आगमे वैष्णवे विश्वासटिप्पन्यः

॥ अथ पञ्चमः पटलः ॥

विश्वास-प्रस्तुतिः

अथ वक्ष्यामि संक्षोपान्मन्त्रोद्धारविधिं परम्।
यस्मिन् सम्यक्कृते मन्त्रा वीर्यवन्तः स्युरिष्टदाः॥ 5.1 ॥

मूलम्

विश्वास-प्रस्तुतिः

विविक्ते सुसमे देशे शुचौ स्निग्धे मनोरमे।
पुष्पप्रकरसंकीर्णे मन्त्रोद्धारं समाचरेत्॥ 5.2 ॥

मूलम्

विश्वास-प्रस्तुतिः

स्रात्वाऽऽचान्तः कृतन्यासो गन्धपुष्पाद्यलङ्कृतः।
सानुगः प्रयतो मन्त्री सूत्रपातं प्रकल्पयेत्॥ 5.3 ॥

मूलम्

विश्वास-प्रस्तुतिः

चतुष्षष्टिपदं कृत्वा चन्दनेन सुगन्धिना।
आदिहान्तां समालिख्य मातृकामष्टविर्गिणीम्॥ 5.4 ॥

मूलम्

विश्वास-प्रस्तुतिः

आदिपङ्कौ द्विशो वर्गं वर्गशोऽन्यत्र चान्ततः।
नादात् सर्वगतादष्टवर्गोत्पत्तिमनुस्मरेत्॥ 5.5 ॥

मूलम्

विश्वास-प्रस्तुतिः

नादोऽकारः स्वयं जातो वासुदेवात्मकस्ततः।
संकर्षणाख्ययाऽऽकार इकारश्च शिवाख्यया॥ 5.6 ॥

मूलम्

विश्वास-प्रस्तुतिः

ईकारश्च ततो जातस्तौ च संकर्षणात्मको।
ब्रह्मोकारोऽत ऊकारः प्रद्युमनाख्यौ च तौ स्मृतौ॥ 5.7 ॥

मूलम्

विश्वास-प्रस्तुतिः

हंसाख्योऽस्मादृकारोऽत ऋकारश्चानिरुद्धकः।
लृकारो महदाख्योऽज लॄकारश्च ततोऽजनि॥ 5.8 ॥

मूलम्

विश्वास-प्रस्तुतिः

ततो रुद्राख्य एकार ऐकारश्चाप्यनन्तरः।
प्रजापत्याख्य ओकार औकारश्च तदात्मकः॥ 5.9 ॥

मूलम्

विश्वास-प्रस्तुतिः

बिन्दुस्तस्माद्धरीशात्मा विसर्गोऽस्माच्च ते स्वराः।
तस्माद्धरीशाद् ब्राह्म्यादिमातृभेदेन सप्तधा॥ 5.10 ॥

मूलम्

विश्वास-प्रस्तुतिः

कादिवर्गा यशादी च न्यस्तव्यास्तेऽन्यपङ्क्तिषु।
एवं सरस्वतीं देवीमष्टवर्गात्मिकां सुभाम्॥ 5.11 ॥

मूलम्

विश्वास-प्रस्तुतिः

गन्धपूष्पैर्यजेद् वर्णदेवतानामभिः क्रमात्।
ततो गारुडमश्विभ्यामुद्‌धृतं वर्णहारकम्॥ 5.12 ॥

मूलम्

विश्वास-प्रस्तुतिः

यमाख्यमोद्वयं चेष्ट्वा तेन मन्त्रान् समुद्धरेत्।
प्रणवाष्टाक्षरोद्धारे वासुदेवः स्वयं भवेत्॥ 5.13 ॥

मूलम्

विश्वास-प्रस्तुतिः

षट्के संकर्षणो ब्रह्मा गायत्र्यां चाक्रिके हरः।
प्रद्युम्नस्त्वजितोद्धारे नारसिंहेऽनिरुद्धकः॥ 5.14 ॥

मूलम्

विश्वास-प्रस्तुतिः

वासुदेवादिभिः स्वे स्वे बीजमन्त्राश्च हेतयः।
आदित्येनैव तूद्धार्याः पञ्चोपनिषदादयः॥ 5.15 ॥

