०२

सुब्रह्मण्याय नमः । शिवाय नमः ॥

परमगुरुवे नमः ।

माघमासे तु कर्तव्यं घृतकम्बलमेव च ।
घृतकम्बलमित्युक्तं विष्णुप्रीतिकरं भवेत् ॥ १ ॥

संवत्सरादिपूजायां सर्व पूजाफलप्रदम् ।
दिनं प्रति विशेषेण पूजाहीनं तथैव च ॥ २ ॥

शिवरात्रिपूज्यात् तस्मिन् सर्वपूजाफलप्रदम् ।
फाल्गुने दधिसम्पूज्य धनपुत्रविवर्धनम् ॥ ३ ॥

दधि सम्पूजयेद् वह्नि पुरुहृत् प्रीतिरुच्यते ।
विषुवं प्रोक्तमेवं हि मध्याह्ने पूजयेत् तथा ॥ ४ ॥

चैत्रे दमनकं प्रोक्तम् ऋषिणां प्रीतिरुच्यते ।
वैशाखे त्रिफलं पूज्य विघ्नेशं प्रीतिरुच्यते ॥ ५ ॥

प्। २७)

ज्येष्ठमासे तु कर्तव्यमं क्षीराभिषेचनं तथा ।
क्षीराभिषेकमित्युक्तं वत्सगोवर्धनं भवेत् ॥ ६ ॥

सायाह्नपूजनं तस्मादयनेषु विधीयते ।
आषाढे भस्म सम्पूज्य रुद्रप्रीतिकरं भवेत् ॥ ७ ॥

शर्करा श्रवणे पूज्य चन्द्रमाप्रीतिरुच्यते ।
प्रोष्ठे अपूपैः सम्पूज्य स्कन्दप्रीतिकरं भवेत् ॥ ८ ॥

विषु सम्प्रोक्तमेवं हि अर्धयामे तु पूजयेत् ।
आश्विनि चान्नसम्पूज्य ब्रह्मणः प्रीतिरुच्यते ॥ ९ ॥

शिवशक्तिसमुत्पन्नं लोकस्योत्पत्तिकारणम् ।
ओषधिनां विपद्यर्थं बीजदानमिहोच्यते ॥ १० ॥

आत्मसृष्टिकरं प्रोक्तं सौख्यं लवणदापनम् ।
कन्यानां वस्त्रदानं स्यात् स्वर्णदानं तु कन्यकाम् ॥ ११ ॥

सुवर्णं लोकरक्षार्थं वस्त्रपुत्रविवर्धनम् ।
गौरियानं भवेत् तस्मात् सर्वप्राणिहितावहम् ॥ १२ ॥

कृत्तिकामासमेवोक्तं दीपपूजनमेव च ।
भूसुरे तु प्रसादं हि महाज्वालाधरं हरम् ॥ १३ ॥

लाजोपचारमेवोक्तं कृत्तिकादीपमेव च ।
घृतस्नानं भवेत् तस्मान्मार्ग मासे तु कथ्यते ॥ १४ ॥

घृतस्नानमिदं प्रोक्तं सर्वपापनिकृन्तनम् ।
डोलारोहणमेवोक्तं गौरीलीलाविधिक्रमम् ॥ १५ ॥

प्। २८)

शिवशक्तिसमोपेतं डोलारोहणमेव च ।
पुष्यमासादि पूजा या माघमासान्तमेव च ॥ १६ ॥

इति सूक्ष्मतन्त्रे नैमित्तिकाण्डे घृतकम्बक पूजाविधिपटलः ॥