०५ भगवन्-नित्य-नैमित्तिक-समाराधनविधिः

पञ्चमोऽध्यायः
अथ भगवन्नित्यनैमित्तिकसमाराधनविधिवर्णनम्
अम्बरीष उवाच

विश्वास-प्रस्तुतिः - १

भगवन् ब्रह्मणा यत्तु सम्प्रोक्तं स्यान्मनोः पुरा
तत्सर्वं परमं धर्मं वक्तुमर्हसि मेऽनघ १

मूलम् - १

हारीत उवाच

विश्वास-प्रस्तुतिः - २

सर्गादौ लोककर्ताऽसौ भगवान् पद्मसम्भवः
मन्वादिप्रमुखान् विप्रान् ससृजे धर्मगुप्तये २

मूलम् - २

विश्वास-प्रस्तुतिः - ३

मनुर्भृगुर्वशिष्ठश्च मरीचिर्दक्ष एव च
अङ्गिराः पुलहश्चैव पुलस्त्योऽत्रिर्महातपाः ३

मूलम् - ३

विश्वास-प्रस्तुतिः - ४

वेदान्तपारगास्ते च तं प्रणम्य जगद्गुरुम्
भगवन् परमं धर्मं भवबन्धापनुत्तये ४

मूलम् - ४

विश्वास-प्रस्तुतिः - ५

वद सर्वमशेषेण श्रोतुमिच्छामहे वयम्
इत्युक्तः स द्विजैः सोऽपि ब्रह्मा नत्वा जनार्दनम् ५

मूलम् - ५

विश्वास-प्रस्तुतिः - ६

वेदान्तगोचरं धर्मं तेषां वक्तुं प्रचक्रमे
सर्वेषामवलोकानां स्रष्टा धाता जनार्दनः ६

मूलम् - ६

विश्वास-प्रस्तुतिः - ७

सर्ववेदान्ततत्वार्थसर्वयज्ञमयः प्रभुः
यज्ञो वै विष्णुरित्यत्र प्रत्यक्षं श्रूयते श्रुतिः ७

मूलम् - ७

विश्वास-प्रस्तुतिः - ८

इज्यते यत्समुद्दिश्य परमो धर्म उच्यते
भगवन्तमनुद्दिश्य हूयते यत्र कुत्र वै ८

मूलम् - ८

विश्वास-प्रस्तुतिः - ९

तत्र हिंसाफलं पापं भवेदत्र विगर्हितम्
तस्मात्सर्वस्य यज्ञस्य भोक्तारं पुरुषं हरिम् ९

मूलम् - ९

विश्वास-प्रस्तुतिः - १०

ध्यात्वैव जुहुयात्तस्मै हव्यं दीप्ते हुताशने
मुखमग्निर्भगवतो विष्णोः सर्वगतस्य वै १०

मूलम् - १०

तस्मिन्नैव यजन्नित्यमुत्तमं मुनिसत्तमाः

६०३

यजेद्विप्रमुखे शक्त्या जलमन्नं फलादिकम् ११

विश्वास-प्रस्तुतिः - १२

प्रीतये वासुदेवस्य सर्वभूतनिवासिनः
तमेव चार्च्चयेन्नित्यं नमस्कुर्यात्तमेव हि १२

मूलम् - १२

विश्वास-प्रस्तुतिः - १३

ध्यात्वा जपेत्तमेवेशं तमेव ध्यापयेद्धृदि
तन्नामैव प्रगातव्यं वाचा वक्तव्यमेव च १३

मूलम् - १३

विश्वास-प्रस्तुतिः - १४

व्रतोपवासनियमान् तमुद्दिश्यैव कारयेत्
तत्समर्पितभोगः स्यादन्नपानादिभक्षणैः १४

मूलम् - १४

विश्वास-प्रस्तुतिः - १५

मतिः स्वार्थः सदारेषु नेतरत्र कदाचन
न हिंस्यात्सर्वभूतानि यज्ञेषु विधिना विना १५

मूलम् - १५

विश्वास-प्रस्तुतिः - १६

सोऽहं दासो भगवतो मम स्वामी जनार्दनः
एवं वृत्तिर्भवेदस्मिन्स्वधर्मः परमो मतः १६

मूलम् - १६

विश्वास-प्रस्तुतिः - १७

एष निष्कण्टकः पन्था तस्य विष्णोः परं पदम्
अन्यन्तु कुपथं ज्ञेयं निरयप्राप्तिहेतुकम् १७

मूलम् - १७

विश्वास-प्रस्तुतिः - १८

भगवन्तमनुद्दिश्य यः कर्म कुरुते नरः
स पाषण्डीति विज्ञेयः सर्वलोकेषु गर्हितः १८

मूलम् - १८

विश्वास-प्रस्तुतिः - १९

यो हि विष्णु परित्यज्य सर्वलोकेश्वरं हरिम्
इतरानर्चते मोहात्स लोकायतिकः मृतः १९

मूलम् - १९

विश्वास-प्रस्तुतिः - २०

उक्तधर्मं परित्यज्य यो ह्यधर्मे च वर्तते
पतितः स तु विज्ञेयः सर्वधर्मबहिष्कृतः २०

मूलम् - २०

विश्वास-प्रस्तुतिः - २१

यः कर्म कुरुते विप्रो विना विष्ण्वर्चनं क्वचित्
ब्राह्मण्याद् भ्रश्यते सद्यश्चण्डालत्वं स गच्छति २१

मूलम् - २१

विश्वास-प्रस्तुतिः - २२

ब्राह्मणो वैष्णवो विप्रो गुरुरग्र्यश्च वेदवित्
पर्य्यायेण च विद्येत नामानि क्ष्मासुरस्य हि २२

मूलम् - २२

विश्वास-प्रस्तुतिः - २३

तस्मादवैष्णवत्वेन विप्रत्वाद् भ्रश्यते हि सः
अर्चयित्वाऽपि गोविन्दमितरानर्च्चयेत्पृथक् २३

मूलम् - २३

विश्वास-प्रस्तुतिः - ६०४

अवैष्णवत्वं तस्यापि मिश्रभक्त्या भवेद्ध्रुवम्
र्

६०४

मूलम् - ६०४

अवैष्णवत्वं तस्यापि मिश्रभक्त्या भवेद्ध्रुवम्
र्

६०४

भोक्तारं सर्वयज्ञानां सर्वलोकेश्वरं हरिम् २४

विश्वास-प्रस्तुतिः - २५

ज्ञात्वा तत्प्रीतये सर्वान् जुहुयात्सततं हरिम्
दानं तपश्च यज्ञश्च त्रिविधं कर्म कीर्तितम् २५

मूलम् - २५

विश्वास-प्रस्तुतिः - २६

तत्सर्वं भगवत्प्रीत्यै कुर्वीत सुसमाहितः
तस्मात्तु वैष्णवा विप्राः पूजनीया यथा हरिः २६

मूलम् - २६

विश्वास-प्रस्तुतिः - २७

ये तु वै हेतुकं वाक्यमाश्रित्यैव स्ववाग्बलात्
वैष्णवं प्रतिषिध्यन्ति ते लोकायतिकाः स्मृताः २७

मूलम् - २७

विश्वास-प्रस्तुतिः - २८

यो यत्तु वैष्णवं लिङ्गं धृत्वा च तमसाऽऽवृतः
त्यजेच्चेद्वैष्णवं धर्मं सोऽपि पाषण्डतां व्रजेत् २८

मूलम् - २८

विश्वास-प्रस्तुतिः - २९

तस्मात्तु वैष्णवो भूत्वा वैदिकीं वृत्तिमाश्रितः
कुर्वीत भगवत्प्रीत्यै कुर्य्याद्यज्ञादिकर्म यत् २९

मूलम् - २९

विश्वास-प्रस्तुतिः - ३०

तद्विशिष्टमिति प्रोक्तं सामान्यमितरं स्मृतम्
फलहीना भवेत्सा तु सामान्या वैदिकक्रिया ३०

मूलम् - ३०

विश्वास-प्रस्तुतिः - ३१

तोयवर्जितवापीव निरर्थी भवति ध्रुवम्
नैसर्गिकन्तु जीवानां दास्यं विष्णोः सनातनम् ३१

मूलम् - ३१

विश्वास-प्रस्तुतिः - ३२

तद्विना वर्त्तते मोहादात्मचारः सनातनात्
तस्मात्तु भगवद्दास्यमात्मनां श्रुतिचोदितम् ३२

मूलम् - ३२

विश्वास-प्रस्तुतिः - ३३

दास्यं विना कृतं यत्तु तदेव कलुषं भवेत्
विशिष्टं परमं धर्मं दास्यं भगवतो हरेः ३३

मूलम् - ३३

ऋषय ऊचुः

विश्वास-प्रस्तुतिः - ३४

कथं दास्यं हि तद्वृत्तिः कथं नैसर्गिकं नृणाम्
सत्सर्वं ब्रूहि तत्वेन लोकानुग्रहकाम्यया ३४

मूलम् - ३४

ब्रह्मोवाच

विश्वास-प्रस्तुतिः - ३५

सुदर्शनोर्ध्व पुण्ड्रादिधारणं दास्यमुच्यते
तद्विधिर्वैदिकी या च तदाज्ञा चोदिता क्रिया ३५

मूलम् - ३५

तत्राप्याराधनत्वेन कृता पापस्य नाशिनी

६०५

निरूपणत्वाद्दास्यस्य धार्यं चक्रं महात्मनः ३६

विश्वास-प्रस्तुतिः - ३७

अङ्गत्वात्सर्वधर्माणां वैष्णवत्वाच्च धर्म्मतः
कर्म कुर्याद्भगवतस्तस्मै राज्ञामनुस्मरन् ३७

मूलम् - ३७

विश्वास-प्रस्तुतिः - ३८

विधिनैव प्रतप्तेन चक्रेणवाङ्कयेद्भुजे
तथैव विभृयाद्भाले पुण्ड्रं शुभ्रतरं मृदा ३८

मूलम् - ३८

विश्वास-प्रस्तुतिः - ३९

विभृयादुपवीतन्तु सव्यस्कन्धे विधानतः
कण्ठे पद्माक्षमालाञ्च कौशेयं दक्षिणे करे ३९

मूलम् - ३९

विश्वास-प्रस्तुतिः - ४०

उभे चिह्ने विना विप्रो न भवेद्धि कथञ्चन
न लभेत्कर्मणां सिद्धिं वैदिकानां विशेषतः ४०

मूलम् - ४०

विश्वास-प्रस्तुतिः - ४१

आश्रमाणां चतुर्णाञ्च स्त्रीणाञ्च श्रुतिचोदनात्
अङ्कयेच्चक्रशङ्खाभ्यां प्रतप्ताभ्यां विधानतः ४१

मूलम् - ४१

विश्वास-प्रस्तुतिः - ४२

एकैकमुपवीतन्तु यतीनां ब्रह्मचारिणाम्
गृहिणाञ्च वनस्थानामुपवीतद्वयं स्मृतम् ४२

मूलम् - ४२

विश्वास-प्रस्तुतिः - ४३

सोत्तरीयं त्रयं वाऽपि विभृयाच्छुभतन्तुना
त्रयमूर्ध्व द्वयं तन्तु तन्तुत्रयमधोवृतम् ४३

मूलम् - ४३

विश्वास-प्रस्तुतिः - ४४

त्रिवृच्च ग्रन्थिनैकेन उपवीतमिहोच्यते
अर्ककार्पासकौशेयक्षौमशोणमयानि च ४४

मूलम् - ४४

विश्वास-प्रस्तुतिः - ४५

तन्तूनि चोपवीतानां योज्यानि मुनिसत्तमाः
सर्वेषामप्यलाभे तु कुर्य्यात्कुशमयं द्विजः ४५

मूलम् - ४५

विश्वास-प्रस्तुतिः - ४६

ऐणेयमुत्तरीयं स्याद्वनस्थब्रह्मचारिणाम्
शुक्लकाषायवसने गृहस्थस्य यतेः क्रमात् ४६

मूलम् - ४६

विश्वास-प्रस्तुतिः - ४७

उक्तालाभेषु सर्वेषाङ्कुशचीरं विशिष्यते
मौञ्जी वै मेखला दण्डं पालाशं ब्रह्मचारिणः ४७

मूलम् - ४७

विश्वास-प्रस्तुतिः - ४८

त्रयस्तु वैष्णवा दण्डा यतेः काषायवाससी
कुशचीरं वल्कलं वा वनस्थस्य विधीयते ४८

मूलम् - ४८

विश्वास-प्रस्तुतिः - ६०६

कटीसूत्रञ्च कौपीनं महच्च शुक्लवाससा
र्

६०६

मूलम् - ६०६

कटीसूत्रञ्च कौपीनं महच्च शुक्लवाससा
र्

६०६

कुण्डके चाङ्गुलीयानि गृहस्थस्य विधीयते ४९

विश्वास-प्रस्तुतिः - ५०

मुण्डिनौ सूक्ष्मशिखिनौ यत्यन्तेवासिनावुभौ
वानप्रस्थो यतिर्वा स्यात्सदा वै श्मश्रुरोमधृत् ५०

मूलम् - ५०

विश्वास-प्रस्तुतिः - ५१

सुकेशी सुशिखो वा स्याद्गृहस्थः सौम्यवेषवान्
यतिश्च ब्रह्मचारी च उभौ भिक्षाशनौ स्मृतौ ५१

मूलम् - ५१

विश्वास-प्रस्तुतिः - ५२

शाकमूलफलाशी स्याद्वनस्थः सततं द्विजः
कुसूलकुम्भधान्यो वा त्र्याहिको वा भवेद्गृही ५२

मूलम् - ५२

विश्वास-प्रस्तुतिः - ५३

प्रतिगृहेण सौम्येन जीवेद्यायावरेण वा
यस्त्वेकं दण्डमालम्व्य धर्मं ब्राह्मं परित्यजेत् ५३

मूलम् - ५३

विश्वास-प्रस्तुतिः - ५४

विकर्म्मस्थो भवेद्विप्रः स याति नरकं ध्रुवम्
शिखायज्ञोपवीतादि ब्रह्मकर्म यतिस्त्यजेत् ५४

मूलम् - ५४

विश्वास-प्रस्तुतिः - ५५

सजीवं न च चण्डालो मृतश्वानोऽभिजायते
स्वरूपेणैव धर्मस्य त्यागो हानिर्भवेद्ध्रुवम् ५५

मूलम् - ५५

विश्वास-प्रस्तुतिः - ५६

कर्मणां फलसन्त्यागः सन्न्यासः स उदाहृतः
अनाश्रितः कर्मफलं कृत्यं कर्म समाचरेत् ५६

मूलम् - ५६

विश्वास-प्रस्तुतिः - ५७

स सन्न्यासी च योगी च स मुनिः सात्विकः स्मृतः
तुष्ट्यर्थं वासुदेवस्य धर्मं वै यः समाचरेत् ५७

मूलम् - ५७

विश्वास-प्रस्तुतिः - ५८

स योगी परमेकान्तं हरेः प्रियतमो भवेत्
मोहाद्दास्यं विना विष्णोः किञ्चित्कर्म समाचरेत् ५८

मूलम् - ५८

विश्वास-प्रस्तुतिः - ५९

न तस्य फलमाप्नोति तामसीं गतिमश्नुते
हित्वा यज्ञोपवीतन्तु हित्वा चक्रस्य धारणम् ५९

मूलम् - ५९

विश्वास-प्रस्तुतिः - ६०

हित्वा शिखोर्ध्वपुण्ड्रे च विप्रत्वाद् भ्रश्यते ध्रुवम्
पञ्चसंस्कारपूर्वेण मन्त्रमध्यापयेद्गुरुः ६०

मूलम् - ६०

विश्वास-प्रस्तुतिः - ६१

संस्काराः पञ्च कर्तव्याः पारमैकान्त्यसिद्धये
प्रतिसम्वत्सरं कुर्य्यादुपाकर्म ह्यनुत्तमम् ६१

मूलम् - ६१

सर्ववेदव्रतं कृत्वा तत्र सम्पूजयेद्धरिम्

६०७

दद्यादत्रोपवीतानि विष्णवे परमात्मने ६२

विश्वास-प्रस्तुतिः - ६३

ब्राह्मणेभ्यश्च दत्त्वाऽथ विभृयात् स्वयमेव च
तदग्नौ पूज्य सन्तर्प्य चक्रञ्चैवाङ्कयेद्भुजे ६३

मूलम् - ६३

विश्वास-प्रस्तुतिः - ६४

एवं प्रात्याह्निकं धार्यमुपवीतं सुदर्शनम्
पुण्ड्रास्तु प्रतिसन्ध्यन्तु नित्यमेव च धारयेत् ६४

मूलम् - ६४

विश्वास-प्रस्तुतिः - ६५

द्वारवत्युद्भवं गोपी चन्दनं वेङ्कटोद्भवम्
सान्तरालं प्रकुर्वीत पुण्ड्रं हरिपदाकृति ६५

मूलम् - ६५

विश्वास-प्रस्तुतिः - ६६

श्राद्धकाले विशेषेण कर्ता भोक्ता च धारयेत्
अर्थं पञ्चकतत्वज्ञः पञ्चसंस्कारदीक्षितः ६६

मूलम् - ६६

विश्वास-प्रस्तुतिः - ६७

महाभागवती विप्रः सततं पूजयेद्धरिम्
नारायणः परं ब्रह्म विप्राणां दैवतं सदा ६७

मूलम् - ६७

विश्वास-प्रस्तुतिः - ६८

तस्य भुक्तावशेषन्तु पावनं मुनिसत्तमाः
हरिभुक्तोऽपि तं दद्यात्पितृणाञ्च दिवौकसाम् ६८

मूलम् - ६८

विश्वास-प्रस्तुतिः - ६९

तदेव जुहुयाद्वह्नौ भुञ्जीयात्तु तदेव हि
हरेरनर्पितं यत्तु देवानामर्पितञ्च यत् ६९

मूलम् - ६९

विश्वास-प्रस्तुतिः - ७०

मद्यमांससमं प्रोक्तं तद्भुञ्जीयात्कदाचन
हरेः पादजलं प्राश्यं नित्यं नान्यद्दिवौकसाम् ७०

मूलम् - ७०

विश्वास-प्रस्तुतिः - ७१

सुराणामितरेषां तु फलपुष्पजलादिकम्
निर्माल्यमशुभं प्रोक्तमस्पृश्यं हि कदाचन ७१

मूलम् - ७१

विश्वास-प्रस्तुतिः - ७२

विधिर्ह्येष द्विजातीनां नेतरेषां कदाचन
शिवार्च्चनं त्रिपुण्ड्रञ्च शूद्राणां तु विधीयते ७२

