मूलम्
सामान्यविधिरस्पष्टस्संह्रियेत विशेषतः।स्पष्टस्य तु विशेषेण नोपसंहार इष्यते॥
मूलम्
शब्दोपात्तविशेषेऽर्थे संकोचश्चेदसौ नयः।शब्दोपत्तविशेषान्यविषये यदि विश्रमः॥
मूलम्
गोबलीवर्दनीतिस्स्यात् वैयर्थ्यविनिवृत्तये।तथैवोत्सर्गापवादः विरोधविनिवृत्तये॥
मूलम्
तद्धितेन चतुर्थ्या वा मन्त्रलिङ्गेन वा पुनः।देवतास्सङ्गतिस्तत्र दुर्बलं तु परंपरम्॥
मूलम्
इष्टा शीघ्रप्रवृत्तित्वाद्योगाद्रूढिर्बलीयसी।अश्वकर्णादिशब्देषु विपरीतं बलाबलम्॥
मूलम्
पदान्तरं प्रयुक्तं चेद्यौगिकार्थाविशेषकम्।रूढिशक्तेर्भजकं स्याद्यथा चाग्रसरोरुहम्॥
मूलम्
सर्वत्र यौगिकेश्शब्दैर्द्रव्यमेवाभिधीयते।न हि संबन्धवाचित्वं संभवत्यतिगौरवात्॥
मूलम्
सर्वाणयेव हि शास्त्राणि स्वप्रदेशान्तरैस्सह।एकवाक्यतया युक्तमुपदेशं प्रतन्वते॥
मूलम्
उपक्रमोपसंहारावभ्यासोऽपूर्वता फलम्।अर्थवादोपपत्ती च लिङ्गं तात्पर्यनिर्णये॥