मूलम्
चातुराश्रम्यसिद्धान्ते त्वैकाश्रम्यं समाश्रिताः।जैमिनीयास्ततस्सोऽयं बाधपक्ष इतीर्यते॥
टीका
गौ. ध.[3-36]
मूलम्
अधिकारानुरोधेन बादारायणयोगिनः।विकल्पमिच्छया प्राहुः पक्षो वैकल्पिकस्तु सः॥
टीका
ब्र. सू.[3-4-18]
मूलम्
समुच्चयं ह्याश्रमाणां मन्वाद्यास्स्मृतिकारिणः।प्राहुस्समुच्चयतेषां पक्ष इत्यवधार्यते॥
मूलम्
तद्वद्धर्मार्थकामादिपुरुषार्थचतुष्टये।अर्थो लौकायतः प्रोक्तः कामश्शाक्तस्त्वनन्तरः॥
मूलम्
जरन्मीमांसकाभीष्टः मोक्षस्सौगतसम्मतः।अधिकारानुरोधेन विकल्पं केचिदूचिरेय॥
मूलम्
समुच्चयस्स्वीकृतोऽस्ति स्पष्टं स्मृतिपुराणयोः।परित्यजेदर्थकामौ यौ स्यातां धर्मवर्जितौ॥
टीका
मनु.[4-176]
मूलम्
धर्मं चाप्यसुखोदर्कं लोकविक्रुष्टमेवच।असाधभ्योऽर्थमादाय साधुभ्यस्संप्रयच्छति॥
टीका
प. म.[6 भ.]
मूलम्
धर्माविरुद्धो भूतेषु कामोऽस्मि बरतर्षभ।इति मन्वादिवचनात्मकलितावर्थकामयोः॥
मूलम्
आद्यन्तयोः धर्ममोक्षाविति शास्त्ररहःस्थिति।अर्थशास्त्रे स्तेयशास्त्रे चार्थतत्त्वं प्रपञ्चितम्॥