मूलम्
परदेशप्रवृत्तस्य नरस्य कृतिकारकम्।अङ्गं स्याद्द्रव्यजात्यादिस्सिद्धोऽप्यङ्गं ततो भवेत्॥
मूलम्
इति कर्तव्यता तु तादृक्पुंकृतिसाध्यता।सा द्विधा संनिपत्यारादुपकारकभेदतः॥
मूलम्
विदियमानव्रीह्यादिद्रव्याद्युद्दिश्य या क्रिया।तत्संनिपत्योपकारकाङ्गं सर्वार्थमेव तत्॥
मूलम्
अथवाऽङ्गिस्वरूपस्य निष्पादकमितीर्यते।द्रव्याद्यनुद्दिश्य यत्स्यात्तदारादुपकारकम्॥
मूलम्
अदृष्टार्थं फलापूर्वोत्पत्तावेवोपयुज्यते।अथवोत्पत्त्यपूर्वीयशक्तिसंपादकं हि तत्॥