मूलम् - ७२

विश्वास-प्रस्तुतिः - ७३

तद्विधानामिदं ये च विप्राः शिवपरायणाः
ते वै देवलका ज्ञेयाः सर्वकर्मबहिष्कृताः ७३

मूलम् - ७३

विश्वास-प्रस्तुतिः - ७४

वैखानसास्तु ये विप्राः हरिपूजनतत्पराः
न ते देवलका ज्ञेया हरिपादाब्जसंश्रयात् ७४

मूलम् - ७४

विश्वास-प्रस्तुतिः - ६०८

नापहृत्य हरेर्द्रव्यं ग्रामार्च्चनपरो भवेत्
र्

६०८

मूलम् - ६०८

नापहृत्य हरेर्द्रव्यं ग्रामार्च्चनपरो भवेत्
र्

६०८

भक्त्या संपूज्य देवेशं नासौ देवलकः स्मृतः ७५

विश्वास-प्रस्तुतिः - ७६

भक्त्या योऽप्यर्चयेद्देवं ग्रामार्च्चं हरिमव्ययम्
प्रसादतीर्थस्वीकारान्नासौ देवलकः स्मृतः ७६

मूलम् - ७६

विश्वास-प्रस्तुतिः - ७७

शङ्खचक्रोर्ध्वपुण्ड्रादिधारणं स्मरणं हरेः
तन्नामकीर्तनञ्चैव तत्पादाम्बुनिषेवणम् ७७

मूलम् - ७७

विश्वास-प्रस्तुतिः - ७८

तत्पादवन्दनञ्चैव तं निवेदितभोजनम्
एकादश्युपवासश्च तुलस्यैवार्चनं हरेः ७८

मूलम् - ७८

विश्वास-प्रस्तुतिः - ७९

तदीयानामर्चनञ्च भक्तिर्नवविधास्मृता
एतैर्नवविधैर्युक्तो वैष्णवः प्रोच्यते बुधैः ७९

मूलम् - ७९

विश्वास-प्रस्तुतिः - ८०

एतैर्गुणैर्विहीनस्तु न तु विप्रो न वैष्णवः
कर्मणा मनसा वाचा न प्रमाद्येज्जनार्दनम् ८०

मूलम् - ८०

विश्वास-प्रस्तुतिः - ८१

भक्तिः सा सात्विकी ज्ञेया भवेदव्यभिचारिणी
नान्यं देवं नमस्कुर्य्यान्नान्यं देवं प्रपूजयेत् ८१

मूलम् - ८१

विश्वास-प्रस्तुतिः - ८२

नान्यप्रसादं भुञ्जीत नान्यदायतनं विशेत्
न त्रिपुण्ड्रं तथा कुर्य्यात्पट्याकारं जगत्त्रयम् ८२

मूलम् - ८२

विश्वास-प्रस्तुतिः - ८३

यतिर्यस्य गृहे भुङ्क्ते तस्य भुङ्क्ते हरिं स्वयम्
हरिर्यस्य गृहे भुङ्क्ते तस्य भुङ्क्ते जगत्त्रयम् ८३

मूलम् - ८३

विश्वास-प्रस्तुतिः - ८४

महाभागवतो विप्रः सततं पूजयेद्धरिम्
पाञ्चकाल्प विधानेन निमित्तेषु विशेषतः ८४

मूलम् - ८४

विश्वास-प्रस्तुतिः - ८५

अप्स्वग्नौ हृदये सूर्य्ये स्थण्डिले प्रतिमासु च
षट्सु तेषु हरेः पूजा नित्यमेव विधीयते ८५

मूलम् - ८५

विश्वास-प्रस्तुतिः - ८६

स्नानकाले तु संप्राप्ते नद्यां पुण्यजले शुभे
ध्यात्वा नारायणं देवं नागपर्यङ्कशायिनम् ८६

मूलम् - ८६

विश्वास-प्रस्तुतिः - ८७

द्वादशार्णन मनुना सोऽर्चयित्वाऽक्षतादिभिः
अष्टोत्तरशतं जप्त्वा ततः स्नानं समाचरेत् ८७

मूलम् - ८७

एतदप्यर्चनं प्रोक्तं ब्राह्मणस्य जगत्पतेः

६०९

होमकाले तु सततं परिस्तीर्यानलं शुभम् ८८

विश्वास-प्रस्तुतिः - ८९

यज्ञरूपं महात्मानं चिन्तयेत्पुरुषोत्तमम्
साङ्गत्रयीमयं शुभ्रदिव्याङ्गोपाङ्गशोभितम् ८९

मूलम् - ८९

विश्वास-प्रस्तुतिः - ९०

सर्वलक्षणसम्पन्नं शुद्धजाम्बूनदप्रभम्
युवानं पुण्डरीकाक्षं शङ्खचक्रधनुर्धरम् ९०

मूलम् - ९०

विश्वास-प्रस्तुतिः - ९१

सर्वयज्ञमयं ध्यायेद्वामाङ्काश्रितपद्मया
सम्पूज्य चाक्षतैरेव पश्चाद्धोमं समाचरेत् ९१

मूलम् - ९१

प्राणाग्निहोत्रसमये सम्यगाचम्य वारिणा

विश्वास-प्रस्तुतिः - ९२

कुशासने समासीनः प्राग्वा प्रत्यङ्मुखोऽपि वा
पतिष्यासनमात्मानं प्राणायामं समाचरेत् ९२

मूलम् - ९२

विश्वास-प्रस्तुतिः - ९३

मन्त्रेणोद्बुध्य हृदयपङ्कजं केशरान्वितम्
तस्मिन्वह्न्यर्कशीतांशुबिम्बान्यनु विचिन्तयेत् ९३

मूलम् - ९३

विश्वास-प्रस्तुतिः - ९४

सर्वाक्षरमयं दिव्यरन्तपीठं तदुत्तरे
तन्मध्येऽष्टदलं पद्मं ध्यायेत्कल्पतरोरधः ९४

मूलम् - ९४

विश्वास-प्रस्तुतिः - ९५

वीरासने समासीनं तस्मिन्नीशं विचिन्तयेत्
स्निग्धदूर्बादलश्यामं सुन्दरं भूषणैर्युतम् ९५

मूलम् - ९५

विश्वास-प्रस्तुतिः - ९६

पीताम्बरं युवानं च चन्दनस्रग्विभूषितम्
शरत्पद्मासनं रत्नपद्माभाङ्घ्रिकरद्वयम् ९६

मूलम् - ९६

विश्वास-प्रस्तुतिः - ९७

स्निग्धवर्णं महाबाहुं विशालोरस्कमव्ययम्
चक्रशङ्खगदावाणपाणिं रघुवरं हरिम् ९७

मूलम् - ९७

विश्वास-प्रस्तुतिः - ९८

जानकीलक्ष्मणोपेतं मनसैवार्च्चयेद्विभुम्
मन्त्रद्वयेनार्च्चयित्वा जप्त्वा चैव षडक्षरम् ९८

मूलम् - ९८

विश्वास-प्रस्तुतिः - ९९

पश्चाद्वै जुहुयात् पञ्च प्राणानभ्यर्च्च्य तं पुनः
ध्यायन्वै मनसा विष्णुं सुखं भुञ्जीत वाग्यतः ९९

मूलम् - ९९

विश्वास-प्रस्तुतिः - १००

एवं हृद्यचनं विष्णोरुत्तमं मुनिसत्तमाः
अत्यन्ताभिमता विष्णोर्हृत्पूजा परमात्मनः १००

मूलम् - १००

र्

६१०

विश्वास-प्रस्तुतिः - १०१

सन्ध्याकाले तु सम्प्राप्ते रविमण्डलमध्यगम्
हिरण्यगर्भं पुरुषं हिरण्यवपुषं हरिम् १०१

मूलम् - १०१

विश्वास-प्रस्तुतिः - १०२

श्रीवत्सकौस्तुभोरस्कं वैजयन्तीविराजितम्
शङ्खचक्रादिभिर्युक्तं भूषितैर्दोर्भिरायतैः १०२

मूलम् - १०२

विश्वास-प्रस्तुतिः - १०३

शुक्लाम्बरधरं विष्णुमुक्ताहारविभूषितम्
ध्यात्वा समर्चयेद्देवं कुसुमैरक्षतैरपि १०३

मूलम् - १०३

विश्वास-प्रस्तुतिः - १०४

प्रणवेण च सावित्र्या पश्चात्सूक्तं निवेदयेत्
ध्यायन्नेवं जपेद्विष्णुं गायत्रीं भक्तिसंयुतः १०४

मूलम् - १०४

विश्वास-प्रस्तुतिः - १०५

तयैवाभ्यर्च्च्यगोविन्दं नमस्कृत्वा विसर्जयेत्
एवमभ्यर्च्चयेद्देवं त्रिसन्ध्यासु तथा हरिम् १०५

मूलम् - १०५

विश्वास-प्रस्तुतिः - १०६

वैश्वदेवावसाने तु पुरस्ताद्वै विभावसोः
उपलिप्य स्थण्डिले तु जुहुयाद्भक्तिकर्म तत् १०६

मूलम् - १०६

विश्वास-प्रस्तुतिः - १०७

ध्यात्वा सर्वगतं विष्णुं घनश्यामं सुलोचनम्
कौस्तुभोद्भासितोरस्कं तुलसीवनमालिनम् १०७

मूलम् - १०७

विश्वास-प्रस्तुतिः - १०८

पीताम्बरधरं देवं रत्नकुण्डलशोभितम्
हरिचन्दनलिप्ताङ्गं पुण्डरीकायतेक्षणम् १०८

मूलम् - १०८

विश्वास-प्रस्तुतिः - १०९

मौक्तिकान्वितनासाग्रं जगन्मोहनविग्रहम्
गोपीजनैः परिवृतं वेणुं गायन्तमच्युतम् १०९

मूलम् - १०९

विश्वास-प्रस्तुतिः - ११०

ध्यात्वा कृष्णं जगन्नाथं पूजयित्वा यथाविधिः
जुहुयाद्धरिचक्रं तद्देवानुद्दिश्य सत्तमाः ११०

मूलम् - ११०

विश्वास-प्रस्तुतिः - १११

जप्त्वा कृष्णमनुं पश्चादभ्यर्च्य मनसा हरिम्
आचम्य प्रयतो भूत्वा नमस्कृत्य विसर्जयेत् १११

मूलम् - १११

विश्वास-प्रस्तुतिः - ११२

स्थण्डिलेऽभ्यर्च्चनं विष्णोरेवं कुर्याद्विधानतः
त्रिसन्ध्यास्वर्चयेद्विष्णुं प्रतिमासु विशेषतः ११२

मूलम् - ११२

विश्वास-प्रस्तुतिः - ११३

सुवर्णरजताद्यैर्वा शिलादार्वादिनाऽपि वा
कृत्वा बिम्बं हरेः सम्यक् सर्वावयवशोभितम् ११३

मूलम् - ११३

६११

विश्वास-प्रस्तुतिः - ११४

सर्वलक्षणसम्पन्नं सर्वायुध समन्वितम्
ततोऽधिवासनं कुर्यात्त्रिरात्रं शुद्धवारिषु ११४

मूलम् - ११४

विश्वास-प्रस्तुतिः - ११५

तत्रार्च्चयेद्विधानेन जपहोमादिकर्मभिः
स्नाप्य पञ्चामृतैर्गव्यैस्तदा मन्त्रजलैरपि ११५

मूलम् - ११५

विश्वास-प्रस्तुतिः - ११६

यज्जपेद्यां समारोप्य पूजयेत्तत्र दीक्षितः
मङ्गलद्रव्यसंयुक्तैः पूर्णकुम्भैः समन्वितः ११६

मूलम् - ११६

विश्वास-प्रस्तुतिः - ११७

शरावैर्द्रव्यसम्पूर्णैः पताकैस्तोरणादिभिः
कुम्भेषु वासुदेवादीन् सुरान् संपूजयेत् क्रमात् ११७

मूलम् - ११७

विश्वास-प्रस्तुतिः - ११८

वासुदेवो हयग्रीवस्तथा सङ्कर्षणो विभुः
महावराहः प्रद्युम्नो नारसिंहस्तथैव च ११८

मूलम् - ११८

विश्वास-प्रस्तुतिः - ११९

अनिरुद्धो वामनश्च पूजनीया यथाक्रमात्
तस्य पूर्णशरावेषु लोकेशानर्चयेत्ततः ११९

मूलम् - ११९

विश्वास-प्रस्तुतिः - १२०

मध्ये तु वारुणं कुम्भं पञ्चरत्नसमन्वितम्
पूजयेद्गन्धपुष्पाद्यैर्ध्यात्वाऽस्मिन् जलशायिनम् १२०

मूलम् - १२०

ततः संपूजयेद्देवं धान्योपरि निधाय च १२१

विश्वास-प्रस्तुतिः - १२२

व्याघ्रचर्म्म समास्तीर्य तस्मिन् कौशेयवाससि
निवेद्य पूजयेद्बिम्बं मूलमन्त्रेण वैष्णवः १२२

मूलम् - १२२

विश्वास-प्रस्तुतिः - १२३

तारणेषु चतुर्दिक्षु चण्डादीनर्चयेत्तदा
कुमुदादि सुरान् दिक्षु तथा धर्मादिदेवताः १२३

मूलम् - १२३

विश्वास-प्रस्तुतिः - १२४

संपूज्य विधिना तस्मिन् पश्चाद्धोमं समाचरेत्
आग्नेयं कल्पयेत् कुण्डं मेखलाद्युपशोभितम् १२४

मूलम् - १२४

विश्वास-प्रस्तुतिः - १२५

अश्वत्थाद्वा शमीगर्भादाहृत्याग्नौ विनिक्षिपेत्
वैष्णवस्य गृहाद्वाऽपि समानीयानलं द्विजः १२५

मूलम् - १२५

विश्वास-प्रस्तुतिः - १२६

गृह्योक्तविधिनेवात्र प्रतिष्ठाप्य हुताशनम्
इध्माधानादि पर्यन्तं कृत्वा होमं समाचरेत् १२६

मूलम् - १२६

विश्वास-प्रस्तुतिः - ६१२

पायसेन गवाज्येन तिलैर्व्रीहिभिरेव च
र्

६१२

मूलम् - ६१२

पायसेन गवाज्येन तिलैर्व्रीहिभिरेव च
र्

६१२

चतुर्भिर्वैष्णवैः सूक्तैः पायसं जुहुयाद्धविः १२७

विश्वास-प्रस्तुतिः - १२८

हिरण्यगर्भसूक्तेन श्रीसूक्तेन तथैव च
अहं रुद्रेभिरिति च गवाज्यं जुहुयात्ततः १२८

मूलम् - १२८

विश्वास-प्रस्तुतिः - १२९

त्वमग्ने द्युभिरिति च सूक्तेन प्रत्यृचन्त्रिभिः
अस्य वामेति सूक्तेन प्रत्यृचं व्रीहिभिस्तथा १२९

मूलम् - १२९

विश्वास-प्रस्तुतिः - १३०

अग्निं नरो दीधितिभिः सूक्तेन प्रत्यृचं तथा
समिद्भिः पिप्पलीरौद्रैर्होतव्यं मुनिसत्तमाः १३०

मूलम् - १३०

विश्वास-प्रस्तुतिः - १३१

अष्टोत्तरं सहस्रं वा शतमष्टोत्तरं तु वा
होतव्यमाज्यं पश्चात्तु तथा मन्त्रचतुष्टयम् १३१

मूलम् - १३१

वैकुण्ठपार्षदं होमं पायसेन घृतेन वा

विश्वास-प्रस्तुतिः - १३२

समाप्य होमं हविषः शेषं तस्मै निवेदयेत्
चतुर्मन्त्रांश्चतुर्वेदांश्चतुर्दिक्षु जपेत्ततः १३२

मूलम् - १३२

विश्वास-प्रस्तुतिः - १३३

तत्र जागरणं कुर्य्याद्गीतवादित्रनर्तकैः
रजन्यां तु व्यतीतायां स्नात्वा नद्यां विधानतः १३३

मूलम् - १३३

विश्वास-प्रस्तुतिः - १३४

वैकुण्ठतर्पणं कुर्य्यादृत्विग्भिर्ब्राह्मणैः सह
तर्पयित्वा पितॄन् देवान्वाग्यतो भवनं विशेत् १३४

मूलम् - १३४

विश्वास-प्रस्तुतिः - १३५

आचम्य पूर्ववत् पूजां कृत्वा होमं समाचरेत्
जुहुयाद्ब्रह्मणः स्तुत्यैः सूक्तैश्च घृतपायसम् १३५

मूलम् - १३५

विश्वास-प्रस्तुतिः - १३६

पौरुषेण तु सूक्तेन श्रीसूक्तेन तथैव च
वैकुण्ठपार्षदं हुत्वा कर्मशेषं समापयेत् १३६

मूलम् - १३६

विश्वास-प्रस्तुतिः - १३७

नयनोन्मीलनं कुर्य्यात् सुमुहूर्तेन वैष्णवः
महाभागवतः श्रेष्ठः सूक्ष्महेमशलाकया १३७

मूलम् - १३७

विश्वास-प्रस्तुतिः - १३८

द्वयेनैव प्रकुर्व्वीत नयनोन्मीलनं हरेः
निवेश्य भद्रपीठे तु स्नापयेत्सुसमाहितः १३८

मूलम् - १३८

विश्वास-प्रस्तुतिः - १३९

सर्वैश्च वैष्णवैः सूक्तैर्ऋत्विजः कलशोदकैः
ततस्तन्मध्यमं कुम्भमादाय द्विजसत्तमः १३९

मूलम् - १३९

६१३

विश्वास-प्रस्तुतिः - १४०

स्नापयेन्मन्त्ररत्नेन शतवारं समाहितः
सौवर्णन च ताम्रेण शङ्खेन रजतेन वा १४०

मूलम् - १४०

विश्वास-प्रस्तुतिः - १४१

स्नाप्य पञ्चामृतैर्गव्यैरुद्धृत्य शुभचन्दनैः
मन्त्रेण स्नापयित्वा च तुलसीमिश्रितैर्जलैः १४१

मूलम् - १४१

विश्वास-प्रस्तुतिः - १४२

वासोभिर्भूषणैः सम्यगलङ्कृत्यं च वैष्णवः
उपचारैः समभ्यर्च्चैः पश्चान्नीराजयेत्तदा १४२

मूलम् - १४२

विश्वास-प्रस्तुतिः - १४३

अलङ्कृते शुभे गेहे पीठे संस्थापयेद्धरिम्
सूकेत्नोत्तानपादस्य दृढं स्थाप्य सुखासने १४३

मूलम् - १४३

विश्वास-प्रस्तुतिः - १४४

अष्टोत्तरशतं वारं शुभमन्त्रचतुष्टयात्
ध्यात्वा पुष्पाञ्जलिं दद्यान्महाभागवतोत्तमः १४४

मूलम् - १४४

विश्वास-प्रस्तुतिः - १४५

नत्वा गुरुन् परं धाम्नि स्थितं देवं सनातनम्
ध्यात्वैव मन्त्ररत्नेन तस्मिन् बिम्बे निवेशयेत् १४५

