००८ गरुडविष्वक्सेनादिपरिवारार्चनविधानम्

॥ श्रीः ॥
अष्टमोऽध्यायः
सनकः —
भगवन्! मुनिशार्दूल! सर्वज्ञ! वदतां वर!
गरुडप्रमुखानां यदर्चनं प्रागुदीरितम् ॥ 1 ॥
तदिदानीं विशेषेण विस्तरेण प्रकाशय।
शाण्‍डिल्यः —
श्रृणु वक्ष्यामि ते सम्यग्गरुडस्यार्चनं पुरा ॥ 2 ॥

विश्वास-प्रस्तुतिः - 3

येन विज्ञातमात्रेण वाञ्छितं साधकोऽश्नुते।
विष्णोःसङ्कर्षणाख्यस्य विज्ञानबलशालिनः ॥ 3 ॥

मूलम् - 3

विश्वास-प्रस्तुतिः - 4

मूर्तिर्ज्ञानबलाख्या या सर्वाधारस्वरूंपिणी।
महिमेति जगद्धातुर्विज्ञोयो विहगेश्वरः ॥ 4 ॥

मूलम् - 4

विश्वास-प्रस्तुतिः - 5

सर्वरोगभयघ्नश्च क्षेपकः सर्वविद्विषाम्।
ततस्तमर्चयेन्नित्यं प्रासादे स्थाप्य मन्त्रवित् ॥ 5 ॥

मूलम् - 5

विश्वास-प्रस्तुतिः - 6

प्राङ्कणे प्रथमे वाऽथ द्वितीये मूलमन्दिरात्।
अग्रदेशे प्रकुर्वीत प्रासादं मण्टपाकृतिम् ॥ 6 ॥

मूलम् - 6

विश्वास-प्रस्तुतिः - 7

चतुर्द्वारसमोपेतं वर्गत्रयसमन्वितम्।
वर्गषट्‌कान्वितं वाथ सर्वालङ्कारशोभितम् ॥ 7 ॥

मूलम् - 7

विश्वास-प्रस्तुतिः - 8

मूलगेहात्रिभागोच्चमर्धोच्चं वा सुविस्तरम्।
तस्मिन् ब्राह्नेऽथ दिव्ये वा दिव्ययुक्तेऽथ मानुषे ॥ 8 ॥

मूलम् - 8

विश्वास-प्रस्तुतिः - 9

संस्थाप्य लोहजां वाथ शैलीमर्चां यथोदिताम्।
त्रिकालमर्चयेन्नित्यं मुख्यमूर्त्यर्चनान्तिमे ॥ 9 ॥

मूलम् - 9

विश्वास-प्रस्तुतिः - 10

तद्विधानं विशेषेण मन्त्रपूर्वं श्रृणु क्रमात्।
प्रणवं पूर्वमुद्धृत्य पक्षिशब्दमनन्तरम् ॥ 10 ॥

मूलम् - 10

विश्वास-प्रस्तुतिः - 11

पञ्चाक्षरो महामन्त्रः स्वाहान्तः संप्रकीर्तितः।
मन्त्रार्णानि सबिन्दूनि प्रागोङ्कारान्वितानि च ॥ 11 ॥

मूलम् - 11

विश्वास-प्रस्तुतिः - 12

समुच्चार्याथ तुर्यान्तैर्ज्ञानाद्यैश्च हृदादिभिः।
अनेत्रैरस्त्रपर्यन्तैरङ्गानीत्यवधारय ॥ 12 ॥

मूलम् - 12

विश्वास-प्रस्तुतिः - 13

प्राङ्‌मूलमन्त्रमद्याद्यव्यत्ययाद्विषहा भवेत्।
सोऽयं मन्त्रः समाख्यातस्त्रिदशैरपि दुर्लभः ॥ 13 ॥

मूलम् - 13

विश्वास-प्रस्तुतिः - 14

पञ्चाक्षर इति ख्यातो गारुढो मुनिसत्तम!।
पञ्चाङ्गानि यथापूर्वमक्षरैः स्युः सबिन्दुकैः ॥ 14 ॥

मूलम् - 14

विश्वास-प्रस्तुतिः - 15

साङ्गेनानेन मन्त्रेण स्थापनीयो विधानतः।
मूलालयगते बिम्बे सुस्थिते वाथ यानगे ॥ 15 ॥

मूलम् - 15

विश्वास-प्रस्तुतिः - 16

स्थितैव गारुडी मूर्तिर्याने वा गमनोन्मुखी।
शयने चासने चैव त्वासीना वाथ सुस्थिता ॥ 16 ॥

मूलम् - 16

विश्वास-प्रस्तुतिः - 17

द्वारावरणदेवानां ध्यानाध्याये विशेषतः।
ध्वजारोहेऽपि सुव्यक्तं लक्षणं चास्य वक्ष्यते ॥ 17 ॥

मूलम् - 17

विश्वास-प्रस्तुतिः - 18

एवं ज्ञात्वा यथाकालं तन्मन्त्रनिरतो द्विज!।
स्नात्वा तदीयमन्त्रेण कृतपादावनेजनः ॥ 18 ॥

मूलम् - 18

विश्वास-प्रस्तुतिः - 19

उपस्पृश्य यथान्यायं प्रासादं संप्रविश्य च।
स्वासने सुखमासीनः प्राड्‌मुखो वाप्युदड्‌मुखः ॥ 19 ॥

मूलम् - 19

विश्वास-प्रस्तुतिः - 20

करशुद्धिं च दिग्बन्धं प्राणायामं समाप्य च।
भूतशुद्धिं च विधिवन्मन्त्रविन्यस्तविग्रहः ॥ 20 ॥

मूलम् - 20

विश्वास-प्रस्तुतिः - 21

पक्षीशमुद्रां बद्‌ध्वाथ हृदयाम्भोरुहोदरे।
स्वानन्दधामनिष्ठस्य देवस्य चतुरात्मनः ॥ 21 ॥

मूलम् - 21

विश्वास-प्रस्तुतिः - 22

संकर्षणांशात् संपूर्णविज्ञानबलसंकुलात्।
अवतार्यामृनैर्भोगैर्जपान्तं प्राग्वदर्च्य च ॥ 22 ॥

मूलम् - 22

विश्वास-प्रस्तुतिः - 23

ततो मूर्तैर्यजेद्बाह्यैः प्रागुक्तैर्भोगसंचयैः।
पात्रशिष्टैश्च देवान्नैः साधितैः पृथगेव वा ॥ 23 ॥

मूलम् - 23

विश्वास-प्रस्तुतिः - 24

तदर्थं कल्पयेत् प्राग्वदर्घ्याद्यं पात्रपञ्चकम्।
द्वितयं चाथवैकस्मिन् पाद्यं स्नानीयवारि च ॥ 24 ॥

मूलम् - 24

विश्वास-प्रस्तुतिः - 25

अर्घ्याचामे तदन्यस्मिन्नेकस्मिन् सकलं तु वा।
प्राग्वत् स्वदेहविन्यस्तान् मन्त्रानभ्यर्च्य मन्त्रवित् ॥ 25 ॥

मूलम् - 25

विश्वास-प्रस्तुतिः - 26

अर्घ्याद्यैर्धूपपर्यन्तैस्ततो द्वारचतुष्टये।
वास्त्वीशं क्षेत्तनाथं च द्वारलक्ष्मीं स्वमन्त्रतः ॥ 26 ॥

