५६

प्। २९८)

रक्षादीपं कथं देवं शृणुं तत्व प्रभञ्जन ।
यत्सर्वं तत्त्वया पृष्ट तत्सर्वं वद मे प्रभो ॥ १ ॥

रक्षादीपं विशेषेण उत्तमामध्यमाधमा ।
शान्तिकं पौष्टिकं चैव कामदं च त्रिधा मतम् ॥ २ ॥

स्वर्णं वा रजतं वापि लोहं वा कासमेव च ।
स्थलिका कृतिसंयुक्तं विंशदाङ्गुलिसंयुतम् ॥ ३ ॥

मध्याद्युत्तरपर्यन्तं पञ्चकुम्भानि विन्यसेत् ।
दशाङ्गुलसमुत्सेधं विस्तृतं च दशाङ्गुलम् ॥ ४ ॥

तदूर्ध्वे दीपविन्यस्य कल्पयेत् कल्पमुत्तमः ।
पादं चैव शराङ्गुल्यं मुत्सेधं तत्समं भवेत् ॥ ५ ॥

विस्तारं तावदेवं च दीपपात्रं च कल्पयेत् ।
त्रिपाद्युपरिविन्यस्य रक्षादीपं तु कारयेत् ॥ ६ ॥

एवं शान्तिकमित्युक्तं पौष्टिकस्य विधि शृणु ।
विंशत्यङ्गुलविस्तारं स्थलिकामानमुच्यते ॥ ७ ॥

शालिपिष्ठमयेनाय दीपाधारं च पञ्चधा ।
एवत्पौष्टिकमाख्यातं काम्यदं च ततः शृणु ॥ ८ ॥

विस्तारं च चतुर्विंशत्पात्रसुवृत्तमुत्तमम् ।
पञ्चसप्तनवैकं वा दीपाराधानं प्रयत्नतः ॥ ९ ॥

गोमयं वाथ पिष्टं वा विन्यसेत् सप्तपात्रकैः ।
नवदीपं विशेषेण स्थण्डिलं प्रस्थपादकम् ॥ १० ॥

प्। २९९)

पाचयित्वा क्रमेणैव कुडुपं मध्यपिण्डकम् ।
अष्टदिक्षु क्रमात्सर्वं सर्वदिक्षुकृतं हवि ॥ ११ ॥

पञ्चवर्णैः समालिप्य अथवा रक्तवर्णकम् ।
तदूर्ध्वे वर्तितं प्राप्य गोघृतेनैव सेचयेत् ॥ १२ ॥

नयनोच्छिष्टमार्गेण प्रदोषे सम्यगाचरेत् ।
दिनं प्रति विशेषेण राज्ञां विजयभेतले ॥ १३ ॥

शान्तिकं नित्यवत् कार्यं कुण्डे वा संस्कृतेऽपि च ।
सायाह्ने शयनं कुर्याद्यक्षेशिं सम्यगर्चयेत् ॥ १४ ॥

।
तस्य पश्चिमदिग्भागे स्थण्डिलं चतुरश्रकम् ॥ १५ ॥

स्थलिकां विन्यसेत् तत्र नेत्रमन्त्रेणसंयुतम् ।
तैलं वा गोघृतं वापि वन्तितं चैव सेचयेत् ॥ १६ ॥

कुण्डाग्नौ दीपयेत् पश्चात् प्रमादेन तु मन्त्रतः ।
अथवा वह्निबीजं वा मध्यदीपं प्ररोपयेत् ॥ १७ ॥

पूर्वाद्युत्तरपर्यन्तं पुरुषोदीषु मन्त्रकैः ।
व्योमव्यापि समुच्चार्या सर्वदीपं प्रपूजयेत् ॥ १८ ॥

गणिकां वा देवदासि वत्याराथेद् दीपपात्रकम् ।
वादि त्रिलयसंयुक्तं गणिका नृत्तमाचरेत् ॥ १९ ॥

वेदध्वनि समायुक्तं सर्ववाद्यसमन्वितम् ।
गच्छेत् प्रदक्षिणं तस्य तत्तवेदपस्य सन्निधौ ॥ २० ॥

प्। ३००)

अस्त्रमन्त्रसमुच्चार्य दीपान्सम्पूजयेद्गुरु ।
धूपदीपवसाने तु रक्षामन्त्रं समुच्चरन् ॥ २१ ॥