मूलम् - १४५

विश्वास-प्रस्तुतिः - १४६

अर्चयित्वोपचारैस्तु मङ्गलानि निवेदयेत्
दर्पणं कपिलां कन्यां शङ्खं दूर्व्वाक्षतान् पयः १४६

मूलम् - १४६

विश्वास-प्रस्तुतिः - १४७

सौवर्णमाज्यं लाजांश्च मधुसर्षपमञ्जनम्
एवं त्रयोदशे मासि मङ्गलानि निवेदयेत् १४७

मूलम् - १४७

विश्वास-प्रस्तुतिः - १४८

तथैव दशमुद्राश्च मन्त्रेणैव समीक्षयेत्
तद्बिम्बमूर्त्ति मन्त्रेण पश्चाद्दशशतानि तु १४८

मूलम् - १४८

विश्वास-प्रस्तुतिः - १४९

पुष्पाणि दद्याद्भक्त्या च जपेच्च सुसमाहितः
सतिलैस्तण्डुलैः शुभ्रैर्जुहुयाच्च द्विजोत्तमः १४९

मूलम् - १४९

विश्वास-प्रस्तुतिः - १५०

आशिषो वाचनं कृत्वा दीपैर्नीराजयेत्तदा
भोजयित्वा ततो विप्रान् दक्षिणाभिश्च तोषयेत् १५०

मूलम् - १५०

विश्वास-प्रस्तुतिः - १५१

आचार्य मृत्विजश्चापि विशेषेण समर्चयेत्
तदग्रिं संग्रहेन्नित्यं होमार्थं परमात्मनः १५१

मूलम् - १५१

विश्वास-प्रस्तुतिः - १५२

त्रिरात्रमुत्सवं तत्र कुर्य्याच्छक्त्या यतात्मवान्
वैष्णवैः पापमाप्तुश्च तत्र पुष्पाञ्जलिं चरेत् १५२

मूलम् - १५२

र्

६१४

विश्वास-प्रस्तुतिः - १५३

आज्येन चरुणा वाऽपि होमं कुर्व्वीत वैष्णवः
प्रत्यहं भोजयेद्विप्रान् वैष्णवान् धृतपायसम् १५३

मूलम् - १५३

विश्वास-प्रस्तुतिः - १५४

तन्मूर्तिप्रीतये शक्त्या दद्याद्वासांसि दक्षिणाः
कुर्यादवभृथेष्टिञ्च महाभागवतैः सह १५४

मूलम् - १५४

विश्वास-प्रस्तुतिः - १५५

सहस्रनामभिर्विष्णोः सूक्तैर्विष्णुप्रकाशकैः
नद्यामवभृथं कृत्वा तर्पयेत्पितृदेवताः १५५

मूलम् - १५५

विश्वास-प्रस्तुतिः - १५६

अस्य वामेति सूक्तेन पायसं मधुसंयुतम्
आज्येन मूलमन्त्रेण सहस्रं जुहुयात्तदा १५६

मूलम् - १५६

विश्वास-प्रस्तुतिः - १५७

आशिषो वाचनं कृत्वा भोजयेद्द्विजसत्तमान्
एवं संस्थापयेद्देवमर्च्चयेद्विधिना तदा १५७

मूलम् - १५७

विश्वास-प्रस्तुतिः - १५८

गृहार्चायां स्थापने तु लघुतन्त्रं समाचरेत्
आधिवासनवेद्यादि मन्त्रमत्र विवर्जयेत् १५८

मूलम् - १५८

विश्वास-प्रस्तुतिः - १५९

एकत्र पञ्चगव्येषु विनिक्षिप्य परेऽहनि
पञ्चामृतैः स्नापयित्वा पश्चादुद्वर्तनादिकम् १५९

मूलम् - १५९

विश्वास-प्रस्तुतिः - १६०

आदाय कलशं शुद्धं पवित्रोदकपूरितम्
निक्षिप्य पञ्चरत्नानि सुवर्णतुलसीदलम् १६०

मूलम् - १६०

विश्वास-प्रस्तुतिः - १६१

चन्दनाक्षतदूर्व्वाश्च तिलान् धात्रीञ्च सर्षपम्
अभिमन्त्र्य कुशैः पश्चान्मन्त्ररत्नेन वैष्णवः १६१

मूलम् - १६१

विश्वास-प्रस्तुतिः - १६२

शतवारं सहस्रं वा मन्त्रेणैवाभिषेचयेत्
सर्वैश्च वैष्णवैः सूक्तैर्गायत्र्या वैष्णवेन च १६२

मूलम् - १६२

विश्वास-प्रस्तुतिः - १६३

नामभिः केशवाद्यैश्च सर्वैर्मन्त्रैश्च वैष्णवैः
स्नाप्य वस्त्रैर्भूषणैश्च शुभे धान्ये निवेशयेत् १६३

मूलम् - १६३

विश्वास-प्रस्तुतिः - १६४

स्थण्डिलेऽग्निं प्रतिष्ठाप्य इध्माधानादि पूर्ववत्
होमं कुर्य्याद् गवाज्येन पायसान्नेन वैष्णवः १६४

मूलम् - १६४

विश्वास-प्रस्तुतिः - १६५

कर्तुरौपासनाग्नौ तु होममत्र विशिष्यते
प्रत्यृचं वैष्णवैः सूक्तैर्जुहुयाद् घृतपायसम् १६५

मूलम् - १६५

६१५

विश्वास-प्रस्तुतिः - १६६

अस्य वामेति सूक्तेन गवाज्यं जुहुयात्ततः
मन्त्ररत्नेन जुहुयादष्टोत्तरसहस्रकम् १६६

मूलम् - १६६

विश्वास-प्रस्तुतिः - १६७

तद्बिम्बमूर्तिमन्त्रेण तिलहोमं तथैव च
अविज्ञातस्तु तन्मत्रं मूलमन्त्रेण वा यजेत् १६७

मूलम् - १६७

विश्वास-प्रस्तुतिः - १६८

यजेच्छ्री भ्रूप्रकाशैश्च गायत्र्या विष्णुसंज्ञया
वैकुण्ठपार्षदं होमं कृत्वा होमं समापयेत् १६८

मूलम् - १६८

विश्वास-प्रस्तुतिः - १६९

नयनोन्मीलनं कृत्वा सौवर्णन कुशेन वा
निवेश्याऽऽवाहयेत्पीठे मन्त्ररत्नेन वैष्णवः १६९

मूलम् - १६९

विश्वास-प्रस्तुतिः - १७०

मन्त्रेणैवार्चनं कृत्वा पश्चात्पुष्पाञ्जलिं यजेत्
तस्मिन्बिम्बे तु तन्मूर्तिं ध्यात्वा नियतमानसः १७०

मूलम् - १७०

विश्वास-प्रस्तुतिः - १७१

अष्टोत्तरसहस्रन्तु दद्यात्पुष्पाञ्जलिं ततः
सर्वैश्च वैष्णवैः सूक्तैर्दद्यात्पुष्पाणि वैष्णवः १७१

मूलम् - १७१

विश्वास-प्रस्तुतिः - १७२

ब्राह्मणान्भोजयेत्पश्चात्पायसान्नं घृतान्वितम्
शक्त्या च दक्षिणां दत्त्वा विशेषेणार्च्चयेद्गुरुम् १७२

मूलम् - १७२

विश्वास-प्रस्तुतिः - १७३

सहस्रनामभिः स्तुत्वा आशीर्भिरभिवादयेत्
प्रदक्षिणानमस्कारान्कुर्व्वीतात्र पुनः पुनः १७३

मूलम् - १७३

विश्वास-प्रस्तुतिः - १७४

प्रसीद मम नाथेति भक्त्या सम्प्रार्थयेद्विभुम्
दीप्तैर्नीराजयेत्पश्चाच्छक्त्या तेन समाहितः १७४

मूलम् - १७४

विश्वास-प्रस्तुतिः - १७५

हुतशेषं हविः प्राश्य जप्त्वा मन्त्रमनुत्तमम्
ध्यायन् कमलपत्राक्षं भूमौ स्वप्यात्कुशोत्तरम् १७५

मूलम् - १७५

विश्वास-प्रस्तुतिः - १७६

एवं गृहार्चा बिम्बस्य विष्णुं संस्थाप्य वैष्णवः
अर्चयेद्विधिना नित्यं यावद्देहनिपातनम् १७६

मूलम् - १७६

विश्वास-प्रस्तुतिः - १७७

शालग्रामशिलायान्तु पूजनं परमात्मनः
कोटिकोटिगुणाधिक्यं भवेदत्र न संशयः १७७

मूलम् - १७७

विश्वास-प्रस्तुतिः - १७८

न जपो नाधिवासश्च न च संस्थापनक्रिया
शालग्रामार्चने विष्णुस्तस्मिन् सन्निहितस्तथा १७८

मूलम् - १७८

र्

६१६

विश्वास-प्रस्तुतिः - १७९

मूर्तीनान्तु हरेस्तस्य यस्यां प्रीतिरनुत्तमा
तस्यामेव तु तां ध्यात्वा पूजयेत्तद्विधानतः १७९

मूलम् - १७९

विश्वास-प्रस्तुतिः - १८०

मूर्त्यन्तरमबिम्बे तु न यष्टव्यं तदेव तत्
शालग्रामशिलायान्तु यष्टव्या इष्टमूर्तयः १८०

मूलम् - १८०

विश्वास-प्रस्तुतिः - १८१

अर्चनं वन्दनं दानं प्रणामं दर्शनं नृणाम्
शालग्रामशिलायान्तु सर्वं कोटिगुणं भवेत् १८१

मूलम् - १८१

विश्वास-प्रस्तुतिः - १८२

न स्नातः सर्वतीर्थेषु सर्वयज्ञेषु दीक्षितः
यो वहेच्छिरसा नित्यं सालग्रामशिलाजलम् १८२

मूलम् - १८२

विश्वास-प्रस्तुतिः - १८३

असत्यकथनं हिंसामभक्ष्याणाञ्च भक्षणम्
शालग्रामजलं पीत्वा सर्वं दहति तत्क्षणात् १८३

मूलम् - १८३

विश्वास-प्रस्तुतिः - १८४

द्विजानामेव नान्येषां शालग्रामशिलार्चनम्
बालकृष्णवपुर्देवं पूजयेत्तद्द्विजः सदा १८४

मूलम् - १८४

विश्वास-प्रस्तुतिः - १८५

पठेद्वाऽप्यर्चयेद्विष्णुं विशिष्टः शूद्रयोनिजः
स्थण्डिले हृदये वाऽपि पूजयेत्तद्द्विजः सदा १८५

मूलम् - १८५

विश्वास-प्रस्तुतिः - १८६

वाराहं नारसिंहञ्च हयग्रीवञ्च वामनम्
ब्राह्मणः पूजयेद्विष्णुं यज्ञमूर्तिञ्च केवलम् १८६

मूलम् - १८६

विश्वास-प्रस्तुतिः - १८७

क्षत्रियः पूजयेद्रामं केशवं मधुसूदनम्
नारायणं वासुदेवमनन्तञ्च जनार्दनम् १८७

मूलम् - १८७

विश्वास-प्रस्तुतिः - १८८

प्रद्युम्नमनिरुद्धञ्च गोविन्दञ्चाच्युतं हरिम्
सङ्कर्षणं तथा कृष्णं वैश्यः संपूजयेत्तदा १८८

मूलम् - १८८

विश्वास-प्रस्तुतिः - १८९

बालं गोपालवेषं वा पूजयेच्छूद्रयोनिजः
सर्व एव हि संपूज्या विप्रेण मुनिसत्तमाः १८९

मूलम् - १८९

विश्वास-प्रस्तुतिः - १९०

सर्वेऽपि भगवन्मन्त्रा जप्तव्याः सर्वसिद्धिदाः
तस्माद्द्विजोत्तमः पूज्यः सर्वेषां भूतिमिच्छताम् १९०

मूलम् - १९०

विश्वास-प्रस्तुतिः - ६१७

पञ्चसंस्कारसम्पन्नो मन्त्ररत्नार्थकोविदः
शालग्रामशिलायां तु पूजयेत्पुरुषोत्तमम्

६१७

मूलम् - ६१७

६१७

पूजितस्तुलसीपत्रैर्दद्याद्धि सकलं हरिः १९१

विश्वास-प्रस्तुतिः - १९२

यः श्राद्धं कुरुते विप्रः शालग्रामशिलाग्रतः
पितॄणां तत्र तृप्तिः स्याद् गयाश्राद्धादनन्तरम् १९२

मूलम् - १९२

विश्वास-प्रस्तुतिः - १९३

जप्तं हुतं तथा दानं बन्दनं च ततः क्रिया
शालग्रामसमीपे तु सर्वं कोटिगुणं भवेत् १९३

मूलम् - १९३

विश्वास-प्रस्तुतिः - १९४

ध्यात्वा कमलपत्राक्षं शालग्रामशिलोपरि
पौरुषेण तु सूक्तेन पूजयेत् पुरुषोत्तमम् १९४

मूलम् - १९४

विश्वास-प्रस्तुतिः - १९५

अनुष्टुभस्य सूक्तस्य त्रिष्टुबन्त्वाऽस्य देवता
पुरुषो यो जगद्बीजमृषिर्नारायणः स्मृतः १९५

मूलम् - १९५

विश्वास-प्रस्तुतिः - १९६

प्रथमां विन्यसेद्वामे द्वितीयां दक्षिणे करे
तृतीयां वामपादे तु चतुर्थीं दक्षिणे तथा १९६

मूलम् - १९६

विश्वास-प्रस्तुतिः - १९७

पञ्चमीं वामजानौ तु षष्ठीं वै दक्षिणे तथा
सप्तमीं वामकट्यां तु ह्यष्टमीं दक्षिणेऽपि च १९७

मूलम् - १९७

विश्वास-प्रस्तुतिः - १९८

नवमीं नाभिदेशे तु दशमीं हृदि विन्यसेत्
एकादशीं कण्ठदेशे द्वादशीं वामवाहुके १९८

मूलम् - १९८

विश्वास-प्रस्तुतिः - १९९

त्रयोदशीं दक्षिणे तु स्वास्यदेशे चतुर्दशीम्
अक्ष्णोः पञ्चदशीं मूर्ध्नि षोडशीञ्चैव विन्यसेत् १९९

मूलम् - १९९

विश्वास-प्रस्तुतिः - २००

एवं न्यासविधिं कृत्या पश्चाद्ध्यानं समाचरेत्
सहस्रार्कप्रतीकाशङ्कन्दर्पायुतसन्निभम् २००

मूलम् - २००

विश्वास-प्रस्तुतिः - २०१

युवानं पुण्डरीकाक्षं सर्वाभरणभूषितम्
पीनवृत्तायतैर्दोर्भिश्चतुर्भिर्भूषणान्वितैः २०१

मूलम् - २०१

विश्वास-प्रस्तुतिः - २०२

चक्रं पद्मं गदां शङ्खं विभ्राणं पीतवाससम्
शुक्लपुष्पानुलेपञ्च रक्तहस्तपदाम्बुजम् २०२

मूलम् - २०२

विश्वास-प्रस्तुतिः - २०३

सुस्निग्धनीलकुटिलकुन्तलैरुपशोभितम्
श्रिया भूम्या समाश्लिष्टपार्श्वं ध्यात्वा समर्चयेत् २०३

मूलम् - २०३

विश्वास-प्रस्तुतिः - ६१८

यथाऽऽत्मनि तथा देवे न्यासकर्म्म समाचरेत्
र्

६१८

मूलम् - ६१८

यथाऽऽत्मनि तथा देवे न्यासकर्म्म समाचरेत्
र्

६१८

आद्ययाऽऽवाहनं विष्णोरासनं च द्वितीयया २०४

विश्वास-प्रस्तुतिः - २०५

तृतीयया च तत्पाद्यं चतुर्थ्याऽर्घ्यं निवेदयेत्
पञ्चम्याऽऽचमनीयं तु दातव्यं च ततः क्रमात् २०५

मूलम् - २०५

विश्वास-प्रस्तुतिः - २०६

षष्ठ्या स्नानन्तु सप्तम्या वस्त्रमप्युपवीतकम्
अष्टम्या चैव गन्धन्तु नवम्याथ सुपुष्पकम् २०६

मूलम् - २०६

विश्वास-प्रस्तुतिः - २०७

दशम्या धूपकञ्चैवमेकादश्या च दीपकम्
द्वादश्या च त्रयोदश्या चरुं दिव्यं निवेदयेत् २०७

मूलम् - २०७

विश्वास-प्रस्तुतिः - २०८

चतुर्दश्या नमस्कारं पञ्चदश्या प्रदक्षिणम्
षोडश्या शयनं दत्त्वा शेषकर्म्म समाचरेत् २०८

मूलम् - २०८

विश्वास-प्रस्तुतिः - २०९

स्नानवस्त्रोपवीतेषु चरौ चाऽचमनं चरेत्
हुत्वा षोडशभिर्मन्त्रैः षोडशाऽऽज्याहुतीः क्रमात् २०९

मूलम् - २०९

विश्वास-प्रस्तुतिः - २१०

तथावाऽऽज्येन होतव्यं मृद्भिः पुष्पाञ्जलिं चरेत्
तच्च सर्वं जपेत्सद्यः पौरुषं सूक्तमुत्तमम् २१०

मूलम् - २१०

विश्वास-प्रस्तुतिः - २११

कृत्वा माध्याह्निकस्नानमूर्द्ध्वपुण्ड्रधरस्ततः
नित्यां सन्ध्यामुपास्याथ रविमण्डलमध्यगम् २११

मूलम् - २११

विश्वास-प्रस्तुतिः - २१२

हरिं ध्यायन्नगदः स्यादेनसः शुचिरित्यृचा
सावित्रीं च जपेत्तिष्ठन् प्राणानायम्य पूर्वतः २१२

मूलम् - २१२

विश्वास-प्रस्तुतिः - २१३

सौरेण चानुवाकेन उपस्थानजपं तथा
आत्मानं च परीक्ष्याथ दर्भान्तरपुटाञ्जलिम् २१३

मूलम् - २१३

विश्वास-प्रस्तुतिः - २१४

दक्षिणाङ्के तु विन्यस्य जपयज्ञाप्तये बुधः
सव्याहृतिं सप्रणवां गायत्रीं तु जपेत्तदा २१४

मूलम् - २१४

विश्वास-प्रस्तुतिः - २१५

शक्त्या च चतुरो वेदान् पुराणं वैष्णवं जपेत्
चरितं रघुनाथस्य गीतां भगवतो हरेः २१५

मूलम् - २१५

विश्वास-प्रस्तुतिः - २१६

ध्यायन्वै पुण्डरीकाक्षं जप्त्वा वाऽप उपस्पृशेत्
पूर्ववत्तर्पयेद्देवं वैकुण्ठपार्षदं तथा २१६

