869 प्रमाणम्

एतदेव वचः प्रोचुः पूर्वे पूर्वेभ्य इत्यपि ।ब्रह्मणो श्रूयते चैवं तथैवोपनिषत्स्वपि ॥

तै. ब्रा.[3-12-9]

अवरेण नरेणैष प्रोक्तो ज्ञातुं न शक्यते ।अनन्यप्रोक्त एतस्मिन्गतिर्नास्त्यन्यतो यतः ॥

कठोप.[2-8]

नैव वाचा न मनसा प्राप्तुं शक्यो न चक्षुषा ।अस्तीति ब्रुवतोऽन्यत्र कथं तदुपलभ्यते ॥

कठोप.[6-12]

अस्तीत्येवोपलब्धव्यः तत्त्वभावेन चोभयोः ।अस्तीत्येवोपलब्धस्य तत्त्वभावः प्रसीदति ॥

एषा तर्केण न मतिरापनेयेति ताब्रवीत्।मृत्युः कठोपनिषदि शिष्याय नचिकेतसे॥

कठोप.[2-9]

इति शुश्रुम पूर्वेषां ये नस्तद्यव्याचचक्षिरे।इत्थं तलवकारीयैः श्रूयते चापि वाजिभिः॥

केनोप.[4]

चोदनालक्षणं धर्मं जैमिनिस्तदसूत्रयत्।ब्रह्मापि शास्त्रयोनीति ह्यब्रवीद्बादरायणः॥

ब्र. सू.[1-1-3]