मूलम्

विश्वास-प्रस्तुतिः

आद्यादिमुद्धरेत् पूर्वं पुनस्तत्रैव पञ्चमम्।
षष्ठान्तं चादिवर्गोनं त्रयमेकत्र योजयेत्॥ 5.16 ॥

मूलम्

विश्वास-प्रस्तुतिः

एतत् तत् परमं तत्त्वमक्षरं परमं पदम्।
अनेनैवार्चनं विष्णोर्जपो होमश्च मोक्षदः॥ 5.17 ॥

मूलम्

विश्वास-प्रस्तुतिः

त्रिदेवगुणवेदाग्निसन्ध्यालोकदशास्वयम्।
वेदादिरक्षरव्याप्त्या सर्वमन्त्रादितां गतः॥ 5.18 ॥

मूलम्

विश्वास-प्रस्तुतिः

पञ्चमान्तं परं तारात् षष्ठान्तं सत्रयोदशम्।
देवनाम चतुर्थ्यन्तमित्येतन्मन्त्रलक्षणम्॥ 5.19 ॥

मूलम्

विश्वास-प्रस्तुतिः

एवं षडक्षरो मन्त्रो निर्बीजोऽष्टाक्षरस्तथा।
द्विषट्के भगवच्छब्दो नमस्कारात् परो भवेत्॥ 5.20 ॥

मूलम्

विश्वास-प्रस्तुतिः

बीजं तारादिनत्यन्तं सर्वत्राख्या न चेत् परा।
यत्राऽख्या तु चतुर्थ्यन्ता नमस्कारस्तदाऽन्ततः॥ 5.21 ॥

मूलम्

विश्वास-प्रस्तुतिः

चतुर्थमष्टमे बीजमादिषष्ठान्तबिन्दुकम्।
हृदयं तदबीजस्य विष्णुबीजं च यद् विदुः॥ 5.22 ॥

मूलम्

विश्वास-प्रस्तुतिः

द्वितीयाद्यं शिरश्चास्य बिन्द्वन्तमुपकल्पयेत्।
अष्टमाद्यं शिखाबीजं तृतीयस्वरभेदितम्॥ 5.23 ॥

मूलम्

विश्वास-प्रस्तुतिः

चतुर्थं कवचं चान्त्ये पञ्चमस्वरबिन्दुमत्।
तदेवास्त्रं भवेत् तस्य षोडशस्वरसंयुतम्॥ 5.24 ॥

मूलम्

विश्वास-प्रस्तुतिः

एतत् पञ्चाङ्गमुद्दिष्टं निर्बीजस्य षडात्मनः।
यदाख्याजातिभिर्युक्तं सर्वकामप्रदं विदुः॥ 5.25 ॥

मूलम्

विश्वास-प्रस्तुतिः

हृद्बीजं मूलमङ्गानि द्विचतुष्षष्ठयोगतः।
नेत्रान्तानि षडप्याहुर्द्वादशान्त्यचतुर्दशैः॥ 5.26 ॥

मूलम्

विश्वास-प्रस्तुतिः

नमोन्तानि निराख्यानि साख्यानि तु सबीजके।
प्रणवानन्तरं बीजमनन्ते चेन्नमोन्वितम्॥ 5.27 ॥

मूलम्

विश्वास-प्रस्तुतिः

सबीजस्येदमुद्दिष्टं मूलमन्त्रस्य लक्षणम्।
तारात् सबिन्दुकैर्वर्णैः स्वरभेदितबीजकैः॥ 5.28 ॥

मूलम्

विश्वास-प्रस्तुतिः

नमोन्ताख्यैः षडङ्गानि नेत्रान्तं तत् प्रकल्पयेत्।
हृदयं कुन्दसङ्काशं शिरो भिन्नाञ्जनप्रभम्॥ 5.29 ॥

मूलम्

विश्वास-प्रस्तुतिः

शिखा तु पिङ्गला ज्ञेया कवचं हेमसन्निभम्।
विद्युदाकारमस्त्रं स्यान्नेत्रं ज्वलनसन्निभम्॥ 5.30 ॥

मूलम्

विश्वास-प्रस्तुतिः

ज्ञानसन्तोषनित्यत्वस्वातन्त्र्याविघ्नवैभवैः।
हृदयादिगुणैर्युक्तः सकलोऽनुग्रहादिकृत्॥ 5.31 ॥

