152 औपनिषदम्

पृथिव्या एव भेदोऽयं तमस्स्यादितिकेचन। प्रकृतेरेव भेदस्स्यादिति वेदान्तिनो विदुः॥

स. सि.[1-60]

आलोकेनोत्सारितत्वात् विनष्टत्वादथापिवा। अभिभूतत्वतो वाऽपि तन्मध्ये नोपलभ्यते॥

विषयाच्छादकत्वं तु तमसो नहि युक्तिमत्। तमोव्यवहितालोकस्थितनानार्थदर्शनात्॥

अतो मर्त्यादिदृष्टीनां दृश्यसंबन्धमात्रतः। दर्शनप्रतिघातित्वं स्वभावात्तमसि स्थितम्॥

वायू रूपेण रहितः स्पर्शेन सहितो यथा। तथा रूपेण सहितं स्पर्शेन रहितं तमः॥