५४

पादुकाराधनं वक्ष्ये शृणुध्वं तत्प्रभञ्जना ।
अर्धयामस्य पूजान्ते पूजयेत् पादुकावुभौ ॥ १ ॥

स्थलिकोर्ध्वे तु विन्यस्य तन्मध्ये वृषभं लिखेत् ।
तस्योर्ध्वे शिवमावाह्य गन्धपुष्पैसृगादिभिः ॥ २ ॥

शिबिकोर्ध्वे समारोप्य शङ्खघोषसमन्वितम् ।
सर्वालङ्कारसंयुक्तं सर्ववाद्यसमन्वितम् ॥ ३ ॥

प्। २९०)

स्तोत्रगीतसमायुक्तं शक्तिस्थाने समाविशेत् ।
पादप्रक्षालनं कृत्वा पाद्याचमनं ददेत् ॥ ४ ॥

हस्तवारि गृहित्वा तु विकिरे शयनोपरि ।
देविरभ्यर्च्यविधिवद् अस्त्रेणावाह्य देशिकः ॥ ५ ॥

शयनोपरिविन्यस्य तस्योर्ध्वे शिवमर्चयेत् ।
पाद्यमाचमनं दत्वा भक्ष्या प्रपादिकं ददेत् ॥ ६ ॥

धूपदीपादिकं दत्त्वा ताम्बूलं दापयेद् धृदा ।
दशास्त्रं परितोभ्यर्च्य पादुकौ विन्यसेत् स्थले ॥ ७ ॥

वस्त्रेणैव विधानं च कुर्यात् कवाटबन्धनम् ।
शण्डेश्वरं समभ्यर्च्य स्वगृहं प्रविशेद्गुरुः ॥ ८ ॥

एवं यत्कुरुते मर्त्यः स पुण्यां गतिमाप्नुयात् ।

इति सूक्ष्मशास्त्रे पादुकाराधनं नाम चतुःपञ्चाशत्पटलः ॥ ५४ ॥