुतिः

रुद्रान् दत्सु वसून् कण्ठे दृश्यादित्यान् निवेशयेत्।
बाह्वोरिन्द्रं बलिं चैव प्रह्लादं वामके स्तने॥ 17.52 ॥

मूलम्

विश्वास-प्रस्तुतिः

दक्षिणे विश्वकर्माणं नारदं कुक्षिसंस्थितम्।
अनन्तं वामकुक्षिस्थं वरुणं बस्तिसंस्थितम्॥ 17.53 ॥

मूलम्

विश्वास-प्रस्तुतिः

मित्रं पायौ कटौ तार्क्ष्यं विश्वान् देवान् तथोरगान्।
पितॄन् जानुद्वये यक्षान् नले गुल्फे तु राक्षसान्॥ 17.54 ॥

मूलम्

विश्वास-प्रस्तुतिः

पिशाचान् प्रपदे पार्ष्ण्योर्न्यसेद् विद्याधरांस्तथा।
ग्रहांस्तले नखेष्वेव जम्भकादीन् सपूतनान्॥ 17.55 ॥

मूलम्

विश्वास-प्रस्तुतिः

अङ्गुल्योऽप्सरसः कट्यां कार्त्तिकेयगणेश्वरौ।
गन्धर्वानोष्ठयोर्न्यस्य सर्वभूतानि पृष्ठतः॥ 17.56 ॥

मूलम्

विश्वास-प्रस्तुतिः

मत्स्यं के पादयोः कूर्मं वराहं जङ्घयोर्न्यसेत्।
नरसिंहं ललाटे तु वामनं मुखमध्यतः॥ 17.57 ॥

मूलम्

विश्वास-प्रस्तुतिः

नाभिहृत्कटिगुह्येषु रामान् कृष्णं च विन्यसेत्।
कल्किनं जानुदेशे तु नरनारायणौ पदे॥ 17.58 ॥

मूलम्

विश्वास-प्रस्तुतिः

न्यसेद् बाहुषु चैवास्य तथा बाहुसहस्रिणम्।
अश्वमेधः शिरस्तस्य नरमेधो ललाटकम्॥ 17.59 ॥

मूलम्

विश्वास-प्रस्तुतिः

राजसूयो मुखं चैव गौसवः कण्ठसंस्थितः।
द्वादशाहश्च हृदयमहीनो नाभिसंस्थितः॥ 17.60 ॥

मूलम्

विश्वास-प्रस्तुतिः

विश्वजिद् विश्वमेधं च कटिदेशे व्यवस्थितौ।
अग्निष्टोमोऽस्य लिङ्गस्थो वृषणे चातिरात्रकः॥ 17.61 ॥

मूलम्

विश्वास-प्रस्तुतिः

अप्तोर्यामस्तथोरुस्थः षोडशी जानुगोचरे।
उक्थ्यश्च वाजपेयश्व नले त्वग्निस्तु पादयोः॥ 17.62 ॥

मूलम्

विश्वास-प्रस्तुतिः

चातुर्मास्यानि चैवास्य बाहुष्वेव नियोजयेत्।
सौत्रामणिं तले न्यस्य पश्विष्टिं चाङ्गुलीगताम्॥ 17.63 ॥

मूलम्

विश्वास-प्रस्तुतिः

दर्शश्च पौर्णमासश्च दृशो रोमाणि चेष्टयः।
स्वाहाकारवषट्कारौ स्तनयोः संव्यवस्थितौ॥ 17.64 ॥

मूलम्

विश्वास-प्रस्तुतिः

बाह्वोरङ्गुलयः पञ्चमहायज्ञाः प्रकीर्तिताः।
हृदयं दक्षिणा तस्य दर्भाः केशास्त्वगम्बरम्॥ 17.65 ॥

मूलम्

विश्वास-प्रस्तुतिः

मुखमाहवनीयाग्निर्हृन्नाभी दक्षिणापरौ।
प्रवर्ग्यो भूषणं तस्य सवनानि गतित्रयम्॥ 17.66 ॥

मूलम्

विश्वास-प्रस्तुतिः

पाकयज्ञा हविर्यज्ञाश्चरणाङ्गुलयः स्मृताः।
आज्यभागौ दृशौ ज्ञेयौ वेदी श्रोणी मुखं हविः॥ 17.67 ॥

मूलम्

विश्वास-प्रस्तुतिः

होमेन प्रीणयेत् पूर्वं तनुं तस्य गुणात्मिकाम्।
धर्मं तु विन्यसेन्मूर्ध्नि दशधा संव्यवस्थितम्॥ 17.68 ॥

