२८

अनन्तबीजम्.

शेषः—

अथ वक्ष्ये विधानेन अनन्तं बीजमुत्तमम्।
तार्क्ष्यं तु वैष्वक्सेनं च बिष्वक्सेनस्य बीजकम् ॥

वृत्तं तत्तत्समुद्धृत्य बिन्दुनादसमन्वितम्।
अनन्तबीजमित्युक्तं सर्वाकर्षप्रदायकम्।
ऋषी रुद्रोऽस्य मन्त्रस्य जगती छन्द एव च ॥

अनन्तो देवता चैव अं बीजं शक्तिः ईं तथा।
ईं कीलकं यं कवचं अं अस्त्रं श्वेतवर्णकम् ॥

षडङ्गं षट्स्वरैर्न्यस्य व्याप्यादीन् पूर्ववत्तथा।
शङ्खचक्रधरं देवं सहस्रवदनं शुभम् ॥

वज्राभरणभूषाङ्गं अनन्तं सततं भजे।
होमादितत्फलं सम्यक् गोपालैकाक्षरं यथा ॥

गरुडबीजम्.

लान्तं मायासमायुक्तं विन्दुनादसमन्वितम्।
पक्षिराजस्य बीजं स्यात् सर्वसंहारकारकम् ॥

ऋषिर्ब्रह्मास्य मन्त्रस्य गायत्री छन्द उच्यते।
पक्षीन्द्रो देवता चैव क्षं बीजं शक्तिश्श्रीं तथा ॥

रं कीलकं यं कवचं ईं अस्त्रं श्वेतवर्णकम्।
षडङ्गं षट्स्वरैर्न्यस्य व्याप्यादीन् पूर्ववत्तथा ॥

शङ्खचक्रधरं देवं सर्वाभरणभूषितम्।
दंष्ट्राकरालमत्युग्रं पक्षिराजं भजाम्यहम् ॥

होमार्चनफलं सर्वं नृसिंहैकाक्षरं यथा।

विष्वक्सेनबीजम्.

लान्तं यान्तसमायुक्तं मायाबिन्दुविभूषितम्।
विष्वक्सेनस्य बीजं स्यात् सर्वसिद्धिप्रदायकम् ॥

ऋषिर्वसिष्ठो मन्त्रस्य त्रिष्टुप्छन्दस्तथैव च।
विष्वक्सेनो देवता च वं बीजं शक्तिः ईं तथा ॥

यं कीलकं यं कवचं रं अस्त्रं रक्तवर्णकम्।
षडङ्गं षट्स्वरैर्न्यस्य व्याप्यादीन् तद्वदब्जज ॥

शङ्खचक्रधरं देवं वरदाभयधारिणम्।
सर्वाभरणसंयुक्तं विष्वक्सेनमहं भजे॥

चातुरङ्गफलं तद्वत् वराहैकाक्षरं यथा।

बराहनृसिंहबजम्.

ब्रह्मयान्तसमायुक्तं ऊर्ध्वदन्तसमन्वितम् ॥

बिन्दुनादसमायुक्तं ज्वलिताग्निसमप्रभम्।
वराहनृहरेः बीजं सर्वाकर्षार्थसिद्धिदम्।
ऋषिश्शिवोऽस्य मन्त्रस्य गायत्री छन्द उच्यते ॥

देवो वराहनृहरिः अं बजिं शक्तिः ओं तथा।
कीं कीलकं ह्रीं कवचं यं अस्त्रं रक्तवर्णकम् ॥

षडङ्गं षट्स्वरैर्न्यस्य व्याप्यादीन् पूर्वमन्त्रवत्।
चक्राष्टकघरं देवं त्रिनेत्रं चोग्रविग्रहम् ॥

विश्वरूपमजं सौम्यं वराहनुहरिंभजे।
चातुरङ्गफलं तद्वत् नृृसिंहैकाक्षरं यथा ॥

**इति शेषसंहितायां अष्टाविशोध्यायः.