मन्त्रद्रव्यहोमविधिपटलप्रारम्भः
अथ वक्ष्ये विशेषेण होमद्रव्यविधिक्रमम्
[[४१६]]
कूर्मासनन्तु धरणी अनन्तमुपवेदिका ॥ १ ॥
सिह्मासनं महावेदी शालियोगासनन्तथा
तण्डुलं पद्ममेवोक्तं तिलं वै विमलासनम् ॥ २ ॥
लाजं शक्त्यासनञ्चैव तदूर्ध्वे घटमर्चयेत्
शक्त्यादिशक्तिपर्यन्तं नित्यवत्पूजयेत्क्रमात् ॥ ३ ॥
गन्धपुष्पादिनापूज्य तद्वामे वर्द्धनीं यजेत्
अष्टविद्येश्वरान्स्थाप्य यथोक्तविधिना यजेत् ॥ ४ ॥
नवाग्निं वाथ पञ्चाग्निम् एकाग्निं वाथ कल्पयेत्
अग्न्याधानादिकं सर्वं पूर्वोक्तविधिमार्गतः ॥ ५ ॥
होमयेत्तत्तन्मार्गेण द्रव्याणि होमयेत्ततः
समिधस्सद्यमन्त्रेण त्रियम्बकेन मन्त्रतः ॥ ६ ॥
घृतं मिमिक्षमन्त्रेण आज्यं मूलेन होमयेत्
अघोरेण चरुं हुत्वा देवस्य त्वेति होमयेत् ॥ ७ ॥
लाजं तत्पुरुषेणैव एषामीशेतिमन्त्रतः
सक्तुं वामेतिमन्त्रेण आपो राजेति हूयते ॥ ८ ॥
क्षीरमीशानमन्त्रेण आप्यायस्वेतिमन्त्रतः
दधितत्पुरुषेणैव सोमो धेन्विति मन्त्रतः ॥ ९ ॥
गुलं वै घोरमन्त्रेण मानस्तोकेति हूयते
मधुञ्च वाममन्त्रेण मधुवाता ऋताय वै ॥ १० ॥
अपूवान्सद्यमन्त्रेण सर्वान्गायत्र्याहुनेत्
ईशानेन फलान्सर्वान् इदं विष्णुश्च मन्त्रतः ॥ ११ ॥
पाशुपतेन पत्राणि अप्सु मे सोमो अब्रवीदिति
दशाक्षरेण पुष्पाणि योपां पुष्पेण होमयेत् ॥ १२ ॥
गोधूमं पुरुषेणैव अग्न आयाहि मन्त्रतः
तिलञ्चाघोरमन्त्रेण शन्नोदेवीति हूयते ॥ १३ ॥
आढकं वाममन्त्रेण अग्निमीलेति हूयते
[[४१७]]
मुद्गं वै सद्यमन्त्रेण विश्वं भूतेन होमयेत् ॥ १४ ॥
ईशानेन तु निष्पावं कद्रुद्रायेति मन्त्रतः
सर्षपं हृदयेनैव यो रुद्रस्तदनन्तरम् ॥ १५ ॥
माषञ्च शिरसाहुत्वा एषते रुद्रमन्त्रतः
शिखया वेणुबीजञ्च नमो हिरण्यमन्त्रतः ॥ १६ ॥
चणकं कवचमन्त्रेण इषे त्वोर्जेति मन्त्रतः
नीवारं नेत्रमन्त्रेण सर्वो वै रुद्रमन्त्रतः ॥ १७ ॥
यवं वै अस्त्रमन्त्रेण जातवेदेति हूयते
मूलेनान्यानि सर्वाणि त्रियम्बकेन होमयेत् ॥ १८ ॥
घृतं मिमिक्षो घृतमित्यनेन त्रियम्बकेणैव समित्सलाजाः
चरुञ्च देवस्य सुजालजाला मेषाञ्च धत्ते जुहुयात्तिलञ्च ॥ १९ ॥
यो रुद्र इत्येवसुसर्षपञ्च मान्मान्मनिष्ये क्षतरुद्रभागः
आप्येतिनीवारमथोर्हसक्तुमाम्बोक्तसोमोऽप्यधिबिल्वपत्रम् ॥ २० ॥
अपूपजालामधुक्षीरमुद्गं वेणुञ्च बीजं मधुसोमराजम्
गायत्रिरूपञ्च इदं विष्णुमेव माया हि शन्नो जुहु इक्षुखण्डम् ॥ २१ ॥
इत्येवमन्त्रेण जुहुयाच्छताष्टौ द्रव्याणि सङ्ख्यादशान्तमेवम् ॥ २२ ॥
इति मन्त्रे द्रव्यहोमविधिपटलस्त्रिषष्टितमः