मूलम्

विश्वास-प्रस्तुतिः

ज्ञानं हृद्यष्टधा गुह्ये वैराग्यं नवधा न्यसेत्।
ऐश्वर्यं चाष्टधा पादे सेयं गुणमयी तनुः॥ 17.69 ॥

मूलम्

विश्वास-प्रस्तुतिः

शङ्खचक्रगदापद्मन्यासः साधारणः स्मृतः।
विशेषा ये च तन्त्रोक्ता मूर्त्तिभेदेन तान्यपि॥ 17.70 ॥

मूलम्

विश्वास-प्रस्तुतिः

हृदि शान्तिर्ललाटे श्रीर्मुखे चास्य सरस्वती।
रतिर्गुह्ये नले प्रीतिः किर्त्तिस्तु परिता भवेत्॥ 17.71 ॥

मूलम्

विश्वास-प्रस्तुतिः

कुक्षौ तुष्टिस्तनौ पुष्टिः शक्तिन्यासोऽयमीरितः।
मन्त्रन्यासोऽक्षराङ्गात्मा पूर्वमेव समीरितः॥ 17.72 ॥

मूलम्

विश्वास-प्रस्तुतिः

श्रीवत्समुरसि न्यस्य कौस्तुभं नाभिमण्डले।
वनमालां गले न्यस्य मुद्रान्यासोऽयमीरितः॥ 17.73 ॥

मूलम्

विश्वास-प्रस्तुतिः

नाभेरधस्तादुत्थाप्य करणैश्च समन्वितम्।
तन्मात्रदेहप्राणैश्च पञ्चभिर्व्याप्य विग्रहम्॥ 17.74 ॥

मूलम्

विश्वास-प्रस्तुतिः

ऐश्वर्यधर्मज्ञानैश्च
वैराग्येण च संयुतम्।
स्फुरद्-रश्मि-प्रतानेन
व्याप्ताशेष-दिग्-अन्तरम्॥ 17.75 ॥

मूलम्

ऐश्वर्यधर्मज्ञानैश्च वैराग्येण च संयुतम्।
स्फुरद्रश्मिप्रतानेन व्याप्ताशेषदिगन्तरम्॥ 17.75 ॥

विश्वास-प्रस्तुतिः

दिवाकरसहस्राभमिडया ब्रह्मरन्ध्रगम्।
स्थित्वा किञ्चित् ललाटेऽन्तः प्रविशन्तं विचिन्तयेत्॥ 17.76 ॥

मूलम्

विश्वास-प्रस्तुतिः

शीर्षण्यांस्तु दश प्राणान् तत्रस्थोऽपि नियोजयेत्।
कर्णिकाद्वारमार्गेण प्रविश्य हृदयाम्बुजम्॥ 17.77 ॥

मूलम्

विश्वास-प्रस्तुतिः

वृत्तिपञ्चकभेदेन प्राणादींस्तत्र योजयेत्।
पादनासान्तरे प्राणमपानं पृष्ठतो न्यसेत्॥ 17.78 ॥

मूलम्

व्यानं सर्वगतं चैव उदानमुदरोर्ध्वगम।. समानं नाभिहृदये नागादीन्यथ पञ्च वै॥ 17.79 ॥

विश्वास-प्रस्तुतिः

पुर्यष्टकं हृदि न्यस्य तन्मध्ये पुरुषोत्तमम्।
अनुग्रहकरं सौम्यं सर्वज्ञं विश्वतोमुखम्॥ 17.80 ॥

मूलम्

विश्वास-प्रस्तुतिः

ध्यायेदेवं कृते साऽर्चा सजीवा जायते क्षणात्।
अधिवासे न सा कार्या न्यासाः पञ्चदशैव तु॥ 17.81 ॥

मूलम्

विश्वास-प्रस्तुतिः

सजीवकरणं कुर्यात् स्थापिते मधुसूदने।
जीवन्यासक्रमं यस्तु न जानात्युपदेशतः॥ 17.82 ॥

मूलम्

विश्वास-प्रस्तुतिः

आचार्यो न स मन्तव्यो निग्राह्यस्तस्करो यथा।
एतस्मिन्नेव काले तु पिण्डिकां चाधिवासयेत्॥ 17.83 ॥

