मूलम्
प्रातिभासिकवस्तूनामेवमुत्पत्तिरुच्यते ।दुष्टेन्द्रियस्येदमर्थाकाराऽऽदौ वृत्तिरुद्भवेत् ॥
टीका
वेदान्तपरिभाषा.[ ]
मूलम्
तस्यां वृत्ताविदमवच्छिन्ना चित्प्रतिबिम्बते ।ततः प्रमात्रभिन्नेऽस्मिन्विषये शुक्तिकात्मनि ॥
मूलम्
याऽविद्या सा हि रजतसंस्कारसचिवा सती ।काचादिदोषसहिता रजतार्थात्मना तथा ॥
मूलम्
रजताभासात्मना च युगपत्परणामिनी ।अविद्यापरिणामोऽयं रजतं प्रातिभासिकम् ॥
मूलम्
चैतन्यापेक्षया तच्च विवर्त इति चोच्यते ।साक्षिण्यध्यस्तं च ततः वेद्यं केवलसाक्षिणः ॥
मूलम्
चिन्निष्टमप्यवच्छेदाद्भासते हीदमात्मना ।यथा ज्ञानमवच्छेदाच्छरीरे भासते तथा ॥
मूलम्
तथा स्वापन्दयोऽप्यर्थाः तत्तत्कालावसायिनः ।अनिर्वाच्या इति भ्रान्तिर्न हि निर्विषया क्वचित् ॥