५५

श्रीईश्वरौवाच
अथवक्ष्येमहेशानिपवित्रारोपणम्महत्
यस्मिन्कृतेकृतंसर्वम्मन्यथाशून्यमुच्यते १
गतेसंवत्सरेयस्तुनकरोतिपवित्रकम्
एकीकृत्यफलन्तस्यनीयतेदुर्मनैर्वलात् २

पृ० ८०ब्) आषाढौत्तमोमासःश्रावणोमध्यमप्रिये
हीनोभाद्रपदोमासःपक्षेसितसितेतरे ३
प्रशस्तःशुक्लपक्षस्तुतदालाभेसितेतरः
चतुर्दश्यष्टमीपूर्णःमसीतिथिषुपूजयेत् ४
पट्टसूत्रंविशिष्टन्तुकार्पासजनितन्तथा
त्रिगुणन्त्रिगुणीकृत्यप्रक्षाल्यामलवारिणा ५
पश्चिमास्यैक्तमनुभिःदक्षिणैःशोषयेत्ततः
मन्त्रैरथपवित्राणिमनोरम्यानिकारयेत् ६
अष्टोत्तरशतंश्रेष्टन्तदर्धम्मध्यमम्प्रिये
तदर्धञ्चकनिष्टंस्यायथाशक्त्याथवाप्रिये ७
उत्तरास्योदितैर्मन्त्रैर्दशग्रन्थीस्तुकारयेत्
विचित्रयाचित्रयाचकुङ्कुमादिभिरद्रिजे ८
पवित्रदानदिवसात्पूर्वेद्युरधिवासिनी
सद्योधिवासनंवापिकुर्याच्चपरमेश्वरि ९
रात्रौसमयिभिःसार्धन्नित्यपूजादनन्तरम्
ऊर्द्धसिंहासनैर्मन्त्रैसूत्रपात्रन्तुवामतः १०
प्रार्थयित्वासुवर्माभ्याङ्कृत्वारक्षावगुण्ठनं
दन्तकाष्टन्तथागन्धभस्मचन्दनमृत्तिकाः ११
सिद्धार्थश्चतथाधात्रीफलञ्चकुलमष्टसु
पूर्वादिक्षुक्रमतःपवित्रंसूत्रभाजनम् १२

पृ० ८१अ) अश्वत्थपत्रपत्रीषुप्रछिपेत्सिद्धिहेतवे
कुमारःसोमस्वाहेशव्रह्मनागशिखीध्वजा १३
सूर्य्यःसदाशिवःसर्वःदेवतास्युर्नवासराः
सूत्रेषुपूजयेद्व्रह्मविष्ण्वींशाश्चत्रिसूत्रके १४
क्रियाचपौरुषीवीरगायत्रीचापराजिता
जयाचविजयादेवीमुक्तिदाचसदाशिवाः १५
मनोन्मनीचनवमीदशमीसर्वतोमुखी
ग्रन्थिस्थादेवताःसर्वाउपचारैःसमर्चयेत् १६
मूलमन्त्रेणचामन्त्र्यपवित्रेषुकलायजेत्
नित्याषोडशदेवेशिश्रीविद्याञ्चस्मरेत्प्रिये
अधिवासविधिःप्रोक्तःपश्चादाराधनम्भवेत् १८
नित्यार्चनानन्तरन्तुनैमित्तिकमिदम्भवेत्
समस्तेभ्यःपवित्राणिकन्यकाभ्यःसभोजनं १९
स्वगुरुम्पूजयेत्पश्चाद्वस्त्रालङ्कारगोधनैः
यथाशक्तिनमस्कृत्यदेवीरूपेणचिन्तयेत् २०
आरोपयेत्पवित्रन्तुवित्तशाठ्यविवर्जितः
गुरुःसम्पूज्यतेयत्रतत्कर्मसफलम्भवेत् २१
सर्वाभावेर्चयेदन्यङ्गुरुगोत्रंसमुद्भवम्
पूजयेत्स्वगुरुंयत्रतत्रयत्रैताःसफलाक्रियाः २२
नपूज्यतेनिष्फलास्तुभवन्तिपरमेश्वरि

पृ० ८१ब्) हुत्वापूर्णाहुतिम्पश्चादग्नौदद्यात्पवित्रकं २३
श्रीचक्रसाध्यसिद्धायैपूजयेत्तान्निवेदयेत्
पर्वैतन्नकरोत्येवतस्यपूजातुनिष्फला २४

इतिपवित्रार्पणविधिः