मूलम्

विश्वास-प्रस्तुतिः

न्यासक्रमस्तु तत्रापि कथ्यमानोऽवधार्यताम्।
शोधयित्वा पुरा दर्भमृत्त्वग्गव्याम्बुभिः क्रमात्॥ 17.84 ॥

मूलम्

विश्वास-प्रस्तुतिः

तत्राधिवासयेद् विद्वान् प्रकृतिं पिणिडिकात्मिकाम्।
मातृकां विन्यसेत् तत्र शक्तिरूपां प्रकल्पयेत्॥ 17.85 ॥

मूलम्

विश्वास-प्रस्तुतिः

प्रणवं विन्यसेन्मध्ये तद्बाह्ये षोडश स्वरान्।
व्यञ्जनानि च तद्बाह्यो पर्जन्यादि प्रदक्षिणम्॥ 17.86 ॥

मूलम्

विश्वास-प्रस्तुतिः

तत्रैव विन्यसेत् पद्मं पद्मे स्थाप्याश्च शक्तयः।
अनुग्रहं यया युक्तो नित्यं स कुरुते प्रभुः॥ 17.87 ॥

मूलम्

विश्वास-प्रस्तुतिः

स्थितस्तस्यां सदा पूज्यः परात्मा हरिरव्ययः।
पाद्यगन्धादिभिर्देवीं बलिभिश्च प्रपूजयेत्॥ 17.88 ॥

मूलम्

विश्वास-प्रस्तुतिः

अहतैश्चैव वासोभिर्लक्ष्मीरूपां च कल्पयेत्।
होमं शक्त्यष्टकान्तानां कुर्यादाचार्य एव तु॥ 17.89 ॥

मूलम्

विश्वास-प्रस्तुतिः

अयनस्य च शक्तेश्च प्रासादस्य ततः क्रमात्।
तत्रोक्तस्तत्वविन्यासः पूर्वमेवाधुना स्मृतः॥ 17.90 ॥

मूलम्

विश्वास-प्रस्तुतिः

तथा पुरुषरूपं तं कल्पयित्वा यथाक्रमम्।
प्रासादं पूजयेत् पश्चाद् गन्धपुष्पादिभिः शुभैः॥ 17.91 ॥

मूलम्

विश्वास-प्रस्तुतिः

ततो ब्रह्मशिलां चात्र शोधितामधिवासयेत्।
अनन्तासनविन्यासो नपुंसकशिलोपरि॥ 17.92 ॥

मूलम्

विश्वास-प्रस्तुतिः

नपुंसकं परं ब्रह्म सर्वाधारं तदुच्यते।
आलिखेन्मण्डलं चात्र तण्डुलैः पञ्चरङ्गिकैः॥ 17.93 ॥

मूलम्

विश्वास-प्रस्तुतिः

चतुरश्रं चतुर्द्वारं मध्ये पद्मसमन्वितम्।
पूर्वं तु सकलीकृत्य प्रतिमां देशिकोत्तमः॥ 17.94 ॥

मूलम्

विश्वास-प्रस्तुतिः

अङ्गप्रत्यङ्गभेदेन स्वकल्पोदितवर्त्मना।
साङ्गं प्रपूजयेद्देवं गन्धपुष्पादिभिः क्रमात्॥ 17.95 ॥

मूलम्

विश्वास-प्रस्तुतिः

अलङ्कारैर्निवेद्यैश्च यथाविभवविस्तरम्।
मण्डलेऽभ्यर्चयेद्विद्वान् साङ्गं देवमधोक्षजम्॥ 17.96 ॥

मूलम्

विश्वास-प्रस्तुतिः

अर्चायां या तु विन्यस्ता मूर्तिस्तां तत्र कल्पयेत्।
साङ्गं सपरिवारं च तत्रेष्ट्वा विधिनाऽच्युतम्॥ 17.97 ॥

मूलम्

विश्वास-प्रस्तुतिः

हुत्वाऽग्नि च यथान्यायं पार्षदेभ्यो बलिं हरेत्।
आद्यश्च कर्मजाश्चैव ये भूताः प्रग्दिशि स्थिताः॥ 17.98 ॥

मूलम्

विश्वास-प्रस्तुतिः

प्रसन्नाः परितुष्टास्ते प्रतिगृह्णन्त्विमं बलिमि।
दक्षिणे पश्चिमे चैव उत्तरे च नियोजयेत्॥ 17.99 ॥

मूलम्

विश्वास-प्रस्तुतिः

गन्धपुष्पाणि धूपं दीपमन्नं जलं क्रमात्।
विदिक्षु च यथान्यायं दद्याच्चैव ततो बलिम्॥ 17.100 ॥

