आगमे वैष्णवे विश्वासटिप्पन्यः

अथ एकविंशोऽध्यायः

पौष्कर उवाच

विश्वास-प्रस्तुतिः

देव त्वया शक्तिचयः ¹ पुरा तु समुदीरितः ।
तस्याहं श्रोतुञ्च्छामि सविन्यासं च लक्षणम् ॥ १ ॥

मूलम्

श्रीभगवानुवाच

विश्वास-प्रस्तुतिः

सर्वसम्पत्प्रदा लक्ष्मीः पुष्टिः परमसिद्धिदा ।
कान्तिः प्रभा मतिश्शक्तिः ² क्रियेच्छा महिमोन्नतिः ॥ २ ॥

मूलम्

विश्वास-प्रस्तुतिः

स्वधा विद्याणिसा माया ³ मूर्तिह्रींश्श्रीः ⁴ कला द्युतिः ।
निष्ठा ऋज्वी रुचिश्चेष्टा शोभा शुद्धिर्विभूत्यतः ॥ ३ ॥

मूलम्

विश्वास-प्रस्तुतिः

वृत्तिर्व्याप्तिर्गतिस्सुप्तिर्भागा वागीश्वरी रतिः ।
सिद्धिर्नतिः ⁵ प्लुतिः क्रीडा सम्पत् कीर्तिश्शिखा मतिः ॥ ४ ॥

मूलम्

विश्वास-प्रस्तुतिः

गायत्री चापि मर्यादा सृष्टिश्चेत्यब्जसम्भव ⁶ ।
पूर्वमात्मगुणत्वेन मन्त्रदेहं स्मरेद्धिया ⁷ ॥ ५ ॥

मूलम्

विश्वास-प्रस्तुतिः

आभिरापूरितं कृत्स्नममूर्ताभिस्सदैव हि ।
एतत् सामान्य संयोगं ⁸ शक्तिश्चक्रस्य पौष्कर ॥ ६ ॥

मूलम्

विश्वास-प्रस्तुतिः

सह मन्त्रगणेनैव विशेषमधुनोच्यते ।
आदि मूर्तिन्नसन्तुष्टं ? ⁹ दक्षिणोत्तरविन्यसेत् ॥ ७ ॥

मूलम्

विश्वास-प्रस्तुतिः

लक्ष्मी पुष्टिद्वयाख्यं ¹⁰ यद्यत्नेनावकराश्रयम् ¹¹ ।
अष्टदिक्ष्वष्टकं न्यस्येत् केसराग्रात् श्रुतक्रमात् ॥ ८ ॥

मूलम्

विश्वास-प्रस्तुतिः

दलमध्ये हृदादीनां बहिर्वा सिद्ध्यपेक्षया ।
आसां मुख्यांशमध्ये ¹² तु * * * * ¹³ परं पदम् ॥ ९ ॥

मूलम्

विश्वास-प्रस्तुतिः

यथेष्टं लभते भोगमङ्गसङ्गाद्बहिः स्थितम् ।
शेषव्योमावृतादूर्ध्वे बद्धपद्मासनात्तु ¹⁴ वै ॥ १० ॥

मूलम्

विश्वास-प्रस्तुतिः

पर्येयाः परियोगेन वीक्षमाणाः परं प्रभुम् ।
पृथग्यागावतीर्णानां मन्त्राणामेवमेव हि ॥ ११ ॥

मूलम्

विश्वास-प्रस्तुतिः

शक्त्यष्टकं च न्यस्तव्यं लक्ष्मीपुष्टिद्वयं विना ।
तच्छिष्टदेवता व्यूहं ¹⁵ मप्राप्तिपरिवृत्तकम् ॥ १२ ॥

मूलम्

विश्वास-प्रस्तुतिः

अष्टपत्रं विनाऽन्यस्मिन् पद्मे ¹⁶ केसरसन्तते ।
मूलदेशे यथा याति कर्णिकोपममष्टकम् ॥ १३ ॥

मूलम्

विश्वास-प्रस्तुतिः

एवं चाखिलयागानां न्यासस्स्याद्देवतासु च ।
मुक्तवैकं मिश्रचक्रं तु शारदं कमलोद्भव ॥ १४ ॥

मूलम्

विश्वास-प्रस्तुतिः

तत्राष्टकं तु कह्लारे शेषाचक्रे भिःस्ववत् ।
ध्यानमन्त्रं क्रमाद्ब्राह्मन् कथयामि यथास्थितम् ॥ १५ ॥

