36 सम्प्रदायः

प्रकृतिं तद्विकारान्वा देहान्तान् ये तु मन्वते । आत्मानमिति ते ख्याताः तौष्टिका इति कापिलैः ॥

सा. का.[17]

पञ्चेन्द्रियविरक्तास्ते प्रकृत्यादौ लयं गताः । भवामेति च तानेव त्वात्मेत्येवमुपासते ॥

तत्त्वाभ्यासान्नास्मि न मे किञ्चिदित्येव केवलम् । ज्ञानमुत्पद्यते पश्चात् स्वयं सह विनश्यति ॥

विज्ञानघन एवैभ्यो भूतेभ्यश्च समुत्थितः । तानेवानुविनश्येदित्येव ब्राह्मणदर्शनम् ॥

बृ. उ.[6-5]

येयं प्रेत इति श्रौते वचनं नायमित्यपि । अनादिर्विचिकित्सेति सिद्धान्तः गीष्पतेरसौ ॥

विवृतं बहुधा सत्त्वं चैतन्यं नास्ति किञ्चन । इति श्रुतिः वाक्यपदव्याख्यायां समुदाहृता ॥

वा. प.[1-8]