804 आर्हतम्

सम्यग्दर्शनचारित्रश्रद्धानं मोक्षसाधनम्।इत्यर्हदुक्तिसंक्षेपपरमागमसंग्रहः॥

स. सं.[3 द.]

यथाऽवस्थिततत्त्वानां संक्षेपाद्विस्तरेण वा।योऽवबोधस्तमत्राहुः सम्यज्ज्ञानं मनीषिणः॥

सर्वथाऽवद्ययोगानां त्यागश्चारित्रमुच्यते।कीर्तीतं तदहिंसादिव्रतभेदेन पञ्चधा॥

रुचिर्जिनोक्ततत्वेषु सम्यक्श्रद्धानमुच्यते।जीवात्मनस्तु सहजचिद्रूपपरिणामिनः॥

स्वरूपस्फुरणं सर्वेऽप्यजाड्यं प्रायशो विदुः।परिणामि भवेत् ज्योतिः पौरुषं विषयांस्पृशत्॥

रूपादिज्ञानरूपेण स चास्त्रव इतीर्यते।आस्त्रवस्य निरोधो यः संवरो गुप्तिलक्षणः॥

आस्त्रवस्त्रोतसो द्वारं संवृणोतीति संवरः।आस्त्रवो भवहेतुस्स्यात् संवरो मोक्षकारणम्॥

लुञ्छिताः पिञ्छिकाहस्ताः पाणिपात्रा दिगम्बरा।श्वेताम्बराः क्षमाशीलाः निस्सङ्गाः मोक्षभोजिनः॥

एवंरूपाः कायशोषनिरता जैनसाधवः।अद्यापि न निवर्तन्ते त्वलोकाकाशमागताः॥

ज्ञानं तपःप्रधानं स्यादेतेषां मोक्षसाधनम्।प्रायेण भौतिको बन्धः तपसैव हि शुद्ध्यति॥