मूलम्
प्रळयेऽपि प्रमाणं तु सर्वोच्छेदात्मके नहि। स च युक्तो यथेदानीं भूतानां दृश्यते क्रमात्॥
टीका
श्लोक.[657]
मूलम्
तस्मादद्यवदेवात्र सर्गप्रळयकल्पना। समस्तक्षयजन्मभ्यां न सिद्ध्यत्यप्रमाणिका॥
मूलम्
कर्मान्तरनिरुद्धं हि फलं न स्यात्क्रियान्तरात्। सर्वेषां तु फलापेतं न स्थानमुपपद्यते॥
मूलम्
ईश्वरेच्छा यदीष्येत सैव स्याल्लोककारणम्। ईश्वरेच्छावशित्वे हि निष्फला कर्मकल्पना॥
मूलम्
न चानिमित्तया युक्तमुत्पत्तुं हीश्वरेच्छया। यत्तु तस्या निमित्तं स्यात्तद्भूतानां भविष्यति॥
मूलम्
सान्निवेशादिमतत्सर्वं बुद्धिमद्धेतु यद्यपि। प्रसिद्धेः,सन्निवेशादेरेककारणता कुतः॥
मूलम्
सर्गप्रळयविज्ञानं समस्तजगदाश्रयम्। स्वशरीरविदां पुंसां नाधिक्येनोपयुज्यते॥
मूलम्
देहानित्यत्वधीमात्रात् स्वर्गमोक्षार्थगोचरा। प्रवृत्तिस्सिद्ध्यति यतः व्यर्था सर्गादिधीस्ततः॥