मूलम्
यः पञ्चेन्द्रियसिद्धान्तः तत्रापि श्रोत्रचक्षुषी ॥
मूलम्
अप्राप्यकारिणी स्यातामिति सौगतनिर्णयः । आभिमुख्यं च संबन्धोऽयस्कान्तादिवदिष्यते ॥
मूलम्
अनवस्थाऽतिप्रसङ्गौ संबन्धस्य ग्रहेऽग्रहे । प्राप्तेश्च कल्पनाऽन्येषामेषां त्वनुपलब्धितः ॥
मूलम्
प्राप्त्यभावस्सिद्ध एव स्वभावान्नियमः स्थितः । सान्तरं ग्रहणं न स्यात्प्राप्तौ दूरादिदर्शनात् ॥
टीका
न्या. र.[146]
मूलम्
महीमहीधरादीनां महतां चाग्रहो भवेत् । कणभक्षोऽक्षपादाश्च जैमिनिः कपिलस्तथा ॥
मूलम्
सर्वेन्द्रियाणामेते स्युः प्राप्यकारित्ववादिनः । चक्षुश्श्रोत्रेतरेषां तु केचित्ताथागतास्तथा ॥
मूलम्
तत्रापि चक्षुर्भिन्नानां तेषां स्याद्वादिनस्तथा ।