मूलम्

विश्वास-प्रस्तुतिः

वृक्षेषु पर्वताग्रेषु ये विदिक्षु च संस्थिताः।
भूमौ व्योम्नि स्थिता ये च तेऽपि गृह्णन्त्विमं बलिम्॥ 17.101 ॥

मूलम्

विश्वास-प्रस्तुतिः

विनायकाः क्षेत्रपाला ये चान्ये बलिकाङ्क्षिणः।
पूर्वाद्याः पार्षदाश्चैव प्रतिगृह्णन्त्विमं बलिम्॥ 17.102 ॥

मूलम्

विश्वास-प्रस्तुतिः

परितोऽनेन वै दद्यात् परिभ्रम्य प्रदक्षिणम्।
आचम्यान्तः प्रविश्याथ कृतन्यासः समाहितः॥ 17.103 ॥

मूलम्

विश्वास-प्रस्तुतिः

शान्तिं व्याहृतिभिर्हुत्वा ततो देवं क्रमात् स्पृशेत्।
घृतं भूरिति हुत्वा द्वौ पादौ देवस्य संस्पृशेत्॥ 17.104 ॥

मूलम्

विश्वास-प्रस्तुतिः

दध्ना च भुव इत्येवं ततो नाभ्यन्तरं स्पशेत्।
क्षीरं स्वरिति हुत्वाऽथ ततोऽस्य हृदयं स्पृशेत्॥ 17.105 ॥

मूलम्

विश्वास-प्रस्तुतिः

भूर्भुवः स्वश्च हुत्वैवं मधुना मूर्ध्नि संस्पृशेत्।
सर्वं मूलेन हुत्वान्ते सर्वगात्रं तु संस्पृशेत्॥ 17.106 ॥

मूलम्

विश्वास-प्रस्तुतिः

अष्टाष्टाहुतयश्चात्र निर्दिष्टाः शान्तिकर्मणि।
स्रुवेण द्रव्ययुक्तेन स्पर्शनं चात्र कीर्तितम्॥ 17.107 ॥

मूलम्

विश्वास-प्रस्तुतिः

द्रव्ये द्रव्ये तथा स्पृष्टे गन्धपुष्पैः समर्चयेत्।
क्षालयित्वा स्रुवं पश्चात् कार्या द्रव्यान्तराहुतिः॥ 17.108 ॥

मूलम्

विश्वास-प्रस्तुतिः

चतस्रो धेनवः स्थाप्या दक्षिणद्वारसन्निधौ।
उत्तराभिमुखाः शान्ता रज्जुबद्धाः सवत्सकाः॥ 17.109 ॥

मूलम्

विश्वास-प्रस्तुतिः

गङ्गा च यमुना चैव तथा गोदा सरस्वती।
नामभिः पूजयित्वा ता गन्धपुष्पैर्यथाक्रमम्॥ 17.110 ॥

मूलम्

विश्वास-प्रस्तुतिः

दुहेत्ता विष्णुगायत्त्र्या तयैव श्रपयेच्चरुम्।
निवेदयेत् तया चैव तयैवान्ते बलिं हरेत्॥ 17.111 ॥

मूलम्

विश्वास-प्रस्तुतिः

भोजयेद् ब्राह्मणांस्तत्र भक्तान् द्वादश पायसम्।
मण्डपस्योत्तरे पार्श्वे हिरण्यं दक्षिणा भवेत्॥ 17.112 ॥

मूलम्

विश्वास-प्रस्तुतिः

सुरभीश्च गुरोर्दद्याद् विष्णुर्मे प्रीयतामिति।
एवं कृत्वा ततः पश्चाद् रात्रौ जागरणं भवेत्॥ 17.113 ॥

मूलम्

विश्वास-प्रस्तुतिः

शङ्खतूर्यादिसंयुक्तं नृत्तगीतादिसंयुतम्।
सेतिहासपुराणाभिः (णैश्च) कताभिश्च नयेन्निशाम्॥ 17.114 ॥

मूलम्

विश्वास-प्रस्तुतिः

प्रभाते सुदिने वारे पुण्यराश्युदये तथा।
मौहूर्त्तिकोपदिष्टेन लग्नेन स्थापयेत् सुधीः॥ 17.115 ॥

मूलम्

॥ इति विष्णुसंहितायामधिवासपटलः सप्तदशः ॥