मूलम्

विश्वास-प्रस्तुतिः

रक्तपङ्कजवर्णाभा ¹⁷ लक्ष्मीर्नीलाम्बुजेक्षणा ।
दुग्धौघधवला पुष्टिरानन्दकलितानना ॥ १६ ॥

मूलम्

प्। ९५)

विश्वास-प्रस्तुतिः

कान्त्याद्युन्नतिपर्यन्तमष्टकं ¹⁸ स्फटिकामलम् ।
यच्चतुस्त्रिंशकं विप्र शक्तीनां शुभलक्षणम् ॥ १७ ॥

मूलम्

विश्वास-प्रस्तुतिः

अन्तरान्तरयोगेन ध्यायेत् कनकसन्निभम् ।
पद्मरागोद्धतमं ¹⁹ किञ्चिदनौपम्यगुणान्वितम् ॥ १८ ॥

मूलम्

विश्वास-प्रस्तुतिः

प्रसन्ननयनास्सर्वाः प्रसन्नवदनाम्बुजाः ।
रूपलावण्यसौभाग्यैरन्योन्येन समन्विताः ॥ १९ ॥

मूलम्

विश्वास-प्रस्तुतिः

सर्वा ²⁰ माल्याम्बरधरास्सर्वालङ्कारमण्डिताः ।
चन्द्ररश्मिप्रतिकाशवालव्यजनचिह्निताः ॥ २० ॥

मूलम्

विश्वास-प्रस्तुतिः

वामहस्तेन ²¹ चान्येन ध्यायेदभिमतार्थदाः ।
मन्त्रवत् ²² क्रमचारिण्यस्तद्वत् सर्वफलप्रदाः ॥ २१ ॥

मूलम्

विश्वास-प्रस्तुतिः

समाराधनकाले तु भक्तानामनुकम्पया ।
वैश्वरूप्यं समाश्रित्य दिक्षु ²³ दृक्पातयन्ति च ॥ २२ ॥

मूलम्

विश्वास-प्रस्तुतिः

एवं बहिर्व्यापृतयो सहमन्त्रार्चनाब्जज ²⁴ ।
विन्यासमर्चनं ध्यानं देवीसंसिद्धमन्त्रिणम् ॥ २३ ॥

मूलम्

इति श्रीपाञ्चरात्रे पौष्करसंहितायां परिवारलक्षणो नाम

एकविंशोऽध्यायः ॥ २१ ॥

क्, ख्: शक्तितया; ग्: शक्तितयो; घ्: शक्तितयोपरासकृस ↩︎ ↩︎
ग्, घ्: प्रभामितिश्शक्तिः ↩︎ ↩︎
क्, ख्: विद्यारणीमया ↩︎ ↩︎
क्, ख्: मूर्तिह्रीम्ः श्रीस्तुलाद्युती ↩︎ ↩︎
क्, ख्: सिद्धि * * * * क्रीडा ↩︎ ↩︎
ग्, घ्: सृष्टिश्चेत्यब्ज ↩︎ ↩︎
क्, ख्: स्मरेच्छ्रिया ↩︎ ↩︎
क्, ख्: संयोगं * * * पौष्कर ↩︎ ↩︎
ग्, घ्: मूर्तिन्नसंसृष्ट ↩︎ ↩︎
क्, ख्: दाच्छयाख्यम् ↩︎ ↩︎
क्, ख्: यत्नेनावत्तरा; घ्: यत्नेनावत् कराश्रियम् ↩︎ ↩︎
क्, ख्: आसां मुख्येंशमध्ये ↩︎ ↩︎
ग्, घ्: विनासं स्यात् ↩︎ ↩︎
क्, ख्: व्योमाहृतादूर्ध्वे शुद्धपद्मा ↩︎ ↩︎
ग्, घ्: व्यूहं प्राग्वदम् ↩︎ ↩︎
क्, ख्: पत्रे ↩︎ ↩︎
क्, ख्: रक्तपद्मनिभा लक्ष्मीः ↩︎ ↩︎
कान्ताद्युन्निति ↩︎ ↩︎
ग्, घ्: पद्मरागेर्धतम् ↩︎ ↩︎
ग्, घ्: सर्वमल्या ↩︎ ↩︎
ग्, घ्: वामहस्ते च सर्वासां ध्यायेदभिमतान्वितम् ↩︎ ↩︎
क्, ख्: मन्त्रवक्त्रमचारिण्ण्यः ↩︎ ↩︎
क्, ख्: दिक्षु द्रवत्यन्ति ↩︎ ↩︎
क्, ख्: सहमन्त्राब्जराब्जज ↩︎ ↩︎