मूलम् - २१६

देवानृषीन्पितॄन्श्चैव तर्पयित्वा तिलोदकैः

६१९

निष्पीड्य वस्त्रमाचम्य गृहमाविश्य पूर्ववत् २१७

विश्वास-प्रस्तुतिः - २१८

पूजयित्वाऽच्युतं भक्त्या पौरुषेण विधानतः
दैवं भूतं पैतृकं च मानुषञ्च विधानतः २१८

मूलम् - २१८

विश्वास-प्रस्तुतिः - २१९

प्रीतये सर्वयज्ञस्य भोक्तुर्विष्णोर्यतेत्ततः
वैकुण्ठं वैष्णवं होमं पूर्ववज्जुहुयात्तदा २१९

मूलम् - २१९

विश्वास-प्रस्तुतिः - २२०

चतुर्विधेभ्यो भूतेभ्यो बलिं पश्चाद्विनिक्षिपेत्
द्वारि गोदोहमात्रन्तु तिष्ठेदतिथिवाञ्छया २२०

मूलम् - २२०

विश्वास-प्रस्तुतिः - २२१

भोजयेच्चाऽऽगतान् काले फलमूलौदनादिभिः
महाभागवतान् विप्रान् विशेषेणैव पूजयेत् २२१

मूलम् - २२१

विश्वास-प्रस्तुतिः - २२२

मधुपर्कप्रदानेन पाद्यार्घ्याचमनादिभिः
गन्धैः पुष्पैश्च ताम्बूलैर्धूपैर्दीपैर्निवेदनैः २२२

मूलम् - २२२

विश्वास-प्रस्तुतिः - २२३

ब्रह्मासने निवेश्यैव पूजयेच्छ्रद्धयाऽन्वितः
सकृत्संपूजिते विप्रे महाभागवतोत्तमे २२३

मूलम् - २२३

विश्वास-प्रस्तुतिः - २२४

षष्टिं वर्षसहस्राणि हरिः संपूजितो भवेत्
मोहादनर्चयेद्यस्तु महाभागवतोत्तमम् २२४

मूलम् - २२४

विश्वास-प्रस्तुतिः - २२५

कोटिजन्मार्जितात्पुण्याद् भ्रश्यते नात्र संशयः
गृहे तस्य न चाश्नाति शतवर्षाणि केशवः २२५

मूलम् - २२५

विश्वास-प्रस्तुतिः - २२६

मुखं हि सर्वदेवानां महाभागवतोत्तमः
तस्मिन् सम्पूजिते विप्रे पूजितं स्याज्जगत्त्रयम् २२६

मूलम् - २२६

विश्वास-प्रस्तुतिः - २२७

अर्थपञ्चकतत्वज्ञः पञ्चसंस्कारसंस्कृतः
नवभक्तिसमायुक्तो महाभागवतः स्मृतः २२७

मूलम् - २२७

विश्वास-प्रस्तुतिः - २२८

काले समागते तस्मिन् पूजिते मधुसूदनः
क्षणादेव प्रसन्नः स्यादीप्सितानि प्रयच्छति २२८

मूलम् - २२८

विश्वास-प्रस्तुतिः - २२९

महाभागवतानाञ्च पिबेत्पादोदकं तु यः
शिरसा वा श्रयेद्भक्त्या सर्वपापैः प्रमुच्यते २२९

मूलम् - २२९

विश्वास-प्रस्तुतिः - ६२०

यस्मिन् कस्मिन् हि वसति महाभागवतोत्तमे
र्

६२०

मूलम् - ६२०

यस्मिन् कस्मिन् हि वसति महाभागवतोत्तमे
र्

६२०

अप्येकरात्रमथवा तद्देशस्तीर्थसम्मितः २३०

विश्वास-प्रस्तुतिः - २३१

भोजयित्वा महाभागान् वैष्णवानतिथीनपि
ततो बालसुहृद्वृद्धान् बान्धवांश्च समागतान् २३१

मूलम् - २३१

विश्वास-प्रस्तुतिः - २३२

भोजयित्वा यथा शक्त्या यथाकालं जितक्षुधः
भिक्षां दद्यात्प्रयत्नेन यतीनां ब्रह्मचारिणाम् २३२

मूलम् - २३२

विश्वास-प्रस्तुतिः - २३३

शूद्रो वा प्रतिलोमो वा पथि श्रान्तः क्षुधातुरः
भोजयेत्तं प्रयत्नेन गृहमभ्यागतो यदि २३३

मूलम् - २३३

विश्वास-प्रस्तुतिः - २३४

पाषण्डः पतितो वाऽपि क्षुधार्त्तो गृहमागतः
नैव दद्यात्स्वपक्वान्नमाममेव प्रदापयेत् २३४

मूलम् - २३४

विश्वास-प्रस्तुतिः - २३५

स्वशक्त्या तर्पयित्वैवमतिथीनागतान् गृहे
सम्यङ्निवेदितं विष्णोः स्वयं भुञ्जीत वाग्यतः २३५

मूलम् - २३५

विश्वास-प्रस्तुतिः - २३६

प्रक्षाल्य पादौ हस्तौ च सम्यगाचम्य वारिणा
विष्णोरभिमुखं पीठे हेमदिग्धे कुशोत्तरे २३६

मूलम् - २३६

विश्वास-प्रस्तुतिः - २३७

प्राग्वा प्रत्यङ्मुखो वाऽपि जान्वोरन्तःकरः शुचिः
उदङ्मुखो वा पैत्र्ये तु समासीताभिपूजितः २३७

मूलम् - २३७

विश्वास-प्रस्तुतिः - २३८

वंशतालादिपत्रैस्तु कृतं वसनमश्म च
कपालमिष्टकं वापि वर्णं तृणमयं तथा २३८

मूलम् - २३८

वंशतालादिपत्रैस्तु कृतं वसनमश्म च
कपालमिष्टकं वापि वर्णं तृणमयं तथा २३८

विश्वास-प्रस्तुतिः - २३९

चर्मासनं शुष्ककाष्ठं खलं पय्यङ्कमेव च
निषिद्धधातु पीठं च दान्तमस्थिमयञ्च यत् २३९

मूलम् - २३९

विश्वास-प्रस्तुतिः - २४०

दग्धं परावितं तालमायसञ्च विवर्जयेत्
विभीतकन्तिन्दुकञ्च करञ्जं व्याधिघातकम् २४०

मूलम् - २४०

विश्वास-प्रस्तुतिः - २४१

भल्लातकं कपित्थं च हिन्तालं शिग्रुमेव च
निषिद्धतरवो ह्येते सर्वकर्मसु गर्हिताः २४१

मूलम् - २४१

विश्वास-प्रस्तुतिः - २४२

शुद्धदारुमये पीठे समासीने कुशोत्तरे
पीठे त्वलाभे सौम्ये स्यात्केवलं कुशविष्टरम् २४२

मूलम् - २४२

चतुरस्रं त्रिकोणं वा वर्तुलञ्चार्द्ध चन्द्रकम्

६२१

वर्णानामानुपूर्वेण मण्डलानि यथाक्रमात् २४३

विश्वास-प्रस्तुतिः - २४४

स्वलङ्कृते मण्डलेऽस्मिन् विमलं भाजनं न्यसेत्
स्वर्णं रौप्यं च कांस्यं वा पर्णं वा शास्त्रचोदितम् २४४

मूलम् - २४४

विश्वास-प्रस्तुतिः - २४५

चतुःषष्टिपलं कांस्यं तदर्धं पादमेव वा
गृहिणामेव भोज्यं स्यात्ततो हीनन्तु वर्जयेत् २४५

मूलम् - २४५

विश्वास-प्रस्तुतिः - २४६

पलाशपद्मपत्रे तु गृही यत्नेन वर्जयेत्
यतीनाञ्च वनस्थानां पितॄणाञ्च शुभप्रदम् २४६

मूलम् - २४६

विश्वास-प्रस्तुतिः - २४७

वटाश्वत्थार्कपर्णानि कुम्भीतिन्दुकयोस्तथा
एरण्डतालबिल्वेषु कोविदारकरञ्जके २४७

मूलम् - २४७

विश्वास-प्रस्तुतिः - २४८

भल्लातकाश्वपर्णानां पर्णानि परिवर्जयेत्
मोचागर्भपलाशं च वर्जयेत्तत्तु सर्वदा २४८

मूलम् - २४८

विश्वास-प्रस्तुतिः - २४९

मधुकं कूटजं ब्राह्मजम्बूप्लक्षमुदुम्बरम्
मातुलङ्गं पनसं च मोचाचर्मदलानि च २४९

मूलम् - २४९

विश्वास-प्रस्तुतिः - २५०

पालाक्यवर्णं श्रीपर्णं शुभानीमानि भोजने
यथाकालोपपन्ने तु भोजने घृतसंस्कृते २५०

मूलम् - २५०

विश्वास-प्रस्तुतिः - २५१

पत्न्यादिभिर्दत्तवस्तु वास्तुदेवार्पिते शुभे
गायत्र्या मूलमन्त्रेण संप्रोक्ष्य शुभवारिणा २५१

मूलम् - २५१

विश्वास-प्रस्तुतिः - २५२

ऋतसत्याभ्यामिति च मन्त्राभ्यां परिषेचयेत्
अन्नरूपं विराजं संध्यात्वा मन्त्रं जपेद्बुधः २५२

मूलम् - २५२

विश्वास-प्रस्तुतिः - २५३

ध्यात्वा हृत्पङ्कजे विष्णुं सुधांशुसदृशद्युतिम्
शङ्खचक्रगदापद्मपाणिं वै दिव्यभूषणम् २५३

मूलम् - २५३

विश्वास-प्रस्तुतिः - २५४

मनसैवार्चयित्वाऽथ मूलमन्त्रेण वैष्णवः
पादोदकं हरेः पुण्यं तुलसीदलमिश्रितम् २५४

मूलम् - २५४

विश्वास-प्रस्तुतिः - २५५

अमृतोपस्तरणमसीति मन्त्रेण प्राशयेत्
उद्दिश्यैव हरिं प्राणान् जुहुयात्सघृतं हविः २५५

मूलम् - २५५

विश्वास-प्रस्तुतिः - ६२२

अन्नलाभे तु होतव्यं शाकमूलफलादिभिः
र्

६२२

मूलम् - ६२२

अन्नलाभे तु होतव्यं शाकमूलफलादिभिः
र्

६२२

पञ्चप्राणाद्या हुतयो मन्त्रैस्तैर्जुहुयाद्धरेः २५६

विश्वास-प्रस्तुतिः - २५७

श्रद्धायां प्राणे विष्ठेति मन्त्रेण च यथाक्रमात्
तर्जनीमध्यमाङ्गुष्ठैः प्राणायेति यजेद्धविः २५७

मूलम् - २५७

विश्वास-प्रस्तुतिः - २५८

मध्यमानामिकाङ्गुष्ठैरपानायेत्यनन्तरम्
कनिष्ठानामिकाङ्गुष्ठैर्व्यानायेत्याहुतिं ततः २५८

मूलम् - २५८

विश्वास-प्रस्तुतिः - २५९

कनिष्ठतर्जन्यङ्गुष्ठैरुदानायेति वै यजेत्
समानायेति जुहुयात्सर्वैरङ्गुलिभिर्द्विजः २५९

मूलम् - २५९

विश्वास-प्रस्तुतिः - २६०

अयमग्निवैश्वानरिरित्यात्मानमनन्तरम्
शतमष्टोत्तरं मन्त्रं मनसैव जपेत्ततः २६०

मूलम् - २६०

विश्वास-प्रस्तुतिः - २६१

ध्यायन् नारायणं देवं भुञ्जीयात्तु यथासुखम्
वक्त्रादपातयन् पासं चिन्तयन्मधुसूदनम् २६१

मूलम् - २६१

विश्वास-प्रस्तुतिः - २६२

नाऽऽसनारूढपादस्तु न वेष्टितशिरास्तथा
न स्कन्दयन् न च हसन् बहिर्नाप्यवलोकयन् २६२

मूलम् - २६२

विश्वास-प्रस्तुतिः - २६३

नाऽऽत्मीयान् प्रलपन् जल्पन् बहिर्जानुकरो न च
न वादकोपितनरः पृथिव्यामपि वा न च २६३

मूलम् - २६३

विश्वास-प्रस्तुतिः - २६४

न प्रसारितपादश्च नोत्सङ्गकृतभाजनः
नाश्नीयाद्भार्यया सार्धं न पुत्रैर्वापि विह्वलः २६४

मूलम् - २६४

विश्वास-प्रस्तुतिः - २६५

न शयानो नातिसङ्गो न विमुक्तशिरोरुहः
अन्नं वृथा न विकिरन् निष्ठीवन् नातिकाङ्क्षया २६५

मूलम् - २६५

विश्वास-प्रस्तुतिः - २६६

नातिशब्देन भुञ्जीत न वस्त्रार्थोपवेष्टितः
प्रगृह्य पात्रं हस्तेन भुञ्जीयात्पैतृकं यदि २६६

मूलम् - २६६

विश्वास-प्रस्तुतिः - २६७

चषके पुटके वाऽपि पिबेत्तोयं द्विजोत्तमः
तक्रं वाऽप्यथ वा क्षीरं पानकं वाऽपि भोजने २६७

मूलम् - २६७

विश्वास-प्रस्तुतिः - २६८

वक्त्रेण सान्तर्धानेन दत्तमन्येन वा पिबेत्
ग्रासशेषं नचाश्नीयात्पीतशेषं पिबेन्न तु २६८

मूलम् - २६८

शाकमूलफलादीनि दन्तच्छिन्नं न खादयेत्

६२३

उद्धृत्य वामहस्तेन तोयं वक्त्रेण यः पिबेत् २६९

विश्वास-प्रस्तुतिः - २७०

स सुरां वै पिबेद् व्यक्तां सद्यः पतति रौरवे
शब्देनापोशने पीत्वा शब्देन दधिपायसे २७०

मूलम् - २७०

विश्वास-प्रस्तुतिः - २७१

शब्देनान्नरसं क्षीरं पीत्वेव पतितो भवेत्
प्रत्यक्षलवणं शुक्तं क्षीरं च लवणान्वितम् २७१

मूलम् - २७१

विश्वास-प्रस्तुतिः - २७२

दधि हस्तेन मथितं सुरापानसमं स्मृतम्
आरनालरसं तद्वत्तद्वैवानार्पितं हरेः २७२

मूलम् - २७२

विश्वास-प्रस्तुतिः - २७३

आसनेन तु पात्रेण नैव दद्याद्धृतादिकम्
नोच्छिष्टं घृतमादद्यात्पैतृके भोजने विना २७३

मूलम् - २७३

विश्वास-प्रस्तुतिः - २७४

तथैव तु पुरोडाशं पृषदाज्यञ्च माक्षिकम्
पानीयं पायसं क्षीरं घृतं लवणमेव च २७४

मूलम् - २७४

विश्वास-प्रस्तुतिः - २७५

हस्तदत्तं न गृह्णीयात्तुल्यं गोमांसभक्षणम्
अपूपं पायसं माषं यावकं कृसरं मधु २७५

मूलम् - २७५

विश्वास-प्रस्तुतिः - २७६

केवलं यो वृथाऽश्नाति तेन भुक्तं सुरासमम्
करञ्जं मूलकं शिग्रु लशुनं तिलपिष्टकम् २७६

मूलम् - २७६

विश्वास-प्रस्तुतिः - २७७

तलास्थि श्वेतवृन्ताकं सुरापानसमं स्मृतम्
अन्यच्च फलमूलाद्यं भक्ष्यं पानादिकञ्च यत् २७७

मूलम् - २७७

विश्वास-प्रस्तुतिः - २७८

स्रक्चन्दनादि ताम्बूलं यो भुङ्क्ते हर्यनर्पितम्
कल्पकोटिसहस्राणि रेतोविण्मूत्रभाग्भवेत् २७८

मूलम् - २७८

विश्वास-प्रस्तुतिः - २७९

तस्मात्सर्वं सुविमलं हरिभुक्तं यथोक्तवत्
स पवित्रेण यो भाङ्क्ते सर्वयज्ञफलं लभेत् २७९

मूलम् - २७९

विश्वास-प्रस्तुतिः - २८०

ध्यायन् नारायणं देवं वाग्यतः प्रयतात्मवान्
भुक्त्वावनतितृप्त्यैव प्राशयेदम्बु निर्मलम् २८०

मूलम् - २८०

विश्वास-प्रस्तुतिः - २८१

अमृतापिधानमसीतिमन्त्रेण कुशपाणिना
किञ्चिदन्नमुपादाय पीतशेषेण वारिणा २८१

मूलम् - २८१

विश्वास-प्रस्तुतिः - ६२४

पैतृकेण तु तीर्थेन भूमौ दद्यात्तदर्थिनाम्
र्

६२४

मूलम् - ६२४

पैतृकेण तु तीर्थेन भूमौ दद्यात्तदर्थिनाम्
र्

६२४

रौरवे नरके घोरे वसतां क्षुत्पिपासया २८२

विश्वास-प्रस्तुतिः - २८३

तेषामन्नं सोदकञ्च अक्षय्यमुपतिष्ठतु
इति दत्त्वोदकं तेषां तस्मिन्नेवाऽऽसने स्थितः २८३

मूलम् - २८३

विश्वास-प्रस्तुतिः - २८४

प्रक्ष्याल्य हस्तौ पादौ च वक्त्रं संशोध्य वारिभिः
द्विराचम्य विधानेन मन्त्रेण प्राशयेज्जलम् २८४

मूलम् - २८४

विश्वास-प्रस्तुतिः - २८५

पीत्वा मन्त्रजलं पश्चादाचम्य हृदयाम्बुजे
राममिन्दीवरश्यामं चक्रशङ्खधनुर्धरम् २८५

मूलम् - २८५

युवानं पुण्डरीकाक्षं ध्यात्वा मन्त्रं जपेद्बुधः

विश्वास-प्रस्तुतिः - २८६

समासीनः सुखासने वेदमध्यापयेत्ततः
सच्छिष्यान् यांस्तु शास्त्रं वा स्नेहाद्वा धर्मसंहिताम् २८६

मूलम् - २८६

विश्वास-प्रस्तुतिः - २८७

इतिहासपुराणं वा कथयेच्छृणुयाच्च वा
रवावस्तङ्गते सन्ध्यां बहिः कुर्व्वीत पूर्ववत् २८७

मूलम् - २८७

विश्वास-प्रस्तुतिः - २८८

बहिः सन्ध्या शतगुणं गोष्ठे शतगुणं तथा
गङ्गाजले सहस्रं स्यादनन्तं विष्णुसन्निधौ २८८

मूलम् - २८८

विश्वास-प्रस्तुतिः - २८९

उपास्य पश्चिमां सन्ध्यां जप्त्वा जप्यं समाहितः
पूर्ववत्पूजयेद्विष्णुं गन्धपुष्पाक्षतादिभिः २८९