मूलम् - 26

विश्वास-प्रस्तुतिः - 27

चण्डाद्यं च गणं प्राग्वदासनं कल्पयेत् ततः।
शेषपूर्वं च धर्माद्यमष्टकं वा द्विरष्टकम् ॥ 27 ॥

मूलम् - 27

विश्वास-प्रस्तुतिः - 28

कालचक्रं तदूर्ध्वे तु सरोजाद्यं चतुष्टयम्।
समब्यर्च्य च गन्धाद्यैर्गणनाथादिकानपि ॥ 28 ॥

मूलम् - 28

विश्वास-प्रस्तुतिः - 29

हृत्पजकर्णिकामध्ये मानसैरर्चितं पुरा।
स्वविद्यया समावाह्य स्वस्थानाद्बिम्बहृत्कजे ॥ 29 ॥

मूलम् - 29

विश्वास-प्रस्तुतिः - 30

सकलीकृत्य विधिवदङ्गलाञ्छनभूषणैः।
सत्याख्यया दक्षिणतो बलशक्त्या स्वरूपया ॥ 30 ॥

मूलम् - 30

विश्वास-प्रस्तुतिः - 31

गणित्रकं च मन्दारकुसुमस्तबकं तथा।
कलशं चामृताधारं फणीन्द्रं दक्षिणादितः ॥ 31 ॥

मूलम् - 31

विश्वास-प्रस्तुतिः - 32

विन्यसेल्लाञ्छनान्येवं किरीटं वनमालिकाम्।
अनन्तादीनि नागानि न्यस्यानि तदनन्तरम् ॥ 32 ॥

मूलम् - 32

विश्वास-प्रस्तुतिः - 33

शक्तिः प्रागुदिता तस्य बलधर्मस्वरूपिणी।
पक्षीशमुद्रां सन्दर्श्य लययागं समाचरेत् ॥ 33 ॥

मूलम् - 33

विश्वास-प्रस्तुतिः - 34

भोगयागश्च कर्तव्यः पझपीठतलोपरि।
प्रागादिपझपत्रेषु हृदयादीनि पूर्वत् ॥ 34 ॥

मूलम् - 34

विश्वास-प्रस्तुतिः - 35

विदिक्‌पत्रेषु चैवास्त्रमेषां वर्णानि पूर्ववत्।
रूपलावण्यभूषाद्यैर्मूलमन्त्रशरीरवत् ॥ 35 ॥

मूलम् - 35

विश्वास-प्रस्तुतिः - 36

अग्नीशरक्षोवायव्यकोणेषु विहगेशितुः।
चतुष्टयं गणित्राद्यं किरीटं वनमालिकाम् ॥ 36 ॥

मूलम् - 36

विश्वास-प्रस्तुतिः - 37

पुरस्तात् पृष्ठतो न्यस्य दक्षिणोत्तरयोस्तथा।
चतुष्टयं क्रमेणैव शेषाद्याः पन्नगेश्वराः ॥ 37 ॥

मूलम् - 37

विश्वास-प्रस्तुतिः - 38

दक्षिणे विहगेशस्य सत्याख्या कर्णिकोपरि।
प्राणापानसमानोदानव्यान प्राणरूपिणः ॥ 38 ॥

मूलम् - 38

विश्वास-प्रस्तुतिः - 39

मध्यस्थस्य खगेशस्य बहिः प्रागादितः क्रमात्।
सत्यः सुपर्णो गरुडस्तार्क्ष्यश्च विहगेश्वरः ॥ 39 ॥

मूलम् - 39

विश्वास-प्रस्तुतिः - 40

पञ्चात्मकस्य प्राणस्य विकारस्त्वेष पञ्चधा।
सत्याद्या दिक्षु चत्वारः कोणेषु विहगेश्वरः ॥ 40 ॥

मूलम् - 40

विश्वास-प्रस्तुतिः - 41

द्यानमेषां विशेषेण समाकर्णय साम्प्रतम्।
आचाङ्घ्रिगोचरात् सर्वो यस्य देहस्तु पौरुषः ॥ 41 ॥

मूलम् - 41

विश्वास-प्रस्तुतिः - 42

द्विभुजस्तुहिनाभस्तु स सत्यः प्राणदैवतम्।
सुपर्णः पझरागाभो निर्मलः स्वर्णलोचनः ॥ 42 ॥

मूलम् - 42

विश्वास-प्रस्तुतिः - 43

गरुडः काञ्चनाभस्तु कुटिलभ्रवरुणेक्षणः।
केकराक्षस्तु तार्क्ष्यो वै प्राबृड्‌जलदसन्निभः ॥ 43 ॥

मूलम् - 43

विश्वास-प्रस्तुतिः - 44

द्रवत्कनकनेत्रस्तु शबलाभस्तु पञ्चमः।
चतुर्भुजाः सुपर्णाद्याः सौम्यरूपा ह्यनाकुलाः ॥ 44 ॥

मूलम् - 44

विश्वास-प्रस्तुतिः - 45

पतत्रिचरणाः सर्वे पक्षमण्डलमण्डिताः।
लम्बोदराः सुपीनाङ्गाः कुण्डलाद्यैर्विभूषिताः ॥ 45 ॥

मूलम् - 45

विश्वास-प्रस्तुतिः - 46

कुटिलभ्‌रूसुवृत्ताक्षा वक्र (ज्र) तुण्डाः सिताननाः।
अपानादिसमीराणामाधिपत्येन संस्थिताः ॥ 46 ॥

मूलम् - 46

विश्वास-प्रस्तुतिः - 47

महाबला महाकाया रक्ततुण्‍डोऽत्र पञ्चमः।
स्वस्वाङ्‌गुष्ठद्वयप्रोतगणित्रोभयपाणिना ॥ 47 ॥

मूलम् - 47

विश्वास-प्रस्तुतिः - 48

पुष्पाञ्जलिधराः सर्वे मुख्येन विहगोत्तमाः।
सुपर्णः पश्चिमाभ्यां तु पाणिभ्यां दक्षिणादितः ॥ 48 ॥

मूलम् - 48

विश्वास-प्रस्तुतिः - 49

मन्दारपुष्पस्तबकं दधद्विस्मयमुद्रिकाम्।
तथाविधाभ्यां गरुडस्ते धत्ते व्यत्ययेन तु ॥ 49 ॥

मूलम् - 49

विश्वास-प्रस्तुतिः - 50

तार्क्ष्यः पश्चिमयोर्नित्यं धत्ते दक्षिणवामयोः।
कद्रूं तथाऽमृतं कुम्भं पञ्चमो विहगेश्वरः ॥ 50 ॥

मूलम् - 50

विश्वास-प्रस्तुतिः - 51

दक्षिणेन सुधाकुम्भं वामेन तु फणीश्वरम्।
नित्योदितस्य व्यूहस्य तथा शान्तोदितस्य च ॥ 51 ॥

मूलम् - 51

विश्वास-प्रस्तुतिः - 52

प्राणापानादिवायूनां पञ्चानामपि नामभाक्।
गरुडः परिवारत्वे ध्वजत्वेपि विशेषतः ॥ 52 ॥

मूलम् - 52

विश्वास-प्रस्तुतिः - 53

योजनीयस्तथान्येषु सषुप्त्यादिपदेषु तु।
वासुदेवादिमूर्तीनां चतुर्णां क्रमशस्त्वमी ॥ 53 ॥