अष्टपुष्पैसमभ्यर्च्य लिङ्गादीन् जयेत् ततः ।
त्रिन्वन्तरं च वारान्वा भ्रामयेत् तु शनैः शनैः ॥ २२ ॥

पुनश्च गणिकाद्याथ बलिपीठाग्रके क्षिपेत् ।
एवं शान्तिकमित्युक्तं पौष्टिकं च ततः शृणु ॥ २३ ॥

शिवाग्रे तु विशेषेण मण्डलस्य तु मत्सुधिः ।
विन्यसेत् स्थलिकोर्ध्वे तु रक्षादेविं च मन्त्रतः ॥ २४ ॥

नेत्रमन्त्रमनुस्मृत्य प्रोक्षयेत् तु शिवाम्भसा ।
गर्भगेहं ततः प्राप्य अस्त्रमन्त्रेण पूजयेत् ॥ २५ ॥

रक्षादेविमनुस्मृत्य ततो देविमिवादिकम् ।
एकद्वित्रिक्रमाद्भ्राम्य बेरादीन्भ्रमणं ततः ॥ २६ ॥

सविसर्जन तत्काले भस्मानि दापयेत् ततः ।
शिवस्य रक्षां कृत्वा तु सर्वप्राणि हितावहम् ॥ २७ ॥

एवं पौष्टिकमेवोक्तस्याद्य दत्वाधुना शृणु ।
कुण्डे वा स्थण्डिले वापि गर्भगेहेऽथवा पुनः ॥ २८ ॥

सप्तपात्रे तु कर्तव्यं सदीपं च स पूजयेत् ।
पौष्टिकस्य क्रमेणैव पूजयेद् देवमुत्तमम् ॥ २९ ॥

शिवेन दीपं संयोज्य विसर्जने यथा भवेत् ।
एवं कामदमित्युक्तं कथयं देव त्वया शृणु ॥ ३० ॥

प्। ३०१)

उत्तमं दीपमाख्यातं सप्ताङ्गुलं तदुत्तमम् ।
शराङ्गुलं तु मध्यं स्याच्छूलाङ्गुलं तु कन्यसाम् ॥ ३१ ॥

गोघृतं चोत्तमं प्रोक्तं जाघ्रतं तु च मध्यमम् ।
तैलं कन्यसमेवोक्तं गालितेनैव कारयेत् ॥ ३२ ॥

दूर्वाक्तश्च संयोज्य दर्पणं भसितेन च ।
पाद्यादि दर्शनादूर्ध्वं शिवे दद्यात् क्रमेण तु ॥ ३३ ॥

यक्षेश्वरिं स्वरूपं तु शृणुं तद्वत् प्रभञ्जन ।
यान्तेनैव समायुक्तं रक्षरस्वरसंयुतम् ॥ ३४ ॥

ओङ्कारादि नमोत्ताश्च मध्ये रक्षेशिबीजकम् ।
परात्परमिदं मन्त्रं तव स्तोत्रप्रकाशितम् ॥ ३५ ॥

द्विभुजं चेकवक्त्रं च द्विपादं च द्विनेत्रकम् ।
करण्डमकुटोपेतं सौम्यरूपस्मिताननम् ॥ ३६ ॥

दीपमध्येन्न्यसेद् देवीमञ्जलिकृतमुद्रया ।
एवं ध्यात्वा यजेद् देविं रक्षादेवीं च मत्रवित् ॥ ३७ ॥

वामादि शक्तयश्चाष्टौ पूर्वादिक्रमतो यजेत् ।
सोमाङ्गारादि सम्पूज्य द्वितिय्यवरणे न्यसेत् ॥ ३८ ॥

लोकपालादि सम्पूज्य त्रितिय्यवरणे न्यसेत् ।
एवमेव क्रमेणैव रक्षेशिं पूजयेद् बुधः ॥ ३९ ॥

भस्मा पश्चाद्भस्मन्ददेश्छभोस्तश्चेषं तु जनाय च ।
प्रदोषे शयनं कल्प्य एवं निश्चित्य बुद्धिमान् ॥ ४० ॥

प्। ३०२)

सर्वपापहरं पुण्यं सर्वदेवप्रियार्थकम् ।
एवं क्रमेण संयोज्य रक्षादीपं समाचरेत् ॥ ४१ ॥

इति सूक्ष्मशास्त्रे रक्षादीपविधिं नाम षट्पञ्चाशत् पटलः ॥ ५६ ॥