मूलम् - २८९

विश्वास-प्रस्तुतिः - २९०

अष्टाक्षरविधानेन निवेश्यैवं समाहितः
सायमौपासनं हुत्वा वैष्णवं होममाचरेत् २९०

मूलम् - २९०

विश्वास-प्रस्तुतिः - २९१

ध्यात्वा यज्ञमयं विष्णुं
मन्त्रेणाष्टोत्तरं शतम्
तिल-व्रीह्य्-आज्य-चरुभिस्
तत्रैकेनापि वा यजेत् २९१

मूलम् - २९१

ध्यात्वा यज्ञमयं विष्णुं मन्त्रेणाष्टोत्तरं शतम्
तिलव्रीह्याज्यचरुभिस्तत्रैकेनापि वा यजेत् २९१

विश्वास-प्रस्तुतिः - २९२

वैश्वदेवं भूतबलिं हुत्वा
दत्त्वा च आचमेत्
शय्यायां विन्यसेद् देवं
पर्य्यङ्के समलङ्कृते २९२

मूलम् - २९२

वैश्वदेवं भूतबलिं हुत्वा दत्त्वा च आचमेत्
शय्यायां विन्यसेद्देवं पर्य्यङ्के समलङ्कृते २९२

विश्वास-प्रस्तुतिः - २९३

सविताने गन्ध-पुष्प-धूपैर्
आमोदिते शुभे
शाययित्वा च देवेशं
देवीभ्यां सहितं हरिम् २९३

मूलम् - २९३

सविताने गन्धपुष्पधूपैरामोदिते शुभे
शाययित्वा च देवेशं देवीभ्यां सहितं हरिम् २९३

विश्वास-प्रस्तुतिः - २९४

हिरण्यगर्भसूक्तेन नासदासीदनेन च
कृत्वा पुष्पाञ्जलिं पश्चादुपचारैः समर्चयेत् २९४

मूलम् - २९४

६२५

विश्वास-प्रस्तुतिः - २९५

श्रिये जात इत्यृचैव ध्रुवसूक्तेन च द्विजः
दीपैर्नीराजनं कृत्वा पश्चादर्घ्यं निवेदयेत् २९५

मूलम् - २९५

विश्वास-प्रस्तुतिः - २९६

सुवाससा यवनिकां विन्यस्याथ समाहितः
द्वादशार्णं महामन्त्रं जपेदष्टोत्तरं शतम् २९६

मूलम् - २९६

विश्वास-प्रस्तुतिः - २९७

अस्त्रैश्च शङ्खचक्राद्यैर्दिक्षु रक्षां सुविन्यसेत्
स्तोत्रैः स्तुत्वा नमस्कृत्वा पुनः पुनरनन्तरम् २९७

मूलम् - २९७

विश्वास-प्रस्तुतिः - २९८

वैष्णवैश्च सुहृद्भिश्च भुञ्जीयादर्पितं हरेः
आचम्याग्निमुपस्पृश्य समासीनस्तु वाग्यतः २९८

मूलम् - २९८

विश्वास-प्रस्तुतिः - २९९

ध्यायन् हृदि शुभं मन्त्रं जपेदष्टोत्तरं शतम्
शेषाहिशायिनं देवं मनसैवार्चयेत्ततः २९९

मूलम् - २९९

विश्वास-प्रस्तुतिः - ३००

शयीत शुभशय्यायां विमले शुभमण्डले
ऋतौ गच्छेद्धर्मपत्नीं विना पञ्चसु पर्वसु ३००

मूलम् - ३००

विश्वास-प्रस्तुतिः - ३०१

पुत्रार्थी चेत्तु युग्मासु स्त्रीकामी विषमासु च
न श्राद्धदिवसे चैव नोपवासदिने तथा ३०१

मूलम् - ३०१

विश्वास-प्रस्तुतिः - ३०२

नाशुचिर्मलिनो वाऽपि न चैव मलिनां तथा
न क्रुद्धां न च क्रुद्धः सन् न रोगी न च रोगिणीम् ३०२

मूलम् - ३०२

विश्वास-प्रस्तुतिः - ३०३

न गच्छेत्क्रूरदिवसे मघामूलद्वयोरपि
ब्राह्मे मुहूर्ते उत्थाय आचामेत्प्रयतात्मवान् ३०३

मूलम् - ३०३

विश्वास-प्रस्तुतिः - ३०४

यती च ब्रह्मचारी च वनस्थो विधवा तथा
अजिने कम्बले वाऽपि भूमौ स्वप्यात् कुशोत्तरे ३०४

मूलम् - ३०४

विश्वास-प्रस्तुतिः - ३०५

ध्यायन्तः पद्मनाभं तु शयीरन् विजितेन्द्रियाः
अर्पयेद्वाऽर्चयेद्विष्णुं त्रिकालं श्रद्धयाऽन्विताः ३०५

मूलम् - ३०५

विश्वास-प्रस्तुतिः - ३०६

आचरेयुः परं धर्मं यथावृत्त्यनुसारतः
प्रातः कृष्णं जगन्नाथं कीर्तयेत्पुण्यनामभिः ३०६

मूलम् - ३०६

विश्वास-प्रस्तुतिः - ३०७

शौचादिकन्तु यत्कर्म पूर्व्वोक्तं सर्वमाचरेत्
नैमित्तिकविशेषेण पूजयेत्पतिमव्ययम् ३०७

मूलम् - ३०७

र्

६२६

विश्वास-प्रस्तुतिः - ३०८

तत्तत्काले तु तन्मूर्ते रर्चनं मुनिभिः स्मृतम्
प्रसुप्ते पद्मनाभे तु नित्यं मासचतुष्टयम् ३०८

मूलम् - ३०८

विश्वास-प्रस्तुतिः - ३०९

द्रोण्यान्दोलायामपि वा भक्त्या संपूजयेद्विभुम्
क्षीराब्धौ शेषपर्यङ्के शयानं रमया सह ३०९

मूलम् - ३०९

विश्वास-प्रस्तुतिः - ३१०

नीलजीमूतसङ्काशं सर्वालङ्कारसुन्दरम्
कौस्तुभोद्भासिततनुं वैजयन्त्या बिराजितम् ३१०

मूलम् - ३१०

विश्वास-प्रस्तुतिः - ३११

लक्ष्मीघनकुचस्पर्शशुभोरस्कं सुबर्चसम्
ध्यात्वैवं पद्मनाभन्तु द्वादशार्णन नित्यशः ३११

मूलम् - ३११

विश्वास-प्रस्तुतिः - ३१२

पूजयेद्गन्धपुष्पाद्यैस्त्रिसन्ध्यास्वपि वैष्णवः
निवेद्य पायसान्नं तु दद्यात्पुष्पाञ्जलिं ततः ३१२

मूलम् - ३१२

विश्वास-प्रस्तुतिः - ३१३

सहस्रं शतवारं वा द्वयं मन्त्रं जपेत्सुधीः
द्वादशार्णमनुञ्चैव जप्त्वाऽऽज्येन तिलैश्च वा ३१३

मूलम् - ३१३

विश्वास-प्रस्तुतिः - ३१४

केवलं चारुणा वाऽपो जुहुयात्प्रतिवासरम्
अधःशायी ब्रह्मचारी सर्वभोगविवर्जितः ३१४

मूलम् - ३१४

विश्वास-प्रस्तुतिः - ३१५

वार्षिकांश्चतुरो मासानेवमभ्यर्च्च्य केशवम्
बोधयित्वाऽथ कार्तिक्यां दद्यात्पुष्पाण्यनेकशः ३१५

मूलम् - ३१५

विश्वास-प्रस्तुतिः - ३१६

साज्यैस्तिलैः पायसेन मधुना च सहस्रशः
मूलमन्त्रेण जुहुयात्सूक्तैश्चावभृथं ततः ३१६

मूलम् - ३१६

विश्वास-प्रस्तुतिः - ३१७

सहस्रनामभिः कृत्वा दद्याद्दर्पणमेव च
गृहं गत्वाऽथ देवेशम्पूजयित्वा यथाविधि ३१७

मूलम् - ३१७

विश्वास-प्रस्तुतिः - ३१८

भोजयेद्वैष्णवान्विप्रान्दक्षिणाभिश्च तोषयेत्
शुक्लपक्षे नभोमासि द्वादश्यां वैष्णवः शुचिः ३१८

मूलम् - ३१८

विश्वास-प्रस्तुतिः - ३१९

पवित्रारोपणं कुर्य्यान्नाभिमात्रायतं न्यसेत्
तथा वक्षसि पर्यन्तं सहस्रन्तान्तवं स्मृतम् ३१९

मूलम् - ३१९

विश्वास-प्रस्तुतिः - ३२०

कुशग्रन्थिसहस्रन्तु पादान्तं विन्यसेत्ततः
सौवर्णीं राजतीं मालां शतग्रन्थियुतां न्यसेत् ३२०

मूलम् - ३२०

६२७

विश्वास-प्रस्तुतिः - ३२१

मृणालतान्तवं पश्चात्पुष्पमालां ततः परम्
शतमौक्तिकहाराणि नानारत्नमयान्यपि ३२१

मूलम् - ३२१

विश्वास-प्रस्तुतिः - ३२२

उपोष्यैकादशीं तत्र रात्रौ जागरणान्वितः
अभ्यर्च्चयेज्जगन्नाथं गन्धपुष्पफलादिभिः ३२२

मूलम् - ३२२

विश्वास-प्रस्तुतिः - ३२३

नीत्वा रात्रिं नर्तनाद्यैः प्रभाते विमले नदीम्
गत्वा स्नात्वा च विधिना तर्पयित्वेशमर्चयेत् ३२३

मूलम् - ३२३

विश्वास-प्रस्तुतिः - ३२४

सर्वैश्च वैष्णवैः सूक्तैर्मध्वाज्यतिलपायसैः
हुत्वा दत्त्वा दशार्णन सहस्रं जुहुयात्ततः ३२४

मूलम् - ३२४

विश्वास-प्रस्तुतिः - ३२५

पश्चादारोपयेद्विष्णोः पवित्राणि शुभानि वै
पवस्व सोम इति च जपन् सूक्तं सुपावनम् ३२५

मूलम् - ३२५

विश्वास-प्रस्तुतिः - ३२६

निवेदयेत्पवित्राणि तथा विष्णोर्यथाक्रमात्
मन्दिरं कुशयोक्त्रेण वेष्टयन् परमात्मनः ३२६

मूलम् - ३२६

विश्वास-प्रस्तुतिः - ३२७

वितानपुष्पमालाद्य रलङ्कृत्य च सर्वतः
सहस्रं द्वादशर्णन भक्त्या पुष्पाञ्जलिं न्यसेत् ३२७

मूलम् - ३२७

विश्वास-प्रस्तुतिः - ३२८

अथोपनिषदुक्तानि पञ्चसूक्तान्यनुक्रमात्
त्वयाहन् पीतमिज्यादि जपन् पुष्पाञ्जलि ततः ३२८

मूलम् - ३२८

विश्वास-प्रस्तुतिः - ३२९

ब्राह्मणान् भोजयेत्पश्चात्स्वयं कुर्वीत पारणम्
शक्त्या वा चोत्सवं कुर्य्यात्त्रिरात्रं वैष्णवोत्तमः ३२९

मूलम् - ३२९

विश्वास-प्रस्तुतिः - ३३०

प्रत्यब्दमेवं कुर्वीत पवित्रारोपणं हरेः
क्रतुकोटिसहस्रस्य फलं प्राप्नोत्यसंशयः ३३०

मूलम् - ३३०

विश्वास-प्रस्तुतिः - ३३१

तत्र दुर्भिक्षरोगादिभयं नास्ति कदाचन
संप्राप्ते कार्तिके मासे सायाह्णे पूजयेद्धरिम् ३३१

मूलम् - ३३१

विश्वास-प्रस्तुतिः - ३३२

हृद्यैः पुष्पैश्च जातीभिः कोमलैस्तुलसीदलैः
अर्चयेद्विष्णुं गायत्र्याऽनुवाकैर्वैष्णवैरपि ३३२

मूलम् - ३३२

विश्वास-प्रस्तुतिः - ३३३

पावमान्यैश्च तन्मासं भक्त्या पुष्पाञ्जलिं न्यसेत्
अष्टोत्तरसहस्रं वा शतमष्टोत्तरं तु वा ३३३

मूलम् - ३३३

र्

६२८

विश्वास-प्रस्तुतिः - ३३४

अष्टाविंशतिं वा शक्त्या दद्याद्दीपान् सुपालिकान्
सुवासितेन तैलेन गवाज्येनाथवा हरेः ३३४

मूलम् - ३३४

विश्वास-प्रस्तुतिः - ३३५

अष्टोत्तरशतं नित्यं तिलहोमं समाचरेत्
मनुना वैष्णवेनापि गायत्र्या विष्णुसंज्ञया ३३५

मूलम् - ३३५

विश्वास-प्रस्तुतिः - ३३६

हुत्वा पुष्पाञ्जलिं दत्वा ताभ्यामेव तदा विभोः
हविष्यं मोदकं शुद्धं नत्तंक् भुञ्जीत वाग्यतः ३३६

मूलम् - ३३६

विश्वास-प्रस्तुतिः - ३३७

तैलं शुक्तं तथा मांसं निष्पावान्माक्षिकं तथा
चणकानपि माषांश्च वर्जयेत्कार्तिकेऽहनि ३३७

मूलम् - ३३७

विश्वास-प्रस्तुतिः - ३३८

भोजयेद्वैष्णवान्विप्रान् नित्यं दानादिशक्तयः
अन्ते च भोजयेद्विप्रान् दक्षिणाभिश्च तोषयेत् ३३८

मूलम् - ३३८

विश्वास-प्रस्तुतिः - ३३९

एवं संपूज्य देवेशं कार्तिके क्रतुकोटिभिः
पुण्यं प्राप्यानघो भूत्वा विष्णुलोके महीयते ३३९

मूलम् - ३३९

विश्वास-प्रस्तुतिः - ३४०

दशमीमिश्रितां त्यक्त्वा वेलायामरुणोदये
उपोष्यैकादशीं शुद्धां द्वादशीं वाऽपि वैष्णवः ३४०

मूलम् - ३४०

विश्वास-प्रस्तुतिः - ३४१

स्नात्वाऽऽमलक्या नद्यां तु विधानेन हरिं यजेत्
सुगन्धकुसुमैः शुभ्रैरुपचारैश्च सर्वशः ३४१

मूलम् - ३४१

विश्वास-प्रस्तुतिः - ३४२

रात्रौ जागरणं कुर्यात्पुराणं संहितां पठेत्
जागरेऽस्मिन्नशक्तश्चेद्दर्भानास्तीर्य वैष्णवः ३४२

मूलम् - ३४२

विश्वास-प्रस्तुतिः - ३४३

पुरतो वासुदेवस्य — स्वप्यात्समाहितः
ततः प्रभातसमये तुलसीमिश्रितैर्जलैः ३४३

मूलम् - ३४३

विश्वास-प्रस्तुतिः - ३४४

स्नात्वा सन्तर्प्य देवेशं तुल्यस्या मूलमन्त्रतः
द्वयेन वा विष्णुसूक्तैः कुर्य्यात्पुष्पाञ्जलीस्ततः ३४४

मूलम् - ३४४

विश्वास-प्रस्तुतिः - ३४५

तथैव जुहुयादाज्यं मन्त्रेणैव शतं ततः
पायसान्नं निवेद्येशे ब्राह्मणान् भोजयेत्ततः ३४५

मूलम् - ३४५

विश्वास-प्रस्तुतिः - ३४६

ध्यायन् कमलपत्राक्षं स्वयं भुञ्जीत वाग्यतः
अहःशेषं समानीय पुराणं वाचयन्बुधः ३४६

मूलम् - ३४६

६२९

विश्वास-प्रस्तुतिः - ३४७

सायाह्ने समनुप्राप्ते दोलायां पूजयेद्धरिम्
अभ्यर्च्य गन्धपुष्पाद्यैर्भक्ष्यैर्नानाविधैरपि ३४७

मूलम् - ३४७

विश्वास-प्रस्तुतिः - ३४८

ब्राह्मणस्य तु सूक्तैश्च शनैर्दोलां प्रचालयेत्
इतिहासपुराणाभ्यां गीतवाद्यैः प्रबन्धकैः ३४८

मूलम् - ३४८

विश्वास-प्रस्तुतिः - ३४९

एवं संपूजयेद्देवं तस्यां निशि समाहितः
मध्याह्ने पूजयेद्विष्णुं वैष्णवेन समाहितः ३४९

मूलम् - ३४९

विश्वास-प्रस्तुतिः - ३५०

चम्पकैः शतपत्रैश्च करवीरैः सितैरपि
वैष्णवेनैव मन्त्रेण पूजयेत्कमलापतिम् ३५०

मूलम् - ३५०

विश्वास-प्रस्तुतिः - ३५१

नकरीन्द्रेति सूक्तेन दद्यात्पुष्पाञ्जलिं हरेः
मन्त्रेणाष्टोत्तरशतं दद्यात्पुष्पाणि भक्तितः ३५१

मूलम् - ३५१

विश्वास-प्रस्तुतिः - ३५२

तथैव होमं कुर्वीत तिस्रौ व्रीहिभिरेव वा
सुदध्यन्नं फलयुतं नैवेद्यं विनिवेदयत् ३५२

मूलम् - ३५२

विश्वास-प्रस्तुतिः - ३५३

दीपैर्नीराजनं कृत्वा वैष्णवान् भोजयेत्ततः
मन्दवारे तु सायाह्ने तावत्सम्यगुपोषितः ३५३

मूलम् - ३५३

विश्वास-प्रस्तुतिः - ३५४

तिलैः स्नात्वा विधानेन सन्तर्प्य च सनातनम्
नृसिंहवपुषं देवं पूजयेत्तद्विधानतः ३५४

मूलम् - ३५४

विश्वास-प्रस्तुतिः - ३५५

मन्त्रराजेन गायत्र्या मूलमन्त्रेण वा यजेत्
अखण्डबिल्वपत्रैश्च जातिकुन्दैश्च यूथिकैः ३५५

मूलम् - ३५५

विश्वास-प्रस्तुतिः - ३५६

छन्नः पञ्चोशना शान्त्याः त्वमग्ने द्युभिरीति च
दद्यात्पुष्पाञ्जलिं भक्त्या मन्त्रेणैव शतं यथा ३५६

मूलम् - ३५६

विश्वास-प्रस्तुतिः - ३५७

आम्यामेबानुवाकाभ्यां प्रत्यृचं जुहुयाद् घृतम्
मन्त्रेणाष्टोत्तरशतं बिल्वपत्रैर्वृतान्वितैः ३५७

मूलम् - ३५७

विश्वास-प्रस्तुतिः - ३५८

वैकुण्ठपार्षदं हुत्वा होमशेषं समापयेत्
मधुशर्करसंयुक्तानपूपान्मोदकांस्तथा ३५८

मूलम् - ३५८

विश्वास-प्रस्तुतिः - ३५९

मण्डकान्विविधान्भक्ष्यान्सूपान्नं मधुमिश्रितम्
सुवासितं पानकञ्च नृसिंहाय समर्पयेत् ३५९