मूलम् - 53

विश्वास-प्रस्तुतिः - 54

सत्याद्यास्तार्क्ष्यपर्यन्तास्तत्तन्मूर्त्यन्तरेषु तु।
त्रिषु त्रिषु समादेयाः सत्याद्याः केशवादिषु ॥ 54 ॥

मूलम् - 54

विश्वास-प्रस्तुतिः - 55

पझनाभादिमूर्तीनां पञ्चमो विहगेश्वरः।
परात्परपरव्यूह व्यूहान्तरतनोर्विभोः ॥ 55 ॥

मूलम् - 55

विश्वास-प्रस्तुतिः - 56

प्रादुर्भावतनोश्चापि जगद्रक्षणकाङ्क्षिणः।
खगानां कारणत्वाच्च प्रागुक्तो वा खगेश्वरः ॥ 56 ॥

मूलम् - 56

विश्वास-प्रस्तुतिः - 57

इति ते गारुडव्यूहप्रभावः संप्रकीर्तितः।
कुमुदाद्यास्ततो बाह्ये शक्राद्यास्तद्बहिः क्रमात् ॥ 57 ॥

मूलम् - 57

विश्वास-प्रस्तुतिः - 58

त?Rद्बहिः कुमुदादीनां भूतेशाश्चोत्कटादयः।
गणशः पूजनीया वा तदग्रे बलिण्डले ॥ 58 ॥

मूलम् - 58

विश्वास-प्रस्तुतिः - 59

महापीठेऽथवा पूज्या गरुडस्यानुयायिनः।
पालयन्तश्च तद्भक्तान् दिव्यान्यायतनान्यपि ॥ 59 ॥

मूलम् - 59

विश्वास-प्रस्तुतिः - 60

ध्यात्वैवमर्चनं कुर्यादासनाद्यैर्यथोदितैः।
चतुष्षष्ट्युपचारैर्वा द्वात्रिंशद्भिस्तु वेतरैः ॥ 60 ॥

मूलम् - 60

विश्वास-प्रस्तुतिः - 61

षोडशैरुपचारैर्वा मुख्यमद्याधमक्रमात्।
तन्निवेदितमन्नाद्यं नराणां रोगिणां सदा ॥ 61 ॥

मूलम् - 61

विश्वास-प्रस्तुतिः - 62

वन्ध्यानां वनितानां च जयेच्छूनां च भूभुजाम्।
विषोपहतवेषाणां प्रदद्यात् संविभज्य च ॥ 62 ॥

मूलम् - 62

विश्वास-प्रस्तुतिः - 63

आर्द्रायां प्रतिमासं तं विशेषेणैवमर्चयेत्।
उत्सवेषु विशेषेण भ्रामयेदुत्सवार्चया ॥ 63 ॥

मूलम् - 63

विश्वास-प्रस्तुतिः - 64

इति सम्यक् समाख्यातं गरुडस्यार्चनं परम्।
इतः परं यच्छ्रोतव्यं तद्वदस्व मुनेऽधुना ॥ 64 ॥

मूलम् - 64

सनकः ---

विश्वास-प्रस्तुतिः - 65

मुने! सकलधर्मज्ञ! भगवन्! भक्तवत्सल!।
विष्व?Rक्‌सेनस्य विघ्नारेः पूजनं विहितं पुरा ॥ 65 ॥

मूलम् - 65

तद्विधानं विशेषेण वद सानुग्रहो यदि। शाण्डिल्यः --- पौष्काराख्ये महाशास्त्रे पुरा पुष्करजन्मनः ॥ 66 ॥ विष्वक्‌सेनार्चनं प्रोक्तं यथावच्छृणु तन्मुने!। पौष्कर उवाच --- किमर्थमाह भगवन्! विघ्नोच्छेदकरं प्रभुम् ॥ 67 ॥

विश्वास-प्रस्तुतिः - 68

समस्तविघ्ननाथानां परमं कारणं च यः।
विष्वक्‌सेनस्तु यष्टव्यो भोगभूमिगतेऽच्युते ॥ 68 ॥

मूलम् - 68

कैर्द्रव्यैः केनविधिना किं करोत्यभिपूजितः । श्रीभगवानुंवाच --- भविनां भाविनो विग्नाः सद्धर्मविनिवारकाः ॥ 69 ॥

विश्वास-प्रस्तुतिः - 70

न यागयज्ञधर्माद्यैर्मन्ये संसारिणां शुभम्।
तत्प्रवृत्तौ तु ये विग्नाः प्रोत्साहविनिवारकाः ॥ 70 ॥

मूलम् - 70

विश्वास-प्रस्तुतिः - 71

व्यपयान्ति च ते सर्वे चक्रज्वालाभयार्दिताः।
प्रागार्जितेन केनापि कर्मणा द्विज! साम्प्रतम् ॥ 71 ॥

मूलम् - 71

विश्वास-प्रस्तुतिः - 72

अनुभुङ्‌क्ते फलं यागाद्‌द्विविधं चाग्रतःस्थितम्।
तस्य संरक्षणार्थं तु विष्वक्‌सेनः सदैव हि ॥ 72 ॥

मूलम् - 72

विश्वास-प्रस्तुतिः - 73

काले यागावसानाख्ये द्वितीयेऽवसरेऽथवा।
कृत्वा निर्व्याकुलं चित्तं यष्टव्यः फलसिद्धये ॥ 73 ॥

मूलम् - 73

विश्वास-प्रस्तुतिः - 74

यागनिर्वर्तनाच्छेषैरम्लानैरर्घ्यपूर्वकैः।
उपचारमयैर्भोगैः सर्वैराभरणादिकैः ॥ 74 ॥

मूलम् - 74

विश्वास-प्रस्तुतिः - 75

नैवेद्यैर्मधुपर्काद्यैर्मुख्यमूर्तेर्निवेदितैः।
द्विजप्रदानशिष्टैस्तु स्वयं प्राशनवर्जितैः ॥ 75 ॥

मूलम् - 75

विश्वास-प्रस्तुतिः - 76

तथा चर्वन्तरस्थैश्च ह्यपरेभ्योऽनिवेदितैः।
संस्कृतैरूष्मणोपेतैर्मधुराज्यपरिप्लुतैः ॥ 76 ॥

मूलम् - 76

पैष्कर उवाच ---

विश्वास-प्रस्तुतिः - 77

क एषोऽतुलवीर्यो हि यस्य दूराद्‌द्रवन्ति च।
विघ्ना निमेषमात्रेण त्रैलोक्योन्मूलनक्षमाः ॥ 77 ॥

मूलम् - 77

श्रीभगवानुवाच ---

विश्वास-प्रस्तुतिः - 78

कालवैश्वानराख्या या मूर्तिस्तुर्यात्मनो विभोः।
स एव द्विजदेवास्यो विष्वक्‌सेनः प्रकीर्तितः ॥ 78 ॥

मूलम् - 78

विश्वास-प्रस्तुतिः - 79

स्थित आहवनीयादिभेदेन मखयाजिनाम्।
ऋक्‌पूतं हुतमादाय तर्पयत्यखिलं जगत् ॥ 79 ॥

मूलम् - 79

विश्वास-प्रस्तुतिः - 80

एवं मन्त्रमयाद्यागात् सात्विकाद्ब्रह्नभावितात्।
संप्राप्य गुरुमूर्तेर्बै प्रापणं मन्त्रसंस्कृतम् ॥ 80 ॥

