849 द्विजाधिकारः

सर्वेषां तु द्विजातीनां तथैवाश्रमिणामपि।अधिकारं निदुर्धीराः सुरेश्वरमुखः परे॥

सिद्धान्तलेश.[3 प.]

श्रुतिस्थब्राह्मणपदमुपलक्षणमित्यपि।व्याख्याय चापशूद्राणामधिकारं विदुर्हि ते॥

ज्ञानमात्रे तु सर्वेषामधिकारोऽस्ति यद्यपिय़।संन्यासनिष्ठा विद्यैव मोक्षसाधनमिष्यते॥

यल्लिङ्गं गृहिणां विद्यासंप्रदायादिकर्तृता।न तत् स्थितन्यायबाधं कर्तृमुत्सहते क्वचित्॥

न हि शास्त्रशतेनापि क्वचिद्ध्वान्तप्रकाशयोः।संभवः शक्यते कर्तुं लिङ्गैः किमुत केवलैः॥

इति मुण्डकभाष्यस्थः श्रीशाङ्करविनिर्णयः।अत्र श्रिरामकृष्णार्यवाक्यमेतन्निशम्यताम्॥

वेदान्तपरिभा. व्या.[ ]

केचित्तु भिक्षवः स्वीयमाश्रमं केवलं पुनः।मोक्षाश्रममिति भ्रान्ताः ख्यातिपूजापारायणः॥

गृहस्थादिकृताष्टाङ्गप्रणमाद्यैश्च केवलम्।आत्मानमधिकंमन्याः तेषु प्रद्वेषमात्रतः॥

तेषां ब्रह्मविचाराधिकारो नास्तीति मन्वते।तथा वसिष्ठजनकरैक्काद्याख्यायिका अपि॥

प्रच्छादयन्तो दृश्यन्ते इत्युक्तिरवलोक्यते।