मूलम्

विश्वास-प्रस्तुतिः

स्वाहाकारवषट्कारौ होमे शान्तिकपौष्टिके।
नमस्कारो जपार्चादावैश्वर्ये प्रणवोऽन्ततः॥ 5.32 ॥

मूलम्

विश्वास-प्रस्तुतिः

आदौ तारनमोमध्ये बिन्द्वन्ताः षोयरावलाः।
पराय भगवत्स्थाने पञ्चोपनिषदादिषु॥ 5.33 ॥

मूलम्

विश्वास-प्रस्तुतिः

प्रथमः परमेष्ठ्यात्मा पुरुषात्मा तथापरः।
विश्वात्माऽथ निवृत्त्यात्मा सर्वात्मा पञ्च ते स्मृताः॥ 5.34 ॥

मूलम्

विश्वास-प्रस्तुतिः

आवाहने विसर्गे च योज्याः पञ्च क्रमोत्क्रमात्।
प्रोक्षणे शान्तिहोमे च द्रव्यशुद्धौ च कीर्तिताः॥ 5.35 ॥

मूलम्

विश्वास-प्रस्तुतिः

पुरुषः प्रकृतिश्चोभौ जीवप्राणसमाह्वयौ।
बुद्ध्यहंकारसङ्कल्पास्तन्मात्राणीन्द्रियाणि च॥ 5.36 ॥

मूलम्

विश्वास-प्रस्तुतिः

भूतानि चेति बिन्द्वन्तैर्मादिकान्तैरनुक्रमात्।
पञ्चविंशतितत्त्वानि विज्ञातव्यानि देशिकैः॥ 5.37 ॥

मूलम्

विश्वास-प्रस्तुतिः

अष्टमान्त्यं स्वरान्त्याभ्यां कालदिङ्मन्त्रयोः क्रमात्।
खकारो वैनतेयस्य विघ्नेशस्य ततः परम्॥ 5.38 ॥

मूलम्

विश्वास-प्रस्तुतिः

कालबीजमनन्तस्य दीर्घैरङ्गानि तस्य षट्।
अक्षबीजं तु वर्णान्त्यं चक्रमण्डलकल्पने॥ 5.39 ॥

मूलम्

विश्वास-प्रस्तुतिः

पद्मस्य प्रणवोऽस्यांशाः पत्रकेसरकर्णिकाः।
ह्रस्वाक्षराणि बीजानि नाभिस्थे सवनत्रये॥ 5.40 ॥

मूलम्

विश्वास-प्रस्तुतिः

असंवृतस्वरैः कालमरमासेषु योजयेत्।
अविसर्गैः स्वरैराद्यैर्वामदक्षिणपार्श्वयोः॥ 5.41 ॥

मूलम्

विश्वास-प्रस्तुतिः

राशीनां तैर्विसर्गाद्यैरप्यूह्यास्तिथयो द्विधा।
अश्वयुक्प्रभृतीन्येषु नक्षत्राणि यथाक्रमम्॥ 5.42 ॥

मूलम्

विश्वास-प्रस्तुतिः

बिन्द्वन्तैरादिकान्तैस्तु हादिमान्तैर्नव ग्रहाः।
अर्कादयः स्वराशिस्था राहुकेतू च यद्गतौ॥ 5.43 ॥

मूलम्

विश्वास-प्रस्तुतिः

सकारश्च षकारश्च नेम्योरन्तर्बहिष्ठयोः।
प्रकृत्यादीनि तत्त्वानि योज्यानीह पृथक् क्रमात्॥ 5.44 ॥

मूलम्

विश्वास-प्रस्तुतिः

द्वादशाक्षरबीजैस्तु योज्या विष्ण्वादयोऽरगाः।
ऋतवो मूलबीजैस्तु वसन्ताद्य यथाक्रमम्॥ 5.45 ॥

मूलम्

विश्वास-प्रस्तुतिः

चक्रमण्डलयागे तु विशेषोऽयमिहोदितः।
भद्रकस्थण्डिलार्चासु न मन्त्राः कालसंश्रयाः॥ 5.46 ॥

मूलम्

विश्वास-प्रस्तुतिः

नामाष्टकद्विषट्कस्थं विद्महेधीमहेन्वितम्।
क्रमेण कल्पयेत् तन्नो विष्णुरन्ते प्रचोदयात्॥ 5.47 ॥

