२५

लिङ्गस्थापनम् ।

अतः परं प्रवक्ष्यामि लिङ्गस्थापनमुत्तमम् ।
नगरादिविमानेषु किञ्चिदीशानमाश्रितम् ॥ १ ॥

तन्मध्ये स्थापयेत् स्थाणुनैवर्गस्यत् प्रचारयेत् ।
मध्याप्रचलितं लिङ्गं सर्वत्र चलितं नयेत् ॥ २ ॥

गर्भं तु नवधा कृत्वा एकैकस्य विधानतः ।
द्वारमानेन वा कुर्याद्धस्तमानेन वा पुनः ॥ ३ ॥

अस्तमानेन वा कुर्यान्नवहस्तान्तमेव च ।
त्रयत्रिंशाङ्गुलदैर्घ्यं मुत्तमं मानमुच्यते ॥ ४ ॥

एकैकत्र्यङ्गुलं हीनं मध्यमं चाधमं भवेत् ।
एकैकत्र्यङ्गुलं हीनं नवधा मानमिष्यते ॥ ५ ॥

नाहस्य त्र्यङ्गुलं हीनं कर्णमानेन वा पुनः ।
आयव्ययसमायुक्तं सर्वं कुर्याद् विशेषतः ॥ ६ ॥

प्। १०३)

व्ययहीनाधिकं चैव आयाधिक्यं विशेषतः ।
शिल्पशास्त्रेण संयुक्तामाचर्यस्य विशेषतः ॥ ७ ॥

यवहीनाधिकं चैव यजमानाय नाशकृत् ।
तस्मात् सर्वप्रयत्नेन हीनाधिक्यं न कारयेत् ॥ ८ ॥

उत्तरायणकाले तु देवानां तु दिवास्मृताः ।
आषाढादि च षाण्मासं देवानां निचि चोच्यते ॥ ९ ॥

दिवाकाले प्रकर्तव्यं लिङ्गस्थापनकर्मणि ।
पुष्ये च माघमासे च लिङ्गस्थापनमुत्तमम् ॥ १० ॥

फाल्गुने चैत्रमासे च मध्यमं कालमिष्यते ।
वैशाखे च तथा ज्येष्ठे अधमं कालमिष्यते ॥ ११ ॥

ब्राह्मणाना तु पुष्यर्थं पुष्यमासे कृतं भवेत् ।
नृपाणामभिवृद्ध्यर्थं माघमासे तु कारयेत् ॥ १२ ॥

फाल्गुने वैश्यजातीनां शूद्राणां चैत्रमासके ।
वैशाखे पशुजातीनाम् अन्येषां ज्येष्ठमासके ॥ १३ ॥

एवं मासफलं प्रोक्तं लिङ्गस्थापनकर्मणि ।
दिवाकाले तु सम्प्राप्ते तदा काले तु स्थापयेत् ॥ १४ ॥

अकाले तु यदा सम्यक् दृश्यते गरुभार्गवौ ।
मघस्वाति च सौमे दृश्रवणे अश्वयुग्भवेत् ॥ १५ ॥

पुनर्वसूश्च तिष्यश्च उत्तरत्रिणिरेव च ।
मैत्रे च रोहिणी चैव एषु ऋक्षेषु स्थापयेत् ॥ १६ ॥

प्। १०४)

जीवशुक्रबुधसोम अर्कवाराः शुभास्मृताः ।
पूर्वपक्षे तृतीये च द्वितीये पञ्चमि तथा ॥ १७ ॥

षष्ठा च सप्तमि चैव दशम्येकादशि तथा ।
त्रयोदशि तथा चैव उभयोः पक्षयोरपि ॥ १८ ॥

कृष्णपक्षे तृतीये च प्रतिपत् पञ्चमि तथा ।
षष्टि चा सप्तमि चैव दशमी च विशेषतः ॥ १९ ॥

अमृतयोगे सिद्धियोगे परयोगे विशेषतः ।
वृषभे मिथुने चैव मीने सिंहे तथैव च ॥ २० ॥

वृश्चिके च घटे चैव कन्याराशि तथैव च ।
प्रतिष्ठारम्भविधिना यजमानानुकूलकम् ॥ २१ ॥

चतुर्थे सप्तमे चैव पञ्चमे च तृतीयके ।
एषु स्थानेषु चन्द्रं स्यात् जीवशुक्रबुधोदये ॥ २२ ॥

द्वादशे च तृतीये च दशम्येकादशि तथा ।
एषु स्थानेषु शास्त्रं हि बुधस्यानुविशेषतः ॥ २३ ॥

द्वितीये पञ्चमे चैव दशमे सप्तमे तथा ।
एषु स्थानेषु शास्त्रं हि बृहस्पतिः स्थिते सति ॥ २४ ॥

षट्सप्तदशमस्थेयं भार्गवो वुभयोऽब्रवीत् ।
त्रिषडायगताः पापाः सर्वान् एकादशेऽपि च ॥ २५ ॥

सर्वे ग्रहाष्टमस्थैश्चेत् कर्तॄणां तु स्थितिं कुरु ।
तस्मात् सर्वप्रयत्नेनाशुभं चैव तु वर्जयेत् ॥ २६ ॥

प्। १०५)

स्वात्रिरोहणि संयुक्ते तृतीये शनिवारके ।
बुधद्वियुक्तो द्वितीये च अनुराध तथा युता ॥ २७ ॥

पूष्णे तु पञ्चमियुक्तगुरुवारे विशेषतः ।
एवमादिषु योगेषु अन्येषु शुभयोगकृत् ॥ २८ ॥

याथा योगेषु सम्प्राप्तेः सर्वदोषा विनिश्यति ।
एवं परिक्ष्य यत्नेन प्रतिष्ठां गुरुरारभेत् ॥ २९ ॥

लिङ्गस्थापनकाले तु कालाति क्रमणं न च ।
एकाहं पूजयेत् तत्र सर्वदोषहरं नृणाम् ॥ ३० ॥

तस्मात् सर्वप्रयत्नेन लिङ्गस्थाप्य विशेषतः ।
जङ्गमादीनि लिङ्गानां कालकालपरिक्षयेत् ॥ ३१ ॥

प्रासादमण्डपं चैव प्राकारं गोपुरं तथा ।
अन्येषां देवकार्येषु यजमानेच्छया सहा ॥ ३२ ॥

नवाहे चैव सप्ताहे पञ्चाहे वा कुरार्पणम् ।
अकुरानर्पयित्वा तु प्रतिष्ठां सम्यगाचरेत् ॥ ३३ ॥

अङ्कुरार्पणप्रथमं द्वितीयं लिङ्गशोधनम् ।
तृतीयं ब्रह्मसूत्रं तु चातुत् ग्रामप्रदक्षिणम् ॥ ३४ ॥

पञ्चमं जलमध्ये तु जलकृत्या विधानतः ।
षष्ठे मण्डपसंस्कारं सप्तमे शयनक्रय ॥ ३५ ॥

अष्टमे कुम्भसंस्कारं नवमे होमकर्मणि ।
दशमे दक्षिणाप्रोक्ता मत्रन्यासमतः परम् ॥ ३६ ॥

प्। १०६)

द्वादशं चार्चनं प्रोक्तं स्नपनं तु त्रयोदश ।
एषां क्रमेण वक्ष्यामि यथा वा मुनिपुङ्गवाः ॥ ३७ ॥

इति सूक्ष्मशास्त्रे लिङ्गस्थापनं नाम पञ्चविंशति पटलः ॥