मूलम्
पूर्वमीमांसका वेदापौरुषेयैकदृष्टयः।प्रायो लौकायतं मार्गं संश्रिता इति कीर्तीताः॥
मूलम्
प्रायेणैव हि मीमांसा लोके लोकायतीकृता।तामास्तिकपथे कर्तृमयं यत्नः कृतो मया॥
मूलम्
इति वार्तिककारोऽपि प्राहारम्भे कुमारीलः।अथाप्यपयशस्तेषामद्यापि न हि शाम्यति॥
मूलम्
विग्रहो हविरादानं युगपत्कर्मसन्निधिः।प्रीतिः फलप्रदानं च देवतानां न विद्यते॥
टीका
स. सि.[3-68]
मूलम्
देवानचेतनानेवं ये विदुस्तान्महाशयान्।अर्धलोकायातानाहुरत एवेतरे बुधाः॥
मूलम्
सर्वेषामपि शब्दानामाहुः सर्वार्थशक्तताम्।सर्वेषां विदुरर्थानां अशेषपदशक्यताम्॥
टीका
श्लोक.[202]
मूलम्
सर्वासामपि जातीनां स्याद्यावद्व्यक्तिगामिता।व्यक्तीनामपि सर्वासां सर्वजात्यनुयोगिता॥
मूलम्
एष सार्वात्म्यसिद्धान्तो नैराम्यान्न विशिष्यते।सामान्यलक्षणे सैषा विश्रान्तिर्वा स्वलक्षणे॥
टीका
श्लोक.[331]
मूलम्
कर्मैकं बुद्धिरप्येका जगत्येकास्सितो गुणः।वर्णौप्येको गकारादिः सर्वैक्यं किं न रोचते॥
मूलम्
तदानीमपि दुर्मोचा भवेत्सौगतवागुरा।विशेषवादस्सामान्यवादो वा दृष्टिभेदतः॥