मूलम्
निर्विशेषविदां मानं मेयं स्याद्व्यावहारिकम् । व्यवहारानुरोधेन यथावदुपगम्यते ॥
मूलम्
यद्यत्र न्यायसिद्धान्तानुरोधे सोऽवकल्पते । तदिष्यतेऽथवा सांख्यानुरोधे सोऽपि चेष्यते ॥
मूलम्
यद्वा भाट्टादिसिद्धान्तस्वीकारस्स्वरसो भवेत् । व्यवहारस्तदा भाट्टनयोऽपि परिगृह्यते ॥
मूलम्
तस्मादद्वैतसिद्धान्ते यःकश्चिदपि वा भवेत् । व्यवहारव्यवस्थायै न विशेषोऽत्र वस्तुतः ॥
मूलम्
तथापि विदुषां प्रायो ह्यभ्यासो वैदिके नये । व्यवहारे भाट्टसांख्यसङ्ग्रहो वासनावशात् ॥