मूलम्
तथैव शाबरे भाष्ये त्वौपवर्षं द्विधेरितम् । यथा प्रत्यक्षतोदृष्टसंबन्धं प्रथमं मतम् ॥
मूलम्
परं सामान्यतोदृष्टसंबन्धमिति कीर्तितम् । विशेषतोदृष्टमेव प्रत्यक्षत इतीर्यते॥
मूलम्
सामान्यतोदृष्टमेव स्याद्वैभाषिकसम्मतम्। परोक्षमानं सामान्यगोचरन्विति तन्मतम्॥
मूलम्
वैशेषिकादयस्तत्र त्वित्थं व्यवहारन्ति हि। दृष्टं चादृष्टमिति च शब्दमात्रप्रभेदतः॥
टीका
वै. सू.[3-2-7]