526 प्रयोगानुपपत्तिः

अनुमानप्रयोगोऽपि चादौ कर्तुं न शक्यते। मिथोविरुद्धाङ्गिकारप्रचुरौ वादिनाविह॥

स. सि.[4-58]

शब्दो द्रव्यं वेदविदां गुणो न्यायविदां मतः। पञ्चभूतगुणोऽन्येषां परेषां नाभसो गुणः॥

वृक्षादिशब्दाः स्फोटस्य निवर्त इति शाब्दिकाः। गुणद्रव्यविभागं च केचिन्नेच्छन्ति पण्डिताः॥

एवमेव हि सर्वं च वस्तु तैस्तैर्विकल्प्यते। कः पक्षः किंचवा साध्यं को हेतुः द्वयसम्मतः॥

सर्वत्रान्यतरसिद्धेरनुमानकथा वृथा। सामान्येन प्रयोगस्तु केवलं कण्ठशोषकृत्॥