मूलम्

विश्वास-प्रस्तुतिः

गायत्री वैष्णवी ज्ञेया सर्वपापहरा त्वियम्।
यद् दत्तमनया सर्वं प्रतिगृह्णाति देवराट्॥ 5.48 ॥

मूलम्

विश्वास-प्रस्तुतिः

उपचारे च योक्तव्या पक्वे पूर्णाहुतौ च सा।
सहस्रारेति संकीर्त्य हुंकारं फट् च योजयेत्॥ 5.49 ॥

मूलम्

विश्वास-प्रस्तुतिः

षडक्षरमिदं ज्ञेयं सुदर्शनमखण्डितम्।
क्षुद्रभूतपिशाचादिवारणं रोगनाशनम्॥ 5.50 ॥

मूलम्

विश्वास-प्रस्तुतिः

सचतुर्दशबिन्द्वन्त्यं नारसिंहं च तादृशम्।
विलोमाष्टमवर्गार्णैस्तारपूर्वैरबिन्दुभिः॥ 5.51 ॥

मूलम्

विश्वास-प्रस्तुतिः

वासुदेवादयो योज्या नमोन्ता दिक्षु मूर्तयः।
दीर्घैस्तैरेव कोणेषु शान्तिः श्रीश्च सरस्वती॥ 5.52 ॥

मूलम्

विश्वास-प्रस्तुतिः

रतिश्चेति क्रमाद् योज्याश्चतस्रो मूर्तिशक्तयः।
अष्टमस्यादिबीजं तु द्विसप्तान्तेन संयुतम्॥ 5.53 ॥

मूलम्

विश्वास-प्रस्तुतिः

सप्तमस्य द्वितीयं च तृतीयं च तथा भवेत्।
द्वितीयस्य तृतीयं च तृतीयावरणे क्रमात्॥ 5.54 ॥

मूलम्

विश्वास-प्रस्तुतिः

दीर्घोऽन्त्यादिस्तु बिन्द्वन्तो द्वितीयस्य द्वितीयकः।
बिन्द्वेकादशसंयुक्तः सोऽन्त्यादिश्च सबिन्दुकः॥ 5.55 ॥

मूलम्

विश्वास-प्रस्तुतिः

दिक्कोणेषु क्रमादष्टौ बीजानि कथितानि च।
वर्गादिभिः क्रमाद् बीजैरिन्द्राद्याः परितः स्मृताः॥ 5.56 ॥

मूलम्

विश्वास-प्रस्तुतिः

वज्रादयोऽस्त्रमन्त्राश्च तद्वितीयैः सबिन्दुभिः।
विष्वक्सेनोऽन्तवौंकारो नमोन्तः परिकीर्तितः॥ 5.57 ॥

मूलम्

विश्वास-प्रस्तुतिः

सर्वासां देवतानां तु गुणशक्तिसमन्वयात्।
बीजानि कल्पयेद् विद्वान् पञ्चरात्रविशारदः॥ 5.58 ॥

मूलम्

विश्वास-प्रस्तुतिः

अक्षराणि तु वाक् प्रोक्ता न सा प्रक्षीयते किल।
तस्माद् वर्णे गृहीतेऽपि न शून्यं पुटमुच्यते॥ 5.59 ॥

मूलम्

विश्वास-प्रस्तुतिः

व्यञ्जनानि स्वरानत्र गृह्णीयाच्च पृथक् पृथक्।
तद् गृहीतं गृहीतं च सन्धयित्वान्यदुद्धरेत्॥ 5.60 ॥

मूलम्

विश्वास-प्रस्तुतिः

सकलीकरणं नाम मन्त्रसंस्कार उत्तमः।
तस्मादुद्धरणं कार्यमिष्ट्वा कोष्ठेषु मातृकाम्॥ 5.61 ॥

मूलम्

विश्वास-प्रस्तुतिः

अनक्षरेषु कोष्ठेषु पूजयेन्मन्त्रमुद्‌धृतम्।
एवं समुद्‌धृता मन्त्रः प्रणवोद्दीपिताक्षराः॥ 5.62 ॥

मूलम्

विश्वास-प्रस्तुतिः

वीर्यवन्तो भविष्यन्ति भुक्तिमुक्तिफलप्रदाः।
गत्वैकान्ते शुचौ देशे स्राताचान्तो जितेन्द्रियः॥ 5.63 ॥

