मूलम्
वादरूपैवैकधेति कथां तामार्हता विदुः। वीतरागकथा वाद इत्यतो विश्रुतो भुवि॥
मूलम्
विश्रुता वीतरागस्ते नाम्नाऽपि प्रायशो बुधाः। पराजयभयाद्वीतरागता यशसेऽपि वा॥
मूलम्
इति भेदानादरस्स्यादित्याहुर्वादकौतुकाः। नियोज्यः पर्यनूयोज्यः न कश्चित्कस्यतिद्भुवि॥
मूलम्
संभवैतिह्यचेष्टादिप्रमाणानां यथायथम्। अनुमानप्रभृतिषु ह्यन्तर्भावो बुधार्मतः॥
मूलम्
चेष्टा सामयिकी शब्दव्यवहारानुसारिणी। अस्येयं बोधिकेत्येवं भरताद्यागमे स्थिता॥
मूलम्
एवं लिप्यादिकमपि यथासंभवमर्हति। अन्तर्भावं ततस्तत्र न बिकल्पोऽस्ति वादिनानम्॥
मूलम्
इत्येवमनुमानस्य सारांशः परिकीर्तितः। बहुभिर्बहुधा प्राज्ञैः प्रायशो विस्तरः कृतः॥