मूलम् - 80

विश्वास-प्रस्तुतिः - 81

अनाहुतामराणां च सर्वलोकनिवासिनाम्।
स्वयं संविभजत्याशु तदनुग्रहकाम्यया ॥ 81 ॥

मूलम् - 81

विश्वास-प्रस्तुतिः - 82

ज्ञात्वैवं तस्य माहात्म्यं व्यक्तिस्थं फलसिद्धये।
त्रिसन्ध्यं नित्यपूजायां बल्यन्ते तं समर्चयेत् ॥ 82 ॥

मूलम् - 82

विश्वास-प्रस्तुतिः - 83

वत्सरोत्सवपूर्वेषु तथा वैशेषिकेष्वपि।
व्यक्त्याद्याधारभूतेषु(भेदेषु) क्रमात् कृत्वा पुरार्चनम् ॥ 83 ॥

मूलम् - 83

विश्वास-प्रस्तुतिः - 84

केवलं वाथ होमान्तं स्वशक्त्या विभवेन वा।
विस्तरेणाथवा शश्वत्ततः कमलसंभव! ॥ 84 ॥

मूलम् - 84

विश्वास-प्रस्तुतिः - 85

कृत्वा पर्णपुटे तोयं पात्रे वा कलशेऽव्रणे।
तमात्मनोत्तरे भागे ह्यर्चयित्वा निवेद्य च ॥ 85 ॥

मूलम् - 85

विश्वास-प्रस्तुतिः - 86

अथापरस्मिन् बाण्डे तु तदस्त्रपरिमन्त्रिते।
नैवेद्याद्भागमादाय तथा चर्वन्तरस्थितात् ॥ 86 ॥

मूलम् - 86

विश्वास-प्रस्तुतिः - 87

ओदनादंशमुद्‌धृत्य दध्याज्यव्यञ्जनैः सह।
समालभनपुष्पार्ध्यकुशाम्बुपरिभावितम् ॥ 87 ॥

मूलम् - 87

विश्वास-प्रस्तुतिः - 88

तद्‌धृन्मन्त्रेण बहुशो ह्यभिमन्त्र्याब्जसंभव!।
तन्मूलमन्त्रमुच्चार्य ध्यानभावनयान्वितम् ॥ 88 ॥

मूलम् - 88

विश्वास-प्रस्तुतिः - 89

प्राक्‌सन्निवेशिते भाण्डे समुत्कीर्य पिधाय तत्।
प्रणवाष्टकजप्तं वा तन्नाम्ना सह पौष्कर! ॥ 89 ॥

मूलम् - 89

विश्वास-प्रस्तुतिः - 90

एकं वै सोदकं पात्रं सनैवेद्यं जलाप्लुतम्।
सर्वत्र सर्वदा यागे कुर्यात् प्राग्विधिना विना ॥ 90 ॥

मूलम् - 90

विश्वास-प्रस्तुतिः - 91

तच्चापि क्ष्मातले कूपे तटाकादौ तु चोत्किरेत्।
नोपभोगं यथा याति काकादिष्वब्जसंभव! ॥ 91 ॥

मूलम् - 91

विश्वास-प्रस्तुतिः - 92

यस्मात् सन्मन्त्रपूतं तत् प्राधान्येनाभिवर्धते।
अतो निषिद्धः पापानामपापानां विशेषतः ॥ 92 ॥

मूलम् - 92

विश्वास-प्रस्तुतिः - 93

ज्ञात्वैवं यत्रतो मन्त्री तन्मन्त्रेण समर्चयते।
सा?Rङ्गं मन्त्रमतो वक्ष्ये यथावदवधारय ॥ 93 ॥

मूलम् - 93

विश्वास-प्रस्तुतिः - 94

आक्रान्तमनलेनैव प्राणाख्यं बीजनायकम्।
त्रैलोक्त्यैश्वर्यदोपेतमूर्जोपरि गतं तु तत् ॥ 94 ॥

मूलम् - 94

विश्वास-प्रस्तुतिः - 95

ततो वाराहमादाय भूधरव्योम भूषितम्।
विष्वक्‌सेनाय तदनु सनमस्कं पदं न्यसेत् ॥ 95 ॥

मूलम् - 95

विश्वास-प्रस्तुतिः - 96

प्रणवाद्यो ह्ययं मन्त्रो विष्वक्‌सेनस्य कीर्तितः।
पूर्वबीजं हि यच्चास्य ऊकारस्वरवर्जितम् ॥ 96 ॥

मूलम् - 96

विश्वास-प्रस्तुतिः - 97

आकाराद्यैश्च षड्‌दीर्घैर्भिन्नमङ्गगणं नयेत्।
प्रणवेन स्वनाम्नाथ जातिभिष्षड्‌भिरन्वितम् ॥ 97 ॥

मूलम् - 97

विश्वास-प्रस्तुतिः - 98

नमस्स्वाहादिभिश्चायं विष्वक्‌सेनस्य अङ्गकः।
साङ्गेनानेन मन्त्रेण प्रतिष्ठाप्यो विधानतः ॥ 98 ॥

मूलम् - 98

विश्वास-प्रस्तुतिः - 99

प्रथमावरणे वाथ द्वितीयावरणेऽथवा।
ईशानसोमदिङ्‌मध्ये प्रासादे दक्षिणामुखे ॥ 99 ॥

मूलम् - 99

विश्वास-प्रस्तुतिः - 100

मूलालयोच्चान्नीचे तु कल्पिते गर्भमन्दिरे।
ब्रह्नस्थानेऽथवा दिव्ये मूलबेरांशमानतः ॥ 100 ॥

मूलम् - 100

विश्वास-प्रस्तुतिः - 101

कल्पितस्य शिलादारुलीहपूर्वैस्तु वस्तुभिः।
पूजनं मुख्यकल्पं स्यादनुकल्पेऽग्रमण्टपे ॥ 101 ॥

मूलम् - 101

विश्वास-प्रस्तुतिः - 102

प्रागुक्तकोणभूभागे मेखलात्रयनिर्मिते।
पीठेऽवतार्य गगनादमूर्तं मूर्तमेव वा ॥ 102 ॥

मूलम् - 102

विश्वास-प्रस्तुतिः - 103

केबलं बलिदानेन तर्पयेदुदकेन च।
चतुस्स्थानावतीर्णस्य मण्डलादिषु वृत्तिषु ॥ 103 ॥

मूलम् - 103

विश्वास-प्रस्तुतिः - 104

परव्यूहादिरूपस्य देवस्य यजनावधौ।
प्रासादान्तर्गतस्यापि स्वस्थानस्थस्य मण्टपे ॥ 104 ॥

मूलम् - 104

विश्वास-प्रस्तुतिः - 105

पूजनं विधिवत् कार्यमारम्भदिवसादितः।
सर्वकर्मावसाने तु मण्डलादिगते विभौ ॥ 105 ॥

मूलम् - 105

विश्वास-प्रस्तुतिः - 106

स्वे स्वे धाम्नि विसृष्टे तु ध्यात्वा मण्डलमध्यतः।
पूजयेद्विधिवन्मन्त्री द्वितीये वासरेऽपि च ॥ 106 ॥

मूलम् - 106

विश्वास-प्रस्तुतिः - 107

भगवद्यजनार्थं तु प्रासादस्थं विशेषतः।
यथाविधि समब्यर्च्य नैवेद्यैस्तन्निवेदितैः ॥ 107 ॥

