१०

करकृतमपराधः क्षतुमर्हन्ति सन्तः ॥

अतः परं प्रवक्ष्यामि अङ्कुरार्पणमुत्तमम् ।
उत्सवे स्नपने चैव स्थापने प्रोक्षणे तथा ॥ १ ॥

सर्वमङ्गलकार्यादौ अङ्कुरानर्पयेत् क्रमात् ।
प्रथमम् अङ्कुरं चैव द्वितीयं चोत्सवाङ्कुरम् ॥ २ ॥

तीर्थाङ्कुरं तृतीयं तु तुरीयं चोत्सवाङ्कुरे ।
मानुषादिपिशाचान्तं मन्यानं तु प्रकीर्तितम् ॥ ३ ॥

प्। ५२)

नवाहे प्रथमं कुर्यात् सप्ताहे च द्वितीयकम् ।
तद्दिने च तृतीयं स्याद्वापयेदङ्कुरं बुधः ॥ ४ ॥

प्रथमं च द्वितीयं च मङ्गलाङ्कुरमुच्यते ।
तृतीयमुत्सवाङ्गं स्यादुत्सवेषु च योग्यकम् ॥ ५ ॥

उत्सवादिषु कार्येषु प्रथमाङ्कुरमारभेत् ।
तस्मात्सर्वप्रयत्नेन तीर्थाङ्कुरमथारभेत् ॥ ६ ॥

सप्ताहे चैव पञ्चाहे त्रियाहे सद्य एव च ।
मङ्गलाङ्कुरकं कुर्यात् सर्वकार्येषु योग्यकम् ॥ ७ ॥

अस्त्रं च सोमकुम्भं च प्रदक्षिणविशेषतः ।
मङ्गलाङ्कुरकं कुर्यात् तीर्थाङ्कुरं तु वापयेत् ॥ ८ ॥

पालिका घटिका चैव शरावं च त्रिभेदकम् ।
पालिका रत्नमात्रोच्चां मात्राङ्गुलेन कारयेत् ॥ ९ ॥

पालिका मुखविस्तारं मायार्थं न प्रकल्पयेत् ।
तत् तत्रिगुणतन्नाहं पालिकापादमानकम् ॥ १० ॥

घटिकाघटविस्तारं षडङ्गुलमुदाहृतम् ।
शरावमुखविस्तारं द्वादशाङ्गुलमुच्यते ॥ ११ ॥

कालं भिन्नं च सुषिरं भेदं चलनभिञ्चकम् ।
वर्जयेत् तु प्रयत्नेन साधयेल्लक्षणान्वितम् ॥ १२ ॥

प्। ५३)

सौवर्णे रजते ताम्रे कांस्ये वा मृन्मये तु वा ।
यथालाभप्रमाणेन कारयेद् देशिकोत्तमः ॥ १३ ॥

दर्भार्ग्रैवा कुशाग्रैर्वा निच्छिद्रं सुषिरं नयेत् ।
वालुकैर्गोमयेर्मृद्भिः पालिकादि प्रपूजयेत् ॥ १४ ॥

प्रासादस्याग्रतः कुर्यात् स्थण्डिलं चतुरश्रकम् ।
गन्धपुष्पादिभिः पूज्य तिलैर्दर्भ परिस्तरैः ॥ १५ ॥

पालिकां विन्यसेत् तत्र हृन्मन्त्रेणैव देशिकः ।
अश्वत्थ पत्र दर्भास्तु पालिका पादके न्यसेत् ॥ १६ ॥

तिलमुद्गं च माषं च कुलत्थाप्यङ्गुमेव च ।
पयसा क्षालयित्वा तु वापयेद् दशबीजकैः ॥ १७ ॥

पायसान्नं ददेत् पश्चात् सोमबीजेन बुद्धिमान् ।
ताम्बूलं दापयेत् तत्र स्वनुगुप्ते निधापयेत् ॥ १८ ॥

अहन्यहनि सम्पूज्य प्रासादेनैव मन्त्रतः ।
पश्चाच्छुभाशुभं वीक्ष्य शुभं सङ्गृह्य बुद्धिमान् ॥ १९ ॥

अशुभानि भवेत् तत्र प्रायश्चित्तादि कारयेत् ॥ १९� ॥

इति सूक्ष्मशास्त्रे क्रियापादे महोत्सवे अङ्कुरार्पणं नाम दशमः पटलः ॥