592 संशयविचारः

भाट्टानां संशयोभीष्टः फलं सप्रतिसाधने॥

शास्त्र.[1-1-5]

गुरूणां तादृशो दोषः नेष्टः वस्तुविरोधतः। नहि वस्तु विकल्पेन न विरुद्धसमुच्चयः॥

एतेन वस्तुनो नानाकारता भाट्टसम्मता। सोऽन्कान्तो वाद इति गुरुभिस्त्वधरीकृतः॥

अतएवानित्यदोषं प्राहुर्नैयायिका अपि। रत्नकोशकृतोऽप्यत्र विदुस्संशयदेतुताम्॥

असाधरणदोषस्य शाक्यास्संशयदेतुताम्।वदन्ति तच्चानुमानं दूषितं च कुमारिलैः॥