मूलम् - 107

विश्वास-प्रस्तुतिः - 108

अर्घ्याद्यैरखिलैरन्यैस्ताम्बूलाद्यैश्च नित्यशः।
जलस्थलादिनिलयांस्तद्‌भूतांश्चाथ तर्पयेत् ॥ 108 ॥

मूलम् - 108

विश्वास-प्रस्तुतिः - 109

प्रासादस्थस्य तस्याथ देहमानानुसारतः।
कृत्वा हेमादिभिर्द्रव्यैर्विशेषार्यां विधानतः ॥ 109 ॥

मूलम् - 109

विश्वास-प्रस्तुतिः - 110

उग्रां वा शान्तरूपां वा विघ्नविध्वंसनक्षमाम्।
चतुर्भुजां वा द्विभुजामासीनां वा समुत्थिताम् ॥ 110 ॥

मूलम् - 110

विश्वास-प्रस्तुतिः - 111

द्विभुजस्य चतुर्हस्तामन्यथा वा प्रकल्पिताम्।
वैशेषिकेषु प्राप्तेषु पूजयेदुत्सवार्चया ॥ 111 ॥

मूलम् - 111

विश्वास-प्रस्तुतिः - 112

मृगयाद्युत्सवे प्राप्ते यत्र यत्र व्रजेत् प्रभुः।
तत्र तत्र नयेदेनं निर्विध्नफलसिद्धये ॥ 112 ॥

मूलम् - 112

विश्वास-प्रस्तुतिः - 113

ध्यानमस्य प्रवक्ष्यामि यथावच्छृणु सत्तम!।
नवदूर्वाङ्‌कुराभं च त्वीषत्पित्तलकान्तिभृत् ॥ 113 ॥

मूलम् - 113

विश्वास-प्रस्तुतिः - 114

चतुर्दंष्ट्रं चतुर्बाहुं चतुष्किष्कुं चतुर्गतिम्।
पूर्णाङ्गं केसरिस्कन्धं पृथूरस्थलराजितम् ॥ 114 ॥

मूलम् - 114

विश्वास-प्रस्तुतिः - 115

दक्षिणावर्तनिम्नेन नाभिरन्ध्रेण शोभितम्।
आजानुबाहुं श्रीमन्तं पि?Rङ्गलार्जिर्जटाधरम् ॥ 115 ॥

मूलम् - 115

विश्वास-प्रस्तुतिः - 116

द्रवत्कनकपिङ्गाक्षं चिपिटं पृथुनासिकम्।
सितदीर्घनखश्रेणीशोभितं कुटिलभ्रुवम् ॥ 116 ॥

मूलम् - 116

विश्वास-प्रस्तुतिः - 117

विस्तीर्णगण्डवदनं बालेन्दुकुटिलोपमैः।
नवकिंश्वरुणाकारैर्लोमैः संपूर्णविग्रहम् ॥ 117 ॥

मूलम् - 117

विश्वास-प्रस्तुतिः - 118

शोभनेन प्रलम्बेन पृथुना प्रोन्नतेन च।
माणिक्यकुण्डलाढ्येन युक्तं श्रोत्रद्वयेन तु ॥ 118 ॥

मूलम् - 118

विश्वास-प्रस्तुतिः - 119

मकुटेनोन्नतेनैव हाराद्यैरुपशोभितम्।
चित्रकौशेयवसनं विचित्रस्रग्विमण्डितम् ॥ 119 ॥

मूलम् - 119

विश्वास-प्रस्तुतिः - 120

प्रलयद्वादशादित्यसहस्रगुणदीधितिम्।
ईषदूर्घ्वे तथादिर्यग्विनिपातितलोचनम् ॥ 120 ॥

मूलम् - 120

विश्वास-प्रस्तुतिः - 121

कुन्देन्दुकान्तिदशनं किञ्चिद्विहसिताननम्।
स्वभावसौम्यममलं मायाक्रोधोपरञ्जितम् ॥ 121 ॥

मूलम् - 121

विश्वास-प्रस्तुतिः - 122

सविलासचलत्पादन्यासस्थानकसंस्थितम्।
स्वेनान्तः करणेनैव भावयन्तं परं पदम् ॥ 122 ॥

मूलम् - 122

विश्वास-प्रस्तुतिः - 123

अङ्‌गुष्ठादि कनिष्ठान्तं वामपाणौ लतात्रयम्।
नामयत्युन्नता चैका घ्राणाग्रे विनियोजिता ॥ 123 ॥

मूलम् - 123

विश्वास-प्रस्तुतिः - 124

सद्विघ्नभीतिप्रदया त्वनया मुद्रयान्वितम्।
रथाङ्गशङ्खहस्तं च लम्बमानगदाधरम् ॥ 124 ॥

मूलम् - 124

विश्वास-प्रस्तुतिः - 125

श्रोणीतटनिबिष्टेन सावहेलेन पाणिना।
इत्थंरूपधरं देवमनेकाद्‌भुतविक्रमम् ॥ 125 ॥

मूलम् - 125

विश्वास-प्रस्तुतिः - 126

उग्ररूपमिति ध्यायेदाग्नेयमनलप्रभम्।
दंष्ट्रातर्जननिर्मुक्तं साभयं शान्तलक्षणम् ॥ 126 ॥

मूलम् - 126

विश्वास-प्रस्तुतिः - 127

मुख्यदक्षिणहस्तेन भक्तानामभयप्रदम्।
तथाविधेन वामेन लम्बमानगदाधरम् ॥ 127 ॥

मूलम् - 127

मुख्यदक्षिणहस्तेन भक्तानामभयप्रदम्।
तथाविधेन वामेन लम्बमानगदाधरम् ॥ 127 ॥

विश्वास-प्रस्तुतिः - 128

पृष्ठदक्षिणवामाभ्यां चक्रश?Rङ्खधरं क्रमात्।
एवं चतुर्भुजस्योक्तं द्विभुजस्यावधारय ॥ 128 ॥

मूलम् - 128

विश्वास-प्रस्तुतिः - 129

उक्ताभ्यामुग्रशान्ताभ्यां श?Rङ्खचक्रद्वयं विना।
प्रागुक्तद्वितयं वाथ द्वितीयं चिन्तितं तु वा ॥ 129 ॥

मूलम् - 129

विश्वास-प्रस्तुतिः - 130

गदाविरहितं वाथ वामकट्यवलम्बितम्।
स्थानके वाऽसने वाममूरुदेशे निवेशितम् ॥ 130 ॥

मूलम् - 130

विश्वास-प्रस्तुतिः - 131

गोपनीमुद्रया वाथ कटकाकारमुद्रया।
उभाभ्यामपि पाणिभ्यां विश्रान्तं पीठपृष्ठतः ॥ 131 ॥

मूलम् - 131

विश्वास-प्रस्तुतिः - 132

अवष्टभ्य गदामूर्ध्वे मातङ्गमुसलाकृतिम्।
प्राक्‌पढदलमाक्रम्य पादाब्यां कर्णिकासनम् ॥ 132 ॥

मूलम् - 132

विश्वास-प्रस्तुतिः - 133

सुस्थितं कर्णिकायां वा प्राग्वदन्यैरलंकृतम्।
एवं ध्यानविशेषेषु त्वेकं स्थाप्य विधानतः ॥ 133 ॥

मूलम् - 133

विश्वास-प्रस्तुतिः - 134

समर्चयीत कालेषु प्रागुक्तेषु स्वमन्त्रतः।
चतुस्स्थानार्चनार्थं तु ण्डलानां तु मध्यतः ॥ 134 ॥

