250 सिद्धान्तः

एवंच नित्यशास्त्रोत्थसंप्रदायानुसारतः। भेदधीः प्रबला नान्येत्याहुस्शास्त्रैकलोचनाः॥

यथा चन्द्रे यथा सूर्ये परिमाणाल्पविभ्रमः। दिङ्मोहादिभ्रमश्चैव तलमालिन्यविभ्रमः॥

एवंलक्षणकस्सर्वस्शास्त्रेणैव निवार्यते। तथा शास्त्रानुग्रहेण बलाबलविनिर्णयः॥

ततः स्वतो वा युक्त्या वा योगदर्शनतोऽपिवा। आत्मनः सिद्धिरित्याहुः इति देहात्मसंग्रहः॥