717 सिद्धान्तरहस्यम्

अभिधाभावनामाहुरन्यामेव लिङ्गादयः।अर्थात्मा भावना त्वन्या सर्वाख्यातेषु दृश्यते॥

तन्त्र.[345]

प्रयत्नव्यतिरिक्तार्तभावना तु न शक्यते।वक्तुमाख्यातवाच्येति सिद्धान्तः राणकेरितः॥

न्यायसु.[579]

कार्यत्वान्तःप्रविष्टा या कृतिस्सैवहि भावना।स्वर्गादेर्भवितुर्भावयित्रि स्याद्भावकाश्रिता॥

तेन व्यापारसामान्यं पुंव्यापारनिबन्धनम्।इति सिद्ध्या स स्वभाववादो लौकायतो हतः॥

विधेर्लक्षणमेतावदाप्रववर्तनम्।अतिप्रसङ्गदोषेण नाज्ञातज्ञापनं विधिः॥

णिजर्थात्तु लिङर्थोऽसौ प्रेरणाऽस्ति विलक्षणा।ज्ञापकव्यापाक एष स तु कारकसंश्रितः॥

प्रवर्तनस्मृतिः प्राप्ते प्रैष इत्यभिधीयते।अप्राप्ते प्रेषमं सर्वं विधित्वं प्रतिपद्यते॥

विधिः प्रवर्तकत्वाख्यस्वरूस्योपपत्तये।स्वर्गं साध्यतया यागं साधनत्वेन बोधयेत्॥

अथापि शाब्दी शक्तिस्सा प्रधानमिति गम्यते।अतस्त्विष्टोपायतैषा धात्वर्थस्थेति सूरयः॥

वाक्यार्थाधिकृतावस्य विस्तरः श्लोकवार्तिके।शाब्दबोधकक्रमस्त्वेष खण्डदेवादिशोधितः॥