मूलम् - 134

विश्वास-प्रस्तुतिः - 135

पूजितेष्वथ मन्त्रेषु नियुक्तेषु स्वधामनि।
ईशानसोमदिङ्‌मध्ये चतुरश्रे पुरेऽथवा ॥ 135 ॥

मूलम् - 135

विश्वास-प्रस्तुतिः - 136

द्वारशोभाश्रनिर्मुक्ते रेखात्रितयभूषिते।
तदन्तरेऽर्धचन्द्रस्थे कमलेऽष्टदलान्विते ॥ 136 ॥

मूलम् - 136

विश्वास-प्रस्तुतिः - 137

साम्राज्येन नियुक्तेऽस्मिन् विग्नानामच्युतेन तु।
पूजिते विधिना शश्वदभीष्टं साधकोऽश्नुते ॥ 137 ॥

मूलम् - 137

विश्वास-प्रस्तुतिः - 138

तस्मान्मन्त्रैस्तदीयैस्तु स्नात्वा पूर्वविधानतः।
प्रक्षाल्य पाणिपादौ वा त्वाचम्य न्यासमाचरेत् ॥ 138 ॥

मूलम् - 138

विश्वास-प्रस्तुतिः - 139

तदधिष्ठातृकत्वेन धारणाभिः स्वविग्रहम्।
शोधयित्वा पुनर्न्यस्य षडङ्गं तत्करादितः ॥ 139 ॥

मूलम् - 139

विश्वास-प्रस्तुतिः - 140

प्राग्वदानन्दधामाच्च ह्यवतार्य तथा प्रभुम्।
इष्ट्वा हृत्पुण्डरीके तु स्वापेक्षानिप्कलात्मकम् ॥ 140 ॥

मूलम् - 140

विश्वास-प्रस्तुतिः - 141

तमेव सकलत्वेन यातं ध्यात्वा यजेद्वहिः।
प्राग्वदर्ध्यादिपात्राणि प्रतिष्ठाप्य स्वविग्रहे ॥ 141 ॥

मूलम् - 141

विश्वास-प्रस्तुतिः - 142

विन्यस्तमन्त्रानभ्यर्च्य द्वारेदक्षिणसौम्ययोः।
चण्डप्रचण्डसदृशौ बलप्रबलसंज्ञितौ ॥ 142 ॥

मूलम् - 142

विश्वास-प्रस्तुतिः - 143

वायुवेगं महाप्राणं द्वाराग्रे गरुडोपमम्।
समभ्यर्च्य यथापूर्वं प्राग्दत्वा कमलासनम् ॥ 143 ॥

मूलम् - 143

विश्वास-प्रस्तुतिः - 144

धर्माद्यनन्तपर्यन्तं पञ्चकं नवकं तु वा।
सत्वेनाच्छादितं पश्चात् केवलेनाम्बुजं स्मरेत् ॥ 144 ॥

मूलम् - 144

विश्वास-प्रस्तुतिः - 145

तस्मिन्नावाह्य तं देवं हृदये ध्यानचोदितम्।
सन्निधानादिकं कृत्वा मुद्राबन्धपुरस्सरम् ॥ 145 ॥

मूलम् - 145

विश्वास-प्रस्तुतिः - 146

समभ्यर्च्यार्घ्यपुष्पाद्यैर्लययागविधानतः।
कर्णिकामध्यगं तस्य हृदाद्यं मुख्यमन्त्रवत् ॥ 146 ॥

मूलम् - 146

विश्वास-प्रस्तुतिः - 147

पझच्छदान्तरस्थाश्च तदाकारद्युतिं विना।
किन्त्वङ्गानां च सर्वत्र घ्यानमुक्तं सितादिकम् ॥ 147 ॥

मूलम् - 147

विश्वास-प्रस्तुतिः - 148

क्रियाख्यां तैजसीं शक्तिं स्वाहापर्यायरूपिणीम्।
लक्ष्मीरूपधरां पीतां सर्वालङ्कारमण्डिताम् ॥ 148 ॥

मूलम् - 148

विश्वास-प्रस्तुतिः - 149

प्रियानुरूपां सततं स्वासीनां वाथ सुस्थिताम्।
दक्षिणोत्तरयोगेन चामरोभयधारिणीम् ॥ 149 ॥

मूलम् - 149

(ओं) ह्रीं क्रियायै स्वाहान्तो मन्त्रोऽयं संप्रकीर्तितः। अनेन स्वामिनो देहात्तैजसाद्विघ्नसूदनात् ॥ 150 ॥

विश्वास-प्रस्तुतिः - 151

वामपार्श्वेऽवतार्यास्य भोगयागावसानतः।
गजाननो जयत्सेनो हरिवक्त्रो महाबलः ॥ 151 ॥

मूलम् - 151

विश्वास-प्रस्तुतिः - 152

कालप्रकृतिसंज्ञश्च चतुर्थः कमलोद्भव!।
गणराजेश्वरा ह्येते चत्वारश्चण्डविग्रहाः ॥ 152 ॥

मूलम् - 152

विश्वास-प्रस्तुतिः - 153

आज्ञाप्रतीक्षकाश्चास्य सुश्वेतचमरोद्यताः।
विनायकादयश्चैव विघ्नेशाः प्रवरास्तु ये ॥ 153 ॥

मूलम् - 153

विश्वास-प्रस्तुतिः - 154

अमीषां गणनाथानां नित्यमाज्ञानुपालिनः।
ईशानादिषु कोणेषु प?Rद्मबाह्ये स्थितान् न्यसेत् ॥ 154 ॥

मूलम् - 154

विश्वास-प्रस्तुतिः - 155

वीक्षमाणा विभोर्वक्त्रं तत्तुल्यस्थानकैः स्थिताः।
तद्वत्करा?Rङ्किताः सर्वे किन्तु मुद्राविवर्जिताः ॥ 155 ॥

मूलम् - 155

विश्वास-प्रस्तुतिः - 156

ध्यानमेषां पृथग्भूतं शारीरमवधारय।
भीमद्विपेन्द्रवदनं चतुरदंष्ट्रं त्रिलोचनम् ॥ 156 ॥

मूलम् - 156

विश्वास-प्रस्तुतिः - 157

कम्बुग्रीवं चतुर्बाहुं पूर्णचन्द्रायुतद्युतिम्।
हारनूपुरकेयूरमेखलादाममण्‍डितम् ॥ 157 ॥

मूलम् - 157

विश्वास-प्रस्तुतिः - 158

नानास्रग्गन्धवस्त्राढ्यमनौपम्यपराक्रमम्।
ध्यायेद्गजाननमतो जयत्सेनं च संस्मरेत् ॥ 158 ॥

मूलम् - 158

विश्वास-प्रस्तुतिः - 159

महत्तुरङ्गवदनं पझरागाचलप्रभम्।
द्रवच्चामीकराक्षं च त्वनेकाद्‌भुतविग्रहम् ॥ 159 ॥

मूलम् - 159

विश्वास-प्रस्तुतिः - 160

हरिवक्त्रमतो ध्यायेत् सटाच्छुरितमस्तकम्।
निष्टप्तकनकप्रख्यं द्योरघर्घरनिस्वनम् ॥ 160 ॥

मूलम् - 160

विश्वास-प्रस्तुतिः - 161

मृगरा?Rड्वदनं विप्र! कल्पान्तनिलवेगिनम्।
कालप्रकृतिनामानं भावयेदञ्जनद्रिवत् ॥ 161 ॥

