69 अभेदैकान्तः

आश्रयाश्रयिभावेन व्यवहारो विवक्षया । यथेह कानने सन्ति तिलका इति लौकिकः ॥

तदभेदैकान्तवादः सांख्यानामिति निर्णयः । पातञ्जलाः पुनर्भेदाभेदवादावलम्बिनः ॥

त. कौ.[9 का.]

भिन्नाभिन्नत्वमेकस्य कुतोऽत्र परिकल्पितम् । द्वयं साङ्ख्यमतेनैव मुक्त्वा बुद्धस्य शासनम् ॥

श्लोक.[302]

इति वार्तिककारोक्त्या भेदाभेदविदोऽपि च । साङ्ख्यास्सन्तीति विदुषामेवमभ्यूहितुं क्षमम् ॥

तस्माद्गुणः क्रिया जातिर्न द्रव्यादतिरिच्यते ।