मूलम्
अथ सांख्यास्त्विन्द्रियाणि विभून्येकादशेति च । प्राहुराहंकारिकाणि वृत्त्या च व्याप्नुवन्त्यपि ॥
मूलम्
ज्ञानकर्मात्मकं चेदं मनोऽन्तःकरणं मतम् । अहंकारश्च बुद्धिश्चाप्यन्तः करणमिष्यते ॥
मूलम्
तथाच त्रिविधा तेषामन्तःकरणकल्पना । आनुमानिकतैतेषां प्रधानादिवदेव हि ॥
मूलम्
सात्त्विकाहंकार एषामुपादानमिति स्थितिः । अहंकारविशेषाः स्युरिन्द्रियाणीति केचन ॥
मूलम्
हैरण्यगर्भा इति हि प्राह सर्वार्थसिद्धिकृत् । कर्मेन्द्रियं राजसं स्यादिति केचन तान्त्रिकाः ॥
मूलम्
प्रतिदेहं जनिध्वंसौ स्यातामस्येति केचन ।