मूलम्
अथच ब्राह्मणत्वादिजातिव्यवहृतौ मताः ।प्राचां ग्रन्थकृतां मार्गाः निशम्यन्तां समाहृताः ॥
मूलम्
अनादाविह संसारे दुर्वारे मकरध्वजे ।कुले च कामिनीमूले का जातिपरिकल्पना ॥
टीका
सेश्वर.[1-2-2]
मूलम्
यन्मे माता प्रलुलुभे विचरन्त्यपतिव्रता । तन्मे रेतः पिता वृङ्क्तामित्यप्यस्य निदर्शनम् ॥
टीका
मनु.[9-20]
मूलम्
अब्राह्मणो ब्राह्मणस्स्यात्प्रवरस्यानुमन्त्रणस्यात् ।इति श्रुत्यर्थजिज्ञासा शाबरादिषु विस्तृता ॥
टीका
जै. सू.[1-2-2]
मूलम्
न संस्थानं नापि धातुः न भयाद्यं न चौषधम् ।न वृत्तिः चापि चाचारः किन्तु सङ्केत एव सः ॥
मूलम्
इत्यादीनि च वाक्यानि जातिविप्लववादिनाम् ।विश्रुतान्येव सर्वत्र विज्ञेयौऽन्यत्र विस्तरः ॥