मूलम् - ३५९

र्

६३०

विश्वास-प्रस्तुतिः - ३६०

नृत्यं गीतं तथा वाद्यं कुर्वीत पुरतो हरेः
भोजयेच्च ततो विप्रान् नव सप्ताथ पञ्च वा ३६०

मूलम् - ३६०

विश्वास-प्रस्तुतिः - ३६१

हर्यर्पितहविष्यान्नं भुञ्जीयाद्वाग्यतः स्वयम्
ध्यायेन्नृसिंहं मनसा भूमौ स्वप्याज्जितेन्द्रियः ३६१

मूलम् - ३६१

विश्वास-प्रस्तुतिः - ३६२

एवं शनिदिने देवमभ्यर्च्य नरकेसरिम्
सर्वान् कामानवाप्नोति सोऽश्वमेधायुतं लभेत् ३६२

मूलम् - ३६२

विश्वास-प्रस्तुतिः - ३६३

षष्टिवर्षसहस्रं स पूजां प्राप्नोति केशवः
कुलकोटिं समुद्धृत्य वैकुण्ठपुरमाप्नुयात् ३६३

मूलम् - ३६३

विश्वास-प्रस्तुतिः - ३६४

प्रायश्चित्तमिदं गुह्यं पातकेषु महत्स्वपि
अपुत्रो लभते पुत्रमधनो धनमाप्नुयात् ३६४

मूलम् - ३६४

विश्वास-प्रस्तुतिः - ३६५

पक्षे पक्षे पौर्णमास्यामुदितेऽस्मिन्दिवाकरे
स्नात्वा संपूजयेद्विष्णुं वामनं देवमव्ययम् ३६५

मूलम् - ३६५

विश्वास-प्रस्तुतिः - ३६६

समासीनं महात्मानं तस्मिन् पूर्णन्दुमण्डले
सन्तर्पयेच्छुभजलैः कुसुमाक्षतमिश्रितैः ३६६

मूलम् - ३६६

विश्वास-प्रस्तुतिः - ३६७

तत्र मूलेन मन्त्रेण पूजयेत्परमेश्वरम्
तुलसीकुन्दकुसुमैरथ पुष्पाञ्जलिं चरेत् ३६७

मूलम् - ३६७

विश्वास-प्रस्तुतिः - ३६८

त्वं सोम इति सूक्तेन प्रत्यृच कुसुमैर्यजेत्
पश्चाद्धोमं प्रकुर्वीत पायसान्नं सशर्करम् ३६८

मूलम् - ३६८

विश्वास-प्रस्तुतिः - ३६९

मन्त्रेणाष्टोत्तरशतं सूक्तेन प्रत्यृचं तथा
अग्निसोमानुवाकेन समिद्भिः पिप्पलैर्यजेत् ३६९

मूलम् - ३६९

विश्वास-प्रस्तुतिः - ३७०

सहस्रनामभिः स्तुत्वा नमस्कृत्वा जनार्दनम्
वैष्णवान् भोजयेत्पश्चात्पायसान्नेन शक्तितः ३७०

मूलम् - ३७०

विश्वास-प्रस्तुतिः - ३७१

स्वयं भुक्त्वा हविः शेषं शयीत नियतेन्द्रियः
एवं संपूज्य देवेशं पौर्णमास्यां जनार्दनम् ३७१

मूलम् - ३७१

विश्वास-प्रस्तुतिः - ३७२

सर्वपापविनिर्मुक्तो विष्णु सायुज्यमाप्नुयात्
मघायामपि पूर्वाह्णे स्नात्वा कृष्णं जलैर्द्विजः ३७२

मूलम् - ३७२

६३१

विश्वास-प्रस्तुतिः - ३७३

सन्तर्प्य मूलमन्त्रेण तिलमिश्रितवारिभिः
तर्पयित्वा पितृन्देवानर्चयेदच्युतं ततः ३७३

मूलम् - ३७३

विश्वास-प्रस्तुतिः - ३७४

कृष्णैश्च तुलसीपत्रैः केतकैः कमलैरपि
शोणितैः करवीरैश्च जपाकुटजपाटलैः ३७४

मूलम् - ३७४

विश्वास-प्रस्तुतिः - ३७५

अस्य वामेति सूक्तेन दद्यात्पुष्पाञ्जलिं हरेः
मन्त्रेणाष्टोत्तरशतं कृष्णं श्रीतुलसीदलैः ३७५

मूलम् - ३७५

विश्वास-प्रस्तुतिः - ३७६

तथैव जुहुयादग्नौ तिलैः कृष्णैः सकर्शरैः
आज्येन पौरुषं सूक्तं प्रत्यृचं जुहुयात्ततः ३७६

मूलम् - ३७६

विश्वास-प्रस्तुतिः - ३७७

नारायणानुवाकेन उपस्थाय जनार्दनम्
सुसंयावैः सौहृदैश्च शाल्यन्नं विनिवेदयेत् ३७७

मूलम् - ३७७

विश्वास-प्रस्तुतिः - ३७८

वैष्णवान्भोजयेत्पश्चात्स्वयं भुञ्जीत वाग्यतः
तस्यां रात्रौ जपेन्मन्त्रमयुतं हरिसन्निधौ ३७८

मूलम् - ३७८

विश्वास-प्रस्तुतिः - ३७९

वैष्णवैरनुवाकैश्च दत्त्वा पुष्पाञ्जलिं ततः
पुरतो वासुदेवस्य भूमौ स्वप्यात्कुशोत्तरे ३७९

मूलम् - ३७९

विश्वास-प्रस्तुतिः - ३८०

एवं संपूज्य देवेशं मघायां वैष्णवोत्तमः
उद्धृत्य वंशजान् सर्वान् वैष्णवं पदमाप्नुयात् ३८०

मूलम् - ३८०

विश्वास-प्रस्तुतिः - ३८१

व्यतीपाते तु संप्राप्ते हयग्रीवं जनार्दनम्
पुष्पैश्च करवीरैश्च पुण्डरीकैः समर्च्चयेत् ३८१

मूलम् - ३८१

विश्वास-प्रस्तुतिः - ३८२

योरयीत्यनुवाकेन प्रत्यृचं वै यजेद्बुधः
मन्त्रेण च शतं दत्त्वा पश्चाद्धोमं समाचरेत् ३८२

मूलम् - ३८२

विश्वास-प्रस्तुतिः - ३८३

यवैश्च तण्डुलैर्वाऽपि तिलैः पुष्पैरमापि वा
मन्त्रेणाष्टोत्तरशतं जुहुयाद्वैष्णवोत्तमः ३८३

मूलम् - ३८३

विश्वास-प्रस्तुतिः - ३८४

अभूदेकाद्यष्टसूक्तैः प्रत्यृचं जुहुयाच्चरुम्
शेषं निवेद्य हरये संप्राश्याऽऽचमनं चरेत् ३८४

मूलम् - ३८४

विश्वास-प्रस्तुतिः - ३८५

सहस्रशीर्षसूक्तेन उपस्थाय जनार्दनम्
शाल्योदनं सूपयुतं विविधैश्च फलैरपि ३८५

मूलम् - ३८५

र्

६३२

गवाज्येन युतं दत्त्वा दीपैर्नीराजयेत्ततः ३८६

विश्वास-प्रस्तुतिः - ३८७

ब्राह्मणान् भोजयेत्पश्चाद्दक्षिणाभिश्च तोषयेत्
हविष्यन्तु स्वयं भुक्त्वा भूमौ स्वप्याज्जितेन्द्रियः ३८७

मूलम् - ३८७

विश्वास-प्रस्तुतिः - ३८८

एवं संपूज्य देवेशं व्यतीपाते सनातनम्
दशवर्षसहस्रस्य पूजायाः फलनाप्नुयात् ३८८

मूलम् - ३८८

विश्वास-प्रस्तुतिः - ३८९

ग्रहणे रविसंक्रान्तौ वराहवपुषं हरिम्
कुमुदैरुज्वलैः पद्मैस्तुलसीभिः कुरन्दकैः ३८९

मूलम् - ३८९

विश्वास-प्रस्तुतिः - ३९०

अर्चयेद्भूधरं देवं तन्मन्त्रेणैव वैष्णवः
दूरादिहेति सूक्तेन दद्यात्पुष्पाञ्जलिं द्विजः ३९०

मूलम् - ३९०

विश्वास-प्रस्तुतिः - ३९१

मन्त्रेण च सहस्रं तु शतं वाऽपि यजेत्तदा
तिलैश्च जुहुयात्तद्वत् सूक्तेन प्रत्यृचं घृतम् ३९१

मूलम् - ३९१

विश्वास-प्रस्तुतिः - ३९२

सूपान्नं कृसरान्नं च भक्ष्यापूपान्घृतप्लुतान्
नैवेद्यं विनिवेद्येशे ब्राह्मणान्भोजयेत्ततः ३९२

मूलम् - ३९२

विश्वास-प्रस्तुतिः - ३९३

एवं संपूज्य देवेशं संक्रान्तौ ग्रहणे हरिम्
कल्पकोटिसहस्राणि विष्णुलोके महीयते ३९३

मूलम् - ३९३

विश्वास-प्रस्तुतिः - ३९४

वैशाखे पूजयेद्रामं काकुत्स्थं पुरुषोत्तमम्
सीतालक्ष्मणसंयुक्तं मध्याह्ने पूजयेद्विभुम् ३९४

मूलम् - ३९४

विश्वास-प्रस्तुतिः - ३९५

पुन्नागकेतकीपद्मैरुत्पलैः करवीरकैः
चाम्पेयैबकुलैः पूजां षडर्णनैव कारयेत् ३९५

मूलम् - ३९५

विश्वास-प्रस्तुतिः - ३९६

जातये वातिसूक्तेन कुर्यात्पुष्पाञ्जलिं ततः
संक्षेपेण शतश्लोक्यां प्रतिश्लोकं यजेत्ततः ३९६

मूलम् - ३९६

विश्वास-प्रस्तुतिः - ३९७

पुष्पाञ्जलिं सहस्रं तु मन्त्रेणैव यजेत्ततः
त्वमग्न इति सूक्तेन पायसं जुहुयादृचा ३९७

मूलम् - ३९७

विश्वास-प्रस्तुतिः - ३९८

पश्चान्मत्रेणाऽऽज्यहोमो नैवेद्यं पायसं घृतम्
कदलीफलं शर्करां च पानकं च निवेदयेत् ३९८

मूलम् - ३९८

पञ्च सप्त त्रयो वाऽपि पूजनीया द्विजोत्तमाः

६३३

सुहृद्यैरन्नपानाद्यैर्गोहिण्यादिदक्षिणैः ३९९

विश्वास-प्रस्तुतिः - ४००

हविष्यान्नं स्वयं भुक्त्वा पठेद्रामायणं नरः
एवं संपूज्य विधिवद्राघवं जानकीयुतम् ४००

मूलम् - ४००

विश्वास-प्रस्तुतिः - ४०१

भुक्त्वा भोगान् मनोरम्यान् विष्णुलोके महीयते
लक्ष्मीनारायणं देवं भार्गवे वासरे निशि ४०१

मूलम् - ४०१

विश्वास-प्रस्तुतिः - ४०२

अखण्डबिल्वपत्रैश्च तुलसीकोमलैर्दलैः
अर्चयेन्मन्त्ररत्नेन वामाङ्कस्थश्रिया सह ४०२

मूलम् - ४०२

विश्वास-प्रस्तुतिः - ४०३

चन्दनं कुङ्कुमोपेतङ्कस्तूर्या च समर्चयेत्
श्रीसूक्तपुरुषसूक्ताभ्यां दद्यात्पुष्पाञ्जलिं ततः ४०३

मूलम् - ४०३

विश्वास-प्रस्तुतिः - ४०४

मन्त्रद्वयेन पुष्पाणां सहस्रं च निवेदयेत्
त्वमग्न इति सूक्तेन प्रत्यृचं कुसुमान् यजेत् ४०४

मूलम् - ४०४

विश्वास-प्रस्तुतिः - ४०५

अखण्डबिल्वपत्रैर्वा पद्मपत्रैर्घृतेन वा
श्रीसूक्तपुरुषसूक्ताभ्यां प्रत्यृचं जुहुयात्ततः ४०५

मूलम् - ४०५

विश्वास-प्रस्तुतिः - ४०६

अग्निं न वेति सूक्तेन तिलैर्व्रीहिभिरेव वा
मन्त्ररत्नेन जुहुयात्सुगन्धकुसुमैः शतम् ४०६

मूलम् - ४०६

विश्वास-प्रस्तुतिः - ४०७

मण्डकान् क्षीरसंयुक्तान्पायसान्नं सशर्करम्
शाल्यन्नं पृषदाज्यं च भक्त्यास्मै विनिवेदयेत् ४०७

मूलम् - ४०७

विश्वास-प्रस्तुतिः - ४०८

अभ्यर्च्य विप्रमिथुनान् वासोऽलङ्कारभूषणैः
भोजयित्वा यथाशक्त्या पश्चाद्भुञ्जीत वाग्यतः ४०८

मूलम् - ४०८

विश्वास-प्रस्तुतिः - ४०९

मन्वन्तरशतं विष्णुं दुग्धाब्धौ हेमपङ्कजैः
संपूज्य यदवाप्नोति तत्फलं भृगुवासरे ४०९

मूलम् - ४०९

विश्वास-प्रस्तुतिः - ४१०

एवं संपूज्यमानस्तु तस्मिन्नहनि वैष्णवैः
लक्ष्म्या सह हरिः साक्षात्प्रत्यक्षं तत्क्षणाद्भवेत् ४१०

मूलम् - ४१०

कृष्णाष्टम्यां चतुर्दश्यां सायंसन्ध्यासमागमे

विश्वास-प्रस्तुतिः - ४११

गोपालपुरुषं कृष्णमर्चयेच्छ्रद्धयाऽन्वितः
मल्लिकामालतीकुन्दयूथी कुटजकेतकैः ४११

मूलम् - ४११

र्

६३४

विश्वास-प्रस्तुतिः - ४१२

लोध्रनीपार्जुनैर्नागैः कर्णिकारैः कदम्बकैः
कोविदारैः करवीरैर्बिल्वरास्फोटकैरपि ४१२

मूलम् - ४१२

विश्वास-प्रस्तुतिः - ४१३

दशाक्षरेण मन्त्रेण पूजयेत्पुरुषोत्तमम्
ये त्रिंशतीति सूक्तेन दद्यात्पुष्पाञ्जलिं ततः ४१३

मूलम् - ४१३

विश्वास-प्रस्तुतिः - ४१४

श्रीकृष्णं तुलसीपत्रैः प्रत्यृचं पूजयेद्विभुम्
श्रीकृष्णाय नम इति सूक्तेनाष्टोत्तरं शतम् ४१४

मूलम् - ४१४

विश्वास-प्रस्तुतिः - ४१५

पूजयित्वाऽथ होमन्तु तिलैः कृष्णैर्घृतान्वितैः
प्रत्यृचं वैष्णवैः सूक्तैर्जुहुयात्पुरुषोत्तमम् ४१५

मूलम् - ४१५

विश्वास-प्रस्तुतिः - ४१६

समिद्भिः पिप्पलैश्चापि मन्त्रेणाष्टोत्तरं शतम्
नामभिः केशवाद्यैश्च चरुं पश्चाद्धृतप्लुतम् ४१६

मूलम् - ४१६

विश्वास-प्रस्तुतिः - ४१७

वैष्णव्या चैव गायत्र्या पृषदाज्यं शतं तथा
गुडोदनं सर्पिषाऽक्तं भक्ष्याणि विविधानि च ४१७

मूलम् - ४१७

विश्वास-प्रस्तुतिः - ४१८

क्षीरान्नं शर्करोपेतं नैवेद्यञ्च समर्पयेत्
वैष्णवान्भोजयेत्पश्चात्स्वयं भुञ्जीत वाग्यतः ४१८

मूलम् - ४१८

विश्वास-प्रस्तुतिः - ४१९

एवमभ्यर्च्य गोविन्दं कृष्णाष्टम्यां विधानतः
सर्वपापविनिर्मुक्तो विष्णुसायुज्यमाप्नुयात् ४१९

मूलम् - ४१९

विश्वास-प्रस्तुतिः - ४२०

द्वयोरप्यनयोः श्रीशं कूर्मरूपं समर्च्चयेत्
ससागरां महीं सर्व्वां लभते नात्र संशयः ४२०

मूलम् - ४२०

विश्वास-प्रस्तुतिः - ४२१

अर्चयेन्मूलमन्त्रेण गन्धपुष्पाक्षतादिभिः
अर्च्चयित्वा विधानेन हविष्यं व्यञ्जनैर्युतम् ४२१

मूलम् - ४२१

विश्वास-प्रस्तुतिः - ४२२

सुदीर्घयन्त्रजान्सूपघृतमिश्रान्निवेदयेत्
अहं पूर्वेति सूक्तेन कुर्यात्पुष्पाञ्जलिं ततः ४२२

मूलम् - ४२२

विश्वास-प्रस्तुतिः - ४२३

सहस्रं मूलमन्त्रेण पूजयेत्तुलसीदलैः
तिलमिश्रैश्च पृथुकैर्जुहुयाद्धव्यवाहने ४२३

मूलम् - ४२३

विश्वास-प्रस्तुतिः - ४२४

प्रयद्व इति सूक्ताभ्यां नासदासीत्यनेन च
मन्त्रेणाऽऽज्यं सहस्रन्तु जुहुयाद्वैष्णवोत्तमः ४२४

मूलम् - ४२४

६३५

विश्वास-प्रस्तुतिः - ४२५

भोजयेद्वैष्णवान्भक्त्या विशेषेणार्च्चयेद्गुरुम्
कौर्मे तु शतवर्षन्तु समभ्यर्च्य विधानतः ४२५

मूलम् - ४२५

विश्वास-प्रस्तुतिः - ४२६

अत्राप्यर्चनमात्रेण तत्फलं समवाप्नुयात्
मधुशुक्लप्रतिपदि केशवं पूजयेद्द्विजः ४२६

मूलम् - ४२६

विश्वास-प्रस्तुतिः - ४२७

स्नात्वा मध्याह्नसमये करवीरैः सुगन्धिभिः
अग्निमील इत्याद्येन प्रत्यृचं कुसुमैर्यजेत् ४२७

मूलम् - ४२७

विश्वास-प्रस्तुतिः - ४२८

मन्त्ररत्नेन वाऽभ्यर्च्य चरुपायसहोमकृत्
ईले द्यावेति सूक्तेन यदिन्द्राग्नीत्यनेन च ४२८

