१२

भेरीताडनपूर्वं तु दिवारात्रौ च ताडयेत् ।
अङ्कुरार्पणपूर्वे तु रात्रावेव प्रताडयेत् ॥ १ ॥

भेरीलक्षणमार्गेण भेरिकां कारयेद् बुधः ।
प्रोक्षयेत् पञ्चगव्येन नन्दिगायत्रिमन्त्रतः ॥ २ ॥

प्। ५९)

स्नपनं कारयेत् तत्र पञ्चविंशतिसङ्ख्यया ।
मण्डपस्य तु मध्ये तु परिवेषस्य मध्यमे ॥ ३ ॥

गोमयालेपनं कृत्वा पञ्चचूर्णैरलङ्कृतम् ।
आपोहिष्ठेति मन्त्रेण प्रोक्षयेत् तु कुशाम्भसा ॥ ४ ॥

स्थण्डिलं तत्र कुर्वीत द्विहस्तेन विशेषतः ।
त्रिहस्तं चैव विस्तारं शालिभिश्चतुरङ्गुलम् ॥ ५ ॥

मध्येचाष्टदलोपेतं तिलदण्डुलसम्मितम् ।
धर्मेण संस्मरेद्धीमान् गन्धपुष्पादिनार्चयेत् ॥ ६ ॥

वामादिशक्तिविन्यस्य पूर्वरात्रेण विन्यसेत् ।
कर्णिकायां न्यसेत् शूलं भेरिं चान्ये तु कारयेत् ॥ ७ ॥

स्थण्डिलं पूर्ववत् कृत्वा मध्ये भेरिं तु विन्यसेत् ।
वस्त्रयुग्मपरिच्छिन्नं कुशदर्भेन वेष्टितम् ॥ ८ ॥

गन्धपुष्पादिना धीमान् शूलादीनि प्रपूजयेत् ।
क्रमेणाराध्ययत्नेन हविस्तत्र प्रदापयेत् ॥ ९ ॥

आचार्य ताडयेद् भेरिं वाद्यकस्ततनन्तरम् ।
तस्मिन्देशे बलिं दद्यान्नन्दिगायत्रि मन्त्रतः ॥ १० ॥

ग्रामप्रदक्षिणं कृत्वा सर्वालङ्कारसंयुतम् ।
त्रिशूलेन समायुक्तं सन्ध्यां सन्ध्या हि ताडयेत् ॥ ११ ॥

तदन्ते देवता ह्वानं कारयेत् तु विशेषतः ।
रात्र्यमेवं प्रकर्तव्यं नवरात्रं विशेषतः ॥ १२ ॥

प्। ६०)

दिवा रात्रं विशेषतः ।

इति सूक्ष्मतन्त्रे भेरीताडनं नाम् द्वादशः पटलः ॥