मूलम्

विश्वास-प्रस्तुतिः

मण्डले देवमाराध्य साङ्गं सावरणं क्रमात्।
जपेत् षड्‌विंशतिं लक्षान् व्रतस्थोऽनन्यमानसः॥ 5.64 ॥

मूलम्

विश्वास-प्रस्तुतिः

तिलानां घृतमिश्राणां सहस्रं चैव होमयेत्।
ततस्तु सिध्यते मन्त्रो वरदश्चापि जायते॥ 5.65 ॥

मूलम्

विश्वास-प्रस्तुतिः

सप्तलोक्यं यदिष्टं स्यादात्मनः सुखसाधनम्।
तद्भोग्यत्वमनेनाशु याति ध्यानप्रयोगतः॥ 5.66 ॥

मूलम्

विश्वास-प्रस्तुतिः

देवशक्तिरमोघैषा न क्वचित् प्रतिहन्यते।
देवदानवयक्षेषु किम्पुनर्मानुषे जने॥ 5.67 ॥

मूलम्

विश्वास-प्रस्तुतिः

यक्षिणी किन्नरी चाथ दिव्ययोषा च मानुषी।
तस्य षट्पञ्चसप्तैकमासतः किंकरी भवेत्॥ 5.68 ॥

मूलम्

विश्वास-प्रस्तुतिः

नाम संकीर्त्य साध्याया बीजान्ते वशमेत्विति।
बीजमन्ते च योक्तव्यं ज्वलद्वह्निस्फुलिङ्गमुक्॥ 5.69 ॥

मूलम्

विश्वास-प्रस्तुतिः

क्रुद्धं प्लुतप्रयोगेण साधयेदचिराद् बलात्।
एवमेवाभिचारेषु फट्कारान्तं प्रयोजयेत्॥ 5.70 ॥

मूलम्

विश्वास-प्रस्तुतिः

नामान्ते नाशमायातु विशेषोऽयं च विद्यते।
नामान्ते नाम इत्युक्त्वा ततो बीजं विचिन्तयेत्॥ 5.71 ॥

मूलम्

विश्वास-प्रस्तुतिः

आकर्षे च वशीकारे विशेषोऽयमिहोदितः।
विसंज्ञं विह्वलं साध्यमायान्तं चिन्तयेदलम्॥ 5.72 ॥

मूलम्

विश्वास-प्रस्तुतिः

कलशो हेमरत्नाढ्यस्तद्धृतोऽविरतां वहन्।
ध्येयः स्वपुरतो धारां धनस्यापरिमाणतः॥ 5.73 ॥

मूलम्

विश्वास-प्रस्तुतिः

भूतिकामस्य योगोऽयं नाम्ना वैश्रवणस्य हि।
प्रयच्छत्विति नामान्ते वसुनाम सनामकम्॥ 5.74 ॥

मूलम्

विश्वास-प्रस्तुतिः

वशीकारे परां कन्यामाप्नोति चिरमभ्यसन्।
लभ्यतामिति नामान्ते तस्याः संपरिकीर्तयेत्॥ 5.75 ॥

मूलम्

विश्वास-प्रस्तुतिः

उच्चाटे गच्छतु ज्ञेयमायात्वानयनेऽभ्यसेत्।
प्रीतावावहतु प्रीतिं विद्वेषे द्वेषमृच्छतु॥ 5.76 ॥

मूलम्

विश्वास-प्रस्तुतिः

यत् सिसाधयिषुर्विद्वानिदं सिद्धं पुनर्जपेत्।
तस्य सिध्यतितत् क्षिप्रं किन्तु श्रद्धाबियोगतः॥ 5.77 ॥

मूलम्

विश्वास-प्रस्तुतिः

हृद्बीजं तु प्लुतं चिन्त्यं ज्वलदष्टतनौ स्थितम्।
अनेनैवात्मनः कृत्वा सकलीकरणं तनौ॥ 5.78 ॥

मूलम्

विश्वास-प्रस्तुतिः

येन येन स्वरेणैतद् युक्तं यत्र नियुज्यते।
तदेतत् साधयत्याशु न मोघमिति दारणा॥ 5.79 ॥

मूलम्

॥ इति विष्णुसंहितायां पञ्चमः पटलः ॥