मूलम् - ४२८

विश्वास-प्रस्तुतिः - ४२९

विष्णुसूक्तैश्च जुहुयाद्गायत्र्या विष्णुसंज्ञया
अपूपान्कटकाकारान्शाल्यन्नं घृतसंयुतम् ४२९

मूलम् - ४२९

विश्वास-प्रस्तुतिः - ४३०

फलैश्च भक्ष्यभोज्यैश्च नैवेद्यं विनिवेदयेत्
भोजयेद्ब्राह्मणान्शक्त्या दक्षिणाभिः प्रपूजयेत् ४३०

मूलम् - ४३०

विश्वास-प्रस्तुतिः - ४३१

साग्रं सम्वत्सरं तत्र सम्यक् संपूजयेद्धरिम्
सर्वान् कामानवाप्नोति हयमेधायुतं लभेत् ४३१

मूलम् - ४३१

विश्वास-प्रस्तुतिः - ४३२

तस्मिन्नवम्यां शुक्ले तु नक्षत्रेऽदितिदैवते
तत्र जातो जगन्नाथो राघवः पुरुषोत्तमः ४३२

मूलम् - ४३२

विश्वास-प्रस्तुतिः - ४३३

तस्मिन्नुपोष्य मध्याह्ने स्नात्वा सन्ध्यां विधानतः
तर्पयित्वा पितॄन् देवानर्चयेद्राघवं हरिम् ४३३

मूलम् - ४३३

षडक्षरेण मन्त्रेण गन्धमाल्यानुलेपनैः

विश्वास-प्रस्तुतिः - ४३४

अभ्यर्च्य जगतामीशं जपेन्मन्त्रं समाहितः
शान्तिं शास्त्रं पुराणञ्च नाम्नां विष्णोः सहस्रकम् ४३४

मूलम् - ४३४

विश्वास-प्रस्तुतिः - ४३५

पावमानैर्विष्णुसूक्तैः कुर्यात्पुष्पाञ्जलिं ततः
रामायणशतश्लोक्या दद्यात्पुष्पाणि वैष्णवः ४३५

मूलम् - ४३५

विश्वास-प्रस्तुतिः - ४३६

सशर्करं पायसान्नं कपिलाघृतसंयुतम्
रम्भाफलं पानकञ्च नैवेद्यं विनिवेदयेत् ४३६

मूलम् - ४३६

विश्वास-प्रस्तुतिः - ६३६

पीतानि नागपर्णानि स्निग्धपूगीफलानि च
र्

६३६

मूलम् - ६३६

पीतानि नागपर्णानि स्निग्धपूगीफलानि च
र्

६३६

कर्पूरेण च संयुक्तं ताम्बूलञ्च समर्पयेत् ४३७

विश्वास-प्रस्तुतिः - ४३८

दीपान्नीराजयेद्भक्त्या नमस्कृत्य पुनः पुनः
प्रीतये रघुनाथस्य कुर्याद्दानानि शक्तितः ४३८

मूलम् - ४३८

विश्वास-प्रस्तुतिः - ४३९

षडक्षरेण साहस्रं तिलैर्वा पायसेन वा
कमलैर्बिल्वपत्रैर्वा घृतेन जुहुयात्ततः ४३९

मूलम् - ४३९

विश्वास-प्रस्तुतिः - ४४०

अस्य वामेति सूक्तेन समिद्भिः पिप्पलस्य तु
वैकुण्ठपार्षदं हुत्वा होमशेषं समापयेत् ४४०

मूलम् - ४४०

विश्वास-प्रस्तुतिः - ४४१

रात्रौ जागरणं कुर्यात् द्वित्रियामं समर्चयेत्
प्रभाते विमले चापि ततो भरतजन्मनि ४४१

मूलम् - ४४१

विश्वास-प्रस्तुतिः - ४४२

तृतीयेऽहनि मध्याह्ने सौमित्रेर्जन्मवासरे
सानुजं जगतामीशमर्चयेत्पूर्ववद्द्विजः ४४२

मूलम् - ४४२

विश्वास-प्रस्तुतिः - ४४३

पूजां पुष्पाञ्जलिं होमं जपं ब्राह्मणभोजनम्
अविच्छिन्नं तथा कुर्यादग्निहोत्रं त्रिवासरम् ४४३

मूलम् - ४४३

विश्वास-प्रस्तुतिः - ४४४

एवं त्रिरात्रं कुर्वीत राघवाणां विधानतः
महोत्सवं जन्मभेषु प्रत्यब्दं चैत्रमासिके ४४४

मूलम् - ४४४

विश्वास-प्रस्तुतिः - ४४५

चतुर्थेऽह्नि तथा नद्यां कुर्यादवभृथं द्विजः
वैष्णवैरनुवाकैश्च रामनामभिरेव च ४४५

मूलम् - ४४५

विश्वास-प्रस्तुतिः - ४४६

चरितं रघुनाथस्य जपन्नवभृतं चरेत्
देवान् पितृंश्च सन्तर्प्य गृहं गत्वाऽर्च्चयेत्प्रभुम् ४४६

मूलम् - ४४६

विश्वास-प्रस्तुतिः - ४४७

कुर्यादवभृथेष्टिञ्च चरुणा पायसेन वा
अस्य वामेति सूक्तेन परोमात्रेत्यनेन च ४४७

मूलम् - ४४७

विश्वास-प्रस्तुतिः - ४४८

प्रत्यृचं जुहुयात्पश्चान्मन्त्रेण शतसंख्यया
हुत्वा समाप्य होमन्तु शेषं सम्प्राशयेच्चरुम् ४४८

मूलम् - ४४८

विश्वास-प्रस्तुतिः - ४४९

आचम्य पूजयेद्देवं वैष्णवान् भोजयेत्ततः
स्वयं भुञ्जीत तद्रात्रावधःशायी समाहितः ४४९

मूलम् - ४४९

एवं द्वादशभिः पूज्यश्चैत्रे नावमिके तथा

६३७

षष्टिवर्षसहस्राणि श्वेतद्वीपनिवासिनम् ४५०

विश्वास-प्रस्तुतिः - ४५१

संपूज्य यदवाप्नोति तदेवात्र समश्नुते
यज्ञायुतशतं लब्ध्वा विष्णुलोके महीयते ४५१

मूलम् - ४५१

विश्वास-प्रस्तुतिः - ४५२

तस्यैव पौर्णमास्याञ्च शीतांशो रुदये तथा
स्नात्वा संपूजयेद्देवं माधवं रमया सह ४५२

मूलम् - ४५२

विश्वास-प्रस्तुतिः - ४५३

शुद्धजाम्बूनदप्रख्यं कन्दर्पशतसन्निभम्
लक्ष्म्या सह समासीनं विमले हेमपङ्कजे ४५३

मूलम् - ४५३

विश्वास-प्रस्तुतिः - ४५४

चन्दनेन सुगन्धेन करवीराब्जपङ्कजैः
कर्पूरकुङ्कुमोपेतचन्दनेन च पूजयेत् ४५४

मूलम् - ४५४

विश्वास-प्रस्तुतिः - ४५५

तन्मन्त्रमन्त्ररत्नाभ्यां माधवं विधिना यजेत्
मण्डकान् क्षीरसंयुक्तान्शाल्यन्नं घृतसंयुतम् ४५५

मूलम् - ४५५

विश्वास-प्रस्तुतिः - ४५६

कृष्णरम्भाफलैर्जुष्टं नैवेद्यं विनिवेदयेत्
अस जीवत्व इत्यादि षट्सूक्तैः कुसुमैर्यजेत् ४५६

मूलम् - ४५६

विश्वास-प्रस्तुतिः - ४५७

मन्त्रेणाष्टोत्तरशतं कोमलैस्तुलसीदलैः
संपूज्य होमं कुर्वीत साज्येन चरुणा ततः ४५७

मूलम् - ४५७

विश्वास-प्रस्तुतिः - ४५८

विहीभोतोरित्यतेन सूक्तेन प्रत्यृचं द्विजः
कमलैर्बिल्वपत्रैर्वा मन्नेणाष्टोत्तरं शतम् ४५८

मूलम् - ४५८

विश्वास-प्रस्तुतिः - ४५९

हुत्वाऽथ पौरुषं सूक्तं श्रीसूक्तं जुहुयाद्द्विजः
सहस्रनामभिः स्तुत्वा वैष्णवान् भोजयेत्ततः ४५९

मूलम् - ४५९

विश्वास-प्रस्तुतिः - ४६०

हुतशेषं स्वयं भुक्त्वा भूमौ स्वप्याज्जितेन्द्रियः
एवं संपूज्य देवेशं माधव्यां मधुसूदनः ४६०

मूलम् - ४६०

विश्वास-प्रस्तुतिः - ४६१

सर्वान् कामानवाप्नोति हरिसायुज्यमाप्नुयात्
वैशाख्यां पौर्णमास्यान्तु मध्याह्ने पुरुषोत्तमम् ४६१

मूलम् - ४६१

विश्वास-प्रस्तुतिः - ४६२

अर्च्चयेद्रक्तकमलैरुत्पलैः पाटलैरपि
ह्रीवेरकरवीरैश्च गायत्र्या विष्णुसंज्ञया ४६२

मूलम् - ४६२

विश्वास-प्रस्तुतिः - ६३८

दध्यन्नं फलसंयुक्तं पायसञ्च निवेदयेत्
र्

६३८

मूलम् - ६३८

दध्यन्नं फलसंयुक्तं पायसञ्च निवेदयेत्
र्

६३८

प्रत्यृचं चेद्दिवं सूक्तैः प्रत्यृचं जुहुयात्ततः ४६३

विश्वास-प्रस्तुतिः - ४६४

सौराष्ट्रे द्रेति सूक्तेन दीपैर्नीराजयेत्ततः
शक्त्या विप्रान्भोजयित्वा पूजयेद्देशिकं तथा ४६४

मूलम् - ४६४

विश्वास-प्रस्तुतिः - ४६५

तस्मिन् सम्पूजितो देवः प्रत्यक्षस्तत्क्षणाद्भवेत्
शयने भोजयेद्विष्णुं पूजयेच्छ्रद्धयाऽन्वितः ४६५

मूलम् - ४६५

विश्वास-प्रस्तुतिः - ४६६

कुशप्रसूनदूर्व्वाग्रपुण्डरीककदम्बकैः
मूलमन्त्रेण श्रीविष्णुं गायत्र्या च समर्च्चयेत् ४६६

मूलम् - ४६६

विश्वास-प्रस्तुतिः - ४६७

सत्येनोत्तमसूक्तेन ऋग्भिः पुष्पाञ्जलिं यजेत्
मन्त्रेणाष्टोत्तरशतं तुलसीपल्लवैस्तथा ४६७

मूलम् - ४६७

विश्वास-प्रस्तुतिः - ४६८

पश्चाद्धोमं प्रकुर्व्वीत विष्णुसूक्तैः सुपायसम्
मन्त्ररत्नेन जुहुयादाज्यमष्टोत्तरं शतम् ४६८

मूलम् - ४६८

विश्वास-प्रस्तुतिः - ४६९

सशर्करं पायसान्नमपूपान्विनिवेदयेत्
विश्वजितेति सूक्तेन कुर्य्यान्नीराजनं ततः ४६९

मूलम् - ४६९

विश्वास-प्रस्तुतिः - ४७०

भोजयेद्वैष्णवान् विप्रान् पूजयेच्च विशेषतः
सर्व्वान् कामानवाप्नोति हयमेधायुतं लभेत् ४७०

मूलम् - ४७०

विश्वास-प्रस्तुतिः - ४७१

प्राजापत्यर्क्षसंयुक्ता नभःकृष्णाष्टमी यदा
नभस्यैव भवेत्सातु जयन्ती परिकीर्तिता ४७१

मूलम् - ४७१

विश्वास-प्रस्तुतिः - ४७२

तस्यां जातो जगन्नाथः केशवः कंसमर्दनः
तस्मिन्नुपोष्य विधिवत्सर्वपापैः प्रमुच्यते ४७२

मूलम् - ४७२

अष्टमी रोहिणीयोगो मुहूर्ते वा दिवानिशम्

विश्वास-प्रस्तुतिः - ४७३

मुख्यकाल इतिख्यातस्तत्र जातः स्वयं हरिः
मासद्वये यद्यलाभे योगे तस्मिन् दिवा निशि ४७३

मूलम् - ४७३

विश्वास-प्रस्तुतिः - ४७४

नवमी रोहिणीयोगः कर्तव्यो वैष्णवैर्द्विजैः
रात्रियोगस्तु बलवान् तस्यां जातो जनार्दनः ४७४

मूलम् - ४७४

विश्वास-प्रस्तुतिः - ४७५

तिलेन वै भवान्ते च पारणा यत्र चोच्यते
यामत्रयवियुक्तायां प्रातरेव हि पारणा ४७५

मूलम् - ४७५

६३९

विश्वास-प्रस्तुतिः - ४७६

पूर्वेद्युर्नियमं कुर्य्याद्दन्तधावनपूर्वकम्
प्रातः स्नात्वा विधानेन पूजयेत्कृष्णमव्ययम् ४७६

मूलम् - ४७६

विश्वास-प्रस्तुतिः - ४७७

षडक्षरेण मन्त्रेण बालकृष्णतनुं हरिम्
सुकृष्णतुलसीपत्रैरर्चयेच्छ्रद्धयाऽन्वितः ४७७

मूलम् - ४७७

विश्वास-प्रस्तुतिः - ४७८

दुग्धं क्षीरं शर्कराञ्च नवनीतं निवेदयेत्
सहस्रमयुतं वाऽपि जपेन्मन्त्रं षडक्षरम् ४७८

मूलम् - ४७८

विश्वास-प्रस्तुतिः - ४७९

गवाज्यं जुहुयाद्वह्नौ कृष्णमन्त्रेण पायसम्
सहस्रं शतवारं वा प्रत्यृचं विष्णु सूक्तकैः ४७९

मूलम् - ४७९

विश्वास-प्रस्तुतिः - ४८०

हुत्वा सुगन्धिपुष्पाणि तैरेव च समर्चयेत्
सहस्रनाम्नां गीतानां पठनं गुरुपूजनम् ४८०

मूलम् - ४८०

विश्वास-प्रस्तुतिः - ४८१

वैष्णवान् भोजयेच्छक्त्या हुतशेषं सकृत्स्वयम्
हुत्वा कुशोत्तरे स्वप्याद्भूमौ नियमवान् शुचिः ४८१

मूलम् - ४८१

विश्वास-प्रस्तुतिः - ४८२

परेऽह्नु पोष्य विधिवत्स्नात्वा नद्यां विधानतः
तर्पयित्वा जगन्नाथं पितॄन्देवांश्च तर्पयेत् ४८२

मूलम् - ४८२

पूर्ववत्पूजयित्वेशं जपहोमादिकं चरेत् ४८३

विश्वास-प्रस्तुतिः - ४८४

अवैष्णवं द्विजं तस्मिन्वाङ्मात्रेणापि वार्च्चयेत्
पुराणादिप्रपाठेन रात्रौ जागरणं चरेत् ४८४

मूलम् - ४८४

विश्वास-प्रस्तुतिः - ४८५

शीतांशावुदिते स्नात्वा शुक्लाम्बरधरः शुचिः
नवो नवो भवतीत्यृचाऽर्घ्यं विनिवेदयेत् ४८५

मूलम् - ४८५

विश्वास-प्रस्तुतिः - ४८६

अर्चयेन्मातुरुत्सङ्गे स्थितं कृष्णं सनातनम्
तुलसीगन्धपुष्पैश्च कस्तूरीचन्द्रचन्दनैः ४८६

मूलम् - ४८६

विश्वास-प्रस्तुतिः - ४८७

षडक्षरेण मन्त्रेण भक्त्या सम्पूजयेद्धरिम्
वसुदेवं नन्दगोपं बलभद्रञ्च रोहिणीम् ४८७

मूलम् - ४८७

विश्वास-प्रस्तुतिः - ४८८

यशोदां च सुभद्रां च मायां दिक्षु प्रपूजयेत्
प्रह्लादादीन् वैष्णवांश्च तथा लोकेश्वरानपि ४८८

मूलम् - ४८८

विश्वास-प्रस्तुतिः - ६४०

धूपं दीपञ्च नैवेद्यं ताम्बूलञ्च समर्पयेत्
र्

६४०

मूलम् - ६४०

धूपं दीपञ्च नैवेद्यं ताम्बूलञ्च समर्पयेत्
र्

६४०

अनूनमिति सूक्तेन भक्त्या नीराजनं तथा ४८९

विश्वास-प्रस्तुतिः - ४९०

शन्न इत्यादिसूक्तैश्च दद्यात्पुष्पाणि वैष्णवः
दशाक्षरेण मन्त्रेण पूजयेत्पुरुषोत्तमम् ४९०

मूलम् - ४९०

विश्वास-प्रस्तुतिः - ४९१

सहस्रनामभिः स्तुत्वा शय्यायां विनिवेशयेत्
गीतं नृत्यञ्च वाद्यञ्च यथा शक्त्या च कारयेत् ४९१

मूलम् - ४९१

विश्वास-प्रस्तुतिः - ४९२

ततः प्रभातसमये सन्ध्यामन्वास्य वैष्णवः
दशाक्षरेण मन्त्रेण तुलसीचन्दनादिभिः ४९२

मूलम् - ४९२

विश्वास-प्रस्तुतिः - ४९३

सम्पूज्य वैष्णवैः सूक्तैः कुर्य्यात् पुष्पाञ्जलिं ततः
मन्त्रेण जुहुयादाज्यं सहस्रं हव्यवाहने ४९३

मूलम् - ४९३

विश्वास-प्रस्तुतिः - ४९४

ममाग्र इति सूक्ताभ्यां जुहुयात्पायसं ततः
परोमात्रेति सूक्तेन चरुं तिलविमिश्रितम् ४९४

मूलम् - ४९४

विश्वास-प्रस्तुतिः - ४९५

सर्वैश्च भगवन्मन्त्रैरेकैकामाहुतिं यजेत्
नामभिः केशवाद्यैश्च तथा सङ्कर्षणादिभिः ४९५

मूलम् - ४९५

विश्वास-प्रस्तुतिः - ४९६

वैकुण्ठपार्षदं हुत्वा होमशेषं समापयेत्
ततो मङ्गलवादित्रैर्यानैर्योक्त्रैश्च चामरैः ४९६

मूलम् - ४९६

विश्वास-प्रस्तुतिः - ४९७

लाजैर्हरिद्राचूर्णैश्च गन्धैः पुष्पैः सुगन्धिभिः
मुदा बिकीरयन् सर्वे बालवृद्धाश्च मध्यमाः ४९७

मूलम् - ४९७

विश्वास-प्रस्तुतिः - ४९८

नार्य्यश्च रमणैः सार्द्धं सुवासिन्यश्च योषितः
आरोप्य शिविकायान्तु देवकीनन्दनं हरिम् ४९८

