मूलम्
अथ प्रमाणभेदानां विचारोऽत्र प्रवर्तते । प्रत्यक्षस्य च तत्रादौ विकल्पः प्रविभज्यते ॥
मूलम्
अक्षं प्रतिगतं यत्र सा धीः प्रत्यक्षमुच्यते । तां हि चक्षुः जनकतासंबन्धेनानुगच्छति ॥
टीका
न्या. म.[92]
मूलम्
विषयेऽपि प्रतिगतमक्षं तेनेत्थमुच्यते। प्रत्यक्षः पुरुषः योषा प्रत्यक्षेति बुधैरिह॥
मूलम्
इन्द्रिये संनिकर्षे वा तत्संबन्धात्प्रयुज्यते। न च युक्तोऽव्ययीभाव इत्याह न्यायमञ्जरी॥