मूलम् - 161

विश्वास-प्रस्तुतिः - 162

दंष्ट्राकरालवदनं पि?Rङ्गलश्मश्रुलोचनम्।
झषकुण्डलभृद्रौद्रं मीनवन्निम्ननासिकम् ॥ 162 ॥

मूलम् - 162

विश्वास-प्रस्तुतिः - 163

गणराजेश्वराः ह्येते महापुरुषलक्षणैः।
संयुक्ताश्चाखिलैर्विप्र! आपादात् कन्धरावधि ॥ 163 ॥

मूलम् - 163

विश्वास-प्रस्तुतिः - 164

यत्किञ्चिन्मण्डनं वस्तु तदाद्योक्तं स्मरेत्त्रिषु।
एतेषामर्चनं कुर्यात् स्वनाम्ना प्रणवादिना ॥ 164 ॥

मूलम् - 164

विश्वास-प्रस्तुतिः - 165

नमोन्तेनाब्जसंभूत! नानासिद्धिफलाप्तये।
अष्टाष्टकैस्तदर्धैर्वातस्यार्धैर्वा यथारुचि ॥ 165 ॥

मूलम् - 165

विश्वास-प्रस्तुतिः - 166

क्षिप्रकर्मप्रसिध्द्यर्थमष्टभिर्वा समर्चयेत्।
तन्निवेदितमन्नाद्यमर्घ्यस्रक्‌चन्दनादिकम् ॥ 166 ॥

मूलम् - 166

विश्वास-प्रस्तुतिः - 167

न देयं कस्याचित् प्राज्ञैरैहिकामुष्‌मिकाप्तये।
स्वाश्रितानामनुज्ञातं भूतानां चैव तेन तत् ॥ 167 ॥

मूलम् - 167

विश्वास-प्रस्तुतिः - 168

नित्यं तदूर्ध्वतस्तेषामाशास्थगितचारिणी।
अत एव हि भोक्तॄणामर्थहानिं ददन्ति ते ॥ 168 ॥

मूलम् - 168

विश्वास-प्रस्तुतिः - 169

नूनमाशागणं सर्वं ध्वंसयन्ति सदैव हि।
तस्माद्ददाति योऽन्येषां स्वयमश्नाति वाऽधमेः ॥ 169 ॥

मूलम् - 169

विश्वास-प्रस्तुतिः - 170

मोहादुपेक्षते वापि स याति नरकेऽधमः।
अतः श्रेयोर्थिना कार्यः परिहारः सदैव हि ॥ 170 ॥

मूलम् - 170

विश्वास-प्रस्तुतिः - 171

तच्चापि क्ष्मातले कूषे तटाकादौ तु चोत्क्षिपेत्।
नोपभोगं यथा याति काकादिष्वब्जसंभव! ॥ 171 ॥

मूलम् - 171

विश्वास-प्रस्तुतिः - 172

य स्मात् सन्मन्त्रपूतं तत् प्राधान्येनापि वर्धते।
अतो निषिद्धः पापानामपापानां विशेषतः ॥ 172 ॥

मूलम् - 172

विश्वास-प्रस्तुतिः - 173

इति सम्यक् समाख्यातं विष्वक्‌सेनार्चनं तव।
अतः परं यद्वक्तव्यमस्ति चेत्तद्वदस्व भे ॥ 173 ॥

मूलम् - 173

सनकः ---

विश्वास-प्रस्तुतिः - 174

कुमुदाद्यावृतीशानां द्वारावरणवासिनाम्।
शिलालोहादिभिः क्लृप्ता या या मूर्तिः प्रतिष्ठिता ॥ 174 ॥

मूलम् - 174

तत्र तत्र च किं कार्यमर्चने तद्वदस्व मे। शाण्डिल्यः --- द्वारावरणदेवानां सुस्थितानां स्वसझसु ॥ 175 ॥

विश्वास-प्रस्तुतिः - 176

चलानां वाथ हेमाद्यैर्निर्मितानां यथाविधि।
त्रिकालं वा द्विकालं वा संकटे त्वेककालिकम् ॥ 176 ॥

मूलम् - 176

विश्वास-प्रस्तुतिः - 177

तत्तन्मन्त्रेण कुर्वीत पूजामष्टोपचारतः।
परव्यूहादिरूपस्य विष्णोर्दिव्यालयादिषु ॥ 177 ॥

मूलम् - 177

विश्वास-प्रस्तुतिः - 178

प्रासादबेरप्राकारगोपुरद्वारमण्टपान्।
पचनालयपानीयशालापुष्पादिमण्टपान् ॥ 178 ॥

मूलम् - 178

विश्वास-प्रस्तुतिः - 179

धनधान्याम्बरावासमालिकाबलिविष्टरान्।
तथा?Rङ्गाश्रयस?Rद्मानि गोशालावाहनास्पदान् ॥ 179 ॥

मूलम् - 179

विश्वास-प्रस्तुतिः - 180

अपूर्वानथवा जीर्णान् नष्टांश्चैबोद्धरन्ति ये।
ग्रामादिरथ्यावरणानुत्सवभ्रमणाय च ॥ 180 ॥

मूलम् - 180

विश्वास-प्रस्तुतिः - 181

फलपुष्पद्रुमाढ्यानि वापीकूपान्वितानि च।
विश्राममण्डपोपेतनिपानालह्‌कृतानि च ॥ 181 ॥

मूलम् - 181

विश्वास-प्रस्तुतिः - 182

उद्यानानि प्रकुर्वन्ति ये भक्त्या तु जगत्‌प्रभोः।
केदारापणपूर्वाणि साधनानि ददन्ति ये ॥ 182 ॥

मूलम् - 182

विश्वास-प्रस्तुतिः - 183

समाराधकपूर्वाणां तदैव परिचारिणाम्।
दासीदासकुटुम्बानां देवालायनिवासिनाम् ॥ 183 ॥

मूलम् - 183

विश्वास-प्रस्तुतिः - 184

पोषं कुर्वन्ति ये वृत्या नित्यया प्रीतये विभोः।
देवस्याङ्गाङ्गिरूपस्य परिवारगणस्य च ॥ 184 ॥

मूलम् - 184

विश्वास-प्रस्तुतिः - 185

नू पुरादिकिरीटान्तैर्विग्रहं भूषयन्ति ये।
प्रासादगोपुरादीनि चामीकरमयानि च ॥ 185 ॥

मूलम् - 185

विश्वास-प्रस्तुतिः - 186

शयनासनयानानि रथानि विविधानि च।
महान्ति हेमसद्रत्नरचितानि समन्ततः ॥ 186 ॥

मूलम् - 186

शयनासनयानानि रथानि विविधानि च।
महान्ति हेमसद्रत्नरचितानि समन्ततः ॥ 186 ॥

विश्वास-प्रस्तुतिः - 187

द्विरदांश्च वराश्वांश्च यागोपकरणानि च।
पाद्यार्घ्यपात्रपूर्वाणि पादोदादिप्रतिग्रहान् ॥ 187 ॥

मूलम् - 187

विश्वास-प्रस्तुतिः - 188

भद्रपीठं तथा दीपधूपयोर्लक्षणान्वितम्।
पात्रयुग्मं च वै घण्टामक्षसूत्रादिकान्यपि ॥ 188 ॥