मूलम् - ४९८

विश्वास-प्रस्तुतिः - ४९९

अकर्दमां नदीं रम्यां तडागं वा मनोरहम्
गच्छेयुर्ग्राहशैवालजलौकादिविवर्जितम् ४९९

मूलम् - ४९९

विश्वास-प्रस्तुतिः - ५००

कुर्य्यादवभृथं तत्र पावमान्यैः पवित्रकैः
विष्णुसूक्तैश्च सुस्नात्वा देवान्पितॄंश्च तर्पयेत् ५००

मूलम् - ५००

विश्वास-प्रस्तुतिः - ५०१

विचित्राणि च भक्ष्याणि दद्यात्तत्र शुभान्वितः
गृहं गत्वा तथैवेशं पूर्ववत्पूजयेद्द्विजः ५०१

मूलम् - ५०१

भोजयित्वा ततो विप्रान् दक्षिणाभिश्च तोषयेत्

६४१

हिरण्यवस्त्राभरणैराचार्यं पूजयेत्तु सः ५०२

विश्वास-प्रस्तुतिः - ५०३

स्वयञ्च पारणां कुर्य्यात्पुत्रपौत्रसमन्वितः
सायाह्ने समनुप्राप्ते दोलायामर्च्चयेद्धरिम् ५०३

मूलम् - ५०३

विश्वास-प्रस्तुतिः - ५०४

चतुः स्तम्भां चतुर्धामवितानाद्यैरलङ्कृताम्
धूपैर्दीपैश्चैव रम्यां दोलां सम्पूजयेद्द्विजः ५०४

मूलम् - ५०४

विश्वास-प्रस्तुतिः - ५०५

स्तम्भेषु वेदान् मन्त्रांश्च धामस्वभ्यर्च्य कच्छपम्
पादेष्वाशागजान् पीठे सप्तच्छन्दांसि चाऽऽस्तरे ५०५

मूलम् - ५०५

विश्वास-प्रस्तुतिः - ५०६

प्रणवञ्चाऽऽतपत्रे तु शेषं केतौ खगेश्वरम्
इतिहासपुराणानि सर्वतः परिपूजयेत् ५०६

मूलम् - ५०६

विश्वास-प्रस्तुतिः - ५०७

तस्यां निवेश्य दोलायां वासुदेवं श्रियः पतिम्
उपचारैरर्चयित्वा शनैर्दोलाञ्च दोलयेत् ५०७

मूलम् - ५०७

विश्वास-प्रस्तुतिः - ५०८

वेदाद्यैर्ब्रह्मणस्पत्यैः सूक्तैरङ्गैर्द्विजोत्तमः
सामगानैः प्रबन्धैश्च गायन्कृष्णं जगद्गुरुम् ५०८

मूलम् - ५०८

विश्वास-प्रस्तुतिः - ५०९

सुवासिन्यो दोलयित्वा वैष्णवान्पूजयेत्ततः
एवं संपूज्य देवेशं पापैर्मुक्तो हरिं व्रजेत् ५०९

मूलम् - ५०९

विश्वास-प्रस्तुतिः - ५१०

दोलायां दर्शनं विष्णोर्महापातकनाशमम्
कोटियागानुजं पुण्यं लभते नात्र संशयः ५१०

मूलम् - ५१०

विश्वास-प्रस्तुतिः - ५११

शिवब्रह्मादयो देवा नारदाद्या महर्षयः
दोलायां दर्शनार्थं वै प्रयान्त्यनुचरैः सह ५११

मूलम् - ५११

विश्वास-प्रस्तुतिः - ५१२

गन्धर्वाप्सरसः सर्वा विमानस्थाः सकिन्नराः
गायन्ति सामगानैश्च दोलायमर्चितं हरिम् ५१२

मूलम् - ५१२

विश्वास-प्रस्तुतिः - ५१३

गवाज्यसंयुतैर्दीपैर्भक्त्या नीराजनं चरेत्
मरुत्व इन्द्रसूक्तेन मङ्गलाशीर्भिरेव च ५१३

मूलम् - ५१३

विश्वास-प्रस्तुतिः - ५१४

ताम्बूलफलपुष्पाद्यैर्वैष्णवान्भोजयेत्ततः
आशिषोवाचनं कृत्वा नमस्कृत्वा विसर्जयेत् ५१४

मूलम् - ५१४

विश्वास-प्रस्तुतिः - ६४२

एवं संपूज्य देवेशं जयन्त्यां मधुसूदनम्
र्

६४२

मूलम् - ६४२

एवं संपूज्य देवेशं जयन्त्यां मधुसूदनम्
र्

६४२

सर्वां ल्लोकान् जपेत्त्वाशु याति विष्णोः परं पदम् ५१५

विश्वास-प्रस्तुतिः - ५१६

मासि भाद्रपदे शुक्ले द्वादश्यां विष्णुदैवते
आदित्यामुदभूद्विष्णुरुपेन्द्रो वामनोऽव्ययः ५१६

मूलम् - ५१६

विश्वास-प्रस्तुतिः - ५१७

तस्यां स्नानोपवासाद्यमक्षय्यं परिकीर्तितम्
श्रीकृष्णजन्मवत्सर्वं कुर्यादत्रापि वैष्णवः ५१७

मूलम् - ५१७

सर्वान्कामानवाप्नोति विष्णुसायुज्यमाप्नुयात् ५१८

विश्वास-प्रस्तुतिः - ५१९

माघमासे तु सप्तम्या मुदिते चैव भास्करे
स्नात्वा नद्यां विधानेन पूजयेत्पुरुषोत्तमम् ५१९

मूलम् - ५१९

विश्वास-प्रस्तुतिः - ५२०

रक्तैश्च करवीरैश्च कुमुदेन्दीवरादिभिः
मन्त्ररत्नेनार्चयित्वा पायसान्नं निवेदयेत् ५२०

मूलम् - ५२०

विश्वास-प्रस्तुतिः - ५२१

यतश्च गोपा इत्यादि दश सूक्तान्यनुक्रमात्
पुष्पाणि दद्याद्भक्त्या वै प्रत्यृचं वैष्णवोत्तमः ५२१

मूलम् - ५२१

विश्वास-प्रस्तुतिः - ५२२

सहस्रं शतवारं वा मन्त्रेणापि यजेत्ततः
पश्चाद्धोमं प्रकुर्वीत तिलैः कृष्णैः सशर्करैः ५२२

मूलम् - ५२२

विश्वास-प्रस्तुतिः - ५२३

वैष्णवैरनुवाकैश्च मन्त्ररत्नेन मन्त्रवित्
वैकुण्ठपार्षदं हुत्वा शेषं कर्म्म समाचरेत् ५२३

मूलम् - ५२३

विश्वास-प्रस्तुतिः - ५२४

नीराजनं ततो दद्यादयं गौरित्यनेन तु
इति वा इति सूक्तेन उपस्थाय जनार्दनम् ५२४

मूलम् - ५२४

विश्वास-प्रस्तुतिः - ५२५

सहस्रनामभिः स्तुत्वा वैष्णवान् भोजयेत्ततः
गुरुं सम्पूजयेद्भक्त्या भुञ्जीत तद्धविः सकृत् ५२५

मूलम् - ५२५

विश्वास-प्रस्तुतिः - ५२६

अधःशायी ब्रह्मचारी जपेद्रात्रौ समाहितः
एवं सम्पूज्य देवेशं तस्मिन्नहनि वैष्णवः ५२६

मूलम् - ५२६

विश्वास-प्रस्तुतिः - ५२७

त्रिकोटिकुलमुद्धृत्य वैष्णवं पदमाप्नुयात्
द्वादश्यामपि तस्यां वै यज्ञवाराहमच्युतम् ५२७

मूलम् - ५२७

विश्वास-प्रस्तुतिः - ५२८

वैष्णव्या चैव गायत्र्या पूजयेत्प्रयतात्मवान्
महिषाख्यं घृताक्तं वै धूपं दद्यात्प्रयत्नतः ५२८

मूलम् - ५२८

६४३

विश्वास-प्रस्तुतिः - ५२९

दद्यादष्टाङ्गदीपं च गवाज्येन च वैष्णवः
सशर्कराज्यं सूपान्नं मोदकान्कृसरं तथा ५२९

मूलम् - ५२९

विश्वास-प्रस्तुतिः - ५३०

इक्षुदण्डानि रम्याणि फलानि च निवेदयेत्
प्र ते महीति सूक्तेन दद्यात् पुष्पाणि भक्तिमान् ५३०

मूलम् - ५३०

विश्वास-प्रस्तुतिः - ५३१

सर्वैश्च वैष्णवैः सूक्तैश्चरुणा पायसेन वा
मधुसूक्तेन होतव्यं गायत्र्या विष्णुसंज्ञया ५३१

मूलम् - ५३१

विश्वास-प्रस्तुतिः - ५३२

आज्येन वैष्णवैर्मन्त्रैः त्रिशतं त्रिभिरेव तु
वैकुण्ठपार्षदं हुत्वा होमशेषं समापयेत् ५३२

मूलम् - ५३२

विश्वास-प्रस्तुतिः - ५३३

भोजयेद्ब्राह्मणान् भक्त्या गुरुं चापि प्रपूजयेत्
सर्वयज्ञेषु यत्पुण्यं सर्वदानेषु यत्फलम् ५३३

मूलम् - ५३३

विश्वास-प्रस्तुतिः - ५३४

तत्फलं लभते मर्त्यो विष्णुसायुज्यमाप्नुयात्
कोदण्डस्थे दिनकरे तस्मिन्मासि निरन्तरम् ५३४

मूलम् - ५३४

विश्वास-प्रस्तुतिः - ५३५

अरुणोदयवेलायां प्रातः स्नानं समाचरेत्
तर्पयित्वा विधानेन कृतकृत्यः समाहितः ५३५

मूलम् - ५३५

विश्वास-प्रस्तुतिः - ५३६

नारायणं जगन्नाथमर्च्चयेद्विधिवद्द्विजः
पौरुषेण विधानेन मूलमन्त्रेण वा यजेत् ५३६

मूलम् - ५३६

विश्वास-प्रस्तुतिः - ५३७

शतपत्रैश्च जातीभिस्तुलसीबिल्वपुष्करैः
गन्धैर्धूपैश्च दीपैश्च नैवेद्यैर्विविधैरपि ५३७

मूलम् - ५३७

विश्वास-प्रस्तुतिः - ५३८

पायसान्नं शर्करान्नं मुद्गान्नं सघृतं हविः
सुवासितञ्च दध्यन्नमपूपान् मधुमिश्रितान् ५३८

मूलम् - ५३८

विश्वास-प्रस्तुतिः - ५३९

मोदकान्पृथुकान्लाजान्शष्कुली चणकानपि
विविधानि च भक्ष्याणि फलानि च निवेदयेत् ५३९

मूलम् - ५३९

विश्वास-प्रस्तुतिः - ५४०

वेदपारायणेनैव मासमेकं निरन्तरम्
ऋचां दशसहस्राणि ऋचां पञ्चशतानि च ५४०

मूलम् - ५४०

वेदपारायणेनैव मासमेकं निरन्तरम्
ऋचां दशसहस्राणि ऋचां पञ्चशतानि च ५४०

विश्वास-प्रस्तुतिः - ५४१

ऋचामशीतिपादैश्च पारायणं प्रकीर्तितम्
वेदपारायणेनैव प्रत्यृचं कुसुमान्यजेत् ५४१

मूलम् - ५४१

र्

६४४

विश्वास-प्रस्तुतिः - ५४२

रात्रौ होमं प्रकुर्व्वीत तिलैर्व्रीहिभिरेव वा
सर्ववेदेष्वशक्तस्तु होमकर्मणि वैष्णवः ५४२

मूलम् - ५४२

विश्वास-प्रस्तुतिः - ५४३

वैष्णवैरनुवाकैर्वा प्रत्यहं जुहुयाद्बुधः
यजुषाऽपि तथा साम्नां शक्त्या पुष्पाञ्जलिं चरेत् ५४३

मूलम् - ५४३

विश्वास-प्रस्तुतिः - ५४४

अशक्तो यस्तु वेदेन प्रतिवासरमच्युतम्
मूलमन्त्रेण साहस्रं दद्यात्पुष्पाञ्जलिं द्विजः ५४४

मूलम् - ५४४

विश्वास-प्रस्तुतिः - ५४५

तेनैव जुहुयाद्भक्त्या सहस्रं वह्निमण्डले
अथवा रघुनाथस्य चारित्रेण महात्मनः ५४५

मूलम् - ५४५

विश्वास-प्रस्तुतिः - ५४६

प्रतिश्लोकेन पुष्पाणि दद्यान्मासं निरन्तरम्
अधःशायी ब्रह्मचारी सकृद्भोजी भवेद्द्विजः ५४६

मूलम् - ५४६

विश्वास-प्रस्तुतिः - ५४७

मासान्ते तु विशेषेण पूजयेद्वैष्णवान् द्विजान्
एवमभ्यर्च्य गोविन्दम् धनुर्मासे निरन्तरम् ५४७

मूलम् - ५४७

विश्वास-प्रस्तुतिः - ५४८

दिने दिने वैष्णवेष्ट्या फलं प्राप्नोत्यसंशयः
यं यं कामयते चित्ते तं तमाप्नोति पुरुषः ५४८

मूलम् - ५४८

विश्वास-प्रस्तुतिः - ५४९

महद्भिः पातकैर्मुक्तो विष्णुलोके महीयते
ततोमास्युदिते भानौ मासमेकं निरन्तरम् ५४९

मूलम् - ५४९

विश्वास-प्रस्तुतिः - ५५०

स्नात्वा नद्यां तडागे वा तर्पयेत्पतिमच्युतम्
अर्चयेन्माधवं नित्यं तन्मत्रेणैव तत्र वै ५५०

मूलम् - ५५०

विश्वास-प्रस्तुतिः - ५५१

मन्त्ररत्नेन वा नित्यं माधवीचूतचम्पकैः
मण्डपानि विचित्राणि शर्कराज्ययुतानि च ५५१

मूलम् - ५५१

विश्वास-प्रस्तुतिः - ५५२

शाल्यन्नं दधिसंयुक्तं मोदकांश्च निवेदयेत्
वैष्णवैः पावमानैश्च कुर्यात्पुष्पाञ्जलिं ततः ५५२

मूलम् - ५५२

विश्वास-प्रस्तुतिः - ५५३

तिलैश्च जुहुयाद्वह्नौ मधुशर्करमिश्रितैः
प्रत्यृचं पुरुषसूक्तेन श्रीसूक्तेनापि वैष्णवः ५५३

मूलम् - ५५३

विश्वास-प्रस्तुतिः - ५५४

सहस्रं मूलमन्त्रेण तन्मन्त्रेणापि वै द्विजः
सहस्रं वा शतं वाऽपि शक्त्या च जुहुयाद्बुधः ५५४

मूलम् - ५५४

६४५

विश्वास-प्रस्तुतिः - ५५५

यज्ञे यज्ञमिति ऋचा दीपान्नीराजयेत्ततः
रात्रौ दोलार्चनं कुर्याद्वैष्णवैर्द्विजसत्तमैः ५५५

मूलम् - ५५५

विश्वास-प्रस्तुतिः - ५५६

मासान्ते भोजयेद्विप्रान्वासोऽलङ्कारभूषणैः
एवं सम्पूजिते तस्मिन् प्रसन्नोऽभूज्जनार्दनः ५५६

मूलम् - ५५६

विश्वास-प्रस्तुतिः - ५५७

ददाति स्वपदं दिव्यं योगिगम्यं सनातनम्
फाल्गुन्यां पौर्णमास्यां वै उदिते च निशाकरे ५५७

मूलम् - ५५७

विश्वास-प्रस्तुतिः - ५५८

उपोष्य विधिवद्भक्तिं पूजयेद्वैष्णवोत्तमः
तिलैश्च करवीरैश्च कर्णिकारैश्च पाटलैः ५५८

मूलम् - ५५८

विश्वास-प्रस्तुतिः - ५५९

कुन्दसहस्रकुसुमैर्यजेत्तं कमलापतिम्
विष्णुसूक्तैः प्रत्यृचं च चरुणाऽज्येन मन्त्रतः ५५९

मूलम् - ५५९

ब्रह्मा देवानामनेन दीपान्नीराजयेत्ततः

विश्वास-प्रस्तुतिः - ५६०

प्रसन्नो नित्यमनेन उपस्थाय सनातनम्
वैष्णवान्भोजयेच्छक्त्या भुञ्जीयाद्वाग्यतः स्वयम् ५६०

मूलम् - ५६०

विश्वास-प्रस्तुतिः - ५६१

एवं सम्पूज्य देवेशं तस्यां रात्रौ सनातनम्
षष्टिवर्षसहस्रस्य पूजामाप्नोत्यसंशयः ५६१

मूलम् - ५६१

विश्वास-प्रस्तुतिः - ५६२

एवं सम्पूजयेद्विष्णुं निमित्तेषु विशेषतः
यथाकालं यथावर्णं यथाशक्त्या यथाबलम् ५६२

मूलम् - ५६२

विश्वास-प्रस्तुतिः - ५६३

यथोक्तपुष्पालाभे तु तुलस्या वै समर्च्चयेत्
नैवेद्यस्याप्यलाभे तु हविष्यं वा निवेदयेत् ५६३

मूलम् - ५६३

विश्वास-प्रस्तुतिः - ५६४

सूक्तानि वैष्णवान्येव सूक्तालाभे यथा जपेत्
एकेन वा पौरुषेण सूक्तेन जुहुयात्तथा ५६४

मूलम् - ५६४

विश्वास-प्रस्तुतिः - ५६५

सर्वत्राऽज्यं प्रशस्तं स्याद्धोमद्रव्याद्यलाभतः
मन्त्रालाभे मूलमन्त्रं सर्वतन्त्रेषु यो जयेत् ५६५

मूलम् - ५६५

विश्वास-प्रस्तुतिः - ५६६

उपस्थानन्तु सर्वत्र तद्विष्णोरिति वा ऋचा
नीराजनन्तु सर्वत्र श्रिये जातेत्यनेन वा ५६६

मूलम् - ५६६

विश्वास-प्रस्तुतिः - ६४६

तत्तत्कालोचितं सर्वं मनसा वाऽपि पूजयेत्
र्

६४६

मूलम् - ६४६

तत्तत्कालोचितं सर्वं मनसा वाऽपि पूजयेत्
र्

६४६

तुलसीमिश्रितं तोयं भक्त्या वाऽपि समर्पयेत् ५६७

विश्वास-प्रस्तुतिः - ५६८

सर्वेष्वेषु निमित्तेषु महाभागवतोत्तमान्
सम्पूज्य परिपूर्णत्वमाप्नोत्यत्र न संशयः ५६८

मूलम् - ५६८

इति वृद्धहारीतस्मृतौ विशिष्टपरमधर्मशास्त्रे भगवन्नित्यनैमित्तिक-समाराधनविधिर् नाम पञ्चमोऽध्यायः