मूलम् - 188

विश्वास-प्रस्तुतिः - 189

छत्राणि चामरादीनि सितानि विविधानि च।
उपानत्पादुकादीनि पादपीठान्यनेकशः ॥ 189 ॥

मूलम् - 189

विश्वास-प्रस्तुतिः - 190

हविःस्थालीश्च विविधाः साधाराश्च सलक्षणाः।
हेमराजतताम्रोत्थास्ताम्बूलाधारसंयुताः ॥ 190 ॥

मूलम् - 190

विश्वास-प्रस्तुतिः - 191

स्रुक् स्रुवादीनि भाण्डानि यान्यन्यानि समर्चने।
उपयोग्यानि सर्वाणि येऽर्पयन्ति जगद्विभोः ॥ 191 ॥

मूलम् - 191

विश्वास-प्रस्तुतिः - 192

देवद्रव्याणि रक्षन्ति देवस्वं च भयान्विताः।
सदागमादिसिद्धान्तनिश्चयार्थप्रशंसकाः ॥ 192 ॥

मूलम् - 192

विश्वास-प्रस्तुतिः - 193

दीक्षापयन्ति सद्भक्तान् ये वेदान्तार्थसूचकाः।
भाषाभिः स्वस्वकीयाभिर्ये तदर्थप्रबन्धकाः ॥ 193 ॥

मूलम् - 193

विश्वास-प्रस्तुतिः - 194

भक्तोत्तमास्ते विज्ञेयास्तान् दिव्यायतनादिषु।
चलस्थिरविभागेन लोहैर्वा शिलयाथवा ॥ 194 ॥

मूलम् - 194

विश्वास-प्रस्तुतिः - 195

स्वस्ववर्णाश्रमाचारसदृशाकृतिचेष्टितान्।
बद्धाञ्जलिपुटान् वाथ प्रमाणेनोपलक्षितान् ॥ 195 ॥

मूलम् - 195

विश्वास-प्रस्तुतिः - 196

लाञ्छितान्श्चक्रश?Rङ्खाभ्यां भुजयोर्दक्षिणादितः।
पझविष्टरमध्ये तु स्वासीनान् वाथ सुस्थितान् ॥ 196 ॥

मूलम् - 196

विश्वास-प्रस्तुतिः - 197

ऋजुस्थित्या यथाशोभं वैशाखस्थानकेन वा।
निर्माय च विधानेन प्राङ्कमे मण्टपेऽथवा ॥ 197 ॥

मूलम् - 197

विश्वास-प्रस्तुतिः - 198

प्रासादेष्वनुरूपेषु कल्पितेष्वग्रतो विभोः।
यथावकाशं वामे वा दक्षिणे वाथ पश्चिमे ॥ 198 ॥

मूलम् - 198

विश्वास-प्रस्तुतिः - 199

स्वस्वमन्त्रैः प्रतिष्ठाप्य विधिवच्छ्रद्धयार्चयेत्।
श्रृणु मन्त्रांस्तदीयांस्तु स्थापनादिषु कर्मसु ॥ 199 ॥

मूलम् - 199

विश्वास-प्रस्तुतिः - 200

प्रधानपुरुषेशात्मतारकब्रह्नणाऽथवा।
अहं स तारकेणैव सविसर्गेण चान्तिमे ॥ 200 ॥

मूलम् - 200

विश्वास-प्रस्तुतिः - 201

आद्येन वा द्वितीयेन युक्तया त्रितयेन वा।
संज्ञया योजनीयास्ते साङ्गयागानतः श्रृणु ॥ 201 ॥

मूलम् - 201

विश्वास-प्रस्तुतिः - 202

ताराद्ययोर्द्वयोरेकं षोढा कृत्वा तदन्तिमे।
ज्ञानादिहृदयादीनि चतुर्थ्यन्तान्युदीरयेत् ॥ 202 ॥

मूलम् - 202

विश्वास-प्रस्तुतिः - 203

प्रणवाधारयुक्तानि प्रागेवाङ्गान्यमूनि वै।
विन्यस्य संयजेन्नित्यं भक्तान् परमधर्मिणः ॥ 203 ॥

मूलम् - 203

विश्वास-प्रस्तुतिः - 204

पारतन्त्र्ये विधिरयं भक्तानां संप्रकीर्तितः।
स्वातन्त्र्ये चाग्रहारादौ विपिने वा नदीतटे ॥ 204 ॥

मूलम् - 204

विश्वास-प्रस्तुतिः - 205

सप्राकारं विमानं तु यथेष्टतलशोभितम्।
कल्पयित्वा प्रयत्नेन रथ्याभिश्च परिष्कृतम् ॥ 205 ॥

मूलम् - 205

विश्वास-प्रस्तुतिः - 206

देशान्तरगतानां वा भगवल्लोकवासिनाम्।
दृश्यरूपमदृश्यं वा देवसारूप्यतां गतम् ॥ 206 ॥

मूलम् - 206

विश्वास-प्रस्तुतिः - 207

स्थापयित्वा विधानेन प्रासादे मानुषे पदे।
दिव्यमानुषयोर्वाथ दिव्ये वा मानुषाश्रिते ॥ 207 ॥

मूलम् - 207

विश्वास-प्रस्तुतिः - 208

विष्णोर्मन्त्रासनाव्यक्तपझमध्यस्थचेतनात्।
भक्तबिम्बहृदम्भोजे चैतन्यमवतार्य च ॥ 208 ॥

मूलम् - 208

विश्वास-प्रस्तुतिः - 209

सकलीकृत्य मन्त्रेण साङ्गेनाभ्यर्चयेत् सदा।
आवाहने विशेषोऽयं जीवतां वाप्यजीवताम् ॥ 209 ॥

मूलम् - 209

विश्वास-प्रस्तुतिः - 210

सर्वत्राव्यक्तपझाद्यैरष्टभिर्वा द्विरष्टभिः।
भोगैः प्रागुदितैः स्फीतैस्ताम्बूलान्तैरनुक्रमात् ॥ 210 ॥

मूलम् - 210

विश्वास-प्रस्तुतिः - 211

तत्तज्जन्मदिने कार्यं तेषां वैशेषिकार्चनम्।
कृत्वा पझध्वजारोहं कार्यस्तत्र महोत्सवः ॥ 211 ॥

मूलम् - 211

विश्वास-प्रस्तुतिः - 212

देवेन सह कर्तव्यः परतन्त्रोत्सवे ध्वजः।
भक्तप्रणीता गाधाश्च श्रुत्यन्तार्थोपबृह्निताः ॥ 212 ॥

मूलम् - 212

विश्वास-प्रस्तुतिः - 213

श्रावयेद्विधिवद्देवं भक्त्या गीतिपुरस्सरम्।
तन्निवेदितमन्नाद्यं गायकेब्यः प्रदापयेत् ॥ 213 ॥

मूलम् - 213

विश्वास-प्रस्तुतिः - 214

इति ते वैनतेयादिपरिवारगणस्य च।
पूजनं सर्बमाख्यातं नानासिद्धिफलप्रदम् ॥ 214 ॥

मूलम् - 214

विश्वास-प्रस्तुतिः - 215

गोपनीयं प्रयत्नेन नास्तिकानांविशेषतः।
प्रकाशयस्व भक्तानां नित्यकर्मरतात्मनाम् ॥ 215 ॥

मूलम् - 215

इति श्रीपाञ्चरात्रे पारमेश्वरसंहितायां क्रियाकाण्डे गरुडविष्वक्सेनादिपरिवारार्चनविधानं नामाष्टमोऽध्यायः समाप्तः ॥ **************